L-istimolu tat-turiżmu internazzjonali fl-Ewropa
SOMMARJU TAD-DOKUMENT:
Komunikazzjoni mill-Kummissjoni Ewropea (COM(2010) 352 final) — L-Ewropa, l-ewwel destinazzjoni turistika fid-dinja - qafas politiku ġdid għat- turiżmu Ewropew
X’INHU L-GĦAN TAL-KOMUNIKAZZJONI?
-
Biex iżżomm il-pożizzjoni tal-Ewropa bħala l-aqwa destinazzjoni turistika fid-dinja, il-Kummissjoni Ewropea ressqet serje ta’ suġġerimenti għal azzjonijiet ikkoordinati fuq livell tal-Unjoni Ewropea (UE).
-
Dawn huma maħsuba biex iżidu l-kompetittività u l-kapaċità tas-settur tat-turiżmu għal żvilupp sostenibbli u għat-twassil tal-kwalità.
PUNTI EWLENIN
-
It-turiżmu għandu rwol importanti fl-ekonomija tal-UE. 1.8 miljun negozju huma involuti, ħafna minnhom fuq skala żgħira. Is-settur jammonta għal 5.2 % tal-impjiegi fl-UE u jikkontribwixxi għal aktar minn 5 % tal-prodott domestiku gross tal-UE.
-
It-turiżmu tal-UE jiffaċċja numru ta’ sfidi u opportunitajiet li jeħtieġu approċċ konġunt:
-
kompetizzjoni dejjem tiżdied minn destinazzjonijiet oħrajn;
-
xejriet demografiċi jfissru li t-turisti anzjani fl-UE dejjem qed jiżdiedu u l-UE teħtieġ li tadatta l-prodotti u l-infrastruttura turistika bix-xieraq;
-
il-prodotti turistiċi wkoll jeħtieġ ikunu aktar sostenibbli, u jikkunsidraw impenji relatati mat-tibdil fil-klima u d-dipendenza fuq l-ilma u l-enerġija;
-
it-teknoloġiji tal-informazzjoni u l-komunikazzjoni joffru opportunitajiet ġodda li jeħtieġ jiġu utilizzati.
Aġenda ġdida għall-azzjoni
F’konformità mal-istrateġija “Ewropa 2020” għat-tkabbir, l-aġenda għal azzjoni fuq livell tal-UE favur it-turiżmu, stabbilita fil-komunikazzjoni 2010, li tiffoka fuq erba’ prijoritajiet:
-
1.
Il-kompetittività fis-settur tat-turiżmu Ewropew permezz ta’:
-
spinta lill-innovazzjoni fit-turiżmu, pereżempju, tgħinha biex tadatta għall-iżviluppi tas-suq fil-qasam tat-teknoloġija tal-informazzjoni u l-komunikazzjoni u l-innovazzjoni (eż. t-turiżmu diġitali);
-
it-titjib ta’ ħiliet professjonali fis-settur permezz tal-promozzjoni ta’ opportunitajiet offruti minn diversi programmi tal-UE, bħal fl-oqsma tat-tagħlim tul il-ħajja fil-programm Erasmus+ jew il-programm COSME għal intrapriżi żgħar u medji (SMEs);
-
l-indirizzar tad-domanda ta’ natura staġjonali billi, pereżempju, tinkoraġġixxi l-iskambji ta’ turiżmu volontarju bejn pajjiżi tal-UE, speċjalment matul l-istaġun b'domanda baxxa;
-
il-promozzjoni tad-diversifikazzjoni fis-servizzi turistiċi partikolarment billi jsir fokus aħjar fuq u l-promozzjoni tas-servizzi tal-wirt komuni tal-UE, kif ukoll billi jiġi integrat il-wirt “naturali” fi strateġiji turistiċi;
-
il-konsolidazzjoni ta’ data soċjo-ekonomika dwar it-turiżmu fuq livell tal-UE.
-
2.
