DIRECTIVE 2008/57/KE DWAR L-INTEROPERABILITÀ TAS-SISTEMA FERROVJARJA FIL-KOMUNITÀ

SPEĊIFIKAZZJONI TEKNIKA GĦALL-INTEROPERABILITÀ

Subsistema tal-“Enerġija” għall-ferroviji konvenzjonali

1.

INTRODUZZJONI

8

1.1.

L-ambitu tekniku

8

1.2.

L-ambitu ġeografiku

8

1.3.

Il-kontenut ta’ din is-STI

8

2.

ID-DEFINIZZJONI U L-AMBITU TAS-SUBSISTEMA

8

2.1.

Definizzjoni tas-subsistema tal-enerġija

8

2.1.1.

Il-provvista tal-enerġija

10

2.1.2.

Il-linja ta’ kuntatt fl-għoli u l-pantografu

10

2.2.

L-interfaces ma’ subsistemi oħrajn u fi ħdan is-subsistema

10

2.2.1.

Introduzzjoni

10

2.2.2.

L-interfaces li jikkonċernaw il-provvista tal-enerġija

10

2.2.3.

L-interfaces li jikkonċernaw it-tagħmir tal-linji fl-għoli u l-pantografi u l-interazzjoni tagħhom

11

2.2.4.

L-interfaces li jikkonċernaw is-sezzjonijiet ta’ separazzjoni tal-fażijiet u tas-sistemi

11

3.

IR-REKWIŻITI ESSENZJALI

11

4.

IL-KARATTERIZZAZZJONI TAS-SUBSISTEMA

13

4.1.

Introduzzjoni

13

4.2.

L-ispeċifikazzjonijiet funzjonali u tekniċi tas-subsistema

13

4.2.1.

Dispożizzjonijiet ġenerali

13

4.2.2.

Il-parametri bażiċi li jikkaratterizzaw is-subsistema tal-enerġija

13

4.2.3.

Il-vultaġġ u l-frekwenza

14

4.2.4.

Il-parametri relatati mal-prestazzjoni tas-sistema ta’ provvista

14

4.2.5.

Il-kontinwità tal-provvista tal-enerġija f’każ ta’ disturbi fil-mini

14

4.2.6.

Il-kapaċità tal-kurrent, is-sistemi ta’ kurrent dirett (DC), il-ferroviji weqfin

15

4.2.7.

L-ibbrejkjar riġenerattiv

15

4.2.8.

L-arranġamenti għall-koordinazzjoni tal-protezzjoni elettrika

15

4.2.9.

L-armonija u l-effetti dinamiċi għas-sistemi ta’ kurrent alternat (AC)

15

4.2.10.

L-emissjonijiet armoniċi għas-servizz tal-enerġija

15

4.2.11.

Il-kompatibilità elettromanjetika esterna

15

4.2.12.

Il-protezzjoni tal-ambjent

15

4.2.13.

Il-ġeometrija tal-linja ta’ kuntatt fl-għoli

15

4.2.14.

Il-qies standard tal-pantografu

16

4.2.15.

Il-forza medja ta’ kuntatt

16

4.2.16.

L-imġiba dinamika u l-kwalità tal-ġbir tal-kurrent

17

4.2.17.

L-ispazjar tal-pantografi

18

4.2.18.

Il-materjal tal-wajer ta’ kuntatt

18

4.2.19.

Is-sezzjonijiet ta’ separazzjoni tal-fażijiet

18

4.2.20.

Is-sezzjonijiet ta’ separazzjoni tas-sistemi

19

4.2.21.

It-tagħmir għall-kejl tal-konsum tal-enerġija elettrika

19

4.3.

L-ispeċifikazzjonijiet funzjonali u tekniċi tal-interfaces

19

4.3.1.

Ir-rekwiżiti ġenerali

19

4.3.2.

Il-Lokomotivi u l-Vetturi Ferrovjarji għall-Passiġġieri

19

4.3.3.

L-Infrastruttura

20

4.3.4.

Il-Kmand tal-Kontroll u s-Sinjalazzjoni

21

4.3.5.

L-Operat u l-Immaniġġar tat-Traffiku

21

4.3.6.

Is-Sikurezza fil-Mini Ferrovjarji

21

4.4.

Ir-regoli operattivi

21

4.4.1.

Introduzzjoni

21

4.4.2.

Il-ġestjoni tal-provvista tal-enerġija

21

4.4.3.

It-twettiq tax-xogħlijiet

22

4.5.

Ir-regoli għall-manutenzjoni

22

4.6.

Il-kwalifiki professjonali

22

4.7.

Il-kundizzjonijiet tas-saħħa u tas-sikurezza

22

4.7.1.

Introduzzjoni

22

4.7.2.

Il-miżuri ta’ protezzjoni tas-substazzjonijiet u tal-postijiet ta’ tqassim f’sezzjonijiet

22

4.7.3.

Il-miżuri ta’ protezzjoni tas-sistema ta’ linji ta’ kuntatt fl-għoli

22

4.7.4.

Il-miżuri ta’ protezzjoni tar-return circuit tal-kurrent

23

4.7.5.

Rekwiżiti ġenerali oħrajn

23

4.7.6.

L-Ilbies Li Jidher Ħafna

23

4.8.

Ir-Reġistru tal-Infrastruttura u r-reġistru Ewropew tat-tipi ta’ vetturi awtorizzati

23

4.8.1.

Introduzzjoni

23

4.8.2.

Ir-Reġistru tal-Infrastruttura

23

4.8.3.

Ir-reġistru Ewropew tat-tipi ta’ vetturi awtorizzati

23

5.

IL-KOSTITWENTI TAL-INTEROPERABILITÀ

23

5.1.

Lista ta’ kostitwenti

23

5.2.

Il-prestazzjonijiet u l-ispeċifikazzjonijiet tal-kostitwenti

24

5.2.1.

Il-linja ta’ kuntatt fl-għoli

24

6.

IL-VALUTAZZJONI TAL-KONFORMITA TAL-KOSTITWENTI TAL-INTEROPERABILITA U L-VERIFIKA TAL-KE TAS-SUBSISTEMI

24

6.1.

Il-Kostitwenti tal-Interoperabilità

24

6.1.1.

Il-proċeduri ta’ valutazzjoni tal-konformità

24

6.1.2.

L-applikazzjoni tal-moduli

24

6.1.3.

Is-soluzzjonijiet innovattivi għall-Kostitwenti tal-Interoperabilità

25

6.1.4.

Il-proċedura ta’ valutazzjoni partikolari għall-Kostitwent tal-Interoperabilità – il-Linja ta’ Kuntatt fl-Għoli (OCL)

25

6.1.5.

Id-dikjarazzjoni tal-KE tal-konformità tal-Kostitwenti tal-Interoperabilità

26

6.2.

Is-subsistema tal-enerġija

26

6.2.1.

Dispożizzjonijiet ġenerali

26

6.2.2.

L-applikazzjoni tal-moduli

26

6.2.3.

Is-soluzzjonijiet innovattivi

27

6.2.4.

Il-proċeduri ta’ valutazzjoni partikolari għal Subsistema

27

6.3.

Subsistema li tinkludi Kostitwenti tal-Interoperabilità li ma jkollhomx dikjarazzjoni tal-KE

28

6.3.1.

Kundizzjonjiet

28

6.3.2.

Id-dokumentazzjoni

28

6.3.3.

Il-manutenzjoni tas-subsistemi ċċertifikati skont il-klawżola 6.3.1

28

7.

L-IMPLIMENTAZZJONI

28

7.1.

Ġenerali

28

7.2.

L-istrateġija progressiva lejn l-interoperabilità

28

7.2.1.

Introduzzjoni

28

7.2.2.

L-istrateġija ta’ migrazzjoni għall-vultaġġ u għall-frekwenza

29

7.2.3.

L-istrateġija ta’ migrazzjoni għall-pantografi u għall-ġeometrija tal-linja ta’ kuntatt fl-għoli (OCL)

29

7.3.

L-applikazzjoni ta’ din is-STI għal linji ġodda

29

7.4.

L-applikazzjoni ta’ din is-STI għal linji eżistenti

29

7.4.1.

Introduzzjoni

29

7.4.2.

L-aġġornament/ir-rinnovazzjoni tal-linja ta’ kuntatt fl-għoli (OCL) u/jew tal-provvista tal-enerġija

29

7.4.3.

Il-parametri relatati mal-manutenzjoni

30

7.4.4.

Is-subsistemi eżistenti li mhumiex suġġetti għal proġett ta’ rinnovazzjoni jew ta’ aġġornament

30

7.5.

Każijiet speċifiċi

30

7.5.1.

Introduzzjoni

30

7.5.2.

Lista ta’ każijiet speċifiċi

30

8.

LISTA TAL-ANNESSI

33

ANNESS A –

IL-VALUTAZZJONI TAL-KONFORMITA TAL-KOSTITWENTI TAL-INTEROPERABILITA

34

ANNESS B –

IL-VERIFIKA TAL-KE TAS-SUBSISTEMA TAL-ENERĠIJA

35

ANNESS C –

IR-REĠISTRU TAL-INFRASTRUTTURA U INFORMAZZJONI DWAR IS-SUBSISTEMA TAL-ENERĠIJA

37

ANNESS D –

IR-REĠISTRU EWROPEW TAT-TIPI TA’ VETTURI AWTORIZZATI U L-INFORMAZZJONI MEĦTIEĠA MIS-SUBSISTEMA TAL-ENERĠIJA

38

ANNESS E –

ID-DETERMINAZZJONI TAL-QIES STANDARD TAL-PANTOGRAFU KINEMATIKU MEKKANIKU

39

ANNESS F –

IS-SOLUZZJONIJIET TAS-SEZZJONIJIET TA’ SEPARAZZJONI TAL-FAZIJIET U TAS-SISTEMI

45

ANNESS G –

IL-FATTUR TAL-ENERGIJA

47

ANNESS H –

IL-PROTEZZJONI ELETTRIKA: L-ATTIVAZZJONI TAS-SALVAVITA EWLENIJA

48

ANNESS I –

LISTA TA’ STANDARDS IMSEMMIJA

49

ANNESS J –

GLOSSARJU

51

1.   INTRODUZZJONI

1.1.   L-ambitu tekniku

Din l-ispeċifikazzjoni teknika għall-interoperabilità (STI) tikkonċerna s-subsistema tal-enerġija tas-sistema ferrovjarja konvenzjonali trans-Ewropea. Is-subsistema tal-enerġija hija inkluża fil-lista ta’ subsistemi tal-Anness II għad-Direttiva 2008/57/KE.

1.2.   L-ambitu ġeografiku

L-ambitu ġeografiku ta’ din is-STI hija s-sistema ferrovjarja konvenzjonali trans-Ewropea kif ġiet deskritta fil-klawżola 1.1 tal-Anness I għad-Direttiva 2008/57/KE.

1.3.   Il-kontenut ta’ din is-STI

Skont l-Artikolu 5(3) tad-Direttiva 2008/57/KE, din is-STI:

a.	tindika l-għan maħsub tagħha – Kapitolu 2;

b.	tippreskrivi r-rekwiżiti essenzjali għas-subsistema tal-enerġija – Kapitolu 3;

c.	tistabbilixxi l-ispeċifikazzjonijiet funzjonali u tekniċi li għandhom jintlaħqu mis-subsistema u l-interfaces tagħha fir-rigward tas-subsistemi l-oħra – Kapitolu 4;

d.	tiddetermina l-kostitwenti tal-interoperabilità u l-interfaces li għandhom jiġu koperti mill-ispeċifikazzjonijiet Ewropej, inklużi l-istandards Ewropej, li huma meħtieġa biex jilħqu l-interoperabilità fis-sistema ferrovjarja – Kapitolu 5;

e.	tgħid, f’kull każ li jkun qed jiġi kkunsidrat, liema proċeduri għandhom jintużaw biex tiġi vvalutata l-konformità jew l-idoneità għall-użu tal-kostitwenti tal-interoperabilità, min-naħa l-waħda, u l-verifika tal-KE tas-subsistemi, min-naħa l-oħra – Kapitolu 6;

f.	tindika l-istrateġija għall-implimentazzjoni ta’ din is-STI. B’mod partikolari, huwa meħtieġ li wieħed jispeċifika l-istadji li għandhom jitwettqu biex issir tranżizzjoni gradwali mis-sitwazzjoni eżistenti għas-sitwazzjoni finali li fiha l-konformità mas-STI għandha tkun in-norma – Kapitolu 7;

g.	tindika, għall-persunal ikkonċernat, il-kwalifiki professjonali u l-kundizzjonijiet dwar is-saħħa u s-sikurezza fix-xogħol għall-operat għall-manutenzjoni tas-subsistema kkonċernata, kif ukoll għall-implimentazzjoni ta’ din is-STI – Kapitolu 4.

Barra minn hekk, skont l-Artikolu 5(5), jistgħu jittieħdu miżuri għal każijiet speċifiċi; dawn huma indikati fil-Kapitolu 7.

Fl-aħħar nett, din is-STI tinkludi wkoll, fil-Kapitolu 4, ir-regoli operattivi u għall-manutenzjoni speċifiċi għall-ambitu indikat fil-paragrafi 1.1 u 1.2 ta’ iktar ’il fuq.

2.   ID-DEFINIZZJONI U L-AMBITU TAS-SUBSISTEMA

2.1.   Definizzjoni tas-subsistema tal-enerġija

Is-STI tal-Enerġija tispeċifika dawk ir-rekwiżiti li huma meħtieġa sabiex tkun żgurata l-interoperabilità tas-sistema ferrovjarja. Din is-STI tkopri l-installazzjonijiet fissi kollha, li jaħdmu b’kurrent dirett (DC) jew b’kurrent alternat (AC), li huma meħtieġa għall-provvista, rigward ir-rekwiżiti essenzjali, tal-enerġija tat-trazzjoni lil ferrovija.

Is-subsistema tal-enerġija tinkludi wkoll il-kriterji ta’ definizzjoni u ta’ kwalità għall-interazzjoni bejn pantografu u l-linja ta’ kuntatt fl-għoli. Peress li s-sistema tal-linja ferrovija konduttriċi fuq il-livell tal-art (it-tielet linja ferrovjarja (third rail) – linja li minnha jgħaddi l-kurrent tal-elettriku) u ta’ contact shoe (biċċa metall ċatta għall-ġbir tal-kurrent) mhix sistema “fil-mira”, din is-STI ma tiddeskrivix il-karatteristiċi jew il-funzjonalità ta’ sistema ta’ din ix-xorta.

Figura 1

Is-subsistema tal-enerġija

Is-subsistema tal-enerġija tikkonsisti fi:

a.   substazzjonijiet: konnessi fuq in-naħa primarja ma’ gradilja b’vultaġġ għoli, bi trasformazzjoni tal-vultaġġ għoli għal vultaġġ u/jew konverżjoni għal sistema ta’ provvista tal-enerġija adattata għall-ferroviji. Fuq in-naħa sekondarja, is-substazzjonijiet huma konnessi mas-sistema tal-linji ta’ kuntatt ferrovjarji;

b.   il-postijiet ta’ tqassim f’sezzjonijiet: tagħmir elettriku li jinsab f’postijiet intermedji bejn substazzjonijiet għall-provvista u biex jipprovdi servizz parallel għal-linji ta’ kuntatt minbarra li jipprovdi protezzjoni, iżolament u provvisti awżiljarji;

c.   is-sezzjonijiet ta’ separazzjoni: tagħmir meħtieġ sabiex ikun hemm tranżizzjoni bejn sistemi elettrikament differenti jew bejn fażijiet differenti tal-istess sistema elettrika;

d.   is-sistema ta’ linji ta’ kuntatt: sistema li tqassam l-enerġija elettrika lill-ferroviji li jgħaddu tul dik ir-rotta u tittrażmettiha lill-ferroviji permezz ta’ ġabbara tal-kurrent. Is-sistema ta’ linji ta’ kuntatt hija mgħammra wkoll bi skonnetturi kkontrollati manwalment jew mill-bogħod li jkunu meħtieġa biex jiżolaw sezzjonijiet jew gruppi mis-sistema ta’ linji ta’ kuntatt skont il-ħtieġa operattiva. Il-linji alimentaturi (feeders) wkoll huma parti mis-sistema ta’ linji ta’ kuntatt;

e.    return circuit (ċirkwit b’fil konduttur li jreġġa’ lura l-kurrent elettriku mnejn beda): il-kondutturi kollha li jifformaw il-mogħdija maħsuba għall-kurrent ta’ ritorn tat-trazzjoni u li barra minn hekk jintużaw f’kundizzjonijiet ta’ ħsara. Għalhekk, sa fejn għandu x’jaqsam dan l-aspett, ir-return circuit huwa parti mis-subsistema tal-enerġija u għandu interface mas-subsistema tal-infrastruttura.

Barra minn hekk, skont id-Direttiva 2008/57/KE, is-subsistema tal-enerġija tinkludi:

f.   il-partijiet tat-tagħmir għall-kejl tal-konsum tal-elettriku ta’ abbord— għall-kejl tal-enerġija elettrika meħuda minn jew irritornata (waqt ibbrejkjar riġenerattiv) lil-linja ta’ kuntatt mill-vettura, bil-provvista tiġi mis-sistema esterna ta’ trazzjoni elettrika. It-tagħmir huwa integrat fi u jitqiegħed fis-servizz mal-unità ta’ trazzjoni, u jinsab fl-ambitu tas-STI tal-lokomotivi ferrovjarji konvenzjonali u tal-vetturi ferrovjarji konvenzjonali għall-passiġġieri (LOC&PAS CR).

Id-Direttiva 2008/57/KE tipprovdi wkoll li l-ġabbara tal-kurrent (pantografi) li jittrażmettu l-enerġija elettrika mis-sistema ta’ linji ta’ kuntatt fl-għoli lill-vettura, jinsabu fis-subsistema tal-vetturi ferrovjarji. Huma jiġu installati u integrati fi u jitqiegħdu fis-servizz mal-vetturi ferrovjarji u jaqgħu fl-ambitu tas-STI LOC&PAS CR.

Madankollu, il-parametri relatati mal-kwalità tal-ġbir tal-kurrent huma speċifikati fis-STI ENE CR.

2.1.1.   Il-provvista tal-enerġija

Is-sistema ta’ provvista tal-enerġija għandha tiġi ddisinjata b’tali mod li kull ferrovija għandha tkun ipprovduta bl-enerġija meħtieġa. Għalhekk, il-vultaġġ tal-provvista, l-ammont ta’ kurrent miġbud ta’ kull ferrovija u l-iskeda operattiva huma aspetti importanti tal-prestazzjoni.

L-istess bħal kwalunkwe apparat elettriku, ferrovija hija ddisinjata biex topera korrettament b’vultaġġ nominali u bi frekwenza nominali applikati fit-terminali tagħha, jiġifieri l-pantografu(i) u r-roti. Sabiex tkun żgurata l-prestazzjoni antiċipata tal-ferrovija għandhom jiġu ddefiniti l-varjazzjonijiet fi u l-limiti għal dawn il-parametri.

Il-ferroviji moderni li jaħdmu bl-enerġija elettrika ta’ spiss ikollhom il-kapaċità li jużaw l-ibbrejkjar riġenerattiv biex jirritornaw l-enerġija lura lill-provvista tal-enerġija, u b’hekk inaqqsu l-konsum globali tal-enerġija. Is-sistema ta’ provvista tal-enerġija tista’ tiġi ddisinjata sabiex takkomoda enerġija minn ibbrejkjar riġenerattiv ta’din ix-xorta.

Fi kwalunkwe provvista tal-enerġija, jista’ jkun hemm xi xort u kundizzjonijiet oħrajn ta’ ħsara. Il-provvista tal-enerġija għandha tkun iddisinjata b’tali mod li l-kontrolli jiskopru dawn il-ħsarat immedjatament u jagħtu lok għal miżuri li jneħħu l-kurrent tax-xort u jiżolaw il-parti affetwata taċ-ċirkwit. Wara avvenimenti ta’ din ix-xorta, il-provvista tal-enerġija għandha tkun tista’ trodd il-provvista lill-installazzjonijiet kollha mill-iktar fis possibbli sabiex l-operazzjonijiet ikunu jistgħu jerġgħu jibdew.

2.1.2.   Il-linja ta’ kuntatt fl-għoli u l-pantografu

Ġeometrija kompatibbli tal-linja ta’ kuntatt fl-għoli mal-pantografu hija aspett importanti tal-interoperabilità. Sa fejn għandha x’taqsam l-interazzjoni ġeometrika, l-għoli tal-wajer ta’ kuntatt ’il fuq mil-linji ferrovjarji, il-varjazzjoni fl-għoli tal-wajer ta’ kuntatt, id-devjazzjoni laterali taħt il-pressjoni tal-irjieħ u l-forza ta’ kuntatt għandhom jiġu speċifikati. Il-ġeometrija tar-ras tal-pantografu wkoll hija fundamentali sabiex tkun żgurata interazzjoni tajba mal-linja ta’ kuntatt fl-għoli, billi tiġi kkunsidrata x-xengila (sway) tal-vettura.

Sabiex jingħata appoġġ lill-interoperabilità tan-netwerks Ewropej, il-pantografi speċifikati fis-STI LOC&PAS CR huma dawk li għandhom jintużaw.

L-interazzjoni bejn linja ta’ kuntatt fl-għoli u pantografu tirrappreżenta aspett ferm importanti biex tkun stabbilita trażmissjoni tal-enerġija affidabbli mingħajr tfixkil mhux xieraq għall-installazzjonijiet u għall-ambjent ferrovjarji. Din l-interazzjoni hija ddeterminata prinċipalment minn:

a.	l-effetti statiċi u aerodinamiċi dipendenti min-natura tal-istrixxi ta’ kuntatt tal-pantografu u mid-disinn tal-pantografu, mill-forma tal-vettura li fuqha huwa(huma) mmuntat(i) il-pantografu(i) u mill-pożizzjoni tal-pantografu fuq il-vettura,

b.	il-kompatibilità tal-materjal tal-istrixxa ta’ kuntatt mal-wajer ta’ kuntatt,

c.	il-karatteristiċi dinamiċi tal-linja ta’ kuntatt fl-għoli u tal-pantografu(i) għal ferrovija b’unità waħda jew b’unitajiet multipli,

d.	in-numru ta’ pantografi mqiegħda fis-servizz u d-distanza ta’ bejniethom, peress li kull pantografu jista’ jfixkel lill-oħrajn li jkunu jinsabu fl-istess sezzjoni tal-linja ta’ kuntatt fl-għoli.

2.2.   L-interfaces ma’ subsistemi oħrajn u fi ħdan is-subsistema

2.2.1.   Introduzzjoni

Is-subsistema tal-enerġija tagħmel interfaces ma’ wħud mis-subsistemi l-oħra tas-sistema ferrovjarja sabiex tilħaq il-prestazzjoni prevista. Dawn huma elenkati iktar ’l isfel:

2.2.2.   L-interfaces li jikkonċernaw il-provvista tal-enerġija

a.

Il-vultaġġ u l-frekwenza u l-meded permissibbli tagħhom jagħmlu interface mas-subsistema tal-vetturi ferrovjarji.

b.

L-enerġija installata fil-linji u l-fattur speċifikat tal-enerġija jiddeterminaw il-prestazzjoni tas-sistema ferrovjarja u jagħmlu interface mas-subsistema tal-vetturi ferrovjarji.

c.

L-ibbrejkjar riġenerattiv inaqqas il-konsum tal-enerġija u jagħmel interface mas-subsistema tal-vetturi ferrovjarji.

d.

L-installazzjonijiet elettriċi fissi u t-tagħmir ta’ trazzjoni ta’ abbord għandhom jiġu protetti minn xi xort. L-attivazzjoni tas-salvaviti fis-substazzjonijiet u fuq il-ferroviji għandha tkun ikkoordinata. Il-protezzjoni elettrika tagħmel interface mas-subsistema tal-vetturi ferrovjarji.

e.

L-interferenza elettrika u l-emissjonijiet armoniċi jagħmlu interface mas-subsistemi tal-vetturi ferrovjarji u tal-kmand tal-kontroll u s-sinjalazzjoni.

f.

Ir-return circuit tal-kurrent għandu xi interfaces mas-subsistemi tal-kmand tal-kontroll u s-sinjalizzazzjoni u tal-infrastruttura.

2.2.3.   L-interfaces li jikkonċernaw it-tagħmir tal-linji fl-għoli u l-pantografi u l-interazzjoni tagħhom

a.

Il-gradjent tal-wajer ta’ kuntatt u r-rata ta’ bidla tal-gradjent jeħtieġu attenzjoni speċjali sabiex ikunu evitati telf ta’ kuntatt u ħsara eċċessiva minħabba l-użu. L-għoli u l-gradjent tal-wajer ta’ kuntatt jagħmlu interfaces mas-subsistemi tal-infrastruttura u tal-vetturi ferrovjarji.

b.

Ix-xengila tal-vettura u x-xengila tal-pantografu jagħmlu interface mas-subsistema tal-infrastruttura.

c.

Il-kwalità tal-ġbir tal-kurrent tiddependi min-numru ta’ pantografi mqiegħda fis-servizz, minn kif inhuma spazjati u minn dettalji oħrajn speċifiċi għall-unitajiet ta’ trazzjoni. L-arranġament tal-pantografi jagħmel interface mas-subsistema tal-vetturi ferrovjarji.

2.2.4.   L-interfaces li jikkonċernaw is-sezzjonijiet ta’ separazzjoni tal-fażijiet u tas-sistemi

a.

Biex ferrovija tgħaddi mit-tranżizzjonijiet tas-sezzjonijiet ta’ separazzjoni ta’ sistemi ta’ provvista tal-enerġija u ta’ fażijiet differenti, mingħajr ma jkun hemm konnessjonijiet, għandhom jiġu stipulati n-numru u l-arranġament tal-pantografi fuq il-ferroviji. Dan jagħmel interface mas-subsistema tal-vetturi ferrovjarji.

b.

Biex ferrovija tgħaddi mit-tranżizzjonijiet tas-sezzjonijiet ta’ separazzjoni ta’ sistemi ta’ provvista tal-enerġija u ta’ fażijiet, mingħajr ma jkun hemm konnessjonijiet, għandu jiġi kkontrollat il-kurrent tal-ferrovija. Dan jagħmel interface mas-subsistema tal-kmand tal-kontroll u s-sinjalazzjoni.

c.

Biex ferrovija tgħaddi mis-sezzjonijiet ta’ separazzjoni ta’ sistemi ta’ provvista tal-enerġija, jista’ jkun hemm il-ħtieġa li jitbaxxa/jitbaxxew il-pantografu(i). Dan jagħmel interface mas-subsistema tal-kmand tal-kontroll u s-sinjalazzjoni.

3.   IR-REKWIŻITI ESSENZJALI

Skont l-Artikolu 4(1) tad-Direttiva 2008/57/KE, is-sistema ferrovjarja, is-subsistemi tagħha u l-kostitwenti tal-interoperabilità tagħhom għandhom jilħqu r-rekwiżiti rilevanti essenzjali stabbiliti f’termini ġenerali fl-Anness III għad-Direttiva. It-tabella li ġejja tindika l-parametri bażiċi ta’ din is-STI u l-korrispondenza tagħhom għar-rekwiżiti essenzjali kif ġie spjegat fl-Anness III għad-Direttiva.

Klawżoola tas-STI	Titolu tal-Klawżola tas-STI	Sikurezza	Disponibilità u Affidabilità (R&A)	Saħħa	Protezzjoni tal-ambjent	Kompatibilità Teknika
4.2.3	Vultaġġ u frekwenza	—	—	—	—	1.5 2.2.3
4.2.4	Parametri relatati mal-prestazzjoni tas-sistema ta’ provvista	—	—	—	—	1.5 2.2.3
4.2.5	Kontinwità tal-provvista tal-enerġija f’każ ta’ disturbi fil-mini	1.1.1 2.2.1	1.2	—	—	—
4.2.6	Kapaċità tal-kurrent, sistemi ta’ kurrent dirett (DC), ferroviji weqfin	—	—	—	—	1.5 2.2.3
4.2.7	Ibbrejkjar riġenerattiv	—	—	—	1.4.1 1.4.3	1.5 2.2.3
4.2.8	Arranġamenti għall-koordinazzjoni tal-protezzjoni elettrika	2.2.1	—	—	—	1.5
4.2.9	Armonija u effetti dinamiċi għas-sistemi ta’ kurrent alternat (AC)	—	—	—	1.4.1 1.4.3	1.5
4.2.11	Kompatibilità elettromanjetika esterna		—	—	1.4.1 1.4.3 2.2.2	1.5
4.2.12	Protezzjoni tal-ambjent	—	—	—	1.4.1 1.4.3 2.2.2	—
4.2.13	Ġeometrija tal-linja ta’ kuntatt fl-għoli	—	—	—	—	1.5 2.2.3
4.2.14	Qies standard tal-pantografu (pantograph gauge)	—	—	—	—	1.5 2.2.3
4.2.15	Forza medja ta’ kuntatt	—	—	—	—	1.5 2.2.3
4.2.16	Imġiba dinamika u l-kwalità tal-ġbir tal-kurrent	—	—	—	1.4.1 2.2.2	1.5 2.2.3
4.2.17	Spazjar tal-pantografi	—	—	—	—	1.5 2.2.3
4.2.18	Materjal tal-wajer ta’ kuntatt	—	—	1.3.1 1.3.2	1.4.1	1.5 2.2.3
4.2.19	Sezzjonijiet ta’ separazzjoni tal-fażijiet	2.2.1	—	—	1.4.1 1.4.3	1.5 2.2.3
4.2.20	Sezzjonijiet ta’ separazzjoni tas-sistemi	2.2.1	—	—	1.4.1 1.4.3	1.5 2.2.3
4.2.21	Tagħmir għall-kejl tal-konsum tal-enerġija elettrika	—	—	—	—	1.5
4.4.2	Ġestjoni tal-provvista tal-enerġija	1.1.1 1.1.3 2.2.1	1.2	—	—	—
4.4.3	Twettiq tax-xogħlijiet	1.1.1 2.2.1	1.2	—	—	1.5
4.5	Regoli għall-manutenzjoni	1.1.1 2.2.1	1.2	—	—	1.5 2.2.3
4.7.2	Miżuri ta’ protezzjoni tas-substazzjonijiet u tal-postijiet ta’ tqassim f’sezzjonijiet	1.1.1 1.1.3 2.2.1	—	—	1.4.1 1.4.3 2.2.2	1.5
4.7.3	Miżuri ta’ protezzjoni tas-sistema ta’ linji ta’ kuntatt fl-għoli	1.1.1 1.1.3 2.2.1	—	—	1.4.1 1.4.3 2.2.2	1.5
4.7.4	Miżuri ta’ protezzjoni tar-return circuit tal-kurrent	1.1.1 1.1.3 2.2.1	—	—	1.4.1 1.4.3 2.2.2	1.5
4.7.5	Rekwiżiti ġenerali oħrajn	1.1.1 1.1.3 2.2.1	—	—	1.4.1 1.4.3 2.2.2	—
4.7.6	Ilbies li jidher ħafna	2.2.1	—	—	—	—

4.   IL-KARATTERIZZAZZJONI TAS-SUBSISTEMA

4.1.   Introduzzjoni

Is-sistema ferrovjarja, li fir-rigward tagħha tapplika d-Direttiva 2008/57/KE, u li tagħha hija parti s-subsistema, hija sistema integrata li l-konsistenza tagħha għandha tkun ivverifikata. Din il-konsistenza trid tiġi kkontrollata, b’mod partikolari, fejn għandhom x’jaqsmu l-ispeċifikazzjonijiet tas-subsistema, l-interfaces tagħha fil-konfront tas-sistema li fiha tkun integrata, kif ukoll ir-regoli operattivi u għall-manutenzjoni.

L-ispeċifikazzjonijiet funzjonali u tekniċi tas-subsistema u tal-interfaces tagħha, li ġew deskritti fil-Kapitoli 4.2 u 4.3, ma jimponux l-użu ta’ teknoloġiji speċifiċi jew ta’ soluzzjonijiet tekniċi, ħlief fejn dan ikun strettament meħtieġ għall-interoperabilità tan-netwerk ferrovjarju. Imma soluzzjonijiet innovattivi għall-interoperabilità jistgħu jeħtieġu speċifikazzjonijiet ġodda u/jew metodi ta’ valutazzjoni ġodda. Sabiex jingħata spazju għall-innovazzjoni teknoloġika, dawn l-ispeċifikazzjonijiet u dawn il-metodi ta’ valutazzjoni għandhom jiġu żviluppati bil-proċess deskritt fil-Kapitoli 6.1.3 u 6.2.3.

Filwaqt li jiġu kkunsidrati r-rekwiżiti essenzjali applikabbli kollha, is-subsistema tal-enerġija hija kkaratterizzata mill-ispeċifikazzjonijiet stabbiliti fil-klawżoli 4.2 sa 4.7. Lista ta’ parametri rilevanti għas-subsistema tal-enerġija, li għandhom jinġabru fir-Reġistru tal-Infrastruttura, tinsab fl-Anness C għal din is-STI.

Il-proċeduri għall-verifika tal-KE tas-subsistema tal-enerġija huma indikati fil-klawżola 6.2.4 u fit-Tabella B.1 tal-Anness B għal din is-STI.

Għall-Każijiet Speċifiċi, ara l-Kapitolu 7.5;

Fejn issir referenza għall-istandards tal-EN, kwalunkwe varjazzjoni msejħa “devjazzjonijiet nazzjonali” jew “kundizzjonijiet nazzjonali speċjali” fl-EN ma tapplikax.

4.2.   L-ispeċifikazzjonijiet funzjonali u tekniċi tas-subsistema

4.2.1.   Dispożizzjonijiet ġenerali

Il-prestazzjoni li għandha tintlaħaq mis-subsistema tal-Enerġija għandha tikkorrispondi għall-prestazzjoni rilevanti tas-sistema ferrovjarja, rigward:

—	il-veloċità massima tal-linja, it-tip ta’ ferrovija, u

—	id-domanda għall-enerġija tal-ferroviji fil-pantografi.

4.2.2.   Il-parametri bażiċi li jikkaratterizzaw is-subsistema tal-enerġija

Il-parametri bażiċi li jikkaratterizzaw is-subsistema tal-enerġija huma:

—

Il-provvista tal-enerġija: — Il-vultaġġ u l-frekwenza (4.2.3) — Il-parametri relatati mal-prestazzjoni tas-sistema ta’ provvista (4.2.4) — Il-kontinwità tal-provvista tal-enerġija f’każ ta’ disturbi fil-mini (4.2.5) — Il-kapaċità tal-kurrent, is-sistemi ta’ kurrent dirett (DC), il-ferroviji weqfin (4.2.6) — L-ibbrejkjar riġenerattiv (4.2.7) — L-arranġamenti għall-koordinazzjoni tal-protezzjoni elettrika (4.2.8) — L-armonija u l-effetti dinamiċi għas-sistemi ta’ kurrent alternat (AC) (4.2.9), u — It-tagħmir għall-kejl tal-konsum tal-enerġija elettrika (4.2.21)

—

Il-ġeometrija tal-linja ta’ kuntatt fl-għoli (OCL) u l-kwalità tal-ġbir tal-kurrent: — Il-ġeometrija tal-linja ta’ kuntatt fl-għoli (4.2.13) — Il-qies standard tal-pantografu (4.2.14) — Il-forza medja ta’ kuntatt (4.2.15) — L-imġiba dinamika u l-kwalità tal-ġbir tal-kurrent (4.2.16) — L-ispazjar tal-pantografi (4.2.17) — Il-materjal tal-wajer ta’ kuntatt (4.2.18) — Is-sezzjonijiet ta’ separazzjoni tal-fażijiet (4.2.19), u — Is-sezzjonijiet ta’ separazzjoni tas-sistemi (4.2.20)

4.2.3.   Il-vultaġġ u l-frekwenza

Il-lokomotivi u l-unitajiet ta’ trazzjoni jeħtieġu standardizzazzjoni tal-vultaġġ u tal- frekwenza. Il-valuri ta’ u l-limiti għall-vultaġġ u għall-frekwenza fit-terminali tas-substazzjoni u fil-pantografu għandhom ikunu konformi mal-klawżola 4 tal-EN50163:2004.

Is-sistema ta’ kurrent alternat (AC) ta’ 25 kV 50 Hz għandha tkun is-sistema ta’ provvista fil-mira, għal raġunijiet ta’ kompatibilità mas-sistemi ta’ ġenerazzjoni u ta’ distribuzzjoni tal-elettriku u ta’ standardizzazzjoni tat-tagħmir tas-substazzjonijiet.

Madankollu, minħabba li huma meħtieġa spejjeż kbar ta’ investiment biex issir migrazzjoni minn vultaġġi ta’ sistemi oħrajn għas-sistema ta’ 25 kV u minħabba l-possibilità li jintużaw unitajiet ta’ trazzjonijiet b’sistemi multipli, l-użu tas-sistemi li ġejjin għal subsistemi ġodda, aġġornati jew rinnovati huwa permess:

—	kurrent alternat (AC) ta’ 15 kV 16.7 Hz

—	kurrent dirett (DC) ta’ 3 kV, u

—	kurrent dirett (DC) ta’ 1.5 kV

Il-vultaġġ u l-frekwenza nominali għandhom ikunu elenkati fir-Reġistru tal-Infrastruttura (ara l-Anness C).

4.2.4.   Il-parametri relatati mal-prestazzjoni tas-sistema ta’ provvista

Id-disinn tas-subsistema tal-enerġija huwa ddeterminat mill-veloċità tal-linji għas-servizzi ppjanati u mit-topografija.

Għalhekk, il-parametri li ġejjin għandhom jiġu kkunsidrati:

—	il-kurrent massimu tal-ferrovija,

—	il-fattur tal-enerġija tal-ferroviji, u

—	il-vultaġġ utli medju.

4.2.4.1.   Il-kurrent massimu tal-ferrovija

L-Amministratur Infrastrutturali għandu jiddikjara l-kurrent massimu tal-ferrovija fir-Reġistru tal-Infrastruttura (ara l-Anness C).

Id-disinn tas-subsistema tal-enerġija għandu jiżgura l-ħila tal-provvista tal-enerġija li tilħaq il-prestazzjoni speċifikata u għandu jippermetti t-tħaddim ta’ ferroviji b’enerġija inqas minn 2 MW, mingħajr limitu għall-kurrent kif ġie deskritt fil-klawżola 7.3 tal-EN50388:2005.

4.2.4.2.   Il-fattur tal-enerġija tal-ferroviji

Il-fattur tal-enerġija tal-ferroviji għandu jkun skont ir-rekwiżiti fl-Anness G u fil-klawżola 6.3 tal-EN50388:2005.

4.2.4.3.   Il-vultaġġ utli medju

Il-vultaġġ utli medju kkalkolat “fil-pantografu” għandu jkun konformi mal-klawżoli 8.3 u 8.4 tal-EN50388:2005, fejn tintuża d-dejta tad-disinn għall-fattur tal-enerġija skont l-Anness G.

4.2.5.   Il-kontinwità tal-provvista tal-enerġija f’każ ta’ disturbi fil-mini

Il-provvista tal-enerġija u s-sistema ta’ linji ta’ kuntatt fl-għoli għandhom ikunu ddisinjati sabiex jagħtu lok għall-kontinwità ta’ operazzjoni f’każ ta’ disturbi fil-mini. Dan għandu jintlaħaq billi l-linja ta’ kuntatt fl-għoli tinqasam f’sezzjonijiet skont il-klawżola 4.2.3.1 tas-SRT STI.

4.2.6.   Il-kapaċità tal-kurrent, is-sistemi ta’ kurrent dirett (DC), il-ferroviji weqfin

Il-linja ta’ kuntatt fl-għoli tas-sistemi ta’ kurrent dirett (DC) għandha tkun iddisinjata sabiex issostni 300 A (għal sistema ta’ provvista ta’ 1.5 kV) u 200 A (għal sistema ta’ provvista ta’ 3 kV), għal kull pantografu meta l-ferrovija tkun wieqfa.

Dan għandu jintlaħaq billi tintuża forza statika ta’ kuntatt kif ġie ddefinit fil-klawżola 7.1 tal-EN50367:2006.

Fejn il-linja ta’ kuntatt fl-għoli ġiet iddisinjata sabiex issostni valuri ikbar għall-kurrent massimu meta l-ferrovija tkun wieqfa, dan għandu jkun iddikjarat mill-Amministratur Infrastrutturali fir-Reġistru tal-Infrastruttura (ara l-Anness C).

Il-linja ta’ kuntatt fl-għoli (OCL) għandha tkun iddisinjata billi jiġu kkunsidrati l-limiti għat-temperatura skont il-klawżola 5.1.2 tal-EN50119:2009.

4.2.7.   L-ibbrejkjar riġenerattiv

Is-sistemi ta’ provvista tal-enerġija ta’ kurrent alternat (AC) għandhom ikunu ddisinjati sabiex jippermettu l-użu tal-ibbrejkjar riġenerattiv bħala brejk ta’ servizz, li jkun jista’ jiskambja l-enerġija mingħajr problemi jew ma’ ferroviji oħrajn jew bi kwalunkwe mezz ieħor.

Is-sistemi ta’ provvista tal-enerġija ta’ kurrent dirett (DC) għandhom ikunu ddisinjati sabiex jippermettu l-użu ta’ bbrejkjar riġenerattiv bħala brejk ta’ servizz għall-inqas billi tiġi skambjata l-enerġija ma’ ferroviji oħrajn.

L-informazzjoni dwar il-possibbilità li jintuża l-ibbrejkjar riġenerattiv għandha tingħata fir-Reġistru tal-Infrastruttura (ara l-Anness C).

4.2.8.   L-arranġamenti għall-koordinazzjoni tal-protezzjoni elettrika

Id-disinn għall-koordinazzjoni tal-protezzjoni elettrika tas-subsistema tal-enerġija għandu jkun konformi mar-rekwiżiti elenkati fid-dettall fil-klawżola 11 tal-EN50388:2005, ħlief għat-Tabella 8 li hija sostitwita mill-Anness H għal din is-STI.

4.2.9.   L-armonija u l-effetti dinamiċi għas-sistemi ta’ kurrent alternat (AC)

Is-subsistema tal-enerġija CR u l-vetturi ferrovjarji għandhom ikunu jistgħu jaħdmu flimkien mingħajr problemi ta’ interferenza, bħal vultaġġi għoljin wisq u fenomeni oħrajn deskritti fil-klawżola 10 tal-EN50388:2005.

4.2.10.   L-emissjonijiet armoniċi għas-servizz tal-enerġija

L-emissjonijiet armoniċi għas-servizz tal-enerġija għandhom ikunu ttrattati mill-Amministratur Infrastrutturali billi jikkunsidra l-istandards nazzjonali jew dawk Ewropej u r-rekwiżiti tas-servizz tal-enerġija.

F’din is-STI mhija meħtieġa l-ebda valutazzjoni tal-konformità.

4.2.11.   Il-kompatibilità elettromanjetika esterna

Il-kompatibilità elettromanjetika esterna mhix karatteristika speċifika tan-netwerk ferrovjarju. L-installazzjonijiet għall-provvista tal-enerġija għandhom ikunu konformi mar-Rekwiżiti Essenzjali tad-Direttiva 2004/108/KE dwar il-kompatibilità elettromanjetika.

F’din is-STI mhija meħtieġa l-ebda valutazzjoni tal-konformità.

4.2.12.   Il-protezzjoni tal-ambjent

Il-protezzjoni tal-ambjent hija koperta minn leġiżlazzjoni Ewropea oħra dwar il-valutazzjoni tal-effetti ta’ ċerti proġetti fuq l-ambjent.

F’din is-STI mhija meħtieġa l-ebda valutazzjoni tal-konformità.

4.2.13.   Il-ġeometrija tal-linja ta’ kuntatt fl-għoli

Il-linja ta’ kuntatt fl-għoli għandha tkun iddisinjata biex tintuża mill-pantografi bil-ġeometrija tar-ras speċifikata fil-klawżola 4.2.8.2.9.2 tas-STI LOC&PAS CR.

L-għoli tal-wajer ta’ kuntatt, il-gradjent tal-wajer ta’ kuntatt b’relazzjoni għall-binarju u d-devjazzjoni laterali tal-wajer ta’ kuntatt taħt l-azzjoni ta’ riħ inkroċjat ilkoll jirregolaw l-interoperabilità tan-netwerk ferrovjarju.

4.2.13.1.   L-għoli tal-wajer ta’ kuntatt

L-għoli nominali tal-wajer ta’ kuntatt għandu jkun ta’ bejn 5,00 u 5,75 m. Għar-relazzjoni bejn l-għolijiet tal-wajers ta’ kuntatt u l-għolijiet operattivi tal-pantografi ara l-Figura 1 tal-EN50119:2009.

L-għoli tal-wajer ta’ kuntatt jista’ jkun iktar baxx f’każijiet relatati ma’ qies standard (bħal pontijiet jew mini). L-għoli minimu tal-wajer ta’ kuntatt għandu jkun ikkalkolat skont il-klawżola 5.10.4 tal-EN50119:2009.

Il-wajer ta’ kuntatt jista’ jkun ogħla f’każijiet bħal qsim invell, żoni ta’ tagħbija eċċ. F’dawn il-każijiet, l-għoli massimu tal-wajer ta’ kuntatt skont id-disinn m’għandux ikun ikbar minn 6.20 m.

Filwaqt li jiġu kkunsidrati t-tolleranzi u l-irfigħ ’il fuq (uplift), skont il-Figura 1 tal-EN50119:2009, l-għoli massimu tal-wajer ta’ kuntatt m’għandux ikun ikbar minn 6.50 m.

L-għoli nominali tal-wajer ta’ kuntatt għandu jkun elenkat fir-Reġistru tal-Infrastruttura (ara l-Anness C).

