1.10.2015   

MT

Il-Ġurnal Uffiċjali tal-Unjoni Ewropea

L 256/1

(1)

F'konformità mal-ewwel subparagrafu tal-Artikolu 53(1) tar-Regolament (UE) Nru 1151/2012, il-Kummissjoni eżaminat l-applikazzjoni tal-Portugall għall-approvazzjoni ta' emenda fl-ispeċifikazzjoni tal-indikazzjoni ġeografika protetta “Ovos Moles de Aveiro”, irreġistrata skont ir-Regolament tal-Kummissjoni (KE) Nru 286/2009 (2).

(2)

Billi l-emenda kkonċernata mhijiex minuri fis-sens tal-Artikolu 53(2) tar-Regolament (UE) Nru 1151/2012, il-Kummissjoni ppubblikat it-talba għall-emenda f'Il-Ġurnal Uffiċjali tal-Unjoni Ewropea  (3), skont l-Artikolu 50(2)(a) tar-Regolament imsemmi.

(3)

Billi l-Kummissjoni ma waslitilha ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, l-emenda fl-ispeċifikazzjoni għandha tiġi approvata,

1.10.2015   

MT

Il-Ġurnal Uffiċjali tal-Unjoni Ewropea

L 256/3

(1)

F'konformità mal-ewwel subparagrafu tal-Artikolu 53(1) tar-Regolament (UE) Nru 1151/2012, il-Kummissjoni eżaminat l-applikazzjoni tal-Italja għall-approvazzjoni ta' emenda fl-ispeċifikazzjoni tal-indikazzjoni ġeografika protetta “Limone di Siracusa”, irreġistrata skont ir-Regolament tal-Kummissjoni (UE) Nru 96/2011 (2).

(2)

Billi l-emenda kkonċernata mhijiex minuri fis-sens tal-Artikolu 53(2) tar-Regolament (UE) Nru 1151/2012, il-Kummissjoni ppubblikat it-talba għall-emenda f'Il-Ġurnal Uffiċjali tal-Unjoni Ewropea  (3), skont l-Artikolu 50(2)(a) tar-Regolament imsemmi.

(3)

Billi l-Kummissjoni ma waslitilha ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, l-emenda fl-ispeċifikazzjoni għandha tiġi approvata,

1.10.2015   

MT

Il-Ġurnal Uffiċjali tal-Unjoni Ewropea

L 256/4

(1)

Skont l-Artikolu 50(2)(b) tar-Regolament (UE) Nru 1151/2012, l-applikazzjoni mressqa min-Netherlands għar-reġistrazzjoni tad-denominazzjoni “Hollandse maatjesharing”/“Hollandse Nieuwe”/“Holländischer Matjes” ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Billi l-Kummissjoni ma waslitilha l-ebda dikjarazzjoni ta' oppożizzjoni skont l-Artikolu 51 tar-Regolament (UE) Nru 1151/2012, id-denominazzjoni “Hollandse maatjesharing”/“Hollandse Nieuwe”/“Holländischer Matjes”, għandha tiġi rreġistrata,

1.10.2015   

MT

Il-Ġurnal Uffiċjali tal-Unjoni Ewropea

L 256/5

(1)

Ġie adottat ir-Regolament ta' Implimentazzjoni tal-Kummissjoni (UE) Nru 750/2014 (2) wara rapporti ta' marda ġdida tal-koronavajrus enterika tal-ħnieżer ikkawżata mill-alfakoronavajrusis porċini emerġenti inkluż il-vajrus tad-dijarea epidemika porċina u d-deltakoronavajrus porċin ġdid li feġġet fl-Amerika ta' Fuq. Dan ir-Regolament ta' Implimentazzjoni jistabbilixxi miżuri ta' protezzjoni fir-rigward tal-introduzzjoni fl-Unjoni ta' kunsinni ta' ħnieżer ħajjin għat-tgħammir u l-produzzjoni minn dawk iż-żoni fejn il-mard ikkawżat minn dawk il-vajrusis huwa preżenti sabiex jipprevedi t-twettiq tal-garanziji meħtieġa fl-istabbiliment tal-oriġini u biex jipprevjeni l-introduzzjoni tad-dijarea epidemika porċina kkawżata minn dawk il-vajrusis fl-Unjoni. Dawn il-miżuri ta' protezzjoni huma applikabbli sat-12 ta' Jannar 2015.

