26.5.2010   

MT

Il-Ġurnal Uffiċjali tal-Unjoni Ewropea

L 127/1

(1)

Fl-2008 ġie konkluż Ftehim fil-forma ta’ Skambju ta’ Ittri bejn il-Komunità Ewropea u r-Repubblika Għarbija tal-Eġittu li jittratta miżuri reċiproċi ta’ liberalizzazzjoni fuq prodotti agrikoli, prodotti agrikoli pproċessati u l-ħut u prodotti tas-sajd, u s-sostituzzjoni tal-Protokolli 1 u 2 u l-annessi u l-emendi tagħhom għall-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq in-naħa l-waħda, u r-Repubblika Għarbija tal-Eġittu, fuq in-naħa l-oħra, minn hawn ‘il quddiem imsejjaħ ‘il-Ftehim’, li ġie approvat bid-Deċiżjoni tal-Kunsill 2010/240/UE (2).

(2)

Il-Ftehim jipprovdi għal kwoti ġodda ta’ tariffi għal prodotti agrikoli u prodotti agrikoli pproċessati li joriġinaw mill-Eġittu. Il-Ftehim jipprovdi għal tibdiliet fil-kwoti tariffarji eżistenti għal dawk il-prodotti li huma stipulati fir-Regolament (KE) Nru 747/2001, ir-Regolament tal-Kummissjoni (KE) Nru 2276/2003 tat-22 ta’ Diċembru 2003 li jiftaħ kwoti ta’ tariffi u jistabbilixxi d-dazji applikabbli fi ħdan dawn il-kwoti ta’ tariffi għall-importazzjoni fil-Komunità Ewropea ta’ ċerti prodotti agrikoli proċessati li joriġinaw fl-Eġittu (3), ir-Regolament tal-Kummissjoni (KE) Nru 955/2005 tat-23 ta’ Ġunju 2005 li jiftaħ kwota ta’ importazzjoni tal-Komunità għal ross li joriġina mill-Eġittu (4), ir-Regolament tal-Kummissjoni (KE) Nru 1002/2007 tad-29 ta’ Awwissu 2007 li jistipula regoli dettaljati għall-applikazzjoni tar-Regolament tal-Kunsill (KE) Nru 2184/96 li jikkonċerna l-importazzjonijiet fil-Komunità tar-ross li joriġina u ġej mill-Eġittu (5) u r-Regolament tal-Kummissjoni (KE) Nru 1455/2007 tal-10 ta’ Diċembru 2007 li jiftaħ ċerti kwoti tal-importazzjoni tal-Komunità għal ross li joriġina fl-Eġittu (6).

(3)

Huwa neċessarju li jiġu implimentati l-kwoti tariffarji l-ġodda u t-tibdiliet għall-kwoti tariffarji eżistenti pprovduti fil-Ftehim. Għal raġunijiet ta’ ċarezza, ikun xieraq i l-kwoti tariffarji għal prodotti agrikoli u prodotti agrikoli pproċessati li joriġinaw mill-Eġittu jinġabru f’att leġiżlattiv uniku.

(4)

Ir-Regolament (KE) Nru 747/2001 għandu għalhekk jiġi emendat f’dak is-sens u r-Regolamenti (KE) Nru 2276/2003, (KE) Nru 955/2005, (KE) Nru 1002/2007 (KE) Nru 1455/2007 għandhom għalhekk jitħassru.

(5)

Il-liċenzji tal-importazzjoni skont ir-Regolament (KE) Nru 955/2005 u r-Regolament (KE) Nru 1002/2007 huma validi mid-data tal-ħruġ tagħhom sal-aħħar tax-xahar ta’ wara. Meta l-perjodu ta’ validità għal-liċenzji ta’ importazzjoni maħruġa skont ir-Regolamenti qabel id-dħul fis-seħħ ta’ dan ir-Regolament jiskadi wara d-data tat-tħassir ta’ dawk ir-Regolamenti, l-importaturi ma jkunux jistgħu jibqgħu konformi mal-obbligi relatati mal-liċenzji tal-importazzjoni. L-Istati Membri għandhom għalhekk f’każi bħal dawn jitħallew japplikaw id-deroga mir-Regolament tal-Kummissjoni (KE) Nru 376/2008 tat-23 ta’ April 2008 li jistabbilixxi regoli dettaljati komuni għall-applikazzjoni tas-sistema tal-liċenzji tal-importazzjoni u tal-esportazzjoni u ta’ ċertifikati ta’ iffissar bil-quddiem għal prodotti agrikoli (7), u biex tkun rilaxxata s-sigurtà mitluba mill-importaturi. Fl-interess taċ-ċarezza għandu jkun ipprovdut ukoll li l-liċenzji tal-importazzjoni maħruġa wara li jkun daħal fis-seħħ dan ir-regolament skont ir-Regolament (KE) Nru 955/2005 u r-Regolament (KE) Nru 1002/2007 għandhom ikunu validi biss sad-data li fiha jitħassru dawk ir-Regolamenti.

