9.2.2018   

MT

Il-Ġurnal Uffiċjali tal-Unjoni Ewropea

L 36/1

(1)

Ir-Regolament (UE) Nru 1380/2013 għandu l-għan li jelimina b'mod progressiv il-qbid skartat fis-sajd kollu tal-Unjoni bl-introduzzjoni tal-obbligu ta' ħatt l-art għall-qabdiet ta' speċijiet li huma soġġetti għal-limiti ta' qbid.

(2)

L-Artikolu 15(6) tar-Regolament (UE) Nru 1380/2013 jagħti s-setgħa lill-Kummissjoni li tadotta pjanijiet għall-iskartar tal-ħut permezz ta' atti delegati għal perjodu ta' mhux iktar minn tliet snin u li jista' jiġġedded darba abbażi tar-rakkomandazzjonijiet konġunti żviluppati mill-Istati Membri b'konsultazzjoni mal-Kunsilli Konsultattivi rilevanti.

(3)

Ir-Regolament ta' Delega tal-Kummissjoni (UE) Nru 1394/2014 (2) jistabbilixxi pjan għall-iskartar tal-ħut għal ċertu sajd pelaġiku fl-ilmijiet tal-Lbiċ sabiex tiġi ffaċilitata l-implimentazzjoni tal-obbligu ta' ħatt l-art permezz ta' ċerti mekkaniżmi ta' flessibbiltà.

(4)

F'konformità mal-Artikolu 15(5)(c) (ii), li fost l-oħrajn, ipprovda pjan għall-iskartar tal-ħut għal ċerti eżenzjonijiet mill-obbligu li jħottu l-art il-qabdiet kollha, minħabba spejjeż sproporzjonati tal-ġestjoni tal-qabdiet mhux mixtieqa, għal dawk l-irkapti tas-sajd meta l-qabdiet mhux mixtieqa għal kull irkaptu tas-sajd ma jirrappreżentawx aktar minn ċertu perċentwal tal-qabda totali annwali ta' dak l-irkaptu (“eżenzjonijiet de minimis”).

(5)

Skont l-Artikolu 5 tar-Regolament ta' Delega (UE) Nru 1394/2014, il-pjan għall-iskartar tal-ħut jiskadi fil-31 ta' Diċembru 2017.

(6)

Il-Belġju, Franza, in-Netherlands, il-Portugall u Spanja għandhom interess ta' ġestjoni tas-sajd dirett fl-ilmijiet tal-Lbiċ. Wara li kkonsultaw mal-Kunsill Konsultattiv għall-Ilmijiet tal-Lbiċ u mal-Kunsill Konsultattiv għas-Sajd Pelaġiku, fit-2 ta' Ġunju 2017 dawk l-Istati Membri ppreżentaw rakkomandazzjoni konġunta lill-Kummissjoni.

(7)

Ir-rakkomandazzjoni konġunta ssuġġeriet li d-durata ta' eżenzjonijiet de minimis stabbilita fi pjan għall-iskartar tal-ħut tiġi estiża għal-livelli ta' qbid skartat riveduti li ġejjin:

(8)

Sabiex jiġġustifikaw l-eżenzjonijiet de minimis suġġeriti, l-Istati Membri pprovdew evidenza dwar l-ispejjeż sproporzjonati ta' ġestjoni tal-qabdiet mhux mixtieqa tal-attivitajiet tas-sajd rilevanti. L-evidenza ġiet analizzata mill-Grupp ta' Ħidma tal-Esperti tal-Kumitat Xjentifiku, Tekniku u Ekonomiku għas-Sajd (STECF) li kkonkluda li r-rakkomandazzjonijiet konġunti fihom argumenti raġunati relatati mal-ispejjeż sproporzjonati fil-ġestjoni ta' qabdiet mhux mixtieqa, appoġġjati f'xi każijiet b'valutazzjoni kwalitattiva tal-ispejjeż. Fid-dawl ta' dan kollu u fin-nuqqas ta' informazzjoni xjentifika differenti, huwa xieraq li d-durata tal-eżenzjonijiet de minimis tiġi estiża f'konformità mal-livelli ta' perċentwal proposti fir-rakkomandazzjoni konġunta u f'livelli li ma jaqbżux dawk permessi skont l-Artikolu 15(1) tar-Regolament (UE) Nru 1380/2013.

(9)

L-Artikoli 2 u 4 tar-Regolament ta' Delega (UE) Nru 1394/2014 jipprevedu rispettivament eżenzjoni tas-sopravivenza għall-inċova, għas-sawrell, għas-sawrell ikħal u għall-kavalli maqbuda f'sajd artiġjanali bil-purse seine u għal daqs minimu ta' referenza għall-konservazzjoni speċifiku għall-inċova. Dawk il-miżuri ġew evalwati b'mod pożittiv mill-STECF fl-2014. Il-Kummissjoni tqis li l-evidenza li fuqha kienet ibbażata din l-evalwazzjoni tibqa' valida għat-tliet snin li ġejjin. Għalhekk huwa xieraq li l-applikazzjoni ta' dawk il-miżuri tiġi estiża sal-2020.

(10)

Għaldaqstant ir-Regolament ta' Delega (UE) Nru 1394/2014 jenħtieġ li jiġi emendat skont dan.

(11)

Billi l-miżuri stipulati f'dan ir-Regolament iħallu impatt dirett fuq l-attivitajiet ekonomiċi marbuta mal-istaġun tas-sajd u mal-ippjanar tal-istaġun tas-sajd tal-bastimenti tal-Unjoni, jinħtieġ li dan ir-Regolament jidħol fis-seħħ minnufih wara l-pubblikazzjoni tiegħu. Billi l-pjan għall-iskartar tal-ħut stabbilit mir-Regolament Delegat (UE) Nru 1394/2014 se jiskadi fil-31 ta' Diċembru 2017, jenħtieġ li dan ir-Regolament japplika mill-1 ta' Jannar 2018,

(1)

L-Artikolu 3 huwa sostitwit b'dan li ġej:

“Artikolu 3

Eżenzjonijiet de minimis

B'deroga mill-Artikolu 15(1) tar-Regolament (UE) Nru 1380/2013, jistgħu jiġu skartati l-kwanitatijiet li ġejjin:

(2)

Fl-Artikolu 5, it-tieni paragrafu huwa sostitwit b'dan li ġej:

“Għandu japplika mill-1 ta' Jannar 2015 sal-31 ta' Diċembru 2020.”

