13.9.2017   

MT

Il-Ġurnal Uffiċjali tal-Unjoni Ewropea

L 235/1

(1)

Permezz ta' ittra fis-7 ta' Jannar 2015, Franza nnotifikat lill-Kummissjoni b'sejħa għal offerti għall-istallazzjoni u t-tħaddim ta' impjant tal-elettriku tat-tip tal-gass b'ċiklu kkombinat (“CCG”) (2) fil-Brittanja. Bagħtet informazzjoni kumplimentari lill-Kummissjoni permezz ta' ittri fil-5 ta' Ġunju 2015, fl-10 u fis-17 ta' Settembru 2015.

(2)

Permezz ta' ittra fit-13 ta' Novembru 2015, il-Kummissjoni għarrfet lil Franza li kienet iddeċidiet li tibda l-proċedura stabbilita fl-Artikolu 108(2) tat-Trattat dwar il-Funzjonament tal-Unjoni Ewropea (“TFUE”) fir-rigward ta' din il-miżura (id-“deċiżjoni ta' ftuħ”).

(3)

Id-deċiżjoni tal-Kummissjoni li tibda l-proċedura ġiet ippubblikata f'Il-Ġurnal Uffiċjali tal-Unjoni Ewropea  (3). Il-Kummissjoni stiednet lill-partijiet interessati biex jippreżentaw l-osservazzjonijiet tagħhom rigward il-miżura kkonċernata.

(4)

Il-Kummissjoni rċeviet kummenti dwar dan mill-partijiet interessati. Hija bagħtithom lil Franza u tatha l-possibbiltà li tikkummenta dwarhom, u rċeviet il-kummenti tagħha permezz ta' ittra fit-8 ta' Ġunju 2016.

(5)

Fit-12 ta' Mejju 2016 u fil-5 ta' Settembru 2016, il-Kummissjoni bagħtet lista ta' mistoqsijiet lill-awtoritajiet Franċiżi, u dawn irrispondew permezz ta' ittri fil-5 ta' Settembru 2016 u fil-5 ta' Ottubru 2016 ripsettivament. Fil-5 ta' Settembru l-Kummissjoni bagħtet lista ta' mistoqsijiet oħra lill-awtoritajiet Franċiżi, li weġbuhom fil-5 ta' Ottubru 2016.

(6)

Is-sejħa għal offerti u l-kuntest li wassal għat-tnedija tagħha huma deskritti fid-dettall fid-deċiżjoni ta' ftuħ (il-premessi (4) sa (29)). It-taqsimiet li ġejjin jiġbru fil-qosor din il-kwistjoni.

(7)

L-awtoritajiet Franċiżi jqisu li s-sigurtà tal-provvista tal-elettriku fil-Bretanja hija mhedda bil-kapaċità baxxa ta' produzzjoni tal-elettriku f'dan ir-reġjun, bil-limiti tal-grilja, u biż-żieda fil-konsum u fit-termosensittività.

(8)

Fl-2010, diversi awtoritajiet Franċiżi iffirmaw il-Patt dwar l-Elettriku fil-Bretanja (“PEB”), li huwa bbażat fuq dawn it-tliet pilastri: L-ewwel nett il-ġestjoni tad-domanda, it-tieni nett il-produzzjoni tal-enerġiji rinnovabbli u s-sigurtà tal-provvista tal-elettriku. It-tielet pilastru huwa magħmul minn tisħiħ u żvilupp tal-grilja elettrika lokali minn naħa u l-impjant ta' mezz ta' produzzjoni elettrika klassiku min-naħa l-oħra. Dan tal-aħħar huwa s-suġġett tal-miżura nnotifikata minn Franza.

(9)

Is-sejħa għal offerti tifforma parti mill-Artikolu L. 311-10 tal-Kodiċi tal-Enerġija. Is-sejħa għal offerti Nru 2011/S 120-198224 ġiet ippubblikata f'Il-Ġurnal Uffiċjali tal-Unjoni Ewropea fil-25 ta' Ġunju 2011 mill-Ministru responsabbli għall-enerġija. Dan tal-aħħar imbagħad għażel il-proġett magħżul skont l-opinjoni tal-Kummissjoni Regolatorja tal-Enerġija (Commission de Régulation de l'Energie, “CRE”), li investigat il-proċedura b'mod konformi mar-regolamenti Franċiżi (4).

(10)

B'mod konformi mal-ispeċifikazzjonijiet, l-impjant tal-produzzjoni tal-elettriku irid:

(11)

Is-sejħa għal offerti nnotifikata tipprevedi li l-produttur ikun liberu li jqiegħed il-produzzjoni kollha tiegħu fis-suq jew li jbigħ parti lix-xerrej obbligat, Electricité de France S.A. (“EDF”), fil-kuntest ta' kuntratt ta' xiri b'tariffa ugwali għall-95 % tal-prezz fis-siegħa osservat fuq is-suq EPEX SPOT.

(12)

Barra minn hekk, il-produttur jitħallas primjum fiss annwali PT, ikkalkolat fi proporzjon tal-prodott tal-potenza attiva garantita (6) (Pgar) u tal-primjum P espress f'EUR/MW/sena.

(13)

Il-ħlas tal-primjum fiss jiddependi fuq il-ġestjoni tal-awtorizzazzjonijiet kollha biex isiru x-xogħlijiet u l-kuntratti mal-operaturi tal-grilja, kif ukoll il-ġestjoni tal-potenza garantita, ivverifikata permezz ta' fattur ta' disponibbiltà.

(14)

Is-sejħa għal offerti tipprevedi wkoll l-applikazzjoni ta' sanzjonijiet f'każ li l-bini tal-impjant ma jitlestiex fil-ħin.

(15)

Il-klassifikazzjoni tal-offerti tal-kandidati tiddependi fuq it-tliet kriterji li ġejjin li huma spjegati fl-ispeċifikazzjonijiet tas-sejħa għal offerti:

(16)

L-awtoritajiet Franċiżi jqisu li l-għan ewlieni tal-miżura huwa li tiġi żgurata l-provvista tal-elettriku fil-Bretanja. Anke jekk il-bżonn tal-elettriku fil-Bretanja huwa essenzjalment bżonn ta' potenza (MW), hemm ukoll bżonn ta' enerġija (MWh (7)). Għaldaqstant jeħtieġ li jinbena impjant li jaħdem fil-Bretanja għal diversi eluf ta' sigħat fis-sena, u mhux biss waqt l-aktar sigħat intensivi bħal turbin tal-kombustjoni (“TAC”). L-impjant tat-tip CCG, li jaħdem fuq il-prinċipju ta' magna reattur, jippermetti li jinħoloq l-elettriku fi ftit minuti biss. Għaldaqstant, din it-teknoloġija hija xierqa b'mod partikulari biex jiġi żgurat il-bilanċ bejn il-produzzjoni u l-konsum waqt domanda qawwija matul diversi sigħat. Dan l-impjant il-ġdid jipprovdi mhux biss kapaċità disponibbli fil-waqtiet intensivi, iżda anke potenza reattiva fejn tkun l-aktar effettiva biex jinżamm il-livell ta' vultaġġ fil-grilja kollha kif ukoll tiġi ffaċilitata l-integrazzjoni tas-sistema tal-enerġiji rinnovabbli varjabbli (servizzi tas-sistemi).

(17)

Għal dawn ir-raġunijiet, l-awtoritajiet Franċiżi ħassew li jenħtieġ suppliment għall-produzzjoni li jkun ċentralizzat fil-Majjistral tar-reġjun, li jaħdem matul il-perjodi ta' konsum qawwi u mhux biss f'waqtiet intensivi fix-xitwa b'rabta ma' temperatura estrema. Dan il-mezz ta' produzzjoni għandu jikkompleta t-tisħiħ tal-grilja u l-azzjonijiet ta' ġestjoni tal-enerġija.

(18)

Il-miżura għandha wkoll l-għan li timminimizza l-ispejjeż tagħha għall-komunità u l-impatt ambjentali tagħha. Għaldaqstant, il-klassifikazzjoni tal-kandidati tqis il-primjum mitlub, l-adegwatezza tal-għażla tas-sit fir-rigward tal-ambjent, kif ukoll il-kwalità u l-adegwatezza tal-miżuri ta' akkumpanjament (l-evitar, it-tnaqqis jew il-kumpens tal-effetti negattivi fuq l-ambjent) tal-proġett u l-azzjonijiet maħsuba għall-monitoraġġ ambjentali.

(19)

L-impjant użat mill-Compagnie Electrique de Bretagne (minn issa 'l quddiem “CEB”), benefiċjarja tal-miżura, se tiżgura servizzi ta' bbilanċjar permezz ta' tliet azzjonijiet possibbli. L-ewwel jiġu attivati r-riżerva primarja u sekondarja (servizz ta' sistema b'attivazzjoni awtomatika) u terzjarja (aġġustament b'attivazzjoni manwali). It-tieni rigward is-servizzi tas-sistema u t-tħaddim tal-impjant, CEB se jkollha l-obbligu li tkun teknikament f'pożizzjoni li tfornihom. It-tielet rigward il-mekkaniżmu ta' aġġustament (ir-riżerva terzjarja), CEB se jkollha l-obbligu li tagħmel il-potenza tagħha disponibbli għal RTE (Réseau de Transport d'Electricité, kumpanija ta' manutenzjoni u ta' żvilupp tal-grilja pubblika Franċiża tat-trasport ta' elettriku b'vultaġġ għoli u għoli ħafna, “RTE”). Din id-disponibbiltà 'l barra mill-kuntratti ta' riżerva mhux se jagħtu lok għal rimunerazzjoni ħlief f'każ ta' sejħa għall-mekkaniżmu ta' aġġustament. Huwa mistenni li l-magna taħdem għal perjodu ekwivalenti ta' madwar 3 000 siegħa fis-sena b'tagħbija sħiħa li jibdea fid-data li fiha jibda jopera l-impjant. Għandha titqies il-potenza tal-impjant (422 MW), u dan il-perjodu ta' tħaddim iwassal għal produzzjoni tal-elettriku annwali ta' madwar 1 250 GWh.

(20)

L-ammont tal-primjum li jitħallas skont is-sejħa għal offerti jkun sa massimu ta' 94 000 EUR/MW/sena f'termini ta' valur fil-31 ta' Novembru 2011. Il-primjum jitħallas għal perjodu ta' 20 sena u jiġi indiċjat matul it-tul tal-proġett biex titqies l-evoluzzjoni tal-ispejjeż tat-tħaddim u tal-ġestjoni. L-ammont tal-primjum li jitħallas skont is-sejħa għal offerti jkun sa massimu ta' EUR 40 miljun fis-sena.

(21)

Il-primjum huwa indiċjat għal 20 % fuq il-prezzijiet tal-produzzjoni, 20 % fuq l-ispejjeż tax-xogħol, 50 % fuq il-livell tat-tariffa tat-trasport fuq il-grilja ġenerali, 5 % fuq il-kost tal-konnessjoni elettrika u 5 % fuq il-kost tal-konnessjoni gass.

(22)

L-awtoritajiet Franċiżi speċifikaw li l-ammont propost mir-rebbieħ huwa r-riżultat (i) ta' terminu ta' valur tal-kapaċità li huwa ugwali għal [50 000-60 000]  (*1) EUR/MW/sena, u ta' tliet termini marbuta mal-lokalizzazzjoni ġeografika tal-proġett, jiġifieri: (ii) l-ispiża inkrementali marbuta mal-gass li titla' għal [20 000-40 000] EUR/MW/sena, (iii) l-ispiża inkrimentali marbuta mal-konnessjoni li titla' għal 6 000 EUR/MW/sena u (iv) l-ispiża inkrimentali marbuta mal-miżuri ambjentali partikulari ta' 2 000 EUR/MW/sena.

(23)

It-terminu ta' valur tal-kapaċità jikkorrispondi għall-ammont kopert mit-titolu tal-ispiża inkrementali marbuta mad-data prevista li fiha jibda jopera l-impjant. Il-kandidati kkalkulaw din l-ispiża inkrementali bħala d-differenza bejn id-dħul ġenerat mill-bejgħ tal-enerġija fis-suq u l-ispejjeż marbuta mat-tqegħid fis-servizz rapidu tal-impjant. Is-CRE tosserva li: “il-kundizzjonijiet attwali tas-suq u l-istat tad-domanda tal-elettriku u t-tħaddim tal-impjant tat-tip CCG ma jrendux ekonomikament. U probabbilment mhumiex se jrendu għal diversi snin. Għaldaqstant hemm nuqqas ta' dħul għall-kandidat, liema nuqqas se jkun għadu jgħodd fid-data mistennija li fiha jibda jopera l-impjant, u meqjus kopert b'dan il-komponent tal-primjum” [traduzzjoni mhux uffiċjali].

(24)

Jenħtieġ pipeline tal-gass ġdid ta' 111-il km għall-provvista tal-impjant. Il-kost stmat ta' dan il-proġett huwa ta' madwar EUR 100 miljun, li huma ffinanzjati minn qabel minn GRTgaz (kumpanija Franċiża maħluqa fl-2005 li tiżgura l-ġestjoni tan-netwerk tas-sistemi ta' trażmissjoni tal-gass fi Franza). CEB tikkontribwixxi għall-qligħ tiegħu bis-saħħa ta' pagament ta' tariffa għat-twassil tal-gass.

(25)

Il-Liġi Nru 2010-1488 tas-7 ta' Diċembru 2010 rigward organizzazjoni ġdida tas-suq tal-elettriku (“NOME”) introduċiet mekkaniżmu ta' kapaċità bil-għan li tiżgura s-sigurtà tal-provvista tal-elettriku ta' Franza. (8) L-impjant magħżul permezz ta' proċedura ta' sejħiet għal offerti fil-Bretanja jrid jipparteċipa fil-mekkaniżmu tal-kapaċità nazzjonali. Ir-rimunerazzjoni li tinġabar mill-impjant b'dan il-mekkaniżmu titnaqqas, fejn xieraq, mill-primjum effettivament imħallas skont is-sejħa għal offerti.

(26)

Il-primjum jingħata għal għoxrin sena mid-data li fiha jibda jopera l-impjant.

(27)

Il-Ministru responsabbli għall-enerġija, skont l-opinjoni tas-CRE, għażel il-proġett li jinsab fil-kontea ta' Landivisiau u propost mill-Compagnie Electrique de Bretagne (“CEB”), konsorzju bejn Direct Energie u Siemens.

(28)

Ir-rebbieħ huwa produttur li ma tantx huwa sinifikanti fis-suq tal-produzzjoni Franċiża u ma għandux faċilitajiet ta' produzzjoni konvenzjonali oħrajn fil-Bretanja.

(29)

Il-potenza garantita tal-impjant propost mis-CEB hija ta' 422 MW. Ir-rebbieħ tas-sejħa għal offerti impenja ruħu li jpoġġi fis-servizz industrijali l-impjant tal-produzzjoni tal-elettriku tiegħu sa mhux aktar tard minn […]. Fl-ittra tagħhom tal-5 ta' Ottubru 2016, l-awtoritajiet Franċiżi spjegaw id-dewmien li affettwa l-proġett. Id-data riveduta li fiha jibda jopera l-impjant hija prevista għal […].

(30)

Skont l-informazzjoni ppreżentata mir-rebbieħ tas-sejħa għal offerti lis-CRE, dan tal-aħħar ma għandu l-ebda għajnuna oħra ma' dik mogħtija skont it-titolu tas-sejħa għal offerti u hekk għadu sal-lum. Barra minn hekk, ir-rimunerazzjoni li eventwalment tinġabar mill-impjant fis-suq ta' kapaċità futur titnaqqas mill-primjum imħallas skont is-sejħa għal offerti.

(31)

B'appoġġ għall-offerta ppreżentata lill-awtoritajiet Franċiżi, CEB ikkomunikat pjan ta' direzzjoni tan-negozju. Dan il-pjan ta' direzzjoni tan-negozju juri rata ta' redditu interna (internal rate of return, “IRR”) wara t-taxxa ta' [5-10] %. Dan ir-redditu huwa msejjes fuq dawn is-suppożizzjonijiet ewlenin: volum ta' sigħat ta' użu ta' madwar [3 000-6 500] siegħa fis-sena; investiment inizjali ta' EUR [400-500] miljun. Id-dħul jiddependi fuq primjum ta' […] EUR/MW/sena minn naħa waħda u fuq rimunerazzjoni netta li tirriżulta minn kuntratt ta' tolling li jirrappreżenta rimunerazzjoni medja ta' EUR […] fis-sena min-naħa l-oħra.

(32)

Dan il-ftehim tat-tolling huwa kuntratt ta' dritt privat konkluż bejn CEB u toller, (kontroparti tal-kuntratt, pereżempju EDF) li jipprevjeni l-bejgħ ta' dan tal-aħħar ta' kwantità fissa ta' elettriku. Id-dħul minn dan il-ftehim ta' tolling ġie determinat b'tali mod li l-kundizzjonijiet li s-CEB seta' jistenna fil-mument tas-sejħa għal offerti ġew riflessi fil-pjan ta' direzzjoni tan-negozju. L-ammont tal-miżata tat-tolling ġie evalwat abbażi ta' mudell ta' previżjoni stokastika. Is-suppożizzjonijiet li jikkonċernaw dan il-kuntratt jiddependu fuq bejgħ tal-enerġija ipprovduta mill-impjant fis-suq tat-toller għal ammont inizjali ta' EUR […] miljun fis-sena bejn Marzu 2017 u Ottubru 2036. Ir-rimunerazzjoni tas-CEB skont il-kuntratt tat-tolling huwa s-suġġett ta' studju ta' sensittività. Intuża indiċi ta' għotja ta' somma f'daqqa biex jiġi emendat il-primjum tal-kapaċità.