(6)

Għall-fini tal-kalkolu tal-kwoti tat-tariffi għall-ewwel sena tal-applikazzjoni, skont il-Ftehim, għandu jiġi pprovdut li l-kwantitajiet tal-kwoti tat-tariffi li għalihom il-perjodu tal-kwota jibda qabel id-dħul fis-seħħ tal-Ftehim, għandu jitnaqqas proporzjonalment skont dik il-parti tal-perjodu li tkun għaddiet qabel id-data.

(7)

Minħabba li l-Ftehim jidħol fis-seħħ fl-1 ta’ Ġunju 2010, dan ir-Regolament għandu japplika minn dik id-data. Madanakollu, fl-interess taċ-ċertezzi legali, id-dispożizzjonijiet dwar il-validità tal-liċenzji maħruġa qabel din id-data għandhom japplikaw immedjatament.

(8)

Il-miżuri previsti f’dan ir-Regolament huma konformi mal-opinjoni tal-Kumitat tal-Kodiċi Doganali,

26.5.2010   

MT

Il-Ġurnal Uffiċjali tal-Unjoni Ewropea

L 127/8

(1)

L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dak ir-Regolament.

(2)

Fil-11 ta’ Mejju 2010, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jżid żewġ persuni naturali fil-lista ta' persuni, gruppi u entitajiet li għalihom għandu japplika l-iffriżar ta' fondi u riżorsi ekonomiċi u li jemenda żewġ entrati fil-lista.

(3)

L-Anness I tar-Regolament (KE) Nru 881/2002 għandu għalhekk jiġi emendat skont dan.

(4)

Biex jiġi żgurat li l-miżuri previsti f'dan ir-Regolament ikunu effettivi, dan ir-Regolament għandu jidħol fis-seħħ minnufih,

26.5.2010   

MT

Il-Ġurnal Uffiċjali tal-Unjoni Ewropea

L 127/10

26.5.2010   

MT

Il-Ġurnal Uffiċjali tal-Unjoni Ewropea

L 127/12

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2009/10 ġew stabbiliti bir-Regolament tal-Kummissjoni (KE) Nru 877/2009 (3). Dawn il-prezzijiet u dazji ġew emendati l-aħħar mir-Regolament tal-Kummissjoni (UE) Nru 427/2010 (4).

(2)

L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006,

26.5.2010   

MT

Il-Ġurnal Uffiċjali tal-Unjoni Ewropea

L 127/14

(1)

Skont l-Artikolu 10(3) tal-Azzjoni Konġunta 2009/709/PESK, il-Kunsill awtorizza lill-Kumitat Politiku u ta’ Sigurtà (KPS) biex jieħu d-deċiżjonijiet rilevanti dwar l-istabbiliment ta’ Kumitat ta’ Kontributuri (KtK) għal EUSECL RD Congo.

(2)

Il-Konklużjonijiet tal-Kunsill Ewropew ta’ Göteborg tal-15 u s-16 ta’ Ġunju 2001 stabbilixxew prinċipji ta’ gwida u modalitajiet għall-kontributi ta’ Stat terz lill-missjonijiet tal-pulizija. Fl-10 ta’ Diċembru 2002, il-Kunsill approva d-dokument intitolat “Konsultazzjonijiet u Modalitajiet għall-Kontributi ta’ Stati mhux fl-UE lill-operazzjonijiet ċivili tal-UE ta’ maniġġar ta’ kriżijiet”, li żviluppaw ulterjorment l-arranġamenti għall-parteċipazzjoni ta’ Stati terzi f’operazzjonijiet ċivili ta’ maniġġar ta’ kriżijiet, inkluż l-istabbiliment ta’ Kumitat ta’ Kontributuri.