9.2.2018   

MT

Il-Ġurnal Uffiċjali tal-Unjoni Ewropea

L 36/4

(1)

Ir-Regolament (UE) Nru 1380/2013 għandu l-għan li jelimina b'mod progressiv il-qbid skartat fis-sajd kollu tal-Unjoni bl-introduzzjoni tal-obbligu ta' ħatt l-art għall-qabdiet ta' speċijiet li huma soġġetti għal-limiti ta' qbid.

(2)

L-Artikolu 15(6) tar-Regolament (UE) Nru 1380/2013 jagħti s-setgħa lill-Kummissjoni li tadotta pjanijiet għall-iskartar tal-ħut permezz ta' atti delegati għal perjodu ta' mhux iktar minn tliet snin u li jista' jiġġedded darba abbażi tar-rakkomandazzjonijiet konġunti żviluppati mill-Istati Membri b'konsultazzjoni mal-Kunsilli Konsultattivi rilevanti.

(3)

Ir-Regolament ta' Delega tal-Kummissjoni (UE) Nru 1395/2014 (2) stabbilixxa pjan għall-iskartar tal-ħut għal ċertu sajd ta' ħut pelaġiku żgħir u ċertu sajd għal skopijiet industrijali fil-Baħar tat-Tramuntana, sabiex tiġi ffaċilitata l-implimentazzjoni tal-obbligu ta' ħatt l-art permezz ta' ċerti mekkaniżmi ta' flessibbiltà.

(4)

L-eżenzjonijiet mill-obbligu ta' ħatt l-art tal-qabdiet kollha jistgħu jiġu speċifikati b'konformità mal-Artikolu 15(5)(c) tar-Regolament (UE) Nru 1380/2013 meta l-evidenza xjentifika tindika li ż-żieda tas-selettività tkun diffiċli ħafna jew li l-ġestjoni tal-qabdiet mhux mixtieqa ġġib magħha spejjeż sproporzjonati (“eżenzjonijiet de minimis”).

(5)

Il-Belġju, id-Danimarka, Franza, il-Ġermanja, in-Netherlands, l-Iżvezja u r-Renju Unit għandhom interess ta' ġestjoni tas-sajd dirett fil-Baħar tat-Tramuntana. Wara li kkonsultaw mal-Kunsill Konsultattiv għall-Baħar tat-Tramuntana u mal-Kunsill Konsultattiv għas-Sajd Pelaġiku, fil-31 ta' Mejju 2017 dawk l-Istati Membri ppreżentaw rakkomandazzjoni konġunta lill-Kummissjoni.

(6)

Ir-rakkomandazzjoni konġunta tissuġġerixxi li għas-snin 2018, 2019 u 2020 tiġi stabbilita eżenzjoni de minimis sa massimu ta' 1 % tat-total tal-qabdiet annwali għall-kavalli, għas-sawrell, għall-aringi u għall-istokkafixx fis-sajd ta' ħut pelaġiku żgħir b'bastimenti tat-tkarkir b'irkaptu tan-nofs fond (OTM u PTM) b'tul globali ta' 25 m, immirat għall-kavalli, għas-sawrell u għall-aringi fid-diviżjonijiet IVb u c tal-ICES fin-Nofsinhar ta' 54 grad tat-Tramuntana.

(7)

L-Istati Membri pprovdew evidenza xjentifika sabiex juru li l-ġestjoni tal-qabdiet mhux mixtieqa fis-sajd rilevanti ġġib magħha spejjeż sproporzjonati. Dik l-evidenza ġiet analizzata mill-Kumitat Xjentifiku, Tekniku u Ekonomiku għas-Sajd (STECF). L-STECF innota li l-eżenzjoni de minimis tista' tipprovdi inċentiv lill-flotot involuti biex jadattaw l-imġiba tagħhom u jkomplu jirriċerkaw dwar modi ta' kif tista' tittejjeb is-selettività. Għalhekk, l-eżenzjoni kkonċernata li qed tiġi ssuġġerita tista' tiġi inkluża fir-Regolament ta' Delega (UE) Nru 1395/2014.

(8)

Għalhekk jenħtieġ li d-durata tal-pjan għall-iskartar tal-ħut tiġi estiża sal-31 ta' Diċembru 2020.

(9)

L-Artikoli 2, 4 u 4a tar-Regolament ta' Delega (UE) Nru 1395/2014 jipprevedu rispettivament eżenzjoni tas-sopravivenza għall-kavalli u għall-aringi maqbuda f'sajd bil-purse seine, għad-dokumentazzjoni tal-qabdiet u għall-miżuri tekniċi għas-sajd tal-laċċ ikħal. Il-miżura dwar l-eżenzjoni tas-sopravivenza ġiet evalwata b'mod pożittiv mill-STECF fl-2014 u l-miżuri tekniċi dwar is-sajd għal-laċċ ikħal ġew evalwati b'mod pożittiv mill-Kunsill Internazzjonali għall-Esplorazzjoni tal-Baħar (ICES) fl-2017. Il-Kummissjoni tqis li l-evidenza li fuqha kienet ibbażata dik l-evalwazzjoni tibqa' valida għat-tliet snin li ġejjin. Għalhekk huwa xieraq li l-applikazzjoni tal-miżuri tiġi estiża sal-2020.

(10)

Ir-Regolament ta' Delega (UE) Nru 1395/2014 u l-Anness tiegħu jenħtieġ li jiġu emendati skont dan.