(33)

Ir-rimunerazzjoni skont il-kuntratt tat-tolling tirrifletti l-kost tal-konverżjoni tal-gass f'elettriku u tal-użu tal-impjanti. Tinkludi komponent varjabbli bil-għan li jkopri l-ispejjeż tal-injezzjoni tal-operazzjoni u tal-ġestjoni. Barra minn hekk, tinkludi komponent fiss bil-għan li jkopri l-ispejjeż fissi ta' tħaddim u l-ispejjeż ta' finanzjament u ta' amortizzament. Il-miżata tat-tolling hija maqsuma wkoll f'komponent mhux indiċjat u komponent indiċjat. Il-komponent indiċjat għandu l-għan li jkopri l-ispejjeż fissi tal-funzjonament. Il-komponent mhux indiċjat għandu l-għan li jkopri l-ispejjeż tal-infrastruttura bħall-ispejjeż tal-finanzjament tal-proġett u anke l-amortizzamenti tal-investimenti realizzati. Il-bejgħ tal-gass mhuwiex immudellat b'kunsiderazzjoni għall-eżistenza tal-kuntratt tat-tolling. Il-pjan ta' direzzjoni tan-negozju jqis direttament marġni operattiva medja antiċipata fuq il-perjodu tal-ħajja tal-proġett.

(34)

Barra minn hekk, il-pjan ta' direzzjoni tan-negozju ppreveda l-aġġornament ta' diversi suppożizzjonijiet matul il-perjodu tal-proġett: indiċi tal-kost lavorattiv, indiċi tal-prezzijiet tal-produzzjoni, il-kost finali tal-konnessjoni tal-grilja. Dan l-aġġornamnet huwa ġġustifikat permezz tal-perjodu tal-pjan ta' direzzjoni tan-negozju li jinfirex fuq perjodu ta' [15-20] sena. Primjum tal-kapaċità, aġġornat ukoll, huwa attribwit għall-operatur sabiex jippermettilu li jagħmel qligħ mill-investiment tiegħu. Dan il-primjum jiddependi fuq id-disponibbiltà effettiva tal-impjant. Il-primjum fiss jiddependi fuq il-koeffiċjent tad-disponibbiltà tal-impjant. Parteċipazzjoni tal-mekkaniżmu ta' kapaċità lil hinn mill-bilanċ mill-ġdid mhijiex prevista fil-pjan ta' direzzjoni tan-negozju. Kieku sseħħ din il-parteċipazzjoni, ir-rimunerazzjoni minn din il-parteċipazzjoni titnaqqas mill-ammont tal-primjum.

(35)

Il-kost fiss tat-twassil tal-gass huwa stmat għal EUR [10-20] miljun fis-sena.

(36)

Il-kost operatorju varjabbli u l-ġestjoni huwa l-prodott ta' kost operatorju varjabbli u numru ta' sigħat operatorji ekwivalenti. Il-kostijiet operatorji u ta' ġestjoni jitħallsu mit-toller lis-CEB.

(37)

Twettaq ukoll studju ta' sensittività fuq suppożizzjonijiet oħrajn bħall-inflazzjoni jew l-ispejjeż tal-paga.

(38)

Il-konnessjoni mal-grilja, għalkemm imewttqa minn RTE u GRTgaz, se tkun iffinanzjata mis-CEB. Dawn l-ispejjeż ta' konnessjoni huma stmati rispettivament għal EUR [30-40] miljun u EUR [20-30] miljun.

(39)

Skont is-suppożizzjonijiet meqjusin, fl-aħħar tal-pjan ta' direzzjoni tan-negozju, l-ispejjeż ta' bejgħ mill-ġdid ta' tagħmir fuq il-post se jiġu kkumpensati permezz tal-ispejjeż ta' dekumissjonar, b'hekk il-valur finali tal-impjant ikun żero.

(40)

Hija meqjusa fattura maħruġa tal-attivitajiet ta' aġġustament. Is-suppożizzjonijiet ta' valwazzjoni ġew deskritti mill-awtoritajiet Franċiżi. (9) Dan l-introjtu jikkostitwixxi inqas minn 1,5 % tad-dħul totali mistenni.

(41)

Fl-ittra tagħha tal-5 ta' Ottubru 2016, Franza spjegat li l-impjant jista' jitnieda fi […] bi tqegħid fis-servizz industrijali fi […].

(42)

Il-Kummissjoni qieset li l-kriterju tal-imputabbiltà ddikjarat fl-Artikolu 107 ta-TFUE ġie ssodisfat. F'dan il-każ, il-miżura hija attribwibbli għall-Istat minn naħa waħda sa fejn l-avviż tas-sejħa għal offerti ġiet ippubblikata mill-Ministru responsabbli għall-enerġija, li għażel il-proġett ukoll. Min-naħa l-oħra r-rimunerazzjoni mħallsa lir-rebbieħ tiġi riflessa fil-prezz bl-imnut permezz tal-kontribuzzjoni lis-Servizz Pubbliku tal-Elettriku (CSPE). Madankollu, fid-Deċiżjoni ta' Għajnuna mill-Istat SA.36511 (2014/C) tagħha, il-Kummissjoni kkonkludiet li s-CSPE kien jikkonsisti f'riżorsa tal-Istat, billi din hija “kontribuzzjoni imposta mill-Istat, li tinġabar u hija ġestita minn entità maħtura mill-Istat biex iġġestixxi l-iskema ta' għajnuna skont ir-regoli stabbiliti mill-Istat” (10). [traduzzjoni mhux uffiċjali]

(43)

Rigward l-eżistenza ta' vantaġġ għall-impriżi, l-awtoritajiet Franċiżi qiesu li dan il-kriterju ma ġiex issodisfat billi s-sejħa għal offerti ssodisfat il-kriterji ddikjarati fil-ġurisprudenza Altmark  (11).

(44)

Madankollu l-Kummissjoni qieset li l-kriterji ddikjarati fil-ġurisprudenza Altmark ma ġewx issodisfati. Sabiex servizz pubbliku ma jiġix klassifikat bħala għajnuna mill-Istat, iridu jiġu ssodisfati dawn l-erba' kriterji: (i) l-impriża benefiċjarja trid tkun effettivament inkarigata sabiex twettaq obbligi ta' servizz pubbliku, u tali obbliġi jridu jkunu ddefiniti b'mod ċar, (ii) il-parametri li fuqhom huwa kkalkolat l-kumpens iridu jkunu stabbiliti minn qabel b'mod oġġettiv u trasparenti, (iii) il-kumpens ma jistax ikun iktar minn dak li hu neċessarju sabiex ikunu koperti l-ispejjeż kollha jew parti minnhom li jirriżultaw mit-twettiq ta' obbligi ta' servizz pubbliku, filwaqt li jiġi kkunsidrat id-dħul rilevanti kollu kif ukoll il-profitt raġjonevoli, (iv) meta l-impriża li għandha twettaq l-obbligi ta' servizz pubbliku mhijiex magħżula permezz ta' proċedura ta' appalt pubbliku, il-livell tal-kumpens għandu jkun stabbilit abbażi ta' analiżi tal-ispejjeż li impriża medja kienet tagħmel sabiex twettaq tali obbligi, filwaqt li jiġi kkunsidrat id-dħul rilevanti kollu kif ukoll il-profitt raġjonevoli għat-twettiq ta' dawn l-obbligi. Min-naħa l-oħra, jekk il-Kummissjoni qieset li ġie ssodisfat it-tieni kriterju, hija esprimiet dan it-tħassib rigward it-tliet kriterji:

(45)

Minħabba d-dubji li esprimiet il-Kummissjoni rigward ir-rispett lejn il-miżura tal-kundizzjonijiet tal-ġurisprudenza Altmark, fl-analiżi preliminari tagħha l-Kummissjoni qieset li l-miżura setgħet twassal għal vantaġġ għar-rebbieħ tas-sejħa għal offerti, u dan il-vantaġġ kien selettiv billi ngħata lil impriża waħda, CEB.

(46)

Rigward l-impatt fuq il-kompetizzjoni l-effett fuq il-kummerċ, il-Kummissjoni qieset li l-miżura tista' taffettwa l-kummerċ u l-kompetizzjoni fil-miżura fejn ir-rebbieħ tas-sejħa għal offerti, li jibbenifika minn miżura vantaġġuża, jikkompeti kontra mezzi oħra ta' produzzjoni tal-elettriku u fornituri oħra ta' kapaċità fis-swieq miftuħa għall-kompetizzjoni (suq għall-bejgħ tal-elettriku, mekkaniżmu ta' aġġustament).

(47)

Fid-deċiżjoni ta' ftuħ tagħha, il-Kummissjoni qieset li l-miżura trid tinqara fil-konfront tal-Artikolu 107 tat-TFUE fil-każ li t-tħassib tagħha rigward il-konformità mal-kriterji kollha tal-ġurisprudenza Altmark ikunu ġew ikkonfermati. Għaldaqstant, il-miżura trid tiġi analizzata fil-konfront tal-Linji Gwida dwar l-Għajnuna mill-Istat għall-protezzjoni ambjentali tal-2014 (“EEAG”) (15), li jħabbru l-kundizzjonijiet li bihom l-enerġija tista' titqies bħala kompatibbli mas-suq intern abbażi tal-Artikolu 107 tat-TFUE.

(48)

B'mod sussidjarju, il-Kummissjoni nnutat li jekk it-tħassib tagħha li esprimiet rigward id-definizzjoni tal-obbligu tas-servizz pubbliku ma ġiex ikkonfermat, kien ikun japplika eżami tal-kompatibbiltà fid-dawl tal-Komunikazzjoni tal-Kummissjoni dwar qafas mill-Unjoni Ewropea għall-għajnuna mill-Istat fil-forma ta' kumpens ta' servizz pubbliku (2011).

(49)

Rigward l-għan ta' interess komuni, il-Kummissjoni wriet tħassib dwar il-fatt li l-miżura tikkontribwixxi għall-għan komuni li jikkonsisti fil-garanzija tas-sigurtà tal-forniment tal-elettriku: minn naħa waħda, l-għan tal-miżura ma deherx li kien definit b'mod ċar biżżejjed (nuqqas ġenerali ta' kapaċità, waqtiet intensivi ta' domanda) u min-naħa l-oħra l-miżura setgħet ma tikkoreġix il-funzjonament ħażin tar-regolamenti u tas-suq fuq perjodu ta' żmien medju, u dan attwalment ifixkel livell ta' investiment suffiċjenti fil-Bretanja.

(50)

Il-ħtieġa tal-miżura ma dehritx biżżejjed minħabba nuqqas ta' kwantifikazzjoni soddisfaċenti tan-nuqqas ta' kapaċità tal-waqtiet intensivi staġunali jew waqt il-perjodi l-aktar intensivi. Barra minn hekk, il-ħtieġa tal-miżura setgħet tiġi mhedda bil-possibbiltà li jiddaħħal prezz lokali xieraq li jibgħat sinjali tal-prezzijiet sabiex jistimula l-investimenti, mingħajr ma jsir rikors għall-għajnuna.

(51)

Il-Kummissjoni ma kenitx konvinta li l-miżura kienet xierqa. Minn naħa waħda ma jidhirx li l-awtoritajiet Franċiżi qiesu biżżejjed il-miżuri alternattivi (taqsim taż-żona tariffarja, arloġġi intelliġenti, tisħiħ tal-grilja tat-twassil tal-elettriku). Min-naħa l-oħra kien hemm ukoll tħassib rigward in-natura restrittiva tal-miżura, immirata lejn it-tip ta' fornituri ta' kapaċità li setgħu jipparteċipaw għas-sejħa għal offerti (sejħa għal offerti limitata għal tip wieħed ta' teknoloġija — turbini ta' gass b'ċiklu kkumbinat). Fl-aħħar nett il-miżura ma twassalx biex titnaqqas id-domanda.

(52)

Rigward il-proporzjonalità, il-Kummissjoni wkoll uriet tħassib: in-natura restrittiva tas-sejħa għal offerti setgħet twaqqaf lill-kompetituri milli jipparteċipaw, u dan kien iwassal biex jitbaxxa l-ammont tal-għajnuna. Barra minn hekk, il-miżura ma kienet tipprevedi l-ebda mekkaniżmu ta' rkupru f'każ ta' profitti mhux mistennija.

(53)

Fl-aħħar nett, il-Kummissjoni wriet tħassib dwar il-kapaċità tal-miżura biex tipprevjeni l-effetti negattivi mhux mixtieqa fuq il-kompetizzjoni u l-kummerċ bejn l-Istati Membri. L-ewwel nett, il-miżura ma kenitx newtrali minn lat teknoloġiku. Fil-fatt eskludiet miżuri li wkoll setgħu jsolvu l-problemi tal-adegwatezza tal-kapaċità: it-tħassir, l-interkonnessjonijiet, is-soluzzjonijiet ta' ħżin, kif ukoll teknoloġiji oħra (turbini tal-kombustjoni). It-tieni nett, meta wieħed iqis il-possibbiltà li ngħatat lil Direct Energie li tbigħ l-enerġija prodotta lil EDF bi skont ta' 5 % minflok ma tikkummerċjalizzah hi stess, il-Kummissjoni wriet tħassib dwar ir-riskju li tissaħħaħ il-pożizzjoni ta' EDF fis-suq tal-forniment tal-enerġija.

(54)

Il-Kummissjoni rċeviet 58 tweġiba mingħand il-partijiet interessati minbarra l-Istat Franċiż matul il-perjodu ta' konsultazzjoni dwar id-deċiżjoni ta' ftuħ. Dawn it-tweġibiet differenti nġabru skont is-suġġett tagħhom hawn taħt. Dawn se jiġu indirizzati matul l-evalwazzjoni tal-miżura.

(55)

Disgħa u tletin parti interessata jqisu li l-awtoritajiet Franċiżi stmaw ir-riskju ta' qtugħ tad-dawl iżżejjed. Fil-fatt, lanqas waqt it-temp kiesaħ eċċezzjonali tal-2012 ma seħħ dan il-qtugħ tad-dawl. Il-qtugħ li seta' seħħ fit-territorju Bretonu kien ikkawżat minn elementi li ma għandhomx x'jaqsmu mal-funzjonament tal-grilja (bħall-waqgħa ta' siġar). Fl-aħħar ħsara serja magħrufa fi Franza, li seħħet fl-1978, inqata' d-dawl fi tliet kwarti tal-pajjiż għal diversi sigħat, imma din is-sitwazzjoni qatt ma reġgħet irrepetiet ruħha, u RTE ħadet il-miżuri meħtieġa biex ma jerġa' jirrepeti ruħu l-ebda inċident ta' dan it-tip.

(56)

Min-naħa l-oħra, kummenti oħra mill-partijiet interessati enfasizzaw il-kompatibbiltà tal-miżura mal-għan ta' interess komuni. Madwar għoxrin minnhom qiesu li s-sigurtà tal-forniment fil-Bretanja mhijiex effettiva. Is-sitwazzjoni ġeografika partikulari tal-Bretanja, li tinsab fit-tarf tal-linja, flimkien ma' produzzjoni tal-elettriku lokali dgħajfa, ma jkoprux iktar minn 13,3 % tal-konsum (16). Il-faċilità ta' produzzjoni tagħha hija kkaratterizata wkoll min-nuqqas ta' impjanti bażi li kapaċi jkopru d-domanda b'mod awtonomu, u dan jiġġustifika l-ħolqien tal-impjant tat-tip CCG. Fil-fatt, għalkemm kien hemm żieda fil-produzzjoni tal-enerġija fir-reġjun mir-riżorsi tal-enerġija rinnovabbli, in-natura diskontinwa tagħhom kienet teħtieġ il-ħolqien ta' impjant ta' produzzjoni bażi sabiex itaffi l-inkapaċità eventwali tagħhom li jissodisfaw il-waqtiet l-aktar intensivi tad-domanda.

(57)

Ċerti partijiet iġġustifikaw in-nuqqas tal-ħtieġa tal-miżura permezz ta' disinn ħażin tal-grilja fir-reġjun. Hemm konġestjonijiet qawwija fil-linji ta' 225 kV fit-Tramuntana tal-Bretanja. Għaldaqstant, diversi partijiet iqisu li l-bini futur ta' linja tal-elettriku taħt l-art ta' 225 kV li tgħaqqad is-substazzjonijiet ta' Calan (Morbihan), Mûr-de-Bretagne u Plaine-Haute (Côtes d'Armor) tassigura l-provvista tal-elettriku fil-Bretanja billi timporta 700 MW addizzjonali fil-Bretanja, u billi tiffaċilita t-twassil tajjeb tal-elettriku mill-istallazzjonijiet ta' enerġija rinnovabbli tar-reġjun (fuq l-art u fil-baħar). Il-funzjonament tagħha, li hija mistennija għal Novembru tal-2017, jikkompleta l-grilja elettrika tar-reġjun u jiżgura b'mod durabbli l-provvista tat-Tramuntana u taċ-Ċentru tal-Bretanja.

(58)

Jiddikjaraw li reġjunijiet oħra Franċiżi wkoll jimpurtaw l-elettriku b'mod sinifikanti: l-Île-de-France, il-Bourgogne-Franche-Comté u, fuq skala iżgħar, il-Pays de la Loire u r-reġjun Provence-Alpes-Côte d'Azur (“PACA”). F'dawn ir-reġjuni, l-investimenti għat-tisħiħ tal-grilja ngħataw preferenza fil-konfront tal-ħolqien ta' impjant tal-produzzjoni ġdid. Pereżempju, ir-reġjun PACA għażel li jkollu xibka ta' sikurezza magħmula minn tliet linji elettriċi taħt l-art ta' 225 kV, u llum juża servizz tal-elettriku ta' prestazzjoni tajba u affidabbli daqs tal-bqija ta' Franza (17).

