13.1.2018   

MT

Il-Ġurnal Uffiċjali tal-Unjoni Ewropea

L 10/1

(1)

Fit-30 ta' Awwissu 2017, il-Kunsill adotta r-Regolament (UE) 2017/1509.

(2)

Fit-28 ta' Diċembru 2017, il-Kumitat tal-Kunsill tas-Sigurtà tan-Nazzjonijiet Uniti (“KSNU”) stabbilit skont ir-Riżoluzzjoni 1718 (2006) tal-KSNU iddeżinja erba' bastimenti bis-saħħa tal-paragrafu 6 tar-Riżoluzzjoni 2375 (2017) tal-KSNU.

(3)

Għalhekk jenħtieġ li l-Anness XIV għar-Regolament (UE) 2017/1509 jiġi emendat skont dan,

13.1.2018   

MT

Il-Ġurnal Uffiċjali tal-Unjoni Ewropea

L 10/3

(1)

Ir-Regolament tal-Kunsill (UE) 2017/127 (2) jistabbilixxi l-kwoti għall-2017.

(2)

Skont l-informazzjoni li waslet għand il-Kummissjoni, il-qabdiet li saru tal-istokk imsemmi fl-Anness ta' dan ir-Regolament, minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata lilhom għall-2017.

(3)

Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

13.1.2018   

MT

Il-Ġurnal Uffiċjali tal-Unjoni Ewropea

L 10/5

(1)

L-Anness tar-Regolament ta' Implimentazzjoni tal-Kummissjoni (UE) 2015/1998 (2) jelenka l-pajjiżi terzi rrikonoxxuti bħala pajjiżi li japplikaw standards tas-sigurtà li huma ekwivalenti għall-istandards bażiċi komuni sabiex l-avjazzjoni ċivili tiġi ssalvagwardjata minn atti ta' interferenza mhux skont il-liġi li jipperikolaw is-sigurtà tal-avjazzjoni ċivili.

(2)

Il-Kummissjoni vverifikat ukoll li r-Repubblika ta' Singapore tissodisfa l-kriterji għar-rikonoxximent tal-ekwivalenza ta' standards tas-sigurtà ta' pajjiżi terzi stabbiliti fit-Taqsima E tal-Anness tar-Regolament tal-Kummissjoni (KE) Nru 272/2009 (3).

(3)

Għaldaqstant, jenħtieġ li r-Regolament ta' Implimentazzjoni tal-Kummissjoni (UE) 2015/1998 jiġi emendat kif xieraq.

(4)

Jenħtieġ li jiġi previst perjodu xieraq taż-żmien qabel ma jibda japplika dan ir-Regolament minħabba li jista' jkun hemm bżonn li jsir xi tibdil fl-operat jew fl-infrastruttura tal-ajruporti, jew fit-tnejn li huma.

(5)

Il-miżuri previsti f'dan ir-Regolament huma skont l-opinjoni tal-Kumitat dwar is-sigurtà tal-avjazzjoni ċivili,

13.1.2018   

MT

Il-Ġurnal Uffiċjali tal-Unjoni Ewropea

L 10/9

(1)

Skont l-Artikolu 7(3) tar-Regolament ta' Implimentazzjoni tal-Kummissjoni (UE) Nru 908/2014 (2), il-korp taċ-ċertifikazzjoni jista' juża approċċ integrat tal-kampjunar meta jwettaq l-ittestjar sostantiv tan-nefqa. Wara l-ewwel sentejn esperjenza bl-applikazzjoni ta' dak l-Artikolu, jixraq li jiġi ċċarat xi tfisser approċċ integrat tal-kampjunar meta jitfittxu l-għanijiet differenti tal-awditjar kif imsemmija fl-Artikolu 9 tar-Regolament (UE) Nru 1306/2013.