(11)

Billi l-miżuri stipulati f'dan ir-Regolament iħallu impatt dirett fuq l-attivitajiet ekonomiċi marbuta mal-istaġun tas-sajd u mal-ippjanar tal-istaġun tas-sajd tal-bastimenti tal-Unjoni, jenħtieġ li dan ir-Regolament jidħol fis-seħħ minnufih wara l-pubblikazzjoni tiegħu. Billi l-pjan għall-iskartar tal-ħut stabbilit mir-Regolament Delegat (UE) Nru 1395/2014 se jiskadi fil-31 ta' Diċembru 2017, jenħtieġ li dan ir-Regolament japplika mill-1 ta' Jannar 2018,

(1)

Fl-Artikolu 3, l-intestatura tinbidel b'dan li ġej: “Eżenzjoni de minimis fis-snin 2015 u 2016”

(2)

Jiddaħħal l-Artikolu 3a li ġej:

“Artikolu 3a

Eżenzjoni de minimis fis-snin 2018, 2019 u 2020

“B'deroga mill-Artikolu 15(1) tar-Regolament (UE) Nru 1380/2013, sa massimu ta' 1 % tat-total tal-qabdiet annwali għall-kavalli, għas-sawrell, għall-aringi u għall-istokkafixx fis-sajd pelaġiku li jsir b'bastimenti tat-tkarkir pelaġiċi b'tul globali ta' sa 25 m, bl-użu ta' rkaptu tan-nofs fond (OTM/PTM), immirat għall-kavalli, għas-sawrell u għall-aringi fid-diviżjonijiet IVb u c tal-ICES fin-Nofsinhar ta' 54 grad tat-Tramuntana jistgħu jiġu skartati fl-2018, fl-2019 u fl-2020.””

(3)

Fl-Artikolu 5, it-tieni paragrafu huwa sostitwit b'dan li ġej:

“Għandu japplika mill-1 ta' Jannar 2015 sal-31 ta' Diċembru 2020.”

(4)

L-Anness jinbidel bit-test fl-Anness ta' dan ir-Regolament.

9.2.2018   

MT

Il-Ġurnal Uffiċjali tal-Unjoni Ewropea

L 36/8

(1)

Ir-Regolament (UE) Nru 1380/2013 għandu l-għan li jelimina b'mod progressiv il-qbid skartat fis-sajd kollu tal-Unjoni bl-introduzzjoni tal-obbligu ta' ħatt l-art għall-qabdiet ta' speċijiet li huma suġġetti għal-limiti ta' qbid.

(2)

L-Artikolu 15(6) tar-Regolament (UE) Nru 1380/2013 jagħti s-setgħa lill-Kummissjoni li tadotta pjanijiet għall-iskartar tal-ħut permezz ta' atti delegati għal perjodu ta' mhux iktar minn tliet snin u li jista' jiġġedded darba abbażi tar-rakkomandazzjonijiet konġunti żviluppati mill-Istati Membri b'konsultazzjoni mal-Kunsilli Konsultattivi rilevanti.

(3)

Ir-Regolament ta' Delega tal-Kummissjoni (UE) Nru 1393/2014 (2) stabbilixxa pjan għall-iskartar tal-ħut għal ċertu sajd pelaġiku fl-ilmijiet tal-Majjistral sabiex tiġi ffaċilitata l-implimentazzjoni tal-obbligu ta' ħatt l-art permezz ta' ċerti mekkaniżmi ta' flessibbiltà.

(4)

Il-Belġju, Franza, l-Irlanda, in-Netherlands, Spanja u r-Renju Unit għandhom interess ta' ġestjoni tas-sajd dirett fil-Baħar tat-Tramuntana. Wara li kkonsultaw mal-Kunsill Konsultattiv għall-Ilmijiet tal-Majjistral u mal-Kunsill Konsultattiv għas-Sajd Pelaġiku, fil-31 ta' Mejju 2017, dawk l-Istati Membri ppreżentaw rakkomandazzjoni konġunta lill-Kummissjoni.

(5)

L-eżenzjonijiet mill-obbligu ta' ħatt l-art tal-qabdiet kollha jistgħu jiġu speċifikati b'konformità mal-Artikolu 15(5)(b) tar-Regolament (UE) Nru 1380/2013 fir-rigward ta' speċijiet li għalhom l-evidenza xjentifika turi rati għolja ta' sopravvivenza (“eżenzjonijiet għas-sopravvivenza”).

(6)

Ir-rakkomandazzjoni konġunta tissuġġerixxi li tiġi applikata, taħt ċerti kundizzjonijiet, eżenzjoni għas-sopravvivenza fl-2019 u fl-2020 għall-kavalli u għall-aringi maqbuda fis-sajd bit-tarturun tal-lampara, immirata għal speċijiet bla kwota fid-diviżjonijiet VIIe u VIIf tal-ICES. L-evidenza pprovduta mill-Istati Membri sabiex jiġġustifikaw l-eżenzjoni ġiet analizzata mill-Kumitat Xjentifiku, Tekniku u Ekonomiku għas-Sajd (STECF) L-STECF ikkonkluda li l-evidenza li tappoġġa l-eżenzjoni ssuġġerita kienet simili għal dik li tiġġustifika eżenzjonijiet oħra inklużi fi pjan preċedenti għall-iskartar tal-ħut u din kienet diġà ġiet ivvalutata qabel mill-STECF. L-eżenzjonijiet mill-obbligu ta' ħatt l-art tal-qabdiet kollha jistgħu jiġu speċifikati wkoll b'konformità mal-Artikolu 15(5)(c) tar-Regolament (UE) Nru 1380/2013 meta l-evidenza xjentifika tindika li ż-żieda tas-selettività tkun diffiċli ħafna jew li l-ġestjoni tal-qabdiet mhux mixtieqa ġġib magħha spejjeż sproporzjonati (“eżenzjonijiet de minimis”).

