9.3.2018   

MT

Il-Ġurnal Uffiċjali tal-Unjoni Ewropea

L 67/1

(1)

Bid-Deċiżjoni 2005/781/KE (1), il-Kunsill approva l-konklużjoni tal-Ftehim dwar il-kooperazzjoni xjentifika u teknoloġika bejn il-Komunità Ewropea u r-Repubblika Federattiva tal-Brażil (2) (“il-Ftehim”).

(2)

F'konformitá mal-Artikolu XII tal-Ftehim, il-Ftehim jidħol fis-seħħ fid-data li fiha ż-żewġ Partijiet ikunu nnotifikaw lil xulxin bil-miktub li l-proċeduri interni rispettivi tagħhom meħtieġa biex il-Ftehim jidħol fis-seħħ ikunu tlestew. Il-Ftehim hu validu għal perijodu inizjali ta' ħames snin u jista' jiġġedded bi ftehim bejn il-Partijiet wara evalwazzjoni li ssir fis-sena ta' qabel l-aħħar sena ta' kull perijodu suċċessiv ta' tiġdid tal-Ftehim.

(3)

Bid-Deċiżjoni 2012/646/UE (3), il-Kunsill approva t-tiġdid tal-Ftehim għal perijodu ulterjuri ta' ħames snin.

(4)

L-iskambju ta' ittri bejn il-Partijiet, datati l-14 ta' Novembru 2016 u l-5 ta' Jannar 2017, ikkonferma l-interess tagħhom li jġeddu l-Ftehim għal ħames snin oħra.

(5)

It-tiġdid tal-Ftehim jenħtieġ li jiġi approvat f'isem l-Unjoni,

9.3.2018   

MT

Il-Ġurnal Uffiċjali tal-Unjoni Ewropea

L 67/3

(1)

Huwa xieraq li wieħed ikollu regoli li jistabbilixxu metodoloġija biex jitwettqu valwazzjonijiet bil-għan li jiġi determinat jekk hemmx xi differenza bejn it-trattament effettiv tal-azzjonisti u l-kredituri fir-rigward ta' liema azzjoni jew azzjonijiet ta' riżoluzzjoni jkunu saru, u l-ammont li dawk l-azzjonisti u l-kredituri kienu jirċievu kieku l-istituzzjoni jew l-entità msemmija fil-punti (b), (c) jew (d) tal-Artikolu 1(1) tad-Direttiva 2014/59/UE (“l-entità”) kienet soġġetta għal proċeduri normali ta' insolvenza, fid-data li fiha d-deċiżjoni li tiġi riżolta din l-entità kienet adottata skont l-Artikolu 82 tad-Direttiva 2014/59/UE.

(2)

Kull differenza fit-trattament li tirriżulta f'telf akbar fir-riżoluzzjoni tal-azzjonisti u l-kredituri partikolari jinħtieġ li tintitola lil dawn l-azzjonisti u l-kredituri għal kumpens minn arranġamenti ta' finanzjament ta' riżoluzzjoni, skont il-punt (e) tal-Artikolu 101(1) tad-Direttiva 2014/59/UE.

(3)

Il-valwazzjoni ex post għandha titwettaq mill-persuna indipendenti mitluba li tissodisfa l-kundizzjonijiet stabbiliti fl-Artikolu 38 tar-Regolament Delegat tal-Kummissjoni (UE) 2016/1075 (2) (“il-valwatur”), kemm jista' jkun malajr wara li jkunu saru l-azzjoni jew l-azzjonijiet ta' riżoluzzjoni, għalkemm it-tlestija tagħha tista' tieħu xi ftit taż-żmien. Din il-valwazzjoni jinħtieġ li tkun ibbażata fuq l-informazzjoni disponibbli rilevanti għad-data meta tiġi addottata d-deċiżjoni sabiex tiġi riżolta xi entità, biex jiġu riflessi b'mod adegwat ċirkustanzi speċifiċi, bħal kundizzjonijiet tas-suq li jinsabu f'diffikultà, li kienu jeżistu f'din id-data d-deċiżjoni tar-riżoluzzjoni. L-informazzjoni miksuba wara d-data tad-deċiżjoni tar-riżoluzzjoni jinħtieġ li tintuża biss meta din setgħet kienet raġonevolment magħrufa f'din id-data.

(4)

Biex jiġi żgurat li titwettaq valwazzjoni komprensiva u kredibbli, il-valwatur jinħtieġ li jkollu aċċess għal kull dokumentazzjoni legali xierqa, inkluża lista ta' kull pretensjoni u pretensjoni kontinġenti kontra l-entità, ikklassifikati skont il-prijorità tagħhom skont proċeduri normali ta' insolvenza. Il-valwatur jinħtieġ li jitħalla jidħol f'arranġamenti biex jikseb pariri speċjalizzati jew għarfien espert kif mitlub miċ-ċirkostanzi.

(5)

Għall-finijiet tad-determinazzjoni tat-trattament li l-azzjonisti u l-kredituri kienu jirċievu li kieku l-entità tpoġġiet taħt proċeduri normali ta' insolvenza, il-valwatur jinħtieġ li jiddetermina ż-żmien mistenni u l-ammont ta' flussi ta' flus netti li kull azzjonist u kreditur kien jirċievi minn proċedimenti ta' insolvenza mingħajr ma jassumi l-ebda għajnuna mill-Istat, skontati bir-rata jew rati ta' skont rilevanti. iex tiġi ddeterminata din l-istima, u fejn ikun disponibbli u rilevanti, il-valwatur jista' jirreferi wkoll għal informazzjoni dwar l-esperjenzi tal-passat reċenti ta' falliment ta' istituzzjonijiet ta' kreditu simili.

(6)

It-trattament reali li l-azzjonisti u l-kredituri jirċievu fir-riżoluzzjoni jinħtieġ li jiġi stabbilit wara li jiġi kkunsidrat jekk dawn l-azzjonisti u l-kredituri jkunux irċevew rispettivament kumpens fil-forma ta' ekwità, dejn jew flus kontanti bħala riżultat tal-adozzjoni tal-azzjoni ta' riżoluzzjoni.

(7)

Dan ir-Regolament huwa msejjes fuq l-abbozz ta' standards tekniċi regolatorji ppreżentat mill-Awtorità Bankarja Ewropea (EBA) lill-Kummissjoni.

(8)

L-EBA għamlet konsultazzjonijiet pubbliċi miftuħa f'dak li għandu x'jaqsam mal-abbozz tal-istandards tekniċi regolatorji li fuqhom huwa bbażat dan ir-Regolament, analizzat l-ispejjeż u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (3),

(a)

it-trattament li l-azzjonisti u l-kredituri li fir-rigward tagħhom ikunu saru l-azzjonijiet tar-riżoluzzjoni, jew l-iskema ta' garanzija tad-depożiti rilevanti, kienet tirċievi kieku l-entità, daħlet fi proċedimenti normali ta' insolvenza fid-data tad-deċiżjoni dwar ir-riżoluzzjoni, u tiġi injorata kull dispożizzjoni ta' għajnuna finanzjarja pubblika straordinarja;

(b)

il-valur tal-pretensjonijiet ristrutturati wara l-applikazzjoni tal-għodda ta' rikapitalizzazzjoni interna jew setgħat u għodod oħra ta' riżoluzzjoni, jew ta' rikavat ieħor irċevut mill-azzjonisti u l-kredituri f'data jew dati tat-trattament reali, skontati lura għad-data tad-deċiżjoni tar-riżoluzzjoni jekk ikun ikkunsidrat bħala meħtieġ biex jippermetti paragun ġust mat-trattament imsemmi fil-punt (a);

(c)

jekk l-eżitu t-trattament fil-punt (a) jiżboq l-eżitu tal-valur imsemmi fil-punt (b) għal kull kreditur skont il-livelli prijoritarji fi proċedimenti normali ta' insolvenza kif identifikati skont l-Artikolu 2.

(a)

il-liġi u l-prattika applikabbli tal-insolvenza fil-ġurisdizzjoni rilevanti, li jistgħu jinfluwenzaw fatturi bħall-perjodu mistenni tad-disponiment jew ir-rati ta' rkupru;

(b)

L-ispejjeż tal-amministrazzjoni raġonevolment prevedibbli, it-tranżazzjoni, il-manutenzjoni, id-disponiment u l-ispejjeż l-oħrajn li kien ikollhom jinġarru minn amministratur jew prattikant tal-insolvenza, kif ukoll l-ispejjeż ta' finanzjament.

(c)

l-informazzjoni dwar il-każijiet ta' insolvenza tal-passat reċenti ta' entitajiet simili, fejn ikun disponibbli u rilevanti.

(a)

il-prezzijiet osservati fi swieq attivi fejn assi simili huma nnegozjati;

(b)

il-prezzijiet osservati fi proċedimenti normali ta' insolvenza jew tranżazzjonijiet li b'xi mod ieħor tpoġġew f'diffikultà li kienu jinvolvu assi ta' natura u kundizzjoni simili;

(c)

il-prezzijiet osservati fi tranżazzjonijiet li kienu jinvolvu l-bejgħ ta' negozju jew it-trasferiment lil istituzzjoni tranżitorja jew veikolu tal-immaniġġar tal-assi f'kuntest ta' riżoluzzjoni rigward entitajiet simili;

(d)

il-probabbiltà ta' assi li jiġġeneraw flussi ta' flus netti skont proċeduri normali ta' insolvenza;

(e)

il-kundizzjonijiet mistennija tas-suq fil-perjodu ta' disponiment, inklużi l-profondità tas-suq u l-kapaċità tas-suq biex jiġi skambjat il-volum tal-assi rilevanti f'dak il-perjodu; kif ukoll

(f)

it-tul tal-perjodu tad-disponiment għandu jirrefletti l-implikazzjonijiet tal-liġi applikabbli dwar l-insolvenza, inkluż it-tul mistenni tal-proċess ta' likwidazzjoni, jew il-karatteristiċi tal-assi rilevanti.

(a)

sommarju tal-valutazzjoni inkluża preżentazzjoni ta'firxiet ta' valutazzjoni u s-sorsi ta' inċertezza tal-valutazzjoni;

(b)

Spjegazzjoni tal-metodoloġiji u s-suppożizzjonijiet ewlenin li ġew adottati, u kemm tkun sensittiva l-valwazzjonijiet għal dawn l-għażliet;

(c)

Spjegazzjoni, fejn hu fattibbli, għaliex il-valwazzjoni hi differenti minn valwazzjonijiet oħra relevanti, inklużi l-valwazzjonijiet tar-riżoluzzjoni immexxija skont ir-Regolament Delegat tal-Kummissjoni (UE) 2018/345 jew valwazzjonijiet oħra regolatorji jew ta' kontabilità.

9.3.2018   

MT

Il-Ġurnal Uffiċjali tal-Unjoni Ewropea

L 67/8

(1)

F'xenarju ta' riżoluzzjoni, huwa importanti li ssir distinzjoni bejn, min-naħa l-waħda, valwazzjoni inizjali li tivvaluta jekk il-kundizzjonijiet għall-valwazzjoni negattiva u l-konverżjoni tal-istrumenti kapitali jew il-kundizzjoni għal riżoluzzjoni ġewx issodisfati, u, min-naħa l-oħra, valwazzjoni sussegwenti li tifforma l-bażi għad-deċiżjoni li tiġi applikata għodda tar-riżoluzzjoni waħda jew aktar. Fir-rigward tal-valwazzjoni inizjali, huwa xieraq li jiġi żgurat li meta jiġi ddeterminat jekk ġewx issodisfati l-kundizzjonijiet għar-riżoluzzjoni jew għall-valwazzjoni negattiva jew il-konverżjoni tal-instrumenti kapitali, issir valwazzjoni ġusta u realistika tal-assi u l-obbligazzjonijiet tal-entità. Għall-finijiet tal-valwazzjoni sussegwenti li ssejjes id-deċiżjoni dwar l-azzjonijiet tar-riżoluzzjoni, huwa importanti li jiġi żgurat li l-valwazzjoni tal-assi u l-obbligazzjonijiet tal-entità, li tiddetermina l-għażla tal-azzjoni tar-riżoluzzjoni u l-punt limitu ta' kull valwazzjoni negattiva jew konverżjoni ta' strumenti kapitali fil-punt tan-nonvijabbiltà, tkun ibbażata fuq suppożizzjonijiet ġusti, prudenti u realistiċi.

(2)

Sabiex jiġi żgurat li din il-valwazzjoni tkun ġusta, prudenti u realistika, huwa importanti li tistma l-impatt ta' avvenimenti qabel kull azzjoni ta' riżoluzzjoni jew qabel l-eżerċizzju tas-setgħa ta' valwazzjoni negattiva jew konverżjoni ta' strumenti kapitali fil-punt tan-nonvijabbiltà, kif ukoll ta' azzjonijiet differenti li jistgħu jittieħdu mill-awtorità ta' riżoluzzjoni.