4.2.13.2.   Il-varjazzjoni fl-għoli tal-wajer ta’ kuntatt

Il-varjazzjoni fl-għoli tal-wajer ta’ kuntatt għandha tissodisfa r-rekwiżiti imposti mill-klawżola 5.10.3 tal-EN50119:2009.

Il-gradjent tal-wajer ta’ kuntatt speċifikat fil-klawżola 5.10.3 tal-EN50119:2009 jista’ jinqabeż b’mod eċċezzjonali fejn sensiela ta’ restrizzjonijiet għall-għoli tal-wajer ta’ kuntatt, bħal qsim invell, pontijiet jew mini, jipprevjenu l-konformità; f’dan il-każ, meta jiġu applikati r-rekwiżiti tal-klawżola 4.2.16., għandu jkun hemm konformità biss mar-rekwiżit relatat mal-forza massima ta’ kuntatt.

4.2.13.3.   Id-devjazzjoni laterali

Id-devjazzjoni laterali massima permissibbli tal-wajer ta’ kuntatt perpendikulari għal-linja ċentrali tal-binarju skont id-disinn taħt l-azzjoni ta’ riħ inkroċjat qed tingħata fit-Tabella 4.2.13.3.

Tabella 4.2.13.3

Id-devjazzjoni laterali massima

Tul tal-pantografu	Devjazzjoni laterali massima
1 600  mm	0,40 m
1 950  mm	0,55 m

Il-valuri għandhom ikunu aġġustati sabiex ikunu kkunsidrati l-moviment tal-pantografu u t-tolleranzi tal-binarju skont l-Anness E.

Fil-każ ta’ binarju b’linji ferrovjarji multipli, ir-rekwiżit għandu jkun issodisfat għal kull par linji ferrovjarji (iddisinjati sabiex jiġu operati bħala binarju separat) li jkun hemm il-ħsieb li jiġi vvalutat skont is-STI.

Il-profili tal-pantografi li jitħallew joperaw f’din ir-rotta għandhom jiġu elenkati fir-Reġistru tal-Infrastruttura (ara l-Anness C).

4.2.14.   Il-qies standard tal-pantografu

L-ebda parti mis-subsistema tal-enerġija m’għandha tidħol fil-qies standard tal-pantografu kinematiku mekkaniku (ara l-Figura E.2 tal-Anness E) ħlief għall-wajer ta’ kuntatt u għall-isteady arm.

Il-qies standard tal-pantografu kinematiku mekkaniku għal-linji interoperabbli jiġi ddeterminat billi jintuża l-metodu muri fil-klawżola E.2 tal-Anness E u permezz tal-profili tal-pantografi ddefiniti fil-klawżola 4.2.8.2.9.2 tas-STI LOC&PAS CR.

Dan il-qies standard għandu jiġi kkalkolat billi jintuża l-metodu kinematiku, bil-valuri li ġejjin:

—	għax-xengila tal-pantografu - epu – ta’ 0,110 m fl-għoli iktar baxx ta’ verifika - h'u ≤ 5,0 m u

—	għax-xengila tal-pantografu - epo - of 0,170 m fl-għoli iktar għoli ta’ verifika – h'o – 6,5 m,

skont il-klawżola E.2.1.4 tal-Anness E u valuri oħrajn skont il-klawżola E.3 tal-Anness E.

4.2.15.   Il-forza medja ta’ kuntatt

Il-forza medja ta’ kuntatt Fm hija l-valur medju statistiku tal-forza ta’ kuntatt. Fm tiġi fformata mill-komponenti statiċi, dinamiċi u aerodinamiċi tal-forza ta’ kuntatt tal-pantografu.

Il-forza statika ta’ kuntatt tiġi ddefinita fil-klawżola 7.1 tal-EN50367:2006. Il-meded ta’ Fm għal kull waħda mis-sistemi ta’ provvista tal-enerġija huma ddefiniti fit-Tabella 4.2.15.

Tabella 4.2.15

Il-meded tal-forza medja ta’ kuntatt

Sistema ta’ provvista	Fm sa 200 km/h
Kurrent alternat (AC)	60 N < Fm< 0.00047*v2 + 90 N
Kurrent dirett (DC) ta’ 3 kV	90 N < Fm< 0.00097*v2 + 110 N
Kurrent dirett (DC) ta’ 1.5 kV	70 N < Fm< 0.00097*v2 + 140 N

fejn [Fm] = forza medja ta’ kuntatt f’N u [v] = veloċità f’km/h.

Skont il-klawżola 4.2.16, il-linji ta’ kuntatt fl-għoli għandhom ikunu ddisinjati sabiex ikunu jistgħu jsostnu din il-kurva ta’ forza ta’ limitu ta’ fuq mogħtija fit-Tabella 4.2.15.

4.2.16.   L-imġiba dinamika u l-kwalità tal-ġbir tal-kurrent

Il-linja ta’ kuntatt fl-għoli għandha tkun iddisinjata skont ir-rekwiżiti għal imġiba dinamika. L-irfigħ ’il fuq tal-wajer ta’ kuntatt bil-veloċità skont id-disinn għandu jkun konformi mal-istipulazzjonijiet fit-Tabella 4.2.16.

Il-kwalità tal-ġbir tal-kurrent għandha impatt fundamentali fuq il-perjodu ta’ użu (life) ta’ wajer ta’ kuntatt u, għalhekk, għandha tkun konformi ma’ parametri miftiehma u li jistgħu jitkejlu.

Il-konformità mar-rekwiżiti dwar l-imġiba dinamika għandha tkun ivverifikata permezz ta’ valutazzjoni ta’:

—	L-irfigħ ’il fuq tal-wajer ta’ kuntatt u jew

—	Il-forza medja ta’ kuntatt Fm u d-devjazzjoni standard σmax jew

—	Perċentwali tal-arkjar (arcing)

L-Entità Kontraenti għandha tiddikjara l-metodu li għandu jintuża għal verifika. Il-valuri li għandhom jintlaħqu bil-metodu magħżul huma stabbiliti fit-Tabella 4.2.16.

Tabella 4.2.16

Ir-rekwiżiti għall-imġiba dinamika u għall-kwalità tal-ġbir tal-kurrent

Rekwiżit	Għal v> 160 km/h	Għal v ≤ 160 km/h
Spazju għall-irfigħ ’il fuq tal-isteady arm	2S 0
Forza medja ta’ kuntatt F m	Ara l-klawżola 4.2.15
Devjazzjoni standard fil-veloċità massima tal-linja σ max (N)	0.3F m
Perċentwali tal-arkjar fil-veloċità massima tal-linja, NQ (%) (tul minimu ta’ ark 5 ms)	≤ 0.1 għal sistemi ta’ kurrent alternat (AC) ≤ 0.2 għal sistemi ta’ kurrent dirett (DC)	≤ 0,1

Għal definizzjonijiet, valuri u metodi ta’ test irreferi għall-EN50317:2002 u għall-EN50318:2002.

S0 hija l-irfigħ ’il fuq ikkalkolat, simulat jew imkejjel tal-wajer ta’ kuntatt fl-isteady arm, iġġenerat f’kundizzjonijiet operattivi normali b’pantografu wieħed jew iktar b’forza medja ta’ kuntatt Fm fil-veloċità massima tal-linja. Meta l-irfigħ ’il fuq tal-isteady arm ikun limitat fiżikament minħabba d-disinn tal-linja ta’ kuntatt fl-għoli, huwa permissibbli li l-ispazju meħtieġ jitnaqqas għal 1.5 S0 (irreferi għall-klawżola 5.10.2 tal-EN50119:2009).

Il-forza massima (Fmax) f’rotta miftuħa ġeneralment tkun fil-medda ta’ Fm flimkien ma’ tliet devjazzjonijiet standard σmax; jista’ jkun hemm valuri ogħla f’postijiet partikolari u dawn ingħataw fit-Tabella 4 tal-klawżola 5.2.5.2 tal-EN50119:2009.

Għal komponenti riġidi, bħal iżolaturi tas-sezzjonijiet f’sistemi ta’ linji ta’ kuntatt fl-għoli, il-forza ta’ kuntatt tista’ tiġi miżjuda sa massimu ta’ 350 N.

4.2.17.   L-ispazjar tal-pantografi

Il-linja ta’ kuntatt fl-għoli għandha tkun iddisinjata għal minimu ta’ żewġ pantografi li joperaw biswit xulxin, b’linja ċentrali ta’ spazjar minimu għal-linja ċentrali tar-ras tal-pantografu kif inhu stabbilit fit-Tabella 4.2.17:

Tabella 4.2.17

L-ispazjar tal-pantografi

Veloċità operattiva (km/h)	Distanza minima tal-kurrent alternat (AC) (m)			Distanza minima tal-kurrent dirett (DC) ta’ 3 kV (m)			Distanza minima tal-kurrent dirett (DC) ta’ 1.5 kV (m)
Tip	A	B	C	A	B	C	A	B	C
160 < v ≤ 200	200	85	35	200	115	35	200	85	35
120 < v ≤ 160	85	85	35	20	20	20	85	35	20
80 < v ≤ 120	20	15	15	20	15	15	35	20	15
v ≤ 80	8	8	8	8	8	8	20	8	8

Jekk ikun applikabbli, il-parametri li ġejjin għandhom jiġu ddikjarati fir-Reġistru tal-Infrastruttura (ara l-Anness C):

—	It-tip ta’ distanza skont id-disinn (A jew B jew C) għal-linja ta’ kuntatt fl-għoli (OCL) skont it-Tabella 4.2.17.

—	L-ispazjar minimu bejn il-pantografi biswit xulxin inqas minn dak muri fit-Tabella 4.2.17.

—	In-numru ta’ pantografi iktar minn tnejn, li għalihom ġiet iddisinjata l-linja.

4.2.18.   Il-materjal tal-wajer ta’ kuntatt

Il-kombinazzjoni tal-materjal tal-wajer ta’ kuntatt u tal-materjal tal-istrixxa ta’ kuntatt għandha impatt qawwi fuq il-ħsara minħabba l-użu fuq iż-żewġ naħat.

Il-materjali permissibbli għall-wajers ta’ kuntatt huma r-ram u l-ligi tar-ram (ħlief il-ligi magħmula mir-ramm u mill-kadmju). Il-wajer ta’ kuntatt għandu jkun konformi mar-rekwiżiti tal-klawżoli 4.1, 4.2 u 4.5 sa 4.7 (ħlief għat-Tabella 1) tal-EN50149:2001.

Għal-linji tal-kurrent alternat (AC), il-wajer ta’ kuntatt għandu jkun iddisinjat biex jippermetti l-użu ta’ strixxi ta’ kuntatt magħmula mill-karbonju sempliċi (klawżola 4.2.8.2.9.4.2 tas-STI LOC&PAS CR). Fejn l-Amministratur Infrastrutturali (IM) jaċċetta materjal ieħor għall-istrixxi ta’ kuntatt, dan għandu jitniżżel fir-Reġistru tal-Infrastruttura (ara l-Anness C).

Għal-linji ta’kurrent dirett (DC), il-wajer ta’ kuntatt għandu jkun iddisinjat sabiex jaċċetta materjali għall-istrixxi ta’ kuntatt skont il-klawżola 4.2.8.2.9.4.2 tas-STI LOC&PAS CR.

4.2.19.   Is-sezzjonijiet ta’ separazzjoni tal-fażijiet

Id-disinn tas-sezzjonijiet ta’ separazzjoni tal-fażijiet għandu jiżgura li l-ferroviji jistgħu jiċċaqilqu minn sezzjoni għal oħra biswitha mingħajr ma ssir konnessjoni bejn iż-żewġ fażijiet. Il-konsum tal-enerġija għandu jitniżżel għal żero skont il-klawżola 5.1 tal-EN50388:2005.

Għandhom ikunu pprovduti mezzi adegwati (ħlief għas-sezzjoni ta’ separazzjoni qasira fil-Figura F.1 tal-Anness F) sabiex ferrovija li titwaqqaf fis-sezzjoni ta’ separazzjoni tal-fażijiet tkun tista’ terġa’ tiġi startjata. Is-sezzjoni newtrali għandha tkun tista’ tiġi konnessa mas-sezzjonijiet biswitha permezz ta’ skonnetturi kkontrollati mill-bogħod.

Normalment, id-disinn tas-sezzjonijiet ta’ separazzjoni għandu jadotta soluzzjonijiet kif ġie deskritt fl-Anness A.1 għall-EN50367:2006 jew fl-Anness F għal din is-STI. Fejn tkun proposta soluzzjoni alternattiva, għandu jintwera li l-alternattiva tkun mill-inqas affidabbli daqs is-soluzzjoni oriġinali.

L-informazzjoni dwar id-disinn tas-sezzjonijiet ta’ separazzjoni tal-fażijiet u l-konfigurazzjoni permissibbli tal-pantografi mgħollijin ’il fuq għandha tkun ipprovduta fir-Reġistru tal-Infrastruttura (ara l-Anness C).

4.2.20.   Is-sezzjonijiet ta’ separazzjoni tas-sistemi

4.2.20.1.   Ġenerali

Id-disinn tas-sezzjonijiet ta’ separazzjoni tas-sistema għandu jiżgura li l-vetturi jistgħu jiċċaqilqu minn sistema ta’ provvista tal-enerġija waħda għal sistema ta’ provvista tal-enerġija differenti li tinsab biswitha mingħajr ma jsiru konnessjonijiet bejn iż-żewġ sistemi. Separazzjoni ta’ sistemi bejn sistema ta’ kurrent alternat (AC) u waħda ta’ kurrent dirett (DC) teħtieġ li jittieħdu miżuri addizzjonali fir-return circuit kif ġie ddefinit fil-klawżola 6.1.1 tal-EN50122-2:1998.

Hemm żewġ metodi biex jiġu ttraversati s-sezzjonijiet ta’ separazzjoni tas-sistemi:

a.	b’pantografu mgħolli u li jmiss il-wajer ta’ kuntatt,

a.	b’pantografu mbaxxi u li ma jmissx il-wajer ta’ kuntatt.

L-Amministraturi Infrastrutturali ġirien għandhom jiftiehmu dwar (a) jew (b) skont iċ-ċirkustanzi prevalenti. Il-metodu li għandu jiġi adottat għandu jiġi rreġistrat fir-Reġistru tal-Infrastruttura (ara l-Anness C).

4.2.20.2.   Il-pantografi mgħollijin ’il fuq

Jekk is-sezzjonijiet ta’ separazzjoni tas-sistemi jiġu ttraversati b’pantografi mgħollijin ’il fuq sal-wajer ta’ kuntatt, id-disinn funzjonali tagħhom huwa speċifikat kif ġej:

—	il-ġeometrija tal-elementi differenti tal-linja ta’ kuntatt fl-għoli għandha twaqqaf lill-pantografi milli jikkawżaw xi xort jew jagħmlu konnessjoni bejn iż-żewġ sistemi tal-enerġija.

—	għandhom jittieħdu miżuri fis-subsistema tal-enerġija sabiex ikun evitat li jsiru konnessjonijiet bejn iż-żewġ sistemi ta’ provvista tal-enerġija biswit xulxin jekk is-salvavita(i) ta’ abbord ma taħdimx (jaħdmux),

—	il-varjazzjoni fl-għoli tal-wajer ta’ kuntatt tul is-sezzjoni ta’ separazzjoni kollha għandha tissodisfa r-rekwiżiti stabbiliti fil-klawżola 5.10.3 tal-EN50119:2009.

L-arranġamenti għall-pantografi li jitħallew jittraversaw is-separazzjoni tas-sistemi b’pantografi mgħollin ’il fuq għandhom ikunu pprovduti fir-Reġistru tal-Infrastruttura (ara l-Anness C).

4.2.20.3.   Il-pantografi mbaxxija

Din il-possibilità għandha tingħażel jekk il-kundizzjonijiet tal-operazzjoni bil-pantografi mgħollijin ’il fuq ma jistgħux jiġu sodisfatti.

Jekk sezzjoni ta’ separazzjoni tas-sistemi tiġi ttraversata bil-pantografi mbaxxija, għandha tkun iddisinjata b’tali mod li tevita li ssir konnessjoni minn pantografu li aċċidentalment ikun mgħolli ’l fuq. Għandu jkun ipprovdut tagħmir ħalli, jekk pantografu jibqa’ mgħolli, iż-żewġ sistemi ta’ provvista tal-enerġija jintfew, eż. bl-iskoperta ta’ xort.

4.2.21.   It-tagħmir għall-kejl tal-konsum tal-enerġija elettrika

Kif ġie speċifikat fil-klawżola 2.1 ta’ din is-STI, ir-rekwiżiti għat-tagħmir għall-kejl tal-konsum tal-enerġija elettrika ta’ abbord huma stabbiliti fis-STI LOC&PAS CR. Jekk jiġi installat tagħmir għall-kejl tal-konsum tal-enerġija elettrika, dan għandu jkun kompatibbli mal-klawżola 4.2.8.2.8 tas-STI LOC&PAS CR.

Dan it-tagħmir jista' jintuża għal finjiet ta’ kontijiet, u d-dejta li jagħti għandha tiġi aċċettata għall-ikkuntjar mill-Istati Membri kollha.

4.3.   L-ispeċifikazzjonijiet funzjonali u tekniċi tal-interfaces

4.3.1.   Ir-rekwiżiti ġenerali

Mill-perspettiva tal-kompatibilità teknika, l-interfaces huma elenkati fl-ordni tas-subsistemi kif ġej: vetturi ferrovjarji, infrastruttura, kontroll u kmand u sinjalazzjoni, operat u mmaniġġar tat-traffiku. Dawn jinkludu wkoll indikazzjonijiet rigward s-STI tas-sikurezza fil-mini ferrovjarji (STI SRT).

4.3.2.   Il-Lokomotivi u l-Vetturi Ferrovjarji għall-Passiġġieri

STI ENE CR		STI LOC&PAS CR
Parametru	Klawżola	Parametru	Klawżola
Vultaġġ u frekwenza	4.2.3	Operazzjoni fil-medda ta’ vultaġġi u ta’ frekwenzi	4.2.8.2.2
Kurrent massimu tal-ferrovija	4.2.4.1	Enerġija u kurrent massimi minn linja ta’ kuntatt fl-għoli (OCL)	4.2.8.2.4
Fattur tal-enerġija tal-ferroviji	4.2.4.2	Fattur tal-enerġija	4.2.8.2.6
Kapaċità tal-kurrent, sistemi ta’ kurrent dirett (DC), ferroviji weqfin	4.2.6	Kurrent massimu meta l-ferroviji jkunu weqfin għas-sistemi ta’ kurrent dirett (DC)	4.2.8.2.5
Ibbrejkjar riġenerattiv	4.2.7	Brejk riġenerattiv b’enerġija lil-linja ta’ kuntatt fl-għoli (OCL)	4.2.8.2.3
Arranġamenti għall-koordinazzjoni tal-protezzjoni elettrika	4.2.8	Protezzjoni elettrika tal-ferrovija	4.2.8.2.10
Armonija u effetti dinamiċi għas-sistemi ta’ kurrent alternat (AC)	4.2.9	Disturbi fl-enerġija tas-sistema għas-sistemi ta’ kurrent alternat (AC)	4.2.8.2.7
Ġeometrija tal-linja ta’ kuntatt fl-għoli	4.2.13	Medda ta’ ħidma fl-għoli tal-pantografu	4.2.8.2.9.1
		Ġeometrija tar-ras tal-pantografu	4.2.8.2.9.2
Qies standard tal-pantografu	4.2.14	Ġeometrija tar-ras tal-pantografu	4.2.8.2.9.2
		Tiqjis standard (gauging)	4.2.3.1
Forza medja ta’ kuntatt	4.2.15	Forza statika ta’ kuntatt tal-pantografu	4.2.8.2.9.5
		Forza ta’ kuntatt u mġiba dinamika tal-pantografu	4.2.8.2.9.6
Imġiba dinamika u kwalità tal-ġbir tal-kurrent	4.2.16	Forza ta’ kuntatt u mġiba dinamika tal-pantografu	4.2.8.2.9.6
Spazjar tal-pantografi	4.2.17	Arranġamenti tal-pantografi	4.2.8.2.9.7
Materjal tal-wajer ta’ kuntatt	4.2.18	Materjal tal-istrixxi ta’ kuntatt	4.2.8.2.9.4.2
Sezzjonijiet ta’ separazzjoni:		Passaġġ minn sezzjoni ta’ separazzjoni ta’ fażijiet jew ta’ sistemi	4.2.8.2.9.8
sistema	4.2.19
ta’ fażijiet	4.2.20
Tagħmir għall-kejl tal-konsum tal-enerġija elettrika	4.2.21	Funzjoni tal-kejl tal-konsum tal-enerġija	4.2.8.2.8

4.3.3.   L-Infrastruttura

STI ENE CR		STI INF CR
Parametru	Klawżola	Parametru	Klawżola
Qies standard tal-pantografi	4.2.14	Qies minimu tal-istrutturi (structure gauge)	4.2.4.1
Miżuri ta’ protezzjoni ta’:		Protezzjoni minn xokk tal-elettriku	4.2.11.3
— is-sistema tal-linji ta’ kuntatt fl-għoli (OCL)	4.7.3
— return circuit tal-kurrent	4.7.4

4.3.4.   Il-Kmand tal-Kontroll u s-Sinjalazzjoni

L-interface għall-kontroll tal-enerġija fis-sezzjonijiet ta’ separazzjoni tal-fażijiet u tas-sistemi huwa interface bejn is-subsistema tal-enerġija u s-subsistema tal-vetturi ferrovjarji. Madankollu, huwa kkontrollat permezz tas-subsistema tal-kmand tal-kontroll u s-sinjalazzjoni u konsegwentement l-interface huwa speċifikat fis-STI CCS CR u fis-STI LOC&PAS CR.

Peress li l-kurrenti armoniċi ġġenerati mill-vetturi ferrovjarji jaffetwaw is-subsistema tal-kmand tal-kontroll u s-sinjalazzjoni permezz tas-subsistema tal-enerġija, dan is-suġġett huwa ttrattat fis-subsistema tal-kmand tal-kontroll u s-sinjalazzjoni.

4.3.5.   L-Operat u l-Immaniġġar tat-Traffiku

L-Amministratur Infrastrutturali huwa meħtieġ li jkollu sistemi stabbiliti sabiex jikkomunika mal-Impriżi Ferrovjarji.

STI ENE CR		STI OPE CR
Parametru	Klawżola	Parametru	Klawżola
Ġestjoni tal-provvista tal-enerġija	4.4.2	Deskrizzjoni tal-linja u tat-tagħmir rilevanti maġenb il-linja assoċjat mal-linji li qed isir xogħol fihom	4.2.1.2.2
		Is-sewwieq jiġi informat f’ħin reali	4.2.1.2.3
Twettiq ta’ xogħlijiet	4.4.3	Elementi mmodifikati	4.2.1.2.2.2

4.3.6.   Is-Sikurezza fil-Mini Ferrovjarji

STI ENE CR		SRT STI
Parametru	Klawżola	Parametru	Klawżola
Kontinwità tal-provvista tal-enerġija f’każ ta’ disturbi fil-mini	4.2.5	Segmentazzjoni tal-linja fl-għoli jew tal-linji ferrovjarji kondutturi	4.2.3.1

4.4.   Ir-regoli operattivi

4.4.1.   Introduzzjoni

Sabiex ikunu sodisfatti r-rekwiżiti essenzjali tal-Kapitolu 3, ir-regoli operattivi speċifiċi għas-subsistema kkonċernata minn din is-STI huma kif ġej:

4.4.2.   Il-ġestjoni tal-provvista tal-enerġija

4.4.2.1.   Il-ġestjoni tal-provvista tal-enerġija f’kundizzjonijiet normali

F’kundizzjonijiet normali, sabiex ikun hemm konformità mal-klawżola 4.2.4.1, il-kurrent massimu permissibbli tal-ferrovija m’għandux jeċċedi l-valur inkluż fir-Reġistru tal-Infrastruttura (ara l-Anness C).

4.4.2.2.   Il-ġestjoni tal-provvista tal-enerġija f’kundizzjonijiet anormali

F’kundizzjonijiet anormali, il-kurrent massimu permissibbli tal-ferrovija (ara l-Anness C) jista’ jkun iktar baxx. L-Amministratur Infrastrutturali għandu jinforma lill-Impriżi Ferrovjarji bil-varjazzjoni.

4.4.2.3.   Il-ġestjoni tal-provvista tal-enerġija f’każ ta’ periklu

L-Amministratur Infrastrutturali għandu jimplimenta proċeduri sabiex f’emerġenza l-provvista tal-enerġija tkun ġestita b’mod adegwat. L-Impriżi Ferrovjarji li joperaw u l-kumpaniji li jaħdmu fuq il-linja għandhom jagħtu informazzjoni rigward il-miżuri temporanji, il-lokalità ġeografika fejn jinsabu, in-natura u il-mezzi ta’ sinjalazzjoni tagħhom. Ir-responsabilità għall-ertjar għandha tkun iddefinita fil-pjan ta’ emerġenza li għandu jinkiteb mill-Amministratur Infrastrutturali. Il-valutazzjoni tal-konformità għandha ssir billi tiġi kkontrollata l-eżistenza tal-mezzi ta’ komunikazzjoni, tal-istruzzjonijiet, tal-proċeduri u tal-apparati li għandhom jintużaw f’emerġenza.

4.4.3.   It-twettiq tax-xogħlijiet

F’ċerti sitwazzjonijiet li jinvolvu xogħlijiet ippjanati minn qabel, jista’ jkun hemm il-ħtieġa li l-ispeċifikazzjonijiet tas-subsistema tal-enerġija u tal-kostitwenti tal-interoperabilità tagħha, iddefiniti fil-Kapitoli 4 u 5 tas-STI, jiġu sospiżi temporanjament. F’dan il-każ, l-Amministratur Infrastrutturali għandu jiddefinixxi l-kundizzjonijiet operattivi eċċezzjonali xierqa li jkunu meħtieġa sabiex tkun żgurata s-sikurezza.

Id-dispożizzjonijiet ġenerali li ġejjin japplikaw:

—	il-kundizzjonijiet operattivi eċċezzjonali li ma jkunux konformi mas-STI għandhom ikunu temporanji u ppjanati,

—	l-impriżi ferrovjarji li joperaw u l-kumpaniji li jaħdmu fuq il-linja għandhom jagħtu informazzjoni rigward dawn l-eċċezzjonjiet temporanji, il-lokalità ġeografika tagħhom, in-natura u l-mezzi ta’ indikazzjoni tagħhom.

4.5.   Ir-regoli għall-manutenzjoni

Il-karatteristiċi speċifikati tas-sistema ta’ provvista tal-enerġija (inklużi s-substazzjonijiet u l-postijiet ta’ tqassim f’sezzjonijiet) u l-linja ta’ kuntatt fl-għoli għandhom jiġu sostnuti matul il-perjodu ta’ użu tagħhom.

Għandu jiġi ppreparat pjan ta’ manutenzjoni sabiex ikun żgurat li l-karatteristiċi speċifikati tas-subsistema tal-enerġija meħtieġa sabiex tkun żgurata l-interoperabilità jkunu sostnuti fil-limiti speċifikati. Il-pjan ta’ manutenjoni għandu jinkludi, b’mod partikolari, id-deskrizzjoni tal-kompetenzi professjonali għall-persunal u tat-tagħmir tas-sikurezza protettiva personali li għandu jintuża minnu.

Il-proċeduri ta’ manutenzjoni m’għandhomx jiżgradaw miżuri ta’ sikurezza bħall-kontinwità tar-return circuit tal-kurrent, il-limitu għall-vultaġġi għoljin wisq u l-iskoperta ta’ xi xort.

4.6.   Il-kwalifiki professjonali

L-Amministratur Infrastrutturali (IM) huwa responsabbli mill-kwalifiki professjonali u mill-kompetenza tal-persunal li jopera u jikkontrolla s-subsistema tal-enerġija; l-Amministratur Infrastrutturali (IM) irid jiżgura ruħu li l-proċessi għall-valutazzjoni tal-kompetenza huma ddokumentati b’mod ċar. Ir-rekwiżiti tal-kompetenzi għall-manutenzjoni tas-subsistema tal-enerġija għandhom jiġu elenkati b’mod dettaljat fil-pjan ta’ manutenzjoni (ara l-klawżola 4.5).

4.7.   Il-kundizzjonijiet tas-saħħa u tas-sikurezza

4.7.1.   Introduzzjoni

Il-kundizzjonijiet tas-saħħa u tas-sikurezza tal-persunal meħtieġa għall-operazzjoni u għall-manutenzjoni tas-subsistema tal-enerġija u għall-implimentazzjoni tas-STI ġew deskritti fil-klawżoli li ġejjin.

4.7.2.   Il-miżuri ta’ protezzjoni tas-substazzjonijiet u tal-postijiet ta’ tqassim f’sezzjonijiet

Is-sikurezza elettrika tas-sistemi ta’ provvista tal-enerġija tat-trazzjoni għandha tinkiseb billi dawn l-installazzjonijiet jiġu ddisinjati u ttestjati skont il-klawżoli 8 (ħlief ir-referenza għall-EN50179) u 9.1 tal-EN50122-1:1997. Is-substazzjonijiet u l-postijiet ta’ tqassim f’sezzjonijiet għandhom jiġu imbarrati kontra aċċess mhux awtorizzat.

L-ertjar tas-substazzjonijiet u tal-postijiet ta’ tqassim f’sezzjonijiet għandu jkun integrat fis-sistema ġenerali tal-ertjar matul ir-rotta.

Għal kull installazzjoni, għandu jintwera li r-return circuits tal-kurrent u l-kondutturi tal-ertjar ikunu adegwati skont l-eżami tad-disinn. Għandu jintwera li l-miżuri għall-protezzjoni minn xokk elettriku u l-potenzjal tal-linji ferrovjarji, kif ġew iddisinjati, ġew installati.

4.7.3.   Il-miżuri ta’ protezzjoni tas-sistema ta’ linji ta’ kuntatt fl-għoli

Is-sikurezza elettrika tas-sistema ta’ linji ta’ kuntatt fl-għoli u l-protezzjoni minn xokk elettriku għandhom jinkisbu b’konformità mal-klawżola 4.3 tal-EN50119:2009 u mal-klawżoli 4.1, 4.2, 5.1, 5.2 u 7 tal-EN50122-1:1997, ħlief għar-rekwiżiti rigward il-konnessjonijiet għaċ-ċirkwiti tal-binarji.

Il-miżuri għall-ertjar tas-sistema ta’ linji ta’ kuntatt fl-għoli għandhom jiġu integrati fis-sistema ġenerali tal-ertjar matul ir-rotta.

Għall kull installazzjoni, għandu jintwera li l-kondutturi tal-ertjar huma adegwati, skont l-eżami tad-disinn. Għandu jintwera li l-miżuri għall-protezzjoni minn xokk elettriku u l-potenzjal tal-linji ferrovjarji, kif ġew iddisinjati, ġew installati.

4.7.4.   Il-miżuri ta’ protezzjoni tar-return circuit tal-kurrent

Is-sikurezza elettrika u l-funzjonalità tar-return circuit tal-kurrent għandhom jinkisbu billi dawn l-installazzjonijiet jiġu ddisinjati skont il-klawżoli 7 u 9.2 sa 9.6 tal-EN50122-1:1997, (ħlief ir-referenza għall-EN 50179).

Għal kull installazzjoni għandu jintwera li r-return circuits tal-kurrent huma adegwati, skont l-eżami tad-disinn. Għandu jintwera wkoll li l-miżuri għall-protezzjoni minn xokk elettriku u l-potenzjal tal-linji ferrovjarji, kif ġew iddisinjati, ġew installati.

4.7.5.   Rekwiżiti ġenerali oħrajn

Minbarra l-klawżoli 4.7.2 sa 4.7.4 u r-rekwiżiti speċifikati fil-pjan ta’ manutenzjoni (ara l-klawżola 4.5), għandhom jittieħdu prekawzjonijiet sabiex ikunu żgurati s-saħħa u s-sikurezza għall-persunal tal-manutenzjoni u tal-operazzjonijiet, skont ir-regolamenti Ewropej u r-regolamenti nazzjonali li jkunu kompatibbli mal-leġiżlazzjoni Ewropea.

4.7.6.   L-Ilbies Li Jidher Ħafna

Il-persunal involut fil-manutenzjoni tas-subsistema tal-enerġija, meta jkun qed jaħdem fuq jew qrib il-binarju, għandu jilbes ilbies li jirrifletti, li jkollu fuqu l-marka CE (u għalhekk jissodisfa d-dispożizzjonijiet tad-Direttiva tal-Kunsill [89/686/KEE] tal-21 ta’ Diċembru 1989 dwar l-approssimazzjoni tal-liġijiet [tal]-Istati Membri rigward l-apparat personali protettiv (1).

4.8.   Ir-Reġistru tal-Infrastruttura u r-reġistru Ewropew tat-tipi ta’ vetturi awtorizzati

4.8.1.   Introduzzjoni

Skont l-Artikoli 33 u 35 tad-Direttiva 2008/57/KE, kull STI għandha tindika eżattament l-informazzjoni li trid tiġi inkluża fir-reġistru Ewropew tat-tipi ta’ vetturi awtorizzati u fir-Reġistru tal-Infrastruttura.

4.8.2.   Ir-Reġistru tal-Infrastruttura

L-Anness C għal din is-STI jindika liema informazzjoni rigward is-subsistema tal-enerġija għandha tkun inkluża fir-Reġistru tal-Infrastruttura. Fil-każijiet kollha, meta kwalunkwe parti mis-subsistema tal-enerġija jew is-subsistema kollha ssir konformi ma’ din is-STI, għandha ssir annotazzjoni fir-Reġistru tal-Infrastruttura kif ġie indikat fl-Anness C u fil-klawżola rilevanti fil-Kapitoli 4 u 7.5 (każijiet speċifiċi).

4.8.3.   Ir-reġistru Ewropew tat-tipi ta’ vetturi awtorizzati

L-Anness D għal din is-STI jindika liema informazzjoni rigward is-subsistema tal-enerġija għandha tkun inkluża fir-reġistru Ewropew tat-tip ta’ vetturi awtorizzati.

5.   IL-KOSTITWENTI TAL-INTEROPERABILITÀ

5.1.   Lista ta’ kostitwenti

Il-kostitwenti tal-interoperabilità huma koperti mid-dispożizzjonijiet rilevanti tad-Direttiva 2008/57/KE u, sa fejn għandha x’taqsam is-subsistema tal-enerġija, huma elenkati hawn taħt.

Linja ta’ kuntatt fl-għoli

:

Il-Kostitwent tal-Interoperabilità “linja ta’ kuntatt fl-għoli” jikkonsisti fil-komponenti elenkati iktar ’l isfel li għandhom jiġu installati f’subsistema tal-enerġija, u r-regoli assoċjati tad-disinn u tal-konfigurazzjoni. Il-komponenti ta’ linja ta’ kuntatt fl-għoli huma arranġament ta’ wajer(s) sospiż(i) fuq il-linja ferrovjarja għall-provvista tal-elettriku lill-ferroviji elettriċi, flimkien mat-tagħmir (fittings) assoċjat, mal-iżolaturi mqiegħda f’linja u ma’ aċċessorji oħrajn inklużi l-alimentaturi u l-jumpers (wajers qosra użati biex jagħmlu jew jiksru ċirkwit). Dan kollu jitqiegħed fuq il-limitu ta’ fuq tal-qies standard tal-vettura, biex il-vetturi jkunu pprovduti b’enerġija elettrika permezz tal-pantografi. Il-komponenti ta’ sostenn bħall-klejjeb, l-arbli u s-sisien, il-kondutturi bir-ritorn, l-alimentaturi awtotrasformaturi, is-swiċċijiet u iżolaturi oħrajn mhumiex parti mill-kostitwent tal-interoperabilità “linja ta’ kuntatt fl-għoli”. Dawn huma koperti mir-rekwiżiti tas-subsistema sa fejn għandha x’taqsam l-interoperabilità.

Il-valutazzjoni tal-konformità għandha tkopri l-fażijiet u l-karatteristiċi kif ġie indikat fil-klawżola 6.1.3 u b’X fit-Tabella A.1 tal-Anness A għal din is-STI.

5.2.   Il-prestazzjonijiet u l-ispeċifikazzjonijiet tal-kostitwenti

5.2.1.   Il-linja ta’ kuntatt fl-għoli

5.2.1.1.   Il-ġeometrija tal-linja ta’ kuntatt fl-għoli (OCL)

Id-disinn tal-linja ta’ kuntatt fl-għoli għandu jkun konformi mal-klawżola 4.2.13.

5.2.1.2.   Il-forza medja ta’ kuntatt

Il-linja ta’ kuntatt fl-għoli għandha tkun iddisinjata permezz tal-forza medja ta’ kuntatt F m stipulata fil-klawżola 4.2.15.

5.2.1.3.   L-imġiba dinamika

Ir-rekwiżiti għall-imġiba dinamika tal-linja ta’ kuntatt fl-għoli huma stabbiliti fil-klawżola 4.2.16

5.2.1.4.   L-ispazju għall-irfigħ ’il fuq

Il-linja ta’ kuntatt fl-għoli għandha tkun iddisinjata biex tipprovdi l-ispazju meħtieġ għall-irfigħ ’il fuq kif inhu stabbilit fil-klawżola 4.2.16

5.2.1.5.   Id-disinn għall-ispazjar tal-pantografi

Il-linja ta’ kuntatt fl-għoli għandha tkun iddisinjata għal spazjar tal-pantografi kif ġie speċifikat fil-klawżola 4.2.17.

5.2.1.6.   Il-kurrent meta l-ferrovija tkun wieqfa

Għas-sistemi ta’ kurrenti dirett (DC), il-linja ta’ kuntatt fl-għoli għandha tkun iddisinjata għar-rekwiżiti stabbiliti fil-klawżola 4.2.6.

5.2.1.7.   Il-materjal tal-wajer ta’ kuntatt

Il-materjal tal-wajer ta’ kuntatt għandu jkun konformi mar-rekwiżiti stabbiliti fil-klawżola 4.2.18.

6.   IL-VALUTAZZJONI TAL-KONFORMITÀ TAL-KOSTITWENTI TAL-INTEROPERABILITÀ U L-VERIFIKA TAL-KE TAS-SUBSISTEMI

6.1.   Il-Kostitwenti tal-Interoperabilità

6.1.1.   Il-proċeduri ta’ valutazzjoni tal-konformità

Il-proċeduri ta’ valutazzjoni tal-konformità tal-kostitwenti tal-interoperabbilità, kif ġew iddefiniti fil-Kapitolu 5 ta’ din is-STI, għandhom jitwettqu bl-applikazzjoni tal-moduli rilevanti.

Il-proċeduri ta’ valutazzjoni għal rekwiżiti partikolari għal kostitwent tal-interoperabilità huma stabbiliti fil-klawżola 6.1.4

6.1.2.   L-applikazzjoni tal-moduli

Għandhom jintużaw il-moduli għall-valutazzjoni tal-konformità tal-interoperabilità li ġejjin:

—	CA	Kontroll intern tal-produzzjoni
—	CB	Eżami tat-tip tal-KE
—	CC	Konformità skont it-tip ibbażata fuq kontroll intern tal-produzzjoni
—	CH	Konformità bbażata fuq sistema sħiħa ta’ ġestjoni tal-kwalità
—	CH1	Konformità bbażata fuq sistema sħiħa ta’ ġestjoni tal-kwalità flimkien ma’ eżami tad-disinn

Tabella 6.1.2

Il-moduli għall-valutazzjoni tal-konformità li għandhom jiġu applikati għall-Kostitwenti tal-Interoperabbilità (IC)

Proċeduri	Moduli
Imqiegħda fuq is-suq tal-UE qabel id-dħul fis-seħħ ta’ din is-STI	CA jew CH
Imqiegħda fuq is-suq tal-UE wara d-dħul fis-seħħ ta’ din is-STI	CB+CC jew CH1

Il-moduli għall-valutazzjoni tal-konformità tal-kostitwenti tal-interoperabilità għandhom jingħażlu minn dawk murija fit-Tabella 6.1.2.

Fil-każ ta’ prodotti mqiegħda fuq is-suq qabel il-pubblikazzjoni ta’ din is-STI, it-tip jiġi kkunsidrat bħala li kien approvat u għalhekk l-eżami tat-tip tal-KE (modulu CB) m’hemmx għalfejn issir, sakemm il-manifattur juri li t-testijiet u l-verifika tal-kostitwenti tal-interoperabbilità ġew ikkunsidrati bħala li rnexxew għall-applikazzjonijiet preċedenti f’kundizzjonijiet komparabbli u huma f’konformità mar-rekwiżiti ta’ din is-STI. F’dan il-każ, dawn il-valutazzjonijiet għandhom jibqgħu validi fl-applikazzjoni l-ġdida. Jekk ma jkunx possibbli li jintwera li s-soluzzjoni tkun ġiet ipprovata b’mod pożittiv fl-imgħoddi, għandha tapplika l-proċedura għall-Kostitwenti tal-Interoperabilità (IC) imqiegħda fuq is-suq tal-UE wara l-pubblikazzjoni ta’ din is-STI.

6.1.3.   Is-soluzzjonijiet innovattivi għall-Kostitwenti tal-Interoperabilità

Jekk tiġi proposta soluzzjoni innovattiva għal kostitwent tal-interoperabilità, kif ġie ddefinit fil-klawżola 5.2, il-manifattur jew ir-rappreżentant awtorizzat tiegħu stabbilit fil-Komunità għandu jiddikjara d-devjazzjonijiet mill-klawżola rilevanti ta’ din is-STI u jressaqhom quddiem il-Kummissjoni biex jiġu analizzati.

F’każ li l-analiżi tirriżulta f’opinjoni favorevoli, l-ispeċifikazzjonijiet funzjonali u tal-interface għall-kostitwent xierqa u l-metodu ta’ valutazzjoni xieraq għandhom ikunu żviluppati taħt l-awtorizzazzjoni tal-Kummissjoni.

L-ispeċifikazzjonijiet funzjonali u tal-interface u l-metodi ta’ valutazzjoni xierqa li jiġu prodotti b’dan il-mod għandhom ikunu inkorporati fis-STI bil-proċess ta’ reviżjoni.

Bin-notifika ta’ deċiżjoni tal-Kummissjoni, meħuda skont l-Artikolu 29 tad-Direttiva, is-soluzzjoni innovattiva tista’ titħalla tintuża qabel ma tkun inkorporata fis-STI bil-proċess ta’ reviżjoni.

6.1.4.   Il-proċedura ta’ valutazzjoni partikolari għall-Kostitwent tal-Interoperabilità – il-Linja ta’ Kuntatt fl-Għoli (OCL)

6.1.4.1.   Il-valutazzjoni tal-imġiba dinamika u tal-kwalità tal-ġbir tal-kurrent

Il-valutazzjoni tal-imġiba dinamika u tal-kwalità tal-ġbir tal-kurrent tinvolvi l-linja ta’ kuntatt fl-għoli (is-subsistema tal-enerġija) u l-pantografu (is-subsistema tal-vetturi ferrovjarji).

Disinn ġdid ta’ linja ta’ kuntatt fl-għoli għandu jkun ivvalutat b’simulazzjoni skont l-EN50318:2002 u bil-kejl ta’ sezzjoni għat-test tad-disinn il-ġdid skont l-EN50317:2002.

Għall-finijiet ta’ simulazzjoni u ta’ analiżi tar-riżultati, għandhom jiġu kkunsidrati karatteristiċi rappreżentattivi (pereżempju mini, crossovers (postijiet minn fejn wieħed jista’ jaqsam għal post ieħor), sezzjonijiet newtrali eċċ.).

Is-simulazzjonijiet għandhom isiru billi jintużaw mill-inqas żewġ tipi differenti ta’ pantografi li jkunu konformi (2) mas-STI għall-veloċità (3) xierqa u sistema ta’ provvista, sal-veloċità skont id-disinn tal-Kostitwent tal-Interoperabilità propost – il-linja ta’ kuntatt fl-għoli.

Huwa permess li s-simulazzjoni ssir billi jintużaw tipi ta’ pantografu li għadhom qed jiksbu ċ-ċertifikazzjoni ta’ Kostitwent tal-Interoperabilità (IC), sakemm dawn jissodisfaw ir-rekwiżiti l-oħra tas-STI LOC&PAS CR.

Is-simulazzjoni għandha ssir għal pantografu wieħed u għal pantografi multipli bi spazjar skont ir-rekwiżiti stabbiliti fil-klawżola 4.2.17.

Sabiex tkun aċċettabbli, il-kwalità tal-ġbir simulat tal-kurrent għandha tkun skont il-klawżola 4.2.16 għall-irfigħ ’il fuq, għall-forza medja ta’ kuntatt u għad-devjazzjoni standard għal kull wieħed mill-pantografi.

Jekk ir-riżultati tas-simulazzjoni jkunu aċċettabbli, għandu jsir test dinamiku fis-sit b’sezzjoni rappreżentattiva tal-linja ta’ kuntatt fl-għoli l-ġdida.

Għat-test fis-sit li ssemma iktar ’il fuq, wieħed miż-żewġ tipi ta’ pantografu magħżula għas-simulazzjoni għandu jiġi installat fuq vettura ferrovjarja li tippermetti l-veloċità xierqa fis-sezzjoni rappreżentattiva.

It-testijiet għandhom isiru mill-inqas għall-arranġamenti tal-agħar każ tal-pantografi derivati mis-simulazzjonijiet u għandhom jissodisfaw ir-rekwiżiti stabbiliti fil-klawżola 4.2.17.

Kull pantografu għandu jipproduċi forza medja ta’ kuntatt sal-veloċità prevista skont id-disinn tal-linja ta’ kuntatt fl-għoli (OCL) li qed tiġi ttestjata kif meħtieġ mill-klawżola 4.2.15.