(2)

L-Artikolu 41 tar-Regolament (UE) Nru 1303/2013 tal-Parlament Ewropew u tal-Kunsill (3) jistipula l-limitu għal kull dikjarazzjoni tan-nefqa tal-aġenziji tal-pagamenti li jkun fiha talbiet għall-pagament marbutin ma' strumenti finanzjarji għal massimu ta' 25 % tal-ammont totali tal-kontribuzzjonijiet tal-programmi impenjati għall-istrument finanzjarju. L-Artikolu 22(1)(a) tar-Regolament ta' Implimentazzjoni (UE) Nru 908/2014 jipprevedi li d-dikjarazzjoni trimestrali għandha tispeċifika l-ammont tan-nefqa pubblika eliġibbli li fil-fatt tħallset mill-aġenzija tal-pagamenti matul kull trimestru, skont il-paragrafu 2 tal-istess Artikolu. L-ammonti mħallsin mill-aġenzija tal-pagamenti fil-qafas tal-istrumenti finanzjarji għandhom jiġu ddikjarati lill-Kummissjoni b'rispett tal-limitu ta' 25 %, u dejjem jekk ikun intlaħaq it-tragward sinifikanti ta' implimentazzjoni korrispondenti. L-ewwel dikjarazzjoni lill-Kummissjoni li tirrispetta l-limitu ta' 25 % għandha tibda mill-firma tal-ftehim ta' finanzjament u l-pagament sussegwenti lill-istrument finanzjarju. Il-pagamenti parzjali sussegwenti għandhom jiġu ddikjarati lill-Kummissjoni malli tintlaħaq ir-rata korrispondenti tal-iżborżament, skont l-Artikolu 41 tar-Regolament (UE) Nru 1303/2013. Fil-każ tal-Fond Agrikolu Ewropew għall-Iżvilupp Rurali (FAEŻR), dan ifisser li l-aġenziji tal-pagamenti tista' tiddikjara biss 25 % tal-kontribuzzjoni totali ppjanata għal kull trimestru. Għaldaqstant, jidher li r-regoli stipulati fl-Artikolu 22(1) u (2) tar-Regolament ta' Implimentazzjoni (UE) Nru 908/2014 mhumiex xierqa għall-mod ta' kif l-istrumenti finanzjarji għandhom jiġu ġġestiti bejn l-Istati Membri u l-Kummissjoni skont ir-Regolament (UE) Nru 1303/2013, u jeħtieġ li jiġu emendati kif xieraq.

(3)

Sabiex jitħaffef il-piż amministrattiv fuq l-Istati Membri meta jfittxu l-irkupri, l-esperjenza turi li għandu jiġi stabbilit limitu li lil minnu ma jsirx irkupru tal-imgħax.

(4)

L-Artikolu 30(2) tar-Regolament ta' Implimentazzjoni (UE) Nru 908/2014 jipprevedi li d-dokumenti u l-informazzjoni dwar il-kontabbiltà użati għall-approvazzjoni tal-kontijiet għandhom jintbagħtu lill-Kummissjoni f'forma stampata flimkien ma' kopja elettronika. Sabiex jitħaffef il-piż amministrattiv fuq l-Istati Membri u l-Kummissjoni, u sabiex tiġi ssemplifikata l-analiżi tad-dokumenti u jittaffa r-riskju ta' inkonsistenzi fid-dejta użata, jenħtieġ li l-Istati Membri jkunu mitluba jressqu dokumenti elettroniċi biss, bl-użu tal-firma elettronika. Dan ir-rekwiżit jenħtieġ li jiġi rifless ukoll fit-test tad-dikjarazzjoni amministrattiva stipulat fl-Anness I ta' dan ir-Regolament ta' Implimentazzjoni. Sabiex jiġi evitat dewmien fit-trażmissjoni tad-dokumenti f'każ ta' diffikultajiet tekniċi marbutin mal-implimentazzjoni tal-firma elettronika, jenħtieġ li jkun possibbli, għall-ewwel sena tal-applikazzjoni tar-rekwiżit il-ġdid, li jitressqu dokumenti ffirmati trażmessi f'forma elettronika.