(3)

Il-valwatur jinħtieġ li jkollu aċċess għal kull sors rilevanti ta' informazzjoni u għarfien espert, bħal rekords interni, sistemi u mudelli tal-istituzzjoni. L-abbiltà tal-kapaċitajiet u s-sistemi interni biex isostnu l-valwazzjonijiet tar-riżoluzzjoni jinħtieġ li tiġi vvalutata mill-awtorità tar-riżoluzzjoni bħala parti mill-valutazzjoni tar-riżolvibbiltà skont l-Artikolu 15 tad-Direttiva 2014/59/UE. Il-valwatur jinħtieġ li jitħalla wkoll jidħol f'arranġamenti biex jikseb pariri jew għarfien espert. Id-disponibbiltà ta' pariri speċjalizzati jew għarfien espert tista' tkun rilevanti, pereżempju, għall-preparazzjoni ta' stima tad-differenza fit-trattament skont l-Artikolu 36(8) tad-Direttiva 2014/59/UE. Għalhekk l-awtorità tar-riżoluzzjoni jinħtieġ li tkun sodisfatta li l-valwatur ikollu aċċess għal lista tal-pretensjonijiet kollha inklużi pretensjonijiet kontinġenti miżmuma kontra l-entità u kklassifikati skont id-drittijiet u l-prijoritajiet tagħhom skont proċeduri normali ta' insolvenza, jew għal għarfien ġuridiku adegwat għall-preparazzjoni ta' tali lista.

(4)

Id-determinazzjoni ta' jekk entità hix qed tfalli jew x'aktarx li tfalli tista' ssir mill-awtorità kompetenti jew mill-awtorità ta' riżoluzzjoni f'konformità mal-kundizzjonijiet stabbiliti fl-Artikolu 32(1)(a) tad-Direttiva 2014/59/UE. Biex jiġi ddeterminat jekk istituzzjoni tkunx qed tfalli jew x'aktarx li tfalli, l-awtorità kompetenti jinħtieġ li tikkunsidra l-valwazzjoni prevista fil-Kapitolu II ta' dan ir-Regolament, fejn tkun diġà disponibbli u jinħtieġ li tikkunsidra l-linji gwida maħruġa mill-Awtorità Bankarja Ewropea (EBA) skont l-Artikolu 32(6) tad-Direttiva 2014/59/UE li għandhom l-għan li jippromwovu l-konverġenza ta' prattiki fir-rigward tad-determinazzjoni ta' tali kundizzjoni ta' riżoluzzjoni.

(5)

Il-valwazzjonijiet li jsejsu d-determinazzjoni mill-awtorità kompetenti jew tar-riżoluzzjoni jekk il-kundizzjonijiet għar-riżoluzzjoni jew għall-valwazzjoni negattiva jew għall-konverżjoni tal-istrumenti kapitali jkunux ġew issodisfati jinħtieġ li jkunu konsistenti mal-qafas tal-kontabbiltà u regolatorju prudenzjali applikabbli. Il-valwatur, madankollu, jinħtieġ li jkun jista' jiddevvja minn suppożizzjonijiet magħmula mill-maniġment tal-entità responsabbli mill-preparazzjoni tad-dikjarazzjonijiet finanzjarji sakemm din id-devjazzjoni tkun konsistenti mal-qafas ta' kontabbiltà u regolatorju prudenzjali applikabbli. Meta ssir devjazzjoni minn dawk is-suppożizzjonijiet, il-valwazzjoni jinħtieġ li tiġi sostnuta mill-aħjar informazzjoni disponibbli u tkun konsistenti ma' gwida superviżorja eżistenti jew ma' sorsi oħra rikonoxxuti ta' interpretazzjoni ta' standards tal-kontabbiltà, b'tali mod li ssir rappreżentanza ġusta u realistika tal-pożizzjoni finanzjarja tal-entità.

(6)

Huwa xieraq li jkun hemm regoli li jiżguraw li l-valwazzjonijiet li jsejsu l-għażla u t-tfassil ta' azzjonijiet ta' riżoluzzjoni jew il-punt limitu tal-valwazzjoni negattiva u tal-konverżjoni ta' strumenti kapitali fil-punt tan-nonvijabbiltà jkunu ġusti, prudenti u realistiċi, biex jiġi żgurat li t-telf kollu jkun rikonoxxut bis-sħiħ meta jiġu applikati l-għodod ta' riżoluzzjoni jew meta tiġi eżerċitata s-setgħa li ssir valwazzjoni negattiva jew konverżjoni tal-istrumenti kapitali rilevanti. L-għażla tal-bażi tal-kejl l-aktar xierqa (il-valur ta' żamma jew il-valur ta' disponiment) jinħtieġ li ssir għall-azzjonijiet ta' riżoluzzjoni partikolari li jkunu qed jiġu kkunsidrati mill-awtorità ta' riżoluzzjoni.

(7)

Huwa xieraq li valwazzjonijiet li jsejsu l-għażla u t-tfassil ta' azzjonijiet ta' riżoluzzjoni jew il-punt limitu tal-valwazzjoni negattiva u tal-konverżjoni ta' strumenti kapitali fil-punt tan-nonvijabbiltà jivvalutaw il-valur ekonomiku u mhux il-valur kontabilistiku. Dawn il-valwazzjonijiet jinħtieġ li jikkunsidraw il-valur preżenti ta' flussi ta' flus li l-entità tista' tistenna b'mod raġonevoli, anki fejn dan jimplika li ssir devjazzjoni minn oqfsa ta' kontabbiltà jew ta' valwazzjoni prudenzjali.

(8)

Valwazzjonijiet li jsejsu l-għażla u t-tfassil ta' azzjonijiet ta' riżoluzzjoni jinħtieġ li jirriflettu l-fatt li flussi ta' flus jistgħu jirriżultaw mit-tkomplija taż-żamma tal-assi, iżda jinħtieġ li jqisu l-effetti potenzjali tar-riżoluzzjoni fuq flussi ta' flus futuri u suppożizzjonijiet ġusti, prudenti u realistiċi fir-rigward tar-rati ta' inadempjenza u s-severità tat-telf. Barra minn hekk, biex jiddetermina l-valur ta' ekwità wara l-konverżjoni tal-ishma, il-valwatur jinħtieġ li jkun jista' jikkunsidra aspettattivi raġonevoli għall-valur ta' franchise.

(9)

Inkella, jekk l-entità ma għandhiex il-kapaċità li żżomm l-assi jew id-disponiment tagħhom huwa meqjus neċessarju jew xieraq biex jintlaħqu l-objettivi tar-riżoluzzjoni, il-valwazzjoni jinħtieġ li tirrifletti l-fatt li dawk il-flussi ta' flus jistgħu jirriżultaw mid-disponiment tal-assi, l-obbligazzjonijiet jew il-linji tan-negozju, ivvalutati tul perjodu definit ta' disponiment.

(10)

Il-valur ta' disponiment jinħtieġ li ġeneralment jinftiehem bħala ekwivalenti għall-prezz tas-suq osservabbli li jista' jinkiseb fis-suq għal assi partikolari jew grupp ta' assi u jista' jirrifletti tnaqqis li huwa xieraq fid-dawl tal-ammont tal-assi li jkunu qed jiġu ttrasferiti. Madankollu, il-valwatur jinħtieġ li jkun jista', fejn xieraq, wara li jqis l-azzjonijiet li jridu jittieħdu permezz tal-iskema ta' riżoluzzjoni, jiddetermina l-valur ta' disponiment billi japplika tnaqqis f'dan il-prezz tas-suq osservabbli li jikkorrispondi għal tnaqqis potenzjali ta' bejgħ aċċellerat. Jekk l-assi ma jkollhomx suq likwidu, il-valur ta' disponiment jinħtieġ li jkun iddeterminat b'referenza għall-prezzijiet osservabbli fis-swieq fejn assi simili jkunu nnegozjati jew għal mudelli ta' kalkoli li jużaw parametri osservabbli tas-suq filwaqt li jitqies it-tnaqqis għal nuqqas ta' likwidità. Jekk il-bejgħ tan-negozju jew l-użu tal-għodda tal-istituzzjoni tranżitorja jkunu kkontemplati, aspettattivi raġonevoli tal-valur ta' franchise jistgħu jkunu kkunsidrati meta jiġi ddeterminat il-valur ta' disponiment.

(11)

Biex tiġi żgurata l-konsistenza bejn il-kalkolu, meħtieġ mill-Artikolu 36(8) tad-Direttiva 2014/59/UE, tal-istima tat-trattament li l-azzjonisti u kull kategorija ta' kredituri kienu mistennija li jirċievu kieku l-istituzzjoni jew l-entità kellha tiġi stralċjata skont proċeduri normali ta' insolvenza, u l-valwazzjoni ta' wara r-riżoluzzjoni skont l-Artikolu 74 ta' din id-Direttiva, huwa importanti li l-valwatur juża l-kriterji stabbiliti għal din il-valwazzjoni fejn xieraq.

(12)

Valwazzjoni proviżorja skont l-Artikolu 36(9) tad-Direttiva 2014/59/UE li tifforma l-bażi tad-deċiżjoni dwar it-teħid tal-azzjoni ta' riżoluzzjoni xierqa jinħtieġ li tinkludi bafer intiż li jqarreb l-ammont ta' telf addizzjonali. Dan il-bafer jinħtieġ li jkun ibbażat fuq valutazzjoni ġusta, prudenti u realistika ta' dan it-telf addizzjonali. Id-deċiżjonijiet u s-suppożizzjonijiet li jsostnu l-kalkolu tal-bafer jinħtieġ li jkunu spjegati u ġustifikati b'mod adegwat fir-rapport ta' valwazzjoni.

(13)

Għall-valwazzjoni msemmija fil-punti (a) u (c) tal-Artikolu 36(15) tad-Direttiva 2014/59/UE, il-valwatur jinħtieġ li jispjega u jiġġustifika s-suppożizzjonijiet prinċipali, l-inċertezzi u s-sensittività tal-valwazzjoni għal dawn is-suppożizzjonijiet prinċipali u l-inċertezzi. Jekk l-valwatur ikun jaf b'differenzi sinifikanti bejn is-suppożizzjonijiet użati fil-valwazzjoni u dawk li jreġu l-informazzjoni kontabilistika jew regolatorja, huwa jinħtieġ li jinkludihom fir-rapport ta' valwazzjoni. F'dan ir-rapport il-valwatur għandu wkoll jieħu nota ta' kull informazzjoni relatata addizzjonali li fl-opinjoni tal-valwatur tkun tista' tassisti l-awtorità tar-riżoluzzjoni.

(14)

Il-kriterji stabbiliti f'dan ir-Regolament jinħtieġ li jkunu stabbiliti esklussivament għat-twettiq ta' valwazzjonijiet skont l-Artikolu 36 tad-Direttiva 2014/59/UE. Dawn jinħtieġ li ma jissostitwixxux jew jemendaw il-prinċipji u l-istandards kontabilistiċi jew il-qafas regolatorju prudenzjali li japplikaw għal entitajiet f'kuntesti differenti minn riżoluzzjoni. Madankollu, jinħtieġ li jkun possibbli li tintuża l-informazzjoni li tirriżulta mill-valwazzjoni biex jiġu identifikati każijiet ta' applikazzjoni ħażina potenzjali mill-entità tal-istandards kontabilistiċi jew tal-qafas regolatorju prudenzjali, jew biex jiġi ddeterminat tibdil fil-politika tal-kontabbiltà tal-entità jew fis-suppożizzjonijiet jew ġudizzji li jmexxu l-kejl tal-assi u l-obbligazzjonijiet. Dawn iċ-ċirkostanzi, pereżempju, jinħtieġ li jiġu kkunsidrati għall-preparazzjoni ta' karta tal-bilanċ aġġornata skont l-Artikolu 36(6) tad-Direttiva 2014/59/UE. Għal dan il-għan, il-valwatur jinħtieġ li jipprovdi spjegazzjoni adegwata tad-differenzi bejn il-karti tal-bilanċ eżistenti u aġġornati.

(15)

Dan ir-Regolament huwa bbażat fuq l-abbozz tal-istandards tekniċi regolatorji ppreżentati mill-EBA lill-Kummissjoni.

(16)

L-EBA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat l-ispejjeż u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2),

(a)

“valwazzjoni” tfisser il-valutazzjoni tal-assi u l-obbligazzjonijiet ta' entità mwettqa minn valwatur skont l-Artikolu 36(1) tad-Direttiva 2014/59/UE, jew il-valwazzjoni proviżorja mwettqa mill-awtorità ta' riżoluzzjoni jew il-valwatur, kif jista' jkun il-każ, skont, rispettivament, il-paragrafi (2) u (9) tal-Artikolu 36 ta' din id-Direttiva.