(7)

Ir-rakkomandazzjoni konġunta tissuġġerixxi eżenzjoni de minimis sa massimu ta' 6 % fl-2018, u ta' 5 % fl-2019 u fl-2020, tat-total tal-qabdiet annwali ta' stokkafixx (Micromesistius poutassou) fis-sajd industrijali bit-tkarkir għal ħut pelaġiku, immirat għal dik l-ispeċi fid-diviżjonijiet Vb, VI u VII tal-ICES u l-ipproċessar ta' dik l-ispeċi abbord sabiex tinkiseb bażi tas-surimi. L-Istati Membri kkonċernati pprovdew evidenza sabiex juru li ż-żieda tas-selettività ma tistax tinkiseb u li l-ispejjeż tal-ġestjoni tal-qabdiet mhux mixtieqa huma sproporzjonati. L-STECF analizza l-eżenzjoni ssuġġerita u kkonkluda li l-argumenti tagħha huma raġunati biżżejjed. Għalhekk, l-eżenzjoni li qed tiġi ssuġġerita tista' tiġi inkluża fir-Regolament ta' Delega (UE) Nru 1393/2014.

(8)

Ir-rakkomandazzjoni konġunta tissuġġerixxi eżenzjoni de minimis sa massimu ta' 6 % fl-2018, u ta' 5 % fl-2019 u fl-2020, tat-total tal-qabdiet annwali ta' alonga (Thunnus alalunga) fis-sajd immirat għall-alonga bl-użu ta' xbieki tat-tkarkir bil-paranza tal-fond nofsani (PTM) fid-diviżjoni VII tal-ICES. L-Istati Membri pprovdew evidenza sabiex juru li l-ispejjeż tal-ħżin u tal-ġestjoni, fil-baħar u fuq l-art, tal-qabdiet mhux mixtieqa huma sproporzjonati. L-evidenza pprovduta mill-Istati Membri ġiet analizzata mill-STECF. Fl-evalwazzjoni tiegħu, l-STECF esprima r-riskju tas-selezzjoni kwalitattiva. F'dan ir-rigward, jenħtieġ li jiġi nnotat li skont il-paragrafu 3 tal-Artikolu 19a tar-Regolament tal-Kunsill (KE) Nru 850/1998 (3), il-projbizzjoni tal-iskartar tal-ħut mhix applikabbli għal qabdiet ta' speċijiet li huma eżentati mill-obligu ta' ħatt fl-art b'konformità mal-Artikolu 15(4) tar-Regolament (UE) Nru 1380/2013. Għalhekk, l-eżenzjoni li qed tiġi ssuġġerita tista' tiġi inkluża fir-Regolament ta' Delega (UE) Nru 1393/2014.

(9)

Ir-rakkomandazzjoni konġunta tissuġġerixxi li fis-snin 2018, 2019 u 2020 tiġi applikata eżenzjoni de minimis sa massimu ta' 1 % tat-total tal-qabdiet annwali għall-kavalli (Scomber scombrus), għas-sawrell (Trachurus ssp.), għall-aringi (Clupea harengus) u għall-istokkafixx (Merlangius Merlangus) fis-sajd ta' ħut pelaġiku żgħir li jsir b'bastimenti tat-tkarkir b'irkaptu tan-nofs fond (OTM u PTM) b'tul globali ta' sa 25 m u mmirat għall-kavalli, għas-sawrell u għall-aringi fid-diviżjoni VIId tal-ICES. L-evidenza pprovduta mill-Istati Membri sabiex jappoġġaw l-eżenzjoni ssuġġerita ġiet analizzata mill-STECF. L-STECF innota li l-eżenzjoni de minimis tista' tipprovdi inċentiv lill-flotot involuti biex jadattaw l-imġiba tagħhom u jkomplu jirriċerkaw dwar modi ta' kif tista' tittejjeb is-selettività. Għalhekk, l-eżenzjoni kkonċernata tista' tiġi inkluża fir-Regolament ta' Delega (UE) Nru 1393/2014.

(10)

Konsegwentement, jenħtieġ li d-durata tal-pjan għall-iskartar tal-ħut tiġi estiża sal-31 ta' Diċembru 2020.

(11)

L-Artikolu 2 tar-Regolament ta' Delega (UE) Nru 1393/2014 jipprevedi rispettivament eżenzjoni tas-sopravvivenza għall-kavalli u għall-aringi maqbuda f'sajd bil-purse seine. Din il-miżura ġiet evalwata b'mod pożittiv mill-STECF fl-2014. Il-Kummissjoni tqis li l-evidenza li fuqha kienet ibbażata dik l-evalwazzjoni tibqa' valida għat-tliet snin li ġejjin. Għalhekk huwa xieraq li l-applikazzjoni ta' din il-miżura tiġi estiża sal-2020.

(12)

Ir-Regolament ta' Delega (UE) Nru 1393/2014 u l-Anness tiegħu jenħtieġ li jiġu emendati skont dan.

(13)

Billi l-miżuri stipulati f'dan ir-Regolament iħallu impatt dirett fuq l-attivitajiet ekonomiċi marbuta mal-istaġun tas-sajd u mal-ippjanar tal-istaġun tas-sajd tal-bastimenti tal-Unjoni, jenħtieġ li dan ir-Regolament jidħol fis-seħħ minnufih wara l-pubblikazzjoni tiegħu. Billi l-pjan għall-iskartar tal-ħut stabbilit mir-Regolament Delegat (UE) Nru 1393/2014 se jiskadi fil-31 ta' Diċembru 2017, jenħtieġ li dan ir-Regolament japplika mill-1 ta' Jannar 2018,

(1)

Fl-Artikolu 2, jiżdied il-paragrafu 6 li ġej:

“6.   B'deroga mill-Artikolu 15(1) tar-Regolament (UE) Nru 1380/2013, l-obbligu ta' ħatt l-art ma għandux ikun applikabbli fl-2019 u fl-2020 għal qabdiet tal-kavalli u tal-aringi fis-sajd bit-tarturun tal-lampara immirat għal speċijiet pelaġiċi li mhumiex suġġetti għal kwoti fid-diviżjonijiet VIIe u VIIf tal-ICES, jekk ir-rekwiżiti stipulati fil-paragrafi 1 sa 5 ta' dan l-Artikolu u fl-Artikolu 4 ta' dan ir-Regolament ikunu ssodisfati mutatis mutandis.”

(2)

Fl-Artikolu 3, l-intestatura tinbidel b'dan li ġej: Eżenzjonijiet “de minimis fis-snin 2015, 2016 u 2017”.