(2)

Ir-Regolament ta' Implimentazzjoni (UE) Nru 750/2014 ġie emendat bir-Regolament ta' Implimentazzjoni (UE) Nru 1306/2014 (3) sabiex jestendi d-data ta' applikazzjoni sal-31 ta' Ottubru 2015 peress li l-qagħda epidemjoloġika f'pajjiżi terzi milquta mill-marda ġdida tal-koronavajrus enterika tal-ħnieżer ikkawżata mill-alfakoronavajrusis porċini emerġenti inkluż il-vajrus tad-dijarea epidemika porċina u d-deltakoronavajrus porċin, ma kinetx inbidlet f'termini ta' riskju ta' tixrid ta' dawk il-koronavajrusis enteriċi porċini mid-data tal-adozzjoni tar-Regolament ta' Implimentazzjoni (UE) Nru 750/2014.

(3)

Fid-dawl ta' kif żviluppat il-qagħda tal-marda fil-pajjiżi terzi kkonċernati u fin-nuqqas ta' informazzjoni xjentifika ġdida, il-miżuri ta' protezzjoni stabbiliti mir-Regolament (UE) Nru 750/2014 għandhom jiġi estiżi sa tmiem Ottubru 2016. Il-perjodu ta' applikazzjoni ta' dak ir-Regolament ta' Implimentazzjoni għandu għalhekk jiġi emendat skont dan.

(4)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

1.10.2015   

MT

Il-Ġurnal Uffiċjali tal-Unjoni Ewropea

L 256/7

(1)

Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni. L-Artikolu 10 ta' dak ir-Regolament jipprevedi l-evalwazzjoni mill-ġdid ta' addittivi awtorizzati skont id-Direttiva tal-Kunsill 70/524/KEE (2).

(2)

Il-vitamina E kienet soġġetta għal evalwazzjoni mill-ġdid u awtorizzata bir-Regolament tal-Kummissjoni (UE) Nru 26/2011 (3) sal-4 ta' Frar 2021 bħala addittiv fl-għalf għal kull speċi tal-annimali.

(3)

Għalkemm l-Artikolu 1 tar-Regolament (UE) Nru 26/2011 jirreferi għall-preparazzjonijiet tal-vitamina E li huma awtorizzati bħala addittivi fl-għalf skont il-kundizzjonijiet stipulati fl-Anness tiegħu, f'dak l-Anness m'hemm l-ebda referenza għal preparazzjonijiet. Din l-inkonsistenza twassal biex l-awtoritajiet tal-kontroll ta' xi Stati Membri jqisu li l-preparazzjonijiet bil-vitamina E mhumiex awtorizzati.

(4)

Sabiex ir-Regolament (UE) Nru 26/2011 jiġi interpretat sew, l-Anness jeħtieġ ikun fih referenza għal dak ir-Regolament li tkun tiċċara l-użu u t-tqegħid fis-suq ta' preparazzjonijiet bil-vitamina E, għax dan kien il-ħsieb meta r-Regolament kien ġie adottat.

(5)

Barra minn hekk, mill-esperjenza tal-kontrolli uffiċjali fuq it-tikkettar tal-vitamina E ħareġ fid-dieher li jeħtieġ issir kjarifika rigward l-isem speċifiku mogħti lill-addittiv.

(6)

Għaldaqstant ir-Regolament (UE) Nru 26/2011 għandu jiġi emendat skont dan.