(59)

Għaldaqstant, diversi partijiet ineteressati jipproponu soluzzjoni ta' “grilja”: huma jqisu li rduppjar tal-linja ta' 400 kV Plaine Haute-Domloup jew tisħiħ tal-linja ta' 225 kV iżidu l-kapaċità tat-twassil u għaldaqstant jimportaw l-elettriku f'livell suffiċjenti biex tkun garantita s-sigurtà tal-forniment. Rigward din l-aħħar opzjoni, ENGIE tinnota li dan l-irduppjar tal-linja ta' 400 kV tforni kapaċità tat-twassil supplementari li tkun superjuri ħafna għall-bżonnijiet meħtieġa, anke fuq perjodu twil ta' żmien, u dan ma jgħinx il-ġustifikazzjoni tal-investiment. Għaldaqstant, it-tisħiħ tal-linja ta' 225 kV tkun aktar adattata għall-bżonnijiet reali, iżda xorta waħda jkun jenħtieġ tisħiħ f'parti sinifikantit al-grilja.

(60)

Diversi partijiet iqisu li t-tibdil fid-domanda jagħmel il-miżura mhux neċessarja biex jintlaħaq l-għan tas-sigurtà tal-forniment:

(61)

Min-naħa l-oħra, ċerti partijiet interessati li huma favur il-proġett jistrieħu fuq it-tbassir ta' żieda demografika fil-Bretanja, flimkien ma' sensittività tat-temperatura qawwija, biex jiġġusitifikaw il-ħtieġa tal-miżura bħala reazzjoni għaż-żieda mistennija fid-domanda.

(62)

Ċerti partijiet interessati jqisu li t-tibdil fil-produzzjoni jagħmel il-miżura mhux meħtieġa:

(63)

Għoxrin parti qiesu li, min-naħa l-oħra, it-tibdil fil-produzzjoni jiġġustifika t-tqegħid fis-seħħ tal-miżura. Fil-fatt, ħames partijiet interessati favur il-proġett semmew li l-uniċi impjanti ta' produzzjoni li huma attwalment preżenti fil-Bretanja huma t-TAC ta' Brennilis u Dirinon. Huma jqisu l-miżura meħtieġa aktar minn qatt qabel speċjalment billi t-TAC wasal fit-tmiem il-ħajja tagħhom billi jibqgħu jaħdmu sa mhux aktar mill-2023. Għaldaqstant, minħabba l-għeluq mistenni tagħhom jenħtieġ li jkun hemm ħsieb għal alternattiva minn qabel biżżejjed. Fil-fatt, tliet partijiet favur il-bini tal-impjant tat-tip CCG ifakkru li dawn it-turbini tal-fjuwil iridu jieqfu mhux aktar tard mill-2023 minħabba raġunijiet ambjentali u li għaldaqstant din ma hija xejn ħlief soluzzjoni qasira u mhux soddisfaċenti biex jiġi żgurat l-għan tas-sigurtà tal-forniment tar-reġjun.

(64)

Diversi partijiet interessati kkontestaw l-adegwatezza tal-miżura:

(65)

Il-partijiet favur il-proġett għandhom dan l-argument:

(66)

Skont it-Taqsima 3.2.4 tal-EEAG, il-miżura għandha effett ta' inċentiv jekk tħeġġeġ lill-benefiċjarju jibdel l-imġiba tiegħu biex itejjeb il-funzjonament tas-suq tal-enerġija. Dan it-tibdil ma jsirx mingħajr l-għajnuna.

(67)

ENGIE tqis li l-effett ta' inċentiv tal-miżura huwa wieħed negattiv. Il-primjum joħloq sinjal ekonomiku negattiv fis-suq tal-elettriku fi Franza billi jħeġġeġ lill-impjant jipproduċi aktar mill-ħtiġijiet reali tas-suq u għaldaqstant jeskludi operaturi oħrajn mis-suq.

(68)

In-nuqqas ta' proporzjonalità huwa enfasizzat minn diversi partijiet interessati:

(69)

Barra minn hekk, ENGIE tenfasizza li l-proġett ta' Landivisiau jibbenefika minn primjum tal-konnessjoni tal-gass li jvarja minn EUR 40 000/MW/sena u EUR 50 000/MW/sena li huwa mistenni jikkumpensa għall-investiment fil-bini tal-pipeline tal-gass sa ammont ta' EUR 100 miljun. Din ir-remunerazzjoni twassal għal rata interna ta' redditu (IRR) li tvarja bejn 9,8 % (fil-każ ta' EUR 40 000/Mw/sena mingħajr inflazzjoni tat-tariffa) u 16,5 % (fil-każ ta' EUR 50 000/Mw/sena b'inflazzjoni tat-tariffa). ENGIE tqis li tali livell ta' remunerazzjoni huwa għoli ħafna b'paragun mar-riskju baxx ħafna meħud minn CEB peress li l-primjum tal-konnessjoni tal-gass jikkostitwixxi dħul garantit mill-Istat Franċiż mingħajr riskju ieħor għajr dak tad-disponibbiltà tas-CCG ta' Landivisiau. Imqabbel ma' dan, fir-rigward tas-sejħa ta' offerti rigward l-installazzjonijiet eoliċi fil-baħar fi Franza metropolitana, il-profitabbiltà tal-konnessjoni tal-RTE m'għandhiex taqbeż livell ta' profitabbiltà ta' qabel it-taxxa ta' 7,25 % (jew rata ta' wara t-taxxa ta' 5,5 %). B'hekk, il-profitabbiltà wara t-taxxa tal-proġett de Landivisiau li tvarja bejn 9,8 % u 16,5 % taqbeż bil-kbir dawn il-limiti (19). Primjum tal-konnessjoni tal-gass ta' EUR 23 000/Mw/sena mingħajr inflazzjoni kien ikun biżżejjed skont ENGIE biex tiġi garantita rata ta' qligħ qabel it-taxxi ta' 7,25 %.

(70)

L-effett fuq il-kompetizzjoni ġie żviluppat skont iż-żewġ perspettivi mill-partijiet interessati. Iż-żewġ perspettivi jopponu, minn naħa fuq l-effett tal-għajnuna fuq il-kompetizzjoni eżistenti bejn il-produtturi, u min-naħa l-oħra bejn it-teknoloġiji użati għad-detriment tas-sorsi tal-enerġija li l-inqas li jniġġsu.

(71)

Fir-rigward tal-effett potenzjalment imxekkel fuq il-kompetizzjoni, ENGIE tikkunsidra li l-għajnuna se tgħin biex tissaħħaħ il-pożizzjoni dominanti ta' EDF.

(72)

Fid-deċiżjoni tal-ftuħ tagħha, il-Kummissjoni fakkret li l-EEAG jeħtieġu li l-miżura ta' għajnuna ppjanata ma ssaħħaħx indebitament id-dominanza tal-operatur ewlieni fis-suq. Għalhekk, il-Kummissjoni fakkret li fi Franza, “is-swieq tal-produzzjoni u t-twassil tal-elettriku huma kkonċentrati ħafna u ddominati mill-operatur ewlieni, EDF, li bħalissa jikkontrolla madwar 85 % tas-suq bl-imnut u iktar minn 90 % tas-suq tal-produzzjoni tal-elettriku” (19). Fil-fatt, il-ħlas ta' saldu addizzjonali maħsub biex ikopri n-nuqqas ta' profitabbiltà ta' impjant tat-tip ċiklu kombinat fi Franza se jwassal għal distorsjoni tal-kompetizzjoni fir-rigward tal-istokk ta' ċikli kombinati eżistenti li iżda ma jibbenefikaw minn l-ebda sussidju. Din ser tipprovdi wkoll ostaklu għad-dħul ta' produtturi ġodda fis-suq li mhux se jkunu jistgħu jħallsu l-ispejjeż neċessarji għat-tħaddim tal-installazzjonijiet waħedhom. Hu u jikoraġġixxi deċiżjonijiet ta' investiment eventwali fis-suq tal-elettriku, is-sejħa għal offerti prevista mhijiex se tippermetti li jitranġa, b'mod effikaċi, il-falliment identifikat tas-suq iżda fuq kollox, se ssaħħaħ il-pożizzjoni dominanti ta' EDF, l-uniku produttur sussettibbli li jiskansa d-diżattivazzjoni temporanja tal-installazzjonijiet tiegħu minkejja t-tnaqqis inevitabbli tal-profitabbiltà tagħhom fil-ġejjieni. Barra minn hekk, ENGIE tikkunsidra li l-pożizzjoni dominanti ta' EDF tista' biss tissaħħaħ permezz tal-mekkaniżmu ta' opzjoni ta' xiri tal-elettriku imponuta fuqha. Għalhekk, CEB se tkun inċentivata tbigħ l-elettriku prodott lill-operatur ewlieni milli lil operaturi oħra fis-suq.

(73)

Għall-kuntrarju, bosta partijiet interessati jenfasizzaw il-fatt li l-miżura li tibbenefika lil Direct Energie, fornitur alternattiv b'sehem żgħir fis-suq fi Franza, se jkollha impatt limitat fuq il-kompetizzjoni.

(74)

Fir-rigward tal-effett potenzjalment imxekkel fuq il-miżura rigward it-tip ta' teknoloġika wżata, bosta partijiet ikkritikaw l-għażla teknoloġika fil-kuntest tas-sejħa għal offerti, li għandu bħala riżultat is-sussidju ta' bini ta' impjant ta' produzzjoni ta' skart u li għalhekk jirriskja li jippreġudika l-iżvilupp tal-enerġiji rinnovabbli.

(75)

It-tweġibiet tal-awtoritajiet Franċiżi għad-Deċiżjoni tal-ftuħ datata s-17 ta' Diċembru 2016 tirreferi minn naħa għall-kwalifika tas-Servizz ta' Interess Ekonomiku Ġenerali (SIEG) u min-naħa l-oħra għall-kompatibbiltà tal-miżura mal-linji gwida dwar l-għajnuna mill-Istat dwar l-enerġija u l-ambjent.

(76)

Franza tinnota li theddida għas-sigurtà tal-provvista tal-enerġija fil-Brittanja kienet identifikata b'mod ċar permezz tar-rapporti ta' monitoraġġ dwar l-ekwilibriju bejn il-provvista u d-domanda kif ukoll mill-fornitur tan-netwerk (20) fir-rapporti previsti tagħha tal-bilanċ bejn il-provvista u d-domanda. Dawn ir-riskji ġew ikkonfermati minkejja l-fallimenti li seħħew bejn l-istudji ta' adegwatezza u r-realtà.

(77)

Skont l-awtoritajiet Franċiżi, Bretanja għandha, minn naħa, distakk kbir fil-kapaċità li twassal l-importazzjoni tal-biċċa l-kbira tal-elettriku tagħha minn reġjuni oħra. Min-naħa l-oħra, il-konsum ta' elettriku Bretanja qed jiżdied b'mod ħafna aktar mgħaġġel mill-konsum Franċiż minħabba l-iżvilupp demografiku li wassal għal sensibilizzazzjoni ikbar fil-konsum reġjonali dovuta għall-kesħa kbira.

(78)

Barra minn hekk, il-konfigurazzjoni ġeografika tal-peniżola ta' Bretanja tillimita l-possibilitajiet ta' trażmissjoni tal-elettriku u skont l-awtoritajiet Franċiżi, iddgħajjef l-istabbiltà tal-vultaġġ tan-netwerk. Il-vultaġġ huwa wieħed mill-parametri prinċipali tas-sigurtà tas-sistema tal-elettriku. Minħabba li l-elettriku jiġi trażmess lejn Bretanja fuq distanza kbira (minn Val de Loire u l-estwarju tal-Loire), iċ-ċirkolazzjoni tal-kurrent fil-linja tikkawża waqgħa fil-voltaġġ, b'dan ikun l-iktar baxx f'tarf il-linja milli kien fil-bidu tal-linja u li għalhekk iwassal għal diversi konsegwenzi: żieda fit-telf tat-trażmissjoni, tnaqqis fil-kwalità tal-mewġ lokali.

(79)

L-awtoritajiet Franċiżi wara enfasizzaw in-nuqqasijiet li jaffettwaw id-deċiżjonijiet operattivi u tal-investiment kif ukoll is-suq tal-elettriku fi Franza u fi Bretanja: nuqqas ta' sistema ta' kejl li jippermetti gwida tal-konsum f'ħin reali; nuqqas ta' oqsma differenti ta' prezzijiet li rriflettew il-limiti fin-netwerk; sinjali tal-prezzijiet insuffiċjenti biex tħeġġeġ id-diversifikazzjoni tal-provvista tal-elettriku mill-investituri privati; ġrajjiet li jistgħu jkollhom impatt fuq il-kundizzjonijiet ta' finanzjament tal-investimenti privati. Barra minn hekk, l-introduzzjoni ta' żona ta' suq fi Bretanja, skont l-awtoritajiet Franċiżi, ma tosservax il-kundizzjonijiet normali tas-suq peress li ma toħloqx is-sinjali tal-prezzijiet speċifiċi għal investituri privati fiż-żoni fejn il-ħtiġijiet ta' vultaġġ huma l-iktar għoljin.

(80)

Franza tinnota li l-obbligu ta' nondiskriminazzjoni huwa rispettat minħabba li dan, skont l-awtoritajiet Franċiżi, ma jinkludix it-teknoloġiji, imma l-intrapriżi.

(81)

Fir-rigward tad-dimensjonar tal-kapaċità, l-awtoritajiet Franċiżi jinnotaw li n-nuqqas ta' kapaċità se jkun agħar minħabba l-għeluq bikri tat-TACs ta' Brennilis u ta' Dirinon (320 MW), kif ukoll il-limitazzjoni tal-kapaċitajiet fuq is-sit Cordemais (1 400 MW għaż-żewġ partijiet) għal raġunijiet ambjentali. Id-defiċit huwa stmat bejn 200 MW u 600 MW fuq il-perjodu 2017-2020. Il-waqfien tagħhom isir b'ċertezza sa mhux aktar tard mill-2023.

(82)

L-awtoritajiet Franċiżi jqisu li s-sejħa għal offerti mhijiex ser tolqot id-deċiżjonijiet ta' investiment li jirrigwardaw it-teknoloġiji l-oħra minħabba li l-miżura għandha biss l-għan li tikkumpensa l-ispejjeż speċifiċi għat-teknoloġija użata (l-iktar, it-tisħiħ tan-netwerks tal-gass) kif ukoll il-limitazzjonijiet ta' żmien għall-kostruzzjoni li mhumiex appoġġjati minn teknoloġiji oħra.

(83)

Għall-istess raġunijiet, Franza tenfasizza li s-sejħa għal offerti ma ssaħħaħx il-“missing money” għall-kapaċitajiet l-oħra sa fejn dan huwa intiż biss biex jikkumpensa l-ispejjeż żejda speċifiċi għat-teknoloġija użata (GCC). Barra minn hekk, minħabba l-għeluq ta' erba' impjanti tat-Tip TAC sal-2023, l-impatt tal-introduzzjoni ta' impjant ġdid GCC f'Landivisiau se jillimita l-impatt fuq il- “missing money”.

(84)

Għall-kuntrarju tal-punt (76) tad-deċiżjoni tal-ftuħ, Franza tikkunsidra li l-miżura mhijiex diskriminatorja. Hija għarrfet li l-miżura ma kinitx teknoloġikament newtrali minħabba li s-sejħa għal offerti timponi r-rikors għat-teknoloġija GCC. Madankollu, Franza tikkunsidra li l-osservanza tal-obbligu tan-nondiskriminazzjoni tad-Direttiva 2009/72/KE ma timplikax l-interdizzjoni fl-għażla ta' teknoloġija partikolari fil-kuntest ta' sejħa għal offerti għal kapaċità ta' produzzjoni sakemm l-intrapriżi kollha jistgħu jaċċedu għal din it-teknoloġija.

(85)

Finalment, l-investimenti fit-tisħiħ tan-netwerk tal-gass se jiffaċilitaw l-impjantazzjoni ta' mezzi kumplimentari li joperaw bil-gass naturali.

(86)

Skont l-awtoritajiet Franċiżi, l-ewwel nett, l-introduzzjoni ta' mekkaniżmu ta' restituzzjoni kienet tnaqqas it-tamiet għal introjti mistennija mill-kandidati għal bejgħ tal-elettriku fis-suq u kienet twassalhom biex jitolbu premium ogħla. It-tieni nett, l-awtoritajiet jenfasizzaw li minħabba r-rabta qawwija, għat-teknoloġija GCC, bejn il-prodotti u l-ispejjeż tal-gass, l-IRR tal-proġett hija relattivament inflessibbli għall-bidliet fil-fatturat. L-awtoritajiet Franċiżi saħqu r-raġunijiet prattiċi: Kien ikun diffiċli li jintroduċu dan il-mekkaniżmu a posteriori u l-introduzzjoni tiegħu tista' toħloq inċertezza legali.

