ISSN 1977-074X |
||
Il-Ġurnal Uffiċjali tal-Unjoni Ewropea |
L 296 |
|
Edizzjoni bil-Malti |
Leġiżlazzjoni |
Volum 58 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
Regolament ta' Implimentazzjoni tal-Kummissjoni (UE) 2015/1986 tal-11 ta' Novembru 2015 li jistabbilixxi formoli standard għall-pubblikazzjoni ta' avviżi fil-qasam tal-akkwist pubbliku u li jħassar ir-Regolament (UE) Nru 842/2011 ( 1 ) |
|
|
|
(1) Test b'rilevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
12.11.2015 |
MT |
Il-Ġurnal Uffiċjali tal-Unjoni Ewropea |
L 296/1 |
REGOLAMENT TA' IMPLIMENTAZZJONI TAL-KUMMISSJONI (UE) 2015/1986
tal-11 ta' Novembru 2015
li jistabbilixxi formoli standard għall-pubblikazzjoni ta' avviżi fil-qasam tal-akkwist pubbliku u li jħassar ir-Regolament (UE) Nru 842/2011
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/665/KEE tal-21 ta' Diċembru 1989 dwar il-koordinazzjoni tal-liġijiet, ir-regolamenti u d-dispożizzjonijiet amministrattivi rigward l-applikazzjoni tal-proċeduri ta' reviżjoni għall-għoti ta' kuntratti ta' provvista pubblika u xogħlijiet pubbliċi (1), u b'mod partikolari l-Artikolu 3a tagħha,
Wara li kkunsidrat id-Direttiva tal-Kunsill 92/13/KEE tal-25 ta' Frar 1992 li tikkoordina l-liġijiet, ir-regolamenti u d-dispożizzjonijiet amministrattivi li jirrelataw għall-applikazzjoni tar-regoli Komunitarji dwar il-proċeduri ta' akkwist ta' entitajiet li joperaw fis-setturi tal-ilma, l-enerġija, it-trasport u t-telekomunikazzjoni (2), u b'mod partikolari l-Artikolu 3a tagħha,
Wara li kkunsidrat id-Direttiva 2009/81/KE tal-Parlament Ewropew u tal-Kunsill tat-13 ta' Lulju 2009 dwar il-koordinazzjoni tal-proċeduri għall-għoti ta' ċerti kuntratti ta' xogħlijiet, provvisti u servizzi minn awtoritajiet jew entitajiet kontraenti fl-oqsma tad-difiża u s-sigurtà, u li temenda d-Direttiva 2004/17/KE u d-Direttiva 2004/18/KE (3), u b'mod partikolari l-Artikoli 32(1), 52(2) u 64 tagħha,
Wara li kkunsidrat id-Direttiva 2014/23/UE tal-Parlament Ewropew u tal-Kunsill tas-26 ta' Frar 2014 dwar l-għoti ta' kuntratti ta' konċessjoni (4), u b'mod partikolari l-Artikolu 33(1) u (2) tagħha,
Wara li kkunsidrat id-Direttiva 2014/24/UE tal-Parlament Ewropew u tal-Kunsill tas-26 ta' Frar 2014 dwar l-akkwist pubbliku u li tħassar id-Direttiva 2004/18/KE (5), u b'mod partikolari l-Artikolu 51(1) u (2), 75(3) u 79(3) tagħha,
Wara li kkunsidrat id-Direttiva 2014/25/UE tal-Parlament Ewropew u tal-Kunsill tas-26 ta' Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (6), u b'mod partikolari l-Artikolu 71(1) u (2), 92(3) u 96(2) tagħha,
Billi:
(1) |
Id-Direttivi 89/665/KEE u 2014/24/UE jirrikjedu li l-kuntratti għal provvista pubblika u xogħlijiet pubbliċi u servizzi pubbliċi jiġu reklamati f'Il-Ġurnal Uffiċjali tal-Unjoni Ewropea. L-avviżi għal dawn il-pubblikazzjonijiet għandhom jinkludu l-informazzjoni stipulata f'dawk id-Direttivi. |
(2) |
Id-Direttivi 92/13/KEE u 2014/25/UE jirrikjedu li l-kuntratti għal provvista pubblika u xogħlijiet pubbliċi u servizzi pubbliċi jiġu reklamati f'Il-Ġurnal Uffiċjali tal-Unjoni Ewropea. L-avviżi għal dawn il-pubblikazzjonijiet għandhom jinkludu l-informazzjoni stipulata f'dawk id-Direttivi. |
(3) |