(3)

Jiddaħħal l-Artikolu 3a li ġej:

“Artikolu 3a

Eżenzjonijiet de minimis fis-snin 2018, 2019 u 2020

‘B'deroga mill-Artikolu 15(1) tar-Regolament (UE) Nru 1380/2013, jistgħu jiġu skartati l-kwanitatijiet li ġejjin:

(4)

Fl-Artikolu 5, it-tieni paragrafu huwa sostitwit b'dan li ġej:

“Għandu japplika mill-1 ta' Jannar 2015 sal-31 ta' Diċembru 2020.”

(5)

L-Anness jinbidel bit-test fl-Anness ta' dan ir-Regolament.

9.2.2018   

MT

Il-Ġurnal Uffiċjali tal-Unjoni Ewropea

L 36/13

(1)

Biex jiġi protett il-pixxispad mhux matur, il-paragrafi 15 u 17 tar-Rakkomandazzjoni 16-05 tal-Kummissjoni Internazzjonali għall-Konservazzjoni tat-Tonn tal-Atlantiku (ICCAT) jipprevedu daqs minimu għall-pixxispad maqbud fil-Mediterran. Il-qabdiet u l-qabdiet inċidentali ta' pixxispad iżgħar minn dan id-daqs minimu, inkluż is-sajd sportiv u rikreattiv, m'għandhomx jinżammu abbord il-bastiment tas-sajd, jiġu ttrażbordati, jinħattu l-art, jiġu trasportati, jinħażnu, jibiegħu, jintwerew jew jiġu offruti għall-bejgħ.

(2)

Barra minn hekk, skont il-paragrafu 17 tar-Rakkomandazzjoni 16-05, il-bastimenti li jkunu qed jistadu b'mod attiv għall-pixxispad għandhom iwarrbu il-qabdiet inċidentali ta' pixxispad iżgħar mid-daqs minimu li jaqbeż il-5 % tal-qabda totali ta' pixxispad tagħhom.

(3)

Għas-sajd sportiv u rikreattiv, il-paragrafi 23 u 26 tar-Rakkomandazzjoni 16-05 tal-ICCAT jistabbilixxu li għandhom ikunu pprojbiti l-qbid, iż-żamma abbord, it-trasbord jew il-ħatt l-art ta' aktar minn pixxispad tal-Mediterran wieħed għal kull bastiment kuljum. Miżuri neċessarji għandhom ikunu fis-seħħ sabiex jiżguraw, sa fejn huwa l-aktar possibbli, ir-rilaxx ta' pixxispad tal-Mediterran li jinqabad ħaj waqt sajd sportiv u ta' rikreazzjoni, speċjalment dak mhux matur.

(4)

Il-paragrafu 30 tar-Rakkomandazzjoni 16-05 tal-ICCAT jistabbilixxi li bastimenti li mhumiex awtorizzati jistadu b'mod attiv għall-pixxispad tal-Mediterran jistgħu jżommu abbord qbid ta' pixxispad li ma jaqbiżx il-limitu massimu ta' qbid inċidentali għal kull bastiment u għal kull operazzjoni ta' sajd. L-Istati Membri għandhom jistabbilixxu l-limitu tal-qabdiet inċidentali fil-pjanijiet tas-sajd annwali tagħhom u jirrapportawh lill-Kummissjoni. Il-bastimenti li mhumiex awtorizzati jistadu b'mod attiv għall-pixxispad tal-Mediterran m'għandux iżommu abbord qabdiet inċidentali ta' pixxispad tal-Mediterran li jaqbżu l-limiti tal-pjanijiet annwali nazzjonali tas-sajd.

(5)

Biex tiġi żgurata l-konsistenza bejn ir-Rakkomandazzjoni tal-ICCAT 16-05 u l-liġi tal-Unjoni Ewropea, l-obbligu ta' ħatt l-art fl-Artikolu 15(1) tar-Regolament (UE) Nru 1380/2013 ma għandux japplika għall-bastimenti tal-Unjoni li jipparteċipaw f'sajd tal-pixxispad tal-Mediterran.

(6)

Ir-Regolament Delegat tal-Kummissjoni (UE) 2015/98 (2) għandu jiġi emendat biex jinkludi dispożizzjonijiet ġodda li jirriflettu l-kundizzjonijiet għas-sajd stabbiliti fir-Rakkomandazzjoni 16-05 tal-ICCAT.

(7)

B'konformità mal-iskadenzi li ġew stabbiliti fl-Artikolu 15(1) tar-Regolament (UE) Nru 1380/2013, dan ir-Regolament għandu jidħol fis-seħħ immedjatament wara l-pubblikazzjoni tiegħu,

(1)

L-Artikolu 5 huwa emendat kif ġej:

(2)

L-Artikolu l-ġdid 5a huwa inserit kif ġej:

“Artikolu 5a

Pixxispad tal-Mediterran

(1)   B'deroga mill-Artikolu 15(1) tar-Regolament (UE) Nru 1380/2013, għandu jkun ipprojbit li qabdiet u qabdiet inċidentali tal-pixxispad (Xiphias gladius) inklużi dawk minn sajd sportiv u rikjeattiv jiġu mistada, jinżammu abbord, jiġu trażbordati, jinħattu l-art, jiġu ttrasportati, jinħażnu, jinbiegħu, jintwerew jew jiġu offruti għall-bejgħ:

(2)   Minkejja l-paragrafu 1, bastimenti li jistadu b'mod attiv għall-pixxispad jistgħu iżommu abbord, jittrażbordaw, jittrasferixxu, iħottu, jittrasportaw, jaħżnu, jbigħu, juru jew joffru għall-bejgħ qabdiet inċidentali ta' pixxispad iżgħar mid-daqs minimu, sakemm qabdiet bħal dawn ma jeċċedux 5 % skont il-piż jew in-numru ta' biċċiet tal-qabda totali ta' pixxispad minn bastimenti bħal dawn.

