14.9.2010

MT

Il-Ġurnal Uffiċjali tal-Unjoni Ewropea

L 241/1

---

REGOLAMENT TAL-KUMMISSJONI (UE) Nru 801/2010

tat-13 ta’ Settembru 2010

li jimplimenta l-Artikolu 10(3) tad-Direttiva 2009/16/KE tal-Parlament Ewropew u tal-Kunsill fir-rigward tal-kriterji ta’ Stat tal-bandiera

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2009/16/KE tal-Parlament Ewropew u tal-Kunsill tat-23 ta’ April 2009 dwar il-kontroll tal-Istat tal-port (1), u b’mod partikolari l-Artikolu 10(3) tagħha,

Billi:

(1)	Il-prestazzjoni tal-Istat tal-bandiera hija waħda mill-parametri ġeneriċi li jiddeterminaw il-profil tar-riskju ta’ bastimenti.

(2)	Sabiex issir valutazzjoni tal-profil tar-riskju ta’ bastiment, għandha titqies ir-rata ta’ detenzjoni fi ħdan l-Unjoni u fi ħdan ir-reġjun kopert mill-Memorandum ta’ Ftehim ta’ Pariġi dwar il-kontroll mill-Istat tal-port (Paris MoU).

(3)	Huwa meħtieġ li wieħed jibni fuq l-esperjenza miksuba permezz tal-applikazzjoni tal-Paris MoU fir-rigward tal-metodoloġija li se tintuża għall-valutazzjoni tal-prestazzjoni tal-Istat tal-bandiera.

(4)	Il-miżuri previsti f’dan ir-Regolament huma skont l-opinjoni tal-Kumitat dwar Ibħra Sikuri u l-Prevenzjoni ta’ Tniġġis minn Bastimenti,

ADOTTAT DAN IR-REGOLAMENT:

Artikolu 1

Kategorizzazzjoni tal-Istati tal-bandiera abbażi tar-rati ta’ detenzjoni

1.   Bil-għan li tiġi stabbilita l-prestazzjoni tal-Istat tal-bandiera skont it-tifsira tad-Direttiva 2009/16/KE, l-Istati tal-bandiera għandhom jiġu kklassifikati f’listi suwed, griżi jew bojod, adottati skont il-Paris MoU abbażi tat-total ta’ spezzjonijiet u detenzjonijiet fuq perjodu ta’ tliet snin. Barra minn hekk, l-Istati tal-bandiera elenkati fil-lista s-sewda għandhom jinqasmu f’dawk b’riskju għoli ħafna, għoli, medju għal għoli jew medju skont ir-rata ta’ detenzjoni tagħhom. Il-klassifikazzjoni għandha tiġi aġġornata annwalment.

2.   Il-klassifikazzjoni ta’ Stat tal-bandiera fil-lista s-sewda, il-griża jew il-bajda teħtieġ minimu ta’ tletin spezzjoni ta’ kontroll tal-Istat tal-port.

3.   Il-metodoloġija u l-formuli li għandhom jintużaw biex jiġu kkategorizzati l-Istati tal-bandiera għandhom jikkonformaw mal-kriterji tal-Istat tal-bandiera kif stipulati fl-Anness.

Artikolu 2

Prestazzjoni tal-Istat tal-bandiera abbażi tal-verifika tal-IMO

Il-konformità msemmija fl-punt (c)(iii) tal-Parti I.1 tal-Anness I tad-Direttiva 2009/16/KE meħtieġa għall-bastimenti sabiex jiġu kkunsidrati li jippreżentaw riskju aktar baxx, għandha titqies li ġiet murija meta l-Kummissjoni tirċievi konferma bil-miktub mill-Istat tal-bandiera li ġie kompletat rapport ta’ verifika finali, u fejn rilevanti, li ġie ppreżentat pjan ta’ azzjoni korrettiva. Il-verifiki mwettqa qabel is-17 ta’ Ġunju 2009 għandhom jittieħdu inkonsiderazzjoni wkoll.

Artikolu 3

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu japplika mill-1 ta’ Jannar 2011.

---

(1)  ĠU L 131, 28.5.2009, p. 57.