(7)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

1.

fil-kolonna tal-intestatura “Addittiv”:

2.

fil-kolonna tal-intestatura “Dispożizzjonijiet oħra”, jiżdied dan il-punt:

1.10.2015   

MT

Il-Ġurnal Uffiċjali tal-Unjoni Ewropea

L 256/9

(1)

Skont it-tielet subparagrafu tal-Artikolu 75(1) tar-Regolament (UE) Nru 1306/2013, mis-16 ta' Ottubru sat-30 ta' Novembru, l-Istati Membri jistgħu jħallsu bil-quddiem sa 50 % fir-rigward ta' pagamenti diretti skont ir-Regolament (UE) Nru 1307/2013 tal-Parlament Ewropew u tal-Kunsill (2) u sa 75 % għal miżuri ta' appoġġ relatati mal-erja u mal-annimali skont ir-Regolament (UE) Nru 1305/2013 tal-Parlament Ewropew u tal-Kunsill. (3).

(2)

L-Artikolu 75(2) tar- Regolament (UE) Nru 1306/2013 jipprovdi li pagamenti msemmija fil-paragrafu 1 ta' dan l-Artikolu, inkluż ħlasijiet bil-quddiem għall-pagamenti diretti, m'għandhomx isiru qabel ma jiġu ffinalizzati l-verifiki amministrattivi u fuq il-post li għandhom jitwettqu skont l-Artikolu 74 ta' dak ir-Regolament. Madankollu, fir-rigward ta' miżuri ta' appoġġ relatati mal-erja u mal-annimali fil-qafas tal-iżvilupp rurali, l-Artikolu 75(2) tar-Regolament (UE) Nru 1306/2013 jippermetti li l-ħlasijiet bil-quddiem isiru wara li jkunu ġew iffinalizzati l-verifiki amministrattivi skont l-Artikolu 59(1) ta' dak ir-Regolament.

(3)

Il-gravità tas-sitwazzjoni ekonomika f'ċerti setturi agrikoli, b'mod partikolari fis-suq tal-ħalib, ħolqot diffikultajiet finanzjarji serji u problemi ta' likwidità għall-benefiċjarji. Din is-sitwazzjoni tikkoinċidi mal-ewwel sena ta' implimentazzjoni tal-iskemi l-ġodda ta' pagament dirett. Minħabba d-diffikultajiet li jiltaqgħu magħhom l-Istati Membri fl-implimentazzjoni prattika ta' dawk l-iskemi, dawn ittardjaw fl-amministrazzjoni tagħhom tal-applikazzjoni unika, l-applikazzjonijiet għall-għajnuna u t-talbiet għall-ħlas u l-applikazzjonijiet għall-allokazzjoni tad-drittijiet għall-pagamenti jew għaż-żieda fil-valur tad-drittijiet għall-pagament skont l-iskema ta' pagament bażiku. B'konsegwenza ta' dan, il-verifiki meħtieġa x'aktarx li jitlestew aktar tard mis-soltu u l-pagamenti lill-benefiċjarji x'aktarx jiġu diferiti.

(4)

Minħabba n-natura eċċezzjonali ta' dawn iċ-ċirkostanzi f'daqqa u minħabba d-diffikultajiet finanzjarji li jirriżultaw għall-benefiċjarji, huwa neċessarju li jittaffew dawn id-diffikultajiet billi jsir possibbli għall-benefiċjarji li jassorbu t-telf sakemm tintlaħaq stabilizzazzjoni tas-swieq.

(5)

Huwa għalhekk iġġustifikat li tingħata deroga mit-tielet subparagrafu tal-Artikolu 75(1) tar- Regolament (UE) Nru 1306/2013, sabiex l-Istati Membri jkunu jistgħu jagħtu livell ogħla ta' ħlasijiet bil-quddiem lill-benefiċjarji għas-sena tat-talba 2015.