(b)

“valwatur” tfisser il-valwatur indipendenti fis-sens tal-Artikolu 38 tar-Regolament Delegat tal-Kummissjoni (UE) 2016/1075 (3) jew l-awtorità ta' riżoluzzjoni meta din twettaq valwazzjoni proviżorja skont il-paragrafi (2) u (9) tal-Artikolu 36 tad-Direttiva 2014/59/UE.

(c)

“entità” tfisser istituzzjoni jew entità kif imsemmija fil-punti (b), (c) jew (d) tal-Artikolu 1(1) tad-Direttiva 2014/59/UE.

(d)

“valur ġust” tfisser il-prezz li jkun riċevut biex jinbiegħ assi jew imħallas biex tiġi ttrasferita obbligazzjoni fi tranżazzjoni ordinata bejn parteċipanti fis-suq fid-data tal-valwazzjoni, kif definit skont il-qafas tal-kontabbiltà rilevanti.

(e)

“valur ta' żamma” tfisser il-valur preżenti, imnaqqas b'rata xierqa, ta' flussi ta' flus li l-entità tista' tistenna b'mod raġonevoli taħt suppożizzjonijiet ġusti, prudenti u realistiċi milli jinżammu assi u obbligazzjonijiet partikolari, filwaqt li jiġu kkunsidrati fatturi li jaffettwaw l-imġiba tal-konsumatur jew ta' kontroparti jew parametri ta' valwazzjoni oħrajn fil-kuntest ta' riżoluzzjoni.

(f)

“valur ta' disponiment” tfisser il-bażi tal-kejl imsemmi fl-Artikolu 12(5).

(g)

“valur ta' franchise” tfisser il-valur nett preżenti ta' flussi ta' flus li jistgħu jkunu mistennija b'mod raġonevoli li jirriżultaw miż-żamma u t-tiġdid tal-assi u l-obbligazzjonijiet jew negozji u jinkludi l-impatt ta' kull opportunità ta' negozju, kif rilevanti, inklużi dawk li jirriżultaw minn azzjonijiet ta' riżoluzzjoni differenti li huma valutati minn valwatur. Il-valur ta' franchise jista' jkunu ogħla jew inqas mill-valur li jirriżulta mit-termini u l-kundizzjonijiet kuntrattwali ta' assi u obbligazzjonijiet eżistenti fid-data tal-valwazzjoni.

(h)

“valur ta' ekwità” tfisser stima ta' prezz tas-suq, għal ishma trasferiti jew maħruġa, li tirriżulta mill-applikazzjoni ta' metodoloġiji ta' valwazzjoni aċċettati b'mod ġenerali. Skont in-natura tal-assi jew in-negozju, il-valur ta' ekwità jista' jinkludi l-valur ta' franchise.

(i)

“bażijiet tal-kejl” tfisser l-approċċ għad-determinazzjoni tal-ammonti monetarji li bihom l-assi jew l-obbligazzjonijiet huma ppreżentati mill-valwatur.

(j)

“data tar-riżoluzzjoni” tfisser id-data li fiha d-deċiżjoni biex entità tiġi riżolta tkun adottata, skont l-Artikolu 82 tad-Direttiva 2014/59/UE.

(a)

il-valur ta' pretensjonijiet ta' kull kategorija skont il-liġi applikabbli ta' insolvenza u, fejn ikun rilevanti u fattibbli, skont id-drittijiet kuntrattwali mogħtija fuq il-pretendenti;

(b)

ir-rikavat li kull kategorija tirċievi kieku l-entità kellha tiġi stralċjata taħt proċeduri normali ta' insolvenza;

Meta jiġu kkalkulati l-istimi skont il-punti (a) u (b) tal-ewwel subparagrafu, il-valwatur jista' japplika l-kriterji stabbiliti fl-Artikolu 4 tar-Regolament Delegat tal-Kummissjoni (UE) 2018/344 tal-14 ta' Novembru 2017 li jissupplimenta d-Direttiva 2014/59/UE tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-kriterji li għandhom x'jaqsmu ma' metodoloġiji għall-valwazzjoni tad-differenza fit-trattament fir-riżoluzzjoni kif xieraq.

(a)

id-data ta' referenza kif determinata mill-valwatur fuq il-bażi tad-data qrib kemm jista' jkun qabel id-data mistennija ta' deċiżjoni mill-awtorità ta' riżoluzzjoni biex tpoġġi l-entità f'riżoluzzjoni jew biex teżerċita s-setgħa għal valwazzjoni negattiva jew konverżjoni ta' strumenti kapitali;

(b)

id-data tar-riżoluzzjoni, fejn valwazzjoni definittiva ex post meħtieġa mill-Artikolu 36(10) tad-Direttiva 2014/59/UE tiġi mwettqa;

(c)

il-mument determinat skont l-Artikolu 8 tar-Regolament Delegat tal-Kummissjoni (UE) 2016/1401 (4) fir-rigward tal-obbligazzjonijiet li jirriżultaw minn kuntratti tad-derivattivi.

(a)

id-dikjarazzjonijiet finanzjarji aġġornati u r-rappurtar regolatorju ppreparati mill-entità kemm jista' jkun qrib id-data tal-valwazzjoni;

(b)

spjegazzjoni tal-metodoloġiji, is-suppożizzjonijiet u l-ġudizzji prinċipali użati mill-entità biex jiġu ppreparati d-dikjarazzjonijiet finanzjarji u r-rappurtar regolatorju;

(c)

data inkluża fir-rekords tal-entità;

(d)

data dwar is-suq rilevanti;

(e)

konklużjonijiet tal-valwatur mid-diskussjoni mal-maniġment u l-awdituri;

(f)

jekk disponibbli, valutazzjonijiet superviżorji tal-kundizzjoni finanzjarja tal-entità, inkluża informazzjoni miksuba skont il-punt (h) tal-Artikolu 27(1) tad-Direttiva 2014/59/UE;

(g)

valutazzjonijiet tal-industrija kollha tal-kwalità tal-assi, fejn rilevanti għall-assi tal-entità, kif ukoll ir-riżultati tat-testijiet tal-istress;

(h)

valwazzjonijiet tal-pari, aġġustati b'mod adegwat biex jirriflettu ċ-ċirkostanzi speċifiċi tal-entità;

(i)

informazzjoni storika, aġġustata b'mod adegwat biex jiġu eliminati fatturi li ma għadhomx rilevanti, u biex jiġu inkorporati fatturi oħrajn li ma affettwawx l-informazzjoni storika; jew

(j)

analiżijiet tax-xejriet, aġġustati b'mod adegwat biex jirriflettu ċ-ċirkostanzi speċifiċi tal-entità.

(a)

ħlief kif ipprovdut fl-Artikolu 36(9) tad-Direttiva 2014/59/UE, l-informazzjoni msemmija fil-punti minn (a) sa (c) tal-Artikolu 36(6) ta' din id-Direttiva;

(b)

ħlief kif ipprovdut fl-Artikolu 36(9) tad-Direttiva 2014/59/UE, l-informazzjoni msemmija fl-Artikolu 36(8) tad-Direttiva 2014/59/UE;

(c)

il-valwazzjoni tal-obbligazzjonijiet li jirriżultaw mid-derivattivi mwettqa skont ir-Regolament Delegat (UE) 2016/1401 tal-Kummissjoni;

(d)

sommarju tal-valwazzjoni inkluża spjegazzjoni tal-aħjar stima tal-punt, firxa ta' valuri u s-sorsi ta' inċertezza tal-valwazzjoni;

(e)

spjegazzjoni tal-metodoloġiji u s-suppożizzjonijiet prinċipali użati mill-valwatur meta jwettaq il-valwazzjoni, kemm hija sensittiva l-valwazzjoni għall-għażliet ta' metodoloġiji u suppożizzjonijiet u, fejn fattibbli, spjegazzjoni ta' kif dawk il-metodoloġiji u s-suppożizzjonijiet huma differenti minn dawk użati għal valwazzjonijiet rilevanti oħrajn inklużi valwazzjonijiet preliminari ta' riżoluzzjoni;

(f)

kull informazzjoni addizzjonali li fl-opinjoni tal-valwatur tista' tassisti lill-awtorità tar-riżoluzzjoni jew l-awtorità kompetenti għall-finijiet tal-Artikolu 36 minn (1) sa (11) tad-Direttiva 2014/59/UE.

(a)

self jew portafolli ta' self, li l-flussi ta' flus mistennija tagħhom jiddependu mill-abbiltà, ir-rieda jew l-inċentiv tal-kontroparti li jwettaq l-obbligu tiegħu, jekk dawn l-aspettattivi jkunu xprunati minn suppożizzjonijiet relatati mar-rati ta' delinkwenza, probabbiltajiet ta' inadempjenza, telf fil-każ ta' inadempjenza, jew karatteristiċi tal-istrument, speċjalment fejn xejriet ta' telf ta' portafoll ta' self juru evidenza ta' dan;

(b)

assi riposseduti, li l-flussi ta' flus tagħhom huma affettwati kemm mill-valur ġust tal-assi fiż-żmien meta l-entità tipprekludi t-titolu jew il-privileġġ relatati, u l-evoluzzjoni mistennija ta' tali valur wara l-preklużjoni;

(c)

strumenti mkejla bil-valur ġust fejn il-kalkolu ta' dan il-valur ġust f'konformità mar-rekwiżiti kontabilistiċi jew prudenzjali fir-rigward tal-evalwazzjoni tagħhom b'referenza għall-prezz tas-suq jew b'referenza għal mudell ma jkunx għadu applikabbli jew validu meta jitqiesu ċ-ċirkostanzi;

(d)

avvjament u assi intanġibbli, fejn it-test ta' indeboliment jista' jiddependi fuq ġudizzju suġġettiv, inkluż fir-rigward tal-kurrent tal-fluss tal-flus li jista' jintlaħaq b'mod raġonevoli, rati ta' tnaqqis, u l-perimetru ta' unitajiet li jiġġeneraw il-flus;

(e)

tilwim legali u azzjonijiet regolatorji, li l-flussi ta' flus mistennija tagħhom jistgħu jkunu soġġetti għal gradi differenti ta' inċertezza relatata mal-ammont u/jew l-iskedar tagħhom;

(f)

oġġetti li jinkludu assi u obbligazzjonijiet tal-pensjoni u oġġetti tat-taxxa differita.

(a)

iċ-ċirkostanzi ekonomiċi u tal-industrija li jaffettwaw l-entità, inklużi żviluppi tas-suq rilevanti;

(b)

il-mudell tan-negozju tal-entità u bidliet fl-istrateġija tagħha;

(c)

il-kriterji tal-għażla tal-assi tal-entità, inklużi politiki ta' sottoskrizzjoni ta' self;

(d)

ċirkostanzi u prattiki li x'aktarx iwasslu għal xokkijiet ta' pagament;

(e)

ċirkostanzi li jaffettwaw il-parametri użati biex jiġu ddeterminati l-assi mwieżna għar-riskju għall-kalkolu ta' rekwiżiti kapitali minimi;

(f)

l-impatt tal-istruttura finanzjarja tal-entità fuq il-kapaċità tal-entità li żżomm assi għall-perjodu ta' żamma mistenni u l-kapaċità tal-entità li tiġġenera flussi prevedibbli ta' flus;

(g)

tħassib dwar il-likwidità ġenerali jew tal-enetità jew tħassib dwar il-finanzjament.

(a)

bidliet fis-suppożizzjonijiet jew l-aspettattivi, meta mqabbla ma' dawk prevalenti sad-data tal-valwazzjoni, konsistenti max-xejriet storiċi fuq terminu twil u orizzont raġonevoli konsistenti mal-perjodu kkontemplat taż-żamma tal-assi jew għall-irkupru tal-entità; jew

(b)

bażijiet ta' valwazzjoni addizzjonali jew alternattivi jew metodoloġiji li huma kkunsidrati xierqa mill-valwatur u konsistenti ma' dan ir-Regolament, inkluż fil-kuntest tal-valutazzjoni tal-valur ta' ekwità wara l-konverżjoni tal-ishma.

(a)

il-valuri tad-disponiment u l-perjodi tad-disponiment osservati fi tranżazzjonijiet simili, aġġustati b'mod adegwat biex ikunu kkunsidrati differenzi fil-mudell tan-negozju u fl-istruttura finanzjarja tal-partijiet għal dawk it-tranżazzjonijiet;

(b)

vantaġġi jew żvantaġġi ta' tranżazzjoni partikolari li huma speċifiċi għall-partijiet involuti jew għal subsett ta' parteċipanti tas-suq;

(c)

attributi partikolari ta' assi jew negozju li jistgħu jkunu rilevanti biss għal xerrej potenzjali, jew għal subsett ta' parteċipanti tas-suq;

(d)

l-impatt li x'aktarx ikollu l-bejgħ mistenni fuq il-valur ta' franchise tal-entità.