---

---

14.9.2010

MT

Il-Ġurnal Uffiċjali tal-Unjoni Ewropea

L 241/4

---

REGOLAMENT TAL-KUMMISSJONI (UE) Nru 802/2010

tat-13 ta’ Settembru 2010

li jimplimenta l-Artikolu 10(3) u l-Artikolu 27 tad-Direttiva 2009/16/KE tal-Parlament Ewropew u tal-Kunsill fir-rigward tal-prestazzjoni tal-kumpaniji

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill Nru 2009/16/KE tal-Parlament Ewropew u tal-Kunsill tat-23 ta’ April 2009 dwar il-kontroll tal-Istat tal-Port (1), u b’mod partikolari l-Artikolu 10(3) u l-Artikolu 27 tagħha,

Billi:

(1)	Il-prestazzjoni tal-kumpanija hija waħda mill-parametri ġeneriċi li tiddetermina l-profil tar-riskju ta’ bastiment.

(2)	Bil-għan li tiġi determinata l-prestazzjoni tal-kumpaniji skont it-tifsira tad-Direttiva Nru 2009/16/KE, hemm bżonn li, meta ssir spezzjoni ta’ bastiment, l-ispetturi jirreġistraw in-numru tal-IMO li jkun ġie assennjat lil kumpanija.

(3)

Sabiex tkun ivvalutata l-prestazzjoni tal-kumpanija, għandhom jitqiesu n-nuqqasijiet u r-rati ta’ detenzjoni tal-bastimenti kollha li jinsabu fil-flotta ta’ kumpanija li jkunu suġġetti għal spezzjoni fil-Komunità u fir-reġjun kopert mill-Memorandum ta’ Ftehim ta’ Pariġi dwar il-kontroll tal-Istat tal-Port (Paris MOU).

(4)	Huwa neċessarju li wieħed jiżviluppa l-għarfien espert miksub mill-applikazzjoni tal-MOU ta’ Pariġi f’dak li jirrigwarda l-metodoloġija użata sabiex tiġi vvalutata l-prestazzjoni tal-kumpanija.

(5)	Il-Kummissjoni għandha toqgħod fuq l-Aġenzija Ewropea għas-Sigurtà Marittima stabbilita bir-Regolament (KE) Nru 1406/2002 tal-Parlament Ewropew u l-Kunsill (2) għall-pubblikazzjoni tal-lista ta’ kumpaniji bi prestazzjoni baxxa jew baxxa ħafna fuq sit tal-Internet pubbliku.

(6)	Il-miżuri previsti f’dan ir-Regolament huma skont l-opinjoni tal-Kumitat dwar Ibħra Sikuri u l-Prevenzjoni ta’ Tniġġis minn Vapuri,

ADOTTAT DAN IR-REGOLAMENT:

Artikolu 1

Identifikazzjoni ta’ kumpaniji

L-Istati Membri għandhom jiżguraw li l-kumpanija kif definita fl-Artikolu 1(18) tad-Direttiva 2209/16/KE tkun identifikata permezz tan-numru IMO meta l-bastimenti għandhom ikunu konformi mal-Kodiċi Internazzjonali dwar l-Amministrazzjoni tas-Sikurezza (ISM) kif imsemmi fil-Kapitolu IX tal-Konvenzjoni Internazzjonali għas-Sikurezza tal-Ħajja fuq il-Baħar, 1974 (il-Konvenzjoni SOLAS).

Artikolu 2

Kriterji għall-valutazzjoni tal-prestazzjoni tal-kumpaniji

1.   Bil-għan li tiġi valutata l-prestazzjoni tal-kumpanija msemmija fil-punt (e) tal-Parti I.1 tal-Anness I, tad-Direttiva Nru 2009/16/KE, għandom jintużaw il-kriterji stabbiliti fl-Anness għal dan ir-Regolament.

2.   Il-livell tal-prestazzjoni tal-kumpanija għandu jiġi aġġornat kuljum u kkalkulat abbażi tas-36 xahar ta’ qabel il-valutazzjoni. Għal dik ir-raġuni l-kalkolu għandu jiġi bbażat fuq dejta miġbura mis-17 ta’ Ġunju 2009. Fil-każ li ma jkunux għaddew 36 xahar mis-17 ta’ Ġunju 2009, il-kalkolu għandu jsir abbażi tad-dejta disponibbli.

3.   Il-kumpaniji għandhom ikunu kklassifikati bħala li għandhom prestazzjoni baxxa ħafna, baxxa, medja jew għolja kif imniżżel fil-punt 3 tal-Anness.

