Hemm żewġ metodi kif tista’ tagħmel dan waqt li l-formati tal-varji dokumenti (pdf, html, tiff, doc, eċċ.) ikunu qed jitilgħu fis-sistema:

• billi tikklikkja fuq it-tieni għażla bl-isem ta’ ‘Nota biblijografika + it-test (preżentazzjoni bilingwa)’ u tmur direttament fit-test, jew inkella
• agħżel l-għażla ‘Nota biblijografika’, imbagħad fuq l-iskrijn ta’ wara ċċekkja t-‘Test’ u klikkja fuq ‘Go’ biex tara t-test. It-test jidher fin-naħa t’isfel ta’ l-iskrijn, għaldaqstant huwa importanti li tiskrollja l-isfel.

Iż-żewġ għażliet li huma jitilgħu fuq l-iskrijn jistaqsuk jekk tridx tara d-dokument b’żewġ lingwi f’daqqa. Dan il-fattur huwa l-istess bħall-viżwalizzazzjoni doppja li forsi ltqajt magħha fis-CELEX.

Għax ċerti dokumenti EUR-Lex huma disponibbli fil-format html biss, li għal raġunijiet tekniċi ma jippermettix stampi, tabelli u grafiċi.

EUR-Lex fih dokumenti fil-formait doc, html, PDF u TIFF. PDFs, docs u TIFFs jista' jkollhom stampi, tabelli u grafiċi.

EUR-Lex fih verżjoni PDF (it-testi sħaħ bil-grafiċi kollha) ta' kull ĠU u dokument COM ippubblikat mill-1998. Id-dokumenti ppubblikati qabel l-1998 qed jiġu skennjati u mtella' fil-format PDF bil-mod il-mod.

Qed tfittex dokument legali? Kien ippubblikat fil-ĠU?

Jekk id-dokument kien ippubblikat fil-ĠU qabel l-1998, jista' jkun li għadu ma jidhirx fil-EUR-Lex, iżda se ssibu iktar tard billi l-ĠU u d-dokumenti COM kollha minn qabel l-1998 qed jiddaħħlu fil-bażi ta' dejta.

1.4. Fejn nista' nsib u nordna pubblikazzjonijiet tal-Unjoni Ewropea għajr mill-Ġurnal Uffiċjali?

L-EU bookshop huwa ħanut virtwali li jagħtik aċċess għall-pubblikazzjonijiet mill-istituzzjonijiet tal-UE, aġenziji u korpi oħra. Minbarra dan il-ħanut virtwali, dan is-servizz joffri katalgu u arkivji online tal-pubblikazzjonijiet kollha ta’ l-UE. L-EU Bookshop jagħti ċans lill-utenti biex ifittxu l-pubblikazzjonijiet tal-UE, li jniżżlu l-verżjoni PDF u jekk inhu possibbli li jordnaw kopja.

Tista’ tabbona għal sena (700-800 ħarġa) jew tordna kopji individwali. Hemm ċerti annessi speċjalizzati disponibbli bla ħlas meta jintalbu minn dawk li jkunu abbonati.

Għal abbonament, jekk jogħġbok ikkuntattja n-netwerk tal-bejgħ tagħna:

Permezz tal-paġna għat-tiftix sempliċi

• Biex tfittex skont in-numru tad-dokument. ikklikkja 'Test konsolidat'.
• Biex tfittex skont in-numru CELEX, agħżel ‘Tiftixa permezz ta' numru CELEX' , ittajpja 0 (żero) + sena (4 ċifri) + R (għal regolament), L (għal Direttiva) jew D (għal Deċiżjoni), u mbagħad in-numru tal-Att (4 ċifri). Tista' wkoll tagħmel din it-tiftixa direttament mill-menu tax-xellug.

Per eżempju, biex tikseb il-verżjoni kkonsolidata tar-Regolament Nru 1 tal-Kunsill ta’ l-1958, niżżel 01958R0001.

Permezz tad-direttorji tagħna

• Direttorju ta' leġiżlazzjoni konsolidata tal-Unjoni Ewropea: ikklikkja 'Leġiżlazzjoni konsolidata' fil-menu tax-xellug u agħżel il-qasam li inti interessat fih. Jekk l-att oriġinali ġie konsolidat, tintwera link għall-aħħar verżjoni konsolidata.
• Direttorju tal-leġiżlazzjoni fis-seħħ tal-Unjoni Ewropea: ikklikkja 'Leġiżlazzjoni fis-seħħ' fil-menu tax-xellug u agħżel il-qasam li inti interessat fih. Jekk l-att oriġinali ġie konsolidat, tintwera link għall-verżjoni konsolidata. Jekk sarulu bosta emendi, il-verżjonijiet konsolidati varji huma disponibbli.

