18.5.2017   

MT

Il-Ġurnal Uffiċjali tal-Unjoni Ewropea

L 125/1

(1)

Pajjiż benefiċjarju taħt l-Iskema Ġeneralizzata ta' Preferenzi Tariffarji (“SĠP”) jista' jitlob li jibbenefika minn preferenzi tariffarji addizzjonali taħt l-arranġament ta' inċentiv speċjali għal żvilupp sostenibbli u governanza tajba (SĠP+). Għal dak l-għan, l-Artikolu 9(1) tar-Regolament (UE) Nru 978/2012 jistabbilixxi l-kriterji speċifiċi ta' eliġibilità għall-għoti tal-preferenzi tariffarji pprovduti skont l-GSP+. Il-pajjiż għandu jitqies bħala vulnerabbli minħabba nuqqas ta' diversifikazzjoni u integrazzjoni mhux suffiċjenti fis-sistema kummerċjali internazzjonali. Huwa għandu jkun irratifika l-konvenzjonijiet kollha elenkati fl-Anness VIII tar-Regolament (UE) Nru 978/2012 u l-aktar konklużjonijiet disponibbli reċenti tal-korpi ta' monitoraġġ rilevanti ma għandhomx jidentifikaw nuqqas serju fl-implimentazzjoni effettiva ta' xi waħda minn dawn il-konvenzjonijiet. Fir-rigward ta' kwalunkwe waħda mill-konvenzjonijiet rilevanti, il-pajjiż ma għandux ikun ifformula riżerva li hija pprojbita mill-konvenzjoni jew li, għall-finijiet esklussivi tal-Artikolu 9 tar-Regolament (UE) Nru 978/2012, titqies inkompatibbli mal-għan u l-fini ta' din il-konvenzjoni. Huwa għandu jaċċetta mingħajr riżerva l-obbligi ta' rapportar imposti minn kull konvenzjoni u jagħti l-impenji vinkolanti msemmijin fil-punti (d), (e) u (f) tal-Artikolu 9(1) tar-Regolament (UE) Nru 978/2012.

(2)

Pajjiż benefiċjarju tas-SĠP li jixtieq jibbenefika mis-SĠP+ ikollu jagħmel talba flimkien ma' informazzjoni komprensiva li tikkonċerna r-ratifika tal-konvenzjonijiet rilevanti, ir-riżervi tiegħu u l-oġġezzjonijiet għal dawn ir-riżervi magħmula minn partijiet oħra għall-konvenzjoni, u l-impenji obbligatorji tiegħu.

(3)

Il-Kummissjoni ngħatat is-setgħa tadotta atti delegati biex temenda l-Anness III tar-Regolament (UE) Nru 978/2012 sabiex jingħata SĠP+ lil pajjiż rikjedenti billi jiżdied mal-lista ta' pajjiżi benefiċjarji tas-SĠP+.

(4)

Fit-12 ta' Lulju 2016, il-Kummissjoni rċeviet talba ta' GSP+ min-naħa tar-Repubblika Soċjalista Demokratika tas-Sri Lanka (“Sri Lanka”).

(5)

Il-Kummissjoni eżaminat it-talba għal SĠP+ magħmula mis-Sri Lanka skont id-dispożizzjonijiet tal-Artikolu 10(1) tar-Regolament (UE) Nru 978/2012, u l-Kummissjoni stabbiliet li s-Sri Lanka tissodisfa l-kundizzjonijiet. Għalhekk is-Sri Lanka għandha tingħata SĠP + mid-data tad-dħul fis-seħħ ta' dan ir-Regolament. Jenħtieġ li l-Anness III tar-Regolament (UE) Nru 978/2012 jiġi emendat skont dan.

(6)

Skont l-Artikolu 13 tar-Regolament (UE) Nru 978/2012, il-Kummissjoni għandha tkompli tirrevedi l-istatus ta' ratifika tal-konvenzjonijiet rilevanti, l-implimentazzjoni effettiva ta' dawn il-konvenzjonijiet, kif ukoll il-kooperazzjoni mal-korpi ta' monitoraġġ rilevanti mill-gvern tas-Sri Lanka,

18.5.2017   

MT

Il-Ġurnal Uffiċjali tal-Unjoni Ewropea

L 125/3

(1)

Il-verżjoni tar-Regolament ta' Implimentazzjoni tal-Kummissjoni (UE) 2015/1998 (2) bil-Pollakk fiha żball fil-punt 11.4.3(a) tal-Anness b'rabta mal-lista ta' kompetenzi li għalihom hemm bżonn ta' taħriġ rikorrenti f'intervalli speċifiċi.

(2)

Il-verżjoni tar-Regolament ta' Implimentazzjoni (UE) 2015/1998 bl-Iżvediż fiha żbalji fl-Anness, jiġifieri fil-punti 8.1.1.2 u 9.1.1.3 b'rabta mar-rekwiżit tal-iskrinjar mill-ġdid; fil-punt 8.3.1 b'rabta mal-oġġett tal-obbligu ta' twassil; fl-ewwel paragrafu tal-punt 9.1.3.5(b) b'rabta mal-kamp ta' applikazzjoni tal-metodu ta' validazzjoni; fil-punt 9.3.1 b'rabta mal-oġġett tal-obbligu ta' twassil; u fil-frażi tal-bidu tal-punt 11.2.3.1 b'rabta mal-persuni koperti mill-obbligu tat-taħriġ.

(3)

Għalhekk il-verżjonijiet tar-Regolament ta' Implimentazzjoni (UE) 2015/1998 bl-Iżvediż u bil-Pollakk għandhom jiġu kkoreġuti kif xieraq. Il-verżjonijiet bil-lingwi l-oħra ma jintlaqtux.

(4)

Il-miżuri previsti f'dan ir-Regolament huma skont l-opinjoni tal-Kumitat dwar is-Sigurtà tal-Avjazzjoni Ċivili,

18.5.2017   

MT

Il-Ġurnal Uffiċjali tal-Unjoni Ewropea

L 125/5

(1)

Ir-Regolament (KE) Nru 834/2007 jistabbilixxi r-rekwiżiti bażiċi għall-produzzjoni organika tal-annimali tal-akkwakultura, inklużi r-rekwiżiti fir-rigward tal-għalf. Ir-regoli dettaljati għall-implimentazzjoni ta' dawk ir-rekwiżiti huma stabbiliti fir-Regolament tal-Kummissjoni (KE) Nru 889/2008 (2).

(2)

L-Artikolu 15(1)(d)(i) tar-Regolament (KE) Nru 834/2007 jeħtieġ li l-ħut u l-krustaċji, jintemgħu b'għalf organiku li jissodisfa l-ħtiġijiet nutrizzjonali tal-annimali fl-istadji varji tal-iżvilupp tagħhom.

(3)

L-Artikolu 25l tar-Regolament (KE) Nru 889/2008 jistabbilixxi regoli speċifiċi dwar l-għalf għal ċerti annimali tal-akkwakultura msemmija fit-Taqsimiet 6, 7 u 9 tal-Anness XIIIa ta' dak ir-Regolament. Ir-regoli stipulati f'dak l-Artikolu għandhom l-għan li jagħtu prijorità lill-għalf disponibbli b'mod naturali, meta dan ikun disponibbli.

(4)

Skont l-Artikolu 25l(1) tar-Regolament (KE) Nru 889/2008, l-annimali kkonċernati għandhom jingħalfu b'għalf li jkun disponibbli b'mod naturali fil-vaski u fil-lagi. L-Artikolu 25l(2) ta' dak ir-Regolament jippermetti l-użu ta' għalf organiku li ġej mill-pjanti jew mill-alka fejn ma jkunux disponibbli riżorsi naturali tal-għalf fi kwantitajiet suffiċjenti. L-Artikolu 25l(3)(a) u (b) ta' dak ir-Regolament jistabbilixxi l-perċentwali massimi ta' ħut imqadded mitħun u ta' żejt tal-ħut li jista' jiġi inkluż fil-porzjon ta' għalf tas-siamese catfish u tal-gambli fejn l-għalf naturali disponibbli jiġi ssupplimentat.

(5)

L-għalf disponibbli b'mod naturali huwa limitat jew noneżistenti fl-istadju tat-tfaqqis. L-Istati Membri indikaw lill-Kummissjoni li r-regoli dwar it-tmigħ tal-gambli penaeid, b'mod partikolari l-gambli Tigra (Penaeus monodon), stabbiliti fl-Artikolu 25l(3)(b) tar-Regolament (KE) Nru 889/2008, iwasslu għal malnutrizzjoni u żieda fil-mortalità jekk jiġu applikati fi stadji bikrija tat-trobbija f'mafqas.

(6)

L-Artikolu 25l(1) tar-Regolament (KE) Nru 889/2008 jitlob li l-annimali kkonċernati jingħalfu b'għalf li jkun disponibbli b'mod naturali fil-vaski u fil-lagi. Ir-regola stabbilita f'dak l-Artikolu għandha tikkonċerna biss l-fażijiet ta' tismin li waqthom l-annimali jinżammu f'għadajjar u lagi, pjuttost milli f'mafqas fejn l-għalf disponibbli naturalment ma jkunx biżżejjed. Dan huwa speċjalment pertinenti mill-31 ta' Diċembru 2016, minn meta, f'konformità mal-Artikolu 25e(3) tar-Regolament (KE) Nru 889/2008, il-frieħ tal-annimali tal-akkwakultura soġġetti għal kundizzjonijiet partikolari ta' ġestjoni mhux organiċi ma jistgħux jiddaħħlu aktar f'azjendi organiċi. Qabel din id-data, kien permess li jiġi introdott persentaġġ ta' annimali żgħar mhux organiċi f'azjendi agrikoli organiċi, wara stadju f'maqfas taħt ġestjoni mhux organika.

(7)

Barra minn hekk, il-grupp ta' esperti biex jagħti pariri tekniċi dwar il-produzzjoni organika (“EGTOP”), imwaqqaf bid-Deċiżjoni tal-Kommissjoni 2009/427/KE (3) ikkonferma li ir-regoli speċifiċi li jinsabu fl-Artikolu 25l(3)(a) u (b) tar-Regolament (KE) Nru 889/2008 huma adattati biss għall-istadji ta' tismin (4). L-EGTOP tqis li l-limitazzjonijiet fuq il-ħut mitħun u ż-żejt tal-ħuta stabbiliti f'dak l-Artikolu ma jippermettux li jintlaħqu l-ħtiġijiet nutrizzjonali tal-annimali matul l-istadji bikrija tal-ħajja filwaqt li l-annimali jkunu f'mafqas.

(8)

Il-Kummissjoni identifikat il-ħtieġa li jiġu emendati r-regoli dwar l-għalf għal ċerti annimali tal-akkwakultura billi jiġi ċċarat li dawn ir-regoli japplikaw biss għall-istadji ta' tismin. Sabiex waslet għal din il-konklużjoni l-Kummissjoni qieset ir-rekwiżit li jissodisfa l-ħtiġijiet nutrizzjonali tal-annimali fl-istadji varji tal-iżvilupp tagħhom kif stabbilit fl-Artikolu 15(1)(d)(i) tar-Regolament (KE) Nru 834/2007, l-għan tal-Artikolu 25l tar-Regolament (KE) Nru 889/2008 biex tingħata priorità lill-għalf disponibbli naturalment fejn dan ikun disponibbli, u l-opinjoni tal-EGTOP.

(9)

Għaldaqstant, ir-Regolament (KE) Nru 889/2008 għandu jiġi emendat skont dan.

(10)

Il-miżuri stipulati f'dan ir-Regolament huma skont l-opinjoni tal-Kumitat Regolatorju għall-produzzjoni organika,

18.5.2017   

MT

Il-Ġurnal Uffiċjali tal-Unjoni Ewropea

L 125/7

(1)

L-Anness II tar-Regolament (KE) Nru 1333/2008 jistabbilixxi lista tal-Unjoni ta' addittivi tal-ikel approvati għall-użu fl-ikel u l-kundizzjonijiet tal-użu tagħhom.