(6)

Il-prinċipju tal-ħlas ta' pagamenti diretti biss wara li jkunu saru verifiki amministrattivi u fuq il-post huwa l-pedament tal-assigurazzjoni miksuba mis-sistema integrata ta' amministrazzjoni u kontroll. Madankollu, fid-dawl tad-diffikultajiet serji li jiltaqgħu magħhom il-benefiċjarji, huwa meħtieġ, bħala miżura eċċezzjonali għas-sena tat-talba 2015, li ssir deroga mill-ewwel subparagrafu tal-Artikolu 75(2) tar-Regolament (UE) Nru 1306/2013 li tippermetti ħlas bil-quddiem għal pagamenti diretti li jsiru wara li jkunu tlestew il-verifiki amministrattivi msemmija fl-Artikoli 28 u 29 tar-Regolament (UE) Nru 809/2014 (4). Madankollu, huwa essenzjali li din id-deroga ma tfixkilx il-ġestjoni finanzjarja soda u r-rekwiżit ta' livell suffiċjenti ta' assigurazzjoni. Għaldaqstant, l-Istati Membri li jagħmlu użu minn din id-deroga għandhom ir-responsabbiltà li jieħdu l-miżuri kollha meħtieġa biex jiżguraw li jiġu evitati ħlasijiet żejda u li kwalunkwe ammont mhux dovut jiġi irkuprat malajr u effettivament. Barra minn hekk, l-użu ta' din id-deroga għandu jkun kopert minn dikjarazzjoni tal-ġestjoni msemmija fl-Artikolu 7(3)(b) tar-Regolament (UE) Nru 1306/2013 għas-sena finanzjarja 2016.

(7)

Fid-dawl tal-gravità tad-diffikultajiet finanzjarji li bħalissa qed jiġu ffaċċjati mill-benefiċjarji, dan ir-Regolament għandu jidħol fis-seħħ fil-jum tal-pubblikazzjoni tiegħu.

(8)

Il-miżuri stipulati f'dan ir-Regolament huma skont l-opinjoni tal-Kumitat dwar il-Fondi Agrikoli, il-Kumitat għall-Pagamenti Diretti u l-Kumitat għall-Iżvilupp Rurali,

1.10.2015   

MT

Il-Ġurnal Uffiċjali tal-Unjoni Ewropea

L 256/11

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

1.10.2015   

MT

Il-Ġurnal Uffiċjali tal-Unjoni Ewropea

L 256/13

(1)

Bis-saħħa tal-Artikolu 6(1) tal-Azzjoni Konġunta 2008/851/PESK, il-Kunsill awtorizza lill-Kumitat Politiku u ta' Sigurtà (KPS) sabiex jieħu d-deċiżjonijiet rilevanti dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea bil-ħsieb ta' kontribut għad-deterrenza, il-prevenzjoni u t-trażżin ta' atti ta' piraterija u serq bl-użu tal-armi 'l barra mix-xtut tas-Somalja (“Kmandant tal-Forza tal-UE”).

(2)

Fil-15 ta' April 2015, il-KPS adotta d-Deċiżjoni (PESK) 2015/607 (2) li taħtar lill-Kaptan (Forza Navali) Alfonso GÓMEZ FERNÁNDEZ DE CÓRDOBA bħala Kmandant tal-Forza tal-UE.

(3)

Il-Kmandant tal-Operazzjoni tal-UE rrakkomanda l-ħatra tar-Rear Admiral Stefano BARBIERI bħala l-Kmandant il-ġdid tal-Forza tal-UE biex biex jieħu post Captain (Forza Navali) Alfonso GÓMEZ FERNÁNDEZ DE CÓRDOBA.

(4)

Il-Kumitat Militari tal-UE jappoġġa dik ir-rakkomandazzjoni.

(5)

Id-Deċiżjoni (PESK) 2015/607 għandha għalhekk titħassar.

