Ceanglais éicidhearthóireachta agus lipéadú fuinnimh — cuisneoirí tí

PRÍOMHPHOINTÍ

I Rialachán (AE) 2019/2019 ón gCoimisiún:

• leagtar amach in Iarscríbhinn II na dátaí ar a dtiocfaidh na ceanglais éicidhearthóireachta i bhfeidhm — 1 Márta 2021 i dtús báire agus bearta níos doichte ón 1 Márta 2024. Cumhdaítear iontu sin
  • éifeachtúlacht fuinnimh
  • gnéithe feidhmiúla
  • éifeachtúlacht acmhainní
  • faisnéis le haghaidh suiteálaithe agus úsáideoirí deiridh;
• leagtar amach na nós imeachta um measúnú comhréireachta, agus in Iarscríbhinn III na modhanna agus na ríomhanna tomhais ná mór cloí leo.

Ní mór do na húdaráis náisiúnta na nósanna imeachta fíorúcháin atá leagtha síos in Iarscríbhinn IV a chur i bhfeidhm agus seiceálacha faireachais margaidh á ndéanamh.

Ní chóir do mhonaróirí, allmhaireoirí nó a n–ionadaithe údaraithe táirgí a thairiscint lena ndíol atá ábalta brath agus iad á dtástáil agus a bhfeidhmíocht a athrú dá réir sin.

Leagtar amach in Iarscríbhinn V tagarmharcanna táscacha bunaithe ar na táirgí agus ar na teicneolaíochtaí is fearr a fheidhmíonn atá ar fáil le haghaidh fearais chuisniúcháin i gcomhthéacs a n–innéacs éifeachtúlachta fuinnimh agus astaíochtaí torainn.

Aisghairtear leis an rialachán Rialachán (CE) Uimh. 643/2009 ón 1 Márta 2021.

Leagtar amach le Rialachán Tarmligthe (AE) 2019/2016 oibleagáidí maidir leis an méid seo a leanas:

• soláthraithe lena n–áirithiú:
  • go mbeidh lipéad priontáilte ar gach fearas cuisniúcháin san fhormáid atá leagtha amach in Iarscríbhinn III
  • go ndéanfar paraiméadair bhileog faisnéise an táirge, arna leagan amach in Iarscríbhinn V, agus ábhar na ndoiciméad teicniúil (Iarscríbhinn VI) a uaslódáil ar bhunachar sonraí an táirge
  • go bhfuil fógraí amhairc le haghaidh samhail faoi leith ina mbeidh aicme na héifeachtúlachta fuinnimh agus réimse aicmithe ar fáil i gcomhréir le hIarscríbhinní VII agus VIII
  • go gcuimseofar in ábhar cur chun cinn theicniúil, lena n–áirítear ar an idirlíon, le haghaidh samhail faoi leith ina gcuirfear síos ar na paraiméadair shonracha, aicme na héifeachtúlachta fuinnimh agus an réimse aicmithe atá ar fáil i gcomhréir le hIarscríbhinní VII
  • go bhfaighidh déileálaithe lipéad leictreonach le haghaidh gach fearas cuisniúcháin i bhformáid Iarscríbhinn III agus bileog faisnéise táirge leictreonach arna leagan amach in Iarscríbhinn V;
• déileálaithe lena n–áirithiú:
  • go mbeidh lipéad soiléir a sholáthróidh na soláthraithe ar gach fearas cuisniúcháin a bheidh ar díol, lena n–áirítear ag iontaí trádála, i gcomhréir le hIarscríbhinn III
  • i gcás ciandíola, go gcloífidh an lipéad agus bileog faisnéise an táirge le hIarscríbhinní VII agus VIII
  • go mbeidh aicme na héifeachtúlachta fuinnimh agus réimse aicmithe i gcomhréir le hIarscríbhinn VII sna fógraí amhairc, lena n–áirítear ar an idirlíon, le haghaidh samhail faoi leith
  • go gcuimseofar in ábhar cur chun cinn theicniúil, lena n–áirítear ar an idirlíon, le haghaidh samhail faoi leith ina gcuirfear síos ar na paraiméadair shonracha, aicme na héifeachtúlachta fuinnimh agus an réimse aicmithe ar fáil i gcomhréir le hIarscríbhinní VII;
• ardáin óstála idirlín lena n–áirithiú
  • go mbeidh an lipéad leictreonach agus an bhileog faisnéise táirge leictreonach a sholáthróidh an déileálaí taispeánta go soiléir, de réir Iarscríbhinn VIII, ar gach fearas cuisniúcháin a dhíolfar go díreach ar fud an tsuímh.

Go gcuirfidh na húdaráis náisiúnta na nósanna imeachta fíorúcháin atá leagtha síos in Iarscríbhinn IX i bhfeidhm agus seiceálacha faireachais margaidh á ndéanamh.

Tá aicme na héifeachtúlacht fuinnimh bunaithe ar an innéacs atá leagtha amach in Iarscríbhinn II.

Ní mór don Choimisiún Eorpach athbhreithniú a dhéanamh ar an rialachán i bhfianaise an dul chun cinn theicniúil atá déanta 6 bliana ó tháinig sé i bhfeidhm. Ní mór dó chomh maith aghaidh a thabhairt ar ghnéithe an gheilleagair chiorclaigh agus cé acu an dtabharfar nó nach dtabharfar isteach deilbhíní d’urranna lena bhféadfaí dramhbhia a laghdú agus le haghaidh ídiú bliantúil fuinnimh.

Aisghairtear leis an rialachán Rialachán (CE) Uimh. 1060/2020 ón 1 Márta 2021

Níl feidhm ag ceachtar rialachán le:

• caibinéid stórála chuisniúcháin ghairmiúla agus caibinéid phléasctha, ach amháin reoiteoirí cófra gairmiúla;
• fearais chuisniúcháin a úsáidtear go díreach le haghaidh díolachán;
• fearais chuisniúchain shoghluaiste;
• fearais nach é stóráil bia chuisniúcháin a bpríomhfheidhm.