Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Bonneagar chalafoirt: slándáil chalafoirt a fheabhsú

ACHOIMRE AR:

Treoir 2005/65/CE maidir le slándáil chalafoirt a fheabhsú

CAD IS AIDHM LEIS AN TREOIR?

  • Is í príomhaidhm na Treorach bearta a thabhairt isteach chun slándáil i gcalafoirt an Aontais Eorpaigh (AE) a fheabhsú i bhfianaise bagairtí teagmhas slándála. Chun é sin a bhaint amach, tá sé mar aidhm ag an Treoir creat AE a bhunú chun leibhéal slándála ard agus inchomparáide a ráthú i ngach calafort AE. Is éard a bheidh sa chreat sin bunrialacha comhchoiteanna maidir le bearta slándála calafoirt, sásra cur chun feidhme do na rialacha sin, agus sásraí iomchuí a bhaineann le faireachánar chomhlíonadh.
  • Comhlánaítear leis an Treoir seo Rialachán (CE) Uimh. 725/2004 maidir le slándáil long agus saoráidí calafort agus na bearta a leag an Coimisiún amach i mBealtaine 2003 (COM (2003) 229 críochnaitheach). Le chéile, soláthraíonn siad sin an creat riachtanach chun an slabhra iomlán lóistíochta iompair mhuirí a chosaint (ón long go dtí an calafort, an comhéadan idir an long agus an calafort agus limistéar iomlán an chalafoirt) i gcoinne an riosca d’ionsaithe neamhdhleathacha ar chríoch an Aontais.

PRÍOMHPHOINTÍ

Raon feidhme

Baineann an Treoir le daoine, bonneagar agus trealamh (lena n-áirítear modhanna iompair) i gcalafoirt agus i limistéir atá in aice leo.

Údarás slándála calafoirt agus pleananna slándála

  • Ní mór do thíortha AE údarás slándála calafoirt a ainmniú do gach calafort. Féadfar údarás slándála calafoirt a ainmniú do níos mó ná calafort amháin. Tá an t-údarás seo freagrach as na bearta slándála calafoirt is gá a shainaithint agus a ghlacadh de réir measúnuithe agus pleananna slándála calafoirt.
  • Ní mór do thíortha AE a chinntiú go ndéantar pleananna slándála calafoirt a fhorbairt, a chothabháil agus a nuashonrú, le cur síos mionsonraithe ar na bearta arna nglacadh chun slándáil chalafoirt a fheabhsú (amhail na coinníollacha rochtana ar chalafoirt nó na bearta is infheidhme maidir le bagáiste agus le lasta). Ní mór do thíortha AE faireachán a dhéanamh ar phleananna slándála agus ar a gcur chun feidhme, agus pionóis a shonrú mar gheall ar neamhchomhréireacht.

Leibhéil slándála

  • Leagtar amach leibhéil éagsúla slándála de réir an baol a mheastar (gnáthbhagairt, bagairt mhéadaithe nó bagairt láithreach), eadhon:
    • leibhéal slándála 1: an leibhéal nach mór na bearta slándála cosanta íosta a choinneáil ina leith i gcónaí;
    • leibhéil slándála 2: an leibhéal nach mór bearta slándála cosanta breise iomchuí a choinneáil ina leith ar feadh tréimhse ama mar thoradh ar riosca méadaithe go dtarlódh teagmhas slándála;
    • leibhéil slándála 3: an leibhéal nach mór bearta slándála cosanta breise a choinneáil ina leith ar feadh tréimhse teoranta ama nuair is dócha go dtarlóidh teagmhas slándála, cé go bhféadfadh nárbh fhéidir an sprioc shonrach a shainaithint.
  • Ní mór do thíortha AE an leibhéal slándála atá i bhfeidhm do gach calafort agus aon athruithe ar an leibhéal slándála a chur in iúl.

Oifigeach slándála calafoirt

Ní mór do thíortha AE oifigeach slándála calafoirt a ainmniú do gach calafort.

Más féidir, ba chóir go mbeadh oifigeach slándála calafoirt difriúil ag gach calafort. Mar sin féin, más gá, féadfaidh líon calafort oifigeach slándála a chomhroinnt.

Feidhmíonn na hoifigigh sin mar phointe teagmhála le haghaidh saincheisteanna a bhaineann le saincheisteanna slándála calafoirt agus ba cheart go mbeadh dóthain údaráis agus eolais áitiúil acu chun bunú, nuashonrú agus gníomhaíocht leantach measúnuithe slándála calafoirt agus pleananna slándála calafoirt a chinntiú agus a chomhordú go leordhóthanach.

Athbhreithnithe

Ní mór do thíortha AE a chinntiú go ndéantar athbhreithniú ar mheasúnuithe slándála calafoirt agus ar phleananna slándála calafoirt gach uair a tharlaíonn athruithe a bhaineann le slándáil, agus gach 5 bliana ar a laghad.

CÉN UAIR ATÁ TOSACH FEIDHME NA TREORACH?

Tá feidhm léi ón agus b’éigean dlí a dhéanamh di i dtíortha AE faoin .

CÚLRA

Tar éis ráig COVID-19 agus bearta a thabhairt isteach chun déileáil le tionchar na géarchéime, ghlac an Coimisiún Eorpach:

Teachtaireacht ón gCoimisiún —Treoirlínte maidir le socruithe sláinte, aisdúichithe agus taistil a chosaint do mharaithe, do phaisinéirí agus do dhaoine eile ar bord long.

PRÍOMHDHOICIMÉAD

Treoir 2005/65/CE ó Pharlaimint na hEorpa agus ón gComhairle an maidir le slándáil chalafoirt a fheabhsú (IO L 310, , lgh. 28-39)

Rinneadh leasuithe comhleanúnacha ar Threoir 2005/65/(CE) a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

nuashonrú is deireanaí

Top