(87)

It-tieni nett, l-awtoritajiet Franċiżi jqisu li l-għadd ta' siti eliġibbli li jistgħu jilqgħu kandidat kien kbir biżżejjed biex l-ebda kandidat ma jiġi eskluż. Iż-żona eliġibbli tista' tiġi stmata bejn 2 000 km2 u 4 000 km2 ta' art libera, meta mqabbla mal-15-il ettaru meħtieġa għall-kostruzzjoni ta' sit għal GCC. Il-kandidati setgħu wkoll jagħżlu siti oħra billi jitolbu modifiki tal-Pjan Lokali tal-Iżvilupp Urban fil-limiti kompatibbli ma' dawk stabbiliti permezz tas-sejħa għal offerti. Skont l-awtoritajiet Franċiżi, l-ebda kandidat għas-sejħa għall-offerti ma ġie impedit milli jdaħħal il-kandidaturi tiegħu minħabba nuqqas ta' sit.

(88)

Franza tillimita r-rwol ta' kriterji ambjentali fl-għażla tar-rebbieħ bil-varjetà ta' azzjonijiet possibbli li kandidat jista' jimplimenta biex jakkwista marka sodisfaċenti fil-kriterju ambjentali. Dawn il-kriterji josservaw ukoll li t-tliet fajls ta' applikazzjoni mressqa lill-Kummissjoni ta' Regolazzjoni tal-Enerġija kisbu marki ekwivalenti fuq dan il-kriterju ambjentali.

(89)

Fir-rigward tal-karattru potenzjalment diskriminatorju għall-għażla tat-teknoloġija, l-awtoritajiet jirrilevaw in-natura mifruxa fl-Ewropa u l-aċċessibbiltà tiegħu. L-awtoritajiet Franċiżi imbagħad jenfasizzaw li inkonsiderazzjoni tal-prossimità bejn it-teknoloġiji kkunsidrati (OCG (21), GCC, TAC), ma hemm l-ebda kandidat esklussivament speċjalizzat f'teknoloġija tal-gass u li kien ikun jista' jqis lilu nnifsu diskriminat minħabba l-miżura. Ir-rispett lejn in-newtralità teknoloġika għalhekk mhix se tiġi kontrobilanċjata.

(90)

L-awtoritajiet Franċiżi jfakkru li l-għan ta' din il-miżura hija li tassigura l-provvista tal-elettriku ta' Bretanja permezz ta' żewġ elementi: tassigura minn naħa, il-bilanċ bejn il-provvista u d-domanda u tiggarantixxi l-istabbiltà tal-vultaġġ tan-netwerk min-naħa l-oħra.

(91)

L-awtoritajiet Franċiżi jispeċifikaw li l-bilanċ bejn il-provvista u d-domanda se jkun garantit mill-miżura li se tikkontribwixxi għat-titjib tal-kapaċitajiet ta' produzzjoni, li dawn iridu jkunu disponibbli fil-punt ta' konsum u b'mod partikolari, fil-Punent tar-reġjun (il-provvista tilħaq id-domanda tal-potenza reattiva).

(92)

L-awtoritajiet Franċiżi jinnotaw fl-aħħar nett li l-fatt li l-ebda telf tal-provvista tal-enerġija ma ġiet osservata fil-passat ma jiġġustifikax li ma tittieħed l-ebda miżura kontra t-theddid potenzjali u identifikati.

(93)

L-awtoritajiet Franċiżi jiġġustifikaw l-ewwel nett, in-neċessità tal-miżura permezz ta' elementi kwantifikati. Fil-każ ta' għeluq ta' erba' TAC ta' Brennelis u Dirinon u taqsimiet tal-fjuwil fuq is-sit ta' Cordemais, id-defiċit residwali jiġi stmat bejn 200 MW u 600 MW kull sena, fuq il-perjodu 2017–202. Dawn l-impjanti għandhom jiġu adottati sa mhux aktar tard mill-2023.

(94)

It-tieni nett, Franza tiġġustifika l-ħtieġa tal-miżura minn fallimenti tas-suq, murija l-iktar min-nuqqas ta' investiment fi Bretanja minkejja l-eżistenza ta' ħtieġa għall-komunità.

(95)

It-tielet nett, l-awtoritajiet Franċiżi jqisu li l-ħtieġa ma tikkonċernax il-ħolqien ta' żona ta' prezzijiet għal Bretanja. L-ewwel nett, din iż-żona li tkopri Bretanja kollha ma tippermettix li twieġeb għall-għan ta' żamma ta' vultaġġ fi ħdan dik iż-żona. It-tieni nett, tali żona, ristretta fil-Punent ta' Bretanja minħabba n-nuqqas ta' konġestjoni fuq tranżiti mal-bqija ta' Bretanja, ma timplikax is-sinjali tal-prezzijiet suffiċjenti sabiex jixprunaw l-investiment. Skont Franza, din iż-żona fil-fatt, tippreżenta attrazzjoni limitata minħabba d-daqs żgħir wisq biex tiġbed il-fornituri ż-żgħar. Ma hemm l-ebda ċertezza li ż-żona tal-prezzijiet tiżvela l-valur reali ta' mezz ta' produzzjoni fi Bretanja u twassal biex wieħed jinvesti hemmhekk minħabba l-livell baxx ta' okkorrenzi ta' konġestjoni fin-netwerk. Bl-istess mod, ma hemm l-ebda ċertezza dwar il-fatt li dan l-investiment isir b'inqas spejjeż mill-komunità meta mqabbel ma' sejħa għall-offerti ta' darba. Fl-aħħar nett l-awtoritajiet jenfasizzaw l-ispejjeż maħluqa minħabba l-ħolqien ta' żona ta' prezz speċifiku għal Bretanja: aġġustamenti neċessarji fis-swieq bl-ingrossa, allokazzjonijiet ta' drittijiet ta' tariffi tat-trażmissjoni, aġġustament tariffarju (22) sabiex ma jiġux penalizzati l-konsumaturi ta' Bretanja. Id-dewmien fl-istabbiliment fl-aħħar mill-aħħar jistgħu ma jikkorrispondux għall-ħtiġijiet fuq medda iqsar tal-istabbiliment ta' sigurtà fil-provvista tal-elettriku tas-sistema ta' Bretanja.

(96)

Ir-raba' nett, l-awtoritajiet Franċiżi jinnutaw li l-produzzjoni ta' Bretanja hija rinnovabbli fil-maġġoranza tagħha permezz tal-enerġija mir-riħ. Il-ġestjoni tal-intermittenza tikkostitwixxi għalhekk sfida dejjem akbar fi Bretanja li teħtieġ iktar u iktar id-disponibbiltà ta' mezzi flessibbli bħal l-GCC ta' Landivisiau.

(97)

Il-ħames nett, il-bini ta' mezz ta' produzzjoni fi Bretanja jista' jkun ta' benefiċċju għall-konsumaturi kollha Franċiżi barra l-perijodi tal-konġestjoni tan-netwerk billi jillimita r-riskju ta' waqgħa fil-vultaġġ billi jikkontribwixxi għat-tnaqqis tat-telf online u billi jtejjeb b'mod globali l-livell ta' adegwatezza tal-kapaċità.

(98)

Is-sitt nett, Franza temmen li l-ħtieġa tal-miżura hija sostnuta mill-ħtieġa li tevita kollass tal-vultaġġ fi Bretanja kollu li jista' jpatti l-uniku ħolqien ta' linji tal-elettriku.

(99)

L-awtoritajiet Franċiżi jenfasizzaw, fl-aħħar nett, li minħabba l-għeluq ta' TACs ta' Brennilis u Dirinon, il-varjazzjoni fil-kapaċità termika fir-reġjun ser tkun baxxa, fl-ilma ta' 100 MW. F'dan il-kuntest, l-impatt fuq “missing money” ser ikun baxx ħafna.

(100)

Fir-rigward tar-remunerazzjoni, l-awtoritajiet Franċiżi jikkunsidraw li din hija adattata peress li hija remunerazzjoni tal-kapaċità u għalhekk ma tiffornixxi l-ebda inċentiv għall-produzzjoni.

(101)

Il-frazzjonament taż-żona tariffarja ma tkunx xierqa, speċjalment biex tiġi żgurata ż-żamma tal-vultaġġ, bħal ma hu spjegat fil-premessa 95.

(102)

Jekk l-awtoritajiet Franċiżi ma jikkuntestawx li l-miżura nnotifikata hija selettiva, huma xorta waħda jqisu li, minn naħa, it-teknoloġija magħżula tinsab fl-aħjar pożizzjoni biex tindirizza l-ħtieġa identifikata u li hija b'hekk ġiet magħżula wara sejħa għal offerti teknoloġikament newtrali u li, min-naħa l-oħra, il-miżura ma tiħux post l-iżvilupp ibbilanċjat u ġust tat-teknoloġiji kollha neċessarji għas-sigurtà tal-provvista, inkluż ir-reazzjoni, l-interkonnetturi u l-ħażna.

(103)

Barra minn hekk, il-qawwa ta' 450 MW, skont Franza, hija ġġustifikata mill-kriterju ta' nuqqas ta' kapaċità waqt l-ogħla konsum (eż: il-previżjonijiet ta' RTE 2012).

(104)

L-adegwatezza tat-teknoloġija imbagħad tiġi pprovata mill-karatteristiċi tekniċi meħtieġa biex tindirizza l-ħtiġijiet speċifiċi: dewmien ta' ħmistax-il siegħa fil-mobilizzazzjoni (magna wieqfa) jew ta' sagħtejn (magna operattiva); skadenzi minimi għall-offerti ta' aġġustament inferjuri jew indaqs għal tliet sigħat (operattiv) jew tmien sigħat (imwaqqfa). Ma hemmx limitu ta' tul ta' żmien massimu għall-attivazzjoni ta' offerti ta' aġġustament. L-awtoritajiet Franċiżi jsostnu li t-teknoloġiji l-oħra (ċiklu miftuħ, TAC) u r-reazzjonijiet ma jistgħux jirrispondu b'mod sodisfaċenti għal dawn l-esiġenzi tekniċi.

(105)

Skont l-awtoritajiet Franċiżi, Franza ma tistax tiġi akkużata li ma ikkunsidratx teknoloġiji oħra fis-sejħa għall-offerti bħal dik dwar il-GCC (23). L-awtoritajiet Franċiżi jinvokaw l-Artikolu 194 tat-TFUE li tistabbilixxi li l-miżuri adottati mill-Unjoni Ewropea ma jistgħux jaffettwaw id-dritt ta' Stat Membru li jiddetermina l-istruttura ġenerali tal-provvista tal-enerġija tiegħu: l-għażla ta' impjant li jaħdem bil-gass taqa' fil-kompetenza nazzjonali u ma tistax tikkostitwixxi raġuni li żżommu lura mill-miżura.

(106)

Fir-rigward tar-reazzjonijiet, l-awtoritajiet Franċiżi jqisu li wieħed mill-għanijiet tal-miżura hija ż-żamma tal-vultaġġ lokali li tista' tiġi żgurata biss b'injezzjoni tal-elettriku lokali li fiha ma jistax ikun hemm kapaċitajiet ta' reazzjoni.

(107)

It-teknoloġiji l-oħra ma setgħux jiġu aċċettati mingħajr ma jitolbu primjum ogħla.

(108)

It-teknoloġija tal-GCC hija ġġustifikata mill-ammont kbir ta' sigħat ta' użu biex jimmantjenu l-livell ta' vultaġġ. It-TAC huma kompetittivi għal mitt siegħa biss. Il-ħtiġijiet ta' provvista tal-gass jiġġustifikaw ukoll l-użu ta' din it-teknoloġija: TAC kien ikollu bżonn 50 % ta' aktar gass. L-OCG jiswa inqas minn GCC, iżda l-ispejjeż għoljin ta' provvista tal-gass jiġġustifikaw l-użu ta' makkinarju aktar effiċjenti.

(109)

It-teknoloġija tar-reazzjoni mhijiex kumpatibbli mal-ħtieġa operattiva ta' ftit eluf ta' sigħat. Din lanqas ma tippermetti li tiġi żgurata l-ħtieġa tal-produzzjoni. L-istess japplika għall-moduli ta' ġenerazzjoni rinnovabbli intermittenti minħabba n-natura mhux “kontrollabli” tal-produzzjoni. It-teknoloġiji tal-ħżin deċentralizzati huma spejjeż ta' investiment għoljin wisq biex jikkompetu mal-GCC. Interkonnessjoni ġdida ma kinitx tkun suffiċjenti biex tikkompeti t-teknoloġija tal-GCC minħabba l-problema ta' vultaġġ.

(110)

Minbarra li l-kapaċitajiet eoliċi u fotovoltajċi huma wisq intermittenti biex jipproponu impenn ta' disponibbiltà bi prezz kompetittiv. Il-kapaċitajiet idrawliċi eżistenti huma wkoll intermittenti. Il-kapaċitajiet eżistenti tal-produzzjoni termali rinnovabbli diġà jibbenefikaw minn appoġġ mill-pubbliku u ma setgħux jieħdu sehem fis-sejħa għal offerti. Il-kapaċitajiet termali fossili kienu min-naħa tagħhom jirrikjedu investimenti kbar sal-2023. Skont l-awtoritajiet Franċiżi, dawn l-argumenti jenfasizzaw il-karattru xieraq tat-teknoloġija magħżula.

(111)

Franza tenfasizza li l-profitabbiltà tal-proġett, imkejla bit-TRI ta' [5-10] %, hija fil-livell inferjuri meta mqabbla mal-profitabbiltà meħtieġa mill-investituri għal dan it-tip ta' proġett.

(112)

F'dan ir-rigward, l-awtoritajiet Franċiżi ppreċiżaw li l-introduzzjoni ta' mekkaniżmu ta' restituzzjoni hija tard wisq u li l-introduzzjoni tiegħu, li se twassal għal tnaqqis fid-dħul, se twassal għal talba ta' ħlas ta' premium ogħla b'tali mod li l-impatt tagħha fuq il-profitabbiltà tal-proġett se jinnewtralizza ruħha.

(113)

Għal dawn ir-raġunijiet, Franza tqis li l-miżura hija ta' natura proporzjonata.

(114)

Skont Franza, il-miżura ma tnaqqasx l-inċentivi għall-investiment fil-kapaċitajiet ta' interkonnessjoni, l-iktar bejn Franza u l-Irlanda.

(115)

Barra minn hekk, il-miżura ma tkunx ta' tisħiħ tal-pożizzjoni dominanti tal-pożizzjoni dominanti ta' EDF. Fil-fatt ir-rebbieħ se jkollu interess ikbar biex jikkumerċjalizza l-eletrriku fis-suq huwa stess. Il-bejgħ tal-elettriku lil EDF b'rata mraħħsa ta' 5 %, imsemmi fil-premessa 53 huwa inqas vantaġġjuż mill-bejgħ b'rata ta' 100 % bil-prezz tas-suq. Għalhekk, din hija għażla legalment possibbli iżda mhux ekonomikament iġġustifikata.

(116)

L-awtoritajiet Franċiżi jqisu li din il-kontestazzjoni tal-proġett minn diversi partijiet interessati minħabba tkabbir iżgħar fil-konsum ma hijiex fondata. Fil-fatt, huma jenfasizzaw li l-konsum tal-elettriku fi Bretanja żdied b'9,9 % bejn l-2006 u l-2014 b'paragun ma' żieda medja ta' 2,9 % fi Franza. L-awtoritajiet Franċiżi jirreferu wkoll għal studju li skontu, Bretanja hija t-tielet l-aktar reġjun dinamiku fi Franza fir-rigward taż-żieda fil-konsum tal-elettriku (24).

(117)

Barra minn hekk, l-awtoritajiet Franċiżi jfakkru li l-istruttura partikolari tal-konsum tal-elettriku fir-reġjun, magħmul minn taqsima iktar importanti tas-setturi residenzjali u terzjarji, twassal għal aktar sensittività ogħla tal-konsum reġjonali meta tkun il-kesħa. Bretanja tirrapreżenta għalhekk 6,3 % taż-żieda fil-punt ta' konsum, filwaqt li tirrapreżenta 4,4 % biss tal-konsum annwali tal-elettriku.

(118)

It-tendenza ekonomika qed tmajna, il-progress tal-effiċjenza enerġetika mwettqa mill-evoluzzjoni tal-kuntest regolatorju qed jillimita t-tkabbir fid-domanda, li stabbilizzat ruħha għall-ewwel darba fl-2014. Għall-kuntrarju, l-evoluzzjoni ta' għadd ta' familji, meħuda minn demografija dinamika, l-evoluzzjoni ta' modi ta' ħajja bl-iżvilupp tat-teknoloġiji tal-informazzjoni u tal-komunikazzjoni, il-bidu tad-distribuzzjoni elettrika tal-vettura u l-iżvilupp ta' park b'pompi tas-sħana jagħtu spinta lid-domanda. Barra minn hekk, skont l-awtoritajiet Franċiżi, l-aħħar previżjonijiet ta' żieda fil-konsum tal-elettriku fi Bretagna jibqgħu ogħla mill-medja tal-pajjiż.

(119)

Fl-aħħar nett, l-awtoritajiet Franċiżi jindikaw li l-paraguni bejn il-previżjonijiet tal-PEB u l-konsum mwettaq għandhom isiru b'parametri identiċi. B'hekk, il-previżjonijiet tal-PEB kienu jinkludu l-konsum assoċjat mat-telf fin-netwerks, li ma ttiħidx kont tiegħu sistematikament mill-assoċjazzjonijiet li wieġbu lill-Kummissjoni meta dawn għamlu t-tqabbil. L-awtoritajiet Franċiżi jqisu li dan l-iżball wassal għal żball fl-entrati. Barra minn hekk, huma jqisu li għadd ta' assoċjazzjonijiet jibbażaw fuq evalwazzjonijiet żbaljati, speċjalment f'dak li jikkonċerna d-disponibbiltà ta' enerġiji intermittenti, li ma kienux se jieħdu post l-evalwazzjonijiet magħmula minn RTE.

