5.3.2018

Il-Ġurnal Uffiċjali tal-Unjoni Ewropea

L 62/4

REGOLAMENT (UE) 2018/318 TAL-BANK ĊENTRALI EWROPEW

tat-22 ta' Frar 2018

li jemenda r-Regolament (UE) Nru 1011/2012 dwar statistika fuq investimenti f'titoli (BĊE/2018/7)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b'mod partikolari l-Artikolu 5 tiegħu,

Wara li kkunsidra r-Regolament tal-Kunsill (KE) Nru 2533/98 tat-23 ta' Novembru 1998 dwar il-ġbir ta' informazzjoni statistika mill-Bank Ċentrali Ewropew (1), u b'mod partikolari l-Artikoli 5(1) u 6(4) tiegħu,

Billi:

(1)

L-iskop tad-dejta miġbura taħt ir-Regolament (UE) Nru 1011/2012 tal-Bank Ċentrali Ewropew (BĊE/2012/24) (2) huwa li jipprovdi lis-Sistema Ewropea tal-Banek Ċentrali (SEBĊ) b'informazzjoni statistika dwar l-esponiment ta' setturi ekonomiċi u ta' aġenti li jirrapportaw dejta ta' grupp fl-Istati Membri li l-munita tagħhom hija l-euro għal klassijiet speċifiċi ta' titoli f'livell diżaggregat ħafna. Din l-informazzjoni tiffaċilita l-analiżi fil-fond tal-mekkaniżmu ta' trażmissjoni tal-politika monetarja u l-valutazzjoni tal-esponiment tal- Eurosistema għal riskji fl-operazzjonijiet tal-politika monetarja tagħha. Hija tħalli wkoll li ssir analiżi fil-fond tal-istabilità finanzjarja, inkluż l-identifikazzjoni l-monitoraġġ tar-riskji għaliha.

(2)

Fil-qafas tar-Regolament tal-Kunsill (UE) Nru 1024/2013 (3), Regolament (UE) Nru 806/2014 tal-Parlament Ewropew u tal-Kunsill (4) u tar-Regolament tal-Kunsill (UE) Nru 1096/2010 (5), id-dejta miksuba hija użata wkoll għas-superviżjoni prudenzjali u għal skopijiet ta' riżoluzzjoni u tingħata lill-Bord Ewropew dwar ir-Riskju Sistemiku.

(3)

Il-kunċett ta' aġenti li jirrapportaw dejta ta' grupp ġie mdaħħal u ddefinit fir-Regolament (UE) Nru 1011/2012 (BĊE/2012/24) mir-Regolament (UE) 2016/1384 tal-Bank Ċentrali Ewropew (BĊE/2016/22) (6). Il-Kunsill Governattiv tal-Bank Ċentrali Ewropew (BĊE) ser jidentifika aġenti li jirrapportaw dejta ta' grupp għal ġbir ta' dejta taħt ir-Regolament (UE) Nru 1011/2012 (BĊE/2012/24) billi jikkunsidra bosta kriterji, inkluż ir-relevanza tal-aġent li jirrapporta dejta ta' grupp għall-istabilità u l-funzjonament tas-sistema finanzjarja fiż-żona tal-euro u/jew Stati Membri individwali. Sabiex ikun hemm aktar ċarezza legali, huwa meħtieġ li jiġi speċifikat illi l-entitajiet sinifikanti kollha taħt superviżjoni li huma tażt is-superviżjoni diretta tal-BĊE skont ir-Regolament tal-Kunsill (UE) Nru 1024/2013, għandhom jitqiesu bħala rilevanti għall-istabilità u l-funzjonament tas-sistema finanzjarja, u konsegwentement huma jistgħu jiġu identifikati wkoll bħala aġenti li jirrapportaw dejta ta' grupp.

(4)

Soġġetti għad-deċiżjoni tal-bank ċentrali nazzjonali (BĊN) relevanti. wara d-dħul fis-seħħ tar-Regolament (UE) 2016/1384, aġenti li jirrapportaw dejta ta' grupp jistgħu jirrappurtaw dejta rrappurtata skont l-Artikolu 3a tar-Regolament (UE) Nru 1011/2012 (BĊE/2012/24) (minn hawn 'il quddiem “dejta ta' grupp”Ħ direttament lill-BĊE. Dan jippermetti użu aktar effiċjenti tal-infrastruttura tat-teknoloġija tal-informazzjoni disponibbli tad-Database tal-Istatistika tal-Investimenti fit-Titoli [Securities Holdings Statistics Database] tas-SEBĊ u jevita l-ħtieġa li jitwaqqfu sistemi separati għall-ipproċessar ta' dejta nazzjonali f'kull BĊN.

(5)	Jekk BĊN jiddeċiedi li ma jiġborx id-dejta ta' grupp, huwa għandu jinforma lill-BĊE, f'liema każ ill-BĊE għandu jieħu f'idejh il-kompitu tal-ġbir ta' dejta direttament mill-aġenti li jirrapportaw dejta ta' grupp. Il-BĊE u l-BĊN ikkonċernat għandhom jagħmlu l-arranġamenti neċessarji bejniethom.

(6)	Għalhekk, ir-Regolament (UE) Nru 1011/2012 (BĊE/2012/24) għandu jiġi emendat f'dan is-sens,

ADOTTA DAN IR-REGOLAMENT:

Artikolu 1

Emendi

Ir-Regolament (UE) Nru 1011/2012 (BĊE/2012/24) huwa emendat kif ġej:

fl-Artikolu 2(4), il-punt (b) huwa mibdul b'dan li ġej:

“(b)

daqs jew taħt il-limitu ta' 0,5 %, sakemm l-aġent li jirrapporta dejta ta' grupp jissodisfa ċerti kriterji kwantitattivi jew kwalitattivi li jagħmluh importanti għall-istabbiltà u l-funzjonament tas-sistema finanzjarja fiż-żona tal-euro, eż., bis-saħħa tar-rabtiet tiegħu ma' istituzzjonijiet finanzjarji oħrajn fiż-żona tal-euro, l-attività trans-ġurisdizzjonali, in-nuqqas ta' sostitwibbiltà, il-kumplessità tal-istruttura korporattiva, jew superviżjoni diretta mill-BĊE; u/jew fi Stati Membri individwali taż-żona tal-euro, eż. permezz tal-importanza relattiva tal-aġent li jirrapporta dejta ta' grupp fi ħdan settur partikolari tas-suq tas-servizzi bankarji fi Stat Membru wieħed jew iżjed taż-żona tal-euro, jew superviżjoni diretta mill-BĊE.”;

L-Artikolu 3a huwa emendat kif ġej:

(a)

il-paragrafu 3 huwa mibdul b'dan li ġej:

“3. Il-BĊN relevanti jew, fejn dejta ta' grupp hija rrappurtata lill-BĊE skont il-paragrafu 5, il-BĊE għandu jitlob li l-aġenti li jirrapportaw dejta ta' grupp jirrapportaw fuq bażi trimestrali, il-bandiera ‘emittent huwa parti mill-grupp ta' rapportar (ambitu prudenzjali)’, fuq il-bażi ta' titolu b'titolu, u ‘emittent huwa parti mill-grupp ta' rapportar (ambitu ta' kontabilità)’, fuq il-bażi ta' titolu b'titolu, għat-titoli b'kodiċi ISIN jew mingħajru li huma miżmuma mill-grupp tagħhom skont il-Kapitolu 2 tal-Anness I.”;

(b)

il-paragrafu 5 li ġej huwa miżjud:

“5. Mingħajr preġudizzju għad-dispożizzjonijiet tal-paragrafu 1, aġenti li jirrapportaw dejta ta' grupp għandhom jirrapportaw dejta ta' grupp lill-BĊE jekk il-BĊN relevanti jideċiedi illi l-aġenti li jirrappurtaw dejta ta' grupp għandhom jirrappurtaw informazzjoni statistika direttament lill-BĊE skont l-Artikoli 3a u 4b tal-Linja Gwida BĊE/2013/7.”;

L-Artikolu 4a huwa mibdul b'dan li ġej:

“Artikolu 4a

Derogi għal aġenti li jirrapportaw dejta ta' grupp

1. Il-BĊN relevanti jew, fejn id-dejta ta' grupp hija rrapportata lill-BĊE skont l-Artikolu 3a(5), il-BĊE, wara li jikkonsulta lill-BĊN relevanti, jista' jagħti lil aġenti li jirrappurtaw dejta ta' grupp derogi mir-rekwiżiti ta' rappurtar stipulati fl-Artikolu 3a skont kif ġej:

(a)

Il-BĊN relevanti jew il-BĊE, skont kif applikabbli, jista' jawtorizza llil aġenti li jirrapportaw dejta ta' grupp li jirrapportaw informazzjoni statistika li tkopri 95 % tal-ammont ta' titoli miżmuma minnhom jew mill-grupp tagħhom, fuq bażi ta' titolu b'titolu, skont dan ir-Regolament, sakemm il-bqija tal-5 % tat-titoli miżmumin mill-grupp ma jinħarġux minn emittent wieħed;

(b)	Il-BĊN relevanti jew il-BĊE, skont kif applikabbli, jista' jitlob lil aġenti li jirrapporaw dejta ta' grupp biex jipprovdu aktar informazzjoni dwar it-tipi ta' titoli li għalihom tingħata deroga taħt il-punt (a).

2. Il-BĊN relevanti jew, fejn dejta ta' grupp hija rrapportata lill-BĊE skont l-Artikolu 3a(5), il-BĊE, wara li jikkonsulta lill-BĊN relevanti, jista' jagħti lil aġenti li jirrappurtaw dejta ta' grupp derogi mir-rekwiżiti ta' rappurtar fir-rigward tal-bandiera ‘emittent huwa parti mill-grupp ta' rapportar (ambitu prudenzjali)’, fuq il-bażi ta' titolu b'titolu, kif stipulat fl-Artikolu 3a(3), sakemm il-BĊN jew il-BĊE relevanti, skont kif applikabbli, ikun jista' joħroġ din id-dejta mid-dejta miġbura minn sorsi oħra.

3. Għal perijodu ta' sentejn mill-ewwel rapportar skont l-Artikolu 10b(2), il-BĊNi relevanti jew, fejn id-dejta ta' grupp hija rrapportata lill-BĊE skont l-Artikolu 3a(5), il-BĊE, wara li jikkonsulta lill-BĊN relevanti, jista' jagħti lil aġenti li jirrappurtaw dejta ta' grupp derogi mir-rekwiżiti ta' rapportar fir-rigward tar-rapportar fuq bażi ta' titolu b'titolu stipulati fil-Kapitolu 2 tal-Anness I għal entitajiet residenti barra mill-Unjoni sakemm il-BĊN relevanti jew il-BĊE, skont kif applikabblt, ikun jista' jieħu l-informazzjoni fil-Kapitolu 2 tal-Anness I għall-entitajiet residenti barra mill-Unjoni kollha.”;

L-Artikolu 4b huwa mibdul b'dan li ġej:

“Artikolu 4b

Derogi ġenerali u qafas applikabbli għad-derogi kollha

1. Il-BĊN relevanti jew, fejn id-dejta ta' grupp hija rrapportata lill-BĊE skont l-Artikolu 3a(5), il-BĊE, wara li jikkonsulta lill-BĊN relevanti, jista' jagħti derogi mir-rekwiżiti ta' rappurtar taħt dan ir-Regolament jekk l-aġenti ta' rapportar attwali jirrapportaw l-istess dejta taħt: (a) Regolament (UE) Nru 1071/2013 tal-Bank Ċentrali Ewropew (BĊE/2013/33) (*1); (b) Regolament (UE) Nru 1073/2013 (BĊE/2013/38); (c) Regolament (UE) Nru 1075/2013 (BĊE/2013/40); jew (d) Regolament (UE) Nru 1374/2014 (BĊE/2014/50); jew jekk il-BĊN relevanti jew il-BĊE, skont kif applikabbli, ikunu kapaċi jidderivaw l-istess dejta b'mezzi oħrajn, skont l-istandards statistiċi minimi speċifikati fl-Anness III.

2. Il-BĊNi relevanti jew, fejn id-dejta ta' grupp hija rrapportata lill-BĊE skont l-Artikolu 3a(5), il-BĊE, wara li jikkonsulta lill-BĊN relevanti, għandu jiżgurau illi jkun hemm konformità mal-kundizzjonijiet stipulati taħt dan l-Artikolu u fl-Artikoli 4 u 4a għall-finijiet tal-għoti, it-tiġdid jew l-irtirar, kif applikabbli u meta jkun neċessarju, ta' xi deroga b'effett mill-bidu ta' kull sena kalendarja.

3. Il-BĊNi relevanti jew, fejn id-dejta ta' grupp hija rrapportata lill-BĊE skont l-Artikolu 3a(5), il-BĊE, wara li jikkonsulta lill-BĊN relevanti, jista' jissuġġetta lill-aġenti ta' rapportar attwali li jkunu ngħataw derogi taħt dan l-Artikolu, l-Artikolu 4 jew l-Artikolu 4a, suġġetti għal rekwiżiti ta' rapportar addizzjonali, fejn dettalji ulterjuri huwa meqjusa neċessarji mill-BĊN relevanti jew mill-BĊE, skont kif applikabbli. Aġenti ta' rapportar attwali għandhom jirrapportaw id-dejta mitluba fi żmien 15-il jum ta' xogħol dwar talba magħmula mill-BĊN relevanti jew mill-BĊE, skont kif applikabbli.

4. Fejn ikunu ngħataw derogi mill-BĊN relevanti jew, fejn dejta ta' grupp hija rrapportata lill-BĊE skont l-Artikolu 3a(5), mill-BĊE, l-aġenti ta' rapprtar attwali jistgħu madankollu jissodisfaw ir-rekwiżiti ta' rapportar kollha. Aġent ta' rapportar attwali li jagħżel li ma jużax id-derogi mogħtija mill-BĊN relevanti jew mill-BĊE, skont kif applikabbli, għandu jikseb il-kunsens tal-BĊN relevanti jew tal-BĊE, skont kif applikabbli, qabel ma juża d-derogi mogħtija f'data aktar tard.

(*1) Regolament (UE) Nru 1071/2013 tal-Bank Ċentrali Ewropew tal-24 ta' Settembru 2013 dwar il-karta tal-bilanċ tas-settur tal-istituzzjonijiet finanzjarji monetarji (BĊE/2013/33) (ĠU L 297, 7.11.2013, p. 1).”;"

L-Artikolu 6a huwa mibdul b'dan li ġej:

“Artikolu 6a

Tempestività tad-dejta ta' grupp

1. Il-BĊNi għandhom jittrasmettu lill-BĊE dejta ta' grupp trimestrali fuq bażi ta' titolu b'titolu skont l-Artikolu 3a(1) u l-Kapitolu 2 tal-Anness I sas-18:00 CET fil-55 jum tal-kalendarju wara t-tmiem tat-trimestru li għalih tirrelata d-dejta.

2. Jekk BĊN jiddeċiedi skont l-Artikolu 3a(5) illi l-aġenti ta' rapportar għandhom jirrapportaw l-informazzjoni statistika direttament lill-BĊE, l-aġenti ta' rapportar għandhom jittrasmettu din l-informazzjoni lill-BĊE sas-18:00 CET fil-45 jum tal-kalendarju wara t-tmiem tat-trimestru li għalih tirrelata d-dejta.”

L-Artikolu 7a huwa ssostitwit b'dan li ġej:

“Artikolu 7a

Fużjonijiet, diviżjonijiet u riorganizzazzjonijiet

Fil-każ ta' fużjoni, diviżjoni jew riorganizzazzjoni li tista' taffettwa t-twettiq ta' obbligi statistiċi, l-aġenti ta' rapportar ikkonċernati għandhom jinformaw lill-BĊN relevanti, jew, fejn dejta ta' grupp hija rrapportata lill-BĊE skont l-Artikolu 3a(5), il-BĊE, direttament jew permezz tal-BĊN relevanti b'konformità mal-arranġamenti ta' kooperazzjoni, ladarba l-intenzjoni biex tiġi implimentata dik l-operazzjoni tkun saret pubblika u fiż-żmien dovut qabel ma sseħħ, bil-proċeduri li huma ppjanati biex jitwettqu r-rekwiżiti ta' rapportar statistiku stipulati f'dan ir-Regolament.”;

L-Artikolu 10c li ġej huwa mdaħħal:

“Artikolu 10c

L-ewwel rapportar wara d-dħul fis-seħħ tar-Regolament (UE) 2018/318 tal-Bank Ċentrali Ewropew (BĊE/2018/7)

L-ewwel rapportar ta' dejta ta' grupp skont l-Artikolu 3a wara d-dħul fis-seħħ tar-Regolament (UE) 2018/318 tal-Bank Ċentrali Ewropew (BĊE/2018/7) (*2) għandu jibda bid-dejta għall-perijodu ta' referenza Settembru 2018.

(*2) Regolament (UE) 2018/318 tal-Bank Ċentrali Ewropew tat-22 ta' Frar 2018 li jemenda r-Regolament (UE) Nru 1011/2012 dwar statistika fuq investimenti f'titoli (BĊE/2018/7) (ĠU L 62, 5.3.2018, p. 4).”"