Sabiex tkun aċċettabbli, il-kwalità tal-ġbir imkejjel tal-kurrent għandha tkun skont il-klawżola 4.2.16 għall-irfigħ ’il fuq, u jew il-forza medja ta’ kuntatt u d-devjazzjoni standard jew perċentwali tal-arkjar.

Jekk id-disinn tal-linja ta’ kuntatt fl-għoli ttestjat jirnexxielu jgħaddi l-valutazzjonijiet kollha msemmija iktar ’il fuq, dan għandu jiġi kkunsidrat bħala konformi u jista’ jintuża fuq linji fejn il-karatteristiċi tad-disinn ikunu kompatibbli.

Il-valutazzjoni tal-imġiba dinamika u tal-kwalità tal-ġbir tal-kurrent għall-kostitwent tal-interoperabilità “il-pantografu” huma stabbiliti fil-klawżola 6.1.2.2.6 tas-STI LOC&PAS CR

6.1.4.2.   Il-valutazzjoni tal-kurrent meta l-ferrovija tkun wieqfa

Il-valutazzjoni tal-konformità għandha ssir skont l-Anness A.4.1 għall-EN50367:2006.

6.1.5.   Id-dikjarazzjoni tal-KE tal-konformità tal-Kostitwenti tal-Interoperabilità

Skont il-klawżola 3 tal-Anness IV għad-Direttiva 2008/57/KE, id-dikjarazzjoni tal-KE tal-konformità għandha tkun akkumpanjata minn dikjarazzjoni li tistabbilixxi l-kundizzjoni tal-użu:

—	il-vultaġġ u l-frekwenza nominali;

—	il-veloċità massima skont id-disinn.

6.2.   Is-subsistema tal-enerġija

6.2.1.   Dispożizzjonijiet ġenerali

Fuq talba tal-applikant, il-Korp Notifikat iwettaq il-verifika tal-KE skont l-Anness VI għad-Direttiva 2008/57/KE, u skont id-dispożizzjonijiet tal-moduli rilevanti.

Jekk l-applikant juri li t-testijiet jew il-verifiki ta’ subsistema tal-enerġija rnexxew għall-applikazzjonijiet preċedenti ta’ disinn f’ċirkustanzi simili, il-Korp Notifikat għandu jikkunsidra dawn it-testijiet u dawn il-verifiki għall-verifika tal-KE.

Il-proċeduri ta’ valutazzjoni għal rekwiżiti partikolari għal subsistema huma stabbiliti fil-klawżola 6.2.4

L-applikant għandu jikkompila d-dikjarazzjoni tal-verifika tal-KE għas-subsistema tal-enerġija skont l-Artikolu 18(1) ta’ u l-Anness V għad-Direttiva 2008/57/KE.

6.2.2.   L-applikazzjoni tal-moduli

Għall-proċedura ta’ verifika tal-KE tas-subsistema tal-enerġija, l-applikant jew ir-rappreżentant awtorizzat tiegħu stabbilit fil-Komunità jista’ jagħżel jew:

—	Il-Modulu SG: Verifika tal-KE bbażata fuq il-verifika ta’ unità, jew

—	Il-Modulu SH1: Verifika tal-KE bbażata fuq sistema sħiħa ta’ ġestjoni tal-kwalità flimkien ma’ eżami tad-disinn.

6.2.2.1.   L-applikazzjoni tal-Modulu SG

Fil-każ tal-Modulu SG, il-Korp Notifikat jista’ jikkunsidra l-evidenza tal-eżamijiet, il-kontroll jew it-testijiet li twettqu bsuċċess, f’kundizzjonijiet komparabbli minn entitajiet oħrajn (4) jew minn (jew f’isem) l-applikant.

6.2.2.2.   L-applikazzjoni tal-Modulu SH1

Il-Modulu SH1 jista’ jingħażel biss fejn l-attivitajiet li jagħtu kontribut għas-subsistema proposta li għandha tiġi vverifikata (disinn, manifattura, assemblaġġ u installazzjoni) ikunu suġġetti għal sistema ta’ ġestjoni tal-kwalità għad-disinn, għall-produzzjoni, għall-ispezzjoni u għall-ittestjar tal-prodott finali, li jkunu approvati u eżaminati minn Korp Notifikat.

6.2.3.   Is-soluzzjonijiet innovattivi

Jekk is-subsistema tinkludi soluzzjoni innovattiva, kif ġiet iddefinita fil-klawżola 4.1, l-applikant għandu jiddikjara d-devjazzjoni mill-klawżoli rilevanti tas-STI u jressaqhom quddiem il-Kummissjoni.

F’każ ta’ opinjoni favorevoli, għandhom jiġu żviluppati l-ispeċifikazzjonijiet funzjonali u tal-interface u l-metodi ta’ valutazzjoni xierqa għal din is-soluzzjoni.

L-ispeċifikazzjonijiet funzjonali u tal-interface u l-metodi ta’ valutazzjoni xierqa li jiġu prodotti b’dan il-mod imbagħad għandhom jiġu inkorporati fis-STI bil-proċess ta’ reviżjoni. Bin-notifika ta’ deċiżjoni tal-Kummissjoni, meħuda skont l-Artikolu 29 tad-Direttiva, is-soluzzjoni innovattiva tista’ titħalla tintuża qabel ma tkun inkorporata fis-STI bil-proċess ta’ reviżjoni.

6.2.4.   Il-proċeduri ta’ valutazzjoni partikolari għal Subsistema

6.2.4.1.   Il-valutazzjoni tal-vultaġġ utli medju

Il-valutazzjoni għandha ssir skont il-klawżoli 14.4.1, 14.4.2 (simulazzjoni biss) u 14.4.3 tal-EN50388:2005.

6.2.4.2.   Il-valutazzjoni tal-ibbrejkjar riġenerattiv

Il-valutazzjoni tal-installazzjonijiet fissi tal-provvista tal-enerġija tal-kurrent alternat (AC) għandha ssir skont il-klawżola 14.7.2 tal-EN50388:2005.

Il-valutazzjoni tal-provvista tal-enerġija tal-kurrent dirett (DC) għandha ssir b’eżami tad-disinn.

6.2.4.3.   Il-valutazzjoni tal-arranġamenti għall-koordinazzjoni tal-protezzjoni elettrika

Il-valutazzjoni tad-disinn u tal-operazzjoni tas-substazzjonijiet għandha ssir skont il-klawżola 14.6 tal-EN50388:2005.

6.2.4.4.   Il-valutazzjoni tal-armonija u tal-effetti dinamiċi tas-sistemi tal-kurrent alternat (AC)

Il-valutazzjoni, ibbażata fuq studju ta’ kompatibilità, għandha ssir skont il-klawżola 10.3 tal-EN50388:2005, fejn jiġu kkunsidrati l-vultaġġi għoljin wisq mogħtija fil-klawżola 10.4 tal-EN 50388:2005.

6.2.4.5.   Il-valutazzjoni tal-imġiba dinamika u tal-kwalità tal-ġbir tal-kurrent (integrazzjoni f’subsistema)

Jekk il-linja ta’ kuntatt fl-għoli li għandha tiġi installata fuq linja ġdida tiġi ċċertifikata bħala Kostitwent tal-Interoperabilità, biex tkun ikkontrollata l-installazzjoni korretta għandu jintuża l-kejl tal-parametri tal-interazzjoni skont l-EN50317:2002.

Dan il-kejl għandu jsir b’pantografu li jkun Kostitwent tal-Interoperabilità, li jkollu l-karatteristiċi ta’ forza medja ta’ kuntatt kif inhuma meħtieġa mill-klawżola 4.2.15 ta’ din is-STI għall-veloċità prevista skont id-disinn tal-linja ta’ kuntatt fl-għoli.

Il-mira ewlenija ta’ dan it-test huwa li jiġu identifikati l-iżbalji fil-kostruzzjoni imma mhux li jiġi vvalutat id-disinn fil-prinċipju.

Il-linja ta’ kuntatt fl-għoli installata tista’ tiġi aċċettata jekk ir-riżultati tal-kejl ikunu konformi mar-rekwiżiti fil-klawżola 4.2.16 għall-irfigħ ’il fuq, u jew il-forza medja ta’ kuntatt u d-devjazzjoni standard jew il-perċentwali tal-arkjar.

Il-valutazzjoni tal-imġiba dinamika u tal-kwalità tal-ġbir tal-kurrent għall-integrazzjoni tal-pantografu fis-subsistema tal-vetturi ferrovjarji hija stabbilita fil-klawżola 6.2.2.2.14 tas-STI LOC&PAS CR

6.2.4.6.   Il-valutazzjoni tal-pjan ta’ manutenzjoni

Il-valutazzjoni għandha ssir billi jiġi vverifikat jekk hux qed issir manutenzjoni.

Il-Korp Notifikat mhux responsabbli mill-valutazzjoni tal-idoneità tar-rekwiżiti dettaljati stabbiliti fil-pjan.

6.3.   Subsistema li tinkludi Kostitwenti tal-Interoperabilità li ma jkollhomx dikjarazzjoni tal-KE

6.3.1.   Kundizzjonjiet

Waqt il-perjodu ta’ tranżizzjoni pprovdut fl-Artikolu 4 ta’ din id-Deċiżjoni, Korp Notifikat jitħalla joħroġ ċertifikat ta’ verifika tal-KE għal subsistema, anki jekk uħud mill-kostitwenti tal-interoperabilità inkorporati fis-subsistema ma jkunux koperti mid-dikjarazzjonijiet tal-KE tal-konformità u/jew tal-idoneità għall-użu rilevanti skont din is-STI, jekk ikun hemm konformità mal-kriterji li ġejjin:

—	il-konformità tas-subsistema ġiet ikkontrollata mar-rekwiżiti tal-Kapitolu 4 u b’relazzjoni għall-Kapitoli 6.2 sa 7 (ħlief il-“Każijiet Speċifiċi”) ta’ din is-STI mill-Korp Notifikat. Barra minn hekk, il-konformità tal-Kostitwenti tal-Interoperabilità (IC) mal-Kapitoli 5 u 6.1 ma tapplikax, u

—	il-kostitwenti tal-interoperabilità li mhumiex koperti mid-dikjarazzjoni tal-KE tal-konformità u/jew tal-idoneità għall-użu rilevanti, intużaw f’subsistema li diġà kienet approvata u mqiegħda fis-servizz f’mill-inqas Stat Membru wieħed qabel id-dħul fis-seħħ ta’ din is-STI.

M’għandhomx ikunu kkompilati dikjarazzjonijiet tal-KE tal-konformità u/jew tal-idoneità għall-użu għall-kostitwenti tal-interoperabilità li ġew ivvalutati b’dan il-mod.

6.3.2.   Id-dokumentazzjoni

Iċ-ċertifikat ta’ verifika tal-KE tas-subsistema għandu jindika b’mod ċar liema kostitwenti tal-interoperabilità ġew ivvalutati mill-Korp Notifikat bħala parti mill-verifika tas-subsistema.

Id-dikjarazzjoni tal-verifika tal-KE tas-subsistema għandha tindika b’mod ċar:

—	Liema kostitwenti tal-interoperabilità ġew ivvalutati bħala parti mis-subsistema

—	Il-konferma li s-subsistema tinkludi kostitwenti tal-interoperabilità identiċi għal dawk ivverifikati bħala parti mis-subsistema.

—

Għal dawk il-kostitwenti tal-interoperabilità, ir-raġuni(jiet) għaliex il-manifattur ma pprovdiex dikjarazzjoni tal-KE tal-konformità u/jew tal-idoneità għall-użu qabel l-inkorporazzjoni tagħhom fis-subsistema, inkluż l-applikazzjoni tar-regoli nazzjonali notifikati fl-Artikolu 17 tad-Direttiva 2008/57/KE.

6.3.3.   Il-manutenzjoni tas-subsistemi ċċertifikati skont il-klawżola 6.3.1

Waqt il-perjodu ta’ tranżizzjoni kif ukoll wara li jkun intemm il-perjodu ta’ tranżizzjoni, sakemm is-subsistema tiġi aġġornata jew rinnovata (fejn tiġi kkunsidrata d-deċiżjoni tal-Istat Membru dwar l-applikazzjoni tas-STI), il-kostitwenti tal-interoperabilità li m’għandhomx dikjarazzjoni tal-KE tal-konformità u/jew tal-idoneità għall-użu u tal-istess tip jitħallew jintużaw bħala sostituti relatati mal-manutenzjoni (spare parts) għas-subsistema, taħt ir-responsabilità tal-korp responsabbli mill-manutenzjoni. Ikun xi jkun il-każ, il-korp responsabbli mill-manutenzjoni jrid jiżgura ruħu li l-komponenti għas-sostituti relatati mal-manutenzjoni jkunu adattati għall-applikazzjonijiet tagħhom, jintużaw fil-qasam tal-użu tagħhom, u jagħtu lok biex tintlaħaq l-interoperabilità fis-sistema ferrovjarja filwaqt li fl-istess ħin jissodisfaw ir-rekwiżiti essenzjali. Komponenti ta’ din ix-xorta jridu jkunu traċċabbli u ċċertifikati skont kwalunkwe regola nazzjonali jew internazzjonali, jew kwalunkwe kodiċi ta’ prattika rikonoxxut fil-wisa’ fil-qasam ferrovjarju.

7.   L-IMPLIMENTAZZJONI

7.1.   Ġenerali

Għal-linji tat-TEN, l-Istat Membru għandu jispeċifika dawk il-partijiet tas-subsistema tal-enerġija li jkunu meħtieġa għas-servizzi interoperabbli (eż. linja ta’ kuntatt fl-għoli fuq il-binarji, binarji żgħar maġenb il-binarju ewlieni (sidings), stazzjonijiet, wesgħat fejn jinġemgħu l-ferroviji (marshalling yards) u għalhekk jeħtieġ li jkunu konformi ma’ din is-STI. Meta jiġi biex jispeċifika dawn l-elementi, l-Istat Membru għandu jikkunsidra l-koerenza tas-sistema kollha.

7.2.   L-istrateġija progressiva lejn l-interoperabilità

7.2.1.   Introduzzjoni

L-istrateġija deskritta f’din is-STI tapplika għal linji ġodda, aġġornati u rinnovati.

Il-modifika tal-linji eżistenti sabiex jinġiebu f’konformità mas-STI tista’ tinvolvi spejjeż kbar ta’ investiment u, konsegwentement, tista’ tkun progressiva.

Skont il-kundizzjonijiet stabbiliti fl-Artikolu 20(1) tad-Direttiva 2008/57/KE, l-istrateġija ta’ migrazzjoni tindika l-mod li bih l-installazzjonijiet eżistenti għandhom jiġu adattati meta jkun ekonomikament iġġustifikat li jsir dan.

7.2.2.   L-istrateġija ta’ migrazzjoni għall-vultaġġ u għall-frekwenza

L-għażla tas-sistema ta’ provvista tal-enerġija hija deċiżjoni tal-Istat Membru. Id-deċiżjoni għandha tittieħed għal raġunijiet ekonomiċi, fejn mill-inqas jiġu kkunsidrati l-fatturi li ġejjin:

—	is-sistema eżistenti ta’ provvista tal-enerġija f’dak l-Istat Membru,

—	kwalunkwe konnessjoni ma’ linja ferrovjarja fil-pajjiżi ġirien ma’ provvista tal-enerġija elettrika eżistenti.

7.2.3.   L-istrateġija ta’ migrazzjoni għall-pantografi u għall-ġeometrija tal-linja ta’ kuntatt fl-għoli (OCL)

Il-linja ta’ kuntatt fl-għoli għandha tkun iddisinjata biex tintuża minn għall-inqas wieħed mill-pantografi b’ġeometrija tar-ras (1 600 mm jew 1 950 mm) speċifikata fil-klawżola 4.2.8.2.9.2 tas-STI LOC&PAS CR.

7.3.   L-applikazzjoni ta’ din is-STI għal linji ġodda

Il-Kapitoli 4 sa 6 u kwalunkwe dispożizzjoni speċifika fil-paragrafu 7.5 t’iktar ’l isfel japplikaw b’mod sħiħ għal-linji li jaqgħu taħt l-ambitu ġeografiku ta’ din is-STI (ara l-paragrafu 1.2) u li se jintużaw wara li din is-STI tidħol fis-seħħ.

7.4.   L-applikazzjoni ta’ din is-STI għal linji eżistenti

7.4.1.   Introduzzjoni

Filwaqt li s-STI tista’ tiġi applikata b’mod sħiħ għal installazzjonijiet ġodda, l-implimentazzjoni fuq il-linji l-ġodda tista’ teħtieġ xi modifiki fit-tagħmir eżistenti. Il-grad ta’ modifika meħtieġa għandu jiddependi minn kemm ikun konformi t-tagħmir eżistenti. Il-prinċipji li ġejjin japplikaw fil-każ tas-STI CR, mingħajr preġudizzju għall-klawżola 7.5 (Każijiet speċifiċi).

Fejn japplika l-Artikolu 20(2) tad-Direttiva 2008/57/KE, jiġifieri li tkun meħtieġa awtorizzazzjoni għat-tqegħid fis-servizz, l-Istat Membru għandu jiddeċiedi liema rekwiżiti tas-STI għandhom jiġu applikati, filwaqt li jikkunsidra l-istrateġija ta’ migrazzjoni.

Fejn l-Artikolu 20(2) tad-Direttiva 2008/57/KE ma japplikax għaliex awtorizzazzjoni ġdida għat-tqegħid fis-servizz mhix meħtieġa, il-konformità ma’ din is-STI hija rrakkomandata. Fejn ma jkunx possibbli li tintlaħaq konformità, l-entità kontraenti għandha tinforma lill-Istat Membru bir-raġuni għal dan.

Fejn l-Istat Membru jeħtieġ li tagħmir ġdid jitqiegħed fis-servizz, l-Entità Kontraenti għandha tiddefinixxi l-miżuri prattiċi u l-fażijiet differenti tal-proġett li jkunu meħtieġa sabiex jintlaħqu l-livelli meħtieġa tal-prestazzjoni. Dawn il-fażijiet tal-proġett jistgħu jinkludu perjodi ta’ tranżizzjoni biex biex it-tagħmir jitqiegħed fis-servizz b’livelli mnaqqsa ta’ prestazzjoni.

Subsistema eżistenti tista' tippermetti ċ-ċirkulazzjoni ta’ vetturi konformi mas-STI meta din tkun tissodisfa r-rekwiżiti essenzjali tad-Direttiva 2008/57/KE. F’dan il-każ, l-Amministratur Infrastrutturali, fuq bażi volontarja, għandu jkun jista’ jimla r-Reġistru tal-Infrastruttura stabbilit fl-Artikolu 35 tad-Direttiva 2008/57/KE. Il-proċedura li għandha tintuża għall-wiri tal-livell ta’ konformità mal-parametri bażiċi ta’ din is-STI għandha tiġi ddefinita fl-ispeċifikazzjoni tar-Reġistru tal-Infrastruttura li l-Kummissjoni għandha tadotta skont dak l-Artikolu.

7.4.2.   L-aġġornament/ir-rinnovazzjoni tal-linja ta’ kuntatt fl-għoli (OCL) u/jew tal-provvista tal-enerġija

Sabiex tintlaħaq il-konformità ma’ din is-STI, huwa possibbli li l-Linja ta’ Kuntatt fl-Għoli u/jew is-sistema ta’ provvista tal-enerġija kollha jew parti minnhom – element element – jiġu mmodifikati gradwalment tul perjodu estiż ta’ żmien.

Madankollu, il-konformità tas-subsistema kollha tista’ tiġi ddikjarata biss meta l-elementi kollha jkunu nġiebu f’konformità mas-STI.

Il-proċess ta’ aġġornament/rinnovazzjoni għandu jikkunsidra l-ħtieġa li tinżamm il-kompatibilità mas-subsistema tal-enerġija eżistenti u ma’ subsistemi oħrajn. Għal proġett li jinkludi elementi li ma jkunux konformi mas-STI, biex ikunu applikati l-proċeduri ta’ valutazzjoni tal-konformità u ta’ verifika tal-KE għandu jintlaħaq ftehim mal-Istat Membru.

7.4.3.   Il-parametri relatati mal-manutenzjoni

Filwaqt li s-subsistema tal-enerġija tinżamm f’kundizzjoni tajba, il-verifiki u l-awtorizzazzjonijiet formali biex titqiegħed fis-servizz mhumiex meħtieġa. Madankollu, sa fejn ikun raġonevolment prattikabbli, jistgħu jsiru sostituzzjonijiet għal finijiet ta’ manutenzjoni skont ir-rekwiżiti ta’ din is-STI filwaqt li jingħata kontribut għall-iżvilupp tal-interoperabilità.

7.4.4.   Is-subsistemi eżistenti li mhumiex suġġetti għal proġett ta’ rinnovazzjoni jew ta’ aġġornament

Subsistema li qed tintuża tista’ tippermetti li l-ferroviji li jkunu konformi mar-rekwiżiti tas-STI tal-vetturi ferrovjarji HS u CR jaħdmu filwaqt li jissodisfaw ir-rekwiżiti essenzjali. F’dan il-każ, l-Amministratur Infrastrutturali, fuq bażi volontarja, jista’ jimla r-Reġistru tal-Infrastruttura skont l-Anness C għal din is-STI biex juri l-livell ta’ konformità mal-parametri bażiċi ta’ din is-STI.

7.5.   Każijiet speċifiċi

7.5.1.   Introduzzjoni

Il-miżuri speċjali li ġejjin huma permessi fil-każijiet speċifiċi li jissemmew iktar ’l isfel:

(a)   każijiet “P”: każijiet permanenti;

(b)   każijiet “T”: każijiet temporanji, fejn huwa rrakkomandat li s-sistema fil-mira tintlaħaq sal-2020 (għan iffissat fid-Deċiżjoni Nru 1692/96/KE tal-Parlament Ewropew u tal-Kunsill tat-23 ta’ Lulju 1996 fuq linji gwida tal-Komunità għall-iżvilupp tan-network tat-trasport trans-Ewropew (5), kif emendata bid-Deċiżjoni Nru 884/2004/KE tal-Parlament Ewropew u tal-Kunsill (6).

7.5.2.   Lista ta’ każijiet speċifiċi

7.5.2.1.   Il-karatteristiċi partikolari tan-netwerk Estonjan

Każ P

Il-parametri bażiċi kolha mill-klawżola 4.2.3 sal-klawżola 4.2.20 mhumiex applikabbli għal-linji b’binarju ta’ 1 520 mm u għadhom qed jiġu diskussi.

7.5.2.2.   Il-karatteristiċi partikolari tan-netwerk Franċiż

7.5.2.2.1.   Il-vultaġġ u l-frekwenza (4.2.3)

Każ T

Il-valuri ta’ u l-limiti għall-vultaġġ u għall-frekwenza fit-terminali tas-substazzjoni u fejn jinstab il-pantografu tal-linji elettrifikati b’kurrent dirett (DC) ta’ 1.5 kV:

—	Nimes sa Port Bou,

—	Toulouse sa Narbonne,

jistgħu jestendu l-valuri stabbiliti fil-klawżola 4 (Umax2 qrib l-2 000 V) tal-EN50163:2004,.

7.5.2.2.2.   Il-Forza Medja ta’ Kuntatt (4.2.15)

Każ P

Għal linja ta’ kurrent dirett (DC) ta’ 1.5 kV, il-forza medja ta’ kuntatt għandha l-medda li ġejja:

Tabella 7.5.2.2.2

Il-meded tal-forza medja ta’ kuntatt

Kurrent dirett (DC) ta’ 1.5 kV

70 N < Fm < 0.00178*v2 + 110 N b’valur ta’ 140 N meta l-ferrovija tkun wieqfa

7.5.2.3.   Il-karatteristiċi partikolari tan-netwerk Finlandiż

7.5.2.3.1.   Il-ġeometrija tal-linja ta’ kuntatt fl-għoli – l-għoli tal-wajer ta’ kuntatt (4.2.13.1)

Każ P

L-għoli nominali tal-wajer ta’ kuntatt huwa ta’ 6.15 m, b’għoli minimu ta’ 5.60 m u b’għoli massimu ta’ 6.60 m.

7.5.2.4.   Il-karatteristiċi partikolari tan-netwerk Latvjan

Każ P

Il-parametri bażiċi kollha mill-klawżola 4.2.3 sal-klawżola 4.2.20 mhumiex applikabbli għal linji b’binarju ta’ 1 520 mm u għadhom qed jiġu diskussi.

7.5.2.5.   Il-karatteristiċi partikolari tan-netwerk Litwan

Każ P

Il-parametri bażiċi kollha mill-klawżola 4.2.3 sal-klawżola 4.2.20 mhumiex applikabbli għal linji b’binarju ta’ 1 520 mm u għadhom qed jiġu diskussi.

7.5.2.6.   Il-karatteristiċi partikolari tan-netwerk Sloven

7.5.2.6.1.   Il-qies standard tal-pantografu (4.2.14)

Każ P

Fil-każ tas-Slovenja, għar-rinnovazzjoni u għall-aġġornament tal-linji eżistenti rigward il-qies minimu eżistenti tal-istrutturi (mini, toroq fuq toroq (overpasses) u pontijiet), il-qies standard ta’ pantografu kinematiku mekkaniku huwa skont il-profil ta’ pantografu ta’ 1 450 mm kif ġie ddefinit fil-Figura B.2 tal-istandard EN50367, 2006.

7.5.2.7.   Il-karatteristiċi partikolari tan-netwerk tar-Renju Unit għall-Gran Brittanja

7.5.2.7.1.   L-għoli tal-wajer ta’ kuntatt (4.2.13.1)

Każ P

Fil-Gran Brittanja, għall-aġġornament jew għar-rinnovazzjoni tas-subsistema tal-enerġija eżistenti, jew għall-kostruzzjoni ta’ subsistemi ġodda tal-enerġija fuq l-infrastruttura eżistenti, l-għoli nominali tal-wajer ta’ kuntatt adottat m’għandux ikun inqas minn 4 700 mm.

7.5.2.7.2.   Id-devjazzjoni laterali (4.2.13.3)

Każijiet P

Fil-Gran Brittanja, għal subsistemi tal-enerġija ġodda, aġġornati jew rinnovati, id-devjazzjoni laterali permissibbli tal-wajer ta’ kuntatt b’relazzjoni għal-linja ċentrali tal-binarju skont id-disinn taħt l-azzjoni tal-irjieħ inkroċjati għandha tkun ta’ 475 mm (sakemm ma jiġix iddikjarat valur iktar baxx fir-Reġistru tal-Infrastruttura) b’għoli tal-wajer ta’ inqas minn jew daqs 4 700 mm inklużi l-konċessjonijiet għall-kostruzzjoni, għall-effetti tat-temperatura u għat-tagħwiġa tal-arblu. Għal għolijiet tal-wajers ta’ iktar minn 4 700 mm, dan il-valur għandu jonqos b’0,040 × (għoli tal-wajer (mm) – 4 700) mm.

7.5.2.7.3.   Il-qies standard tal-pantografu (4.2.14 u l-Anness E)

Każijiet P

Fil-Gran Brittanja, għall-aġġornament jew għar-rinnovazzjoni tas-subsistema tal-enerġija eżistenti, jew għall-kostruzzjoni ta’ subsistemi ġodda tal-enerġija fuq l-infrastruttura eżistenti, il-qies standard tal-pantografu kinematiku mekkaniku huwa ddefinit fid-dijagramma t’hawn taħt (Figura 7.5.2.7).

Figura 7.5.2.7

Il-qies standard tal-pantografu

Id-dijagramma turi l-involukru estrem li l-movimenti tar-ras tal-pantografu għandhom jibqgħu fih. L-involukru għandu jitqiegħed fil-pożizzjoni estrema tal-linji ċentrali tal-binarju permessi mit-tolleranzi tal-binarju, li mhumiex inklużi. L-involukru huwa qies standard assolut, mhux Profil ta’ Referenza suġġett għal aġġustamenti.

Bil-veloċitajiet kollha sal-veloċità tal-linja; il-pożizzjoni mżerżqa (cant) massima; il-veloċità massima tar-riħ li fiha tkun possibbli operazzjoni mingħajr restrizzjonijiet, u l-veloċità estrema tar-riħ, iddefiniti fir-Reġistru tal-Infrastruttura:

W = 800 + J mm, meta H ≤ 4 300 mm; u

W′ = 800 + J + (0,040 × (H – 4 300)) mm, meta H > 4 300 mm.

Fejn:

H	=	L-għoli sal-quċċata tal-involukru ’l fuq mil-livell tal-linja ferrovjarja (f’mm). Id-dimensjoni hija s-somma tal-għoli tal-wajer ta’ kuntatt u l-mezz għall-irfigħ ’il fuq.
J	=	200 mm fuq binarju dritt.
J	=	230 mm fuq binarju kkurvat.
J	=	190 mm (minimu) fejn ikun hemm restrizzjonijiet minħabba l-ispazju madwar l-infrastruttura ċivili li ma jistax jiġi miżjud b'mod ekonomiku.

Għandhom isiru konċessjonijiet addizzjonali, li jinkludu l-ħsara minħabba l-użu tal-wajer ta’ kuntatt, l-ispazju mekkaniku, l-ispazju madwar tagħmir tal-elettriku (electrical clearance) statiku jew dinamiku.

7.5.2.7.4.   Il-Ferrovija Elettrifikata b’kurrent dirett (DC) ta’ 600/750 V li tuża linji ferrovjarji kondutturi fuq il-livell tal-art

Każ P

Il-linji mgħammra bis-sistema ta’ elettrifikazzjoni li topera b’kurrent dirett (DC) ta’ 600/750 V DC u li tuża linji ferrovjarji kondutturi fuq il-livell tal-art b’kuntatt mal-quċċata f’konfigurazzjoni bi tliet u/jew erba’ linji ferrovjarji għandha tkompli tiġi aġġornata, rinnovata u estiża fejn dan ikun ekonomikament iġġustifikat. Għandhom japplikaw l-Istandards Nazzjonali.

7.5.2.7.5.   Il-miżuri ta’ protezzjoni tas-sistema ta’ linji ta’ kuntatt fl-għoli (4.7.3)

Każ P

Fir-referenza għall-klawżola 5.1 tal-EN50122-1:1997, għandha tapplika l-kundizzjoni nazzjonali speċjali għal din il-klawżola (5.1.2.1).

8.   LISTA TAL-ANNESSI

A	Il-Valutazzjoni tal-Konformità tal-Kostitwenti tal-Interoperabilità

B	Il-verifika tal-KE tas-subsistema tal-enerġija

C	Ir-Reġistru tal-Infrastruttura u informazzjoni dwar is-subsistema tal-enerġija

D	Ir-reġistru Ewropew tat-tipi ta’ vetturi awtorizzati u l-informazzjoni meħtieġa mis-subsistema tal-enerġija

E	Id-determinazzjoni tal-qies standard tal-pantografu kinematiku mekkaniku

F	Is-soluzzjonijiet tas-sezzjonijiet ta’ separazzjoni tal-fażijiet u tas-sistemi

G	Il-fattur tal-enerġija

H	Il-protezzjoni elettrika: l-attivazzjoni tas-salvavita ewlenija

I	Lista ta’ standards imsemmija

J

Glossarju

ANNESS A

IL-VALUTAZZJONI TAL-KONFORMITÀ TAL-KOSTITWENTI TAL-INTEROPERABILITÀ

A.1.   L-Ambitu

Dan l-Anness jindika l-valutazzjoni tal-konformità tal-kostitwent tal-interoperabilità (linja ta’ kuntatt fl-għoli) tas-subsistema tal-enerġija.

Għall-kostitwenti tal-interoperabilità eżistenti, għandha tiġi segwita l-proċedura deskritta fil-Kapitolu 6.1.2..

A.2.   IL-Karatteristiċi

Il-karatteristiċi tal-kostitwent tal-interoperabilità li għandhom jiġu vvalutati billi jiġi applikat il-modulu CB jew CH1 huma mmarkati b’X fit-Tabella A.1. Il-fażi tal-produzzjoni għandha tkun ivvalutata fis-subsistema.

Tabella A.1

Il-valutazzjoni tal-kostitwent tal-interoperabilità: linja ta’ kuntatt fl-għoli

	Valutazzjoni fil-fażi li ġejja				Proċeduri ta’ valutazzjoni partikolari
	Fażi tad-disinn u tal-iżvilupp			Fażi tal-produzzjoni
Karatteristika - klawżola	Eżami tad-disinn	Eżami tal-proċess ta’ manifattura	Test tat-Tip	Kwalità tal-prodott (prouduzzjoni serjali)
Ġeometrija - 5.2.1.1	X	M/A	M/A	M/A
Forza medja ta’ kuntatt - 5.2.1.2	X	M/A	M/A	M/A
Imġiba dinamika - 5.2.1.3	X	M/A	X	M/A	Valutazzjoni tal-Konformità skont il-klawżola 6.1.4.1 permezz ta’ simulazzjoni validata skont l-EN50318:2002 għall-eżami tad-disinn u kejl skont l-EN50317:2002 għat-test tat-tip
Spazju għall-irfigħ ’il fuq - 5.2.1.4	X	M/A	X	M/A	Simulazzjoni validata skont l-EN50318:2002 għall-Eżami tad-Disinn u l-kejl skont l-EN50317:2002 għat-Testijiet tat-Tip b’forza medja ta’ kuntatt skont il-klawżola 4.2.15
Disinn għall-ispazjar tal-pantografi - 5.2.1.5	X	M/A	M/A	M/A
Kurrent meta l-ferrovija tkun wieqfa - 5.2.1.6	X	M/A	X	M/A	Skont il-klawżola 6.1.4.2
Materjal tal-wajer ta’ kuntatt - 5.2.1.7	X	M/A	X	M/A
M/A: mhux applikabbli

ANNESS B

IL-VERIFIKA TAL-KE TAS-SUBSISTEMA TAL-ENERĠIJA

B.1.   L-Ambitu

Dan l-Anness jindika l-verifika tal-KE tas-subsistema tal-enerġija.

B.2.   Il-Karatteristiċi u l-Moduli

Il-karatteristiċi tas-subsistema li għandha tiġi vvalutata fil-fażijiet differenti tad-disinn, tal-installazzjoni u tal-operazzjoni huma mmarkati b’X fit-Tabella B.1.

Tabella B.1

Il-verifika tal-KE tas-subsistema tal-enerġija

Parametri bażiċi	Fażi tal-valutazzjoni
	Fażi tal-iżvilupp tad-disinn	Fażi tal-produzzjoni
	Eżami tad-disinn	Kostruzzjoni, assemblaġġ, immuntar	Assemblaġġ qabel it-tqegħid fis-servizz	Validazzjoni f’kundizzjonijiet operattivi sħaħ	Proċeduri ta’ valutazzjoni partikolari
Vultaġġ u frekwenza- 4.2.3	X	M/A	M/A	M/A
Parametri relatati mal-prestazzjoni tas-sistema - 4.2.4	X	M/A	M/A	M/A	Valutazzjoni tal-vultaġġ medju utli skont il-klawżola 6.2.4.1
Kontinwità tal-provvista tal-enerġija f’każ ta’ disturbi fil-mini- 4.2.5	X	M/A	X	M/A
Kapaċità tal-kurrent, sistemi ta’ kurrent dirett (DC), ferroviji weqfin - 4.2.6	X (*)	M/A	M/A	M/A
Ibbrejkjar riġenerattiv - 4.2.7	X	M/A	M/A	M/A	Skont il-klawżola 6.2.4.2
Arranġamenti għall-koordinazzjoni tal-protezzjoni elettrika- 4.2.8	X	M/A	X	M/A	Skont il-klawżola 6.2.4.3
Armonija u effetti dinamiċi għas-sistemi ta’ kurrent alternat (AC)- 4.2.9	X	M/A	M/A	M/A	Skont il-klawżola 6.2.4.4
Ġeometrija tal-linja ta’ kuntatt fl-għoli: Għoli tal-wajer ta’ kuntatt- 4.2.13.1	X (*)	M/A	M/A	M/A
Ġeometrija tal-linja ta’ kuntatt fl-għoli: Varjazzjoni fl-għoli tal-wajer ta’ kuntatt - 4.2.13.2	X (*)	M/A	M/A	M/A
Ġeometrija tal-linja ta’ kuntatt fl-għoli: Devjazzjoni laterali - 4.2.13.3	X (*)	M/A	M/A	M/A
Qies standard tal-pantografu - 4.2.14	X	M/A	M/A	M/A
Forza medja ta’ kuntatt - 4.2.15	X (*)	M/A	M/A	M/A
Imġiba dinamika u kwalità tal-ġbir tal-kurrent - 4.2.16	X (*)	M/A	X	M/A	Verifika skont il-klawżola 6.1.4.1 b’simulazzjoni validata skont l-EN50318:2002 għall-eżami tad-disinn. Verifika tal-linja ta’ kuntatt fl-għoli assemblata skont il-klawżola 6.2.4.5 bil-kejl skont l-EN 50317:2002.
Spazjar tal-pantografi - 4.2.17	X (*)	M/A	M/A	M/A
Materjal tal-wajer ta’ kuntatt - 4.2.18	X (*)	M/A	M/A	M/A
Sezzjonijiet ta’ separazzjoni tal-fażijiet -4.2.19	X	M/A	M/A	M/A
Sezzjonijiet ta’ separazzjoni tas-sistemi -4.2.20	X	M/A	M/A	M/A
Ġestjoni tal-provvista tal-enerġija f’każ ta’ periklu - 4.4.2.3	X	M/A	X	M/A
Regoli għall-manutenzjoni – 4.5	M/A	M/A	X	M/A	Skont il-klawżola 6.2.4.6
Protezzjoni minn xokk elettriku 4.7.2, 4.7.3, 4.7.4	X	X	X	M/A1)	1) Il-validazzjoni f’kundizzjonijiet operattivi sħaħ għandha ssir biss meta l-validazzjoni fil-fażi tal-“Assemblaġġ qabel it-tqegħid fis-servizz” ma tkunx possibbli.
M/A: mhux applikabbli

ANNESS C

IR-REĠISTRU TAL-INFRASTRUTTURA U INFORMAZZJONI DWAR IS-SUBSISTEMA TAL-ENERĠIJA

C.1.   L-ambitu

Dan l-Anness ikopri l-informazzjoni dwar is-subsistema tal-enerġija li għandha tiġi inkluża fir-Reġistru tal-Infrastruttura għal kull sezzjoni omoġenja ta’ linji konformi li għandha tiġi stabbilita skont il-klawżola 4.8.2.

C.2.   Il-karatteristiċi li għandhom jiġu deskritti

It-Tabella C.1 tinkludi dawk il-karatteristiċi tal-interoperabilità tas-subsistema tal-enerġija li dwarhom għandha tingħata dejta għal kull sezzjoni tal-linja.

Tabella C.1

L-informazzjoni li għandha tingħata fir-Reġistru tal-Infrastruttura

Parametru, element tal-interoperabilità	Klawżola
Vultaġġ u frekwenza	4.2.3
Kurrent massimu tal-ferrovija	4.2.4.1
Kurrent massimu meta l-ferrovija tkun wieqfa, sistemi ta’ kurrent dirett (DC) biss	4.2.6
Kundizzjonijiet sabiex tkun akkomodata l-enerġija riġenerata	4.2.7
Għoli nominali tal-wajer ta’ kuntatt	4.2.13.1
Profil(i) aċċettat(i) tal-pantografi	4.2.13.3
Veloċità massima tal-linja b’pantografu operattiv wieħed (jekk ikun applikabbli)	4.2.17
Tip ta’distanza skont id-disinn tal-linja ta’ kuntatt fl-għoli (OCL)	4.2.17
Spazjar minimu bejn il-pantografi biswit xulxin (jekk ikun applikabbli)	4.2.17
Numru ta’ pantografi iktar minn tnejn li għalihom ġiet iddisinjata l-linja (jekk ikun applikabbli)	4.2.17
Materjal permess tal-istrixxa ta’ kuntatt	4.2.18
Sezzjonijiet ta’ separazzjoni tal-fażijiet: it-tip ta’ sezzjoni ta’ separazzjoni li ntużat Informazzjoni dwar l-operazzjoni, il-konfigurazzjoni tal-pantografu mgħolli ’l fuq	4.2.19
Sezzjonijiet ta’ separazzjoni tas-sistemi: it-tip ta’ sezzjoni ta’ separazzjoni li ntużat Informazzjoni dwar l-operazzjoni: l-attivazzjoni tas-salvavita, tbaxxija tal-pantografi	4.2.20
Każijiet Speċifiċi	7.5
Kwalunkwe diverġenza oħra mir-rekwiżiti tas-STI

ANNESS D

IR-REĠISTRU EWROPEW TAT-TIPI TA’ VETTURI AWTORIZZATI U L-INFORMAZZJONI MEĦTIEĠA MIS-SUBSISTEMA TAL-ENERĠIJA

D.1   L-ambitu

Dan l-Anness ikopri l-informazzjoni dwar is-subsistema tal-enerġija li għandha tkun inkluża fir-reġistru Ewropew tat-tipi ta’ vetturi awtorizzati.

D.2   Il-karatteristiċi li għandhom jiġu deskritti

It-Tabella D.1 tinkludi dawk il-karatteristiċi tal-interoperabilità tas-subsistema tal-enerġija li dwarhom għandha tingħata dejta fir-reġistru Ewropew tat-tipi ta’ vetturi awtorizzati.

Tabella D.1

L-informazzjoni li għandha tingħata fir-reġistru Ewropew tat-tipi ta’ vetturi awtorizzati

Parametru, element tal-interoperabilità	Informazzjoni	Klawżola tas-STI LOC&PAS CR
Protezzjoni Elettrika tal-ferrovija	Kapaċità ta’qtugħ (breaking capacity) ta’ salvavita ta’ abbord (kA), ferroviji li joperaw fuq linja ta’ 15 kV 16.7 Hz	4.2.8.2.10
Arranġament tal-pantografi	Spazjar	4.2.8.2.9.7
Apparat imwaħħal għal-limitazzjoni tal-kurrent	Tip/Klassifikazzjoni	4.2.8.2.4
Installazzjoni ta’ apparati awtomatiċi għall-kontroll tal-enerġija	Tip/Klassifikazzjoni	4.2.8.2.4
Brejk riġenerattiv installat	Iva/Le	4.2.8.2.3
Preżenza ta’ miters tal-enerġija ta’ abbord	Iva/Le	4.2.8.2.8
Każijiet Speċifiċi relatati mal-Enerġija		7.3
Kwalunkwe diverġenza oħra mir-rekwiżiti tas-STI

ANNESS E

ID-DETERMINAZZJONI TAL-QIES STANDARD TAL-PANTOGRAFU KINEMATIKU MEKKANIKU

E.1.   Ġenerali

E.1.1.   L-ispazju li għandu jiġi żgumbrat għal-linji elettrifikati

Fil-każ ta’ linji elettrifikati minn linja ta’ kuntatt fl-għoli, għandu jiġi żgumbrat spazju addizzjonali sabiex:

—	ikun akkomodat it-tagħmir tal-linja ta’ kuntatt fl-għoli (OCL)

—	il-pantografu jingħata passaġġ ħieles.

Dan l-anness jittratta l-passaġġ ħieles tal-pantografu (qies standard tal-pantografu). L-Amministratur Infrastrutturali għandu jikkunsidra l-ispazju madwar tagħmir tal-elettriku.

E.1.2.   Partikularitajiet

Il-qies standard tal-pantografu huwa differenti f’xi aspetti mill-qies standard tal-ostakli (obstacle gauge):

—	Mill-pantografu jgħaddi (parzjalment) l-elettriku, u għalhekk, għandu jinżamm ċertu spazju madwar tagħmir tal-elettriku, skont in-natura tal-ostaklu (iżolat jew le).

—	Fejn ikun meħtieġ għandha tiġi kkunsidrata l-preżenza ta’ qran iżolanti (insulating horns). Għalhekk, irid jiġi ddefinit kontorn doppju ta’ referenza sabiex l-interferenza mekkanika u dik elettrika jiġu kkunsidrati fl-istess ħin.

—	F’kundizzjoni ta’ ġbir, il-pantografu jkun f’kuntatt permanenti mal-wajer ta’ kuntatt u, għal din ir-raġuni, l-għoli tiegħu jkun varjabbli, l-istess bħall-għoli tal-qies standard tal-pantografu.