(2)

Il-lista tal-Unjoni tal-addittivi tal-ikel tista' tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2), fuq inizjattiva tal-Kummissjoni jew wara li ssir applikazzjoni.

(3)

Fl-10 ta' Marzu 2016, ġiet ippreżentata applikazzjoni mill-Polonja għall-awtorizzazzjoni tal-użu tan-nitriti (E 249–250) bħala preservattiv fil-“golonka peklowana” Sussegwentement l-applikazzjoni tpoġġiet għad-disponibbiltà tal-Istati Membri skont l-Artikolu 4 tar-Regolament (KE) Nru 1331/2008.

(4)

Skont l-applikant, il-“golonka peklowana” hija preparazzjoni tradizzjonali tal-laħam mill-Polonja li fiha n-nitriti minbarra l-effetti ta' preservazzjoni tagħhom jintużaw bħala aġent solidifikanti sabiex jinkisbu l-karatteristiċi tal-kulur, tat-togħma u tal-konsistenza mixtieqa, kif mistennija mill-konsumaturi. Il-“golonka peklowana” tiġi offruta lill-konsumaturi biex tkompli tiġi ttrattata bis-sħana qabel ma' tiġi kkunsmata.

(5)

Il-Premessa 7 tar-Regolament (KE) Nru 1333/2008 tistipula li l-approvazzjoni tal-addittivi tal-ikel għandha tieħu wkoll kont ta' fatturi oħrajn rilevanti għall-kwistjoni taħt konsiderazzjoni, inklużi, inter alia, il-fatturi tradizzjonali. Għalhekk, huwa xieraq li jinżammu ċerti prodotti tradizzjonali fis-suq f'xi Stati Membri fejn l-użu tal-additivi tal-ikel jikkonforma mal-kundizzjonijiet ġenerali u speċifiċi stabbiliti fir-Regolament (KE) Nru 1333/2008.

(6)

Sabiex tkun żgurata l-applikazzjoni uniformi tal-użu tal-addittivi koperti b'dan ir-Regolament, il-“golonka peklowana” se tkun deskritta fid-dokument ta' gwida li jiddeskrivi l-kategoriji tal-ikel fil-Parti E tal-Anness II tar-Regolament (KE) Nru 1333/2008 dwar l-addittivi tal-ikel (3).

(7)

Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel (l-Awtorità) sabiex taġġorna l-lista tal-Unjoni ta' addittivi tal-ikel stabbilita fl-Anness II tar-Regolament (KE) Nru 1333/2008, ħlief meta l-aġġornament inkwistjoni ma jkunx mistenni li jkollu effett fuq saħħet il-bniedem. In-nitriti huma awtorizzati għall-użu fi prodotti tal-laħam. Fuq bażi ġenerali, l-użu fil-preparazzjonijiet tal-laħam huwa ristrett għal ċerti preparazzjonijiet tradizzjonali u huma stabbiliti dispożizzjonijiet speċifiċi għall-prodotti tal-laħam staġjonat tradizzjonalment. Peress li l-applikazzjoni għall-estensjoni tal-użu tan-nitriti hija limitata għall-preparazzjoni speċifika tal-laħam li tkun ġiet użata tradizzjonalment, mhuwiex mistenni li l-estensjoni jkollha impatt sinifikanti fuq l-esponiment totali għan-nitriti. Għalhekk, l-użu estiż ta' dawn l-addittivi jikkostitwixxi aġġornament tal-lista tal-Unjoni li mhux mistenni jkollu effett fuq is-saħħa tal-bniedem u mhuwiex meħtieġ li titfittex l-opinjoni tal-Awtorità.

(8)

L-Anness II tar-Regolament (KE) Nru 1333/2008 għandu jiġi emendat skont dan.

(9)

Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

18.5.2017   

MT

Il-Ġurnal Uffiċjali tal-Unjoni Ewropea

L 125/10

(1)

Skont l-Artikolu 80(1)(a) tar-Regolament (KE) Nru 1107/2009, għandha tapplika d-Direttiva tal-Kunsill 91/414/KEE (2), fir-rigward tal-proċedura u tal-kundizzjonijiet għall-approvazzjoni għas-sustanzi attivi li għalihom ġiet adottata deċiżjoni skont l-Artikolu 6(3) ta' dik id-Direttiva qabel l-14 ta' Ġunju 2011. Id-Deċiżjoni tal-Kummissjoni 2006/806/KE (3) tissodisfa l-kundizzjonijiet tal-Artikolu 80(1)(a) tar-Regolament (KE) Nru 1107/2009 għall-ortosulfamuron.

(2)

Skont l-Artikolu 6(2) tad-Direttiva 91/414/KEE fl-4 ta' Lulju 2005 l-Italja rċeviet applikazzjoni mingħand Isagro S.p.A. biex is-sustanza attiva ortosulfamuron tiddaħħal fl-Anness I tad-Direttiva 91/414/KEE. Id-Deċiżjoni 2006/806/KE kkonfermat li d-dossier kien “komplut” fis-sens li seta' jitqies bħala wieħed li fil-prinċipju jissodisfa r-rekwiżiti tad-dejta u tal-informazzjoni tal-Annessi II u III tad-Direttiva 91/414/KEE.

(3)

Għal dik is-sustanza attiva, ġew ivvalutati l-effetti fuq is-saħħa tal-bniedem u tal-annimali u fuq l-ambjent, f'konformità mad-dispożizzjonijiet tal-Artikolu 6(2) u (4) tad-Direttiva 91/414/KEE, għall-użi proposti mill-applikant. L-Istat Membru relatur maħtur issottometta abbozz tar-rapport ta' valutazzjoni fis-27 ta' Lulju 2012. Skont l-Artikolu 6(3) tar-Regolament tal-Kummissjoni (UE) Nru 188/2011 (4) l-applikant intalab jibgħat informazzjoni addizzjonali. L-evalwazzjoni mill-Italja tal-informazzjoni addizzjonali sottomessa mill-applikant ġiet sottomessa fil-format ta' addenda tal-abbozz tar-rapport ta' valutazzjoni u saret mill-Awtorità Ewropea dwar is-Sigurtà fl-Ikel (minn hawn 'il quddiem imsejħa “l-Awtorità”) f'Awwissu 2013.

(4)

L-abbozz tar-rapport ta' valutazzjoni ġie rivedut mill-Istati Membri u mill-Awtorità. Fit-3 ta' Settembru 2013, l-Awtorità ppreżentat il-konklużjoni tagħha lill-Kummissjoni dwar il-valutazzjoni tar-riskju tal-pestiċida tas-sustanza attiva ortosulfamuron (5). L-Awtorità kkonkludiet li l-informazzjoni disponibbli dwar in-natura tar-residwi fl-għelejjel primarji u suċċessivi flimkien ma' nuqqas ta' informazzjoni tossikoloġika u valutazzjoni tat-teħid dwar xi metaboliti tal-pjanti ma tippermettix l-iffinalizzar tal-valutazzjoni tar-riskju għall-konsumaturi. Addizzjonalment, ma setgħetx tiġi ffinalizzata wkoll il-valutazzjoni tar-riskju għall-organiżmi li jgħixu fil-ħamrija u għall-organiżmi akkwatiċi. Barra minn hekk, l-Awtorità identifikat tħassib minn ċerti metaboliti, u konsegwentement ma setgħetx tiġi ffinalizzata l-valutazzjoni tal-esponiment għall-ilma ta' taħt l-art.

(5)

Il-Kummissjoni stiednet lill-applikant jissottometti l-kummenti tiegħu dwar il-konklużjoni tal-Awtorità u, f'konformità mal-Artikolu 9(1) tar-Regolament (UE) Nru 188/2011, dwar l-abbozz tar-rapport ta' reviżjoni. L-applikant ressaq il-kummenti tiegħu, u dawn ġew eżaminati bir-reqqa.

(6)

Madankollu, minkejja l-argumenti mressqa mill-applikant, it-tħassib identifikat/imsemmi fil-premessa 4 ma setax jiġi eliminat.

(7)

Għalhekk, ma ntweriex li wieħed jista' jistenna li, bil-kundizzjonijiet proposti tal-użu, il-prodotti għall-protezzjoni tal-pjanti li fihom l-ortosulfamuron jissodisfaw b'mod ġenerali r-rekwiżiti stabbiliti fl-Artikolu 5(1)(a) u (b) tad-Direttiva 91/414/KEE.

(8)

Għaldaqstant, l-ortosulfamuron ma għandux jiġi approvat skont l-Artikolu 13(2) tar-Regolament (KE) Nru 1107/2009.

(9)

Skont l-Artikolu 8(1)(b) tad-Direttiva 91/414/KEE, l-Istati Membri ngħataw il-possibbiltà li jagħtu awtorizzazzjonijiet provviżorji għall-prodotti tal-protezzjoni tal-pjanti li jkun fihom l-ortosulfamuron għal perjodu inizjali ta' tliet snin. Id-Deċiżjoni ta' Implimentazzjoni tal-Kummissjoni 2013/205/UE (6) tat permess lill-Istati Membri jestendu l-awtorizzazzjonijiet provviżorji għall-ortosulfamuron għal perjodu li jintemm mhux aktar tard mit-30 ta' April 2015.

(10)

Minħabba l-fatt li l-awtorizzazzjonijiet eżistenti kollha skadew, ma hemmx il-ħtieġa li jingħata perjodu addizzjonali biex jiġu rtirati l-awtorizzazzjonijiet għall-prodotti tal-protezzjoni tal-pjanti li fihom l-ortosulfamuron.

(11)

Dan ir-Regolament ma jippreġudikax is-sottomissjoni ta' applikazzjoni ulterjuri għall-ortosulfamuron f'konformità mal-Artikolu 7 tar-Regolament (KE) Nru 1107/2009.

(12)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

18.5.2017   

MT

Il-Ġurnal Uffiċjali tal-Unjoni Ewropea

L 125/12

(1)

Il-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi meqjusin li ġew approvati skont ir-Regolament (KE) Nru 1107/2009.

(2)

Il-perjodi ta' approvazzjoni tas-sustanzi attivi bentażon, dikwat, DPX KE 459 (flupirsulfuron-metil), famoksadon, flumjoksażina, metalaksil-m u pimetrożina ġew estiżi l-aħħar bir-Regolament ta' Implimentazzjoni tal-Kummissjoni (UE) 2016/549 (3). L-approvazzjoni ta' dawk is-sustanzi se tiskadi fit-30 ta' Ġunju 2017. L-applikazzjonijiet għat-tiġdid tal-inklużjoni ta' dawk is-sustanzi fl-Anness I tad-Direttiva tal-Kunsill 91/414/KEE (4) tressqu skont l-Artikolu 4 tar-Regolament tal-Kummissjoni (UE) Nru 1141/2010 (5).

(3)

Il-perjodi ta' approvazzjoni tas-sustanzi attivi etil tal-karfentrażon, ċjażofammid, fenamidon, foramsulfuron, imażamoks, isossaflutol, oksasulfuron, pendimetalin, u triflossistrobin ġew estiżi l-aħħar bir-Regolament ta' Implimentazzjoni tal-Kummissjoni (UE) 2016/950 (6). L-approvazzjoni ta' dawk is-sustanzi se tiskadi se tiskadi fil-31 ta' Lulju 2017.

(4)

Il-perjodi ta' approvazzjoni tas-sustanzi attivi alfa-ċipermetrina, ir-razza Ampelomyces quisqualis: aq 10, benalassil, bifenażat, bromossinil, klorprofam, desmedifam, etossażol, ir-razza Gliocladium catenulatum: J1446, imażosulfuron, laminarin, metossifenożid, milbemektin, fenmedifam, u s-metolaklor ġew estiżi bir-Regolament ta' Implimentazzjoni tal-Kummissjoni (UE) Nru 1197/2012 (7). L-approvazzjoni ta' dawk is-sustanzi se tiskadi fil-31 ta' Lulju 2017.

