Státchabhair

Ciallaíonn státchabhair gníomh (náisiúnta, réigiúnach nó áitiúil) a dhéanann údarás poiblí, ag baint leas as acmhainní poiblí, i bhfabhar gnólachtaí áirithe nó táirgeadh earraí áirithe. Dá bhrí sin bíonn buntáiste ag gnó a fhaigheann cabhair dá leithéid thar a iomaitheoirí.

Cuirtear toirmeasc ar chabhair a dheonaíonn tíortha AE go roghnach nó trí acmhainní stáit agus a d’fhéadfadh dul i gcion ar thrádáil idir tíortha AE nó iomaíocht a shaobhadh faoi Airteagal 107 den Chonradh ar Fheidhmiú an Aontais Eorpaigh (CFAE).

D’fhéadfaí cabhair a cheadú má bhíonn sé dlisteanaithe ag cuspóirí ar mhaithe leis an leas ginearálta: cabhair chun fostaíocht limistéar faoi mhíbhuntáiste a chur chun cinn nó do sheirbhísí eacnamaíocha chun leasa chách, d’fhiontair bheaga agus mheánmhéide, taighde agus forbairt, cosaint an chomhshaoil, oiliúint, fostaíocht agus cultúr. Ní mór do thíortha AE an Coimisiún Eorpach a chur ar an eolas maidir leis an gcabhair a thugann siad - ach amháin i gcásanna sainiúla áirithe.

Faoi Airteagal 108 den CFAE, tá an cúram ag an gCoimisiún Eorpach athbhreithniú leanúnach a dhéanamh ar an státchabhair a dheonaíonn tíortha AE, cibé acu atá sé beartaithe nó i bhfeidhm cheana, lena chinntiú nach ndéanann sé iomaíocht a shaobhadh.