14.8.2009   

MT

Il-Ġurnal Uffiċjali tal-Unjoni Ewropea

L 210/1

14.8.2009   

MT

Il-Ġurnal Uffiċjali tal-Unjoni Ewropea

L 210/3

(1)

Ir-Regolament tal-Kummissjoni (KE) Nru 1296/2008 (2) jistabbilixxi regoli dettaljati għall-applikazzjoni ta’ kwoti tariffarji għall-importazzjoni tal-qamħirrum u s-sorgu fi Spanja u għall-importazzjoni tal-qamħirrum fil-Portugall.

(2)

Skont l-arranġamenti miftiehma fil-qafas tan-negozjati kummerċjali multilaterali tal-Uruguay Round, il-Komunità ntrabtet li, mis-sena tas-suq 1995/96, tapplika kwoti tariffarji, minn naħa, għall-importazzjoni fil-Portugall ta’ 500 000 tunnellata qamħirrum, u min-naħa l-oħra, għall-importazzjoni fi Spajna ta’ 2 miljun tunnellata qamħirrum u 300 000 tunnellata sorgu, u li tiftaħ, jekk ikun meħtieġ, sejħiet għall-offerti b'tariffa mnaqqsa.

(3)

Jixraq li jiġi ċċarat li l-implimentazzjoni ta’ dawk il-kwoti ma teħtieġx li tinħareġ sejħa għall-offerti.

(4)

Għaldaqstant, ir-Regolament (KE) Nru 1296/2008 għandu jiġi emendat.

(5)

Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni tal-organizazzjoni komuni tas-swieq agrikoli,

14.8.2009   

MT

Il-Ġurnal Uffiċjali tal-Unjoni Ewropea

L 210/4

(1)

Bl-ittra tas-17 ta’ April 1997, il-Kummissjoni rċeviet ilment mill-impriża Awstrijaka Lenzing AG, il-produttriċi prinċipali tal-Komunità tal-fibri viskużi, dwar numru ta’ miżuri mogħtija lill-kompetitriċi Spanjola tagħha Sociedad Nacional de Industrias y Aplicaciones de Celulosa Española SA (minn issa 'l quddiem, “SNIACE”).

(2)

Bl-ittra tas-7 ta’ Novembru 1997, il-Kummissjoni informat lill-Gvern Spanjol bid-Deċiżjoni tagħha li tibda l-proċedura stipulata fl-Artikolu 88(2) tat-Trattat.

(3)

Bid-Deċiżjoni 1999/395/KE (2) (minn issa 'l quddiem “id-Deċiżjoni tal-1998”, il-Kummissjoni kkunsidrat l-għajnuna mogħtija favur is-SNIACE mill-Fondo de Garantía Salarial (il-Fond ta' Garanzija tal-Pagi, minn issa 'l quddiem “FOGASA”) u mit-Tesorería General de la Seguridad Social (it-Teżor Ġenerali għas-Sigurtà Soċjali, minn issa 'l quddiem “TGSS”) bħala illegali u mhux kompatibbli mas-suq komuni għax il-ftehimiet tal-ħlas lura tad-dejn konklużi bejn is-SNIACE u l-FOGASA u l-ftehim għall-iskedar mill-ġdid konkluż bejn is-SNIACE u t-TGSS ma qablux mal-kondizzjonijiet tas-suq hekk kif ir-rati tal-imgħax applikati għall-ftehimiet kienu taħt ir-rati tas-suq. Din id-deċiżjoni negattiva ordnat lil Spanja biex tħeġġeġ lir-riċevitur iħallas lura l-għajnuna kontestata.

(4)

Fis-Sentenza tal-Qorti tal-Ġustizzja tal-Komunitajiet Ewropej tad-29 ta' April 1999 fil-Kawża C-342/96 Spanja v Il-Kummissjoni (minn issa 'l quddiem, “Tubacex”) (3), il-Qorti kkunsidrat li l-ftehimiet għall-iskedar mill-ġdid konklużi bejn it-TGSS u l-FOGASA ma kkostitwewx għajnuna mill-Istat hekk kif dawn l-istituzzjonijiet pubbliċi aġixxew bħalma kieku kien jaġixxi kreditur privat biex jirkupra l-ammonti dovuti lilu, dejjem jekk ir-rata ta’ mgħax kienet mill-inqas fuq l-istess livell tar-rata li kieku kien japplika kreditur privat (4) u li l-ftehim għall-iskedar mill-ġdid ma rriżultax fl-akkumulazzjoni ta' djun ġodda.