9.3.2018   

MT

Il-Ġurnal Uffiċjali tal-Unjoni Ewropea

L 67/18

(1)

Ir-Regolament (KE) Nru 1831/2003 jistipula l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

F'konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta' preparazzjoni tal-Lactobacillus buchneri NRRL B-50733. Mal-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-Lactobacillus buchneri NRRL B-50733 bħala addittiv fl-għalf għall-ispeċi kollha tal-annimali, li jenħtieġ li jiġi kklassifikat fil-kategorija tal-addittivi “addittivi teknoloġiċi”.

(4)

Fl-opinjoni tagħha tal-4 ta' Lulju 2017 (2) l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, bil-kundizzjonijiet proposti tal-użu tagħha, il-preparazzjoni tal-Lactobacillus buchneri NRRL B-50733 ma għandhiex effett avvers fuq is-saħħa tal-annimali, is-saħħa tal-bnedmin jew l-ambjent. L-Awtorità kkonkludiet ukoll li l-preparazzjoni kkonċernata għandha l-potenzjal li ttejjeb il-produzzjoni ta' għalf insilat magħmul minn materjal li jista' jiġi pproċessat f'materjal għall-ħżin f'silos b'mod faċli, b'mod moderatament diffiċli u b'mod diffiċli. L-Awtorità ma tqisx li hemm bżonn ta' rekwiżiti speċifiċi għall-monitoraġġ ta' wara t-tqegħid fis-suq. Hija vverifikat ukoll ir-rapport dwar il-metodu tal-analiżi tal-addittiv fl-għalf, fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparazzjoni tal-Lactobacillus buchneri NRRL B-50733 turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dik il-preparazzjoni jiġi awtorizzat kif speċifikat fl-Anness ta' dan ir-Regolament.

(6)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

9.3.2018   

MT

Il-Ġurnal Uffiċjali tal-Unjoni Ewropea

L 67/21

(1)

Ir-Regolament (KE) Nru 1831/2003 jistipula l-awtorizzazzjoni tal-addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni. L-Artikolu 10 ta' dak ir-Regolament jipprevedi l-evalwazzjoni mill-ġdid tal-addittivi awtorizzati skont id-Direttiva tal-Kunsill 70/524/KEE (2).

(2)

Il-preparat ta' Saccharomyces cerevisiae CNCM I-1079 ġie awtorizzat mingħajr skadenza bħala addittiv tal-għalf għall-ħnienes bir-Regolament tal-Kummissjoni (KE) Nru 1847/2003 (3) u għall-ħnieżer nisa bir-Regolament tal-Kummissjoni (KE) Nru 2036/2005 (4). Dan l-addittiv iddaħħal sussegwentement fir-Reġistru tal-addittivi tal-għalf bħala prodott eżistenti, skont l-Artikolu 10(1) tar-Regolament (KE) Nru 1831/2003.

(3)

Ġiet ippreżentata applikazzjoni għall-evalwazzjoni mill-ġdid tal-preparat ta' Saccharomyces cerevisiae CNCM I-1079 bħala addittiv fl-għalf għall-ħnieżer nisa u għall-ħnienes, skont l-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu. L-applikant talab li l-addittiv jiġi kklassifikat fil-kategorija tal-addittivi “addittivi żootekniċi”. Mal-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

Fl-opinjonijiet tagħha tal-20 ta' April 2016 u tal-4 ta' Lulju 2017 (5), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li skont il-kundizzjonijiet tal-użu proposti, il-preparat ta' Saccharomyces cerevisiae CNCM I-1079 ma għandux effett ħażin fuq saħħet l-annimali, fuq saħħet il-bniedem jew fuq l-ambjent. Ikkonkludiet ukoll li l-addittiv jirriżulta effikaċi għall-ħnieżer nisa bil-għan li jibbenefikaw il-ħnienes miftuma u l-ħnienes mhux miftuma sabiex jinkiseb titjib sinifikanti fil-proporzjon tal-għalf maż-żieda fil-piż. L-Awtorità ma tqisx li hemm bżonn ta' rekwiżiti speċifiċi għas-sorveljanza ta' wara t-tqegħid fis-suq. Ivverifikat ukoll ir-rapport dwar il-metodu ta' analiżi tal-addittiv fl-għalf, fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparat ta' Saccharomyces cerevisiae CNCM I-1079 turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, ġew issodisfati. Għaldaqstant, jenħtieġ li l-użu ta' dan il-preparat jiġi awtorizzat kif speċifikat fl-Anness ta' dan ir-Regolament.

(6)

Jenħtieġ li r-Regolamenti (KE) Nru 1847/2003 u (KE) Nru 2036/2005 jiġu emendati skont dan.

(7)

Minħabba li r-raġunijiet ta' sikurezza ma jeħtiġux l-applikazzjoni immedjata tal-modifiki fil-kundizzjonijiet tal-awtorizzazzjoni, jixraq li jingħata perjodu tranżitorju biex il-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda li ġġib magħha l-awtorizzazzjoni.

(8)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-Artikolu 2 jitħassar;

(2)

L-Anness II jitħassar.

9.3.2018   

MT

Il-Ġurnal Uffiċjali tal-Unjoni Ewropea

L 67/24

(1)

Permezz tar-Regolament (UE) Nru 978/2012 tal-Parlament Ewropew u tal-Kunsill (2), l-Unjoni tat preferenzi tariffarji ġeneralizzati (SĠP) lill-Kambodja. L-iskema tal-SĠP daħlet fis-seħħ fl-1 ta' Jannar 2014.

(2)

Ir-Regolament (UE) Nru 952/2013 jipprevedi l-possibbiltà li jingħataw, f'ċerti ċirkostanzi definiti b'mod preċiż, u għal ċerti oġġetti, derogi mir-regoli dwar l-oriġini preferenzjali favur pajjiżi li jibbenefikaw minn SĠP. Skont ir-Regolament Delegat tal-Kummissjoni (UE) 2015/2446 (3), il-kumulazzjoni reġjonali tista' tapplika biss fl-istess grupp reġjonali għal pajjiżi li, fil-mument tal-esportazzjoni lejn l-Unjoni, huma benefiċjarji tal-SĠP.

(3)

Fit-13 ta' Ottubru 2016, il-Kambodja ressqet talba għal estensjoni ta' tliet snin għad-deroga li kienet ingħatat permezz tar-Regolament ta' Implimentazzjoni tal-Kummissjoni (UE) Nru 822/2014 (4). Skont dik id-deroga, il-Kambodja kellha d-dritt, bl-iskop li tkun determinata l-oriġini tar-roti tal-intestatura HS 8712 importati lejn l-Unjoni mill-Kambodja, li tqis il-partijiet li joriġinaw mill-Malasja bħala materjali li joriġinaw fil-Kambodja permezz ta' akkumulazzjoni reġjonali taħt l-iskema SĠP, minkejja li l-Malasja ma kinitx pajjiż benefiċjarju mill-SĠP.

(4)

Fit-talba tagħha, il-Kambodja qieset li kienu saru sforzi konsiderevoli mill-industrija tar-roti tagħha biex tikkonforma gradwalment mar-regoli tal-oriġini tal-Unjoni għall-pajjiżi l-anqas żviluppati (kif previst fl-Anness 22-03 tar-Regolament Delegat tal-Kummissjoni (UE) 2015/2446), li skontu, biex prodott jitqies li joriġina fil-pajjiż l-anqas żviluppat, il-materjali li jintużaw għall-produzzjoni tiegħu u importati minn pajjiżi oħra jenħtieġ li ma jaqbżux is-70 %. Madankollu, l-Kambodja kkonkludiet li aktar żmien huwa meħtieġ biex dik l-industrija tikkonforma kompletament mar-regoli tal-oriġini tal-Unjoni għall-pajjiżi l-anqas żviluppati.

(5)

Permezz ta' ittra tas-17 ta' Frar 2017 il-Kummissjoni talbet lill-Kambodja biex tagħtiha aktar informazzjoni. Fil-15 ta' Ġunju 2017, il-Kambodja bagħtet it-tweġiba tagħha għal din it-talba, u minħabba f'hekk l-applikazzjoni tagħha kienet ikkunsidrata bħala kompluta.

(6)

Fit-tweġiba tagħha, il-Kambodja wriet li kienu saru sforzi biex l-industrija tar-roti ssir aktar awtonoma bis-saħħa ta' investimenti mmirati lejn l-istabbiliment ta' linji oħra tal-manifattura tal-parts (bħalma huma l-frejms, iż-żebgħa, l-iwweldjar jew ir-rimmijiet). Il-Kambodja spjegat ukoll li l-manifatturi kienu ngħataw inċentiv biex jixtru aċċessorji tar-roti kif ukoll materjal tal-ippakkjar mill-fornituri lokali biex b'hekk jiżdied il-valur miżjud li jinħoloq fil-Kambodja. B'konsegwenza, il-Kambodja issa għandha l-politika tagħha stess biex tattira l-investituri ħalli jistabbilixxu clusters f'żoni ekonomiċi speċjali b'appoġġ għall-industrija tar-roti.

(7)

Il-Kambodja tenfasizza li perjodu ta' żmien addizzjonali jkun importanti biex jinżamm ir-ritmu tal-industrija tar-roti tal-Kambodja u biex jidħlu fis-seħħ proġetti ġodda, b'mod partikolari fil-qasam tal-promozzjoni tal-investimenti f'membri oħra tal-ASEAN, li se jgħinu biex jintlaħqu l-ħtiġijiet tal-industrija tar-roti tal-Kambodja fir-rigward tal-kwalità u l-prezz tal-parts tar-roti.

(8)

Mill-informazzjoni addizzjonali jidher li l-Kambodja issa toffri livell sodisfaċenti ta' awtonomija lill-industrija tar-roti tagħha u ċ-ċifri li ppreżentat fir-rapport tagħha juru li r-regola tal-oriġini li tippermetti l-użu ta' 70 % ta' materjali mhux oriġinarji dalwaqt tista' tiġi rispettata b'mod sostenibbli. Għaldaqstant, fid-dawl ta' dak it-titjib, ma teżistix il-ħtieġa għal perjodu twil ta' estensjoni tad-deroga jew biex għadd kbir ta' unitajiet importati lejn l-Unjoni jiġu koperti minn dik id-deroga. Peress li d-deroga għall-2016 kienet tikkonċerna 150 000 unità, għadd ta' 100 000 unità se jkun biżżejjed biex il-Kambodja tkun appoġġata sakemm l-industrija tagħha ssir kompletament awtonoma.

(9)

Madankollu, kif spjegat il-Kambodja fit-talba tagħha, l-użu sħiħ tad-deroga jiddependi fuq ir-ritmu staġjonali li jissepara l-perjodu għall-ordni tal-parts (Ottubru-Diċembru) mill-perjodu tal-importazzjoni ta' dawk il-parts minn pajjiżi oħra (minn Mejju tas-sena ta' wara sa Marzu tat-tielet sena). Għalhekk jidher li jkun meħtieġ perjodu ta' żmien twil biżżejjed biex id-deroga tkun ta' benefiċċju. Għall istess raġunijiet, dan ir-Regolament jenħtieġ li jidħol fis-seħħ fil-jum tal-pubblikazzjoni tiegħu f'Il-Ġurnal Uffiċċjali tal-Unjoni Ewropea.

(10)

Sabiex ikun hemm sorveljanza effiċjenti tal-operat tad-deroga, huwa neċessarju li l-awtoritajiet tal-Kambodja jkunu meħtieġa jikkomunikaw regolarment lill-Kummissjoni d-dettalji tal-Formola A taċ-ċertifikati tal-oriġini li nħarġu fil-kuntest tad-deroga.

(11)

Id-deroga jenħtieġ li tikkonċerna prodotti tal-intestatura HS 8712 li jużaw parts mill-intestatura HS 8714 li joriġinaw mill-Malasja.

(12)

Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali,

—

“Derogation — Commission Implementing Regulation (EU) 2018/348”,

9.3.2018   

MT

Il-Ġurnal Uffiċjali tal-Unjoni Ewropea

L 67/28

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar tal-fondi u tar-riżorsi ekonomiċi skont dan ir-Regolament.

(2)

Fis-6 ta' Marzu 2018, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jżid tliet entrati fuq il-lista ta' persuni, gruppi u entitajiet li fuqhom jenħtieġ li japplika l-iffriżar ta' fondi u ta' riżorsi ekonomiċi. Għalhekk jenħtieġ li l-Anness I tar-Regolament (KE) Nru 881/2002 jiġi emendat skont dan.

(3)

Sabiex jiġi żgurat li l-miżuri previsti f'dan ir-Regolament ikunu effettivi, jenħtieġ li dan jidħol fis-seħħ immedjatament,

9.3.2018   

MT

Il-Ġurnal Uffiċjali tal-Unjoni Ewropea

L 67/30

(1)

Id-Direttiva 2001/18/KE tal-Parlament Ewropew u tal-Kunsill tistabbilixxi r-rekwiżiti għall-istima tar-riskju ambjentali ta' organiżmi modifikati ġenetikament (“GMOs”).