Artikolu 3

Lista ppubblikata ta’ kumpaniji bi prestazzjoni baxxa u baxxa ħafna

1.   Il-Kummissjoni għandha tiġi mgħejjuna mill-Aġenzija Ewropea għas-Sigurtà Marittima (EMSA) bil-għan li jkun hemm pubblikazzjoni regolari tal-lista fuq sit pubbliku tal-informazzjoni dwar il-kumpaniji bi prestazzjoni baxxa u baxxa ħafna skont l-Artikolu 27 tad-Direttiva Nru 2009/16/KE.

2.   EMSA għandha tippubblika u taġġorna l-informazzjoni li ġejja kuljum fuq is-sit pubbliku:

(a)	il-lista tal-kumpaniji li l-prestazzjoni tagħhom waqt is-36 xahar ta’ qabel kienet baxxa ħafna, għal perjodu ta’ għall-anqas tliet xhur fuq bażi kontinwa;

(b)	il-lista tal-kumpaniji li l-prestazzjoni tagħhom waqt is-36 xahar ta’ qabel kienet tvarja bejn baxxa u baxxa ħafna, għal perjodu ta’ għall-anqas tliet xhur fuq bażi kontinwa;

(c)	il-lista tal-kumpaniji li l-prestazzjoni tagħhom waqt is-36 xahar ta’ qabel kienet baxxa ħafna, għal perjodu ta’ għall-anqas sitt xhur fuq bażi kontinwa.

Artikolu 4

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara dak tal-publikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 Jannar 2011.

---

(1)  ĠU L 131, 28.5.2009, p. 57.

(2)  ĠU L 208, 5.8.2002, p. 1.

---

---

14.9.2010

MT

Il-Ġurnal Uffiċjali tal-Unjoni Ewropea

L 241/8

---

REGOLAMENT TAL-KUMMISSJONI (UE) Nru 803/2010

tat-13 ta’ Settembru 2010

li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,

Billi:

Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,

ADOTTAT DAN IR-REGOLAMENT:

Artikolu 1

Il-valuri fissi tal-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fl-14 ta’ Settembru 2010.

---

(1)  ĠU L 299, 16.11.2007, p. 1.

(2)  ĠU L 350, 31.12.2007, p. 1.

---

---

14.9.2010

MT

Il-Ġurnal Uffiċjali tal-Unjoni Ewropea

L 241/10

---

REGOLAMENT TAL-KUMMISSJONI (UE) Nru 804/2010

tat-13 ta’ Settembru 2010

li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti bir-Regolament (KE) Nru 877/2009 għas-sena tas-suq 2009/10

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam mal-iskambji mal-pajjiżi terzi fis-settur taz-zokkor (2), u b'mod partikolari l-Artikolu 36(2), it-tieni subparagrafu, it-tieni sentenza tiegħu,

Billi:

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2009/10 ġew stabbiliti bir-Regolament tal-Kummissjoni (KE) Nru 877/2009 (3). Dawn il-prezzijiet u dazji ġew emendati l-aħħar mir-Regolament tal-Kummissjoni (UE) Nru 800/2010 (4).

(2)	L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006,

ADOTTAT DAN IR-REGOLAMENT:

Artikolu 1

Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti bir-Regolament (KE) Nru 877/2009 għas-sena tas-suq 2009/10, huma b'dan mmodifikati skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fl-14 ta’ Settembru 2010.

---

(1)  ĠU L 299, 16.11.2007, p. 1.

(2)  ĠU L 178, 1.7.2006, p. 24.

(3)  ĠU L 253, 25.9.2009, p. 3.

(4)  ĠU L 240, 11.9.2010, p. 3.

---

---

14.9.2010

MT

Il-Ġurnal Uffiċjali tal-Unjoni Ewropea

L 241/12

---

DEĊIŻJONI TAL-KUNSILL

tas-7 ta’ Settembru 2010

li temenda d-Deċiżjoni 2010/320/UE indirizzata lill-Greċja bil-ħsieb li ssaħħaħ u tapprofondixxi s-sorveljanza fiskali u li tagħti notifika lill-Greċja biex jittieħdu miżuri għat-tnaqqis tal-iżbilanċ meqjusa bħala meħtieġa biex tissewwa l-qagħda ta’ żbilanċ eċċessiv

(2010/486/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea (TFUE), u b’mod partikolari l-Artikolu 126(9) u l-Artikolu 136 tiegħu,

Wara li kkunsidra r-rakkomandazzjoni tal-Kummissjoni Ewropea,

Billi:

(1)	L-Artikolu 136(1)(a) TFUE jipprevedi l-possibbiltà ta’ adozzjoni ta’ miżuri speċifiċi għall-Istati Membri li jkollhom l-euro bħala l-munita tagħhom bil-ħsieb li jissaħħu l-koordinazzjoni u s-sorveljanza tad-dixxiplina baġitarja tagħhom.

