ISSN 1977-074X
Il-Ġurnal Uffiċjali
tal-Unjoni Ewropea
L 137
Edizzjoni bil-Malti
Leġiżlazzjoni
Volum 58
4 ta' Ġunju 2015
|
ISSN 1977-074X |
||
|
Il-Ġurnal Uffiċjali tal-Unjoni Ewropea |
L 137 |
|
|
|
||
|
Edizzjoni bil-Malti |
Leġiżlazzjoni |
Volum 58 |
|
|
|
Rettifika |
|
|
|
* |
||
|
|
* |
||
|
|
* |
|
|
|
|
|
(1) Test b'rilevanza għaż-ŻEE |
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
|
4.6.2015 |
MT |
Il-Ġurnal Uffiċjali tal-Unjoni Ewropea |
L 137/1 |
REGOLAMENT TA' IMPLIMENTAZZJONI TAL-KUMMISSJONI (UE) 2015/861
tat-3 ta' Ġunju 2015
li jikkonċerna l-awtorizzazzjoni tal-jodur tal-potassju, il-jodat tal-kalċju anidru u l-jodat tal-kalċju anidru miksi u granulat bħala addittivi tal-għalf għall-ispeċijiet kollha tal-annimali
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,
Billi:
|
(1) |
Ir-Regolament (KE) Nru 1831/2003 jipprevedi li l-użu ta' addittivi fin-nutrizzjoni tal-annimali għandu jkun soġġett għal awtorizzazzjoni u jiddefinixxi r-raġunijiet u l-proċeduri għall-għoti ta' din l-awtorizzazzjoni. L-Artikolu 10 ta' dan ir-Regolament jipprevedi l-valutazzjoni mill-ġdid ta' addittivi awtorizzati skont id-Direttiva tal-Kunsill 70/524/KEE (2). |
|
(2) |
Il-jodur tal-potassju u l-jodat tal-kalċju anidru ġew awtorizzati mingħajr limitu ta' żmien bid-Direttiva 70/524/KEE kif emendata bir-Regolament tal-Kummissjoni (KE) Nru 1459/2005 (3). Dawk il-prodotti mbagħad ġew irreġistrati fir-Reġistru tal-addittivi tal-għalf bħala prodotti eżistenti, f'konformità mal-Artikolu 10(1) tar-Regolament (KE) Nru 1831/2003. |
|
(3) |
F'konformità mal-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu, ġew ippreżentati applikazzjonijiet għal evalwazzjoni mill-ġdid tal-jodur tal-potassju u l-jodat tal-kalċju anidru bħala addittivi tal-għalf għall-ispeċijiet kollha tal-annimali. Barra minn hekk, skont l-Artikolu 10(2), ġiet ippreżentata applikazzjoni għal evalwazzjoni mill-ġdid tal-jodat tal-kalċju, anidru f'forma ta' pellikola granulata għall-ispeċijiet tal-annimali kollha. Għal dawn it-tliet sustanzi komposti tal-jodju, l-applikanti talbu li l-addittivi jiġu kklassifikati fil-kategorija ta' addittivi “addittivi nutrittivi”. Mal-applikazzjonijiet intbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(4) |
L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjonijiet tagħha ppubblikati fid-19 ta' Mejju 2014 (4) (5) (6) (7) li, fil-kondizzjonijiet ta' użu proposti, il-jodur tal-potassju, il-jodat tal-kalċju anidru u l-jodat tal-kalċju anidru miksi u granulat ma għandhomx effett negattiv fuq is-saħħa tal-annimali, is-saħħa tal-konsumatur jew l-ambjent. |
|
(5) |
