Sistemi tas-soppressjoni tat-titjir għall-vetturi bil-mutur
Ir-Regolament (UE) Nru 109/2011 - sistemi tas-soppressjoni tat-titjir
ATT
Ir-Regolament tal-Kummissjoni (UE) Nru 109/2011 tas- 27 ta' Jannar 2011 li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar rekwiżiti għall-approvazzjoni tat-tip għal ċerti kategoriji ta’ vetturi bil-mutur u t-trejlers tagħhom fil-qasam tas-sistemi ta’ sospensjoni tat-titjir
SOMMARJU
X’JAGĦMEL IR-REGOLAMENT?
Ir-Regolament jiddefinixxi r-rekwiżiti għall-approvazzjoni tat-tip ta’ sistemi tas-soppressjoni tat-titjir* għal ċerti kategoriji ta’ vetturi bil-mutur. Huwa jimplimenta r-Regolament 661/2009 dwar is-sikurezza ġenerali tal-vetturi bil-mutur.
PUNTI EWLENIN
Kategoriji ta’ vetturi bil-mutur
Ir-Regolament japplika għall-kategoriji N u O, li jikkonsistu f’vetturi bil-mutur iddisinjati u mibnija għat-trasportazzjoni tal-merkanzija, li jkollhom mill-inqas erba’ roti, kif ukoll għat-trejlers.
Rekwiżiti tas-sistema tas-soppressjoni tat-titjir
Ġeneralment, l-apparat tas-soppressjoni tat-titjir jinstab ’il fuq mir-roti tal-vettura u jista’ jinkludi madgard*, valances ta’ barra* u parakwi tax-xita*.
L-apparat għandu jkun jista’ jitħaddem kif suppost meta jintuża b’mod normali fuq toroq imxarrbin. It-tipi ta’ apparat li ġejjin huma rikonoxxuti:
|
— |
apparat tat-tip li jassorbi l-enerġija
|
|
— |
apparat tat-tip li jifred l-arja/ilma.
|
Approvazzjoni tat-tip
Kemm il-manifattur tal-apparat, kif ukoll il-manifattur tal-vettura huma mitluba li jissottomettu applikazzjonijiet għall-approvazzjoni tat-tip tal-KE lill-awtorità nazzjonali kompetenti. Din l-applikazzjoni għandha tinkludi ċerta informazzjoni, speċifikament:
|
— |
l-għamla u t-tip tal-apparat jew tal-vettura;
|
|
— |
in-numru tal-fusien u tar-roti tal-vettura;
|
|
— |
id-deskrizzjoni tas-sistema tas-soppressjoni tat-titjir u l-partijiet kostitwenti.
|
Il-manifattur tal-apparat tas-soppressjoni tat-titjir huwa mitlub li jipprovdi dokumenti amministrattivi b’rabta mal-approvazzjoni tat-tip tal-KE għas-sistemi tas-soppressjoni tat-titjir bħala unità teknika separata.
Il-manifattur tal-vettura huwa mitlub li jipprovdi dokumenti amministrattivi b’rabta ma’
|
— |
l-approvazzjoni tat-tip tal-KE għall-vettura fir-rigward tal-installazzjoni ta’ apparat tas-soppressjoni tat-titjir,
|
|
— |
iċ-ċertifikat tal-approvazzjoni tat-tip tal-apparat imwaħħal.
|
Jekk l-awtorità kompetenti tkun tal-fehma li l-apparat jew il-vettura jissodisfaw ir-rekwiżiti kollha li jikkonċernaw is-sistemi tas-soppressjoni tat-titjir, hija għandha tagħti approvazzjoni tat-tip tal-KE u toħroġ numru tal-approvazzjoni tat-tip skont id-Direttiva 2007/46/KE.
TERMINI EWLENIN
* Sistema tas-soppressjoni tat-titjir: sistema li tnaqqas it-titjir tat-triq permezz ta’ madgards, valances u parakwi tax-xita (ara taħt).
* Approvazzjoni tat-tip: Tindika li saru testijiet sabiex jiġi żgurat li ġew issodisfati r-rekwiżiti regolatorji, tekniċi u tas-sikurezza rilevanti.
* Madgard: parti riġida ta’ vettura li twaqqaf it-titjir tat-triq mit-tajer milli jintrema fl-arja.
* Valance: dan il-komponent, li normalment ikun imwaħħal mal-bamper ta’ wara, iwaqqaf ix-xita u t-tajn milli jittajru fuq karozzi oħrajn u dawk li jkunu mexjin fil-qrib.
* Parakwa tax-xita: komponent flessibbli li jkun immuntat vertikalment wara r-rota li jnaqqas it-titjir minn triq imxarrba.
REFERENZI
|
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
|
Ir-Regolament (UE) Nru 109/2011 |
1.3.2011 |
- |
|
Att(i) li jemenda(w) |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
|
Ir-Regolament (UE) 2015/166 |
24.2.2015 |
- |
ATTI RELATATI
Ir-Regolament (KE) Nru 661/2009 tal-Parlament Ewropew u tal-Kunsill tat-13 ta' Lulju 2009 dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (ĠU L 200, 31.7.2009, p. 1-24)
l-aħħar aġġornament 24.09.2015