16.12.2016   

MT

Il-Ġurnal Uffiċjali tal-Unjoni Ewropea

L 342/1

(1)

Id-Direttiva tal-Kunsill 2014/107/UE (3), li temenda d-Direttiva 2011/16/UE (4), tapplika mill-1 ta' Jannar 2016 għal 27 Stat Membru u mill-1 ta' Jannar 2017 għall-Awstrija. Dik id-Direttiva timplimenta l-Istandard globali għall-Iskambju Awtomatiku ta' Informazzjoni dwar Kontijiet Finanzjarji fi Kwistjonijiet tat-Taxxa fl-Unjoni u b'dan il-mod tiżgura li informazzjoni dwar Detenturi ta' Kontijiet Finanzjarji tiġi rapportata lill-Istat Membru fejn id-Detentur tal-Kontijiet ikun residenti.

(2)

Id-Direttiva 2011/16/UE tistipula li, fejn id-Detentur ta' Kont ikun struttura intermedjarja, l-Istituzzjonijiet Finanzjarji għandhom jinvestigaw dik l-istruttura, u jidentifikaw u jirrapportaw dwar is-sidien benefiċjarji tagħha. Dak l-element importanti fl-applikazzjoni ta' dik id-Direttiva jibbaża ruħu fuq informazzjoni dwar il-ġlieda kontra l-ħasil tal-flus (“AML”) miksuba bis-saħħa tad-Direttiva (UE) 2015/849 tal-Parlament Ewropew u tal-Kunsill (5) għall-identifikazzjoni tas-sidien benefiċjarji.

(3)

Biex jiġi żgurat il-monitoraġġ effettiv tal-applikazzjoni minn Istituzzjonijiet Finanzjarji tal-proċeduri ta' diliġenza dovuta stabbiliti fid-Direttiva 2011/16/UE, l-awtoritajiet tat-taxxa jeħtieġu li jkollhom aċċess għall-informazzjoni dwar l-AML. Fin-nuqqas ta' tali aċċess, dawk l-awtoritajiet ma jkunux jistgħu jimmonitorjaw, jikkonfermaw u jikkontrollaw li l-Istituzzjonijiet Finanzjarji jkunu qed japplikaw tajjeb id-Direttiva 2011/16/UE billi jidentifikaw b'mod korrett u jirrapportaw dwar is-sidien benefiċjarji ta' strutturi intermedjarji.

(4)

Id-Direttiva 2011/16/UE tinkludi skambji ta' informazzjoni u forom ta' kooperazzjoni amministrattiva oħrajn bejn l-Istati Membri. L-aċċess għall-informazzjoni dwar l-AML miżmuma mill-entitajiet bis-saħħa tad-Direttiva (UE) 2015/849 fil-qafas tal-kooperazzjoni amministrattiva fil-qasam tat-tassazzjoni jiżgura li l-awtoritajiet tat-taxxa ikunu f'pożizzjoni aħjar biex jonoraw l-obbligi tagħhom taħt id-Direttiva 2011/16/UE u biex jikkumbattu l-evażjoni u l-frodi tat-taxxa b'mod aktar effettiv.

(5)

Huwa għalhekk meħtieġ li jiġi żgurat li l-awtoritajiet tat-taxxa jkunu jistgħu jkollhom aċċess għall-informazzjoni, il-proċeduri, id-dokumenti u l-mekkaniżmi dwar l-AML sabiex iwettqu dmirijiethom fil-monitoraġġ tal-applikazzjoni korretta tad-Direttiva 2011/16/UE u għall-funzjonament ta' kull forma ta' kooperazzjoni amministrattiva prevista f'dik id-Direttiva.

(6)

Din id-Direttiva tirrispetta d-drittijiet fundamentali u tosserva l-prinċipji rikonoxxuti mill-Karta tad-Drittijiet Fundamentali tal-Unjoni Ewropea. Fejn din id-Direttiva tirrikjedi li l-aċċess għad-data personali minn awtoritajiet tat-taxxa jiġi pprovdut bil-liġi, dan mhux neċessarjament jirrikjedi att tal-Parlament, mingħajr preġudizzju għall-ordni kostituzzjonali tal-Istat Membru kkonċernat. Madankollu, tali liġi għandha tkun ċara u preċiża, u l-applikazzjoni tagħha għandha tkun ċara u prevedibbli għall-persuni soġġetti għaliha, skont il-każistika tal-Qorti tal-Ġustizzja tal-Unjoni Ewropea u l-Qorti Ewropea tad-Drittijiet tal-Bniedem.

(7)

Billi l-objettiv ta' din id-Direttiva, jiġifieri l-kooperazzjoni amministrattiva effiċjenti bejn l-Istati Membri u l-monitoraġġ effettiv tagħha taħt kondizzjonijiet kompatibbli mal-funzjonament tajjeb tas-suq intern, ma jistax jinkiseb b'mod suffiċjenti mill-Istati Membri iżda jista', minħabba l-uniformità u l-effikaċja meħtieġa, jinkiseb aħjar fil-livell tal-Unjoni, l-Unjoni tista' tadotta miżuri, konformement mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Konformement mal-prinċipju ta' proporzjonalità kif stabbilit f'dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkiseb dak l-objettiv.

(8)

Il-proċeduri ta' diliġenza dovuta tal-konsumatur imwettqa minn Istituzzjonijiet Finanzjarji taħt id-Direttiva 2011/16/UE diġà bdew, u l-ewwel skambji ta' informazzjoni għandhom jiġu ffinalizzati sa Settembru 2017. Għalhekk, sabiex jiġi żgurat li l-monitoraġġ effettiv tal-applikazzjoni ta' dik id-Direttiva isir mingħajr dewmien, din id-Direttiva emendatorja għandha tidħol fis-seħħ u tiġi trasposta kemm jista' jkun malajr u mhux aktar tard mill-1 ta' Jannar 2018.

(9)

Id-Direttiva 2011/16/UE għandha għalhekk tiġi emendata skont dan,

16.12.2016   

MT

Il-Ġurnal Uffiċjali tal-Unjoni Ewropea

L 342/4

(1)

L-Anness III tar-Regolament tal-Kummissjoni (KE) Nru 1235/2008 (2) jistabbilixxi l-lista ta' pajjiżi terzi li s-sistemi tal-produzzjoni u l-miżuri ta' kontroll tagħhom għall-produzzjoni organika ta' prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007.

(2)

Ir-Repubblika tal-Korea għarrfet lill-Kummissjoni li l-awtorità kompetenti tagħha rtirat ir-rikonoxximent ta' korp wieħed ta' kontroll u żiedet tliet korpi ta' kontroll oħrajn mal-lista ta' korpi ta' kontroll rikonoxxuti.

(3)

L-Anness IV tar-Regolament (KE) Nru 1235/2008 jistabbilixxi l-lista tal-korpi ta' kontroll u tal-awtoritajiet ta' kontroll li huma kompetenti biex iwettqu kontrolli u joħorġu ċertifikati f'pajjiżi terzi għall-iskop tal-ekwivalenza.

(4)

Il-Kummissjoni rċeviet u eżaminat talba minn “A CERT European Organization for Certification S.A.”, biex jiġi inkluż fil-lista tal-Anness IV tar-Regolament (KE) Nru 1235/2008. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi rikonoxxut il-korp “A CERT European Organization for Certification S.A.” għall-kategoriji tal-prodotti A u D fir-rigward tal-Albanija, l-Ażerbajġan, il-Butan, il-Belarussja, iċ-Ċili, iċ-Ċina, ir-Repubblika Dominicana, l-Ekwador, l-Eġittu, l-Etjopja, Grenada, il-Georgia, l-Indoneżja, l-Iran, il-Ġamajka, il-Ġordan, il-Kenja, il-Każakistan, il-Libanu, il-Marokk, il-Moldova, l-Eks-Repubblika Jugoslava tal-Maċedonja, Papua New Guinea, il-Filippini, il-Pakistan, is-Serbja, ir-Russja, ir-Rwanda, l-Arabja Sawdija, it-Tajlandja, it-Turkija, it-Tajwan, it-Tanżanija, l-Ukraina, l-Uganda, u l-Afrika t'Isfel.

(5)

Il-Kummissjoni rċeviet u eżaminat talba minn “Bioagricert S.r.l.” sabiex ikunu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategorija tal-prodotti A lill-Indoneżja u s-Senegal u għall-kategoriji tal-prodotti A u D lill-Albanija u l-Bangladexx u li jiġi estiż l-ambitu tar-rikonoxximent tagħha għall-kategorija tal-prodotti E fir-rigward tal-Albanija u t-Tajlandja.

(6)

“Caucacert” għarraf lill-Kummissjoni dwar żball fl-isem korporattiv li jenħtieġ li jinbidel f'“Caucascert”.

(7)

Il-Kummissjoni rċeviet u eżaminat talba minn “CCPB Srl” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A, B, D, E u F, lill-Georgia, l-Iran, il-Ġordan, l-Arabja Sawdija, għall-kategorija tal-prodotti B liċ-Ċina, l-Iraq, il-Mali, il-Filippini u s-Sirja, għall-kategorija tal-prodotti C lill-Marokk u t-Tuneżija, għall-kategorija tal-prodotti E lit-Tuneżija u għall-kategoriji tal-prodotti E u F liċ-Ċina, l-Eġittu, l-Iraq, il-Libanu, il-Marokk, il-Mali, il-Filippini, San Marino, is-Sirja u t-Turkija.

(8)

Il-Kummissjoni rċeviet u eżaminat talba minn “CERES Certification of Environmental Standards GmbH” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A, B u D lill-Armenja, għall-kategoriji tal-prodotti A u D lill-Belarussja, il-Malawi, Sierra Leone, is-Somalja u t-Taġikistan, u għall-kategorija tal-prodotti B lill-Gwatemala, il-Honduras, in-Nikaragwa u El Salvador.

(9)

Il-Kummissjoni rċeviet u eżaminat talba minn “Control Union Certifications” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A, B, C, D, E u F lill-Burundi, is-Somalja u s-Sudan t'Isfel, għall-kategoriji tal-prodotti B u C lill-Angola, il-Belarussja, il-Djibouti, l-Eritrea, Fiġi, il-Liberja, in-Niger, iċ-Chad u l-Kosovo u għall-kategoriji tal-prodotti B, C u D lir-Repubblika Demokratika tal-Kongo u Madagascar.

(10)

Il-Kummissjoni rċeviet u eżaminat talba minn “Ecocert SA” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategorija tal-prodotti B lill-Mozambique u għall-kategorija tal-prodotti C lill-Bangladexx, iċ-Ċili, Hong Kong, il-Honduras, il-Perù u l-Vjetnam.

(11)

Ecocert SA għarraf lill-Kummissjoni li s-sussidjarju tiegħu “ECOCERT IMO Denetim ve Belgelendirme Ltd. Ști” waqaf mill-attivitajiet ta' ċertifikazzjonit tiegħu fil-pajjiżi terzi kollha li għalihom kien rikonoxxut. Għalhekk “ECOCERT IMO Denetim ve Belgelendirme Ltd. Ști” jenħtieġ li ma jibqax jiġi elenkat fl-Anness IV tar-Regolament (KE) Nru 1235/2008.

(12)

Il-Kummissjoni rċeviet u eżaminat talba minn “Ekoagros”, biex jiġi inkluż fil-lista tal-Anness IV tar-Regolament (KE) Nru 1235/2008. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi rikonoxxut “Ekoagros” għall-kategorija tal-prodotti A fir-rigward tar-Russja, għall-kategoriji tal-prodotti A u B fir-rigward tal-Belarussja u l-Ukraina, għall-kategoriji tal-prodotti A u D fir-rigward tat-Taġikistan u għall-kategoriji ta' prodotti A u F fir-rigward tal-Każakistan.

(13)

Il-Kummissjoni rċeviet u eżaminat talba minn “Florida Certified Organic Growers and Consumers, Inc. (FOG), DBA as Quality Certification Services (QCS)” sabiex ikunu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A u D lill-Ġamajka u l-Vjetnam u għall-kategorija tal-prodotti D lill-Ekwador.

(14)

Il-Kummissjoni rċeviet u eżaminat talba minn “IMOswiss AG” sabiex ikunu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A lill-Emirati Għarab Magħquda, għall-kategoriji tal-prodotti A u D lill-Burundi, għall-kategorija tal-prodotti B lill-Messiku u l-Perù u għall-kategorija tal-prodotti C lill-Brunei, iċ-Ċina, Hong Kong, il-Honduras, il-Madagascar u l-Istati Uniti. Min barra dan, il-korp “IMOswiss AG” għarraf lill-Kummissjoni li waqaf mill-attivitajiet ta' ċertifikazzjoni tiegħu fl-Ażerbajġan, il-Georgia, il-Każakistan, il-Kirgiżistan, l-Uzbekistan, ir-Russja u t-Taġikistan. Għalhekk jenħtieġ li ma jibqax jiġi elenkat għal dawk il-pajjiżi fl-Anness IV tar-Regolament (KE) Nru 1235/2008.

(15)

Il-Kummissjoni rċeviet u eżaminat talba minn “Kiwa BCS Öko-Garantie GmbH” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A u D liż-Żambja, għall-kategorija tal-prodotti B lil-Laos, il-Myanmar/Burma u t-Tajlandja, għall-kategorija tal-prodotti C lil Hong Kong, l-Indoneżja u s-Sri Lanka u għall-kategoriji tal-prodotti C u E lill-Bangladexx.

(16)

Il-Kummissjoni rċeviet u eżaminat talba minn “Mayacert” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategorija tal-prodotti A lill-Kolombja, ir-Repubblika Dominicana u El Salvador, għall-kategoriji tal-prodotti A u D lill-Belize u l-Perù u għall-kategorija tal-prodotti B lill-Gwatemala, il-Honduras u n-Nikaragwa.

(17)

Il-Kummissjoni rċeviet u eżaminat talba minn “OneCert International PVT Ltd” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A u D lill-Bangladexx, iċ-Ċina, il-Ghana, il-Kambodja, il-Laos, il-Myanmar/Burma, l-Oman, ir-Russja u l-Arabja Sawdija.

(18)

Il-Kummissjoni rċeviet u eżaminat talba minn “Oregon Tilth” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategorija tal-prodotti E fir-rigward tal-Messiku.

(19)

Il-Kummissjoni rċeviet u eżaminat talba minn “Organic Certifiers” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategoriji tal-prodotti A u D lill-Indoneżja.

(20)

Il-Kummissjoni rċeviet u eżaminat talba minn “Organska Kontrola” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategorija tal-prodotti B lill-pajjiżi kollha.

(21)

“QC&I GmbH” għarraf lill-Kummissjoni li huwa waqaf mill-attivitajiet ta' ċertifikazzjoni tiegħu fil-pajjiżi terzi kollha li għalihom kien rikonoxxut. Għalhekk jenħtieġ li ma jibqax jiġi elenkat fl-Anness IV tar-Regolament (KE) Nru 1235/2008.

(22)

Il-Kummissjoni rċeviet u eżaminat talba minn “Suolo e Salute srl” biex jiġu emendati l-ispeċifikazzjonijiet tiegħu. Abbażi tal-informazzjoni li waslitilha, il-Kummissjoni kkonkludiet li huwa ġġustifikat li jiġi estiż l-ambitu ġeografiku tar-rikonoxximent tagħha għall-kategorija tal-prodotti A lir-Repubblika Dominicana u l-Eġittu u li jiġi estiż l-ambitu tar-rikonoxximent tagħha għall-kategorija tal-prodotti D fir-rigward tar-Repubblika Dominicana.

(23)

Kwalunkwe referenza għat-Tajwan fl-Anness IV tar-Regolament (KE) Nru 1235/2008 jenħtieġ li tinftiehem bħala referenza għat-Territorju Doganali Separat tat-Tajwan, Penghu, Kinmen u Matsu.

(24)

Għalhekk, l-Annessi III u IV tar-Regolament (KE) Nru 1235/2008 jenħtieġ li jiġu emendati skont dan.

(25)

Il-miżuri stipulati f'dan ir-Regolament huma skont l-opinjoni tal-Kumitat Regolatorju għall-Produzzjoni Organika,

(1)

L-Anness III huwa emendat skont l-Anness I ta' dan ir-Regolament;

(2)

L-Anness IV huwa emendat skont l-Anness II ta' dan ir-Regolament.

16.12.2016   

MT

Il-Ġurnal Uffiċjali tal-Unjoni Ewropea

L 342/14

(1)

Lallemand SAS ippreżentat applikazzjoni skont l-Artikolu 13(3) tar-Regolament (KE) Nru 1831/2003 bil-proposta biex jinbidel l-isem tad-detentur tal-awtorizzazzjonijiet fir-rigward tar-Regolamenti tal-Kummissjoni (KE) Nru 226/2007 (2), (KE) Nru 1293/2008 (3), (KE) Nru 910/2009 (4), (KE) Nru 911/2009 (5), (UE) Nru 1120/2010 (6), (UE) Nru 212/2011 (7), u r-Regolamenti ta' Implimentazzjoni tal-Kummissjoni (UE) Nru 95/2013 (8) u (UE) Nru 413/2013 (9).

(2)

L-applikant jiddikjara li Danstar Ferment AG hija s-sid legali tad-drittijiet għall-kummerċjalizzazzjoni tal-addittivi tal-għalf Pediococcus acidilactici CNCM MA 18/5M u Saccharomyces cerevisiae CNCM I-1077. L-applikant ressaq id-dejta rilevanti li ssostni t-talba tiegħu.

(3)

Il-bidla proposta tad-detentur tal-awtorizzazzjoni hija ta' natura purament amministrattiva u m'hemmx għalfejn titwettaq valutazzjoni ġdida tal-addittiv ikkonċernat. L-Awtorità Ewropea dwar is-Sigurtà fl-Ikel ġiet mgħarrfa bl-applikazzjoni.

(4)

Sabiex Danstar Ferment AG tkun tista' tisfrutta d-drittijiet tagħha tal-kummerċjalizzazzjoni, hemm bżonn li jinbidlu t-termini tal-awtorizzazzjoni rispettiva.

(5)

Ir-Regolamenti (KE) Nru 226/2007, (KE) Nru 1293/2008, (KE) Nru 910/2009, (KE) Nru 911/2009, (UE) Nru 1120/2010, (UE) Nru 212/2011, u r-Regolamenti ta' Implimentazzjoni (UE) Nru 95/2013 u (UE) Nru 413/2013 għandhom għalhekk jiġu emendati kif xieraq.

(6)

Billi r-raġunijiet tas-sikurezza ma jeħtiġux l-applikazzjoni minnufih tal-emendi li se jsiru permezz ta' dan ir-Regolament fir-Regolamenti (KE) Nru 226/2007, (KE) Nru 1293/2008, (KE) Nru 910/2009, (KE) Nru 911/2009, (UE) Nru 1120/2010, (UE) Nru 212/2011 u r-Regolamenti ta' Implimentazzjoni (UE) Nru 95/2013 u (UE) Nru 413/2013, huwa xieraq li jiġi stabbilit perjodu tranżizzjonali li matulu jkunu jistgħu jintużaw il-ħażniet eżistenti.

(7)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

fit-titolu, il-kliem “Lallemand SAS” jiġi sostitwit bil-kliem “Danstar Ferment AG”;

(2)

fil-kolonna 2 tal-Anness, il-kliem “Lallemand SAS” jiġi sostitwit bil-kliem “Danstar Ferment AG rappreżentata minn Lallemand SAS”.

(1)

fit-titolu, il-kliem “Lallemand SAS” jiġi sostitwit bil-kliem “Danstar Ferment AG”;

(2)

fil-kolonna 2 tal-Anness, il-kliem “Lallemand SAS” jiġi sostitwit bil-kliem “Danstar Ferment AG rappreżentata minn Lallemand SAS”.

(1)

fit-titolu, il-kliem “Lallemand SAS” jiġi sostitwit bil-kliem “Danstar Ferment AG”;

(2)

fil-kolonna 2 tal-Anness, il-kliem “Lallemand SAS” jiġi sostitwit bil-kliem “Danstar Ferment AG rappreżentata minn Lallemand SAS”.

(1)

fit-titolu, il-kliem “Lallemand SAS” jiġi sostitwit bil-kliem “Danstar Ferment AG”;

(2)

fil-kolonna 2 tal-Anness, il-kliem “Lallemand SAS” jiġi sostitwit bil-kliem “Danstar Ferment AG rappreżentata minn Lallemand SAS”.

(1)

fit-titolu, il-kliem “Lallemand SAS” jiġi sostitwit bil-kliem “Danstar Ferment AG”;

(2)

fil-kolonna 2 tal-Anness, il-kliem “Lallemand SAS” jiġi sostitwit bil-kliem “Danstar Ferment AG rappreżentata minn Lallemand SAS”.

(1)

fit-titolu, il-kliem “Lallemand SAS” jiġi sostitwit bil-kliem “Danstar Ferment AG”;

(2)

fil-kolonna 2 tal-Anness, il-kliem “Lallemand SAS” jiġi sostitwit bil-kliem “Danstar Ferment AG rappreżentata minn Lallemand SAS”.

16.12.2016   

MT

Il-Ġurnal Uffiċjali tal-Unjoni Ewropea

L 342/18

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

Skont l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-ossidu tad-diram akkumpanjata mid-dettalji u mid-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-ossidu tad-diram bħala addittiv fl-għalf għall-ispeċijiet kollha tal-annimali, biex jiġi kklassifikat fil-kategorija tal-addittivi “addittivi nutrittivi”.

(4)

L-Awtorità Ewropea dwar is-Sigurtà fl-Ikel (“l-Awtorità”), fl-opinjoni tagħha tal-25 ta' Mejju 2016 (2), ikkonkludiet li, skont il-kundizzjonijiet proposti tal-użu, l-ossidu tad-diram ma għandux effett negattiv fuq is-saħħa tal-annimali jew tal-konsumatur, u li ma jkun hemm l-ebda tħassib dwar is-sikurezza għall-utenti sakemm jittieħdu l-miżuri xierqa ta' protezzjoni.

(5)

Barra minn hekk l-Awtorità kkonkludiet li l-ossidu tad-diram ma joħloqx iktar riskji għall-ambjent minn sorsi oħrajn ta' ram u l-użu tiegħu jista' jitqies bħala sors effikaċi ta' ram għall-ispeċijiet kollha tal-annimali. L-Awtorità ma tqisx li hemm bżonn ta' rekwiżiti speċifiċi għall-monitoraġġ wara t-tqegħid fis-suq. Hija vverifikat ukoll ir-rapport dwar il-metodu ta' analiżi tal-addittiv tal-għalf fl-għalf, li tressaq mil-Laboratorju ta' Referenza mwaqqaf permezz tal-Artikolu 21 tar-Regolament (KE) Nru 1831/2003.

(6)

L-isem tal-addittiv fl-applikazzjoni huwa l-ossidu tad-diram. Madankollu, l-isem IUPAC (L-Unjoni Internazzjonali tal-Kimika Pura u Applikata) tal-addittiv huwa ossidu tar-ram(I). Skont ir-Rakkomandazzjoni tal-Awtorità fl-opinjoni tagħha dwar l-ossidu kupriku (3) l-addittiv għandu jissejjaħ ossidu tar-ram(I).

(7)

L-evalwazzjoni tal-ossidu tar-ram turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dik is-sustanza jiġi awtorizzat kif speċifikat fl-Anness ta' dan ir-Regolament.

(8)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

16.12.2016   

MT

Il-Ġurnal Uffiċjali tal-Unjoni Ewropea

L 342/22

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dak ir-Regolament.

(2)

Fit-12 ta' Diċembru 2016 il-Kumitat tas-Sanzjonijiet tal-Kunsill għas-Sigurtà tan-Nazzjonijiet Uniti ddeċieda li jżid persuna fiżika mal-elenku tal-persuni, il-gruppi u l-entitajiet fir-rigward ta' min japplika t-twaqqif tal-fondi u riżorsi finanzjarji. L-Anness I tar-Regolament (KE) Nru 881/2002 għandu għalhekk jiġi aġġornat skont dan,

(3)

Sabiex jiġi żgurat li l-miżuri previsti f'dan ir-Regolament ikunu effettivi, dan għandu jidħol fis-seħħ immedjatament,

16.12.2016   

MT

Il-Ġurnal Uffiċjali tal-Unjoni Ewropea

L 342/24

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

16.12.2016   

MT

Il-Ġurnal Uffiċjali tal-Unjoni Ewropea

L 342/26

(1)

Ir-Regolament ta' Implimentazzjoni tal-Kummissjoni (UE) 2016/2080 (3) fetaħ il-bejgħ tat-trab tal-ħalib xkumat permezz ta' proċedura ta' sejħa għall-offerti.