(5)

Skont l-Artikolu 31(1) tar-Regolament ta' Implimentazzjoni (UE) Nru 908/2014, il-forma u l-kontenut tal-informazzjoni tal-kontabbiltà msemmija fl-Artikolu 30(1)(c) ta' dak ir-Regolament ta' Implimentazzjoni, u l-mod ta' kif tintbagħat lill-Kummissjoni, għandhom ikunu kif stipulat skont ir-Regolament ta' Implimentazzjoni tal-Kummissjoni (UE) 2017/1758 (4). L-esperjenza turi li l-forma u l-kontenut tal-informazzjoni tal-kontabbiltà jeħtieġu jiġu emendati kull sena skont il-piż amministrattiv u r-riskju ta' dewmien relatati. Għaldaqstant, għal raġunijiet ta' semplifikazzjoni, u sabiex jingħata lok għall-iffissar f'waqtu tal-ispeċifikazzjonijiet tekniċi relatati, jixraq li jkun permess li, mis-sena finanzjarja 2019 'il quddiem, il-Kummissjoni tqiegħed għad-dispożizzjoni mudelli u speċifikazzjonijiet tekniċi relatati għall-informazzjoni tal-kontabbiltà, u li l-Kummissjoni taġġornahom wara li tkun infurmat lill-Kumitat dwar il-Fondi Agrikoli, qabel il-bidu ta' kull sena finanzjarja. Jixraq ukoll li jiġu stipulati r-rekwiżiti ġenerali għal dawk l-ispeċifikazzjonijiet tekniċi.

(6)

L-Artikolu 34(2) tar-Regolament ta' Implimentazzjoni (UE) Nru 908/2014 jipprevedi li, meta l-Kummissjoni tqis li n-nefqa ma tkunx saret skont ir-regoli tal-Unjoni, għandha tikkomunika s-sejbiet tagħha lill-Istat Membru kkonċernat, u permezz ta' tali komunikazzjoni tiskeda laqgħa bilaterali fi żmien erba' xhur mill-iskadenza tal-perjodu għat-tweġiba min-naħa tal-Istat Membru. Matul dan il-perjodu jeħtieġu ċerti passi amministrattivi, fosthom it-traduzzjoni tat-tweġiba mingħand l-Istat Membru, l-analiżi mill-Kummissjoni tal-elementi mibgħuta mill-Istat Membru, it-tħejjija tal-istedina għal-laqgħa bilaterali fil-lingwa nazzjonali tal-Istat Membru, u t-tħejjija tal-laqgħa. L-esperjenza tal-aħħar sentejn turi li l-perjodu ta' erba' xhur fil-biċċa l-kbira tal-każijiet ma jkunx biżżejjed biex iwassal għal laqgħat effettivi. Sabiex jingħata lok għal tħejjija aħjar tal-laqgħa bilaterali, il-perjodu li fih għandha ssir il-laqgħa jenħtieġ li tittawwal għal ħames xhur. Din il-prolongazzjoni se tkun applikabbli biss għall-inkjesti li għalihom il-komunikazzjoni skont l-istess Artikolu 34(2) tkun għadha ma ntbagħtitx fil-mument tad-dħul fis-seħħ ta' dan ir-Regolament, sabiex ma jitfixklux l-inkjesti li għadhom għaddejjin.

(7)

It-tielet subparagrafu tal-Artikolu 34(3) tar-Regolament ta' Implimentazzjoni (UE) Nru 908/2014 jirrikjedi li l-Kummissjoni tibgħat il-konklużjonijiet tagħha lill-Istat Membru fi żmien sitt xhur minn meta tibgħat il-minuti tal-laqgħa bilaterali. L-iskadenza hija speċifikata biss b'rabta mal-minuti tal-laqgħa bilaterali, li jfisser li l-laqgħa bilaterali diġà tkun saret. L-istess Regolament ta' Implimentazzjoni ma jagħtix definizzjoni espliċita ta' skadenza biex tintbagħat il-komunikazzjoni f'każ li Stat Membru jkun iqis li laqgħa bilaterali mhijiex neċessarja. Għaldaqstant, jenħtieġ li dik id-dispożizzjoni tiġi ċċarata f'dan ir-rigward, u li tiffissa punt ta' tluq tal-perjodu ta' sitt xhur fejn ebda laqgħa bilaterali ma tkun neċessarja.

(8)

L-Artikolu 34(9) tar-Regolament ta' Implimentazzjoni (UE) Nru 908/2014 jipprevedi li, f'każijiet iġġustifikati, il-perjodu msemmi fil-paragrafi 3, 4 u 5 tal-istess Artikolu jista' jittawwal. L-Artikolu 34(2) tal-istess Regolament ta' Implimentazzjoni jipprevedi perjodu li fih għandha ssir il-laqgħa bilaterali, u jista' jiġri li, f'każijiet iġġustifikati, ikun hemm bżonn li dak il-perjodu jittawwal. Għaldaqstant, l-Artikolu 34(9) tal-istess Regolament jenħtieġ li jiġi emendat skont dan.