L-Awtorità kkonkludiet ukoll li l-jodur tal-potassju, il-jodat tal-kalċju anidru u l-jodat tal-kalċju anidru miksi u granulat huma sorsi effettivi ta' jodju fl-ispeċijiet fil-mira rispettivi u li ma għandu jinqala' l-ebda tħassib dwar is-sikurezza għall-utenti jekk jittieħdu l-miżuri ta' protezzjoni xierqa. L-Awtorità tqis li ma hemmx bżonn ta' rekwiżiti speċifiċi għall-monitoraġġ wara l-kummerċjalizzazzjoni. Hija vverifikat ukoll ir-rapport dwar il-metodu ta' analiżi tal-addittivi fl-għalf ippreżentat mil-Laboratorju ta' Referenza stabbilit bir-Regolament (KE) Nru 1831/2003. |
|
(6) |
Il-valutazzjoni tal-jodur tal-potassju, il-jodat tal-kalċju anidru u l-jodat tal-kalċju anidru miksi u granulat turi li l-kundizzjonijiet għall-awtorizzazzjoni, kif prevvisti fl-Artikolu 5 tar-Regolament (KE) Nru 1831/2003, ġew issodisfati. Għaldaqstant, l-użu ta' dawn is-sustanzi u l-preparazzjonijiet għandu jiġi awtorizzat kif speċifikat fl-Anness ta' dan ir-Regolament. |
|
(7) |
Peress li r-raġunijiet ta' sikurezza ma jitolbux l-applikazzjoni immedjata tal-modifiki fil-kundizzjonijiet tal-awtorizzazzjoni għall-jodur tal-potassju u għall-jodat tal-kalċju anidru, huwa xieraq li l-partijiet interessati jingħataw perjodu tranżizzjonali biex iħejju ruħhom ħalli jissodisfaw ir-rekwiżiti l-ġodda li jirriżultaw mill-awtorizzazzjoni. |
|
(8) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
Is-sustanzi u l-preparazzjonijiet speċifikati fl-Anness, li jifformaw parti mill-kategorija ta' addittivi, “addittivi nutrittivi”, u mill-grupp funzjonali, “komposti ta' mikronutrijenti”, huma awtorizzati bħala addittivi fin-nutrizzjoni tal-annimali, suġġetti għall-kundizzjonijiet stipulati f'dak l-Anness.
Artikolu 2
Emendi għar-Regolament (KE) Nru 1459/2005
Fl-Anness għar-Regolament (KE) Nru 1459/2005, l-entrati “Jodur tal-potassju” u “jodat tal-kalċju anidru”, marbutin mal-element E 2 Jodju-I, huma mħassra.
Artikolu 3
Miżuri tranżizzjonali
1. Il-jodur tal-potassju u l-jodat tal-kalċju anidru li kienu awtorizzati skont id-Direttiva tal-Kunsill 70/524/KEE u t-taħlitiet lest minn qabel li fihom hemm dawn is-sustanzi, li huma prodotti u ttikkettati qabel l-24 ta' Diċembru 2015 f'konformità mar-regoli applikabbli qabel l-24 ta' Ġunju 2015 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti.
2. Il-materjali tal-għalf u l-għalf kompost li jkun fih is-sustanzi speċifikati fil-paragrafu 1, li huma prodotti u tikkettati qabel l-24 ta' Ġunju 2016 skont ir-regoli applikabbli qabel l-24 ta' Ġunju 2015 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti. F'dak li għandu x'jaqsam mal-għalf għall-annimali li ma jipproduċux ikel, il-perjodu taż-żmien għall-produzzjoni u t-tikkettar imsemmi fl-ewwel sentenza għandu jintemm fl-24 ta' Ġunju 2017.
Artikolu 4
Dħul fis-seħħ
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Ġunju 2015.
Għall-Kummissjoni
Il-President
Jean-Claude JUNCKER
(1) ĠU L 268, 18.10.2003, p. 29.
(2) Id-Direttiva tal-Kunsill 70/524/KEE tat-23 ta' Novembru 1970 li tirrigwarda addittivi f'għalf għall-bhejjem (ĠU L 270, 14.12.1970, p. 1).