Id-Direttiva 2009/81/KE tirrikjedi li ċerti kuntratti għal xogħlijiet, kuntratti għal provvista u kuntratti għal servizzi fil-qasam tad-difiża u s-sigurtà jiġu rreklamati f'Il-Ġurnal Uffiċjali tal-Unjoni Ewropea. L-avviżi għal dik il-pubblikazzjoni għandhom jinkludu l-informazzjoni stipulata f'dik id-Direttiva. |
(4) |
Id-Direttivi 89/665/KEE, 92/13/KEE u 2014/23/UE jirrikjedu li l-konċessjonijiet għal xogħlijiet u konċessjonijiet għal servizzi jiġu reklamati f'Il-Ġurnal Uffiċjali tal-Unjoni Ewropea. L-avviżi għal dawn il-pubblikazzjonijiet għandhom jinkludu l-informazzjoni stipulata f'dawk id-Direttivi. |
(5) |
Regolament ta' Implimentazzjoni tal-Kummissjoni (UE) Nru 842/2011 (7), jistipula l-formoli standard previsti fid-Direttivi 2004/17/KE, 2004/18/KE, 2009/81/KE, 89/665/KEE u 92/13/KEE. |
(6) |
Sabiex ikun hemm konformità mad-Direttivi 2014/23/UE, 2014/24/UE u 2014/25/UE u biex tiġi żgurata l-effikaċja tad-Direttivi 89/665/KEE u 92/13/KEE, huwa meħtieġ li jiġu adattati l-formoli standard annessi mar-Regolament (UE) Nru 842/2011 u li jiżdiedu formoli standard ġodda. Minħabba l-għadd u l-firxa tal-aġġustamenti neċessarji, ir-Regolament (KE) Nru 842/2011 għandu jiġi ssostitwit. |
(7) |
Madankollu, meta Stat Membru jimplementa d-Direttivi 2014/23/UE, 2014/24/UE jew 2014/25/UE jew l-emendi tad-Direttiva 89/665/KEE jew 92/13/KEE qabel tmiem l-iskadenza fit-18 ta' April 2016, l-awtoritajiet kontraenti u l-entitajiet kontraenti għandhom minn hawn 'il quddiem jużaw biss il-formoli standard stabbiliti b'dan ir-Regolament ta' Implimentazzjoni għax dawn biss huma mfassla biex jiżguraw il-konformità mar-rekwiżiti legali tad-Direttivi l-ġodda jew emendati. |
(8) |
Id-Direttiva 2009/81/KE ma ġietx emendata; konsegwentement anke l-formoli standard previsti minn dik id-Direttiva ma nbidlux. Għaldaqstant dawn għandhom jibqgħu jintużaw sakemm jiġi revokat ir-Regolament (UE) Nru 842/2011. |
(9) |
Il-miżuri previsti f'dan ir-Regolament huma bi qbil mal-opinjoni tal-Kumitat Konsultattiv dwar l-Akkwisti Pubbliċi, |
ADOTTAT DAN IR-REGOLAMENT:
Artikolu 1
L-awtoritajiet kontraenti jużaw, għall-pubblikazzjoni tal-avviżi msemmija fl-Artikoli 48, 49, 50, 72, 75 u 79 tad-Direttiva 2014/24/UE f'Il-Ġurnal Uffiċjali tal-Unjoni Ewropea, il-formoli standard stipulati fl-Annessi I, II, III, VIII sa XI, XVII u XVIII ta' dan ir-Regolament.
Artikolu 2
L-entitajiet kontraenti jużaw, għall-pubblikazzjoni tal-avviżi msemmija fl-Artikoli 67 sa 70, 89, 92 u 96 tad-Direttiva 2014/25/UE f'Il-Ġurnal Uffiċjali tal-Unjoni Ewropea, il-formoli standard stipulati fl-Annessi IV sa XI, XVII u XIX ta' dan ir-Regolament.
Artikolu 3
L-awtoritajiet kontraenti u l-entitajiet kontraenti jużaw, għall-pubblikazzjoni tal-avviżi msemmija fl-Artikoli 30, 52 u t-tieni inċiż tal-Artikolu 60(4) tad-Direttiva 2009/81/KE f'Il-Ġurnal Uffiċjali tal-Unjoni Ewropea, il-formoli standard stipulati fl-Annessi XIII u XVI ta' dan ir-Regolament.
Artikolu 4
L-awtoritajiet kontraenti u l-entitajiet kontraenti jużaw, għall-pubblikazzjoni tal-avviżi msemmija fl-Artikoli 31, 32 u 43 tad-Direttiva 2014/23/UE f'Il-Ġurnal Uffiċjali tal-Unjoni Ewropea, il-formoli standard stipulati fl-Annessi XI, XVI, XX, XXI u XXII ta' dan ir-Regolament.