(9)

Skont l-Artikolu 111(1) tar-Regolament (UE) Nru 1306/2013, l-Istati Membri jridu jippubblikaw informazzjoni dwar il-benefiċjarji tal-Fond Agrikolu Ewropew ta' Garanzija (FAEG) u tal-Fond Agrikolu Ewropew għall-Iżvilupp Rurali (FAEŻR), inkluż, fost l-oħrajn, l-ammont tal-pagament riċevut għal kull miżura ffinanzjata minn dawn il-fondi fis-sena finanzjarja kkonċernata, u n-natura u d-deskrizzjoni ta' kull miżura. L-Artikolu 57 tar-Regolament ta' Implimentazzjoni tal-Kummissjoni (UE) Nru 908/2014 jispeċifika d-dettalji li jridu jiġu ppubblikati fir-rigward ta' dawk il-miżuri, u jirreferi għall-Anness XIII tal-istess Regolament, li fih lista tal-miżuri kkonċernati.

(10)

Jenħtieġ li l-Anness XIII tar-Regolament ta' Implimentazzjoni (UE) Nru 908/2014 jiġi emendat sabiex iqis ukoll li l-miżuri eċċezzjonali meħtieġa biex jindirizzaw is-sitwazzjoni tas-suq abbażi tal-Artikoli 220(1) u 221(1) u (2) tar-Regolament (UE) Nru 1308/2013 tal-Parlament Ewropew u tal-Kunsill (5) għandhom jiġu inklużi fost il-miżuri elenkati fl-istess Anness. Dawk il-miżuri eċċezzjonali jitqiesu miżuri li jappoġġaw is-swieq agrikoli skont l-Artikolu 4(1)(a) tar-Regolament (UE) Nru 1306/2013. Għaldaqstant, jixraq li jiġi emendat il-punt 10 tal-Anness XIII tar-Regolament ta' Implimentazzjoni (UE) Nru 908/2014. Barra minn hekk, l-għajnuna lis-settur tad-dud tal-ħarir imsemmija fil-punt 3 tal-lista ta' dak l-Anness ma għadhiex applikabbli, billi l-Artikolu 111 tar-Regolament tal-Kunsill (KE) Nru 1234/2007 (6) tħassar bir-Regolament (UE) Nru 1308/2013 fis-seħħ mill-1 ta' Jannar 2014, u billi l-impenji finanzjarji u l-ħlasijiet lill-benefiċjarji kollha relatati waslu fi tmiemhom. Għaldaqstant, jenħtieġ li r-referenza għall-għajnuna lis-settur tad-dud tal-ħarir titħassar minn dik il-lista.

(11)

Għaldaqstant, jenħtieġ li r-Regolament ta' Implimentazzjoni (UE) Nru 908/2014 jiġi emendat skont dan.

(12)

Il-miżuri previsti f'dan ir-Regolament huma skont l-opinjoni tal-Kumitat dwar il-Fondi Agrikoli,

(1)

fl-Artikolu 7(3), ir-raba' sentenza tinbidel b'li ġej:

“Fir-rigward tal-ittestjar sostantiv, inkluż il-metodi tat-teħid tal-kampjuni, il-korpi taċ-ċertifikazzjoni jistgħu jużaw ittestjar b'żewġ għanijiet fost il-miri tal-awditjar.”;

(2)

fl-Artikolu 22(2), jiddaħħal it-tielet subparagrafu li ġej:

“Fir-rigward tal-istrumenti finanzjarji stabbiliti skont l-Artikolu 38(1)(b) tar-Regolament (UE) Nru 1303/2013, l-infiq għandu jiġi ddikjarat għall-perjodi ta' referenza msemmija fl-ewwel subparagrafu, ladarba jintlaħqu l-kundizzjonijiet għal kull applikazzjoni sussegwenti għall-pagament interim kif stipulat fl-Artikolu 41(1) tal-istess Regolament.”;

