Gníomhartha reachtacha

I gcomhréir le hAirteagal 289 den Chonradh ar Fheidhmiú an Aontais Eorpaigh (CFAE):

• cinntí is ea iad gníomhartha reachtacha a ghlactar faoi ghnáthnós imeachta reachtach nó faoi nós imeachta reachtach speisialta;
• cinntí is ea iad gníomhartha neamhreachtacha a ghlacann an Coimisiún Eorpach go ginearálta, i ndiaidh tarmligin (gníomhartha tarmligthe) nó chun gníomh reachtach a chur chun feidhme (gníomhartha cur chun feidhme).

I gcásanna sonracha áirithe arna sainiú sna conartha, d’fhéadfadh gníomhartha bheith san áireamh le gníomhartha reachtacha a ghlactar sna cásanna seo a leanas:

• ar thionscnamh ghrúpa thíortha AE nó ar thionscnamh Pharlaimint na hEorpa;
• ar mholadh ón mBanc Ceannais Eorpach; nó
• ar iarratas ón gCúirt Bhreithiúnais nó ón mBanc Eorpach Infheistíochta.

I gcomhréir le hAirteagal 297 den CFAE, ní mór d’Uachtaráin Pharlaimint na hEorpa agus na Comhairle gníomhartha reachtacha a ghlactar faoin ngnáthnós imeachta reachtach a shíniú. Ní mór d’Uachtarán na hinstitiúide ábhartha na cinn a ghlactar faoi nós imeachta speisialta a shíniú.

Foilsítear gníomhartha reachtacha in Iris Oifigiúil an Aontais Eorpaigh agus tagann siad i bhfeidhm ar an dáta arna shainiú iontu nó, mura bhfuil dáta ar bith sainithe, an 20ú lá i ndiaidh a bhfoilsithe.