(3)

Il-KtK ser ikollu rwol ewlieni fil-maniġġar ta’ kuljum ta’ EUSEC RD Congo. Huwa ser ikun il-forum prinċipali biex jiġu diskussi l-problemi kollha relatati mal-maniġġar ta’ kuljum tal-Missjoni. Il-KPS, li jeżerċita l-kontroll politiku u d-direzzjoni strateġika tal-Missjoni, għandu jieħu kont tal-fehmiet tal-KtK,

26.5.2010   

MT

Il-Ġurnal Uffiċjali tal-Unjoni Ewropea

L 127/16

(1)

Fit-12 ta’ Frar 2008, il-Kunsill adotta l-Azzjoni Konġunta 2008/112/PESK dwar il-missjoni tal-Unjoni Ewropea b’appoġġ għar-riforma tas-settur tas-sigurtà fir-Repubblika tal-Ginea Bissaw (EU SSR GUINEA BISSAU) (1). Dik l-Azzjoni Konġunta kellha tapplika sal-31 ta’ Mejju 2009.

(2)

Fit-18 ta’ Mejju 2009, il-Kunsill adotta l-Azzjoni Konġunta 2009/405/PESK (2), li emendat l-Azzjoni Konġunta 2008/112/PESK u estendietha sat-30 ta’ Novembru 2009. Fis-17 ta’ Novembru 2009 l-Kunsill adotta l-Azzjoni Konġunta 2009/841/PESK (3), li emendat l-Azzjoni Konġunta 2008/112/PESK u estendietha sal-31 ta’ Mejju 2010.

(3)

Fil-5 ta’ Frar 2010, il-Kumitat Politiku u ta’ Sigurtà (KPS) approva l-kontinwazzjoni tal-impenn tal-UE fir-Riforma tas-Settur tas-Sigurtà (RSS) fil-Ginea Bissaw u talab l-ippjanar ta’ missjoni ġdida tal-Politika ta’ Sigurtà u ta’ Difiża Komuni (PSDK) li tappoġġa l-implimentazzjoni tar-RSS.

(4)

Permezz ta’ ittra datata 22 ta’ Frar 2010, il-Prim Ministru tal-Ginea Bissaw stieden lir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà (RGħ) biex tniedi missjoni ġdida bil-mandat li jiġu pprovduti taħriġ, gwida u konsulenza biex tiġi żgurata kontinwazzjoni b’suċċess tal-proċess tar-RSS.

(5)

B’segwitu għall-avvenimenti tal-1 ta’ April 2010 u t-tnedija ta’ demarche politiku tal-UE fir-rigward tal-awtoritajiet tal-Ginea Bissaw, fit-30 ta’ April 2010 l-KPS qabel li, sabiex tiġi żgurata l-koerenza fl-istrumenti ta’ politika esterna tal-UE, il-mandat tal-EU SSR GUINEA-BISSAU għandu jiġi estiż sat-30 ta’ Settembru 2010 bil-ħsieb li tittieħed deċiżjoni finali dwar aktar impenn tal-PSDK fil-Ginea Bissaw sa Lulju 2010, abbażi ta’ eżami strateġiku u tal-iżviluppi fil-post. F’dan il-kuntest, il-KPS fakkar u afferma mill-ġdid il-pre-kondizzjonijiet għal aktar impenn tal-UE fil-qasam tal-SSR, inkluż r-rispett lejn il-prinċipji demokratiċi, id-drittijiet tal-bniedem u l-istat tad-dritt.

(6)

L-Azzjoni Konġunta 2008/112/PESK għandha tiġi emendata kif meħtieġ,

(1)

L-Artikolu 1(1) huwa sostitwit b’dan li ġej:

“1.   L-Unjoni Ewropea (UE) b’dan tistabbilixxi Missjoni tal-UE b’appoġġ għar-riforma tas-settur tas-sigurtà fir-Repubblika tal-Ginea Bissaw (minn hawn ‘il quddiem imsejħa ‘EU SSR GUINEA BISSAU’ jew il-‘Missjoni’), li tinkludi fażi ta’ tħejjija li tibda fis-26 ta’ Frar 2008 u b’fażi ta’ implimentazzjoni li tibda mhux aktar tard mill-1 ta’ Mejju 2008. It-tul ta’ żmien tal-Missjoni ser ikun sa 28 xahar mid-dikjarazzjoni tal-kapaċità operattiva inizjali.”;

(2)

L-Artikolu 9(1) huwa sostitwit b’dan li ġej:

“1.   L-ammont ta’ referenza finanzjarja biex jkopri n-nefqa relatata mal-Missjoni għall-perijodu mis-26 ta’ Frar 2008 sat-30 ta’ Novembru 2009 għandu jkun ta’ EUR 5 650 000.