8.	L-Annessi I, II u III huma emendati skont l-Anness ta' dan ir-Regolament.

Artikolu 2

Dispożizzjoni finali

Dan ir-Regolament għandu jidħol fis-seħħ fl-1 ta' Ottubru 2018.

Dan ir-Regolament għandu jorbot fl-intier tiegħu u japplika direttament fl-Istati Membri skont it-Trattati.

Magħmul fi Frankfurt am Main, it-22 ta' Frar 2018.

Għall-Kunsill Governattiv tal-BĊE

Il-President tal-BĊE

Mario DRAGHI

(1) ĠU L 318, 27.11.1998, p. 8.

(2) Ir-Regolament (UE) Nru 1011/2012 tal-Bank Ċentrali Ewropew tas-17 ta' Ottubru 2012 dwar statistika fuq investimenti f'titoli (BĊE/2012/24) (ĠU L 305, 1.11.2012, p. 6).

(3) Ir-Regolament tal-Kunsill (UE) Nru 1024/2013 tal-15 ta' Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu (ĠU L 287, 29.10.2013, p. 63).

(4) Ir-Regolament (UE) Nru 806/2014 tal-Parlament Ewropew u tal-Kunsill tal-15 ta' Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta' kreditu u ċerti ditti tal-investiment fil-qafas ta' Mekkaniżmu Uniku ta' Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU L 225, 30.7.2014, p. 1)

(5) Ir-Regolament tal-Kunsill (UE) Nru 1096/2010 tas-17 ta' Novembru 2010 li jagħti lill-Bank Ċentrali Ewropew kompiti speċifiċi rigward il-funzjonament tal-Bord Ewropew dwar ir-Riskju Sistemiku (ĠU L 331, 15.12.2010, p. 162).

(6) Ir-Regolament (UE) 2016/1384 tal-Bank Ċentrali Ewropew tat-2 ta' Awwissu 2016 li jemenda r-Regolament (UE) Nru 1011/2012 dwar statistika fuq investimenti f'titoli (BĊE/2016/22) (ĠU L 222, 17.8.2016, p. 24).

ANNESS

L-Annessi I, II u III tar-Regolament (UE) Nru 1011/2012 (BĊE/2012/24) huma emendati kif ġej:

Anness I, Kapitolu 2, huwa emendat kif ġej:

(a)

Il-Parti 1 hija emendata kif ġej:

(i)

is-sentenza fit-tmiem tal-Parti 1, 'il fuq mit-tabella hija sostiwita b'li ġej:

“Il-BĊN relevanti jew, fejn dejta ta' grupp hija rrappurtata lill-BĊE skont l-Artikolu 3a(5), il-BĊE jista' jagħżel ukoll illi jitlob lill-aġenti li jirrapportaw dejta ta' grupp biex jirrapportaw dejta għall-oqsma 9 sa 11 u, jekk ma tkunx diġà koperta taħt il-punti (b) jew (c), 31 sa 37.”;

(ii)

it-test tan-nota ta' qiegħ il-paġna (1) fit-tabella huwa sostitwit b'li ġej:

“(1)

Fejn hija applikata d-deroga stipulata fl-Artikolu 4a(3), l-oqsma tad-dejta li jirreferu għar-rapportar entità b'entità għandhom jiġu rrapportati skont ir-regoli rispettivi kif stabbiliti mill-BĊN relevanti li jkun ta d-deroga jew, fejn id-dejta ta'grupp hija rrapportata lill-BĊE skont l-Artikolu 3a(5), il-BĊE tiżgura li d-dejta tkun omoġenja fir-rigward tar-rendikonti mandatorji.”;

(b)

Il-Parti 2 hija emendata kif ġej:

(i)

is-sentenza fl-aħħar ta' Parti 2 'il fuq mit-tabella hija sostiwita b'li ġej:

“Il-BĊN relevanti jew, fejn dejta ta' grupp hija rrappurtata lill-BĊE skont l-Artikolu 3a(5), il-BĊE jista' jitlob lill-aġenti li jirrapportaw dejta ta' grupp biex jirrapportaw ukoll dejta għall-oqsma 8 sa 10, 12 u, jekk ma tkunx diġà koperta taħt il-punti (b) jew (c), 53 sa 59.”;

(ii)

it-test tan-nota ta' qiegħ il-paġna (1) fit-tabella huwa sostitwit b'li ġej:

“(1)

L-Anness II huwa emendat kif gej:

(a)

fil-Parti 1, l-ewwel sentenza hija sostitwita b'dan li ġej:

“Din it-tabella tagħti deskrizzjoni dettaljata tal-kategoriji ta' strument li l-bank ċentrali nazzjonali relevanti (BĊN), jew fejn id-dejta ta' grupp hija rrapportata lill-Bank Ċentrali Ewropew (BĊE) skont l-Artikolu 3a(5), il- BĊE jittrasponi fil-kategoriji applikabbli fil-livell nazzjonali skont dan ir-Regolament.”;

(b)

fil-Parti 2, l-ewwel sentenza hija sostitwita b'dan li ġej:

“Din it-tabella tagħti deskrizzjoni tal-kategoriji ta' setturi li l-bank ċentrali nazzjonali relevanti (BĊN), jew fejn id-dejta ta' grupp hija rrapportata lill-BĊE skont l-Artikolu 3a(5) il-BĊE jittrasponi fil-kategoriji applikabbli fil-livell nazzjonali skont dan ir-Regolament.”;

(c)

fil-Parti 4, id-definizzjonijiet fit-tabella huma emendati skont kif ġej:

(i)

Id-definizzjoni ta' “Pożizzjonijiet bil-valur tas-suq” hija mibdula b'li ġej:

“Ammont miżmum ta' titolu bil-prezz ikkwotat fis-suq f'euro. Il-BĊN relevanti jew, fejn dejta ta' grupp hija rrappurtata lill-BĊE skont l-Artikolu 3a(5), il-BĊE għandu bħala prinċipju jitlob li jiġi rrapportat l-imgħax akkumulat jew taħt din il-pożizzjoni jew separatament. Madankollu, il-BĊNi relevanti, jew il-BĊE, skont kif applikabbli, jistgħu fid-diskrezzjoni tagħhom jitolbu dejta li teskludi imgħax akkumulat.”;

(ii)

Id-definizzjoni ta' “Kodiċi ta' identifikazzjoni tal-garanti” hija mibdula b'li ġej:

“Kodiċì standard, miftiehem mal-BĊN relevanti jew, fejn dejta ta'grupp hija rrapportata lill-BĊE skont l-Artikolu 3a(5), mal-BĊE, li jidentifika b'mod uniku lil garanti, u informazzjoni dwar it-tip ta' kodiċi ta' identifikazzjoni li jintuża, eż. identifikatur ta' entità legaII, identifikatur UE jew identifikatur nazzjonali.”;

(d)

fil-Parti 5, id-definizzjonijiet fit-tabella huma emendati skont kif ġej:

(i)

id-definizzjoni ta' “Identifikatur UE” hija mibdula b'li ġej:

“Identifikatur UE tfisser kodiċi ta' identifikazzjoni użat komunement, miftiehem mal-BĊN relevanti jew, fejn dejta ta'grupp hija rrapportata lill-BĊE skont l-Artikolu 3a(5), mal-BĊE, li jippermetti l-identifkazzjoni mhux ambigwa ta' entità fi ħdan l-UE.”;

(ii)

id-definizzjoni ta' “Identifikatur nazzjonali” hija mibdula b'li ġej:

“Identifikatur nazzjonali tfisser kodiċi ta' identifikazzjoni użat komunement, miftiehem mal-BĊN relevanti jew, fejn dejta ta'grupp hija rrapportata lill-BĊE skont l-Artikolu 3a(5), mal-BĊE, li jippermetti l-identifkazzjoni mhux ambigwa ta' entità fi ħdan il-pajjiż ta' residenza tiegħu.”;

(iii)

id-definizzjoni ta' “Livell ta' rapportar” hija mibdula b'li ġej:

“Livell ta' rapportar tirreferi għal jekk id-dejta tkunx irrapportata fuq bażi ta' entità b'entità jew fuq bażi ta' grupp kif iddefinit fil-punti 23 u 24 tal-Artikolu 1. Prinċipji armonizzati ta' kontabilità u ta' konsolidazzjoni għandhom jiġu applikati, bi qbil mal-BĊN relevanti jew, fejn id-dejta ta' grupp hija rrapportata lill-BĊE skont l-Artikolu 3a(5), mal-BĊE, għad-dejta rrapportata fil-livell tal-entità, jiġifieri informazzjoni fuq livell ta' entità għandha ssegwi l-prinċipji tal-kontabilità u tal-kalkolu tar-riskju tal-grupp safejn ikun possibbli.”;

(e)

fil-Parti 6, id-definizzjonijiet fit-tabella huma emnendati skont kif ġej:

(i)

id-definizzjoni ta' “Kodiċi ta' identifikazzjoni tad-detentur” hija mibdula b'li ġej:

“Kodiċì standard, miftiehem mal-BĊN relevanti jew, fejn dejta ta'grupp hija rrapportata lill-BĊE skont l-Artikolu 3a(5), mal-BĊE, li jidentifika b'mod uniku lid-detentur,u informazzjoni dwar it-tip ta' kodiċi ta' identifikazzjoni li huwa użat, eż. identifikatur UE jew identifikatur nazzjonali.”;

(ii)

id-definizzjoni ta' “Kodiċi ta' identifikazzjoni tal-ġenitur” immedjat tad-detentur hija mibdula b'li ġej:

“Kodiċì standard, miftiehem mal-BĊN relevanti jew, fejn dejta ta'grupp hija rrapportata lill-BĊE skont l-Artikolu 3a(5), mal-BĊE, li jidentifika b'mod uniku l-entità legali immedjata illi d-detentur huwa legalment parti dipendenti tagħha u informazzjoni dwar it-tip ta' kodiċi ta' identifikazzjoni li huwa użat, eż. identifikatur ta' entità legali, identifikatur UE jew identifikatur nazzjonali.”;

(f)

Fil-Parti 7, fit-tabella d-definizzjoni ta'“Kodiċi ta' identifikazzjoni tal-emittent” hija mibdula b'li ġej:

“Kodiċì standard, miftiehem mal-BĊN relevanti jew, fejn dejta ta'grupp hija rrapportata lill-BĊE skont l-Artikolu 3a(5), mal-BĊE, li jidentifika b'mod uniku lil emittent u informazzjoni dwar it-tip ta' kodiċi ta' identifikazzjoni li huwa użat, eż. identifikatur UE jew identifikatur nazzjonali.”;

L-Anness III huwa emendat kif gej:

(a)

Il-punt (1) huwa mibdul b'li ġej:

“1.

Standards minimi għat-trażmissjoni:

(a)	ir-rapportar lill-bank ċentrali nazzjonali (BĊN) relevanti u, fejn dejta ta' grupp hija rapportata lill-BĊE skont l-Artikolo 3a(5), lill-BĊE, għandu jkun tempestiv u fl-iskadenzi stabbiliti mill-BĊN relevanti jew mill-BĊE, skont kif applikabbli;

(b)	Ir-rapporti statistiċi jridu jieħdu l-forma u l-format tagħhom mir-rekwiżiti ta' rapportar tekniku stabbiliti mill-BĊN relevanti jew mill-BĊE, skont kif applikabbli;

(c)	il-persuni ta' kuntatt fl-aġent ta' rapportar attwali għandhom ikunu identifikati;

(d)	l-ispeċifikazzjonijiet tekniċi għat-trażmissjoni ta' dejta lill-BĊN relevanti jew lill-BĊE jridu jiġu segwiti.”;

(b)

Il-punti 2(d) u (e) huma mibdula b'li ġej:

“(d)	aġenti ta' rapportar attwali għandhom isegwu d-dimensjonijiet u d-deċimali stabbiliti mill-BĊN relevanti jew, fejn dejta ta' grupp hija rrapportata lill-BĊE skont l-Artikolu 3a(5), mill-BĊE għat-trażmissjoni teknika tad-dejta;

(e)	aġenti ta' rapportar attwali għandhom isegwu l-politika tal-approssimazzjoni stabbilita mill-BĊN relevanti jew, fejn dejta ta' grupp hija rrapportata lill-BĊE skont l-Artikolu 3a(5), mill-BĊE għat-trażmissjoni teknika tad-dejta.”.

5.3.2018

Il-Ġurnal Uffiċjali tal-Unjoni Ewropea

L 62/10

DEĊIŻJONI TAL-KUNSILL (UE) 2018/319

tas-27 ta' Frar 2018

dwar il-pożizzjoni li trid tiġi adottata f'isem l-Unjoni Ewropea fis-26 sessjoni tal-Kumitat tar-Reviżjoni tal- Organizzazzjoni Intergovernattiva għat-Trasport Internazzjonali bil-Ferrovija rigward ċerti emendi fil-Konvenzjoni li tirrigwarda t-Trasport Internazzjonali bil-Ferrovija u fl-Appendiċijiet tagħha

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 91 flimkien mal-Artikolu 218(9) tiegħu,

Wara li kkunsidra l-proposta mill-Kummissjoni Ewropea,

Billi:

(1)	L-Unjoni aderiet mal-Konvenzjoni li tirrigwarda t-Trasport Internazzjonali bil-Ferrovija tad-9 ta' Mejju 1980, kif emendata mill-Protokoll ta' Vilnius tat-3 ta' Ġunju 1999 (“il- Konvenzjoni COTIF”), f'konformità mad-Deċiżjoni tal-Kunsill 2013/103/UE (1).

(2)	L-Istati Membri kollha, bl-eċċezzjoni ta' Ċipru u Malta, japplikaw il-Konvenzjoni COTIF.

(3)

Il-Kumitat tar-Reviżjoni tal-Organizzazzjoni Intergovernattiva għat-Trasport Internazzjonali bil-Ferrovija (“il-Kumitat tar-Reviżjoni”) ġie stabbilit skont il-punt (c) tal-Artikolu 13(1) tal-Konvenzjoni COTIF. Fis-26 sessjoni tiegħu, li għandha ssir mis-27 ta' Frar sal-1 ta' Marzu 2018, il-Kumitat tar-Reviżjoni mistenni jiddeċiedi dwar ċerti emendi fil-Konvenzjoni COTIF kif ukoll fl-Appendiċijiet tagħha, jiġifieri fl-Appendiċi E (Regoli Uniformi dwar il-Kuntratt tal-Użu tal-Infrastruttura fit-Traffiku Ferrovjarju Internazzjonali — CUI), fl-Appendiċi F (Regoli Uniformi li jirrigwardaw il-Validazzjoni ta' Standards Tekniċi u l-Adozzjoni ta' Preskrizzjonijiet Tekniċi Uniformi Applikati għall-Materjal tal-Ferroviji bl-intenzjoni li jintużaw mit-Traffiku Internazzjonali — APTU) u fl-Appendiċi G (Regoli Uniformi li jirrigwardaw l-Ammissjoni Teknika ta' Materjal tal-Ferroviji użat fit-Traffiku Internazzjonali — ATMF).

(4)	Matul is-26 sessjoni tiegħu, il-Kumitat tar-Reviżjoni ser jiddeċiedi wkoll dwar l-adozzjoni ta' Appendiċi H ġdid dwar l-operat sikur tal-ferroviji fit-traffiku internazzjonali.

(5)

L-emendi tar-Regoli ta' Proċedura tal-Kumitat tar-Reviżjoni għandhom l-għan li jaġġornaw ċerti dispożizzjonijiet b'riżultat tal-adeżjoni tal-Unjoni għall-Konvenzjoni COTIF fl-2011, b'mod partikolari fir-rigward tad-dispożizzjonijiet li jirregolaw id-dritt tal-vot ta' organizzazzjoni reġjonali u l-istabbiliment ta' kworum.

(6)

L-emendi tal-Konvenzjoni COTIF għandhom l-għan li jtejbu u jiffaċilitaw il-proċedura għar-reviżjoni tal-Konvenzjoni COTIF bil-ħsieb ta' implimentazzjoni rapida u konsistenti tal-emendi tal-Konvenzjoni COTIF u tal-Appendiċijiet tagħha, u sabiex jiġu evitati effetti negattivi tal-proċedura ta' reviżjoni attwali li tieħu fit-tul, inkluż ir-riskju ta' allinjament ħażin intern bejn l-emendi adottati mill-Kumitat tar-Reviżjoni u dawk adottati mill-Assemblea Ġenerali tal-OTIF, kif ukoll allinjament ħażin estern, b'mod partikolari mal-liġi tal-Unjoni.

(7)

L-emendi fl-Appendiċi E (CUI) għandhom l-għan li jiċċaraw il-kamp ta' applikazzjoni tar-Regoli Uniformi tal-CUI biex jiġi żgurat li dawk ir-regoli jiġu applikati b'mod aktar sistematiku għall-għan maħsub tagħhom, jiġifieri għat-traffiku internazzjonali bil-ferrovija bħal fil-kurituri tal-merkanzija jew fil-ferroviji internazzjonali tal-passiġġieri.