(3) Ir-Regolament tal-Kummissjoni (KE) Nru 1459/2005 tat-8 ta' Settembru 2005 li jemenda l-kondizzjonijiet ta' numru ta' adittivi għall-għalf tal-bhejjem li jagħmlu parti mill-grupp tal-elementi traċċa (ĠU L 233, 9.9.2005, p. 8).
(4) EFSA Journal 2013; 11(2):3099.
(5) EFSA Journal 2013; 11(2):3100.
(6) EFSA Journal 2013; 11(2):3101.
(7) EFSA Journal 2013; 11(3):3178.
ANNESS
|
Numru ta' identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta' awtorizzazzjoni |
||||||||||||||||||||||||||||||
|
L-element (I) f'mg/kg ta' għalf komplut b'kontenut ta' umdità ta' 12 % |
|||||||||||||||||||||||||||||||||||||||
|
Kategorija tal-addittivi nutrizzjonali. Grupp funzjonali: komposti ta' mikronutrijenti |
|||||||||||||||||||||||||||||||||||||||
|
3b201 |
— |
Jodju tal-potassju |
Kompożizzjoni tal-addittiv Jodur tal-potassju u l-istearat tal-kalċju, fil-forma ta' trab, b'kontenut minimu ta' jodju ta' 69 % Karatterizzazzjoni tas-sustanza attiva Jodjur tal-potassju Formula kimika: KI Numru CAS: 7681-11-0 Metodi Analitiċi (1) Għall-kwantifikazzjoni tal-Jodjur tal-potassju fl-addittiv tal-għalf:
Għall-kwantifikazzjoni tat-total tal-potassju fl-addittiv tal-għalf:
Għall-kwantifikazzjoni tat-total tal-jodju fit-taħlitiet lesti minn qabel, fil-materjali tal-għalf u fl-għalf kompost:
|
L-ispeċijiet kollha |
— |
— |
Ekwini: 4 (total) Annimali li jixtarru għall-produzzjoni tal-ħalib u tiġieġ li jbidu: 5 (total) Ħut: 20 (total) Speċijiet oħrajn jew kategoriji ta' annimali: 10 (total) |
|
l-24 ta' Ġunju 2025 |
||||||||||||||||||||||||||||||
|
3b202 |
— |
jodat tal-kalċju, anidru |
Kompożizzjoni tal-addittiv Jodat tal-kalċju, anidru, fil-forma ta' trab, b'kontenut minimu ta' jodju ta' 63,5 % Karatterizzazzjoni tas-sustanzi attivi Formula kimika: Ca(IO3)2 Numru CAS: 7789-80-2 Metodi Analitiċi (1) Għall-kwantifikazzjoni tal-jodat tal-Kalċju fl-addittiv tal-għalf:
Għall-kwantifikazzjoni tat-total tal-kalċju fl-addittiv tal-għalf:
Għall-kwantifikazzjoni tat-total tal-jodju fit-taħlitiet lesti minn qabel, fil-materjali tal-għalf u fl-għalf kompost:
|
L-ispeċijiet kollha |
— |
— |
Ekwini: 4 (total) Annimali li jixtarru għall-produzzjoni tal-ħalib u tiġieġ li jbidu: 5 (total) Ħut: 20 (total) Speċijiet oħrajn jew kategoriji ta' annimali: 10 (total) |
|
l-24 ta' Ġunju 2025 |
||||||||||||||||||||||||||||||
|
3b203 |
— |
Jodat tal-kalċju, anidru miksi u granulat |