(3)

fl-Artikolu 27(1), tiżdied is-sentenza li ġejja:

“L-Istati Membri jistgħu jiddeċiedu li ma jirkuprawx l-imgħax fejn l-ammont tal-imgħax ma jaqbiżx il-5 euro.”;

(4)

fl-Artikolu 30, il-paragrafu 2 jinbidel b'li ġej:

“2.   Id-dokumenti u l-informazzjoni dwar il-kontabbiltà msemmija fil-paragrafu 1 għandhom jintbagħtu lill-Kummissjoni sa mhux aktar tard mill-15 ta' Frar tas-sena ta' wara t-tmiem tas-sena finanzjarja li jkunu relatati magħha. Id-dokumenti msemmija fil-punti (a), (b) u (d) ta' dak il-paragrafu għandhom jintbagħtu b'mod elettroniku skont il-format u l-kundizzjonijiet stabbiliti mill-Kummissjoni skont l-Artikolu 24.

Dawk id-dokumenti għandhom iġorru firma elettronika obbligatorja fit-tifsira tar-Regolament (UE) Nru 910/2014 tal-Parlament Ewropew u tal-Kunsill (*1). Għad-dokumenti relatati mas-sena finanzjarja 2017, il-Kummissjoni tista' taċċetta dokumenti ffirmati trażmessi f'forma elettronika.

(*1)  Ir-Regolament (UE) Nru 910/2014 tal-Parlament Ewropew u tal-Kunsill tat-23 ta' Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73).”;"

(5)

fl-Artikolu 31, il-paragrafu 1 jinbidel b'li ġej:

“1.   Il-Kummissjoni għandha tqiegħed għad-dispożizzjoni tal-Istati Membri l-forma u l-kontenut tal-informazzjoni dwar il-kontabbiltà msemmija fl-Artikolu 30(1)(c), b'mudelli permezz ta' sistemi informatiċi.

Il-Kummissjoni għandha tqiegħed għad-dispożizzjoni l-mudelli u l-ispeċifikazzjonijiet tekniċi relatati għall-informazzjoni dwar il-kontabbiltà, u għandha taġġornahom wara li tkun infurmat lill-Kumitat dwar il-Fondi Agrikoli, qabel il-bidu ta' kull sena finanzjarja.

L-ispeċifikazzjonijiet tekniċi għandhom jinkludu:

(6)

L-Artikolu 34 huwa emendat kif ġej:

(7)

L-Anness I jinbidel bit-test tal-Anness ta' dan ir-Regolament;

(8)

L-Anness XIII jinbidel kif gej:

13.1.2018   

MT

Il-Ġurnal Uffiċjali tal-Unjoni Ewropea

L 10/14

(1)

Skont id-Deċiżjoni 2014/219/PESK, il-Kumitat Politiku u ta' Sigurtà (KPS) huwa awtorizzat, f'konformità mal-Artikolu 38 tat-Trattat, sabiex jieħu d-deċiżjonijiet rilevanti għall-fini tal-eżerċizzju tal-kontroll politiku u tat-tmexxija strateġika tal-missjoni EUCAP Sahel Mali, inkluż id-deċiżjoni dwar il-ħatra ta' Kap tal-Missjoni.

(2)

Fit-18 ta' Settembru 2017, il-KPS adotta d-Deċiżjoni EUCAP Sahel Mali/1/2017 (2), biex ħatar lis-Sur Philippe RIO bħala l-Kap tal-Missjoni tal-EUCAP Sahel Mali mill-1 ta' Ottubru 2017 sal-14 ta' Jannar 2018.

(3)

Fit-13 ta' Diċembru 2017, ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà pproponiet l-estensjoni tal-mandat tas-Sur Philippe RIO bħala l-Kap tal-Missjoni tal-EUCAP Sahel Mali mill-15 ta' Jannar 2018 sal-14 ta' Jannar 2019,

13.1.2018   

MT

Il-Ġurnal Uffiċjali tal-Unjoni Ewropea

L 10/15

(1)

Fis-27 ta' Mejju 2016, il-Kunsill adotta d-Deċiżjoni (PESK) 2016/849.

