14.5.2013   

MT

Il-Ġurnal Uffiċjali tal-Unjoni Ewropea

L 129/1

(1)

Fil-15 ta’ Novembru 2012 permezz tar-Regolament (UE) Nru 1071/2012 (2) (“ir-Regolament provviżorju”) il-Kummissjoni Ewropea (“il-Kummissjoni”), imponiet dazju antidumping provviżorju fuq l-importazzjonijiet ta’ fittings fonduti ta’ tubi jew pajpijiet bil-kamin, ta’ ħadid fondut malleabbli, li joriġinaw mir-Repubblika Popolari taċ-Ċina (“ir-RPĊ”) u mit-Tajlandja.

(2)

Il-proċedura nbdiet b’riżultat ta’ notifika ta’ bidu (3) ppubblikata fis-16 ta’ Frar 2012 wara lment imressaq fit-3 ta' Jannar 2012 mill-Kumitat tad-Difiża tal-Fittings ta’ Fonduti ta’ Tubi jew Pajpijiet bil-Kamin, ta’ Ħadid Fondut Malleabbli tal-Unjoni Ewropea (“l-ilmentatur”) f’isem produtturi li jirrappreżentaw aktar minn 50 %, tal-produzzjoni totali tal-Unjoni ta’ fittings fonduti ta’ tubi jew pajpijiet bil-kamin ta’ ħadid fondut malleabbli (“fittings malleabbli bil-kamin”).

(3)

Kif stipulat fil-premessa (15) tar-Regolament provviżorju, l-investigazzjoni ta' dumping u ħsara kopriet il-perjodu mill-1 ta' Jannar 2011 sal-31 ta' Diċembru 2011 ("il-perjodu ta’ investigazzjoni" jew il-"PI"). L-eżami tat-tendenzi rilevanti għall-valutazzjoni tal-ħsara kopra l-perjodu mill-1 ta’ Jannar 2008 sa tmiem il-PI (“il-perjodu kkunsidrat”).

(4)

Wara l-iżvelar tal-fatti u l-kunsiderazzjonijiet essenzjali, li fuq il-bażi tagħhom kien deċiż li jkunu imposti miżuri antidumping provviżorji ("l-iżvelar provviżorju"), bosta partijiet interessati ressqu sottomissjonijiet bil-miktub biex juru fehmiethom dwar is-sejbiet provviżorji. Il-partijiet li għamlu din it-talba ngħataw ukoll l-opportunità li jinstemgħu.

(5)

Il-Kummissjoni kompliet tfittex u tanalizza l-informazzjoni kollha li dehrilha li kienet meħtieġa għall-konklużjonijiet definittivi tagħha.

(6)

Parti interessata stqarret li l-prodott li jimportaw ma għandux ikun parti mill-prodott ikkonċernat, minħabba li l-prodott għandu ċerti pekuljaretajiet tekniċi. Dawn il-fittings malleabbli jużaw ħjut koniċi, bil-kontra tal-ħjut paralleli tal-fittings malleabbli oħrajn importati.

(7)

Madankollu, l-investigazzjoni wriet li, minbarra dawk l-ispeċifikazzjonijiet tekniċi, dawk il-fittings bi ħjut koniċi għandhom l-istess karatteristiċi fiżiċi u tekniċi tal-fittings malleabbli oħrajn importati. Barra minn hekk, f’dak li għandu x’jaqsam mal-użu, l-investigazzjoni wriet li fittings bi ħjut koniċi jintużaw b’mod simili tal-fittings malleabbli oħrajn importati. Tabilħaqq, fi Stat Membru wieħed fejn iż-żewġ tipi huma użati, ikunu nstabu li huma interkambjabbli. Għalhekk din it-talba ma ntlaqgħetx.

(8)

Parti waħda interessata stqarret li fittings fonduti malleabbli b’erba’ żbokki jistgħu jinbiegħu mal-Unjoni kollha, filwaqt fittings fonduti malleabbli bi tliet żbokki jistgħu jinbiegħu biss fir-Renju Unit, ir-Repubblika tal-Irlanda, Malta u Ċipru. B’hekk fittings fonduti bi tliet u b’erba’ żbokki ma jikkompetux b’mod sħiħ fis-suq tal-Unjoni.

(9)

Madankollu, l-investigazzjoni uriet li l-biċċa l-kbira tal-importazzjonijiet ta’ fittings fonduti malleabbli bi tliet żbokki li joriġinaw fil-pajjiżi kkonċernati mmorru għal pajjiżi kontinentali Ewropej bħall-Ġermanja, l-Italja, il-Polonja u Spanja. B’hekk huwa konkluż li fittings fonduti bi tliet u b’erba’ żbokki jikkompetu b’mod sħiħ fis-suq tal-Unjoni u mhux biss f’numru limitat ta’ Stati Membri.

(10)

Importatur sostna t-talba tiegħu li korpi ta’ fittings ta’ kompressjoni ma għandhomx jaqgħu fid-definizzjoni tal-prodott ikkonċernat. Dak l-importatur argumenta li korpi ta’ fittings ta’ kompressjoni għandhom użu differenti u forna l-evidenza ta’ appoġġ li l-ħjut fuq il-korp ta’ fittings ta’ kompressjoni jistgħu jingħarfu faċilment mill-ħjut fuq standard fitting, għaliex huwa magħmul skont standard ISO (4). Wara li ġiet ikkunsidrata l-evidenza li tressqet, ġie konkluż li l-kamp ta’ applikazzjoni tal-prodott għandu jiġi limitat kif xieraq.

(11)

Żewġ partijiet oħra interessati argumentaw għal esklużjoni mill-kamp ta’ applikazzjoni tal-prodott ta’ fittings ta’ kondjuwits tal-elettriku ta’ ħadid malleabbli u, b’mod partikolari, kaxxi fejn jingħaqdu l-kejbils ċirkolari b’ħadid fondut malleabbli li huma komponent ewlieni ta’ tubi tal-kondjuwit tal-elettriku kollha u installazzjonijiet ta’ fittings ta’ kondjuwits. Huma sostnew li tali kaxxi fejn jingħaqdu l-kejbils jservu għanijiet differenti (jiġifieri l-konteniment u l-protezzjoni ta’ sistemi ta’ wajering elettriku bħala, kontra l-iżgurar ta' fluss tal-gass mingħajr telf ta’ gass jew ilma bħal fil-każ ta’ fittings standard investigati f’dan il-proċediment). Huma wkoll jingħarfu faċilment minn fittings oħrajn (pjuttost milli jkollhom ikunu assolutament issikkati b’gass jew likwidi dawn ikollhom għotjien ħfief meta mmuntati f’sistema wara l-importazzjoni li jippermetti aċċess faċli għal kejbils). Wara kunsiderazzjoni bir-reqqa ta’ dawn l-argumenti, ġie konkluż li kaxxi fejn jingħaqdu l-kejbils ċirkolari b’ħadid fondut malleabbli mingħajr għatu għandhom jiġu esklużi mill-kamp ta’ applikazzjoni tal-prodott.

(12)

Fid-dawl ta’ dak li ntqal hawn fuq, ġie meqjus xieraq li tiġi riveduta d-definizzjoni tal-kamp ta’ applikazzjoni tal-prodott kif stabbilita fir-Regolament provviżorju. Għalhekk, il-prodott ikkonċernat huwa definittivament definit bħala fittings fonduti ta’ tubi jew pajpijiet bil-kamin, ta’ ħadid fondut malleabbli, li attwalment jaqgħu fil-kodiċi NM ex 7307 19 10, minbarra korpi ta’ fittings ta’ kompressjoni bl-użu tal-ħajta metrika ISO DIN 13 u kaxxi fejn jingħaqdu l-kejbils ċirkolari b’ħadid fondut malleabbli mingħajr għatu.

(13)

Fin-nuqqas ta’ xi kummenti oħrajn dwar il-prodott ikkonċernat u l-prodott simili, is-sejbiet fil-premessi minn (17) sa (21) u minn (23) sa (28) tar-Regolament provviżorju huma b’dan ikkonfermati.

(14)

Wara l-iżvelar provviżorju, ma waslu l-ebda kummenti dwar it-teħid tal-kampjuni tal-produtturi tal-Unjoni, produtturi esportaturi fir-RPĊ u importaturi mhux relatati. Konsegwentement, is-sejbiet stabbiliti fil-premessi minn (29) sa (31) tar-Regolament provviżorju huma b’dan ikkonfermati.

(15)

Fin-nuqqas ta’ kummenti oħra fir-rigward tat-trattament tal-ekonomija tas-suq u trattament individwali, is-sejbiet provviżorji fil-premessi minn (32) sa (46) tar-Regolament provviżorju huma b’dan ikkonfermati.

(16)

Fin-nuqqas ta’ kummenti oħra fir-rigward tal-pajjiż analogu, is-sejbiet fil-premessi minn (47) sa (53) tar-Regolament provviżorju huma b’dan ikkonfermati.

(17)

Produttur esportatur Ċiniż wieħed talab li l-valur normali għandu jiġi kkalkulat fuq il-bażi tal-bejgħ domestiku mill-uniku produttur li kkoopera fil-pajjiż analogu, anki jekk ma jkunux magħmula fi kwantitajiet rappreżentattivi kif stabbilit fl-Artikolu 2(2) tar-Regolament bażiku. It-talba tista’ tiġi aċċettata fil-każ ta’ pajjiż analogu. Għaldaqstant, il-bejgħ domestiku fl-andament normali tal-kummerċ mill-uniku produttur li kkoopera fil-pajjiż analogu ntuża biex jiġi stabbilit il-valur normali.

(18)

L-istess produttur esportatur Ċiniż stqarr li l-marġini ta’ dumping għandu jiġi stabbilit bl-użu tal-bejgħ mill-esportazzjoni kollu, u mhux biss għat-tipi ta’ prodott direttament komparabbli mat-tipi mibjugħa mill-produttur tal-pajjiż analogu fis-suq domestiku tiegħu. Din it-talba ġiet aċċettata. Għal dawn it-tipi ta’ prodotti li ma jistgħux jitqabblu b’mod dirett, il-valur normali kien ibbażat fuq il-valur medju normali aritmetiku għat-tipi ta’ prodotti li jaqblu, aġġustati mill-valur tas-suq tad-differenzi fil-karatteristiċi fiżiċi skont l-Artikolu 2(10)(a) tar-Regolament bażiku.