(8)	L-emendi fl-Appendiċijiet F (APTU) u G (ATMF) għandhom l-għan li jiksbu armonizzazzjoni bejn ir-regoli tal-OTIF u r-regoli tal-Unjoni, b'mod partikolari wara li l-Unjoni adottat ir-raba' pakkett ferrovjarju fl-2016.

(9)

L-Appendiċi H il-ġdid huwa maħsub biex itejjeb l-interoperabbiltà lil hinn mill-Unjoni, abbażi tal-kunċett ta' kriterji armonizzati għall-ħruġ mill-awtoritajiet Statli ta' Ċertifikati tas-Sikurezza lill-impriżi ferrovjarji bħala prova li l-impriżi ferrovjarji kapaċi joperaw il-ferroviji b'mod sikur fl-Istat ikkonċernat.

(10)	Il-maġġoranza tal-emendi proposti jaqblu mal-liġi u mal-għanijet strateġiċi tal-Unjoni, u għaldaqstant jenħtieġ li jiġu appoġġati mill-Unjoni. Ċerti emendi jenħtieġ li jkun hemm aktar diskussjoni dwarhom fl-Unjoni u għandhom jitwarrbu fis-26 sessjoni tal-Kumitat tar-Reviżjoni.

(11)	Għalhekk, jenħtieġ li l-pożizzjoni tal-Unjoni fis-26 sessjoni tal-Kumitat tar-Reviżjoni tkun ibbażata fuq l-allegat għal din id-Deċiżjoni,

ADOTTA DIN ID-DEĊIŻJONI:

Artikolu 1

1. Il-pożizzjoni li trid tiġi adottata f'isem l-Unjoni Ewropea fis-26 sessjoni tal-Kumitat tar-Reviżjoni stabbilit bil-Konvenzjoni li tirrigwarda t-Trasport Internazzjonali bil-Ferrovija tad-9 ta' Mejju 1980, kif emendata mill-Protokoll ta' Vilnius tat-3 ta' Ġunju 1999, għandha tkun ibbażata fuq l-allegat għal din id-Deċiżjoni.

2. Ir-rappreżentanti tal-Unjoni fil-Kumitat tar-Reviżjoni jistgħu jaqblu ma' tibdiliet żgħar fid-dokumenti msemmija fl-allegat għal din id-deċiżjoni mingħajr deċiżjoni ulterjuri tal-Kunsill.

Artikolu 2

Wara l-adozzjoni tagħha, id-Deċiżjoni tal-Kumitat tar-Reviżjoni għandha tiġi ppubblikata f'Il-Ġurnal Uffiċjali tal-Unjoni Ewropea.

Artikolu 3

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, is-27 ta' Frar 2018.

Għall-Kunsill

Il-President

E. ZAHARIEVA

(1) Id-Deċiżjoni tal-Kunsill 2013/103/UE tas-16 ta' Ġunju 2011 dwar l-iffirmar u l-konklużjoni tal-Ftehim bejn l-Unjoni Ewropea u l-Organizzazzjoni Intergovernattiva għat-Trasport Internazzjonali bil-Ferrovija dwar l-Adeżjoni tal-Unjoni Ewropea mal-Konvenzjoni li tirrigwarda t-Trasport Internazzjonali bil-Ferrovija (COTIF) tad-9 ta' Mejju 1980, kif emendata mill-Protokoll ta' Vilnius tat-3 ta' Ġunju 1999 (ĠU L 51, 23.2.2013, p. 1).

DOKUMENT MEHMUŻ

1. INTRODUZZJONI

Is-Segretarjat Ġenerali (SĠ) tal-OTIF sejjaħ is-26 sessjoni tal-Kumitat tar-Reviżjoni tal-COTIF99 f'Bern, l-Iżvizzera, mis-27 ta' Frar sal-1 ta' Marzu 2018. Id-dokumenti dwar il-punti tal-aġenda huma disponibbli fuq is-sit elettroniku tal-OTIF f'dan il-link: http://otif.org/en/?page_id=126

2. KUMMENTI DWAR IL-PUNTI TAL-AĠENDA

Il-Punt 1 tal-Aġenda - Il-ftuħ tal-laqgħa u l-istabbiliment tal-kworum

Dokument(i): ebda dokument

Kompetenza: L-Unjoni (kondiviża)

Eżerċizzju tad-drittijiet tal-vot: mhux disponibbli

Pożizzjoni: ebda pożizzjoni

Il-Punt 2 tal-Aġenda – L-elezzjoni tal-president u tal-viċi president

Dokument(i): ebda dokument

Kompetenza: L-Unjoni (kondiviża)

Eżerċizzju tad-drittijiet tal-vot: L-Istati Membri

Pożizzjoni: ebda pożizzjoni

Il-Punt 3 tal-Aġenda – L-adozzjoni tal-aġenda

Dokument(i): LAW-17125-CR 26/3.1

Kompetenza: L-Unjoni (kondiviża u esklużiva)

Eżerċizzju tad-drittijiet tal-vot: L-Unjoni

Pożizzjoni: Favur l-adozzjoni tal-abbozz tal-aġenda

Il-Punt 4 tal-Aġenda – Il-modifika tar-Regoli ta' Proċedura

Dokument(i): LAW-17125-CR 26/4

Kompetenza: L-Unjoni (kondiviża u esklużiva)

Eżerċizzju tad-drittijiet tal-vot: L-Unjoni

Pożizzjoni: Appoġġ għall-abbozz ta' emendi proposti għar-Regoli ta' Proċedura tal-Kumitat tar-Reviżjoni tal-OTIF, bl-eċċezzjoni tal-punti li ġejjin:

a.	l-Artikolu 9(2) tar-Regoli ta' Proċedura għandhom jipprevedu li “Il-perijodu għandu jkun 12-il ġimgħa jekk id-dokument jiġi ppreżentat bit-tliet lingwi ta' ħidma kollha.”; u

b.	il-bidla fl-Artikolu 9(4) tar-Regoli ta' Proċedura dwar il-vot fin-nuqqas ta' verżjonijiet lingwistiċi hija rrifjutata.

Il-verżjoni attwali tar-Regoli ta' Proċedura tal-Kumitat ta' Reviżjoni hija anterjuri għall-adeżjoni tal-Unjoni għall-Konvenzjoni COTIF; għalhekk, ċerti dispożizzjonijiet huma skaduti u jenħtieġ li jiġu aġġornati. B'mod partikolari, id-dispożizzjonijiet li jirregolaw id-drittijiet għall-vot tal-Unjoni u li jistabbilixxu l-kworum (l-Artikoli 4, 20 u 21) iridu jiġu modifikati sabiex jikkonformaw mal-Artikolu 38 tal-COTIF u mal-Ftehim UE-OTIF.

Il-Punt 5 fuq l-Aġenda – Ir-reviżjoni parzjali tal-Konvenzjoni bażi: emenda tal-proċedura għar-reviżjoni tal-COTIF

Dokument(i): LAW-17126-CR 26/5

Kompetenza: L-Unjoni (kondiviża)

Eżerċizzju tad-drittijiet tal-vot: L-Istati Membri

Pożizzjoni: Appoġġ għall-adozzjoni tar-reviżjoni proposta tal-Artikolu 34 tal-Konvenzjoni biex jiġi stipulat perjodu ta' żmien fiss (36 xahar) għad-dħul fis-seħħ tal-emendi tal-Appendiċijiet adottati mill-Assemblea Ġenerali, fosthom il-klawżola ta' flessibbiltà biex l-iskadenza tiġi estiża skont il-każ, fejn jiġi deċiż hekk mill-Assemblea Ġenerali bil-maġġoranza stipulata fl-Artikolu 14 § 6 tal-COTIF.

Il-proposti għandhom l-għan li jtejbu u jiffaċilitaw il-proċedura għar-reviżjoni tal-Konvenzjoni COTIF bil-ħsieb ta' implimentazzjoni rapida u konsistenti tal-emendi tal-Konvenzjoni u tal-Appendiċijiet tagħha, u sabiex jiġu evitati effetti negattivi tal-proċedura ta' reviżjoni attwali li tieħu fit-tul, inkluż ir-riskju ta' allinjament ħażin intern bejn l-emendi adottati mill-Kumitat tar-Reviżjoni u dawk adottati mill-Assemblea Ġenerali, kif ukoll allinjament ħażin estern, b'mod partikolari mad-dritt tal-Unjoni. Ir-rakkomandazzjoni tas-Segretarjat tal-OTIF irriflettiet il-fehma dominanti fi ħdan grupp ta' ħidma rilevanti li ttratta din il-materja; ġie stabbilit li l-Membri tal-OTIF għandhom ikunu kapaċi jittrasponu l-emendi adottati, fosthom permezz ta' proċeduri parlamentari, fi żmien tliet snin. Il-proposta tidher meħtieġa biex tappoġġa l-funzjonament u l-iżvilupp effiċjenti tal-OTIF.

Il-Punt 6 tal-Aġenda - Ir-reviżjoni parzjali tas-CIM UR - Ir-rapport tas-Segretarju Ġenerali

Dokument(i): LAW-17126-CR 26/6

Kompetenza: L-Unjoni (kondiviża u esklużiva)

Eżerċizzju tad-drittijiet tal-vot: L-Unjoni (jekk jittieħed vot)

Pożizzjoni: Jitqies ir-rapport tas-Segretarju Ġenerali, tingħata xi informazzjoni dwar attivitajiet u żviluppi rilevanti li għaddejjin bħalissa, tittrawwem aktar ħidma dwar il-valutazzjoni tal-interfaċċi bejn ir-regolamenti tad-dwana u tat-trasport bil-ferrovija, u jingħata appoġġ biex jiġi stabbilit grupp ta' ħidma ta' esperti legali, jew arranġamenti alternattivi tal-koordinazzjoni fil-korpi eżistenti tal-OTIF, fir-rigward ta' kwistjonijiet tad-dwana u d-diġitalizzazzjoni tad-dokumenti tat-trasport tal-merkanzija.

Il-Punt 7 tal-Aġenda - Ir-reviżjoni parzjali tas-CUI UR

Dokument(i): LAW-17128-CR 26/7.1; LAW-17129-CR 26/7.2

Kompetenza: L-Unjoni (kondiviża)

Eżerċizzju tad-drittijiet tal-vot: L-Istati Membri

Pożizzjoni: Appoġġ għall-proposti għall-emendi għall-Artikoli 1 § 1 u 2, 3 (l-ittra l-ġdida aa) u għall-emendi għall-ittri b), c) u g)), 5 § 1, 5bis § 1 u 2, 7 § 2, 8 § 1 u 2, 9 § 1, u 10 § 3 tas-CUI, u s-Segretarjat Ġenerali tal-OTIF jintalab jissottometti l-modifiki kollha għas-CUI UR lill-Assemblea Ġenerali għal deċiżjoni.

Il-modifika sostanzjali ewlenija għandha l-għan li tiċċara l-kamp ta' applikazzjoni tas-CUI UR bl-introduzzjoni fl-Artikolu 3 tad-definizzjoni ta' “traffiku internazzjonali bil-ferrovija” biex tfisser “traffiku li jeħtieġ l-użu ta' mogħdija ferrovjarja internazzjonali jew diversi mogħdijiet nazzjonali suċċessivi li jinsabu f'tal-anqas żewġ Stati u kkoordinat mill-maniġers tal-infrastruttura kkonċernata”, u bl-emenda tal-Artikolu 1 (Kamp ta' Applikazzjoni) kif meħtieġ, filwaqt li tinżamm ir-rabta mas-CIV u s-CIM UR.

L-objettiv huwa li jiġi żgurat li s-CUI UR jiġu applikati b'mod aktar sistematiku għall-għan maħsub tagħhom, jiġifieri għat-traffiku internazzjonali bil-ferrovija. L-abbozz tal-emenda kif propost lill-Kumitat tar-Reviżjoni jikkorrispondi għat-test ta' kompromess li jirriżulta mill-ħidma tal-grupp ta' ħidma ad hoc fi ħdan l-OTIF, li ltaqa' fl-10 ta' Diċembru 2014, fit-8 ta' Lulju 2015, fl-24 ta' Novembru 2015 u fil-31 ta' Mejju 2016. Il-Kummissjoni kkontribwiet fir-riżultat miksub li, skont il-kamp ta' applikazzjoni u l-objettiv tal-Konvenzjoni COTIF, jiġifieri t-trasport internazzjonali, jikkonferma l-applikazzjoni tas-CUI UR fit-traffiku internazzjonali bil-ferrovija, kif stabbilit fid-definizzjoni l-ġdida.

Il-Kummissjoni vvalutat li l-abbozzi ta' emendi għall-Artikolu 1 u 3, kif proposti mis-Segretarjat tal-OTIF, huwa konsistenti mad-definizzjonijiet u mad-dispożizzjonijiet tal-acquis tal-Unjoni fir-rigward tal-ġestjoni tal-infrastruttura ferrovjarja u l-koordinazzjoni bejn il-maniġers tal-infrastruttura (eż. l-Artikoli 40, 43 u 46 tad-Direttiva 2012/34/UE (riformulazzjoni)).

Fir-rigward tal-abbozz ta' emenda propost mis-Segretarjat tal-OTIF għall-Artikolu 8 (Responsabbiltà tal-maniġer), din hija essenzjalment editorjali u ma taffettwax il-kamp ta' applikazzjoni jew is-sustanza tad-dispożizzjoni. L-abbozzi ta' emendi proposti għall-Artikolu 9 kif ukoll għall-Artikoli 3, 5, 5bis, 7 u 10 huma strettament editorjali.

Il-Punt 8 tal-Aġenda - Appendiċi H Ġdid rigward l-operat sikur tal-ferroviji fit-traffiku internazzjonali

Dokument(i): LAW-17130-CR26/8/9/10; LAW-17131-CR26/8.1; LAW-17132-CR 26/8.2

Kompetenza: L-Unjoni (esklużiva)

Eżerċizzju tad-drittijiet tal-vot: L-Unjoni

Pożizzjoni:

Appoġġ (LAW-17131-CR26/8.1) għall-inklużjoni ta' Appendiċi H ġdid fil-COTIF rigward l-operat sikur tal-ferroviji fit-traffiku internazzjonali għad-deċiżjoni tal-Assemblea Ġenerali, soġġett għal dan li ġej (tħassir – ingassat; żieda – sottolineat, fejn xieraq):

—

Fl-Artikolu (2)(b): “Awtorità taċ-Ċertifikazzjoni” tinbidel b'“Awtorità taċ-Ċertifikazzjoni tas-Sikurezza”. Jenħtieġ li din is-sostituzzjoni tiġi implimentata konsegwentement fit-test kollu. Bil-Ġermaniż: “Sicherheitsbescheinigungsbehörde” minflok “Zertifizierungsbehörde”. Bil-Franċiż: “autorité de certification de sécurité” minflok “autorité de certification”.

—	Artikolu 4(1): Tiżdied is-sentenza “L-Awtorità taċ-Ċertifikazzjoni tas-Sikurezza u l-Awtorità tas-Superviżjoni msemmija fl-Artikolu 6(1) jistgħu jkunu żewġ entitajiet separati jew jistgħu jiġu inkorporati fl-istess organizzazzjoni.”

—	Artikolu 6(1): Tiżdied is-sentenza “L-Awtorità tas-Superviżjoni u l-Awtorità taċ-Ċertifikazzjoni tas-Sikurezza msemmija fl-Artikolu 4(1) jistgħu jkunu żewġ entitajiet separati jew jistgħu jiġu inkorporati fl-istess organizzazzjoni.”

—

Fl-Artikolu 8(3): Modifika fit-test biex jaqra kif ġej: “Sabiex jiġu implimentati r-rekwiżiti ta' dawn ir-Regoli Uniformi b'mod armonizzat, l-Annessi għal dawn ir-Regoli Uniformi għandhom jinkludu:

(…)

[…]a)

Metodu Komuni tas-Sikurezza għall-ħtiġijiet tas-sistema ta' ġestjoni tas-sikurezza li għandu jiġi applikat mill-Awtoritajiet taċ-Ċertifikazzjoni tas-Sikurezza meta jinħarġu Ċertifikati tas-Sikurezza u minn impriżi ferrovjarji u maniġers tal-infrastruttura meta jiżviluppaw, jimplimentaw, iżommu u jtejbu s-sistemi ta' ġestjoni tas-sikurezza tagħhom;

[…]b)

Metodu Komuni tas-Sikurezza għall-monitoraġġ li għandu jiġi applikat mill-impriżi ferrovjarji […], il-maniġers tal-infrastruttura u l-entitajiet responsabbli mill-manutenzjoni;

(c)

Ir-rabtiet neċessarji mal-Metodu Komuni tas-Sikurezza rigward l-evalwazzjoni u l-valutazzjoni tar-riskju li għandhom jiġu applikati mill-impriżi ferrovjarji, il-maniġers tal-infrastruttura u l-entitajiet inkarigati mill-manutenzjoni meta ssir kwalunkwe bidla teknika, operazzjonali jew organizzattiva għas-sistema ferrovjarja;

(d)	Metodu Komuni tas-Sikurezza dwar is-superviżjoni għandu jiġi applikat mill-Awtoritajiet tas-Superviżjoni.”

