Comhaontuithe idirinstitiúideacha

 

ACHOIMRE AR:

Airteagal 295 den Chonradh ar Fheidhmiú an Aontais Eorpaigh

CAD A DEIRTEAR I GCONARTHAÍ AE MAIDIR LE COMHAONTUITHE IDIRINSTITIÚIDEACHA?

• Tá foráil i gconarthaí bunaidh an Aontais Eorpaigh (AE) i leith comhaontuithe idirinstitiúideacha a chur i gcrích idir institiúidí AE.
• Rialaíonn comhaontuithe idirinstitiúideacha gnéithe áirithe comhairliúcháin agus comhair idir institiúidí AE agus is toradh iad ar chomhdhearcadh eatarthu — i.e. is ionann iad agus cineál comhrialacha nós imeachta.

PRÍOMHPHOINTÍ

• Féachtar le comhaontuithe idirinstitiúideacha le comhar a eagrú agus a éascú idir na hinstitiúidí AE, go sonrach an Coimisiún Eorpach, Parlaimint na hEorpa agus Comhairle an Aontais Eorpaigh.
• Tá an cineál seo comhaontaithe ann mar thoradh ar chleachtas institiúideach a cumhdaíodh i gconarthaí bunaidh AE le teacht chun feidhme Chonradh Liospóin. Le hAirteagal 295 den Chonradh ar Fheidhmiú an Aontais Eorpaigh aithnítear comhaontuithe idirinstitiúideacha a bheith ann agus sonraítear gur féidir leo a bheith ceangailteach freisin. Sa chás seo, braitheann cineál ceangailteach an chomhaontaithe ar mhianta údair an ghnímh.
• Fairis sin, féadfaidh comhaontuithe idirinstitiúideacha a bheith, mar shampla, i bhfoirm cóid iompair, treoirlínte nó dearbhuithe.

Áirítear le samplaí de chomhaontuithe idirinstitiúideacha:

• Comhaontú idirinstitiúideach idir Parlaimint na hEorpa agus an Chomhairle maidir le faisnéis rúnaicmithe atá i seilbh na Comhairle;
• Comhaontú idirinstitiúideach maidir le smacht, comhoibriú agus bainistíochtbhuiséadach;
• Comhaontú idirinstitiúideach maidir le Rialáil Níos Fearr.

Tá comhaontuithe idirinstitiúideacha ann freisin nach bhfuil bunaithe ar Airteagal 295. Mar shampla, tá comhaontú idirinstitiúideach idir Parlaimint na hEorpa agus an Banc Ceannais Eorpach (BCE) maidir le cuntasacht agus trédhearcacht i dtaca le maoirseacht baincéireachta na hEorpa.

Scríobhadh tabhairt chun críche an chomhaontaithe seo isteach go sonrach in Airteagal 20(8) de Rialachán (AE) Uimh. 1024/2013 maidir le cúraimí BCE i dtaca le maoirseacht stuama ar institiúidí creidmheasa.

PRÍOMHDHOICIMÉAD

Airteagal 295 den Chonradh ar Fheidhmiú an Aontais Eorpaigh (IO C 202, 7.6.2016, lch. 175)

Nuashonraithe 16.08.2016