(5)

L-applikazzjonijiet għat-tiġdid tal-approvazzjoni tas-sustanzi mniżżla fil-Premessi 3 u 4 tressqu skont ir-Regolament ta' Implimentazzjoni tal-Kummissjoni (UE) Nru 844/2012 (8).

(6)

Peress li l-valutazzjoni tas-sustanzi ddewmet minħabba raġunijiet li ma kinux fil-kontroll tal-applikanti, aktarx li l-approvazzjonijiet ta' dawk is-sustanzi attivi jiskadu qabel tkun ittieħdet deċiżjoni dwar it-tiġdid tagħhom. Għalhekk jeħtieġ jiġu estiżi l-perjodi ta' approvazzjoni tagħhom.

(7)

Fid-dawl tal-għan tal-ewwel paragrafu tal-Artikolu 17 tar-Regolament (KE) Nru 1107/2009, fir-rigward tal-każijiet meta l-Kummissjoni se tadotta Regolament li jistipula li l-approvazzjoni ta' sustanza attiva msemmija fl-Anness ta' dan ir-Regolament ma tiġġeddidx għax ma jkunux jintlaħqu l-kriterji tal-approvazzjoni, il-Kummissjoni se tistabbilixxi skadenza fl-istess data prevista qabel dan ir-Regolament jew inkella, jekk din id-data tkun aktar tard, fid-data meta jidħol fis-seħħ ir-Regolament li jistipula li l-approvazzjoni tas-sustanza attiva ma tiġġeddidx. Fir-rigward tal-każijiet meta l-Kummissjoni se tadotta Regolament li jistipula t-tiġdid ta' sustanza attiva msemmija fl-Anness ta' dan ir-Regolament, il-Kummissjoni se tipprova tistabbilixxi l-aktar data tal-applikazzjoni kmieni possibbli, kif xieraq u skont iċ-ċirkostanzi.

(8)

Għalhekk ir-Regolament ta' Implimentazzjoni (UE) Nru 540/2011 għandu jiġi emendat skont dan.

(9)

Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

18.5.2017   

MT

Il-Ġurnal Uffiċjali tal-Unjoni Ewropea

L 125/16

(1)

Id-Direttiva tal-Kummissjoni 2003/79/KE (2) inkludiet ir-razza ta' mikrobu Coniothyrium minitans CON/M/91-08 bħala sustanza attiva fl-Anness I tad-Direttiva tal-Kunsill 91/414/KEE (3).

(2)

Is-sustanzi attivi li hemm fl-Anness I tad-Direttiva 91/414/KEE jitqiesu li ġew approvati skont ir-Regolament (KE) Nru 1107/2009 u jinsabu elenkati fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (4).

(3)

Kif stipulat fil-Parti A tal-Anness tar-Regolament ta' Implimentazzjoni (UE) Nru 540/2011, l-approvazzjoni tas-sustanza attiva, ir-razza ta' mikrobu Coniothyrium minitans CON/M/91-08, tiskadi fil-31 ta' Ottubru 2017.

(4)

Tressqet applikazzjoni għat-tiġdid tal-approvazzjoni tar-razza ta' mikrobu Coniothyrium minitans CON/M/91-08 skont l-Artikolu 1 tar-Regolament ta' Implimentazzjoni tal-Kummissjoni (UE) Nru 844/2012 (5) fil-perjodu taż-żmien stipulat fl-istess Artikolu.

(5)

L-applikant ressaq id-dossiers addizzjonali meħtieġa skont l-Artikolu 6 tar-Regolament ta' Implimentazzjoni (UE) Nru 844/2012. L-Istat Membru relatur sab li l-applikazzjoni kienet kompluta.

(6)

L-Istat Membru relatur ħejja rapport ta' valutazzjoni tat-tiġdid b'konsultazzjoni mal-Istat Membru korelatur u ppreżentah lill-Awtorità Ewropea dwar is-Sigurtà fl-Ikel (“l-Awtorità”) u lill-Kummissjoni fid-29 ta' Mejju 2015.

(7)

L-Awtorità bagħtet ir-rapport ta' valutazzjoni tat-tiġdid lill-applikant u lill-Istati Membri għall-kummenti tagħhom, u għaddiet il-kummenti li waslulha lill-Kummissjoni. L-Awtorità qiegħdet ukoll id-dossier ta' sommarju supplimentari għad-dispożizzjoni tal-pubbliku.

(8)

Fit-8 ta' Ġunju 2016 l-Awtorità bagħtet lill-Kummissjoni l-konklużjoni tagħha (6) dwar jekk ir-razza ta' mikrobu Coniothyrium minitans CON/M/91-08 tistax tiġi mistennija li tissodisfa l-kriterji għall-approvazzjoni stipulati fl-Artikolu 4 tar-Regolament (KE) Nru 1107/2009. Fis-6 ta' Diċembru 2016, il-Kummissjoni ppreżentat l-abbozz tar-rapport ta' tiġdid għar-razza ta' mikrobu Coniothyrium minitans CON/M/91-08 lill-Kumitat Permanenti dwar il-Pjanti, l-Annimali, l-Ikel u l-Għalf.

(9)

L-applikant ingħata ċ-ċans jibgħat il-kummenti tiegħu dwar ir-rapport ta' tiġdid.

(10)

Dwar l-użu rappreżentattiv, wieħed jew aktar, ta' mill-inqas prodott wieħed tal-protezzjoni tal-pjanti li fih ir-razza ta' mikrobu Coniothyrium minitans CON/M/91-08, ġie stabbilit li l-kriterji għall-approvazzjoni stipulati fl-Artikolu 4 tar-Regolament (KE) Nru 1107/2009 huma ssodisfati. Għalhekk huwa xieraq li l-approvazzjoni tar-razza ta' mikrobu Coniothyrium minitans CON/M/91-08 tiġi mġedda.

(11)

Il-valutazzjoni tar-riskju għat-tiġdid tal-approvazzjoni tar-razza ta' mikrobu Coniothyrium minitans CON/M/91-08 hija bbażata fuq għadd limitat ta' użi rappreżentattivi, li madankollu ma jillimitawx l-użi li għalihom jistgħu jiġu awtorizzati l-prodotti għall-protezzjoni tal-pjanti li fihom ir-razza ta' mikrobu Coniothyrium minitans CON/M/91-08. Għaldaqstant, jixraq li r-restrizzjoni għall-użu bħala fungiċid biss ma tibqax fis-seħħ.

(12)

Il-Kummissjoni tqis ukoll li r-razza ta' mikrobu Coniothyrium minitans CON/M/91-08 hija sustanza attiva ta' riskju baxx skont l-Artikolu 22 tar-Regolament (KE) Nru 1107/2009. Ir-razza ta' mikrobu Coniothyrium minitans CON/M/91-08 mhix sustanza ta' tħassib u tissodisfa l-kundizzjonijiet stabbiliti fil-punt 5 tal-Anness II tar-Regolament (KE) Nru 1107/2009. Ir-razza ta' mikrobu Coniothyrium minitans CON/M/91-08 hi razza ta' tip selvaġġ li tinsab fl-ambjent b'mod naturali. Mhijiex patoġenika għall-bnedmin jew għall-annimali. L-esponiment addizzjonali tal-bnedmin, tal-annimali u tal-ambjent għall-użi approvati skont ir-Regolament (KE) Nru 1107/2009 huwa mistenni jkun negliġibbli meta mqabbel mal-esponiment mistenni f'sitwazzjonijiet naturali realistiċi.

(13)

Għalhekk huwa xieraq li l-approvazzjoni tar-razza ta' mikrobu Coniothyrium minitans CON/M/91-08 tiġi mġedda. Skont l-Artikolu 13(4) tar-Regolament (KE) Nru 1107/2009, l-Anness tar-Regolament ta' Implimentazzjoni (UE) Nru 540/2011 għandu jiġi emendat skont dan.

(14)

Madankollu, skont l-Artikolu 14(1) tar-Regolament (KE) Nru 1107/2009, flimkien mal-Artikolu 6 tiegħu, u fid-dawl tal-għarfien xjentifiku u tekniku attwali, jeħtieġ li jiġu inklużi ċerti kundizzjonijiet u restrizzjonijiet.

(15)

Għaldaqstant, b'konformità mal-Artikolu 20(3) tar-Regolament (KE) Nru 1107/2009, flimkien mal-Artikolu 13(4) tiegħu, l-Anness tar-Regolament ta' Implimentazzjoni (UE) Nru 540/2011 għandu jiġi emendat.

(16)

Ir-Regolament ta' Implimentazzjoni tal-Kummissjoni (UE) 2016/950 (7) estenda l-perjodu ta' approvazzjoni tar-razza ta' mikrobu Coniothyrium minitans CON/M/91-08 sal-31 ta' Ottubru 2017 sabiex il-proċess ta' tiġdid ikun jista' jitlesta qabel id-data ta' skadenza tal-approvazzjoni ta' dik is-sustanza. Madankollu, minħabba li d-deċiżjoni dwar it-tiġdid laħqet ittieħdet qabel din id-data ta' skadenza estiża, dan ir-Regolament għandu japplika mill-1 ta' Awwissu 2017.

(17)

Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

18.5.2017   

MT

Il-Ġurnal Uffiċjali tal-Unjoni Ewropea

L 125/21

(1)

F'konformità mal-Artikolu 7(1) tar-Regolament (KE) Nru 1107/2009, fis-6 ta' Novembru 2012 Franza rċeviet applikazzjoni mingħand Arysta Lifescience S.A.S. għall-approvazzjoni tas-sustanza attiva Beauveria bassiana tar-razza NPP111B005. Skont l-Artikolu 9(3) ta' dak ir-Regolament, fil-5 ta' Frar 2013 Franza, bħala l-Istat Membru relatur, għarrfet lill-applikant, lill-Istati Membri l-oħrajn, lill-Kummissjoni u lill-Awtorità Ewropea dwar is-Sigurtà fl-Ikel (minn hawn 'il quddiem imsejħa “l-Awtorità”) bl-ammissibbiltà tal-applikazzjoni.

(2)

Fis-7 ta' Ottubru 2014, l-Istat Membru relatur ippreżenta abbozz tar-rapport ta' valutazzjoni lill-Kummissjoni u bagħat kopja tiegħu lill-Awtorità, u fih ivvaluta jekk jistax jiġi mistenni li dik is-sustanza attiva tissodisfa l-kriterji għall-approvazzjoni stipulati fl-Artikolu 4 tar-Regolament (KE) Nru 1107/2009.

(3)

L-Awtorità kkonformat mal-Artikolu 12(1) tar-Regolament (KE) Nru 1107/2009. Skont l-Artikolu 12(3) tar-Regolament (KE) Nru 1107/2009, l-applikant qed jintalab jibgħat iktar informazzjoni lill-Istati Membri, lill-Kummissjoni u lill-Awtorità. Il-valutazzjoni tal-informazzjoni addizzjonali mill-Istat Membru relatur ġiet sottomessa quddiem l-Awtorità fil-format ta' abbozz aġġornat tar-rapport ta' valutazzjoni fit-3 ta' Lulju 2015.

(4)

Fis-6 ta' Ottubru 2015, l-Awtorità kkomunikat il-konklużjoni tagħha (2) lill-applikant, lill-Istati Membri u lill-Kummissjoni dwar jekk is-sustanza attiva Beauveria bassiana tar-razza NPP111B005 hix mistennija tissodisfa l-kriterji tal-approvazzjoni previsti fl-Artikolu 4 tar-Regolament (KE) Nru 1107/2009. L-Awtorità għamlet il-konklużjonijiet tagħha disponibbli għall-pubbliku.