(2)

L-Artikolu 126 TFUE jistabbilixxi li l-Istati Membri għandhom jevitaw żbilanċi eċċessivi tal-gvern u jistipula l-proċedura ta’ żbilanċ eċċessiv għal dak l-għan. Il-Patt ta’ Stabbiltà u Tkabbir, li fit-taqsima korrettiva tiegħu jimplimenta l-proċedura ta’ żbilanċ eċċessiv, jipprovdi l-qafas li jirfed il-politiki tal-gvern biex ireġġgħu minnufih pożizzjonijiet baġitarji sodi b’kont meħud tal-qagħda ekonomika.

(3)	Fis-27 ta’ April 2009, il-Kunsill iddeċieda, skont l-Artikolu 104(6) tat-Trattat li jistabbilixxi l-Komunità Ewropea, li kien jeżisti żbilanċ eċċessiv fil-Greċja.

(4)

Fl-10 ta’ Mejju 2010, il-Kunsill adotta d-Deċiżjoni 2010/320/UE indirizzata lill-Greċja bil-ħsieb li ssaħħaħ u tapprofondixxi s-sorveljanza fiskali u li tagħti notifika lill-Greċja biex jittieħdu miżuri għat-tnaqqis tal-iżbilanċ meqjusa bħala meħtieġa biex tissewwa l-qagħda ta’ żbilanċ eċċessiv (1) (minn hawn ‘il quddiem “id-Deċiżjoni”). Id-Deċiżjoni stabbilixxiet l-iskadenza tal-2014, mill-iktar tard, sabiex il-Greċja tikkonforma magħha. Il-Kunsill stabbilixxa r-rotta li ġejja għall-korrezzjoni tal-iżbilanċ: żbilanċi tal-gvern li ma jaqbżux it-8 % tal-PDG fl-2010, 7,6 % tal-PDG fl-2011, 6,5 % tal-PDG fl-2012, 4,9 % tal-PDG fl-2013, u 2,6 % tal-PDG fl-2014.

(5)

Skont il-previżjonijiet disponibbli meta l-Kunsill adotta d-Deċiżjoni, il-PDG reali kien mistenni li jiċkien b’4 % fl-2010 u 2,6 % fl-2011, u jirkupra wara, b’rati ta’ tkabbir ta’ 1,1 % fl-2012, u 2,1 % fl-2013 u l-2014. Id-deflator tal-PDG kien mistenni li jkun 1,2 %, – 0,5 %, 1,0 %, 0,7 % u 1,0 % mill-2010 sal-2014, rispettivament. Fid-dawl tal-iżviluppi ekonomiċi sadanittant, ir-rati tat-tkabbir tal-PDG reali msemmija qabel, jibqgħu xenarju ċentrali b’riskji pożittivi u negattivi bbilanċjati, filwaqt li d-deflator issa huwa previst li jkun sostanzjalment ogħla għas-snin inizjali: 3½ %, 1¼ % u ½ % mill-2010 sal-2012.

(6)

Il-Greċja għamlet progress tajjeb fl-implimentazzjoni tal-miżuri mitluba mid-Deċiżjoni. F’diversi oqsma, il-miżuri ttieħdu qabel ir-rekwiżiti. Dan kien il-każ, b’mod partikolari, fil-qasam tar-riforma tal-pensjonijiet, ir-riforma tal-amministrazzjoni lokali u l-pubblikazzjoni tad-data kull xahar dwar l-introjtu u n-nefqa tal-istat. Madankollu, għad hemm il-ħtieġa ta’ għadd ta’ aġġustamenti f’kull wieħed minn dawn l-oqsma.