—	Fl-Artikolu 2(f), titjib editorjali, allinjament mat-terminoloġija tal-Unjoni (verżjoni bil-Ġermaniż): ““Eisenbahnsystem” das Schienennetz in jedem Vertragsstaat, bestehend aus […]Strecken , Bahnhöfen, Drehscheiben und Terminals”.

—

Fl-Artikolu 7(4), titjib editorjali (verżjoni bil-Ġermaniż): “Die am Betrieb von Zügen im internationalen Verkehr beteiligten Infrastrukturbetreiber und Eisenbahnunternehmen haben […]ein Sicherheitsmanagementsystem einzurichten und dessen korrekte Anwendung in Übereinstimmung mit diesen Einheitlichen Rechtsvorschriften zu kontrollieren.”

Qbil li s-Segretarju Ġenerali jintalab jemenda r-Rapport ta' Spjegazzjoni b'appoġġ għall-Appendiċi H il-ġdid u jissottomettih lill-Assemblea Ġenerali għall-approvazzjoni.

Appoġġ (LAW-17131-CR26/8.2), bl-għan li l-Appendiċi H il-ġdid jiġi inkluż fil-COTIF, għall-modifiki fl-Artikoli 2, 6, 20, 33 u 35 tal-COTIF, u qbil li s-Segretarju Ġenerali jintalab jissottomettihom lill-Assemblea Ġenerali għal deċiżjoni.

L-abbozz tal-Appendiċi H il-ġdid jistabbilixxi dispożizzjonijiet li jirregolaw l-operat sikur tal-ferroviji fit-traffiku internazzjonali bl-objettiv li l-COTIF tiġi armonizzata mal-acquis tal-Unjoni u biex jingħata appoġġ lill-interoperabbiltà lil hinn mill-Unjoni Ewropea. It-test propost huwa konformi mad-dispożizzjonijiet tad-Direttiva (UE) 2016/798 il-ġdida dwar is-sikurezza u l-leġislazzjoni sekondarja relatata, għajr għal kwistjonijiet minuri li għandhom jiġu indirizzati skont il-proposti msemmija hawn fuq. Kif indikat, jenħtieġ ukoll li ċerti dispożizzjonijiet tal-Konvenzjoni COTIF jiġu modifikati bl-għan tal-inklużjoni ta' dan l-Appendiċi H il-ġdid.

Il-Punt 9 tal-Aġenda - Ir-Reviżjoni parzjali tal-ATMF UR

Dokument(i): LAW-17130-CR26/8/9/10; LAW-17133-CR26/9; LAW-17134-CR26/09-10

Kompetenza: L-Unjoni (esklużiva)

Eżerċizzju tad-drittijiet tal-vot: L-Unjoni

Pożizzjoni: Appoġġ lir-reviżjoni parzjali tal-ATMF UR kif proposta mis-Segretarjat tal-OTIF, soġġett għal dan li ġej (tħassir – ingassat; żieda – sottolineat, fejn xieraq):

—

Fl-Artikolu 7(1a) modifika fit-test biex jaqra kif ġej: “Il-vetturi għandhom jikkonformaw mal-UTPs applikabbli fiż-żmien tat-talba għall-ammissjoni, għall-aġġornament jew għat-tiġdid, f'konformità ma' dawn ir-Regoli Uniformi u filwaqt li titqies l-istrateġija tal-migrazzjoni għall-applikazzjoni tal-UTPs kif stabbiliti fl-Artikoli 8(2a) u 8(4)(f) tal-APTU, u l-possibbiltajiet għal derogi stabbiliti fl-Artikolu 7a tal-ATMF ; din il-konformità għandha tinżamm b'mod permanenti sakemm kull vettura tkun qed tintuża.

—

Is-CTE għandu jqis il-ħtieġa li jiġi żviluppat Anness ta' dawn ir-Regoli Uniformi inklużi d-dispożizzjonijiet li jippermettu li l-applikanti jkollhom aktar ċertezza tad-dritt dwar il-preskrizzjonijiet li għandhom jiġu applikati, qabel ma jissottomettu t-talba tagħhom għall-ammissjoni, għall-aġġornament jew għat-tiġdid tal-vetturi. ”

—

Fl-Artikolu 2(w), modifika fid-definizzjoni u użu tat-terminu “vetturi” b'mod konsistenti fit-test kollu (il-lingwi kollha). Id-definizzjoni jenħtieġ li tinqara: “vetturi” tfisser vettura ferrovjarja adatta biex tiġri fuq ir-roti tagħha fuq linji ferrovjarji, b'ġibda jew mingħajr. It-terminu “vettura/i” għandu jintuża fit-test kollu, u mhux it-terminu “vettura/i ferrovjarja/i”, li jidher f'xi postijiet.

—

Fl-Artikolu 5, titjib editorjali (verżjoni bil-Ġermaniż): “Notifikation” tiġi sostitwita bi “Notifizierung” fi “Jeder Vertragsstaat hat durch […] Notifizierung […] .” u fi “Die […] Notifizierungen können durch regionale Organisationen, die dem COTIF beigetreten sind, im Namen von Vertragsstaaten, die Mitglied der betreffenden Organisation sind, vorgenommen werden.”

—

Fl-Artikolu 10, titjib editorjali (verżjoni bil-Ġermaniż): “Verzeichnis” minflok “Dossier” fi “Wenn eine neue Betriebszulassung erforderlich ist, hat der Antragsteller dem betreffenden Vertragsstaat ein das Vorhaben beschreibendes […] Dossier zu übersenden.” kif ukoll fi “Der Vertragsstaat hat seine Entscheidung spätestens vier Monate nach der Vorlage des voll-ständigen […] Dossiers durch den Antragsteller zu treffen”.

—

Fl-Artikolu 13(1)(a), titjib editorjali (verżjonijiet bl-Ingliż u bil-Ġermaniż): CTE tiġi sostitwita bl-isem sħiħ tal-Kumitat fi “jikkonforma mal-ispeċifikazzjonijiet adottati mill-[…]Kumitat ta' Esperti Tekniċi ;” u “mit den vom […]Fachausschuss für technische Fragen angenommenen Spezifikationen übereinstimmen;”.

—

Żieda tal-Artikolu 14 li ġej: “Artikolu 14 - Annessi u rakkomandazzjonijiet

§ 1	Il-Kumitat tal-Esperti Tekniċi għandu jiddeċiedi jekk jadottax Anness jew dispożizzjoni li temendah f'konformità mal-proċedura stabbilita fl-Artikoli 16, 20 u 33 § 6 tal-Konvenzjoni. Id-deċiżjonijiet għandhom jidħlu fis-seħħ skont l-Artikolu 35 § § 3 u 4 tal-Konvenzjoni.

§ 2

Applikazzjoni għall-adozzjoni ta' Anness jew ta' dispożizzjoni li temenda tista' ssir minn: a) kwalunkwe Stat Kontraenti; b) kwalunkwe organizzazzjoni reġjonali kif definit fl-Artikolu 2 x) tal-ATMF; c) kwalunkwe assoċjazzjoni internazzjonali rappreżentanti li għall-membri tagħha l-eżistenza ta' Anness hija indispensabbli għal raġunijiet ta' sikurezza u ta' ekonomija fl-eżerċizzju tal-attività tagħhom.

§ 3	It-tħejjija tal-Annessi għandha tkun ir-responsabbiltà tal-Kumitat tal-Esperti Tekniċi bl-assistenza ta' gruppi ta' ħidma xierqa u tas-Segretarju Ġenerali abbażi tal-applikazzjonijiet li jkunu saru skont il-paragrafu 2.

§ 4	Il-Kumitat tal-Esperti Tekniċi jista' jirrakkomanda metodi u prattiki dwar l-ammissjoni teknika tal-materjal ferrovjarju użat fit-traffiku internazzjonali.”

Id-dispożizzjonijiet tal-ATMF UR huma kompatibbli mad-dispożizzjonijiet tad-Direttiva 2008/57/KE dwar l-Interoperabilità tal-Unjoni Ewropea u ma' parti mid-Direttiva 2009/49/KE dwar is-Sikurezza. Mal-adozzjoni tar-raba' pakkett ferrovjarju, l-Unjoni bidlet diversi dispożizzjonijiet ta' dan l-acquis. Abbażi ta' analiżi tal-Kummissjoni, is-Segretarjat tal-OTIF u l-grupp ta' ħidma rilevanti ħejjew il-modifiki li jikkonċernaw l-Artikoli 2, 3a, 5, 6, 7, 10, 10b, 11 u 13 fl-ATMF UR. Dawn il-modifiki huma meħtieġa sabiex ċerta terminoloġija tiġi armonizzata ma' xi dispożizzjonijiet ġodda tal-UE u biex jitqiesu xi bidliet proċedurali fl-UE, b'mod partikolari l-fatt li Aġenzija tal-Unjoni Ewropea għall-Ferroviji ser tkun kompetenti biex toħroġ l-awtorizzazzjonijiet tal-vetturi. Il-kunċett bażiku tal-ATMF mhuwiex affettwat bit-tibdil propost.

Il-Punt 10 tal-Aġenda - Ir-Reviżjoni parzjali tal-APTU UR

Dokument(i): LAW-17130-CR26/8/9/10; LAW-17135-CR26/10; LAW-17134-CR26/09-10

Kompetenza: L-Unjoni (esklużiva)

Eżerċizzju tad-drittijiet tal-vot: L-Unjoni

Pożizzjoni: Appoġġ għall-adozzjoni tal-modifiki fl-Artikolu 8 tal-Appendiċi F tal-Konvenzjoni COTIF u approvazzjoni tal-modifiki rilevanti tar-Rapport ta' Spjegazzjoni.

Id-dispożizzjonijiet tal-ATMF UR huma kompatibbli mad-dispożizzjonijiet tad-Direttiva 2008/57/KE dwar l-Interoperabilità, b'mod partikolari dawk li jikkonċernaw il-kontenut tal-Preskrizzjonijiet tekniċi Uniformi (UTPs) u l-ekwivalenza tagħhom mal-Ispeċifikazzjonijiet Tekniċi għall-Interoperabbiltà (TSIs) tal-Unjoni Ewropea. Mal-adozzjoni tar-raba' pakkett ferrovjarju u b'mod partikolari tar-riformulazzjoni tad-Direttiva (UE) 2016/797 dwar l-Interoperabbiltà, l-Unjoni bidlet diversi dispożizzjonijiet ta' dan l-acquis. Abbażi tal-analiżi mill-Kummissjoni, is-Segretarjat tal-OTIF u l-grupp ta' ħidma ħejjew modifiki fl-APTU UR biex tkun żgurata armonizzazzjoni kontinwa mad-dritt tal-Unjoni. Il-modifiki jikkonċernaw l-Artikolu 8 tal-APTU UR u jikkonsistu fiż-żieda ta' żewġ taqsimiet fil-kontenut tal-UTPs ekwivalenti għat-TSIs tal-UE. Dawn il-bidliet huma meħtieġa biex ikun żgurat li l-kontenut tat-TSIs futuri tal-Unjoni Ewropea u l-UTPs tal-COTIF jibqa' ekwivalenti. Il-kunċett bażiku tal-APTU mhuwiex affettwat bit-tibdil propost.

Il-Punt 11 tal-Aġenda - Diskussjoni ġenerali dwar il-ħtieġa li jiġu armonizzati l-kundizzjonijiet tal-aċċess

Dokument(i): LAW-17130-CR26/11

Kompetenza: L-Unjoni (kondiviża)

Eżerċizzju tad-drittijiet tal-vot: mhux applikabbli

Pożizzjoni: ebda pożizzjoni

Il-Punt 12 tal-Aġenda - Ħwejjeġ oħra

Dokument(i): LAW-17130-CR26/12

Kompetenza: L-Unjoni (kondiviża)

Eżerċizzju tad-drittijiet tal-vot: L-Istati Membri

Pożizzjoni: Ma topponix l-istabbiliment ta' grupp ta' ħidma ta' esperti legali biex jiffaċilita l-funzjonament tal-korpi eżistenti tal-OTIF fil-qasam legali u biex jiżgura l-ġestjoni effettiva tal-Konvenzjoni.

Il-Punt 13 tal-Aġenda - Ir-reviżjoni parzjali tas-CUV UR

Dokument(i): LAW-17144-CR 26/13 (Proposta sottomessa mill-Iżvizzera)

Kompetenza: L-Unjoni (kondiviża)

Eżerċizzju tad-drittijiet tal-vot: L-Istati Membri

Pożizzjoni: Oppożizzjoni għall-proposta għall-kunsiderazzjoni tal-emenda tal-Artikolu 7 tas-CUV UR sottomessa mill-Iżvizzera.

Il-paragrafu 1 tal-Artikolu 7 tas-CUV UR jindirizza r-responsabbiltà tas-sidien tal-vetturi u tal-utent tal-vettura (impriżi ferrovjarji) f'każ ta' ħsara kkawżata mill-vettura u li toriġina minn difett tal-vettura. Dan l-abbozz ta' emenda jżid kriterju ġdid li jipprovdi prova tar-responsabbiltà tas-sidien għal danni kkawżati minn difett fil-vettura. Skont l-Artikolu 7 attwali tas-CUV UR, jekk jiġi applikat mill-partijiet kontraenti, id-detentur tal-vettura huwa responsabbli biss jekk jiġi ppruvat li d-danni kkawżati mill-vettura ġejja minn ħsara li huwa responsabbli għaliha. Jidher li l-emenda proposta żżid it-tieni kriterju li jista' jkun li d-detentur ikollu jipprova li mhuwiex responsabbli għad-difett li huwa fl-oriġini tad-dannu.

Il-paragrafu 2 tal-Artikolu 7 attwali tas-CUV jispeċifika li “l-partijiet għall-kuntratt jistgħu jaqblu dwar dispożizzjonijiet li jidderogaw mill-paragrafu 1”. Fuq dik il-bażi, in-negozjati bejn il-kumpaniji li saru bejn l-2013 u l-2016 wasslu għal ftehim approvat minn 600 kumpanija ferrovjarja u ppermettew li jiġu ċċarati aħjar ir-responsabbiltajiet tas-sidien tal-vaguni bl-emendi meħtieġa għall-Kuntratt ġenerali uniku tal-Użu tal-vaguni (GCU). Il-ftehim iffirmat introduċa Artikolu (27) ġdid fil-GCU li jikkonċerna l-prinċipju tar-responsabbiltà fil-każ ta' danni kkawżati minn vagun, sabiex jintlaħaq bilanċ aħjar u tingħata aktar ċarezza għas-settur kollu f'każ ta' danni kkawżati minn vagun. Jintroduċi l-kunċett ta' “preżunzjoni ta' ħtija” li jippermetti li s-sid jinżamm responsabbli għall-ħsara fil-vettura kkawżata minn ksur tal-obbligu tal-manutenzjoni tagħha. Din l-emenda ilha tapplika mill-1 ta' Jannar 2017. Illum, il-biċċa l-kbira tas-sidien u tal-impriżi ferrovjarji li joperaw fl-Unjoni japplikaw il-GCU. Għalhekk il-proposta Żvizzera mhix meħtieġa għax il-qbil milħuq bejn il-kumpaniji fis-settur huwa suffiċjenti biex jiddefinixxi b'mod ċar ir-responsabbiltajiet tas-sid u tal-impriżi ferrovjarji f'każ ta' danni kkawżati minn vettura taħt kuntratt ta' bejgħ. Ma hemm l-ebda indikazzjoni li dan il-ftehim ma jirrispettax bilanċ xieraq bejn l-interessi tal-partijiet rispettivi. Barra minn hekk, il-proposta Żvizzera ma tipprovdix raġuni soda u ġustifikazzjoni biżżejjed għall-emendi proposti.

5.3.2018

Il-Ġurnal Uffiċjali tal-Unjoni Ewropea

L 62/18

DEĊIŻJONI TA' IMPLIMENTAZZJONI TAL-KUMMISSJONI (UE) 2018/320

tat-28 ta' Frar 2018

dwar ċerti miżuri għall-protezzjoni tas-saħħa fil-kummerċ intra-Unjoni tas-salamandri u l-introduzzjoni ta' dawn l-annimali fl-Unjoni rigward il-fungus Batrachochytrium salamandrivorans

(notifikata bid-dokument C(2018) 1208)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u zootekniku applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (1), u b'mod partikolari l-Artikolu 10(4) tagħha,

Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u b'mod partikolari l-Artikolu 18(1) tagħha,

Billi:

(1)

Mill-2013, il-Batrachochytrium salamandrivorans (Bsal), li hu fungus patoġenu ġdid tas-salamandri, beda jokkorri fil-Belġju, fil-Ġermanja, fin-Netherlands u fir-Renju Unit. Dan jaffettwa l-popolazzjonijiet tas-salamandri miżmumin u selvaġġi, u jista' jikkawża morbidità u mortalità sinifikanti f'dawk il-popolazzjonijiet. Il-Bsal huwa letali għal ċerti speċijiet ta' salamandri, filwaqt li speċijiet oħrajn huma kompletament jew parzjalment reżistenti għalih, iżda jistgħu jġorruh fuq il-ġilda, u għaldaqstant ikunu fond u sors ta' infezzjoni jew kontaminazzjoni għal speċijiet oħrajn ta' salamandri.