(5)

Fit-8 ta' Marzu 2016, il-Kummissjoni ppreżentat ir-rapport ta' reviżjoni għall-Beauveria bassiana tar-razza NPP111B005 lill-Kumitat Permanenti dwar il-Pjanti, l-Annimali, l-Ikel u l-Għalf, kif ukoll abbozz ta' Regolament li fih previst li l-Beauveria bassiana tar-razza NPP111B005 hija approvata.

(6)

L-applikant ingħata l-opportunità li jippreżenta l-kummenti tiegħu dwar ir-rapport ta' reviżjoni.

(7)

Ġie stabbilit li l-kriterji tal-approvazzjoni stipulati fl-Artikolu 4 tar-Regolament (KE) Nru 1107/2009 huma ssodisfati fir-rigward ta' użu rappreżentattiv wieħed jew aktar ta' mill-inqas prodott għall-protezzjoni tal-pjanti wieħed li fih is-sustanza attiva, u b'mod partikolari l-użi li ġew eżaminati u spjegati fir-rapport ta' reviżjoni. Huwa għalhekk xieraq li l-Beauveria bassiana tar-razza NPP111B005 tiġi approvata.

(8)

Madankollu, b'konformità mal-Artikolu 13(2) tar-Regolament (KE) Nru 1107/2009, flimkien mal-Artikolu 6 tiegħu, u fid-dawl tal-għarfien xjentifiku u tekniku attwali, jeħtieġ li jiġu inklużi ċerti kundizzjonijiet u restrizzjonijiet.

(9)

B'konformità mal-Artikolu 13(4) tar-Regolament (KE) Nru 1107/2009, l-Anness tar-Regolament ta' Implimentazzjoni tal-Kummissjoni (UE) Nru 540/2011 (3) jenħtieġ li jiġi emendat skont dan.

(10)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

18.5.2017   

MT

Il-Ġurnal Uffiċjali tal-Unjoni Ewropea

L 125/25

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

18.5.2017   

MT

Il-Ġurnal Uffiċjali tal-Unjoni Ewropea

L 125/27

(1)

L-Anness III tad-Direttiva 2008/56/KE jistabbilixxi l-listi indikattivi tal-karatteristiki, il-pressjonijiet u l-impatti msemmijin fl-Artikoli 8(1), 9(1), 9(3), 10(1), 11(1) u 24 ta' dik id-Direttiva.

(2)

Fl-2012, abbażi tal-ewwel valutazzjoni tal-ilmijiet tal-baħar tagħhom li twettqet skont l-Artikolu 8(1) tad-Direttiva 2008/56/KE u bħala parti mill-ewwel ċiklu tal-implimentazzjoni tal-istrateġiji tal-baħar tagħhom, l-Istati Membri bagħtu sett ta' karatteristiki li jwasslu għal status ambjentali tajjeb u l-miri ambjentali tagħhom, lill-Kummissjoni bi qbil mal-Artikoli 9(2) u 10(2) tad-Direttiva 2008/56/KE, rispettivament. Il-valutazzjoni mill-Kummissjoni (2) ta' dawk ir-rapporti tal-Istati Membri, li twettqet skont l-Artikolu 12 ta' dik id-Direttiva, uriet ċar li huma meħtieġa b'mod urġenti aktar sforzi jekk l-Istati Membri u l-Unjoni jridu jaslu għal status ambjentali tajjeb sal-2020.

(3)

Biex ikun aċċertat li t-tieni ċiklu tal-implimentazzjoni tal-istrateġiji tal-baħar tal-Istati Membri jkompli jikkontribwixxi biex jintlaħqu l-għanijiet tad-Direttiva 2008/56/KE u jrendi determinazzjonijiet iżjed konsistenti ta' status ambjentali tajjeb, fir-rapport tagħha dwar l-ewwel fażi tal-implimentazzjoni, il-Kummissjoni rrakkomandat li fil-livell tal-Unjoni, is-servizzi tal-Kummissjoni u l-Istati Membri jikkollaboraw biex jirrevedu, isaħħu u jtejbu d-Deċiżjoni tal-Kummissjoni 2010/477/UE (3) sal-2015, u li jimmiraw biex jipproduċu sett ta' kriterji għal status ambjentali tajjeb u standards metodoloġiċi aktar ċari, aktar sempliċi, aktar konċiżi u aktar koerenti u komparabbli, u fl-istess ħin jirrevedu l-Anness III tad-Direttiva Kwadru tal-Istrateġija Marina, u jekk ikun hemm bżonn, jirreveduha u jiżviluppaw gwida speċifika biex ikun aċċertat metodu aktar koerenti u konsistenti għall-valutazzjonijiet fiċ-ċiklu ta' implimentazzjoni li jmiss.

(4)

Ir-reviżjoni tal-Anness III tad-Direttiva 2008/56/KE hija meħtieġa biex tikkomplementa r-reviżjoni tad-Deċiżjoni 2010/477/UE. Barra minn hekk, ir-relazzjoni bejn l-Anness III tad-Direttiva 2008/56/KE u d-deskritturi kwalitattivi għad-determinazzjoni ta' status ambjentali tajjeb elenkati fl-Anness I ta' dik id-Direttiva hija biss impliċita f'dik id-Direttiva, u għaldaqstant mhijiex ċara biżżejjed. F'dokument ta' ħidma tal-persunal tal-2011 (4), il-Kummissjoni spjegat ir-relazzjonijiet bejn id-deskritturi kwalitattivi elenkati fl-Anness I tad-Direttiva 2008/56/KE, l-elementi stabbiliti fl-Anness III ta' dik id-Direttiva, u l-kriterji u l-indikaturi stabbiliti fid-Deċiżjoni 2010/477/UE, iżda setgħet tagħti biss tweġiba parzjali minħabba l-kontenut inerenti tagħhom. Hija meħtieġa reviżjoni tal-Anness III tad-Direttiva 2008/56/KE biex dawk ir-relazzjonijiet jiġu ċċarati aħjar u biex tkun iffaċilitata l-implimentazzjoni, u jkun hemm rabtiet aħjar bejn l-elementi tal-ekosistema u tal-pressjoni u l-impatti antropoġeniċi fuq l-ambjent tal-baħar mad-deskritturi fl-Anness I tad-Direttiva 2008/56/KE u mar-riżultat tar-reviżjoni tad-Deċiżjoni 2010/477/UE.

(5)

L-Anness III tad-Direttiva 2008/56/KE għandu jipprovdi l-elementi għall-evalwazzjoni (l-Artikolu 8(1) ta' dik id-Direttiva) rigward status ambjentali tajjeb (l-Artikolu 9(1) ta' dik id-Direttiva), jipprovdi l-elementi li jridu jiġu ssorveljati (l-Artikolu 11(1) ta' dik id-Direttiva), li huma komplementari għall-evalwazzjoni (eż. it-temperatura, is-salinità), u jipprovdi l-elementi li għandhom jitqiesu meta jkunu qegħdin jiġu ffissati l-miri (l-Artikolu 10(1) tad-Direttiva). Ir-rilevanza ta' dawn l-elementi se jvarjaw skont ir-reġjun u l-Istat Membru minħabba karatteristiki reġjonali diverġenti. Dan ifisser li l-elementi jeħtieġ li jiġu indirizzati biss jekk jitqies li jkunu “aspetti u karatteristiki essenzjali” jew “pressjonijiet u impatti predominanti” kif imsemmija rispettivament fil-punti (a) u (b) tal-Artikolu 8(1) tad-Direttiva 2008/56/KE, u jekk ikunu preżenti fl-ilmijiet tal-Istat Membru rilevanti.

(6)

Huwa importanti li jkun żgurat li l-elementi stabbiliti fl-Anness III tad-Direttiva 2008/56/KE jkunu marbutin b'mod ċar mad-deskritturi kwalitattivi tal-Anness I ta' dik id-Direttiva u mal-kriterji u l-istandards metodoloġiċi dwar status ambjentali tajjeb tal-ilmijiet tal-baħar stabbiliti mill-Kummissjoni abbażi tal-Artikolu 9(3) tad-Direttiva 2008/56/KE, kif ukoll mal-applikazzjoni tagħhom b'relazzjoni mal-Artikoli 8, 9, 10 u 11 tad-Direttiva 2008/56/KE. F'dan il-kuntest, dawk l-elementi jeħtieġ li jkunu ġeneriċi u applikabbli b'mod ġenerali madwar l-Unjoni meta wieħed iqis li jistgħu jiġu stabbiliti elementi aktar speċifiċi mill-Kummissjoni abbażi tal-Artikolu 9(3) tad-Direttiva 2008/56/KE jew fil-kuntest tad-determinazzjoni ta' settijiet ta' karatteristiki għal status ambjentali tajjeb skont l-Artikolu 9(1) ta' dik id-Direttiva.

(7)

It-tabelli 1 u 2 tal-Anness III tad-Direttiva 2008/56/KE għandhom jiġu ċċarati biex jintrabtu iżjed biċ-ċar mal-elementi tal-istat (it-Tabella 1) u mal-elementi tal-pressjoni u l-impatti tagħhom (it-Tabella 2), u biex l-elementi elenkati fihom jintrabtu b'mod dirett mad-deskritturi kwalitattivi stabbiliti fl-Anness I ta' dik id-Direttiva, u permess ta' dan, mal-kriterji stabbiliti mill-Kummissjoni abbażi tal-Artikolu 9(3) tad-Direttiva 2008/56/KE.

(8)

Biex ikun hemm gwida għall-evalwazzjonijiet tal-użi tal-ilmijiet tal-baħar skont il-punt (c) tal-Artikolu 8(1) tad-Direttiva 2008/56/KE, u tal-attivitajiet umani skont il-punt (b) tal-Artikolu 8(1), u għall-monitoraġġ stipulat fl-Artikolu 11 ta' dik id-Direttiva, it-Tabella 2 għandha titkabbar biex tinkludi wkoll lista indikattiva tal-użi u tal-attivitajiet umani biex tkun żgurata l-konsistenza fl-evalwazzjoni tagħhom madwar ir-reġjuni u s-sottoreġjuni tal-baħar kollha.

(9)

Għalhekk, l-Anness III tad-Direttiva 2008/56/KE għandu jiġi emendat skont dan.

(10)

Il-miżuri previsti f'din id-Direttiva huma bi qbil mal-opinjoni tal-kumitat regolatorju stabbilit skont l-Artikolu 25(1) tad-Direttiva 2008/56/KE,

18.5.2017   

MT

Il-Ġurnal Uffiċjali tal-Unjoni Ewropea

L 125/34

—

wara li kkunsidra l-proposta tal-Konferenza tal-Presidenti,

—

wara li kkunsidra l-Artikolu 226 tat-Trattat dwar il-Funzjonament tal-Unjoni Ewropea,

—

wara li kkunsidra d-Deċiżjoni 95/167/KE, Euratom, KEFA tal-Parlament Ewropew, il-Kunsill u l-Kummissjoni tad-19 ta' April 1995 dwar id-dispożizzjonijiet dettaljati li jirregolaw l-eżerċizzju tad-dritt ta' inkjesta tal-Parlament Ewropew (1),

—

wara li kkunsidra d-Deċiżjoni (UE) 2016/1021 tiegħu tat-8 ta' Ġunju 2016 dwar it-twaqqif ta' Kumitat ta' Inkjesta inkarigat biex jinvestiga allegazzjonijiet ta' kontravvenzjoni u ta' amministrazzjoni ħażina fl-applikazzjoni tad-dritt tal-Unjoni b'rabta mal-ħasil tal-flus, l-evitar tat-taxxa u l-evażjoni tat-taxxa, is-setgħat, kif ukoll id-daqs numeriku u l-mandat tiegħu (2),

—

wara li kkunsidra l-Artikolu 198(11) tar-Regoli ta' Proċedura tiegħu,

A.

billi l-Kumitat ta' Inkjesta talab li jiġi prorogat it-tul tal-mandat tiegħu sabiex ikun jista' jimplimentah kompletament u adegwatament, wara li qies l-għadd ta' dokumenti li għad iridu jiġu eżaminati, l-analiżijiet li ġew ikkummissjonati u l-partijiet interessati li għad iridu jinstemgħu;

1.