(7)	Fis-6 ta’ Awwissu 2010, il-Greċja ppreżentat lill-Kunsill u l-Kummissjoni rapport li jiddeskrivi fil-qosor il-miżuri ta’ politika li ttieħdu biex jikkonformaw mad-Deċiżjoni. Il-Kummissjoni vvalutat ir-rapport u kkonkludiet li l-Greċja qed tikkonforma b’mod sodisfaċenti mad-Deċiżjoni.

(8)	Fid-dawl tal-konklużjonijiet ta’ hawn fuq, jidher xieraq li tiġi riveduta d-Deċiżjoni minn għadd ta’ aspetti, filwaqt li jitħalla kif inhu l-limitu ta’ żmien għall-korrezzjoni tal-iżbilanċ eċċessiv u r-rotta rispettiva ta’ aġġustament tal-iżbilanċ u d-dejn tal-gvern.

ADOTTA DIN ID-DEĊIŻJONI:

Artikolu 1

Id-Deċiżjoni 2010/320/UE hija emendata kif ġej:

(1)

Fl-Artikolu 2(2), il-punt (a) huwa sostitwit b’dan li ġej: “(a) miżuri ta’ konsolidazzjoni fiskali li jammontaw mill-inqas għal 3,2 % tal-PDG (4,3 % tal-PDG jekk jittieħed kont tal-ammonti ttrasferiti mill-miżuri implimentati fl-2010) li għandhom jiġu inklużi fl-abbozz tal-baġit għall-2011: tnaqqis fil-konsum intermedju tal-gvern ġenerali mill-inqas ta’ EUR 300 miljun meta mqabbel mal-livel tal-2010 (li jiżdied mat-tfaddil mir-riforma tal-amministrazzjoni pubblika u l-gvern lokali msemmi f’dan il-paragrafu); iffriżar fl-aġġustamenti tal-pensjonijiet (bil-għan li jitfaddlu EUR 100 miljun); tariffa temporanja ta’ kriżi fuq intrapriżi bi profittabbiltà għolja (li trendi mill-inqas EUR 600 miljun f’introjtu addizzjonali kull sena fl-2011, l-2012 u l-2013); tassazzjoni preżuntiva tal-professjonisti (li trendi mill-inqas EUR 400 miljun fl-2011 u introjti miżjuda mill-inqas b’EUR 100 miljun fis-sena fl-2012 u l-2013); twessigħ tal-bażi tal-VAT biex tinkludi ċerti servizzi li bħalissa huma eżenti u permezz tat-trasferiment ta’ 30 % tal-oġġetti u s-servizzi mir-rata mnaqqsa għar-rata ewlenija (li trendi EUR 1 biljun); taxxa ambjentali gradwali fuq l-emissjonijiet tas-CO2 (li trendi mill-inqas EUR 300 miljun fl-2011); l-implimentazzjoni mill-Gvern tal-leġiżlazzjoni li tirriforma l-amministrazzjoni pubblika u organizzazzjoni mill-ġdid tal-gvern lokali (bl-iskop li jitnaqqsu l-ispejjeż mill-inqas b’EUR 500 miljun fl-2011, u EUR 500 miljun addizzjonali kull sena fl-2012 u l-2013); tnaqqis f’investimenti ffinanzjati domestikament (mill-inqas b’EUR 500 miljun) billi tingħata prijorità lill-proġetti ta’ investiment iffinanzjati mill-fondi strutturali tal-UE, inċentivi biex jiġi regolarizzat il-ksur tal-liġi fl-użu tal-art (li jrendu mill-inqas EUR 1 500 miljun mill-2011 sal-2013, li minnhom mill-inqas EUR 500 miljun fl-2011); ġabra ta’ introjtu mil-liċenzjar tal-logħob tal-ażżard (mill-inqas EUR 500 miljun f’bejgħ ta’ liċenzji u EUR 200 miljun fi drittijiet annwali); twessigħ tal-bażi tat-taxxa fuq il-proprjetà billi jiġu aġġornati l-valuri tal-assi (biex irendi mill-inqas EUR 400 miljun introjtu addizzjonali); tassazzjoni miżjuda tal-pagi in natura, inkluż billi jiġu intaxxati l-pagamenti tal-leasing tal-karozzi (mill-inqas b’EUR 150 miljun); tassazzjoni miżjuda tal-oġġetti ta’ lussu (mill-inqas b’EUR 100 miljun); taxxa speċjali fuq stabbilimenti mhux awtorizzati (biex trendi mill-inqas EUR 800 miljun kull sena) u sostituzzjoni ta’ 20 % biss tal-impjegati li jirtiraw fis-settur pubbliku (il-gvern ċentrali, il-gvernijiet lokali, il-fondi tas-sigurtà soċjali, il-kumpaniji pubbliċi, l-aġenziji statali u istituzzjonijiet pubbliċi oħra). Miżuri li jrendu tfaddil baġitarju kumparabbli jistgħu jiġu kkunsidrati wara konsultazzjoni mal-Kummissjoni;”.