(2)

Fl-4 ta' Diċembru 2008, il-Kunsill adotta Konklużjonijiet dwar il-GMOs filwaqt li saħaq fuq il-ħtieġa li l-istima tar-riskju ambjentali tal-GMOs tiġi aġġornata u msaħħa, b'mod partikolari fir-rigward tal-istima tal-effetti ambjentali fit-tul.

(3)

Wara talba mill-Kummissjoni, l-Awtorità Ewropea dwar is-Sigurtà fl-Ikel (l-EFSA) adottat Opinjoni xjentifika f'Ottubru 2010 li tistabbilixxi gwida dwar l-istima tar-riskju ambjentali tal-pjanti ġenetikament modifikati (2) (“il-Gwida”), li hija verżjoni riveduta tal-gwida preċedenti. Dokumenti oħra ta' gwida maħruġa mill-EFSA u mill-Aġenzija Ewropea għall-Mediċini huma rilevanti għall-istima tar-riskju ambjentali tal-GMOs għajr il-pjanti.

(4)

L-Artikolu 3 tad-Direttiva (UE) 2015/412 tal-Parlament Ewropew u tal-Kunsill (3) jistipula li sat-3 ta' April 2017, il-Kummissjoni trid taġġorna l-Annessi tad-Direttiva 2001/18/KE fir-rigward tal-valutazzjoni tar-riskju ambjentali, bl-għan li tinkorpora u tibni fuq il-Gwida, li mhijiex legalment vinkolanti.

(5)

Sabiex ikun hemm adattament għall-progress tekniku u filwaqt li titqies l-esperjenza miksuba fl-istima tar-riskju ambjentali ta' pjanti ġenetikament modifikati, jenħtieġ li l-elementi essenzjali tal-Gwida jiġu inkorporati fid-Direttiva 2001/18/KE. B'dan il-mod, il-prinċipju li l-istima tar-riskju ambjentali jenħtieġ li titwettaq fuq bażi ta' każ b'każ, jenħtieġ li jiġi rrispettat.

(6)

Il-gwida ġiet imfassla essenzjalment għal notifiki għall-fini ta' tpoġġija fis-suq (“notifiki tal-Parti C”) ta' pjanti ġenetikament modifikati, filwaqt li l-Anness II tad-Direttiva 2001/18/KE japplika kemm għan-notifiki tal-Parti C kif ukoll għan-notifiki għal skopijiet oħra minbarra t-tpoġġija fis-suq (“in-notifiki tal-Parti B”). Għaldaqstant, ċerti rekwiżiti li jirriżultaw mill-inkorporazzjoni tal-Gwida fl-Anness II jenħtieġ li japplikaw biss għan-notifiki tal-Parti C, għaliex ikunu irrilevanti jew sproporzjonati fil-kuntest tan-notifiki tal-Parti B, li essenzjalment jikkonċernaw ir-rilaxxi sperimentali.

(7)

Il-parti C tal-Anness II tad-Direttiva 2001/18/KE tikkonċerna l-metodoloġija tal-istima tar-riskju ambjentali. Jenħtieġ li din tiġi aġġornata biex tinkorpora, b'mod partikolari, it-terminoloġija użata biex tiddeskrivi s-sitt passi tal-approċċ ta' stima kif hemm deskritt fil-Gwida.

(8)

Il-parti D tal-Anness II tad-Direttiva 2001/18/KE tapplika għall-konklużjonijiet tal-istima tar-riskju ambjentali u tinkludi żewġ taqsimiet distinti, dwar il-GMOs minbarra l-pjanti ogħla (it-taqsima D.1) u dwar il-pjanti ogħla ġenetikament modifikati (it-taqsima D.2) rispettivament. Il-Gwida tqis li fl-istima tar-riskju ambjentali ta' pjanti ġenetikament modifikati, iridu jiġu indirizzati seba' oqsma speċifiċi ta' riskju sabiex ikunu jistgħu jinsiltu l-konklużjonijiet. Għaldaqstant, jenħtieġ li l-istruttura u l-kontenut tat-taqsima D.2 tal-Anness II jiġu aġġornati biex jirriflettu dawk l-oqsma ta' riskju.

(9)

Meta l-istima tar-riskju ambjentali tkun tikkonċerna pjanta ġenetikament modifikata li ssir tolleranti għal erbiċida, jenħtieġ li l-kamp ta' applikazzjoni tagħha jkun konsistenti mad-Direttiva 2001/18/KE. L-istima tar-riskju ambjentali tal-użu ta' prodott għall-protezzjoni tal-pjanti, inkluż l-użu tiegħu fuq pjanta ġenetikament modifikata, taqa' taħt il-kamp ta' applikazzjoni tar-Regolament (KE) Nru 1107/2009 tal-Parlament Ewropew u tal-Kunsill (4) u se titwettaq fil-livell tal-Istati Membri biex tqis il-kundizzjonijiet agrikoli speċifiċi.

(10)

L-Anness III B tad-Direttiva 2001/18/KE jelenka l-informazzjoni meħtieġa f'notifiki dwar rilaxxi ta' pjanti ogħla ġenetikament modifikati u japplika kemm għan-notifiki tal-Parti C kif ukoll għan-notifiki tal-Parti B. L-istruttura, il-kontenut u l-livell ta' dettall tiegħu jenħtieġ li jiġu emendati sabiex tiġi żgurata l-konsistenza mal-Gwida. Billi l-biċċa l-kbira tat-tibdil iġġenerat mill-Gwida jikkonċerna l-istima tar-riskju ambjentali tan-notifiki tal-Parti C, u fl-interess taċ-ċarezza u tas-simplifikazzjoni għan-notifikaturi u għall-awtoritajiet kompetenti, huwa xieraq li l-istruttura tal-Anness III B tinbidel billi r-rekwiżiti li jikkonċernaw in-notifiki tal-Parti C jiġu sseparati mir-rekwiżiti li jikkonċernaw in-notifiki tal-Parti B.

(11)

Il-biċċa l-kbira tat-talbiet għall-awtorizzazzjoni tat-tpoġġija fis-suq ta' pjanti ġenetikament modifikati huma ppreżentati skont ir-Regolament (KE) Nru 1829/2003 tal-Parlament Ewropew u tal-Kunsill (5). Fl-interess tas-simplifikazzjoni, huwa għalhekk xieraq li, sa fejn hu possibbli, l-ordni tal-biċċiet ta' informazzjoni meħtieġa għan-notifiki tal-Parti C fl-Anness III B tad-Direttiva 2001/18/KE jiġi allinjat mal-ordni segwit fir-Regolament ta' Implimentazzjoni tal-Kummissjoni (UE) Nru 503/2013 (6).

(12)

L-Anness IV tad-Direttiva 2001/18/KE jistabbilixxi rekwiżiti ta' informazzjoni addizzjonali għan-notifiki tal-Parti C biss. Ir-rekwiżiti stabbiliti f'dak l-Anness rigward il-metodi ta' kxif jenħtieġ li jiġu aġġornati fid-dawl tal-progress tekniku, b'mod partikolari fir-rigward tas-sottomissjoni tal-materjal ta' referenza min-notifikaturi.

(13)

Il-miżuri previsti f'din id-Direttiva huma skont l-opinjoni tal-Kumitat stabbilit bl-Artikolu 30 tad-Direttiva 2001/18/KE,

9.3.2018   

MT

Il-Ġurnal Uffiċjali tal-Unjoni Ewropea

L 67/46

(1)

Permezz tar-Regolament ta' Implimentazzjoni (UE) 2017/1795 (2) il-Kummissjoni Ewropea (“il-Kummissjoni”) imponiet dazju antidumping definittiv fuq importazzjonijiet ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar (hot-rolled flat – “HRF”) li joriġinaw mill-Brażil, l-Iran, ir-Russja u l-Ukrajna u li jtemm l-investigazzjoni fir-rigward ta' importazzjonijiet ta' ċerti prodotti ċatti b'laminazzjoni termali tal-ħadid, azzar mhux illigat jew liga oħra tal-azzar li joriġinaw mis-Serbja (“ir-Regolament definittiv”).

(2)

Matul l-investigazzjoni li wasslet għall-impożizzjoni ta' dan id-dazju, ħames produtturi esportaturi mill-Brażil, l-Iran, ir-Russja u l-Ukrajna offrew impenji fuq il-prezz. Minħabba li dawn l-offerti saru wara żvelar addizzjonali finali li ġiet tard fl-investigazzjoni, il-Kummissjoni ma setgħetx tanalizza jekk dawn il-garanziji tal-prezzijiet kinux aċċettabbli, qabel l-iskadenza għall-adozzjoni tar-Regolament definittiv. Għalhekk, meta wieħed jikkunsidra dan bħala ċirkustanza eċċezzjonali, il-Kummissjoni impenjat ruħha biex tikkompleta l-analiżi ta' dawn il-ħames offerti fi stadju aktar tard. Wara l-konklużjoni tal-investigazzjoni u l-pubblikazzjoni tar-Regolament definitti, is-sitt produttur esportatur offra impenn fuq il-prezz.

(3)

Fit-18 ta' Diċembru 2017, il-Kummissjoni infurmat lill-partijiet interessati kollha bil-valutazzjoni tal-offerti ta' impenn sottostanti għall-intenzjoni tagħha li tirrifjuta l-offerti ta' impenn kollha (“valutazzjoni tal-Kummissjoni”). Fuq il-bażi ta' din l-informazzjoni, il-partijiet interessati għamlu sottomissjonijiet bil-miktub b'kummenti dwar il-valutazzjoni u f'xi każijiet, b'emendi ulterjuri għall-offerti tagħhom. Il-partijiet interessati li talbu li jinstemgħu ngħataw ukoll seduta ta' smigħ.

(4)

Fit-3 ta' Jannar 2018, il-Kummissjoni rċeviet talba mingħand il-Gvern tal-Ukrajna għal konsultazzjoni skont l-Artikolu 50 bis tal-Ftehim bejn l-UE u l-Ukrajna (3). Il-konsultazzjonijiet saru fis-26 ta' Jannar 2018. Ġew sottomessi kummenti bil-miktub fil-31 ta' Jannar 2018.

(5)

L-adegwatezza u l-prattikabbiltà tal-offerti kollha ġew evalwati fid-dawl tal-qafas legali applikabbli, inkluż il-Ftehim ta' Assoċjazzjoni UE-Ukrajna fil-każ tal-produttur esportatur Ukren.

(6)

Il-produttur esportatur offra prezz minimu tal-importazzjoni (“PMI”) wieħed għal kull tunnellata għal ċertu volum ta' esportazzjonijiet lejn l-Unjoni u PMI ieħor — ogħla — għal volum akbar minn dak. Il-produttur esportatur offra wkoll mekkaniżmu ta' aġġustament tal-prezz.

(7)

L-offerta bbażat fuq PMI medju wieħed hija inadegwata għax mhux se tneħħi l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Kif rikonoxxut fil-premessi 632 u 655 tar-Regolament definittiv, il-Kummissjoni qieset li miżura fil-forma ta' ammont fiss għal kull tunnellata speċifiku għall-kumpanija kien jirrifletti d-dannu kkawżat mill-produttur esportatur li nstab li kien qed iwettaq dumping b'mod aktar preċiż minn PMI. Hija tiżgura wkoll li b'differenza minn PMI, id-dazju jneħħi d-dannu kompletament u jipproteġi immedjatament lill-industrija tal-Unjoni. Barra minn hekk l-offerta tkopri tranżazzjonijiet bejn entitajiet relatati. In-natura stess ta' relazzjonijiet bħal dawn tippreżenta għadd ta' possibbiltajiet għal kumpens trasversali. Kull tranżazzjoni self jew għotja oħra bejn iż-żewġ entitajiet relatati jistgħu jiġu użati biex ipaċu l-PMI. Il-Kummissjoni mhijiex f'pożizzjoni li ssegwi dawn it-tranżazzjonijiet u hija nieqsa minn valuri indikattivi xierqa li jippermettulha tivverifika jekk humiex ġenwini jew kumpensatorji.

(8)

Barra minn hekk, l-aċċettazzjoni tal-offerta ma tkunx prattika. Il-produttur esportatur għandu kumpaniji relatati f'diversi Stati Membri, li wħud minnhom komplew jipproċessaw il-prodott ikkonċernat. Il-produttur esportatur ibigħ ukoll prodotti oħra għall-klijenti tal-Unjoni u l-importatur relatat ibigħ prodotti simili minn sorsi oħra. Għalhekk huwa impossibbli għall-Kummissjoni li timmonitorja dawn l-attivitajiet b'mod effettiv, kif ukoll l-implimentazzjoni ta' żewġ PMIs differenti skont il-volum tal-esportazzjoni.