Jiddeċiedi li jipproroga b'perjodu ta' tliet xhur it-tul tal-mandat tal-Kumitat ta' Inkjesta.

18.5.2017   

MT

Il-Ġurnal Uffiċjali tal-Unjoni Ewropea

L 125/35

(1)

Fit-18 ta' Novembru 2002, il-Kummissjoni adottat id-Deċiżjoni 2002/915/KE (2) li tagħti deroga mitluba mid-Danimarka skont id-Direttiva 91/676/KEE dwar il-protezzjoni tal-ilma kontra t-tniġġis ikkawżat min-nitrati minn sorsi agrikoli, li tippermetti l-użu ta' demel tal-bhejjem li fih sa 230 kg nitroġenu għal kull ettaru fis-sena fuq ċerti azjendi tal-bhejjem tal-ifrat fil-qafas tal-programm ta' azzjoni Daniż 1999–2003. Id-deroga ġiet estiża bid-Deċiżjoni tal-Kummissjoni 2005/294/KE (3) b'rabta mal-programm ta' azzjoni Daniż 2004–2007, bid-Deċiżjoni tal-Kummissjoni 2008/664/KE (4) b'rabta mal-programm ta' azzjoni Daniż 2008–2012 u bid-Deċiżjoni ta' Implimentazzjoni tal-Kummissjoni 2012/659/UE (5), b'rabta mal-programm ta' azzjoni Daniż 2008–2015.

(2)

Id-deroga mogħtija bid-Deċiżjoni ta' Implimentazzjoni 2012/659/UE kienet tikkonċerna madwar (għall-perjodu 2014/2015) 1 500 azjenda tal-bhejjem tal-ifrat, 425 102 unità ta' bhejjem u 205 165 ettaru ta' art li tinħadem, li jikkorrispondu rispettivament għal 4,0 % tal-għadd totali ta' azjendi, 18,6 % tal-unitajiet ta' bhejjem totali u 8,2 % tal-erja totali li tinħadem fid-Danimarka.

(3)

Fl-4 ta' Frar 2016, id-Danimarka ressqet talba għat-tiġdid tad-deroga lill-Kummissjoni skont it-tielet subparagrafu tal-paragrafu 2 tal-Anness III tad-Direttiva 91/676/KEE.

(4)

Id-Danimarka stabbilixxiet programm ta' azzjoni għall-perjodu 2016 sal- 2018, b'konformità mal-Artikolu 5 tad-Direttiva 91/676/KEE, permezz ta' partijiet tal-Ordni dwar bhejjem kummerċjali, demel tal-bhejjem, silaġġ, eċċ. Nru 1324 tal-15 ta' Novembru 2016, l-Att Konsolidat dwar l-użu mill-farms ta' fertilizzant u dwar il-kopertura veġetali Nru 388 tas-27 ta' April 2016 u l-Ordni dwar l-użu mill-farms ta' fertilizzanti fil-perjodu tal-ippjanar 2016/2017 Nru 1055 tal-1 ta' Lulju 2016, skema ġdida għall-għelejjel tat-titwiq fil-mira, parti obbligatorja, kif iddikjarat fl-Att dwar l-użu mill-farms ta' fertilizzanti u dwar il-kopertura veġetali. Barra minn hekk, il-leġiżlazzjoni Daniża tinkludi regolament ġenerali ġdid dwar il-fosforu, skont l-Att dwar l-approvazzjoni ambjentali eċċ. ta' azjendi agrikoli u l-Ordni dwar bhejjem kummerċjali, demel tal-bhejjem, silaġġ eċċ.

(5)

Il-leġiżlazzjoni Daniża li timplimenta d-Direttiva 91/676/KEE tistabbilixxi limiti għall-użu tan-nitroġenu. Ġiet adottata leġiżlazzjoni li tillimita l-użu tal-fosforu u din se tidħol fis-seħħ f'Awwissu 2017.

(6)

Ir-rapport Daniż dwar “L-Istatus u l-bixriet tal-ambjent akkwatiku u tal-prattika agrikola” fir-rigward tal-perjodu 2012 sal-2015 juri bilanċ favorevoli annwali fil-livell nazzjonali ta' 80 kg N/ettaru fl-2014 u rilaxx totali ta' nitroġenu fil-baħar li ġej mill-agrikoltura ta' bejn wieħed u ieħor 70 % tat-total fl-2012. Id-Danimarka stmat li l-ammont ta' nitroġenu terrestri mitfugħ fl-ilmijiet kostali għandu jitnaqqas minn 56,8 Mt għal 44,7 Mt ta' N, b'appoġġ għal status ekoloġiku tajjeb.

(7)

Il-leġiżlazzjoni Daniża għandha tinkludi skema mmirata u kkombinata għall-għelejjel tat-titwiq volontarji u obbligatorji għall-2017 u l-2018. Skont din l-iskema, id-dispożizzjonijiet obbligatorji għall-għelejjel tat-titwiq għandhom jidħlu fis-seħħ awtomatikament jekk il-ftehimiet volontarji għall-għelejjel tat-titwiq ma jirnexxilhomx iwettqu l-għanijiet ambjentali. L-erjas b'għelejjel tat-titwiq għandhom ikunu b'żieda mar-rekwiżit nazzjonali tal-għelejjel tat-titwiq obbligatorji skont l-Att Daniż dwar l-użu mill-farms ta' fertilizzanti u dwar il-kopertura veġetali. Dawn il-miżuri huma meħtieġa biex jiġi żgurat li l-applikazzjoni tad-deroga attwali ma twassalx għal deterjorament tal-kwalità tal-ilma.

(8)

L-informazzjoni mogħtija mid-Danimarka fil-kuntest tad-deroga mogħtija bid-Deċiżjoni ta' Implimentazzjoni 2012/659/UE turi li d-deroga ma wasslitx għal deterjorament tal-kwalità tal-ilma meta jsir paragun mal-erjas mhux koperti mid-deroga. Id-dejta ppreżentata mid-Danimarka dwar l-implimentazzjoni tad-Direttiva 91/676/KEE għall-perjodu 2012 sal-2015 (6) turi li fid-Danimarka, għall-ilma ta' taħt l-art, madwar 16 % tal-istazzjonijiet ta' monitoraġġ għandhom konċentrazzjonijiet ta' nitrati li jaqbżu l-50 mg/l u madwar 23 % tal-istazzjonijiet ta' monitoraġġ għandhom konċentrazzjonijiet ta' nitrati li jaqbżu l-40 mg/l. Id-dejta tal-monitoraġġ turi tendenza stabbli fil-konċentrazzjoni ta' nitrati fl-ilma ta' taħt l-art meta mqabbla ma' dik tal-perjodu preċedenti tar-rappurtar (2008 sal-2011). Għall-ilma tal-wiċċ, il-biċċa l-kbira tal-punti ta' monitoraġġ fl-ilmijiet tal-wiċċ juru medja ta' konċentrazzjonijiet ta' nitrati taħt il-50 mg/l u xejra stabbli fil-konċentrazzjonijiet tan-nitrati. Ir-rapport li jkopri l-perjodu 2012 sal-2015 jiddikjara li 2 minn 119-il ilma kostali kienu kklassifikati fi status “tajjeb”.

(9)

Il-Kummissjoni, wara li eżaminat it-talba tad-Danimarka abbażi tal-elementi deskritti fit-tielet subparagrafu tal-paragrafu 2 tal-Anness III tad-Direttiva 91/676/KEE u fid-dawl tal-esperjenza miksuba mid-deroga kif stipulata fid-Deċiżjonijiet 2002/915/KE, 2005/294/KE, 2008/664/KE u d-Deċiżjoni ta' Implimentazzjoni 2012/659/UE, tqis li l-ammont ta' demel previst mid-Danimarka, 230 kg nitroġenu għal kull ettaru fis-sena, se jkun bla ħsara għall-ksib tal-għanijiet tad-Direttiva 91/676/KEE, sakemm ikunu ssodisfati ċerti kundizzjonijiet stretti.

(10)

F'farms awtorizzati li japplikaw demel tal-bhejjem li fih sa 230 kg nitroġenu għal kull ettaru fis-sena, il-pjanijiet għall-fertilizzazzjoni jiġu aġġornati fil-ħin biex tiġi żgurata konsistenza fil-prattiki agrikoli attwali, u l-kopertura veġetali permanenti tal-erja li tinħadem u l-għelejjel tat-titwiq jintużaw sabiex jiġu rkuprati n-nitrati li jintilfu mis-saff sekondarju tal-ħamrija fil-ħarifa u sabiex jiġi limitat it-telf tan-nitroġenu fix-xitwa.

(11)

Id-Direttiva 2000/60/KE tal-Parlament Ewropew u tal-Kunsill (7) tipprevedi approċċ transfruntier u komprensiv għall-ħarsien tal-ilma organizzat madwar id-distretti tal-baċiri idrografiċi, bil-għan li l-korpi tal-ilma Ewropej jiksbu status tajjeb sal-2015. It-tnaqqis tan-nutrijenti huwa parti integrali minn dak l-għan. L-għoti ta' deroga skont din id-Deċiżjoni huwa mingħajr preġudizzju għad-dispożizzjonijiet skont id-Direttiva 2000/60/KE u ma jeskludix li jista' jkun hemm bżonn ta' miżuri addizzjonali biex jissodisfaw l-obbligi li joħorġu minnha.

(12)

Id-Direttiva 2007/2/KE tal-Parlament Ewropew u tal-Kunsill (8) tistabbilixxi regoli ġenerali maħsuba għall-istabbiliment tal-Infrastruttura għall-Informazzjoni Ġeografika fl-Unjoni għall-finijiet tal-politiki ambjentali tal-Unjoni u l-politiki jew l-attivitajiet li jista' jkollhom impatt fuq l-ambjent. Fejn applikabbli, l-informazzjoni ġeografika miġbura fil-kuntest ta' din id-Deċiżjoni għandha tkun konformi mad-dispożizzjonijiet stabbiliti f'dik id-Direttiva. Sabiex jonqos il-piż amministrattiv u tiżdied il-koerenza tad-dejta, id-Danimarka, meta tiġbor id-dejta neċessarja skont din id-Deċiżjoni għandha tuża l-informazzjoni ġġenerata skont is-Sistema Integrata ta' Amministarazzjoni u Kontroll stabbilita skont il-Kapitolu II tat-Titolu V tar-Regolament (UE) Nru 1306/2013 tal-Parlament Ewropew u tal-Kunsill (9).

(13)

Il-miżuri previsti f'din id-Deċiżjoni huma skont l-opinjoni tal-Kumitat dwar in-Nitrati stabbilit skont l-Artikolu 9 tad-Direttiva 91/676/KEE.

(a)

“Farm tal-bhejjem tal-ifrat” tfisser azjenda bi produzzjoni annwali ta' nitroġenu fid-demel tal-bhejjem ta' aktar minn 300 kg u li mill-inqas żewġ terzi ġejjin mill-bhejjem tal-ifrat;

(b)

“ħaxix” tfisser bur permanenti jew temporanju;

(c)

“għelejjel li jittewqu bil-ħaxix” tfisser silaġġ taċ-ċereali, silaġġ tal-qamħirrum, xgħir tar-rebbiegħa jew xgħir tar-rebbiegħa u piżelli, li għandhom jittewqu bil-ħaxix qabel jew wara l-ħsad;

(d)

“għelejjel b'assorbiment għoli ta' nitroġenu u bi staġun twil ta' tkabbir” tfisser kwalunkwe waħda minn dawn li ġejjin:

(e)

“profil tal-ħamrija” tfisser is-saff tal-ħamrija li jinsab taħt il-wiċċ tal-art sa fond ta' 0,90 m jew sal-medja tal-ogħla livell ta' ilma tal-pjan fejn dak il-livell huwa inqas minn 0,90 m taħt il-wiċċ tal-art;

(1)

Minn Awwissu 2017 għandu jidħol fis-seħħ regolament dwar il-fosforu li jistabbilixxi limiti diretti ta' fosforu f'livelli differenti madwar il-pajjiż skont il-pożizzjoni ġeografika u t-tip ta' fertilizzant. Il-limiti għandhom ikopru l-użu tal-fosforu minn kull tip ta' fertilizzant: fertilizzanti organiċi, inkluż id-demel, id-diġestat tal-bijogass, il-bijomassa veġetali mingħajr gass, il-ħama mit-trattament tad-drenaġġ kif ukoll il-fertilizzanti industrijali. Limiti aktar stretti dwar l-użu tal-fosforu li jkopru t-tipi kollha ta' fertilizzanti għandhom jiġu applikati f'żoni ta' qbid b'ambjent akkwatiku vulnerabbli għall-fosforu.