(2)

Fid-dawl tal-offerti li waslulhom b'risposta għall-ewwel stedina għall-offerti parzjali, għandu jiġi ffissat prezz minimu tal-bejgħ.

(3)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

16.12.2016   

MT

Il-Ġurnal Uffiċjali tal-Unjoni Ewropea

L 342/28

(1)

Permezz tad-Deċiżjoni 2007/884/KE (2), ir-Renju Unit ġie awtorizzat biex, sal-31 ta' Diċembru 2010, jirrestrinġi sal-50 % d-dritt tal-kerrej jew tal-lessee biex inaqqas it-taxxa fuq il-valur miżjud (“VAT”) fuq il-ħlas tal-kiri jew il-lease ta' karozza fejn dik il-karozza ma ntużatx esklussivament għall-finijiet ta' negozju. Ir-Renju Unit kien awtorizzat ukoll biex ma jittrattax bħala provvista ta' servizzi bi ħlas l-użu privat ta' karozza mikrija jew leased minn persuna taxxabbli għall-finijiet ta' negozju tiegħu stess. Dawk il-miżuri ('il-miżuri ta' deroga') eliminaw il-ħtieġa li l-kerrej jew il-lessee jżomm reġistru tal-kilometri korsi b'finijiet privati f'karozzi użati għall-finijiet ta' negozju u li jieħu kont fil-kontabbiltà tat-taxxa fuq il-kilometri effettivament korsi b'finijiet privati ta' tali karozzi.

(2)

Id-Deċiżjoni 2007/884/KE ġiet sussegwentement emendata mid-Deċiżjoni ta' Implimentazzjoni 2011/37/UE (3) u mid-Deċiżjoni ta' Implimentazzjoni 2013/681/UE (4) li estendiet id-data ta' skadenza tal-miżuri ta' deroga sal-31 ta' Diċembru 2016.

(3)

Permezz ta' ittra rreġistrata mal-Kummissjoni fl-14 ta' Marzu 2016, ir-Renju Unit talab l-awtorizzazzjoni biex jestendi l-miżuri ta' deroga.

(4)

F'konformità mat-tieni subparagrafu tal-Artikolu 395(2) tad-Direttiva 2006/112/KE, il-Kummissjoni infurmat lill-Istati Membri l-oħrajn, permezz ta' ittra ddatata t-28 ta' Ġunju 2016, bit-talba tar-Renju Unit. Permezz ta' ittra tat-28 ta' Ġunju 2016, il-Kummissjoni għarrfet lir-Renju Unit li hija kellha l-informazzjoni kollha meħtieġa biex tqis it-talba.

(5)

F'konformità mal-Artikolu 3 tad-Deċiżjoni 2007/884/KE, ir-Renju Unit issottometta rapport lill-Kummissjoni li jkopri l-applikazzjoni tad-Deċiżjoni, li inkluda reviżjoni tal-persentaġġ ta' restrizzjoni. L-informazzjoni pprovduta mir-Renju Unit turi li restrizzjoni tad-dritt għal tnaqqis għal 50 % għadha tirrifletti ċ-ċirkostanzi attwali fir-rigward tal-proporzjon ta' użu kummerċjali u użu mhux kummerċjali tal-vetturi kkonċernati.

(6)

Għalhekk ir-Renju Unit għandu jkun awtorizzat ikompli japplika l-miżuri ta' deroga għal perjodu limitat ieħor, sal-31 ta' Diċembru 2019.

(7)

Fil-każ li r-Renju Unit jikkunsidra li tkun meħtieġa estensjoni ulterjuri lil hinn mill-2019, huwa għandu jissottometti rapport lill-Kummissjoni, li jinkludi reviżjoni tal-persentaġġ applikat flimkien ma' talba ta' estensjoni, sa mhux aktar tard mill-1 ta' April 2019.

(8)

L-estensjoni tal-miżuri ta' deroga se jkollha biss effett negliġibbli fuq l-ammont globali ta' dħul ta' taxxa miġbur fl-istadju tal-konsum finali u ma jkollha ebda effett negattiv fuq ir-riżorsi proprji tal-Unjoni derivanti mill-VAT.

(9)

Id-Deċiżjoni 2007/884/KE għandha għalhekk tiġi emendata kif meħtieġ,

16.12.2016   

MT

Il-Ġurnal Uffiċjali tal-Unjoni Ewropea

L 342/30

(1)

Fid-29 ta' Marzu 2016 in-Netherlands talbu l-awtorizzazzjoni biex japplikaw, f'konformitá l-Artikolu 19(1) tad-Direttiva 2003/96/KE, rata mnaqqsa ta' tassazzjoni fuq l-elettriku pprovdut lill-vetturi elettriċi. Fuq talba tal-Kummissjoni, in-Netherlands ipprovdew informazzjoni addizzjonali fis-6 ta' April, l-20 ta' Ġunju u t-18 ta' Awwissu 2016.

(2)

Ir-rata mnaqqsa ta' tassazzjoni għandha l-għan li tippromwovi l-użu tal-vetturi elettriċi billi tnaqqas l-ispiża tal-elettriku użat biex iħaddem dawn il-vetturi.

(3)

L-użu ta' vetturi elettriċi jevita l-emissjonijiet ta' sustanzi li jniġġsu l-arja li joriġinaw mill-kombustjoni ta' petrol u diżil jew karburanti fossili oħrajn u għaldaqstant jikkontribwixxi għal titjib fil-kwalità tal-arja fl-ibliet. Barra minn hekk, l-użu ta' vetturi elettriċi jista' wkoll inaqqas l-emissjonijiet ta' CO2 fejn l-elettriku użat ikun prodott minn sorsi ta' enerġija rinnovabbli. Il-miżura għalhekk hija mistennija li tagħti kontribut lgħall-objettivi tal-politiki ambjentali, tas-saħħa u tal-klima tal-Unjoni.

(4)

In-Netherlands talbet b'mod espliċitu li r-rata mnaqqsa ta' tassazzjoni tkun applikata għall-elettriku pprovdut lil vetturi elettriċi kemm għall-użu kummerċjali kif ukoll għall-użu mhux kummerċjali u li l-istazzjonijiet tal-iċċarġjar li mhumiex aċċessibbli għall-pubbliku jkunu koperti wkoll.

(5)

In-Netherlands talbu li r-rata mnaqqsa tat-tassazzjoni fuq l-elettriku tapplika biss għall-istazzjonijiet tal-iċċarġjar fejn l-elettriku jintuża biex tiġi ċċarġjata vettura elettrika direttament u li ma tapplikax għall-elettriku pprovdut permezz ta' skambju ta' batteriji.

(6)

Rata mnaqqsa ta' tassazzjoni fuq l-elettriku pprovdut lill-vetturi elettriċi permezz ta' stazzjonijiet tal-iċċarġjar ittejjeb il-prospettivi kummerċjali għal stazzjonijiet tal-iċċarġjar aċċessibbli għall-pubbliku fin-Netherlands, li għandu jwassal biex l-użu ta' karozzi elettriċi ikun attraenti u jirriżulta f'titjib fil-kwalità tal-arja.

(7)

Meta wieħed iqis in-numru limitat ta' vetturi elettriċi u l-fatt li l-livell ta' tassazzjoni fuq l-elettriku pprovdut lill-vetturi elettriċi permezz ta' stazzjonijiet tal-iċċarġjar ser ikunu ogħla mil-livell minimu ta' tassazzjoni għall-użu kummerċjali stipulat fl-Artikolu 10 tad-Direttiva 2003/96/KE, mhuwiex probabbli il-miżura twassal għal distorsjonijiet fil-konkorrenza matul il-perijodu li tkun fis-seħħ u għaldaqstant mhijiex ser taffettwa ħażin il-funzjonament tajjeb tas-suq intern.

(8)

Il-livell ta' tassazzjoni fuq l-elettriku pprovdut lill-vetturi elettriċi permezz ta' stazzjonijiet tal-iċċarġjar li mhumiex għall-użu kummerċjali ser ikun ogħla mil-livell minimu ta' tassazzjoni għall-użu mhux kummerċjali stipulat fl-Artikolu 10 tad-Direttiva 2003/96/KE.

(9)

F'konformità mal-Artikolu 19(2) tad-Direttiva 2003/96/KE, kull awtorizzazzjoni mogħtija taħt l-Artikolu 19(1) ta' dik id-Direttiva għandu jkollha żmien strettament limitat. In-Netherlands talbu li l-awtorizzazzjoni tingħata għal erba' snin sabiex ikun żgurat li l-perjodu ta' awtorizzazzjoni jkun twil biżżejjed biex l-operaturi ekonomiċi ma jaqtgħux qalbhom milli jagħmlu l-investimenti meħtieġa.

(10)

Din id-Deċiżjoni hija mingħajr preġudizzju għall-applikazzjoni tar-regoli tal-Unjoni dwar l-għajnuna mill-Istat,

16.12.2016   

MT

Il-Ġurnal Uffiċjali tal-Unjoni Ewropea

L 342/32

(1)

Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Istati Membri li l-munita tagħhom hija l-euro jridu jiġu vverifikati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill.

(2)

Il-mandat tal-awdituri esterni ta' Banc Ceannais na hÉireann/il-Bank Ċentrali tal-Irlanda skada wara l-verifika għas-sena finanzjarja 2015. Għalhekk huwa meħtieġ li jinħatru awdituri esterni mis-sena finanzjarja 2016.

(3)

Banc Ceannais na hÉireann/il-Bank Ċentrali tal-Irlanda għażel lil Mazars bħala l-awdituri esterni tiegħu għas-snin finanzjarji 2016 sa 2020.

(4)

Il-Kunsill Governattiv tal-BĊE rrakkomanda li Mazars jinħatru bħala l-awdituri esterni ta' Banc Ceannais na hÉireann/il-Bank Ċentrali tal-Irlanda għas-snin finanzjarji 2016 sa 2020.

(5)

Wara r-rakkomandazzjoni tal-Kunsill Governattiv tal-BĊE, jenħtieġ li d-Deċiżjoni tal-Kunsill 1999/70/KE (2) tiġi emendata skont dan,

16.12.2016   

MT

Il-Ġurnal Uffiċjali tal-Unjoni Ewropea

L 342/34

(1)

Id-Deċiżjonijiet tal-Kummissjoni 2007/305/KE (2), 2007/306/KE (3) u 2007/307/KE (4) jistabbilixxu r-regoli dwar l-irtirar mis-suq tal-ibridu Ms1×Rf1 (ACS-BNØØ4-7×ACS-BNØØ1-4) taż-żrieragħ tal-lift, ta' ibridi taż-żrieragħ tal-kolza Ms1×Rf2 (ACS-BNØØ4-7×ACS-BNØØ2-5) u tal-kolza Topas 19/2 (ACS-BNØØ7-1) rispettivament, kif ukoll il-prodotti derivati minnhom (“materjal ġenetikament modifikat”). Dawk id-Deċiżjonijiet ġew adottati wara li d-detentur tal-awtorizzazzjoni, il-kumpanija Bayer CropScience AG, indikat lill-Kummissjoni li ma kellha l-ebda intenzjoni li ġġedded l-applikazzjoni għall-awtorizzazzjoni ta' dak il-materjal ĠM skont l-ewwel subparagrafu tal-Artikolu 8(4), l-Artikolu 11, l-Artikolu 20(4) u l-Artikolu 23 tar-Regolament (KE) Nru 1829/2003.

(2)

It-tliet Deċiżjonijiet kollha stipulaw perjodu ta' tranżizzjoni inizjali ta' ħames snin, li matulu l-ikel u l-għalf li fih dan il-materjal ĠM jew li jikkonsisti jew huwa prodott minnu seta' jiġi introdott fis-suq bi proporzjon mhux ogħla minn 0,9 % u sakemm dik il-preżenza kienet aċċidentali jew teknikament inevitabbli. L-għan ta' dak il-perjodu ta' tranżizzjoni kien li jikkunsidra l-fatt li xi kultant seta' jkun hemm preżenti traċċi żgħar ħafna ta' materjal ĠM fil-ktajjen alimentari u tal-għalf, saħansitra wara li Bayer CropScience AG iddeċidiet li twaqqaf il-bejgħ ta' żrieragħ derivati minn dawk l-organiżmi ġenetikament modifikati u anke jekk kienu ttieħdu l-miżuri kollha biex tiġi evitata l-preżenza ta' dak il-materjal ĠM.

(3)

Fid-dawl tal-esperjenza li nkisbet wara l-irtirar mis-suq ta' dak il-materjal ĠM, id-Deċiżjoni ta' Implimentazzjoni 2012/69/UE (5) emendat it-tliet Deċiżjonijiet kollha sabiex il-perjodu ta' tranżizzjoni jiġi estiż sal-31 ta' Diċembru 2016. Peress li ġew irrapportati livelli baxxi ħafna ta' traċċi, dik id-Deċiżjoni naqqset il-preżenza ttollerata ta' dak il-materjal ĠM fl-ikel u fl-għalf għal piż skont il-piż ta' 0,1 %.

(4)

Id-Deċiżjonijiet 2007/305/KE, 2007/306/KE u 2007/307/KE stipulaw ukoll serje ta' miżuri li Bayer CropScience AG kellha tieħu sabiex jiġi żgurat l-irtirar mis-suq effettiv ta' dan il-materjal ĠM u stabbilixxew obbligi ta' rapportar min-naħa ta' Bayer CropScience AG.

(5)

F'Diċembru 2013 u f'Marzu 2016, Bayer CropScience AG irrapportat li minkejja l-miżuri li ħadet biex tipprevjeni l-preżenza ta' dawk l-organiżmi ġenetikament modifikati skont id-Deċiżjonijiet 2007/305/KE, 2007/306/KE u 2007/307/KE, xorta kien għad fadal traċċi żgħar ħafna fil-prodotti bażiċi taż-żrieragħ taż-żejt tal-kolza f'dawn l-aħħar snin. Din il-preżenza ta' traċċi persistenti tista' tiġi spjegata kemm minħabba l-bijoloġija taż-żrieragħ taż-żejt tal-kolza li jistgħu jibqgħu inattivi għal perjodi twal kif ukoll minħabba prattiki agrikoli li ntużaw għall-ħsad ta' żrieragħ li setgħu rriżultaw f'tixrid aċċidentali, li l-livell tiegħu kien diffiċli biex jiġi stmat fid-dati tal-adozzjoni tad-Deċiżjonijiet 2007/305/KE, 2007/306/KE u 2007/307/KE u d-Deċiżjoni ta' Implimentazzjoni 2012/69/UE. It-tendenza hija li l-okkorrenza tat-traċċi kompliet tonqos.

(6)

F'dan l-isfond, huwa xieraq li l-perjodu ta' tranżizzjoni jiġi estiż għal tliet snin oħra sal-31 ta' Diċembru 2019 sabiex jippermetti t-tneħħija sħiħa tat-traċċi residwi ta' Ms1×Rf1 taż-żrieragħ tal-lift, taż-żrieragħ tal-kolza Ms1×Rf2 u tal-kolza Topas 19/2 fil-katina alimentari u tal-għalf.

(7)

Sabiex tkompli tikkontribwixxi għat-tneħħija ta' dak il-materjal ĠM, huwa xieraq ukoll li Bayer CropScience AG tkompli timplimenta l-programm intern meħtieġ skont id-Deċiżjonijiet 2007/305/KE, 2007/306/KE u 2007/307/KE u li tkompli tiġbor id-dejta, kif kienet tagħmel qabel fuq bażi volontarja, dwar il-preżenza ta' materjal bħal dan fi prodotti bażiċi taż-żrieragħ taż-żejt tal-kolza importati fl-Unjoni mill-Kanada, l-uniku pajjiż fejn dawk iż-żrieragħ taż-żejt tal-kolza kienu kkultivati għal skopijiet kummerċjali. Bayer CropScience AG għandha tirrapporta lill-Kummissjoni dwar iż-żewġ aspetti sal-1 ta' Jannar 2019.

(8)

Bayer CropScience AG għandha tiżgura d-disponibbiltà kontinwa ta' materjali ta' referenza ċertifikati biex il-laboratorji ta' kontroll ikunu jistgħu jwettqu l-analiżi tagħhom matul dak il-perjodu ta' tranżizzjoni.

(9)

Id-Deċiżjonijiet 2007/305/KE, 2007/306/KE u 2007/307/KE għandhom għalhekk jiġu emendati skont dan.

(10)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-Artikolu 1 jinbidel b'dan li ġej:

“Artikolu 1

Id-destinatarju għandu jimplimenta programm intern sabiex jiżgura l-irtirar mis-suq effettiv ta' ACS-BNØØ4-7, ACS-BNØØ1-4 u l-kombinament tal-ibridu ACS-BNØØ4-7×ACS-BNØØ1-4 taż-żrieragħ tal-lift fit-tnissil u l-produzzjoni taż-żrieragħ u għandu jiġbor dejta dwar il-preżenza ta' dawk l-organiżmi ġenetikament modifikati fil-vjeġġi taż-żrieragħ taż-żejt tal-kolza lejn l-Unjoni mill-Kanada.

Id-destinatarju għandu jirrapporta lill-Kummissjoni dwar l-implimentazzjoni ta' dan il-programm u dwar il-preżenza ta' dawk l-organiżmi ġenetikament modifikati fil-vjeġġi taż-żrieragħ taż-żejt tal-kolza lejn l-Unjoni mill-Kanada sal-1 ta' Jannar 2019.”

(2)

L-Artikolu 2 jinbidel b'dan li ġej:

“Artikolu 2

1.   Il-preżenza ta' materjal li fih ACS-BNØØ4-7, ACS-BNØØ1-4 u l-kombinament tal-ibridu ACS-BNØØ4-7×ACS-BNØØ1-4 taż-żrieragħ tal-lift, li jikkonsisti fihom jew li huwa prodott minnhom fi prodotti tal-ikel jew tal-għalf notifikati skont l-Artikolu 8(1)(a) u l-Artikolu 20(1) tar-Regolament (KE) Nru 1829/2003 għandha tkun ittollerata sal-31 ta' Diċembru 2019, sakemm din il-preżenza:

2.   Id-destinatarju għandu jiżgura d-disponibbiltà ta' materjal ta' referenza ċertifikat għal ACS-BNØØ4–7×ACS-BNØØ1-4 taż-żrieragħ tal-lift permezz tal-American Oil Chemists Society fuq https://www.aocs.org/attain-lab-services/certified-reference-materials-(CRMS)”.

(3)

L-Anness jitħassar.

(1)

L-Artikolu 1 jinbidel b'dan li ġej:

“Artikolu 1

Id-destinatarju għandu jimplimenta programm intern sabiex jiżgura l-irtirar mis-suq effettiv ta' ACS-BNØØ4-7, ACS-BNØØ2-5 u l-kombinament ta' ibridi taż-żrieragħ tal-kolza ACS-BNØØ4-7×ACS-BNØØ2-5 fit-tnissil u l-produzzjoni taż-żrieragħ u għandu jiġbor dejta dwar il-preżenza ta' dawk l-organiżmi ġenetikament modifikati fil-vjeġġi taż-żrieragħ taż-żejt tal-kolza lejn l-Unjoni mill-Kanada.

Id-destinatarju għandu jirrapporta lill-Kummissjoni dwar l-implimentazzjoni ta' dan il-programm u dwar il-preżenza ta' dawk l-organiżmi ġenetikament modifikati fil-vjeġġi taż-żrieragħ taż-żejt tal-kolza lejn l-Unjoni mill-Kanada sal-1 ta' Jannar 2019.”

(2)

L-Artikolu 2 jinbidel b'dan li ġej:

“Artikolu 2

1.   Il-preżenza ta' materjal li fih ACS-BNØØ4-7, ACS-BNØØ2-5 u l-kombinament ta' ibridi taż-żrieragħ tal-kolza ACS-BNØØ4-7×ACS-BNØØ2-5, li jikkonsisti fihom jew li huwa prodott minnhom fi prodotti tal-ikel jew tal-għalf notifikati skont l-Artikolu 8(1)(a) u l-Artikolu 20(1) tar-Regolament (KE) Nru 1829/2003 għandha tkun ittollerata sal-31 ta' Diċembru 2019, sakemm din il-preżenza:

2.   Id-destinatarju għandu jiżgura d-disponibbiltà ta' materjal ta' referenza ċertifikat għaż-żrieragħ tal-kolza ACS-BNØØ4–7×ACS-BNØØ2-5 permezz tal-American Oil Chemists Society [fuq https://www.aocs.org/attain-lab-services/certified-reference-materials-(crms)”.

(3)

L-Anness jitħassar.

16.12.2016   

MT

Il-Ġurnal Uffiċjali tal-Unjoni Ewropea

L 342/38

(1)

Il-proċedura għar-rikonoxximent ta' kontropartijiet ċentrali (“CCPs”) stabbiliti f'pajjiżi terzi, stipulata fl-Artikolu 25 tar-Regolament (UE) Nru 648/2012, għandha l-għan li tippermetti lis-CCPs stabbiliti u awtorizzati f'pajjiżi terzi li għandhom standards regolatorji ekwivalenti għal dawk stabbiliti f'dak ir-Regolament, li jipprovdu servizzi ta' kklirjar lill-membri tal-ikklirjar jew liċ-ċentri tan-negozjar stabbiliti fl-Unjoni. Għalhekk, din il-proċedura ta' rikonoxximent u d-deċiżjonijiet ta' ekwivalenza previsti fiha jikkontribwixxu biex jintlaħaq l-għan ġenerali tar-Regolament (UE) Nru 648/2012 li jitnaqqas ir-riskju sistemiku billi jiġi estiż l-użu ta' CCPs sikuri u sodi biex jikklerjaw il-kuntratti tad-derivattivi barra l-borża (“OTC”), inkluż meta dawk is-CCPs ikunu stabbiliti u awtorizzati f'pajjiż terz.

(2)

Sabiex reġim legali ta' pajjiż terz jitqies bħala ekwivalenti għar-reġim legali tal-Unjoni fir-rigward ta' CCPs, l-eżitu sostantiv tal-arranġamenti legali u superviżorji applikabbli għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-għan ta' din il-valutazzjoni ta' ekwivalenza huwa għalaqstant biex jiġi vverifikat li l-arranġamenti legali u superviżorji tal-Indja jiżguraw li s-CCPs stabbiliti u awtorizzati hemmhekk ma jesponux lil membri tal-ikklerjar u liċ-ċentri ta' negozjar stabbiliti fl-Unjoni għal livell ogħla ta' riskju milli dawn tal-aħħar kieku jkunu esposti għalih minn CCPs awtorizzati fl-Unjoni u, bħala konsegwenza, ma joħolqux livelli ta' riskju sistemiku li mhumiex aċċettabli fl-Unjoni. Għalhekk, ir-riskji ferm aktar baxxi inerenti f'attivitajiet ta' kklirjar imwettqa fis-swieq finanzjarji li huma iżgħar mis-suq finanzjarju tal-Unjoni għandhom jiġu kkunsidrati b'mod partikolari.

(3)

Fl-1 ta' Settembru 2013, il-Kummissjoni rċeviet il-parir tekniku mill-Awtorità Ewropea tat-Titoli u s-Swieq (ESMA) dwar l-arranġamenti legali u superviżorji applikabbli għas-CCPs awtorizzati fl-Indja. Il-parir tekniku jikkonkludi li l-arranġamenti legali u superviżorji applikabbli, fuq livell ġuridizzjonali, jiżguraw li s-CCPs awtorizzati fl-Indja li adottaw politiki u proċeduri interni fir-rigward ta' diversi oqsma li jikkostitwixxu rekwiżiti legalment vinkolanti jikkonformaw ma' rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(4)

Skont l-Artikolu 25(6) tar-Regolament (UE) Nru 648/2012, iridu jintlaħqu tliet kundizzjonijiet sabiex jiġi determinat li l-arranġamenti legali u superviżorji ta' pajjiż terz rigward is-CCPs awtorizzati hemmhekk huma ekwivalenti għal dawk stabbiliti f'dak ir-Regolament.