(9)

Bi tweġiba għall-valutazzjoni tal-Kummissjoni, il-produttur esportatur argumenta li l-PMI propost fl-offerta tiegħu tneħħi l-effett dannuż tad-dumping, minħabba li l-istess PMI ġie propost mill-Kummissjoni fi stadju tal-investigazzjoni. Il-produttur esportatur ġibed l-attenzjoni li l-PMI huwa bbażat fuq il-prezzijiet ta' importazzjoni medji ponderati tat-tipi ta' prodotti kollha. B'konsegwenza t'hekk, l-PMI ma jkunx għad-detriment tal-produtturi tal-Unjoni peress li tipi ta' prodotti bi prezzijiet fil-livell aktar baxx jitqiegħdu fis-suq bi prezzijiet ta' livell għola milli suppost, u għalhekk jikkumensaw għat-tipi ta' prodotti bi prezzijiet tal-livell għola. Li kieku kellha tiġi applikata din il-loġika għall-kompożizzjoni tat-tip ta' prodott tal-esportazzjonijiet tiegħu matul il-perjodu ta' investigazzjoni, skont il-produttur esportatur, il-PMI ikun biżżejjed biex ineħħi l-effett dannuż tad-dumping. Barra minn hekk, il-produttur esportatur argumenta li l-PMI m'għandux jiġi aġġustat minħabba bejgħ permezz ta' kumpanija relatata fost l-oħrajn minħabba l-mod kif ġie stabbilit il-prezz tal-esportazzjoni fir-Regolament definittiv. Il-produttur esportatur imbagħad argumenta li kumpens trażversali mhuwiex possibbli minħabba għadd ta' raġunijiet, partikolarment minħabba li kumpens trażversali jiġi jidher fir-rapporti annwali tal-produttur esportatur u tal-kumpaniji relatati tiegħu. Il-produttur esportaur emenda wkoll l-offerta ta' impenn tiegħu. Fl-offerta l-ġdida l-produttur esportatur impenja ruħu biex iwaqqaf il-bejgħ mill-ġdid ta' HRF permezz tal-entità relatata tiegħu fl-Unjoni u biex jirrapporta dwar il-bejgħ ta' prodotti oħra lejn l-Unjoni.

(10)

Fir-rigward tal-kumment li l-PMI propost ineħħi l-effett dannuż tad-dumping minħabba li huwa identiku għal dik proposta mill-Kummissjoni fi stadju tal-investigazzjoni, il-Kummissjoni nnotat li fl-aħħar mill-aħħar din is-soluzzjoni ġiet miċħuda. Ir-raġunijiet għal dan ir-rifjut ingħataw fost l-oħrajn fil-premessi 632 u 655 tar-Regolament definittiv, li huma miġbura fil-qosor fil-premessa 7 hawn fuq. Il-kumment dwar li l-PMI huwa bbażat fuq il-medja ponderata tal-prezzijiet ta' importazzjoni, ma jaffettwax il-konklużjoni li l-PMI ma jneħħix l-effett dannuż tad-dumping għal-aktar tipi għalja tal-prodott. Il-Kummissjoni ma setgħatx tiġbor dejta biex tappoġġa d-dikjarazzjoni li l-effett dannuż ta' dumping ikun tneħħa mill-PMI minħabba l-kompożizzjoni tat-tip ta' prodott tal-esportazzjoni matul il-perjodu ta' investigazzjoni. Lanqas l-Applikant ma pprovda tali dejta. Anki li kieku kienet disponibbli d-dejta li ssostni din l-affermazzjoni, il-Kummissjoni sabet li ma hemm xejn li jevita li l-kompożizzjoni tat-tip ta' prodott tinbidel għal tipi ta' prodotti bi prezzijiet ta' livell għola. Fil-fatt, l-applikazzjoni stess tal-PMI tista' tiffavorixxi bidla bħal din. Fir-rigward tal-kumment li l-PMI m'għandux jiġi aġġustat minħabba bejgħ permezz ta' kumpanija relatata, il-Kummissjoni tista' taqbel li meta wieħed iqis iċ-ċirkustanzi tal-każ fil-perjodu ta' investigazzjoni u, b'mod partikolari, il-mod li bih il-prezz tal-esportazzjoni għall-produttur esportatur ġie stabbilit fir-Regolament definittiv, dan l-aġġustament ma jkunx ġustifikat. Madankollu, m'hemm l-ebda garanzija li ċ-ċirkostanzi mhux se jinbidlu, b'mod partikolari peress li l-kumpaniji huma relatati. Fl-aħħar nett, fir-rigward tal-emenda tal-offerta u r-riskji ta' kumpens trażversali, il-Kummissjoni nnotat li, filwaqt li l-impenn li ma jerġax jbiegħ il-prodott ikkonċernat jista' jillimita ċerti riskji ta' kontrokumpens, għad hemm il-kwistjoni prinċipali, jiġifieri li l-PMI jiġi applikat għal tranżazzjonijiet bejn entitajiet relatati. Din l-assoċjazzjoni bejn iż-żewġ entitajiet toffri diversi possibbiltajiet għal kumpens trażversali li ma tistax tiġi mmonitorjata b'mod effettiv mill-Kummissjoni. Mhux kollox ikun jidher fir-rapporti annwali u għal dak li jidher, il-Kummissjoni ma jkollhiex punti ta' riferiment xierqa li kapaċi jivvalutaw jekk dan huwiex ta' natura kumpensatorja. Impenn li jkopri l-bejgħ relatat jista' jiġi aċċettat biss jekk il-prodott ikkonċernat eventwalment jinbiegħ mill-ġdid lil klijent indipendenti u l-PMI, li jiġi aġġustat kif xieraq, jista' jiġi applikat għal dawn it-tranżazzjonijiet. Dan hu impossibbli jekk il-prodott ikkonċernat jiġi trasformat fi prodott ieħor.

(11)

Il-produttur esportatur offra PMI għal kull tunnellata metrika għal kull waħda tal-esportazzjonijiet tiegħu.

(12)

L-offerta bbażat fuq PMI medju wieħed hija inadegwata għax mhux se tneħħi l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Kif rikonoxxut fil-premessi 632 u 655 tar-Regolament definittiv, il-Kummissjoni qieset li miżura fil-forma ta' ammont fiss għal kull tunnellata speċifiku għall-kumpanija kien jirrifletti d-dannu kkawżat mill-produttur esportatur li nstab li kien qed iwettaq dumping, b'mod aktar preċiż minn PMI wieħed. Hija tiżgura wkoll li b'differenza minn PMI wieħed, id-dazju jneħħi d-dannu kompletament u jipproteġi immedjatament lill-industrija tal-Unjoni. L-offerta hija ukoll insuffiċjenti, peress li l-produttur esportatur ma pproponiex mekkaniżmu ta' aġġustament filwaqt li l-prezzijiet ta' HRF għandhom tendenza li jvarjaw b'mod sinifikanti maż-żmien.

(13)

Barra minn hekk, l-aċċettazzjoni tal-offerta ma tkunx prattika. Minħabba l-istruttura globali u l-attivitajiet ta' bejgħ tal-produttur esportatur, l-impenn fuq il-prezz propost ma setax jiġi mmonitorjat b'mod effettiv, u dan joffri bosta opportunitajiet ta' kontrokumpens. Il-produttur esportatur għandu għadd ta' kumpaniji relatati f'diversi Stati Membri u barra l-Unjoni. Barra minn hekk, il-produttur esportatur ibigħ ukoll prodotti oħra lejn l-Unjoni. Għalhekk huwa impossibbli għall-Kummissjoni li timmonitorja dawn l-attivitajiet b'mod effettiv.

(14)

Il-produttur esportatur offra PMI għal kull tunnellata metrika għall-esportazzjonijiet kollha tiegħu, aġġustat għal bejgħ permezz ta' kummerċjant tiegħu fl-Unjoni.

(15)

L-offerta bbażat fuq PMI medju wieħed hija inadegwata għax mhux se tneħħi l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Kif rikonoxxut fil-premessi 632 u 655 tar-Regolament definittiv, il-Kummissjoni qieset li miżura fil-forma ta' ammont fiss għal kull tunnellata speċifiku għall-kumpanija kienet tirrifletti d-dannu kkawżat mill-produttur esportatur li nstab li kien qed iwettaq dumping b'mod aktar preċiż minn PMI. Hija tiżgura wkoll li b'differenza tal-PMI, id-dazju jneħħi ddumping dannuż kompletament u jipproteġi immedjatament lill-industrija tal-Unjoni. L-offerta hija ukoll insuffiċjenti, peress li l-produttur esportatur ma pproponiex mekkaniżmu ta' aġġustament filwaqt li l-prezzijiet ta' HRF għandhom tendenza li jvarjaw b'mod sinifikanti maż-żmien.

(16)

Barra minn hekk, l-aċċettazzjoni tal-offerta ma tkunx prattika. Minħabba l-fatt li l-produttur esportatur ibigħ prodotti oħra tal-Unjoni, l-impenn fuq il-prezz ikun impossibbli li jiġi kkontrollat b'mod effikaċi, u dan joffri opportunitajiet għal kontrokumpens. Għalhekk huwa impossibbli għall-Kummissjoni li timmonitorja dawn l-attivitajiet b'mod effettiv.

(17)

Bi tweġiba għall-valutazzjoni tal-Kummissjoni, il-produttur esportatur sostna li l-Kummissjoni baqgħet siekta dwar il-fatt li l-offerta tiegħu kienet tirrifletti l-proposta tal-Kummissjoni fi stadju tal-investigazzjoni. Il-produttur esportatur talab spjegazzjoni dwar ir-raġuni għaliex offerta li tirrifletti dik proposta mhijiex xierqa. Il-produttur esportatur saħaq li dan il-PMI li ppropona huwa ogħla minn dak proposta mill-Kummissjoni matul l-investigazzjoni u għalhekk il-PMI propost fl-impenn, b'definizzjoni, ineħħi d-dannu għall-industrija tal-Unjoni. Barra minn hekk, il-produttur esportatur saħaq li m'hemmx differenza bejn PMI u dazju speċifiku għal kull tunnellata sa fejn hija kkonċernata t-tneħħija tal-effett dannuż tad-dumping tal-prodott l-aktar għali, għalhekk dan l-argument huwa irrilevanti. Il-produttur esportatur saħaq li l-fatt li huwa jbigħ prodotti oħra lejn l-Unjoni ma joħloqx riskju ta' kumpens trażversali b'mod awtomatiku. Fl-aħħar nett, huwa sostna li l-irċevuti ta' impenn jeliminaw kwalunkwe riskju ta' ċirkumvenzjoni jew ta' kumpens trażversali bħal ma tagħmel l-irċevuta kummerċjali valida proposta fid-dokument ta' informazzjoni finali ġenerali.

(18)

Il-Kummissjoni nnutat li l-valutazzjoni tagħha ma semmix biss ix-xebh bejn l-offerta ta' impenn u għażla li ġiet ikkunsidrata fi stadju tal-investigazzjoni, fil-premessa 15 hawn fuq li hija ssemmi u tiġbor fil-qosor il-parti tar-Regolament definittiv li tispjega għaliex din l-għażla twarrbet. L-istess raġunament japplika għall-kumment tal-produttur esportatur li jqabbel l-irċevuti tal-impenn ma' waħda mis-soluzzjonijiet li titqies matul l-investigazzjoni u li fl-aħħar ġiet irrifjutata mill-Kummissjoni. Il-fatt li l-PMI propost mill-produttur esportatur huwa ogħla minn dak meqjus mill-Kummissjoni f'xi punt matul l-investigazzjoni ma jfissirx li skont id-definizzjoni dan ineħħi l-effett dannuż tad-dumping. Id-differenza hija minima u ma affettwatx ir-raġunament li PMI medju huwa inadegwat għax ma jneħħix l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Il-kumment li l-PMI u dazju speċifiku huma ineffettivi bl-istess mod f'dan ir-rigward, huwa żbaljat ukoll. Għall-kuntrarju ta' PMI, dazju speċifiku jġiegħel lill-importaturi jħallsu aktar għat-tip ta' prodotti l-aktar għoljin, minħabba li l-prezz tas-suq tat-tip ta' prodott huwa parti mill-prezz li jħallsu, filwaqt li l-parti l-oħra hija d-dazju. Dan huwa differenti fil-każ ta' PMI li huwa l-istess għat-tipi kollha ta' prodotti. Fl-aħħar nett, il-bejgħ ta' prodotti oħra lejn l-Unjoni jistà jintuża għal kumpens trażversali biss jekk jinbiegħu lill-istess klijenti bħall-HRF. Madankollu, il-Kummissjoni nnotat li l-kumpens trażversali u r-riskju ta' kumpens trażversali huma żewġ kunċetti differenti. Pereżempju, il-Kummissjoni taf li l-produttur esportatur ibigħ prodotti oħra lejn l-Unjoni iżda ma għandhiex dejta dwar il-klijenti tal-produttur esportatur għal dawn il-prodotti. B'mod partikolari, il-produttur esportatur ma ċaħadx li biegħ prodotti oħra lil klijenti HRF tiegħu u lanqas ma impenja ruħu li ma jagħmilx dan fil-futur. Din is-sitwazzjoni, filwaqt li ma tippruvax li hemm kumpens trażversali, b'mod ċar tippreżenta riskju ta' kumpens trażversali li l-Kummissjoni ma tistax timmonitorja.