(19)

Fin-nuqqas ta’ kwalunkwe kumment ieħor dwar il-valur normali, il-prezz tal-esportazzjoni u t-tqabbil, is-sejbiet fil-premessi (54), minn (59) sa (61) u minn (64) sa (67) tar-Regolament provviżorju huma b’dan ikkonfermati.

(20)

Għall-kumpaniji inklużi fil-kampjun, il-valur normali medju peżat ta’ kull tip ta’ prodott simili stabbilit għall-pajjiż analogu kien imqabbel mal-prezz tal-esportazzjoni medju peżat tat-tip korrispondenti tal-prodott ikkonċernat, kif previst fl-Artikoli 2(11) u 2(12) tar-Regolament bażiku.

(21)

Fuq dik il-bażi, il-marġnijiet tad-dumping provviżorji, espressi bћala perċentwali tal-prezz CIF fuq il-fruntiera tal-Unjoni, bid-dazju mhux imħallas, huma kif ġej:

(22)

Il-marġni medju peżat ta’ dumping tal-produtturi esportaturi li kkooperaw li ma kinux inklużi fil-kampjun ġie kkalkulat skont id-dispożizzjonijiet tal-Artikolu 9(6) tar-Regolament bażiku. Kif xieraq, dak il-marġni ġie stabbilit fuq il-bażi tal-marġnijiet stabbiliti għall-produtturi esportaturi inklużi fil-kampjun.

(23)

Fuq dik il-bażi, il-marġni ta’ dumping ikkalkulat għall-kumpaniji li kkooperaw li ma kinux inklużi fil-kampjun ġie provviżorjament stabbilit fil-livell ta’ 41,1 %.

(24)

Fir-rigward tal-produtturi esportaturi l-oħra kollha fir-RPĊ, il-marġnijiet ta’ dumping ġew stabbiliti fuq il-bażi tal-fatti disponibbli skont l-Artikolu 18 tar-Regolament bażiku. Għal dak il-għan, il-livell ta’ kooperazzjoni ġie stabbilit l-ewwel billi tqabblu l-volumi tal-esportazzjonijiet lill-Unjoni rrappurtati mill-produtturi esportaturi li kkooperaw mal-volum tal-esportazzjonijiet Ċiniżi, kif stabbilit fil-premessa (51) hawn taħt.

(25)

Billi l-kooperazzjoni kienet tammonta għal aktar minn 50 % tal-esportazzjonijiet Ċiniżi totali lejn l-Unjoni u l-industrija tista’ titqies bħala frammentata minħabba n-numru kbir ta’ produtturi esportaturi fir-RPĊ, il-livell ta’ kooperazzjoni jista’ jitqies bħala wieħed għoli. Għalhekk, il-marġini residwu tad-dumping ġie stabbilit fil-livell tal-kumpanija inkluża fil-kampjun bl-ogħla marġni ta’ dumping.

(26)

Fuq dik il-bażi, il-marġnijiet tad-dumping provviżorji, espressi bћala perċentwali tal-prezz CIF fuq il-fruntiera tal-Unjoni, bid-dazju mhux imħallas, huma kif ġej:

(27)

Fin-nuqqas ta’ kwalunkwe kumment ieħor dwar il-valur normali, il-prezz tal-esportazzjoni u t-tqabbil, is-sejbiet fil-premessi minn (75) sa (87) u (91) tar-Regolament provviżorju rigward l-Indoneżja huma b’dan ikkonfermati.

(28)

Minħabba li l-livell ta’ kooperazzjoni tqies li kien għoli (il-volum tal-esportazzjonijiet tal-unika kumpanija Indoneżjana li kkooperat kien jirrappreżenta aktar minn 80 % tal-esportazzjonijiet Indoneżjani totali lejn l-Unjoni matul il-PI), il-marġni ta’ dumping għall-produtturi esportaturi Indoneżjani l-oħra kollha ġie stabbilit fl-istess livell bħal tal-kumpanija li kkooperat.

(29)

Fuq dik il-bażi, il-marġnijiet tad-dumping provviżorji, espressi bћala perċentwali tal-prezz CIF fuq il-fruntiera tal-Unjoni, bid-dazju mhux imħallas, huma kif ġej:

(30)

Ma waslu l-ebda kummenti li jwasslu għal kwalunkwe bidla fil-metodoloġija applikata jew kalkolu tad-dumping attwali mwettqa fir-rigward tat-Tajlandja.

(31)

Konsegwentement, is-sejbiet fil-premessi minn (75) sa (88) tar-Regolament provviżorju rigward il-valur normali, il-prezz tal-esportazzjoni u t-tqabbil fir-rigward tat-Tajlandja huma b’dan ikkonfermati.

(32)

Analiżi u rfinar fl-operat tal-kalkolu tad-dumping irriżulta f’xi ftit inqas marġini ta’ dumping ta’ 15,5 % għal wieħed mill-produtturi esportaturi Tajlandiżi. Il-marġni ta’ dumping għall-produttur esportatur li kkoopera huwa kkonfermat b’mod definittiv f’livell provviżorju.

(33)

Minħabba li l-livell ta’ kooperazzjoni tqies li kien għoli (il-volum tal-esportazzjonijiet taż-żewġ kumpaniji Tajlandiżi li kkooperaw kien jirrappreżenta aktar minn 80 % tal-esportazzjonijiet Tajlandiżi totali lejn l-Unjoni matul il-PI), il-marġni ta’ dumping għall-produtturi esportaturi Tajlandiżi l-oħra kollha ġie ffissat fil-livell tal-ogħla marġni ta’ dumping taż-żewġ kumpaniji li kkooperaw.

(34)

Fuq dik il-bażi, il-marġnijiet tad-dumping definittivi għall-kumpaniji Tajlandiżi, espressi bћala perċentwali tal-prezz CIF fuq il-fruntiera tal-Unjoni, bid-dazju mhux imħallas, huma kif ġej:

(35)

Billi ma kien hemm l-ebda kumment ieħor li jikkonferma l-produzzjoni tal-Unjoni, il-premessa (94) tar-Regolament provviżorju hija b'din ikkonfermata. Huwa miżjud li matul il-perjodu kkunsidrat il-prodott simili ġie mmanifatturat minn tliet produtturi oħra fl-Unjoni li waqfu l-produzzjoni bejn l-2008 u l-2009, u produttur ieħor waqqaf il-produzzjoni madwar tmiem il-perjodu kkunsidrat.

(36)

Partijiet interessati sostnew li ż-żewġ gruppi fil-kampjun tal-produtturi tal-Unjoni qed jimportaw il-prodott ikkonċernat, u għaldaqstant, m’għandhomx jitqiesu bħala parti mill-industrija tal-Unjoni skont l-Artikolu 4(1)(a).

(37)

F’dan ir-rigward, kien stabbilit li ż-żewġ gruppi ta’ produtturi tal-Unjoni fil-kampjun tabilħaqq jimportaw il-prodott ikkonċernat. Madankollu, l-ewwel nett, ta’ min jinnota li s-sejba li produttur tal-Unjoni huwa wkoll importatur tal-prodott ikkonċernat ma għandux iwassal awtomatikament għall-esklużjoni ta’ dan il-produttur tal-Unjoni mill-industrija tal-Unjoni, u t-tieni nett, għal kull wieħed mill-produtturi tal-Unjoni, dawn l-importazzjonijiet kienu żgħar meta mqabbla mal-produzzjoni totali u l-bejgħ ta’ gruppi ta’ kumpaniji. Huwa għalhekk ikkonfermat li ż-żewġ gruppi ta’ kumpaniji huma kkunsidrati parti mill-industrija tal-Unjoni.

(38)

Barra dan, parti interessata waħda ddikjarat li produttur wieħed ma għandux jitqies bħala parti tal-industrija tal-Unjoni, peress li produttur tal-Unjoni huwa allegatament relatat ma’ importatur tal-prodott ikkonċernat. Madankollu, l-ewwel nett, ta’ min jinnota li s-sejba ta’ relazzjoni bejn produttur tal-Unjoni u esportatur ma għandiex twassal awtomatikament għall-esklużjoni ta’ dak il-produttur tal-Unjoni mill-industrija tal-Unjoni, u t-tieni nett, ma ngħatat l-ebda evidenza li r-relazzjoni bejn il-produttur tal-Unjoni u l-importatur, jekk kien hemm, kienu jissodisfaw il-kriterji tal-Artikolu 4(2) tar-Regolament bażiku. Barra minn hekk, il-kwantitajiet importati mill-importatur relatat allegat huma biss frazzjoni żgħira tal-kwantitajiet prodotti u mibjugħa mill-produttur tal-Unjoni relatat allegat. Għalhekk, anki jekk il-produttur tal-Unjoni u l-importatur instabu li kienu relatati, il-produttur tal-Unjoni xorta jitqies bħala parti mill-industrija tal-Unjoni.

(39)

Fir-rigward tad-definizzjoni tal-industrija tal-Unjoni għall-fini tal-valutazzjoni tal-ħsara, il-produtturi kollha tal-Unjoni li jimmanifatturaw il-prodott simili matul il-perjodu kkunsidrat huma kkunsidrati li jikkostitwixxu l-industrija tal-Unjoni u dawn għalhekk se jkunu msemmija bħala “l-industrija tal-Unjoni” fit-tifsira tal-Artikolu 4(1) tar-Regolament bażiku.

(40)

Waħda mill-partijiet interessati kkummentat li matul il-perjodu kollu kkunsidrat, il-produzzjoni tal-industrija tal-Unjoni qabżet il-bejgħ. Fl-istess ħin, kien rappurtat tnaqqis fil-ħażniet, li mhuwiex plawsibbli hekk kif minħabba li l-produzzjoni qabżet il-bejgħ missu wassal għal żieda fl-istokks.