E.1.3.   Is-simboli u l-abbrevjazzjonijiet

Simbolu	Deskrizzjoni	Unità
bw	Nofs it-tul tal-ark (bow) tal-pantografu	m
bw,c	Nofs it-tul tat-tul konduttiv (bi qran iżolanti) jew tat-tul ta’ ħidma (bi qran konduttivi) tal-ark tal-pantografu	m
b'o,mec	Il-wisa’ ta’ qies standard ta’ pantografu kinematiku mekkaniku fil-punt ta’ fuq ta’ verifika	m
b'u,mec	Il-wisa’ ta’ qies standard ta’ pantografu kinematiku mekkaniku fil-punt t’isfel ta’ verifika	m
bh,mec	Il-wisa’ ta’ qies standard ta’ pantografu kinematiku mekkaniku f’għoli intermedju, h	m
dl	Id-devjazzjoni laterali tal-wajer ta’ kuntatt	m
Do	Il-pożizzjoni mżerżqa ta’ referenza kkunsidrata mill-vettura għall-qies standard tal-pantografu	m
ep	Ix-xengila tal-pantografu minħabba l-karatteristiċi tal-vettura	m
epo	Ix-xengila tal-pantografu fil-punt ta’ verifika ta’ fuq	m
epu	Ix-xengila tal-pantografu fil-punt ta’ verifika t’isfel	m
fs	Il-marġni biex jiġi kkunsidrat meta l-wajer ta’ kuntatt jiġi mgħolli ’l fuq	m
fwa	Il-marġni biex tiġi kkunsidrata l-ħsara minħabba l-użu tal-istrixxa ta’ kuntatt tal-pantografu	m
fws	Il-marġni biex jiġi kkunsidrat il-moviment tal-ark meta jidħol fuq il-wajer ta’ kuntatt minħabba x-xengila tal-pantografu	m
h	L-għoli b’relazzjoni għas-superfiċje li fuqha jimxu r-roti (running surface)	m
h'co	L-għoli ta’ referenza taċ-ċentru tar-romblu għall-qies standard tal-pantografu	m
h’	L-għoli ta’ referenza fil-kalkolu tal-qies standard tal-pantografu	m
h'o	L-għoli massimu ta’ verifika tal-qies standard tal-pantografu f’pożizzjoni ta’ ġbir	m
h'u	L-għoli minimu ta’ verifika tal-qies standard tal-pantografu f’pożizzjoni ta’ ġbir	m
heff	L-għoli effettiv tal-pantografu mgħolli ’l fuq	m
hcc	L-għoli statiku tal-wajer ta’ kuntatt	m
I’0	Id-defiċjenza fil-pożizzjoni mżerżqa ta’ referenza kkunsidrata mill-vettura għat-tiqjis standard tal-pantografu	m
L	Id-distanza bejn iċ-ċentri tal-linji ferrovjarji ta’ binarju	m
l	Il-qies standard tal-binarju, id-distanza bejn it-truf tal-linja ferrovjarja li magħhom imissu r-roti	m
q	Il-moviment trasversali bejn il-fus u l-qafas tal-vagun jew tat-troli bir-roti (bogie) jew, għall-vetturi mhux mgħammra b’vaguni jew bi trolis bir-roti, bejn il-fus u l-bodi tal-vettura	m
qs'	Il-moviment kważi statiku	m
s'o	Il-koeffiċjent ta’ flessibilità kkunsidrat b’korrispondenza bejn il-vettura u l-infrastruttura għat-tiqjis standard tal-pantografu
S’i/a	Id-deċentrament (overthrow) addizzjonali permess fuq in-naħa ta’ ġewwa/barra tal-kurva għall-pantografi	m
w	Il-moviment trasversali bejn il-vagun jew it-troli bir-rota u l-bodi	m
θ	It-tolleranza tal-immuntar tal-pantografu fuq is-saqaf.	radian
τ	Il-flessibilità trasversali tal-apparat tal-immuntar fuq is-saqaf.	m
Σj	Is-somma tal-marġnijiet ta’ sikurezza (orizzontali) li jkopru wħud mill-fenomeni mhux sistematiċi (j = 1, 2 jew 3) għall-qies standard tal-pantografu

a taħt il-vers: tirreferi għan-naħa ta’ barra tal-kurva

i taħt il-vers: tirreferi għan-naħa ta’ ġewwa tal-kurva

E.1.4.   Il-prinċipji bażiċi

Figura E.1

Il-qisien standard tal-pantografi

Il-qies standard tal-pantografu jiġi ssodisfat biss jekk ikun hemm konformità mal-qisien standard mekkaniċi u elettriċi fl-istess ħin:

—	Il-profil ta’ referenza tal-passaġġ ħieles jinkludi t-tul tar-ras tal-ġabbar tal-pantografu u x-xengila tal-pantografu ep, li tapplika sal-pożizzjoni mżerżqa ta’ referenza jew sad-defiċjenza fil-pożizzjoni mżerżqa.

—	L-ostakli li jkun għaddej minnhom il-kurrent u l-ostakli iżolati għandhom jibqgħu barra mill-qies standard mekkaniku.

—	L-ostakli mhux iżolati (ertjati jew b’potenzjal differenti mil-linja ta’ kuntatt fl-għoli (OCL)) għandhom jibqgħu barra mill-qisien standard mekkaniċi u elettriċi.

Il-Figura E.1 turi l-qisien standard mekkaniċi tal-pantografu.

E.2.   Id-determinazzjoni tal-qies standard tal-pantografu kinematiku mekkaniku

E.2.1.   Id-determinazzjoni tal-wisa’ tal-qies standard mekkaniku

E.2.1.1.   L-ambitu

Il-wisa’ tal-qies standard tal-pantografu tiġi ddeterminata prinċipalment mit-tul u mill-ispostamenti tal-pantografu kkunsidrat. Lil hinn mill-fenomeni speċifiċi, il-fenomeni simili għal dawk tal-qies standard tal-ostakli jinsabu fl-ispustamenti trasversali.

Il-qies standard tal-pantografu għandu jiġi kkunsidrat fl-għolijiet li ġejjin:

—	L-għoli ta’ verifika ta’ fuq h’o ,

—	L-għoli ta’ verifika t’isfel h’u .

Bejn dawn iż-żewġ għolijiet, jista’ jiġi kkunsidrat li l-wisa’ tal-qies standard tvarja b’mod lineari.

Id-diversi parametri jintwerew fil-Figura E.2.

E.2.1.2.   Il-metodoloġija tal-kalkolu

Il-wisa’ tal-qies standard tal-pantografu għandha tkun iddeterminata mis-somma tal-parametri ddefiniti iktar ’l isfel. Fil-każ ta’ linja li matulha jgħaddu diversi pantografi, għandha tiġi kkunsidrata l-wisa’ massima.

Għall-punt ta’ verifika t’isfel b’h = h'u:

Għall-punt ta’ verifika ta’ fuq b’h = h'o :

NOTA i/a = ġewwa/barra tal-kurva.

Għal kwalunkwe għoli intermedju h, il-wisa’ tiġi ddeterminata permezz ta’ interpolazzjoni:

E.2.1.3.   Nofs it-tulbw tal-ark tal-pantografu

Nofs it-tul bw tal-ark tal-pantografu jiddependi mit-tip ta’ pantografu użat. Il-profil(i) tal-pantografu li għandhom jiġu kkunsidrati huma ddefiniti fil-klawżola 4.2.8.2.9.2 tas-STI LOC&PAS CR.

E.2.1.4.   Ix-xengila tal-pantografu ep

Ix-xengila tiddependi prinċipalment mill-fenomeni li ġejjin:

—	Il-moviment q + w fil-kaxxi tal-fusien u bejn il-vagun jew it-troli bir-roti u l-bodi.

—	L-ammont ta’ inklinazzjoni tal-bodi kkunsidrata mill-vettura (jiddependi mill-flessibilità speċifika s0 ’, mill-pożizzjoni mżerżqa ta’ referenza D’0 u mid-defiċjenza fil-pożizzjoni mżerżqa ta’ referenza I’0 ).

—	It-tolleranza fl-immuntar θ tal-pantografu fuq is-saqaf.

—	Il-flessibilità trasversaliτ tal-apparat tal-immuntar fuq is-saqaf.

—	L-għoli kkunsidrat h’.

Figura E.2

Id-determinazzjoni tal-wisa’ tal-qies standard mekkaniku kinematiku tal-pantografu f’għolijiet differenti

E.2.1.5.   Id-deċentramenti addizzjonali

Il-qies standard tal-pantografu għandu deċentramenti addizzjonali speċifiċi. F’każ ta’ qies standard ta’ binarju standard, għandha tapplika l-formola li ġejja:

Għal qisien standard ta’ binarji oħrajn għandhom japplikaw ir-regoli nazzjonali.

E.2.1.6.   L-effett kważi statiku

Peress li l-pantografu jiġi installat fuq is-saqaf, l-effett kważi statiku għandu rwol importanti fil-kalkolu tal-qies standard tal-pantografu. Dak l-effett huwa kkalkolat mill-flessibilità speċifika s0 ’, mill-pożizzjoni mżerżqa ta’ referenza D’0 u mid-defiċjenza fil-pożizzjoni mżerżqa ta’ referenza I’0 :

NOTA Il-pantografi normalment jiġu mmuntati fuq is-saqaf ta’ unità tal-enerġija, li l-flessibilità ta’ referenza tagħha s0’ ġeneralment tkun iċken minn dik tal-qies standard tal-ostakli s0.

E.2.1.7.   Il-konċessjonijiet

Skont id-definizzjoni tal-qies standard, għandhom jiġu kkunsidrati l-fenomeni li ġejjin:

—	In-nuqqas ta’ simetrija fit-tagħbija.

—	L-ispostament trasversali tal-binarju bejn żewġ azzjonijiet suċċessivi ta’ manutenzjoni.

—	Il-varjazzjoni fil-pożizzjoni mżerżqa li jkun hemm bejn żewġ azzjonijiet suċċessivi ta’ manutenzjoni.

—	L-oxxillazzjonijiet iġġenerati min-nuqqas ta’ livell wati tal-binarju.

Is-somma tal-konċessjonijiet li ssemmew ’iktar ’il fuq hija koperta minn Σj.

E.2.2.   Id-determinazzjoni tal-għoli tal-qies standard mekkaniku

L-għoli tal-qies standard għandu jkun iddeterminat fuq il-bażi tal-għoli statiku hcc , tal-wajer ta’ kuntatt fil-punt lokali kkunsidrat. Il-parametri li ġejjin għandhom jiġu kkunsidrati:

—	Id-distanza li l-wajer ta’ kuntatt jiġi mgħolli ’l fuq fs iġġenerata mill-forza ta’ kuntatt tal-pantografu. Il-valur ta’ fs jiddependi mit-tip ta’ linja ta’ kuntatt fil-għoli (OCL) u għalhekk għandu jkun iddeterminat mill-Amministratur Infrastrutturali skont il-klawżola 4.2.16.

—

Id-distanza li r-ras tal-pantografu tiġi mgħollija ’l fuq minħabba d-direzzjoni oblikwa (skew) tar-ras tal-pantografu ġġenerata mill-punt ta’ kuntatt imrikkeb u mill-ħsara minħabba l-użu tal-istrixxa tal-ġabbar fws + fwa . Il-valur permissibbli ta’ fws jintwera fis-STI LOC&PAS CR u fwa . tiddependi mir-rekwiżiti ta’manutenzjoni.

L-għoli tal-qies standard mekkaniku jingħata mill-formola li ġejja:

E.3.   Il-parametri ta’ referenza

Il-parametri għall-qies standard tal-pantografu kinematiku mekkaniku u għad-determinazzjoni

—	l – skont il-qies standard tal-binarju

—	s0 = 0,225

—	hc0 = 0,5 m

—	I0 = 0,066 m u D0 = 0,066 m

—	h’o = 6,500 m u h’u = 5,000 m

E.4.   Il-kalkolu tad-devjazzjoni massima laterali tal-wajer ta’ kuntatt

Id-devjazzjoni laterali massima tal-wajer ta’ kuntatt għandha tkun ikkalkolata billi jiġu kkunsidrati l-moviment totali tal-pantografu relattivament għall-pożizzjoni nominali tal-binarju u l-medda konduttiva (jew it-tul ta’ ħdima, għall-pantografi mingħajr qran magħmula minn materjal konduttiv) kif ġej:

bw,c – iddefinit fil-klawżoli 4.2.8.2.9.1 u 4.2.8.2.9.2 tas-STI LOC&PAS CR

ANNESS F

IS-SOLUZZJONIJIET TAS-SEZZJONIJIET TA’ SEPARAZZJONI TAL-FAŻIJIET U TAS-SISTEMI

Id-disinji tas-sezzjonijiet ta’ separazzjoni tal-fażijiet huma dekritti fl-Anness A.1.3 (sezzjoni newtrali twila) u fl-Anness A.1.5 (sezzjoni newtrali maqsuma – il-partijiet imrikkba jistgħu jiġu sostitwiti minn iżolaturi b'sezzjonijiet doppji) għall-EN50367:2006 jew fil-Figura F.1 jew F.2.

Figura F.1

Is-sezzjoni ta’ separazzjoni b'iżolaturi ta’ sezzjonijiet newtrali

Fil-każ tal-Figura F.1, is-sezzjonijiet newtrali (d) jistgħu jiġu fformati minn iżolaturi ta’ sezzjonijiet newtrali u d-dimensjonijiet għandhom ikunu kif ġej:

D ≤ 8 m

Dan it-tul ċkejken jiżgura li l-probabilità li ferrovija tieqaf fi ħdan is-separazzjoni tal-fażijiet ma tkunx teħtieġ il-mezzi adegwati biex terġa' tistartja.

It-tul ta’ d għandu jingħażel skont il-vultaġġ tas-sistema, il-veloċità massima tal-linja u l-wisa' massima tal-pantografu.

Figura F.2

Is-sezzjoni newtrali maqsuma

Il-medda li tkopri tliet pantografi konsekuttivi għandha tkun ikbar minn 80 m (L′′). Il-pantografu intermedju jista' jkun irranġat fi kwalunkwe pożizzjoni fi ħdan din il-medda. Jiddependi mill-ispazjar minimu bejn żewġ pantografi operattivi biswit xulxin, l-Amministratur Infrastrutturali għandu jiddikjara l-veloċità operattiva massima tal-ferrovija. Ma jista' jkun hemm l-ebda konnessjoni elettrika bejn il-pantografi mqiegħda fis-servizz.

ANNESS G

IL-FATTUR TAL-ENERĠIJA

Dan l-Anness jittratta biss il-fattur tal-enerġija induttiva u l-konsum tal-enerġija fuq il-medda ta’ vultaġġ minn U min1 sa U max1 iddefiniti fl-EN 50163.

It-Tabella G.1 tagħti l-fattur tal-enerġija induttiva totali λ ta’ ferrovija. Għall-kalkolu ta’ λ, huwa biss tal-vultaġġ fundamentali fil-pantografu li jiġi kkunsidrat.

Table G.1

Il-fattur tal-enerġija induttiva totali λ ta’ ferrovija

Enerġija istantanja ta’ ferrovija P fil-pantografu MW	Kategoriji tal-Linji tas-STI HS I u II (b)	Kategorji tal-Linji tas-STI III; IV; V ;VI; VII u Linji Klassiċi
P > 2	≥ 0,95	≥ 0,95
0 ≤ P ≤ 2	a	a
Għal wesgħat jew stazzjon tal-ferrovija, il-fattur tal-enerġija tal-mewġa fundamentali għandu jkun ≥ 0,8 (NOTA 1) bil-kundizzjonjiet li ġejjin: il-ferrovija tkun għaddejja bl-enerġija tat-trazzjoni mitfija u bl-awżiljarji kollha jaħdmu filwaqt li l-enerġija attiva li tkun qed tinġibed tkun ikbar minn 200 kW. Il-kalkolu tal-medja globali λ għal vjaġġ bil-ferrovija, inklużi l-waqfiet, isir fuq il-bażi tal-enerġija attiva WP (MWh) u l-enerġija reattiva WQ (MVArh) mogħtija minn simulazzjoni bil-kompjuter ta’ vjaġġ bil-ferrovija jew imkejla fuq ferrovija reali
a Sabiex ikun ikkontrollat il-fattur tal-enerġija totali tat-tagħbija awżiljarja ta’ ferrovija matul il-fażijiet ta’ moviment bil-magna mingħajr trazzjoni, il-medja globali λ (trazzjoni u awżiljarji) iddefinita b’simulazzjoni u/jew b’kejl għandha tkun ogħla minn 0,85 tul vjaġġ skedat komplut (vjaġġ tipiku bejn żewġ stazzjonijiet inklużi l-waqfiet kummerċjali). b applikabbli għal ferroviji f’konformità mas-STI tal-“vetturi ferrovjarji” HS.

Waqt ir-riġenerazzjoni, il-fattur tal-enerġija induttiva jitħalla jonqos b’mod ħieles sabiex il-vultaġġ jinżamm fil-limiti.

NOTA 1 Fatturi tal-enerġija ikbar minn 0,8 jwasslu għal prestazzjoni ekonomika aħjar minħabba li jkun hemm inqas ħtieġa għal tagħmir fiss.

NOTA 2: dwar il-Kategoriji tal-Linji III sa VII, għall-vetturi ferrovjarji li kienu jeżistu qabel il-pubblikazzjoni ta’ din is-STI, l-Amministratur Infrastrutturali jista’ jimponi kundizzjonijiet, eż. ekonomiċi, operattivi, limitazzjoni tal-enerġija għall-aċċettazzjoni ta’ ferroviji interoperabbli li jkollhom fatturi tal-enerġija taħt il-valur speċifikat fit-Tabella G.1.

ANNESS H

IL-PROTEZZJONI ELETTRIKA: L-ATTIVAZZJONI TAS-SALVAVITA EWLENIJA

Tabella H.1

L-azzjoni fuq is-salvaviti fi ħsara interna f’unità ta’ trazzjoni

Sistema ta’ provvista tal-enerġija	Meta jkun hemm kwalunkwe ħsara interna fl-unitajiet ta’ trazzjoni Sekwenza tal-attivazzjoni ta’:
	Salvavita ta’ alimentatur ta’ substazzjon	Salvavita ta’ unità ta’ trazzjoni
Kurrent alternat (AC) ta’ 25 000 V-50 Hz	Attivazzjoni immedjata (1)	Attivazzjoni immedjata
Kurrent alternat (AC) ta’ 15 000 V-16,7 Hz	Attivazzjoni immedjata (1)	Naħa primarja tat-trasformatur: L-attivazzjoni għandha tkun fi stadji (2) Naħa sekondarja tat-trasformatur: Attivazzjoni immedjata
Kurrent dirett (DC) ta’ 750 V, 1 500  V u 3 000  V	Attivazzjoni immedjata (1)	Attivazzjoni immedjata

NOTA 1

Unitajiet ta’ trazzjoni ġodda u mmodernizzati għandhom ikunu mgħammra b’salvaviti b’veloċità kbira li jkunu kapaċi jaqtgħu l-kurrent massimu tax-xort fl-iqsar ħin possibbli.

NOTA 2

Attivazzjoni immedjata tfisser li għal kurrent għoli tax-xort, is-salvavita tas-substazzjon jew tal-ferrovija għandha topera mingħajr ma tintroduċi dewmien intenzjonali. Jekk ir-rilej tal-ewwel stadju ma jiġix attivat, mela r-rilej tat-tieni stadju (rilej protettiv ta’ appoġġ) għandu jiġi attivat madwar 300 ms wara. Għal finijiet ta’ informazzjoni, qed jingħata l-ħin ta’ kemm idum l-ogħla kurrent tax-xort meqjus mis-salvavita tas-substazzjon bir-rilej tal-ewwel stadju u skont l-iktar teknoloġija aġġornata: Għal kurrent alternat (AC) ta’ 15 000 V-16,7 Hz -> 100 ms Għal kurrent alternat (AC) 25 000 V-50 Hz -> 80 ms Għal kurrent dirett (DC) 750 V, 1 500 V u 3 000 V -> 20 to 60 ms

ANNESS I

LISTA TA’ STANDARDS IMSEMMIJA

Tabella I.1

Lista ta’ standards imsemmija

Nru. tal-Indiċi	Referenza	Isem id-dokument	Verżjoni	Parametri Bażiċi (BP) ikkonċernati
1	EN 50119	Applikazzjonijiet ferrovjarji – Installazzjonijiet fissi – Linji ta’ kuntatt fl-għoli ta’ trazzjoni elettrika	2009	Kapaċità tal-kurrent, sistemi ta’ kurrent dirett (DC), ferroviji weqfin (4.2.6), Għoli tal-wajer ta’ kuntatt (4.2.13.1), Varjazzjoni fl-għoli tal-wajer ta’ kuntatt (4.2.13.2), Imġiba dinamika u kwalità tal-ġbir tal-kurrent (4.2.16), Sezzjonijiet ta’ separazzjoni tas-sistemi (4.2.20), Miżuri ta’ protezzjoni tas-sistema ta’ linji ta’ kuntatt fl-għoli (4.7.3)
2	EN 50122-1	Applikazzjonijiet ferrovjarji – Installazzjonijiet fissi – Sikurezza elettrika, erjtar u konnessjonijiet – Parti 1: Miżuri ta’ protezzjoni relatati mas-sikurezza elettrika u mal-ertjar	1997	Miżuri ta’ protezzjoni ta’ substazzjonijiet u ta’ postijiet ta’ tqassim f’sezzjonijiet (4.7.2), Miżuri ta’ protezzjoni tas-sistema ta’ linji ta’ kuntatt fl-għoli (4.7.3), Miżuri ta’ protezzjoni ta’ return circuit tal-kurrent (4.7.4)
3	EN 50122-2	Applikazzjonijiet ferrovjarji – Installazzjonijiet fissi - Sikurezza elettrika, erjtar u konnessjonijiet – Parti 2: Miżuri ta’ protezzjoni kontra l-effetti ta’ kurrenti iżolati kkważati minn sistemi ta’ trazzjoni ta’ kurrent dirett (DC)	1998	Sezzjonijiet ta’ separazzjoni tas-sistemi (4.2.20)
4	EN 50149	Applikazzjonijiet ferrovjarji – Installazzjonijiet fissi – Trazzjoni elettrika – Wajers ta’ kuntatt bl-iskanalaturi magħmula mir-ram u mil-ligi tar-ram	2001	Materjal tal-wajer ta’ kuntatt (4.2.18)
5	EN 50317	Applikazzjonijiet ferrovjarji – Sistemi ta’ ġbir tal-kurrent – Rekwiżiti għal u validazzjoni tal-kejl tal-interazzjoni dinamika bejn pantografu u linja ta’ kuntatt fl-għoli	2002	Imġiba dinamika u kwalità tal-ġbir tal-kurrent (4.2.16)
6	EN 50318	Applikazzjonijiet ferrovjarji - Sistemi ta’ ġbir tal-kurrent – Validazzjoni tas-simulazzjoni tal-interazzjoni dinamika bejn pantografu u linja ta’ kuntatt fl-għoli	2002	Imġiba dinamika u kwalità tal-ġbir tal-kurrent (4.2.16)
7	EN 50367	Applikazzjonijiet ferrovjarji – Sistemi ta’ ġbir tal-kurrent – Kriterji tekniċi għall-interazzjoni bejn pantografu u linja fl-għoli (biex jinkiseb aċċess ħieles)	2006	Kapaċità tal-kurrent, sistemi ta’ kurrent dirett (DC), ferroviji weqfin (4.2.6), Forza medja ta’ kuntatt (4.2.15), Sezzjonijiet ta’ separazzjoni tal-fażijiet (4.2.19)
8	EN 50388	Applikazzjonijiet ferrovjarji – Provvista tal-enerġija u vetturi ferrovjarji – Kriterji tekniċi għall-koordinazzjoni bejn il-provvista tal-enerġija (substazzjon) u l-vetturi ferrovjarji sabiex tintlaħaq l-interoperabilità	2005	Parametri relatati mal-prestazzjoni tas-sistema ta’ provvista (4.2.4), Arranġamenti għall-koordinazzjoni tal-protezzjoni elettrika(4.2.8), Armonija u effetti dinamiċi għas-sistemi ta’ kurrent alternat (AC) (4.2.9), Sezzjonijiet ta’ separazzjoni tal-fażijiet (4.2.19)
9	EN 50163	Applikazzjonijiet ferrovjarji – Provvista ta’ Vultaġġ tas-Sistemi tat-Trazzjoni.	2004	Vultaġġ u frekwenza (4.2.3)

ANNESS J

GLOSSARJU

Terminu ddefinit	Abbr.	Definizzjoni	Sors/Referenza
Sistema ta’ linji ta’ kuntatt		Is-sistema li tqassam l-enerġija elettrika lill-ferroviji li jgħaddu tul ir-rotta u li tittrażmettiha lill-ferroviji permezz ta’ ġabbara tal-kurrent
Forza ta’ kuntatt		Il-forza vertikali applikata mill-pantografu lil-linja ta’ kuntatt fl-għoli (OCL).	EN 50367:2006
Irfigħ ’il fuq tal-wajer ta’ kuntatt		Il-moviment vertikali ’l fuq tal-wajer ta’ kuntatt minħabba l-forza prodotta mill-pantografu	EN 50119:2009
Ġabbar tal-kurrent		It-tagħmir imwaħħal fuq il-vettura u maħsub biex jiġbor il-kurrent minn wajer ta’ kuntatt jew minn linja ferrovjarja konduttiva	IEC 60050-811, definizzjoni 811-32-01
Qies standard		Is-sett ta’ regoli, inklużi l-kontorn ta’ referenza u r-regoli assoċjati ta’ kalkolu tiegħu, li jippermettu d-definizzjoni tad-dimensjonijiet ta’ barra tal-vettura u l-ispazju li għandu jkun hemm bejnha u bejn l-infrastruttura. NOTA: Skont il-metodu ta’ kalkolu implimentat, il-qies standard għandu jkun statiku, kinematiku jew dinamiku
Devjazzjoni laterali		It-trikkiba laterali tal-wajer ta’ kuntatt f’riħ inkroċjat massimu.
Qsim invell		Intersezzjoni fuq l-istess elevazzjoni ta’ triq u ta’ binarju b’linja ferrovjarja waħda jew iktar
Veloċità tal-linja		Il-veloċità massima mkejla f’kilometri fis-siegħa (km/h) li għaliha kienet iddisinjata l-linja.
Pjan ta’ manutenzjoni		Sensiela ta’ dokumenti li jistabbilixxu l-proċedura għall-manutenzjoni tal-infrastruttura adottati minn Amministratur Infrastrutturali.
Forza medja ta’ kuntatt		Il-valur medju statistiku tal-forza ta’ kuntatt	EN 50367:2006
Vultaġġ medju utli tal-ferrovija		Il-vultaġġ li jidentifika d-dimensjonijiet tal-ferrovija u jagħti l-possibilità li l-effett fuq il-prestazzjoni tiegħu jiġi kkwantifikat	EN 50388:2005
Żona tal-vultaġġ medju utli		Il-vultaġġ li jagħti indikazzjoni tal-kwalità tal-provvista tal-enerġija f’żona ġeografika matul il-perjodu l-iktar intensiv tat-traffiku fl-iskeda	EN 50388:2005
Għoli minimu tal-wajer ta’ kuntatt Iżolatur ta’ sezzjoni newtrali		Valur minimu tal-għoli tal-wajer ta’ kuntatt fil-medda sabiex ikun evitat l-arkjar bejn wajer ta’ kuntatt wieħed jew iktar u l-vetturi fil-kundizzjonijiet kollha Assemblaġġ imdaħħal f’parti kontinwa ta’ linja ta’ kuntatt għall-iżolament ta’ żewġ sezzjonijiet elettriċi minn xulxin u li jżomm ġbir kontinwu tal-kurrent waqt il-passaġġ tal-pantografu.
Għoli nominali tal-wajer ta’ kuntatt		Valur nominali tal-għoli tal-wajer ta’ kuntatt fi struttura ta’sostenn f’kundizzjonijiet normali	EN 50367:2006
Vultaġġ nominali		Il-vultaġġ li permezz tiegħu tkun indikata installazzjoni jew parti minnha	EN 50163:2004
Servizz normali		Is-servizz skedat ippjanat.
Linja ta’ kuntatt fl-għoli	OCL	Il-linja ta’ kuntatt imqiegħda fuq (jew ħdejn) il-limitu ta’ fuq tal-qies standard tal-vettura u li tipprovdi lill-vetturi b’enerġija elettrika permezz ta’ tagħmir għall-ġbir tal-kurrent immuntat fuq is-saqaf	IEC 60050-811-33-02
Kontorn ta’ referenza		Kontorn, assoċjat ma’ kull qies standard, li juri l-forma ta’ sezzjoni trasversali u li jintuża bħala bażi għat-tfassil tar-regoli ta’ daqs tal-infrastruttura, fuq in-naħa l-waħda, u tal-vettura, fuq in-naħa l-oħra.
Return circuit		Il-kondutturi kollha li jifformaw il-mogħdija intenzjonata għall-kurrent ta’ ritorn ta’ trazzjoni u għall-kurrent f’kundizzjonijiet ta’ ħsara	EN 50122-1:1997
Forza ta’ kuntatt statika		Il-forza vertikali medja eżerċitata ’l fuq minn ras il-pantografu fuq il-linja ta’ kuntatt fl-għoli (OCL), u kkawżata mill-apparat li jgħolli ’l fuq lill-pantografu, filwaqt li l-pantografu jkun mgħolli ’l fuq u l-vettura tkun wieqfa.	EN 50367:2006

DIRETTIVA 2008/57/KE DWAR L-INTEROPERABILITÀ TAS-SISTEMA FERROVJARJA FIL-KOMUNITÀ

SPEĊIFIKAZZJONI TEKNIKA GĦALL-INTEROPERABILITÀ

Subsistema tal-“Infrastruttura” għall-ferroviji konvenzjonali

1.

DAĦLA

62

1.1.

Ambitu Tekniku

62

1.2.

Ambitu Ġeografiku

62

1.3.

Kontenut ta’ din is-STI

62

2.

DEFINIZZJONI U AMBITU TAS-SUBSISTEMA

62

2.1.

Definizzjoni tas-subsistema tal-infrastruttura

62

2.2.

Interfaces ta’ din is-STI ma’ STI oħrajn

63

2.3.

Interfaces ta’ din is-STI mas-STI tal-Persuni b’Mobilità Mnaqqsa

63

2.4.

Interfaces ta’ din is-STI mas-STI tas-Sikurezza fil-Mini Ferrovjarji

63

2.5.

Inklużjoni tal-infrastruttura fl-ambitu tas-STI tal-Ħsejjes

63

3.

REKWIŻITI ESSENZJALI

63

4.

DESKRIZZJONI TAS-SUBSISTEMA TAL-INFRASTRUTTURA

66

4.1.

Daħla

66

4.2.

Speċifikazzjonijiet funzjonali u tekniċi tas-subsistema

66

4.2.1.

Kategoriji tal-Linji tas-STI

66

4.2.2.

Parametri ta’ prestazzjoni

66

4.2.3.

Parametri bażiċi li jikkaratterizzaw is-subsistema tal-infrastruttura

68

4.2.3.1.

Lista ta’ Parametri Bażiċi

68

4.2.3.2.

Rekwiżiti għall-Parametri Bażiċi

69

4.2.4.

Arranġament tal-linji

70

4.2.4.1.

Il-qies minimu tal-istrutturi

70

4.2.4.2.

Distanza bejn iċ-ċentri tal-binarji

70

4.2.4.3.

Gradjenti massimi

70

4.2.4.4.

Raġġ minimu ta’ kurva orizzontali

70

4.2.4.5.

Raġġ minimu ta’ kurva vertikali

71

4.2.5.

Parametri tal-binarji

71

4.2.5.1.

Qies standard nominali tal-binarju

71

4.2.5.2.

Pożizzjoni mżerżqa

71

4.2.5.3.

Rata ta’ bidla fil-pożizzjoni mżerżqa (bħala funzjoni tal-ħin)

71

4.2.5.4.

Defiċjenza fil-pożizzjoni mżerżqa

71

4.2.5.4.1.

Defiċjenza fil-pożizzjoni mżerżqa fuq binarju sempliċi u fir-rotta diretta (through route) Ta’ punt ta’ qlib u ta’ qsim

72

4.2.5.4.2.

Bidla f’daqqa fid-defiċjenza fil-pożizzjoni mżerżqa fuq binarju diverġenti ta’ punti ta’ qlib

72

4.2.5.5.

Koniċità ekwivalenti

72

4.2.5.5.1.

Valuri skont id-disinn tal-koniċità ekwivalenti

72

4.2.5.5.2.

Rekwiżiti għall-kontroll tal-koniċità ekwivalenti mqiegħda fis-servizz

73

4.2.5.6.

Il-profil tal-parti tal-linja ferrovjarja li tmiss mar-roti għal linja sempliċi

73

4.2.5.7.

Inklinazzjoni tal-linja ferrovjarja

74

4.2.5.7.1.

Linja sempliċi

74

4.2.5.7.2.

Rekwiżiti għall-qlib u għall-qsim

74

4.2.5.8.

Ebusija tal-binarji

74

4.2.6.

Punti tal-qlib u tal-qsim

74

4.2.6.1.

Mezzi ta’ llokkjar

74

4.2.6.2.

Ġeometrija tal-punti tal-qlib u tal-qsim imqiegħda fis-servizz

74

4.2.6.3.

It-tul massimu mhux iggwidat ta’ qsim ottuż fiss

75

4.2.7.

Reżistenza tal-binarji għal tagħbijiet applikati

75

4.2.7.1.

Reżistenza tal-binarji għal tagħbijiet vertikali

75

4.2.7.2.

Reżistenza lonġitudinali tal-binarji

75

4.2.7.3.

Reżistenza laterali tal-binarji

76

4.2.8.

Reżistenza tal-istrutturi għal tagħbijiet tat-traffiku

76

4.2.8.1.

Reżistenza ta’ pontijiet ġodda għal tagħbijiet tat-traffiku

76

4.2.8.1.1.

Tagħbijiet vertikali

76

4.2.8.1.2.

Forzi ċentrifugali

77

4.2.8.1.3.

Forzi serriepa (nosing forces)

77

4.2.8.1.4.

Azzjonijiet minħabba trazzjoni u bbrejkjar (tagħbijiet lonġitudinali)

77

4.2.8.1.5.

Liwja fil-binarju skont id-disinn minħabba azzjonijiet ta’ traffiku fuq il-linji ferrovjarji

77

4.2.8.2.

Tagħbija vertikali ekwivalenti għal xogħlijiet ġodda tal-art u għal effetti tal-pressjoni tal-art

77

4.2.8.3.

Reżistenza ta’ strutturi ġodda fuq jew biswit il-binarji

77

4.2.8.4.

Reżistenza ta’ strutturi u ta’ xogħlijiet tal-art eżistenti għal tagħbijiet tat-traffiku

77

4.2.9.

Kwalità ġeometrika tal-binarju u l-limiti għad-difetti iżolati

78

4.2.9.1.

Determinazzjoni tal-limiti għal azzjoni immedjata, intervent, u allarm

78

4.2.9.2.

Limitu għal azzjoni immedjata għal liwja fil-binarju

78

4.2.9.3.

Limitu għal azzjoni immedjata għall-varjazzjoni fil-qies standard tal-binarju

79

4.2.9.4.

Limitu għal azzjoni immedjata għall-pożizzjoni mżerżqa

80

4.2.10.

Pjattaformi

80

4.2.10.1.

Tul utilizabbli tal-pjattaformi

80

4.2.10.2.

Il-wisa’ u t-tmiem tal-pjattaformi

80

4.2.10.3.

Tmiem il-pjattaformi

80

4.2.10.4.

L-għoli tal-pjattaformi

80

4.2.10.5.

Id-distanza qasira meqjusa vertikalment lil hinn mil-linja ewlenija tat-tiqjis tal-pjattaformi

80

4.2.11.

Saħħa, sikurezza u ambjent

80

4.2.11.1.

Il-varjazzjonijiet massimi fil-pressjoni fil-mini

80

4.2.11.2.

Il-limiti għall-ħsejjes u għall-vibrazzjonijiet u l-miżuri ta’ mitigazzjoni

81

4.2.11.3.

Protezzjoni minn xokk tal-elettriku

81

4.2.11.4.

Is-sikurezza fil-mini ferrovjarji

81

4.2.11.5.

L-effett tar-rjieħ inkroċjati

81

4.2.12.

Miżuri għall-operazzjonijiet

81

4.2.12.1.

Markaturi tad-distanza

81

4.2.13.

Installazzjonijiet fissi għas-servisjar tal-ferroviji

81

4.2.13.1.

Ġenerali

81

4.2.13.2.

Mezzi biex jitbattal it-tojlit

81

4.2.13.3.

Faċilitajiet għat-tindif estern tal-ferroviji

81

4.2.13.4.

Stokkjar mill-ġdid tal-ilma

81

4.2.13.5.

Provvista mill-ġdid tal-karburant

82

4.2.13.6.

Provvista ta’ puntali tal-elettriku

82

4.3.

Speċifikazzjoni funzjonali u teknika tal-interfaces

82

4.3.1.

Interfaces mas-subsistema tal-vetturi ferrovjarji

82

4.3.2.

Interfaces mas-subsistema tal-enerġija

84

4.3.3.

Interfaces mas-subsistema tal-kmand tal-kontroll u s-sinjalazzjoni

84

4.3.4.

Interfaces mas-subsistema tal-operat u tal-immaniġġjar tat-traffiku

84

4.4.

Regoli operattivi

84

4.4.1.

Kundizzjonijiet eċċezzjonali marbuta ma’ xogħlijiet ippjanati minn qabel

84

4.4.2.

Operazzjoni ddegradata

84

4.4.3.

Protezzjoni tal-ħaddiema mill-effetti aerodinamiċi

84

4.5.

Pjan ta’ manutenzjoni

85

4.5.1.

Qabel ma linja ferrovjarja titqiegħed fis-servizz

85

4.5.2.

Wara li linja ferrovjarja titqiegħed fis-servizz

85

4.6.

Kompetenzi professjonali

85

4.7.

Kundizzjonijiet tas-saħħa u tas-sikurezza

85

4.8.

Reġistru tal-infrastruttura

85

5.

KOSTITWENTI TAL-INTEROPERABILITÀ

85

5.1.

Bażi li fuqha ntgħażlu l-kostitwenti tal-interoperabilità

85

5.2.

Lista ta’ kostitwenti

85

5.3.

Prestazzjonijiet u speċifikazzjonijiet tal-kostitwenti

86

5.3.1.

Il-linja ferrovjarja

86

5.3.1.1.

Il-profil tal-parti tal-linja ferrovjarja li tmiss mar-roti

86

5.3.1.2.

Il-mument ta’ inerzja tas-sezzjoni trasversali tal-linja ferrovjarja

86

5.3.1.3.

L-ebusija tal-linja ferrovjarja

86

5.3.2.

Is-sistemi ta’ rbit tal-linji ferrovjarji

86

5.3.3.

Fallakki riffieda ta’ taħt il-binarji

86

6.

VALUTAZZJONI TAL-KONFORMITÀ TAL-KOSTITWENTI TAL-INTEROPERABILITÀ U L-VERIFIKA TAL-KE TAS-SUBSISTEMI

87

6.1.

Kostitwenti tal-Interoperabilità

87

6.1.1.

Proċeduri ta’ valutazzjoni tal-konformità

87

6.1.2.

Applikazzjoni tal-moduli

87

6.1.3.

Soluzzjonijiet innovattivi għall-kostitwenti tal-interoperabilità

87

6.1.4.

Dikjarazzjoni tal-KE ta’ konformità għall-kostitwenti tal-interoperabilità

88

6.2.

Subsistema tal-infrastruttura

88

6.2.1.

Dispożizzjonijiet ġenerali

88

6.2.2.

Applikazzjoni tal-moduli

88

6.2.3.

Soluzzjonijiet innovattivi

88

6.2.4.

Proċeduri ta’ valutazzjoni partikolari għal subsistema

89

6.2.5.

Soluzzjonijiet tekniċi li jagħtu preżunzjoni ta’ konformità fil-fażi tad-disinn

90

6.3.

Verifika tal-KE meta l-veloċità tintuża bħala kriterju ta’ migrazzjoni

90

6.4.

Valutazzjoni tal-pjan ta’ manutenzjoni

90

6.5.

Valutazzjoni tar-reġistru tal-infrastruttura

91

6.6.

Subsistemi li fihom kostitwenti tal-interoperabilità li ma għandhomx dikjarazzjoni tal-KE

91

6.6.1.

Kundizzjonijiet

91

6.6.2.

Dokumentazzjoni

91

6.6.3.

Manutenzjoni tas-subsistemi ċċertifikati skont it-taqsima 6.6.1.

91

7.

IMPLIMENTAZZJONI TAS-STI TAL-INFRASTRUTTURA

91

7.1.

Applikazzjoni ta’ din is-STI għal linji ferrovjarji konvenzjonali

91

7.2.

Applikazzjoni ta’ din is-STI għal linji ferrovjarji konvenzjonali ġodda

92

7.3.

Applikazzjoni ta’ din is-STI għal linji ferrovjarji konvenzjonali eżistenti

92

7.3.1.

Aġġornament ta’ linja

92

7.3.2.

Rinnovazzjoni ta’ linja

92

7.3.3.

Sostituzzjoni fil-qafas tal-manutenzjoni

93

7.3.4.

Linji eżistenti li mhumiex suġġetti għal proġett ta’ rinnovazzjoni jew ta’ aġġornament

93

7.4.

Veloċità bħala kriterju ta’ migrazzjoni

93

7.5.

Kompatibilità tal-infrastruttura u tal-vetturi ferrovjarji

93

7.6.

Każijiet speċifiċi

94

7.6.1.

Karatteristiċi partikolari tan-netwerk Estonjan

94

7.6.2.

Karatteristiċi partikolari tan-Netwerk Finlandiż

94

7.6.3.

Karatteristiċi partikolari tan-netwerk Elleniku

95

7.6.4.

Karatteristiċi partikolari tan-netwerk Irlandiż

97

7.6.5.

Karatteristiċi partikolari tan-netwerk Latvjan

98

7.6.6.

Karatteristiċi partikolari tan-netwerk Litwan

98

7.6.7.

Karatteristiċi partikolari tan-netwerk Pollakk

98

7.6.8.

Karatteristiċi partikolari tan-netwerk Portugiż

99

7.6.9.

Karatteristiċi partikolari tan-netwerk Rumen

101

7.6.10.

Karatteristiċi partikolari tan-netwerk Spanjol

101

7.6.11.

Karatteristiċi partikolari tan-netwerk Svediż

102

7.6.12.

Karatteristiċi partikolari tan-netwerk tar-Renju Unit għall-Gran Brittanja

102

7.6.13.

Karatteristiċi partikolari tan-netwerk tar-Renju Unit għall-Irlanda ta’ Fuq

103

Anness A –

Il-valutazzjoni tal-kostitwenti tal-interoperabilità

104

Anness B –

Il-valutazzjoni tas-subsistema tal-infrastruttura

105

Anness C –

Ir-rekwiżiti ta’ kapaċità għall-istrutturi skont il-Kategoriji tal-Linji tas-STI fil-Gran Brittanja

108

Anness D –

L-elementi li għandhom ikunu inklużi fir-Reġistru tal-Infrastruttura

110

Anness E –

Ir-rekwiżiti tal-kapaċità għall-istrutturi skont il-Kategoriji tal-Linji tas-STI

111

Anness F –

Lista ta’ punti miftuħa

112

Anness G –

Glossarju

113

Anness H –

Lista ta’ standards imsemmija

119

1.   DAĦLA

1.1.   Ambitu Tekniku

Din l-ispeċifikazzjoni teknika għall-interoperabilità (STI) tikkonċerna s-subsistema tal-infrastruttura u parti mis-subsistema tal-manutenzjoni tas-sistema ferrovjarja konvenzjonali trans-Ewropea. Dawn huma inklużi fil-listi ta’ subsistemi fl-Anness II (1) għad-Direttiva 2008/57/KE.

1.2.   Ambitu Ġeografiku

L-ambitu ġeografiku ta’ din is-STI huwa s-sistema ferrovjarja konvenzjonali trans-Ewropea kif ġiet deskritta fl-Anness I (1.1) għad-Direttiva 2008/57/KE.

1.3.   Kontenut ta’ din is-StI

Skont l-Artikolu 5(3) tad-Direttiva 2008/57/KE, din is-STI:

(a)	tindika l-għan maħsub tagħha (Kapitolu 2);

(b)	tippreskrivi rekwiżiti essenzjali għas-subsistema tal-infrastruttura (Kapitolu 3);

(ċ)	tistabbilixxi l-ispeċifikazzjonijiet funzjonali u tekniċi li għandhom jintlaħqu mis-subsistema u l-interfaces tagħha fir-rigward tas-subsistemi l-oħra (Kapitolu 4);

(d)	tiddetermina l-kostitwenti tal-interoperabilità u l-interfaces li għandhom jiġu koperti mill-ispeċifikazzjonijiet Ewropej, inklużi l-istandards Ewropej, li huma meħtieġa biex jilħqu l-interoperabilità fis-sistema ferrovjarja konvenzjonali trans-Ewropea (Kapitolu 5);

(e)	tgħid, f’kull każ li jkun qed jiġi kkunsidrat, liema proċeduri għandhom jintużaw biex tiġi vvalutata l-konformità jew l-idoneità għall-użu tal-kostitwenti tal-interoperabilità, min-naħa l-waħda, jew il-verifika tal-KE tas-subsistemi, min-naħa l-oħra (Kapitolu 6);

(f)	tindika l-istrateġija għall-implimentazzjoni ta’ din is-STI (Kapitolu 7);

(g)	tindika, għall-persunal ikkonċernat, il-kompetenzi professjonali u l-kundizzjonijiet dwar is-saħħa u s-sikurezza fix-xogħol għall-operat u għall-manutenzjoni tas-subsistema, kif ukoll għall-implimentazzjoni ta’ din is-STI (Kapitolu 4).

Skont l-Artikolu 5(5) tad-Direttiva 2008/57/KE, il-miżuri għal każijiet speċifiċi huma indikati fil-Kapitolu 7.

Fil-Kapitolu 4, din is-STI tistabbilixxi anki r-regoli operattivi u għall-manutenzjoni speċifiċi għall-ambitu indikat fil-paragrafi 1.1 u 1.2 iktar ‘il fuq.

2.   DEFINIZZJONI U AMBITU TAS-SUBSISTEMA

2.1.   Definizzjoni tas-subsistema tal-infrastruttura

Din is-STI tkopri:

(a)	is-subsistema strutturali tal-infrastruttura

(b)

il-parti tas-subsistema funzjonali tal-manutenzjoni relatata mas-subsistema tal-infrastruttura (jiġifieri: l-impjanti tal-ħasil għat-tindif estern tal-ferroviji, l-istokkjar mill-ġdid tal-ilma, il-provvista mill-ġdid tal-karburant, l-installazzjonijiet fissi biex jitbattlu t-tojlits u l-provvisti ta’ puntali (shores) tal-elettriku).