(3)   B'deroga mill-Artikolu 15(1) tar-Regolament (UE) Nru 1380/2013, bastimenti li ma jkunux qegħdin jistadu b'mod attiv għall-pixxispad m'għandhomx iżommu abbord pixxispad li jaqbeż il-limitu tal-qabdiet inċidentali li l-Istati Membri jistabbilixxu fil-pjanijiet annwali tas-sajd tagħhom għall-qabda totali abbord skont il-piż jew in-numru ta' biċċiet.

(4)   B'deroga mill-Artikolu 15(1) tar-Regolament (UE) Nru 1380/2013, għandhom ikunu pprojbiti is-sajd, iż-żamma abbord, it-trasbord jew il-ħatt l-art ta' aktar minn pixxispad wieħed għal kull bastiment kuljum fil-każ tas-sajd sportiv u rikreattiv. L-Istati Membri għandhom jieħdu l-miżuri meħtieġa biex jiżguraw u jiffaċilitaw ir-rilaxx ta' pixxispad maqbud ħaj fil-qafas tas-sajd sportiv u rikreattiv.”

9.2.2018   

MT

Il-Ġurnal Uffiċjali tal-Unjoni Ewropea

L 36/15

(1)

Ir-Regolament (KE) Nru 882/2004 jistabbilixxi l-kompiti, id-dmirijiet u r-rekwiżiti ġenerali għal-laboratorji ta' referenza tal-Unjoni Ewropea (il-laboratorji ta' referenza tal-UE) għall-ikel u l-għalf u għas-saħħa tal-annimali. Skont dak ir-Regolament il-laboratorji ta' referenza tal-UE huma responsabbli, b'mod partikolari, biex jipprovdu lill-laboratorji ta' referenza nazzjonali bid-dettalji tal-metodi analitiċi u biex jikkoordinaw l-applikazzjoni tat-tali metodi. Il-laboratorji ta' referenza tal-UE għall-ikel u l-għalf huma elenkati fil-Parti I tal-Anness VII ta' dak ir-Regolament. Fil-qasam tal-kontaminanti fl-għalf u fl-ikel, kienu ġew innominati laboratorju ta' referenza tal-UE għall-metalli tqal fl-għalf u fl-ikel, laboratorju ta' referenza tal-UE għall-mikotossini, laboratorju ta' referenza tal-UE għall-Idrokarbonji Poliċikliċi Aromatiċi (PAH) u laboratorju ta' referenza tal-UE għad-dijossini u l-(PCBs) fl-għalf u fl-ikel.

(2)

Iċ-Ċentru Konġunt tar-Riċerka (il-JRC) tal-Kummissjoni Ewropea, li ilu mill-2006 u għadu s'issa jospita l-laboratorju ta' referenza tal-UE għall-metalli tqal fl-għalf u fl-ikel, il-laboratorju ta' referenza tal-UE għall-Idrokarbonji Aromatiċi Poliċikliċi (PAHs) u l-laboratorju ta' referenza tal-UE għall-mikotossini fl-ikel u l-għalf, għarraf lid-Direttorat Ġenerali għas-Saħħa u s-Sikurezza Alimentari li b'seħħ mill-1 ta' Jannar 2018, mhux se jibqa' jospita dawn il-laboratorji ta' referenza tal-UE.

(3)

F'dawn l-oqsma, l-effettività tal-kontrolli uffiċjali u tal-attivitajiet oħra ta' kontroll tiddependi mill-kwalità, mill-uniformità u mill-affidabbiltà tal-metodi ta' analiżi u mir-riżultati analitiċi mwettqa mil-laboratorji uffiċjali u hemm ħtieġa kontinwa biex jiġu promossi prattiki uniformi fl-użu tal-metodi analitiċi. Jeħtieġ li jinżamm laboratorju ta' referenza tal-UE f'dawn l-oqsma u, għalhekk li jiġu nnominati laboratorji ta' referenza ġodda tal-UE. Barra minn hekk, billi mill-2006 'l hawn, kienu ġew identifikati prijoritajiet ġodda fl-oqsma tal-metalli, tal-komposti nitroġeni, tal-kontaminanti tal-ipproċessar u tat-tossini tal-pjanti, jeħtieġ li jitwessa' l-kamp ta' applikazzjoni tal-attivitajiet u tal-kompiti tal-laboratorji ta' referenza ġodda tal-UE li se jiġu nnominati.

(4)

Jenħtieġ għalhekk li l-kamp ta' applikazzjoni tal-attivitajiet u tal-kompiti tal-laboratorju ta' referenza tal-UE attwali għall-metalli tqal fl-għalf u fl-ikel jiġi estiż għall-metalli u l-komposti nitroġeniċi kollha fl-għalf u fl-ikel, dak tal-laboratorju ta' referenza tal-UE attwali għall-Idrokarbonji Poliċikliċi Aromatiċi (PAH) jiġi estiż għall-kontaminanti tal-ipproċessar kollha, u dak tal-laboratorju ta' referenza tal-UE attwali għall-mikotossini fl-għalf u fl-ikel, jiġi estiż għall-mikotossini u t-tossini tal-pjanti fl-għalf u fl-ikel.

(5)

Għalhekk, fit-23 ta' Jannar 2017, il-Kummissjoni nediet sejħa għal applikazzjonijiet biex jintagħżel u jiġi nnominat laboratorju ta' referenza tal-UE fl-oqsma msemmija hawn fuq. Jenħtieġ li l-laboratorju magħżul, l-Istitut Nazzjonali tal-Ikel, l-Università Teknika tad-Danimarka (id-Danimarka) jiġi nnominat bħala laboratorju ta' referenza tal-UE għall-metalli u l-komposti nitroġeniċi fl-għalf u fl-ikel, il-laboratorju l-Istitut Nazzjonali tal-Ikel, l-Università Teknika tad-Danimarka (id-Danimarka) bħala l-laboratorju ta' referenza tal-UE għall-kontaminanti tal-ipproċessar u l-laboratorju RIKILT (Stichting Wageningen Research) (in-Netherlands) bħala l-laboratorju ta' referenza tal-UE għall-mikotossini u t-tossini tal-pjanti fl-għalf u fl-ikel.