(2)

Skont l-għarfien xjentifiku attwali dwar il-Bsal, miġbur f'opinjoni xjentifika (3) tal-Awtorità Ewropea dwar is-Sigurtà fl-Ikel (EFSA) dwar il-Bsal fil-Valutazzjoni tal-elenkar u l-kategorizzazzjoni tal-mard tal-annimali fil-qafas tar-Regolament (UE) 2016/429 tal-Parlament Ewropew u tal-Kunsill (4), jidher li, għallinqas fil-Ġappun, fit-Tajlandja u fil-Vjetnam, il-Bsal huwa endemiku, b'rata ta' prevalenza ta' madwar 3 % fil-popolazzjonijiet selvaġġi tas-salamandri. Huwa maħsub li l-Bsal oriġina mill-Asja tal-Lvant, fejn huwa endemiku u mifrux ħafna. Fl-istess ħin, hemm nuqqas ta' informazzjoni dwar kemm hu mifrux f'partijiet oħra tad-dinja. Huwa maħsub b'mod ġenerali wkoll li l-kummerċ tas-salamandri infettati jew portaturi jikkontribwixxi għat-tixrid tal-Bsal.

(3)

Skont id-dejta disponibbli, jeżisti l-kummerċ ta' speċijiet ta' salamandri reżistenti, iżda wkoll ta' salamandri suxxettibbli. Id-Direttiva 92/65/KEE (5) tistabbilixxi r-rekwiżiti dwar is-saħħa tal-annimali li jirregolaw il-kummerċ u l-importazzjoni fl-Unjoni ta' annimali, semen, ova u embrijuni li mhumiex soġġetti għar-rekwiżiti dwar is-saħħa tal-annimali stabbiliti fl-atti speċifiċi tal-Unjoni msemmija fl-Anness F tagħha. Il-leġiżlazzjoni tal-Unjoni dwar is-saħħa tal-annimali, u d-Direttiva 92/65/KEE fost dawn, fil-preżent ma tistabbilixxix rekwiżiti tas-saħħa tal-annimali speċifiċi għall-kummerċ tas-salamandri jew għall-importazzjoni ta'dawn fl-Unjoni, li jkunu effettivi biex jipproteġu s-saħħa tal-annimali kontra t-tifrix tal-Bsal fl-Unjoni.

(4)

Fl-assistenza xjentifika u teknika tagħha dwar is-sopravvivenza, l-istabbiliment u t-tifrix tal-Batrachochytrium salamandrivorans (il-Bsal) fl-UE (6) (l-Assistenza EFSA), l-EFSA vvalutat il-potenzjal tal-Bsal li jaffettwa s-saħħa ta' salamandri selvaġġi u miżmumin fl-Unjoni, l-effikaċja u l-fattibbiltà ta' projbizzjoni fuq il-moviment ta' salamandri kkummerċjalizzati, il-validità, l-affidabbiltà u r-robustezza tal-metodi dijanjostiċi disponibbli għad-detezzjoni tal-Bsal, u metodi possibbli alternattivi u miżuri ta' mitigazzjoni tar-riskju fattibbli biex ikun żgurat il-kummerċ sikur internazzjonali u intra-Unjoni tas-salamandri.

(5)

Skont l-Assistenza EFSA, il-kwarantina tas-salamandri, l-ittestjar tas-salamandri biex jintwera li jkunu ħielsa mill-infezzjoni bil-Bsal, ir-restrizzjoni tal-moviment tas-salamandri, proċeduri iġjeniċi u miżuri ta' bijosigurtà jew it-trattament tas-salamandri kontra l-Bsal huma miżuri ta' mitigazzjoni tar-riskju importanti li jipprevjenu t-tixrid ta' dik il-marda.

(6)

L-Assistenza EFSA enfasizzat ukoll ħafna lakuni u inċertezzi fl-għarfien attwali dwar il-Bsal. B'mod partikolari, hi kkonkludiet li minħabba l-kumplessità tat-tassonomija, u minħabba n-nuqqas ta' evidenza attwali dwar liema speċijiet huma suxxettibbli għall-Bsal, ir-regoli fil-livell tal-ordni tassonomika x'aktarx li jkunu aktar effikaċi u aktar fattibbli minn regoli speċifiċi għal kull speċi.

(7)

Għalhekk jixraq li jiġu stabbiliti miżuri għall-protezzjoni tas-saħħa fuq il-kummerċ intra-Unjoni ta' konsenji ta' salamandri u fuq l-introduzzjoni ta' dawn il-konsenji fl-Unjoni għall-ordni tassonomika Caudata, biex ikun żgurat li l-Bsal ma jinxteridx mill-kummerċ intra-Unjoni ta' dawn l-annimali u mill-introduzzjoni ta' dawn l-annimali fl-Unjoni. Dawn il-miżuri jenħtieġ li jqisu l-miżuri ta' mitigazzjoni tar-riskju msemmijin fl-Assistenza EFSA, u b'mod partikolari jipprevedu l-kwarantina xierqa, l-ittestjar dijanjostiku u t-trattament tas-salamandri, u ċ-ċertifikazzjoni tal-istatus ta' saħħa tagħhom biex jiġu kkummerċjati fl-Unjoni u biex jiddaħħlu fl-Unjoni. Dawn il-miżuri huma ta' emerġenza, u mhumiex meqjusa bħala miżuri speċifiċi fit-tifsira tal-Artikolu 18(2) tad-Direttiva tal-Kunsill 92/65/KEE.

(8)

Ir-Regolament (UE) Nru 576/2013 tal-Parlament Ewropew u tal-Kunsill (7) jistabbilixxi r-rekwiżiti tas-saħħa li japplikaw għall-movimenti mhux kummerċjali tal-annimali domestiċi elenkati fl-Anness I tiegħu, u l-amfibji qegħdin imniżżlin fost l-annimali elenkati f'dak l-Anness. Jenħtieġ li l-miżuri għall-protezzjoni tas-saħħa tal-annimali stipulati f'din id-Deċiżjoni ma japplikawx għall-movimenti mhux kummerċjali ta' salamandri domestiċi li jidħlu fil-kamp ta' applikazzjoni tar-Regolament (UE) Nru 576/2013, minħabba l-ispeċifiċitajiet ta' dawk il-movimenti u minħabba n-nuqqas ta' informazzjoni dwar dawk il-movimenti.

(9)	Jenħtieġ li dawn il-miżuri japplikaw minkejja regoli oħrajn tal-Unjoni li huma potenzjalment rilevanti għall-kummerċ u għall-introduzzjoni tas-salamandri, b'mod partikolari r-Regolament tal-Kunsill (KE) Nru 338/97 (8).

(10)

L-Organizzazzjoni Dinjija għas-Saħħa tal-Annimali (OIE) daħħlet l-infezzjoni bil-Bsal fil-Kodiċi tagħha dwar is-Saħħa tal-Annimali Akkwatiċi waqt il-85 Laqgħa Ġenerali tagħha bejn il-21 u s-26 ta' Mejju 2017. Iżda għad ma hemmx standards internazzjonali dettaljati, u hemm nuqqas ta' informazzjoni dwar il-kapaċitajiet tekniċi tas-servizzi veterinarji u tal-laboratorji madwar id-dinja biex jittestjaw għall-Bsal, filwaqt li partijiet ikkonċernati fl-Unjoni Ewropea qegħdin fuq quddiem fil-progress tad-dijanjożi u tat-trattament tal-Bsal u fil-manuvrar sikur ta' salamandri kkummerċjati. Għalhekk jixraq li l-parti l-kbira tal-miżuri ta' mitigazzjoni tar-riskju, b'mod partikolari l-kwarantina fi stabbiliment xieraq, l-ittestjar u t-trattament ta' salamandri negozjati u mdaħħlin fl-UE jenħtieġ li jsiru minn awtoritajiet veterinarji kompetenti, minn operaturi u minn laboratorji fl-Unjoni.

(11)

Skont l-Assistenza EFSA, jista' jkun li l-Bsal jiġi trażmess minn speċi ta' salamandri għal oħra li jkunu nattivi ta' żoni differenti, u jista' jkun hemm kontaminazzjoni inkroċjata f'diversi stabbilimenti li jrabbu, li jiġbru jew li jiddistribwixxu s-salamandri. Minħabba f'hekk, jeżisti r-riskju li s-salamandri kkummerċjati jaqbadhom il-Bsal, jiġu minn fejn jiġu, u tkun xi tkun il-qagħda tal-ispeċi fin-natura. Għaldaqstant, jenħtieġ li l-konsenji kollha ta' salamandri maħsubin għall-kummerċ intra-Unjoni, jew maħsubin biex jiddaħħlu fl-Unjoni jiġu suġġetti għall-miżuri ta' mitigazzjoni tar-riskju.

(12)

Jenħtieġ li jiġu stabbiliti l-kundizzjonijiet minimi għall-istabbilimenti xierqa biex jintużaw għall-kwarantina tas-salamandri biex tkun żgurata l-bijosigurtà tagħhom, u l-immaniġġar tas-salamandri li jmutu f'dawk l-istabbilimenti jenħtieġ li jsir skont ir-regoli speċifiċi eżistenti stabbiliti fir-Regolament dwar il-prodotti sekondarji tal-Annimali (9).

(13)

Rigward id-daqs tal-unitajiet epidemjoloġiċi fil-kwarantina, għandu jiġi speċifikat daqs minimu li jkun eliġibbli għaċ-ċertifikazzjoni ta' riżultati negattivi tal-ittestjar dijanjostiku minħabba s-sensittività limitata tal-aħjar assaġġ ta' traskriptażi inversa u reazzjoni katina bil-polimerażi f'ħin reali disponibbli, li jkun affidabbli biżżejjed biex jintuża biss jekk l-unitajiet epidemjoloġiċi jkun fihom għallinqas 62 salamandra.

(14)

Is-salamandri li jkunu għaddew mill-kwarantina u l-ittestjar b'riżultati negattivi, jew bi trattament sodisfaċenti fl-Unjoni jenħtieġ li ma jerġgħux jiġu soġġetti għall-kwarantina jew għall-ittestjar għal darba oħra, dejjem jekk ikunu nżammu iżolati minn salamandri bi status ta' saħħa differenti minn tagħhom fi stabbiliment xieraq.

(15)	Rigward it-trattamenti, dawn jenħtieġ li jiġu speċifikati u jkunu jaqblu mal-protokolli li diġà huma deskritti fil-litteratura evalwata bejn il-pari enfasizzata mill-Assistenza EFSA jew ma' oħrajn komparabbli.

(16)

Jenħtieġ li tiġi stabbilita lista ta' pajjiżi terzi approvati biex joħorġu ċ-ċertifikati tas-saħħa tal-annimali għall-introduzzjoni fl-Unjoni ta' konsenji ta' salamandri, u din trid tkun limitata għal dawk il-pajjiżi li diġà taw biżżejjed garanziji li ma jippermettux ċertifikazzjoni qarrieqa u frodulenti fil-ħruġ taċ-ċertifikati, li għallinqas ikunu ekwivalenti għad-Direttiva tal-Kunsill 96/93/KE (10). Għalhekk jixraq li nirreferu għal-listi li diġà jeżistu fil-kuntest tal-introduzzjoni fl-Unjoni ta' prodotti oħra. Dawn il-pajjiżi terzi qegħdin elenkati fl-Anness I tad-Deċiżjoni tal-Kummissjoni 2004/211/KE (11), fil-Parti 2 tal-Anness II tad-Deċiżjoni tal-Kummissjoni 2007/777/KE (12), fl-Anness I tar-Regolament tal-Kummissjoni (KE) Nru 798/2008 (13), fil-Parti 1 tal-Anness I tar-Regolament tal-Kummissjoni (KE) Nru 119/2009 (14), fil-Parti 1 tal-Anness II tar-Regolament tal-Kummissjoni (UE) Nru 206/2010 (15), jew fl-Anness I tar-Regolament tal-Kummissjoni (UE) Nru 605/2010 (16), rispettivament.

(17)

Jenħtieġ li l-konsenji tas-salamandri jiddaħħlu fl-Unjoni biss jekk jikkonformaw mar-rekwiżiti kollha u jekk l-awtorità veterinarja kompetenti tal-post ta' spezzjoni fil-fruntiera tad-dħul tista' taċċerta li l-konsenji se jiġu aċċettati minn operatur li jkun responsabbli minn stabbiliment xieraq tad-destinazzjoni li se jdaħħalhom fil-kwarantina kif jenħtieġ.

(18)

Il-wasla reali fil-post ta' kwarantina tal-konsenji ta' salamandri ġejjin minn pajjiżi terzi li jiddaħlu fl-Unjoni jenħtieġ li tiġi rreġistrata fil-verżjoni elettronika tad-dokument veterinarju komuni għad-dħul stabbilit fl-Anness I tar-Regolament tal-Kummissjoni (KE) Nru 282/2004 (17) u ġestit mis-sistema tal-Kontroll tal-Kummerċ u tal-Esperti veterinarji magħrufa bħala TRACES, biex l-awtorità kompetenti veterinarja tal-post ta' spezzjoni fil-punt tad-dħul tkun infurmata bil-wasla tagħhom b'mod affidabbli.

(19)

Jenħtieġ li din id-Deċiżjoni tipprevedi perjodu ta' tranżizzjoni biex l-Istati Membri, l-awtoritajiet kompetenti u l-operaturi ekonomiċi jkollhom iż-żmien li jistabbilixxu l-proċeduri meħtieġa biex ikunu f'pożizzjoni li jikkonformaw mar-regoli stabbiliti f'din id-Deċiżjoni. Dan il-perjodu jrid jiġi limitat għal ftit xhur. Sadattant jenħtieġ li jkunu qed japplikaw diġà l-miżuri ta' mitigazzjoni tar-riskju bbażati fuq il-livell ta' protezzjoni meħtieġ mill-Istati Membri ta' destinazzjoni.

(20)

Huwa mistenni li fis-snin li ġejjin ikun hemm aktar informazzjoni disponibbli dwar il-Bsal minn sorsi xjentifiċi u mir-riżultati tal-kontrolli uffiċjali li jitwettqu mill-Istati Membri, li tissupplimenta l-għarfien attwali dwar dik il-marda. Għalhekk jenħtieġ li l-miżuri ta' protezzjoni tas-saħħa tal-annimali stabbiliti f'din id-Deċiżjoni jkunu temporanji. Madankollu jenħtieġ li dawn japplikaw għallinqas sal-31 ta' Diċembru 2019 biex ikun hemm biżżejjed żmien li l-Istati Membri jimplimentawhom u sussegwentement jirrappurtaw dwarhom u jiġu kkunsidrati, filwaqt li jistgħu jiġu stabbiliti regoli permanenti tal-UE dwar is-saħħa tal-annimali skont ir-Regolament (UE) 2016/429 dwar il-mard trasmissibbli tal-annimali, li japplikaw mid-data tal-applikazzjoni ta' dak ir-Regolament.

(21)	Il-miżuri previsti f'din id-Deċiżjoni jikkonformaw mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

Suġġett u kamp ta' applikazzjoni

Din id-Deċiżjoni tistabbilixxi l-miżuri ta' protezzjoni tas-saħħa tal-annimali għall-kummerċ intra-Unjoni ta' konsenji ta' salamandri u għall-introduzzjoni ta' dawn il-konsenji fl-Unjoni.

Artikolu 2

Definizzjonijiet

Għall-finijiet ta' din id-Deċiżjoni, għandhom japplikaw id-definizzjonijiet li ġejjin:

(a)	“salamandri” huma l-amfibji kollha tal-ordni Caudata;

(b)	“Bsal” huwa l-fungus Batrachochytrium salamandrivorans (kingdom fungi, Phylum Chytridiomycota, ordni Rhizophydiales);

(c)	“unità epidemjoloġika” hija grupp ta' salamandri li għandhom l-istess possibbiltà li jkunu esposti għall-Bsal;

(d)

“kwarantina” hija ż-żamma tas-salamandri fl-iżolament mingħajr kuntatt dirett jew indirett ma' salamandri minn barra l-unità epidemjoloġika, bil-għan li jkun żgurat li ma jkunx hemm tixrid tal-Bsal waqt li l-annimali fl-iżolament ikunu qed jiġu osservati għal tul ta' żmien speċifikat u, jekk hemm bżonn, jiġu ttestjati u ttrattati;

(e)	“operatur” huwa kwalunkwe persuna fiżika jew ġuridika li tkun responsabbli mis-salamandri, anki jekk għal żmien limitat, iżda li ma tinkludix nies li jżommu s-salamandri bħala annimali ta' kumpanija;

(f)

“stabbiliment xieraq” huwa bini:

(i)	fejn is-salamandri jinżammu fil-kwarantina qabel ma jintbagħtu lejn Stat Membru ieħor jew wara li jiddaħħlu fl-Unjoni; u

(ii)	irreġistrat mill-awtorità kompetenti qabel id-data tal-bidu ta' kwalunkwe kwarantina;

(g)	“test dijanjostiku xieraq” huwa assaġġ ta' traskriptażi inversa u reazzjoni katina bil-polimerażi f'ħin reali li fih primers STerF u STerR speċifiċi skont l-ispeċi biex jamplifikaw framment ta' DNA tal-Bsal ta' 119-il nukleotida;

(h)

“dokument veterinarju komuni għad-dħul” jew “CVED” huwa d-dokument li jinnotifika l-wasla tal-annimali fl-Unjoni kif previst fl-Artikolu 1 tar-Regolament (KE) Nru 282/2004 u li hu mfassal skont il-mudell stabbilit fl-Anness I tiegħu, u ġestit mis-sistema tal-Kontroll tal-Kummerċ u tal-Esperti veterinarji magħrufa bħala TRACES.