(5)

Skont l-ewwel kundizzjoni, is-CCPs awtorizzati f'pajjiż terz iridu jikkonformaw mar-rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(6)

Ir-rekwiżiti legalment vinkolanti tal-Indja għas-CCPs awtorizzati hemmhekk li jikklerjaw titoli korporattivi u derivattivi finanzjarji u li huma taħt is-superviżjoni u s-sorveljanza tas-Securities and Exchange Board of India (SEBI) (ir-reġim SEBI), jikkonsistu fl-Att dwar il-Kuntratti ta' Titoli (Regolament) tal-1956 (is-SCRA) u r-Regolamenti dwar il-Kuntratt ta' Titoli (ir-Regolament) (il-Borża u l-Korporazzjonijiet tal-Ikklerjar) tal-2012 (ir-Regolamenti) li ġew adottati f'Ġunju 2012 mis-SEBI fl-eżerċizzju tas-setgħat mogħtija lilha mis-SCRA u l-Att dwar il-Bord tat-Titoli u l-Iskambju tal-Indja (l-Att SEBI). Is-SEBI ħareġ Ċirkulari fl-4 ta' Settembru 2013 (iċ-Ċirkulari) li permezz tagħha huwa adotta l-Prinċipji għall-Infrastrutturi tas-Swieq Finanzjarji (“il-PFMIs”) maħruġa f'April 2012 mill-Kumitat dwar is-Sistemi tal-Pagamenti u s-Saldu (2) u l-Organizzazzjoni Internazzjonali tal-Kummissjonijiet tat-Titoli u obbliga l-infrastrutturi tas-swieq finanzjarji, inklużi korporazzjonijiet tal-ikklerjar li jaderixxu magħhom.

(7)

Is-SCRA u r-Regolamenti stabbilew reġim ta' awtorizzazzjoni għall-faċilitajiet tal-ikklerjar bħala korporazzjonijiet tal-ikklerjar rikonoxxuti (“RCCs”) mill-Gvern Ċentrali u s-SEBI. Faċilità tal-ikklerjar li tapplika għandha tikkonforma ma' rekwiżiti speċifiċi li għandhom l-għan li jassiguraw operat ġust ta' faċilità tal-ikklerjar kif ukoll il-protezzjoni tal-investituri. Il-Gvern Ċentrali jew is-SEBI jistgħu wkoll jimponu kundizzjonijiet fuq RCCs. RCCs iridu jadottaw regoli u proċeduri interni li huma vvalutati mill-Gvern Ċentrali u s-SEBI qabel l-għoti ta' awtorizzazzjoni tal-RCC u li jridu jkunu konformi mal-kundizzjonijiet imposti fuq kull RCC. Regoli u proċeduri interni ta' RCCs ma jistgħux jiġu emendati mingħajr l-approvazzjoni minn qabel tas-SEBI. Barra minn hekk, is-SEBI jista' jadotta regoli interni tal-RCCs għal kwistjonijiet speċifiċi jew jemenda r-regoli interni eżistenti ta' RCCs, fejn meħtieġ jew spedjenti. Barra minn hekk, is-SEBI jista' jimponi multi għal ksur tar-regoli interni u l-proċeduri ta' RCCs jew ta' kwalunkwe struzzjonijiet maħruġa mis-SEBI.

(8)

Ir-rekwiżiti legalment vinkolanti applikabbli għal CCPs awtorizzati fl-Indja li jikklerjaw titoli tal-gvern, strumenti tas-suq monetarju, u strumenti tal-muniti barranin u li jaqgħu taħt is-superviżjoni tal-Bank ta' Riżerva tal-Indja (RBI) (ir-reġim RBI) jikkonsistu fil-Payment and Settlement Systems Act, 2007 (PSSA) u l-Payment and Settlement Systems Regulations, 2008 (ir-Regolamenti PSS). L-RBI jawtorizza entitajiet li joperaw kamra tal-ikklerjar sakemm jissodisfaw il-kundizzjonijiet meħtieġa (“kmamar tal-ikklirjar awtorizzati”). Barra minn hekk, RBI jista' jimponi kondizzjonijiet speċifiċi fuq l-awtorizzazzjoni li hija valida sakemm il-kondizzjonijiet speċifiċi imposti jkunu sodisfatti. Skont il-PSSA, il-kmamar tal-ikklerjar awtorizzati jadottaw regoli u proċeduri interni u għandhom id-dmir li joperaw il-kamra tal-ikklerjar skont dawn.

(9)

Barra minn hekk, il-PSSA jagħti s-setgħa lill-RBI li joħroġ direttivi ġenerali jew direzzjonijiet indirizzati lejn kmamar tal-ikklerjar awtorizzati speċifiċi. Iż-żewġ tipi ta' direzzjonijiet għandhom jiġu mħarsa milll-kmamar tal-ikklerjar awtorizzati. L-RBI ppubblika “Dokument ta' Politika għar-Regolamentazzjoni u s-Sorveljanza tal-Infrastrutturi tas-Swieq Finanzjarji” fis-26 ta' Lulju 2013, fejn iddikjara li l-kmamar tal-ikklerjar awtorizzati kollha huma meħtieġa li jikkonformaw mal-PFMIs.

(10)

Din id-Deċiżjoni tirrigwarda biss l-ekwivalenza tal-arranġamenti legali u superviżorji tal-RCCs u kmamar tal-ikklerjar awtorizzati u mhux l-arranġamenti legali u superviżorji għas-CCPs li jipprovdu servizzi tal-ikklirjar fis-suq tal-komoditajiet u li huma regolati u sorveljati mill-Forward Markets Commission.

(11)

Ir-rekwiżiti legalment vinkolanti applikabbli għas-CCPs awtorizzati fl-Indja għalhekk jikkonsistu fi struttura fuq żewġ saffi. Il-prinċipji ewlenin li jridu jikkonformaw magħhom RCCs u kmamar tal-ikklerjar sabiex jiksbu awtorizzazzjoni biex jipprovdu servizzi ta' kklerjar fl-Indja (“ir-regoli primarji”) huma dawn li ġejjin: (a) taħt it-reġim SEBI, il-prinċipji ewlenin għall-RCCs stabbiliti fl-SCRA u r-Regolament kumplimentati miċ-Ċirkolari tal-4 ta' Settembru 2013 li jirrikjedi konformità mal-PFMIs u (b) taħt ir-reġim RBI, ir-Regolamenti PSSA u PSS, flimkien mad-Dokument ta' Politika għar-Regolamentazzjoni u s-Sorveljanza tal-Infrastrutturi tas-Swieq Finanzjarji li jirrikjedi konformità mal-PFMIs. Dawn ir-regoli primarji jinkludu l-ewwel livell ta' rekwiżiti legalment vinkolanti fl-Indja. Sabiex jagħtu prova tal-konformità mar-regoli primarji, l-RCCs iridu jressqu r-regoli u l-proċeduri interni tagħhom mas-SEBI għall-approvazzjoni. Taħt ir-reġim tal-RBI, il-kmamar tal-ikklerjar awtorizzati għandhom josservaw ir-regoli u l-proċeduri interni tagħhom fl-operazzjoni ta' kmamar tal-ikklirjar awtorizzati tagħhom. Dawn ir-regoli u l-proċeduri interni jinkludu t-tieni saff ta' rekwiżiti legalment vinkolanti fl-Indja, li jridu jipprovdu dettall preskrittiv dwar kif l-RCCs u l-kamra tal-ikklirjar awtorizzati se jissodisfaw dawk l-istandards. Barra minn hekk, ir-regoli u l-proċeduri interni tal-RCCs u l-kmamar tal-ikklerjar awtorizzati fihom dispożizzjonijiet addizzjonali li jikkomplementaw ir-regoli primarji f'ċerti aspetti. Ir-regoli u l-proċeduri interni tal-RCCs u l-kmamar tal-ikklerjar awtorizzati, li jimplimentaw il-PFMIs, huma legalment vinkolanti fuq l-RCCs u l-kmamar tal-ikklerjar awtorizzati.

(12)

Il-valutazzjoni ta' ekwivalenza tal-arranġamenti legali u superviżorji applikabbli għall-RCCs u l-kmamar tal-ikklerjar awtorizzati fl-Indja għandha tqis ukoll l-eżitu tal-mitigazzjoni tar-riskju li huma jiżguraw f'termini tal-livell ta' riskju li l-membri tal-ikklirjar u ċ-ċentri tan-negozjar stabbiliti fl-Unjoni jkunu esposti għalih meta jipparteċipaw f'dawk l-entitajiet. L-eżitu tal-mitigazzjoni tar-riskju huwa determinat kemm mill-livell ta' riskju inerenti fl-attivitajiet ta' kklirjar imwettqa mis-CCP ikkonċernata, li jiddependi mid-daqs tas-suq finanzjarju li topera fih, kif ukoll minn kemm huma xierqa l-arranġamenti legali u superviżorji applikabbli għas-CCPs biex inaqqsu dak il-livell ta' riskju. Sabiex jinkiseb eżitu ekwivalenti ta' mitigazzjoni tar-riskju, rekwiżiti ta' mitigazzjoni tar-riskju aktar stretti huma neċessarji għas-CCPs li jeżerċitaw l-attivitajiet tagħhom fi swieq finanzjarji ikbar li għandhom livell ta' riskju inerenti ogħla, minn dawk ta' CCPs li jeżerċitaw l-attivitajiet tagħhom fi swieq finanzjarji iżgħar li għandhom livell ta' riskju inerenti iktar baxx.

(13)

Is-suq finanzjarju fejn l-RCCs u l-kmamar tal-ikklerjar awtorizzati fl-Indja jwettqu l-attivitajiet tal-ikklirjar tagħhom huwa ferm iżgħar minn dak fejn huma attivi s-CCPs stabbiliti fl-Unjoni. Tul l-aħħar tliet snin, il-valur totali tat-tranżazzjonijiet derivattivi kklerjati fl-Indja rrappreżenta inqas minn 1 % tal-valur totali tat-tranżazzjonijiet ikklerjati fl-Unjoni. Għalhekk, il-parteċipazzjoni fl-RCCs u fi kmamar tal-ikklirjar awtorizzati stabbiliti fl-Indja tesponi lill-membri tal-ikklirjar u liċ-ċentri tan-negozjar stabbiliti fl-Unjoni għal riskji ferm iktar baxxi mill-parteċipazzjoni tagħhom f'CCPs awtorizzati fl-Unjoni.

(14)

L-arranġamenti legali u superviżorji applikabbli għal RCCs u kmamar tal-ikklirjar awtorizzati stabbiliti fl-Indja jistgħu għalhekk jitqiesu bħala ekwivalenti meta dawn ikunu xierqa biex itaffu dak il-livell iktar baxx ta' riskju. Ir-regoli primarji applikabbli għal dawk l-RCCs u kmamar tal-ikklirjar awtorizzati stabbiliti fl-Indja, flimkien mar-regoli u l-proċeduri interni tagħhom li jeħtieġu konformità mal-PFMIs, itaffu l-livell aktar baxx ta' riskju li jeżisti fl-Indja u jiksbu eżitu ta' mitigazzjoni tar-riskju ekwivalenti għal dak li jipprova jikseb ir-Regolament (UE) Nru 648/2012.

(15)

Għalhekk għandu jiġi konkluż li l-arranġamenti legali u superviżorji tal-Indja biex tiżgura li RCCs u kmamar tal-ikklirjar awtorizzati hemm jikkonformaw ma' rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(16)

Skont it-tieni kundizzjoni msemmija fl-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-Indja fir-rigward ta' CCPs awtorizzati hemmhekk iridu jipprovdu superviżjoni u infurzar effettivi ta' dawn is-CCPs fuq bażi kontinwa.

(17)

Is-superviżjoni tal-RCCs titwettaq mis-SEBI. Is-SEBI jista' jadotta regoli interni ta' RCCs għal kwistjonijiet speċifiċi jew jemenda r-regoli interni eżistenti ta' RCCs, li jkollhom l-istess effett daqslikieku kienu ġew adottati jew emendati permezz ta' RCC konċernata. Barra minn hekk, SEBI jista' tagħti struzzjonijiet lil RCCs fl-interess tal-pubbliku, jew il-kummerċ jew investituri jew fis-swieq tat-titoli. L-RCCs huma suġġetti għal spezzjonijiet, investigazzjonijiet u verifiki mis-SEBI u jridu jipprovdu informazzjoni dwar in-negozju tagħha lis-SEBI. L-SCRA tipprevedi multi għal ksur tar-regoli interni u l-proċeduri ta' RCCs jew ta' kwalunkwe struzzjonijiet maħruġa mis-SEBI. Fl-aħħar nett, l-awtorizzazzjonijiet tal-RCCs jistgħu jiġu rtirati mill-Gvern Ċentrali jew mis-SEBI fl-interess pubbliku jew fl-interess tal-kummerċ.

(18)

Is-superviżjoni ta' kmamar tal-ikklerjar awtorizzati titwettaq mir-RBI. L-RBI jista' jitlob informazzjoni minn kmamar tal-ikklerjar awtorizzati, u għandu s-setgħa li jwettaq spezzjoni fil-postijiet tagħhom u biex jagħmel verifiki. Barra minn hekk, l-RBI jista' jagħti struzzjonijiet lil kmamar tal-ikklerjar awtorizzati f'ċirkostanzi speċifiċi, sabiex iwaqqfu l-imġiba tagħhom u biex jieħdu l-miżuri li huma meqjusa meħtieġa biex tiġi rimedjata s-sitwazzjoni. Barra minn hekk, penali huma stabbiliti fil-każ ta' nuqqas ta' konformità mad-dispożizzjonijiet u r-regolamenti tal-PSSA, għal ordnijiet jew struzzjonijiet maħruġa mir-RBI. Fl-aħħar nett, l-awtorizzazzjoni għat-tħaddim ta' kamra tal-ikklerjar awtorizzata tista' tiġi revokata mir-RBI fil-każ li kamra tal-ikklerjar awtorizzata tikser id-dispożizzjonijiet tal-PSSA, ir-Regolamenti PSS, ordnijiet jew struzzjonijiet maħruġa mir-RBI jew fil-każ ta' nuqqas ta' konformità mal-kundizzjonijiet li għalihom l-awtorizzazzjoni hi soġġetta.

(19)

Għaldaqstant għandu jiġi konkluż li l-RCCs u kmamar tal-ikklirjar awtorizzati fl-Indja huma soġġetti għal superviżjoni u infurzar effettivi fuq bażi kontinwa.

(20)

Skont it-tielet kundizzjoni tal-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-Indja jridu jinkludu sistema ekwivalenti effettiva għar-rikonoxximent ta' CCPs awtorizzati skont reġimi legali ta' pajjiżi terzi (“CCPs ta' pajjiżi terzi”).

(21)

CCPs ta' pajjiż terz jistgħu japplikaw għal awtorizzazzjoni bħala “kamra tal-ikklerjar awtorizzata” taħt ir-reġim tal-RBI, li jippermetti lil CCPs ta' pajjiżi terzi li jipprovdu l-istess servizzi ta' kklerjar bħal CCPs stabbiliti fl-Indja. CCPs ta' pajjiż terz jistgħu jiġu eżentati minn ċerti rekwiżiti applikabbli għal RCCs u l-kmamar tal-ikklerjar awtorizzati fl-Indja, sakemm jikkonformaw mal-PFMIs u jiġi konkluż arranġament ta' kooperazzjoni il-RBI u s-superviżur ta' pajjiż terz. Il-valutazzjoni tal-applikazzjoni għall-awtorizzazzjoni tista' tkun ibbażata fuq l-informazzjoni provduta mis-superviżur ta' pajjiż terz.

(22)

Għalhekk, għandu jitqies li l-arranġamenti legali u superviżorji tal-Indja jipprevedu għal sistema ekwivalenti effettiva għar-rikonoxximent ta' CCPs ta' pajjiż terz.

(23)

Din id-Deċiżjoni hija bbażata fuq ir-rekwiżiti legalment vinkolanti li jirrigwardaw l-RCCs u kmamar tal-ikklerjar awtorizzati applikabbli fl-Indja meta kienet adottata d-Deċiżjoni. Il-Kummissjoni, f'kooperazzjoni mal-ESMA, għandha tkompli twettaq monitoraġġ fuq bażi regolari tal-evoluzzjoni tal-arranġamenti legali u superviżorji għall-RCCs u kmamar tal-ikklerjar awtorizzati u s-sodisfar tal-kundizzjonijiet li abbażi tagħhom ittieħdet din id-Deċiżjoni.

(24)

Ir-reviżjoni regolari tal-arranġamenti legali u superviżorji applikabbli fl-Indja għas-CCPs awtorizzati hemmhekk għandha tkun mingħajr preġudizzju għall-possibbiltà li l-Kummissjoni twettaq eżami speċifiku fi kwalunkwe ħin barra mill-ambitu tal-analiżi ġenerali, fejn l-iżviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija minn din id-Deċiżjoni. Valutazzjoni mill-ġdid bħal din tista' twassal għat-tħassir tad-Deċiżjoni.

(25)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/42

(1)

Ir-Regolament (UE) Nru 648/2012 jistabbilixxi rekwiżiti tal-ikklerjar u tal-immaniġġar bilaterali tar-riskju għal kuntratti derivattivi ta' barra l-Borża (“OTC”) kif ukoll rekwiżiti ta' rappurtar għal tali kuntratti. Il-punt (7) tal-Artikolu 2 tar-Regolament (UE) Nru 648/2012 jiddefinixxi d-derivattivi OTC bħala kuntratti tad-derivattivi li l-eżekuzzjoni tagħhom ma sseħħx f'suq regolat skont it-tifsira tal-punt (14) tal-Artikolu 4(1) tad-Direttiva 2004/39/KE tal-Parlament Ewropew u tal-Kunsill (2) jew f'suq ta' pajjiż terz ikkunsidrat bħala ekwivalenti għal suq regolat f'konformità mal-Artikolu 2a tar-Regolament (UE) Nru 648/2012. Għalhekk, kull kuntratt ta' derivattiv li l-eżekuzzjoni tiegħu sseħħ f'suq ta' pajjiż terz mhux meqjus bħala ekwivalenti għas-swieq regolati huwa kklassifikat bħala OTC għall-finijiet tar-Regolament (UE) Nru 648/2012.

(2)

Skont l-Artikolu 2a tar-Regolament (UE) Nru 648/2012, suq ta' pajjiż terz jitqies bħala ekwivalenti għal suq regolat jekk jikkonforma ma' rekwiżiti legalment vinkolanti li huma ekwivalenti għar-rekwiżiti stabbiliti fit-Titolu III tad-Direttiva 2004/39/KE u li huwa soġġett għal superviżjoni u infurzar effettivi f'dak il-pajjiż terz fuq bażi kontinwa.

(3)

Sabiex suq ta' pajjiż terz jitqies bħala ekwivalenti għal suq regolat skont it-tifsira tad-Direttiva 2004/39/KE, l-eżitu sostantiv tar-rekwiżiti legalment vinkolanti u l-arranġamenti superviżorji u ta' infurzar applikabbli għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-għan ta' din il-valutazzjoni tal-ekwivalenza huwa għalhekk li tivverifika li r-rekwiżiti legalment vinkolanti li japplikaw għal boroż approvati f'Singapor huma ekwivalenti għar-rekwiżiti stabbiliti fit-Titolu III tad-Direttiva 2004/39/KE, u li dawk is-swieq huma soġġetti għal superviżjoni u infurzar effettivi fuq bażi kontinwa. Is-swieq li huma boroż approvati fid-data tal-adozzjoni ta' din id-Deċiżjoni għandhom għalhekk jiġu identifikati bħala swieq meqjusa ekwivalenti għal suq regolat skont it-tifsira tad-Direttiva 2004/39/KE.

(4)

Il-qafas legali ta' Singapor għal boroż approvati jikkonsisti fl-Att dwar it-Titoli u l-Futuri (SFA), ir-Regolamenti dwar it-Titoli u l-Futuri (Swieq) 2005, ir-Regolamenti dwar it-Titoli u l-Futuri (il-Governanza Korporattiva ta' Boroż Approvati, Kmamar tal-Ikklirjar Approvati u Kumpaniji Holding Approvati) 2005, ir-Regolamenti dwar it-Titoli u l-Futuri (Offerti ta' Investimenti) (Ishma u Obbligazzjonijiet) 2005, ir-Regolamenti dwar it-Titoli u l-Futuri (Liċenzjar u Kondotta tan-Negozju) 2004 u l-Linji Gwida maħruġa mill-Awtorità Monetarja ta' Singapor (Monetary Authority of Singapore — MAS) skont it-Taqsima 321 tal-SFA, inklużi l-Linji Gwida dwar ir-Regolamentazzjoni tas-Swieq Nru SFA 02-G01 u l-Linji Gwida dwar il-Kriterji ta' Kompetenza u Idoneità Nru FSG-G01. Il-Linji Gwida dwar ir-Regolamentazzjoni tas-Swieq jistabbilixxu obbligi għall-boroż approvati bħall-obbligu li joperaw suq ġust, ordinat u trasparenti. It-Taqsima 321(5) tal-SFA tistipula li nuqqas ta' konformità ma' xi linja gwida jista', f'kull proċediment, kemm ċivili kif ukoll kriminali, jiġi invokat minn kull parti li tfittex li tistabbilixxi jew li tiċħad ir-responsabbiltà. Minbarra dan, it-taqsima 334(1) u 335 tagħti s-setgħa lill-MAS sabiex timponi multi fuq il-boroż approvati fejn il-MAS issib li l-borża tkun responsabbli għal ksur ta' xi linji gwida. Barra minn hekk, xi regoli tan-negozju u tal-elenkar li jagħtu aktar dettalji dwar ir-rekwiżiti tal-SFA huma deskritti f'ġabra ta' regoli għal kull borża approvata. Ir-regoli dwar in-negozju u l-elenkar, kif ukoll kull emenda għal dawn ir-regoli, iridu jiġu ppreżentati lill-MAS qabel l-implimentazzjoni tagħhom. L-SFA tistipula penali fejn ir-regoli tan-negozju jew tal-elenkar ma jkunux konformi mar-rekwiżiti stabbiliti mill-MAS. Taħt l-SFA, ir-regoli tan-negozju huma meqjusa bħala kuntratt li jorbot għall-borża approvata u l-membri tagħha u għalhekk iridu jiġu osservati u rispettati fuq bażi kontinwa.

(5)

Ir-rekwiżiti legalment vinkolanti applikabbli għal boroż approvati f'Singapor jagħtu riżultati sostantivi ekwivalenti għal dawk tar-rekwiżiti stabbiliti fit-Titolu III tad-Direttiva 2004/39/KE fl-oqsma li ġejjin: il-proċess tal-awtorizzazzjoni, ir-rekwiżiti tad-definizzjonijiet, l-aċċess għall-borża approvata, ir-rekwiżiti organizzazzjonali, ir-rekwiżiti tal-maniġment superjuri, l-ammissjoni ta' strumenti finanzjarji għan-negozjar, is-suspensjoni u t-tneħħija ta' strumenti min-negozjar, il-monitoraġġ tal-konformità mar-regoli tal-boroż approvati u l-aċċess għal arranġamenti tal-ikklirjar u tas-saldu.

(6)

Skont id-Direttiva 2004/39/KE, ir-rekwiżiti tat-trasparenza ta' qabel u ta' wara n-negozjar japplikaw biss għall-ishma ammessi għan-negozjar fi swieq regolati. Minkejja li l-ishma jistgħu jiġu ammessi għan-negozjar fuq boroż approvati f'Singapor, il-Kummissjoni tikkunsidra li l-valutazzjoni ta' dawn ir-rekwiżiti hija madankollu mhux rilevanti għall-finijiet ta' din id-Deċiżjoni peress li l-għan tagħha huwa li tivverifika l-ekwivalenza tar-rekwiżiti legalment vinkolanti applikabbli għal swieq ta' pajjiżi terzi fir-rigward ta' kuntratti ta' derivattivi li huma eżegwiti f'dawk is-swieq.

(7)

Għalhekk għandu jiġi konkluż li r-rekwiżiti legalment vinkolanti għal boroż approvati f'Singapor jagħtu riżultati ekwivalenti għal dawk tar-rekwiżiti stabbiliti fit-Titolu III tad-Direttiva 2004/39/KE.