1.8. Qed infittex id-dokumenti ta’ interess pubbliku li qabel kienu fuq il-EUR-Lex. Fejn nista’ nsibhom?

Dokumenti ta’ interess pubbliku huma dokumenti li fihom il-Kummissjoni Ewropea tesprimi l-opinjoni tagħha fuq kwistjoni ta’ interess ġenerali għall-Komunità Ewropea. Dawn id-dokumenti huma ppubblikati bħala dokumenti COM. Hemm żewġ metodi kif tista’ tidħol għalihom mid-daħla tas-sit:

• agħżel il-kollezzjoni ‘atti preparatorji’, imbagħad ikklikkja fuq ‘dokumenti COM’; jew inkella
• agħżel ‘tfittxija sempliċi’, imbagħad il-kategorija ‘atti preparatorji’ u llimita t-tfittxija tiegħek għal ‘komunikazzjonijiet tal-Kummissjoni’.

Fil-futur qegħdin nippjanaw sabiex noffru kollezzjoni ta’ ‘Dokumenti ta’ interess pubbliku’.

1.9. Qed infittex dokument riċenti, imma ma nistax insibu fil-EUR-Lex. Id-database tkun aġġornata spiss?

Il-EUR-Lex jiġi aġġornat kuljum.

Il-Ġurnal Uffiċjali intellgħuh fuq l-internet f’verżjoni pdf dakinhar filgħodu kmieni stess tal-jum li fih jiġi ppubblikat.

Il-kontenuti huma mbagħad ipproċessati għall-inklużjoni individwali fid-database li tinvolvi analiżi ddetaljata lagali u biblijografika. Anki jekk dokumenti individwali jistgħu jidhru fuq l-internet f’dak il-jum stess tal-pubblikazzjoni akkumpanjati min-numru limitat ta’ informazzjoni analitika (it-titolu, ir-referenza tal-pubblikazzjonition), l-informazzjoni analitika kompluta tidher fi żmien tlett ijiem. Dan il-fattur jispjega għaliex hemm dfferenza zgħira fiż-żmien meta jidher il-ĠU nnifsu u d-disponnibbiltà ta’ l-atti individwali għat-tfittxija.

Dokumenti oħra huma wkoll suġġetti għal varjazzjonijiet fil-frekwenza tal-inklużjoni tagħhom fid-database legali minħabba s-sorsi differenti tagħhom.

1.10. X'inhu link permanenti u kif nużah?

Link permanenti jippermetti lill-utent jimmarka (bookmark) l-indirizz ta' notifika bibljografika ta' dokument għal aċċess aktar mħaffef fil-futur. L-indirizz li tara fl-ispazju fejn tikteb l-indirizz tal-brawżer huwa dinamiku u m'għandux jintuża għal bookmarking.

Hemm żewġ modi sempliċi biex tuża link permanenti:

• 1. Tista' tqiegħed il-cursor fuq il-link permanenti, imbagħad tikklikkja bil-buttuna tal-lemin u tagħżel 'Add to favourites' jew azzjoni korrispondenti.
• 2. Tista' tikklikkja link permanenti u timmarka (bookmark) il-paġna ta' wara.

L-isem tal-bookmark ingħatalek diġà , iżda tistà tbiddlu skont il-bżonnijiet tiegħek.

In-numru Celex jidentifika b'mod uniku kull dokument f'EUR-Lex, indipendentement mill-verżjoni lingwistika.

Hu jiġi fformat kif ġej: SaaaaT(T)nnn(n)

Pereżempju d-dokument 32008R1338 hu:

• dokument ta' taqsima 3 (leġiżlazzjoni sekondarja):
  3
  2008R1338
• tas-sena 2008: 3
  2008
  R1338
• regolament, tip "R": 32008
  R
  1338
• ippubblikat fil-ĠU bin-numru 1338: 32008R
  1338

It-taqsimiet differenti

It-tipi prinċipali ta' dokument skont it-taqsima

Id-dokumenti bl-identifikatur COM, JOIN, SWD jew SEC huma atti preparatorji (settur 5).