(2)

Għandha tidħol fis-seħħ sistema ta' indikaturi u ta' monitoraġġ fir-rigward tal-ammont ta' fosforu applikat fuq artijiet agrikoli fid-Danimarka. Jekk is-sistema tal-indikaturi jew is-sistema tal-monitoraġġ juru li l-medja annwali tar-rata reali ta' fertilizzazzjoni tal-fosforu fuq ħamrija agrikola fid-Danimarka tista' taqbeż jew tkun fil-fatt qabżet il-medja tal-livelli nazzjonali ta' fertilizzazzjoni tal-fosforu li għandhom jintlaħqu matul il-perjodu 2018–2025, il-limiti għall-użu massimu tal-fosforu se jitnaqqsu kif meħtieġ.

(3)

Għandha tidħol fis-seħħ skema mmirata u kkombinata għall-għelejjel tat-titwiq volontarji u obbligatorji abbażi tal-ħtieġa li jitnaqqas il-kontenut tan-nitrati f'korpi ta' ilma ta' taħt l-art jew f'ilmijiet kostali. Skont din l-iskema, id-dispożizzjonijiet obbligatorji għall-għelejjel tat-titwiq għandhom jidħlu fis-seħħ awtomatikament jekk il-ftehimiet volontarji għall-għelejjel tat-titwiq ma jirnexxilhomx iwettqu l-għanijiet ambjentali.

(4)

L-għelejjel tat-titwiq stabbiliti skont din l-iskema għandhom ikunu addizzjonali għar-rekwiżit obbligatorju nazzjonali ta' 10 jew 14 % ta' għelejjel tat-titwiq fuq l-erja tal-art tar-raba' tal-farms, u ma jistgħux jiġu stabbiliti fuq l-istess erja użata sabiex jiġi ssodisfat rekwiżit tal-EFA għall-għelejjel tat-titwiq.

(a)

pjan tan-newba tal-għelejjel, li jispeċifika dan li ġej:

(b)

l-għadd ta' bhejjem fil-farm u d-deskrizzjoni tal-post fejn jinżammu u tas-sistema tal-ħżin tad-demel, inkluż il-volum ta' ħżin ta' demel disponibbli;

(c)

kalkolu tan-nitroġenu u tal-fosforu fid-demel prodott fuq il-farm;

(d)

deskrizzjoni tat-trattament tad-demel, fejn applikabbli, u tal-karatteristiċi mistennija tad-demel ittrattat;

(e)

l-ammont, it-tip u l-karatteristiki tad-demel imwassal barra l-farm jew fil-farm;

(f)

ammont prevedibbli ta' nitroġenu u fosforu meħtieġa għall-għalla f'kull roqgħa;

(g)

kalkolu tal-użu tan-nitroġenu u tal-fosforu mid-demel għal kull roqgħa;

(h)

kalkolu tal-użu tan-nitroġenu u tal-fosforu minn fertilizzanti kimiċi u fertilizzanti oħrajn għal kull roqgħa;

(i)

indikazzjoni taż-żmien tal-użu tad-demel u tal-fertilizzanti kimiċi.

(a)

xnien f'bur b'inqas minn 50 % ta' xnien u alfalfa;

(b)

alfalfa f'bur b'inqas minn 50 % ta' xnien u alfalfa;

(c)

xgħir u piżelli li jittewqu bil-ħaxix;

(a)

il-persentaġġ tal-farms tal-bhejjem tal-ifrat f'kull muniċipalità li huma koperti minn awtorizzazzjonijiet;

(b)

il-persentaġġ tal-bhejjem f'kull muniċipalità li huma koperti minn awtorizzazzjonijiet;

(c)

il-persentaġġ tal-art agrikola f'kull muniċipalità li hija koperta minn awtorizzazzjonijiet;

(a)

bis-silla jew bl-alfalfa f'bur;

(b)

xgħir u piżelli li jittewqu bil-ħaxix.

(a)

mapep li juru l-persentaġġ tal-farms tal-bhejjem tal-ifrat, il-persentaġġ ta' bhejjem, il-persentaġġ tal-art agrikola koperta b'derogi individwali għal kull muniċipalità, kif ukoll mapep dwar l-użu tal-art fil-livell lokali, kif imsemmi fl-Artikolu 10(1);

(b)

ir-riżultati tal-monitoraġġ tal-ilma tal-pjan u l-ilma tal-wiċċ, fir-rigward tal-konċentrazzjonijiet tan-nitrati u tal-fosforu, inkluża l-informazzjoni dwar ix-xejriet fil-kwalità tal-ilma, kemm jekk bil-kundizzjonijiet ta' deroga kif ukoll jekk le, flimkien mal-impatt tad-deroga fuq il-kwalità tal-ilma, kif imsemmi fl-Artikolu 10(2);

(c)

ir-riżultati tal-monitoraġġ tal-ħamrija fir-rigward tal-konċentrazzjonijiet tan-nitroġenu u tal-fosforu fuq l-ilma tar-riżosfera, kemm bil-kundizzjonijiet tad-deroga kif ukoll bla deroga, kif imsemmi fl-Artikolu 10(2);

(d)

ir-riżultati tal-istħarriġiet dwar l-użu tal-art fil-livell lokal, in-newbiet tal-għelejjel u l-prattiki agrikoli, imsemmija fl-Artikolu 10(3);

(e)

ir-riżultati ta' kalkoli bbażati fuq mudelli ta' kemm hu kbir it-telf tan-nitroġenu u tal-fosforu minn farms li jibbenefikaw minn awtorizzazzjoni, kif imsemmi fl-Artikolu 10(3);

(f)

tabelli li juru l-persentaġġ ta' art agrikola taħt deroga koperta bix-xnien jew bl-alfalfa f'bur u bix-xgħir/bil-piżelli li jittewqu bil-ħaxix, kif imsemmi fl-Artikolu 10(4);

(g)

evalwazzjoni tal-implimentazzjoni tal-kundizzjonijiet tad-deroga, fuq il-bażi ta' kontrolli fil-livell tal-farms u ta' informazzjoni dwar il-farms li mhumiex konformi, abbażi tar-riżultati tal-ispezzjonijiet amministrattivi u fuq il-post, kif imsemmi fl-Artikolu 11;

(h)

ix-xejriet fl-għadd ta' bhejjem għal kull kategorija ta' bhejjem fid-Danimarka u fil-farms tad-deroga.

18.5.2017   

MT

Il-Ġurnal Uffiċjali tal-Unjoni Ewropea

L 125/43

(1)

Id-Deċiżjoni tal-Kummissjoni 2010/477/UE (2) stabbiliet kriterji li jridu jintużaw mill-Istati Membri sabiex jiddeterminaw l-istatus ambjentali tajjeb tal-ilmijiet tal-baħar tagħhom u sabiex jiggwidaw il-valutazzjonijiet tagħhom ta' dak l-istatus fl-ewwel ċiklu ta' implimentazzjoni tad-Direttiva 2008/56/KE.

(2)

Id-Deċiżjoni 2010/477/UE rrikonoxxiet li fil-każ ta' xi deskritturi kwalitattivi kien meħtieġ iktar progress tekniku u xjentifiku biex jiġu sostnuti l-iżvilupp jew ir-reviżjoni ta' dawk il-kriterji, u li kien hemm bżonn ukoll jiġu żviluppati iktar l-istandards metodoloġiċi b'koordinazzjoni mill-qrib mat-twaqqif tal-programmi ta' monitoraġġ. Barra minn hekk, dik id-Deċiżjoni ddikjarat li jkun xieraq li r-reviżjoni tagħha ssir mill-aktar fis possibbli wara li titlesta l-valutazzjoni meħtieġa skont l-Artikolu 12 tad-Direttiva 2008/56/KE biex bl-appoġġ tal-istess reviżjoni jilħaq jitlesta l-aġġornament tal-istrateġiji marini li huma dovuti sal-2018, skont l-Artikolu 17 tad-Direttiva 2008/56/KE.

(3)

Fl-2012, abbażi tal-valutazzjoni inizjali tal-ilmijiet tal-baħar tagħhom magħmula skont l-Artikolu 8(1) tad-Direttiva 2008/56/KE, l-Istati Membri rrapportaw l-istatus ambjentali tal-ilmijiet tal-baħar tagħhom u nnotifikaw lill-Kummissjoni d-determinazzjoni tagħhom ta' status ambjentali tajjeb u l-miri ambjentali tagħhom skont l-Artikoli 9(2) u 10(2) tad-Direttiva 2008/56/KE, rispettivament. Il-valutazzjoni mill-Kummissjoni (3) ta' dawk ir-rapporti tal-Istati Membri, imwettqa skont l-Artikolu 12 tad-Direttiva 2008/56/KE, enfasizzat li jekk l-Istati Membri jridu jilħqu status ambjentali tajjeb sal-2020, kienu meħtieġa aktar sforzi u b'mod urġenti. Ir-riżultati wrew il-ħtieġa li jittejbu b'mod sinifikanti l-kwalità u l-koerenza tad-determinazzjoni ta' status ambjentali tajjeb mill-Istati Membri. Barra minn hekk, il-valutazzjoni rrikonoxxiet li l-kooperazzjoni reġjonali għandha tkun fil-qalba tal-implimentazzjoni tad-Direttiva 2008/56/KE. Hija enfasizzat ukoll il-ħtieġa li l-Istati Membri jibnu b'mod aktar sistematiku fuq standards li joħorġu mil-leġiżlazzjoni tal-Unjoni jew, meta dawn ma jkunux jeżistu, fuq l-istandards stabbiliti mill-Konvenzjonijiet dwar l-Ibħra Reġjonali jew ftehimiet internazzjonali oħrajn.

(4)

Sabiex ikun żgurat li t-tieni ċiklu tal-implimentazzjoni tal-istrateġiji marini tal-Istati Membri jkompli jikkontribwixxi sabiex jintlaħqu l-għanijiet tad-Direttiva 2008/56/KE u jrendi determinazzjonijiet aktar konsistenti ta' status ambjentali tajjeb, fir-rapport tagħha dwar l-ewwel fażi tal-implimentazzjoni l-Kummissjoni rrakkomandat li, fil-livell tal-Unjoni, is-servizzi tal-Kummissjoni u l-Istati Membri jikkollaboraw flimkien sabiex jirrevedu, isaħħu u jtejbu d-Deċiżjoni 2010/477/UE, billi jimmiraw għal sett aktar ċar, sempliċi, konċiż, koerenti u komparabbli ta' kriterji ta' status ambjentali tajjeb u standards metodoloġiċi u, fl-istess ħin, janalizzaw l-Anness III tad-Direttiva 2008/56/KE u, jekk ikun meħtieġ, jirreveduh, kif ukoll jiżviluppaw gwida speċifika sabiex jiżguraw approċċ aktar koerenti u konsistenti għall-valutazzjonijiet fiċ-ċiklu ta' implimentazzjoni li jmiss.