(8)

Il-boroż approvati f'Singapor huma soġġetti għal superviżjoni mill-MAS, awtorità pubblika stabbilita skont it-Taqsima 3 tal-Att dwar l-Awtorità Monetarja ta' Singapor. L-MAS hija r-regolatur primarju għal attivitajiet tas-suq tal-kapital f'Singapor. It-Taqsima 46 tal-SFA tagħti s-setgħa lill-MAS sabiex tagħti struzzjonijiet lill-borża approvata fir-rigward tal-materji speċifiċi kif speċifikati mill-SFA sabiex tiżgura l-protezzjoni tal-investitur, il-funzjonament ta' swieq ġusti, ordinati u trasparenti, l-integrità u l-istabilità tas-swieq tal-kapital u l-konformità ma' kull kundizzjoni jew restrizzjoni imposta mill-MAS. Il-MAS għandha setgħat statutorji biex toħroġ avviżi legalment vinkolanti, linji gwida, kodiċijiet, dikjarazzjonijiet ta' politika u noti tal-prattika. Il-MAS tista' timponi multi u ċċanfar għall-ksur ta' dispożizzjonijiet tal-SFA jew tal-leġiżlazzjoni sekondarja tagħha, inklużi avviżi u struzzjonijiet. Il-MAS tista' tneħħi wkoll uffiċjali prinċipali fejn tqis li dan ikun fl-interess pubbliku. Fl-aħħar nett, il-MAS tissorvelja l-prattiki ta' mmaniġġar tar-riskju u l-kontrolli tal-borża approvata, permezz ta' spezzjonijiet fuq il-post u mhux fuq il-post.

(9)

Għalhekk għandu jiġi konkluż li l-boroż approvati huma soġġetti għal superviżjoni u infurzar effettivi f'Singapor fuq bażi kontinwa.

(10)

Il-kundizzjonijiet stipulati fl-Artikolu 2a tar-Regolament (UE) Nru 648/2012 għandhom għalhekk jiġu kkunsidrati bħala ssodisfati fir-rigward ta' boroż approvati f'Singapor.

(11)

Din id-Deċiżjoni hija bbażata fuq ir-rekwiżiti legalment vinkolanti relatati ma' boroż approvati f'Singapor fiż-żmien tal-adozzjoni ta' din id-Deċiżjoni. Il-Kummissjoni għandha tkompli timmonitorja fuq bażi regolari l-evoluzzjoni tal-arranġamenti legali u superviżorji għall-boroż approvati u t-twettiq tal-kundizzjonijiet li abbażi tagħhom ittieħdet din id-Deċiżjoni. B'mod partikolari, il-Kummissjoni għandha tirrieżamina din id-Deċiżjoni fid-dawl tad-dħul fis-seħħ tar-Regolament (UE) Nru 600/2014 tal-Parlament Ewropew u tal-Kunsill (3) u tad-Direttiva 2014/65/UE tal-Parlament Ewropew u tal-Kunsill (4).

(12)

Ir-rieżami regolari tal-arranġamenti legali u superviżorji applikabbli għall-boroż approvati f'Singapor huwa mingħajr preġudizzju għall-possibbiltà li l-Kummissjoni twettaq rieżami speċifiku fi kwalunkwe ħin, fejn żviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija b'din id-Deċiżjoni. Valutazzjoni mill-ġdid bħal din tista' twassal għat-tħassir tad-Deċiżjoni.

(13)

Il-miżuri previsti f'din id-Deċiżjoni huma konformi mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/45

(1)

Ir-Regolament (UE) Nru 648/2012 jistabbilixxi rekwiżiti tal-ikklerjar u tal-immaniġġar bilaterali tar-riskju għal kuntratti derivattivi ta' barra l-Borża (“OTC”) kif ukoll rekwiżiti ta' rappurtar għal tali kuntratti. Il-punt (7) tal-Artikolu 2 tar-Regolament (UE) Nru 648/2012 jiddefinixxi d-derivattivi OTC bħala kuntratti tad-derivattivi li l-eżekuzzjoni tagħhom ma sseħħx f'suq regolat skont it-tifsira tal-punt (14) tal-Artikolu 4(1) tad-Direttiva 2004/39/KE tal-Parlament Ewropew u tal-Kunsill (2) jew f'suq ta' pajjiż terz ikkunsidrat bħala ekwivalenti għal suq regolat f'konformità mal-Artikolu 2a tar-Regolament (UE) Nru 648/2012. Għalhekk, kull kuntratt tad-derivattivi li l-eżekuzzjoni tiegħu sseħħ f'suq ta' pajjiż terz mhux meqjus bħala ekwivalenti għal suq regolat huwa kklassifikat bħala OTC għall-finijiet tar-Regolament (UE) Nru 648/2012.

(2)

Skont l-Artikolu 2a tar-Regolament (UE) Nru 648/2012, suq ta' pajjiż terz jitqies bħala ekwivalenti għal suq regolat jekk jikkonforma ma' rekwiżiti legalment vinkolanti li huma ekwivalenti għar-rekwiżiti stabbiliti fit-Titolu III tad-Direttiva 2004/39/KE u li huwa soġġett għal superviżjoni u infurzar effettivi f'dak il-pajjiż terz fuq bażi kontinwa.

(3)

Sabiex suq ta' pajjiż terz jitqies bħala ekwivalenti għal suq regolat skont it-tifsira tad-Direttiva 2004/39/KE, l-eżitu sostantiv tar-rekwiżiti legalment vinkolanti u l-arranġamenti superviżorji u ta' infurzar applikabbli għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-għan ta' din il-valutazzjoni tal-ekwivalenza huwa għalhekk li jiġi vverifikat li r-rekwiżiti legalment vinkolanti li japplikaw għal boroż tal-istrumenti finanzjarji (financial instruments exchanges — FIEs) u l-boroż tal-komoditajiet fil-Ġappun, huma ekwivalenti għar-rekwiżiti stabbiliti fit-Titolu III tad-Direttiva 2004/39/KE, u li dawk is-swieq huma soġġetti għal superviżjoni u infurzar effettivi fuq bażi kontinwa. Is-swieq li huma awtorizzati bħala FIEs jew boroż tal-komoditajiet fid-data tal-adozzjoni ta' din id-Deċiżjoni għandhom għalhekk jiġu identifikati bħala swieq meqjusa ekwivalenti għal suq regolat skont it-tifsira tad-Direttiva 2004/39/KE.

(4)

Il-qafas legali tal-Ġappun għall-FIEs u għall-boroż tal-prodotti bażiċi jikkonsisti fl-Att dwar l-Istrumenti Finanzjarji u l-Boroż 2006 (FIEA), li jistabbilixxi l-qafas regolatorju għall-FIEs, u l-Att dwar id-Derivattivi tal-Komoditajiet 2009 (CDA), li jistipula l-qafas regolatorju u superviżorju għall-boroż tal-komoditajiet. Kuntratti tad-derivattivi b'komodità bħala sottostanti huma elenkati fuq borża tal-komoditajiet u derivattivi bbażati fuq strumenti finanzjarji huma elenkati fuq l-FIEs. Ir-regoli għal FIEs huma żviluppati aktar fl-Ordni għall-Infurzar tal-Att dwar l-Istrumenti Finanzjarji u l-Boroż u l-Ordinanza tal-Uffiċċju tal-Kabinett dwar l-Istrumenti Finanzjarji filwaqt li r-regoli għall-boroż tal-komoditajiet huma elaborati aktar fid-dettall fl-Ordni għall-Infurzar tal-Att dwar id-Derivattivi tal-Komoditajiet u l-Ordinanza għall-Infurzar tal-Att dwar id-Derivattivi tal-Komoditajiet. Barra minn hekk, kemm il-borża tal-komoditajiet, kif ukoll l-FIEs għandhom setgħa awtoregolatorja relattivament wiesgħa fir-rigward ta' ċerti rekwiżiti. Is-setgħa awtoregolatorja tal-FIE tinkludi, b'mod partikolari, ir-regoli tan-negozju relatati mal-elenkar u t-tneħħija mil-listi ta' strumenti finanzjarji, l-arranġamenti tan-negozjar u r-rekwiżiti tas-sħubija. Ir-regoli operazzjonali jridu jintbagħtu lill-Prim Ministru tal-Ġappun għall-approvazzjoni (l-Artikolu 81 tal-FIEA). Din is-setgħa awtoregolatorja tal-borża tal-komoditajiet hija eżerċitata permezz tal-Kumitati Awtoregolatorju jew id-Dipartiment Awtoregolatorju tagħha. Ir-regoli tas-suq tal-borża tal-komoditajiet jistabbilixxu r-regoli tan-negozjar u r-rekwiżiti ta' sħubija, li kollha jridu jiġu sottomessi lill-Ministeru tal-Agrikoltura, il-Forestrija u s-Sajd (Ministry of Agriculture, Forestry and Fishery — MAFF) u l-Ministeru tal-Ekonomija, il-Kummerċ u l-Industrija (Ministry of Economy, Trade and Industry — METI) għall-approvazzjoni. Ir-regoli awtoregolatorji huma legalment vinkolanti fuq il-boroż.

(5)

Ir-rekwiżiti legalment vinkolanti applikabbli għal boroż awtorizzati fil-Ġappun jagħtu riżultati ekwivalenti għal dawk ir-rekwiżiti stabbiliti fit-Titolu III tad-Direttiva 2004/39/KE fl-oqsma li ġejjin: il-proċess tal-awtorizzazzjoni, ir-rekwiżiti tad-definizzjonijiet, l-aċċess għall-borża, ir-rekwiżiti organizzazzjonali, ir-rekwiżiti tal-maniġment superjuri, l-ammissjoni ta' strumenti finanzjarji għan-negozjar, is-suspensjoni u t-tneħħija ta' strumenti min-negozjar, il-monitoraġġ tal-konformità u l-aċċess għall-arranġamenti tal-ikklirjar u tas-saldu.

(6)

Skont id-Direttiva 2004/39/KE, ir-rekwiżiti tat-trasparenza ta' qabel u ta' wara n-negozjar japplikaw biss għall-ishma ammessi għall-kummerċ fi swieq regolati. Minkejja li l-ishma jistgħu jiġu ammessi għan-negozjar f'FIEs, il-Kummissjoni tikkunsidra li l-valutazzjoni ta' dawn ir-rekwiżiti madankollu mhijiex rilevanti għall-finijiet ta' din id-Deċiżjoni peress li l-għan tagħha huwa li tivverifika l-ekwivalenza tar-rekwiżiti legalment vinkolanti applikabbli għal swieq ta' pajjiżi terzi fir-rigward ta' kuntratti tad-derivattivi li huma eżegwiti f'dawk is-swieq.

(7)

Għalhekk għandu jiġi konkluż li r-rekwiżiti legalment vinkolanti għal FIEs u l-boroż tal-komoditajiet fil-Ġappun iwasslu għal riżultati ekwivalenti għal dawk tar-rekwiżiti stabbiliti fit-Titolu III tad-Direttiva 2004/39/KE.

(8)

Il-boroż tal-komoditajiet joperaw taħt is-superviżjoni tal-METI u tal-MAFF. Is-CDA tipprovdi qafas għas-setgħat ta' sorveljanza tal-METI u tal-MAFF. B'mod partikolari, il-METI u l-MAFF japprovaw ir-regoli tas-suq, ir-regoli tal-kuntratti ta' senserija, ir-regoli tar-riżoluzzjoni tat-tilwim jew ir-regoli tal-kumitat tas-sorveljanza tat-tranżazzjonijiet tas-suq ta' borża tal-komoditajiet u kull tibdil fihom. Barra minn hekk, sabiex jiżguraw il-kummerċ ġust u l-protezzjoni tal-investitur, l-METI u l-MAFF jistgħu jobbligaw lil borża tal-komoditajiet sabiex tibdel l-artikoli ta' inkorporazzjoni tagħha, regoli oħra tagħha jew il-metodi tan-negozju tagħha jew tieħu miżuri oħra sabiex ittejjeb l-operat tan-negozju tagħha. Jekk borża tal-komoditajiet tonqos milli b'mod xieraq teżerċita s-setgħa awtoregolatorja tagħha u ma tiħux il-miżuri neċessarji sabiex tiżgura l-kummerċ ġust u l-protezzjoni tal-investitur, l-METI u l-MAFF jistgħu jirtiraw il-liċenzja jew jissospendu kompletament jew parzjalment in-negozju ta' dik il-borża.. L-FIEs huma soġġetti għas-superviżjoni tal-Prim Ministru tal-Ġappun, liema setgħa hija ddelegata lill-Kummissarju tal-Aġenzija tas-Servizzi Finanzjarji tal-Ġappun (Japan Financial Services Agency — JFSA). It-Taqsima 5 tal-Kapitolu V tal-FIEA tistabbilixxi l-miżuri superviżorji disponibbli lill-JFSA. B'mod partikolari, meta l-FIE tikser il-liġijiet u r-regolamenti, il-JFSA tista' tirtira l-liċenzja jew toħroġ ordni ta' sospensjoni totali jew parzjali tan-negozju tal-FIE. Barra minn hekk, il-JFSA tista' tesiġi lill-FIE biex tibdel l-artikoli ta' inkorporazzjoni tagħha, ir-regoli operazzjonali, ir-regoli tal-kuntratti ta' senserija jew kull regola jew prattika tal-kummerċ oħra jew li tieħu miżuri oħra neċessarji għas-superviżjoni. L-artikoli ta' inkorporazzjoni tal-FIE jridu jinkludu sanzjonijiet għal ksur tar-regoli tan-negozju tagħha mill-membri. Jekk l-FIE tonqos milli twettaq b'mod effettiv is-sorveljanza tas-suq, il-JFSA tista' tieħu azzjonijiet ta' infurzar, inklużi l-irtirar tal-liċenzja jew is-sospensjoni tan-negozju.

(9)

T. Għalhekk għandu jiġi konkluż li l-FIEs u l-boroż tal-komoditajiet huma soġġetti għal superviżjoni u infurzar effettivi fil-Ġappun fuq bażi kontinwa.

(10)

Il-kundizzjonijiet stipulati fl-Artikolu 2a tar-Regolament (UE) Nru 648/2012 għandhom għalhekk jiġu kkunsidrati bħala ssodisfati fir-rigward ta' FIEs u boroż tal-komoditajiet awtorizzati fil-Ġappun.

(11)

Din id-Deċiżjoni hija bbażata fuq ir-rekwiżiti legalment vinkolanti li jirrigwardaw l-FIEs u l-boroż tal-komoditajiet applikabbli fil-Ġappun meta kienet adottata din id-Deċiżjoni. Il-Kummissjoni għandha tkompli timmonitorja fuq bażi regolari l-evoluzzjoni tal-arranġamenti legali u superviżorji għal dawn is-swieq u t-twettiq tal-kundizzjonijiet li abbażi tagħhom ittieħdet din id-Deċiżjoni. B'mod partikolari, il-Kummissjoni għandha tirrieżamina din id-Deċiżjoni fid-dawl tad-dħul fis-seħħ tar-Regolament (UE) Nru 600/2014 tal-Parlament Ewropew u tal-Kunsill (3) u tad-Direttiva 2014/65/UE tal-Parlament Ewropew u tal-Kunsill (4).

(12)

Ir-rieżami regolari tal-arranġamenti legali u superviżorji applikabbli għall-FIEs u l-boroż tal-komoditajiet fil-Ġappun huwa mingħajr preġudizzju għall-possibbiltà li l-Kummissjoni twettaq rieżami speċifiku fi kwalunkwe ħin, fejn żviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija b'din id-Deċiżjoni. Valutazzjoni mill-ġdid bħal din tista' twassal għat-tħassir ta' din id-Deċiżjoni.

(13)

Il-miżuri stipulati f'din id-Deċiżjoni huma konformi mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/48

(1)

Ir-Regolament (UE) Nru 648/2012 jistabbilixxi rekwiżiti tal-ikklirjar u tal-immaniġġar bilaterali tar-riskju għal kuntratti derivattivi ta' barra l-Borża (“OTC”) kif ukoll rekwiżiti ta' rappurtar għal tali kuntratti. Il-punt (7) tal-Artikolu 2 tar-Regolament (UE) Nru 648/2012 jiddefinixxi d-derivattivi OTC bħala kuntratti tad-derivattivi li l-eżekuzzjoni tagħhom ma sseħħx f'suq regolat skont it-tifsira tal-punt (14) tal-Artikolu 4(1) tad-Direttiva 2004/39/KE tal-Parlament Ewropew u tal-Kunsill (2) jew f'suq ta' pajjiż terz ikkunsidrat bħala ekwivalenti għal suq regolat f'konformità mal-Artikolu 2a tar-Regolament (UE) Nru 648/2012. Għalhekk, kull kuntratt ta' derivattiv li l-eżekuzzjoni tiegħu sseħħ f'suq ta' pajjiż terz mhux meqjus bħala ekwivalenti għas-swieq regolati huwa kklassifikat bħala OTC għall-finijiet tar-Regolament (UE) Nru 648/2012.

(2)

Skont l-Artikolu 2a tar-Regolament (UE) Nru 648/2012, suq ta' pajjiż terz jitqies bħala ekwivalenti għal suq regolat jekk jikkonforma ma' rekwiżiti legalment vinkolanti li huma ekwivalenti għar-rekwiżiti stabbiliti fit-Titolu III tad-Direttiva 2004/39/KE u li huwa soġġett għal superviżjoni effettiva u infurzar f'dak il-pajjiż terz fuq bażi kontinwa.

(3)

Sabiex suq ta' pajjiż terz jitqies bħala ekwivalenti għal suq regolat skont it-tifsira tad-Direttiva 2004/39/KE, l-eżitu sostantiv applikabbli tar-rekwiżiti legalment vinkolanti u l-arranġamenti superviżorji u ta' infurzar għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-għan ta' din il-valutazzjoni tal-ekwivalenza huwa għalhekk li tivverifika li r-rekwiżiti legalment vinkolanti li japplikaw għal swieq finanzjarji fl-Awstralja huma ekwivalenti għar-rekwiżiti stabbiliti fit-Titolu III tad-Direttiva 2004/39/KE, u li dawk is-swieq huma soġġetti għal superviżjoni u infurzar effettivi fuq bażi kontinwa. Is-swieq li huma awtorizzati bħala swieq finanzjarji fl-Awstralja fid-data tal-adozzjoni ta' din id-Deċiżjoni għandhom għalhekk jiġu identifikati bħala swieq meqjusa ekwivalenti għal suq regolat skont it-tifsira tad-Direttiva 2004/39/KE.

(4)

L-Att dwar il-Korporazzjonijiet 2001 (“Corporations Act”) huwa l-ewwel leġiżlazzjoni li tistabbilixxi reġimi legalment infurzabbli għas-swieq finanzjarji skont ir-reġim tal-liċenzjar tas-swieq Awstraljan (Australian market licencing — AML) u r-reġim tar-Regoli dwar l-Integrità tas-Swieq (Market Integrity Rules — MIRs). It-tħaddim ta' suq finanzjarju fl-Awstralja jeħtieġ liċenzja. L-Att dwar il-Korporazzjonijiet jistabbilixxi sistema ta' ħolqien ta' regoli li tippermetti lill-Kummissjoni għall-Investimenti u s-Sigurtajiet Awstraljana (Australian Securities and Investments Commission — ASIC) biex tadotta MIRs li japplikaw għall-operaturi tas-suq, il-parteċipanti tas-suq, entitajiet oħra preskritti u prodotti finanzjarji nnegozjati fis-swieq finanzjarji. Rekwiżiti addizzjonali huma speċifikati fi strumenti sekondarji jew delegati adottati skont l-Att dwar il-Korporazzjonijiet, inklużi r-Regolamenti tal-Korporazzjonijiet 2001 (“Corporations Regulations”). Fl-aħħar nett, l-ASIC toħroġ gwida regolatorja, li tispjega wkoll kif id-detenturi tal-liċenzja jistgħu jikkonformaw mad-dispożizzjonijiet relevanti tal-Att dwar il-Korporazzjonijiet, inklużi obbligi għad-detenturi tal-AML sabiex iżommu arranġamenti adegwati għat-tħaddim tas-swieq, sabiex jiżguraw suq ġust, ordinat u trasparenti, u rekwiżiti oħra li huma fost il-kriterji li għandhom jiġu vvalutati. Nuqqas ta' konformità ma' gwida regolatorja twassal għal azzjoni ta' infurzar imwettqa mill-ASIC.

(5)

Ir-rekwiżiti legalment vinkolanti stipulati fil-leġiżlazzjoni, l-MIRs u l-gwida regolatorja tas-swieq finanzjarji awtorizzati fl-Awstralja jagħtu riżultati ekwivalenti għal dawk ir-rekwiżiti stabbiliti fit-Titolu III tad-Direttiva 2004/39/KE fl-oqsma li ġejjin: il-proċess tal-awtorizzazzjoni, ir-rekwiżiti tad-definizzjonijiet, l-aċċess għall-borża rikonoxxuta, ir-rekwiżiti organizzazzjonali, ir-rekwiżiti tal-maniġment superjuri, l-ammissjoni ta' strumenti finanzjarji għan-negozjar, is-suspensjoni u t-tneħħija ta' strumenti min-negozjar, il-monitoraġġ tal-konformità mar-regoli tas-suq finanzjarju u l-aċċess għal arranġamenti tal-ikklirjar u tas-saldu.

(6)

Skont id-Direttiva 2004/39/KE, ir-rekwiżiti tat-trasparenza ta' qabel u ta' wara n-negozjar japplikaw biss għall-ishma ammessi għan-negozjar fi swieq regolati. Minkejja li l-ishma jistgħu jiġu ammessi għan-negozjar fi swieq finanzjarji fl-Awstralja, il-Kummissjoni tikkunsidra li l-valutazzjoni ta' dawn ir-rekwiżiti hija madankollu mhux rilevanti għall-finijiet ta' din id-Deċiżjoni peress li l-għan tagħha huwa li tivverifika l-ekwivalenza tar-rekwiżiti legalment vinkolanti applikabbli għal swieq ta' pajjiżi terzi fir-rigward ta' kuntratti ta' derivattivi li huma eżegwiti f'dawk is-swieq.

(7)

Għalhekk għandu jiġi konkluż li r-rekwiżiti legalment vinkolanti għas-swieq finanzjarji fl-Awstralja jagħtu riżultati sostantivi ekwivalenti għal dawk tar-rekwiżiti stabbiliti fit-Titolu III tad-Direttiva 2004/39/KE.

(8)

L-ASIC hija awtorità pubblika mwaqqfa skont l-Att Awstraljan dwar il-Kummissjoni tat-Titoli u l-Investimenti 2001 (l-Att dwar l-ASIC) u hija responsabbli għall-amministrazzjoni u l-infurzar tal-liġi dwar is-swieq finanzjarji Awstraljani. Is-setgħat regolatorji u ta' infurzar tal-ASIC jinkludu l-investigazzjoni ta' suspetti ta' ksur tal-liġi, il-ħruġ ta' avviżi ta' ksur, it-talba ta' penali ċivili mill-qrati u l-bidu ta' prosekuzzjonijiet. Minbarra dan, l-ASIC għandha s-setgħa li tispezzjona s-swieq finanzjarji mingħajr avviż minn qabel. Dan jinkludi s-setgħa li teżamina r-reġistri, ir-rekords u d-dokumenti. Barra minn hekk, il-Ministru għas-Servizzi Finanzjarji jista' jagħti struzzjonijiet bil-miktub lill-operatur ta' suq finanzjarju sabiex jieħu miżuri speċifikati sabiex jiżgura l-konformità mal-obbligi tiegħu bħala detentur ta' liċenzja ta' suq finanzjarju meta l-Ministru jkun tal-fehma li dawn l-obbligi ma jkunux qegħdin jiġu ssodisfati (s. 794a tal-Att dwar il-Korporazzjonijiet). Jekk is-suq finanzjarju ma jikkonformax ma' dawk l-istruzzjonijiet, l-ASIC tista' tapplika lill-qorti għal ordni li teħtieġ konformità (s. 794 A tal-Att dwar il-Korporazzjonijiet). L-ASIC għandha wkoll is-setgħa li tagħti struzzjoni lil entità (inklużi l-operaturi tas-suq u l-parteċipanti ta' swieq liċenzjati), fejn hija tqis li huwa meħtieġ, jew fl-interess pubbliku, li tipproteġi lin-nies li jinnegozjaw fi prodott finanzjarju jew klassijiet ta' prodotti finanzjarji (s. 798J tal-Att dwar il-Korporazzjonijiet). Minbarra dan, l-ASIC tista' titlob ordnijiet u tirreferi kwistjonijiet għal proċedimenti sabiex tinforza l-miżuri regolatorji u investigattivi tagħha. L-ASIC tista' tapplika għand qorti għal ordni li tirrikjedi konformità mal-miżuri tal-ASIC meħuda fuq il-bażi tas-setgħat regolatorji u investigattivi tagħha (s. 70 Att dwar l-ASIC). Barra minn hekk, meta entità tonqos milli tikkonforma ruħha ma' ordni maħruġa skont l-Att dwar il-Korporazzjonijiet, l-ASIC tista' tapplika għal ordni li tirrikjedi konformità ma' dik l-istruzzjoni. Fl-aħħar nett, l-ASIC daħlet fi protokolli għall-kooperazzjoni u l-iskambju ta' informazzjoni ma' kull operatur tas-suq rilevanti sabiex tiffaċilita s-superviżjoni tas-suq u l-parteċipanti skont l-MIRs.