L-elementi tas-subsistema tal-infrastruttura ġew deskritti fl-Anness II (2.1.Infrastruttura) għad-Direttiva 2008/57/KE.

L-ambitu ta’ din is-STI, għalhekk, jinkludi l-aspetti li ġejjin tas-subsistema tal-infrastruttura:

(a)	L-arranġament tal-linji,

(b)	Il-parametri tal-binarji,

(ċ)	Il-punti tal-qlib u tal-qsim,

(d)	Ir-reżistenza tal-binarji għal tagħbijiet applikati,

(e)	Ir-reżistenza tal-istrutturi għal tagħbijiet tat-traffiku,

(f)	Il-kwalità ġeometrika tal-binarji u l-limiti għal difetti iżolati,

(g)	Il-pjattaformi,

(h)	Is-saħħa, is-sikurezza u l-ambjent,

(i)	Il-miżuri għall-operazzjonijiet,

(j)	L-installazzjonijiet fissi għas-servisjar tal-ferroviji.

Iktar dettalji huma stabbiliti fit-Taqsima 4.2.3 ta’ din is-STI.

2.2.   Interfaces ta’ din is-STI ma’ STI oħrajn

It-Taqsima 4.3 ta’ din is-STI tistabbilixxi l-ispeċifikazzjoni funzjonali u teknika tal-interfaces mas-subsistemi li ġejjin, kif ġew iddefiniti fis-STI rilevanti:

(a)	Is-subsistema tal-vetturi ferrovjarji,

(b)	Is-subsistema tal-enerġija,

(ċ)	Is-subsistema tal-kmand tal-kontroll u s-sinjalazzjoni,

(d)	Is-subsistema tal-operat u l-immaniġġjar tat-traffiku.

L-interfaces mas-STI tal-Persuni b’Mobilità Mnaqqsa (STI PRM) huma deskritti fit-Taqsima 2.3 iktar ‘l isfel.

L-interfaces mas-STI tas-Sikurezza fil-Mini Ferrovjarji (STI SRT) huma deskritti fit-Taqsima 2.4 iktar ‘l isfel.

2.3.   Interfaces ta’ din is-STI mas-STI tal-Persuni b’Mobilità Mnaqqsa

Ir-rekwiżiti kollha relatati mas-subsistema tal-infrastruttura għall-aċċess tal-persuni b’mobilità mnaqqsa għas-sistema ferrovjarja huma stabbiliti fis-STI tal-Persuni b’Mobilità Mnaqqsa.

Din is-STI, għalhekk, ma tinkludix rekwiżiti relatati ma’ dan l-aspett tas-subsistema tal-infrastruttura.

2.4.   Interfaces ta’ din is-STI mas-STI tas-Sikurezza fil-Mini Ferrovjarji

Ir-rekwiżiti kollha relatati mas-subsistema tal-infrastruttura għas-sikurezza fil-mini ferrovjarji huma stabbiliti fis-STI tas-Sikurezza fil-Mini Ferrovjarji.

Din is-STI, għalhekk, ma tinkludix rekwiżiti relatati ma’ dan l-aspett tas-subsistema tal-infrastruttura.

2.5.   Inklużjoni tal-infrastruttura fl-ambitu tas-STI tal-Ħsejjes

L-ambitu ta’ din is-STI jeskludi l-mitigazzjoni tal-ħsejjes, sakemm tkun lesta l-proposta msemmija fl-ispeċifikazzjoni teknika għall-interoperabilità fir-rigward tas-subsistema tal-“vetturi ferrovjarji – ħsejjes”, li tispeċifika dan li ġej:

3.   REKWIŻITI ESSENZJALI

It-tabella li ġejja tindika r-referenzi għall-ħtiġijiet [rekwiżiti] essenzjali stabbiliti fl-Anness III għad-Direttiva 2008/57/KE li jingħataw mir-rekwiżiti għall-parametri bażiċi stabbiliti fil-Kapitolu 4.

Tabella 1

Il-Parametri Bażiċi tas-subsistema tal-infrastruttura li jikkorrispondu għar-rekwiżiti essenzjali

Taqsima	Parametri bażiċi tas-Subsistema INF CR	Sikurezza	Affidabilità u Disponibilità	Saħħa	Protezzjoni tal-ambjent	Kompatibilità teknika
4.2.4.1	Il-qies minimu tal-istrutturi	1.1.1				1.5-§1
4.2.4.2	Id-distanza bejn iċ-ċentri tal-binarji	1.1.1				1.5
4.2.4.3	Gradjenti massimi	1.1.1				1.5-§1
4.2.4.4	Raġġ minimu ta’ kurva orizzontali					1.5-§1
4.2.4.5	Ir-raġġ minimu ta’ kurva vertikali					1.5-§1
4.2.5.1	Qies standard nominali tal-binarju					1.5-§1
4.2.5.2	Pożizzjoni mżerżqa	1.1.1
4.2.5.3	Rata ta’ bidla fil-pożizzjoni mżerżqa					1.5-§1
4.2.5.4	Id-defiċjenza fil-pożizzjoni mżerżqa	1.1.1				1.5-§1
4.2.5.5	Koniċità ekwivalenti	1.1.1, 1.1.2				1.5
4.2.5.6	Il-profil tal-parti tal-linja ferrovjarja li tmiss mar-roti għal linja sempliċi	1.1.1, 1.1.2				1.5-§1
4.2.5.7	L-inklinazzjoni tal-linja ferrovjarja	1.1.1, 1.1.2				1.5-§1
4.2.5.8	L-ebusija tal-binarji					1.5
4.2.6.1	Il-mezzi ta’ llokkjar	1.1.1, 1.1.2
4.2.6.2	Il-ġeometrija tal-punti tal-qlib u tal-qsim imqiegħda fis-servizz	1.1.1, 1.1.2	1.2			1.5
4.2.6.3	It-tul massimu mhux iggwidat ta’ qsim ottuż fiss	1.1.1, 1.1.2				1.5
4.2.7.1	Ir-reżistenza tal-binarji għal tagħbijiet vertikali	1.1.1, 1.1.2, 1.1.3				1.5-§1
4.2.7.2	Ir-reżistenza lonġitudinali tal-binarji	1.1.1, 1.1.2, 1.1.3				1.5-§1
4.2.7.3	Ir-reżistenza laterali tal-binarji	1.1.1, 1.1.2, 1.1.3				1.5-§1
4.2.8.1	Ir-reżistenza ta’ pontijiet ġodda għal tagħbijiet tat-traffiku	1.1.1, 1.1.3				1.5-§1
4.2.8.2	It-tagħbija vertikali ekwivalenti għal xogħlijiet ġodda tal-art u għal effetti tal-pressjoni tal-art	1.1.1, 1.1.3				1.5-§1
4.2.8.3	Ir-reżistenza ta’ strutturi ġodda fuq jew biswit il-binarji	1.1.1, 1.1.3				1.5-§1
4.2.8.4	Ir-reżistenza ta’ strutturi u ta’ xogħlijiet tal-art eżistenti għal tagħbijiet tat-traffiku	1.1.1, 1.1.3				1.5-§1
4.2.9.1	Determinazzjoni ta’ limiti għal azzjoni immedjata, intervent, u allarm	1.1.1, 1.1.2	1.2			1.5-§1
4.2.9.2	Limitu għal azzjoni immedjata għal liwja fil-binarju	1.1.1, 1.1.2	1.2			1.5-§1
4.2.9.3	Limitu għal azzjoni immedjata għal varjazzjoni fil-qies standard tal-binarju	1.1.1, 1.1.2	1.2			1.5-§1
4.2.9.4	Limitu għal azzjoni immedjata għal pożizzjoni mżerżqa	1.1.1	1.2			1.5-§1
4.2.10.1	Tul utilizabbli tal-pjattaformi					1.5
4.2.10.2	Il-wisa’ u t-tmiem tal-pjattaformi	1.1.1
4.2.10.3	Tmiem il-pjattaformi	1.1.1
4.2.10.4	L-għoli tal-pjattaformi	1.1.1, 2.1.1-§3				1.5-§1
4.2.10.5	Id-distanza qasira meqjusa vertikalment lil hinn mil-linja ewlenija tat-tiqjis tal-pjattaformi	1.1.1, 2.1.1-§3				1.5-§1
4.2.11.1	Varjazzjoni massima fil-pressjoni fil-mini	2.1.1-§ 2, 2.1.1-§ 4
4.2.11.2	Il-limiti għall-ħsejjes u għall-vibrazzjonijiet u l-miżuri ta’ mitigazzjoni				1.4.1, 1.4.4, 1.4.5
4.2.11.3	Protezzjoni minn xokk tal-elettriku	2.1.1-§3
4.2.11.4	Is-sikurezza fil-mini ferrovjarji	1.1.1, 1.1.4, 2.1.1-§1, 2.1.1-§4		1.3	1.4.2
4.2.11.5	L-effett tar-rjieħ inkroċjati	1.1.1
4.2.12.1	Markaturi tad-distanza		1.2
4.2.13.2	Il-mezzi biex jitbattal it-tojlit		1.2	1.3.1		1.5-§1
4.2.13.3.	Il-faċilitajiet għat-tindif estern tal-ferroviji		1.2			1.5-§1
4.2.13.4	L-istokkjar mill-ġdid tal-ilma		1.2	1.3.1		1.5-§1
4.2.13.5	Il-provvista mill-ġdid tal-karburant		1.2	1.3.1		1.5-§1
4.2.13.6	Provvista ta’ puntali tal-elettriku		1.2			1.5-§1
4.4.1	Kundizzjonijiet eċċezzjonali marbuta ma’ xogħlijiet ippjanati minn qabel		1.2
4.4.2	L-operazzjoni ddegradata		1.2
4.4.3	Il-protezzjoni tal-ħaddiema mill-effetti aerodinamiċi	2.1.1-§2
4.5	Pjan ta’ manutenzjoni		1.2
4.6	Il-kompetenzi professjonali	1.1.5	1.2
4.7	Il-kundizzjonijiet tas-saħħa u tas-sikurezza	2.1.1-§2, 2.1.1-§3, 2.1.1-§4	1.2	1.3	1.4.2	1.5

4.   DESKRIZZJONI TAS-SUBSISTEMA TAL-INFRASTRUTTURA

4.1.   Daħla

(1)

Is-sistema ferrovjarja konvenzjonali trans-Ewropea, li għaliha tapplika d-Direttiva 2008/57/KE u li minnha jagħmlu parti s-subsistemi tal-infrastruttura u tal-manutenzjoni, hija sistema integrata li l-koerenza tagħha trid tiġi vverifikata sabiex tkun żgurata l-interoperabilità tas-sistema fir-rigward tar-rekwiżiti essenzjali.

(2)

L-Artikolu 5(7) tad-Direttiva jipprovdi li: “[i] it-TSIs [is-STI] ma għandhomx ikunu ta” xkiel għad-deċiżjonijiet mill-Istati Membri rigward l-użu tal-infrastruttura għall-moviment tal-vetturi mhux koperti mit-TSIs [mis-STI]’. Għalhekk, meta tkun se tiġi ddisinjata linja konvenzjonali ġdida jew aġġornata, għandhom jiġu kkunsidrati l-ferroviji kollha li jistgħu jingħataw awtorizzazzjoni biex jużaw il-linja.

(3)

Il-valuri ta’ limitu stabbiliti f’din is-STI mhumiex maħsuba biex ikunu imposti bħala valuri tas-soltu skont id-disinn. Madankollu, il-valuri skont id-disinn iridu jkunu fil-limiti stabbiliti f’din is-STI.

(4)

L-ispeċifikazzjonjiet funzjonali u tekniċi tas-subsistema u tal-interfaces tagħha, kif ġew deskritti fit-Taqsimiet 4.2 u 4.3, ma jimponux l-użu ta’ teknoloġiji jew ta’ soluzzjonijiet tekniċi speċifiċi, ħlief fejn dan ikun strettament meħtieġ għall-interoperabilità tan-netwerk ferrovjarju konvenzjonali trans-Ewropew. Imma soluzzjonijiet innovattivi għall-interoperabilità jistgħu jeħtieġu speċifikazzjonijiet ġodda u/jew metodi ġodda ta’ valutazzjoni. Sabiex jingħata spazju għall-innovazzjoni teknoloġika, dawn l-ispeċifikazzjonijiet u dawn il-metodi ta’ valutazzjoni għandhom jiġu żviluppati bil-proċess deskritt fit-Taqsima 6.2.3.

4.2.   Speċifikazzjonijiet funzjonali u tekniċi tas-subsistema

4.2.1.   Kategoriji tal-Linji tas-STI

(1)

L-Anness I(1.1) għad-Direttiva jirrikonoxxi li n-netwerk ferrovjarju konvenzjonali jista’ jiġi suddiviż f’kategoriji differenti. Sabiex l-interoperabilità tiġi pprovduta b’mod li jkun effiċjenti mil-lat ekonomiku, din is-STI tiddefinixxi il-“Kategoriji tal-Linji tas-STI”. L-ispeċifikazzjonijiet funzjonali u tekniċi ta’ din is-STI jvarjaw skont il-Kategoriji tal-Linji tas-STI.

(2)

Ir-rekwiżiti li għandhom jiġu sodisfatti mis-subsistema tal-infrastruttura huma speċifikati għal kull waħda mill-Kategoriji tal-Linji tas-STI tas-sistema ferrovjarja konvenzjonali trans-Ewropea li ġejjin, kif ikun rilevanti. Dawn il-Kategoriji tal-Linji tas-STI jistgħu jintużaw għall-klassifikazzjoni ta’ linji eżistenti sakemm il-Parametri ta’ Prestazzjoni rilevanti jiġu ssodisfati skont il-pjan ta’ migrazzjoni nazzjonali. Tabella 2 Il-Kategoriji tal-Linji tas-STI għas-subsistema tal-infrastruttura ferrovjarja konvenzjonali Kategoriji tal-Linji tas-STI Tipi ta’ Traffiku Traffiku tal-passiġġieri (P) Traffiku tal-merkanzija (F) Traffiku mħallat (M) Tipi ta’ Linji Linja Ewlenija Ġdida tat-TEN (IV) IV-P IV-F IV-M Linja Ewlenija tat-TEN Aġġornata (V) V-P V-F V-M Linja Ġdida Oħra tat-TEN (VI) VI-P VI-F VI-M Linja Aġġornata Oħra tat-TEN (VII) VII-P VII-F VII-M

(3)

Innota li ċ-ċentri għall-passiġġieri, iċ-ċentri għall-merkanzija u l-linji ta’ konnessjoni huma inklużi fil-Kategoriji tal-Linji tas-STI ta’ hawn fuq, kif inhu xieraq.

(4)

Il-Kategorija tal-Linji tas-STI għal kull sezzjoni tal-binarju għandha tkun ippubblikata fir-Reġistru tal-Infrastruttura.

4.2.2.   Parametri ta’ prestazzjoni

(1)

Il-livelli ta’ prestazzjoni tal-Kategoriji tal-Linji tas-STI ddefiniti fit-Taqsima 4.2.1 huma kkaratterizzati mill-Parametri ta’ Prestazzjoni li ġejjin: (a) il-qies standard (gauge), (b) it-tagħbija fuq il-fusijiet, (ċ) il-veloċità tal-linja, (d) it-tul tal-ferrovija.

(2)

Il-livelli ta’ prestazzjoni għal kull Kategorija ta’ Linja tas-STI huma stabbiliti fit-Tabella 3 hawn taħt. Tabella 3 Il-Parametri ta’ Prestazzjoni għall-Kategoriji tal-Linji tas-STI   qies standard tagħbija fuq il-fusijiet [t] veloċità tal-linja [km/h] tul tal-ferrovija [m] Kategoriji tal-Linji tas-STI IV-P GC 22,5 200 400 + IV-F GC 25 140 750 IV-M GC 25 200 750 V-P GB 22,5 160 300 V-F GB 22,5 100 600 V-M GB 22,5 160 600 VI-P GB 22,5 140 300 VI-F GC 25 100 500 VI-M GC 25 140 500 VII-P GA 20 120 250 VII-F GA 20 100 500 VII-M GA 20 120 500 Noti: (P) = traffiku tal-passiġġieri (F) = traffiku tal-merkanzija (M) = traffiku mħallat

(3)

L-Artikolu 5(7) tad-Direttiva 2008/57/KE jipprovdi: “It-TSIs [is-STI] ma għandhomx ikunu ta’ xkiel għad-deċiżjonijiet mill-Istati Membri rigward l-użu tal-infrastruttura għall-moviment tal-vetturi mhux koperti mit-TSIs [mis-STI].” Għalhekk huwa permissibbli li jiġu ddisinjati linji ġodda u aġġornati b’tali mod li dawn jakkomodaw anki qisien standard ikbar, tagħbijiet ikbar fuq il-fusijiet, veloċitajiet ikbar u ferroviji itwal minn dawk speċifikati.

(4)

Huwa permissibbli għal postijiet spċifiċi fuq il-linja li jiġu ddisinjati għal veloċità ta’ linja u/jew tulijiet ta’ ferroviji inqas minn dawk stabbiliti fit-Tabella 3, fejn dan ikun iġġustifikat b’mod xieraq sabiex jissodisfa limitazzjonijiet ġeografiċi, urbani jew ambjentali.

(5)

L-infrastruttura ddisinjata skont ir-rekwiżiti minimi ta’ din is-STI ma tipprovdix il-kapaċità sabiex jintlaħqu kemm il-veloċità massima kif ukoll it-tagħbija massima fuq il-fusijiet flimkien. L-infrastruttura għandha biss il-kapaċità biex tintuża b’veloċità massima għal tagħbijiet fuq il-fusijiet li jkunu iċken mill-valur massimu stabbilit fit-Tabella 3, u bl-istess mod l-infrastruttura għandha biss il-kapaċità biex tintuża bit-tagħbija massima fuq il-fusijiet għal veloċitajiet iċken mill-valur massimu stabbilit fit-Tabella 3.

(6)

Il-Parametri ta’ Prestazzjoni effettivi għal kull sezzjoni tal-binarju għandhom ikunu pubblikati fir-Reġistru tal-Infrastruttura.

(7)

L-informazzjoni ppubblikata relatata mat-tagħbija fuq il-fusijiet għandha tuża l-Kategoriji tal-Linji tal-EN u/jew il-Klassijiet tal-Lokomotivi ddefiniti fl-Annessi A, J u K għall-EN 15528:2008 flimkien mal-veloċità permessa. Jekk il-kapaċità għall-ġarr tat-tagħbijiet ta’ sezzjoni tal-binarju teċċedi l-medda tal-Kategoriji tal-Linji tal-EN u/jew tal-Klassijiet tal-Lokomotivi speċifikati, mela tista’ tingħata iktar informazzjoni li tiddefinixxi l-kapaċità għall-ġarr tat-tagħbijiet.

(8)

L-informazzjoni ppubblikata relatata mal-qies standard għandha tiddikjara liema mill-qisien standard GA, GB jew GC huwa pprovdut. Barra minn hekk, l-informazzjoni ppubblikata għandha tinkludi qisien standard oħrajn iddefiniti fl-Anness D għall-EN 15273:2009 li huma pprovduti għal ftehimiet multinazzjonali. L-informazzjoni ppubblikata tista’ tinkludi l-qisien standard nazzjonali li huma pprovduti għal użu domestiku.

4.2.3.   Parametri bażiċi li jikkaratterizzaw is-subsistema tal-infrastruttura

4.2.3.1.   Lista ta’ parametri Bażiċi

(1)

Il-Parametri Bażiċi li jikkaratterizzaw is-subsistema tal-infrastruttura, ragruppati skont l-aspetti elenkati fit-taqsima 2.1, huma: A.   L-arranġament tal-linji: (a) Qies minimu tal-istrutturi (4.2.4.1), (b) Id-distanza bejn iċ-ċentri tal-binarji (4.2.4.2), (ċ) Il-gradjenti massimi (4.2.4.3), (d) Ir-raġġ minimu ta’ kurva orizzontali (4.2.4.4), (e) Ir-raġġ minimu ta’ kurva vertikali (4.2.4.5), B.   Il-parametri tal-binarji: (f) Il-qies standard nominali tal-binarju (4.2.5.1), (g) Il-pożizzjoni mżerżqa (4.2.5.2), (h) Ir-rata ta’ bidla fil-pożizzjoni mżerżqa (bħala funzjoni tal-ħin) (4.2.5.3), (i) Id-defiċjenza fil-pożizzjoni mżerżqa (4.2.5.4), (j) Il-koniċità ekwivalenti (4.2.5.5), (k) Il-profil tal-parti tal-linja ferrovjarja li tmiss mar-roti għal linja sempliċi (4.2.5.6), (l) L-inklinazzjoni tal-linja ferrovjarja (4.2.5.7), (m) L-ebusija tal-binarji (4.2.5.8), C.   Il-punti tal-qlib u tal-qsim (n) Il-mezzi ta’ llokkjar (4.2.6.1), (o) Il-ġeometrija tal-punti tal-qlib u tal-qsim imqiegħda fis-servizz (4.2.6.2), (p) It-tul massimu mhux iggwidat ta’ punt ta’ qsim ottuż fiss (4.2.6.3), D.   Ir-reżistenza tal-binarji għal tagħbijiet applikati (q) Ir-reżistenza tal-binarji għal tagħbijiet vertikali (4.2.7.1), (r) Ir-reżistenza lonġitudinali tal-binarji (4.2.7.2), (s) Ir-reżistenza laterali tal-binarji (4.2.7.3), E.   Ir-reżistenza tal-istrutturi għal tagħbijiet tat-traffiku (t) Ir-reżistenza ta’ pontijiet ġodda għal tagħbijiet tat-traffiku (4.2.8.1), (u) It-tagħbija vertikali ekwivalenti għal xogħlijiet ġodda tal-art u għal effetti tal-pressjoni tal-art (4.2.8.2), (v) Reżistenza ta’ strutturi ġodda fuq jew biswit il-binarji (4.2.8.3), (w) Ir-reżistenza ta’ pontijiet u ta’ xogħlijiet tal-art eżistenti għal tagħbijiet tat-traffiku (4.2.8.4), F.   Il-kwalità ġeometrika tal-binarju u l-limiti għad-difetti iżolati (x) Id-determinazzjoni ta’ limiti għal azzjoni immedjata, intervent, u allarm (4.2.9.1), (y) Il-limitu għal azzjoni immedjata għal liwja fil-binarju (4.2.9.2), (z) Il-limitu għal azzjoni immedjata għal varjazzjoni fil-qies standard tal-binarju (4.2.9.3), (aa) Il-limitu għal azzjoni immedjata għal pożizzjoni mżerżqa (4.2.9.4), G.   Il-pjattaformi (bb) It-tul utilizzabbli tal-pjattaformi (4.2.10.1), (cc) Il-wisa’ u t-tmiem tal-pjattaformi (4.2.10.2), (dd) Tmiem il-pjattaformi (4.2.10.3), (ee) L-għoli tal-pjattaformi (4.2.10.4), (ff) Id-distanza vertikali mil-linja ewlenija tat-tiqjis tal-pjattaformi (4.2.10.5), H.   Is-saħħa, is-sikurezza u l-ambjent (gg) Il-varjazzjoni massima fil-pressjoni fil-mini (4.2.11.1), (hh) Limiti għall-ħsejjes u għall-vibrazzjonijiet u miżuri ta’ mitigazzjoni (4.2.11.2), (ii) Il-protezzjoni minn xokk tal-elettriku (4.2.11.3), (jj) Is-sikurezza fil-mini ferrovjarji (4.2.11.4), (kk) L-effett ta’ rjieħ inkroċjati (4.2.11.5), I.   Il-miżuri għall-operazzjonijiet (ll) Markaturi tad-distanza (4.2.12.1), J.   L-installazzjonijiet fissi għas-servisjar tal-ferroviji (mm) Il-mezzi biex jitbattal it-tojlit (4.2.13.2), (nn) Il-faċilitajiet għat-tindif estern tal-ferroviji (4.2.13.3), (oo) L-istokkjar mill-ġdid tal-ilma (4.2.13.4), (pp) Il-provvista mill-ġdid tal-karburant (4.2.13.5), (qq) Il-provvista ta’ puntali tal-elettriku (4.2.13.6).

4.2.3.2.   Rekwiżiti għall-parametri Bażiċi

(1)

Dawn ir-rekwiżiti huma deskritti fil-paragrafi li ġejjin, flimkien ma’ kwalunkwe kundizzjoni partikolari li tista’ titħalla f’kull każ għall-parametri u għall-interfaces ikkonċernati.

(2)

Ir-rekwiżiti kollha tal-Kapitolu 4 ta’ din is-STI qed jingħataw għal linji mibnija bil-qies standard tal-binarji fl-Ewropa, kif inhu ddefinit fil-paragrafu 4.2.5.1 għal-linji li jkunu konformi ma’ din is-STI.

(3)

L-ispeċifikazzjonijiet għall-pożizzjoni mżerżqa, għar-rata ta’ bidla fil-pożizzjoni mżerżqa, għad-defiċjenza fil-pożizzjoni mżerżqa, għar-rata ta’ bidla fid-defiċjenza fil-pożizzjoni mżerżqa, u għal-liwja fil-binarji huma applikabbli għal-linji li jkollhom qies standard nominali tal-binarju ta’ 1 435 mm. Għal linja li jkollha qies standard nominali tal-binarju ieħor, il-limiti għal dawn il-parametri għandhom ikunu stabbiliti fi proporzjon għad-distanza nominali bejn il-linji ferrovjarji.

(4)

F’każ ta’ binarju b’linji ferrovjarji multipli, ir-rekwiżiti ta’ din is-STI għandhom jiġu applikati b’mod separat għal kull par linji ferrovjarji ddisinjat biex jintuża bħala binarju separat.

(5)

Ir-rekwiżiti għal-linji li jirrappreżentaw każijiet speċifiċi, inklużi l-linji mibnija skont qies standard ta’ binarju ieħor, huma deskritti fit-Taqsima 7.6.

(6)

Huwa permess li f’sezzjoni qasira mill-binarju jkun hemm apparati għat-tranżizzjoni bejn qisien standard nominali tal-binarju differenti. Il-post u t-tip ta’ tranżizzjonijiet għandhom ikunu ppubblikati fir-Reġistru tal-Infrastruttura.

(7)

Ġew deskritti r-rekwiżiti għas-subsistema f’kundizzjonijiet normali ta’ servizz. Il-konsegwenzi, jekk ikun hemm, tat-twettiq tax-xogħlijiet, li jistgħu jeħtieġu eċċezzjonijiet temporanji sa fejn għandha x’taqsam il-prestazzjoni tas-subsistema, jiġu ttrattati fit-Taqsima 4.4.

(8)

Il-livelli ta’ prestazzjoni tal-ferroviji konvenzjonali jistgħu jittejbu billi jiġu adottati sistemi speċifiċi, bħall-inklinazzjoni (tilting) tal-bodi tal-vettura. Huma permessi kundizzjonjiet speċjali biex jitħaddmu ferroviji ta’ din ix-xorta, sakemm ma jinvolvux restrizzjonijiet għal ferroviji oħrajn li mhumiex mgħammra b’sistemi ta’ din ix-xorta. Ir-Reġistru tal-Infrastruttura għandu jirreġistra jekk kundizzjonijiet speċjali ta’ din ix-xorta jkunux applikabbli. Il-kundizzjonijiet speċjali għandhom ikunu pubblikament disponibbli.

4.2.4.   Arranġament tal-Linji

4.2.4.1.   Il-qies minimu tal-istrutturi

Il-Kategoriji tal-Linji tas-STI kollha

(1)

Il-qies minimu tal-istrutturi għandu jkun iffissat fuq il-bażi tal-qies standard stabbilit fit-Tabella 3 ta’ din is-STI.

(2)

Il-kalkoli tal-qies minimu tal-istrutturi għandhom isiru bil-metodu kinematiku skont ir-rekwiżiti tal-kapitoli 5, 7, 10 u l-Anness C tal-EN 15273-3:2009.

(3)

Fejn tkun ipprovduta elettrifikazzjoni fl-għoli, il-qisien standard tal-pantografi huma stabbiliti fis-STI ENE CR (is-STI tal-Enerġija Ferrovjarja Konvenzjonali).

4.2.4.2.   Distanza bejn iċ-ċentri tal-binarji

Il-Kategoriji tal-Linji tas-STI kollha

(1)

Id-distanza bejn iċ-ċentri tal-binarji għandha tkun iffissata fuq il-bażi tal-qies standard stabbilit fit-Tabella 3 ta’ din is-STI.

(2)

Fejn ikun xieraq, id-distanza minima bejn iċ-ċentri tal-binarji għandha tikkunsidra wkoll l-effetti aerodinamiċi. Ir-regoli biex jiġu kkunsidrati l-effetti aerodinamiċi u d-distanza bejn iċ-ċentri tal-binarji fejn jeħtieġ li jiġu kkunsidrati l-effetti aerodinamiċi, għadhom qed jiġu diskussi.

(3)

Id-distanza minima bejn iċ-ċentri tal-binarji ta’ sezzjoni ta’ linja għandha tkun ippubblikata fir-Reġistru tal-Infrastruttura.

4.2.4.3.   Gradjenti massimi

Il-Kategoriji tal-Linji tas-STI IV-P u VI-P

(1)

Għall-binarji ewlenin fil-fażi tad-disinn huma permessi gradjenti weqfin daqs 35 mm/m, sakemm jiġu osservati r-rekwiżiti għall-“involukru” li ġejjin: (a) l-inklinazzjoni (slope) tal-profil medju li qed jiċċaqlaq fuq 10 km tkun inqas minn jew daqs 25 mm/m, (b) it-tul massimu ta’ gradjent kontinwu ta’ 35 mm/m ma jeċċedix 6 km.

(2)

Il-gradjenti tal-binarji mill-pjattaformi tal-passiġġieri ma għandhomx ikunu ta’ iktar minn 2,5 mm/m, fejn ikun hemm il-ħsieb li l-vaguni għall-passiġġieri jitwaħħlu jew jinqalgħu regolarment.

Il-Kategoriji tal-Linji tas-STI IV-F, IV-M, VI-F u VI-M

(3)

Għall-binarji ewlenin fil-fażi tad-disinn huma permessi gradjenti massimi weqfin daqs 12,5 mm/m.

(4)

Għal sezzjonijiet sa 3 km, huwa permess gradjent massimu ta’ 20 mm/m.

(5)

Għal sezzjonijiet sa 0,5 km, huwa permess gradjent massimu ta’ 35 mm/m f’postijiet fejn ma jkunx hemm il-ħsieb li l-ferroviji jieqfu u jistartjaw waqt operazzjoni normali.

(6)

Il-gradjenti tal-binarji mill-pjattaformi tal-passiġġieri ma għandhomx ikunu ta’ iktar minn 2.5 mm/m, fejn ikun hemm il-ħsieb li l-vaguni għall-passiġġieri jitwaħħlu jew jinqalgħu regolarment.

Il-Kategoriji tal-Linji tas-STI V-P, V-F, V-M, VII-P, VII-F u VII-M

(7)

Ma ġie speċfikat l-ebda valur għal-linji aġġornati, peress li l-gradjenti jiġu ddeterminati mill-kostruzzjoni oriġinali tal-linja kkonċernata.

Il-Kategoriji tal-Linji tas-STI kollha

(8)

Il-gradjenti tal-binarji għall-ipparkjar tal-ferroviji (stabling tracks) maħsuba għall-vetturi ferrovjarji li għandhom jiġu pparkjati ma għandhomx ikunu ta’ iktar minn 2,5 mm/m sakemm ma jittiħdux miżuri speċifiċi sabiex il-vetturi ferovjarji ma jitħallewx jiżżerżqu.

(9)

Il-gradjenti u l-postijiet tal-bidliet fil-gradjent għandhom ikunu ppubblikati fir-Reġistru tal-Infrastruttura.

(10)

Fil-każ tal-binarji għall-ipparkjar tal-ferroviji, il-gradjenti għandhom jiġu ppubblikati fir-Reġistru tal-Infrastruttura biss meta jeċċedu t-2,5 mm/m.

4.2.4.4.   Raġġ minimu ta’ kurva orizzontali

Il-Kategoriji tal-Linji tas-STI kollha

(1)

Ir-raġġ minimu ta’ kurva orizzontali skont id-disinn għandu jintgħażel billi tiġi kkunsidrata l-veloċità lokali tal-kurva skont id-disinn.

(2)

Għall-binarji jew għall-binarji żgħar maġenb il-binarji ewlenin (sidings) għall-ipparkjar tal-ferroviji, ir-raġġ minimu ta’ kurva orizzontali skont id-disinn ma għandux ikun inqas minn 150 m.

(3)

Ir-raġġ minimu ta’ kurva orizzontali mill-pjattaformi huwa stabbilit fis-STI PRM.

(4)

Ir-reverse curves (sezzjonijiet tal-binarji fejn kurva lejn naħa tkun segwita minn kurva fin-naħa opposta, fi ftit kliem kurva f’forma ta’ ittra S) – għajr reverse curves f’wesgħat fejn jinġemgħu l-ferroviji (marshalling yards) fejn il-vaguni jiġu mċaqilqa minn post għall-ieħor individwalment – b’raġġi ta’ bejn 150 m u 300 m għandhom ikunu ddisinjati skont it-Taqsima 8.4 tal-EN 13803-2:2006 sabiex ikun ipprevenut l-illokjar tal-molla mewwieta (buffer locking).

(5)

Ir-raġġ tal-iċken kurva orizzontali ta’ sezzjoni ta’ linja għandu jkun ippubblikat fir-Reġistru tal-Infrastruttura.

4.2.4.5.   Raġġ minimu ta’ kurva vertikali

Il-Kategoriji tal-Linji tas-STI kollha

(1)

Ir-raġġ tal-kurvi vertikali (ħlief għall-għeqiebi fil-wesgħat fejn jinġemgħu l-ferroviji) għandu jkun ta’ mill-inqas 600 m fuq ħotba jew 900 m f’ħofra.

(2)

Għall-għeqiebi fil-wesgħat fejn jinġemgħu l-ferroviji, ir-raġġ tal-kurvi vertikali għandu jkun ta’ mill-inqas 250 m fuq ħotba jew 300 m f’ħofra.

4.2.5.   Parametri tal-binarji

4.2.5.1.   Qies standard nominali tal-binarju

Il-Kategoriji tal-Linji tas-STI kollha

(1)

Il-qies standard nominali tal-binarju Ewropew għandu jkun ta’ 1 435 mm.

(2)

Il-qies standard nominali tal-binarju għal linja għandu jkun ippubblikat fir-Reġistru tal-Infrastruttura.

4.2.5.2.   Pożizzjoni mżerżqa

Il-Kategoriji tal-Linji tas-STI kollha

(1)

Il-pożizzjoni mżerżqa skont id-disinn fil-binarji biswit il-pjattaformi tal-istazzjonijiet m’għandiex teċċedi l-110 mm.

(2)

L-ikbar pożizzjoni mżerżqa fuq sezzjoni ta’ linja għandha tkun ippubblikat fir-Reġistru tal-Infrastruttura.

Il-Kategoriji tal-Linji tas-STI IV-P, V-P, VI-P u VII-P

(3)

Il-pożizzjoni mżerżqa skont id-disinn għandha tkun limitata għal 180 mm.

Il-Kategoriji tal-Linji tas-STI IV-F, IV-M, V-F, V-M, VI-F, VI-M, VII-F u VII-M

(4)

Il-pożizzjoni mżerżqa skont id-disinn għandha tkun limitata għal 160 mm.

Il-Kategoriji tal-Linji tas-STI IV-F, IV-M, VI-F u VI-M

(5)

Fuq kurvi b’raġġ ta’ inqas minn 290 m, il-pożizzjoni mżerżqa għandha tkun ristretta għal-limitu mogħti mill-formola li ġejja D ≤(R-50)/1.5 fejn D hija l-pożizzjoni mżerżqa f’mm u R huwa r-raġġ f’m.

4.2.5.3.   Rata ta’ bidla fil-pożizzjoni mżerżqa (bħala funzjoni tal-ħin)

Il-Kategoriji tal-Linji tas-STI kollha

(1)

Ir-rata massima ta’ bidla fil-pożizzjoni mżerżqa fi tranżizzjoni għandha tkun ta’ 70 mm/s ikkalkolata bħala l-veloċità massima permessa għall-ferroviji li ma jkunux mgħammra b’sistema ta’ kumpens għad-defiċjenza fil-pożizzjoni mżerżqa.

(2)

Madankollu, jekk id-defiċjenza fil-pożizzjoni mżerżqa fi tmiem it-tranżizzjoni tkun inqas minn jew daqs 150 mm u r-rata ta’ bidla fid-defiċjenza fil-pożizzjoni mżerżqa fi tranżizzjoni tkun inqas minn jew daqs 70 mm/s, huwa permissibbli li r-rata ta’ bidla massima fil-pożizzjoni mżerżqa tiġi miżjuda għal 85 mm/s.

4.2.5.4.   Defiċjenza fil-pożizzjoni mżerżqa

Il-Kategoriji tal-Linji tas-STI kollha

(1)

L-ispeċifikazzjonijiet li ġejjin huma applikabbli għal linji interoperabbli li jkollhom qies standard nominali tal-binarju kif ġie ddefinit fil-paragrafu 4.2.5.1 ta’ din is-STI.

4.2.5.4.1.   Defiċjenza fil-pożizzjoni mżerżqa fuq binarju sempliċi u fir-rotta diretta (through route) Ta’ punt ta’ qlib u ta’ qsim

(1)

Id-defiċjenza massima fil-pożizzjoni mżerżqa li fiha l-ferroviji jitħallew jaħdmu għandha tikkunsidra l-kriterji ta’ aċċettazzjoni tal-vetturi kkonċernati, stabbiliti fis-STI tal-vetturi ferrovjarji HS (veloċità għolja) u CR (ferroviji konvenzjonali).

(2)

Għall-ferroviji li ma jkunux mgħammra b’sistemi ta’ kumpens għad-defiċjenza fil-pożizzjoni mżerżqa, id-defiċjenza fil-pożizzjoni mżerżqa f’linji b’veloċitajiet sa u inklużi l-200 km/h m’għandiex teċċedi, mingħajr l-ebda wirja ulterjuri, dawn li ġejjin: (a) 130 mm (jew 0,85 m/s2 ta’ aċċellerazzjoni laterali mhux ikkumpensata) għall-vetturi ferrovjarji approvati skont is-STI tal-Vaguni għall-Merkanzija (STI WAG); (b) 150 mm (jew 1,0 m/s2 ta’ aċċellerazzjoni laterali mhux ikkumpensata) għall-vetturi ferrovjarji approvati skont is-STI RST tal-Lokomotivi u tal-Passiġġieri (STI LOC&PAS).

(3)

Huwa permissibbli għal ferroviji ddisinjati speċifikament biex jivvjaġġaw b’defiċjenza ogħla fil-pożizzjoni mżerżqa (unitajiet multipli b’tagħbijiet iktar baxxi fuq il-fusijiet, ferroviji b’sistema li tikkumpensa d-defiċjenza fil-pożizzjoni mżerżqa) biex jaħdmu b’valuri ta’ defiċjenza ogħla fil-pożizzjoni mżerżqa, b’kundizzjoni li jintwera li dan jista’ jintlaħaq b’mod sikur.

4.2.5.4.2.   Bidla f’daqqa fid-defiċjenza fil-pożizzjoni mżerżqa fuq binarju diverġenti ta’ punti ta’ qlib

(1)

Il-valuri massimi skont id-disinn ta’ bidla f’daqqa fid-defiċjenza fil-pożizzjoni mżerżqa fuq binarji diverġenti għandhom ikunu: (a) 120 mm għal qlib li jippermetti veloċitajiet tal-qlib ta’ 30 km/h ≤ V ≤ 70 km/h, (b) 105 mm għal qlib li jippermetti veloċitajiet tal-qlib ta’ 70 km/h < V ≤ 170 km/h, (ċ) 85 mm għal qlib li jippermetti veloċitajiet tal-qlib ta’ 170 km/h < V ≤ 200 km/h.

(2)

Għall-meded eżistenti ta’ disinji ta’ qlib tista’ tiġi aċċettata konċessjoni ta’ 20 mm fuq dawn il-valuri.

4.2.5.5.   Koniċità ekwivalenti

Il-Kategoriji tal-Linji tas-STI kollha

(1)

Il-valuri ta’ limitu għall-koniċità ekwivalenti msemmija fit-Tabella 4 għandhom jiġu kkalkolati għall-estensjoni (y) tal-ispostament laterali tal-kombinazzjoni ta’ rota u ta’ fusijiet (wheelset): — y = 3 mm jekk (TG – SR) ≥ 7 mm — , jekk 5 mm ≤ (TG – SR) < 7 mm — y = 2 mm jekk (TG – SR) < 5 mm fejn TG hija l-qies standard tal-binarju u SR hija d-distanza bejn l-uċuh ta’ kuntatt tal-flanġ tal-kombinazzjoni ta’ rota u ta’ fusijiet. Għall-qlib u għall-qsim mhija meħtieġa l-ebda valutazzjoni tal-koniċità ekwivalenti.

4.2.5.5.1.   Valuri skont id-disinn tal-koniċità ekwivalenti

(1)

Għal linja sempliċi għandhom jingħażlu valuri skont id-disinn tal-qies standard tal-binarju, tal-profil tal-parti tal-linja ferrovjarja li tmiss mar-roti u tal-inklinazzjoni tal-linja ferrovjarja sabiex ikun żgurat li l-limiti għall-koniċità ekwivalenti stabbiliti fit-Tabella 4 ma jinqabżux. Tabella 4 Il-valuri ta’ limitu skont id-disinn għall-koniċità ekwivalenti Medda ta’ veloċitajiet [km/h] Koniċità ekwivalenti S 1002, GV 1/40 EPS v ≤ 60 Valutazzjoni mhux meħtieġa Valutazzjoni mhux meħtieġa 60 < v ≤ 160 0,25 0,30 160 < v ≤ 200 0,25 0,30

(2)

Il-kombinazzjonijiet ta’ roti u ta’ fusijiet li ġejjin għandhom ikunu mmudellati fuq il-kundizzjonijiet maħsuba tal-binarji (simulati b’kalkolu skont l-EN 15302:2008): (a) S 1002 kif iddefinita fl-Anness C għall-EN 13715:2006 b’SR = 1 420 mm (b) S 1002 kif iddefinita fl-Anness C għall-EN 13715:2006 b’SR = 1 426 mm (ċ) GV 1/40 kif iddefinita fl-Anness B għall-EN 13715:2006 b’SR = 1 420 mm (d) GV 1/40 kif iddefinita fl-Anness B għall-EN 13715:2006 b’SR = 1 426 mm (e) EPS kif iddefinita fl-Anness D għall-EN 13715:2006 b’SR = 1 420 mm.

4.2.5.5.2.   Rekwiżiti għall-kontroll tal-koniċità ekwivalenti mqiegħda fis-servizz

(1)

Ir-rekwiżiti għall-kontroll tal-koniċità ekwivalenti mqiegħda fis-servizz għadhom qed jiġu diskussi.

(2)

Malli d-disinn inizjali tas-sistema tal-binarji jkun ġie stabbilit, parametru importanti għall-kontroll tal-koniċità ekwivalenti mqiegħda fis-servizz huwa l-qies standard tal-binarju. Għalhekk, sakemm jingħalqu d-diskussjonijiet, il-valuri għal qies standard medju tal-binarju u r-rekwiżiti għall-azzjonijiet li għandhom jittieħdu f’każ ta’ instabilità fir-rikba stabbiliti iktar ‘l isfel għandhom jiġu rrispettati.

(3)

L-Amministratur Infrastrutturali għandu jżomm il-qies standard medju tal-binarju fuq binarju dritt u f’kurvi b’raġġ R > 10 000 m fil-limitu stabbilit fit-tabella ta’ hawn taħt jew ‘il fuq minnu. Tabella 5 Il-qies standard medju minimu mqiegħed fis-servizz fuq binarju dritt u f’kurvi b’raġġ R > 10 000 m Medda ta’ veloċitajiet [km/h] Qies standard medju [mm] fuq 100 m v ≤ 60 valutazzjoni mhux meħtieġa 60 < v ≤ 160 1 430 160 < v ≤ 200 1 430

(4)

Jekk tkun irrapportata xi instabilità fir-rikba fuq binarju li jirrispetta r-rekwiżit tat-Taqsima 4.2.5.5 għal vetturi ferrovjarji li jkollhom kombinazzjonijiet ta’ roti u ta’ fusijiet li jissodisfaw ir-rekwiżiti għall-koniċità ekwivalenti stabbiliti fis-STI tal-vetturi ferrovjarji HS u CR, għandha ssir investigazzjoni konġunta min-naħa tal-Impriża Ferrovjarja u tal-Amministratur Infrastrutturali sabiex tkun iddeterminata r-raġuni għal dan.

4.2.5.6.   Il-profil tal-parti tal-linja ferrovjarja li tmiss mar-roti għal linja sempliċi

Il-Kategoriji tal-Linji tas-STI kollha

(1)

Id-disinn tal-profili tal-parti tal-linja ferrovjarja li tmiss mar-roti għal linja sempliċi għandu jinkludi: (a) inklinazzjoni laterali fuq in-naħa tal-parti tal-linja ferrovjarja li tmiss mar-roti angolata għal bejn il-vertikali u 1/16 b’referenza għall-assi vertikali tal-parti tal-linja ferrovjarja li tmiss mar-roti; (b) id-distanza vertikali bejn il-quċċata ta’ din l-inklinazzjoni vertikali u l-parti ta’ fuq tal-linja ferrovjarja għandha tkun ta’ inqas minn 15 mm; (ċ) raġġ ta’ mill-inqas 12 mm fir-rokna tal-qies standard; (d) id-distanza orizzontali bejn il-quċċata tal-linja ferrovjarja u l-punt tanġenzjali għandha tkun ta’ bejn 31 u 37 mm.