(5)

Fid-dawl tas-sentenza Tubacex, il-Kummissjoni ddeċidiet li tevalwa mill-ġdid id-Deċiżjoni tal-1998, hekk kif ikkunsidrat li l-konklużjonijiet tagħha kienu applikabbli għall-SNIACE. Konsegwentement, bl-ittra tas-16 ta’ Frar 2000, indirizzata lill-awtoritajiet Spanjoli, il-Kummissjoni ddeċidiet li tibda proċedura ta’ investigazzjoni formali (5) kif stipulat fl-ewwel subparagrafu tal-Artikolu 88(2) tat-Trattat biex tirrevoka b’mod parzjali d-Deċiżjoni tal-1998 (minn issa 'l quddiem “it-tieni bidu tal-proċedura”).

(6)

Bl-ittra tal-21 ta’ Marzu 2000, Spanja bagħtet il-kummenti tagħha lill-Kummissjoni dwar id-deċiżjoni li tirrigwarda t-tieni bidu tal-proċedura.

(7)

Fid-dawl tal-kummenti magħmula mill-Awtoritajiet Spanjoli u mill-partijiet interessati wara t-tieni bidu tal-proċedura, il-Kummissjoni, fl-20 ta’ Settembru 2000, itterminat il-proċedura ta’ investigazzjoni formali permezz tad-Deċiżjoni tal-Kummissjoni 2001/43/KE (6) (minn issa 'l quddiem, “id-Deċiżjoni tal-2000”), u kkonkludiet li l-miżuri mogħtija lill-SNIACE ma kkostitwewx għajnuna mill-Istat skont is-sentenza Tubacex. Id-Deċiżjoni tal-1998 ġiet emendata b’mod parzjali skont id-Deċiżjoni tal-2000, fejn l-ewwel paragrafu tal-Artikolu 1 ġie sostitwit u l-Artikolu 2 ġie revokat.

(8)

Fid-Deċiżjoni tagħha tal-2000, il-Kummissjoni kkunsidrat li l-kredituri pubbliċi, billi applikaw ir-rata ta’ mgħax legali, fittxew li jimmassimizzaw il-prospettivi tagħhom li jirkupraw is-somom dovuti lilhom mingħajr ma jsofru l-ebda telf finanzjarju. Fl-opinjoni tal-Kummissjoni, “Spanja aġixxiet vis-à-vis is-SNIACE bħalma kieku kien jaġixxi kreditur privat ipotetiku.” (7)

(9)

Fid-dawl tad-Deċiżjoni tal-2000, l-impriża Lenzing għamlet kawża kontra d-Deċiżjoni tal-2000 quddiem il-Qorti tal-Prim’ Istanza.

(10)

Il-Qorti tal-Prim’ Istanza annullat id-Deċiżjoni tal-2000 fis-sentenza tagħha tal-21 ta’ Ottubru fil-Kawża T-36/99 (8) għax il-Kummissjoni għamlet żball evidenti ta’ valutazzjoni meta applikat it-test tal-imġiba tal-kreditur privat għall-kreditur pubbliku. Il-Qorti tal-Ġustizzja kkonfermat is-sentenza tal-Qorti tal-Prim’ Istanza (9).

(11)

Bħala riżultat tal-annullament, it-tieni proċedura ta’ investigazzjoni formali għadha miftuħa.

(12)

Bl-ittri tat-3 ta’ Diċembru 2004, tat-13 ta’ Mejju 2005, tat-18 ta’ Lulju 2005 u tas-7 ta’ Awwissu 2008, il-Kummissjoni talbet informazzjoni ulterjuri mill-awtoritajiet Spanjoli, li kienet provduta bl-ittri tat-28 ta’ Frar 2005, tal-4 ta’ Lulju 2005, tad-29 ta’ Settembru 2005, tal-10 ta’ Settembru 2008 u tal-15 ta’ Settembru 2008.