JOIN u SWD huma identifikaturi ta' dokumenti ġodda introdotti f'Jannar 2012 mis-Segretarjat Ġenerali tal-Kummissjoni.

Il-bidliet ma jikkonċernawx id-dokumenti adottati qabel l-2012.

KE: Il-Kummissjoni Ewropea, RU: Ir-Rappreżentant Għoli

2.1. X'dokumenti jinstabu fil-EUR-Lex?

Il-bażi tad-dejta tkopri ħafna tipi ta' dokumenti magħmulin l-aktar mill-Istituzzjonijiet tal-Unjoni Ewropea, iżda wkoll mill-pajjiżi l-membri, EFTA, eċċ.

Il-kontenut jinqasam f'taqsimiet; 1 – Trattati, 2 – Ftehimiet internazzjonali, 3 – Leġiżlazzjoni, 4 – Leġiżlazzjoni komplementarja, 5 – Atti preparatorji, 6 – Każistika, 7 – Miżuri ta' implimentazzjoni nazzjonali , 8 – Referenzi għall-każistika nazzjonali li għandha x'taqsam mal-liġi tal-UE, 9 – Mistoqsijiet parlamentari, 0 – Leġiżlazzjoni konsolidata, C - Dokumenti oħra ppubblikati fil-Ġurnal Uffiċjali serje C, E - dokumenti EFTA.

2.2. Kemm hemm dokumenti fil-EUR-Lex?

Id-database fiha dokumenti sa mill-bidu nett tal-koperazzjoni Ewropea, mill-konklużjoni tat-twaqqif tal-Komunità Ewropea tal-Faħam u l-Azzar fl-1951 u l-Komunità Ekonomika Ewropea u l-Euratom fl-1957 ’il quddiem. Tinkludi madwar 467 000 referenza f’diversi lingwi, b’total ta’ 2 815 000 test. Kull sena jiżdiedu medja ta’ 12 000 dokument.

Il-kopertura lingwistika hija akbar fl-erba' lingwi uffiċjali tal-Istati Membri fundaturi, l-Olandiż, il-Franċiż, il-Ġermaniż u t-Taljan. Għall-ilsna l-oħra ssib traduzzjonijiet tal-leġiżlazzjoni fis-seħħ fiż-żmien tal-adeżjoni tat-tali pajjiż u t-testi adottati wara din id-data. B'hekk, xi wħud mit-testi, partikolarment l-eqdem, mhumiex disponibbli bl-ilsna li żdiedu waqt adeżjonijiet ta' wara: l-Ingliż u d-Daniż; il-Grieg; l-Ispanjol u l-Portugiż; il-Finlandiż u l-Iżvediż; iċ-Ċek, l-Estonjan, il-Latvjan, il-Litwan, il-Malti, il-Pollakk, is-Slovakk, is-Sloven u l-Ungeriż; u aktar riċentament il-Bulgaru u r-Rumen. Ara wkoll 3.2.

Mill-1 ta' Jannar 2007, l-Irlandiż (GA) sar wieħed mit-23 lingwa uffiċjali tal-Unjoni Ewropea. Minħabba raġunijiet prattiċi u fuq bażi ta' tranżizzjoni, l-istituzzjonijiet tal-Unjoni Ewropea mhumiex obbligati li jabbozzaw, jittraduċu u jippubblikaw l-atti kollha, inklużi l-ġudizzji tal-Qorti tal-Ġustizzja, fl-ilsien Irlandiż. Madankollu dan ma japplikax għar-Regolamenti adottati mill-Parlament Ewropew u l-Kunsill flimkien. Il-mod kif taħdem-ta' din id-dispożizzjoni għandha tiġi evalwata fuq bażi regolari biex jiġi determinat jekk tkunx għadha meħtieġa.

Il-Kostituzzjoni u ċertu Trattati ġew ippubblikati bl-Irlandiż ukoll. Dawn it-testi huma disponibbli fuq is-sit fil-ġabra tat-'Trattati'..

Ara wkoll 3.2.

Il-Bulgarija u r-Rumanija (tkabbir 2007)

Dan is-sit joffri aċċess għal:

Mill-1 ta' Jannar 2007, l-Irlandiż (GA) sar wieħed mit-23 lingwa uffiċjali ta' l-Unjoni Ewropea. Għal raġunijiet prattiċi u fuq bażi tranżitorja, l-uniċi dokumenti disponibbli bl-Irlandiż huma dawk tal-leġiżlazzjoni adottata b'mod konġunt bejn il-Parlament Ewropew u l-Kunsill. Dan ifisser li, b'mod ġenerali, m'hemmx edizzjoni sħiħa tal-Ġurnal Uffiċjali bl-Irlandiż. Madankollu, ċerti trattati ġew ippubblikati bl-Irlandiż. Dawn it-testi huma disponibbli fuq is-sit tagħna fil-ġabra tat-'Trattati'.