(120)

Bħalma huwa spjegat fil-premessa 68(2), ċerti partijiet interessati jqisu li l-finanzjament tal-miżura hija illegali, b'mod partikolari, li s-CSPE tkun esklużivament irriżervata għall-finanzjament ta' enerġiji rinovabbli.

(121)

L-awtoritajiet Franċiżi jikkontestaw din l-allegazzjoni. Fil-fatt:

(122)

Fl-aħħar nett, skont l-awtoritajiet Franċiżi, ir-riforma tas-CSPE fi tmiem l-2015 ma biddlitx dawn l-indikazzjonijiet. Il-finanzjament tal-miżura se jitwettaq minn approprjazzjonijiet baġitarji.

(123)

Kif żviluppat fil-premessa (74), ENGIE tikkunsidra li s-sejħa għal offerti ser issaħħaħ il-pożizzjoni dominanti tal-grupp EDF minħabba l-fatt li se jkun l-uniku produttur sussettibbli li jiskansa d-diżattivazzjoni temporanja tal-installazzjonijiet tiegħu minkejja t-tnaqqis inevitabbli tal-profitabbiltà tagħhom fil-ġejjieni. Għall-kuntrarju, l-awtoritajiet Franċiżi jqisu li l-wasla ta' attur ġdid fis-suq tal-produzzjoni tgħin biex tiżviluppa l-kompetizzjoni.

(124)

Bosta partijiet interessati qiesu li d-dibattitu pubbliku dwar il-proġett ma kienx biżżejjed. Għall-kuntrarju tagħhom, l-awtoritajiet Franċiżi jikkunsidraw li l-proċedura tad-dibattitu pubbliku hija sodisfaċenti. Għaldaqstant:

(125)

L-awtoritajiet Franċiżi jqisu li l-affermazzjoni ta' parti interessata li s-sejħa għal offerti ma kinitx trasparenti għaliha, sa fejn il-għan tal-primjum ma kienx definit b'mod ċar, ma hijiex fondata.

(126)

Skont din il-parti, filwaqt li l-primjum kien intiż biss biex ikopri l-ispejjeż żejda marbuta mal-lokalizzazzjoni tal-istallazzjoni, it-trażmissjoni tal-elettriku u d-data prevista tal-operat, ċerti kandidati talbu saldu addizzjonali fl-offerta tagħhom li jikkumpensaw in-nuqqas ta' qligħ mill-impjant. Flus addizzjonali ma kienx ikun konformi mal-ispeċifikazzjoni u kien jintroduċi distorsjoni fil-kompetizzjoni fir-rigward tal-istokk ta' ċikli kkumbinati eżistenti u għalhekk, kien joħloq preġudizzju.

(127)

L-awtoritajiet Franċiżi fakkru li l-kandidat magħżul jista' jitħallas biss mill-ammont tal-premjum propost. Kull kandidat li jitlob ħlas addizzjonali għal dak tal-primjum fiss, li huwa perfettament deskritt fl-ispeċifikazzjonijiet, ma jkunx konformi. L-ebda ħlas addizzjonali (“saldu”) ma jista' jiġi previst u barra minn hekk, lanqas ma jista' jitqies fl-evalwazzjoni tal-kriterju primjum. Dan il-punt ġie mfakkar mis-CRE b'risposta għal domanda magħmula minn kandidat fil-kuntest tal-proċedura ta' sejħa għal offerti.

(128)

Skont l-awtoritajiet Franċiżi, dan il-punt ma huwiex is-suġġett ta' diffikultajiet ta' interpretazzjoni min-naħa tal-kandidati li ssottomettew offerta. Dawn kienu kapaċi jintegraw l-ispiża addizzjonali għad-dħul fis-servizz tal-installazzjoni f'kuntest ekonomiku degradat għall-ammont tal-primjum propost.

(129)

L-għajnuna tal-Istat hija definita fl-Artikolu 107(1) tat-TFUE bħala għajnuna, ta' kwalunkwe forma, mogħtija minn Stat Membru jew permezz ta' riżorsi tal-Istat, li twassal għal distorsjoni jew theddida ta' distorsjoni għall-kompetizzjoni billi tiffavorixxi ċerti impriżi jew ċerti produtturi, safejn tolqot il-kummerċ bejn l-Istati Membri.

(130)

Jirriżulta mill-premessa preċedenti li l-klassifikazzjoni ta' miżura bħala għajnuna mill-Istat tirrikjedi li dawn it-tliet kundizzjonijiet li ġejjin ikunu sodisfatti b'mod kumulattiv: (a) il-miżura għandha tkun imputabbli lill-Istat u ffinanzjata permezz tar-riżorsi tal-Istat; (b) il-miżura tagħti vantaġġ selettiv li jista' jiffavorixxi ċerti impriżi jew il-produzzjoni ta' ċerti prodotti; (c) il-miżura trid tfixkel jew thedded li tfixkel il-kompetizzjoni u jkollha l-potenzjal li taffettwa l-kummerċ bejn Stati Membri.

(131)

Biex titqies bħala għajnuna mill-Istat, miżura finanzjarja għandha tkun imputabbli lill-Istat Membru u mogħtija, direttament jew indirettament, permezz tar-riżorsi tal-Istat.

(132)

F'dan il-każ, huwa stabbilit li r-remunerazzjoni mogħtija lil CEB tingħadda fuq il-prezzijiet tal-bejgħ bl-imnut tal-elettriku permezz tas-CSPE (ara l-premessa 42).

(133)

Kif indikat fid-deċiżjoni ta' ftuħ, il-Kummissjoni kkonkludiet li s-CSPE hija riżorsa tal-Istat, billi din hija “kontribuzzjoni imposta mill-Istat, li tinġabar u hija ġestita minn entità maħtura mill-Istat biex iġġestixxi l-iskema ta' għajnuna skont ir-regoli stabbiliti mill-Istat”. Hekk kif iddeċidiet il-Qorti tal-Ġustizzja (25), il-fondi pprovduti permezz ta' kontribuzzjonijiet obbligatorji imposti mil-leġiżlazzjoni tal-Istat Membru, ġestiti u mqassma konformement ma' din il-leġiżlazzjoni, jistgħu jiġu kkunsidrati bħala riżorsi tal-Istat fis-sens tal-Artikolu 107(1) TFUE, anki jekk huma ġestiti minn entitajiet pubbliċi jew privati distinti mill-awtorità pubblika (26).

(134)

Fl-aħħar nett, il-miżura hija imputabbli lill-Istat peress li l-avviż ta' sejħa għal offerti kien ippubblikat mill-Ministru responsabbli mill-enerġija u dan tal-aħħar kellu l-għażla tal-kandidat.

(135)

Sabiex tkun tikkostitwixxi għajnuna mill-Istat fi ħdan it-tifsira tal-Artikolu 107(1) tat-TFUE, il-miżura għandha tkun ta' benefiċċju għall-impriża li tibbenefika minnha, li jfisser li din l-impriża ma setgħetx tikseb dan il-vantaġġ fil-kundizzjonijiet normali tas-suq, jiġifieri, fl-assenza ta' intervent mill-Istat.

(136)

L-awtoritajiet Franċiżi jqisu li l-miżura ma tikkostitwixxix vantaġġ ekonomiku li tissodisfa l-kriterji kollha stabbiliti fil-ġurisprudenza Altmark  (27). Fid-deċiżjoni ta' ftuħ tagħha, il-Kummissjoni kienet esprimiet dubji dwar din l-evalwazzjoni, u b'mod partikolari dwar jekk l-ewwel kriterju ġiex sodisfatt.

(137)

Jeħtieġ li l-ġurisprudenza Altmark  (27) tiġi evalwata jekk il-miżura inkwistjoni tagħti vantaġġ lil CEB.

(138)

Fis-sentenza Altmark, il-Qorti ddeċidiet li “sa kemm intervent mill-Istat għandu jkun ikkunsidrat bħala kumpens għas-servizzi pprovduti mill-impriżi benefiċjarji sabiex iwettqu obbligi ta' servizz pubbliku, b'mod illi dawn l-impriżi, fir-realtà ma jiħdux vantaġġ finanzjarju u li l-imsemmi intervent m'għandux għalhekk l-effett li jpoġġi tali impriżi f'pożizzjoni kompetittiva iktar favorevoli minn dik ta' impriżi kompetituri tagħhom, tali intervent ma jaqax fil-kamp ta' applikazzjoni tal-Artikolu 92(1) tat-Trattat” (28).

(139)

Bħala nota ta' tfakkir, l-awtoritajiet Franċiżi jqisu li l-miżura ma tikkostitwixxix vantaġġ ekonomiku li tissodisfa l-kriterji kollha stabbiliti fil-ġurisprudenza Altmark.

(140)

Fil-fatt, skont il-Qorti tal-Ġustizzja (29), sabiex kumpens għal servizz pubbliku jista' jevita li jiġi kwalifikat bħala għajnuna mill-Istat, għandhom ikunu sodisfatti l-erba' kriterji kumulattivi li ġejjin:

(141)

Fir-rigward tal-ewwel kriterju, jekk jiġi rikonoxxut li l-Istati Membri għandhom marġni wiesa' ta' diskrezzjoni biex jiddeterminaw liema servizzi jistgħu jitqiesu bħala obbligi tas-servizz pubbliku (30), il-Qorti tal-Ġustizzja reċentement fakkret (31) li, meta jeżistu regoli speċifiċi tad-dritt tal-Unjoni li jinkludu d-definizzjoni tal-kontenut u tal-portata tas-SIEĠ, dawn jorbtu l-evalwazzjoni tal-Istati Membri, skont il-punt 46 tal-Komunikazzjoni mill-Kummissjoni dwar l-applikazzjoni tar-regoli dwar l-għajnuna mill-Istat tal-Unjoni Ewropea għall-kumpens mogħti għall-fornitura ta' servizzi ta' interess ekonomiku ġenerali. Dawn ir-regoli ġeneralment għandhom l-għan ta' armonizzazzjoni tal-leġiżlazzjonijiet sabiex jitneħħew l-ostakoli għal-libertajiet għall-movimenti liberi u għal-libertà li jiġu pprovduti servizzi. Il-fatt li l-istandards jiġu adottati fuq il-bażi ta' dispożizzjonijiet oħrajn tat-Trattat minbarra dawk dwar il-kontroll tal-għajnuna mill-Istat u għandhom, bħala għan ewlieni t-twettiq tas-suq intern, bl-ebda mod ma jillimita r-rilevanza tagħhom fir-rigward tal-ewwel kriterju Altmark.

(142)

Fid-dawl tal-osservazzjonijiet tal-partijiet interessati u tar-risposti pprovduti minn Franza (Taqsima 5), il-Kummissjoni tqis li l-miżura ma tissodisfax l-ewwel kriterju ta' Altmark dwar il-kwalifika tal-obbligu ta' servizz pubbliku (“OSP”) — b'mod partikolari għas-settur tal-enerġija, għal żewġ raġunijiet.

(143)

L-ewwel nett, kif spjegat il-Kummissjoni (32), mhuwiex xieraq li tiġi kklassifikata bħala obbligu tas-servizz pubbliku attività li diġà tkun ipprovduta jew li tista' tkun ipprovduta b'mod sodisfaċenti mis-suq. Skont din l-analiżi, għandu jitqies ukoll it-titjib possibbli għall-funzjonament tas-suq li jista' jiġi implimentati mill-Istati Membri. Fil-fatt, jekk dawn il-bidliet huma possibbli, mhuwiex xieraq li tiġi kkwalifikata l-attività ta' obbligu ta' servizz pubbliku. Madankollu, f'dan il-każ, is-suq jista' jiġi kkunsidrat bħala mhux funzjonali sa fejn ma jibgħatx is-sinjali tal-prezzijiet biżżejjed sabiex jixpruna l-investiment fil-livell lokali. Dan huwa l-każ speċjalment tas-swieq ta' terminu qasir, bħas-swieq ta' bbilanċjar, li l-mekkaniżmi ta' aġġustament tagħhom ma jipproduċux fid-data tal-proġett, sinjal tal-prezz lokali suffiċjenti.

(144)

It-tieni nett, il-preżenza ta' diskriminazzjoni dwar it-teknoloġiji ma tippermettix li jiġi kkwalifikat is-servizz ta' obbligu ta' servizz pubbliku. F'dan il-każ, l-Artikolu 3(2) tad-Direttiva dwar l-Elettriku (33) jispeċifika l-kundizzjonijiet speċifiċi dwar il-kapaċità tal-Istati Membri li jimplimentaw l-OSP fis-settur liberalizzat tal-elettriku. B'mod partikolari, l-Artikolu 3(2) jillimita l-possibbiltajiet tal-Istati għall-implimentazzjoni ta' OSP fis-settur tal-enerġija għal objettivi speċifiċi (34): “l-Istati Membri jistgħu jimponu fuq impriżi li jkunu qed jaħdmu fis-settur tal-elettriku, u fl-interess ekonomiku ġenerali, l-obbligi tas-servizz pubbliku li jistgħu jkunu marbuta mas-sigurtà, inkluża s-sigurtà tal-provvista, ir-regolarità, il-kwalità u l-prezz tal-provvisti u l-protezzjoni ambjentali, inklużi l-effiċjenza fl-użu tal-enerġija, l-enerġija minn sorsi rinnovabbli u l-protezzjoni tal-klima.” L-istess Artikolu 3(2) jipprevedi wkoll li l-OSP fis-settur tal-enerġija għandhom ikunu “definiti b'mod ċar, trasparenti, mhux diskriminatorji, verifikabbli u jiggarantixxu aċċess ugwali lill-kumpaniji tal-elettriku tal-Unjoni għall-klijenti”.

(145)

Il-Kummissjoni tqis li l-kriterju tan-nondiskriminazzjoni, analizzat fil-kuntest tal-eżistenza ta' obbligu ta' servizz pubbliku, għandu jiġi interpretat b'mod strett. In-notifika mressqa minn Franza tispeċifika li s-sejħa għal offerti tikkonċerna l-bini u l-użu ta' installazzjoni ta' produzzjoni tal-elettriku li jagħmel użu biss mit-teknoloġija taċ-ċiklu kombinat (35). F'termini oħra, is-sejħa għal offerti kienet ristretta għal teknoloġija unika (GCC) u eskludiet speċjalment, it-teknoloġiji konvenzjonali tat-tip OCG jew TAC li setgħu wkoll jipprovdu s-servizzi meħtieġa fl-impjant benefiċjarju.

(146)

Kif spjegat fil-premessi 84 u 89, l-awtoritajiet Franċiżi jikkunsidraw li l-fatt li l-miżura ma tkunx teknoloġikament newtrali ma jikkostitwixxix diskriminazzjoni fis-sens tal-Artikolu 3 (2) tad-Direttiva 2009/72/KE peress li l-impriżi kollha jista' jkollhom aċċess għat-teknoloġija GCC kif ukoll għat-teknoloġiji konvenzjonali kollha. Madankollu, il-miżuri ta' għajnuna għandhom ikunu ddisinjati b'mod li l-kapaċitajiet ta' produzzjoni jkunu jistgħu jikkontribwixxu b'mod effettiv għall-indirizzar tal-problema tal-adegwatezza tal-kapaċitajiet ta' produzzjoni li jipparteċipaw f'dawk il-miżuri u speċjalment, il-parteċipazzjoni ta' ġeneraturi li jużaw teknoloġiji differenti. Għalhekk, l-argument ta' Franza li l-impriżi kollha jkunu jistgħu jkollhom aċċess għat-teknoloġija GCC ma jippermettix li tiġi eskluża n-natura diskriminatorja tal-miżura.

(147)

Il-Kummissjoni tinnota li s-sejħa ta' offerti kellha l-għan li ttejjeb il-livell tal-produzzjoni tal-elettriku tar-reġjun sabiex iżżomm is-sigurtà tal-provvista minkejja l-għeluq ippjanat ta' bosta siti ta' produzzjoni u biex tiġi riżolta l-problema rikorrenti ta' vultaġġ fi Bretanja. Biex twieġeb għal dan il-għan doppju, l-ispeċifikazzjonijiet elenkaw għadd ta' rekwiżiti li jridu jiġu ssodisfati mill-impjant benefiċjarju tal-futur. Dan kellu jkollu potenza attiva ta' madwar 450 MW (± 10 %), jkun fil-Punent ta' Bretanja u jkun disponibbli dejjem biex jippermetti l-mobilizzazzjoni tiegħu minn RTE permezz tal-mekkaniżmu ta' aġġustament. Min dan ir-rekwiżit tal-aħħar, l-ispeċifikazzjonijiet kienu jippreċiżaw li l-impjant għandu jiġi mmobilizzat minn RTE f'mhux iktar tard minn ħmistax-il siegħa minn meta l-magna tkun wieqfa u mhux iktar tard minn sagħtejn minn meta tkun qed topera l-magna, u li ma jistax ikun hemm restrizzjonijiet ta' żmien massimu għall-attivazzjoni ta' offerti ta' aġġustament u li d-dewmien minimu ta' offerti ta' aġġustament għandu jkun ta' tliet sigħat jew inqas għal magna li qed topera, u tmien sigħat għal magna wieqfa. Dawn il-kundizzjonijiet huma intiżi sabiex jiggarantixxu r-reattività u l-flessibbiltà tal-impjant u b'hekk jiżguraw li RTE tkun tista' timmobilizza l-impjant biex tissodisfa ħtieġa puntwali u temporanja li jiżguraw iż-żamma tal-vultaġġ u l-bilanċ lokali fl-istess ħin. Fil-premessi 107 u 108, Franza ma tikkontestax li dawn il-kundizzjonijiet jistgħu jintlaħqu mill-impjanti konvenzjonali kollha, jiġifieri minn GCC, OCG u TAC.