(6)

F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tipparteċipax fl-elaborazzjoni u l-implimentazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża,

1.10.2015   

MT

Il-Ġurnal Uffiċjali tal-Unjoni Ewropea

L 256/15

(1)

Fit-8 ta' April 2014, il-kumpanija Rentokil Initial 1927 plc (“l-applikant”) bagħtet applikazzjoni sħiħa lill-Ġermanja (“l-Istat Membru kkonċernat”) għar-rikonoxximent reċiproku ta' awtorizzazzjoni mogħtija mir-Renju Unit (“l-Istat Membru ta' referenza”) fir-rigward ta' prodott bijoċidali rodentiċida li fih is-sustanza attiva bromadjolon, bħala formulazzjoni ta' blokka tax-xama' (“il-prodott ikkontestat”).

(2)

L-Istat Membru ta' referenza awtorizza l-prodott ikkontestat fis-17 ta' Frar 2014 għall-użu fil-bini u l-madwar kontra l-ġrieden u l-firien u fil-kanali tad-drenaġġ kontra l-firien. Imbagħad, l-awtorizzazzjoni ngħatat rikonoxximent reċiproku mill-Estonja, l-Irlanda, il-Lussemburgu, in-Netherlands u n-Norveġja.

(3)

F'konformità mal-Artikolu 35(2) tar-Regolament (UE) Nru 528/2012, fid-9 ta' Settembru 2014, l-Istat Membru kkonċernat ressaq lill-Grupp ta' Koordinazzjoni stabbilit skont l-Artikolu 35 ta' dak ir-Regolament, tliet punti ta' nuqqas ta' qbil li jindikaw li l-prodott ikkontestat ma jissodisfax il-kundizzjonijiet stabbiliti fl-Artikolu 19 ta' dak ir-Regolament.

(4)

L-Istat Membru kkonċernat huwa tal-fehma li (a) għall-użu fil-bini u l-madwar kontra l-firien, ma ġiex muri li l-prodott huwa effikaċi billi r-riżultati ta' tnejn mit-tliet provi fuq il-post imressqa mill-applikant ma wrewx livell aċċettabbli ta' effikaċja; (b) għall-użu fil-kanali tad-drenaġġ kontra l-firien, l-approċċ li uża l-Istat Membru ta' referenza biex jistabbilixxi l-effikaċja tal-prodott mhuwiex aċċettabbli b'konsegwenza tal-ewwel punt ta' nuqqas ta' qbil; (c) għall-użu kontra l-ġrieden, il-ġabra ta' studji tal-laboratorju u waħda miż-żewġ provi fuq il-post imressqa mill-applikant ma jissodisfawx il-kriterji għall-wiri tal-effikaċja.

(5)

Is-Segretarjat tal-Grupp ta' Koordinazzjoni stieden lill-Istati Membri l-oħra u lill-applikant biex jibagħtu l-kummenti tagħhom bil-miktub dwar din il-komunikazzjoni u l-Belġju, id-Danimarka, Franza, il-Ġermanja, in-Netherlands, Spanja u r-Renju Unit bagħtu xi kummenti. Il-komunikazzjoni ġiet diskussa wkoll bejn l-Awtoritajiet Kompetenti tal-Istati Membri għall-prodotti bijoċidali fil-laqgħa tal-Grupp ta' Koordinazzjoni tal-11 ta' Novembru 2014.

(6)

Billi ma ntlaħaq l-ebda ftehim fil-Grupp ta' Koordinazzjoni, fit-13 ta' Marzu 2015, l-Istat Membru ta' referenza bagħat lill-Kummissjoni dikjarazzjoni ddettaljata tal-kwistjonijiet li dwarhom l-Istati Membri ma rnexxilhomx jiftiehmu u r-raġunijiet għan-nuqqas ta' qbil tagħhom, skont l-Artikolu 36(1) tar-Regolament (UE) Nru 528/2012. Inbagħtet ukoll kopja ta' din id-dikjarazzjoni lill-Istati Membri kkonċernati msemmija fl-Artikolu 35(2) ta' dak ir-Regolament u lill-applikant.