Il-ftehim prattiku attwali jiġi evalwat kull ħames snin. Se jibqa' fis-sett għall-inqas sal-aħħar tal-2016.

Għal aktar informazzjoni ara:

Id-database jieħu ħsiebha l-Uffiċċju tal-Pubblikazzjonijiet tal-Unjoni Ewropea li jidher għan-nom ta’ l-istituzzjonijiet kollha. L-istituzzjonijiet jieħdu sehem regolari fl-iżviluppi ta’ din id-database permezz ta’ diversi kumitati u gruppi ta’ ħidma. Grupp ta’ ħidma mill-Kunsill, li fih ikun hemm jieħdu sehem delegati mill-Istati Membri jieħdu sehem ukoll, huwa regolarment infurmat dwar l-iżviluppi u l-progress tad-database.

LexAlert huwa servizz awtomatiku għall-avviżi ta' dokumenti ġodda mqiegħda fuq EUR-Lex.

Tista' tirċievi l-avviżi permezz ta' RSS jew email li tgħidlek li tqiegħed dokument ġdid fuq EUR-Lex f'qasam li jinteressak. Tista' tagħżel minn avviżi predefiniti jew toħloq tiegħek.

Il-liġi tal-UE minn EUR-Lex hi disponibbli wkoll b’liċenzja minn partijiet terzi. Id-detentur tal-liċenzja jista’ jagħti l-informazzjoni liċenzjata bħala prodott jew servizz.

Id-dejta hi aġġornata kuljum permezz ta’ server FTP, fil-format XML. Il-‘User ID’ u l-‘Password’ huma meħtieġa.

Vantaġġi ta’ servizz bil-liċenzja:

• aċċess dirett għad-dejta, ipprovduta direttament mill-Uffiċċju tal-Pubblikazzjonijiet,
• server (FTP) u format (XML) li jippermettu lid-detentur tal-liċenzja juża d-dejta,
• il-konsumatur jiġi infurmat jekk tittella’ dejta ġdida: l-aġġornamenti huma disponibbli fuq bażi regolari,
• awtorizzazzjoni awtomatika għar-riproduzzjoni tad-dejta ta’ EUR-Lex.

Il-konsolidazzjoni tikkonsisti fl-integrazzjoni f'att legali tal-emendi u l-corrigenda suċċessivi tiegħu. Diversi atti legali ppubblikati inizjalement u uffiċjalment f'ħarġiet differenti tal-Ġurnal Uffiċjali tal-Unjoni Ewropea b'hekk jinġabru bħala 'familja konsolidata' f'dokument wieħed li faċli jinqara fejn jista' jinstab l-istatus attwali tal-liġi tal-UE.

Jekk tiġi ppubblikata kwalunkwe corrigendum wara l-inkorporazzjoni tal-aħħar att ta' emenda, nikkonsolidawh minnufih, ħlief jekk ikun jinvolvi biss tibdila minuri. F'dan il-każ, tiġi inkluża fil-konsolidazzjoni li jmiss.

L-Uffiċċju tal-Pubblikazzjonijiet tal-Unjoni Ewropea jikkonsolida regolamenti, direttivi u deċiżjonijiet tal-UE. Madankollu, ma nikkonsolidawx atti legali li jkunu fis-seħħ biss għal żmien qasir. Corrigenda minuri fi ftit lingwi jiġu inklużi f'konsolidazzjoni fil-modifika li jmiss.

Il-konsolidazzjoni ssir hekk kif jiġi modifikat att leġiżlattiv. Fuq medja, il-verżjoni konsolidata ssir disponibbli f'EUR-Lex 4 ġimgħat wara l-pubblikazzjoni ta' modifika fil-Ġurnal Uffiċjali tal-Unjoni Ewropea.

Dawn jindikaw it-tip tal-att:

• B = att bażiku
• M = modifika
• A = Trattat ta' Adeżjoni
• C = corrigendum

L-intestatura tidher hekk:

1991L0414 — MT — 01.02.2011 — 028.001 — 5