Kompożizzjoni tal-addittiv Preparazzjoni tal-jodat tal-kalċju, anidru miksi u granulat b'kontenut tal-jodju ta' 1 % sa 10 % Aġenti tal-kisi u aġenti tad-dispersjoni (għażla ta' polyoxyethlene (20) sorbitanmonolaurate (E 432), u riċinoleat tal-gliċerol polietilenglikol (E484), polietilenglikol 300, sorbitol (E420ii) u maltodestrina): < 5 %. Materjali tal-għalf (il-karbonat tal-kalċju u tal-manjeżju, il-karbonat tal-kalċju, iċ-ċifċiegħa tal-qamħirrum) bħala aġenti tal-granulazzjoni. Partikuli < 50 μm: < 1,5 % Karatterizzazzjoni tas-sustanza attiva Formula kimika: Ca(IO3)2 Numru CAS: 7789-80-2 Metodi Analitiċi (1) Għall-kwantifikazzjoni tal-jodat tal-Kalċju fl-addittiv tal-għalf:
Għall-kwantifikazzjoni tat-total tal-kalċju fl-addittiv tal-għalf:
Għall-kwantifikazzjoni tat-total tal-jodju fit-taħlitiet lesti minn qabel, fil-materjali tal-għalf u fl-għalf kompost:
|
L-ispeċijiet kollha |
— |
— |
Ekwini: 4 (total) Annimali li jixtarru għall-produzzjoni tal-ħalib u tiġieġ li jbidu: 5 (total) Ħut: 20 (total) Speċijiet oħrajn jew kategoriji ta' annimali: 10 (total) |
|
l-24 ta' Ġunju 2025 |
||||||||||||||||||||||||||||||
(1) Id-dettalji tal-metodi analitiċi huma disponibbli fl-indirizz li ġej tal-Laboratorju ta' Referenza tal-Unjoni Ewropea: https://ec.europa.eu/jrc/en/eurl/feed-additives/evaluation-reports
(2) Id-Direttiva tal-Kunsill 89/391/KEE tat-12 ta' Ġunju 1989 dwar l-introduzzjoni ta' miżuri sabiex jinkoraġġixxu titjib fis-sigurtà u s-saħħa tal-ħaddiema fuq ix-xogħol (ĠU L 183, 29.6.1989, p. 1).
(3) Id-Direttiva tal-Kunsill 89/656/KEE tat-30 ta' Novembru 1989 dwar il-ħtiġiet minimi ta' sigurtà u ta' saħħa għall-użu ta' tagħmir ta' protezzjoni personali mill-ħaddiema fuq il-post tax-xogħol (ĠU L 393, 30.12.1989, p. 18).
(4) Id-Direttiva tal-Kunsill 92/85/KEE tad-19 ta' Ottubru 1992 dwar l-introduzzjoni ta' mizuri biex jinkoraġġixxu t-titjib fis-saħħa u s-sigurtà fuq il-post tax-xogħol għall-ħaddiema nisa tqal u ħaddiema li welldu reċentement, jew li qed ireddgħu (ĠU L 348, 28.11.1992, p. 1).
(5) Id-Direttiva tal-Kunsill 98/24/KE tas-7 ta' April 1998 dwar il-protezzjoni tas-saħħa u s-sigurtà tal-ħaddiema mir-riskji li għandhom x'jaqsmu mal-aġenti kimiċi fuq il-post tax-xogħol (ĠU L 131, 5.5.1998, p. 11).
(6) Id-Direttiva tal-Kunsill 89/686/KEE tal-21 ta' Diċembru 1989 dwar l-approssimazzjoni tal-liġijiet tal-Istati Membri rigward l-apparat personali protettiv (ĠU L 399, 30.12.1989, p. 18).
|
4.6.2015 |
MT |
Il-Ġurnal Uffiċjali tal-Unjoni Ewropea |
L 137/8 |
REGOLAMENT TA' IMPLIMENTAZZJONI TAL-KUMMISSJONI (UE) 2015/862
tat-3 ta' Ġunju 2015
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas- 17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1),
Wara li kkunsidrat ir-Regolament ta' Implimentazzjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
|
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
|
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Ġunju 2015.