(19)

Il-produttur esportatur offra żewġ PMIs għal kull tunnellata, wieħed għal folji u wieħed għal rombli. Il-produttur esportatur offra wkoll mekkaniżmu ta' aġġustament tal-prezz u, f'emenda għall-offerta tiegħu, impenja ruħu li jbigħ il-prodott ikkonċernat biss direttament lil klijenti indipendenti fl-Unjoni u li ma jbigħx prodotti oħra lill-klijenti HRF tiegħu fl-Unjoni.

(20)

L-offerta tal-produttur esportatur tressqet wara l-konklużjoni tal-investigazzjoni u għalhekk jenħtieġ li tiġi miċħuda. Filwaqt li, skont l-Artikolu 8(2) tar-Regolament bażiku, f'ċirkustanzi eċċezzjonali, l-impriżi jistgħu jiġu offruti wara l-perjodu li matulu jistgħu jiġu magħmula r-rappreżentazzjonijiet skont l-Artikolu 20(5) tar-Regolament bażiku, offerta bħal din jenħtieġ li tasal fi żmien raġonevoli qabel il-konklużjoni tal-investigazzjoni.

(21)

Madankollu, anke li kieku l-offerta ġiet sottomessa fil-ħin, l-offerta bbażat fuq żewġ PMIs medji hija inadegwata għax mhux se tneħħi l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Kif rikonoxxut fil-premessi 632 u 655 tar-Regolament definittiv, il-Kummissjoni qieset li miżura fil-forma ta' ammont fiss għal kull tunnellata speċifiku għall-kumpanija kienet tirrifletti d-dannu kkawżat mill-produttur esportatur li nstab li kien qed iwettaq dumping b'mod aktar preċiż minn PMI. Hija tiżgura wkoll li b'differenza tal-PMI, id-dazju jneħħi d-dannu kompletament u jipproteġi immedjatament lill-industrija tal-Unjoni.

(22)

Barra minn hekk, l-aċċettazzjoni tal-offerta ma tkunx prattika. Minħabba l-istruttura globali u l-attivitajiet ta' bejgħ tal-produttur esportatur, ikun impossibbli li jiġi kkontrollat l-impenn fuq il-prezz propost b'mod effikaċi, u dan joffri bosta opportunitajiet ta' kontrokumpens. Il-produttur esportatur għandu għadd ta' kumpaniji relatati u jbigħ ukoll prodotti oħra tal-azzar fl-Unjoni. Għalhekk huwa impossibbli għall-Kummissjoni li timmonitorja dawn l-attivitajiet b'mod effettiv.

(23)

Bi tweġiba għall-valutazzjoni tal-Kummissjoni, il-produttur esportatur esprima n-nuqqas ta' qbil tiegħu mal-evalwazzjoni ta' hawn fuq, filwaqt li jenfasizza l-importanza tal-impenji addizzjonali tiegħu li juża biss mezz wieħed ta' bejgħ u li ma jbigħx prodotti oħra lill-klijenti HRF tiegħu.

(24)

F'dak li għandu x'jaqsam ma' impenji addizzjonali, il-Kummissjoni nnotat li, meta titqies l-istruttura globali tal-produttur esportatur u l-istruttura globali tal-konsumaturi, huwa impossibbli li jiġu ssorveljati l-possibilitajiet kollha disponibbli ta' kumpens trażversali. Pereżempju, jekk il-kumpaniji koperti mill-impenn ma jbigħux prodotti oħra lil klijent HRF tal-Unjoni, xejn ma jżomm lill-kumpaniji relatati tagħhom kemm fl-Unjoni kif ukoll barra li potenzjalment jidħlu fi tranżazzjonijiet ta' kumpens trażversali ma' dawn il-klijenti jew mal-entitajiet relatati tagħhom. Filwaqt li l-produttur esportatur ma qabilx mal-valutazzjoni tal-adegwatezza tal-offerta tiegħu huwa ma ressaq l-ebda argument addizzjonali kontra l-konklużjoni li waslet għaliha l-Kummissjoni.

(25)

Il-produttur esportatur l-ewwel offra diversi PMIs għal kull tunnellata skont it-tip ta' prodott. Imbagħad emenda l-offerta tiegħu, u ppropona PMI wieħed għal kull tunnellata għat-tipi kollha ta' prodotti b'mekkaniżmu ta' aġġustament ibbażat fuq prezzijiet medji ta' HRF. Barra minn hekk, il-produttur esportatur ippropona limitu massimu annwali kwantitattiv u impenja ruħu li jbigħ biss lill-kumpanija relatata tiegħu fl-Unjoni u biss għal ipproċessar ulterjuri.

(26)

L-offerta bbażat fuq PMI medju wieħed hija inadegwata għax mhux se tneħħi l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Kif rikonoxxut fil-premessi 632 u 655 tar-Regolament definittiv, il-Kummissjoni qieset li miżura fil-forma ta' ammont fiss għal kull tunnellata speċifiku għall-kumpanija kienet tirrifletti d-dannu kkawżat mill-produttur esportatur li nstab li kien qed iwettaq dumping b'mod aktar preċiż minn PMI. Hija tiżgura wkoll li b'differenza minn PMI, id-dazju jneħħi d-dannu kompletament u jipproteġi immedjatament lill-industrija tal-Unjoni. Barra minn hekk l-offerta tkopri tranżazzjonijiet bejn entitajiet relatati. In-natura stess ta' relazzjonijiet bħal dawn tippreżenta għadd ta' possibbiltajiet għal kumpens trasversali. Kull tranżazzjoni self jew għotja oħra bejn iż-żewġ entitajiet relatati jistgħu jiġu użati biex ipaċu l-PMI. Il-Kummissjoni mhijiex f'pożizzjoni li ssegwi dawn it-tranżazzjonijiet u hija nieqsa minn valuri indikattivi xierqa li jippermettulha tivverifika jekk humiex ġenwini jew kumpensatorji.

(27)

L-aċċettazzjoni tal-offerta ma tkunx prattika. Minħabba l-istruttura globali u l-attivitajiet ta' bejgħ tal-produttur esportatur, ikun impossibbli li jiġi kkontrollat l-impenn fuq il-prezz propost b'mod effikaċi, u dan joffri bosta opportunitajiet ta' kontrokumpens. Barra minn hekk, kumpaniji relatati fl-Unjoni jipproduċu u jbigħu wkoll il-prodott simili. Għalhekk huwa impossibbli għall-Kummissjoni li timmonitorja dawn l-attivitajiet b'mod effettiv.

(28)

Bi tweġiba għall-valutazzjoni tal-Kummissjoni, il-produttur esportatur sostna li l-Kummissjoni naqset milli tqis żewġ elementi tal-offerta tiegħu, jiġifieri l-limitu massimu kwantitattiv u l-impenn ta' użu aħħari (jiġifieri aktar pproċessar biss). Skont il-produttur esportatur dawn iż-żewġ impenji jiżguraw li l-esportazzjonijiet bi prezzijiet suġġetti għal dumping ikollhom jieqfu minħabba li l-prodott ikkonċernat ma jiġix esportat lejn is-suq ħieles tal-Unjoni. Aktar tard, il-produttur esportatur sostna li fir-Regolament definittiv, il-Kummissjoni ma sabitx ħsara fis-suq magħluq. Minkejja dawn l-argumenti, fi spirtu ta' kooperazzjoni sħiħa, il-produttur esportatur emendata l-offerta tiegħu, u offra tnejn u għoxrin PMI imsejsa fuq it-tipi ta' prodotti. Fir-rigward tar-riskju ta' kumpens trażversali, il-produttur esportatur sostna li, billi ma jkunx hemm bejgħ fis-suq ħieles, huwa irrilevanti b'liema prezz minimu jinbigħ bih il-prodott ikkonċernat fi ħdan il-grupp. Minħabba li dan il-prezz minimu huwa irrelevanti, ir-riskju ta' kumpens trażversali huwa daqstant ieħor irrilevanti. Il-produttur esportatur saħaq ukoll li t-transazzjonijiet fi ħdan il-grupp huma suġġetti għall-politika tal-prezzijiet ta' trasferiment tal-grupp, u b'hekk ma jistgħux jintużaw għal kumpens trażversali.

(29)

Il-produttur esportatur ma biegħx HRF lill-entitajiet relatati tiegħu fl-Unjoni matul il-perjodu ta' investigazzjoni. Barra minn hekk, kuntrarjament għal dak li ssuġġerixxa l-produttur esportatur, il-bejgħ fi ħdan il-grupp ta' HRF għal ipproċessar ulterjuri ma kienx eskluż mis-sejba ta' dumping dannuż fir-Regolament definittiv. Bħalissa dan il-bejgħ huwa kopert mid-dazju applikabbli u din il-konstatazzjoni ma tistax titreġġa' lura permezz ta' impenn. Meta wieħed iqis li l-argument tal-produttur esportatur għal impossibbiltà ta' kumpens trażversali intragrupp jiddependi fuq is-suppożizzjoni żbaljata li l-bejgħ intragrupp għall-ipproċessar ma jikkawżax dumping dannuż, dan l-argument ġie miċħud. Barra minn hekk, il-politika ta' trasferiment interna tal-grupp hija deċiżjoni interna tal-grupp u bħala tali mhijiex garanzija suffiċjenti kontra kumpens trażversali. Anki li kieku dan kien il-każ, kumpens trażversali fi ħdan il-grupp jista' jsir permezz ta' mezzi oħra minbarra l-bejgħ ta' oġġetti. Impenn li jkopri l-bejgħ relatat jista' jiġi aċċettat biss jekk il-prodott ikkonċernat eventwalment jinbiegħ mill-ġdid lil klijent indipendenti u l-PMI, li jiġi aġġustat kif xieraq, jista' jiġi applikat għal dawn it-tranżazzjonijiet. Dan hu impossibbli jekk il-prodott ikkonċernat jiġi trasformat fi prodott ieħor. L-offerta ta' tnejn u għoxrin PMI imsejsa fuq gruppi ta' tipi ta' prodotti ma setgħetx tiġi aċċettata peress li l-monitoraġġ effettiv mill-awtoritajiet doganali jkun impossibbli.

(30)

Il-produttur esportatur issuġġerixxa żewġ xenarji fl-offerta oriġinali tiegħu. L-ewwel xenarju huwa bbażat fuq PMI wieħed għal kull tunnellata (il-prezz medju tagħha matul il-perjodu ta' investigazzjoni, li jiżdied bit-taxxa u jiġi aġġustat għaż-żieda fil-prezz tal-materja prima wara l-perjodu ta' investigazzjoni) u bil-possibbiltà ta' bejgħ taħt dak il-PMI, bid-dazju. It-tieni xenarju huwa bbażat fuq livell iktar baxx mill-PMI għal kull tunnellata (mingħajr aġġustament għaż-żieda fil-prezz tal-materja prima wara l-perjodu ta' investigazzjoni) u mingħajr il-possibbiltà ta' bejgħ taħt dak il-PMI. Wara dan, il-produttur esportatur emenda wkoll l-offerta tiegħu billi żied limitu kwantitattiv annwali għall-bejgħ skont l-impenn.

(31)

Il-Kummissjoni ma taċċettax l-hekk imsejħa klawżola “pick-and-choose” li permezz tagħha l-produttur esportatur ikollu permess li jbigħ fi ħdan impenn u b'mod parallel taħt il-PMI did-dazju, għalhekk l-uniku xenarju miftuħ għall-konsiderazzjoni huwa t-tieni wieħed. L-aċċettazzjoni ta' din il-klawżola tippermetti għal mekkaniżmu ta' kumpens trażversali li fih it-tranżazzjonijiet fuq livell ta' PMI jkunu jistgħu jiġu kkumpensati minn tranżazzjonijiet bi prezzijiet taħt il-PMI.

(32)

Artikolu 50 tal-Ftehim ta' Assoċjazzjoni bejn l-UE u l-Ukraina jesprimi preferenza għall-impenji, sakemm il-Kummissjoni tirċievi offerta fattibbli li tkun adegwata u li l-aċċettazzjoni tagħha ma titqisx mhux prattika. F'dan il-każ, għar-raġunijiet spjegati hawn isfel, il-Kummissjoni ma rċeviet l-ebda offerta ta' impenn b'mod fattibbli u għalhekk il-preferenza ma tistax tintlaqa'.

