English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Foghlaim ar feadh an tsaoil – cáilíochtaí Eorpacha
ACHOIMRE AR:
Moladh – An Creat Eorpach um Cháilíochtaí don Fhoghlaim ar feadh an tSaoil
CAD IS AIDHM LEIS AN MOLADH?
- Agus an creat comhchoiteann tagartha le haghaidh córais cáilíochtaí náisiúnta – An Creat Eorpach um Cháilíochtaí (EQF) don fhoghlaim ar feadh an tsaoil1 á leasú – is é is aidhm leis an moladh feabhas a chur ar thrédhearcacht, inchomparáideacht agus iniomparthacht cáilíochtaí daoine san Eoraip.
- Is é an aidhm níos leithne cur le córais oideachais agus oiliúna a nuachóiriú agus infhostaitheacht, soghluaisteacht agus comhtháthú oibrithe agus foghlaimeoirí a mhéadú.
PRÍOMHPHOINTÍ
Le leasú an EQF áirithítear go gcumhdaítear gach cineál agus gach leibhéal cáilíochtaí, lena n–áirítear cáilíochtaí ón ardoideachas, ón ngairmoideachas2 agus ón ngairmoiliúint agus ón oideachas ginearálta, chomh maith le cáilíochtaí a bhronnann an earnáil phríobháideach agus eagraíochtaí earnálacha idirnáisiúnta.
Moltaí do thíortha AE
- úsáid a bhaint as an EQF mar thagairt dá gcáilíochtaí náisiúnta – is é sin trí thagairt a dhéanamh do leibhéil an EQF atá leagtha amach in Iarscríbhinn II, do na critéir atá leagtha amach in Iarscríbhinn III agus do na comhphrionsabail le haghaidh dearbhú cáilíochta atá leagtha amach in Iarscríbhinn IV – agus chun iad a chur i gcomparáid le cáilíochtaí náisiúnta thíortha eile AE;
- nuair is cuí, naisc idir córais chreidiúna agus creataí3 nó córais náisiúnta cáilíochtaí a chur chun cinn agus na comhphrionsabail maidir leis na córais chreidiúna atá leagtha amach in Iarscríbhinn V á gcur san áireamh;
- tagairt dá gcáilíochtaí náisiúnta a athbhreithniú agus a nuashonrú, nuair is ábhartha, de réir an EQF leasaithe.
- trédhearcacht an phróisis tagartha agus faisnéis dhóthanach faoi a áirithiú, ag baint úsáid as na réimsí sonraí de réir Iarscríbhinn VI;
- úsáid ag na páirtithe leasmhara as an EQF a spreagadh (comhpháirtithe sóisialta, seirbhísí fostaíochta poiblí, soláthraithe oideachais, comhlachtaí um dhearbhú cáilíochta, údaráis phoiblí);
- leanúint agus comhordú cúraimí arna gcur chun feidhme ag Pointí Náisiúnta Comhordúcháin EQF4 a áirithiú (EQF NCP).
Moltaí don Choimisiún Eorpach:
- comhordú a dhéanamh le tíortha AE agus le heagraíochtaí eile atá bainteach le Grúpa Comhairleach an EQF5 chun:
- tacú le cur chun feidhme comhsheasmhach an EQF ar fud AE, is é sin trí mhodheolaíochtaí comhchoiteanna a fhorbairt le haghaidh cothromú cáilíochtaí agus trí fhaisnéis agus dea-chleachtas a chomhroinnt idir tíortha AE;
- treoir chun an EQF a chur in iúl a fhorbairt; agus
- iniúchadh a dhéanamh ar na critéir agus na nósanna imeachta féideartha chun córais cáilíochtaí náisiúnta agus réigiúnacha thíortha neamh-AE a chur i gcomparáid leis an EQF;
- maoiniú cuí AE chun an moladh a chur chun feidhme agus rialachas éifeachtach an EQF le Grúpa Comhairleach an EQF a áirithiú;
- i gcomhar le tíortha AE agus páirtithe leasmhara, measúnú agus meastóireacht a dhéanamh ar ghníomhaíocht a rinneadh mar fhreagairt ar an moladh seo agus tuairisc a thabhairt don Chomhairle faoi 2022. B’fhearr — más gá — athbhreithniú agus leasú a dhéanamh ar an moladh seo chomh maith.
CÚLRA
- Cruthaíodh an EQF i dtosach le Moladh 2008 ó Pharlaimint na hEorpa agus ón gComhairle, mar chreat comhchoiteann tagartha ina bhfuil 8 leibhéal chineálacha Eorpacha um fhoghlaim a úsáidtear mar “ghreille aistriúcháin” idir na córais cáilíochta náisiúnta.
- Chun tuilleadh faisnéise a fháil, féach:
- Deiseanna foghlama agus cáilíochtaí san Eoraip (An Coimisiún Eorpach).
PRÍOMHTHÉARMAÍ
- Foghlaim ar feadh an tsaoil: gach gníomhaíocht foghlama a bhfuil cuspóir léi, a dhéantar ag céim ar bith de shaol duine, chun feabhas a chur ar eolas, scileanna agus inniúlacht.
- Gairmoideachas: oideachas lena n–ullmhaítear daoine le dul i mbun oibre i ngairmeacha nó in earnálacha socraithe. Féadfar é a dhéanamh ar leibhéil éagsúla, ón meánoideachas go dtí an t–ardoideachas.
- Córais chreidiúna: uirlis trédhearcachta chun aithint creidiúna (creidiúintí) a éascú i.e. go ndearna údarás inniúil cuid de cháilíocht ina bhfuil sraith chomhleanúnach torthaí foghlama a mheasúnú agus a bhailíochtú, i gcomhréir le caighdeán comhaontaithe.
- Pointí Náisiúnta Comhordúcháin EQF: is iad a bpríomhchúraimí tacaíocht a thabhairt d’údaráis náisiúnta maidir le creataí nó córais cáilíochtaí náisiúnta a thagairt don EQF agus an EQF a thabhairt níos gaire do dhaoine aonair agus d’eagraíochtaí.
- Grúpa Comhairleach an EQF: comhdhéanta d’ionadaithe thíortha AE agus tíortha rannpháirteacha eile, de cheardchumainn, de ghrúpálacha fostóirí agus de pháirtithe eile, de réir mar is cuí; is é a ról comhtháthú foriomlán a áirithiú agus trédhearcacht agus muinín a chur chun cinn sa phróiseas maidir le creataí agus córais cáilíochtaí náisiúnta a thagairt don EQF.
PRÍOMHDHOICIMÉAD
Moladh ón gComhairle an maidir leis an gCreat Eorpach um Cháilíochtaí don fhoghlaim ar feadh an tsaoil agus lena n–aisghairtear moladh ó Pharlaimint na hEorpa agus ón gComhairle an maidir le bunú an Chreata Eorpaigh um Cháilíochtaí don fhoghlaim ar feadh an tsaoil (IO C 189, , lgh. 15-28)
nuashonrú is deireanaí