Għall-Kummissjoni,
F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
|
(EUR/100 kg) |
||
|
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
|
0702 00 00 |
AL |
46,1 |
|
MA |
77,9 |
|
|
MK |
71,9 |
|
|
TN |
138,3 |
|
|
TR |
80,1 |
|
|
ZZ |
82,9 |
|
|
0707 00 05 |
AL |
34,4 |
|
MK |
40,6 |
|
|
ZZ |
37,5 |
|
|
0709 93 10 |
TR |
70,0 |
|
ZZ |
70,0 |
|
|
0805 50 10 |
AR |
109,6 |
|
BO |
145,2 |
|
|
BR |
107,1 |
|
|
TR |
67,0 |
|
|
ZA |
166,3 |
|
|
ZZ |
119,0 |
|
|
0808 10 80 |
AR |
93,1 |
|
BR |
100,6 |
|
|
CL |
138,8 |
|
|
NZ |
131,1 |
|
|
US |
219,4 |
|
|
ZA |
132,9 |
|
|
ZZ |
136,0 |
|
|
0809 10 00 |
TR |
288,5 |
|
ZZ |
288,5 |
|
|
0809 29 00 |
US |
507,5 |
|
ZZ |
507,5 |
|
(1) In-nomenklatura tal-pajjiżi stabbilita bir-Regolament tal-Kummissjoni (UE) Nru 1106/2012 tas-27 ta' Novembru 2012 li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar statistika Komunitarja relatata mal-kummerċ estern ma' pajjiżi li mhumiex membri, fir-rigward tal-aġġornament tan-nomenklatura tal-pajjiżi u t-territorji (ĠU L 328, 28.11.2012, p. 7). Il-kodiċi “ZZ” jirrappreżenta “ta' oriġini oħra”.
DIRETTIVI
|
4.6.2015 |
MT |
Il-Ġurnal Uffiċjali tal-Unjoni Ewropea |
L 137/10 |
DIRETTIVA TA' DELEGA TAL-KUMMISSJONI (UE) 2015/863
tal-31 ta' Marzu 2015
li temenda l-Anness II tad-Direttiva 2011/65/UE tal-Parlament Ewropew u tal-Kunsill fir-rigward tal-lista ta' sustanzi restritti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2011/65/UE tal-Parlament Ewropew u tal-Kunsill tas-8 ta' Ġunju 2011 dwar ir-restrizzjoni tal-użu ta' ċerti sustanzi ta' riskju fit-tagħmir elettriku u elettroniku, (1) u b'mod partikolari l-Artikolu 6(3) tagħha,
Billi:
|
(1) |
Id-Direttiva 2011/65/UE tistipula r-regoli dwar ir-restrizzjoni tal-użu ta' sustanzi perikolużi fit-tagħmir elettriku u elettroniku (EEE) bil-għan li tikkontribwixxi għall-protezzjoni tas-saħħa tal-bniedem u tal-ambjent, inkluż l-irkupru u r-rimi mingħajr preġudizzju għall-ambjent tal-iskart EEE. |
|
(2) |
Id-Direttiva 2011/65/EU tipprojbixxi l-użu taċ-ċomb, tal-merkurju, tal-kadmju, tal-kromju eżavalenti, tal-bifenili polibrominati (PBB) u tal-eteri tad-difenil polibrominat (PBDE) fit-tagħmir elettriku u elettroniku imqiegħed fis-suq tal-Unjoni. L-Anness II għal din id-Direttiva jelenka dawk is-sustanzi ristretti. |
|
(3) |
Hekk kif tkun qed titwettaq ir-rieżami perjodiku tal-lista ta' sustanzi soġġetti għar-restrizzjoni tal-użu fl-Anness II għandhom jiġu kkunsidrati prioritarji dawk ir-riskji għas-saħħa tal-bniedem u l-ambjent ġejjin mill-użu tal-eżobromċiklodekan (HBCDD), tal-ftalat ta' bis(2-etileżil) (DEHP), tal-butilbenżilftalat (BBP) u tad-dibutilftalat (DBP). Għal fini ta' restrizzjonijiet ulterjuri, is-sustanzi li kienu suġġetti għal evalwazzjonijiet preċedenti għandhom jerġgħu jiġu investigati. |
|
(4) |
Skont l-Artikolu 6(1) tad-Direttiva 2011/65/UE, il-partijiet interessati, inklużi operaturi ekonomiċi, riċiklaturi, operaturi tat-trattament, organizzazzjonijiet ambjentali u assoċjazzjonijiet tal-impjegati u tal-konsumaturi, ġew ikkonsultati u saret valutazzjoni bir-reqqa. |
