Tromlach cáilithe neartaithe

Nuair a ghníomhaíonn an Chomhairle gan togra ón gCoimisiúin nó ceann ón Ard-Ionadaí do Ghnóthaí Eachtracha agus don Bheartas Slándála (.i. sna réimsí comhoibriú póilíneachta agus breithiúnach i gcúrsaí coiriúla), ní mór ar a laghad dhá thrian de na tíortha AE a bheith sa tromlach cáilithe.

Tháinig forálacha Chonradh Liospóin i dtaca le vótáil tromlaigh cháilithe i bhfeidhm an 1 Samhain 2014. Dá bhrí sin cuimsítear ar a laghad 72 % de chomhaltaí den Chomhairle arb ionann sin agus 65 % de dhaonra AE sa tromlach cáilithe neartaithe.

Léirítear an smaoineamh san fhoráil seo go ndéanann an Coimisiún an leas ginearálta a chosaint. Nuair a ghlacann an Chomhairle cinneadh nach ndéantar as togra ón gCoimisiún, ní bhíonn an leas ginearálta chomh cinntithe. Dá bhrí sin is gá tromlach níos mó ná ba ghnáth a thabhairt le chéile i bhfabhar togra dá leithéid.