(41)

Għandu jiġi nnotat f’dan ir-rigward li tabilħaqq, filwaqt li fl-istadju provviżorju tal-produzzjoni u l-istokks nstabu li ġew irrappurtati b’mod korrett, seħħ żball fir-rappurtar tal-bejgħ tal-industrija tal-Unjoni u xi volumi tal-bejgħ ta’ produtturi tal-Unjoni li ma ttiħdux fil-kampjun ma kinux kompletament meqjusa. Dan ġie korrett u bħala konsegwenza, il-konsum tal-Unjoni u l-ishma tas-suq fis-suq tal-Unjoni kellhom jiġu riveduti wkoll skont dan. Minħabba l-għeluq ta’ tliet produtturi tal-Unjoni matul il-perjodu kkunsidrat imsemmi fil-premessa (113) tar-Regolament provviżorju, ir-reviżjoni f’dak li għandu x’jaqsam mal-konsum tal-Unjoni għandha impatt iktar sinifikanti fil-bidu tal-perjodu kkunsidrat.

(42)

Il-konsum tal-Unjoni naqas konsiderevolment b’28 % bejn l-2008 u l-2009, u sussegwentement żdied b’7 punti perċentwali għal livell ta’ 21 % inqas mill-konsum fil-bidu tal-perjodu kkunsidrat.

(43)

Rigward il-volumi tal-importazzjonijiet soġġetti għal dumping mill-Indoneżja, kien ikkonfermat li dawn kienu jikkostitwixxu biss madwar 2,5 % tal-importazzjonijiet kollha tal-prodott simili fl-Unjoni matul il-PI. Għalhekk, huma jistgħu jitqiesu li ma jikkostitwixxux kawża ta’ ħsara materjali għall-industrija tal-Unjoni fis-sens tal-Artikolu 9(3) tar-Regolament bażiku jew id-dispożizzjonijiet tal-Ftehim Antidumping tad-WTO.

(44)

Fid-dawl ta’ dan li ntqal hawn fuq, ġie deċiż b’mod definittiv li dawk l-importazzjonijiet ma jiġux akkumulati mal-importazzjonijiet soġġetti għal dumping mit-Tajlandja u r-RPĊ.

(45)

Rigward il-valutazzjoni kumulattiva tal-importazzjonijiet mir-RPĊ u mit-Tajlandja għall-iskop tal-analiżi tal-ħsara u l-kawżalità, partijiet interessati affermaw li l-importazzjonijiet Tajlandiżi ma għandhomx jiġu stmati b’mod kumulattiv ma’ importazzjonijiet Ċiniżi għal għadd ta’ raġunijiet.

(46)

L-ewwel nett, kien argumentat li l-kwantità ta’ bejgħ tal-importazzjonijiet Tajlandiżi hija ħafna inqas minn dik tal-importazzjonijiet Ċiniżi, u li l-kwantità ta’ bejgħ tal-importazzjonijiet Tajlandiżi qed tonqos f’termini assoluti. Madankollu, il-kwantità ta’ importazzjonijiet Tajlandiżi ma kinetx negliġibbli, u għalhekk biżżejjed li tippermetti akkumulazzjoni. Barra minn hekk, minkejja li l-importazzjonijiet mit-Tajlandja qed jonqsu f’termini assoluti kif muri fit-tabella fil-premessa (51) hawn taħt, kienu qed jiksbu 19 % tas-sehem tas-suq matul il-perjodu kkunsidrat, kif jidher fit-tabella fil-premessa (52) hawn taħt.

(47)

F’termini ta’ prezzijiet, kien argumentat li l-importazzjonijiet mit-Tajlandja qed jinbiegħu, bħala medja, bi prezzijiet ogħla mill-importazzjonijiet Ċiniżi. Filwaqt li dan huwa korrett, l-importazzjonijiet Tajlandiżi madankollu qed iwaqqgħu b’mod sinifikanti l-prezzijiet tal-industrija tal-Unjoni. Barra minn hekk, id-differenza fil-prezz bejn l-importazzjonijiet mit-Tajlandja u l-importazzjonijiet Ċiniżi kienet qed tonqos b’mod kostanti matul il-perjodu kkunsidrat minn EUR 698/tunnellata fl-2008 għal EUR 472/tunnellata matul il-PI, kif muri fit-tabella tal-premessa (108) tar-Regolament provviżorju.

(48)

Fin-nuqqas ta’ kwalunkwe talba jew kummenti oħra, il-kontenut tal-premessi minn (98) sa (105) tar-Regolament provviżorju huwa b’dan ikkonfermat.

(49)

Xi partijiet interessati sostnew li l-volumi ta’ importazzjoni għar-RPĊ iddikjarati fil-premessa (106) tar-Regolament provviżorju huma għoljin wisq, hekk kif il-kodiċi tan-NM rilevanti jinkludi kull tip ta’ fittings tal-ħadid fondut malleabbli, mhux biss fittings bil-kamin.

(50)

F’dan ir-rigward, ta’ min jinnota li mhux il-kwantitajiet sħaħ irrappurtati fil-kodiċi NM kienu preżunti fittings bil-kamin. Il-volumi rrappurtati fir-Regolament provviżorju kienu diġà ġew ikkoreġuti 'l isfel, fuq il-bażi ta' informazzjoni pprovduta mill-awtoritajiet doganali nazzjonali. Dawn il-volumi kienu konformi mal-informazzjoni li tinsab fl-ilment. Il-partijiet interessati kellhom biżżejjed żmien biex jikkummentaw dwar dan. Madankollu, l-ebda informazzjoni f’dan ir-rigward ma ġiet sottomessa minn kwalunkwe parti interessata jew qabel il-pubblikazzjoni tar-Regolament provviżorju, u lanqas fil-limitu ta’ żmien mogħti għas-sottomissjoni tal-kummenti minn dak tar-Regolament provviżorju. Il-Kamra tal-Kummerċ Ċiniża pprovdiet xi informazzjoni kwantifikata dwar il-livell allegatament korrett tal-importazzjonijiet Ċiniżi tard ħafna fil-proċedura, kważi xahrejn wara l-iskadenza għas-sottmissjoni tal-kummenti għar-Regolament provviżorju, li jfisser li kienet ipprovduta biss kważi sena wara l-bidu tal-investigazzjoni, meta ċ-ċifri tal-importazzjoni ġew żvelati għall-ewwel darba fil-verżjoni mhux limitata tal-ilment. Is-sottomissjoni ta’ din l-informazzjoni barra l-iskadenza ma tippermettix għall-verifika tagħha permezz ta’ proċess ta’ eżami oġġettiv mingħajr ma testendi l-perjodu tal-investigazzjoni lil hinn mill-15-il xahar prevalenti ta’ skadenza kif stabbilit fl-Artikolu 6(9) tar-Regolament bażiku. Fi kwalunkwe każ, din l-informazzjoni tidher li sostanzjalment ma tistqarrx il-kwantitajiet tal-importazzjonijiet Ċiniżi, peress li hija bbażata fuq stimi li tikkonċerna l-esportazzjonijiet ta’ kumpaniji li kkooperaw biss u ma setgħetx għalhekk tkun meqjusa bħala preċiża. Għalhekk din it-talba ma ntlaqgħetx.

(51)

Madankollu, numru ta’ importaturi provdew informazzjoni li tikkonċerna l-importazzjonijiet tagħhom ta’ prodotti oħra minbarra l-prodott ikkonċernat importat bl-istess kodiċi NM matul il-perjodu kkunsidrat. Din l-informazzjoni tista’ tiġi kkunsidrata, u l-volumi tal-importazzjoni mill-pajjiżi kkonċernati kienu riveduti 'l isfel skont dan.

(52)

Bħala konsegwenza tal-kwistjoni li tikkonċerna l-bejgħ tal-Unjoni tal-industrija tal-Unjoni msemmija fil-premessa (41) hawn fuq, is-sehem mis-suq tal-importazzjonijiet soġġetti għal dumping miż-żewġ pajjiżi kkonċernati kellu jiġi rivedut ukoll. Is-sehem mis-suq tal-importazzjonijiet soġġetti għal dumping miż-żewġ pajjiżi kkonċernati, żdied bi 15,6 punti perċentwali minn 33,1 % għal 48,7 % matul il-perjodu kkunsidrat. Dan it-tkabbir fis-sehem tas-suq seħħ fil-biċċa l-kbira bejn l-2010 u l-PI, matul perjodu ta’ rkupru fid-domanda.

(53)

Parti waħda interessata talbet l-informazzjoni aggregata tal-prezz tal-bejgħ skont it-tip ta’ prodott għall-industrija tal-Unjoni li għandha tiġi divulgata. Madankollu, peress li l-kampjun tal-produtturi tal-Unjoni kien kompost minn żewġ gruppi biss ta’ produtturi, kif indikat fil-premessa (111) tar-Regolament provviżorju, għal raġunijiet ta’ kunfidenzjalità, l-informazzjoni aggregata attwali ma tistax tiġi żvelata. Din ir-raġuni tapplika wkoll għall-iżvelar tal-prezz tal-bejgħ aggregat skont it-tip ta’ prodott.

(54)

Partijiet interessati stqarrew li l-importazzjonijiet mill-pajjiżi kkonċernati jidħlu fl-Unjoni f’livell differenti ta’ kummerċ milli l-oġġetti mibjugħa mill-produtturi tal-Unjoni. Ġie kkonfermat li dan huwa l-każ, u l-industrija tal-Unjoni u l-importaturi tipikament jaqsmu għadd sostanzjali ta’ klijenti. It-talba għalhekk tista’ tkun aċċettata u konċessjoni f’għamla ta’ aġġustament għal-livell tal-kummerċ kien applikat.

(55)

B’riżultat ta’ dan, il-marġnijiet ta’ twaqqigħ fil-prezzijiet li jingħataw fil-premessa (110) tar-Regolament provviżorju ġew riveduti 'l isfel. Madankollu, il-marġnijiet tat-twaqqigħ fil-prezzijiet li nstabu, tipikament jibqgħu sostanzjali f’minn 25 % sa 45 %, bl-unika eċċezzjoni ta’ esportatur Tajlandiż wieħed fejn il-marġini ta’ tnaqqis nstab li kien ta’ madwar 10 %.

(56)

Fin-nuqqas ta’ kwalunkwe talba jew kummenti oħra, il-kontenut tal-premessi minn (108) sa (109) tar-Regolament provviżorju huwa b’dan ikkonfermat.

(57)

Fin-nuqqas ta’ kummenti oħra, il-premessa (111) tar-Regolament provviżorju hija b'dan ikkonfermata.

(58)

Fin-nuqqas ta' kummenti dwar il-produzzjoni, il-kapaċità tal-produzzjoni u l-utilizzazzjoni tal-kapaċità, il-premessi minn (112) sa (114) tar-Regolament provviżorju huma b'dan ikkonfermati.