(148)

Bl-istess mod, l-analiżi tal-adegwatezza tat-teknoloġiji differenti mal-għanijiet stabbiliti mis-sejħa għal offerti twassal għall-konklużjoni li t-tliet teknoloġiji konvenzjonali (GCC, OCG et TAC) setgħu jirrispondu għall-ħtiġijiet identifikati mill-awtoritajiet Franċiżi, għalkemm f'kundizzjonijiet ta' effiċjenza differenti. Madankollu, is-sejħa għal offerti tipprevedi biss l-istabbiliment ta' impjant tat-tip GCC. Il-Kummissjoni għalhekk tikkonkludi li s-sejħa għal offerti hija diskriminatorja.

(149)

Madankollu, kif imfakkar fil-premessa 144, l-obbligu ta' servizz pubbliku għandu jkun neċessarjament nondiskriminatorju. Id-diskriminazzjoni kkonstatata fil-konfront ta' ċerti teknoloġiji konvenzjonali b'hekk teskludi l-kwalifika tal-obbligu ta' servizz pubbliku tal-miżura.

(150)

Għalhekk, l-argument ta' Franza ppreżentat fil-premessa 84 li skontu l-miżura ma tikkostitwixxix diskriminazzjoni lejn tipi oħra ta' teknoloġiji konvenzjonali ma għandhiex tkun ammissibbli. Il-Kummissjoni għalhekk tikkonkludi li l-miżura ma tistax tiġi kkwalifikata bħala obbligu ta' servizz pubbliku. Għalhekk, l-ewwel kriterju stabbilit mill-ġurisprudenza Altmark ma ġiex irrispettat.

(151)

Il-miżura tikkostitwixxi għalhekk vantaġġ. Fil-fatt, fis-sens tal-paragrafu 1 tal-Artikolu 107 tat-TFUE, il-vantaġġ huwa vantaġġ ekonomiku li intrapriża ma kellhiex tikseb fil-kundizzjonijiet normali tas-suq, jiġifieri fin-nuqqas ta' intervent tal-Istat. F'dan il-każ, il-konsorzju se jibbenefika minn primjum li ma tkunx allokata fil-kundizzjonijiet normali tas-suq iżda li tirriżulta minn sussidju pubbliku. Għaldaqstant, il-miżura tista' titqies bħala vantaġġ mogħti lir-rebbieħ tas-sejħa għal offerti.

(152)

Fit-tieni lok, sabiex titqies bħala selettiva skont l-Artikolu 107(1) TFUE, għajnuna għandha tiffavorixxi lil“ċerti impriżi jew ċerti produtturi”. F'dan il-każ, il-miżura hija allokata b'mod esklużiv lir-rebbieħ tas-sejħa għal offerti u għandha għalhekk tkun ikkunsidrata bħala selettiva.

(153)

Għaldaqstant, il-Kummissjoni tqis li l-miżura tagħti vantaġġ selettiv għall-finijiet tal-Artikolu 107(1) TFUE.

(154)

L-għajnuna pubblika għall-impriżi fis-sens tal-Artikolu 107(1) biss għandha effett fuq il-kompetizzjoni jekk din “(…) twassal għal distorsjoni jew theddida ta' distorsjoni għall-kompetizzjoni billi tiffavorixxi ċerti impriżi jew il-produzzjoni ta' ċerti prodotti” u sa fejn “tolqot il-kummerċ bejn l-Istati Membri”. Miżura mogħtija mill-Istat titqies li twassal għal distorsjoni jew thedded li twassal għal distorsjoni tal-kompetizzjoni meta tkun probabbli li ttejjeb il-pożizzjoni kompetittiva tal-benefiċjarju meta mqabbel ma' impriżi oħra li jikkompeti magħhom (36). Fil-prattika, distorsjoni fis-sens tal-Artikolu 107(1) TFUE huwa normalment ikkonstatat malli l-Istat jagħti vantaġġ finanzjarju lil impriża f'settur fejn il-kompetizzjoni teżisti (37). F'dan il-każ, il-miżura hija ta' natura li ssaħħaħ il-pożizzjoni kompetittiva tal-konsorzju CEB meta mqabbel ma' impriżi oħra, li ppermettewlu jżid il-kapaċità tiegħu biex jipproduċi l-elettriku meta mqabbel mal-bqija tal-kompetituri.

(155)

L-għajnuna pubblika għall-impriżi tikkostitwixxi biss għajnuna mill-Istat skont l-Artikolu 107(1) tat-TFUE sa fejn “tolqot il-kummerċ bejn l-Istati Membri”. Is-sostenn pubbliku jista' jitqies li kapaċi jaffettwa l-kummerċ bejn Stati Membri anki jekk il-benefiċjarji mhumiex direttament involuti f'kummerċ transfruntier. Barra minn dan, l-ammont relativament baxx ta' għajnuna jew id-daqs relativament żgħir tal-impriża benefiċjarja ma jeskludix, a priori, l-eventwalità li l-kummerċ bejn l-Istati Membri jkun affettwat (38). F'dan il-każ, il-benefiċjarju tal-għajnuna se jikseb vantaġġ li l-kompetituri barranin ma jistgħux jiksbu, minħabba s-selettività tal-għajnuna.

(156)

Barra minn hekk, l-implikazzjonijiet ta' għajnuna fuq il-kompetizzjoni u l-effett tagħhom fuq il-kummerċ bejn Stati Membri jistgħu jiġu kkaratterizzati sakemm il-miżura tibbenefika lil impriża li topera f'settur li kien suġġett ta' liberalizzazzjoni fuq livell Europew (39). F'dan il-każ, is-settur tal-enerġija kien is-suġġett ta' tali liberalizzazzjoni.

(157)

Għalhekk, il-miżura se taffettwa il-kompetizzjoni u l-kummerċ bejn l-Istati Membri.

(158)

Għar-raġunijiet imsemmija hawn fuq, il-Kummissjoni tqis li l-miżura tikkostitwixxi għajnuna mill-Istat skont it-tifsira tal-Artikolu 107(1) TFUE.

(159)

Il-miżura għadha ma ġietx implimentata. Hija se titħallas għat-tħaddim tal-impjant, mill-bidu ta' […]. Il-miżura se tkun implimentata wara din id-deċiżjoni. Din tal-aħħar ma tistax għalhekk titqies bħala li hija illegali.

(160)

Is-servizz ma jistax jiġi kkwalifikat bħala obbligu ta' servizz pubbliku, kif deskritt fil-premessi 144 sa 147. Għaldaqstant, il-Komunikazzjoni tal-Kummissjoni dwar il-qafas SIEĠ ma tapplikax f'dan il-każ.

(161)

Il-Kummissjoni għalhekk għandha tevalwa l-kompatibbiltà tal-miżura skont it-Taqsima 3.9 tal-EEAG. Il-punti 19 sa 34 tal-EEAG jiddefinixxu l-adegwatezza tal-ġenerazzjoni bħala (i) il-livell ta' produzzjoni li huwa meqjus bħala adegwat biex jintlaħqu l-livelli tad-domanda fl-Istat Membru f'perjodu ta' żmien partikolari, (ii) li jiġi ddeterminat fuq il-bażi tal-użu ta' indikatur statistiku konvenzjonali użat minn organizzazzjonijiet ewlenin (pereżempju n-Netwerk Ewropew għall-Operaturi tas-Sistema ta' Trażmissjoni tal-Elettriku (“l-ENTSO-E”)).

(162)

Fir-rigward tal-ewwel kriterju, il-Kummissjoni tqis li l-miżura tirrigwarda l-implimentazzjoni ta' livell ta' produzzjoni biżżejjed biex jintlaħqu l-livelli tad-domanda fi Bretanja, kemm mil-lat kwantitattiv (ara l-premessa 166) u kwalitattiv (premessa 174).

(163)

Dwar it-tieni kriterju, il-Kummissjoni tqis li l-indikaturi li jsostnu n-natura suffiċjenti tar-risposta miġjuba mill-impjant CCG għandhom ikunu oġġettiv b'mod sodisfaċenti (ara premessa 168).

(164)

Il-Kummissjoni tqis li l-miżura tikkontribwixxi għall-kisba ta' objettiv ta' interess komuni u hija meħtieġa, skont it-Taqsimiet 3.9.1 u 3.9.2 tal-EEAG, jekk din tikkonforma mal-kundizzjonijiet li ġejjin: (i) il-kwistjoni tal-adegwatezza tal-kapaċitajiet ta' produzzjoni għandha tiġi identifikata permezz tal-użu ta' indikatur kwantifikabbli u r-riżultati għandhom ikunu konsistenti mal-analiżi mwettqa mill-ENTSO-E; (ii) il-miżura trid tilħaq objettiv definit sew; (iii) il-miżura għandha tolqot in-natura u l-kawżi tal-problema u b'mod partikolari l-falliment tas-suq li ma jħallix lis-suq sabiex jipprovdi l-livell meħtieġ ta' kapaċità; u (iv) l-Istat Membru għandu jkun qies għażliet oħra biex tiġi indirizzata l-problema.

(165)

Il-kwistjoni tal-adegwatezza tal-kapaċità ġiet kjarament identifikata u kkwantifikata. L-għeluq, programmat fl-2017 fin-nuqqas ta' investiment ta' kapaċità, ta' erba' TAC ta' Brennelis u Dirinon u taqsimiet tal-fjuwil fuq is-sit ta' Cordemais, joħloq defiċit residwali ta' kapaċità stmat bejn 200 MW u 600 MW kull sena, fuq il-perjodu 2017–2023, kif espost fil-premessa 81. Anki jekk ġiet proposta estensjoni tat-tul tal-ħajja ta' dawn l-impjanti, dawn għandhom jitwaqqfu sa mhux aktar tard mill-2023. Dwar dan il-punt, il-Kummissjoni tinnota l-produzzjoni baxxa fi Bretanja stess, b' 13,3 % tal-konsum fl-2014, li minnha 11,8 % permezz tal-enerġiji rinnovabbli li jiżvela' s-sehem mhux daqstant sinifikanti tal-produzzjoni mhux intermittenti. Dawn l-elementi jinnegaw l-argumenti miġjuba minn xi partijiet interessati (ara l-premessa 55). Dawn jikkonfermaw min-naħa l-oħra l-argumentazzjoni żviluppata minn dawn tal-aħħar esposta fil-premessi 61, 63 u 81.

(166)

Barra minn hekk, il-Kummissjoni tqis li r-riskju marbut maż-żamma ta' vultaġġ ġie oġġettivat b'mod sodisfaċenti mill-awtoritajiet Franċiżi. Fil-fatt, RTE iddeċieda li jwaqqaf, f'erba' darbiet matul is-sena tal-2012, sistema speċifika ta' ġlieda kontra kwalunkwe inċident relatat ma' limitazzjoni tal-vultaġġ fi Bretanja. Sistema bħal din għandha tikkonsisti f'sistema ta' skattar ta' tnaqqis tat-tagħbija stabbilit waqt l-aktar perjodi kritiċi.

(167)

Il-bżonn tal-miżura ppreżentata mill-awtoritajiet Franċiżi huwa bbażat fuq dejta kwantifikata li tirriżulta minn studji magħmula minn RTE fil-kuntest tal-attività tiegħu ta' pubblikazzjoni annwali (40).

(168)

Minn naħa, il-metodu użat huwa konformi ma' dak użat fil-bilanċ previst ta' RTE. Dan il-metodu huwa bbażat fuq approċċ probabilistiku fejn il-livelli ta' offerta u domanda jiġu kkonfrontati b'simulazzjoni tat-tħaddim tas-sistema elettrika Ewropea f'fażi tal-ħin fuq sena sħiħa. Xi parametri, bħal pereżempju d-disponibbiltà tal-impjant, għandhom ikunu bbażati fuq il-parametri ta' referenza tal-istudji mwettqa minn ENTSO-E.

(169)

Min-naħa l-oħra, sostanzjalment, id-dejta nnotifikata għandha tkun ibbażata fuq l-elementi tal-bilanċ li jattestaw (i) dinamika ta' konsum madwar 2,7 darba aktar mit-tendenza nazzjonali matul il-perjodu 2006–2012 (żieda fil-konsum ta' 1,6 % bħala medja fuq l-aħħar sitt snin fi Bretanja), (ii) il-waqtiet intensivi ta' konsum li għadhom sensittivi għall-kundizzjonijiet tal-klima u ogħla mis-sensittività medja fi Franza, li jiġu spjegati prinċipalment permezz tal-istruttura tal-konsum tar-reġjun fejn is-setturi residenzjali u terzjarji jokkupaw parti sinifikanti, (iii) mezzi ta' produzzjoni lokali insuffiċjenti, billi l-mezzi ta' produzzjoni li jinsabu fi Bretanja jipprovdu biss 13 % tal-enerġija elettrika kkunsmata fir-reġjun, (ara l-premessa 166) u (iv) titjib fin-netwerk li jirrispondi b'mod parzjali għall-kwistjoni tal-adegwatezza. Fil-fatt, l-iżbilanċ bejn tal-enerġija prodotta u l-enerġija kkunsmata jdgħajjef is-sigurtà tal-provvista fir-reġjun u b'mod partikolari l-punti ta' dgħufija li ġejjin: it-Tramuntana ta' Bretanja, li jkopri l-biċċa l-kbira tad-Dipartiment ta' Côtes d'Armor kif ukoll l-agglomerazzjonijiet ta' Saint-Malo u Dinard, li l-provvista tagħhom tkun interrotta f'każ ta' indisponibbiltà tal-Assi 44 kV Domloup-Plaine Haute u l-madwar tar-reġjun ta' Bretanja, suġġett għal riskju ta' kollass tal-vultaġġ kkawżat mid-distanza bejn is-siti ta' produzzjoni u ċ-ċentri ta' konsum. Saru diversi investimenti minn RTE u b'mod partikolari l-istallazzjoni bejn l-2011 u l-2013 ta' mezzi ta' kumpens mifruxa fuq it-territorju kollu tar-reġjun tal-punent b'kapaċità totali ta' 1 150 MVAR (megavolt ampere reattiv), sabiex ikun żgurat livell ta' qawwa meħtieġa matul perjodi ta' kesħa. Skont RTE, dawn il-mezzi ta' kumpens għandhom jiġu supplimentati b'konnessjoni tal-CCG de Landivisiau biex jagħtu mill-ġdid il-marġni ta' sigurtà meħtieġa fir-rigward tar-riskju ta' kollass tal-vultaġġ u tinkiseb għalhekk “xibka ta' sikurtà” suffiċjenti (41).

(170)

Imbagħad, il-miżura ssegwi objettiv definit sew li tindirizza nuqqasijiet fis-suq, jiġifieri nuqqas ta' investiment minkejja l-ħtieġa tagħha fi Bretanja, biex jiġi evitat kollass tal-vultaġġ fuq ir-reġjun f'termini usa', li ma jistax jiġi indirizzat biss permezz tal-ħolqien waħdu ta' linji tal-elettriku kif spjegat fil-premessa 98. Il-Kummissjoni ssostni l-argument li jgħid li r-reġjun ta' Bretanja jbati minn “flus neqsin” li jirriżultaw fi prezzijiet li ma jżdidux biżżejjed fil-kuntest Breton ta' nuqqas fil-provvista tal-elettriku, u ma jistax, kif imsemmi fil-premessi 101 u 95, jiġi rrimedjat permezz ta' qsim taż-żona tariffarja. Barra minn hekk, il-mekkaniżmu ta' kapaċità lanqas ma jippermetti li jiġu indirizzati l-ħtiġijiet speċifiċi tar-reġjun (ara l-premessa 177).

(171)

Dawn l-elementi jispjegaw b'mod sodisfaċenti, skont il-Kummissjoni, in-nuqqas ta' investiment f'kapaċità ġdida mingħajr għajnuna finanzjarja pubblika.

(172)

Il-miżura tirrigwarda l-kawżi tal-problema identifikata u, b'mod partikolari l-falliment tas-suq li ma jħalluhx jipprovdi l-kapaċità meħtieġa, fuq żewġ livelli. Minn naħa, l-għażla tat-teknoloġija tal-CCG tippermetti li jiġu indirizzati fl-istess ħin kemm il-ħtiġijiet ta' qawwa u dawk ta' disponibbiltà, kif identifikati fil-EPBD. Il-CCG jippermetti li tiġi żgurata s-sigurtà tal-provvista u jikkontribwixxi biex jinżamm il-vultaġġ elettriku fiż-żona. Dan il-punt huwa żviluppat fil-premessi 104 et seq. Min-naħa l-oħra, is-sehem tal-produzzjoni mhux intermittenti u disponibbli f'waqtiet intensivi tax-xitwa huwa baxx ħafna, li huwa riskjuż.