(i)	“każ ikkonfermat ta' Bsal” ifisser il-konferma tal-preżenza tal-Bsal jew tal-materjal ġenetiku tiegħu fuq it-tessut jew fit-tessut tas-salamandri mit-test dijanjostiku rilevanti;

Artikolu 3

Kundizzjonijiet tas-saħħa tal-annimali għall-kummerċ intra-Unjoni tas-salamandri

1. L-Istati Membri għandhom jipprojbixxu li jintbagħtu konsenji ta' salamandri lil Stat Membru ieħor ħlief meta dawn il-konsenji jikkonformaw mal-kundizzjonijiet tas-saħħa tal-annimali li ġejjin:

(a)	ikollhom magħhom ċertifikat tas-saħħa tal-annimali li jikkonforma mal-mudell taċ-ċertifikat tas-saħħa tal-annimali stabbilit fil-Parti A tal-Anness I;

(b)

jeħtieġ li s-salamandri ma jurux sinjali kliniċi ta' Bsal, b'mod partikolari ma għandux ikollhom selħiet jew ulċeri jidhru fuq il-ġilda meta jiġu eżaminati mill-veterinarju uffiċjali; dik l-eżaminazzjoni trid issir waqt l-aħħar 24 siegħa qabel il-ħin li tintbagħat il-konsenja lejn l-Istat Membru tad-destinazzjoni;

(c)	is-salamandri jridu jkunu ġejjin minn popolazzjoni li fiha ma kienx hemm mortalitajiet ikkawżati mill-Bsal, u li ma fihiex sinjali tal-Bsal, b'mod partikolari huwa importanti li l-operatur ma jkunx osserva selħiet u ulċeri fuq il-ġilda tal-annimali f'din il-popolazzjoni;

(d)

il-konsenja jenħtieġ li tkun tikkonsisti minn:

(i)

mill-inqas 62 salamandri li jkunu għaddew mill-kwarantina bħala unità epidemjoloġika waħda fi stabbiliment xieraq li jikkonforma mal-kundizzjonijiet minimi stabbiliti fl-Anness II għal perjodu ta' mill-inqas sitt ġimgħat eżatt qabel id-data tal-ħruġ taċ-ċertifikat tas-saħħa tal-annimali stabbilit fil-Parti A tal-Anness I, u l-kampjuni fuq tampuni, mill-ġilda tas-salamandri fil-konsenja jeħtieġ li jkunu ġew ittestjati bit-test dijanjostiku rilevanti u taw riżultati negattivi waqt il-ħames ġimgħa tal-perjodu tal-kwarantina, bi qbil mad-daqsijiet tal-kampjuni stabbiliti fil-punt 1(a) tal-Anness III; jew

(ii)	is-salamandri li jkunu ngħataw trattament kontra l-Bsal li jissodisfa lill-awtorità kompetenti bi qbil mal-punt 1(b) tal-Anness III.

2. Meta l-konsenji tas-salamandri jkunu ddaħħlu fl-Unjoni minn pajjiż terz u jkunu diġà għaddew mill-kwarantina fi stabbiliment xieraq tad-destinazzjoni, bi qbil mal-Artikolu 6, l-Istati Membri għandhom jawtorizzaw li jintbagħtu fi Stat Membru ieħor biss meta dawn il-konsenji jikkonformaw mal-kundizzjonijiet li ġejjin:

(a)	il-kundizzjonijiet tas-saħħa tal-annimali stabbiliti fil-paragrafu 1(a), (b) u (c);

(b)	is-salamandri jkunu nżammu fil-kwarantina fl-istabbiliment xieraq li jikkonforma mal-kundizzjonijiet minimi stabbiliti fl-Anness II, bejn tmiem il-perjodu tal-kwarantina wara li jkunu ddaħħlu fl-Unjoni u l-ħruġ taċ-ċertifikat tas-saħħa tal-annimali stabbilit fil-Parti A tal-Anness I.

Artikolu 4

Il-kundizzjonijiet tas-saħħa tal-annimali għall-introduzzjoni ta' konsenji ta' salamandri fl-Unjoni

L-Istati Membri għandhom jipprojbixxu li jiddaħħlu konsenji ta' salamandri fl-Unjoni minn pajjiż terz ħlief meta dawn il-konsenji jikkonformaw mal-kundizzjonijiet li li ġejjin:

(a)

ikunu ġejjin minn pajjiżi terzi elenkati f'wieħed minn dawn li ġejjin:

(i)	l-Anness I tad-Deċiżjoni 2004/211/KE,

(ii)	il-Parti 2 tal-Anness II tad-Deċiżjoni 2007/777/KE,

(iii)

l-Anness I tar-Regolament (KE) Nru 798/2008,

(iv)	il-Parti 1 tal-Anness I tar-Regolament (KE) Nru 119/2009,

(v)	il-Parti 1 tal-Anness II tar-Regolament (UE) Nru 206/2010, jew

(vi)	l-Anness I tar-Regolament (UE) Nru 605/2010.

(b)	ikollhom magħhom ċertifikat tas-saħħa tal-annimali li jikkonforma mal-mudell taċ-ċertifikat tas-saħħa tal-annimali stabbilit fil-Parti B tal-Anness I;

(c)	jenħtieġ li s-salamandri ma jurux sinjali kliniċi ta' Bsal, b'mod partikolari ma għandux ikollhom selħiet jew ulċeri jidhru fuq il-ġilda meta jiġu eżaminati mill-veterinarju uffiċjali; u dik l-eżaminazzjoni trid tkun saret waqt l-aħħar 24 siegħa qabel il-ħin li tintbagħat il-konsenja lejn l-Unjoni;

(d)

qabel ma jinħareġ iċ-ċertifikat tas-saħħa msemmi fil-punt (b), l-unità epidemjoloġika tas-salamandri fil-konsenja jeħtieġ li tkun ġiet iżolata minn salamandri oħrajn mhux aktar tard mill-ħin tal-eżaminazzjoni biex jinħareġ iċ-ċertifikat, u minn dak iż-żmien ma jridux ikunu ġew f'kuntatt ma' salamandri oħrajn.

Artikolu 5

Attestazzjoni dwar l-istabbiliment xieraq tad-destinazzjoni

L-Istati Membri għandhom jiżguraw li l-postijiet ta' spezzjoni fil-fruntiera ma jaċċettawx li jiddaħħlu fl-Unjoni konsenji ta' salamandri mingħajr ma tingħata attestazzjoni bil-miktub mill-importaturi jew mill-aġenti tagħhom, miktuba b'lingwa uffiċjali tal-Istat Membru tal-post ta' spezzjoni fil-fruntiera tad-dħul fl-Unjoni, li tkun iffirmata mill-persuna fiżika jew ġuridika responsabbli mill-istabbiliment xieraq tad-destinazzjoni, li tiddikjara:

(a)	l-isem u l-indirizz tal-istabbiliment xieraq tad-destinazzjoni;

(b)	li l-istabbiliment xieraq tad-destinazzjoni jikkonforma mal-kundizzjonijiet minimi stabbiliti fl-Anness II;

(c)	li l-konsenja tas-salamandri tkun aċċettata għall-kwarantina.

Artikolu 6

Ir-regoli tal-kwarantina għall-konsenji ta' salamandri li jiddaħħlu fl-Unjoni

L-Istati Membri għandhom jiżguraw li:

1.	Il-veterinarju uffiċjali jew approvat responsabbli mill-istabbiliment xieraq tad-destinazzjoni jirreġistra l-wasla tal-konsenja ta' salamandri li ddaħħlu fl-Unjoni minn pajjiż terz fil-Kaxxa 45 tal-Parti 3 fil-verżjoni elettronika tad-dokument veterinarju komuni għad-dħul.

2.	Il-veterinarju uffiċjali jew approvat jiżgura li l-operatur iżomm il-konsenja ta' salamandri fil-kwarantina fl-istabbiliment xieraq tad-destinazzjoni bħala unità epidemjoloġika waħda.

Il-veterinarju uffiċjali jew approvat jispezzjona l-kundizzjonijiet tal-kwarantina għal kull konsenja ta' salamandri, u jeżamina r-rekords tal-mortalità u jagħmel spezzjoni klinika tas-salamandri fl-istabbiliment xieraq tad-destinazzjoni, u joqgħod attent b'mod partikolari għal selħiet jew ulċeri fuq il-ġilda.

Meta konsenja fiha 62 salamandra jew aktar, il-veterinarju uffiċjali jew approvat iwettaq il-proċeduri tal-eżaminazzjoni, tal-kampjunar, tal-ittestjar u tat-trattament tal-Bsal bi qbil mal-proċeduri msemmijin fil-punti 1 u 2 tal-Anness III, wara l-wasla tal-konsenja ta' salamandri fl-istabbiliment xieraq tad-destinazzjoni.

5.	Meta l-konsenja jkun fiha inqas minn 62 salamandri, il-veterinarju uffiċjali jew approvat jiżgura li l-konsenja tiġi ttrattata kontra l-Bsal skont il-punt 3 tal-Anness III, b'mod li jissodisfa l-awtorità kompetenti.

Il-veterinarju uffiċjali jew approvat jirrilaxxa l-konsenja ta' salamandri mill-istabbiliment xieraq tad-destinazzjoni permezz ta' awtorizzazzjoni bil-miktub:

(a)	fil-każ tal-ittestjar kif imsemmi fil-punt 1(a) tal-Anness III, dejjem jekk ikunu għaddew mill-inqas sitt ġimgħat mid-data tal-bidu tal-perjodu ta' kwarantina u mhux qabel ma jaslu r-riżultati negattivi tat-testijiet, skont liema jiġi l-aħħar, jew

(b)	fil-każ tat-trattament kif imsemmi fil-punt 1(b) tal-Anness III, wara li t-trattament ikun tlesta b'mod sodisfaċenti.

Artikolu 7

Il-miżuri li jridu jittieħdu jekk ikun hemm każ ikkonfermat tal-Bsal fi stabbiliment xieraq tad-destinazzjoni

1. L-Istati Membri għandhom jiżguraw li jekk waqt il-kwarantina jiġi kkonfermat li jkun hemm mill-inqas salamandra waħda minn unità epidemjoloġika li tkun infettata bil-Bsal, jittieħdu l-miżuri li ġejjin mill-istabbiliment xieraq tad-destinazzjoni:

(a)

is-salamandri kollha fl-istess unità epidemjoloġika:

(i)	jew jingħataw trattament kontra l-Bsal li jissodisfa lill-awtorità kompetenti bi qbil mal-punt 3 tal-Anness III; inkella

(ii)	jinqatlu u jiġu skartati bħala prodotti sekondarji tal-annimali bi qbil mal-Artikolu 12 tar-Regolament (KE) Nru 1069/2009.

(b)	wara li jitlestew il-miżuri msemmijin fil-punt (a), il-post fl-istabbiliment xieraq tad-destinazzjoni fejn tkun inżammet l-unità epidemjoloġika jitnaddaf u jiġi ddiżinfettat b'mod li jissodisfa lill-awtorità kompetenti.

2. L-awtorità kompetenti tista' teħtieġ l-ittestjar tas-salamandri ttrattati biex tiġi vverifikata l-effikaċja tat-trattament imsemmi fil-punt 1(a)(i) u tista' teħtieġ trattamenti ripetuti, skont il-bżonn, biex tipprevjenti t-tifrix tal-Bsal.

Artikolu 8

Spejjeż

L-Istati Membri għandhom jiżguraw li l-ispejjeż kollha tal-kwarantina, tal-ittestjar, u fejn hemm bżonn, tal-miżuri ta' mitigazzjoni tar-riskju u tat-trattamenti jitħallsu mill-operatur jew mill-importatur.

Artikolu 9

Ir-rekwiżiti tar-rappurtar annwali

Mhux aktar tard mit-30 ta' Ġunju ta' kull sena, mill-2019 'il quddiem, dawk l-Istati Membri li kellhom konsenji ta' salamandri fis-sena preċedenti, għandhom jippreżentaw l-informazzjoni għas-sena preċedenti lill-Kummissjoni u jiddistingwu bejn l-informazzjoni marbuta mal-kummerċ intra-Unjoni u l-introduzzjoni ta' konsenji ta' salamandri fl-Unjoni:

(a)	l-għadd ta' unitajiet epidemjoloġiċi li kien fihom mill-inqas każ wieħed ta' Bsal ikkonfermat;

(b)	l-għadd ta' unitajiet epidemjoloġiċi ttrattati mingħajr ma kien fihom każ ikkonfermat;

(c)	kull informazzjoni oħra li jqisu li tkun rilevanti dwar l-ittestjar, it-trattament jew l-immaniġġjar tal-konsenji u dwar l-implimentazzjoni ta' din id-Deċiżjoni.

Artikolu 10

Miżuri tranżizzjonali

1. Għal perjodu tranżizzjonali sas-6 ta' Settembru 2018, l-Istati Membri tad-destinazzjoni jistgħu jaċċettaw fit-territorju tagħhom konsenji ta' salamandri minn Stati Membri oħra li ma jikkonformawx mal-kundizzjonijiet tas-saħħa tal-Annimali stabbiliti fl-Artikolu 3, f'kundizzjonijiet xierqa tal-mitigazzjoni tar-riskju li jiġu ddeterminati mill-awtorità kompetenti wara konsultazzjoni mal-operaturi, u jekk ikun hemm bżonn, mal-Istat Membru tal-oriġini.

2. Għal perjodu tranżizzjonali sas-6 ta' Settembru 2018, daħħal id-data ta' 6 xhur wara l-pubblikazzjoni], l-Istati Membri tad-destinazzjoni jistgħu jaċċettaw fit-territorju tagħhom konsenji ta' salamandri li jiddaħħlu fl-Unjoni minn pajjiż terz li ma jikkonformawx mal-kundizzjonijiet tas-saħħa tal-annimali stabbiliti fl-Artikolu 4, dejjem jekk jiġu ttrattati bi qbil mal-Artikoli 5 sa 7.

Artikolu 11

Applikabbiltà

Din id-Deċiżjoni għandha tapplika sal-31 ta' Diċembru 2019.

Artikolu 12

Destinatarji

Din id-Deċiżjoni hija indirizzata lill-Istati Membri.

Magħmul fi Brussell, it-28 ta' Frar 2018.

Għall-Kummissjoni

Vytenis ANDRIUKAITIS

Membru tal-Kummissjoni

(1) ĠU L 224, 18.8.1990, p. 29.

(2) ĠU L 268, 24.9.1991, p. 56.

(3) EFSA Journal (2017); 15(11):5071

(4) Ir-Regolament (UE) 2016/429 tal-Parlament Ewropew u tal-Kunsill tad-9 ta' Marzu 2016 dwar il-mard trasmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Il-liġi dwar is-Saħħa tal-Annimali”) (ĠU L 84, 31.3.2016, p. 1).

(5) Id-Direttiva tal-Kunsill 92/65/KEE tat-13 ta' Lulju 1992 li tistabbilixxi l-ħtiġijiet dwar saħħa tal-annimali li jirregolaw il-kummerċ ta', u l-importazzjoni fil-Komunità ta' annimali, semen, ova u embrijuni mhux suġġetti għal ħtiġijiet ta' saħħa tal-annimali meħtieġa f'regoli speċifiċi tal-Komunità li hemm referenza għalihom fl-Anness A(I) tad-Direttiva 90/425/KEE (ĠU L 268, 14.9.1992, p. 54).

(6) EFSA Journal 2017;15(2):4739.

(7) Ir-Regolament (UE) Nru 576/2013 tal-Parlament Ewropew u tal-Kunsill tat-12 ta' Ġunju 2013 dwar il-movimenti mhux kummerċjali tal-annimali domestiċi u li jħassar ir-Regolament (KE) Nru 998/2003 (ĠU L 178, 28.6.2013, p. 1).

(8) Ir-Regolament tal-Kunsill (KE) Nru 338/97 tad-9 ta' Diċembru 1996 dwar il-protezzjoni ta' speċi ta' fawna u flora selvaġġi billi jkun regolat il-kummerċ fihom (ĠU L 61, 3.3.1997, p. 1).

(9) Ir-Regolament (KE) Nru 1069/2009 tal-Parlament Ewropew u tal-Kunsill tal-21 ta' Ottubru 2009 li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jħassar ir-Regolament (KE) Nru 1774/2002 (ĠU L 300, 14.11.2009, p. 1).

(10) Id-Direttiva tal-Kunsill 96/93/KE tas-17 ta' Diċembru 1996 dwar iċ-ċertifikazzjoni tal-annimali u tal-prodotti tal-annimali, (ĠU L 13, tas-16.1.1997, p. 28).