(9)

Għalhekk għandu jiġi konkluż li s-swieq finanzjarji huma soġġetti għal superviżjoni u infurzar effettivi fl-Awstralja fuq bażi kontinwa.

(10)

Il-kundizzjonijiet stipulati fl-Artikolu 2a tar-Regolament (UE) Nru 648/2012 għandhom għalhekk jiġu kkunsidrati bħala ssodisfati fir-rigward ta' swieq finanzjarji awtorizzati fl-Awstralja.

(11)

Din id-Deċiżjoni hija bbażata fuq ir-rekwiżiti legalment vinkolanti relatati ma' swieq finanzjarji fl-Awstralja fiż-żmien tal-adozzjoni ta' din id-Deċiżjoni. Il-Kummissjoni għandha tkompli timmonitorja fuq bażi regolari l-evoluzzjoni tal-arranġamenti legali u superviżorji għas-swieq finanzjarji u t-twettiq tal-kundizzjonijiet li abbażi tagħhom ittieħdet din id-Deċiżjoni. B'mod partikolari, il-Kummissjoni għandha tirrieżamina din id-Deċiżjoni fid-dawl tad-dħul fis-seħħ tar-Regolament (UE) Nru 600/2014 tal-Parlament Ewropew u tal-Kunsill (3) u tad-Direttiva 2014/65/UE tal-Parlament Ewropew u tal-Kunsill (4).

(12)

Ir-rieżami regolari tal-arranġamenti legali u superviżorji applikabbli għas-swieq finanzjarji fl-Awstralja huwa mingħajr preġudizzju għall-possibbiltà li l-Kummissjoni twettaq rieżami speċifiku fi kwalunkwe ħin, fejn żviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija b'din id-Deċiżjoni. Valutazzjoni mill-ġdid bħal din tista' twassal għat-tħassir ta' din id-Deċiżjoni.

(13)

Il-miżuri stipulati f'din id-Deċiżjoni huma konformi mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/51

(1)

Ir-Regolament (UE) Nru 648/2012 jistabbilixxi rekwiżiti tal-ikklerjar u tal-immaniġġar bilaterali tar-riskju għal kuntratti derivattivi ta' barra l-Borża (“OTC”) kif ukoll rekwiżiti ta' rappurtar għal tali kuntratti. Il-punt (7) tal-Artikolu 2 tar-Regolament (UE) Nru 648/2012 jiddefinixxi d-derivattivi OTC bħala kuntratti tad-derivattivi li l-eżekuzzjoni tagħhom ma sseħħx f'suq regolat skont it-tifsira tal-punt (14) tal-Artikolu 4(1) tad-Direttiva 2004/39/KE tal-Parlament Ewropew u tal-Kunsill (2) jew f'suq ta' pajjiż terz ikkunsidrat bħala ekwivalenti għal suq regolat f'konformità mal-Artikolu 2a tar-Regolament (UE) Nru 648/2012. Għalhekk, kull kuntratt ta' derivattiv li l-eżekuzzjoni tiegħu sseħħ f'suq ta' pajjiż terz mhux meqjus bħala ekwivalenti għal swieq regolati huwa kklassifikat bħala OTC għall-finijiet tar-Regolament (UE) Nru 648/2012.

(2)

Skont l-Artikolu 2a tar-Regolament (UE) Nru 648/2012, suq ta' pajjiż terz jitqies bħala ekwivalenti għal suq regolat jekk jikkonforma ma' rekwiżiti legalment vinkolanti li huma ekwivalenti għar-rekwiżiti stabbiliti fit-Titolu III tad-Direttiva 2004/39/KE u li huwa soġġett għal superviżjoni effettiva u infurzar f'dak il-pajjiż terz fuq bażi kontinwa.

(3)

Sabiex suq ta' pajjiż terz jitqies bħala ekwivalenti għal suq regolat skont it-tifsira tad-Direttiva 2004/39/KE, l-eżitu sostantiv applikabbli tar-rekwiżiti legalment vinkolanti u l-arranġamenti superviżorji u ta' infurzar għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-għan ta' din il-valutazzjoni tal-ekwivalenza huwa għalhekk li jiġi vverifikat li r-rekwiżiti legalment vinkolanti li japplikaw għal swieq rikonoxxuti fil-Kanada huma ekwivalenti għar-rekwiżiti stabbiliti fit-Titolu III tad-Direttiva 2004/39/KE, u li dawk is-swieq huma soġġetti għal superviżjoni u infurzar effettivi fuq bażi kontinwa. Is-swieq li huma awtorizzati bħala swieq rikonoxxuti fid-data tal-adozzjoni ta' din id-Deċiżjoni għandhom għalhekk jiġu identifikati bħala swieq meqjusa ekwivalenti għal suq regolat skont it-tifsira tad-Direttiva 2004/39/KE.

(4)

Ir-rekwiżiti legalment vinkolanti għal kambji rikonoxxuti awtorizzati fil-Kanada jikkonsistu fi struttura bi tliet livelli. L-ewwel livell jikkonsisti f'leġiżlazzjoni legali provinċjali u territorjali li tistipula r-rekwiżiti ġenerali li l-operaturi taċ-ċentri tan-negozju jridu jikkonformaw magħhom jekk huma jkunu jixtiequ jeżerċitaw attivitajiet fi provinċja jew f'territorju. Aktar rekwiżiti speċifiċi u ddettaljati applikabbli għall-boroż rikonoxxuti huma stipulati fi Strumenti Nazzjonali (NIs), li jikkostitwixxu t-tieni livell. NIs jiġu adottati mill-Awtoritajiet Regolatorji tat-Titoli (SRAs) ta' kull provinċja u territorju u jkopru oqsma bħal aċċess ġust u trasparenza, l-ikklerjar u s-saldu, ir-rappurtar u l-obbligi tad-divulgazzjoni. Ordnijiet ta' rikonoxximent jikkostitwixxu t-tielet livell. Dawn jinħarġu għal kull borża rikonoxxuta mill-SRA rilevanti u jistabbilixxi t-termini u l-kundizzjonijiet operattivi imposti fuq kull borża rikonoxxuta. L-ordnijiet ta' rikonoxximent maħruġa minn kull SRA għandhom saħħa ġuridika u kull ksur tat-termini u l-kundizzjonijiet stabbilit hemmhekk huwa ksur tal-liġi tat-titoli jew tal-liġi tal-futures tal-komoditajiet.

(5)

Ir-rekwiżiti legalment vinkolanti applikabbli għal boroż rikonoxxuti fil-Kanada jagħtu riżultati sostantivi ekwivalenti għal dawk tar-rekwiżiti stabbiliti fit-Titolu III tad-Direttiva 2004/39/KE fl-oqsma li ġejjin: il-proċess tal-awtorizzazzjoni, ir-rekwiżiti tad-definizzjonijiet, l-aċċess għall-borża rikonoxxuta, ir-rekwiżiti organizzattivi, ir-rekwiżiti tal-maniġment superjuri, l-ammissjoni ta' strumenti finanzjarji għan-negozjar, is-sospensjoni u t-tneħħija ta' strumenti min-negozjar, il-monitoraġġ tal-konformità mar-regoli tal-borża rikonoxxuta u l-aċċess għal arranġamenti tal-ikklirjar u tas-saldu.

(6)

Skont id-Direttiva 2004/39/KE, ir-rekwiżiti tat-trasparenza ta' qabel u ta' wara n-negozjar japplikaw biss għall-ishma ammessi għan-negozjar fi swieq regolati. Minkejja li l-ishma jistgħu jiġu ammessi għall-kummerċ f'boroż rikonoxxuti awtorizzati fil-Kanada, il-Kummissjoni tikkunsidra li l-valutazzjoni ta' dawn ir-rekwiżiti madankollu mhijiex rilevanti għall-finijiet ta' din id-Deċiżjoni peress li l-għan tagħha huwa li tivverifika l-ekwivalenza tar-rekwiżiti legalment vinkolanti applikabbli għal swieq ta' pajjiżi terzi fir-rigward ta' kuntratti ta' derivattivi li huma eżegwiti f'dawk is-swieq.

(7)

Għalhekk għandu jiġi konkluż li r-rekwiżiti legalment vinkolanti għal boroż rikonoxxuti awtorizzati fil-Kanada jwasslu għal riżultati ekwivalenti għal dawk tar-rekwiżiti stabbiliti fit-Titolu III tad-Direttiva 2004/39/KE.

(8)

L-SRAs huma responsabbli għar-regolamentazzjoni u s-superviżjoni ta' boroż rikonoxxuti awtorizzati fil-ġuriżdizzjoni tagħhom. Is-setgħat ta' sorveljanza tagħhom jinkludu, fost l-oħrajn, l-awtorità li jiddeċiedu fir-rigward tan-negozjar u l-mod li bih il-boroż rikonoxxuti jwettqu n-negozju tagħhom. Minbarra dan, boroż rikonoxxuti huma obbligati mit-termini tal-Ordni ta' Rikonoxximent tagħhom li jirrappurtaw ksur suspettat tal-liġi tat-titoli minn parteċipanti u mill-klijenti tagħhom lill-SRAs, u huma wkoll meħtieġa li jirrappurtaw b'mod regolari fuq l-istatus tal-investigazzjonijiet tagħhom u l-azzjoni dixxiplinari lill-SRAs. Sabiex iwettqu d-dmirijiet tagħhom ta' sorveljanza, boroż rikonoxxuti għandhom persunal ta' investigazzjoni u ta' infurzar iddedikat sabiex jimmonitorja n-negozjar fuq bażi kontinwa u jwettaq analiżijiet fuq il-post tat-trade desk tal-parteċipanti. L-SRAs għandhom ukoll is-setgħa li jimponu sanzjonijiet fuq boroż rikonoxxuti għall-ksur tal-liġijiet tat-titoli (atti leġiżlattivi, strumenti nazzjonali, regoli u ordnijiet ta' rikonoxximent). Is-sanzjonijiet jinkludu multi, twissijiet, l-irtirar tal-ordni tar-rikonoxximent jew is-sospensjoni tar-reġistrazzjoni, jew iż-żieda ta' termini u kundizzjonijiet li l-boroż rikonoxxuti jridu jissodisfaw sabiex jikkonformaw mal-liġijiet tat-titoli.

(9)

Għalhekk għandu jiġi konkluż li dawk is-swieq finanzjarji huma meqjusa soġġetti għal superviżjoni effettiva u infurzar fil-Kanada fuq bażi kontinwa.

(10)

Il-kundizzjonijiet stipulati fl-Artikolu 2a tar-Regolament (UE) Nru 648/2012 għandhom għalhekk jiġu kkunsidrati bħala ssodisfati fir-rigward ta' boroż rikonoxxuti awtorizzati fil-Kanada.

(11)

Din id-Deċiżjoni hija bbażata fuq ir-rekwiżiti legalment vinkolanti relatati ma' boroż rikonoxxuti applikabbli fil-Kanada fiż-żmien tal-adozzjoni ta' din id-Deċiżjoni. Il-Kummissjoni għandha tkompli timmonitorja fuq bażi regolari l-evoluzzjoni tal-arranġamenti legali u superviżorji għall-boroż rikonoxxuti u t-twettiq tal-kundizzjonijiet li abbażi tagħhom ittieħdet din id-Deċiżjoni. B'mod partikolari, il-Kummissjoni għandha tirrieżamina din id-Deċiżjoni fid-dawl tad-dħul fis-seħħ tar-Regolament (UE) Nru 600/2014 tal-Parlament Ewropew u tal-Kunsill (3) u tad-Direttiva 2014/65/UE tal-Parlament Ewropew u tal-Kunsill (4).

(12)

Ir-rieżami regolari tal-arranġamenti legali u superviżorji applikabbli għal boroż rikonoxxuti fil-Kanada huwa mingħajr preġudizzju għall-possibbiltà li l-Kummissjoni twettaq rieżami speċifiku fi kwalunkwe ħin, fejn żviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija b'din id-Deċiżjoni. Valutazzjoni mill-ġdid bħal din tista' twassal għat-tħassir ta' din id-Deċiżjoni.

(13)

Il-miżuri stipulati f'din id-Deċiżjoni huma konformi mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/54

(1)

Il-proċedura għar-rikonoxximent ta' kontropartijiet ċentrali (“CCPs”) stabbiliti f'pajjiżi terzi, stipulata fl-Artikolu 25 tar-Regolament (UE) Nru 648/2012, għandha l-għan li tippermetti lis-CCPs stabbiliti u awtorizzati f'pajjiżi terzi li għandhom standards regolatorji ekwivalenti għal dawk stabbiliti f'dak ir-Regolament, li jipprovdu servizzi ta' kklirjar lill-membri tal-ikklirjar jew liċ-ċentri tan-negozjar stabbiliti fl-Unjoni. Għalhekk, din il-proċedura ta' rikonoxximent u d-deċiżjonijiet ta' ekwivalenza previsti fiha jikkontribwixxu biex jintlaħaq l-għan ġenerali tar-Regolament (UE) Nru 648/2012 li jitnaqqas ir-riskju sistemiku billi jiġi estiż l-użu ta' CCPs sikuri u sodi biex jikklerjaw il-kuntratti tad-derivattivi barra l-borża (“OTC”), inkluż fejn dawk is-CCPs ikunu stabbiliti u awtorizzati f'pajjiż terz.

(2)

Sabiex reġim legali ta' pajjiż terz jitqies bħala ekwivalenti għar-reġim legali tal-Unjoni fir-rigward ta' CCPs, l-eżitu sostantiv tal-arranġamenti legali u superviżorji applikabbli għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. Għalhekk, l-għan ta' din il-valutazzjoni ta' ekwivalenza huwa li tivverifika li l-arranġamenti legali u superviżorji ta' New Zealand jiżguraw li s-CCPs stabbiliti u awtorizzati hemmhekk ma jesponux lill-membri tal-ikklirjar u liċ-ċentri tan-negozjar stabbiliti fl-Unjoni għal livell ogħla ta' riskju milli dawn jistgħu jkunu esposti għalih minn CCPs awtorizzati fl-Unjoni u, konsegwentement, ma joħolqux livelli inaċċettabbli ta' riskju sistemiku fl-Unjoni. Għalhekk, ir-riskji ferm aktar baxxi inerenti f'attivitajiet ta' kklirjar imwettqa fis-swieq finanzjarji li huma iżgħar mis-suq finanzjarju tal-Unjoni għandhom jiġu kkunsidrati b'mod partikolari.

(3)

Skont l-Artikolu 25(6) tar-Regolament (UE) Nru 648/2012, iridu jintlaħqu tliet kundizzjonijiet sabiex jiġi determinat li l-arranġamenti legali u superviżorji ta' pajjiż terz rigward is-CCPs awtorizzati hemmhekk huma ekwivalenti għal dawk stabbiliti f'dak ir-Regolament.

(4)

Skont l-ewwel kundizzjoni, is-CCPs awtorizzati f'pajjiż terz iridu jikkonformaw mar-rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(5)

Ir-rekwiżiti legalment vinkolanti ta' New Zealand għas-CCPs awtorizzati hemmhekk jikkonsistu fil-Parti 5C tal-Att tal-1989 tar- Reserve Bank of New Zealand (“ir-regoli primarji”) u l-ordinijiet li bihom is-CCPs huma awtorizzati bħala sistema ta' deżinjazzjoni ta' saldu (“ordinijiet ta' deżinjazzjoni”). Ir-regoli primarji u l-ordnijiet ta' deżinjazzjoni jistabbilixxu r-rekwiżiti li s-CCPs iridu jikkonformaw magħhom fuq bażi kontinwa biex ikunu jistgħu jipprovdu servizzi ta' kklerjar fi New Zealand. CCPs stabbiliti fi New Zealand jistgħu jiġu awtorizzati bħala sistema ta' deżinjazzjoni ta' saldu mill-Gvernatur Ġenerali, fuq parir kemm tal-Ministru tal-Finanzi kif ukoll tal-Ministru tal-Kummerċ u skont rakkomandazzjoni konġunta tal-Bank of New Zealand u l-Awtorità tas-Swieq Finanzjarji (flimkien, “ir-regolaturi konġunti”). Jistgħu jiġu imposti kundizzjonijiet għall-awtorizzazzjoni ta' CCP bħala sistema ta' deżinjazzjoni ta' saldu. L-ordinijiet ta' deżinjazzjoni japprovaw ir-regoli interni speċifiċi u l-proċedura tas-sistema ta' sistema ta' deżinjazzjoni ta' saldu li fiha l-kundizzjonijiet li s-sistemi ta' deżinjazzjoni ta' saldu jridu jikkonformaw magħhom, u li huma konsistenti mal-politika ta' livell għoli tar-regolaturi konġunti ppubblikata mir-regulaturi konġunti. Skont l-Att tal-1989 tar-Reserve Bank of New Zealand, sistemi ta' deżinjazzjoni ta' saldu għandhom jikkonformaw ma' standards internazzjonali ta' sorveljanza rigward sistemi ta' saldu u kklirjar, inklużi l-Prinċipji għall-Infrastrutturi tas-Swieq Finanzjarji (“il-PFMIs”) maħruġa f'April 2012 mill-Kumitat dwar is-Sistemi tal-Pagamenti u s-Saldu (2) u l-Organizzazzjoni Internazzjonali tal-Kummissjonijiet tat-Titoli (“IOSCO”). Ir-regolaturi konġunti ħarġu dikjarazzjoni ta' politika “Id-deżinjazzjoni u s-Sorveljanza ta' Sistemi ta' deżinjazzjoni ta' saldu” fejn jobbligaw is-sistemi ta' deżinjazzjoni ta' saldu jikkonformaw mal-PFMIs.

(6)

Ir-rekwiżiti legalment vinkolanti applikabbli għas-CCPs awtorizzati fi New Zealand għalhekk jikkonsistu fi struttura fuq żewġ saffi. Il-prinċipji ewlenin stabbiliti fir-regoli primarji, jistabbilixxu l-istandards ta' livell għoli li s-sistemi ta' deżinjazzjoni ta' saldu jridu jikkonformaw magħhom sabiex jiksbu awtorizzazzjoni biex jipprovdu servizzi ta' kklerjar fi New Zealand. Dawk ir-regoli primarji jinkludu l-ewwel livell ta' rekwiżiti legalment vinkolanti fi New Zealand. Sabiex jagħtu prova tal-konformità mar-regoli primarji, is-sistemi ta' deżinjazzjoni ta' saldu jridu jressqu r-regoli u l-proċeduri interni tagħhom għall-approvazzjoni lir-regolaturi konġunti. Dawk ir-regoli u proċeduri interni, flimkien mal-ordnijiet ta' deżinjazzjoni li bihom huma approvati, jiffurmaw it-tieni saff tar-rekwiżiti legalment vinkolanti ta' New Zealand, li jridu jipprovdu dettall preskrittiv dwar il-mod li bih is-sistema ta' deżinjazzjoni ta' saldu se tissodisfa dawk l-istandards u l-PFMIs. Ir-regolaturi konġunti jevalwaw il-konformità tas-sistemi ta' deżinjazzjoni ta' saldu ma' dawk l-istandards u mal-PFMIs. Ladarba s-sistema tkun ġiet awtorizzata bħala sistema ta' deżinjazzjoni ta' saldu, ir-regoli u l-proċeduri interni, isiru legalment vinkolanti fuqha u ma tistax tiġi emendata jekk ir-regolatur konġunt joġġezzjona għall-emendi intenzjonati.

(7)

Il-valutazzjoni ta' ekwivalenza tal-arranġamenti legali u superviżorji applikabbli għas-sistemi ta' deżinjazzjoni ta' saldu stabbiliti fi New Zealand trid tqis ukoll l-eżitu tal-mitigazzjoni tar-riskju li huma jiżguraw f'termini tal-livell ta' riskju li l-membri tal-ikklirjar u ċ-ċentri tan-negozjar stabbiliti fl-Unjoni jkunu esposti għalih meta jipparteċipaw f'dawk l-entitajiet. L-eżitu tal-mitigazzjoni tar-riskju huwa determinat kemm mill-livell ta' riskju inerenti fl-attivitajiet ta' kklirjar imwettqa mis-CCP ikkonċernata, li jiddependi mid-daqs tas-suq finanzjarju li topera fih, kif ukoll minn kemm huma xierqa l-arranġamenti legali u superviżorji applikabbli għas-CCPs biex inaqqsu dak il-livell ta' riskju. Sabiex jinkiseb eżitu ekwivalenti ta' mitigazzjoni tar-riskju, rekwiżiti ta' mitigazzjoni tar-riskju aktar stretti huma neċessarji għas-CCPs li jeżerċitaw l-attivitajiet tagħhom fi swieq finanzjarji ikbar li għandhom livell ta' riskju inerenti ogħla, minn dawk ta' CCPs li jeżerċitaw l-attivitajiet tagħhom fi swieq finanzjarji iżgħar li għandhom livell ta' riskju inerenti iktar baxx.

(8)

Is-suq finanzjarju fejn is-sistemi ta' deżinjazzjoni ta' saldu awtorizzati fi New Zealand iwettqu l-attivitajiet tal-ikklirjar tagħhom huwa ferm iżgħar minn dak fejn huma attivi s-CCPs stabbiliti fl-Unjoni. Tul l-aħħar tliet snin, il-valur totali tat-tranżazzjonijiet derivattivi kklerjati fi New Zealand irrappreżenta inqas minn 1 % tal-valur totali tat-tranżazzjonijiet ikklerjati fl-Unjoni. Għalhekk, il-parteċipazzjoni fis-sistemi ta' deżinjazzjoni ta' saldu stabbiliti fi New Zealand tesponi lill-membri tal-ikklerjar u liċ-ċentri tan-negozjar stabbiliti fl-Unjoni għal riskji ferm iktar baxxi mill-parteċipazzjoni tagħhom f'CCPs awtorizzati fl-Unjoni.

(9)

L-arranġamenti legali u superviżorji applikabbli għas-sistemi ta' deżinjazzjoni ta' saldu stabbiliti fi New Zealand jistgħu għalhekk jitqiesu bħala ekwivalenti meta dawn ikunu addattati biex itaffu dak il-livell iktar baxx ta' riskju. Ir-regoli primarji applikabbli għas-sistemi ta' deżinjazzjoni ta' saldu fi New Zealand, ikkumplimentati bir-regoli u l-proċeduri interni tagħhom li jimplimentaw il-PFMIs, jimmitigaw il-livell aktar baxx ta' riskju li jeżisti fi New Zealand, u jagħtu riżultat tal-mitigazzjoni tar-riskju li huwa ekwivalenti għal dak imfittex mir-Regolament (UE) Nru 648/2012.

(10)

Għalhekk għandu jiġi konkluż li l-arranġamenti legali u superviżorji ta' New Zealand jiżguraw li s-sistemi ta' deżinjazzjoni ta' saldu awtorizzati hemm jikkonformaw ma' rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(11)

Skont it-tieni kundizzjoni msemmija fl-Artikolu 25(6) tar-Regolament (UE) Nru 648/2012, l-arranġamenti legali u superviżorji ta' New Zealand fir-rigward ta' CCPs awtorizzati hemmhekk iridu jipprovdu superviżjoni u infurzar effettivi ta' dawn is-CCPs fuq bażi kontinwa.