(5)

Abbażi ta' dawk il-konklużjonijiet, il-proċess ta' rieżami beda fl-2013 meta kien approvat pjan direzzjonali, li jikkonsisti f'diversi fażijiet (tekniċi u xjentifiċi, konsultazzjoni u teħid ta' deċiżjonijiet), mill-Kumitat Regolatorju stabbilit skont l-Artikolu 25(1) tad-Direttiva 2008/56/KE. Matul dan il-proċess, il-Kummissjoni kkonsultat lill-partijiet interessati kollha, inklużi l-Konvenzjonijiet dwar l-Ibħra Reġjonali.

(6)

Sabiex jiġu ffaċilitati l-aġġornamenti futuri tal-valutazzjoni inizjali tal-ilmijiet tal-baħar tal-Istati Membri u d-determinazzjoni tagħhom ta' status ambjentali tajjeb, kif ukoll sabiex tiġi żgurata koerenza akbar fl-implimentazzjoni tad-Direttiva 2008/56/KE madwar l-Unjoni, jeħtieġ li jiġu kkjarifikati, riveduti jew introdotti kriterji, standards metodoloġiċi, speċifikazzjonijiet u metodi standardizzati li jridu jintużaw mill-Istati Membri, imqabbla mal-elementi li huma stabbiliti bħalissa fid-Deċiżjoni 2010/477/UE. B'riżultat ta' dan, l-għadd ta' kriterji li jeħtieġ li jimmonitorjaw u jivvalutaw l-Istati Membri għandu jitnaqqas, filwaqt li jiġi applikat approċċ ibbażat fuq ir-riskji għal dawk li jinżammu sabiex l-Istati Membri jkunu jistgħu jiffokaw l-isforzi tagħhom fuq il-pressjonijiet antropoġeniċi ewlenin li jaffettwaw l-ilmijiet tagħhom. Fl-aħħar nett, il-kriterji u l-użu tagħhom għandhom jiġu speċifikati ulterjorment, inkluż billi jiġu previsti valuri ta' limitu jew l-iffissar tagħhom, sabiex b'hekk ikun jista' jiġi ddeterminat x'livell ta' status ambjentali tajjeb jkun inkiseb fl-ilmijiet tal-baħar tal-Unjoni.

(7)

F'konformità mal-impenn meħud mill-Kummissjoni meta addottat il-Komunikazzjoni tagħha lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni: Regolamentazzjoni aħjar għal riżultati aħjar — Aġenda tal-UE (4), din id-Deċiżjoni għandha tiżgura koerenza ma' leġiżlazzjoni oħra tal-Unjoni. Sabiex jiġu żgurati konsistenza u komparabbiltà akbar fil-livell tal-Unjoni fir-rigward tad-determinazzjonijiet tal-Istati Membri ta' status ambjentali tajjeb u jiġu evitati d-duplikazzjonijiet bla bżonn, huwa xieraq li jittieħdu f'kunsiderazzjoni l-istandards eżistenti rilevanti u l-metodi għall-monitoraġġ u l-valutazzjoni stabbiliti fil-leġiżlazzjoni tal-Unjoni, inklużi d-Direttiva tal-Kunsill 92/43/KEE (5), id-Direttiva 2000/60/KE tal-Parlament Ewropew u tal-Kunsill (6), ir-Regolament tal-Kummissjoni (KE) Nru 1881/2006 (7), ir-Regolament tal-Kunsill (KE) Nru 1967/2006 (8), id-Direttiva 2008/105/KE tal-Parlament Ewropew u tal-Kunsill (9), id-Direttiva 2009/147/KE tal-Parlament Ewropew u tal-Kunsill (10) u r-Regolament (UE) Nru 1380/2013 tal-Parlament Ewropew u tal-Kunsill (11).

(8)

Għal kull wieħed mid-deskritturi kwalitattivi elenkati fl-Anness I tad-Direttiva 2008/56/KE u abbażi tal-listi indikattivi fl-Anness III ta' dik id-Direttiva, jeħtieġ li jiġu definiti l-kriterji, inklużi l-elementi tal-kriterji u, fejn xieraq, il-valuri ta' limitu, li jridu jintużaw. Il-valuri ta' limitu huma maħsuba biex jikkontribwixxu għad-determinazzjoni min-naħa tal-Istati Membri ta' sett ta' karatteristiċi li jiddefinixxu status ambjentali tajjeb u fil-valutazzjoni tagħhom jindikaw kemm qiegħed jinkiseb status ambjentali tajjeb. Huwa meħtieġ ukoll li jiġu stabbiliti standards metodoloġiċi, inklużi l-iskali ġeografiċi għall-valutazzjoni u kif għandhom jintużaw il-kriterji. Dawk il-kriterji u l-istandards metodoloġiċi għandhom jiżguraw il-konsistenza u jippermettu li jsir tqabbil, bejn ir-reġjuni jew is-subreġjuni marini, bejn il-valutazzjonijiet dwar kemm qiegħed jinkiseb status ambjentali tajjeb.

(9)

Sabiex tiġi żgurata l-komparabbiltà bejn id-dettalji tal-aġġornamenti mill-Istati Membri wara r-rieżamijiet ta' ċerti elementi tal-istrateġiji marini tagħhom, mibgħuta skont l-Artikolu 17(3) tad-Direttiva 2008/56/KE, għandhom jiġu definiti speċifikazzjonijiet u metodi standardizzati għall-monitoraġġ u l-valutazzjoni, wara li jittieħdu f'kunsiderazzjoni l-ispeċifikazzjonijiet u l-istandards eżistenti fil-livell tal-Unjoni jew internazzjonali, inkluż fil-livell reġjonali u subreġjonali.

(10)

L-Istati Membri għandhom japplikaw il-kriterji, l-istandards metodoloġiċi, l-ispeċifikazzjonijiet u l-metodi standardizzati għall-monitoraġġ u l-valutazzjoni stabbiliti f'din id-Deċiżjoni flimkien mal-elementi tal-ekosistema, il-pressjonijiet antropoġeniċi u l-attivitajiet umani elenkati fil-listi indikattivi tal-Anness III tad-Direttiva 2008/56/KE u b'referenza għall-valutazzjoni inizjali magħmula skont l-Artikolu 8(1) ta' dik id-Direttiva, meta jiddeterminaw sett ta' karatteristiċi li jiddefinixxu status ambjentali tajjeb skont l-Artikolu 9(1) ta' dik id-Direttiva u meta jistabbilixxu programmi ta' monitoraġġ ikkoordinati skont l-Artikolu 11 ta' dik id-Direttiva.

(11)

Sabiex tiġi stabbilita rabta ċara bejn id-determinazzjoni ta' sett ta' karatteristiċi għal status ambjentali tajjeb u l-valutazzjoni tal-progress lejn il-kisba tiegħu, huwa xieraq li l-kriterji u l-istandards metodoloġiċi jiġu organizzati fuq il-bażi tad-deskritturi kwalitattivi stipulati fl-Anness I tad-Direttiva 2008/56/KE, wara li jittieħdu f'kunsiderazzjoni l-listi indikattivi ta' elementi tal-ekosistemi, pressjonijiet antropoġeniċi u attivitajiet umani stipulati fl-Anness III ta' dik id-Direttiva. Uħud minn dawk il-kriterji u l-istandards metodoloġiċi jirrigwardjaw b'mod partikolari l-valutazzjoni tal-istatus ambjentali jew tal-pressjonijiet u l-impatti predominanti skont il-punti (a) jew (b) tal-Artikolu 8(1) tad-Direttiva 2008/56/KE, rispettivament.

(12)

F'każijiet fejn ma huwa stabbilit ebda valur ta' limitu, l-Istati Membri għandhom jistabbilixxu valuri ta' limitu permezz ta' kooperazzjoni subreġjonali, reġjonali jew tal-Unjoni, pereżempju billi jirreferu għall-valuri eżistenti jew jiżviluppaw oħrajn ġodda fil-qafas tal-Konvenzjonijiet dwar l-Ibħra Reġjonali. F'każijiet fejn il-valuri ta' limitu għandhom jiġu stabbiliti permezz ta' kooperazzjoni fil-livell tal-Unjoni (għad-deskritturi dwar l-iskart fil-baħar, il-ħsejjes taħt l-ilma u l-integrità ta' qiegħ il-baħar), dan isir fil-qafas tal-Istrateġija Komuni ta' Implimentazzjoni stabbilita mill-Istati Membri u mill-Kummissjoni għall-finijiet tad-Direttiva 2008/56/KE. Ladarba jiġu stabbiliti permezz ta' kooperazzjoni subreġjonali, reġjonali u tal-Unjoni, dawn il-valuri ta' limitu jsiru biss parti mis-settijiet ta' karatteristiċi tal-Istati Membri ta' status ambjentali tajjeb meta jintbagħtu lill-Kummissjoni bħala parti mir-rapportar tal-Istati Membri skont l-Artikolu 17(3) tad-Direttiva 2008/56/KE. Sakemm jiġu stabbiliti tali valuri ta' limit permezz ta' kooperazzjoni subreġjonali, reġjonali jew tal-Unjoni, l-Istati Membri għandhom ikunu jistgħu jużaw valuri ta' limitu nazzjonali, xejriet direzzjonali jew valuri ta' limitu bbażati fuq il-pressjonijiet, bħala indikaturi.

(13)

Il-valuri ta' limitu għandhom jirriflettu, fejn ikun xieraq, il-livell ta' kwalità li jirrifletti l-importanza ta' effett avvers għal kriterju partikolari u għandhom jiġu stabbiliti b'rabta ma' kundizzjoni ta' referenza. Il-valuri ta' limitu għandhom ikunu konsistenti mal-leġiżlazzjoni tal-Unjoni u jiġu stabbiliti fi skali ġeografiċi xierqa sabiex ikunu jirriflettu l-karatteristiċi bijotiċi u abijotiċi differenti tar-reġjuni, tas-subreġjuni u tas-subdiviżjonijiet. Dan ifisser li anki jekk il-proċess sabiex jiġu stabbiliti l-valuri ta' limitu jseħħ fil-livell tal-Unjoni, dan jista' jirriżulta fl-iffissar ta' valuri ta' limitu differenti, li jkunu speċifiċi għal reġjun, subreġjun jew subdiviżjoni. Il-valuri ta' limitu għandhom jiġu stabbiliti fuq il-bażi tal-prinċipju ta' prekawzjoni, sabiex ikunu jirriflettu r-riskji potenzjali għall-ambjent tal-baħar. L-iffissar tal-valuri ta' limitu għandu jakkomoda n-natura dinamika tal-ekosistemi marini u l-elementi tagħhom, li tista' tinbidel fi spazju u ħin permezz ta' varjazzjoni idroloġika u klimatika, relazzjonijiet bejn il-predaturi u l-priża u fatturi ambjentali oħrajn. Il-valuri ta' limitu għandhom jirriflettu wkoll il-fatt li l-ekosistemi marini jistgħu jirkupraw, jekk ikunu ddeterjoraw, għal stat li jkun jirrifletti kundizzjonijiet fiżjografiċi, ġeografiċi, klimatiċi u bijoloġiċi prevalenti, minflok jerġgħu lura għal stat speċifiku tal-imgħoddi.

(14)

F'konformità mal-Artikolu 1(3) tad-Direttiva 2008/56/KE, il-pressjoni kollettiva tal-attivitajiet umani għandha tinżamm fi ħdan livelli kompatibbli mal-kisba ta' status ambjentali tajjeb, sabiex b'hekk jiġi żgurat li l-kapaċità tal-ekosistemi marini li jirrispondu għall-bidliet ikkawżati mill-bniedem ma tkunx kompromessa. Dan jista' jinvolvi, fejn ikun xieraq, li l-valuri ta' limitu għal ċerti pressjonijiet u l-impatti ambjentali tagħhom mhux neċessarjament jintlaħqu fiż-żoni kollha tal-ilmijiet tal-baħar tal-Istati Membri, bil-kundizzjoni li dan ma jikkompromettix il-kisba tal-għanijiet tad-Direttiva 2008/56/KE, filwaqt li jippermettu l-użu sostenibbli ta' prodotti u servizzi marini.