(7)

F'dak li għandu x'jaqsam mal-effikaċja kontra l-firien fil-bini u l-madwar, ir-riżultati tat-testijiet tal-laboratorju u ta' waħda mill-provi fuq il-post ipprovduti mill-applikant, juru livell aċċettabbli ta' effikaċja meta mqabbel mal-kriterji stabbiliti fil-gwida tal-UE dwar l-evalwazzjoni tal-effikaċja tar-rodentiċidi (minn hawn' il quddiem, “il-gwida tal-UE”) (2). Barra minn hekk, f'każ simili preċedenti l-Grupp ta' Koordinazzjoni kien tal-fehma li d-disponibbiltà ta' mill-inqas prova fuq il-post valida waħda hija konformi mal-gwida tal-UE u hija aċċettabbli biex turi l-effikaċja ta' rodentiċida (3).

(8)

F'dak li għandha x'taqsam l-effikaċja kontra l-firien fil-kanali tad-drenaġġ, biex jegħleb ir-riżultati inkonklussivi tal-istudji tal-palatabilità, l-Istat Membru ta' referenza uża r-riżultati ta' waħda mill-provi fuq il-post ipprovduti mill-applikant li juru livell aċċettabbli ta' effikaċja. L-istess approċċ kien intuża qabel mill-Istat Membru kkonċernat waqt l-evalwazzjoni ta' prodott simili, iżda b'riżultati pożittivi minn tliet provi fuq il-post.

(9)

F'dak li għandu x'jaqsam mal-użu kontra l-ġrieden, l-istudji tal-laboratorju ma jissodisfawx il-kriterji stabbiliti fil-gwida tal-UE. Madankollu, din il-gwida tal-UE tistabbilixxi wkoll li r-riżultati tal-provi fuq il-post jista' jkollhom aktar piż minn dawk tal-provi fil-laboratorju. F'dan il-każ, ir-riżultati ta' waħda minn dawn il-provi fuq il-post turi livell aċċettabbli ta' effikaċja meta mqabbel mal-kriterji stabbiliti fil-gwida tal-UE disponibbli.

(10)

Fid-dawl tal-elementi msemmija fil-premessa 7 sal-premessa 9, il-Kummissjoni tqis li l-konklużjonijiet milħuqa mill-Istat Membru ta' referenza dwar it-tliet punti ta' nuqqas ta' qbil huma validi.

(11)

Il-Kummissjoni tinnota wkoll li l-konklużjonijiet milħuqa mill-Istat Membru ta' referenza fuq il-bażi ta' dawn l-elementi u l-ġudizzju tal-esperti tiegħu, kif previst mill-paragrafu 12 tal-Anness VI tar-Regolament (UE) Nru 528/2012, kienu appoġġati minn dawk l-Istati Membri li awtorizzaw il-prodott ikkontestat permezz ta' rikonoxximent reċiproku.

(12)

Peress li l-bażi legali għal din id-Deċiżjoni hija l-Artikolu 36(3) ta' dak ir-Regolament, din id-Deċiżjoni għandha tiġi indirizzata lill-Istati Membri kollha bis-saħħa tal-Artikolu 36(4) ta' dak ir-Regolament.

(13)

Il-miżuri previsti f'din id-Deċiżjoni huma f'konformità mal-opinjoni tal-Kumitat Permanenti dwar il-Prodotti Bijoċidali,

1.10.2015   

MT

Il-Ġurnal Uffiċjali tal-Unjoni Ewropea

L 256/17

(1)

Id-deni Afrikan tal-ħnieżer huwa infezzjoni li tittieħed ħafna u fatali tal-ħnieżer domestiċi u l-qżieqes selvaġġi, li għandha l-potenzjal tinfirex malajr, l-aktar minn prodotti miksuba minn annimali infettati u oġġetti mhux ħajjin ikkontaminati.