(11) Id-Deċiżjoni tal-Kummissjoni 2004/211/KE tas-6 ta' Jannar 2004 li tistabbilixxi l-lista ta' pajjiżi terzi u ta' partijiet mit-territorju tagħhom li minnhom l-Istati Membri jawtorizzaw l-importazzjoni ta' equidae ħajjin u ta' semen, ova u embrijuni tal-ispeċi ekwina, u li temenda d-Deċiżjonijiet Nru 93/195/KEE u 94/63/KE (ĠU L 73, 11.3.2004, p. 1).

(12) Id-Deċiżjoni tal-Kummissjoni 2007/777/KE tad-29 ta' Novembru 2007 li tistipula l-kundizzjonijiet tas-saħħa tal-annimali u tas-saħħa pubblika kif ukoll il-mudelli taċ-ċertifikati għall-importazzjonijiet ta' ċerti prodotti tal-laħam u tal-istonku, il-bżieżaq tal-awrina u l-imsaren ittrattati għall-konsum mill-bniedem minn pajjiżi terzi u li tirrevoka d-Deċiżjoni 2005/432/KE (ĠU L 312, 30.11.2007, p. 49).

(13) Ir-Regolament tal-Kummissjoni (KE) Nru 798/2008 tat-8 ta' Awwissu 2008 li jistabbilixxi lista ta' pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta' tjur u prodotti tat-tjur fil-Komunità u r-rekwiżiti ta' ċertifikazzjoni veterinarja (ĠU L 226, 23.8.2008, p. 1).

(14) Ir-Regolament tal-Kummissjoni (KE) Nru 119/2009 tad-9 ta' Frar 2009 li jistabbilixxi lista ta' pajjiżi terzi jew ta' partijiet minnhom, għall-importazzjoni fil-Komunità, jew għat-tranżitu minnha, ta' laħam ta' leporidae selvaġġi, ta' ċerti mammali tal-art selvaġġi u ta' fniek imrobbija fl-irziezet u r-rekwiżiti taċ-ċertifikazzjoni veterinarja (ĠU L 39, 10.2.2009, p. 12).

(15) Ir-Regolament tal-Kummissjoni (UE) Nru 206/2010 tat-12 ta' Marzu 2010 li jistabbilixxi listi ta' pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta' annimali partikulari u laħam frisk u r-rekwiżiti relatati maċ-ċertifikazzjoni veterinarja (ĠU L 73, 20.3.2010, p. 1).

(16) Ir-Regolament tal-Kummissjoni (UE) Nru 605/2010 tat-2 ta' Lulju 2010 li jistipula l-kundizzjonijiet tas-saħħa tal-annimali u tas-saħħa pubblika kif ukoll iċ-ċertifikazzjoni veterinarja għall-introduzzjoni fl-Unjoni Ewropea ta' ħalib mhux ipproċessat, prodotti tal-ħalib, kolostru u prodotti li fihom il-kolostru maħsuba għall-konsum mill-bniedem (ĠU L 175, 10.7.2010, p. 1).

(17) Ir-Regolament (KE) Nru 282/2004 tal-Kummissjoni tat-18 ta' Frar 2004 li jintroduċi dokument għad-dikjarazzjoni, u kontroll veterinarju, fuq annimali minn pajjiżi terzi li deħlin fil-Komunità (ĠU L 49, 19.2.2004, p. 11);

ANNESS I

PARTI A

ĊERTIFIKAT TAS-SAĦĦA TAL-ANNIMALI

għall-kummerċ intra-Unjoni tas-salamandri

Test ta 'immaġni

L-Unjoni Ewropea

Salamandri

II. Informazzjoni dwar is-Saħħa

II.a. Numru ta’ referenza taċ-Ċertifikat

II.b. Nru ta’ referenza lokali

Jiena, il-veterinarju uffiċjali sottoskritt, b’dan niċċertifika, li l-annimali deskritti fil-Parti I jissodisfaw ir-rekwiżiti li ġejjin:

II.1. Is-salamandri (1) ġew eżaminati u ma jurux sinjali kliniċi ta’ infezzjoni bil-fungus Batrachochytrium salamandrivorans (Bsal), u b’mod partikolari ma kellhomx sinjali ta’ selħiet jew ulċeri fuq il-ġilda fil-ħin meta saret l-eżaminazzjoni waqt il-perjodu ta’ 24 siegħa ta’ qabel il-ħin ippjanat biex tintbagħat il-konsenja;

II.2. Skont l-operatur, is-salamandri ġejjin minn popolazzjoni li fiha ma ġewx osservati mortalitajiet ikkawżati mill-Bsal jew sinjali tal-Bsal, b’mod partikolari selħiet jew ulċeri fuq il-ġilda;

II.3. Il-konsenja tikkonsisti minn:

(2) jew [(i) unità epidemjoloġika waħda li fiha mill-inqas 62 salamandra, li ddaħħlet fil-kwarantina minn salamandri oħrajn fi stabbiliment xieraq għal mill-inqas 6 ġimgħat eżatt qabel id-data tal-ħruġ ta’ dan iċ-ċertifikat; u

kampjuni skont id-daqsijiet tal-kampjuni stipulati fil-punt 1(a) tal-Anness III tad-Deċiżjoni ta’ Implimentazzjoni tal-Kummissjoni (UE) 2018/320, mis-salamandri, li ttieħdu fuq tampuni waqt il-ħames ġimgħa tal-kwarantina, ġew ittestjati bit-test dijanjostiku rilevanti għall-Bsal u taw riżultati negattivi;]

(2) jew [is-salamandri li jkunu ngħataw trattament kontra l-Bsal li jissodisfa lill-awtorità kompetenti bi qbil mal-punt 1(b) tal-Anness III tad-Deċiżjoni ta’ Implimentazzjoni tal-Kummissjoni (UE) 2018/320;]

(2) jew [is-salamandri li ddaħħlu fl-Unjoni Ewropea u li għaddew minn kwarantina jew trattament u nżammu fl-istabbiliment xieraq tad-destinazzjoni iżolati minn salamandri oħrajn bejn tmiem il-perjodu tal-kwarantina wara li ddaħħlu fl-Unjoni Ewropea u l-ħruġ ta’ dan iċ-ċertifikat;]

Noti

(1) “salamandri” tfisser l-amfibji kollha tal-ordni Caudata.

(2) Ħassar skont kif japplika.

— Id-dettalji meħtieġa minn dan iċ-ċertifikat iridu jiddaħħlu fit-TRACES fid-data tal-ħruġ ta’ dan iċ-ċertifikat, u mhux aktar tard minn 24 siegħa wara.

— Il-kulur tat-timbru u tal-firma jrid ikun differenti minn dak tad-dettalji l-oħra f’dan iċ-ċertifikat.

— Dan iċ-ċertifikat huwa validu għal perjodu ta’ 10 ijiem mid-data tal-ħruġ.

Parti II: Iċ-ċertifikazzjoni

Veterinarju uffiċjali

Isem (b’ittri kbar): Kwalifika u titlu:

Unità Veterinarja Lokali: Numru tal-unità veterinarja lokali:

Data: Firma:

Timbru:

PARTI B

ĊERTIFIKAT TAS-SAĦĦA TAL-ANNIMALI

għall-introduzzjoni ta' konsenji ta' salamandri fl-Unjoni Ewropea

Test ta 'immaġni

PAJJIŻ

Salamandri

II. Informazzjoni dwar is-Saħħa

II.a. Numru ta’ referenza taċ-Ċertifikat

II.b.

Jiena, il-veterinarju uffiċjali sottoskritt, b’dan niċċertifika, li l-annimali deskritti fil-Parti I jissodisfaw ir-rekwiżiti li ġejjin:

II.1. Il-konsenja ta’ salamandri (2) ġejja minn pajjiż terz tal-oriġini li hu elenkat fl-Anness I tad-Deċiżjoni tal-Kummissjoni 2004/211/KE, fil-Parti 2 tal-Anness II tad-Deċiżjoni tal-Kummissjoni 2007/777/KE, fl-Anness I tar-Regolament tal-Kummissjoni (KE) Nru 798/2008, fil-Parti 1 tal-Anness I tar-Regolament tal-Kummissjoni (KE) Nru 119/2009, fil-Parti 1 tal-Anness II tar-Regolament tal-Kummissjoni (UE) Nru 206/2010, jew fl-Anness I tar-Regolament tal-Kummissjoni (UE) Nru 605/2010, rispettivament.

II.2. Is-salamandri ġew eżaminati u ma jurux sinjali kliniċi ta’ infezzjoni bil-fungus Batrachochytrium salamandrivorans (Bsal), u b’mod partikolari ma kellhomx sinjali ta’ selħiet jew ulċeri fuq il-ġilda fil-ħin meta saret l-eżaminazzjoni waqt il-perjodu ta’ 24 siegħa ta’ qabel il-ħin ippjanat biex il-konsenja tintbagħat lejn l-Unjoni Ewropea.

II.3. Il-konsenja ta’ salamandri ġiet iżolata minn salamandri oħrajn mhux aktar tard mill-ħin tal-eżaminazzjoni msemmija fil-punt II.2 u l-konsenja ma ġietx f’kuntatt ma’ salamandri oħrajn minn dak il-ħin.

Noti:

Il-Parti I:

(1) imla jew ingassa skont ir-rilevanza: In-numru tal-awtorizzazzjoni tas-CITES huwa rilevanti biss għall-annimali elenkati fil-Konvenzjoni ta’ Washington dwar l-ispeċijiet protetti.

Parti II:

(2) “salamandri” tfisser l-amfibji kollha tal-ordni Caudata.

— Il-kulur tat-timbru u tal-firma jrid ikun differenti minn dak tad-dettalji l-oħra f’dan iċ-ċertifikat.

— Dan iċ-ċertifikat huwa validu għal perjodu ta’ 10 ijiem mid-data tal-eżaminazzjoni fil-pajjiż terz tal-oriġini.

Parti II: Iċ-ċertifikazzjoni

Veterinarju uffiċjali

Isem (b’ittri kbar): Kwalifika u titlu:

Data: Firma:

Timbru:

ANNESS II

KUNDIZZJONIJIET MINIMI GĦALL-ISTABBILIMENTI XIERQA TAD-DESTINAZZJONI

(1)

L-istabbiliment xieraq tad-destinazzjoni:

(a)	għandu sistema li tiżgura s-sorveljanza adegwata tas-salamandri;

(b)	huwa taħt il-kontroll ta' veterinarju uffiċjali jew approvat;

(c)	tnaddaf u ġie ddiżinfettat skont l-istruzzjonijiet tal-awtorità kompetenti.

(2)

L-operatur tal-istabbiliment xieraq jiżgura li:

(a)	isir tindif u diżinfezzjoni tal-akkwarji, taċ-ċestuni jew ta' oġġetti oħra li jistgħu jferrxu l-fungus li ntużaw għat-trasportazzjoni tas-salamandri, jekk dawn l-oġġetti ma jinqerdux, b'mod li jipprevjeni t-tifrix tal-Bsal.

(b)	il-materjal ta' skart u l-ilma skartat jinġabar b'mod regolari, jinħażen, imbagħad jiġi ttrattat b'mod li jipprevjeni t-tifrix tal-Bsal;

(c)	il-karkassi ta' salamandri fil-kwarantina jiġu eżaminati f'laboratorju li jkun indikat mill-awtorità kompetenti;

(d)	it-testijiet u t-trattamenti tas-salamandri meħtieġa jsiru b'konsultazzjoni mal-veterinarju uffiċjali jew approvat jew taħt il-kontroll tiegħu.

(3)

L-operatur tal-istabbiliment xieraq tad-destinazzjoni jinforma lill-veterinarju uffiċjali jew approvat dwar il-mard u l-imwiet tas-salamandri waqt il-kwarantina.

(4)

L-operatur tal-istabbiliment xieraq tad-destinazzjoni jżomm rekord:

(a)	tad-data, tal-għadd u tal-ispeċijiet tas-salamandri li jidħlu u joħorġu f'kull konsenja;

(b)	tal-kopji taċ-ċertifikati tas-saħħa tal-annimali u tad-dokumenti veterinarji komuni għad-dħul li jakkumpanjaw il-konsenja ta' salamandri;

(c)	tal-każijiet ta' mard u tal-għadd ta' mwiet kuljum;

(d)	id-dati u r-riżultati tal-ittestjar;

(e)	tat-tipi ta' trattament u d-dati tagħhom, u tal-għadd ta' annimali li sar fuqhom.

ANNESS III

IL-PROĊEDURI TAL-EŻAMINAZZJONI, TAL-KAMPJUNAR, TAL-ITTESTJAR U TAT-TRATTAMENT GĦALL-BSAL

(1)

Waqt il-kwarantina s-salamandri jiġu soġġetti għall-proċeduri li ġejjin:

(a)

Jekk id-daqs tal-unità epidemjoloġika huwa ta' 62 jew iżjed, il-kampjuni meħudin b'tampun minn fuq il-ġilda tas-salamandri fil-kwarantina jridu jiġu eżaminati bit-test dijanjostiku rilevanti taħt il-kontroll tal-veterinarju uffiċjali jew approvat waqt il-ħames ġimgħa ta' wara d-dħul tagħhom fl-istabbiliment xieraq, skont id-daqsijiet tal-kampjuni stipulati fit-tabella ta' referenza, dejjem jekk l-operatur ma jagħżilx li jsegwi t-trattament skont il-punt (b).

Tabella ta' Referenza (1):

Id-daqs tal-unità epidemjoloġika	62	186	200	250	300	350	400	450
Id-daqs tal-kampjun	62	96	98	102	106	108	110	111

(b)

Jekk l-operatur jagħżel wieħed mit-trattamenti elenkati fil-punt (3) jew f'kull każ meta d-daqs tal-unità epidemjoloġika tkun inqas minn 62, jenħtieġ li s-salamandri kollha fil-konsenja jiġu ttrattati kontra l-Bsal mill-operatur taħt il-kontroll tal-veterinarju uffiċjali jew approvat, b'mod li jissodisfa lill-awtorità kompetenti.

(c)

Fil-każijiet imsemmijin fil-punt (b) il-veterinarju uffiċjali jew approvat jista' jitlob l-ittestjar rappreżentattiv tal-unità epidemjoloġika bit-test dijanjostiku rilevanti qabel ma jsir it-trattament, biex jissorvelja għall-preżenza tal-Bsal, jew, wara t-trattament, biex jivverifika li m'hemmx Bsal.

(d)

Il-kampjuni meħudin b'tampun minn fuq il-ġilda tas-salamandri l-mejtin kollha jew dawk kollha li huma morda klinikament, b'mod partikolari dawk li għandhom selħiet fuq il-ġilda, jenħtieġ li jiġu eżaminati taħt il-kontroll tal-veterinarju uffiċjali jew approvat, bit-test dijanjostiku rilevanti fil-ħin li jidhru s-selħiet fil-ġilda jew xi sinjali kliniċi oħra, jew fil-ħin li jmutu s-salamandri, liema minn dawn jiġri l-ewwel.

(e)

Is-salamandri kollha li jmutu fl-istabbiliment xieraq iridu jiġu soġġetti għal eżaminazzjoni post-mortem taħt il-kontroll tal-veterinarju uffiċjali jew approvat, b'mod partikolari għall-ittestjar għas-sinjali tal-Bsal, jew biex sa fejn hu possibbli, il-Bsal jiġi kkonfermat bħala l-kawża tal-mewt jew jiġi eskluż.

(2)

L-ittestjar kollu tal-kampjuni u l-eżaminazzjoni post-mortem li jsiru waqt il-kwarantina jridu jsiru fil-laboratorji indikati mill-veterinarju uffiċjali jew approvat.

(3)

It-trattamenti li ġejjin huma meqjusa li huma sodisfaċenti:

(a)	is-salamandri jinżammu f'temperatura ta' mill-inqas 25 °C għal mill-inqas 12-il jum;

(b)	is-salamandri jinżammu f'temperatura ta' mill-inqas 20 °C għal mill-inqas 10 ijiem flimkien ma' trattament f'banjijiet ta' sommersjoni fil-polimajżin E (2 000 IU/ml) darbtejn kuljum għal 10 minuti u wara jiġu sprejjati bil-vorikonażol (12,5 μg/ml);

(c)	kwalunkwe trattament ieħor li jkun irrappurtat f'artiklu evalwat bejn il-pari u ppubblikat f'ġurnal xjentifiku li jagħti riżultati kumparabbli ta' eliminazzjoni tal-Bsal.

(1) B'assunzjoni ta' prevalenza tal-Bsal ta' 3 % fl-unità epidemjoloġika, u bi żgurar ta'rata ta' affidabbiltà ta' 95 % u s-sensittività tat-test dijanjostiku rilevanti kkalkolata li hi 80 %.

