This document is an excerpt from the EUR-Lex website
Creat-Chomhaontú AE-Vítneam maidir le Comhpháirtíocht Chuimsitheach agus Comhar
ACHOIMRE AR:
CAD IS AIDHM LEIS AN GCOMHAONTÚ AGUS LEIS NA CINNTÍ?
Baineann Cinneadh 2012/279/AE le síniú an chreat-chomhaontaithe thar ceann an Aontais Eorpaigh (AE).
Tugtar an comhaontú thar ceann an Aontais Eorpaigh i gcrích le Cinneadh (AE) 2016/2117.
I measc aidhmeanna an chreat-chomhaontaithe tá:
- comhar a bhunú go déthaobhach agus i ngach fóram agus eagraíocht réigiúnach agus idirnáisiúnta ábhartha;
- trádáil agus infheistíocht a fhorbairt idir na páirtithe;
- comhar a bhunú i ngach réimse leasa choitinn a bhaineann le trádáil agus infheistíocht, ar bhealach comhsheasmhach agus comhlántach i ndáil le tionscnaimh réigiúnacha AE-Chomhlachas Náisiúin na hÁise Thoir Theas atá ar siúl agus a bheidh ann amach anseo;
- comhar a bhunú i réimse an cheartais agus na slándála;
- feabhas a chur ar rannpháirtíocht an dá pháirtí atá ann cheana agus rannpháirtíocht nua an dá pháirtí a spreagadh laistigh de chláir um chomhar foréigiúnach agus réigiúnach atá oscailte do rannpháirtíocht an pháirtí eile;
- róil agus próifílí na bpáirtithe i réigiúin a chéile a ardú.
PRÍOMHPHOINTÍ
Tá an comhaontú roinnte i dteidil a chlúdaíonn réimsí éagsúla comhair.
- Comhar um fhorbairt, le béim ar spriocanna forbartha na mílaoise agus i bhfoirm:
- cúnamh teicniúil i gcláir agus i dtionscadail a comhaontaíodh go frithpháirteach;
- fothú acmhainní, amhail trí chúrsaí oiliúna, ceardlanna agus seimineáir, agus taighde comhpháirteach;
- maoiniú;
- malartú dea-chleachtais maidir le héifeachtacht cabhrach.
- An tsíocháin agus an tslándáil, agus béim ar leith á leagan ar an gcomhrac:
- leathadh agus seachadadh arm ollscriosta;
- an trádáil aindleathach in airm bheaga agus éadroma;
- sceimhlitheoireacht.
- Saincheisteanna trádála agus infheistíochta lena n-áirítear:
- forbairt trádála agus bacainní teicniúla ar thrádáil;
- cearta maoine intleachtúla a chosaint;
- beartas iomaíochta.
- Ceartas, ag díriú ar roinnt saincheisteanna lena n-áirítear:
- an choireacht eagraithe a chomhrac;
- sciúradh airgid agus maoiniú sceimhlitheoireachta a chomhrac;
- drugaí aindleathacha.
- Forbairt shocheacnamaíoch, le comhar maidir le saincheisteanna amhail:
- imirce;
- cearta an duine;
- an tsláinte,
- an comhshaol, an t-athrú aeráide agus acmhainní nádúrtha.
Déanann comhchoiste, le hionadaithe ón dá pháirtí, maoirseacht ar chur i bhfeidhm an chomhaontaithe agus ar chomhlíonadh a chuspóirí.
DÁTA TEACHT I BHFEIDHM
Tháinig an comhaontú i bhfeidhm ar .
CÚLRA
Le haghaidh tuilleadh faisnéise, féach:
- An tAontas Eorpach agus Vítneam (an tSeirbhís Eorpach Gníomhaíochta Seachtraí)
- Toscaireacht an Aontais Eorpaigh chuig Vítneam (an tSeirbhís Eorpach Gníomhaíochta Seachtraí)
PRÍOMHDHOICIMÉID
Creat-Chomhaontú maidir le Comhpháirtíocht Chuimsitheach agus Comhar idir an tAontas Eorpach agus a Bhallstáit, de pháirt amháin, agus Poblacht Shóisialach Vítneam, den pháirt eile (IO L 329, lgh. 8–42).
Rinneadh leasuithe comhleanúnacha ar an gCreat-Chomhaontú a ionchorprú sa bhuntéacs. Níl ach luach doiciméadach ag an leagan comhdhlúite.
Cinneadh (AE) 2016/2117 ón gComhairle an maidir le tabhairt i gcrích, thar ceann an Aontais, an Chreat-Chomhaontaithe maidir le Comhpháirtíocht Chuimsitheach agus Comhar idir an tAontas Eorpach agus a Bhallstáit, de pháirt amháin, agus Poblacht Shóisialach Vítneam, den pháirt eile (IO L 329, lgh. 6–7).
Cinneadh 2012/279/AE ón gComhairle an maidir le síniú, thar ceann an Aontais, an Chreat-Chomhaontaithe maidir le Comhpháirtíocht Chuimsitheach agus Comhar idir an tAontas Eorpach agus a Bhallstáit, de pháirt amháin, agus Poblacht Shóisialach Vítneam, den pháirt eile (OJ L 137, , lgh. 1–2).
nuashonrú is deireanaí