(12)

Is-superviżjoni ta' sistemi ta' deżinjazzjoni ta' saldu awtorizzati fi New Zealand hija mwettqa mir-regolaturi konġunti. Ir-regolaturi konġunti jistgħu jitolbu informazzjoni minn sistemi ta' deżinjazzjoni ta' saldu u l-parteċipanti tagħhom u jistgħu jimponu penali jekk jirrifjutaw li jwieġbu. Ir-regolaturi konġunti jistgħu jirrevokaw l-awtorizzazzjoni ta' sistemi ta' deżinjazzjoni ta' saldu. Ir-regolaturi konġunti jissorveljaw il-konformità tas-sistemi ta' deżinjazzjoni ta' saldu mal-kundizzjonijiet li għalihom hija suġġetta l-awtorizzazzjoni għal sistema ta' saldu. Dawn il-kundizzjonijiet jistgħu jinkludu rekwiżiti ta' notifika lir-regolaturi konġunti ta' avvenimenti materjali (bħal nuqqas ta' konformità mal-qafas ta' mmaniġġjar tar-riskju tas-sistema jew il-politika tar-riżorsi finanzjarji jew bidliet fihom), rapporti regolari biex ir-regolaturi konġunti u biex jippubblikaw informazzjoni, inklużi awtovalutazzjoni skont standards internazzjonali rilevanti (il-PFMIs). Ir-regolaturi konġunti jiltaqgħu b'mod regolari mal-maniġment anzjan tas-sistemi ta' deżinjazzjoni ta' saldu u jistgħu jagħmlu reviżjoni tal-awtorizzazzjoni u jagħmluha suġġetta għal kundizzjonijiet supplimentari jew jirrevokawha jekk ir-rekwiżiti applikabbli ma jiġux sodisfatti.

(13)

Għaldaqstant għandu jiġi konkluż li s-sistemi ta' deżinjazzjoni ta' saldu stabbiliti fi New Zealand huma soġġetti għal superviżjoni u infurzar effettivi fuq bażi kontinwa.

(14)

Skont it-tielet kundizzjoni tal-Artikolu 25(6) tar-Regolament (UE) Nru 648/2012, l-arranġamenti legali u superviżorji ta' New Zealand iridu jinkludu sistema ekwivalenti effettiva għar-rikonoxximent ta' CCPs awtorizzati skont reġimi legali ta' pajjiżi terzi (“CCPs ta' pajjiżi terzi”).

(15)

Is-CCPs ta' pajjiżi terzi jistgħu joperaw fi New Zealand bil-kondizzjoni li l-arranġamenti legali u superviżorji applikabbli għalihom u tal-parteċipanti tagħhom huma legalment sodi. Barra minn hekk, is-CCPs ta' pajjiżi terzi għandhom ikunu soġġetti għal superviżjoni effettiva li tiżgura konformità mal-arranġamenti legali u superviżorji applikabbli. Memorandum ta' ftehim bejn il-Bank of New Zealand u l-awtorità superviżorja kompetenti tal-pajjiż terz tas-CCP jista' jiġi konkluż.

(16)

Għalhekk, għandu jitqies li l-arranġamenti legali u superviżorji ta' New Zealand jipprevedu għal sistema ekwivalenti effettiva għar-rikonoxximent ta' CCPs ta' pajjiż terz.

(17)

Din id-Deċiżjoni hija bbażata fuq ir-rekwiżiti legalment vinkolanti relatati ma' sistemi ta' deżinjazzjoni ta' saldu applikabbli fi New Zealand fiż-żmien tal-adozzjoni ta' din id-Deċiżjoni. Il-Kummissjoni, f'kooperazzjoni mal-ESMA, għandha tkompli twettaq monitoraġġ fuq bażi regolari tal-evoluzzjoni tal-arranġamenti legali u superviżorji għas-sistemi ta' deżinjazzjoni ta' saldu fi New Zealand u s-sodisfar tal-kundizzjonijiet li abbażi tagħhom ittieħdet din id-Deċiżjoni.

(18)

Ir-rieżami regolari tal-arranġamenti legali u superviżorji applikabbli fi New Zealand għas-CCPs awtorizzati hemmhekk għandu jkun mingħajr preġudizzju għall-possibbiltà li l-Kummissjoni jwettaq eżami speċifiku fi kwalunkwe ħin barra mill-ambitu tal-analiżi ġenerali, meta l-iżviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija minn din id-Deċiżjoni. Valutazzjoni mill-ġdid bħal din tista' twassal għat-tħassir tad-Deċiżjoni.

(19)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/57

(1)

Il-proċedura għar-rikonoxximent ta' kontropartijiet ċentrali (“CCPs”) stabbiliti f'pajjiżi terzi, stipulata fl-Artikolu 25 tar-Regolament (UE) Nru 648/2012, għandha l-għan li tippermetti lis-CCPs stabbiliti u awtorizzati f'pajjiżi terzi li għandhom standards regolatorji ekwivalenti għal dawk stabbiliti f'dak ir-Regolament, li jipprovdu servizzi ta' kklirjar lill-membri tal-ikklirjar jew liċ-ċentri tan-negozjar stabbiliti fl-Unjoni. Għalhekk, din il-proċedura ta' rikonoxximent u d-deċiżjonijiet ta' ekwivalenza previsti fiha jikkontribwixxu biex jintlaħaq l-għan ġenerali tar-Regolament (UE) Nru 648/2012 li jitnaqqas ir-riskju sistemiku billi jiġi estiż l-użu ta' CCPs sikuri u sodi biex jikklerjaw il-kuntratti tad-derivattivi barra l-borża (“OTC”), inkluż fejn dawk is-CCPs ikunu stabbiliti u awtorizzati f'pajjiż terz.

(2)

Sabiex reġim legali ta' pajjiż terz jitqies bħala ekwivalenti għar-reġim legali tal-Unjoni fir-rigward ta' CCPs, l-eżitu sostantiv tal-arranġamenti legali u superviżorji applikabbli għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-għan ta' din il-valutazzjoni ta' ekwivalenza huwa għalaqstant biex jiġi vverifikat li l-arranġamenti legali u superviżorji tal-Ġappun jiżguraw li s-CCPs stabbiliti u awtorizzati hemmhekk ma jesponux lil membri tal-ikklerjar u liċ-ċentri ta' negozjar stabbiliti fl-Unjoni għal livell ogħla ta' riskju milli dawn tal-aħħar kieku jkunu esposti għalih minn CCPs awtorizzati fl-Unjoni u, bħala konsegwenza, ma joħolqux livelli ta' riskju sistemiku li mhumiex aċċettabli fl-Unjoni. Għalhekk, ir-riskji ferm aktar baxxi inerenti f'attivitajiet ta' kklirjar imwettqa fis-swieq finanzjarji li huma iżgħar mis-suq finanzjarju tal-Unjoni għandhom jiġu kkunsidrati b'mod partikolari.

(3)

Skont l-Artikolu 25(6) tar-Regolament (UE) Nru 648/2012, iridu jintlaħqu tliet kundizzjonijiet sabiex jiġi determinat li l-arranġamenti legali u superviżorji ta' pajjiż terz rigward is-CCPs awtorizzati hemmhekk huma ekwivalenti għal dawk stabbiliti f'dak ir-Regolament.

(4)

Skont l-ewwel kundizzjoni, is-CCPs awtorizzati f'pajjiż terz iridu jikkonformaw mar-rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(5)

Ir-rekwiżiti legalment vinkolanti tal-Ġappun għas-CCPs awtorizzati fih huma stabbiliti fil-Financial Instruments and Exchange Act 2006 (l-Att dwar l-Istrumenti Finanzjarji u l-Borża 2006 — “FIEA”), li jistabbilixxi qafas superviżorju għall-organizzazzjonijiet tal-ikklerjar tat-titoli u tad-derivattivi finanzjarji, u l-Commodity Derivatives Act 2009 (l-Att dwar d-Derivattivi tal-Komoditajiet 2009 — “CDA”), li jistabbilixxi qafas superviżorju għall-organizzazzjonijiet li jikklerjaw il-komoditajiet. Id-deċiżjoni preżenti tkopri biss ir-reġim stabbilit fis-CDA għal organizzazzjonijiet tal-ikklerjar ta' tranżazzjoni fil-komoditajiet (“CTCOs”). Is-CDA jistabbilixxi r-rekwiżiti li s-CTCOs iridu jikkonformaw magħhom fuq bażi kontinwa biex ikunu jistgħu jipprovdu servizzi ta' kklerjar fil-Ġappun. Is-CTCOs għandhom ikunu awtorizzati mill-Ministru kompetenti. Il-Ministru kompetenti jista' jistabbilixxi kondizzjonijiet għall-għoti ta' liċenzja CTCO. Il-Ministru tal-Ministeru tal-Agrikoltura, il-Forestrija u s-Sajd (“MAFF”) huwa l-Ministru kompetenti għas-CTCOs li jwettqu servizzi tal-ikklerjar biss għas-swieq tal-komoditajiet li jikkonċernaw l-MAFF. Il-Ministru tal-Ministeru tal-Ekonomija, Kummerċ u Industrija (“METI”) huwa l-Ministru kompetenti għas-CTCOs li jwettqu servizzi tal-ikklerjar biss għas-swieq tal-komoditajiet li jikkonċernaw il-METI. Għas-CTCOs l-oħra, iż-żewġ Ministri tal-METI u l-MAFF huma l-Ministri kompetenti.

(6)

Barra minn hekk, f'Novembru 2014, il-METI u l-MAFF ippubblikaw il-“Linji gwida Bażiċi dwar is-Superviżjoni ta' Organizzazzjonijiet ta' Kklerjar tal-Komoditajiet” (“il-linji gwida”), li jispeċifikaw il-qafas superviżorju fir-rigward tas-CTCOs b'konsiderazzjoni tal-Prinċipji għall-Infrastrutturi tas-Swieq Finanzjarji (“il-PFMIs”) maħruġa f'April 2012 mill-Kumitat dwar is-Sistemi tal-Pagamenti u s-Saldu (2) u l-Organizzazzjoni Internazzjonali tal-Kummissjonijiet tat-Titoli, u b'mod partikolari l-mod li CDA jridu jikkonformaw mas-CTCOs. Il-linji gwida huma implimentati fir-regoli u l-proċeduri interni tas-CTCOs.

(7)

Skont ir-regoli primarji, is-CTCOs iridu jadottaw regoli kummerċjali interni, — jiġifieri regoli u proċeduri interni ta' CTCO — li huma konformi mar-regoli u l-liġijiet applikabbli u jippermettu tranżazzjonijiet ta' derivati li għandhom jitwettqu kif suppost u b'mod sikur. Ir-regoli kummerċjali interni jiżguraw ukoll li s-sitwazzjoni finanzjarja tas-CTCOs hija adegwata biex iwettqu l-ikklerjar ta' komoditajiet; li l-introjtu u n-nefqa previsti tal-operat tas-CTCOs huma favorevoli; li l-persunal tas-CTCOs għandu biżżejjed għarfien u esperjenza sabiex iwettaq l-ikklerjar tal-komoditajiet kif suppost u b'ċertezza; u li l-istruttura u -s-sistema tas-CTCOs huma biżżejjed żviluppati sabiex is-saldu jkun jista' jaħdem b'mod adegwat. Dawn ir-regoli u l-proċeduri interni jeħtieġu li jiġu approvati mill-Ministru kompetenti u ma jistgħux jiġu emendati jekk il-Ministru kompetenti joġġezzjona għalihom.

(8)

Ir-rekwiżiti legalment vinkolanti applikabbli għas-CTCOs awtorizzati fil-Ġappun għalhekk jikkonsistu fi struttura fuq żewġ saffi. Il-prinċipji ewlenin għas-CTCOs stabbiliti fir-regoli primarji, jistabbilixxu l-istandards ta' livell għoli li s-CTCOs iridu jikkonformaw magħhom sabiex jiksbu liċenzja biex jipprovdu servizzi ta' kklerjar fil-Ġappun (flimkien, “ir-regoli primarji”). Dawk ir-regoli primarji jikkostitwixxu l-ewwel livell tar-rekwiżiti legalment vinkolanti applikabbli fil-Ġappun għas-CTCOs. Sabiex jagħtu prova tal-konformità mar-regoli primarji, is-CTCOs iridu jressqu r-regoli u l-proċeduri interni tagħhom mal-Ministru kompetenti għall-approvazzjoni. Dawn ir-regoli u l-proċeduri interni jinkludu t-tieni saff ta' rekwiżiti legalment vinkolanti fil-Ġappun applikabbli għas-CTCOs, u jridu jipprovdu dettall preskrittiv dwar kif is-CTCOs li japplikaw se jissodisfaw dawn l-istandards u jkunu konformi mal-Linji Gwida. Barra minn hekk, ir-regoli u l-proċeduri interni tas-CTCOs fihom dispożizzjonijiet addizzjonali li jikkomplementaw ir-regoli primarji. Il-METI u l-MAFF jivvalutaw il-konformità tas-CTCO ma' dawk l-istandards u mal-PFMIs. Ladarba jiġu approvati mill-Ministru kompetenti, ir-regoli u l-proċeduri interni jsiru legalment vinkolanti fuq is-CTCO.

(9)

Il-valutazzjoni ta' ekwivalenza tal-arranġamenti legali u superviżorji applikabbli għas-CTCOs stabbiliti fil-Ġappun trid tqis ukoll l-eżitu tal-mitigazzjoni tar-riskju li huma jiżguraw f'termini tal-livell ta' riskju li l-membri tal-ikklirjar u ċ-ċentri tan-negozjar stabbiliti fl-Unjoni jkunu esposti għalih meta jipparteċipaw f'dawk l-entitajiet. L-eżitu tal-mitigazzjoni tar-riskju huwa determinat kemm mill-livell ta' riskju inerenti fl-attivitajiet ta' kklirjar imwettqa mis-CCP ikkonċernata, li jiddependi mid-daqs tas-suq finanzjarju li topera fih, kif ukoll minn kemm huma xierqa l-arranġamenti legali u superviżorji applikabbli għas-CCPs biex inaqqsu dak il-livell ta' riskju. Sabiex jinkiseb eżitu ekwivalenti ta' mitigazzjoni tar-riskju, rekwiżiti ta' mitigazzjoni tar-riskju aktar stretti huma neċessarji għas-CCPs li jeżerċitaw l-attivitajiet tagħhom fi swieq finanzjarji ikbar li għandhom livell ta' riskju inerenti ogħla, minn dawk ta' CCPs li jeżerċitaw l-attivitajiet tagħhom fi swieq finanzjarji iżgħar li għandhom livell ta' riskju inerenti iktar baxx.

(10)

Is-suq finanzjarju fejn is-CTCOs awtorizzati fil-Ġappun iwettqu l-attivitajiet tal-ikklirjar tagħhom huwa ferm iżgħar minn dak fejn huma attivi s-CCPs stabbiliti fl-Unjoni. Tul l-aħħar tliet snin, il-valur totali tat-tranżazzjonijiet derivattivi kklerjati fil-Ġappun irrappreżenta inqas minn 2 % tal-valur totali tat-tranżazzjonijiet ikklerjati fl-Unjoni. Għalhekk, il-parteċipazzjoni tas-CTCOs stabbiliti fil-Ġappun tesponi lill-membri tal-ikklerjar u liċ-ċentri tan-negozjar stabbiliti fl-Unjoni għal riskji ferm iktar baxxi mill-parteċipazzjoni tagħhom f'CCPs awtorizzati fl-Unjoni.

(11)

L-arranġamenti legali u superviżorji applikabbli għas-CTCOs stabbiliti fil-Ġappun jistgħu għalhekk jitqiesu bħala ekwivalenti meta dawn ikunu addattati biex itaffu dak il-livell iktar baxx ta' riskju. Ir-regoli primarji applikabbli għas-CTCOs awtorizzati fil-Ġappun, ikkumplimentati bir-regoli u l-proċeduri interni tagħhom li jimplimentaw il-PFMIs, jimmitigaw il-livell aktar baxx ta' riskju li jeżisti fil-Ġappun, u jagħtu riżultat tal-mitigazzjoni tar-riskju li huwa ekwivalenti għal dak imfittex mir-Regolament (UE) Nru 648/2012.

(12)

Għalhekk għandu jiġi konkluż li l-arranġamenti legali u superviżorji tal-Ġappun jiżguraw li s-CTCOs awtorizzati hemm jikkonformaw ma' rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(13)

Skont it-tieni kundizzjoni msemmija fl-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-Ġappun fir-rigward ta' CCPs awtorizzati hemmhekk iridu jipprovdu superviżjoni u infurzar effettivi ta' dawn is-CCPs fuq bażi kontinwa.

(14)

Is-superviżjoni ta' CTCOs awtorizzati fil-Ġappun hija mwettqa mill-METI u l-MAFF, fi ħdan il-kompetenzi rispettivi tagħhom u fil-kamp ta' applikazzjoni tas-setgħat ta' kull Ministeru. Il-METI u l-MAFF jistgħu jordnaw lis-CTCOs u l-membri tal-ikklerjar tagħhom li jippreżentaw rapporti jew materjali rigward l-assi jew in-negozju tagħhom. Il-METI u l-MAFF jistgħu wkoll iwettqu spezzjonijiet ta' CTCOs u l-membri tal-ikklerjar tagħhom, inkluż eżaminazzjoni tal-kotba u d-dokumenti tagħhom jew kwalunkwe element ieħor relatat man-negozju tagħhom. Il-METI u l-MAFF jistgħu, fejn iqisu li huwa meħtieġ u xieraq għall-funzjonaemnt tajjeb u affidabbli tas-servizzi tal-ikklerjar, jordnaw lis-CTCOs biex jemendaw l-artikoli ta' inkorporazzjoni tagħhom, ir-regoli tan-negozju u regoli oħra, biex jibdlu l-metodi tan-negozju tagħhom jew biex jieħu l-miżuri meħtieġa sabiex itejbu l-operazzjonijiet tan-negozju tagħhom jew l-istat tal-assi tagħhom. Il-METI u l-MAFF jistgħu wkoll jimponu miżuri ta' dixxiplina, kif ukoll multi, lis-CTCOs għal nuqqas ta' konformità mad-dispożizzjonijiet applikabbli.

(15)

Għaldaqstant għandu jiġi konkluż li s-CTCOs awtorizzati fil-Ġappun huma soġġetti għal superviżjoni u infurzar effettivi fuq bażi kontinwa.

(16)

Skont it-tielet kundizzjoni tal-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-Ġappun iridu jinkludu sistema ekwivalenti effettiva għar-rikonoxximent ta' CCPs awtorizzati skont reġimi legali ta' pajjiżi terzi (“CCPs ta' pajjiżi terzi”).

(17)

Is-CCPs ta' pajjiż terz jistgħu japplikaw għal awtorizzazzjoni bħala CTCO biex jipprovdu l-istess servizzi fil-Ġappun bħalma huma awtorizzati jipprovdu f'dak il-pajjiż terz. L-Aġenzija tas-Servizzi Finanzjarji tal-Ġappun (“il-JFSA” — Japan Finanacial Services Agency) għandha s-setgħa li tinnomina komoditajiet, permezz ta' konsultazzjoni mal-Ministru li għandu ġurisdizzjoni fuq is-suq tal-komoditajiet, li jistgħu jiġu nnegozjati f'Suq tal-Istrumenti Finanzjarji (“FIM” — Financial Instruments Market) skont l-Att dwar l-Istrumenti Finanzjarji u l-kambju tal-Ġappun (“FIEA” — Financial Instruments and Exchange Act). Fejn CCPs ta' pajjiżi terzi jikklerjaw tali kuntratti magħżula nnegozjati fuq FIM, is-CCP jistgħu japplikaw għal liċenzja ta' “CCP Barranija” mill-JFSA, li tippermettilhom jipprovdu l-istess servizzi fil-Ġappun bħalma huma awtorizzati jipprovdu fil-pajjiż terz. Il-kriterji applikati għal CCP ta' pajjiż terz li tapplika għal liċenzja huma simili għall-kriterji applikati lill-organizzazzjonijiet tal-ikklerjar Ġappuniżi, iżda s-CCPs ta' pajjiż terz huma eżentati minn ċerti rekwiziti applikabbli għas-CCPs domestiċi awtorizzati fil-Ġappun fejn ikunu ngħataw liċenzja ekwivalenti minn awtorità rilevanti ta' pajjiż terz li magħhom il-JFSA tkun ikkonkludiet arranġament ta' kooperazzjoni. CCPs ta' pajjiżi terzi li jikklerjaw kuntratti mhux maħsuba biex ikunu nnegozjati fuq FIM iridu japplikaw għal liċenzja mill-METI u l-MAFF taħt l-Att ta' Derivattivi ta' Komodità tal-Ġappun. Meta jikkunsidraw applikazzjoni għal liċenzja, il-MET u l-MAFF jikkunsidraw l-istatus tal-awtorizzazzjoni tas-CCP fil-pajjiż terz.

(18)

Għalhekk, għandu jitqies li l-arranġamenti legali u superviżorji tal-Ġappun jipprevedu għal sistema ekwivalenti effettiva għar-rikonoxximent ta' CCPs ta' pajjiż terz.

(19)

Din id-Deċiżjoni hija bbażata fuq ir-rekwiżiti legalment vinkolanti relatati ma' CTCOs applikabbli fil-Ġappun fiż-żmien tal-adozzjoni ta' din id-Deċiżjoni. Il-Kummissjoni għandha tkompli tagħmel monitoraġġ tal-evoluzzjoni tal-qafas legali u superviżorju tal-Ġappun għas-CTCOs, u tara li qed jitwettqu l-kundizzjonijiet li abbażi tagħhom ittieħdet din id-deċiżjoni.

(20)

Ir-reviżjoni regolari tal-arranġamenti legali u superviżorji applikabbli fil-Ġappun għas-CCPs awtorizzati hemmhekk għandha tkun mingħajr preġudizzju għall-possibbiltà li l-Kummissjoni, f'kooperazzjoni mal-Awtorità Ewropea tas-Swieq tat-Titoli, twettaq eżami speċifiku fi kwalunkwe ħin barra mill-ambitu tal-analiżi ġenerali, fejn l-iżviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija minn din id-Deċiżjoni. Valutazzjoni mill-ġdid bħal din tista' twassal għat-tħassir tad-Deċiżjoni.

(21)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/61

(1)

Il-proċedura għar-rikonoxximent ta' kontropartijiet ċentrali (“CCPs”) stabbiliti f'pajjiżi terzi, stipulata fl-Artikolu 25 tar-Regolament (UE) Nru 648/2012, għandha l-għan li tippermetti lis-CCPs stabbiliti u awtorizzati f'pajjiżi terzi li għandhom standards regolatorji ekwivalenti għal dawk stabbiliti f'dak ir-Regolament, li jipprovdu servizzi ta' kklirjar lill-membri tal-ikklirjar jew liċ-ċentri tan-negozjar stabbiliti fl-Unjoni. Għalhekk, din il-proċedura ta' rikonoxximent u d-deċiżjonijiet ta' ekwivalenza previsti fiha jikkontribwixxu biex jintlaħaq l-għan ġenerali tar-Regolament (UE) Nru 648/2012 li jitnaqqas ir-riskju sistemiku billi jiġi estiż l-użu ta' CCPs sikuri u sodi biex jikklerjaw il-kuntratti tad-derivattivi barra l-borża (“OTC”), inkluż fejn dawk is-CCPs ikunu stabbiliti u awtorizzati f'pajjiż terz.

(2)

Sabiex reġim legali ta' pajjiż terz jitqies bħala ekwivalenti għar-reġim legali tal-Unjoni fir-rigward ta' CCPs, l-eżitu sostantiv tal-arranġamenti legali u superviżorji applikabbli għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-għan ta' din il-valutazzjoni ta' ekwivalenza huwa għalaqstant biex jiġi vverifikat li l-arranġamenti legali u superviżorji tal-Brażil jiżguraw li s-CCPs stabbiliti u awtorizzati hemmhekk ma jesponux lil membri tal-ikklerjar u liċ-ċentri ta' negozjar stabbiliti fl-Unjoni għal livell ogħla ta' riskju milli dawn tal-aħħar kieku jkunu esposti għalih minn CCPs awtorizzati fl-Unjoni u, bħala konsegwenza, ma joħolqux livelli ta' riskju sistemiku li mhumiex aċċettabli fl-Unjoni. Għalhekk, ir-riskji ferm aktar baxxi inerenti f'attivitajiet ta' kklirjar imwettqa fis-swieq finanzjarji li huma iżgħar mis-suq finanzjarju tal-Unjoni għandhom jiġu kkunsidrati b'mod partikolari.

(3)

Skont l-Artikolu 25(6) tar-Regolament (UE) Nru 648/2012, iridu jintlaħqu tliet kundizzjonijiet sabiex jiġi determinat li l-arranġamenti legali u superviżorji ta' pajjiż terz rigward is-CCPs awtorizzati hemmhekk huma ekwivalenti għal dawk stabbiliti f'dak ir-Regolament.

