Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Glossary of summaries

Coiste Eorpach na Réigiún

Arna chruthú in 1992 faoi Chonradh Maastricht, agus arna bhunú in 1994, tionól polaitiúil is ea Coiste Eorpach na Réigiún (ar a dtugtar Coiste na Réigiún (CnaR) chomh maith) a dhéanann ionadaíocht d’údaráis áitiúla agus réigiúnacha ar fud an Aontais Eorpaigh.

Ag gníomhú dó i gcáil chomhairleach, cuidíonn CnaR leis an bParlaimint, leis an gComhairle agus leis an gCoimisiún ar thopaicí áirithe a théann i gcion ar leasanna áitiúla nó réigiúnacha (Airteagal 307 den Chonradh ar Fheidhmiú an Aontais Eorpaigh (CFAE). Ní mór dul i gcomhairle le CnaR sna réimsí seo a leanas:

  • Comhtháthú eacnamaíoch, sóisialta agus críochach,
  • Cistí Struchtúrtha,
  • Ciste Forbraíochta Réigiúnaí na hEorpa,
  • Ciste Sóisialta na hEorpa,
  • gnóthaí fostaíochta agus sóisialta,
  • oideachas,
  • an óige,
  • gairmoiliúint,
  • cultúr agus spórt,
  • an comhshaol,
  • fuinneamh agus an t–athrú aeráide,
  • iompar,
  • gréasáin thras–Eorpacha, agus
  • an tsláinte phoiblí.

Féadfaidh an Pharlaimint, an Chomhairle agus an Coimisiún dul i gcomhairle le CnaR ar ábhar ar bith eile a mheasfaidh siad iomchuí, agus féadfaidh CnaR tuairimí a dhréachtú dá thionscnamh féin.

Is ionadaithe iad comhaltaí CnaR ó chomhlachtaí réigiúnacha agus áitiúla ag a bhfuil sainordú toghchánach ó údarás réigiúnach nó áitiúil nó atá cuntasach go polaitiúil do thionól tofa (Airteagal 300 CFAE). Is é 350 líon uasta na gcomhaltaí de CnaR agus ceapann Comhairle an Aontais Eorpaigh iad ar feadh téarma 5 bliana i gcomhréir leis an moltaí arna ndéanamh ag gach tír AE (Airteagal 305 CFAE).

Tá sé de cheart ag Coiste na Réigiún chomh maith caingne dlí a thabhairt os comhair Chúirt Bhreithiúnais an Aontais Eorpaigh in 2 chás:

  • chun a chearta institiúideacha féin a chosaint;
  • chun neamhniú a iarraidh ar reachtaíocht nua an Aontais Eorpaigh, ar na topaicí a gcaithfear dul i gcomhairle leis mar gheall orthu, iad sin a measann sé a bheith ag sárú phrionsabal na coimhdeachta.

FÉACH FREISIN

Top