Tratturi u makkinarju agrikolu jew forestali: apparat protettiv imwaħħal ma’ wara

L-Unjoni Ewropea qiegħda tarmonizza l-ħtiġijiet tekniċi dwar strutturi protettivi roll-over imwaħħlin ma’ wara ta’ tratturi ta’ trekks irqaq. B’dan il-mod qiegħda tipparteċipa fl-implimentazzjoni tal-proċedura tal-approvazzjoni tat-tip tal-Komunità stabbilita mid-Direttiva 74/150/KEE u sussegwentament revokata u mibdula bid-Direttiva 2003/37/KE.

ATT

Direttiva tal-Kunsill 86/298/KE dwar l-istrutturi ta' protezzjoni kontra l-qlib immuntati fuq in-naħa ta' wara tat-tratturi għall-agrikoltura u għall-forestrija ta' karreġġata dejqa [Ara atti li jemendaw].

SOMMARJU

Id-direttiva tapplika għal tratturi li għandhom il-karatteristiċi li ġejjin:

• massimu ta’ għoli mill-art ta’ 600 millimetru;
• trekk minimu tal-assi mwaħħlin mal-usa’ roti ta’ anqas minn 1 150 millimetru;
• piż mhux mgħobbi ta’ aktar minn 600 kilogramma.

Kull Stat Membru għandu japprova t-tip ta’ komponent ta' kull tip ta’ struttura protettiva roll-over, flimkien mar-rabta tagħhom mat-trattur jekk din tkun tikkonforma mal-ħtiġijiet ta’ diżinn u ttestjar stipulati fl-annessi għal din id-direttiva. Imbagħad tinħarġilha marka KE ta’ approvazzjoni tal-komponent.

Stati Membri ma jistgħux jipprojbixxu t-tqegħid fis-suq ta’ trattur, jew jirrifjutaw l-approvazzjoni KE jew nazzjonali jekk din tissodisfa l-ħtiġijiet tad-direttiva.

L-awtoritajiet kompetenti fl-Istati Membri għandhom iżommu lil xulxin infurmati bi kwalunkwe azzjoni li jieħdu sabiex jiżguraw li l-istrutturi protettivi jikkonformaw mat-tip li jkun approvat għat-tip tal-komponent. Jistgħu jaslu sal-irtirar ta’ approvazzjoni tat-tip ta’ komponent fejn ikun hemm nuqqas serju, ripetut ta’ konformità.

Id-direttiva se tkun emendata sabiex tqis il-progress tekniku.

Id-Direttiva 86/298/KE hija revokata mir-Regolament (UE) Nru 167/2013 b’effett mil-1 ta’ Jannar 2016.

L-aħħar aġġornament: 02.07.2014