(6)

Minħabba l-importanza dejjem tikber tal-kontaminanti klorinati persistenti għajr il-PCBs u d-diossini, tal-kontaminanti brominati persistenti u tal-kontaminanti fluworinati persistenti għas-sikurezza tal-għalf u tal-ikel, huwa wkoll xieraq li jiġi estiż il-kamp ta' applikazzjoni tal-laboratorju ta' referenza tal-UE għad-dijossini u l-PCBs fl-għalf u fl-ikel għall-pollutanti organiċi persistenti (POPs) aloġenati kollha fl-għalf u fl-ikel. Għalhekk, jenħtieġ li l-laboratorju ta' referenza tal-UE għad-dijossini u l-PCBs fl-għalf u fl-ikel jingħata l-isem ġdid ta' laboratorju ta' referenza tal-UE għall-pollutanti organiċi persistenti (POPs) aloġenati fl-għalf u fl-ikel sabiex jirrifletti din l-estensjoni fil-kamp ta' applikazzjoni.

(7)

Jenħtieġ għalhekk li l-Parti I tal-Anness VII tar-Regolament (KE) Nru 882/2004 tiġi emendata skont dan.

(8)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

9.2.2018   

MT

Il-Ġurnal Uffiċjali tal-Unjoni Ewropea

L 36/18

(1)

Id-Direttiva tal-Kunsill 92/65/KEE (2) tipprevedi sistema alternattiva għall-kwarantina għar-rabja, għad-dħul ta' ċerti karnivori domestiċi fl-Istati Membri. B'konformità mat-tieni paragrafu tal-Artikolu 16 ta' dik id-Direttiva, dik is-sistema teħtieġ, fil-każ tal-importazzjoni ta' klieb, qtates u inmsa minn ċerti pajjiżi terzi, kontrolli fuq l-effikaċja tat-tilqim ta' dawk l-annimali bit-titrazzjoni tal-antikorpi.

(2)

Dawn il-kontrolli huma meħtieġa wkoll skont l-Artikolu 10(1)(c) tar-Regolament (UE) Nru 576/2013 tal-Parlament Ewropew u tal-Kunsill (3) fir-rigward tal-moviment mhux kummerċjali ta' klieb, qtates u inmsa minn ċerti pajjiżi terzi.

(3)

Id-Deċiżjoni 2000/258/KE ħatret lill-Agence française de sécurité sanitaire des aliments (l-AFSSA) f'Nancy, Franza, bħala l-istitut speċifiku responsabbli mill-iffissar tal-kriterji meħtieġa biex jiġu standardizzati t-testijiet seroloġiċi għall-monitoraġġ tal-effikaċja tat-tilqim kontra r-rabja. L-AFSSA issa ġiet integrata fl-Agence nationale de sécurité sanitaire de l'alimentation, de l'environnement et du travail (l-ANSES) fi Franza.

(4)

Fost l-oħrajn, id-Deċiżjoni 2000/258/KE tipprevedi li l-ANSES għandha tivvaluta l-laboratorji f'pajjiżi terzi li jkunu applikaw għall-approvazzjoni biex iwettqu t-testijiet seroloġiċi għall-monitoraġġ tal-effikaċja tal-vaċċini kontra r-rabja.

(5)

L-awtorità kompetenti tal-Brażil ressqet applikazzjoni għall-approvazzjoni tal-laboratorju “TECSA LABORATÓRIOS LTDA” f'Belo Horizonte, li għaliha l-ANSES stabbiliet u ressqet rapport ta' valutazzjoni favorevoli lill-Kummissjoni, bid-data tat-23 ta' Ottubru 2017.

(6)

L-awtorizzazzjoni mogħtija fil-31 ta' Jannar 2006 b'konformità mad-Deċiżjoni 2000/258/KE lill-“Instituto Pasteur” f'São Paulo, il-Brażil, ġiet irtirata b'konformita mad-Deċiżjoni tal-Kummissjoni 2010/436/UE (4) wara r-rapport ta' valutazzjoni sfavorevoli stabbilit mill-ANSES bid-data tat-30 ta' Settembru 2011 għal dan il-laboratorju u mressaq lill-Kummissjoni.

(7)

L-awtorità kompetenti tal-Brażil ressqet applikazzjoni għall-approvazzjoni mill-ġdid tal-“Instituto Pasteur” f'São Paulo, li dwaru l-ANSES stabbiliet u ressqet rapport ta' valutazzjoni favorevoli bid-data tat-23 ta' Ottubru 2017 lill-Kummissjoni.

(8)

L-awtorità kompetenti tal-Federazzjoni Russa ressqet applikazzjoni għall-approvazzjoni tal-laboratorji “NoviStem LLC” f'Moska u “Institute of Veterinary Medicine Biotechnology LLC (IBVM)” f'Volginski, li dwarhom l-ANSES stabbiliet u ressqet rapport ta' valutazzjoni favorevoli lill-Kummissjoni, bid-data tat-23 ta' Ottubru 2017.

(9)

Il-laboratorji “TECSA LABORATÓRIOS LTDA” f'Belo Horizonte, “Instituto Pasteur” f'São Paulo, “NoviStem LLC” f'Moska u “Institute of Veterinary Medicine Biotechnology LLC (IBVM)” f'Volginski, għandhom għalhekk jiġu awtorizzati biex iwettqu t-testijiet seroloġiċi biex jissorveljaw l-effikaċja tat-tilqim kontra r-rabja fil-klieb, fil-qtates u fl-inmsa.

(10)

Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(a)

(b)

(c)

(d)

9.2.2018   

MT

Il-Ġurnal Uffiċjali tal-Unjoni Ewropea

L 36/20

(1)

Id-Deċiżjoni ta' Implimentazzjoni tal-Kummissjoni (UE, Euratom) 2016/2366 (2), tippreskrivi l-arranġamenti għat-trażmissjoni ta' informazzjoni lill-Kummissjoni mill-Istati Membri taħt is-sistema tar-riżorsi proprji.