(59)

Fin-nuqqas ta’ kummenti dwar il-ħażniet, il-premessa (115) tar-Regolament provviżorju hija hawnhekk konfermata.

(60)

Bħala konsegwenza tal-ħruġ imsemmi fil-premessa (41) hawn fuq, il-volum ta’ bejgħ u s-sehem mis-suq tal-industrija tal-Unjoni kellhom jiġu riveduti wkoll. Il-volum tal-bejgħ tal-produtturi kollha tal-Unjoni fis-suq tal-Unjoni naqas b’mod sinifikanti b’36 % bejn l-2008 u l-2009 minħabba tnaqqis fid-domanda. Wara l-2009, madankollu, id-domanda fl-Unjoni żdiedet b’madwar 6 000 tunnellata, kif imsemmi fil-premessa (42) hawn fuq, iżda l-bejgħ tal-Unjoni naqas aktar minn 5 punti perċentwali oħra jew 2 440 tunnellata sa tmiem il-perjodu kkunsidrat.

(61)

Is-sehem mis-suq tal-industrija tal-Unjoni naqas kontinwament b’26 % jew 14,8 punti perċentwali matul il-perjodu kkunsidrat, filwaqt li l-importazzjonijiet soġġetti għal dumping kisbu 15,6 punti perċentwali ta’ sehem mis-suq matul l-istess perjodu, kif indikat fil-premessa (52) hawn fuq.

(62)

Parti waħda interessata stqarret li l-ishma tas-suq fis-segment tas-suq mhux domestiku fir-Renju Unit kienu se juru ishma differenti tas-suq, bl-industrija tal-Unjoni li għandha sehem ikbar tas-suq, filwaqt li s-sehem tal-importazzjonijiet Ċiniżi jkun iżgħar f'dan is-segment partikolari tas-suq tal-Unjoni.

(63)

Jista’ jkun il-każ li l-industrija tal-Unjoni għandha sehem ikbar f’segment partikolari tas-suq f’Stat Membru wieħed. Huwa fil-fatt normali li bosta operaturi ekonomiċi ma għandhomx l-istess ishma tas-suq fis-segmenti kollha tas-suq tal-Istati Membri kollha. Madankollu, l-analiżi attwali tal-ħsara tkopri s-suq kollu tal-Unjoni. F’dan ir-rigward, kien verament ikkonfermat li s-sehem tas-suq tal-industrija tal-Unjoni naqas b’mod sinifikanti, kif spejgat hawn fuq.

(64)

Fin-nuqqas ta’ xi talba jew kummenti oħra, il-kontenut tal-premessi minn (118) sa (133) tar-Regolament provviżorju, inkluża l-konklużjoni li l-industrija tal-Unjoni ġarrbet ħsara materjali skont it-tifsira tal-Artikolu 3(5) tar-Regolament bażiku, huwa b'dan ikkonfermat.

(65)

Bħala konsegwenza tal-kwistjoni li tikkonċerna l-bejgħ tal-Unjoni tal-industrija tal-Unjoni msemmija fil-premessa (41) hawn fuq, is-sehem mis-suq tal-pajjiżi terzi l-oħrajn kellu jiġi rivedut ukoll. Għall-pajjiżi terzi l-oħra, kien hemm importazzjonijiet limitati matul il-perjodu sħiħ ikkonċernat. Is-sehem totali mis-suq ta’ importazzjonijiet minn pajjiżi għajr iż-żewġ pajjiżi kkonċernati, naqas bi 0,8 punti perċentwali matul il-perjodu kkunsidrat, minn 9,0 % għal 8,2 %.

(66)

L-akbar sorsi ta’ warajhom ta’ importazzjonijiet matul il-PI kienu l-Brażil, l-Indoneżja, u t-Turkija, li kellhom ishma mis-suq ta’ bejn 1,3 % u 1,5 % rispettivament, u dawn il-pajjiżi kollha tilfu sehem mis-suq matul il-perjodu kkunsidrat.

(67)

Minħabba l-volumi limitati u x-xejra stabbli, jista’ jiġi konkluż li l-importazzjonijiet minn pajjiżi terzi għajr il-pajjiżi kkonċernati ma jidhrux li kkontribwew għall-ħsara mġarrba mill-industrija tal-Unjoni matul il-PI.

(68)

Partijiet interessati argumentaw li l-konsum tal-Unjoni żviluppa b’mod negattiv minħabba t-tfaċċar ta’ prodotti sostituti mmanifatturati b’materjali differenti għajr ħadid fondut malleabbli, bħall-plastik, azzar inossidabbli, azzar bil-karbonju u r-ram, kif ukoll teknoloġiji ġodda ta’ konnessjoni. Bħala konsegwenza, xi produtturi tal-Unjoni estendew il-firxa tal-prodotti tagħhom, li issa tinkludi wkoll xi wħud minn dawn il-prodotti ta’ sostituzzjoni.

(69)

F’dan ir-rigward, ta’ min jinnota li l-effetti ta’ sostituzzjoni kienu indirizzati fil-premessa (146) tar-Regolament provviżorju. Dawn l-effetti ta’ sostituzzjoni kellhom impatt negattiv fuq il-konsum tal-Unjoni, li bħala konsegwenza kellhom effett fuq il-produzzjoni u l-volum tal-bejgħ tal-produtturi tal-Unjoni.

(70)

Madankollu, kif diġà ġie indikat fir-Regolament provviżorju, l-effett ta’ ħsara tat-tnaqqis fil-konsum tal-Unjoni ġie aggravat miż-żieda stabbli ta’ importazzjonijiet li huma l-oġġett ta’ dumping li kisbu 15,6 punti perċentwali ta’ sehem mis-suq f’suq li kien qed jiċkien. Kif indikat fil-premessa 60 hawn fuq, id-domanda fl-Unjoni żdiedet b’madwar 6 000 tunnellata bejn l-2009 u l-PI, iżda l-bejgħ tal-industrija tal-Unjoni naqas b’aktar minn 2 440 tunnellata oħra sa tmiem il-perjodu kkunsidrat f’suq li qed jirkupra.

(71)

Fuq il-bażi ta’ dan ta’ hawn fuq, huwa konkluż li l-iżvilupp negattiv tal-konsum tal-Unjoni ma jiksirx ir-rabta kawżali bejn l-importazzjonijiet dumped u l-ħsara mġarrba mill-industrija tal-Unjoni.

(72)

Partijiet interessati stqarrew li t-tnaqqis fil-kapaċità tal-produzzjoni msemmi fil-premessa (113) tar-Regolament provviżorju huwa minħabba l-għeluq ta’ tliet produtturi tal-Unjoni bejn l-2008 u l-2009 minħabba l-kriżi ekonomika. Dan it-tnaqqis jista’ b’hekk allegatament ma jiġix attribwit għal importazzjonijiet mill-pajjiżi kkonċernati.

(73)

F’dan ir-rigward, ta’ min jinnota li dan kien diġà ssemma fil-premessa (113) tar-Regolament provviżorju li r-raġuni ewlenija għat-tnaqqis fil-kapaċità tal-produzzjoni kienet l-għeluq ta’ tliet produtturi tal-Unjoni.

(74)

Madankollu, l-għeluq ta’ tliet produtturi tal-Unjoni għandu jitqies bħala effett f’domanda li qed tonqos. Matul il-perjodu kkunsidrat, it-tnaqqis tas-suq tal-Unjoni msemmi fil-premessa (42) kien suġġett għal importazzjonijiet li kienu qed jiżdiedu b'mod kontinwu mill-pajjiżi kkonċernati, li kisbu 15,6 punti perċentwali tas-sehem mis-suq, kif spjegat fil-premessa (52) hawn fuq. Għalhekk huwa ċar li mhux biss id-domanda li qed tonqos ikkontribwixxiet għall-għeluq ta’ tliet produtturi tal-Unjoni u b’hekk għat-tnaqqis fil-kapaċità tal-produzzjoni tal-industrija tal-Unjoni. Kien hemm ukoll rabta ċara bejn it-tnaqqis fil-kapaċità ta’ produzzjoni tal-Unjoni u ż-żieda fis-sehem tas-suq ta’ importazzjonijiet dumped.

(75)

Partijiet interessati stqarru li l-ħsara mġarrba mill-produtturi tal-Unjoni kienet għamlitha b’idejha stess, peress li allegatament importaw kwantitajiet sinifikanti tal-prodott ikkonċernat. Din l-affermazzjoni ma ġietx appoġġata mis-sejbiet tal-investigazzjoni. L-informazzjoni pprovduta miż-żewġ produtturi u esportaturi tal-Unjoni li kkooperaw uriet li, għal kull wieħed mill-gruppi ta’ produtturi tal-Unjoni fil-kampjun, dawn l-importazzjonijiet kienu minuri meta mqabbla mal-produzzjoni u l-bejgħ totali ta’ oġġetti kif diġà indikat fil-premessa (37) hawn fuq. Minħabba l-inutilità tal-volumi tal-importazzjonijiet tal-prodott ikkonċernati mill-industrija tal-Unjoni, ġie konkluż li dawk l-importazzjonijiet ma kkontribwixxewx b’mod sinifikanti għall-ħsara li sofriet l-industrija tal-Unjoni. B’konsegwenza, l-allegazzjoni ġiet miċħuda.

(76)

Partijiet interessati sostnew li t-tendenza li qed tiddeterjora tal-industrija tal-UE hija bbażata fil-biċċa l-kbira fuq l-użu tal-2008 bħala punt ta’ referenza għall-perjodu kkunsidrat. Allegatament, il-2008 kienet sena eċċezzjonalment tajba għall-industrija tal-Unjoni. Madankollu, l-informazzjoni inkluża fl-ilment tissuġġerixxi li s-sitwazzjoni tal-industrija tal-UE fl-2007 kien simili jew aħjar mis-sitwazzjoni fl-2008. B’hekk huwa konkluż li s-sejba ta’ ħsara ma tiddependix fuq l-użu tal-2008 bħala s-sena tal-bidu.

(77)

Meta tqies li ntqal hawn fuq u fin-nuqqas ta’ kwalunkwe talba jew kummenti oħra, il-kontenut tal-premessi minn (134) sa (153) tar-Regolament provviżorju huwa b’dan ikkonfermat.

