Summit Soċjali Tripartitiku għat-Tkabbir u l-Impjiegi
SOMMARJU TAD-DOKUMENT:
Deċiżjoni 2003/174/KE — Summit Soċjali Tripartitiku
SOMMARJU
X'TAGĦMEL DIN ID-DEĊIŻJONI?
Tistabbilixxi s-Summit Soċjali Tripartitiku, forum għad-diskussjoni bejn l-istituzzjonijiet tal-UE u r-rappreżentanti tal-impjegaturi u tal-ħaddiema (“imsieħba soċjali”).
PUNTI EWLENIN
Rwol
Is-Summit huwa parti mid-djalogu transindustrijali. Ġie ddisinjat biex jipprovdi skambju kontinwu bejn l-imsieħba soċjali u l-istituzzjonijiet tal-UE u biex jiġi żgurat li l-imsieħba soċjali jikkontribwixxu għall-istrateġija ekonomika u soċjali tal-UE.
F’dan il-kuntest, dawn l-imsieħba soċjali jikkollaboraw ukoll mill-qrib mal-Kumitat tal-Impjiegi li jagħti pariri lill-Kummissjoni u b’mod partikolari lill-ministri nazzjonali fil-Kunsill dwar l-Impjiegi u l-Affarijiet Soċjali.
Aġenda
L-aġenda:
— |
tiġi determinata b’mod konġunt mir-rappreżentanti tal-istituzzjonijiet u mill-imsieħba soċjali,
|
— |
tinkludi kwistjonijiet li jaffettwaw lis-setturi ekonomiċi u lill-ħaddiema kollha fl-UE.
|
Parteċipanti
L-istituzzjonijiet tal-UE huma rrappreżentati minn:
— |
— |
il-Kummissjoni;
|
L-imsieħba soċjali huma maqsumin f’żewġ delegazzjonijiet u kull waħda tinkludi:
— |
10 rappreżentanti tal-ħaddiema,
|
— |
10 rappreżentanti tal-impjegati.
|
Tiġi ppreseduta b’mod konġunt mill-President tal-Kunsill u mill-President tal-Kummissjoni.
Tempiżmu
Isseħħ talanqas darba fis-sena, qabel il-Kunsill Ewropew tar-rebbiegħa.
META TAPPLIKA D-DEĊIŻJONI?
Mis-6 ta' Marzu 2003.
ATT
Id-Deċiżjoni tal-Kunsill 2003/174/KE tas-6 ta’ Marzu 2003 li tistabbilixxi Summit Tripartit Soċjali għall-Iżvilupp u x-Xogħol
REFERENZI
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
Deċiżjoni 2003/174/KE |
6.3.2003 |
— |
l-aħħar aġġornament 12.10.2015