L-ammont ta’ referenza finanzjarja biex jkopri n-nefqa relatata mal-Missjoni għall-perijodu mill-1 ta’ Diċembru 2009 sat-30 ta’ Ġunju 2010 għandu jkun ta’ EUR 1 530 000.

L-ammont ta’ referenza finanzjarja biex jkopri n-nefqa relatata mal-Missjoni għall-perijodu mill-1 ta’ Lulju 2010 sat-30 ta’ Settembru 2010 għandu jkun ta’ EUR 630 000”;

(3)

Fl-Artikolu 17, it-tieni paragrafu għandu jiġi sostitwit b’dan li ġej:

“Għandha tapplika sat-30 ta’ Settembru 2010.”

26.5.2010   

MT

Il-Ġurnal Uffiċjali tal-Unjoni Ewropea

L 127/18

(1)

Wara li fl-2002 ġie stabbilit qafas regolatorju għan-netwerks u s-servizzi tal-komunikazzonijiet elettroniċi f’konformità mad-Direttiva 2002/21/KE tal-Parlament Ewropew u tal-Kunsill tas-7 ta’ Marzu 2002 dwar kwadru regolatorju komuni għan-networks ta’ komunikazzjonijiet u servizzi elettroniċi (id-Direttiva Kwadru) (1), id-Direttiva 2002/19/KE tas-7 ta’ Marzu 2002 dwar l-aċċess għal, u l-interkonnessjoni ta’, networks ta’ komunikazzjonijiet elettroniċi u faċilitajiet assoċjati (id-Direttiva tal-Aċċess) (2), id-Direttiva 2002/20/KE tas-7 ta’ Marzu 2002 dwar l-awtorizzazzjoni ta’ networks u servizzi ta’ komunikazzjonijiet elettroniċi (id-Direttiva ta’ Awtorizzazzjoni) (3) u d-Direttiva 2002/22/KE tas-7 ta’ Marzu 2002 dwar servizz universali u d-drittijiet tal-utenti li jirrelataw ma’ networks u servizzi ta’ komunikazzjonijiet elettroniċi (id-Direttiva Servizz Universali) (4), il-Kummissjoni adottat id-Deċiżjoni 2002/627/KE (5), li tistabbilixxi grupp ta’ konsulenza tal-awtoritajiet regolatorji nazzjonali indipendenti dwar in-networks u s-servizzi ta’ komunikazzjonjiet elettroniċi imsejjaħ il-Grupp ta’ Regolaturi Ewropej għan-Networks u Servizzi ta’ Komunikazzjonijiet Elettroniċi (l-ERG).

(2)

L-ERG għamel kontribut pożittiv lejn il-prattika regolatorja konsistenti billi ffaċilita l-kooperazzjoni bejn l-awtoritajiet regolatorji nazzjonali (NRAs) u bejn l-NRAs u l-Kummissjoni u billi pprovda interfaċċja għall-forniment ta’ pariri u ta’ għajnuna lill-Kummissjoni fil-qasam tal-komunikazzjonijiet elettroniċi.

(3)

Il-qafas regolatorju tal-2002 għall-komunikazzjonijiet elettroniċi ġie emendat permezz tad-Direttiva 2009/140/KE tal-Parlament Ewroepw u tal-Kunsill (6), u bid-Direttiva 2009/136/KE tal-Parlament Ewropew u tal-Kunsill (7), u ġie ssupplimentat bir-Regolament (KE) Nru 1211/2009 tal-Parlament Ewropew u tal-Kunsill tal-25 ta’ Novembru 2009 li jistabbilixxi l-Korp ta’ Regolaturi Ewropej tal-Komunikazzjonijiet Elettroniċi (BEREC) u l-Uffiċċju (8).

(4)

Skont ir-Regolament (KE) Nru 1211/2009, ir-rwol li qabel kien moqdi mill-ERG huwa msaħħaħ u rikonoxxut aktar fil-qafas rivedut permezz tal-istabbiliment tal-BEREC innifsu u l-parteċipazzjoni mtejba fl-iżvilupp ta’ politika regolatorja kif ukoll fil-mekkaniżmi pprovduti biex tiġi żgurata l-applikazzjoni konsistenti tar-regoli madwar l-Istati Membri. B’mod partikolari, skont dak ir-Regolament, il-BEREC għandu jissostitwixxi l-ERG u jservi ta’ forum esklussiv għall-kooperazzjoni bejn l-NRAs u bejn l-NRAs u l-Kummissjoni, fl-eżerċizzju tal-firxa sħiħa tar-responsabbiltajiet tagħhom fil-qafas regolatorju tal-UE.