(2)	Fl-Artikolu 2(2), il-punt (b) tħassar.

(3)	Fl-Artikolu 2(2), il-punt (f) huwa sostitwit b’dan li ġej: “(f) it-tnedija ta’ reviżjonijiet indipendenti tal-amministrazzjoni ċentrali u tal-programmi soċjali eżistenti;”.

(4)

Fl-Artikolu 2(2), qed jiżdiedu l-punti li ġejjin: “(j) l-istabbiliment ta’ reġistru ċentrali komprensiv għall-intrapriżi pubbliċi; (k) pjan ta’ azzjoni bi skeda għal azzjonijiet konkreti li jwasslu għall-ħolqien ta’ awtorità ċentrali tal-akkwisti pubbliċi; (l) att li jistabbilixxi limitu massimu ta’ EUR 50 miljun għall-kontribuzzjoni tal-obbligu tas-servizz pubbliku mill-gvern ġenerali lill-operaturi tal-ferroviji għall-perijodu 2011-2013 u li jistabbilixxi l-prinċipju li l-Istat ma jagħti l-ebda appoġġ addizzjonali espliċitu jew impliċitu lill-operaturi tal-ferroviji; (m) pjan ekonomiku għall-ferroviji Griegi. Il-pjan ekonomiku jispeċifika l-mod kif l-attivitajiet operattivi se jsiru profittabbli, inkluża l-kopertura tal-ispejjeż tad-deprezzar, mill-2011 ’il hemm, inkluż billi jingħalqu rotot li qed jagħmlu t-telf, billi jiżdiedu t-tariffi u jitnaqqsu l-pagi u l-livell ta’ impjegati; jipprovdi analiżi dettaljata tas-sensittività dwar l-implikazzjoni għall-ispejjeż tal-pagi ta’ xenarji varji għar-riżultat tal-ftehim kollettiv u jipprovdi informazzjoni dwar alternattivi differenti fir-rigward tal-persunal; u jipprevedi r-ristrutturar tal-holding company, inkluż il-bejgħ tal-art jew ta’ assi oħra;”.

(5)	Fl-Artikolu 2(2), qed jiżdied punt (n) ġdid, bil-formulazzjoni tal-punt (c) tal-Artikolu 2(3).

(6)

Fl-Artikolu 2(2), qed jiżdiedu l-punti li ġejjin: “(o) riforma tal-leġislazzjoni dwar il-ħarsien tal-impjiegi biex il-perijodu ta’ żmien ta’ prova għal xogħolijiet ġodda jiġi estiż għal sena, u biex jiġi ffaċilitat użu akbar ta’ kuntratti temporanji u xogħol part-time; (p) emenda tar-regolamentazzjoni tas-sistema ta’ arbitraġġ sabiex kull parti tkun tista’ tirrikorri għall-arbitraġġ jekk ma tkunx taqbel mal-proposta tal-medjatur; (q) riforma tal-proċedura ta’ arbitraġġ sabiex jiġi żgurat li hija topera skont kriterji trasparenti oġġettivi, b’kumitat indipendenti ta’ arbitraturi, b’kapaċità ta’ teħid ta’ deċiżjonijiet, liberu minn indħil tal-gvern.”.

(7)	Fl-Artikolu 2(3), il-punt (a) huwa sostitwit b’dan li ġej: “(a) l-adozzjoni finali tal-miżuri msemmija fil-paragrafu 2(a);”.

(8)	Fl-Artikolu 2(3), il-punt (c) għandu jsir il-punt (n) tal-Artikolu 2(2).

(9)	Fl-Artikolu 2(3), il-punti (d), (e) u (h) huma mħassra.