Grafika 1

Il-profil tal-parti tal-linja ferrovjarja li tmiss mar-roti

4.2.5.7.   Inklinazzjoni tal-linja ferrovjarja

Il-Kategoriji tal-Linji tas-STI kollha

4.2.5.7.1.   Linja sempliċi

(1)

Il-linja ferrovjarja għandha tkun inklinata lejn iċ-ċentru tal-binarju.

(2)

L-inklinazzjoni tal-linja ferrovjarja għal rotta partikolari għandha tingħażel mill-medda ta’ bejn 1/20 u 1/40.

(3)

Il-valur magħżul għandu jkun iddikjarat fir-Reġistru tal-Infrastruttura.

4.2.5.7.2.   Rekwiżiti għall-qlib u għall-qsim

(1)

Il-linja ferrovjarja fil-qlib u fil-qsim għandha tkun iddisinjata biex jew tkun vertikali jew tkun inklinata.

(2)

Jekk il-linja ferrovjarja tkun inklinata, l-inklinazzjoni ddisinjata fil-qlib u fil-qsim għandha tkun l-istess bħal dik għal linja sempliċi.

(3)

L-inklinazzjoni tista’ tingħata mill-forma tal-parti attiva tal-profil tal-parti tal-linja ferrovjarja li tmiss mar-roti.

(4)

Għal sezzjonijiet qosra ta’ linja sempliċi bejn qlib u qsim mingħajr inklinazzjoni, huwa permess li jitqiegħdu linji ferrovjarji mingħajr inklinazzjoni.

(5)

Hija permessa tranżizzjoni qasira minn linja ferrovjarja inklinata għal waħda vertikali.

4.2.5.8.   Ebusija tal-binarji

Il-Kategoriji tal-Linji tas-STI kollha

(1)

Ir-rekwiżiti għall-ebusija tal-binarji bħala sistema kompluta għadhom qed jiġu diskussi.

4.2.6.   Punti tal-qlib u tal-qsim

4.2.6.1.   Mezzi ta’ llokkjar

Il-Kategoriji tal-Linji tas-STI IV-P, IV-F, IV-M, VI-P, VI-F u VI-M

(1)

Il-partijiet kollha li jiċċaqilqu tal-punti tal-qlib u tal-qsim għandhom ikunu mgħammra b’mezzi ta’ llokkjar, ħlief fil-wesgħat fejn jinġemgħu l-ferroviji u f’binarji oħrajn li jintużaw biss biex il-ferroviji jiġu mċaqilqa minn post għall-ieħor.

Il-Kategoriji tal-Linji tas-STI V-P, V-F, V-M, VII-P, VII-F u VII-M

(2)

Fejn il-veloċità massima tkun ta’ iktar minn 40 km/h, il-partijiet kollha li jiċċaqilqu tal-punti tal-qlib u tal-qsim għandhom ikunu mgħammra b’mezzi ta’ llokkjar, sakemm ma jintużawx esklużivament fid-direzzjoni tal-konverġenza.

4.2.6.2.   Ġeometrija tal-punti tal-qlib u tal-qsim imqiegħda fis-servizz

Il-Kategoriji tal-Linji tas-STI kollha

(1)

F’dan il-paragrafu, is-STI tagħti valuri ta’ limitu mqiegħda fis-servizz li huma kompatibbli mal-karatteristiċi ġeometriċi tal-kombinazzjonijiet ta’ roti u ta’ fusijiet kif ġew iddefiniti fis-STI tal-vetturi ferrovjarji HS u CR. Għandu jkun il-kompitu tal-Amministratur Infrastrutturali li jiddeċiedi l-valuri skont id-disinn u li jiżgura, permezz tal-pjan ta’ manutenzjoni, li l-valuri mqiegħda fis-servizz ma jaqgħux lil hinn mil-limiti tas-STI. Dawn il-limiti huma ffissati bħala limiti għal azzjoni immedjata. Grafika 2 Il-ġbid lura tal-qlib f’punt ta’ qsim komuni fiss

(2)

Il-karatteristiċi tekniċi tal-punti tal-qlib u tal-qsim għandhom ikunu konformi mal-valuri mqiegħda fis-servizz li ġejjin: (a) Il-valur massimu ta’ passaġġ bil-magna free fil-punt ta’ qlib: 1 380 mm. Dan il-valur jista’ jiżdied jekk l-Amministratur Infrastrutturali juri li s-sistema ta’ attwazzjoni u ta’ llokkjar tal-punt ta’ qlib tkun tista’ tirreżisti l-forzi tal-impatt laterali ta’ kombinazzjoni ta’ rota u ta’ fusijiet. (b) Il-valur minimu ta’ protezzjoni fissa tal-ponta għal punt ta’ qsim komuni: 1 392 mm. Dan il-valur jitkejjel 14 mm taħt is-superfiċje li fuqha jimxu r-roti (running surface), u fuq il-linja teoretika ta’ referenza, f’distanza xierqa lura mill-punt effettiv (RP) tal-ponta kif ġie indikat fil-Grafika 2. Għal qsim bi ġbid lura tal-qlib, dan il-valur jista’ jitnaqqas. F’dan il-każ, l-Amministratur Infrastrutturali għandu juri li l-ġbid lura tal-qlib huwa suffiċjenti biex jiggarantixxi li r-rota ma tolqotx il-ponta fil-punt effettiv (RP). (ċ) Il-valur massimu ta’ passaġġ bil-magna free fil-ponta tal-punt ta’ qsim: 1 356 mm. (d) Il-valur massimu ta’ passaġġ bil-magna free mad-daħla għal check rail/wing rail: 1 380 mm. (e) Il-wisa’ minima tal-flangeway (parti miftuħa fil-linja jew fil-binarju li tipprovdi mogħdija minn fejn tgħaddi l-flanġ tar-rota): 38 mm. (f) Il-fond minimu tal-flangeway: 40 mm. (g) L-għoli żejjed massimu taċ-check rail: 70 mm.

(3)

Ir-rekwiżiti rilevanti kollha għall-qlib u għall-qsim huma applikabbli wkoll għal soluzzjonijiet tekniċi oħrajn li jużaw il-linji ferrovjarji tal-qlib, pereżempju, modifikaturi tal-ġnub (side modifiers) li jintużaw f’binarju b’linji ferrovjarji multipli.

4.2.6.3.   It-tul massimu mhux iggwidat ta’ qsim ottuż fiss

Il-Kategoriji tal-Linji tas-STI kollha

(1)

Il-valur skont id-disinn tat-tul massimu mhux iggwidat għandu jkun ekwivalenti għal 1 f’9 (tgα=0.11, α=6°20’) qsim ottuż b’check rail mgħolli ‘l fuq b’minimu ta’ 45 mm u assoċjat ma’ dijametru minimu tar-rota ta’ 330 mm f’rotti diretti u dritti.

4.2.7.   Reżistenza tal-binarji għal tagħbijiet applikati

4.2.7.1.   Reżistenza tal-binarji għal tagħbijiet vertikali

Il-Kategoriji tal-Linji tas-STI kollha

(1)

Il-binarju, inklużi l-qlib u l-qsim, għandu jkun iddisinjat biex jirreżisti mill-inqas il-forzi li ġejjin: (a) it-tagħbija fuq il-fusijiet skont il-parametri ta’ prestazzjoni għall-Kategoriji tal-Linji tas-STI kif ġew iddefiniti fit-Tabella 3; (b) il-forza dinamika massima tar-roti li kombinazzjoni ta’ rota u ta’ fusijiet teżerċita fuq il-binarju. Is-STI tal-vetturi ferrovjarji HS u CR jiddefinixxu limitu għall-forza dinamika massima tar-roti għal kundizzjonijiet tat-test definiti. Ir-reżistenza tal-binarji għal tagħbijiet vertikali għandha tkun konsistenti ma’ dawn il-valuri; (ċ) il-forza kważi statika massima tar-roti li kombinazzjoni ta’ rota u ta’ fusijiet teżerċita fuq il-binarju. Is-STI tal-vetturi ferrovjarji HS u CR jiddefinixxu limitu għall-forza kważi statika massima tar-roti għal kundizzjonijiet tat-test definiti. Ir-reżistenza tal-binarji għal tagħbijiet vertikali għandha tkun konsistenti ma’ dawn il-valuri.

4.2.7.2.   Reżistenza lonġitudinali tal-binarji

Il-Kategoriji tal-Linji tas-STI kollha

4.2.7.2.1.   Forzi skont id-disinn

(1)

Il-binarju, inklużi l-qlib u l-qsim, għandu jkun iddisinjat sabiex jirreżisti l-forzi lonġitudinali li jirriżultaw mill-ibbrejkjar. Is-STI tal-vetturi ferrovjarji HS u CR jiddefinixxu l-limiti għad-deċellerazzjoni li għandhom jintużaw sabiex ikunu ddeterminati l-forzi lonġitudinali li jirriżultaw mill-ibbrejkjar.

(2)

Il-binarju għandu jkun iddisinjat b’tali mod li jirreżisti l-forzi termali lonġitudinali li jirriżultaw minn bidliet fit-temperatura fil-linja ferrovjarja u li jimminimizza l-probabilità li l-binarju jitgħattan taħt il-pressjoni tas-sħana.

4.2.7.2.2.   Kompatibilità mas-sistemi tal-ibbrejkjar

(1)

Il-binarju għandu jkun iddisinjat biex ikun kompatibbli mal-użu ta’ brejkijiet manjetiċi fuq il-binarji għal ibbrejkjar ta’ emerġenza.

(2)

Il-kompatibilità (jew in-nuqqas ta’ kompatibilità) tad-disinn tal-binarju adottat mal-użu ta’ sistemi ta’ bbrejkjar, indipendentement mill-kundizzjonijiet ta’ adeżjoni tar-roti mal-linja ferrovjarja għal ibbrejkjar ta’ servizz u għal ibbrejkjar ta’ emerġenza, għandha tkun ippubblikata fir-Reġistru tal-Infrastruttura. Is-sistemi tal-ibbrejkjar indipendentement mill-kundizzjonijiet ta’ adeżjoni tar-roti mal-linja ferrovjarja, jinkludu l-brejkijiet manjetiċi fuq il-binarji u l-brejkijiet tal-belligħat żgħar tal-kurrent fuq il-binarji.

(3)

Fejn il-binarju jkun kompatibbli mal-użu ta’ sistemi ta’ bbrejkjar indipendenti mill-kundizzjonijiet ta’ adeżjoni, ir-Reġistru tal-Infrastruttura għandu jiddikjara kwalunkwe limitazzjoni għall-użu tas-sistemi ta’ bbrejkjar li fuqhom tiddependi l-kompatibilità, fejn jiġu kkunsidrati l-kundizzjonijiet klimatiċi lokali u n-numru mistenni ta’ applikazzjonijiet ripetuti ta’ brejkijiet f’post partikolari.

4.2.7.3.   Reżistenza laterali tal-binarji

Il-Kategoriji tal-Linji tas-STI kollha

(1)

Il-binarju, inklużi l-qlib u l-qsim, għandu jkun iddisinjat biex jirreżisti mill-inqas: (a) il-forza laterali dinamika massima u totali li kombinazzjoni ta’ rota u ta’ fusijiet teżerċita fuq il-binarju. Is-STI tal-vetturi ferrovjarji HS u CR jiddefinixxu limitu għall-forzi laterali li kombinazzjoni ta’ rota u ta’ fusijiet teżerċita fuq il-binarju. Ir-reżistenza laterali tal-binarju għandha tkun konsistenti ma’ dawn il-valuri, (b) il-forza ta’ gwida kważi statika li kombinazzjoni ta’ rota u ta’ fusijiet teżerċita fuq il-binarju. Is-STI tal-vetturi ferrovjarji HS u CR jiddefinixxu limitu għall-forza ta’ gwida kważi statika Yqst għal raġġi u għal kundizzjonijiet tat-test definiti. Ir-reżistenza laterali tal-binarju għandha tkun konsistenti ma’ dawn il-valuri.

4.2.8.   Reżistenza tal-istrutturi għal tagħbijiet tat-traffiku

(1)

Ir-rekwiżiti tal-EN 1991-2:2003 u tal-Anness A2 għall-EN 1990:2002, maħruġa bħala EN 1990:2002/A1:2005, speċifikati f’dan il-kapitolu tas-STI għandhom jiġu applikati skont il-klawżoli korrispondenti fl-annessi nazzjonali għal dawn l-istandards, jekk jeżistu.

4.2.8.1.   Reżistenza ta’ pontijiet ġodda għal tagħbijiet tat-traffiku

Il-Kategoriji tal-Linji tas-STI kollha - għal strutturi ġodda fuq linji ferrovjarji ġodda jew eżistenti biss

4.2.8.1.1.   Tagħbijiet vertikali

(1)

L-istrutturi għandhom ikunu ddisinjati biex isostnu t-tagħbijiet vertikali skont il-mudelli ta’ tagħbijiet li ġejjin, iddefiniti fl-EN 1991-2:2003: (a) Il-Mudell tat-Tagħbijiet 71, kif inhu stabbilit fil-paragrafu 6.3.2 (2)P tal-EN 1991-2:2003 (b) Barra minn hekk, għal pontijiet kontinwi, il-Mudell tat-Tagħbijiet SW/0, kif inhu stabbilit fil-paragrafu 6.3.3 (3)P tal-EN 1991-2:2003

(2)

Il-mudelli tat-tagħbijiet għandhom ikunu mmultiplikati bil-fattur alfa (α) kif inhu stabbilit fil-paragrafi 6.3.2 (3)P u 6.3.3 (5)P tal-EN 1991-2:2003.

(3)

Il-valur ta’ alfa (α) għandu jkun daqs jew ikbar mill-valuri stabbiliti fit-Tabella 6. Tabella 6 Il-fattur alfa (α) għad-disinn ta’ strutturi ġodda Tipi ta’ Linji jew Kategoriji tal-Linji tas-STI Fattur alfa minimu (α) IV 1,1 V 1,0 VI 1,1 VII-P 0,83 VII-F, VII-M 0,91

(4)

L-effetti tat-tagħbijiet mill-mudelli tat-tagħbijiet għandhom jitkabbru bil-fattur dinamiku phi (Φ) kif inhu stabbilit fil-paragafi 6.4.3 (1)P u 6.4.5.2 (2) tal-EN 1991-2:2003.

4.2.8.1.2.   Forzi ċentrifugali

(1)

Fejn binarju fuq pont ikun ikkurvat fuq it-tul kollu jew parzjali tal-pont, fid-disinn tal-istrutturi għandha tkun ikkunsidrata l-forza ċentrifuga kif inhu stabbilit fil-paragrafi 6.5.1 (2), (4)P, (7) tal-EN 1991-2:2003.

4.2.8.1.3.   Forzi serriepa (nosing forces)

(1)

Fid-disinn tal-istrutturi għandha tiġi kkunsidrata l-forza serriepa kif inhu stabbilit fit-Taqsima 6.5.2 tal-EN 1991-2:2003.

4.2.8.1.4.   Azzjonijiet minħabba trazzjoni u bbrejkjar (tagħbijiet lonġitudinali)

(1)

Fid-disinn tal-istrutturi, għandhom jiġu kkunsidrati l-forzi ta’ trazzjoni u ta’ bbrejkjar kif inhu stabbilit fil-paragafi 6.5.3 (2)P, (4), (5) u (6) tal-EN 1991-2:2003. Id-direzzjoni tal-forzi ta’ trazzjoni u ta’ bbrejkjar għandhom jikkunsidraw id-direzzjonijiet permessi tal-ivvjaġġar fuq kull binarju.

4.2.8.1.5.   Liwja fil-binarju skont id-disinn minħabba azzjonijiet ta’ traffiku fuq il-linji ferrovjarji

Il-liwja massima u totali fil-binarju skont id-disinn minħabba azzjonijiet ta’ traffiku fuq il-linji ferrovjarji ma’ għandhiex teċċedi l-valuri stabbiliti fil-klawżola A2.4.4.2.2(3)P fl-Anness A2 għall-EN 1990:2002 maħruġa bħala EN 1990:2002/A1:2005. Il-liwja totali fil-binarju skont id-disinn tinkludi kwalunkwe liwja li tista’ tkun preżenti fil-binarju meta l-pont ma jkunx suġġett għal azzjonijiet ta’ traffiku fuq il-linja ferrovjarja, flimkien mal-liwja fil-binarju minħabba d-deformazzjoni totali tal-pont li tirriżulta mill-azzjonijiet tat-traffiku fuq il-linji ferrovjarji.

4.2.8.2.   Tagħbija vertikali ekwivalenti għal xogħlijiet ġodda tal-art u għal effetti tal-pressjoni tal-art

Il-Kategoriji tal-Linji tas-STI kollha - għal strutturi ġodda fuq linji ferrovjarji ġodda u eżistenti biss

(1)

Ix-xogħlijiet tal-art għandhom ikunu maħsuba sabiex isostnu t-tagħbijiet vertikali skont il-Mudell tat-Tagħbijiet 71, kif inhu stabbilit fil-paragrafu 6.3.6.4 tal-EN 1991-2:2003.

(2)

Il-Mudell tat-Tagħbijiet 71 għandu jkun immultiplat bil-fattur alfa (α), kif inhu stabbilit fil-paragrafu 6.3.2 (3)P tal-EN 1991-2:2003. Il-valur ta’ α għandu jkun daqs jew ikbar mill-valuri stabbiliti fit-Tabella 6.

4.2.8.3.   Reżistenza ta’ strutturi ġodda fuq jew biswit il-binarji

Il-Kategoriji tal-Linji tas-STI kollha - għal strutturi ġodda fuq linji ferrovjarji ġodda u eżistenti biss

(1)

L-azzjonijiet aerodinamiċi minn ferroviji li jkunu għaddejjin għandhom jiġu kkunsidrati kif inhu stabbilit fil-paragrafu 6.6 tal-EN 1991-2:2003.

4.2.8.4.   Reżistenza ta’ strutturi u ta’ xogħlijiet tal-art eżistenti għal tagħbijiet tat-traffiku

Il-Kategoriji tal-Linji tas-STI kollha - għal strutturi ġodda fuq linji ferrovjarji ġodda jew eżistenti biss

(1)

Il-pontijiet u x-xogħlijiet tal-art għandhom jinġiebu għal livell speċifikat ta’ interoperabilità, skont il-Kategorija tal-Linji tas-STI kif inhi ddefinita fit-Taqsima 4.2.1.

(2)

Ir-rekwiżiti minimi għall-kapaċità tal-istrutturi għal kull Kategorija tal-Linji tas-STI qed jingħataw fl-Anness E. Il-valuri jirrappreżentaw il-livell minimu fil-mira li l-istrutturi jridu jkunu kapaċi jilħqu biex il-linja ferrovjarja tkun iddikjarata interoperabbli.

(3)

Il-każijiet li ġejjin huma rilevanti: (a) Fejn struttura eżistenti tiġi sostitwita bi struttura ġdida, allura l-istruttura l-ġdida għandha tkun skont ir-rekwiżiti tal-Kapitolu 4.2.8.1 jew 4.2.8.2 (b) Jekk il-kapaċità minima tal-istrutturi eżistenti espressa mill-Kategorija tal-Linji tal-EN ippubblikata flimkien mal-veloċità permessa tissodisfa r-rekwiżiti fl-Anness E, allura l-istrutturi eżistenti jissodisfaw ir-rekwiżiti rilevanti tal-interoperabilità. (ċ) Fejn il-kapaċità ta’ struttura eżistenti ma tissodisfax ir-rekwiżiti fl-Anness E u qed isiru xogħlijiet (eż. tisħiħ) sabiex titkabbar il-kapaċità tal-istruttura ħalli jiġu sodisfatti r-rekwiżiti ta’ din is-STI (u l-istruttura ma għandhiex tiġi sostitwita bi struttura ġdida), allura l-istruttura għandha tinġieb f’konformità mar-rekwiżiti fl-Anness E.

(4)

Għan-netwerk Brittaniku, fil-klawżoli (2) u (3) ta’ hawn fuq il-Kategorija tal-Linja EN tista’ tiġi ssostitwita bin-numru tad-Disponibilità tar-Rotta (RA) (mogħti skont ir-regola teknika nazzjonali nnotifikata għal dan il-għan) u konsegwentement ir-referenza għall-Anness E tiġi ssostitwita b’referenza għall-Anness C.

4.2.9.   Kwalità ġeometrika tal-binarju u l-limiti għad-difetti iżolati

4.2.9.1.   Determinazzjoni tal-limiti għal azzjoni immedjata, intervent, u allarm

Il-Kategoriji tal-Linji tas-STI kollha

(1)

L-Amministratur Infrastrutturali għandu jiddetermina l-limiti xierqa għal azzjoni immedjata, intervent u allarm għall-parametri li ġejjin: (a) allinjament laterali – devjazzjonijiet standard (limitu għall-allarm biss), (b) livell lonġitudinali – devjazzjonijiet standard (limitu għall-allarm biss), (ċ) allinjament laterali – difetti iżolati – minn valuri medji sal-ogħla valuri, (d) livell lonġitudinali – difetti iżolati – minn valuri medji sal-ogħla valuri, (e) liwja fil-binarju – difetti iżolati – minn valur ta’ żero sal-ogħla valur bla ħsara għal-limiti għall-azzjoni immedjata stabbiliti fit-Taqsima 4.2.9.2, (f) varjazzjoni fil-qies standard tal-binarju – difetti iżolati – minn qies standard nominali tal-binarju sal-ogħla valur suġġett għal-limiti għall-azzjoni immedjata stabbiliti fit-Taqsima 4.2.9.3, (g) qies standard medju tal-binarju tul kwalunkwe 100 m – minn qies standard nominali tal-binarju sal-valur medju suġġett għal-limiti għall-azzjoni immedjata stabbiliti fit-Taqsima 4.2.5.5.2, (h) pożizzjoni mżerżqa – minn valur skont id-disinn sal-ogħla valur suġġett għal-limiti għall-azzjoni immedjata stabbiliti fit-Taqsima 4.2.9.4.

(2)

Il-kundizzjonijiet tal-kejl għal dawn il-parametri huma stabbiliti fil-Kapitolu 5 tal-EN 13848-1:2003 + A1:2008.

(3)

Meta jiġi biex jiddetermina dawn il-limiti, l-Amministratur Infrastrutturali għandu jikkunsidra l-limiti għall-kwalità tal-binarju li ntużaw bħala l-bażi għall-aċċettazzjoni tal-vettura. Ir-rekwiżiti għall-aċċettazzjoni tal-vettura huma stabbiliti fis-STI tal-vetturi ferrovjarji CR u HS.

(4)

Il-limiti għal azzjoni immedjata, intervent u allarm adottati mill-Amministratur Infrastrutturali għandhom ikunu rreġistrati fil-pjan ta’ manutenzjoni meħtieġ skont it-Taqsima 4.5 ta’ din is-STI.

4.2.9.2.   Limitu għal azzjoni immedjata għal liwja fil-binarju

Il-Kategoriji tal-Linji tas-STI kollha

(1)

Il-limitu għal azzjoni immedjata għal liwja fil-binarju bħala difett iżolat jingħata bħala valur ta’ żero sal-ogħla valur. Il-liwja fil-binarju tiġi ddefinita bħala d-differenza alġebrajka bejn żewġ livelli inkroċjati meħuda f’distanza ddefinita minn xulxin, ġeneralment espressa bħala gradjent bejn iż-żewġ punti fejn jitkejjel il-livell inkroċjat. Il-livell inkroċjat jitkejjel fiċ-ċentri nominali tal-partijiet tal-linja ferrovjarja li jmissu mar-roti.

(2)

Il-limitu għal-liwja fil-binarju huwa funzjoni tal-bażi tal-kejl applikata (l) skont il-formola: Liwja ta’ limitu = (20/l + 3) (a) fejn l huwa l-bażi tal-kejl (f’m), b’1.3 m ≤ l ≤ 20 m, (b) b’valur massimu ta’ 7 mm/m. Grafika 3 Il-limitu għal-liwja fil-binarju għall-Kategoriji tal-Linji tas-STI kollha

(3)

Fil-pjan ta’ manutenzjoni, l-Amministratur Infrastrutturali għandu jistabbilixxi l-bażi li fuqha se jkejjel il-binarju sabiex jikkontrolla l-konformità ma’ dan ir-rekwiżit. Il-bażi tal-kejl għandha tinkludi mill-inqas bażi tal-kejl waħda ta’ bejn 2 u 5 m.

Il-Kategoriji tal-Linji tas-STI IV-F, IV-M, V-F, V-M, VI-F, VI-M, VII-F u VII-M

(4)

Jekk ir-raġġ ta’ kurva orizzontali jkun inqas minn 420 m u l-pożizzjoni mżerżqa D > (R – 100)/2, il-liwja fil-binarju għandha tkun limitata skont il-formola: Liwja ta’ limitu = (20/l + 1.5), b’valur massimu ta’ bejn 6 mm/m u 3 mm/m skont it-tul bażi tal-liwja kif jintwera fil-Grafika 4. difetti iżolati tal-liwja [mm/m] Grafika 4 Il-limitu għal liwja fil-binarju għal linji tal-merkanzija u għal dawk imħalltin fuq kurvi żgħar

4.2.9.3.   Limitu għal azzjoni immedjata għall-varjazzjoni fil-qies standard tal-binarju

Il-Kategoriji tal-Linji tas-STI kollha

Il-limiti għal azzjoni immedjata għall-varjazzjoni fil-qies standard tal-binarju huma stabbiliti fit-Tabella 7.

Tabella 7

Il-limiti għal azzjoni immedjata għall-varjazzjoni fil-qies standard tal-binarju

Veloċità [km/h]	Dimensjonijiet [mm]
	Minn qies standard nominali tal-binarju sal-ogħla valur
	Qies standard minimu tal-binarju	Qies standard massimu tal-binarju
V ≤ 80	–9	+35
80 < V ≤ 120	–9	+35
120 < V ≤ 160	–8	+35
160 < V ≤ 200	–7	+28

4.2.9.4.   Limitu għal azzjoni immedjata għall-pożizzjoni mżerżqa

Il-Kategoriji tal-Linji tas-STI IV-P, V-P, VI-P u VII-P

(1)

Il-pożizzjoni mżerżqa mqiegħda fis-servizz għandha tinżamm fi +/– 20 mm tal-pożizzjoni mżerżqa skont id-disinn, imma l-pożizzjoni mżerżqa massima permessa mqiegħda fis-servizz hija ta’ 190 mm.

Il-Kategoriji tal-Linji tas-STI IV-F, IV-M, V-F, V-M, VI-F, VI-M, VII-F u VII-M

(2)

Il-pożizzjoni mżerżqa mqiegħda fis-servizz għandha tinżamm fi +/– 20 mm tal-pożizzjoni mżerżqa skont id-disinn, imma l-pożizzjoni mżerżqa massima permessa mqiegħda fis-servizz hija ta’ 170 mm.

4.2.10.   Pjattaformi

(1)

Ir-rekwiżiti ta’ dan il-paragrafu huma applikabbli biss għall-pjattaformi tal-passiġġieri fejn ikun hemm il-ħsieb li l-ferroviji li jkunu konformi mas-STI tal-vetturi ferrovjarji HS u CR jieqfu waqt servizz normali.

4.2.10.1.   Tul utilizabbli tal-pjattaformi

Il-Kategoriji tal-Linji tas-STI kollha

(1)

It-tul tal-pjattaforma għandu jkun suffiċjenti sabiex jakkomoda l-itwal ferrovija interoperabbli li jkun hemm il-ħsieb li tieqaf mal-pjattaforma waqt servizz normali. Meta jkun se jiġi ddeterminat it-tul tal-ferroviji li jkun hemm il-ħsieb li jieqfu mal-pjattaforma, għandhom jiġu kkunsidrati kemm ir-rekwiżiti tas-servizz attwali kif ukoll ir-rekwiżiti tas-servizz raġonevolment prevedibbli għal tal-inqas għaxar snin wara li l-pjattaforma titqiegħed fis-servizz.

(2)

Huwa permissibbli li jinbena biss it-tul ta’ pjattaforma meħtieġ għar-rekwiżit ta’ servizz attwali sakemm jittieħdu miżuri passivi għar-rekwiżiti ta’ servizz futur raġonevolment prevedibbli.

(3)

It-tul utilizzabbli ta’ pjattaforma għandu jkun iddikjarat fir-Reġistru tal-Infrastruttura.

4.2.10.2.   Il-wisa’ u t-tmiem tal-pjattaformi

Il-Kategoriji tal-Linji tas-STI kollha

(1)

Is-STI PRM jistabbilixxi r-rekwiżiti għall-wisa’ u għat-tmiem tal-pjattaforma.

4.2.10.3.   Tmiem il-pjattaformi

Il-Kategoriji tal-Linji tas-STI kollha

(1)

Is-STI PRM jistabbilixxi r-rekwiżiti għal tmiem il-pjattaforma.

4.2.10.4.   L-għoli tal-pjattaformi

Il-Kategoriji tal-Linji tas-STI kollha

(1)

Is-STI PRM jistabbilixxi r-rekwiżiti għall-għoli tal-pjattaforma.

4.2.10.5.   Id-distanza qasira meqjusa vertikalment lil hinn mil-linja ewlenija tat-tiqjis tal-pjattaformi

Il-Kategoriji tal-Linji tas-STI kollha

(1)

Is-STI PRM jistabbilixxi r-rekwiżiti għad-distanza qasira meqjusa vertikalment lil hinn mil-linja ewlenija tat-tiqjis tal-pjattaformi.

4.2.11.   Saħħa, sikurezza u ambjent

4.2.11.1.   Il-varjazzjonijiet massimi fil-pressjoni fil-mini

Il-Kategoriji tal-Linji tas-STI kollha

(1)

Il-varjazzjoni massima fil-pressjoni fil-mini u fl-istrutturi ta’ taħt l-art tul il-parti fuq barra ta’ kwalunkwe ferrovija li tkun konformi mas-STI tal-vetturi ferrovjarji HS u CR u li jkun hemm il-ħsieb li tgħaddi mill-mina speċifika b’veloċitajiet ikbar minn 190 km/h ma għandhiex teċċedi l-10 kPa waqt il-ħin li l-ferrovija tieħu biex tgħaddi mill-mina, bil-veloċità massima permessa.

4.2.11.2.   Il-limiti għall-ħsejjes u għall-vibrazzjonijiet u l-miżuri ta’ mitigazzjoni

Il-Kategoriji tal-Linji tas-STI kollha

(1)

Il-limiti għall-ħsejjes u l-miżuri ta’ mitigazzjoni għadhom qed jiġu diskussi.

(2)

Il-limiti għall-vibrazzjonijiet u l-miżuri ta’ mitigazzjoni għadhom qed jiġu diskussi.

4.2.11.3.   Protezzjoni minn xokk tal-elettriku

Il-Kategoriji tal-Linji tas-STI kollha

(1)

Ir-rekwiżiti għal protezzjoni minn xokk tal-elettriku mis-sistema tal-kurrent ta’ trazzjoni huma żgurati mid-dispożizzjonijiet stabbiliti fis-STI ENE CR relatati mal-miżuri protettivi tas-sistemi tal-linji ta’ kuntatt fl-għoli.

4.2.11.4.   Is-sikurezza fil-mini ferrovjarji

Il-Kategoriji tal-Linji tas-STI kollha

(1)

Ir-rekwiżiti għas-sikurezza fil-mini ferrovjarji huma stabbiliti fis-STI SRT.

4.2.11.5.   L-effett tar-rjieħ inkroċjati

Il-Kategoriji tal-Linji tas-STI kollha

(1)

Ir-rekwiżiti biex ikun mitigat l-effett tar-rjieħ inkroċjati għadhom qed jiġu diskussi.

4.2.12.   Miżuri għall-operazzjonijiet

4.2.12.1.   Markaturi tad-distanza

Il-Kategoriji tal-Linji tas-STI kollha

(1)

Il-markaturi tad-distanza għandhom ikunu pprovduti f’intervalli regoli tul il-binarju.

(2)

L-intervall nominali bejn il-markaturi tad-distanza għandu jkun iddikjarat fir-Reġistru tal-Infrastruttura.

4.2.13.   Installazzjonijiet fissi għas-servisjar tal-ferroviji

4.2.13.1.   Ġenerali

(1)

Din it-Taqsima 4.2.13 tistabbilixxi l-elementi infrastrutturali tas-subsistema tal-manutenzjoni meħtieġa għas-servisjar tal-ferroviji.

(2)

Il-post u t-tip ta’ installazzjonijiet fissi għas-servisjar tal-ferroviji għandhom ikunu ppubblikati fir-Reġistru tal-Infrastruttura.

4.2.13.2.   Mezzi biex jitbattal it-tojlit

Il-Kategoriji tal-Linji tas-STI kollha

(1)

L-installazzjonijiet fissi biex jitbattal it-tojlit għandhom ikunu kompatibbli mal-karatteristiċi tas-sistema ta’ ritenzjoni tat-tojlit speċifikati fis-STI tal-vetturi ferrovjarji HS u CR.

4.2.13.3.   Faċilitajiet għat-tindif estern tal-ferroviji

Il-Kategoriji tal-Linji tas-STI kollha

(1)

Fejn ikun pprovdut impjant għall-ħasil, dan għandu jkun jista’ jaħsel il-ġnub esterni ta’ ferroviji b’sular wieħed jew bi tnejn b’għoli ta’ bejn: (a) 1 000 u 3 500 mm għal ferrovija b’sular wieħed, (b) 500 u 4 300 mm għal ferroviji b’żewġ sulari.

(2)

L-impjant għall-ħasil għandu jkun iddisinjat b’tali mod li l-ferroviji jistgħu jinsaqu ġo fih bi kwalunkwe veloċità bejn it-2 km/h u l-5 km/h.

4.2.13.4.   Stokkjar mill-ġdid tal-ilma

Il-Kategoriji tal-Linji tas-STI kollha

(1)

It-tagħmir fiss għall-istokkjar mill-ġdid tal-ilma għandu jkun kompatibbli mal-karatteristiċi tas-sistema tal-ilma speċifikati fis-STI tal-vetturi ferrovjarji HS u CR.

(2)

It-tagħmir fiss għall-provvista tal-ilma fin-netwerk interoperabbli għandu jkun ipprovdut b’ilma tax-xorb li jissodisfa r-rekwiżiti tad-Direttiva 98/83/KE.

(3)

Il-mod ta’ operazzjoni tat-tagħmir għandu jiżgura li l-ilma kkonsenjat lill-vetturi ferrovjarji jkun konformi mal-kwalità speċifikata mid-Direttiva 98/83/KE.

4.2.13.5.   Provvista mill-ġdid tal-karburant

Il-Kategoriji tal-Linji tas-STI kollha

(1)

It-tagħmir għall-provvista mill-ġdid tal-karburant għandu jkun kompatibbli mal-karatteristiċi tas-sistema tal-karburant speċifikati fis-STI tal-vetturi ferrovjarji CR.

4.2.13.6.   Provvista ta’ puntali tal-elettriku

Il-Kategoriji tal-Linji tas-STI kollha

(1)

Fejn tkun ipprovduta, il-provvista ta’ puntali tal-elettriku għandha tkun permezz ta’ sistema ta’ provvista tal-enerġija waħda jew iktar speċifikata fis-STI tal-vetturi ferrovjarji HS u CR.

4.3.   Speċifikazzjoni funzjonali u teknika tal-interfaces

Mill-perspettiva tal-kompatibilità teknika, l-interfaces tas-subsistema tal-infrastruttura mas-sistema l-oħra huma kif ġew deskritti fil-paragrafi li ġejjin.

4.3.1.   Interfaces mas-subsistema tal-vetturi ferrovjarji

Tabella 8

Interfaces mas-subsistema tal-vetturi ferrovjarji, is-STI “RST tal-Lokomotivi u tal-Passiġġieri”

Interface	STI ta’ Referenza tal-Infrastruttura Ferrovjarja Konvenzjonali	STI ta’ Referenza tal-RST tal-Lokomotivi u tal-Passiġġieri Ferrovjarji Konvenzjonali
Qies standard tal-binarju	4.2.5.1 Qies standard nominali tal-binarju 4.2.5.6 Profil tal-parti tal-linja ferrovjarja li tmiss mar-roti għal linja sempliċi 4.2.6.2 Ġeometrija tal-punti tal-qlib u tal-qsim imqiegħda fis-servizz	4.2.3.5.2.1 Karatteristiċi mekkaniċi u ġeometriċi ta’ kombinazzjoni ta’ rota u ta’ fusijiet 4.2.3.5.2.2 Karatteristiċi mekkaniċi u ġeometriċi tar-roti
Qisien standard	4.2.4.1 Qies minimu tal-istrutturi 4.2.4.2 Distanza bejn iċ-ċentri tal-binarji 4.2.4.5 Raġġ minimu ta’ kurva vertikali	4.2.3.1. Tiqjis standard
Tagħbija fuq il-fusijiet u spazjar tal-fusijiet	4.2.7.1 Reżistenza tal-binarji għal tagħbijiet vertikali 4.2.8.1 Reżistenza ta’ pontijiet ġodda għal tagħbijiet tat-traffiku 4.2.8.2 Tagħbija vertikali ekwivalenti għal xogħlijiet ġodda tal-art u għal effetti tal-pressjoni tal-art 4.2.8.4 Reżistenza ta’ pontijiet u ta’ xogħlijiet tal-art eżistenti għal tagħbijiet tat-traffiku	4.2.3.2 Tagħbija fuq il-fusijiet u tagħbija fuq ir-roti
Karatteristiċi tat-tħaddim	4.2.7.1 Reżistenza tal-binarji għal tagħbijiet vertikali 4.2.7.3 Reżistenza laterali tal-binarji 4.2.8.1.3 Forzi serriepa	4.2.3.4.2.1 Valuri ta’ limitu għal tħaddim sikur 4.2.3.4.2.2 Valuri ta’ limitu għat-tagħbija fuq il-binarji
Koniċità ekwivalenti	4.2.5.5 Koniċità ekwivalenti	4.2.3.4.3 Koniċità ekwivalenti
Azzjonijiet lonġitudinali	4.2.7.2 Reżistenza lonġitudinali tal-binarji 4.2.8.1.4 L-azzjonijiet minħabba trazzjoni u bbrejkjar (tagħbijiet lonġitudinali)	4.2.4.5 Prestazzjoni tal-ibbrejkjar
Raġġ minimu ta’ kurva	4.2.4.4 Raġġ minimu ta’ kurva orizzontali	4.2.3.6 Raġġ minimu ta’ kurva
Raġġ ta’ kurva orizzontali	4.2.5.4 Defiċjenza fil-pożizzjoni mżerżqa	4.2.3.4.2.1 Valuri ta’ limitu għas-sikurezza fit-tħaddim
Aċċellerazzjoni tal-kurva vertikali	4.2.4.5 Raġġ minimu ta’ kurva vertikali	4.2.3.1 Tiqjis standard
Effett aerodinamiku	4.2.4.2 Distanza bejn iċ-ċentri tal-binarji 4.2.8.3 Reżistenza ta’ strutturi ġodda fuq jew biswit il-binarji 4.2.11.1 Varjazzjonijiet massimi fil-pressjoni fil-mini	4.2.6.2.1 Effetti ta’ kurrent ta’ arja wara oġġett miexi (slipstream) fuq il-passiġġieri fuq il-pjattaformi 4.2.6.2.2 Effetti ta’ kurrent ta’ arja wara oġġett miexi fuq il-ħaddiema fil-ġenb tal-binarji 4.2.6.2.3 Polz tal-pressjoni tar-ras 4.2.6.2.4 Varjazzjonijiet massimi fil-pressjoni fil-mini
Riħ inkroċjat	4.2.11.5 Effett ta’ rjieħ inkroċjati	4.2.6.2.5 Riħ inkroċjat
Installazzjonijiet għas-servisjar tal-ferroviji	4.2.13.2 Mezzi biex jitbattal it-tojlit 4.2.13.3 Faċilitajiet għat-tindif estern tal-ferroviji 4.2.13.4 Stokkjar mill-ġdid tal-ilma 4.2.13.5 Provvista mill-ġdid tal-karburant 4.2.13.6 Provvista ta’ puntali tal-elettriku	4.2.11.3 Sistema biex jitbattal it-tojlit 4.2.11.2.2 Tindif estern minn ġo impjant għall-ħasil 4.2.11.4 Tagħmir għall-mili mill-ġdid tal-ilma 4.2.11.5 Interface għall-mili mill-ġdid tal-ilma 4.2.11.7 Tagħmir għall-provvista mill-ġdid tal-karburant 4.2.11.6 Rekwiżiti speċjali għall-ipparkjar tal-ferroviji

Tabella 9

Interfaces mas-subsistema tal-vetturi ferrovjarji, is-STI “Vaguni għall-Merkanzija”

Interface	STI ta’ Referenza tal-Infrastruttura Ferrovjarja Konvenzjonali	STI ta’ Referenza tal-Vaguni Ferrovjarji Konvenzjonali tal-Merkanzija
Qies standard tal-binarju	4.2.5.1 Qies standard nominali tal-binarju 4.2.5.6 Profil tal-parti tal-linja ferrovjarja li tmiss mar-roti għal linja sempliċi 4.2.6.2 Ġeometrija tal-punti tal-qlib u tal-qsim imqiegħda fis-servizz	4.2.3.4 Imġiba dinamika tal-vettura
Qisien standard	4.2.4.1 Qies minimu tal-istrutturi 4.2.4.2 Distanza bejn iċ-ċentri tal-binarji 4.2.4.5 Raġġ minimu ta’ kurva vertikali	4.2.3.1 Qies standard kinematiku
Tagħbija fuq il-fusijiet u spazjar tal-fusijiet	4.2.7.1 Reżistenza tal-binarji għal tagħbijiet vertikali 4.2.7.3 Reżistenza laterali tal-binarji 4.2.8.1 Reżistenza ta’ pontijiet ġodda għal tagħbijiet tat-traffiku 4.2.8.2 Tagħbija vertikali ekwivalenti għal xogħlijiet ġodda tal-art u għal effetti tal-pressjoni tal-art 4.2.8.4 Reżistenza ta’ pontijiet u ta’ xogħlijiet tal-art eżistenti għal tagħbijiet tat-traffiku	4.2.3.2 Tagħbija statika fuq il-fusijiet u tagħbija statika lineari
Karatteristiċi tat-tħaddim	4.2.7.1 Reżistenza tal-binarji għal tagħbijiet vertikali 4.2.7.3 Reżistenza laterali tal-binarji (b)	4.2.3.4 Imġiba dinamika tal-vettura
Azzjonijiet lonġitudinali	4.2.7.2 Reżistenza lonġitudinali tal-binarji 4.2.8.1.4 L-azzjonijiet minħabba trazzjoni u bbrejkjar (tagħbijiet lonġitudinali)	4.2.4.1 Prestazzjoni tal-ibbrejkjar
Raġġ minimu ta’ kurva	4.2.4.4 Raġġ minimu ta’ kurva orizzontali	4.2.2.1. Interface (eż. Akkoppjament) bejn vetturi, bejn sett ta’ vetturi u bejn ferroviji
Raġġ ta’ kurva orizzontali	4.2.5.4 Defiċjenza fil-pożizzjoni mżerżqa	4.2.3.5. Forzi kompressivi lonġitudinali
Aċċellerazzjoni tal-kurva vertikali	4.2.4.5 Raġġ minimu ta’ kurva vertikali	4.2.3.1 Qies standard kinematiku
Effett aerodinamiku	4.2.4.2 Distanza bejn iċ-ċentri tal-binarji 4.2.8.3 Reżistenza ta’ strutturi ġodda fuq jew biswit il-binarji 4.2.11.1 Varjazzjonijiet massimi fil-pressjoni fil-mini	4.2.6.2 Effetti aerodinamiċi
Riħ inkroċjat	4.2.11.5 Effett ta’ rjieħ inkroċjati	4.2.6.3 Rjieħ inkroċjati

4.3.2.   Interfaces mas-subsistema tal-enerġija

Tabella 10

Interfaces mas-subsistema tal-enerġija

Interface	STI ta’ Referenza tal-Infrastruttura Ferrovjarja Konvenzjonali	STI ta’ Referenza tal-Enerġija Ferrovjarja Konvenzjonali
Qisien standard	4.2.4.1 Qies minimu tal-istrutturi	4.2.14 Qies standard tal-pantografu
Protezzjoni minn xokk tal-elettriku	4.2.11.3 Protezzjoni minn xokk tal-elettriku	4.7.3 Miżuri protettivi tas-sistema tal-linji ta’ kuntatt fl-għoli 4.7.4 Miżuri protettivi tar- return circuit (ċirkwit b’fil konduttur li jreġġa’ lura l-kurrent elettriku mnejn beda) tal-kurrent

4.3.3.   Interfaces mas-subsistema tal-kmand tal-kontroll u s-sinjalazzjoni

Tabella 11

interfaces mas-subsistema tal-kmand tal-kontroll u s-sinjalazzjoni

Interface	STI ta’ Referenza tal-Infrastruttura Ferrovjarja Konvenzjonali	STI ta’ Referenza tal-Kmand tal-Kontroll u s-Sinjalazzjoni Ferrovjarji Konvenzjonali
Qies minimu tal-istrutturi ffissat għal installazzjonijiet tal-Kmand tal-Kontroll u Sinjalazzjoni (CCS)	4.2.4.1 Qies minimu tal-istrutturi	4.2.5 Interfaces tal-ispazji għall-arja tal-ETCS u tal-EIRENE 4.2.16 Viżibilità tal-effetti tal-kmand tal-kontroll fuq l-oġġetti tal-binarji
Użu ta’ brejkijiet tal-belligħat żgħar tal-kurrenti	4.2.7.2 Reżistenza lonġitudinali tal-binarji	Taqsima 5.2 tal-Appendiċi 1 għall-Anness A: Użu ta’ brejkijiet elettriċi/manjetiċi

4.3.4.   Interfaces mas-subsistema tal-operat u tal-immaniġġjar tat-traffiku

Tabella 12

interfaces mas-subsistema tal-operat u tal-immaniġġjar tat-traffiku

Interface	STI ta’ Referenza tal-Infrastruttura Ferrovjarja Konvenzjonali	STI ta’ Referenza tal-Operat u tal-Immaniġġjar tat-Traffiku Ferrovjarju Konvenzjonali
Użu ta’ brejkijiet tal-belligħat żgħar tal-kurrenti	4.2.7.2 Reżistenza lonġitudinali tal-binarji	4.2.2.6.2 Prestazzjoni tal-brejkijiet
Ir-regoli operattivi	4.4 Regoli operattivi	4.2.1.2.2.2 Elementi mmodifikati 4.2.3.6 Operazzjoni ddegradata

4.4.   Regoli operattivi

4.4.1.   Kundizzjonijiet eċċezzjonali marbuta ma’ xogħlijiet ippjanati minn qabel

(1)

Waqt xogħlijiet ippjanati minn qabel, jista’ jkun hemm il-ħtieġa li l-ispeċifikazzjonijiet tas-subsistema tal-infrastruttura u tal-kostitwenti tal-interoperabilità tagħha ddefiniti fil-Kapitoli 4 u 5 ta’ din is-STI jiġu sospiżi temporanjament. Fis-STI tal-Operat u tal-Immaniġġjar tat-Traffiku CR huma stabbiliti dispożizzjonijiet operattivi speċifiċi.