(2)

Fit-28 ta' Diċembru 2017, il-Kumitat tal-Kunsill tas-Sigurtà tan-Nazzjonijiet Uniti (“KSNU”) stabbilit skont ir-Riżoluzzjoni 1718 (2006) tal-KSNU iddeżinja erba' bastimenti bis-saħħa tal-paragrafu 6 tar-Riżoluzzjoni 2375 (2017) tal-KSNU.

(3)

Għalhekk jenħtieġ li l-Anness IV għad-Deċiżjoni (PESK) 2016/849 jiġi emendat skont dan,

13.1.2018   

MT

Il-Ġurnal Uffiċjali tal-Unjoni Ewropea

L 10/17

(1)

Id-Deċiżjoni tal-Kummissjoni 2009/300/KE (2) tistabbilixxi l-kriterji ekoloġiċi u r-rekwiżiti speċifiċi ta' valutazzjoni u ta' verifika għall-grupp ta' prodotti “televiżjonijiet”.

(2)

Il-validità tal-kriterji ekoloġiċi attwali u tar-rekwiżiti ta' valutazzjoni u ta' verifika relatati stabbiliti fid-Deċiżjoni 2009/300/KE tiskadi fil-31 ta' Diċembru 2017.

(3)

L-ewwel kriterju stabbilit fid-Deċiżjoni 2009/300/KE, li jikkonċerna t-tfaddil tal-enerġija, huwa bbażat fuq ir-rekwiżiti eżistenti tat-tikkettar enerġetiku u tal-ekodisinn għat-televiżjonijiet stabbiliti permezz tar-Regolament tal-Kummissjoni (KE) Nru 642/2009 (3). B'konsegwenza, bħalissa l-Ekotikketta tal-UE qed tingħata għat-televiżjonijiet li jkollhom it-tikketta tal-Klassi tal-Effiċjenza Enerġetika B skont l-iskema tat-tikkettar enerġetiku għat-televiżjonijiet stabbilita fir-Regolament Delegat tal-Kummissjoni (UE) Nru 1062/2010 (4) (“l-Iskema tat-Tikkettar Enerġetiku”). Madankollu, il-Klassi tal-Effiċjenza Enerġetika B mhix l-aktar klassi effiċjenti mibjugħa fis-suq tal-Unjoni. Għalhekk, l-ewwel kriterju fid-Deċiżjoni 2009/300/KE jeħtieġ li jiġi aġġornat biex ikun żgurat li l-Ekotikketta tal-UE tingħata lill-prodotti li huma effiċjenti fl-enerġija.

(4)

Saret proposta biex ir-rekwiżiti eżistenti tat-tikkettar enerġetiku u tal-ekodisinn għat-televiżjonijiet jiġu sostitwiti b'sett ġdid ta' rekwiżiti sa mhux aktar tard mill-2019 (5), iżda s'issa l-proposta għadha ma ġietx adottata. Sakemm issir l-adozzjoni ta' dik il-proposta, jenħtieġ li l-kriterju “tfaddil tal-enerġija” fid-Deċiżjoni 2009/300/KE jiġi emendat biex jirreferi għall-klassijiet tal-enerġija ogħla fil-verżjoni attwali tal-Iskema tat-Tikkettar tal-Enerġija.

(5)

Saret valutazzjoni li tikkonferma r-rilevanza u l-adegwatezza tal-emenda proposta għall-kriterju “tfaddil tal-enerġija”, u li tikkonferma wkoll ir-rilevanza u l-adegwatezza tal-kriterji ekoloġiċi l-oħra kollha eżistenti għat-televiżjonijiet u tar-rekwiżiti ta' valutazzjoni u ta' verifika relatati stabbiliti permezz tad-Deċiżjoni 2009/300/KE. Ladarba r-rekwiżiti l-ġodda tat-tikkettar enerġetiku u tal-ekodisinn għat-televiżjonijiet proposti jiġu adottati huwa previst li ssir reviżjoni tal-kriterji tal-Ekotikketta.