(4)

Skont l-ewwel kundizzjoni, is-CCPs awtorizzati f'pajjiż terz iridu jikkonformaw mar-rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(5)

Ir-rekwiżiti legalment vinkolanti tal-Brażil għas-CCPs awtorizzati hemmhekk jikkonsistu fil-liġi 10214 tas-27 ta' Marzu 2001 u Riżoluzzjonijiet maħruġa mill-Kunsill Monetarju Nazzjonali (CMN), Ċirkulari maħruġa mill-Bank Ċentrali tal-Brażil (BCB) u l-Istruzzjonijiet maħruġa mill-Kummissjoni għat-Titoli u l-Kambju tal-Brażil (CVM) adottati skont dan. B'mod partikolari, Riżoluzzjoni 2882, kif emendata bir-Riżoluzzjoni 3081, tirregola l-attivitajiet tal-kmamar tal-ikklerjar u l-fornituri ta' servizzi tal-ikklerjar, tistabbilixxi l-prinċipji applikabbli għat-tħaddim tal-kmamar tal-ikklerjar u fornituri ta' servizzi tal-ikklerjar u tagħti s-setgħa lill-BCB biex jirregola, jawtorizzaw u jissorvelja kmamar tal-ikklerjar u fornituri ta' servizzi tal-ikklerjar.

(6)

Il-kmamar tal-ikklerjar u l-fornituri ta' servizzi tal-ikklerjar stabbiliti fil-Brażil għandhom jiġu awtorizzati mill-BCB biex jipprovdu servizzi ta' kklerjar. Meta tiġi kkunsidrata awtorizzazzjoni għal kamra tal-ikklerjar jew għal fornitur ta' servizzi tal-ikklerjar, il-BCB għandu jqis is-saħħa, il-funzjonament normali u t-titjib tas-sistemi ta' pagament tal-Brażil. Il-BCB jista' wkoll jispeċifika “tali kundizzjonijiet li jqis xierqa” qabel ma tingħata tali awtorizzazzjoni jew wara, abbażi tal-istabbiltà tas-sistema finanzjarja, ir-riskji u l-effiċjenza tal-kmamar tal-ikklerjar u fornituri ta' servizzi tal-ikklerjar. Kmamar tal-ikklerjar li joperaw sistemikament importanti li toħloq riskji għas-saħħa u għall-funzjonament bla xkiel tas-sistema finanzjarja Brażiljana, li għandu jiġi ddeterminat mill-BCB skont il-volum u n-natura tas-sistemi tal-ikklerjar, jistgħu jkunu suġġetti għal regoli differenti mill-bqija tal-kmamar tal-ikklerjar u fornituri ta' servizzi tal-ikklerjar.

(7)

Il-BCB adotta miżuri differenti sabiex tiġi implimentata r-Riżoluzzjoni 2882 u biex tiġi żgurata l-konformità minn kmamar tal-ikklerjar u fornituri ta' servizzi tal-ikklerjar mal-valuri, il-prinċipji u r-regoli applikabbli għas-sistema ta' pagament. B'mod partikolari, iċ-Ċirkolari 3057 fih ir-regolament dettaljat għall-funzjonament tal-kmamar tal-ikklerjar u fornituri ta' servizzi tal-ikklerjar u jistabbilixxi għadd ta' rekwiżiti li huma għandhom jikkonformaw magħhom, inklużi rekwiżiti kapitali, l-istandards ta' trasparenza, miżuri ta' kontroll tar-riskju u r-rekwiżiti operazzjonali. Il-BCB ħareġ Dikjarazzjoni ta' Politika Nru 25097 dwar l-adozzjoni tal-Prinċipji għall-Infrastrutturi tas-Swieq Finanzjarji (“il-PFMIs” — Principles for Financial markets Infrastructures) maħruġa f'April 2012 mill-Kumitat dwar is-Sistemi ta' Pagament u Saldu (2) (“CPSS” — Committee on Payment and Settlement Systems) u l-Organizzazzjoni Internazzjonali tal-Kummissjonijiet tat-Titoli (“IOSCO” — International Organization of Securities Commissions), li bihom il-BCB japplika l-PFMIs fis-sorveljanza tal-kmamar tal-ikklerjar u fornituri ta' servizzi tal-ikklerjar.

(8)

Skont iċ-Ċirkolari 3057, il-kmamar tal-ikklerjar u l-fornituri ta' servizzi tal-ikklerjar għandhom jadottaw regoli u proċeduri interni li jiżguraw konformità mar-rekwiżiti kollha relevanti u li jinkludu l-aspetti rilevanti kollha relatati mal-funzjoni tagħhom, inklużi s-salvagwardji biex jimmaniġġjaw il-kreditu, il-likwidità u r-riskju operazzjonali. Dawn ir-regoli u proċeduri interni huma mressqa lill-BCB, u l-ewwel jiġu evalwati minnu, fil-proċedura ta' awtorizzazzjoni. Barra minn hekk, bidliet materjali fir-regoli u l-proċeduri interni jridu wkoll jiġu approvati mill-BCB. Kwalunkwe bidla oħra mhux materjali, fir-regoli u l-proċeduri interni għandha tiġi kkomunikata lill-BCB qabel tletin jum wara li ssir il-bidla, u l-BCB jista' jopponiha.

(9)

Ir-rekwiżiti legalment vinkolanti applikabbli għas-CCPs awtorizzati fil-Brażil għalhekk jikkonsistu fi struttura fuq żewġ saffi. Il-prinċipji ewlenin li jinsabu fil-Liġi 10214, u fir-Riżoluzzjonijiet, iċ-Ċirkularijiet u l-Istruzzjonijiet adottati skont din, jistabbilixxu l-istandards ta' livell għoli li l-kmamar tal-ikklirjar u l-fornituri ta' servizzi ta' kklerjar iridu jikkonformaw magħhom sabiex jiksbu awtorizzazzjoni biex jipprovdu servizzi ta' kklerjar fil-Brażil (flimkien, ir-“regoli primarji”). Dawn ir-regoli primarji jinkludu l-ewwel livell ta' rekwiżiti legalment vinkolanti fil-Brażil. Sabiex jagħtu prova tal-konformità mar-regoli primarji, il-kmamar tal-ikklerjar u l-fornituri ta' servizzi tal-ikklerjar iridu jressqu r-regoli u l-proċeduri interni tagħhom lill-BCB għall-approvazzjoni jew non-oġġezzjoni. Dawn ir-regoli u l-proċeduri interni jinkludu t-tieni saff ta' rekwiżiti legalment vinkolanti fil-Brażil, li jridu jipprovdu dettall preskrittiv dwar kif il-kmamar tal-ikklerjar u l-fornituri ta' servizzi tal-ikklerjar se jissodisfaw dawk l-istandards. Il-BCB jivvaluta l-konformità tal-kmamar tal-ikklerjar u l-fornituri ta' servizzi tal-ikklerjar ma' dawk l-istandards u mal-PFMIs. Ladarba jkunu approvati mill-BCB, ir-regoli u l-proċeduri interni jsiru legalment vinkolanti fuq il-kmamar tal-ikklerjar u fornituri ta' servizzi tal-ikklerjar.

(10)

Il-valutazzjoni ta' ekwivalenza tal-arranġamenti legali u superviżorji applikabbli għall-kmamar tal-ikklerjar u l-fornituri ta' servizzi tal-ikklerjar fil-Brażil għandha tqis ukoll l-eżitu tal-mitigazzjoni tar-riskju li huma jiżguraw f'termini tal-livell ta' riskju li l-membri tal-ikklirjar u ċ-ċentri tan-negozjar stabbiliti fl-Unjoni jkunu esposti għalih meta jipparteċipaw f'dawk l-entitajiet. L-eżitu tal-mitigazzjoni tar-riskju huwa determinat kemm mill-livell ta' riskju inerenti fl-attivitajiet ta' kklirjar imwettqa mis-CCP ikkonċernata, li jiddependi mid-daqs tas-suq finanzjarju li topera fih, kif ukoll minn kemm huma xierqa l-arranġamenti legali u superviżorji applikabbli għas-CCPs biex inaqqsu dak il-livell ta' riskju. Sabiex jinkiseb eżitu ekwivalenti ta' mitigazzjoni tar-riskju, rekwiżiti ta' mitigazzjoni tar-riskju aktar stretti huma neċessarji għas-CCPs li jeżerċitaw l-attivitajiet tagħhom fi swieq finanzjarji ikbar li għandhom livell ta' riskju inerenti ogħla, minn dawk ta' CCPs li jeżerċitaw l-attivitajiet tagħhom fi swieq finanzjarji iżgħar li għandhom livell ta' riskju inerenti iktar baxx.

(11)

Is-suq finanzjarju fejn il-kmamar tal-ikklerjar u l-fornituri ta' servizzi tal-ikklerjar fil-Brażil iwettqu l-attivitajiet tal-ikklirjar tagħhom huwa ferm iżgħar minn dak fejn huma attivi s-CCPs stabbiliti fl-Unjoni. Tul l-aħħar tliet snin, il-valur totali tat-tranżazzjonijiet derivattivi kklerjati fil-Brażil irrappreżenta inqas minn 3 % tal-valur totali tat-tranżazzjonijiet ikklerjati fl-Unjoni. Għalhekk, il-parteċipazzjoni fil-kmamar tal-ikklerjar u l-fornituri ta' servizzi tal-ikklerjar tesponi lill-membri tal-ikklirjar u liċ-ċentri tan-negozjar stabbiliti fl-Unjoni għal riskji ferm iktar baxxi mill-parteċipazzjoni tagħhom f'CCPs awtorizzati fl-Unjoni.

(12)

L-arranġamenti legali u superviżorji applikabbli għall-kmamar tal-ikklerjar u l-fornituri ta' servizzi tal-ikklerjar fil-Brażil jistgħu għalhekk jitqiesu bħala ekwivalenti meta dawn ikunu xierqa biex itaffu dak il-livell iktar baxx ta' riskju. Ir-regoli primarji applikabbli għall-kmamar tal-ikklerjar u l-fornituri ta' servizzi tal-ikklerjar, flimkien mar-regoli u l-proċeduri interni tagħhom li jeħtieġu konformità mal-PFMIs, itaffu l-livell aktar baxx ta' riskju li jeżisti fil-Brażil u jiksbu eżitu ta' mitigazzjoni tar-riskju ekwivalenti għal dak li jipprova jikseb ir-Regolament (UE) Nru 648/2012.

(13)

Għalhekk għandu jiġi konkluż li l-arranġamenti legali u superviżorji tal-Brażil jiżguraw li l-kmamar tal-ikklerjar u l-fornituri ta' servizzi tal-ikklerjar hemm jikkonformaw ma' rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(14)

Skont it-tieni kundizzjoni msemmija fl-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-Brażil fir-rigward ta' CCPs awtorizzati hemmhekk iridu jipprovdu superviżjoni u infurzar effettivi ta' dawn is-CCPs fuq bażi kontinwa.

(15)

Il-BCB iwettaq monitoraġġ kontinwu tal-konformità tal-kmamar tal-ikklerjar u l-fornituri ta' servizzi tal-ikklerjar mar-rekwiżiti legalment vinkolanti applikabbli għalihom. Barra minn hekk il-BCB għandu bosta mezzi biex jiżgura tali konformità. B'mod partikolari, il-BCB għandu s-setgħa li jitlob informazzjoni mill-kmamar tal-ikklerjar u l-fornituri ta' servizzi tal-ikklerjar, li joħroġ avviżi ta' twissija u jitlobhom biex jagħmlu ċerti emendi għar-regoli tagħhom skont kif iqis meħtieġ. Barra minn hekk, il-BCB jista' wkoll jimponi multi għal kull ksur mill-kmamar tal-ikklerjar u l-fornituri ta' servizzi tal-ikklerjar ta' rekwiżiti legalment vinkolanti applikabbli għalihom u għandu s-setgħa wkoll li jirtira l-awtorizzazzjonijiet tagħhom.

(16)

Għaldaqstant għandu jiġi konkluż li kmamar tal-ikklerjar u l-fornituri ta' servizzi tal-ikklerjar awtorizzati fil-brażil huma soġġetti għal superviżjoni u infurzar effettivi fuq bażi kontinwa.

(17)

Skont it-tielet kundizzjoni tal-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-Brażil iridu jinkludu sistema ekwivalenti effettiva għar-rikonoxximent ta' CCPs awtorizzati skont reġimi legali ta' pajjiżi terzi (“CCPs ta' pajjiżi terzi”).

(18)

Is-CCPs awtorizzati f'pajjiż terz fejn l-arranġamenti legali u superviżorji jiżguraw riżultati simili għal dawk garantiti mill-arranġamenti legali u superviżorji applikabbli fil-Brażil u li jikkonformaw mal-PFMIs, li għandhom regolament ekwivalenti dwar il-ġlieda kontra l-ħasil tal-flus, u fejn is-CCPs ikunu soġġetti għal sorveljanza effettiva, jistgħu jipprovdu servizzi fil-Brażil. Il-konklużjoni ta' arranġamenti ta' kooperazzjoni bejn il-BCB u l-awtorità kompetenti tal-pajjiż terz tas-CCP applikanti hija meħtieġa wkoll sabiex jingħata r-rikonoxximent.

(19)

Għalhekk, għandu jitqies li l-arranġamenti legali u superviżorji tal-Brażil jipprevedu għal sistema ekwivalenti effettiva għar-rikonoxximent ta' CCPs ta' pajjiż terz.

(20)

Din id-Deċiżjoni hija bbażata fuq ir-rekwiżiti legalment vinkolanti li jirrigwardaw il-kmamar tal-ikklerjar u l-fornituri ta' servizzi tal-ikklerjar applikabbli fil-Brażil meta kienet adottata d-Deċiżjoni. Il-Kummissjoni għandha tkompli tagħmel monitoraġġ fuq bażi kontinwa tal-evoluzzjoni tal-qafas legali u superviżorju tal-kmamar tal-ikklerjar u l-fornituri ta' servizzi tal-ikklerjar, u tkompli tara li qed jitwettqu l-kundizzjonijiet li abbażi tagħhom ittieħdet din id-deċiżjoni.

(21)

Ir-reviżjoni regolari tal-arranġamenti legali u superviżorji applikabbli fil-Brażil għas-CCPs awtorizzati hemmhekk għandha tkun mingħajr preġudizzju għall-possibbiltà li l-Kummissjoni twettaq eżami speċifiku fi kwalunkwe ħin barra mill-ambitu tal-analiżi ġenerali, meta l-iżviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija minn din id-Deċiżjoni. Valutazzjoni mill-ġdid bħal din tista' twassal għat-tħassir tad-Deċiżjoni.

(22)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/65

(1)

Il-proċedura għar-rikonoxximent ta' kontropartijiet ċentrali (“CCPs”) stabbiliti f'pajjiżi terzi, stipulata fl-Artikolu 25 tar-Regolament (UE) Nru 648/2012, għandha l-għan li tippermetti lis-CCPs stabbiliti u awtorizzati f'pajjiżi terzi li għandhom standards regolatorji ekwivalenti għal dawk stabbiliti f'dak ir-Regolament, li jipprovdu servizzi ta' kklirjar lill-membri tal-ikklirjar jew liċ-ċentri tan-negozjar stabbiliti fl-Unjoni. Il-proċedura ta' rikonoxximent u d-deċiżjoni ta' ekwivalenza prevista fiha għalhekk jikkontribwixxu biex jintlaħaq l-għan ġenerali tar-Regolament (UE) Nru 648/2012 li jitnaqqas ir-riskju sistemiku billi jiġi estiż l-użu ta' CCPs sikuri u sodi biex jikklerjaw il-kuntratti tad-derivattivi barra l-borża (“OTC”), inkluż fejn dawk is-CCPs ikunu stabbiliti u awtorizzati f'pajjiż terz.

(2)

Sabiex reġim legali ta' pajjiż terz jitqies bħala ekwivalenti għar-reġim legali tal-Unjoni fir-rigward ta' CCPs, jenħtieġ li l-eżitu sostantiv tal-arranġamenti legali u superviżorji applikabbli jkun ekwivalenti għar-rekwiżiti tal-Unjoni rigward l-objettivi regolatorji li jiksbu. Għalhekk l-għan ta' din il-valutazzjoni ta' ekwivalenza huwa li jiġi verifikat li l-arranġamenti legali u superviżorji taċ-Ċentru Finanzjarju Internazzjonali ta' Dubaj (minn issa 'l quddiem “id-DIFC”) jiżguraw li s-CCPs stabbiliti u awtorizzati hemm ma jesponux lil membri tal-ikklirjar jew lil ċentri tan-negozjar stabbiliti fl-Unjoni għal livell ogħla ta' riskju milli dawn tal-aħħar jistgħu jkunu esposti għalih minn CCPs awtorizzati fl-Unjoni u li, konsegwentement, ma joħolqux livelli inaċċettabbli ta' riskju sistemiku fl-Unjoni. Għalhekk, ir-riskji ferm aktar baxxi inerenti f'attivitajiet ta' kklirjar imwettqa fis-swieq finanzjarji li huma iżgħar mis-suq finanzjarju tal-Unjoni għandhom jiġu kkunsidrati b'mod partikolari.

(3)

Skont l-Artikolu 25(6) tar-Regolament (UE) Nru 648/2012, iridu jintlaħqu tliet kundizzjonijiet sabiex jiġi determinat li l-arranġamenti legali u superviżorji ta' pajjiż terz rigward is-CCPs awtorizzati hemmhekk huma ekwivalenti għal dawk stabbiliti f'dak ir-Regolament.

(4)

Skont l-ewwel kundizzjoni, is-CCPs awtorizzati f'pajjiż terz iridu jikkonformaw mar-rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(5)

Ir-rekwiżiti legalment vinkolanti ta' DIFC għas-CCPs awtorizzati hemmhekk jikkonsistu fil-Liġi Regolatorja tal-2004 u l-Liġi tas-Swieq tal-2012 (Ir-Regolamenti DIFC). Dawn huma ssupplimentati mill-Ktieb tar-Regoli tal-Awtorità ta' Servizzi Finanzjarji ta' Dubaj (“id-DFSA”) li fih Modulu dwar l-Istituzzjonijiet Awtorizzati tas-Suq (“AMIs”).

(6)

CCPs stabbiliti f'DIFC għandhom jiġu awtorizzati mid-DFSA bħala AMIs. Id-Deċiżjoni preżenti hija relatata biss mar-reġim applikabbli għal AMIs li jwettqu s-servizz finanzjarju awtorizzat ta; operar ta' kamra tal-ikklirkar fid-DIFC. Sabiex jingħataw awtorizzazzjoni għall-ikklerjar, l-AMIs, iridu jissodisfaw rekwiżiti speċifiċi stipulati mid-DFSA u li jinsabu fil-Ktieb tar-Regoli tad-DFSA. L-AMIs iridu joperaw il-faċilitajiet ta' kklerjar b'mod sikur u effikaċi, u jridu jamministraw b'mod prudenti r-riskji marbuta man-negozju u l-operazzjonijiet tagħhom. Irid ikollhom ukoll biżżejjed riżorsi finanzjarji, umani u bħala sistema.

(7)

Ir-Regolamenti tad-DIFC jimplimentaw b'mod sħiħ l-istandards internazzjonali stabbiliti skont il-Prinċipji għall-Infrastrutturi tas-Suq Finanzjarju (“PFMIs”) maħruġa f'April 2012 mill-Kumitat dwar is-Sistemi tal-Pagament u tas-Saldu (2) (“CPSS”) u l-Organizzazzjoni Internazzjonali tal-Kummissjonijiet tat-Titoli (“IOSCO”).

(8)

Ir-Regolamenti tad-DIFC jeħtieġu wkoll lill-AMIs li jadottaw regoli u proċeduri interni li jiżguraw il-konformità mar-rekwiżiti kollha rilevanti u li huma meħtieġa għar-regolamentazzjoni xierqa tal-faċilitajiet tal-ikklirjar u s-saldu tagħha. Ir-Regola 5.6 tal-AMI tobbliga r-regoli u proċeduri interni tal-AMIs li jkollhom dispożizzjonijiet speċifiċi inkluż regoli dwar l-inadempjenza. Dawk ir-regoli u proċeduri interni, kif ukoll kull emenda, iridu jiġu ppreżentati lid-DFSA qabel l-implimentazzjoni tagħhom. Id-DFSA jista' tirrifjuta jew jitlob emendi għar-regoli proposti. Skont ir-Regolamenti DIFC, regoli interni tal-AMIs huma legalment vinkolanti u infurzabbli kontra membri u parteċipanti oħrajn.

(9)

Ir-rekwiżiti legalment vinkolanti applikabbli għall-AMIs awtorizzati fid-DIFC għalhekk jikkonsistu fi struttura fuq żewġ saffi. Il-prinċipji ewlenin li jinsabu fil-Ktieb tar-Regoli tad-DFSA u r-Regolamenti tad-DIFC jistabbilixxu standards ta' livell għoli li AMIs għandhom jikkonformaw magħhom sabiex jiksbu awtorizzazzjoni biex jipprovdu servizzi ta' kklerjar fid-DIFC (flimkien, ir-“regoli primarji”). Dawn ir-regoli primarji jinkludu l-ewwel saff ta' rekwiżiti legalment vinkolanti fid-DIFC. Sabiex jagħtu prova li huma konformi mar-regoli primarji, ir-Regola 5.6 tal-AMI dwar “Regoli tan-Negozju” tirrikjedi l-AMIs jistabbilixxu u jippreżentaw ir-regoli u l-proċeduri interni tagħhom lid-DFSA għall-approvazzjoni qabel l-implimentazzjoni tagħhom u d-DFSA jista' jipprevjeni jew iwaqqafhom. Dawn ir-regoli u proċeduri interni jinkludu t-tieni saff ta' rekwiżiti fid-DIFC.

(10)

Il-valutazzjoni ta' ekwivalenza tal-arranġamenti legali u superviżorji applikabbli għall-AMIs fid-DIFC għandha tqis ukoll l-eżitu tal-mitigazzjoni tar-riskju li huma jiżguraw f'termini tal-livell ta' riskju li l-membri tal-ikklirjar u ċ-ċentri tan-negozjar stabbiliti fl-Unjoni jkunu esposti għalih meta jipparteċipaw f'dawk l-entitajiet. L-eżitu tal-mitigazzjoni tar-riskju huwa determinat kemm mill-livell ta' riskju inerenti fl-attivitajiet ta' kklirjar imwettqa mis-CCP ikkonċernata, li jiddependi mid-daqs tas-suq finanzjarju li topera fih, kif ukoll minn kemm huma xierqa l-arranġamenti legali u superviżorji applikabbli għas-CCPs biex inaqqsu dak il-livell ta' riskju. Sabiex jinkiseb eżitu ekwivalenti ta' mitigazzjoni tar-riskju, rekwiżiti ta' mitigazzjoni tar-riskju aktar stretti huma neċessarji għas-CCPs li jeżerċitaw l-attivitajiet tagħhom fi swieq finanzjarji ikbar li għandhom livell ta' riskju inerenti ogħla, minn dawk ta' CCPs li jeżerċitaw l-attivitajiet tagħhom fi swieq finanzjarji iżgħar li għandhom livell ta' riskju inerenti iktar baxx.

(11)

Is-suq finanzjarju fejn l-AMIs awtorizzati fid-DIFC iwettqu l-attivitajiet tal-ikklirjar tagħhom huwa ferm iżgħar minn dak fejn huma attivi s-CCPs stabbiliti fl-Unjoni. Mill-2011'l hawn kien hemm minimu tal-ikklerjar jew tan-negozjar fid-derivattivi. Għalhekk, il-parteċipazzjoni tas-CCPs awtorizzati fid-DIFC tesponi lill-membri tal-ikklirjar u liċ-ċentri tan-negozjar stabbiliti fl-Unjoni għal riskji ferm iktar baxxi mill-parteċipazzjoni tagħhom f'CCPs awtorizzati fl-Unjoni.

(12)

L-arranġamenti legali u superviżorji applikabbli għas-CCPs awtorizzati fid-DIFC jistgħu għalhekk jitqiesu bħala ekwivalenti meta dawn ikunu xierqa biex itaffu dak il-livell iktar baxx ta' riskju. Ir-regoli primarji applikabbli għal dawk is-CCPs, flimkien mar-regoli u l-proċeduri interni tagħhom li jeħtieġu konformità mal-PFMIs, itaffu l-livell aktar baxx ta' riskju li jeżisti fid-DIFC u jiksbu eżitu ta' mitigazzjoni tar-riskju ekwivalenti għal dak li jipprova jikseb ir-Regolament (UE) Nru 648/2012.