(5)

Id-Deċiżjoni 2002/627/KE għandha għalhekk tiġi mħassra,

26.5.2010   

MT

Il-Ġurnal Uffiċjali tal-Unjoni Ewropea

L 127/19

(1)

Ir-Regolament (KE) Nru 1760/2000 jistabbilixxi sistema għall-identifikazzjoni u r-reġistrazzjoni ta’ annimali bovini sabiex tiġi żgurata t-trasparenza tal-kundizzjonijiet għall-produzzjoni u t-tqegħid fis-suq taċ-ċanga u prodotti taċ-ċanga. Għal dak il-għan, ir-Regolament jeħtieġ lill-Istati Membri biex iwaqqfu bażijiet tad-dejta nazzjonali tal-bovini li jirreġistraw l-identità tal-annimal, l-azjendi kollha fit-territorju tagħhom u l-movimenti tal-annimali. Barra minn hekk, jimponi obbligazzjoni fuq il-gwardjani tal-annimali li jirrapportaw lill-awtorità kompetenti inter alia l-movimenti kollha lejn u mill-impriża, flimkien mad-dejta ta’ dawn l-avvenimenti, f’perjodu taż-żmien stabbilit mill-Istat Membru ta’ bejn tlieta u sebat ijiem minn meta jkun seħħ il-każ.

(2)

Ir-Regolament jipprovdi l-possibbiltà għall-Kummissjoni fuq talba tal-Istat Membru li jestendi dak il-perjodu massimu u li jiġu stabbiliti regoli speċjali li japplikaw għall-oqsma differenti tal-muntanji, ħaġa li saret permezz tad-Deċiżjoni tal-Kummissjoni 2001/672/KE li tistabbilixxi regoli speċjali applikabbli għall-movimenti ta’ annimali bovini meta mqiegħda jirgħu fis-sajf fl-oqsma tal-muntanji (2).

(3)

Skont il-premessa 4 tad-Deċiżjoni 2001/672/KE dawn ir-regoli speċjali għandhom jirriżultaw f’simplifikazzjoni rejali u għandhom jipprevedu biss dak li huwa assolutament neċessarju sabiex ikun garantit il-karattru kompletament operattiv tal-bażijiet tad-dejta nazzjonali tal-ifrat.

(4)

Id-Deċiżjoni 2001/672/KE tapplika għal movimenti bħal dawn matul il-perjodu mill-1 ta’ Mejju sal-15 ta’ Ottubru. L-esperjenza prattika bl-applikazzjoni ta’ dik id-Deċiżjoni wriet li f’xi żoni muntanjużi, il-movimenti lejn il-mergħat għas-sajf jibdew diġà f’April. L-ambitu tal-applikazzjoni tad-Deċiżjoni 2001/672/KE għandu għaldaqstant jiġi emendat biex jittieħed kont ta’ dak il-fatt.

(5)

Taħt ċerti kundizzjonijiet, l-annimali, li jiġu spustati minn azjendi differenti għall-istess żona muntanjuża ta’ mergħat għas-sajf, jaslu hemm fuq perjodu ta’ iktar minn sebat ijiem. Sabiex jitnaqqsu l-piżijiet amministrattivi bla bżonn, il-limiti ta’ żmien fid-Deċiżjoni 2001/672/KE għandhom għalhekk jiġu adattati sabiex jittieħed kont ta’ dak il-fatt prattiku mingħajr ma tkun kompromessa t-traċċabilità.

(6)

Id-Deċiżjoni 2001/672/KE għandha għalhekk tiġi emendata skont dan.

(7)

Il-miżuri previsti f’din id-Deċiżjoni huma skont l-opinjoni tal-Kumitat tal-Fondi Agrikoli,

1.

Fl-Artikolu 1 id-data l-“1 ta’ Mejju” hija sostitwita bil-“15 ta’ April”.

2.

L-Artikolu 2(4) għandu jiġi sostitwit b’dan li ġej:

“4.   L-informazzjoni li tinsab fil-lista msemmija fil-paragrafu 2 għandha tiġi riportata lill-awtorità kompetenti skont l-Artikolu 7(1) tar-Regolament (KE) Nru 1760/2000 fil-15-il jum wara d-data ta’ meta l-annimali kienu ttieħdu fil-mergħa.”