4.4.2.   Operazzjoni ddegradata

(1)

Jistgħu jseħħu avvenimenti li jaffettwaw l-operazzjoni normali ta’ linja. Ir-regoli operattivi biex jiġu ġestiti avvenimenti ta’ din ix-xorta huma stabbiliti fis-STI tal-Operat u tal-Immaniġġjar tat-Traffiku CR.

4.4.3.   Protezzjoni tal-ħaddiema mill-effetti aerodinamiċi

(1)

L-Amministratur Infrastrutturali għandu jiddefinixxi l-mezzi biex il-ħaddiema jiġu protetti mill-effetti aerodinamiċi.

(2)

Għall-ferroviji li jkunu konformi mas-STI tal-vetturi ferrovjarji HS u CR, l-Amministratur Infrastrutturali għandu jikkunsidra l-veloċità effettiva tal-ferroviji u l-valur ta’ limitu tal-effetti aerodinamiċi mogħti mis-STI tal-vetturi ferrovjarji HS u CR.

4.5.   Pjan ta’ manutenzjoni

4.5.1.   Qabel ma linja ferrovjarja titqiegħed fis-servizz

(1)

Għandu jiġi ppreparat fajl ta’ manutenzjoni li tal-inqas jistabbilixxi: (a) sett ta’ valuri għal-limiti għal azzjoni immedjata, (b) il-miżuri li għandhom jittieħdu (restrizzjoni tal-veloċità, ħin tat-tiswija) meta l-valuri preskritti jinqabżu, relatati mal-elementi li ġejjin: i. ir-rekwżiti għall-kontroll tal-koniċità ekwivalenti mqiegħda fis-servizz, ii. il-ġeometrija tal-punti tal-qlib u tal-qsim imqiegħda fis-servizz, iii. il-kwalità ġeometrika tal-binarju u l-limiti għad-difetti iżolati, iv. it-tmiem tal-pjattaforma kif meħtieġ mis-STI tal-“Persuni b’mobilità mnaqqsa”.

4.5.2.   Wara li linja ferrovjarja titqiegħed fis-servizz

(1)

L-Amministratur Infrastrutturali għandu jkollu pjan ta’ manutenzjoni li jinkludi l-punti elenkati fit-Taqsima 4.5.1 flimkien ma’, tal-inqas, il-punti li ġejjin relatati mal-istess elementi: (a) sett ta’ valuri għal-limiti għal intervent u għal-limiti għal allarm, (b) dikjarazzjoni dwar il-metodi, il-kompetenzi professjonali tal-persunal u t-tagħmir għas-sikurezza protettiva personali li jeħtieġ li jintuża, (ċ) ir-regoli li għandhom jiġu applikati għall-protezzjoni tal-persuni li jaħdmu fuq jew qrib il-binarju, (d) il-mezzi li jintużaw biex ikun ikkontrollat li l-valuri mqiegħda fis-servizz jkunu qed jiġu rrispettati.

4.6.   Kompetenzi professjonali

(1)

Il-kompetenzi professjonali meħtieġa għall-persunal li jżomm f’kundizzjoni tajba s-subsistema tal-infrastruttura għandhom jiġu elenkati b’mod dettaljat fil-pjan ta’ manutenzjoni (ara t-Taqsima 4.5.2).

4.7.   Kundizzjonijiet tas-saħħa u tas-sikurezza

(1)

Il-kundizzjonijiet tas-saħħa u tas-sikurezza huma ttrattati fit-taqsimiet tal-konformità mar-rekwiżiti: 4.2.11.1 (Varjazzjoni massima fil-pressjoni fil-mini), 4.2.11.2 (Limiti għall-ħsejjes u l-vibrazzjonijiet u l-miżuri ta’ mitigazzjoni), 4.2.11.3 (Protezzjoni minn xokk tal-elettriku), 4.2.10 (Pjattaformi), 4.2.11.4 (Sikurezza fil-mini ferrovjarji), 4.2.13 (Installazzjonijiet fissi għas-servisjar tal-ferroviji), u 4.4 (Regoli operattivi).

4.8.   Reġistru tal-infrastruttura

(1)

Skont l-Artikolu 35 tad-Direttiva 2008/57/KE, ir-Reġistru tal-Infrastruttura għandu jindika l-karatteristiċi ewlenin tas-subsistema tal-infrastruttura.

(2)

L-Anness D għal din is-STI jindika liema informazzjoni rigward is-subsistema tal-infrastruttura għandha tkun inkluża fir-Reġistru tal-Infrastruttura. L-informazzjoni li għandha tkun inkluża fir-Reġistru tal-Infrastruttura u li tkun meħtieġa għal subsistemi oħrajn hija stabbilita fis-STI kkonċernati.

5.   KOSTITWENTI TAL-INTEROPERABILITÀ

5.1.   Bażi li fuqha ntgħażlu l-kostitwenti tal-interoperabilità

(1)

Ir-rekwiżiti tat-Taqsima 5.3 huma bbażati fuq disinn tradizzjonali ta’ binarju mifrux fuq sodda ta’ żrar b’linja ferrovjarja Vignole (qiegħ ċatt) fuq fallakki riffieda tal-konkrit jew tal-injam u rbit li jipprovdi reżistenza għaż-żelqa (slip) lonġitudinali billi ssir forza fuq il-parti ta’ isfel tal-linja ferrovjarja (rail foot).

(2)

Il-komponenti u s-subassemblaġġi li jintużaw għall-kostruzzjoni ta’ disinji oħrajn ta’ binarji ma jiġux ikkunsidrati bħala kostitwenti tal-interoperabilità.

5.2.   Lista ta’ kostitwenti

(1)

Għall-finijiet ta’ din l-ispeċifikazzjoni teknika għall-interoperabilità, l-elementi tal-interoperabilità li ġejjin biss, irrispettivament minn jekk ikunux komponenti individwali jew subassemblaġġi tal-binarju, huma ddikjarati bħala “kostitwenti tal-interoperabilità”: (a) il-linja ferrovjarja (5.3.1), (b) is-sistemi ta’ rbit tal-linji ferrovjarji (5.3.2), (ċ) il-fallakki riffieda ta’ taħt il-binarju (5.3.3).

(2)

It-taqsimiet li ġejjin jiddeskrivu l-ispeċifikazzjonijiet applikabbli għal kull wieħed minn dawn il-kostitwenti.

(3)

Il-linji ferrovjarji, l-irbit u l-fallakki riffieda ta’ taħt li jintużaw għal tul qasir tal-binarju għal finijiet speċifiċi, pereżempju f’punti ta’ qlib u ta’ qsim, f’apparati ta’ espansjoni, f’ċangaturi ta’ tranżizzjoni u fi strutturi speċjali, ma jiġux ikkunsidrati bħala kostitwenti tal-interoperabilità.

5.3.   Prestazzjonijiet u speċifikazzjonijiet tal-kostitwenti

5.3.1.   Il-linja ferrovjarja

(1)

L-ispeċifikazzjonijiet tal-kostitwent tal-interoperabilità “il-linja ferrovjarja” huma dawn li ġejjin: (a) il-profil tal-parti tal-linja ferrovjarja li tmiss mar-roti, (b) il-mument ta’ inerzja tas-sezzjoni trasversali tal-linja ferrovjarja, (ċ) l-ebusija tal-linja ferrovjarja.

5.3.1.1.   Il-profil tal-parti tal-linja ferrovjarja li tmiss mar-roti

(1)

Il-profil tal-parti tal-linja ferrovjarja li tmiss mar-roti għandu jissodisfa r-rekwiżiti tat-Taqsima 4.2.5.6 “Profil tal-parti tal-linja ferrovjarja li tmiss mar-roti għal linja sempliċi”.

(2)

Il-profil tal-parti tal-linja ferrovjarja li tmiss mar-roti għandu jippermetti li r-rekwiżiti tat-Taqsima 4.2.5.5.1 għal “Valuri skont id-disinn għall-koniċità ekwivalenti” jiġu ssodisfati meta jintuża b’medda speċifikata ta’ qisien standard tal-binarju u ta’ inklinazzjonijiet tal-linji ferrovjarji li jkunu konsistenti mar-rekwiżiti ta’ din is-STI.

5.3.1.2.   Il-mument ta’ inerzja tas-sezzjoni trasversali tal-linja ferrovjarja

(1)

Il-mument ta’ inerzja huwa rilevanti għar-rekwiżiti tat-Taqsima 4.2.7 “Reżistenza tal-binarji għal tagħbijiet applikati”.

(2)

Il-valur ikkalkolat tal-mument ta’ inerzja (I) ta’ sezzjoni mil-linja ferrovjarja ddisinjata madwar l-assi orizzontali ewlieni miċ-ċentru tal-gravità għandu jkun tal-inqas ta’ 1 600 ċm4.

5.3.1.3.   L-ebusija tal-linja ferrovjarja

(1)

L-ebusija tal-linja ferrovjarja hija rilevanti għar-rekwiżiti tat-Taqsima 4.2.5.6 “Profil tal-parti tal-linja ferrovjarja li tmiss mar-roti għal linja sempliċi”.

(2)

L-ebusija tal-linja ferrovjarja mkejla fil-quċċata tal-parti tal-linja ferrovjarja li tmiss mar-roti għandha tkun tal-inqas ta’ 200 HBW.

5.3.2.   Is-sistemi ta’ rbit tal-linji ferrovjarji

(1)

Is-sistema ta’ rbit tal-linji ferrovjarji hija rilevanti għar-rekwiżiti tat-Taqsima 4.2.7.2 għar-“Reżistenza lonġitudinali tal-binarji” u tat-Taqsima 4.2.7.3 għar-“Reżistenza laterali tal-binarji” u tat-Taqsima 4.2.7.1 għar-“Reżistenza tal-binarji għal tagħbijiet vertikali”.

(2)

Is-sistema ta’ rbit tal-linji ferrovjarji għandha tkun konformi fil-kundizzjonijiet ta’ test fil-laboratorju mar-rekwiżiti li ġejjin: (a) il-forza lonġitudinali meħtieġa biex il-linja ferrovjarja tibda tiżżerżaq (jiġifieri tiċċaqlaq b’mod mhux elastiku) minn assemblaġġ ta’ rbit tal-linja ferrovjarja wieħed għandha tkun tal-inqas ta’ 7kN, (b) l-irbit tal-linji ferrovjarji għandu jirreżisti l-applikazzjoni ta’ 3 000 000 ċiklu tat-tagħbija tipika applikata f’kurva li tbiddel id-direzzjoni f’daqqa waħda, biex b’hekk il-prestazzjoni tal-irbit f’termini ta’ forza ta’ kklampjar u ta’ trażżin lonġitudinali ma tkunx iddegradata b’iktar minn 20 % u l-ebusija vertikali ma tkunx iddegradata b’iktar minn 25 %. It-tagħbija tipika għandha tkun adattata: i. għat-tagħbija massima fuq il-fusijiet li s-sistema ta’ rbit tal-linji ferrovjarji tkun iddisinjata biex takkomoda, ii. għall-kombinazzjoni tal-linja ferrovjarja, tal-inklinazzjoni tal-linja ferrovjarja, tal-kuxxinett tal-linja ferrovjarja u tat-tip ta’ fallakki riffieda ta’ taħt li magħhom tista’ tintuża s-sistema ta’ rbit.

5.3.3.   Fallakki riffieda ta’ taħt il-binarji

(1)

Il-fallakki riffieda ta’ taħt il-binarji għandhom ikunu ddisinjati b’tali mod li meta jintużaw ma’ linja ferrovjarja speċifikata u ma’ sistema speċifikata ta’ rbit tal-linji ferrovjarji huma jkollhom proprjetajiet li jkunu konsistenti mar-rekwiżiti tat-Taqsima 4.2.5.1 għall-“Qies standard nominali tal-binarju”, tat-Taqsima 4.2.5.5.2 għar-“Rekwiżiti għall-kontroll tal-koniċità ekwivalenti mqiegħda fis-servizz (Tabella 5: Il-valuri minimi tal-qies standard medju tal-binarju u f’kurvi b’raġġ R> 10 000 m)”, tat-taqsima 4.2.5.7 għall-“Inklinazzjoni tal-linja ferrovjarja” u tat-taqsima 4.2.7 għar-“Reżistenza tal-binarji għal tagħbijiet applikati”.

6.   VALUTAZZJONI TAL-KONFORMITÀ TAL-KOSTITWENTI TAL-INTEROPERABILITÀ U L-VERIFIKA TAL-KE TAS-SUBSISTEMI

6.1.   Kostitwenti tal-Interoperabilità

6.1.1.   Proċeduri ta’ valutazzjoni tal-konformità

(1)

Il-proċedura ta’ valutazzjoni tal-konformità tal-kostitwenti tal-interoperabilità, kif ġew iddefiniti fil-Kapitolu 5 ta’ din is-STI, għandha ssir bl-applikazzjoni tal-moduli rilevanti.

6.1.2.   Applikazzjoni tal-moduli

    CA “Kontroll intern tal-produzzjoni”

    CB “Eżami tat-tip KE”

    CD “Konformità skont it-tip ibbażata fuq is-sistema ta’ ġestjoni tal-kwalità tal-proċess ta’ produzzjoni”

    CF “Konformità skont it-tip ibbażata fuq il-verifika tal-prodott”

    CH “Konformità ibbażata fuq sistema ta’ ġestjoni tal-kwalità sħiħa”

(1)

Għandhom jintużaw il-moduli għall-valutazzjoni tal-konformità tal-kostitwenti tal-interoperabilità li ġejjin:

(a)

(b)

(ċ)

(d)

(e)

(2)

Il-moduli għall-valutazzjoni tal-konformità tal-kostitwenti tal-interoperabilità għandhom jintgħażlu minn dawk murija fit-Tabella 13. Tabella 13 Il-moduli għall-valutazzjoni tal-konformità li għandhom jiġu applikati għall-kostitwenti tal-interoperabilità Proċeduri Linja ferrovjarja Sistema ta’ rbit tal-linji ferrovjarji Fallakki riffieda ta’ taħt il-binarji Imqiegħda fis-suq tal-UE qabel id-dħul fis-seħħ ta’ din is-STI CA jew CH CA jew CH Imqiegħda fis-suq tal-UE wara d-dħul fis-seħħ ta’ din is-STI CB + CD jew CB + CF jew CH

(3)

Fil-każ ta’ prodotti li tqiegħdu fis-suq qabel il-pubblikazzjoni ta’ din is-STI, għandu jiġi kkunsidrat li t-tip kien approvat u għalhekk m’hemmx għalfejn isir l-eżami tat-tip KE (modulu CB), sakemm il-manifattur juri li kien ikkunsidrat li t-testijiet u l-verifika tal-kostitwenti tal-interoperabilità rnexxew għall-applikazzjonijiet preċedenti f’kundizzjonijiet komparabbli u huma f’konformità mar-rekwiżiti ta’ din is-STI. F’dan il-każ, dawn il-valutazzjonijiet għandhom jibqgħu validi fl-applikazzjoni l-ġdida. Jekk ma jkunx possibbli li jintwera li s-soluzzjoni ġiet ipprovata b’mod pożittiv fl-imgħoddi, għandha tapplika l-proċedura għall-kostitwenti tal-interoperabilità mqiegħda fis-suq tal-UE wara l-pubblikazzjoni ta’ din is-STI.

(4)

Il-valutazzjoni tal-konformità tal-kostitwenti tal-interoperabilità għandha tkopri l-fażijiet u l-karatteristiċi kif ġew indikati fit-Tabella 20 tal-Anness A għal din is-STI.

6.1.3.   Soluzzjonijiet innovattivi għall-kostitwenti tal-interoperabilità

(1)

Jekk għal kostitwent tal-interoperabilità, kif ġie ddefinit fit-Taqsima 5.2, tiġi proposta soluzzjoni innovattiva, il-manifattur jew ir-rappreżentant awtorizzat tiegħu stabbilit fil-Komunità għandu jiddikjara d-devjazzjonijiet mill-klawżola rilevanti ta’ din is-STI u jressaqhom quddiem il-Kummissjoni biex jiġu analizzati.

(2)

F’każ li l-analiżi tirriżulta f’opinjoni favorevoli, l-ispeċifikazzjonijiet funzjonali u tal-interface xierqa għall-kostitwent u l-metodu ta’ valutazzjoni xieraq għandhom jiġu żviluppati taħt l-awtorizzazzjoni tal-Kummissjoni.

(3)

L-ispeċifikazzjonijiet funzjonali u tal-interface u l-metodi ta’ valutazzjoni xierqa li ġew prodotti b’dan il-mod għandhom ikunu inkorporati fis-STI bil-proċess ta’ reviżjoni.

(4)

Bin-notifika ta’ deċiżjoni tal-Kummissjoni, meħuda skont l-Artikolu 29 tad-Direttiva, is-soluzzjoni innovattiva tista’ titħalla tintuża qabel ma tkun inkorporata fis-STI bil-proċess ta’ reviżjoni.

6.1.4.   Dikjarazzjoni tal-KE ta’ konformità għall-kostitwenti tal-interoperabilità

6.1.4.1.   Il-kostitwenti tal-interoperabilità suġġetti għal direttivi Komunitarji oħrajn

(1)

L-Artikolu 13(3) tad-Direttiva 2008/57/KE jipprovdi li “Meta l-kostitwenti tal-interoperabilità jkunu suġġetti għal direttivi oħra tal-Komunità li jkopru aspetti oħra, id-dikjarazzjoni ‘KE’ tal-konformità jew l-idoneità għall-użu għandha, f’każijiet bħal dawn, tgħid li l-kostitwenti tal-interoperabilità jilħqu wkoll il-ħtiġijiet [ir-rekwiżiti] ta’ dawk id-direttivi l-oħra.”

(2)

Skont l-Anness IV(3) għad-Direttiva 2008/57/KE, id-dikjarazzjoni tal-KE tal-konformità għandha tkun akkumpanjata mid-dikjarazzjoni li tistabbilixxi l-kundizzjoni għall-użu.

6.1.4.2.   Id-dikjarazzjoni tal-KE tal-konformità għal-Linja Ferrovjarja

(1)

Id-dikjarazzjoni tal-KE tal-konformità għandha tkun akkumpanjata minn dikjarazzjoni li tistabbilixxi l-medda tal-qisien standard tal-binarju u tal-inklinazzjonijiet tal-linji ferrovjarji li l-profil tal-parti tal-linja ferrovjarja li tmiss mar-roti tagħha tippermetti li jiġu ssodisfati r-rekwiżiti tat-Taqsima 4.2.5.5.1.

6.1.4.3.   Id-dikjarazzjoni tal-KE tal-konformità għas-sistemi ta’ rbit tal-linji ferrovjarji

(1)

Id-dikjarazzjoni tal-KE tal-konformità għandha tkun akkumpanjata minn dikjarazzjoni li tistabbilixxi: (a) il-kombinazzjoni tal-linja ferrovjarja, tal-inklinazzjoni tal-linja ferrovjarja, tal-kuxxinett tal-linja ferrovjarja u tat-tip ta’ fallakki riffieda ta’ taħt li magħhom tista’ tintuża s-sistema ta’ rbit (b) it-tagħbija massima fuq il-fusijiet li s-sistema ta’ rbit tal-linji ferrovjarji hija ddisinjata biex takkomoda.

6.1.4.4.   Id-dikjarazzjoni tal-KE tal-konformità għall-fallakki riffieda ta’ taħt il-binarji

(1)

Id-dikjarazzjoni tal-KE tal-konformità għandha tkun akkumpanjata minn dikjarazzjoni li tistabbilixxi l-kombinazzjoni tal-linja ferrovjarja, tal-inklinazzjoni tal-linja ferrovjarja u tat-tip ta’ sistema ta’ rbit tal-linji ferrovjarji li magħhom tista’ tintuża l-fallakka riffieda.

6.2.   Subsistema tal-infrastruttura

6.2.1.   Dispożizzjonijiet ġenerali

(1)

Fuq it-talba tal-applikant, il-Korp Notifikat iwettaq il-verifika tal-KE tas-subsistema tal-infrastruttura skont l-Artikolu 18 ta’ u l-Anness VI għad-Direttiva 2008/57/KE u skont id-dispożizzjonijiet tal-moduli rilevanti.

(2)

Jekk l-applikant juri li t-testijiet jew il-verifiki ta’ subsistema tal-infrastruttura rnexxew għal applikazzjonijiet preċedenti ta’ disinn f’ċirkustanzi simili, il-Korp Notifikat għandu jikkunsidra dawn it-testijiet u dawn il-verifiki għall-verifika tal-KE.

(3)

Il-verifika tal-KE tas-subsistema tal-infrastruttura għandha tkopri l-fażijiet u l-karatteristiċi indikati fit-Tabella 21 fl-Anness B għal din is-STI. Fit-Taqsima 6.2.4 huma inklużi proċeduri ta’ valutazzjoni partikolari għal parametri bażiċi speċifiċi tas-subsistema tal-infrastruttura.

(4)

L-applikant għandu jikkompila d-dikjarazzjoni ta’ verifika tal-KE għas-subsistema tal-infrastruttura skont l-Artikolu 18 ta’ u l-Anness V għad-Direttiva 2008/57/KE.

6.2.2.   Applikazzjoni tal-moduli

(1)

Għall-proċedura ta’ verifika tal-KE tas-subsistema tal-infrastruttura, l-applikant jista’ jagħżel jew: (a) Il-Modulu SG: verifika tal-KE bbażata fuq verifika ta’ unità, jew (b) Il-Modulu SH1: verifika tal-KE bbażata fuq sistema ta’ ġestjoni tal-kwalità sħiħa flimkien ma’ eżami tad-disinn.

6.2.2.1.   L-applikazzjoni tal-modulu sg

(1)

F’każ fejn il-verifika tal-KE issir bl-iktar mod effettiv billi tintuża l-informazzjoni miġbura mill-Amministratur Infrastrutturali, mill-entità kontraenti jew mill-kuntratturi ewlenin involuti (pereżempju, dejta li tinkiseb billi tintuża l-vettura ta’ reġistrazzjoni tal-binarju (track recording vehicle) jew apparati ta’ kejl oħrajn), il-Korp Notifikat għandu jikkunsidra din l-informazzjoni biex jivvaluta l-konformità.

6.2.2.2.   L-applikazzjoni tal-modulu SH1

(1)

Il-modulu SH1 jista’ jintgħażel biss fejn l-attivitajiet li jagħtu kontribut lis-subsistema proposta li għandha tiġi vverifikata (disinn, manifattura, assemblaġġ, installazzjoni) huma suġġetti għal sistema ta’ ġestjoni tal-kwalità għad-disinn, għall-produzzjoni, għall-ispezzjoni u għall-ittestjar tal-prodott finali, li jkunu approvati u eżaminati minn Korp Notifikat.

6.2.3.   Soluzzjonijiet innovattivi

(1)

Jekk is-subsistema tinkludi soluzzjoni innovattiva, kif imsemmi fit-taqsima 4.1, l-applikant għandu jiddikjara d-devjazzjoni mill-klawżoli rilevanti tas-STI u jressaqhom quddiem il-Kummissjoni.

(2)

F’każ ta’ opinjoni favorevoli, għandhom jiġu żviluppati l-ispeċifikazzjonijiet funzjonali u tal-interface u l-metodi ta’ valutazzjoni xierqa għal din is-soluzzjoni.

(3)

L-ispeċifikazzjonijiet funzjonali u tal-interface u l-metodi ta’ valutazzjoni xierqa li ġew prodotti b’dan il-mod imbagħad għandhom jiġu inkorporati fis-STI bil-proċess ta’ reviżjoni.

(4)

Bin-notifika ta’ deċiżjoni tal-Kummissjoni, meħuda skont l-Artikolu 29 tad-Direttiva, is-soluzzjoni innovattiva tista’ titħalla tintuża qabel ma tkun inkorporata fis-STI bil-proċess ta’ reviżjoni.

6.2.4.   Proċeduri ta’ valutazzjoni partikolari għal subsistema

6.2.4.1.   Il-valutazzjoni tal-qies minimu tal-istrutturi

(1)

Il-valutazzjoni tal-qies minimu tal-istrutturi għandha ssir billi jintużaw ir-riżultati tal-kalkoli li saru mill-Amministratur Infrastrutturali jew mill-entità kontraenti fuq il-bażi tal-Kapitoli 5, 7 u 10 kif ukoll l-Anness C għall-EN 15273-3:2009.

6.2.4.2.   Il-valutazzjoni tad-distanza bejn iċ-ċentri tal-binarji

(1)

Il-valutazzjoni tad-distanza bejn iċ-ċentri tal-binarji għandha ssir billi jintużaw ir-riżultati tal-kalkoli li saru mill-Amministratur Infrastrutturali jew mill-entità kontraenti fuq il-bażi tal-Kapitolu 9 tal-EN 15273-3:2009.

6.2.4.3.   Il-valutazzjoni tad-defiċjenza fil-pożizzjoni mżerżqa

(1)

It-taqsima 4.2.5.4.1 tgħid illi “Huwa permissibbli għal ferroviji ddisinjati speċifikament biex jivvjaġġaw b’defiċjenza ogħla fil-pożizzjoni mżerżqa (unitajiet multipli b’tagħbijiet iktar baxxi fuq il-fusijiet, ferroviji b’sistema li tikkumpensa d-defiċjenza fil-pożizzjoni mżerżqa) biex jaħdmu b’valuri ta’ defiċjenza ogħla fil-pożizzjoni mżerżqa, b’kundizzjoni li jintwera li dan jista’ jintlaħaq b'mod sikur”.

(2)

Il-wirja tas-sikurezza mhix suġġetta għal verifika tal-Korp Notifikat.

6.2.4.4.   Il-valutazzjoni tal-valuri skont id-disinn għall-koniċità ekwivalenti

(1)

Il-valutazzjoni tal-valuri skont id-disinn għall-koniċità ekwivalenti għandha ssir billi jintużaw ir-riżultati tal-kalkoli li saru mill-Amministratur Infrastrutturali jew mill-entità kontraenti fuq il-bażi tal-EN 15302:2008.

6.2.4.5.   Il-valutazzjoni tal-valur minimu tal-qies standard medju tal-binarju

(1)

Il-metodu ta’ kejl għall-qies standard tal-binarju ngħata fit-Taqsima 4.2.1 tal-EN 13848-1:2003 + A1:2008.

6.2.4.6.   Il-valutazzjoni tal-Varjazzjonijiet massimi fil-pressjoni fil-mini

(1)

Il-valutazzjoni tal-varjazzjoni massima fil-pressjoni fil-mini (kriterju ta’ 10 kPa) għandha ssir billi jintużaw ir-riżultati tal-kalkoli li saru mill-Amministratur Infrastrutturali jew mill-entità kontraenti fuq il-bażi tal-kundizzjonijiet operattivi kollha bil-ferroviji kollha jkunu konformi mas-STI tal-vetturi ferrovjarji b’veloċità għolja u dawk konvenzjonali u maħsuba biex jgħaddu b’veloċitajiet ta’ iktar minn 190 km/h fil-mina speċifika li għandha tiġi vvalutata.

(2)

Il-parametri tal-input li għandhom jintużaw iridu jkunu tali li l-pressjoni distinta u karatteristika ta’ referenza tal-ferroviji stabbilita fis-STI tal-vetturi ferrovjarji HS tiġi ssodisfata.

(3)

Iż-żoni ta’ sezzjoni trasversali ta’ referenza tal-ferroviji interoperabbli li għandhom jiġu kkunsidrati għandhom ikunu, indipendentement minn kull mutur jew vettura li qed tagħmilha ta’ trejler: (a) 12 m2 għal vetturi maħsuba għal profil kinematiku ta’ referenza GC, (b) 11 m2 għal vetturi maħsuba għal profil kinematiku ta’ referenza GC, (ċ) 10 m2 għal vetturi maħsuba għal profili kinematiċi iċken.

(4)

Il-valutazzjoni tista’ tikkunsidra l-karatteristiċi tal-kostruzzjoni li jnaqqsu l-varjazzjoni fil-pressjoni (il-forma tad-daħla għall-mina, ix-xaftijiet, eċċ.) jekk ikun hemm, kif ukoll it-tul tal-mina.

6.2.4.7.   Il-valutazzjoni tal-Ġeometrija tal-punti tal-qlib u tal-qsim

(1)

Il-valutazzjoni tal-punti tal-qlib u tal-qsim fil-fażi tad-disinn hija meħtieġa biex ikun ivverifikat li l-valuri skont id-disinn użati jkunu konsistenti mal-valuri ta’ limitu mqiegħda fis-servizz stabbiliti fit-Taqsima 4.2.6.2.

(2)

Il-valutazzjoni tal-qsim ottuż fiss fil-fażi tad-disinn ukoll hija meħtieġa sabiex ikun ivverifikat li jiġu ssodisfati r-rekwiżiti għat-tul mhux iggwidat fit-Taqsima 4.2.6.3.

6.2.4.8.   Il-valutazzjoni ta’ strutturi Ġodda

(1)

Il-valutazzjoni tal-istrutturi għandha ssir biss billi t-tagħbijiet tat-traffiku li ntużaw għad-disinn jiġu kkontrollati mar-rekwiżiti minimi tat-Taqsimiet 4.2.8.1, 4.2.8.2 u 4.2.8.3. Il-Korp Notifikat la huwa meħtieġ li jeżamina d-disinn u lanqas li jagħmel xi kalkoli. Meta jeżamina l-valur ta’ alfa li ntuża fid-disinn skont it-Taqsimiet 4.2.8.1 u 4.2.8.2, għandu jiġi kkontrollat biss li l-valur ta’ alfa jissodisfa t-Tabella 6.

6.2.4.9.   Il-valutazzjoni ta’ strutturi eżistenti

(1)

Il-valutazzjoni tal-istrutturi eżistenti għandha ssir billi jiġi kkontrollat li l-valuri tal-Kategoriji tal-Linji tal-EN (u jekk ikun rilevanti, tal-Klassijiet tal-Lokomotivi) flimkien mal-veloċità permessa ppubblikata mill-Amministratur Infrastrutturali għal-linji li jinkludu l-istrutturi jissodisfaw ir-rekwiżiti tal-Anness E għal din is-STI.

6.2.4.10.   Il-valutazzjoni ta’ installazzjonijiet fissi għas-servisjar tal-ferroviji

(1)

Il-valutazzjoni tal-installazzjonijiet fissi għas-servisjar tal-ferroviji taqa’ taħt ir-responsabilità tal-Istat Membru kkonċernat.

6.2.5.   Soluzzjonijiet tekniċi li jagħtu preżunzjoni ta’ konformità fil-fażi tad-disinn

6.2.5.1.   Il-valutazzjoni tar-reżistenza tal-binarji għal linja sempliċi

(1)

Binarju b’linji sempliċi mifrux fuq sodda ta’ żrar li jkun konformi mal-karatteristiċi li ġejjin jiġi kkunsidrat bħala li ssodisfa r-rekwiżiti stabbiliti fit-Taqsima 4.2.7 relatati mar-reżistenza tal-binarji għal forzi lonġitudinali, vertikali u laterali: (a) Ir-rekwiżiti għall-komponenti tal-binarji, iddefiniti fil-Kapitolu 5 “Il-Kostitwenti tal-Interoperabilità” bħala l-kostitwenti tal-interoperabilità “il-linja ferrovjarja (5.3.1)”, “is-sistemi ta’ rbit tal-linji (5.3.2)” u “l-fallakki riffieda ta’ taħt (5.3.3)” ikunu ġew issodisfati; (b) Ikun hemm tal-inqas 1 500 rabta tal-linji ferrovjarji għal kull linja ferrovjarja, għal kull kilometru ta’ tul.

6.2.5.2.   Il-valutazzjoni tar-reżistenza tal-binarji għall-qlib u għall-qsim

(1)

Il-punti tal-qlib u tal-qsim f’binarju mifrux fuq sodda ta’ żrar li jkunu konformi mal-karatteristiċi li ġejjin jiġu kkunsidrati bħala li ssodisfaw ir-rekwiżiti stabbiliti fit-Taqsima 4.2.7 relatati mar-reżistenza tal-binarji għal forzi lonġitudinali, vertikali u laterali: (a) Ir-rekwiżiti ddefiniti fil-Kapitolu 5 “Il-kostitwenti tal-interoperabilità” għal-linja ferrovjarja (5.3.1) jiġu sodisfatti għal-linji ferrovjarji sempliċi fil-qlib u fil-qsim u jintużaw linji ferrovjarji tal-qlib u qsim korrispondenti; (b) Ir-rekwiżiti ddefiniti fil-Kapitolu 5 “Il-kostitwenti tal-interoperabilità” għas-sistemi ta’ rbit tal-linji ferrovjarji (5.3.2) jiġu sodisfatti mill-irbit kollu, ħlief l-irbit li jintuża fil-partijiet li jiċċaqilqu tal-punti tal-qlib u tal-qsim; (ċ) Ikun hemm tal-inqas ekwivalenti għal 1 500 rabta tal-linji ferrovjarji għal kull linja ferrovjarja, għal kull kilometru ta’ tul b’medja kkalkolata fuq it-tul tal-punti tal-qlib u tal-qsim.

6.3.   Verifika tal-KE meta l-veloċità tintuża bħala kriterju ta’ migrazzjoni

(1)

It-Taqsima 7.4 tippermetti li linja titqiegħed fis-servizz f’veloċità iktar baxxa mill-veloċità aħħarija maħsuba. Din it-taqsima tistabbilixxi r-rekwiżiti għall-verifika tal-KE f’din iċ-ċirkustanza.

(2)

Uħud mill-valuri ta’ limitu stabbiliti fil-Kapitolu 4 jiddependu mill-veloċità maħsuba tar-rotta. Il-konformità għandha tiġi vvalutata fil-veloċità aħħarija maħsuba; madankollu huwa permissibli li karatteristiċi dipendenti mill-veloċità jiġu vvalutati fil-veloċità iktar baxxa fil-waqt tat-tqegħid fis-servizz.

(3)

Il-konformità tal-karatteristiċi l-oħra għall-veloċità maħsuba tar-rotta tibqa’ valida.

(4)

Biex tkun iddikjarata l-interoperabilità f’din il-veloċità maħsuba, jeħtieġ biss li tiġi vvalutata l-konformità tal-karatteristiċi li ma ġewx rispettati temporanjament, meta jinġiebu għal-livell meħtieġ.

6.4.   Valutazzjoni tal-pjan ta’ manutenzjoni

(1)

It-Taqsima 4.5 teħtieġ li, għal kull linja konvenzjonali, l-Amministratur Infrastrutturali jkollu pjan ta’ manutenzjoni għas-subsistema tal-infrastruttura.

(2)

Il-Korp Notifikat għandu jikkonferma li l-fajl tal-manutenzjoni jeżisti u jinkludi l-elementi elenkati fit-Taqsima 4.5.1. Il-Korp Notifikat mhux responsabbli mill-valutazzjoni tal-idoneità tar-rekwiżiti dettaljati stabbiliti fil-fajl ta’ manutenzjoni.

(3)

Il-Korp Notifikat għandu jinkludi kopja tal-fajl ta’ manutenzjoni meħtieġ mit-Taqsima 4.5.1 ta’ din is-STI fil-fajl tekniku msemmi fl-Artikolu 18(3) tad-Direttiva 2008/57/KE.

6.5.   Valutazzjoni tar-reġistru tal-infrastruttura

(1)

It-Taqsima 4.8 teħtieġ li r-Reġistru tal-Infrastruttura għandu jindika l-karatteristiċi ewlenin tas-subsistema tal-infrastruttura. Il-Korp Notifikat għandu r-responsabilità li jivvaluta li dawk il-karatteristiċi jkunu ġew ippreparati għar-Reġistru tal-Infrastruttura.

6.6.   Subsistemi li fihom kostitwenti tal-interoperabilità li ma għandhomx dikjarazzjoni tal-KE

6.6.1.   Kundizzjonijiet

(1)

Waqt il-perjodu ta’ tranżizzjoni pprovdut fl-Artikolu 6 ta’ din id-Deċiżjoni, Korp Notifikat jitħalla joħroġ ċertifikat ta’ verifika tal-KE għal subsistema, anki jekk uħud mill-kostitwenti tal-interoperabilità inkorporati fis-subsistema ma jkunux koperti mid-dikjarazzjonijiet tal-KE tal-konformità u/jew tal-idoneità għall-użu rilevanti skont din is-STI, jekk ikun hemm konformità mal-kriterji li ġejjin: (a) il-konformità tas-subsistema tkun ġiet ikkontrollata mar-rekwiżiti tal-Kapitolu 4 u b’relazzjoni għall-Kapitoli 6.2 sa 7 (ħlief 7.6.“Każijiet Speċifiċi”) ta’ din is-STI mill-Korp Notifikat. Barra minn hekk, il-konformità tal-Kostitwenti tal-Interoperabilità (IC) mal-Kapitoli 5 u 6.1 ma tapplikax, u (b) il-kostitwenti tal-interoperabilità li mhumiex koperti mid-dikjarazzjoni tal-KE tal-konformità u/jew tal-idoneità għall-użu rilevanti, intużaw f’subsistema li diġà kienet approvata u tqiegħdet fis-servizz tal-inqas f’wieħed mill-Istati Membri qabel id-dħul fis-seħħ ta’ din is-STI.

(2)

Ma għandhomx isiru dikjarazzjonijiet tal-KE tal-konformità u/jew tal-idoneità għall-użu għall-kostitwenti tal-interoperabilità li jiġu vvalutati b’dan il-mod.

6.6.2.   Dokumentazzjoni

(1)

Iċ-ċertifikat ta’ verifika tal-KE tas-subsistema għandu jindika b’mod ċar liema kostitwenti tal-interoperabilità ġew ivvalutati mill-Korp Notifikat bħala parti mill-verifika tas-subsistema.

(2)

Id-dikjarazzjoni ta’ verifika tal-KE tas-subsistema għandha tindika b’mod ċar: (a) Liema kostitwenti tal-interoperabilità ġew ivvalutati bħala parti mis-subsistema; (b) Konferma li s-subsistema tinkludi kostitwenti tal-interoperabilità identiċi għal dawk ivverifikati bħala parti mis-subsistema; (ċ) Għal dawk il-kostitwenti tal-interoperabilità, ir-raġuni(jiet) għaliex il-manifattur ma pprovdiex dikjarazzjoni tal-KE tal-konformità u/jew tal-idoneità għall-użu qabel l-inkorporazzjoni tagħhom fis-subsistema, inkluża l-applikazzjoni tar-regoli nazzjonali nnotifikati skont l-Artikolu 17 tad-Direttiva 2008/57/KE.

6.6.3.   Manutenzjoni tas-subsistemi Ċċertifikati skont it-taqsima 6.6.1.

(1)

Waqt il-perjodu ta’ tranżizzjoni kif ukoll wara li jkun intemm il-perjodu ta’ tranżizzjoni, sakemm is-subsistema tiġi aġġornata jew rinnovata (fejn tiġi kkunsidrata d-deċiżjoni tal-Istat Membru dwar l-applikazzjoni tas-STI), il-kostitwenti tal-interoperabilità li ma għandhomx dikjarazzjoni tal-KE tal-konformità u/jew tal-idoneità għall-użu u tal-istess tip jitħallew jintużaw bħala sostituti relatati mal-manutenzjoni (spare parts) għas-subsistema, taħt ir-responsabilità tal-korp responsabbli mill-manutenzjoni.

(2)

Ikun xi jkun il-każ, il-korp responsabbli mill-manutenzjoni jrid jiżgura ruħu li l-komponenti għas-sostituti relatati mal-manutenzjoni jkunu adattati għall-applikazzjonijiet tagħhom, jintużaw fil-qasam tal-użu tagħhom, u jagħtu lok biex tintlaħaq l-interoperabilità fis-sistema ferrovjarja filwaqt li fl-istess ħin jissodisfaw ir-rekwiżiti essenzjali. Komponenti ta’ din ix-xorta jridu jkunu traċċabbli u ċċertifikati skont kwalunkwe regola nazzjonali jew internazzjonali, jew kwalunkwe kodiċi ta’ prattika rikonoxxut b’mod wiesa’ fil-qasam ferrovjarju.

7.   IMPLIMENTAZZJONI TAS-STI TAL-INFRASTRUTTURA

7.1.   Applikazzjoni ta’ din is-STI għal linji ferrovjarji konvenzjonali

(1)

Il-Kapitoli 4 sa 6 u kwalunwe dispożizzjoni speċifika fit-Taqsimiet 7.2-7.6 ta’ iktar ‘l isfel japplikaw b’mod sħiħ għal-linji li jaqgħu fl-ambitu ġeografiku ta’ din is-STI u li se jitqiegħdu fis-servizz bħala linji interoperabbli wara li din is-STI tidħol fis-seħħ.

(2)

L-Istati Membri għandhom jiżviluppaw strateġija ta’ migrazzjoni nazzjonali li għal-linji tat-TEN tispeċifika dawk l-elementi tas-subsistema tal-infrastruttura li huma meħtieġa għas-servizzi interoperabbli (eż. binarji, binarji żgħar maġenb il-binarju ewlieni, wesgħat fejn jinġemgħu l-ferroviji) u għalhekk għandhom ikunu konformi ma’ din is-STI. Din l-istrateġija ta’ migrazzjoni għandha tinkludi pjanijiet relatati ma’ rinnovazzjoni u aġġornament. Meta jkunu se jispeċifikaw dawk l-elementi, l-Istati Membri għandhom jikkunsidraw il-koerenza tas-sistema kollha.

7.2.   Applikazzjoni ta’ din is-STI għal linji ferrovjarji konvenzjonali ġodda

(1)

Il-Linji Ewlenin Ġodda tat-TEN (tip IV) għandhom jissodisfaw ir-rekwiżiti tal-Kategorija tal-Linji tas-STI IV-P, IV-F jew IV-M.

(2)

Il-Linji Ġodda Oħrajn tat-TEN (tip VI) għandhom jissodisfaw ir-rekwiżiti tal-Kategorija tal-Linji tas-STI VI-P, VI-F jew VI-M. Huwa wkoll permissibbli li l-linja tissodisfa r-rekwiżiti tal-Kategorija tal-Linji tas-STI IV-P, IV-F jew IV-M rispettivament.

(3)

Għall-fini ta’ din is-STI “Linja ġdida” għandha tfisser linja li toħloq rotta fejn bħalissa m’hemmx.

(4)

Is-sitwazzjonijiet li ġejjin, pereżempju biex tiżdied il-veloċità jew il-kapaċità, jistgħu jiġu kkunsidrati bħala l-kostruzzjoni ta’ linja aġġornata iktar milli linja ġdida: (a) ir-riallinjament ta’ parti minn rotta eżistenti, (b) il-ħolqien ta’ bypass, (ċ) iż-żieda ta’ binarju wieħed jew iktar f’rotta eżistenti, irrispettivament mid-distanza bejn il-binarji oriġinali u l-binarji addizzjonali.

7.3.   Applikazzjoni ta’ din is-STI għal linji ferrovjarji konvenzjonali eżistenti

Huma rilevanti erba’ każijiet possibbli ta’ applikazzjoni ta’ din is-STI.

7.3.1.   Aġġornament ta’ linja

(1)

Skont l-Artikolu 2(m) tad-Direttiva 2008/57/KE, “titjib fil-kwalità” [aġġornament] tfisser kull tibdil sostanzjali f’subsistema jew f’parti ta’ subsistema li jtejjeb il-prestazzjoni ġenerali tas-subsistema.

(2)

Is-subsistema tal-infrastruttura ta’ linja tiġi kkunsidrata bħala aġġornata meta tal-inqas il-Parametri ta’ Prestazzjoni ta’ tagħbija fuq il-fusijiet u qies standard, kif ġew iddefiniti fit-Taqsima 4.2.2, jiġu ssodisfati. F’dawn il-każijiet, l-Istat Membru għandu jikkontrolla li l-fajl msemmi fl-Artikolu 20.1 tad-Direttiva 2008/57 jissodisfa t-talbiet li ġejjin: (2.1) L-aġġornament tal-Linji Ewlenin tat-TEN għandu jkun skont ir-rekwiżiti tal-Kategoriji tal-Linji tas-STI V-P, V-F u V-M. (Huwa permissibbli aġġornament għar-rekwiżiti tat-Tip ta’ Linja VI.) (2.2) L-aġġornament tal-Linji Ewlenin tat-TEN Oħrajn għandu jkun skont ir-rekwiżiti tal-Kategoriji tal-Linji tas-STI VII-P, VII-F u VII-M. (Huwa permissibbli aġġornament għar-rekwiżiti tat-Tip ta’ Linja VI.) (2.3) Għal parametri oħrajn tas-STI, skont l-Artikolu 20(1) tad-Direttiva 2008/57, huwa l-Istat Membru li għandu jiddeċiedi sa fejn ikun hemm il-ħtieġa li s-STI tiġi applikata għall-proġett.