(13)

Għalhekk jenħtieġ li jiġi konkluż li l-arranġamenti legali u superviżorji tad-DIFC jiżguraw li l-AMIs awtorizzati hemm jikkonformaw ma' rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(14)

Skont it-tieni kundizzjoni msemmija fl-Artikolu 25(6) tar-Regolament (UE) Nru 648/2012, l-arranġamenti legali u superviżorji tad-DIFC fir-rigward ta' CCPs awtorizzati hemm iridu jipprovdu għas-superviżjoni u l-infurzar effettivi ta' dawn is-CCPs fuq bażi kontinwa.

(15)

Id-DFSA, bħala s-superviżur tal-AMIs, tissorvelja l-AMIs fid-DIFC biex tiżgura konformità mar-regoli applikabbli. Id-DFSA għandha s-setgħa sħiħa li jawtorizza u jippenalizzahom, inkluż fost affarijiet oħra, il-poter li jirrevoka l-liċenzja tal-AMIs u s-setgħa li jimponi sanzjonijiet fuqhom. Is-superviżjoni kwotidjana issir mid-DFSA. Id-DFSA tadotta ċiklu tal-ġestjoni tar-riskju kontinwui li jikkonsisti fl-identifikazzjoni, il-valutazzjoni, il-prijoritizzazzjoni u l-mitigazzjoni tar-riskji. Il-Liġi Regolatorja tal-2004 tagħti lid-DFSA setgħat qawwija biex jinfurza l-liġijiet u r-regoli tiegħu. Id-DFSA għandha s-setgħa li tagħmel investigazzjonijiet dwar suspetti ta' ksur tar-regoli, u għandha s-setgħa li twettaq spezzjonijiet, takkwista b'mod obbligatorju kotba u reġistri, jew tobbliga individwi li jieħdu sehem f'intervisti taħt ġurament jew dikjarazzjoni. Id-DFSA tista', fost affarijiet oħra, timponi penali finanzjarji, toħroġ sanzjonijiet pubbliċi, u tipprojbixxi persuni milli jwettqu attivitajiet dwar id-DIFC.

(16)

Għaldaqstant, jenħtieġ li jiġi konkluż li l-AMIs awtorizzati fid-DIFC huma soġġetti għal superviżjoni u infurzar effettivi fuq bażi kontinwa.

(17)

Skont it-tielet kundizzjoni tal-Artikolu 25(6) tar-Regolament (UE) Nru 648/2012, l-arranġamenti legali u superviżorji tad-DIFC iridu jinkludu sistema ekwivalenti effettiva għar-rikonoxximent ta' CCPs awtorizzati skont reġimi legali ta' pajjiżi terzi (“CCPs ta' pajjiżi terzi”).

(18)

CCPs ta' pajjiżi terzi li jixtiequ jikklerjaw id-derivattivi fid-DIFC iridu japplikaw għar-rikonoxximent mad-DFSA. Il-Modulu ta' Rikonoxximent jistipula l-kriterji u l-proċess għar-rikonoxximent.

(19)

Sabiex jingħata r-rikonoxximent, il-ġuriżdizzjoni fejn hi stabbilita s-CCP għandu jkollha reġim regolatorju b'saħħtu biżżejjed li hu simili għall-arranġamenti legali u superviżorji applikabbli fid-DIFC. Il-konklużjoni tal-arranġamenti ta' kooperazzjoni bejn id-DIFC u l-awtoritajiet kompetenti tal-pajjiż terz hija meħtieġa wkoll qabel ma tiġi approvata l-applikazzjoni tas-CCP tal-pajjiż terz.

(20)

Għalhekk, jenħtieġ li jiġi konkluż li l-arranġamenti legali u superviżorji tad-DIFC jipprevedu għal sistema ekwivalenti effettiva għar-rikonoxximent ta' CCPs ta' pajjiż terz.

(21)

Din id-Deċiżjoni hija bbażata fuq ir-rekwiżiti legalment vinkolanti relatati ma' AMIs applikabbli fid-DIFC fiż-żmien tal-adozzjoni ta' din id-Deċiżjoni. Il-Kummissjoni, f'kooperazzjoni mal-ESMA, għandha tkompli twettaq monitoraġġ fuq bażi regolari tal-evoluzzjoni tal-arranġamenti legali u superviżorji għall-AMIs u s-sodisfar tal-kundizzjonijiet li abbażi tagħhom ittieħdet din id-Deċiżjoni.

(22)

Ir-reviżjoni regolari tal-arranġamenti legali u superviżorji applikabbli fid-DIFC għas-CCPs awtorizzati bihom għandha tkun mingħajr preġudizzju għall-possibbiltà li l-Kummissjoni twettaq rieżami speċifiku fi kwalunkwe ħin barra l-ambitu tal-analiżi ġenerali, fejn l-iżviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija b'din id-Deċiżjoni. Valutazzjoni mill-ġdid bħal din tista' twassal għat-tħassir tad-Deċiżjoni.

(23)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/68

(1)

Il-proċedura għar-rikonoxximent ta' kontropartijiet ċentrali (“CCPs”) stabbiliti f'pajjiżi terzi, stipulata fl-Artikolu 25 tar-Regolament (UE) Nru 648/2012, għandha l-għan li tippermetti lis-CCPs stabbiliti u awtorizzati f'pajjiżi terzi li għandhom standards regolatorji ekwivalenti għal dawk stabbiliti f'dak ir-Regolament, li jipprovdu servizzi ta' kklirjar lill-membri tal-ikklirjar jew liċ-ċentri tan-negozjar stabbiliti fl-Unjoni. Għalhekk, din il-proċedura ta' rikonoxximent u d-deċiżjonijiet ta' ekwivalenza previsti fiha jikkontribwixxu biex jintlaħaq l-għan ġenerali tar-Regolament (UE) Nru 648/2012 li jitnaqqas ir-riskju sistemiku billi jiġi estiż l-użu ta' CCPs sikuri u sodi biex jikklerjaw il-kuntratti tad-derivattivi barra l-borża (“OTC”), inkluż fejn dawk is-CCPs ikunu stabbiliti u awtorizzati f'pajjiż terz.

(2)

Sabiex reġim legali ta' pajjiż terz jitqies bħala ekwivalenti għar-reġim legali tal-Unjoni fir-rigward ta' CCPs, l-eżitu sostantiv tal-arranġamenti legali u superviżorji applikabbli għandu jkun ekwivalenti għar-rekwiżiti tal-Unjoni rigward l-objettivi regolatorji li jiksbu. L-iskop ta' din il-valutazzjoni ta' ekwivalenza huwa għaldaqstant li jiġi vverifikat li l-arranġamenti legali u superviżorji tal-Emirati Għarab Magħquda (“EGħM”) jiżguraw li s-CCPs stabbiliti u awtorizzati hemmhekk ma jesponux lill-membri tal-ikklirjar u liċ-ċentri tan-negozjar stabbiliti fl-Unjoni għal livell ogħla ta' riskju milli dawn tal-aħħar jistgħu jkunu esposti għalih minn CCPs awtorizzati fl-Unjoni u, bħala konsegwenza, ma joħolqux livelli inaċċettabbli ta' riskju sistemiku fl-Unjoni. Għalhekk, ir-riskji ferm aktar baxxi inerenti f'attivitajiet ta' kklirjar imwettqa fis-swieq finanzjarji li huma iżgħar mis-suq finanzjarju tal-Unjoni għandhom jiġu kkunsidrati b'mod partikolari.

(3)

Skont l-Artikolu 25(6) tar-Regolament (UE) Nru 648/2012, iridu jintlaħqu tliet kundizzjonijiet sabiex jiġi determinat li l-arranġamenti legali u superviżorji ta' pajjiż terz rigward is-CCPs awtorizzati hemmhekk huma ekwivalenti għal dawk stabbiliti f'dak ir-Regolament.

(4)

Skont l-ewwel kundizzjoni, is-CCPs awtorizzati f'pajjiż terz iridu jikkonformaw mar-rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(5)

Ir-rekwiżiti legalment vinkolanti tal-EGħM għas-CCPs awtorizzati fih jikkonsistu f'Regolamenti (“ir-Regolamenti”) maħruġa mill-Awtorità għat-Titoli u l-Komoditajiet tal-EGħM (SCA). Ir-regolamenti jistabbilixxu r-rekwiżiti li s-CCPs iridu jikkonformaw magħhom fuq bażi kontinwa biex ikunu jistgħu jipprovdu servizzi ta' kklerjar fl-EGħM. Dawn jikkonsistu fid-Deċiżjoni Nru. 157\R tal-2005 li tiddefinixxi Aġenzija tal-Ikklerjar u d-Deċiżjoni tal-Board tal-SCA Nru. 11 tal-2015 li tistabbilixxi r-rekwiżiti għas-CCPs. CCPs stabbiliti fl-EGħM għandhom jiġu awtorizzati mill-SCA.

(6)

L-SCA ħarġet regolament (Id-Deċiżjoni tal-Board tal-SCA Nru. 11 tal-2015) fejn is-CCPs awtorizzati fl-EGħM huma mitluba jirrispettaw il-Prinċipji għal Infrastrutturi tas-Swieq Finanzjarji (“il-PFMIs”) maħruġa f'April 2012 mill-Kumitat dwar is-Sistemi tal-Pagamenti u s-Saldu (2) u l-Organizzazzjoni Internazzjonali tal-Kummissjonijiet tat-Titoli.

(7)

Skont ir-regolamenti, is-CCPs għandhom jadottaw regoli u proċeduri interni li jiżguraw konformità mar-rekwiżiti kollha relevanti u li jinkludu l-aspetti rilevanti kollha relatati mal-funzjoni tagħhom, inklużi s-salvagwardji biex jimmaniġġjaw il-kreditu, il-likwidità u r-riskju operazzjonali. Dawk ir-regoli interni jeħtieġ li jiġu approvati mill-SCA. Barra minn hekk, dawk ir-regoli u proċeduri interni ma jistgħux jiġu emendati jekk il-SCA toġġezzjona għall-emendi intenzjonati. Barra minn hekk, il-metodoloġiji għall-kalkolu tar-riżorsi finanzjarji u x-xenarji ta' test tal-istress li tuża CCP huma suġġetti għall-approvazzjoni tal-SCA.

(8)

Ir-rekwiżiti legalment vinkolanti applikabbli għas-CCPs awtorizzati fl-EGħM għalhekk jikkonsistu fi struttura fuq żewġ saffi. Il-prinċipji ewlenin li hemm fir-regolamenti, partikolarment id-Deċiżjoni tal-Bord tal-SCA Nru 11 tal-2015, tistabbilixxi l-istandards ta' livell għoli li s-CCPs iridu jikkonformaw magħhom sabiex jiksbu awtorizzazzjoni biex jipprovdu servizzi ta' kklerjar fl-EGħM. Dawn ir-regolamenti jinkludu l-ewwel saff ta' rekwiżiti legalment vinkolanti fl-EGħM. Ir-regoli u proċeduri interni tas-CCP jinkludu t-tieni saff ta' rekwiżiti legalment vinkolanti fl-EGħM. L-SCA tevalwa l-konformità tas-CCP mar-regolamenti u mal-PFMIs. Ladarba jiġu approvati mill-SCA, ir-regoli u l-proċeduri interni jsiru legalment vinkolanti fuq is-CCP.

(9)

Il-valutazzjoni ta' ekwivalenza tal-arranġamenti legali u superviżorji applikabbli għas-CCps stabbiliti fl-EGħM trid tqis ukoll l-eżitu tal-mitigazzjoni tar-riskju li huma jiżguraw f'termini tal-livell ta' riskju li l-membri tal-ikklirjar u ċ-ċentri tan-negozjar stabbiliti fl-Unjoni jkunu esposti għalih meta jipparteċipaw f'dawk l-entitajiet. L-eżitu tal-mitigazzjoni tar-riskju huwa determinat kemm mill-livell ta' riskju inerenti fl-attivitajiet ta' kklirjar imwettqa mis-CCP ikkonċernata, li jiddependi mid-daqs tas-suq finanzjarju li topera fih, kif ukoll minn kemm huma xierqa l-arranġamenti legali u superviżorji applikabbli għas-CCPs biex inaqqsu dak il-livell ta' riskju. Sabiex jinkiseb eżitu ekwivalenti ta' mitigazzjoni tar-riskju, rekwiżiti ta' mitigazzjoni tar-riskju aktar stretti huma neċessarji għas-CCPs li jeżerċitaw l-attivitajiet tagħhom fi swieq finanzjarji ikbar li għandhom livell ta' riskju inerenti ogħla, minn dawk ta' CCPs li jeżerċitaw l-attivitajiet tagħhom fi swieq finanzjarji iżgħar li għandhom livell ta' riskju inerenti iktar baxx.

(10)

Is-suq finanzjarju fejn is-CCPs awtorizzati fl-EGħM iwettqu l-attivitajiet tal-ikklirjar tagħhom huwa ferm iżgħar minn dak fejn huma attivi s-CCPs stabbiliti fl-Unjoni. Tul l-aħħar tliet snin, il-valur totali tat-tranżazzjonijiet derivattivi kklerjati fl-EGħM irrappreżenta inqas minn 1 % tal-valur totali tat-tranżazzjonijiet ikklerjati fl-Unjoni. Għalhekk, il-parteċipazzjoni tas-CCPs stabbiliti fl-EGħM tesponi lill-membri tal-ikklirjar u liċ-ċentri tan-negozjar stabbiliti fl-Unjoni għal riskji ferm iktar baxxi mill-parteċipazzjoni tagħhom f'CCPs awtorizzati fl-Unjoni.

(11)

L-arranġamenti legali u superviżorji applikabbli għas-CCPs stabbiliti fl-EGħM jistgħu għalhekk jitqiesu bħala ekwivalenti meta dawn ikunu xierqa biex itaffu dak il-livell iktar baxx ta' riskju. Ir-regolamenti applikabbli għas-CCPs awtorizzati fil-Ġappun, ikkumplimentati bir-regoli u l-proċeduri interni tagħhom li jimplimentaw il-PFMIs, jimmitigaw il-livell aktar baxx ta' riskju li jeżisti fl-EGħM, u jagħtu riżultat tal-mitigazzjoni tar-riskju li huwa ekwivalenti għal dak imfittex mir-Regolament (UE) Nru 648/2012.

(12)

Għalhekk għandu jiġi konkluż li l-arranġamenti legali u superviżorji tal-EGħM jiżguraw li s-CCPs awtorizzati hemm jikkonformaw ma' rekwiżiti legalment vinkolanti li huma ekwivalenti għar-rekwiżiti stipulati fit-Titolu IV tar-Regolament (UE) Nru 648/2012.

(13)

Skont it-tieni kundizzjoni msemmija fl-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-EGħM fir-rigward ta' CCPs awtorizzati hemm iridu jipprovdu għas-superviżjoni u l-infurzar effettivi ta' dawn is-CCPs fuq bażi kontinwa.

(14)

Is-superviżjoni tas-CCPs awtorizzati fl-EGħM titwettaq mill-SCA. L-SCA għandha s-setgħa li tagħmel monitoraġġ kontinwu tal-konformità tas-CCPs mar-rekwiżiti legalment vinkolanti applikabbli għalihom. F'dan is-sens, l-SCA tista' titlob informazzjoni mis-CCPs, twettaq verifiki fuq il-post, toħroġ struzzjonijiet biex jiġi rimedjat kull ksur jew ksur potenzjali tar-rekwiżiti prudenzjali jew prattiki li huwa kontra l-funzjonament tajjeb tas-swieq finanzjarji, u tista' tordna lis-CCPs biex joħolqu miżuri ta' kontroll intern u ta' kontroll tar-riskju. L-SCA tista' wkoll tneħħi l-maniġment, xi membri ta' kumitati speċifiċi u aġenti oħra tas-CCP. Barra minn hekk, l-SCA għandha s-setgħa li tirrevoka l-awtorizzazzjoni ta' CCP. L-SCA tista' wkoll timponi miżuri ta' dixxiplina, kif ukoll multi, lis-CCPs għal nuqqas ta' konformità mar-rekwiżiti legalment vinkolanti applikabbli għalihom.

(15)

Għaldaqstant għandu jiġi konkluż li s-CCPs awtorizzati fl-EGħM huma soġġetti għal superviżjoni u infurzar effettivi fuq bażi kontinwa.

(16)

Skont it-tielet kundizzjoni tal-Artikolu 25(6) tar-Regolament (UE) Nru 648/2012, l-arranġamenti legali u superviżorji tal-EGħM jridu jinkludu sistema ekwivalenti effettiva għar-rikonoxximent ta' CCPs awtorizzati skont reġimi legali ta' pajjiżi terzi (“CCPs ta' pajjiżi terzi”).

(17)

L-SCA tista' tirrikonoxxi s-CCPs li huma awtorizzati f'pajjiżi terzi fejn l-arranġamenti legali u superviżorji applikabbli jiżguraw riżultati simili għal dawk garantiti mill-arranġamenti legali u superviżorji applikabbli fl-EGħM. Barra minn hekk, is-CCPs ta' pajjiżi terzi għandhom ikunu soġġetti għal superviżjoni effettiva li tiżgura konformità mal-arranġamenti legali u superviżorji applikabbli. Il-konklużjoni ta' memorandum ta' qbil bejn l-EGħM u l-awtorità superviżorja kompetenti tal-pajjiż terz tas-CCP applikanti hija meħtieġa wkoll sabiex jingħata r-rikonoxximent.

(18)

Għalhekk, għandu jitqies li l-arranġamenti legali u superviżorji tal-EGħM jipprevedu għal sistema ekwivalenti effettiva għar-rikonoxximent ta' CCPs ta' pajjiż terz.

(19)

Din id-Deċiżjoni hija bbażata fuq ir-rekwiżiti legalment vinkolanti relatati ma' CCPs applikabbli fl-EGħM fiż-żmien tal-adozzjoni ta' din id-Deċiżjoni. Il-Kummissjoni, f'kooperazzjoni mal-ESMA, għandha tkompli twettaq monitoraġġ fuq bażi regolari tal-evoluzzjoni tal-arranġamenti legali u superviżorji għas-CCPs fl-EGħM u s-sodisfar tal-kundizzjonijiet li abbażi tagħhom ittieħdet din id-Deċiżjoni.

(20)

Ir-rieżami regolari tal-arranġamenti legali u superviżorji applikabbli fl-EGħM għas-CCPs awtorizzati bihom għandu jkun mingħajr preġudizzju għall-possibbiltà li l-Kummissjoni twettaq rieżami speċifiku fi kwalunkwe ħin barra l-ambitu tal-analiżi ġenerali, meta l-iżviluppi rilevanti jagħmluha neċessarja għall-Kummissjoni li tivvaluta mill-ġdid l-ekwivalenza mogħtija b'din id-Deċiżjoni. Valutazzjoni mill-ġdid bħal din tista' twassal għat-tħassir tad-Deċiżjoni.

(21)

Il-miżuri previsti f'din id-Deċiżjoni huma bi qbil mal-opinjoni tal-Kumitat Ewropew tat-Titoli,

16.12.2016   

MT

Il-Ġurnal Uffiċjali tal-Unjoni Ewropea

L 342/71

(1)

Id-Deċiżjoni ta' Implimentazjoni tal-Kummissjoni (UE) 2016/2122 (3) kienet adottata wara t-tifqigħat tal-influwenza avjarja b'patoġeniċità għolja tas-sottotip H5N8 f'azjendi fid-Danimarka, fil-Ġermanja, fl-Ungerija, fin-Netherlands, fl-Awstrija u fl-Iżvezja (“l-Istati Membri kkonċernati”) u l-istabbiliment ta' żoni ta' protezzjoni u ta' sorveljanza f'dawk l-Istati Membri skont id-Direttiva tal-Kunsill 2005/94/KE (4).

(2)

Id-Deċiżjoni ta' Implimentazzjoni (UE) 2016/2122 tistipula li ż-żoni ta' protezzjoni u ta' sorveljanza stabbiliti mill-Istati Membri kkonċernati skont id-Direttiva 2005/94/KE għandhom jinkludu mill-anqas iż-żoni elenkati bħala żoni ta' protezzjoni u ta' sorveljanza fl-Anness ta' dik id-Deċiżjoni ta' Implimentazzjoni.

(3)

Wara aktar tifqigħat tal-influwenza avjarja tas-sottotip H5N8 fil-Ġermanja, fl-Ungerija u fin-Netherlands, kif ukoll tifqigħat ta' dik il-marda fi Franza u fil-Polonja, l-Anness tad-Deċiżjoni ta' Implimentazzjoni (UE) 2016/2122 kien emendat bid-Deċiżjoni ta' Implimentazzjoni tal-Kummissjoni (UE) 2016/2219 (5) sabiex jemenda ż-żoni elenkati fl-Anness tad-Deċiżjoni ta' Implimentazzjoni (UE) 2016/2122 sabiex tiġi meqjusa s-sitwazzjoni epidemjoloġika l-ġdida fl-Unjoni u l-istabbiliment ta' żoni ta' protezzjoni u ta' sorveljanza mill-awtoritajiet kompetenti ta' dawk l-Istati Membri skont id-Direttiva tal-Kunsill 2005/94/KE.

(4)

Sa mid-data tal-emendi magħmula fid-Deċiżjoni ta' Implimentazzjoni (UE) 2016/2122 mid-Deċiżjoni ta' Implimentazzjoni (UE) 2016/2219, il-Ġermanja infurmat lill-Kummissjoni dwar tifqigħa tal-influwenza avjarja tas-sottotip H5N8 f'azjenda fejn għasafar miżmuma fil-magħluq huma miżmuma barra ż-żoni attwalment elenkati fl-Anness tad-Deċiżjoni ta' Implimentazzjoni (UE) 2016/2122 fejn jinżamm il-pollam jew l-għasafar oħrajn miżmuma fil-magħluq u li ħadet il-miżuri meħtieġa skont id-Direttiva 2005/94/KE, inkluż l-istabbiliment ta' żoni ta' protezzjoni u ta' sorveljanza madwar dik it-tifqigħa.

(5)

Barra minn hekk, sa mid-data tal-emendi magħmula fid-Deċiżjoni ta' Implimentazzjoni (UE) 2016/2122 mid-Deċiżjoni ta' Implimentazzjoni (UE) 2016/2219, Franza infurmat lill-Kummissjoni dwar aktar tifqigħat tal-influwenza avjarja tas-sottotip H5N8 f'azjendi barra ż-żoni attwalment elenkati fl-Anness tad-Deċiżjoni ta' Implimentazzjoni (UE) 2016/2122 fejn jinżamm il-pollam u li ħadet il-miżuri meħtieġa skont id-Direttiva 2005/94/KE, inkluż l-istabbiliment ta' żoni ta' protezzjoni u ta' sorveljanza madwar dawk it-tifqigħat.

(6)

Barra minn hekk, sa mid-data tal-emendi magħmula fid-Deċiżjoni ta' Implimentazzjoni (UE) 2016/2122 mid-Deċiżjoni ta' Implimentazzjoni (UE) 2016/2219, l-Ungerija infurmat ukoll lill-Kummissjoni dwar aktar tifqigħat tal-influwenza avjarja b'patoġeniċità għolja tas-sottotip H5N8 fit-territorju tagħha. B'kunsiderazzjoni għal aktar żvilupp tas-sitwazzjoni epidemjoloġika fl-Ungerija, huwa meħtieġ li jiġu estiżi ż-żoni li dak l-Istat Membru stabbilixxa bħalissa bħala żoni ta' protezzjoni u ta' sorveljanza skont id-Direttiva 2005/94/KE.

(7)

Fil-każijiet kollha, il-Kummissjoni eżaminat il-miżuri meħuda mill-Ġermanja, Franza, u l-Ungerija skont id-Direttiva 2005/94/KE u ħarġet sodisfatta li l-fruntieri taż-żoni ta' protezzjoni u sorveljanza, stabbiliti mill-awtoritajiet kompetenti ta' dawk l-Istati Membri, jinsabu 'l bogħod biżżejjed minn kwalunkwe azjenda fejn tkun ġiet ikkonfermata tifqigħa tal-influwenza avjarja b'patoġeniċità għolja tas-sottotip H5N8.