(2)

Il-mudelli jeħtieġ li jkunu stabbiliti għal kull xahar tat-trażmissjoni tad-dikjarazzjonijiet tal-kont “A” u tal-kont “B” sabiex ikunu jistgħu jiġu rrapportati b'mod strutturat. Huwa neċessarju li jkun iċċarat li “l-ammonti rkuprati” jirriflettu t-twettiq tal-obbligi finanzjarji tal-Istati Membri biex jagħmlu disponibbli riżorsi proprji tradizzjonali u mhux biss il-ħlasijiet riċevuti mill-Istati Membri ta' operaturi ekonomiċi minħabba d-dazji doganali. Għalhekk, “l-ammonti rkuprati” jenħtieġ li inkludu b'mod espliċitu dawn l-ammonti, li jitqiegħdu għad-dispożizzjoni tal-baġit tal-Unjoni minħabba li n-nuqqas ta' rkupru tagħhom lejn debituri huwa attribwibbli lill-Istati Membri wara żbalji amministrattivi jew nuqqas ta' diliġenza fl-isforzi ta' rkupru tal-Istati Membri. Informazzjoni addizzjonali jenħtieġ li tkun ipprovduta fir-rendikonti biex tikkontribwixxi għal aktar ċarezza u trasparenza fir-rendikonti.

(3)

L-ammonti kollha disponibbli bħala riżorsi proprji tradizzjonali fuq il-kontijiet tal-Kummissjoni skont l-Artikolu 9 tar-Regolament tal-Kunsill (UE, Euratom) Nru 609/2014, jenħtieġ li jkunu introdotti fir-rendikonti kontabilistiċi, u, jekk ikun il-każ, l-annessi tagħhom. Biex ikun żgurat li l-ammonti kollha jkunu rreġistrati, anki dawk disonibbli barra mil-limitu ta' żmien stipulat fl-Artikolu 10(1) ta-Regolament (UE, Euratom) Nru 609/2014, informazzjoni addizzjonali jenħtieġ li tiddaħħal fl-annessi sussegwenti mar-rendikont tal-kont “A”.

(4)

Ir-rapport imsemmi fl-Artikolu 13(3) tar-Regolament (UE, Euratom) Nru 609/2014 jenħtieġ li jkun fih il-fatti kollha neċessarji biex issir eżaminazzjoni sħiħa tar-raġunijiet, li ostakolaw lill-Istat Membru milli jagħmel disponibbli l-ammonti meqjusa jew iddikjarati irrekuperabbli li jaqbżu EUR 100 000, inkluż il-miżuri ta' rkupru meħuda mill-Istat Membru. Ir-rapporti ppreżentati skont id-Deċiżjoni ta' implimentazzjoni (UE, Euratom) 2016/2366 xi drabi ma jkunux eżawrjenti u għal dik ir-raġuni jkun meħtieġ li jsiru talbiet għal informazzjoni addizzjonali lill-Istati Membri kkonċernati. Għaldaqstant, huwa neċessarju li jkunu introdotti elementi u kjarifikazzjonijiet addizzjonali fil-formoli eżistennti, bħal dettalji ulterjuri fuq id-dejn imġarrab u fuq l-avvenimenti li wasslu għall-istabbiliment tal-intitolament, dwar l-assistenza reċiproka u dwar il-proċess ta' pagament u ta' rkupru.

(5)

Jenħtieġ li jkunu kkunsidrati l-emendi tar-Regolament (UE, Euratom) Nru 609/2014 introdotti bir-Regolament tal-Kunsill (UE, Euratom) 2016/804 (3) applikabbli mill-1 ta' Ottubru 2016 fir-rigward tal-ħelsien potenzjali mill-obbligu li dawk l-ammonti ta' riżorsi proprji tradizzjonali li jirriżultaw irrekuperabbli minħabba d-dħul differit fil-kontijiet jew notifika differita tad-dejn doganali jkunu disponibbli għall-baġit tal-Unjoni sabiex ma jiġux ippreġudikati investigazzjonijiet kriminali li jaffettwaw l-interessi finanzjarji tal-Unjoni.

(6)

Huwa neċessarju li jkun ipprovdut għal perjodu ta' tranżizzjoni biex l-Istati Membri jingħataw żmien jadattaw għall-bidliet introdotti fil-forom tar-rapportar skont l-Artikoli 6(4) u 13(3) tar-regolament (UE, Euratom) Nru 609/2014.

(7)

Għal raġunijiet ta' ċarezza u ċertezza legali, id-Deċiżjoni ta' Implimentazzjoni (UE, Euratom) 2016/2366 jenħtieġ li tkun imħassra,

9.2.2018   

MT

Il-Ġurnal Uffiċjali tal-Unjoni Ewropea

L 36/33

(1)

Id-Deċiżjoni ta' Implimentazzjoni tal-Kummissjoni (UE, Euratom) 2016/2365 (2) tippreskrivi l-arranġamenti għat-trażmissjoni ta' informazzjoni lill-Kummissjoni mill-Istati Membri taħt is-sistema tar-riżorsi proprji.

(2)

Jenħtieġ li każijiet ta' frodi u irregolaritajiet jiġu rrapportati b'mod strutturat u jinkludu informazzjoni relatata mar-riskji. L-istess formola ta' frodi u irregolaritajiet diġà qed tintuża biex taġġorna każijiet li ġew rapportati preċedentement. Għalhekk, l-Anness II tad-Deċiżjoni ta' Implimentazzjoni (UE, Euratom) 2016/2365 ma għadux applikabbli.

(3)

Hemm bżonn li jiġi previst perjodu tranżizzjonali biex jagħti lill-Istati Membri żmien biex jadattaw għall-bidliet introdotti fil-formoli għar-rapportar skont l-Artikolu 5(1) tar-Regolament (UE, Euratom) Nru 608/2014.

(4)

Għal raġunijiet ta' ċarezza u ċertezza ġuridika, jenħtieġ li d-Deċiżjoni ta' Implimentazzjoni (UE, Euratom) 2016/2365 titħassar.

9.2.2018   

MT

Il-Ġurnal Uffiċjali tal-Unjoni Ewropea

L 36/38

9.2.2018   

MT

Il-Ġurnal Uffiċjali tal-Unjoni Ewropea

L 36/38