(78)

B’konklużjoni, huwa kkonfermat li l-ħsara materjali li soffriet l-industrija tal-Unjoni, li hija kkaratterizzata minn tnaqqis fil-profittabilità, il-volumi tal-produzzjoni, l-użu tal-kapaċità, il-volumi tal-bejgħ u s-sehem mis-suq kienet ikkawżata mill-importazzjonijiet ikkonċernati li huma l-oġġett ta’ dumping. Tabilħaqq, l-effett ta’ domanda li tonqos fuq l-iżviluppi negattivi tal-industrija tal-Unjoni f’termini tal-kapaċità ta’ produzzjoni, produzzjoni u bejgħ kien wieħed limitat.

(79)

Meta titqies l-analiżi ta’ hawn fuq li għamlet distinzjoni xierqa u sseparat l-effetti tal-fatturi kollha magħrufa fis-sitwazzjoni tal-industrija tal-Unjoni mill-effetti ta’ ħsara ta’ l-importazzjonijiet li kienu soġġetti għal dumping, hawnhekk qed jiġi kkonfermat li dawn il-fatturi l-oħra bħala tali ma jdawrux il-fatt li l-ħsara vvalutata trid tkun attribwita lill-importazzjonijiet li kienu soġġetti għal dumping.

(80)

Fin-nuqqas ta’ xi kummenti oħra, il-premessi minn (154) sa (164) tar-Regolament provviżorju, inkluża l-konklużjoni li ma teżisti l-ebda raġuni soda kontra l-impożizzjoni ta' miżuri fuq l-importazzjonijiet li huma l-oġġett ta’ dumping mill-pajjiżi kkonċernati, huma b’dan ikkonfermati.

(81)

Il-livelli tat-tneħħija tal-ħsara ġew aġġustati biex iqisu l-livell ta’ aġġustament kummerċjali magħmula fil-kalkolu tat-twaqqigħ tal-prezz kif spjegat fil-premessi (54) u (55) hawn fuq. Fin-nuqqas ta’ kwalunkwe kumment speċifiku, il-premessi minn (165) sa (170) tar-Regolament provviżorju qegħdin b’dan jiġu kkonfermati.

(82)

Fid-dawl tal-konklużjonijiet li ntlaħqu rigward id-dumping, il-ħsara, il-kawżalità u l-interess tal-Unjoni, u skont l-Artikolu 9 tar-Regolament bażiku, huwa kkunsidrat li għandu jiġi impost dazju definittiv kontra d-dumping fuq l-importazzjonijiet tal-prodott ikkonċernat li joriġina mir-RPĊ u t-Tajlandja fil-livell tal-marġini tad-dumping u tal-ħsarat l-aktar baxxi li jinstabu, skont ir-regola tad-dazju l-aktar baxx, li f’kull każ huwa l-marġini tal-ħsara.

(83)

Minħabba r-rata għolja ta’ kooperazzjoni tal-produtturi esportaturi Ċiniżi u Tajlandiżi, id-dazju tal-kumpaniji l-oħrajn kollha għaż-żewġ pajjiżi ġie stabbilit fil-livell tal-ogħla dazju li għandu jiġi impost fuq il-kumpaniji, rispettivament, inklużi fil-kampjun jew li kienu qegħdin jikkooperaw fl-investigazzjoni mill-pajjiż rispettiv. Id-dazju tal-"kumpaniji l-oħra kollha" għandu jiġi applikat għal dawk il-kumpaniji li ma kinux ikkooperaw fl-investigazzjoni u biex il-kumpaniji li ma kellhomx esportazzjonijiet tal-prodott ikkonċernat lejn l-Unjoni matul il-PI.

(84)

Għall-kumpaniji Ċiniżi li kkooperaw u li mhumiex inklużi fil-kampjun elenkati fl-Anness, ir-rata tad-dazju provviżorju hija stabbilita fil-medja peżata tar-rati tal-kumpaniji fil-kampjun.

(85)

Ir-rati tad-dazji antidumping definittivi huma kif ġej:

Ir-Repubblika Popolari taċ-Ċina

It-Tajlandja

(86)

Ir-rati tad-dazju antidumping tal-kumpaniji individwali speċifikati f'dan ir-Regolament ġew stabbiliti abbażi tas-sejbiet tal-investigazzjoni preżenti. Gћalhekk, dawn jirriflettu l-qagħda ta’ dawn il-kumpaniji li nstabet matul din l-investigazzjoni. Dawn ir-rati ta’ dazju (għall-kuntrarju tad-dazju nazzjonali applikabbli għall-“kumpaniji l-oħrajn kollha”) huma għalhekk esklussivament applikabbli għal importazzjonijiet ta’ prodotti li joriġinaw fil-pajjiż ikkonċernat u magħmula mill-kumpaniji u għalhekk mill-entitajiet legali speċifikati msemmija. Il-prodotti importati manifatturati minn kwalunkwe kumpanija oħra mhux imsemmija speċifikament fil-parti operattiva ta’ dan ir-Regolament, bl-isem u l-indirizz tagħha, inklużi l-entitajiet relatati ma’ dawk imsemmija speċifikament, ma jistgħux jibbenifikaw minn dawn ir-rati u għandhom ikunu soġġetti għar-rata tad-dazju applikabbli għall-“kumpaniji l-oħrajn kollha”.

(87)

Kwalunkwe talba gћall-applikazzjoni ta’ din ir-rata ta’ dazju antidumping gћal kumpaniji individwali (pereżempju wara bdil fl-isem tal-entità jew wara li jiġu stabbiliti entitajiet ġodda tal-produzzjoni jew tal-bejgћ) gћandha tiġi indirizzata minnufih lill-Kummissjoni (5) bit-tagħrif kollu rilevanti, b’mod partikolari fir-rigward ta’ kwalunkwe modifika fl-attivitajiet tal-kumpanija marbuta mal-produzzjoni, mal-bejgћ domestiku u ma’ dak tal-esportazzjoni u li jkunu assoċjati, pereżempju, ma’ dik il-bidla fl-isem jew ma’ dik il-bidla fl-entitajiet tal-produzzjoni u tal-bejgћ. Jekk ikun xieraq, ir-Regolament għandu wara jiġi emendat kif xieraq bl-aġġornament tal-lista ta’ kumpaniji li jkunu qegħdin jibbenefikaw minn rati tad-dazju individwali.

(88)

Fir-rigward tar-RPĊ, sabiex jiġi żgurat l-istess trattament bejn kwalunkwe esportatur ġdid u l-kumpaniji li jikkooperaw mhux inklużi fil-kampjun, id-dazju medju ppeżat impost fuq dawn il-kumpaniji tal-aħħar għandu jiġi previst sabiex jiġi applikat għal kwalunkwe esportatur ġdid li nkella jkollu dritt għal reviżjoni skont l-Artikolu 11(4) tar-Regolament bażiku billi dak l-Artikolu ma japplikax fejn ikun sar it-teħid tal-kampjuni.

(89)

Il-partijiet kollha ġew infurmati bil-fatti u l-kunsiderazzjonijiet essenzjali li fuq il-bażi tagħhom kien maħsub li tkun rakkomandata l-impożizzjoni ta’ dazju definittiv ta’ antidumping fuq importazzjonijiet ta’ fittings fonduti ta’ tubi jew pajpijiet bil-kamin, ta’ ħadid fondut malleabbli, li joriġinaw mir-RPĊ u t-Tajlandja, u l-ġbir definittiv tal-ammonti garantiti permezz tad-dazju provviżorju (“żvelar finali”). Dawn ingħataw ukoll perjodu li fih setgħu jagħmlu rappreżentazzjonijiet wara dan l-iżvelar.

(90)

Minħabba li wara l-iżvelar finali ma tressaq l-ebda argument ġdid li seta’ jinfluwenza r-riżultat tal-valutazzjoni tal-każ, ma hemm bżonn ta’ ebda modifika tal-konklużjonijiet kif dettaljati hawn fuq.

(91)

Produttur esportatur Tajlandiż li kkoopera offra impenn fuq il-prezz skont l-Artikolu 8(1) tar-Regolament bażiku. Madankollu l-prodott ikkonċernat jeżisti f’numri kbir ta’ tipi tal-prodott (il-produttur esportatur irrapporta iktar minn 900 tip tal-prodott li nbiegħu fl-UE), li għalihom il-prezzijiet ivarjaw b’mod sinifikanti (sa 200 % fi ħdan it-tipi l-aktar mibjugħa imma xi ftit prodotti li nbiegħu inqas jistgħu jkunu 10 darbiet ogħla minn oħrajn), biex b’hekk ikunu ta’ riskju għoli għal kumpens trasversali. Barra minn hekk, it-tipi ta’ prodotti jistgħu jinbidlu fid-disinn u l-prodott finali. B’hekk kien ikkunsidrat li l-prodott mhuwiex xieraq għal impenn fuq il-prezz. Ukoll, kienet il-prattika konsistenti tal-Kummissjoni fl-aħħar snin li ma taċċettax impenji fuq il-prezz f’każijiet fejn il-prodott jeżisti f’numru kbir ta’ tipi. B’konsegwenza, l-offerta ta’ impenn fuq il-prezz ġiet miċħuda.

(92)

Minħabba l-kobor tal-marġnijiet ta' dumping misjuba u fid-dawl tal-livell ta' ħsara kkważata lill-industrija tal-Unjoni, jitqies li hu meħtieġ li l-ammonti garantiti permezz tad-dazju antidumping provviżorju impost bir-Regolament provviżorju għandhom jinġabru definittivament. Fejn id-dazji definittivi huma ogħla mid-dazji provviżorji, l-ammonti garantiti fil-livell tad-dazji provviżorji biss għandhom jinġabru b’mod definittiv, waqt li l-ammonti garantiti lil hinn mir-rata definittiva tad-dazji antidumping għandhom jiġu rilaxxati.

(93)

Bħala korpi ta’ fittings ta’ kompressjoni bl-użu tal-ħajta metrika ISO DIN 13 u kaxxi fejn jingħaqdu l-kejbils tal-ħadid malleabbli bil-kamin ċirkolari mingħajr ma jkollhom għatu issa huma esklużi mill-korp ta' applikazzjoni tal-prodott (ara l-premessi (8) u (11) hawn fuq), l-ammonti garantiti b’mod provviżorju fuq importazzjonijiet ta’ korpi ta’ fittings ta’ kompressjoni bl-użu tal-ħajta metrika ISO DIN 13 u kaxxi fejn jingħaqdu l-kejbils tal-ħadid malleabbli bil-kamin ċirkolari mingħajr ma jkollhom għatu għandhom jiġu rilaxxati.