(6)

Minħabba r-raġunijiet stabbiliti fil-premessi 4 u 5, u sabiex jitħalla biżżejjed żmien għar-reviżjoni tal-kriterji ekoloġiċi attwali, ladarba jiġu adottati r-rekwiżiti l-ġodda tat-tikkettar enerġetiku u tal-ekodisinn, jenħtieġ li l-perjodu ta' validità tal-kriterji eżistenti u tar-rekwiżiti ta' valutazzjoni u ta' verifika relatati, kif emendati b'din id-Deċiżjoni, jiġi estiż sal-31 ta' Diċembru 2019.

(7)

Għalhekk, jenħtieġ li d-Deċiżjoni 2009/300/KE tiġi emendata skont dan.

(8)

Jenħtieġ li jingħata perjodu tranżitorju għal applikazzjonijiet u liċenzji li jaqgħu taħt il-kriterji stabbiliti fid-Deċiżjoni 2009/300/KE biex id-detenturi ta' liċenzji u l-applikanti jingħataw żmien biżżejjed biex jadattaw għall-bidliet magħmula fil-kriterju “tfaddil tal-enerġija”.

(9)

Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010,

13.1.2018   

MT

Il-Ġurnal Uffiċjali tal-Unjoni Ewropea

L 10/20

(1)

Id-deni Afrikan tal-ħnieżer huwa marda virali infettiva li taffettwa l-popolazzjonijiet tal-ħnieżer domestiċi u selvaġġi u jista' jkollha impatt serju fuq il-profitti tan-negozji tat-trobbija tal-ħnieżer li jisfratta l-kummerċ fl-Unjoni u l-esportazzjonijiet lejn pajjiżi terzi.

(2)

F'każ ta' tifqigħa tad-deni Afrikan tal-ħnieżer, hemm ir-riskju li l-aġent tal-marda jista' jinxtered ma' rziezet oħra tal-ħnieżer u mal-ħnieżer selvaġġi. B'hekk, jista' jinxtered minn Stat Membru għall-ieħor u għall-pajjiżi terzi permezz tal-kummerċ tal-ħnieżer ħajjin jew tal-prodotti tagħhom.

(3)

Id-Direttiva tal-Kunsill 2002/60/KE (3) tistabbilixxi l-miżuri minimi li għandhom jiġu applikati fl-Unjoni għall-kontroll tad-deni Afrikan tal-ħnieżer. L-Artikolu 9 tad-Direttiva 2002/60/KE jipprevedi t-twaqqif ta' żoni ta' protezzjoni u ta' sorveljanza fil-każ ta' tifqigħat ta' dik il-marda, fejn għandhom japplikaw il-miżuri stabbiliti fl-Artikoli 10 u 11 ta' dik id-Direttiva.

(4)

Ir-Rumanija infurmat lill-Kummissjoni bis-sitwazzjoni preżenti fit-territorju tagħha fir-rigward tad-deni Afrikan tal-ħnieżer u, f'konformità mal-Artikolu 9 tad-Direttiva 2002/60/KE, stabbiliet żoni ta' protezzjoni u ta' sorveljanza fejn japplikaw il-miżuri msemmija fl-Artikoli 10 u 11 ta' dik id-Direttiva.

(5)

Sabiex jiġi evitat kull xkiel bla bżonn għall-kummerċ fi ħdan l-Unjoni u biex jiġu evitati ostakoli mhux ġustifikati għall-kummerċ minn pajjiżi terzi, jinħtieġ li jiġu deskritti fuq il-livell tal-Unjoni ż-żoni stabbiliti bħala żoni ta' protezzjoni u ta' sorveljanza għad-deni Afrikan tal-ħnieżer fir-Rumanija, f'kollaborazzjoni ma' dak l-Istat Membru.

(6)

Għaldaqstant, sakemm issir il-laqgħa li jmiss tal-Kumitat Permanenti dwar il-Pjanti, l-Annimali, l-Ikel u l-Għalf, iż-żoni identifikati bħala żoni ta' protezzjoni u ta' sorveljanza fir-Rumanija għandhom jiġu stipulati fl-Anness ta' din id-Deċiżjoni u għandu jiġi stabbilit it-tul ta' żmien ta' din ir-regjonalizzazzjoni.

(7)

Din id-Deċiżjoni għandha tiġi riveduta fil-laqgħa li jmiss tal-Kumitat Permanenti dwar il-Pjanti, l-Annimali, l-Ikel u l-Għalf,