|
(5) |
Il-ftalat ta' bis(2-etileżil) (DEHP), il-butilbenżilftalat (BBP), id-dibutilftalat (DBP) u d-diisobutilftalat (DIBP) huma sustanzi ta' tħassib serju ħafna (SVHC). Id-DIBP huwa sustanza li tista' tintuża bħala sostitut għad-DBP u kien soġġett għal valutazzjonijiet preċedenti mwettqa mill-Kummissjoni. L-evidenza disponibbli tindika li dawn l-erba' sustanzi, meta jintużaw fl-EEE, jista' jkollhom impatt negattiv fuq ir-riċiklaġġ u fuq is-saħħa tal-bniedem u l-ambjent waqt l-operazzjonijiet ta' ġestjoni tal-iskart tal-EEE. |
|
(6) |
Hemm disponibbli għad-DEHP, il-BBP, id-DBP u d-DIBP sostituti li għandhom impatti anqas negattivi fil-biċċa l-kbira tal-EEE. L-użu ta' dawk is-sustanzi f'tagħmir elettriku u elettroniku (EEE) għandu għalhekk jiġi ristrett. Id-DEHP, il-BBP u d-DBP diġà huma ristretti permezz tal-annotazzjoni 51 tal-Anness XVII tar-Regolament (KE) Nru 1907/2006 tal-Parlament Ewropew u tal-Kunsill (2), b'tali mod li l-ġugarelli li fihom id-DEHP, il-BBP u d-DBP f'konċentrazzjoni ta' iktar minn 0,1 % skont il-piż tal-materjal plastifikat, ikkalkolati għat-tliet ftalati b'mod kumulattiv, ma jistgħux jitqiegħdu fis-suq tal-UE. Sabiex tiġi evitata r-regolamentazzjoni doppja, ir-restrizzjoni permezz tal-annotazzjoni 51 tal-Anness XVII ta' dak ir-Regolament għandha għalhekk tkompli tkun l-unika restrizzjoni applikabbli għad-DEHP, il-BBP u id-DBP fil-ġugarelli. |
|
(7) |
Sabiex tiġi ffaċilitata t-tranżizzjoni u biex jittaffu l-impatti soċjoekonomiċi possibbli, għandu jingħata perijodu transitorju xieraq, li jippermetti lill-operaturi ekonomiċi japplikaw għal eżenzjonijiet mir-restrizzjonijiet fuq is-sustanzi skont l-Artikolu 5 tad-Direttiva 2011/65/UE. L-itwal ċikli ta' innovazzjoni għat-tagħmir mediku u għall-istrumenti ta' monitoraġġ u kontroll għandhom jitqiesu meta jkun determinat il-perjodu ta' tranżizzjoni. Ir-restrizzjoni tal-użu tad-DEHP, il-BBP, id-DBP u d-DIBP għandu għalhekk, sa mit-22 ta' Lulju 2021, japplika għal apparat mediku, inkluż l-apparat mediku in vitro, u strumenti ta' monitoraġġ u kontroll, inklużi strumenti ta' monitoraġġ u kontroll industrijali. |
|
(8) |
Kwalunkwe adattament tal-Annessi III jew IV tad-Direttiva 2011/65/UE sabiex jiġu eżentati applikazzjonijiet fir-rigward tad-DEHP jew id-DBP għandu jsir b'mod li, sabiex tiġi evitata r-regolamentazzjoni doppja u piż mhux meħtieġ, jiżgura koerenza mal-amministrazzjoni ta' kwalunkwe awtorizzazzjoni mogħtija skont ir-Regolament (KE) Nru 1907/2006 rigward l-inkorporazzjoni ta' dawn is-sustanzi fit-tagħmir elettriku u elettroniku (EEE). L-operaturi li qed iqisu jekk japplikawx għal eżenzjonijiet skont id-Direttiva 2011/65/UE għandhom ikunu konxji li tali eżenzjonijiet jistgħu jkopru ċ-ċiklu kollu tal-ħajja tal-EEE, inkluż il-perijodu tal-produzzjoni. |
|
(9) |
Għaldaqstant, id-Direttiva 2011/65/UE għandha tiġi emendata skont dan, |
ADOTTAT DIN ID-DIRETTIVA:
Artikolu 1
L-Anness II tad-Direttiva 2011/65/UE huwa ssostitwit bit-test fl-Anness ta' din id-Direttiva.