(94)

Kif spjegat fil-premessa (43) hawn fuq, il-volumi ta’ importazzjonijiet dumped mill-Indoneżja jistgħu jitqiesu li ma jikkostitwixxux kawża ta’ ħsara materjali lill-industrija tal-Unjoni. Konsegwentement, huwa kkunsidrat li l-miżuri protettivi mhumiex neċessarji u li l-proċediment fir-rigward tal-Indoneżja għandu jiġi mitmum.

(95)

Il-partijiet kollha ġew infurmati bil-fatti u l-kunsiderazzjonijiet essenzjali li fuqhom kien intiż li jiġi rrakkomandat it-tmiem taż-żewġ investigazzjonijiet u ma tqajmu l-ebda oġġezzjonijiet,

—

ma esportax lejn l-Unjoni l-prodott deskritt fl-Artikolu 1(1) matul il-perjodu tal-investigazzjoni (mill-1 ta’ Jannar 2011 sal-31 ta’ Diċembru 2011),

—

mhux relatat mal-ebda wieħed mill-esportaturi jew produtturi fir-RPĊ li huma soġġetti għall-miżuri imposti minn dan ir-Regolament,

—

li effettivament esporta lejn l-Unjoni l-prodott ikkonċernat wara l-perjodu tal-investigazzjoni li fuqu huma bbażati l-miżuri, jew li jkun daħal f’obbligu kuntrattwali irrevokabbli sabiex jesporta kwantità sinifikanti lejn l-Unjoni,

14.5.2013   

MT

Il-Ġurnal Uffiċjali tal-Unjoni Ewropea

L 129/12

(1)

Ir-Regolament tal-Kunsill (KE) Nru 147/2003 (2) jimponi projbizzjoni ġenerali fuq l-għoti ta’ pariri tekniċi, assistenza, taħriġ, finanzjament u għajnuna finanzjarja relatati ma’ attivitajiet militari, lil kwalunkwe persuna, entità jew korp fis-Somalja.

(2)

Fis-6 ta’ Marzu 2013, il-Kunsill tas-Sigurtà tan-Nazzjonijiet Uniti adotta r-Riżoluzzjoni 2093 (2013). Dik ir-Riżoluzzjoni emendat l-embargo fuq l-armi impost mir-Riżoluzzjoni tal-Kunsill tas-Sigurtà tan-Nazzjonijiet Uniti (UNSCR) 733 (1992) u li ġie elaborat aktar mill-UNSCR 1425 (2002). L-UNSCR 2093 (2013) tipprovdi għal deroga mill-projbizzjoni ta’ assistenza relatata ma’ armamenti u tagħmir militari intiż għall-appoġġ tas-sħab strateġiċi tal-AMISOM, għall-persunal tan-Nazzjonijiet Uniti, u għall-missjoni suċċessura tal-Uffiċċju Politiku tan-Nazzjonijiet Uniti għas-Somalja, u tissospendi parzjalment l-embargo fuq l-armi relattivament għall-iżvilupp tal-Forzi tas-Sigurtà tal-Gvern Federali tas-Somalja.

(3)

Fil-25 ta’ April 2013 il-Kunsill adotta d-Deċiżjoni 2013/201/PESK (3), li temenda d-Deċiżjoni 2010/231/PESK u tipprovdi għal derogi ekwivalenti għal dawk previsti mir-Riżoluzzjoni 2093 (2013).

(4)

Dawn il-miżuri jaqgħu fil-kamp ta’ applikazzjoni tat-Trattat dwar il-Funzjonament tal-Unjoni Ewropea u għalhekk teħtieġ azzjoni regolatorja fil-livell tal-Unjoni għall-finijiet ta’ implimentazzjoni, partikolarment bil-għan li tiġi żgurata l-applikazzjoni uniformi tagħha mill-operaturi ekonomiċi fl-Istati Membri kollha.

(5)

Ir-Regolament (KE) Nru 147/2003 għandu għalhekk jiġi emendat kif meħtieġ,

(1)

L-Artikolu 2a huwa sostitwit b’dan li ġej:

“Artikolu 2a

B’deroga mill-Artikolu 1, l-awtorità kompetenti, kif indikata fil-websajts stabbiliti fl-Anness I, fl-Istat Membru fejn il-fornitur tas-servizz huwa stabbilit, tista’ tawtorizza, taħt dawk il-kundizzjonijiet li hija tikkunsidra xierqa:

(2)

Fl-Artikolu 3(1), il-punti (c) u (d) huma mħassra.

(3)

It-test stabbilit fl-Anness ta’ dan ir-Regolament jiddaħħal bħala l-Anness III.

14.5.2013   

MT

Il-Ġurnal Uffiċjali tal-Unjoni Ewropea

L 129/15

(1)

Ir-Regolament tal-Kunsill (UE) Nru 356/2010 (2) jimponi miżuri restrittivi kontra l-persuni, entitajiet u korpi identifikati fl-Anness I ta' dak ir-Regolament, kif previst fir-Riżoluzzjoni 1844 (2008) tal-Kunsill tas-Sigurtà tan-Nazzjonijiet Uniti.

(2)

Fis-6 ta’ Marzu 2013, il-Kunsill tas-Sigurtà tan-Nazzjonijiet Uniti adotta r-Riżoluzzjoni 2093 (2013) li aġġornat il-kriterji ta’ nominazzjoni applikati mill-Kumitat tas-Sanzjonijiet tal-Kunsill tas-Sigurtà stabbiliti taħt ir-Riżoluzzjoni 751 (1992) dwar is-Somalja.

(3)

Fil-25 ta’ April 2013 il-Kunsill adotta d-Deċiżjoni 2013/201/PESK (3), li temenda d-Deċiżjoni 2010/231/PESK u tipprovdi għal derogi ekwivalenti għal dawk previsti mir-Riżoluzzjoni 2093 (2013).

(4)

Din il-miżura taqa’ fil-kamp ta' applikazzjoni tat-Trattat u għalhekk teħtieġ azzjoni regolatorja fil-livell tal-Unjoni għall-finijiet tal-implimentazzjoni tagħha, partikolarment bil-għan li tiġi żgurata l-applikazzjoni uniformi tagħha mill-operaturi ekonomiċi fl-Istati Membri kollha.

(5)

Ir-Regolament (UE) Nru 356/2010 għandu għalhekk jiġi emendat kif meħtieġ,

14.5.2013   

MT

Il-Ġurnal Uffiċjali tal-Unjoni Ewropea

L 129/17

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

Skont l-ewwel subparagrafu tal-Artikolu 9(1) tar-Regolament (KE) Nru 510/2006, il-Kummissjoni eżaminat l-applikazzjoni tal-Greċja għall-approvazzjoni ta’ emenda fl-ispeċifikazzjoni tad-denominazzjoni protetta tal-oriġini “Κοπανιστή” (Kopanisti), irreġistrata skont ir-Regolament tal-Kummissjoni (KE) Nru 1107/1996 (3).

(3)

Ladarba l-emenda kkonċernata mhix minuri, il-Kummissjoni ppubblikat it-talba għall-emenda f’Il-Ġurnal Uffiċjali tal-Unjoni Ewropea, skont l-Artikolu 6(2) tar-Regolament (KE) Nru 510/2009 (4). Billi l-Kummissjoni ma ġiet innotifikata bl-ebda dikjarazzjoni ta’ oġġezzjoni skont l-Artikolu 7 tal-istess Regolament, l-emenda għandha tiġi approvata,

14.5.2013   

MT

Il-Ġurnal Uffiċjali tal-Unjoni Ewropea

L 129/19

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

Skont l-ewwel paragrafu tal-Artikolu 9(1) tar-Regolament (KE) Nru 510/2006, il-Kummissjoni eżaminat it-talba mressqa minn Franza għall-approvazzjoni ta’ emenda fl-ispeċifikazzjoni tal-indikazzjoni ġeografika protetta “Mâche nantaise”, irreġistrata skont ir-Regolament tal-Kummissjoni (KE) Nru 1645/1999 (3).

(3)

Ladarba l-emenda kkonċernata mhijiex minuri, il-Kummissjoni ppubblikat it-talba għall-emenda f’Il-Ġurnal Uffiċjali tal-Unjoni Ewropea  (4), skont l-Artikolu 6(2) tar-Regolament (KE) Nru 510/2006. Billi l-Kummissjoni ma ġiet innotifikata bl-ebda dikjarazzjoni ta’ oġġezzjoni skont l-Artikolu 7 tar-Regolament imsemmi, l-emenda għandha tiġi approvata,

14.5.2013   

MT

Il-Ġurnal Uffiċjali tal-Unjoni Ewropea

L 129/21

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

Skont l-ewwel subparagrafu tal-Artikolu 9(1) tar-Regolament (KE) Nru 510/2006, il-Kummissjoni eżaminat l-applikazzjoni tal-Greċja għall-approvazzjoni ta’ emenda fl-ispeċifikazzjoni tad-denominazzjoni protetta tal-oriġini “Βόρειος Μυλοπόταμος Ρεθύμνης Κρήτης” (Vorios Mylopotamos Rethymnis Kritis), irreġistrata skont ir-Regolament tal-Kummissjoni (KE) Nru 1107/96 (3).

(3)

Ladarba l-emenda kkonċernata mhix minuri, il-Kummissjoni ppubblikat it-talba għall-emenda f’Il-Ġurnal Uffiċjali tal-Unjoni Ewropea, skont tal-Artikolu 6(2) tar-Regolament (KE) Nru 510/2006 (4). Billi l-Kummissjoni ma ġiet innotifikata bl-ebda dikjarazzjoni ta’ oġġezzjoni skont l-Artikolu 7 tar-Regolament, l-emenda għandha tiġi approvata,

14.5.2013   

MT

Il-Ġurnal Uffiċjali tal-Unjoni Ewropea

L 129/23

(1)

Ir-Regolament (UE) Nru 1151/2012 daħal fis-seħħ fit-3 ta’ Jannar 2013. Dan ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2).