L-iżvilupp ta’ turiżmu sostenibbli, responsabbli u ta’ kwalità għolja permezz ta’:
-
l-iżvilupp ta’ sistema ta’ indikaturi għall-ġestjoni sostenibbli tad-destinazzjonijiet; dan jista' jkun bil-għan li tiġi żviluppata tikketta għall-promozzjoni tad-destinazzjonijiet turistiċi sostenibbli;
-
l-organizzazzjoni ta’ kampanji ta’ sensibilizzazzjoni biex jinformaw aħjar lit-turisti dwar id-destinazzjonijiet;
-
l-esplorar tal-potenzjal ta’ Tikketta ta’ “Turiżmu ta’ Kwalità”, għall-premjazzjoni tat-titjib li jżidu s-sigurtà u l-fiduċja tal-konsumaturi;
-
il-faċilitazzjoni tal-identifikazzjoni tar-riskji tat-tibdil fil-klima biex l-industrija tat-turiżmu Ewropea tkun protetta milli tagħmel investiment ħżiena u t-tħeġġiġ biex tesplora servizzi ta’ turiżmu alternattivi;
-
il-proposta ta’ Karta tat-turiżmu sostenibbli u responsabbli;
-
il-proposta ta’ strateġija għal turiżmu kostali u marittimu sostenibbli;
-
l-istabbiliment jew it-tisħiħ tal-kooperazzjoni tal-UE ma’ ekonomiji emerġenti u ma’ pajjiżi tal-Mediterran għall-promozzjoni ta’ mudelli ta’ żvilupp ta’ turiżmu sostenibbli u responsabbli u l-iskambju tal-aħjar prattiċi.
-
3.
Il-konsolidazzjoni tal-immaġni u tal-viżibilità tal-UE bħala grupp ta’ destinazzjoniiet sostenibbli ta’ kwalità għolja billi:
-
jiġi appoġġat il-ħolqien ta’ “marka tal-Ewropa”, b’kooperazzjoni mill-qrib ma’ pajjiżi tal-UE, li jikkumplimentaw l-isforzi ta’ promozzjoni tagħhom, biex b’hekk destinazzjonijijet Ewropej ikollhom prominenza meta mqabbla ma’ destinazzjonijiet turistiċi internazzjonali oħra;
-
il-promozzjoni tal-Ewropa bħala destinazzjoni turistika sostenibbli u ta’ kwalità għolja permezz tal-websajt ”visiteurope.com”, f’avvenimenti internazzjonali kbar jew fil-fieri u esibizzjonijiet turistiċi kbar, kif ukoll f'inizjattivi bħall-Jiem Ewropew tat-Turiżmu u l-Forum Ewropew tat-Turiżmu;
-
it-tisħiħ tal-parteċipazzjoni tal-UE f’entitajiet internazzjonali.
-
4.
Il-massimizzazzjoni tal-potenzjal ta’ politiki tal-UE u l-finanzjament għall-iżvilupp tat-turiżmu permezz ta’:
-
Integrazzjoni u koordinazzjoni aħjar tat-turiżmu ma’ politiki tal-UE, bħat-trasport, il-kompetizzjoni, it-tassazzjoni, il-protezzjoni tal-konsumaturi, l-ambjent, l-impjiegi, it-taħriġ, u l-fondi strutturali li kollha għandhom impatt dirett jew indirett fuq it-turiżmu;
-
il-promozzjoni u l-mobbilizzazzjoni ta’ programmi tal-UE favur it-turiżmu, bħall Fond Ewropew għall-Iżvilupp Reġjonali, il-Fond Soċjali Ewropew, il-Fond Agrikolu Ewropew għall-Iżvilupp Rurali, u l-Fond Ewropew għall-Affarijiet Marittimi u għas-Sajd.
SFOND
L-Artikolu 195 tat-Trattat dwar il-Funzjonament tal-Unjoni Ewropea jagħti s-setgħa lill-UE biex tappoġġa, tikkoordina u tikkumplimenta l-azzjonijiet tal-pajjiżi tal-UE fis-settur turistiku.
Għal aktar informazzjoni, ara wkoll:
DOKUMENT EWLIENI
Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni - L-Ewropa, l-ewwel destinazzjoni turistika fid-dinja - qafas politiku ġdid għat-turiżmu Ewropew (COM(2010) 352 final, 30.6.2010)
l-aħħar aġġornament 05.09.2016