(15)

Jeħtieġ li jiġu stabbiliti valuri ta' limitu li jkunu parti mis-sett ta' karatteristiċi li jintużaw mill-Istati Membri fid-determinazzjoni tagħhom ta' status ambjentali tajjeb f'konformità mal-Artikolu 9(1) tad-Direttiva 2008/56/KE u l-firxa safejn għandhom jintlaħqu l-valuri ta' limitu. Għalhekk, minnhom infushom, il-valuri ta' limitu ma jikkostitwixxu ebda determinazzjoni ta' status ambjentali tajjeb mill-Istati Membri.

(16)

L-Istati Membri għandhom jesprimu kemm qed jinkiseb status ambjentali tajjeb bħala l-proporzjon tal-ilmijiet tal-baħar tagħhom li fuqhom intlaħqu l-valuri ta' limitu jew bħala l-proporzjon tal-elementi ta' kriterji (l-ispeċijiet, il-kontaminanti, eċċ.) li laħqu l-valuri ta' limitu. Meta jivvalutaw l-istatus tal-ilmijiet tal-baħar tagħhom skont l-Artikolu 17(2)(a) tad-Direttiva 2008/56/KE, l-Istati Membri għandhom jindikaw kull bidla fl-istatus sew jekk jitjieb, sew jekk jibqa' stabbli u sew jekk jiddeterjora meta mqabbel mal-perjodu ta' rapportar preċedenti, u dan fid-dawl li l-ambjent tal-baħar idum ma jirrispondi għall-bidliet li jseħħu.

(17)

Meta l-valuri ta' limitu, stabbiliti f'konformità ma' din id-Deċiżjoni, ma jiġux issodisfati għal kriterju partikolari, l-Istati Membri għandhom jikkunsidraw li jieħdu miżuri xierqa jew li jwettqu riċerka jew investigazzjoni ulterjuri.

(18)

Meta l-Istati Membri jintalbu jikkooperaw fil-livell reġjonali jew subreġjonali, huma għandhom jużaw, fejn ikun prattiku u xieraq, l-istrutturi reġjonali ta' kooperazzjoni istituzzjonali eżistenti, inklużi dawk skont il-Konvenzjonijiet dwar l-Ibħra Reġjonali, kif ipprovdut taħt l-Artikolu 6 tad-Direttiva 2008/56/KE. Bl-istess mod, fin-nuqqas ta' kriterji speċifiċi, ta' standards metodoloġiċi (inklużi għall-integrazzjoni tal-kriterji), ta' speċifikazzjonijiet u metodi standardizzati għall-monitoraġġ u l-valutazzjoni, l-Istati Membri, fejn ikun prattiku u xieraq, għandhom ikomplu jibnu fuq dawk żviluppati f'livell subreġjonali, reġjonali jew internazzjonali, pereżempju fil-qafas tal-Konvenzjonijiet dwar l-Ibħra Reġjonali, jew mekkaniżmi internazzjonali oħrajn. Inkella, jekk ikun il-każ, l-Istati Membri jistgħu jagħżlu li jikkoordinaw bejniethom fil-qafas tar-reġjun jew is-subreġjun speċifiku. Barra minn hekk, Stat Membru jista' jiddeċiedi wkoll, abbażi tal-ispeċifiċitajiet tal-ilmijiet tal-baħar tiegħu, li jikkunsidra elementi addizzjonali mhux stipulati f'din id-Deċiżjoni u mhux indirizzati f'livell subreġjonali, reġjonali jew internazzjonali, jew li jikkunsidra li japplika l-elementi ta' din id-Deċiżjoni għall-ilmijiet ta' tranżizzjoni tiegħu, kif definit fl-Artikolu 2(6) tad-Direttiva 2000/60/KE, b'sostenn għall-implimentazzjoni tad-Direttiva 2008/56/KE.

(19)

L-Istati Membri għandu jkollhom biżżejjed flessibbiltà, taħt kundizzjonijiet speċifiċi, sabiex jiffokaw fuq il-pressjonijiet predominanti u l-impatti ambjentali tagħhom fuq l-elementi tal-ekosistema differenti f'kull reġjun jew subreġjun bil-għan li jimmonitorjaw u jivvalutaw l-ilmijiet tal-baħar tagħhom b'mod effikaċi u effettiv u jiffaċilitaw il-prijoritizzazzjoni tal-azzjonijiet li jridu jittieħdu sabiex jinkiseb status ambjentali tajjeb. Għal dak il-għan, l-ewwel nett, l-Istati Membri għandhom ikunu jistgħu jqisu wħud mill-kriterji bħala mhux xierqa li jiġu applikati, dejjem jekk ikunu f'qagħda li jiġġustifikaw il-fehma tagħhom. It-tieni nett, l-Istati Membri għandu jkollhom il-possibbiltà li jiddeċiedu li ma jużawx ċerti elementi ta' kriterji jew li jagħżlu elementi addizzjonali jew li jiffokaw fuq ċerti matriċi jew żoni tal-ilmijiet tal-baħar tagħhom, dejjem jekk dan ikun ibbażat fuq valutazzjoni tar-riskji fir-rigward tal-pressjonijiet u l-impatti tagħhom. Fl-aħħar nett, għandha tiġi introdotta distinzjoni bejn il-kriterji primarji u sekondarji. Filwaqt li għandhom jintużaw kriterji primarji sabiex tkun żgurata l-konsistenza madwar l-Unjoni, għandha tingħata flessibbiltà fir-rigward tal-kriterji sekondarji. L-użu ta' kriterju sekondarju għandu jiġi deċiż mill-Istati Membri, fejn ikun meħtieġ, sabiex jikkumplimenta kriterju primarju jew meta, għal kriterju partikolari, l-ambjent tal-baħar ikun f'riskju li ma jiksibx jew ma jżommx status ambjentali tajjeb.

(20)

Il-kriterji, inklużi l-valuri ta' limitu, l-istandards metodoloġiċi, l-ispeċifikazzjonijiet u l-metodi standardizzati għall-monitoraġġ u l-valutazzjoni għandhom ikunu bbażati fuq l-aqwa xjenza disponibbli. Madankollu, għad hemm bżonn ta' aktar progress tekniku u xjentifiku sabiex uħud minn dawn il-kriterji jkomplu jiġu żviluppati, u dan isir billi l-progress jissarraf f'għarfien li jitfa' aktar dawl fuqhom.

(21)

Għaldaqstant, id-Deċiżjoni 2010/477/UE għandha titħassar.

(22)

Il-miżuri previsti f'din id-Deċiżjoni huma konformi mal-opinjoni tal-Kumitat Regolatorju,

(a)

kriterji u standards metodoloġiċi li jridu jintużaw mill-Istati Membri meta jiġu biex jiddeterminaw sett ta' karatteristiċi għal status ambjentali tajjeb f'konformità mal-Artikolu 9(1) tad-Direttiva 2008/56/KE, abbażi tal-Annessi I u III u b'referenza għall-valutazzjoni inizjali magħmula skont l-Artikolu 8(1) ta' dik id-Direttiva, sabiex jivvalutaw kemm qed jinkiseb status ambjentali tajjeb, f'konformità mal-Artikolu 9(3) ta' dik id-Direttiva;

(b)

speċifikazzjonijiet u metodi standardizzati għall-monitoraġġ u l-valutazzjoni, li jridu jintużaw mill-Istati Membri meta jistabbilixxu programmi ta' monitoraġġ ikkoordinati skont l-Artikolu 11 tad-Direttiva 2008/56/KE, f'konformità mal-Artikolu 11(4) ta' dik id-Direttiva;

(c)

skeda ta' żmien biex jiġu stabbiliti l-valuri ta' limitu, il-listi ta' elementi ta' kriterji u l-istandards metodoloġiċi permezz ta' kooperazzjoni subreġjonali, reġjonali jew tal-Unjoni;

(d)

rekwiżit ta' notifika għall-elementi tal-kriterji, il-valuri ta' limitu u l-istandards metodoloġiċi.

(1)

“subreġjuni” tfisser is-subreġjuni elenkati fl-Artikolu 4(2) tad-Direttiva 2008/56/KE;

(2)

“subdiviżjonijiet” tfisser is-subdiviżjonijiet imsemmija fl-Artikolu 4(2) tad-Direttiva 2008/56/KE;

(3)

“speċijiet mhux indiġeni invażivi” tfisser “speċijiet aljeni invażivi” skont it-tifsira tal-Artikolu 3(2) tar-Regolament (UE) Nru 1143/2014 tal-Parlament Ewropew u tal-Kunsill (12);

(4)

“elementi ta' kriterji” tfisser elementi kostitwenti ta' ekosistema, b'mod partikolari l-elementi bijoloġiċi tagħha (l-ispeċijiet, il-ħabitats u l-komunitajiet tagħhom), jew aspetti ta' pressjonijiet fuq l-ambjent tal-baħar (bijoloġiċi, fiżiċi, sustanzi, skart u enerġija), li jiġu vvalutati taħt kull kriterju;

(5)

“valur ta' limitu” jfisser valur jew firxa ta' valuri li jippermettu li ssir valutazzjoni tal-livell ta' kwalità miksub għal kriterju partikolari, li b'hekk jikkontribwixxi għall-valutazzjoni ta' kemm qed jinkiseb status ambjentali tajjeb.

(a)

ikunu parti mis-sett ta' karatteristiċi użati mill-Istati Membri biex jiddeterminaw l-istatus ambjentali tajjeb;

(b)

ikunu konsistenti mal-leġiżlazzjoni tal-Unjoni;

(c)

fejn ikun xieraq, jiddistingwu l-livell ta' kwalità li jirrifletti l-importanza ta' effett avvers għal kriterju u jiġu stabbiliti b'rabta ma' kundizzjoni ta' referenza;

(d)

jiġu stabbiliti abbażi ta' skali ta' valutazzjoni ġeografika sabiex ikunu jirriflettu l-karatteristiċi bijotiċi u abijotiċi tar-reġjuni, is-subreġjuni u s-subdiviżjonijiet;

(e)

jiġu stabbiliti fuq il-bażi tal-prinċipju ta' prekawzjoni, sabiex ikunu jirriflettu r-riskji potenzjali għall-ambjent tal-baħar;

(f)

ikunu konsistenti fost il-kriterji differenti meta jkunu jirrigwardaw l-istess element tal-ekosistema;

(g)

jagħmlu użu mill-aqwa xjenza disponibbli;

(h)

ikunu bbażati fuq serje ta' dejta fuq terminu twil ta' żmien, fejn disponibbli, sabiex jgħinu fid-determinazzjoni tal-aktar valur xieraq;

(i)

ikunu jirriflettu d-dinamika tal-ekosistema naturali, inklużi r-relazzjonijiet bejn il-predaturi u l-priża u l-varjazzjoni idroloġika u klimatika, filwaqt li jirrikonoxxu wkoll li l-ekosistema jew partijiet minnha jkunu jistgħu jirkupraw, jekk jiddeterjoraw, għal stat li jkun jirrifletti kundizzjonijiet fiżjografiċi, ġeografiċi, klimatiċi u bijoloġiċi prevalenti, minflok jerġgħu lura għal stat speċifiku tal-imgħoddi;

(j)

meta prattiku u xieraq, ikunu konsistenti mal-valuri rilevanti skont strutturi reġjonali ta' kooperazzjoni istituzzjonali, inklużi l-Konvenzjonijiet dwar l-Ibħra Reġjonali.

(a)

il-valuri ta' limitu nazzjonali, dejjem jekk l-obbligu ta' kooperazzjoni reġjonali stabbilit fl-Artikolu 5 u 6 tad-Direttiva 2008/56/KE ikun ġie osservat;

(b)

ix-xejriet direzzjonali tal-valuri;

(c)

il-valuri ta' limitu bbażati fuq il-pressjonijiet, bħala indikaturi.

18.5.2017