(2)

Minħabba s-sitwazzjoni tad-deni Afrikan tal-ħnieżer fir-Russja u fil-Bjelorussja, il-Kummissjoni adottat id-Deċiżjoni 2013/426/UE (2) li tistabbilixxi miżuri ta' implimentazzjoni li jipprevedu fost l-oħrajn tindif u disinfettar xieraq tal-“vetturi tal-bhejjem” wara li jkunu ttrasportaw annimali ħajjin u għalf u li jidħlu fl-Unjoni minn dawn iż-żewġ pajjiżi.

(3)

Wara notifiki riċenti ta' tifqigħat tad-deni Afrikan tal-ħnieżer fl-Ukrajna, il-miżuri eżistenti ta' tindif u disinfettar previsti fl-implimentazzjoni tad-Deċiżjoni 2013/426/UE għandha tiġi estiża wkoll għall-vetturi li jidħlu fl-Unjoni mill-Ukrajna.

(4)

Lista ta' pajjiżi terzi u partijiet tat-territorju ta' pajjiżi terzi fejn il-preżenza tad-deni Afrikan tal-ħnieżer hija konfermata, kif previst fl-Anness I tad-Deċiżjoni 2013/426/UE għandha għalhekk tiġi emendata skont dan.

(5)

Id-Deċiżjoni ta' Implimentazzjoni 2013/426/UE tapplika sal-31 ta' Diċembru 2015. Minħabba s-sitwazzjoni mhux favorevoli tal-mard fir-rigward tad-deni Afrikan tal-ħnieżer f'pajjiżi ġirien mal-fruntieri tal-Unjoni, u filwaqt li titqies l-epidemjoloġija tad-deni Afrikan tal-ħnieżer u l-miżuri applikabbli fl-Unjoni fir-rigward ta' dik il-marda, huwa xieraq li dan il-perjodu jiġi estiż sal-31 ta' Diċembru 2019.

(6)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

1.10.2015   

MT

Il-Ġurnal Uffiċjali tal-Unjoni Ewropea

L 256/19

(1)

Fl-10 ta' Marzu 2011, il-Kunsill iddeċieda li jawtorizza kooperazzjoni msaħħa bejn l-Awstrija, il-Belġju, il-Bulgarija, Ċipru, id-Danimarka, l-Estonja, il-Finlandja, Franza, il-Ġermanja, il-Greċja, l-Irlanda, l-Iżvezja, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, ir-Repubblika Ċeka, ir-Rumanija, is-Slovenja, is-Slovakkja, ir-Renju Unit u l-Ungerija fil-qasam tal-ħolqien ta' protezzjoni tal-privattiva unitarja.

(2)

Fis-17 ta' Diċembru 2012, il-Parlament Ewropew u l-Kunsill adottaw ir-Regolament (UE) Nru 1257/2012 (2).

(3)

Fis-17 ta' Diċembru 2012, il-Kunsill adotta r-Regolament (UE) Nru 1260/2012 (3).

(4)

L-Italja nnotifikat l-intenzjoni tagħha li tipparteċipa f'kooperazzjoni msaħħa fil-qasam tal-ħolqien ta' protezzjoni tal-privattiva unitarja b'ittra datata t-2 ta' Lulju 2015, li l-Kummissjoni rreġistrat li rċevietha fl-20 ta' Lulju 2015.

(5)

Il-Kummissjoni tinnota li la d-Deċiżjoni 2011/167/UE u lanqas ir-Regolamenti (UE) Nru 1257/2012 u (UE) Nru 1260/2012 ma jippreskrivu ebda kundizzjoni partikolari tal-parteċipazzjoni f'kooperazzjoni msaħħa fil-qasam tal-ħolqien ta' protezzjoni tal-privattiva unitarja u li l-parteċipazzjoni tal-Italja għandha ssaħħaħ il-benefiċċji ta' din il-kooperazzjoni msaħħa.

1.10.2015   

MT

Il-Ġurnal Uffiċjali tal-Unjoni Ewropea

L 256/21