(3)

Fejn japplika l-Artikolu 20(2) tad-Direttiva 2008/57/KE għaliex l-aġġornament huwa suġġett għal awtorizzazzjoni għat-tqegħid fis-servizz, l-Istat Membru għandu jiddeċiedi liema rekwiżiti tas-STI għandhom jiġu applikati, filwaqt li jikkunsidra l-istrateġija ta’ migrazzjoni msemmija fit-Taqsima 7.1.

(4)

Fejn l-Artikolu 20(2) tad-Direttiva 2008/57/KE ma japplikax għaliex l-aġġornament mhux suġġett għal awtorizzazzjoni għat-tqegħid fis-servizz, il-konformità ma’ din is-STI hija rrakkomandata. Fejn ma jkunx possibbili li tintlaħaq konformità, l-entità kontraenti għandha tinforma lill-Istat Membru bir-raġunijiet għal dan.

(5)

Għal proġett li jinkludi elementi li ma jkunux konformi mas-STI, il-proċeduri biex ikunu applikati l-valutazzjoni tal-konformità u l-verifika tal-KE għandhom ikunu miftiehma mal-Istat Membru.

7.3.2.   Rinnovazzjoni ta’ linja

(1)

Skont l-Artikolu 2(n) tad-Direttiva 2008/57/KE, “tiġdid” [rinnovazzjoni] tfisser kull xogħol ta’ tibdil sostanzjali fuq subsistema jew parti minn subsistema li ma jibdilx il-prestazzjoni ġenerali tas-subsistema.

(2)

Għal dan il-fini, sostituzzjoni ewlenija għandha tiġi interpretata bħala proġett li twettaq biex ikunu sostitwiti sistematikament l-elementi ta’ linja jew ta’ sezzjoni ta’ linja skont il-pjan ta’ migrazzjoni nazzjonali. Ir-rinnovazzjoni tvarja minn sostituzzjoni fil-qafas tal-manutenzjoni, imsemmija fit-Taqsima 7.3.3 ta’ iktar ‘l isfel, għaliex tagħti l-opportunità biex tinkiseb rotta konformi mas-STI. Rinnovazzjoni hija effettivament l-istess bħal aġġornament, imma mingħajr bidla fil-Parametri ta’ Prestazzjoni.

(3)

Fejn japplika l-Artikolu 20(2) tad-Direttiva 2008/57/KE għaliex ir-rinnovazzjoni hija suġġetta għal awtorizzazzjoni għat-tqegħid fis-servizz, l-Istat Membru għandu jiddeċiedi liema rekwiżiti tas-STI għandhom jiġu applikati, filwaqt li jikkunsidra l-istrateġija ta’ migrazzjoni msemmija fit-Taqsima 7.1.

(4)

Fejn l-Artikolu 20(2) tad-Direttiva 2008/57/KE ma japplikax għaliex ir-rinnovazzjoni mhix suġġetta għal awtorizzazzjoni għat-tqegħid fis-servizz, il-konformità ma’ din is-STI hija rrakkomandata. Fejn ma jkunx possibbili li tintlaħaq konformità, l-entità kontraenti għandha tinforma lill-Istat Membru bir-raġunijiet għal dan.

(5)

Għal proġett li jinkludi elementi li ma jkunux konformi mas-STI, il-proċeduri biex ikunu applikati l-valutazzjoni tal-konformità u l-verifika tal-KE għandhom ikunu miftiehma mal-Istat Membru.

7.3.3.   Sostituzzjoni fil-qafas tal-manutenzjoni

(1)

Fejn il-partijiet ta’ subsistema f’linja jinżammu f’kundizzjoni tajba, skont din is-STI, il-verifika u l-awtorizzazzjoni formali għat-tqegħid fis-servizz mhumiex meħtieġa. Madankollu, sa fejn ikun raġonevolment prattikabbli, is-sostituzzjonijiet għal finijiet ta’ manutenzjoni għandhom isiru skont ir-rekwiżiti ta’ din is-STI.

(2)

L-għan għandu jkun li s-sostituzzjonijiet għal finijiet ta’ manutenzjoni progressivament jagħtu kontribut għall-iżvilupp ta’ linja interoperabbli.

(3)

Sabiex parti siewja mis-subsistema tal-infrastruttura tkun suġġetta għal proċess progressiv lejn l-interoperabilità, grupp ta’ parametri bażiċi għandu jkun dejjem adattat flimkien. Dawn il-gruppi huma s-segwenti: (a) L-arranġament tal-linji, (b) Il-parametri tal-binarji, (ċ) Il-punti tal-qlib u tal-qsim, (d) Ir-reżistenza tal-binarji għal tagħbijiet applikati, (e) Ir-reżistenza tal-istrutturi għal tagħbijiet tat-traffiku, (f) Il-pjattaformi.

(4)

F’każijiet ta’ din ix-xorta, irid jiġi kkunsidrat il-fatt li kull wieħed minn dawn l-elementi kkunsidrat f’iżolament ma jagħmilhiex possibbli, waħdu, li tkun żgurata l-konformità tas-subsistema kollha: il-konformità ta’ subsistema tista’ tiġi ddikjarata biss globalment, jiġifieri meta l-elementi kollha jkunu nġiebu f’konformità mas-STI.

7.3.4.   Linji eżistenti li mhumiex suġġetti għal proġett ta’ rinnovazzjoni jew ta’ aġġornament

(1)

Subsistema eżistenti tista’ tippermetti ċ-ċirkolazzjoni ta’ vetturi konformi mas-STI filwaqt li tissodisfa r-rekwiżiti essenzjali tad-Direttiva 2008/57/KE. F’dan il-każ l-amministratur infrastrutturali għandu jkun jista’, fuq bażi volontarja, jikkompleta r-Reġistru tal-Infrastruttura stabbilit fl-Artikolu 35 tad-Direttiva 2008/57 skont l-Anness D ta’ dan it-TSI.

(2)

Il-proċedura li għandha tintuża sabiex jintwera l-livell ta’ konformità mal-Parametri Bażiċi tas-STI għandha tiġi ddefinita fl-ispeċifikazzjoni tar-Reġistru tal-Infrastruttura li se jiġi adottat mill-Kummissjoni skont dak l-Artikolu.

7.4.   Veloċità bħala kriterju ta’ migrazzjoni

(1)

Huwa permissibbli li linja titqiegħed fis-servizz bħala linja interoperabbli f’veloċità iktar baxxa mill-veloċità aħħarija maħsuba tal-linja tagħha. Madankollu, meta jkun il-każ, il-linja għandha tkun mibnija b’tali mod li tinibixxi l-adozzjoni futura tal-veloċità aħħarija maħsuba tal-linja.

(2)

Pereżempju, id-distanza bejn iċ-ċentri tal-binarji għandha tkun adattata għall-veloċità aħħarija maħsuba tal-linja imma l-pożizzjoni mżerżqa għandha tkun adattata għall-veloċità li jkun hemm meta l-linja titqiegħed fis-servizz.

(3)

Ir-rekwiżiti għall-valutazzjoni tal-konformità f’din iċ-ċirkustanza huma stabbilit fit-taqsima 6.3.

7.5.   Kompatibilità tal-Infrastruttura u tal-Vetturi Ferrovjarji

(1)

Il-Vetturi Ferrovjarji li jkunu konformi mas-STI tal-Vetturi Ferrovjarji mhumiex awtomatikament kompatibbli mal-linji kollha li huma konformi ma’ din is-STI tal-Infrastruttura. Pereżempju, vettura b’qies standard GC mhix kompatibbli ma’ mina b’qies standard GB.

(2)

Id-disinn tal-Kategoriji tal-Linji tas-STI kif ġew iddefiniti fil-Kapitolu 4 huwa ġeneralment kompatibbli mal-operazzjoni tal-vetturi kklassifikati skont l-EN 15528:2008 sal-veloċità massima murija fl-Anness E. Madankollu, jista’ jkun hemm riskju ta’ effetti dinamiċi eċċessivi, inkluża r-reżonanza f’ċerti pontijiet, li jista’ jkollhom impatt ulterjuri fuq il-kompatibilità tal-vetturi u tal-infrastruttura.

(3)

Jistgħu jsiru kontrolli, fuq il-bażi ta’ xenarji operattivi speċifiċi miftiehma bejn l-Amministratur Infrastrutturali u l-Impriża Ferrovjarja, sabiex tintwera l-kompatibilità tal-vetturi li joperaw ‘il fuq mill-veloċità massima murija fl-Anness E.

(4)

Kif ġie ddikjarat fit-Taqsima 4.2.2 ta’ din is-STI, huwa permissibbli li jiġu ddisinjati linji ġodda u aġġornati b’tali mod li dawn jakkomodaw qisien standard ikbar, tagħbijiet ikbar fuq il-fusijiet, veloċitajiet ikbar u ferroviji itwal minn dawk speċifikati.

7.6.   Każijiet speċifiċi

Il-każijiet speċifiċi li ġejjin jistgħu jiġu applikati għal netwerks partikolari. Dawn il-każijiet speċifiċi jiġu kklassifikati bħala:

(a)   każijiet “P”: każijiet permanenti,

(b)   każijiet “T”: każijiet temporanji, fejn huwa rrakkomandat li s-sistema fil-mira tintlaħaq sal-2020 (għan iffissat fid-Deċiżjoni Nru 1692/96/KE tal-Parlament Ewropew u tal-Kunsill tat-23 ta’ Lulju 1996 fuq linji gwida tal-Komunità għall-iżvilupp tan-network tat-trasport trans-Ewropew, kif emendata bid-Deċiżjoni Nru 884/2004/KE).

Il-każijiet speċifiċi stabbiliti fit-Taqsimiet 7.6.1 sa 7.6.13 għandhom jinqraw flimkien mat-taqsimiet rilevanti tal-Kapitolu 4. Sakemm ma jkunx indikat mod ieħor (pereżempju, fil-każ ta’ rekwiżit addizzjonali), il-każijiet speċifiċi jissostitwixxu r-rekwiżiti korrispondenti mogħtija fil-Kapitolu 4. Fejn ir-rekwiżiti tat-taqsima rilevanti fil-Kapitolu 4 ma jkunux suġġetti għal każ speċifiku, dawk ir-rekwiżiti ma ġewx iddupplikati fit-Taqsimiet 7.6.1 sa 7.6.13, u jibqgħu japplikaw kif inhuma.

7.6.1.   Karatteristiċi partikolari tan-netwerk Estonjan

Il-każijiet speċifiċi għas-sistema tal-qisien standard tal-binarji ta’ 1 520/1 524 mm għadhom qed jiġu diskussi.

7.6.2.   Karatteristiċi partikolari tan-Netwerk Finlandiż

7.6.2.1.   Qies minimu tal-istrutturi (4.2.4.1)

Każijiet P

Il-Kategoriji tal-Linji tas-STI kollha – klawżoli (1) u (2)

(1)

Il-qies minimu tal-istrutturi għandu jkun iffissat fuq il-bażi tal-qies standard FIN 1.

(2)

Il-kalkoli tal-qies minimu tal-istrutturi għandhom isiru billi jintuża l-metodu statiku jew kinematiku skont ir-rekwiżiti tat-Taqsima D.4.4 tal-Anness D għall-EN 15273-3:2009.

7.6.2.2.   Raġġ minimu ta’ kurva orizzontali (4.2.4.4)

Każijiet P

Il-Kategoriji tal-Linji tas-STI kollha – klawżola (4)

(4)

Ir-reverse curves b’raġġi bejn 150 m u 300 m għandhom ikunu ddisinjati skont ir-regoli nazzjonali nnotifikati għal dan il-fini sabiex jipprevjenu l-illokjar tal-molla mewwieta.

7.6.2.3.   Qies standard nominali tal-binarju (4.2.5.1)

Każijiet P

Il-Kategoriji tal-Linji tas-STI kollha – klawżola (1)

(1)

Il-qies standard nominali tal-binarju għandu jkun ta’ 1 524 mm.

7.6.2.4.   Valuri skont id-disinn għall-koniċità ekwivalenti (4.2.5.5.1)

Każijiet P

Il-Kategoriji tal-Linji tas-STI kollha – klawżola (2)

(2)

Għall-qies standard nominali tal-binarju ta’ 1 524 mm, il-kombinazzjonijiet ta’ roti u ta’ fusijiet li ġejjin għandhom ikunu mmudellati fuq il-kundizzjonijiet maħsuba tal-binarju (simulati b’kalkolu skont l-EN 15302:2008): (a) S 1002 kif iddefinita fl-Anness C għall-EN 13715:2006 b’SR = 1 505 mm, (b) S 1002 kif iddefinita fl-Anness C għall-EN 13715:2006 b’SR = 1 511 mm, (ċ) GV 1/40 kif iddefinita fl-Anness B għall-EN 13715:2006 b’SR = 1 505 mm, (d) GV 1/40 kif iddefinita fl-Anness B għall-EN 13715:2006 b’SR = 1 511 mm, (e) EPS kif iddefinita fl-Anness D għall-EN 13715:2006 b’SR = 1 505 mm.

7.6.2.5.   Rekwiżiti għall-kontroll tal-koniċità ekwivalenti mqiegħda fis-servizz (4.2.5.5.2)

Każijiet P

Il-Kategoriji tal-Linji tas-STI kollha – Tabella 5

Tabella 14

Il-qies standard medju minimu mqiegħed fis-servizz fuq binarju dritt u f’kurvi b’raġġ R > 10 000  m

Medda ta’ veloċitajiet [km/h]	Qies standard medju [mm] fuq 100 m
v ≤ 60	valutazzjoni mhux meħtieġa
60 < v ≤ 160	1 519
160 < v ≤ 200	1 519

7.6.2.6.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI kollha – klawżola (2)

(2)

Il-karatteristiċi tekniċi tal-punti tal-qlib u tal-qsim għall-qies standard nominali tal-binarju ta’ 1 524 mm għandhom ikunu konformi mal-valuri mqiegħda fis-servizz li ġejjin: (a) Il-valur massimu ta’ passaġġ bil-magna free fil-punt ta’ qlib: 1 469 mm. (b) Il-valur minimu ta’ protezzjoni fissa tal-ponta għal punt ta’ qsim komuni: 1 478 mm. (ċ) Il-valur massimu ta’ passaġġ bil-magna free fil-ponta tal-punt ta’ qsim: 1 440 mm. (d) Il-valur massimu ta’ passaġġ bil-magna free mad-daħla għal check rail/wing rail: 1 469 mm. (e) L-għoli żejjed massimu taċ-check rail huwa ta’ 55 mm. Ir-rekwiżiti addizzjonali f’(a) u f’(b) jibqgħu l-istess.

7.6.3.   Karatteristiċi partikolari tan-netwerk Elleniku

7.6.3.1.   Il-parametri ta’ prestazzjoni (4.2.2)

Każijiet P

Il-Kategoriji tal-Linji tas-STI kollha – klawżoli (2), (6) u (7)

(2)

Il-linji ta’ 1 000 mm (tal-Peloponnese) ġodda u aġġornati fis-sistema ferrovjarja konvenzjonali trans-Ewropea għandhom ikunu ddisinjati f’konformità ma’ qies standard skont ir-regoli nazzjonali nnotifikati għal dan il-fini u għandu jkollhom tagħbija fuq il-fusijiet ta’ 14 t.

(6)

Il-Parametri ta’ Prestazzjoni effettivi għal kull sezzjoni tal-binarju għal-linji ta’ 1 000 mm (tal-Peloponnese) għandhom ikunu ppubblikati fir-Reġistru tal-Infrastruttura.

(7)

L-informazzjoni ppubblikata relatata mat-tagħbija fuq il-fusijiet għandha tkun ippubblikata flimkien mal-veloċità permessa.

7.6.3.2.   Qies minimu tal-istrutturi (4.2.4.1)

Każijiet P

Il-Kategoriji tal-Linji tas-STI kollha - klawżoli (1) u (2)

(1)

Il-qies minimu tal-istrutturi għal-linji ta’ 1 000 mm (tal-Peloponnese) għandu jkun iffissat skont ir-regoli nazzjonali nnotifikati għal dan il-fini.

7.6.3.3.   Distanza bejn iċ-ċentri tal-binarji (4.2.4.2)

Każijiet P

Il-Kategoriji tal-Linji tas-STI kollha - klawżoli (1) u (2)

(1)

Id-distanza bejn iċ-ċentri tal-binarji għal-linji ta’ 1 000 mm (tal-Peloponnese) għandha tkun iffissata fuq il-bażi tal-qies standard skont ir-regoli nazzjonali nnotifikati għal dan il-fini.

7.6.3.4.   Gradjenti massimi (4.2.4.3)

Każijiet P

Il-Kategoriji tal-Linji tas-STI IV-F, IV-M, VI-F u VI-M – klawżoli (3) u (4)

(3)

Għall-binarji ewlenin fil-fażi tad-disinn huma permessi gradjenti massimi weqfin daqs 20 mm/m.

7.6.3.5.   Raġġ minimu ta’ kurva orizzontali (4.2.4.4)

Każijiet P

Il-Kategoriji tal-Linji tas-STI kollha – klawżola (2)

(2)

Għall-binarji jew għall-binarji żgħar maġenb il-binarju ewlieni għall-ipparkjar tal-ferroviji, ir-raġġ minimu ta’ kurva orizzontali skont id-disinn għal-linji ta’ 1 000 mm (tal-Peloponnese) ma għandux ikun inqas minn 110 m.

7.6.3.6.   Raġġ minimu ta’ kurva vertikali (4.2.4.5)

Każijiet P

Il-Kategoriji tal-Linji tas-STI kollha – klawżola (1)

(1)

L-allinjament vertikali tal-binarji għall-ipparkjar tal-ferroviji u tal-binarji ta’ servizz għal-linji ta’ 1 000 mm (tal-Peloponnese) ma għandux jinkludi l-kurvi b’raġġi ta’ inqas minn 500 m fuq ħotba jew f’ħofra.

7.6.3.7.   Qies standard nominali tal-binarju (4.2.5.1)

Każijiet P

Il-Kategoriji tal-Linji tas-STI kollha – klawżola (1)

(1)

Il-qies standard nominali tal-binarju għandu jkun jew ta’ 1 435 mm jew ta’ 1 000 mm.

7.6.3.8.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI kollha – klawżola (2)

(2)

Il-karatteristiċi tekniċi tal-punti tal-qlib u tal-qsim għall-qies standard nominali tal-binarju ta’ 1 000 mm (tal-Peloponnese) għandhom ikunu konformi mal-valuri mqiegħda fis-servizz li ġejjin: (a) Il-valur massimu ta’ passaġġ bil-magna free fil-punt ta’ qlib: 946 mm. (b) Il-valur minimu ta’ protezzjoni fissa tal-ponta għal punt ta’ qsim komuni: 961 mm. (ċ) Il-valur massimu ta’ passaġġ bil-magna free fil-ponta tal-punt ta’ qsim: mhux applikabbli. (d) Il-valur massimu ta’ passaġġ bil-magna free mad-daħla għal check rail/wing rail: 943 mm. Ir-rekwiżiti addizzjonali f’(a) u f’(b) jibqgħu l-istess.

7.6.3.9.   Ir-reżistenza tal-binarji għal tagħbijiet vertikali (4.2.7.1)

Każijiet P

Il-Kategoriji tal-Linji tas-STI kollha – klawżola (a)

(a)

Il-binarju għal-linji ta’ 1 000 mm (tal-Peloponnese), inklużi l-punti tal-qlib u tal-qsim, għandu jkun iddisinjat biex jirreżisti tal-inqas it-tagħbija massima statika fuq il-fusijiet ta’ 14 t.

7.6.3.10.   Ir-reżistenza ta’ pontijiet Ġodda għal tagħbijiet tat-traffiku (4.2.8.1) – tagħbijiet vertikali (4.2.8.1.1)

Każijiet P

Il-Kategoriji tal-Linji tas-STI kollha - għal strutturi ġodda fuq linji ferrovjarji ġodda jew eżistenti biss – klawżola (3)

(3)

Il-valur ta’ alfa (α) għal-linji ta’ 1 000 mm (tal-Peloponnese) għandu jkun daqs jew ikbar minn 0.75.

7.6.4.   Karatteristiċi partikolari tan-netwerk irlandiż

7.6.4.1.   Il-parametri ta’ prestazzjoni (4.2.2) – klawżola (2) - Tabella 3, kolonna “tul tal-ferrovija”

(2)

Il-linji ġodda u aġġornati fis-sistema ferrovjarja konvenzjonali trans-Ewropea għandhom ikunu ddisinjati skont it-tul tal-ferroviji tal-passiġġieri, jiġifieri tal-inqas 215 m, u skont it-tul tal-ferroviji tal-merkanzija, jiġifieri tal-inqas 350 m, skont ir-regoli nazzjonali nnotifikati għal dan il-fini.

7.6.4.2.   Qies minimu tal-istrutturi (4.2.4.1)

Każijiet P

Il-Kategoriji tal-Linji tas-STI IV-P, IV-F, IV-M, VI-P, VI-F u VI-M - klawżoli (1) u (2)

(1)

Il-qies minimu tal-istrutturi għandu jkun iffissat fuq il-bażi tal-qies standard uniformi IRL 1 skont ir-regoli nazzjonali nnotifikati għal dan il-fini.

Il-Kategoriji tal-Linji tas-STI V-P, V-F, V-M, VII-P, VII-F u VII-M - klawżoli (1) u (2)

(1)

Il-qies minimu tal-istrutturi għandu jkun iffissat fuq il-bażi tal-qies standard uniformi IRL 2 skont ir-regoli nazzjonali nnotifikati għal dan il-fini.

7.6.4.3.   Distanza bejn iċ-ċentri tal-binarji (4.2.4.2)

Każijiet P

Il-Kategoriji tal-Linji tas-STI IV-P, IV-F, IV-M, VI-P, VI-F u VI-M – klawżoli (1) u (2)

(1)

Id-distanza minima bejn iċ-ċentri tal-binarji għandha tkun iffissata fuq il-bażi tal-qies standard IRL 1 skont ir-regoli nazzjonali nnotifikati għal dan il-fini.

Il-Kategoriji tal-Linji tas-STI V-P, V-F, V-M, VII-P, VII-F u VII-M – klawżoli (1) u (2)

(1)

Id-distanza minima bejn iċ-ċentri tal-binarji għandha tkun iffissata fuq il-bażi tal-qies standard IRL 2 skont ir-regoli nazzjonali nnotifikati għal dan il-fini.

7.6.4.4.   Qies standard nominali tal-binarju (4.2.5.1)

Każijiet P

Il-Kategoriji tal-Linji tas-STI kollha – klawżola (1)

(1)

Il-qies standard nominali tal-binarju għandu jkun ta’ 1 600 mm.

7.6.4.5.   Il-valuri skont id-disinn għall-Koniċità ekwivalenti (4.2.5.5.1)

Każijiet P

Il-Kategoriji tal-Linji tas-STI kollha – klawżola (2)

(2)

Għall-qies standard nominali tal-binarju ta’ 1 600 mm, il-kombinazzjonijiet ta’ roti u ta’ fusijiet li ġejjin għandhom ikunu mmudellati fuq il-kundizzjonijiet maħsuba tal-binarju (simulati b’kalkolu skont l-EN 15302:2008): (a) S 1002 kif iddefinita fl-Anness C għall-EN 13715:2006 b’SR = 1 585 mm, (b) S 1002 kif iddefinita fl-Anness C għall-EN 13715:2006 b’SR = 1 591 mm, (ċ) GV 1/40 kif iddefinita fl-Anness B għall-EN 13715:2006 b’SR = 1 585 mm, (d) GV 1/40 kif iddefinita fl-Anness B għall-EN 13715:2006 b’SR = 1 591 mm, (e) EPS kif iddefinita fl-Anness D għall-EN 13715:2006 b’SR = 1 585 mm.

7.6.4.6.   Rekwiżiti għall-kontroll tal-koniċità ekwivalenti mqiegħda fis-servizz (4.2.5.5.2)

Każijiet P

Il-Kategoriji tal-Linji tas-STI kollha – Tabella 5

Tabella 15

Il-qies standard medju minimu mqiegħed fis-servizz fuq binarju dritt u f’kurvi b’raġġ R > 10 000  m

Medda ta’ veloċitajiet [km/h]	Qies standard medju [mm] fuq 100 m
v ≤ 60	valutazzjoni mhux meħtieġa
60 < v ≤ 160	1 595
160 < v ≤ 200	1 595

7.6.4.7.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI kollha – klawżola (2)

(2)

Il-karatteristiċi tekniċi tal-punti tal-qlib u tal-qsim għall-qies standard nominali tal-binarju ta’ 1 600 mm għandhom ikunu konformi mal-valuri mqiegħda fis-servizz li ġejjin: (a) Il-valur massimu ta’ passaġġ bil-magna free fil-punt ta’ qlib: 1 546 mm. (b) Il-valur minimu ta’ protezzjoni fissa tal-ponta għal punt ta’ qsim komuni: 1 556 mm. (ċ) Il-valur massimu ta’ passaġġ bil-magna free fil-ponta tal-punt ta’ qsim: 1 521 mm. (d) Il-valur massimu ta’ passaġġ bil-magna free mad-daħla għal check rail/wing rail: 1 546 mm. Ir-rekwiżiti addizzjonali f’(a) u f’(b) jibqgħu l-istess.

7.6.5.   Karatteristiċi partikolari tan-netwerk Latvjan

Il-każijiet speċifiċi għas-sistema tal-qisien standard tal-binarji ta’ 1 520/1 524 mm għadhom qed jiġu diskussi.

7.6.6.   Karatteristiċi partikolari tan-netwerk litwan

Il-każijiet speċifiċi għas-sistema tal-qisien standard tal-binarji ta’ 1 520/1 524 mm għadhom qed jiġu diskussi.

7.6.7.   Karatteristiċi partikolari tan-netwerk pollakk

7.6.7.1.   Qies minimu tal-istrutturi (4.2.4.1)

Każijiet P

Il-Kategoriji tal-Linji tas-STI kollha - klawżoli (1) u (2)

(1)

Il-qies minimu tal-istrutturi għal-linji ta’ 1 520 mm għandu jkun iffissat skont ir-regoli nazzjonali nnotifikati għal dan il-fini.

7.6.7.2.   Qies standard nominali tal-binarju (4.2.5.1)

Każijiet P

Il-Kategoriji tal-Linji tas-STI kollha – klawżola addizzjonali (3)

(3)

Għal-linji li jintużaw biex jingħata servizz lit-traffiku internazzjonali lejn/minn il-pajjiżi ferrovjarji b’qies standard tal-binarju ta’ 1 520/1 524 mm huwa permess qies standard nominali tal-binarju ta’ 1 520 mm.

7.6.7.3.   Il-valuri skont id-disinn għall-koniċità ekwivalenti (4.2.5.5.1)

Każijiet P

Il-Kategoriji tal-Linji tas-STI kollha – klawżola (2)

(2)

Għall-qies standard nominali tal-binarju ta’ 1 520 mm, il-kombinazzjonijiet ta’ roti u ta’ fusijiet li ġejjin għandhom ikunu mmudellati fuq il-kundizzjonijiet maħsuba tal-binarju (simulati b’kalkolu skont l-EN 15302:2008): (a) S 1002 kif iddefinita fl-Anness C għall-EN 13715:2006 b’SR = 1 503 mm, (b) S 1002 kif iddefinita fl-Anness C għall-EN 13715:2006 b’SR = 1 509 mm, (ċ) GV 1/40 kif iddefinita fl-Anness B għall-EN 13715:2006 b’SR = 1 503 mm, (d) GV 1/40 kif iddefinita fl-Anness B għall-EN 13715:2006 b’SR = 1 509 mm, (e) EPS kif iddefinita fl-Anness D għall-EN 13715:2006 b’SR = 1 503 mm.

7.6.7.4.   Rekwiżiti għall-kontroll tal-koniċità ekwivalenti mqiegħda fis-servizz (4.2.5.5.2)

Każijiet P

Il-Kategoriji tal-Linji tas-STI kollha – Tabella 5

Tabella 16

Il-qies standard medju minimu mqiegħed fis-servizz fuq binarju dritt u f’kurvi b’raġġ R > 10 000  m għal linji ta’ 1 520 mm

Medda ta’ veloċitajiet [km/h]	Qies standard medju [mm] fuq 100 m
v ≤ 120	valutazzjoni mhux meħtieġa
120 < v ≤ 160	1 515
160 < v ≤ 200	1 515

7.6.7.5.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI kollha – klawżola (2)

(2)

Il-karatteristiċi tekniċi tal-punti tal-qlib u tal-qsim għall-qies standard nominali tal-binarju ta’ 1 520 mm għandhom ikunu konformi mal-valuri mqiegħda fis-servizz li ġejjin: (a) Il-valur massimu ta’ passaġġ bil-magna free fil-punt ta’ qlib: 1 460 mm. (b) Il-valur minimu ta’ protezzjoni fissa tal-ponta għal punt ta’ qsim komuni: 1 476 mm. (ċ) Il-valur massimu ta’ passaġġ bil-magna free fil-ponta tal-punt ta’ qsim: 1 436 mm. (d) Il-valur massimu ta’ passaġġ bil-magna free mad-daħla għal check rail/wing rail: 1 460 mm. Ir-rekwiżiti addizzjonali f’(a) u f’(b) jibqgħu l-istess.

7.6.7.6.   It-tul massimu mhux iggwidat ta’ qsim ottuż fiss (4.2.6.3)

Każijiet P

Il-Kategoriji tal-Linji tas-STI kollha – klawżola (1)

(1)

Għas-sistema tal-qisien standard tal-binarji ta’1 520 mm il-valur massimu skont id-disinn tat-tul mhux iggwidat għandu jkun ekwivalenti għal 1 qsim ottuż f’9 (tgα = 0,11, α = 6°20’) b’check rail mgħolli ‘l fuq b’minimu ta’44 mm u assoċjat ma’ dijametru tar-rota ikbar minn 330 mm f’rotti diretti u dritti.

7.6.8.   Karatteristiċi partikolari tan-netwerk portugiż

7.6.8.1.   Qies minimu tal-istrutturi (4.2.4.1)

Każijiet P

Il-Kategoriji tal-Linji tas-STI kollha – klawżoli (1) u (2)

Il-qies minimu tal-istrutturi għandu jkun iffissat fuq il-bażi tal-kontorni ta’ referenza CPb, CPb + jew CPc.

Il-kalkoli tal-qies minimu tal-istrutturi għandhom isiru permezz tal-metodu kinematiku skont ir-rekwiżiti tat-Taqsima D.4.3 tal-Anness D għall-EN 15273-3:2009.

Għas-sistema ta’ binarji bi tliet linji ferrovjarji, il-qies minimu tal-istrutturi għandu jkun iffissat fuq il-bażi tal-kontorn ta’ referenza CPb+, iċċentrat fuq il-qies standard tal-binarju ta’ 1 668 mm.

7.6.8.2.   Qies standard nominali tal-binarju (4.2.5.1)

Każijiet P

Il-Kategoriji tal-Linji tas-STI kollha – klawżola (1)

(1)

Il-qies standard nominali tal-binarju għandu jkun ta’ 1 668 mm, 1 435 mm jew it-tnejn jekk il-linja tkun mgħammra b’sistema ta’ binarji bi tliet linji ferrovjarji.

7.6.8.3.   Valuri skont id-disinn għall-koniċità ekwivalenti (4.2.5.5.1)

Każijiet P

Il-Kategoriji tal-Linji tas-STI kollha – klawżola (2)

(2)

Għall-qies standard nominali tal-binarju ta’ 1 668 mm, il-kombinazzjonijiet ta’ roti u ta’ fusijiet li ġejjin għandhom ikunu mmudellati fuq il-kundizzjonijiet maħsuba tal-binarju (simulati b’kalkolu skont l-EN 15302:2008): (a) S 1002 kif iddefinita fl-Anness C għall-EN 13715:2006 b’SR = 1 653 mm, (b) S 1002 kif iddefinita fl-Anness C għall-EN 13715:2006 b’SR = 1 659 mm, (ċ) GV 1/40 kif iddefinita fl-Anness B għall-EN 13715:2006 b’SR = 1 653 mm, (d) GV 1/40 kif iddefinita fl-Anness B għall-EN 13715:2006 b’SR = 1 659 mm, (e) EPS kif iddefinita fl-Anness D għall-EN 13715:2006 b’SR = 1 653 mm.

7.6.8.4.   Rekwiżiti għall-kontroll tal-koniċità ekwivalenti mqiegħda fis-servizz (4.2.5.5.2)

Każijiet P

Il-Kategoriji tal-Linji tas-STI kollha – Tabella 5

Tabella 17

Il-qies standard medju minimu mqiegħed fis-servizz fuq binarju dritt u f’kurvi b’raġġ R > 10 000  m

Medda ta’ veloċitajiet [km/h]	Qies standard medju [mm] fuq 100 m
v ≤ 60	valutazzjoni mhux meħtieġa
60 < v ≤ 160	1 663
160 < v ≤ 200	1 663

7.6.8.5.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI kollha – klawżola (2)

Il-karatteristiċi tekniċi tal-punti tal-qlib u tal-qsim għall-qies standard nominali tal-binarju ta’ 1 668 mm għandhom ikunu konformi mal-valuri mqiegħda fis-servizz li ġejjin:

(a)	Il-valur massimu ta’ passaġġ bil-magna free fil-punt ta’ qlib: 1 613 mm.

(b)	Il-valur minimu ta’ protezzjoni fissa tal-ponta għal punt ta’ qsim komuni: 1 624 mm.

(ċ)	Il-valur massimu ta’ passaġġ bil-magna free fil-ponta tal-punt ta’ qsim: 1 589 mm.

(d)	Il-valur massimu ta’ passaġġ bil-magna free mad-daħla għal check rail/wing rail: 1 613 mm.

Ir-rekwiżiti addizzjonali f’(a) u f’(b) jibqgħu l-istess.

7.6.9.   Karatteristiċi partikolari tan-netwerk Rumen

7.6.9.1.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI kollha - klawżola (2)(f)

(2)(f)

Il-karatteristiċi tekniċi tal-punti tal-qlib u tal-qsim għandhom ikunu konformi mal-valur imqiegħed fis-servizz għal fond minimu tal-flangeway ta’ 38 mm.

7.6.10.   KaratteristiĊi partikolari tan-netwerk Spanjol

7.6.10.1.   Qies minimu tal-istrutturi (4.2.4.1)

Każijiet P

Il-Kategoriji tal-Linji tas-STI V-P, V-F, V-M, VII-P, VII-F u VII-M – klawżoli (1) u (2)

(1)

Il-qies minimu tal-istrutturi għandu jkun iffissat fuq il-bażi tal-qies standard GHE16 skont ir-regoli nazzjonali nnotifikati għal dan il-fini.

Il-Kategoriji tal-Linji tas-STI kollha – klawżola addizzjonali (4)

(4)

Il-qies minimu tal-istrutturi għal qies standard tal-binarju ta’ 1 435 mm u l-qies minimu tal-istrutturi għal qies standard tal-binarju ta’ 1 668 mm għal kull sezzjoni ta’ binarju bi tliet linji ferrovjarji għandhom ikunu ppubblikati fir-Reġistru tal-Infrastruttura.

7.6.10.2.   Distanza bejn iċ-ċentri tal-binarji (4.2.4.2)

Każijiet P

Il-Kategoriji tal-Linji tas-STI IV-P, IV-F, IV-M, VI-P, VI-F u VI-M – klawżoli (1) u (2)

(1)

Id-distanza bejn iċ-ċentri tal-binarji, kemm għall-qies standard tal-binarju ta’ 1 668 mm kif ukoll għal dak ta’ 1 435 mm, għandha tkun skont il-veloċità massima tal-linja. Tabella 18 Id-distanza bejn iċ-ċentri tal-binarji fin-netwerk Spanjol Veloċità [km/h] Distanza bejn iċ-ċentri tal-binarji (mm) v ≤ 140 3 808 140 < v ≤ 160 3 920 160 < v ≤ 200 4 000 F’każijiet iġġustifikati, id-distanza bejn iċ-ċentri tal-binarji tista’ titnaqqas għall-inqas valur li jmiss fit-tabella, u f’linji b’veloċitajiet ta’ inqas minn 100 km/h tista’ titnaqqqas, f’każijiet estremi, għal 3 674 mm.

Il-Kategoriji tal-Linji tas-STI V-P, V-F, V-M, VII-P, VII-F u VII-M – klawżoli (1) u (2)

(1)

Id-distanza minima bejn iċ-ċentri tal-binarji, kemm għall-qies standard tal-binarju ta’ 1 668 mm kif ukoll għal dak ta’ 1 435 mm, għandha tkun ta’ 3 808 mm. F’linji b’veloċitajiet ta’ inqas minn 100 km/h, din id-distanza minima bejn iċ-ċentri tal-binarji tista’ titnaqqas għal 3 674 mm. Jekk id-distanza bejn iċ-ċentri tal-binarji magħżula tkun inqas minn 3 808 mm, allura l-ispazju vojt biex il-ferroviji jgħaddu minn ħdejn xulxin b’mod sikur għandu jiġi pprovat.

7.6.10.3.   Gradjenti massimi (4.2.4.3)

Każijiet P

Il-Kategoriji tal-Linji tas-STI IV-F, IV-M, VI-F u VI-M – klawżoli (3) u (4)

(3)

Għall-binarji ewlenin fil-fażi tad-disinn huma permessi gradjenti massimi weqfin daqs 20 mm/m.

7.6.10.4.   Qies standard nominali tal-binarju (4.2.5.1)

Każijiet P

Il-Kategoriji tal-Linji tas-STI kollha - klawżola (1) u klawżola addizzjonali (3)

(1)

Il-qies standard nominali tal-binarju għandu jkun jew ta’ 1 668 mm jew ta’ 1 435 mm.

(3)

Il-qies standard nominali tal-binarju ta’ binarji bi tliet linji ferrovjarji għandu jkun ta’ 1 435 mm u 1 668 mm

7.6.10.5.   Valuri skont id-disinn għall-koniċità ekwivalenti (4.2.5.5.1)

Il-Kategoriji tal-Linji tas-STI kollha – klawżola (2)

(2)

Għall-qies standard nominali tal-binarju ta’ 1 668 mm, il-kombinazzjonijiet ta’ roti u ta’ fusijiet li ġejjin għandhom ikunu mmudellati fuq il-kundizzjonijiet maħsuba tal-binarju (simulati b’kalkolu skont l-EN 15302:2008): (a) S 1002 kif iddefinita fl-Anness C għall-EN 13715:2006 b’SR = 1 653 mm, (b) S 1002 kif iddefinita fl-Anness C għall-EN 13715:2006 b’SR = 1 659 mm, (ċ) GV 1/40 kif iddefinita fl-Anness B għall-EN 13715:2006 b’SR = 1 653 mm, (d) GV 1/40 kif iddefinita fl-Anness B għall-EN 13715:2006 b’SR = 1 659 mm, (e) EPS kif iddefinita fl-Anness D għall-EN 13715:2006 b’SR = 1 653 mm.

7.6.10.6.   Rekwiżiti għall-kontroll tal-koniċità ekwivalenti mqiegħda fis-servizz (4.2.5.5.2)

Każijiet P

Il-Kategoriji tal-Linji tas-STI kollha – Tabella 5

Tabella 19

Il-qies standard medju minimu mqiegħed fis-servizz fuq binarju dritt u f’kurvi b’raġġ R > 10 000  m

Medda ta’ veloċitajiet [km/h]	Qies standard medju [mm] fuq 100 m
v ≤ 60	valutazzjoni mhux meħtieġa
60 < v ≤ 160	1 663
160 < v ≤ 200	1 663

7.6.10.7.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI kollha - klawżola (2)

Il-karatteristiċi tekniċi tal-punti tal-qlib u tal-qsim għall-qies standard nominali tal-binarju ta’ 1 668 mm għandhom ikunu konformi mal-valuri mqiegħda fis-servizz li ġejjin:

(a)	Il-valur massimu ta’ passaġġ bil-magna free fil-punt ta’ qlib: 1 618 mm.

(b)	Il-valur minimu ta’ protezzjoni fissa tal-ponta għal punt ta’ qsim komuni: 1 626 mm.

(ċ)	Il-valur massimu ta’ passaġġ bil-magna free fil-ponta tal-punt ta’ qsim: 1 590 mm.

(d)	Il-valur massimu ta’ passaġġ bil-magna free mad-daħla għal check rail/wing rail: 1 620 mm.

Ir-rekwiżiti addizzjonali f’(a) u f’(b) jibqgħu l-istess.

7.6.11.   Karatteristiċi partikolari tan-netwerk Svediż

F’infrastruttura b’konnessjoni diretta man-netwerk Finlandiż, u għal infrastruttura fil-portijiet, jistgħu jiġu applikati l-karatteristiċi partikolari tan-netwerk Finlandiż, kif ġew speċifikati fit-Taqsima 7.6.2 ta’ din is-STI.

7.6.12.   Karatteristiċi partikolari tan-netwerk tar-Renju Unit għall-Gran Brittanja

7.6.12.1.   Il-parametri ta’ prestazzjoni (4.2.2)

Każijiet P

Il-Kategoriji tal-Linji tas-STI kollha – klawżola (7)

(7)

L-informazzjoni ppubblikata relatata mat-tagħbija fuq il-fusijiet għandha tuża n-numru tad-Disponibilità tar-Rotta (RA) (derivat skont ir-Regola Teknika Nazzjonali nnotifikata għal dan il-fini) flimkien mal-veloċità permessa. Jekk il-kapaċità ta’ ġarr tat-tagħbijiet ta’ sezzjoni mill-binarju teċċedi l-medda ta’ numri tad-Disponibilità tar-Rotta (RA), allura tista’ tkun ipprovduta informazzjoni addizzjonali li tiddefinixxi l-kapaċità ta’ ġarr tat-tagħbijiet.

7.6.12.2.   Qies minimu tal-istrutturi (4.2.4.1)

Każijiet P

Il-Kategoriji tal-Linji tas-STI V-P, V-F, V-M, VII-P, VII-F u VII-M – klawżoli (1) u (2)

(1)

Għall-aġġornament jew għar-rinnovazzjoni tal-linji konvenzjonali rigward il-qies minimu tal-istrutturi, il-qies minimu tal-istrutturi li għandu jintlaħaq għandu jkun speċifiku għall-proġett ikkonċernat. L-applikazzjoni tal-qisien standard għandha tkun skont ir-Regola Teknika Nazzjonali nnotifikata għal dan il-fini.

7.6.12.3.   Distanza bejn iċ-ċentri tal-binarji (4.2.4.2)

Każijiet P

Il-Kategoriji tal-Linji tas-STI V-P, V-F, V-M, VII-P, VII-F u VII-M – klawżoli (1) u (2)

(1)

Fuq binarju dritt u fuq binarju kkurvat b’raġġ ta’ 400 m jew ikbar, id-distanza nominali bejn iċ-ċentri tal-binarji għandha tkun ta’ 3 400 mm. Fejn il-limiti topografiċi ma jħallux li tintlaħaq distanza nominali ta’ 3 400 mm bejn iċ-ċentri tal-binarji, huwa permissibbli li d-distanza bejn iċ-ċentri tal-binarji titnaqqqas sakemm ikunu stabbiliti miżuri speċjali sabiex ikun żgurat spazju vojt biex il-ferroviji jgħaddu minn ħdejn xulxin b’mod sikur. It-tnaqqis fid-distanza bejn iċ-ċentri tal-binarji għandu jkun skont ir-Regola Teknika Nazzjonali nnotifikata għal dan il-fini.

7.6.12.4.   Qies standard nominali tal-binarju (4.2.5.1)

Każijiet P

Il-Kategoriji tal-Linji tas-STI V-P, V-F, V-M, VII-P, VII-F u VII-M – klawżola addizzjonali (3)

(3)

Għad-disinn “CEN56 Vertikali” tal-punti tal-qlib u tal-qsim huwa permess qies standard nominali tal-binarju ta’ 1 432 mm.

7.6.12.5.   Ġeometrija tal-punti tal-qlib u tal-qsim imqiegħda fis-servizz (4.2.6.2)

Każijiet P

Il-Kategoriji tal-Linji tas-STI V-P, V-F, V-M, VII-P, VII-F u VII-M – klawżola addizzjonali (4)

(4)

Għad-disinn “CEN56 Vertikali” tal-punti tal-qlib u tal-qsim, huwa permess valur minimu ta’ protezzjoni fissa tal-ponta għal punt ta’ qsim komuni ta’ 1 388 mm (imkejjel 14 mm taħt is-superfiċje li fuqha jimxu r-roti, u fuq il-linja ta’ referenza teoretika, f’distanza xierqa lura mill-punt effettiv (RP) tal-ponta kif ġie indikat fil-Grafika 2).

7.6.13.   Karatteristiċi partikolari tan-netwerk tar-Renju Unit għall-Irlanda ta’ Fuq

Fin-netwerk tar-Renju Unit għall-Irlanda ta’ Fuq, għandhom jiġu applikati l-karatteristiċi partikolari tan-netwerk Irlandiż kif ġew speċifikati fit-Taqsima 7.6.4 ta’ din is-STI.