(2)

Skont l-ewwel subparagrafu tal-Artikolu 9(1) tar-Regolament (KE) Nru 510/2006, il-Kummissjoni eżaminat l-applikazzjoni tal-Portugall għall-approvazzjoni ta’ emenda fl-ispeċifikazzjoni tad-denominazzjoni protetta tal-oriġini “Queijo de Cabra Transmontano”/“Queijo de Cabra Transmontano Velho”, irreġistrata skont ir-Regolament tal-Kummissjoni (KE) Nru 1263/1996 (3).

(3)

Ladarba l-emenda kkonċernata mhijiex minuri, il-Kummissjoni ppubblikat it-talba għall-emenda, skont l-Artikolu 6(2) tar-Regolament tal-Kunsill (KE) Nru 510/2006 (4), f’Il-Ġurnal Uffiċjali tal-Unjoni Ewropea. Billi l-Kummissjoni ma ġiet innotifikata bl-ebda dikjarazzjoni ta’ oġġezzjoni skont l-Artikolu 7 tar-Regolament imsemmi, l-emenda għandha tiġi approvata,

14.5.2013   

MT

Il-Ġurnal Uffiċjali tal-Unjoni Ewropea

L 129/25

(1)

Ir-Regolament tal-Kummissjoni (KE) Nru 798/2008 tat-8 ta’ Awwissu 2008 li jistabbilixxi lista ta’ pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta’ tjur u prodotti tat-tjur fil-Komunità u r-rekwiżiti ta’ ċertifikazzjoni veterinarja (2), jipprevedi li l-komoditajiet koperti b’dak ir-Regolament jistgħu biss jiġu importati fl-Unjoni jew jgħaddu fi tranżitu minnha mill-pajjiżi terzi, territorji, żoni jew kumpartimenti elenkati fil-kolonni 1 u 3 tat-tabella fil-Parti 1 tal-Anness I tiegħu.

(2)

Ir-Regolament (KE) Nru 798/2008 jistabbilixxi wkoll il-kundizzjonijiet għal pajjiż terz, territorju, żona jew kumpartiment li għandhom jitqiesu bħala ħielsa mill-influwenza tat-tjur b’patoġeniċità għolja (HPAI) u r-rekwiżiti għaċ-ċertifikazzjoni veterinarja f’dak ir-rigward għall-komoditajiet maħsuba għall-importazzjoni fl-Unjoni.

(3)

Il-Messiku huwa elenkat fit-tabella fil-Parti 1 tal-Anness I tar-Regolament (KE) Nru 798/2008 bħala pajjiż terz li minnu jistgħu jiġu importati fl-Unjoni bajd u prodotti tal-bajd speċifikati ħielsa mill-patoġeni, sakemm dawn ikunu akkumpanjati miċ-ċertifikat rilevanti msemmi fil-kolonna 4 tat-tabella fil-Parti 1 tal-Anness I tiegħu.

(4)

Fil-każ ta’ prodotti tal-bajd, iċ-ċertifikat imsemmi fil-kolonna 4 tat-tabella fil-Parti 1 tal-Anness I tar-Regolament (KE) Nru 798/2008 jinkludi attestazzjoni tas-saħħa tal-annimali li turi li dawn ġejjin minn stabbiliment ħieles mill-HPAI. Barra minn hekk, dik l-attestazzjoni tiċċertifika jew li ma kien hemm l-ebda tifqigħa tal-HPAI matul tal-anqas it-30 jum ta’ qabel f’raġġ ta’ 10 km minn dak l-istabbiliment jew li l-prodotti tal-bajd kienu pproċessati skont wieħed mit-trattamenti stabbiliti f’dak iċ-ċertifikat.

(5)

Fl-2012 bosta tifqigħat tal-HPAI tas-sottotip H7N3 ġew ikkonfermati fl-Istat ta’ Jalisco fil-Messiku, f’żona b’densità għolja ta’ rziezet fejn jitrabbew it-tjur. Il-Messiku applika politika ta’ qerda u wettaq tilqim ta’ emerġenza kontra l-influwenza tat-tjur biex jikkontrolla t-tifqigħat.

(6)

Fl-aħħar ta’ Settembru 2012 ġiet ikkonfermata l-aħħar tifqigħa tal-HPAI ta’ dik l-epidemija u f’Diċembru 2012 il-Messiku ddikjara li t-tifqigħat ġew eradikati.

(7)

Fit-8 ta’ Jannar 2013, il-Messiku nnotifika lill-Kummissjoni b’żewġ tifqigħat tal-HPAI tas-sottotip H7N3 fit-tjur fit-territorju tiegħu fl-Istat ta’ Aguascalientes. Il-marda nfirxet ukoll lejn l-Istati ta’ Jalisco u Guanajuato.

(8)

Minħabba l-konferma tat-tifqigħat tal-HPAI, it-territorju tal-Messiku ma jistax jibqa’ jitqies bħala pajjiż ħieles minn dik il-marda.

(9)

Ir-rikorrenza tat-tifqigħat tal-HPAI tqajjem tħassib dwar l-effettività tal-miżuri, inkluż it-tilqim, li huma applikati fil-Messiku biex jikkontrollaw l-HPAI.

(10)

L-importazzjonijiet ta’ prodotti tal-bajd ipproċessati skont wieħed mit-trattamenti stabbiliti fiċ-ċertifikat rilevanti msemmi fil-kolonna 4 tat-tabella fil-Parti 1 tal-Anness I tar-Regolament (KE) Nru 798/2008, li joriġinaw f’pajjiżi terzi, territorji, żoni jew kumpartimenti li mhumiex ħielsa mill-HPAI, jitqiesu li jippreżentaw riskju negliġibbli għall-introduzzjoni tal-vajrus fl-Unjoni.

(11)

Madankollu, minħabba l-firxa rapida tal-marda tal-HPAI u r-riskju li t-tifqigħat tal-HPAI ma jiġux individwati fil-ħin mill-awtorità kompetenti Messikana, l-importazzjonijiet lejn l-Unjoni jew it-tranżitu minnha ta’ prodotti tal-bajd mill-Messiku għandhom jiġu pprojbiti temporanjament sakemm ikunu jistgħu jiġu pprovduti garanziji sodisfaċenti minn dak il-pajjiż.

(12)

Ir-Regolament (KE) Nru 798/2008 għandu għalhekk jiġi emendat skont dan.

(13)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

14.5.2013   

MT

Il-Ġurnal Uffiċjali tal-Unjoni Ewropea

L 129/28

(1)

L-Anness II tar-Regolament (KE) Nru 1333/2008 jistabbilixxi lista ta’ addittivi tal-ikel tal-Unjoni approvati għall-użu fl-ikel, u l-kundizzjonijiet tal-użu tagħhom.

(2)

Din il-lista tista’ tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (2), jew fuq inizjattiva tal-Kummissjoni jew wara li ssir applikazzjoni.

(3)

Il-lista tal-addittivi tal-ikel tal-Unjoni ġiet stabbilita abbażi tal-addittivi tal-ikel li jistgħu jintużaw fl-ikel skont id-Direttiva tal-Parlament Ewropew u tal-Kunsill 94/35/KE tat-30 ta’ Ġunju 1994 dwar is-sustanzi li jagħtu ħlewwa għall-użu f’oġġetti tal-ikel (3), id-Direttiva 94/36/KE tal-Parlament Ewropew u tal-Kunsill tat-30 ta’ Ġunju 1994 dwar il-kuluri għall-użu fl-ikel (4), u d-Direttiva tal-Parlament Ewropew u tal-Kunsill 95/2/KE tal-20 ta’ Frar 1995 dwar l-addittivi tal-ikel għajr kuluri u sostanzi li jagħtu ħlewwa (5), u wara reviżjoni tal-konformità tagħhom mal-Artikoli 6, 7 u 8 tar-Regolament (KE) Nru 1333/2008. Il-lista tal-Unjoni stabbilita fl-Anness II tar-Regolament (KE) Nru 1333/2008 telenka l-addittivi tal-ikel abbażi tal-kategoriji tal-ikel li magħhom jistgħu jiżdiedu dawk l-addittivi.

(4)

Minħabba d-diffikultajiet preżenti matul it-trasferiment tal-addittivi tal-ikel għas-sistema l-ġdida ta’ kategorizzazzjoni prevista fl-Anness II tar-Regolament (KE) Nru 1333/2008, ġew introdotti ċerti żbalji u għandhom jiġu kkoreġuti. B’mod partikolari, l-użu tal-antiossidanti fi frott u ħxejjex imqaxxra u mqatta’ għandu jkun limitat għal frott u ħxejjex ippakkjati minn qabel, imkessħa, mhux ipproċessati u lesti għall-konsum biss. L-użu tal-aċidu sorbiku – sorbati, aċidu Benżojku – benżoati; il-p-idrossibenżoati(E 200–219) għandhom ikomplu jkunu awtorizzati fi prodotti tal-laħam ittrattati bis-sħana, u l-użu tan-Natamiċina (E 235) għandu jibqa’ jkun awtorizzat f’zalzett ikkurat imnixxef u ttrattat bis-sħana. Il-limiti massimi għall-użu tal-Kurkumina (E 100) f’ħut ipproċessat u prodotti tas-sajd inkluż molluski u krustaċji għandhom jiġu introdotti u jikkorrispondu mal-livelli speċifikati fid-Direttiva 94/36/KE. Il-limiti massimi għall-użu tad-diossidu tas-siliċju – silikati (E 551– 559) għandhom jinbidlu għal quantum satis kif speċifikat fid-Direttiva 95/2/KE u għall-użu tad-diossidu tas-siliċju - silikati (E 551 - 553) kif speċifikat mir-Regolament tal-Kummissjoni (UE) Nru 380/2012 tat-3 ta’ Mejju 2012 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill dwar il-kondizzjonijiet ta’ użu u l-livelli ta’ użu għall-addittivi tal-ikel li fihom l-aluminju (6).