(10)

Fl-Artikolu 2(3), qed jiżdiedu l-punti li ġejjin: “(m) att li jipprojbixxi l-gvernijiet lokali milli jkollhom żbilanċi mill-inqas sal-2014; (n) pubblikazzjoni ta’ previżjonijiet li jifirxu fuq medda twila ta’ żmien tal-infiq fuq il-pensjonijiet sal-2060 kif stabbilit fir-riforma leġislattiva ta’ Lulju 2010 li tkopri l-iskemi ewlenin tal-pensjoni (IKA, inkluża l-iskema tal-pensjoni għall-ħaddiema taċ-ċivil, OGA u OAEE); (o) it-tfittxija ta’ assistenza teknika minn esperti internazzjonali dwar diversi aspetti tal-effiċjenza u l-effettività tas-sistema tas-saħħa u l-ġestjoni tal-isptarijiet, bil-għan tat-tisħiħ tal-effiċjenza u t-tnaqqis tal-ħela; (p) l-infurzar tal-ħlas ta’ EUR 3 għal servizzi regolari tal-outpatients fl-isptarijiet pubbliċi.”

(11)

Fl-Artikolu 2(4), jiżdied il-punt li ġej: “(b) pubblikazzjoni ta’ previżjonijiet komprensivi li jifirxu fuq medda twila ta’ żmien tan-nefqa fuq il-pensjonijiet sal-2060 kif stabbilit fir-riforma leġislattiva ta’ Lulju 2010. Il-previżjonijiet għandhom jinkludu l-iskemi (awżiljari) supplementarji, abbażi ta’ sett komprensiv ta’ data miġbura u elaborata mill-Awtorità Attwarjali Nazzjonali. Il-Kumitat tal-Politika Ekonomika għandu jagħmel analiżi inter pares u jivvalida l-previżjonijiet.”.

(12)	Fl-Artikolu 2(5), il-punt (b) huwa sostitwit b’dan li ġej: “(b) miżuri li jimplimentaw il-konklużjonijiet tal-ewwel fażi tal-analiżi funzjonali indipendenti tal-amministrazzjoni ċentrali u l-programmi soċjali;”.

(13)

Fl-Artikolu 2(5), qed jiżdiedu l-punti li ġejjin: “(d) att li jirrevedi l-parametri ewlenin tas-sistema tal-pensjonijiet sabiex tiġi limitata ż-żieda fin-nefqa tas-settur pubbliku fuq il-pensjonijiet matul il-perijodu 2010-2060 għal inqas minn 2,5 % tal-PDG, jekk il-previżjonijiet li jifirxu fuq medda twila ta’ żmien previsti fil-paragrafi 3(n) u 4(b) juru li ż-żieda prevista fin-nefqa pubblika tal-pensjonijiet tkun ser taqbeż dan l-ammont; (e) reviżjoni tat-tħaddim ta’ skemi pubbliċi tal-pensjonijiet supplementari/awżiljari bil-għan li tiġi stabbilizzata n-nefqa u tiġi ggarantita n-newtralità baġitarja ta’ dawk l-iskemi; (f) reviżjoni tal-lista ta’ professjonijiet intensivi u diffiċli biex titnaqqas il-kopertura għal mhux iktar minn 10 % tal-forza tax-xogħol; il-lista l-ġdida ta’ impjiegi diffiċli u perikolużi għandha tapplika b’effett mill-1 ta’ Lulju 2011 għall-impjegati attwali u futuri kollha; (g) l-implimentazzjoni tar-riforma tas-sistema ta’ akkwist pubbliku, kif definit fil-pjan ta’ azzjoni.”.

(14)	Fl-Artikolu 2(7), qed jiżdied il-punt li ġej: “(c) miżuri li jimplimentaw il-konklużjonijiet tat-tieni fażi tar-reviżjonijiet funzjonali indipendenti tal-amministrazzjoni ċentrali u l-programmi soċjali.”.

(15)	Fl-Artikolu 4(2), il-punt (g) huwa sostitwit b’dan li ġej: “(g) nefqa tal-gvern fl-istennija tal-ħlas, bl-ispeċifikazzjoni ta’ dawk li skaditilhom id-data meta kienu dovuti;”.

Artikolu 2

Din id-Deċiżjoni għandha tieħu effett fil-jum tan-notifika tagħha.

Artikolu 3

Din id-Deċiżjoni hija indirizzata lir-Repubblika Ellenika.

---

(1)  ĠU L 145, 11.6.2010, p. 6.

---