Artikolu 5
L-awtoritajiet kontraenti u l-entitajiet kontraenti jużaw, għall-pubblikazzjoni tal-avviżi msemmija fit-tieni inċiż tal-Artikoli 2d(4) tad-Direttivi 89/665/KEE u 92/13/KEE f'Il-Ġurnal Uffiċjali tal-Unjoni Ewropea, il-formoli standard stipulati fl-Anness XII ta' dan ir-Regolament.
Artikolu 6
L-awtoritajiet kontraenti u l-entitajiet kontraenti jibagħtu l-formoli lill-Uffiċċju tal-Pubblikazzjonijiet tal-Unjoni Ewropea b'mezzi elettroniċi, billi jużaw l-applikazzjoni eNotices onlajn jew is-sistema eSender TED.
Artikolu 7
Huma stabbiliti l-formoli standard li ġejjin:
Lista ta' formoli standard
Formola standard 1 |
: |
“Avviż ta' informazzjoni minn qabel”: Anness I |
Formola standard 2 |
: |
“Avviż dwar kuntratt”: Anness II |
Formola standard 3 |
: |
“Avviż ta' għoti ta' kuntratt”: Anness III |
Formola standard 4 |
: |
“Avviż indikattiv perjodiku — Utilitajiet”: Anness IV |
Formola standard 5 |
: |
“Avviż dwar kuntratt — Utilitajiet”: Anness V |
Formola standard 6 |
: |
“Avviż ta' għoti ta' kuntratt — Utilitajiet”: Anness VI |
Formola standard 7 |
: |
“Sistema ta' kwalifika — Utilitajiet”: Anness VII |
Formola standard 8 |
: |
“Avviż dwar il-profil ta' xerrej”: Anness VIII |
Formola standard 12 |
: |
“Avviż ta' kompetizzjoni ta' disinn”: Anness IX |
Formola standard 13 |
: |
“Riżultati ta' kompetizzjoni ta' disinn”: Anness X |
Formola standard 14 |
: |
“Rettifika”: Anness XI |
Formola standard 15 |
: |
“Avviż tat-trasparenza ex-ante volontarja” Anness XII |
Formola standard 16 |
: |
“Avviż ta' informazzjoni minn qabel — Difiża u Sigurtà”: Anness XIII |
Formola standard 17 |
: |
“Avviż dwar kuntratt — Difiża u Sigurtà”: Anness XIV |
Formola standard 18 |
: |
“Avviż ta' għoti ta' kuntratt — Difiża u Sigurtà”: Anness XV |
Formola standard 19 |
: |
“Avviż ta' sottokuntrattar — Difiża u Sigurtà”: Anness XVI |
Formola standard 20 |
: |
“Avviż ta' modifika”: Anness XVII |
Formola standard 21 |
: |
“Kuntratti pubbliċi — Serviżżi soċjali u oħrajn speċifiċi”: Anness XVIII |
Formola standard 22 |
: |
“Utilitajiet — Serviżżi soċjali u oħrajn speċifiċi”: Anness XIX |
Formola standard 23 |
: |
“Konċessjonijiet — Serviżżi soċjali u oħrajn speċifiċi”: Anness XX |
Formola standard 24 |
: |
“Avviż ta' konċessjoni” Anness XXI |
Formola standard 25 |
: |
“Avviż ta' għoti ta' konċessjoni”: Anness XXII |
Artikolu 8
Ir-Regolament (UE) Nru 842/2011 qed jiġi revokat b'effett mit-18 ta' April 2016.
Artikolu 9
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
L-Artikolu 3 japplika mit-18 ta' April 2016.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta' Novembru 2015.
Għall-Kummissjoni
Il-President
Jean-Claude JUNCKER
(1) ĠU L 395, 30.12.1989, p. 33.
(2) ĠU L 76, 23.3.1992, p. 14.
(3) ĠU L 216, 20.8.2009, p. 76.
(5) ĠU L 94, 28.3.2014, p. 65.
(6) ĠU L 94, 28.3.2014, p. 243.
(7) Ir-Regolament ta' Implimentazzjoni tal-Kummissjoni (UE) Nru 842/2011 tad-19 ta' Awwissu 2011 li jistabbilixxi formoli standard għall-pubblikazzjoni ta' avviżi fil-qasam tal-akkwist pubbliku u li jirrevoka r-Regolament (KE) Nru 1564/2005 (ĠU L 222, 27.8.2011, p. 1).
ANNESS I
ANNESS II
ANNESS III
ANNESS IV
ANNESS V
ANNESS VI
ANNESS VII
ANNESS VIII
ANNESS IX
ANNESS X
ANNESS XI
ANNESS XII
ANNESS XIII
ANNESS XIV
ANNESS XV
ANNESS XVI
ANNESS XVII
ANNESS XVIII
ANNESS XIX
ANNESS XX
ANNESS XXI
ANNESS XXII