5.3.2018

Il-Ġurnal Uffiċjali tal-Unjoni Ewropea

L 62/38

LINJA GWIDA (UE) 2018/323 TAL-BANK ĊENTRALI EWROPEW

tat-22 ta' Frar 2018

li temenda l-Linja Gwida BĊE/2013/7 dwar statistika fuq investimenti f'titoli (BĊE/2018/8)

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b'mod partikolari l-Artikoli 5.1, 12.1 u 14.3 tiegħu,

Wara li kkunsidra r-Regolament tal-Kunsill (KE) Nru 2533/98 tat-23 ta' Novembru 1998 dwar il-ġbir ta' tagħrif statistiku mill-Bank Ċentrali Ewropew (1),

Wara li kkunsidra r-Regolament (UE) Nru 1011/2012 tal-Bank Ċentrali Ewropew tas-17 ta' Ottubru 2012 dwar statistika fuq investimenti f'titoli (BĊE/2012/24) (2),

Billi:

(1)

Ir-Regolament (UE) Nru 1011/2012 (BĊE/2012/24) ġie emendat biex: (i) jiċċara l-ambitu tal-aġenti li jirrapportaw dejta ta' grupp li jistgħu jiġu identitikati bħala parti mill-popolazzjoni attwali ta' rapportar mill-Kunsill Governattiv għall-finijiet ta' dak ir-Regolament, u (ii) biex jinkorpora l-possibilità illi dejta ta' grupp skont l-Artikolu 3a tar-Regolament (UE) Nru 1011/2012 (BĊE/2012/24) tista' tiġi rrapportata direttament lill-Bank Ċentrali Ewropew (BĊE). Linja Gwida BĊE/2013/7, tal-Bank Ċentrali Ewropew (3) teħtieġ li tiġi emendata biex tieħu kont ta' dawn il-bidliet peress illi tistabbilixxi l-proċeduri li jridu jiġu segwiti mill-banek ċentrali nazzjonali (BĊNi) meta jirrapportaw lill-BĊE taħt ir-Regolament (UE) Nru 1011/2012 (BĊE/2012/24).

(2)

B'mod partikolari, l-Anness II li fih l-ittra tan-notifika tal-klassifikazzjoni bħala aġent li jirrapporta dejta ta' grupp bis-saħħa tar-Regolament (UE) Nru 1011/2012 (BĊE/2012/24) teħtieġ li tirrifletti l-ispeċifikazzjoni ulterjuri tal-kriterji użati mill-Kunsill Governattiv biex jikklassifika l-aġenti li jirrapportaw dejta ta' grupp.

(3)	Għalhekk, il-Linja Gwida BĊE/2013/7 għandha tiġi emendata f'dan is-sens,

ADOTTA DIN IL-LINJA GWIDA:

Artikolu 1

Emendi

Il-Linja Gwida BĊE/2013/7 hija emendata kif ġej:

fl-Artikolu 3a, huwa miżjud il-paragrafu 3 li ġej:

“3. Minkejja r-rekwiżit ta' rapportar speċifikat fil-paragrafu 1, BĊN jista' jiddeċiedi illi l-aġenti li jirrapportaw dejta ta' grupp.skont l-Artikolu 2 tar-Regolament (UE) Nru 1011/2012 (BĊE/2012/24) għandhom jirrapportaw l-informazzjoni statistika speċifikata fil-Kapitolu 2 ta' Anness I ta' dak ir-Regolament lill-BĊE. F'dak il-każ, il-BĊN għandu jinforma lill-BĊE u lill-aġenti li jirrapportaw skont il-każ, u l-BĊE għandu jiddefinixxi u jimplimenta l-arranġamenti tar-rapportar li jridu jiġu segwiti mill-aġenti li jirrapportaw u jieħu f'idejh il-kompitu li jiġbor id-dejta meħtieġa direttament mill-aġenti li jirrapportaw.”;

fl-Artikolu 4b, huwa miżjud il-paragrafu 3 li ġej:

3.	L-Anness II huwa sostitwit bl-Anness ta' din il-Linja Gwida.

Artikolu 2

Dħul fis-seħħ u implimentazzjoni

Din il-Linja Gwida għandha ssir effettiva fil-jum tan-notifika tagħha lill-BĊNi tal-Istati Membri li l-munita tagħhom hija l-euro.

Il-banek ċentrali tal-Eurosistema għandhom jikkonformaw ma' din il-Linja Gwida mill-1 ta' Ottubru 2018.

Artikolu 3

Destinatarji

Din il-Linja Gwida hija indirizzata lill-banek ċentrali kollha tal-Eurosistema.

Magħmul fi Frankfurt am Main, it-22 ta' Frar 2018.

Għall-Kunsill Governattiv tal-BĊE

Il-President tal-BĊE

Mario DRAGHI

(1) ĠU L 318, 27.11.1998, p. 8.

(2) ĠU L 305, 1.11.2012, p. 6.

(3) Linja Gwida BĊE/2013/7 tal-Bank Ċentrali Ewropew tat-22 ta' Marzu 2013 dwar statistika fuq investimenti f'titoli (ĠU L 125, 7.5.2013, p. 17).

ANNESS

L-Anness II għal-Linja Gwida BĊE/2013/7 huwa sostitwit minn dan li ġej:

“

ANNESS II

ITTRA TA' NOTIFIKA LILL-AĠENTI LI JIRRAPPORTAW DEJTA TA' GRUPP

Notifika tal-klassifikazzjoni bħala aġent li jirrapporta dejta ta' grupp skont ir-Regolament (UE) Nru 1011/2012 (BĊE/2012/24).

[Għażiż/a Sinjur/Sinjura]

Permezz tal-preżenti qegħdin ninnotifikawk, f'isem il-Bank Ċentrali Ewropew (BĊE), li [isem legali tal-aġenti li jirrapportaw tad-dejta] ġie kklassifikat mill-Kunsill Governattiv tal-BĊE bħala aġent li jirrapporta dejta ta' grupp għall-finijiet ta' statistika, skont l-Artikoli 2(1)(b) u 2(4) tar-Regolament (UE) Nru 1011/2012 (BĊE/2012/24).

L-obbligi tar-rapportar ta' [isem legali tal-aġent li jirrapporta tad-dejta tal-grupp] bħala l-aġent li jirrapporta dejta ta' grupp huma stabbiliti fl-Artikolu 3a tar-Regolament (UE) Nru 1011/2012 (BĊE/2012/24).

Raġunijiet għall-klassifikazzjoni bħala “aġenti li jirrapporta dejta ta' grupp”

Il-Kunsill Governattiv iddetermina li [isem legali tal-aġent li jirrapporta dejta ta' grupp] jikkwalifika bħala l-aġent li jirrapporta dejta ta' grupp skont il-kriterji li ġejjin, taħt ir-Regolament (UE) Nru 1011/2012 (BĊE/2012/24):

(a)

[isem legali tal-aġent li jirrapporta dejta ta' grupp] huwa kap ta' grupp bankarju, kif iddefinit fl-Artikolu 1(10), u msemmi fl-Artikolu 2(1)(b)(i) tar-Regolament (UE) Nru 1011/2012 (BĊE/2012/24) jew huwa istituzzjoni jew istituzzjoni finanzjarja stabbilita fi Stat Membru parteċipanti li ma hijiex parti minn grupp bankarju (iktar 'il quddiem “entità”), skont l-Artikolu 2(1)(b)(ii) tar-Regolament (UE) Nru 1011/2012 (BĊE/2012/24);

(b)

[isem legali tal-aġent li jirrapporta dejta ta' grupp] jilhaq il-kriterji li ġejjin [daħħal il-kriterji rilevanti li l-kap tal-grupp bankarju jew entità notifikati jissodisfaw biex jikkwalifikaw bħala aġent li jirrapoorta dejta ta' grupp, kif deċiż mill-Kunsill Governattiv]:

(i)

il-valur tal-assi totali tal-karta tal-bilanċ tal-grupp bankarju ta' [l-isem legali tal-aġent tar-rapportar ta' dejta ta' grupp]; jew l-assi totali tal-karta tal-bilanċ ta' [l-isem legali tal-aġent tar-rapportar ta' dejta ta' grupp] huma aktar minn 0,5 % tal-assi totali tal-karta tal-bilanċ ikkonsolidata tal-gruppi bankarji tal-Unjoni Ewropea, skont id-dejta l-iktar riċenti disponibbli għall-BĊE, jiġifieri (a) dejta b'referenza għall-aħħar ta' Diċembru tas-sena kalendarja li tippreċedi meta ntbagħtet din l-ittra ta' notifika; jew (b) jekk id-dejta taħt (a) mhijiex disponibbli, dejta b'referenza għall-aħħar ta' Diċembru tas-sena preċedenti];

(ii)

[il-grupp bankarju jew entità huwa importanti għall-istabbiltà u l-funzjonament tas-sistema finanzjarja fiż-żona tal-euro għar-raġuni li ġejja: [żid hawnhekk il-ġustifikazzjoni li tagħmel il-grupp bankarju jew entità importanti għall-istabbiltà u l-funzjonament tas-sistema finanzjarja fiż-żona tal-euro, eż.:

—	il-grupp bankarju jew entità huma interkonnessi mill-qrib u b'mod estensiv ma' istituzzjonijiet finanzjarji oħra fiż-żona tal-euro;

—	il-grupp bankarju jew entità għandhom attività transkonfinali qawwija u estensiva;

—	l-attività tal-grupp bankarju jew entità hija fil-parti l-kbira tagħha kkonċentrata fuq settur wieħed tan-negozju bankarju taż-żona tal-euro, li għalih tirrappreżenta parteċipant ewlieni;

—	il-grupp bankarju jew entità għandhom struttura korporattiva kumplessa li tmur lil hinn mit-territorju domestiku;

—	il-grupp bankarju jew entità huwa superviżjonat direttament mill-BĊE;]

(iii)

[il-grupp bankarju jew entità huma importanti għall-istabbiltà u l-funzjonament tas-sistema finanzjarja fi [Stati Membri relevanti fiż-żona tal-euro] għar-raġuni li ġejja: [żid hawnhekk il-ġustifikazzjoni li tagħmel lill-grupp bankarju jew lill-entità importanti għall-istabbiltà u l-funzjonament tas-sistema finanzjarja fl-Istati Membri relevanti taż-żona tal-euro, eż:

—	il-grupp bankarju jew entità huma interkonnessi mill-qrib u b'mod estensiv ma' istituzzjonijiet finanzjarji oħra fit-territorju domestiku;

—	l-attività tal-grupp bankarju jew entità hija fil-parti l-kbira kkonċentrata fi [speċifika s-settur tan-negozju bankarju], li fih huma parteċipanti ewlenin domestiċi;

—	il-grupp bankarju jew entità huma superviżjonati direttament mill-BĊE.]

Sors ta' informazzjoni li jappoġġja l-klassifikazzjoni bħala “aġent li jirrapporta dejta ta' grupp”

Il-BĊE jjikkalkula l-assi totali tal-karta tal-bilanċ tal-entitajiet jew gruppi bankarji tal-Unjoni Ewropea fuq il-bażi ta' informazzjoni miġbura mill-banek ċentrali nazzjonali fuq il-karta tal-bilanċ ikkonsolidata tal-gruppi bankarji fl-Istat Membru rilevanti, ikkalkulat skont l-Artikoli 18(1), 18(4), 18(8), 19(1), 19(3) u l-Artikolu 23 of Regolament (UE) Nru 575/2013 tal-Parlament Ewropew u tal-Kunsill (1).

[Fejn meħtieġ, għandhom jiġu inklużi hawnhekk iktar spjegazzjonijiet tal-metodoloġija applikata għal kwalunkwe kriterji ta' inklużjoni addizzjonali miftiehma mill-Kunsill Governattiv.]

Oġġezzjonijiet u Rieżami mill-Kunsill Governattiv

Kwalunkwe talba għal rieżami mill-Kunsill Governattiv tal-BĊE tal-klassifikazzjoni ta' [isem legali tal-aġent li jirrapporta dejta ta' grupp] bħala aġent li jirrapporta dejta ta' grupp bħala riżultat tal-ġustifikazzjonijiet msemmijin iktar 'il fuq għandha tiġi indirizzata lil [daħħal l-isem u l-indirizz tal-BĊN] fi żmien 15-il jum tax-xogħol tal-BĊE minn meta tiġi rċevuta din l-ittra. [Isem legali tal-aġent li jirrapporta dejta ta' grupp] għandu jinkludi r-raġunijiet għal din it-talba u kull informazzjoni ta' sostenn.

Data tal-bidu tal-obbligi ta' rapportar

Fin-nuqqas ta' kwalunkwe oġġezzjoni, [isem legali tal-aġent li jirrapporta dejta ta' grupp] għandu jirrapporta informazzjoni statistika skont l-Artikolu 3a tar-Regolament (UE) Nru 1011/2012 (BĊE/2012/24) sa [daħħal id-data tal-bidu tar-rapportar, jiġifieri mhux iktar tard minn sitt xhur wara li tintbagħat l-ittra].

Tibdil fl-istatus tal-entità nnotifikata

Inti mitlub tinforma lil [isem il-BĊN li qed jinnotifika] bi kwalunkwe bidla fl-isem jew forma legali, fużjoni, ristrutturar u kwalunkwe avvemiment jew ċirkustanza oħra f' [isem legali tal-aġent li jirrapporta dejta ta' grupp] li jistgħu jaffettwaw l-obbligi ta' rapportar ta' [isem legali tal-aġent li jirrapporta dejta ta' grupp], fi żmien 10 ijiem tax-xogħol tal-BĊE minn dak l-avveniment.

Minkejja li jkun seħħ dak l-avveniment, [isem legali tal-aġent li jirrapporta dejta ta' grupp] jibqa' suġġett għall-obbligi ta' rapportar stabbiliti fir-Regolament (UE) Nru 1011/2012 (BĊE/2012/24) sakemm ninnotifikawk mod ieħor f'isem il-BĊE.

Dejjem tiegħek

[firma]

”

(1) Ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għal istituzzjonijiet ta' kreditu u ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1).

		ISSN 1977-074X
Il-Ġurnal Uffiċjali tal-Unjoni Ewropea		L 62

Edizzjoni bil-Malti	Leġiżlazzjoni	Volum 61 5 ta' Marzu 2018

Werrej		II Atti mhux leġiżlattivi	Paġna
		REGOLAMENTI
	*	Regolament ta' Implimentazzjoni tal-Kummissjoni (UE) 2018/317 tat-2 ta' Marzu 2018 li jistabbilixxi deroga mir-Regolament tal-Kunsill (KE) Nru 1967/2006 fir-rigward tad-distanza minima mill-kosta u l-fond minimu tal-baħar għat-tartaruni li jistadu għall-makku (Aphia minuta) f'ċerti ibħra territorjali tal-Italja	1
	*	Regolament (UE) 2018/318 tal-Bank Ċentrali Ewropew tat-22 ta' Frar 2018 li jemenda r-Regolament (UE) Nru 1011/2012 dwar statistika fuq investimenti f'titoli (BĊE/2018/7)	4
		DEĊIŻJONIJIET
	*	Deċiżjoni tal-Kunsill (UE) 2018/319 tas-27 ta' Frar 2018 dwar il-pożizzjoni li trid tiġi adottata f'isem l-Unjoni Ewropea fis-26 sessjoni tal-Kumitat tar-Reviżjoni tal- Organizzazzjoni Intergovernattiva għat-Trasport Internazzjonali bil-Ferrovija rigward ċerti emendi fil-Konvenzjoni li tirrigwarda t-Trasport Internazzjonali bil-Ferrovija u fl-Appendiċijiet tagħha	10
	*	Deċiżjoni ta' Implimentazzjoni tal-Kummissjoni (UE) 2018/320 tat-28 ta' Frar 2018 dwar ċerti miżuri għall-protezzjoni tas-saħħa fil-kummerċ intra-Unjoni tas-salamandri u l-introduzzjoni ta' dawn l-annimali fl-Unjoni rigward il-fungus Batrachochytrium salamandrivorans (notifikata bid-dokument C(2018) 1208) ( 1 )	18
	*	Deċiżjoni ta' Implimentazzjoni tal-Kummissjoni (UE) 2018/321 tat-2 ta' Marzu 2018 li temenda d-Deċiżjoni ta' Implimentazzjoni tal-Kummissjoni (UE) 2017/224 li tistabbilixxi l-ispeċifikazzjonijiet tekniċi u operazzjonali li jippermettu lis-servizz kummerċjali offrut mis-sistema stabbilita skont il-programm Galileo jissodisfa l-funzjoni prevista fl-Artikolu 2(4)(c) tar-Regolament (UE) Nru 1285/2013 tal-Parlament Ewropew u tal-Kunsill	34
	*	Deċiżjoni ta' Implimentazzjoni tal-Kummissjoni (UE) 2018/322 tat-2 ta' Marzu 2018 dwar is-sospensjoni tal-proċedura ta' eżaminazzjoni dwar ostakli għall-kummerċ li tikkonsisti f'miżuri adottati mir-Repubblika tat-Turkija li jaffettwaw il-kummerċ ta' karta ħielsa mill-injam mhux miksija	36
		LINJI GWIDA
	*	Linja Gwida (UE) 2018/323 tal-Bank Ċentrali Ewropew tat-22 ta' Frar 2018 li temenda l-Linja Gwida BĊE/2013/7 dwar statistika fuq investimenti f'titoli (BĊE/2018/8)	38