(33)

Skont il-valutazzjoni tal-Kummissjoni, hemm diversi raġunijiet li għalihom l-offerta hija inadegwata. L-offerta hija bbażata fuq PMI medju wieħed u għalhekk mhux se tneħħi l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Kif rikonoxxut fil-premessi 632 u 655 tar-Regolament definittiv, il-Kummissjoni qieset li miżura fil-forma ta' ammont fiss għal kull tunnellata speċifiku għall-kumpanija kienet tirrifletti d-dannu kkawżat mill-produttur esportatur li nstab li kien qed iwettaq dumping b'mod aktar preċiż minn PMI. Hija tiżgura wkoll li b'differenza tal-PMI, id-dazju jneħħi d-dannu kompletament u jipproteġi immedjatament lill-industrija tal-Unjoni. Il-produttur esportatur ma pproponiex aġġustament fuq il-kont ta' bejgħ permezz ta' kumpaniji relatati tiegħu. Filwaqt li l-prezzijiet ta' HRF għandhom tendenza li jvarjaw b'mod sinifikanti matul iż-żmien, il-produttur esportatur ma pproponiex mekkaniżmu ta' aġġustament. Barra minn hekk, tnejn biss mit-tliet siti ta' produzzjoni li esportaw il-prodott ikkonċernat lejn l-Unjoni matul il-perjodu ta' investigazzjoni huma koperti mill-impenn. Fl-aħħar nett, il-produttur esportatur ippropona li l-bejgħ tiegħu lill-entitajiet relatati fl-Unjoni jkun kopert mill-kondizzjonijiet tal-impenn. In-natura stess ta' relazzjonijiet bħal dawn tippreżenta għadd ta' possibbiltajiet għal kumpens trasversali. Kull tranżazzjoni self jew għotja oħra bejn iż-żewġ entitajiet relatati jistgħu jiġu użati biex ipaċu l-PMI. Il-Kummissjoni mhijiex f'pożizzjoni li timmonitorja dawn it-tranżazzjonijiet u ma għandhiex il-valuri indikattivi xierqa li jippermettulha tivverifika jekk humiex ġenwini jew kumpensatorji.

(34)

L-aċċettazzjoni tal-offerta ma tkunx prattika. Minħabba l-istruttura globali u l-attivitajiet ta' bejgħ tal-produttur esportatur, ikun impossibbli li jiġi kkontrollat l-impenn fuq il-prezz propost b'mod effikaċi, u dan joffri bosta opportunitajiet ta' kontrokumpens. Il-produttur esportatur għandu bosta kumpaniji relatati f'diversi Stati Membri u barra l-Unjoni, li wħud minnhom jipproduċu u jbigħu l-prodott simili. Il-produttur esportatur ibigħ fl-Unjoni permezz ta' waħda jew aktar minn dawn il-kumpaniji. Għalhekk huwa impossibbli għall-Kummissjoni li timmonitorja dawn l-attivitajiet b'mod effettiv.

(35)

Bi tweġiba għall-valutazzjoni tal-Kummissjoni, il-produttur esportatur ippreżenta t-tielet verżjoni tal-offerta ta' impenn tiegħu. Fil-verżjoni l-ġdida tal-offerta, il-produttur esportatur ippropona erba' PMIs differenti u impenja ruħu li ma jbigħx anqas minnhom. Skont il-produttur esportatur din il-bidla saret minkejja li l-Kummissjoni kkunsidrat PMI uniku għat-tipi kollha tal-prodott aċċettabbli fi stadju tal-investigazzjoni li wasslet għall-impożizzjoni tad-dazju. Barra minn hekk, il-produttur esportatur impenja ruħu li jinkludi t-tielet sit tal-produzzjoni fl-offerta ta' impenn; li ma jbigħx il-prodott ikkonċernat permezz ta' entitajiet relatati tiegħu fl-Unjoni; li jipprovdi dettalji dwar il-bejgħ tiegħu fl-Unjoni ta' prodotti oħra lil klijenti tal-HRF tiegħu tal-Unjoni; u li ma jbigħx barra l-Unjoni, il-prodott ikkonċernat u prodotti oħra lill-klijenti tal-HRF tiegħu tal-Unjoni. Fl-aħħar nett, il-produttur esportatur ippropona limitu kwantitattiv annwali aktar baxx. Lil hinn minn dan il-limitu, il-produttur esportatur offra li jbigħ bid-dazju antidumping applikabbli.

(36)

Flimkien ma' dawn l-impenji, waqt il-konsultazzjonijiet, il-Gvern tal-Ukraina propona li jipprovdi lill-Kummissjoni bl-istatistika tal-esportazzjoni għall-prodott ikkonċernat u li jistabbilixxi grupp ta' esperti li jiffaċilitaw l-iskambju tal-istatistika u informazzjoni oħra.

(37)

Fil-5 ta' Frar 2018, il-produttur esportatur għamel emenda oħra fl-offerta tal-impenn tiegħu. Il-produttur esportatur sostna li l-bejgħ tiegħu kollu huwa suġġett għal politika stretta tal-istabbiliment tal-prezzijiet tal-grupp u jevita kwalunkwe kumpens trażversali. Barra minn hekk, il-produttur esportatur sostna li l-awditi regolari tal-awtoritajiet tat-taxxa, kemm fl-UE kif ukoll fl-Iżvizzera, jivverifikaw il-politiki ta' pprezzar tal-grupp b'mod strett. Minkejja dan, il-produttur esportatur intrabat li ma jbigħx HRF prodott fl-Unjoni u prodotti oħra magħmula mill-grupp tiegħu lill-klijenti HRF tiegħu li jixtru l-prodott ikkonċernat. Dan ikun japplika għall-klijenti tiegħu kollha minbarra wieħed, li jkun qed jixtri HRF mill-Ukraina, l-Unjoni u prodotti oħra magħmula mill-grupp.

(38)

Rigward il-kumment li l-Kummissjoni kkunsidrat PMI uniku għat-tipi kollha tal-prodott aċċettabbli fi stadju tal-investigazzjoni, il-Kummissjoni nnotat li fl-aħħar mill-aħħar din is-soluzzjoni ġiet miċħuda. Ir-raġunijiet għal dan ir-rifjut ingħataw fost l-oħrajn fil-premessi 632 u 655 tar-Regolament definittiv, li huma miġbura fil-qosor fil-premessa 33 hawn fuq.

(39)

L-offerta tibqa' inadegwata għal diversi raġunijiet. Mill-erba' gruppi PMI proposti kien hemm ftit li xejn bejgħ f'wieħed minnhom, hemm varjant fil-prezz f'ieħor u varjanti tal-prezz sinifikanti fiż-żewġ gruppi li fadal. Il-PMIs, li huma bbażati fuq il-prezzijiet medji f'kull grupp għalhekk ma jneħħux l-effetti dannużi tad-dumping għat-tipi kollha ta' prodotti, b'mod partikolari dawk l-aktar għaljin. Barra minn hekk, il-livelli ta' erba' PMIs ġew stabbiliti b'mod kompletament arbitrarju. Ma ġiet ippreżentata ebda dejta lill-Kummissjoni li tiġġustifika d-differenza bejn il-PMIs. Fl-aħħar, filwaqt li l-przzijiet HRF għandhom tendenza li jvarjaw b'mod sinifikanti matul iż-żmien, il-produttur esportatur ma pproponiex mekkaniżmu ta' aġġustament.

(40)

L-aċċettazzjoni tal-offerta ta' impenn baqgħet mhux prattika. Il-produttur esportatur impenja ruħu li ma jbigħx prodotti lil entitajiet tal-konsumaturi tiegħu tal-Unjoni bbażati barra mill-Unjoni. Madankollu, dan l-impenn ikopri biss lit-tliet kumpaniji li jipproduċu u jħalli barra għadd kbir ta' kumpaniji relatati tiegħu inkluż l-operatur tas-suq Żvizzeru. Anki jekk dawn il-kumpanniji kollha kienu koperti mill-impenn, meta wieħed iqis id-daqs tal-grupp tal-produttur esportatur u dak tal-bażi tal-klijenti tagħhom, impenn bħal dan ikun impossibbli li jiġi mmonitorjat. Barra minn hekk, il-produttur esportatur ippropona li jiġi rappurtat il-bejgħ ta' prodotti oħra lil klijenti HRF tiegħu fl-Unjoni. Madankollu, il-Kummissjoni ma jkollhiex riferiment adegwati biex tivverifika jekk dawn it-tranżazzjonijiet humiex ta' natura kumpensatorja. Filwaqt li l-produttur esportatur impenja ruħu li ma jbigħx permezz tal-entitajiet relatati tiegħu fl-Unjoni, dawn l-entitajiet ibiegħu il-prodott simili fis-suq tal-Unjoni. Filwaqt li dawn it-tranżazzjonijiet jistgħu jikkonċernaw l-istess klijenti u b'hekk jistgħu jintużaw għal kumpens, huma kompletament barra mill-ambitu tal-impenn.

(41)

L-emenda għall-impenn proposta fil-5 ta' Frar 2018 (jiġifieri li jbigħ biss il-prodott ikkonċernat lil klijenti HRF kollha tiegħu fl-Unjoni, għajr għal wieħed), ma tneħħix it-tħassib imsemmi hawn fuq għall-klijent eskluż. Għall-klijenti l-oħra, meta wieħed iqis id-daqs tal-grupp tal-produttur esportatur, ikun impossibbli li jiġi mmonitorjat jekk il-kumpaniji relatati mal-produttur esportatur ibigħux prodotti oħra lil klijenti tal-HRF tal-Unjoni jew lill-entitajiet relatati tagħhom. Il-politiki interni tal-ipprezzar tal-produttur esportatur u l-klijent li lilu beħsiebu jbigħ, mhumiex garanzija biżżejjed kontra kumpens trażversali. Barra minn hekk, il-produttur esportatur naqas milli jispjega kif il-verifiki tal-awtoritajiet tat-taxxa fl-Unjoni u fl-Iżvizzera jistgħu jsibu prezzijiet b'kumpens trażversali. Il-qbil li jinbigħ prodott bi prezz aktar baxx minn dak li kieku jintalab mhuwiex neċessarjament reat kontra l-liġi fiskali. Huwa parti min-negozjati ta' kuljum dwar il-prezz.

(42)

Fl-aħħar nett, il-bejgħ lil hinn mil-limitu massimu annwali taħt il-liġi applikabbli ta' dazju antidumping ma jistax jiġi aċċettat peress li jistà jintuża għal kumpens. Bażikament dan huwa vvarjant tal-klawżoli “pick-and-choose” deskritti fil-premessa (31) hawn fuq, posposti fiż-żmien. Għalhekk bit-tnaqqis tal-limitu inqas sew mill-kwantitajiet storiċi annwali esportati, din l-offerta ġdida żżid ir-riskju ta' kumpens trażversali.

(43)

Minkejja l-preferenza għall-impenji espressa fl-Artikolu 50 tal-Ftehim ta' Assoċjazzjoni bejn l-UE u l-Ukraina, l-offerta ma tistax tiġi aċċettata peress li mhijiex adegwata. Li kieku kienet adegwat, għar-raġunijiet spjegati hawn fuq, l-aċċettazzjoni tagħha xorta ma kinitx tkun prattika. L-ebda tħassib imsemmi hawn fuq ma kien ikun indirizzat biżżejjed permezz tal-iskambju tal-istatistika u tal-ħolqien ta' grupp ta' esperti propost mill-Gvern tal-Ukraina matul il-konsultazzjoni.

(44)

Għar-raġunijiet stabbiliti hawn fuq il-Kummissjoni ma tista' taċċetta l-ebda waħda minn dawn l-offerti ta' impenn.

(45)

Il-partijiet interessati ġew infurmati bir-raġunijiet li fuqhom hija bbażata din id-deċiżjoni u ngħataw l-opportunità li jikkummentaw u li jinstemgħu. Il-Gvern tal-Ukraina ġie offrut ukoll konsultazzjoni skont l-Artikolu 50 bis tal-Ftehim ta' Assoċjazzjoni bejn l-UE u l-Ukraina. Saru konsultazzjonijiet mal-awtoritajiet Ukreni fis-26 ta' Jannar 2018, fejn il-Gvern tal-Ukraina pprovda kummenti bil-miktub fil-31 ta' Jannar 2018. Barra minn hekk, saru għadd ta' seduti ta' smigħ mal-produtturi esportaturi kkonċernati u mal-Eurofer, li tirrappreżenta lill-industrija tal-Unjoni. Il-kummenti kollha li waslu matul dan il-proċess ġew indirizzati hawn fuq. La l-kummenti pprovduti minn partijiet interessati u lanqas il-konsultazzjonijiet mal-Gvern tal-Ukraina ma wasslu għal konklużjoni differenti miċ-ċaħda tal-offerti ta' impenn,

9.3.2018   

MT

Il-Ġurnal Uffiċjali tal-Unjoni Ewropea

L 67/54