Artikolu 2
1. L-Istati Membri għandhom jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa sabiex ikunu konformi ma' din id-Direttiva sa mhux aktar tard mill-31 ta' Diċembru 2016. Għandhom jikkomunikaw it-test ta' dawk id-dispożizzjonijiet lill-Kummissjoni minnufih.
Huma għandhom japplikaw dawn id-dispożizzjonijiet mit-22 ta' Lulju 2019.
Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet primarji tal-liġi nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, il-31 ta' Marzu 2015.
Għall-Kummissjoni
Il-President
Jean-Claude JUNCKER
(1) ĠU L 174, 1.7.2011, p. 88.
(2) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).
ANNESS
“ANNEX II
Sustanzi restritti msemmija fl-Artikolu 4(1) u valuri massimi ta' konċentrazzjoni ttollerati skont il-piż f'sustanzi omoġenji
|
|
Ċomb (0,1 %) |
|
|
Merkurju (0,1 %) |
|
|
Kadmju (0,01 %) |
|
|
Kromju eżavalenti (0,1 %) |
|
|
Bifenili polibrominati (PBB) (0,1 %) |
|
|
Eteri tad-difenil polibrominat (PBDE) (0,1 %) |
|
|
Ftalat ta' bis(2-etileżil) (DEHP) (0,1 %) |
|
|
Butilbenżilftalat (BBP) (0,1 %) |
|
|
Dibutilftalat (DBP) (0,1 %) |
|
|
Diisobutilftalat (DIBP) (0,1 %) |
Mit-22 ta' Lulju 2021 għandha tapplika r-restrizzjoni tad-DEHP, il-BBP, id-DBP u d-DIBP għall-apparat mediku, inkluż l-apparat mediku in vitro, u l-istrumenti ta' monitoraġġ u kontroll, inklużi strumenti ta' monitoraġġ u kontroll industrijali.
Ir-restrizzjoni tad-DEHP, il-BBP, id-DBP u d-DIBP m'għandhiex tapplika għall-kejbils jew il-parts tal-bdil għat-tiswija, ir-riutilizzazzjoni, l-aġġornament tal-funzjonalitajiet jew it-titjib tal-prestazzjoni tat-tagħmir elettriku u elettroniku, li jitqiegħed fis-suq qabel it-22 ta' Lulju 2019, u tal-apparat mediku inkluż l-apparat mediku in vitro, u l-istrumenti ta' kontroll u monitoraġġ, inklużi l-istrumenti ta' monitoraġġ u kontroll industrijali, li jitqiegħdu fis-suq qabel it-22 ta' Lulju 2021.
Ir-restrizzjoni tad-DEHP, il-BBP u d-DBP m'għandhiex tapplika għall-ġugarelli li huma diġà suġġetti għar-restrizzjoni tad-DEHP, il-BBP u d-DBP permezz tal-annotazzjoni 51 tal-Anness XVII għar-Regolament (KE) Nru 1907/2006.”