(173)

Rigward il-ġustifikazzjoni tal-ħtieġa li jinżamm livell ta' vultaġġ kostanti, il-Kummissjoni tosserva l-eżistenza ta' fraġilità elettrika, identifikata minn RTE, fit-Tramuntana ta' Bretanja. Iż-żona tat-Tramuntana ta' Bretanja hija fornuta b'ċirkwit wieħed ta' 400 kV u żewġ linji ta' 225 kV fil-Punent mill-pożizzjoni ta' La Martyre. Fil-każ ta' qtugħ il-linja bejn Rennes u Saint-Brieuc, ikun hemm tagħbija eċċessiva fuq żewġ linji ta' 225 kV, aggravata bit-tnaqqis ta' vultaġġ fiż-żona Rance. Din is-sitwazzjoni tirriżulta f'riskju ta' telf tal-integralità tal-provvista taż-żona, fin-nuqqas ta' tnaqqis fit-tagħbija fiż-żona tat-Tramuntana ta' Bretanja. Barra minn dan, f'każ ta' konsum b'saħħtu fit-totalità taż-żona tal-Punent, minħabba xi indisponibilitajiet ta' impjanti jew inċidenti ta' netwerk, il-Bretanja tkun esposta għal riskji ta' qtugħ immirat tal-provvista tal-elettriku tagħha iżda wkoll għal riskju ta' kollass ta' vultaġġ ġeneralizzat fuq ir-reġjun kollu tagħha.

(174)

L-Istat Membru ġġustifika n-nuqqas ta' użu ta' teknoloġiji oħra (pereżempju l-enerġija rinnovabbli), l-użu ta' tħassir, il-ħolqien ta' żona ta' prezzijiet jew it-twettiq ta' linji ta' interkonnessjonijiet. Skont il-Kummissjoni, ebda wieħed minn dawn ir-rimedji individwali ma jista' jindirizza b'mod sħiħ ir-riskji sottolinjati u b'mod partikolari r-riskji ta' tnaqqis fil-vultaġġ, kif spjegat fil-premessa 16.

(175)

Rigward il-ġustifikazzjoni tan-nuqqas ta' użu esklużiv tal-linji ta' interkonnessjonijiet, il-Kummissjoni tirrileva li Bretanja, li tinsab fl-aħħar post, mhijiex f'sitwazzjoni komparabbli mar-reġjuni Franċiżi l-oħra li għandhom karatteristiċi simili (PACA, Franche Comté, Pays de la Loire, Korsika). Il-provvista tal-enerġija hija żgurata minn bosta interkonnessjonijiet ma' reġjuni oħra. Iż-żamma ta' vultaġġ mhijiex problematika. Barra minn hekk, hija ma tinstabx “fit-tarf tan-netwerk” bħal Bretanja. Korsika, li hija interkonnessa b'mod dgħajjef (42), tibbenefika hija nfisha minn kapaċitajiet sinifikanti fit-territorju tagħha.

(176)

Il-Kummissjoni Ewropea approvat il-proġett Franċiż tal-mekkaniżmu ta' kapaċità fit-8 ta' Novembru 2016 (43). Kontribuzzjoni ċentrali fil-mekkaniżmu ta' kapaċità hija prinċipalment stabbilita permezz tal-ibbilanċjar mill-ġdid, li se jikkostitwixxi biss parti żgħira mid-dħul totali tal-impjant (madwar 1,5 % tad-dħul annwali totali), l-impatt ta' dan il-mekkaniżmu fuq il-proġett u t-teħid inkunsiderazzjoni tiegħu fl-evalwazzjoni tal-miżura huma limitati. Kull parteċipazzjoni tal-mekkaniżmu ta' kapaċità lil hinn mill-bilanċ mill-ġdid mhijiex prevista fil-pjan ta' direzzjoni. Kieku sseħħ din il-parteċipazzjoni, ir-rimunerazzjoni minn din il-parteċipazzjoni titnaqqas mill-ammont tal-primjum.

(177)

Barra minn hekk, fir-Rapport finali tagħha dwar l-inkjesta settorjali dwar il-mekkaniżmi ta' kapaċità (44), il-Kummissjoni kkunsidrat li, fil-każ ta' problema lokali ta' adegwatezza tal-kapaċità ta' produzzjoni, l-għażla tal-użu ta' mekkaniżmu ta' kapaċità għandu jiddependi fuq il-karatteristiċi speċifiċi tas-suq ikkonċernat (45). F'dan il-każ, l-eżistenza ta' domanda lokali fi Bretanja ma timplikax direttament il-ħolqien ta' offerta fi Bretanja. Fil-fatt, is-suq tal-elettriku Franċiż mhuwiex f'pożizzjoni li jiżvela id-domanda eżistenti għal kapaċità fil-livell lokali. In-natura estremament lokalizzata ta' nuqqas ta' kapaċità illum ma tistax tiġi solvuta permezz tal-mekkaniżmu waħdu ta' kapaċità ġdida applikata fi Franza.

(178)

Għal dawn ir-raġunijiet, il-Kummissjoni tqis li l-miżura, li sservi l-objettiv ta' interess komuni li jiżgura l-provvista tal-elettriku, hija tabilħaqq meħtieġa fi Franza.

(179)

It-taqsima 3.9.3 EEAG teżiġi li l-miżura hija strument ta' intervent adegwat biex jiġi indirizzat l-objettiv ta' interess komuni identifikat. B'hekk, sabiex tkun ikkunsidrata bħala adegwata, għandhom ikunu sodisfatti l-kundizzjonijiet li ġejjin: i) l-għajnuna trid tikkumpensa biss is-servizz ta' disponibbiltà ta' kapaċità; ii) il-miżura għandha tipprovdi inċentivi adegwati kemm lil ġeneraturi eżistenti u kemm dawk futuri u għall-operaturi li jużaw teknoloġiji sostitwibbli, bħal reazzjoni min-naħa tad-domanda jew soluzzjonijiet ta' ħażna; u iii) l-għajnuna għandha tqis sa liema punt il-kapaċitajiet ta' interkonnessjoni jistgħu jirrimedjaw kwalunkwe problema eventwali ta' adegwatezza tal-kapaċitajiet ta' produzzjoni.

(180)

L-ewwel nett, il-Kummissjoni tinnota li l-premjum teskludi kwalunkwe rimunerazzjoni għall-bejgħ tal-elettriku. Din tal-aħħar hija fil-fatt magħmula minn (i) terminu ta' valur tal-kapaċità li huwa ugwali għal [EUR 50 000-60 000]/MW/sena, u ta' tliet termini marbuta mal-lokalizzazzjoni ġeografika tal-proġett, jiġifieri: (ii) minn terminu ta' spiża inkrementali marbuta mal-gass li titla' għal [EUR 20 000-40 000] MW/sena, (iii) minn terminu ta' spiża inkrimentali marbuta mal-konnessjoni li titla' għal EUR 6 000 MW/sena u (iv) minn terminu ta' spiża inkrimentali marbuta mal-miżuri ambjentali partikolari ta' EUR 2 000 MW/sena. Għalhekk il-primjum tirrigwarda rimunerazzjoni ta' kapaċità u teskludi kwalunkwe rimunerazzjoni marbuta mal-bejgħ tal-elettriku.

(181)

It-tieni nett, għalkemm il-Kummissjoni tqis li l-għajnuna ġiet mogħtija permezz ta' proċedura ta' sejħa għal offerti diskriminatorja (ara l-premessa 145), hija tikkunsidra li huwa leġittimu li l-awtoritajiet Franċiżi għamlu sejħa għal offerti għall-parteċipazzjoni biss ta' impjanti tat-tip CCG. Fil-fatt, din il-limitazzjoni hija spjegata minn ħtieġa speċifika għaż-żamma tal-vultaġġ f'termini enerġetiċi u ambjentali tajba. Fost l-impjanti tal-enerġija termali, u għaldaqstant meta mqabblin ma' impjanti tal-enerġija li jaħdmu bil-faħam u mat-teknoloġiji li jaħdmu bil-fjuwil, l-impjanti tal-enerġija tal-gass għandhom ikunu dawk li jniġġsu l-anqas (ara wkoll il-premessa 102). L-għażla ta' impjant tat-tip CCG meta mqabbel ma' tipi oħra ta' impjanti tal-enerġija li jaħdmu bil-gass, u b'mod partikolari l-OGC, hija preferibbli mil-lat ambjentali peress li dan huwa mezz ta' produzzjoni bi prestazzjoni għolja tal-enerġija li juża' il-gass naturali, il-fjuwil l-inqas emittent ta' CO2 fost il-fjuwils fossili, filwaqt li tipprovdi l-flessibilità u r-reattività meħtieġa biex jiġu indirizzati n-nuqqasijiet tas-suq identifikati.

(182)

It-tielet nett, il-miżura tal-għajnuna għandha tieħu kont tal-kapaċità tal-interkonnessjonijiet, iżda din l-għażla ma tippermettix li tiġi indirizzata b'mod sodisfaċenti l-ħtieġa taż-żamma tal-livell ta' vultaġġ. Barra minn hekk, il-bini ta' interkonnessjonijiet jirriżulta minn viżjoni fit-tul. Il-proġetti ta' interkonnessjoni diġà qed jiġu mħejjija, bl-għan li tiżdied il-kapaċità ta' interkonnessjoni bejn Franza u r-Renju Unit, bejn Bretanja u l-Irlanda. Barra minn hekk, il-Kummissjoni tinnota li l-miżura ma tipprekludix żieda ta' flussi fi tranżitu minn Bretanja fil-qafas tal-ħolqien tal-interkonnessjoni.

(183)

Barra minn hekk, għadd ta' miżuri alternattivi mhumiex xierqa:

(184)

Fl-aħħar nett, il-Kummissjoni tqis li l-Artikolu 194 TFUE invokat mill-awtoritajiet Franċiżi (ara l-premessa 105) ma teżentahomx milli jikkonformaw mal-leġiżlazzjoni fis-seħħ dwar l-għajnuna mill-Istat meta din tal-aħħar tkun ingħatat lil produttur tal-elettriku.

(185)

Jirriżulta mill-kunsiderazzjonijiet preċedenti, li l-miżura hija tabilħaqq adegwata biex tilħaq l-objettiv ta' interess komuni identifikat.

(186)

L-effett ta' inċentiv tal-għajnuna se jkun evalwat fuq il-bażi tal-kundizzjonijiet stabbiliti fit-Taqsima 3.2.4 tal-EEAG. Tali effett ta' inċentiv iseħħ meta l-għajnuna tinċentiva lill-benefiċjarju li jibdel l-imġiba tiegħu sabiex jitjieb il-funzjonament tas-suq tal-enerġija; bidla fl-imġiba li kieku huwa ma jwettaqx fin-nuqqas tal-għajnuna.

(187)

Il-Kummissjoni tinnota li l-primjum jippermetti investiment f'kapaċitajiet ġodda li ma kienx isir fin-nuqqas tal-għajnuna, minħabba l-ispeċifiċitajiet tas-suq Breton. Mingħajr il-primjum, il-proġett ma kinx jippermetti redditu suffiċjenti (premessa (23)). F'dan il-kuntest, hija tiċħad l-argumenti tal-partijiet interessati ppreżentati fil-premessi (67) u (68).

(188)

Għalhekk, il-Kummissjoni tikkonkludi li l-miżura għandha l-effett ta' inċentiv meħtieġ.

(189)

Il-Kummissjoni tevalwa l-proporzjonalità tal-miżura f'konformità mat-Taqsima 3.9.5 tal-EEAG. Miżura hija proporzjonali meta tkun tissodisfa l-kundizzjonijiet li ġejjin: (i) il-kumpens jippermetti lill-benefiċjarji li jiksbu rata ta' redditu raġonevoli (preżunta fil-każ ta' proċedura ta' ħruġ għall-offerti kompetittiv fuq il-bażi ta' kriterji ċari, trasparenti u mhux diskriminatorji), u (ii) din tinkludi mekkaniżmi integrati li jipprekludu milli jkun hemm qligħ eċċezzjonali.

(190)

Dawn il-kundizzjonijiet huma evalwati abbażi tal-pjan ta' direzzjoni tan-negozju ta' stqarrija. Il-preżunzjonijiet tal-pjan ta' direzzjoni tan-negozju ġew deskritti fit-Taqsima 2.6 ta' din id-deċiżjoni.

(191)

Il-Kummissjoni l-ewwel tinnota li perjodu ta' 20 snin huwa meħtieġ biex tinkiseb l-IRR raġonevoli ta' [5–10] % meta mqabbla mal-kost medju ponderat tal-kapital (ara l-premessa li jmiss). Perjodu aktar qasir tal-proġett iwassal għal IRR aktar baxxa, li mhux meħtieġ fid-dawl ta' livell tal-IRR diġà kkunsidrat bħala aċċettabbli mill-Kummissjoni. Dan l-argument jikkonfuta l-ipoteżi deskritta fil-premessa 68(1).

(192)

Il-Kummissjoni tinnota sussegwentement li l-IRR tal-proġett hija ta' [5–10] %. In-natura proporzjonali ta' din ir-IRR hija evalwata bil-paragun tagħha mal-kost medju ponderat tal-kapital (WACC — weighted average cost of capital). Il-WACC tal-proġett għandu jirrifletti r-riskji speċifiċi mhux diversifikabbli tal-proġett. Il-Kummissjoni tqis li l-valutazzjoni tal-IRR tista' ssir permezz tal-paragun tagħha mal-WACC ta' bord ta' kumpaniji komparabbli, li l-medja tagħhom tammonta għal 6,6 % matul il-perjodu 2007-2016, li huwa viċin tal-IRR tal-proġett. Il-Kummissjoni għalhekk tinnota l-prossimità bejn l-IRR u l-firxa ta' WACC rilevanti stmata, li jippermettulha li tikkonkludi pożittivament dwar il-proporzjonalità tal-miżura.

(193)

L-affidabbiltà tan-natura proporzjonali hija msaħħa mill-istudji ta' sensittività proposti. Ġew fil-fatt imwettqa studji fuq il-bażi ta' kwalunkwe penalitajiet ta' dewmien, minħabba l-inflazzjoni, skont it-teħid inkunsiderazzjoni ta' eventwali valur terminali. Diversi ipoteżijiet ta' prezzijiet ġew ikkunsidrati biex jitkejlu l-konsegwenzi tal-kuntratt ta' tolling fuq il-pjan ta' direzzjoni tan-negozju.

(194)

Rigward il-prevenzjoni tar-riskju ta' twettiq ta' qligħ eċċezzjonali, il-Kummissjoni tinnota li skont id-disinn il-pjan ta' direzzjoni tan-negozju ppreżentat mill-Konsorzju ma jippermettix it-twettiq ta' qligħ eċċezzjonali. Iż-żewġ komponenti ewlenin ta' dħul huma, minn naħa, il-primjum riċevuta li tiddependi fuq id-disponibbiltà tal-impjant, innegozjat b'mod kuntrattwali, u li għalhekk ma jippermettix li jsir qligħ eċċezzjonali. Min-naħa l-oħra, ir-rimunerazzjoni skont il-kuntratt ta' tolling hija wkoll kuntrattwalment innegozjata u ma toffrix lill-konsorzju l-possibbiltà li jagħmel qligħ eċċezzjonali.

(195)

Fl-aħħar nett, il-Kummissjoni tinnota li l-Konsorzju se jkollu l-possibbiltà li jipparteċipa fil-mekkaniżmu ta' kapaċità skont il-kundizzjonijiet stabbiliti fil-premessa 25. Madankollu r-rimunerazzjoni permessa permezz tal-parteċipazzjoni, fejn applikabbli, fil-mekkaniżmu ta' kapaċità għandha titnaqqas mill-primjum. In-nuqqas ta' rimunerazzjoni doppja jidher li huwa għalhekk element li jsostni l-proporzjonalità tal-miżura.

(196)

Għalhekk, il-Kummissjoni tqis li l-mekkaniżmu huwa proporzjonali mal-objettiv tiegħu.

(197)

Skont il-punt 3.9.6 tal-EEAG, sabiex l-għajnuna titqies bħala kompatibbli, din trid tissodisfa l-kundizzjonijiet li ġejjin: (i) għandha tkun miftuħa lill-fornituri kollha b'kapaċità xierqa meta dan ikun teknikament u fiżikament possibbli; (ii) ma tnaqqasx l-inċentivi għall-investiment fl-interkonnessjonijiet u ma timminax l-akkoppjament tas-swieq; (iii) ma timminax id-deċiżjonijiet ta' investiment li jiġu qabel l-introduzzjoni tal-miżura; (iv) ma ssaħħaħx indebitament il-pożizzjonijiet dominanti; u (v) tagħti preferenza lill-ġeneraturi b'livell baxx ta' karbonju f'każijiet ta' parametri tekniċi u ekonomiċi ekwivalenti.

(198)

Rigward l-ewwel kriterju, il-premessa 232 tal-EEAG jispeċifika li l-parteċipazzjoni f'mekkaniżmi ta' kapaċità “tista' tkun ristretta biss jekk il-kwalitajiet tekniċi meħtieġa biex tiġi rrimedjata l-problema ta' adegwatezza tal-kapaċitajiet ta' produzzjoni mhumiex biżżejjed” (47). F'dan il-każ, il-Kummissjoni tqis li l-kwalitajiet tekniċi ta' ċerti kapaċitajiet ta' produzzjoni, b'mod partikolari l-CCG, huma ċarament aktar adegwati biex jirrimedjaw b'mod effiċjenti għall-problema ta' adegwatezza tal-kapaċitajiet milli oħrajn, b'mod partikolari l-OGC u t-TAC. B'mod aktar speċifiku, il-kwalitajiet tekniċi ta' dawn tal-aħħar ma jippermettux l-ottimizzazzjoni tal-effiċjenza enerġetika u għalhekk ekonomika tal-proġett ta' investiment, meta wieħed iqis l-arranġamenti u t-tul ta' żmien ta' funzjonament tal-mezz ta' produzzjoni mfittex mill-awtoritajiet Franċiżi, biex tiġi indirizzata l-problema tal-adegwatezza tal-kapaċitajiet identifikata.