(5)

Hemm kjarifiki meħtieġa fir-rigward tal-użu tal-addittivi tal-ikel f’ċerti kategoriji tal-ikel. Fil-kategorija tal-ikel 13.1.4. “Ikel ieħor għat-tfal iż-żgħar” għandhom jiġu stabbiliti kundizzjonijiet ta’ użu għall-addittivi tal-ikel E 332 “Ċitrati tal-potassju” u E338 “Aċidu fosforiku”. Fil-kategorija tal-ikel 14.2.6 “Xorb spirituż kif definit fir-Regolament (KE) Nru 110/2008” l-użu ta’ kuluri tal-ikel ma għandux ikun awtorizzat f’Geist kif definit fl-Anness II.17 tar-Regolament (KE) Nru 110/2008 tal-Parlament Ewropew u tal-Kunsill tal-15 ta’ Jannar 2008 dwar id-definizzjoni, id-deskrizzjoni, il-preżentazzjoni, l-ittikkettar, u l-protezzjoni ta’ indikazzjonijiet ġeografiċi, ta’ xorb spirituż u li jħassar ir-Regolament tal-Kunsill (KEE) Nru 1576/89 (7) L-użu tal-kuluri tal-ikel Isfar kinolin (E 104), Isfar Inżul ix-Xemx FCF/Isfar fl-Oranġjo S (E 110) u lewn il-pepprin 4R, Aħmar kuċċinilja A (E 124) f’ċertu xorb spirituż għandu jiġi introdott mill-ġdid minħabba li dan l-użu mhux ta’ tħassib dwar is-sikurezza għat-tfal. Għandu jiġi kkjarifikat li Karamelli (E 150a-d) jista’ jintuża fil-prodotti kollha li jappartjenu għall-kategorija tal-ikel 14.2.7.1 “Inbejjed aromatizzati”.

(6)

Għalhekk, il-lista tal-addittivi tal-ikel tal-Unjoni għandha tiġi kkoreġuta, ikkjarifikata u titlesta sabiex tinkludi l-użi kollha permessi u tikkonforma mal-Artikoli 6, 7 u 8 tar-Regolament (KE) Nru 1333/2008.

(7)

Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel (“l-Awtorità”) sabiex taġġorna l-lista tal-Unjoni ta’ addittivi tal-ikel stipulata fl-Anness II għar-Regolament (KE) Nru 1333/2008, għajr meta l-aġġornament inkwistjoni ma jkunx mistenni li jħalli effett fuq is-saħħa tal-bniedem. Minħabba li l-lista tal-Unjoni hija emendata sabiex tinkludi l-użi diġà permessi f’konformità mad-Direttiva 94/35/KE, id-Direttiva 94/36/KE, u d-Direttiva 95/2/KE, tikkostitwixxi aġġornament ta’ din il-lista li x’aktarx ma jħallix effett fuq is-saħħa tal-bniedem. Għalhekk, mhux meħtieġ li tfittex l-opinjoni tal-Awtorità.

(8)

L-Anness II tar-Regolament (KE) Nru 1333/2008 għandu għalhekk jiġi emendat skont dan.

(9)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, u la l-Parlament Ewropew u lanqas il-Kunsill ma opponewhom,

14.5.2013   

MT

Il-Ġurnal Uffiċjali tal-Unjoni Ewropea

L 129/34

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta’ fondi u riżorsi ekonomiċi skont dak ir-Regolament.

(2)

Fit-2 ta' Mejju 2013, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti (KSNU) iddeċieda li jneħħi persuna fiżika waħda mil-lista tiegħu ta’ persuni, gruppi u entitajiet li għalihom għandu japplika l-iffriżar ta’ fondi u riżorsi ekonomiċi, wara li kkunsidra t-talba li għamlet din il-persuna biex titneħħa minn fuq il-lista u r-Rapport Komprensiv tal-Ombudsperson li ġie stabbilit skont ir-Riżoluzzjoni Nru 1904(2009) tal-KSNU.

(3)

L-Anness I tar-Regolament (KE) Nru 881/2002 għandu għalhekk jiġi aġġornat skont dan,

14.5.2013   

MT

Il-Ġurnal Uffiċjali tal-Unjoni Ewropea

L 129/36

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

14.5.2013   

MT

Il-Ġurnal Uffiċjali tal-Unjoni Ewropea

L 129/38

(1)

Id-Deċiżjoni tal-Kummissjoni 2007/777/KE tad-29 ta’ Novembru 2007 li tistipula l-kundizzjonijiet tas-saħħa tal-annimali u tas-saħħa pubblika kif ukoll il-mudelli taċ-ċertifikati għall-importazzjonijiet ta’ ċerti prodotti tal-laħam u ta’ stonkijiet, bżieżaq tal-awrina u msaren ittrattati għall-konsum mill-bniedem minn pajjiżi terzi u li tirrevoka d-Deċiżjoni 2005/432/KE (2), tistabbilixxi regoli dwar l-importazzjonijiet lejn l-Unjoni u t-tranżitu u l-ħażna fl-Unjoni ta’ kunsinni ta’ prodotti tal-laħam u ta’ stonkijiet, bżieżaq tal-awrina u msaren ittrattati, kif definit fir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (3).

(2)

Il-Parti 2 tal-Anness II ta’ dik id-Deċiżjoni tistabbilixxi lista ta’ pajjiżi terzi jew partijiet minnhom minn fejn hija awtorizzata l-introduzzjoni fl-Unjoni ta’ prodotti tal-laħam, stonkijiet, bżieżaq tal-awrina u msaren ittrattati, bil-kundizzjoni li dawk il-komoditajiet jikkonformaw mat-trattament imsemmi f’dik il-Parti.

(3)

Il-Parti 4 tal-Anness II tad-Deċiżjoni 2007/777/KE tistabbilixxi t-trattamenti msemmija fil-Parti 2 ta’ dak l-Anness, filwaqt li tassenja kodiċi lil kull wieħed minn dawk it-trattamenti. Dik il-Parti tistabbilixxi trattament mhux speċifiku “A” u trattamenti speċifiċi minn “B” sa “F”, elenkati mill-aktar wieħed sever għall-inqas wieħed.

(4)

Il-Messiku huwa elenkat fil-Parti 2 tal-Anness II tad-Deċiżjoni 2007/777/KE kif awtorizzat għall-introduzzjoni fl-Unjoni ta’ prodotti tal-laħam u stonkijiet, bżieżaq tal-awrina u msaren ittrattati għall-konsum mill-bniedem meħudin minn tjur, tjur tal-kaċċa mrobbija fl-irziezet u għasafar tal-kaċċa selvaġġi, li ġew soġġetti għat-trattament speċifiku D.

(5)

Fl-2012 għadd ta’ tifqigħat ta’ influwenza tat-tjur b’patoġeniċità għolja (HPAI) tas-sottotip H7N3 ġew ikkonfermati fl-Istat ta’ Jalisco fil-Messiku, f’żona b’densità għolja ta’ rziezet fejn jitrabbew it-tjur. Il-Messiku applika politika ta’ qerda u wettaq tilqim ta’ emerġenza kontra l-influwenza tat-tjur biex jikkontrolla t-tifqigħat.

(6)

Fl-aħħar ta’ Settembru 2012 ġiet ikkonfermata l-aħħar tifqigħa tal-HPAI ta’ dik l-epidemija u f’Diċembru 2012 il-Messiku ddikjara li t-tifqigħat ġew eradikati.

(7)

Fit-8 ta’ Jannar 2013, il-Messiku nnotifika lill-Kummissjoni b’żewġ tifqigħat tal-HPAI tas-sottotip H7N3 fit-tjur fit-territorju tiegħu fl-Istat ta’ Aguascalientes. Il-marda nfirxet ukoll lejn l-Istati ta’ Jalisco u Guanajuato.

(8)

Minħabba l-konferma tat-tifqigħat tal-HPAI, it-territorju tal-Messiku ma jistax jibqa’ jitqies bħala pajjiż ħieles minn dik il-marda.

(9)

Ir-rikorrenza tat-tifqigħat tal-HPAI tqajjem tħassib dwar l-effettività tal-miżuri, inkluż it-tilqim, li huma applikati fil-Messiku biex jikkontrollaw l-HPAI.

(10)

L-importazzjonijiet ta’ prodotti tal-laħam u stonkijiet, bżieżaq tal-awrina u msaren ittrattati għall-konsum mill-bniedem meħudin minn tjur, tjur tal-kaċċa mrobbija fl-irziezet u għasafar tal-kaċċa selvaġġi, li ġew soġġetti għal trattament kif stabbilit fl-Anness II tad-Deċiżjoni 2007/777/KE, minn pajjiżi terzi jew partijiet minnhom li mhumiex ħielsa mill-HPAI, jitqiesu li jippreżentaw riskju negliġibbli għall-introduzzjoni tal-vajrus fl-Unjoni.

(11)

Madankollu, minħabba l-firxa rapida tal-HPAI u r-riskju li t-tifqigħat tal-HPAI ma jiġux individwati fil-ħin mill-awtorità kompetenti Messikana, l-importazzjonijiet lejn l-Unjoni u t-tranżitu minnha ta’ prodotti tal-laħam u stonkijiet, bżieżaq tal-awrina u msaren ittrattati għall-konsum mill-bniedem li joriġinaw f’dak il-pajjiż terz għandhom jiġu awtorizzati biss fejn dawk il-komoditajiet ikunu ġew soġġetti għat-trattament speċifiku B kif stabbilit fil-Parti 4 tal-Anness II tad-Deċiżjoni 2007/777/KE, billi dak it-trattament huwa aktar sever minn dak attwalment applikabbli għal dawk il-komoditajiet skont il-Parti 2 ta’ dak l-Anness.

(12)

Għalhekk, id-Deċiżjoni 2007/777/KE għandha tiġi emendata kif xieraq.

(13)

Sabiex jiġi evitat taqlib bla bżonn fil-kummerċ, għandu jiġi previst perjodu ta’ tranżizzjoni, li matulu kunsinni ta’ prodotti tal-laħam u stonkijiet, bżieżaq tal-awrina u msaren ittrattati għall-konsum mill-bniedem meħudin minn tjur, tjur tal-kaċċa mrobbija fl-irziezet u għasafar tal-kaċċa selvaġġi, li joriġinaw fil-Messiku u li jikkonformaw mal-kundizzjonijiet stipulati fid-Deċiżjoni 2007/777/KE qabel id-data tad-dħul fis-seħħ ta’ din id-Deċiżjoni, jistgħu jkomplu jiġu importati lejn l-Unjoni jew jgħaddu minnha.

(14)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

14.5.2013   

MT

Il-Ġurnal Uffiċjali tal-Unjoni Ewropea

L 129/s3