Rettifika
|
4.6.2015 |
MT |
Il-Ġurnal Uffiċjali tal-Unjoni Ewropea |
L 137/13 |
Rettifika tad-Direttiva tal-Kunsill 2005/94/KE tal-20 ta' Diċembru 2005 dwar miżuri Komunitarji għall-kontroll tal-influwenza tat-tjur u li tħassar id-Direttiva 92/40/KEE
( Il-Ġurnal Uffiċjali tal-Unjoni Ewropea L 10 tal-14 ta' Jannar 2006 )
Fil-paġna 48, l-Anness IX, il-paragrafu 5(c)(ii):
minflok:
|
“(ii) |
joriġinaw minn bajd għat-tifqis li jissodisfa l-kondizzjonijiet stabbiliti fil-punt (a) tal-paragrafu 2, il-punt (a) tal-paragrafu 3 jew il-punt (a) tal-paragrafu 4;” |
aqra:
|
“(ii) |
joriġinaw minn bajd għat-tifqis li jissodisfa l-kondizzjonijiet stabbiliti fil-punt (a) tal-paragrafu 3;” |
|
4.6.2015 |
MT |
Il-Ġurnal Uffiċjali tal-Unjoni Ewropea |
L 137/13 |
Rettifika tad-Direttiva tal-Kummissjoni 2013/10/UE tad-19 ta' Marzu 2013 li temenda d-Direttiva tal-Kunsill 75/324/KEE dwar l-approssimazzjoni tal-liġijiet tal-Istati Membri relatati mal-aerosol dispensers biex id-dispożizzjonijiet tagħha dwar l-ittikkettar jiġu adattati għar-Regolament (KE) Nru 1272/2008 tal-Parlament Ewropew u tal-Kunsill dwar il-klassifikazzjoni, l-ittikkettar u l-imballaġġ tas-sustanzi u t-taħlitiet
( Il-Ġurnal Uffiċjali tal-Unjoni Ewropea L 77 tal-20 ta' Marzu 2013 )
F'paġna 21, fl-Artikolu 1(2)(b), fl-emenda tal-punt 2.2(a)(i) tad-Direttiva 75/324/KEE:
minflok:
“id-dikjarazzjoni dwar il-periklu H229: ‘Kontenitur taħt pressjoni: Jista' jfaqqa' bit-tisħin’,”
aqra:
“id-dikjarazzjoni dwar il-periklu H229: ‘Kontenitur taħt pressjoni. Jista' jinfaqa' jekk jissaħħan’,”
|
4.6.2015 |
MT |
Il-Ġurnal Uffiċjali tal-Unjoni Ewropea |
L 137/13 |
Rettifika tar-Regolament tal-Kunsill (KE) Nru 302/2009 tas-6 ta' April 2009 li jistabbilixxi pjan multi-annwali għall-irkupru tat-tonn fil-Lvant tal-Atlantiku u fil-Mediterran, li jemeda r-Regolament (KE) Nru 43/2009 u li jħassar ir-Regolament (KE) Nru 1559/2007
( Il-Ġurnal Uffiċjali tal-Unjoni Ewropea L 96 tal-15 ta' April 2009 )
It-titolu fil-paġna tal-Werrej u t-titolu fil-paġna 1:
minflok:
“Regolament tal-Kunsill (KE) Nru 302/2009 tas-6 ta' April 2009 li jistabbilixxi pjan multi-annwali għall-irkupru tat-tonn fil-Lvant tal-Atlantiku u fil-Mediterran, li jemeda r-Regolament (KE) Nru 43/2009 u li jħassar ir-Regolament (KE) Nru 1559/2007”
aqra:
“Regolament tal-Kunsill (KE) Nru 302/2009 tas-6 ta' April 2009 dwar pjan multi-annwali għall-irkupru tat-tonn fil-Lvant tal-Atlantiku u fil-Mediterran, li jemenda r-Regolament (KE) Nru 43/2009 u li jħassar ir-Regolament (KE) Nru 1559/2007”