(199)

F'dan il-każ, il-Kummissjoni tinnota fil-fatt li t-teknoloġiji konvenzjonali m'għandhomx il-kapaċità teknika ekwivalenti sabiex jirrispondu b'mod effiċjenti biżżejjed u vijabbli għall-bżonnijiet identifikati kollha fil-paragrafu 3.3 tal-ispeċifikazzjonijiet.

(200)

L-ewwel nett, f'dak li jirrigwarda l-paragun ma' mal-OGC, l-istudji tal-Aġenzija Internazzjonali tal-Enerġija — Aġenzija għall-enerġija nukleari (AIE-AEN) “Edizzjoni 2015 dwar il-Kostijiet Stmati għall-Ġenerazzjoni tal-Elettriku” juru li l-CCG huwa mezz ta' produzzjoni tal-elettriku iktar ekonomiku b'mod sinifikanti fil-każ ta' perjodi ta' tħaddim sinifikanti. Il-kostijiet ta' referenza għall-produzzjoni tal-elettriku ppreżentati minn dan l-istudju juru b'dan il-mod li l-LCOE (48) ta' impjant OGC mibni fil-Belġju jew fil-Ġermanja (49) huwa ferm ogħla mil-LCOE ta' impjanti CCG Belġjani jew Ġermaniżi. Ikkonvertiti f'EUR/MWh, kemm il-kostijiet ta' investiment u kif ukoll il-kostijiet ta' manutenzjoni għall-użu huma għalhekk ogħla għal OGC milli għal CCG. Il-konklużjonijiet ta' dan l-istudju huma ppreżentati fit-Tabella hawn taħt:

Kost totali medju tal-produzzjoni tal-elettriku

Table 3.9: Levelised cost of electricity for natural gas plants

(Il-kontinwament tat-Tabella — fuq in-naħa tal-lemin)

(201)

Abbażi tat-tul ta' żmien ta' funzjonament stmat għal EUR [3 000-6 500] siegħa fis-sena u madwar 1 600 GWh ta' produzzjoni annwali (52), il-Kummissjoni tqis li l-kwalitajiet tekniċi tal-OGC jirriżultaw, ceteris paribus u fid-dawl tad-daqs tal-għajnuna rċevuta minn CEB, f'kostijiet tal-produzzjoni tal-elettriku bejn ca. EUR 60 miljun u ca. EUR 190 miljun, meta mqabbla ma' qligħ ta' ca. EUR 90 miljun fis-sena. L-użu ta' OGC għalhekk jaffettwa b'mod eċċessiv l-ekwilibriju ekonomiku tal-proġett u jipperikola l-vijabbilità tiegħu. Il-Kummissjoni tista' b'hekk tasal għall-konklużjoni biss tan-natura insuffiċjenti tal-kwalitajiet tekniċi tal-OGC li ma jistgħux jiżguraw il-vijabbiltà tal-proġett u għalhekk ma jistgħux isolvu l-problema ta' produzzjoni tal-kapaċitajiet.

(202)

Barra minn dan l-istudju, il-Kummissjoni tinnota li dawn il-kostijiet għoljin tal-produzzjoni tal-OGC jiġu spjegati minn tnaqqis fl-effiċjenza enerġetika. L-effiċjenza enerġetika ta' OGC hija anqas minn 40 % u tabilħaqq 55 % minn dik ta' CCG. OGC kienet għalhekk tirrikjedi l-provvista ta' mill-anqas 40 % tal-gass aktar milli għal CCG tal-istess qawwa (53).

(203)

It-tieni nett, rigward il-paragun ma' TAC, il-Kummissjoni tinnota li din it-teknoloġija, l-istess bħall-OGC, tippreżenta kost ta' tħaddim marġinali għola minn dak tal-CCG. Lil hinn minn perjodu ta' tħaddim ta' 200 siegħa fis-sena għat-TAC (1 000 sigħat għall-OGC), din it-teknoloġija qed issir aktar għolja mit-teknoloġija tal-CCG. Din it-TAC hija għalhekk inqas effiċjenti mill-OGC għal tul ta' tħaddim ogħla minn 1 000 siegħa, kif inhu l-każ hawnhekk. Peress li l-Kummissjoni talbet li l-OGC f'kundizzjonijiet ta' tħaddim ta' din il-kawża jista' jipperikola l-vijabbiltà tal-proġett, ceteris paribus, l-użu ta' TAC ma jistax, a fortiori, ħlief jipperikola l-vijabbiltà tal-proġett.

(204)

Barra minn hekk, huwa importanti li jiġi kkunsidrat ukoll, fil-każ tal-miżura notifikata, l-influwenza tal-effiċjenza enerġetika fuq il-kostijiet totali tal-proġett. Fil-fatt, effiċjenza ogħla tippermetti li titnaqqas il-kwantità ta' gass li għandha tiġi fornita sal-istallazzjoni, għall-istess qawwa elettrika partikolari. Peress li l-effiċjenza enerġetika ta' OGC hija anqas minn 40 %, u għal CCG riċenti lil hinn minn 55 %, OGC kienet tirrikjedi l-provvista ta' mill-anqas 40 % tal-gass aktar minn CCG tal-istess qawwa. Dan il-punt huwa essenzjali fil-każ ta' sejħa għal offerti fi Bretanja, fejn it-tisħiħ tan-netwerk tal-gass huwa previst bħala parti mill-ispejjeż li jiġġustifikaw l-għoti ta' għajnuna mill-Istat. Għall-memorja, il-parti tal-primjum li tikkorrispondi għat-trasport ta' gass tirrappreżenta 33 % tal-premjum totali mħallas lill-applikant. Effiċjenza enerġetika akbar għal CCG tippermetti b'hekk li titnaqqas il-kapaċità għall-forniment meħtieġ tal-gass, u għalhekk il-kostijiet ta' dan il-proġett li jirrikjedu t-tisħiħ tan-netwerk ta' trasport tal-gass fi Bretanja.

(205)

Il-miżura hija għalhekk miftuħa għal fornituri ta' kapaċità li jistgħu jirrimedjaw b'mod effiċjenti għall-problema ta' adegwatezza tal-kapaċitajiet identifikata minn Franza.

(206)

Rigward it-tieni kriterju, il-Kummissjoni tinnota li l-miżura ma tnaqqasx l-inċentivi għall-investiment fl-interkonnessjonijiet jew tipperikola l-akkoppjament tas-swieq. Fil-fatt, il-proġetti ta' interkonnessjoni qegħdin jiġu studjati, bl-għan li tiżdied il-kapaċità ta' interkonnessjoni bejn Franza u r-Renju Unit sal-2022, bejn Bretanja u l-Irlanda sal-2025. Il-miżura tippermetti li jiżdiedu l-flussi li qed jittransitaw mill-Bretanja fil-kuntest tal-ħolqien tal-interkonnessjoni.

(207)

Barra minn hekk, il-Kummissjoni tinnota li r-regoli dettaljati tas-sejħa għal offerti ġew imfassla b'tali mod li jiġi evitat kull tip ta' parteċipazzjoni tal-CCG fi swieq differenti. L-istallazzjoni ma għandhiex neċessarjament tirriżerva parti mill-qawwa tagħha għall-mekkaniżmu ta' aġġustament. Jekk l-impjant biegħ il-qawwa kollha tiegħu fis-suq tal-elettriku u pproduċa sal-limitu tal-qawwa massima tiegħu, ma jkunx meħtieġ li huwa jippreżenta l-offerti fuq il-mekkaniżmu ta' aġġustament għall-perjodu korrispondenti.

(208)

Barra minn hekk, il-Kummissjoni tinnota li d-dħul tal-proġett fuq l-ibbilanċjar mill-ġdid mhuwiex daqstant sinifikanti (madwar 1,5 % tad-dħul annwali) u għalhekk ma jistax ikun ikkunsidrat bħala li jippreżenta riskju sinifikanti fis-suq tal-aġġustament.

(209)

Rigward it-tielet kriterju, il-Kummissjoni tinnota li l-għajnuna għal impjant ta' tip ċiklu kkombinat, għalkemm mhijiex l-unika teknoloġija li tippermetti ż-żamma ta' vultaġġ għal perjodu twil, tibqa' l-unika teknoloġija li tissodisfa l-ħtieġa taż-żamma tal-vultaġġ fil-kundizzjonijiet ta' effiċjenza l-aktar aċċettabbli, kif deskritt fil-premessi 199 sa 204.

(210)

Rigward ir-raba' kriterju, il-Kummissjoni tinnota li l-impriżi li jiffurmaw il-konsorzju CEB mhumiex parteċipanti dominanti fis-suq tal-elettriku Franċiż. Għalhekk il-miżura mhux se tgħin biex issaħħaħ il-pożizzjoni tal-benefiċjarju dirett tal-għajnuna. Fil-fatt, il-miżura tikkontribwixxi għall-kompetizzjoni fi Franza minħabba l-pożizzjoni tas-suq ta' Direct Energie, fornitur u produttur alternattiv. Dan l-element jikkonferma, barra minn hekk, l-argumentazzjoni esposta fil-premessa 73.

(211)

Il-Kummissjoni tinnota sussegwentement li l-miżura tinvolvi riskju ta' tisħiħ tal-pożizzjoni fis-suq tal-operatur dominanti.

(212)

Il-Kummissjoni tirrileva li EDF, l-operatur dominanti, għandu sehem sinifikanti mis-suq fi Franza. EDF għandha 83,5 % tal-produzzjoni totali tal-elettriku u 89,4 % tal-kapaċità totali installata fi Franza (54). EDF għandu impjant ta' produzzjoni mingħajr ekwivalenti fi Franza, kemm f'termini tar-rilevanza tiegħu kif ukoll tad-diversità tiegħu. Dawn jikkonċernaw prinċipalment il-produzzjoni nukleari u idroelettrika.

(213)

Madankollu l-Konsorzju CEB se jkollu żewġ għażliet. Huwa jista' jew ibigħ l-elettriku prodott lill-operatur tas-suq dominanti, għal 95 % tal-prezz tas-suq (ara l-premessa 11), jew jbigħ l-elettriku fil-forma ta' kuntratt ta' tolling skont ir-regoli dettaljati deskritti fil-premessa 32.

(214)

Dawn l-għażliet, jekk dawn jiġu attivati, jistgħu jsaħħu l-pożizzjoni fis-suq tal-operatur preeżistenti billi jqiegħdu għad-dispożizzjoni tiegħu l-volumi ta' elettriku prodotti mill-impjant.

(215)

L-ewwel nett, il-kontroll tal-ġenerazzjoni tal-elettriku minn parteċipant fis-suq jikkontribwixxi għal nuqqas ta' likwidità fis-swieq bl-ingrossa u jippenalizza lill-fornituri alternattivi. EDF tikkontrolla aktar minn 80 % tal-produzzjoni tal-elettriku fi Franza. F'dan il-każ, dan il-kontroll ikun imsaħħaħ fl-ipoteżi ta' kkuntrattar mal-konsorzju CEB, kemm permezz ta' kuntratt ta' tolling kif ukoll b'kuntratt fuq medda twila għax-xiri tal-elettriku. Din il-pożizzjoni kompetittiva msaħħa ta' EDF tolqot il-kapaċità tal-fornituri alternattivi li jixtru fuq is-swieq bl-ingrossa b'termini kompetittivi, billi tesponihom għal riskju ta' nuqqas ta' likwidità u riskju ta' volatilità tal-prezzijiet. F'dan il-kuntest, l-aċċess ta' fornituri alternattivi għal kapaċitajiet ta' produzzjoni proprji jippermettilhom li ma jkunux esposti għal dawn ir-riskji. Dan l-aċċess għal kapaċitajiet ta' produzzjoni proprji għandu għalhekk jiġi żgurat.

(216)

Fit-tieni lok, il-pożizzjoni dominanti ta' parteċipant integrat vertikalment fuq il-produzzjoni tagħtih ukoll vantaġġ kompetittiv sinifikanti fuq il-provvista tal-elettriku. Minħabba s-sinifikanza tal-kostijiet ta' produzzjoni fil-kostijiet totali ta' provvista, il-kontroll tal-ġenerazzjoni għandu impatt fuq il-provvista bl-imnut. Il-kompetituri ta' EDF għandhom ftit jew ebda kapaċità ta' produzzjoni biex tiġi żgurata provvista ta' elettriku bażiku b'kostijiet ta' produzzjoni varjabbli baxxi daqs dik ipprovduta mill-impjant ikkontrollat minn EDF. Madankollu, EDF bħalissa għandha madwar 86 % tal-ishma tas-suq fis-suq tal-konsumaturi (55). Il-possibbiltà għal EDF li ssir parti għall-kuntratt ta' tolling jew li tixtri l-elettriku kollu prodott mill-impjant permezz ta' kuntratt ta' xiri fuq medda twila se żżid b'hekk il-kapaċità tagħha biex tkun tista' tissodisfa d-domanda fis-suq tal-konsumaturi. L-aċċess tal-fornituri alternattivi għal kapaċitajiet ta' produzzjoni proprji jippermetti għalhekk ukoll li jiġi evitat it-tisħiħ tal-pożizzjoni dominanti tal-operatur preeżistenti fis-suq tal-konsumaturi.

(217)

Il-Kummissjoni tqis li dawn ir-riskji ta' tisħiħ tal-pożizzjoni dominanti ta' EDF fuq is-swieq tal-operaturi u tal-konsumaturi jistgħu jiġu koperti minn obbligu minn naħa tal-awtoritajiet Franċiżi li jieħdu l-miżuri meħtieġa biex jiżguraw li l-benefiċjarju tal-għajnuna ma jistax jagħmel kuntratt, għal ebda wieħed minn dawn iż-żewġ mekkaniżmi kuntrattwali, ma' operatur li jkollu fuq is-suq Franċiż iktar minn 40 % tal-kapaċitajiet ta' produzzjoni ta' elettriku.

(218)

Fid-dawl tal-karatteristiċi partikolari ħafna tas-suq Franċiż tal-elettriku, din il-kundizzjoni li hija limitata għal 40 % hija proporzjonali. Fil-fatt, din tippermetti li jiġi evitat it-tisħiħ tal-pożizzjoni tas-suq tal-operatur dominanti li jista' indirettament jirriżulta mill-miżura ta' għajnuna permezz ta' mekkaniżmi kuntrattwali msemmija fil-premessa 214.

(219)

Fid-dawl tal-elementi deskritti f'din it-taqsima, u jekk il-kundizzjoni deskritta fil-premessa 218 tiġi ssodisfata, il-Kummissjoni tikkonkludi li l-miżura ma tkunx ta' ħsara għall-kompetizzjoni u għall-kummerċ bejn l-Istati Membri b'mod li tqiegħed f'riskju t-twettiq tal-objettiv ta' interess komuni.

(220)

Bħala konklużjoni, u fid-dawl tar-rimedji proposti minn Franza, il-Kummissjoni tikkonkludi li l-miżura ma tirriskjax aktar distorsjoni indebita tal-kompetizzjoni u tal-kummerċ bejn l-Istati Membri.

(221)

L-awtoritajiet għandhom jiżguraw li jiġi ppubblikat it-test dwar l-iskema ta' għajnuna, l-identità tal-awtorità jew l-awtoritajiet tal-għoti, l-identità tal-benefiċjarju, il-forma u l-ammont ta' għajnuna mogħtija, id-data tal-għotja, it-tip ta' impriża kkonċernata, ir-reġjun fejn jinsab il-benefiċjarju u s-settur ekonomiku prinċipali li fih huwa jeżerċita l-attivitajiet tiegħu.

(222)

F'dan il-każ, l-awtoritajiet Franċiżi ssodisfaw l-obbligi ta' trasparenza previsti mill-EEAG. L-informazzjoni ppubblikata dwar id-deċiżjoni tal-għoti ta' għajnuna u r-regoli dettaljati tagħhom ta' implimentazzjoni, l-identità tal-awtorità tal-għoti, l-identità tal-benefiċjarju, il-forma u l-ammont tal-għajnuna mogħtija, id-data tal-għotja, it-tip ta' impriża kkonċernata, ir-reġjun fejn jinsab il-benefiċjarju u s-settur ekonomiku prinċipali li fih huwa jeżerċita l-attivitajiet tiegħu.

(223)

Barra minn hekk, is-sit http://www.europe-en-france.gouv.fr/Centre-de-ressources/Aides-d-Etat/Regimes-d-aides jippreżenta l-iskemi ta' għajnuna kollha approvati mill-Kummissjoni Ewropea fi Franza, inkluż din is-sejħa għal offerti. Fl-aħħar nett, l-ammonti annwali ta' għajnuna mogħtija lill-impriża se jiġu ppubblikati fuq bażi annwali fuq l-istess sit web.

(224)

Għal dawn ir-raġunijiet, il-kundizzjonijiet ta' trasparenza li jirriżultaw mill-EEAG huma rispettati.

(225)

Il-miżura mogħtija minn Franza lill-konsorzju CEB tikkostitwixxi għajnuna.

(226)

Il-miżura se tkun kompatibbli mal-Linji Gwida dwar l-Għajnuna tal-Istat għall-ħarsien tal-Ambjent tal-2014, ladarba l-awtoritajiet Franċiżi jieħdu l-miżuri meħtieġa sabiex jiżguraw li l-benefiċjarju tal-għajnuna ma jirkuprax, għall-perjodu sħiħ tal-għajnuna, l-enerġija mill-impjant mingħand operatur li jkollu fuq is-suq Franċiż iktar minn 40 % tal-kapaċitajiet ta' produzzjoni tal-elettriku, kemm jekk ikun permezz ta' ftehim ta' tolling jew kuntratt ta' bejgħ fuq medda twila tal-enerġija prodotta mill-impjant għal prezz ugwali għal 95 % tal-prezz tas-suq.