(13)

Il-benefiċjarja tal-miżuri hi s-SNIACE, impriża li ġiet stabbilita fl-1939. L-impriża tipproduċi ċelluloża, karta, fibri viskużi, fibri sintetiċi u sulfat tas-sodju. Fl-2007 l-introjtu tas-SNIACE kien ta’ EUR 15 miljun.

(14)

Il-FOGASA u t-TGSS ikkonkludew ftehimiet għall-ħlas lura u għall-iskedar mill-ġdid tad-dejn ma' SNIACE hekk kif deskritt fil-punti minn 15 sa 21.

(15)

Il-FOGASA hu korp awtonomu li jwieġeb lill-Ministeru tal-Impjiegi u tal-Immigrazzjoni li jiġi ffinanzjat bil-kontribuzzjonijiet mill-impriżi. Il-funzjoni prinċipali tiegħu, skont l-ewwel subparagrafu tal-Artikolu 33(1) tar-Regolamenti li jirregolaw lill-Impjegati, hi dik li jħallas “lill-ħaddiema r-rimunerazzjoni dovuta lilhom fil-każ ta’ falliment tal-amministrazzjoni ta’ min iħaddimhom”. Taħt il-paragrafu 4 tal-Artikolu 33, il-FOGASA jeħtieġ li jissurroga lilu nnifsu fid-drittijiet u fl-azzjonijiet tal-ħaddiema biex jikseb il-ħlas lura tas-somom mogħtija.

(16)

Taħt id-dispożizzjonijiet tad-Digriet Irjali 505/85 tas-6 ta’ Marzu 1985 (10), il-FOGASA jista’ jikkonkludi ftehimiet għall-ħlas lura relatati mas-somom mogħtija lill-ħaddiema fi ħlas ta’ pagi u kumpens biex jassisti fl-irkupru tas-somom dovuti, li ser ikollhom imgħax bir-rata statutarja fis-seħħ.

(17)

Fil-5 ta’ Novembru 1993 u fil-31 ta’ Ottubru 1995 il-FOGASA kkonkluda mas-SNIACE żewġ ftehimiet għall-ħlas lura tad-dejn. Fl-ewwel każ is-somma dovuta kienet ta’ ESP 1 362 708 700 (inkluż l-imgħax) u t-tieni kienet ta’ ESP 339 459 878 (inkluż l-imgħax).

(18)

L-ewwel ftehim, tal-5 ta’ Novembru 1993 (minn issa 'l quddiem “il-ftehim FOGASA I”), jirrigwarda l-ammonti mħallsa minn FOGASA f’pagi u kumpens li s-SNIACE kellha tagħti lill-ħaddiema tagħha. Id-dejn kien jammonta għal ESP 897 652 759, li miegħu kellu jiżdied imgħax b'rata ta’ 10 % li ammonta għal ESP 465 055 911, biex b’hekk it-total ġie ESP 1 362 708 700. Id-dejn kien marbut mal-ipotekar tal-beni tas-SNIACE u kellu jitħallas lura skont skeda, li ġiet innegozjata mill-ġdid fit-18 ta’ Marzu 1999, li stabbilixxiet l-ammonti f’pesetas (ESP) hekk kif ġej:

Tabella 1

il-Ftehim FOGASA I

(19)

It-tieni ftehim tal-31 ta’ Ottubru 1995 (minn issa 'l quddiem “il-ftehim FOGASA II”) jirrigwarda l-ammonti li l-FOGASA kompliet tħallas wara l-ftehim tal-5 ta’ Novembru 1993 f’pagi u f’kumpens li s-SNIACE kellha tagħti lill-ħaddiema tagħha. Id-dejn il-ġdid kien jammonta għal ESP 229 424 860, li miegħu kellu jiżdied imgħax bir-rata ta’ 9 % li ammonta għal ESP 110 035 018, biex b’hekk it-total ġie ESP 339 459 878. Id-dejn kien marbut mal-ipotekar tal-beni tas-SNIACE u kellu jitħallas lura skont skeda, li ġiet innegozjata mill-ġdid fit-18 ta’ Marzu 1999, li stabbilixxiet l-ammonti f’pesetas (ESP) hekk kif ġej:

Tabella 2

il-Ftehim FOGASA II

(20)

Taħt l-Artikolu 20 tal-Liġi Ġenerali dwar is-Sigurtà Soċjali (11), it-TGSS tista’ taqbel mad-differiment jew il-ħlas bin-nifs tal-kontribuzzjonijiet tas-sigurtà soċjali dovuti u tal-ħlasijiet addizzjonali relatati ma’ dawk il-kontribuzzjonijiet. L-Artikolu 27 ta’ dik il-Liġi jiddikjara li ħlasijiet addizzjonali għal pagamenti barra l-limitu taż-żmien għandhom jiżdiedu mad-dejn differit.

(21)

Il-ftehim tat-8 ta’ Marzu 1996, kif emendat mill-ftehimiet tas-7 ta’ Mejju 1996 u tat-30 ta’ Settembru 1997, ipprovda għall-iskedar mill-ġdid tal-ħlas tad-dejn għal ammont globali ta’ ESP 3 510 387 323, flimkien mal-imgħax dovut, li, b’rata ta’ 7,5 %, ammonta għal ESP 615 056 349. Il-kapital ikkorrisponda ma’ arretrati fil-pagament tal-kontribuzzjonijiet tas-sigurtà soċjali minn Frar 1991 sa Frar 1997. Il-ħlas sar f’pagamenti ta’ kull xahar għal 120 xahar. Matul l-ewwel sentejn, seta’ jitħallas biss l-imgħax, li kien ikkalkulat b’rata statutarja ta’ 7,5 %, iżda bejn it-tielet sena u l-għaxar sena kemm il-kapital kif ukoll l-imgħax kellhom jitħallsu lura f’rati ta’ ħlas lura annwali ta’ 5 % (minn Ottubru 1999 sa Settembru 2001), 10 % (minn Ottubru 2001 sa Settembru 2003), 15 % (minn Ottubru 2003 sa Settembru 2005) u 20 % (minn Ottubru 2005 sa Settembru 2007).

(22)

Il-Kummissjoni, fid-deċiżjoni tagħha biex tibda l-proċedura, ikkunsidrat li l-analiżi tal-Qorti tal-Ġustizzja fil-kawża Tubacex kienet applikabbli kollha kemm hi għall-miżuri inkwistjoni fid-Deċiżjoni tal-1998 u, b’hekk, din id-deċiżjoni għandha tiġi revokata b’mod parzjali u l-ftehimiet konklużi bejn is-SNIACE u l-kredituri pubbliċi għandhom jiġi valutati mill-ġdid.

(23)

Ċertament, fid-dawl tas-sentenza Tubacex, il-Kummissjoni espremiet xi dubji li jikkonċernaw il-miżuri implimentati mill-kredituri pubbliċi:

(24)

Ma tressqu l-ebda kummenti minn partijiet interessati.

(25)

Il-Gvern Spanjol ressaq il-kummenti tiegħu b’ittra fil-21 ta’ Marzu 2000.

(26)

L-awtoritajiet Spanjoli ma jaqblux mad-deċiżjoni tal-Kummissjoni li tiftaħ proċedura ta’ investigazzjoni formali, minħabba li fil-fehma tagħhom il-proċedura ta’ investigazzjoni ma kinitx neċessarja biex twettaq ir-revoka parzjali maħsuba tad-Deċiżjoni tal-1998.

(27)

Dwar il-ftehim għall-iskedar mill-ġdid bejn is-SNIACE u t-TGSS, l-awtoritajiet Spanjoli ma jaqblux mal-fehma tal-Kummissjoni li “hu probabbli li, fil-każ ta’ ftehimiet barra l-qorti li jirrigwardaw l-iskedar mill-ġdid ta' djun pre-eżistenti, jew li għandhom dan l-effett, il-kreditur għandu jfittex li jakkwista mid-debitur rata ta’ mgħax fuq l-arretrati li tkun ogħla mir-rata ta’ mgħax legali bħala kumpens talli ma jkunx fittex b’metodi legali għall-ġbir tad-dejn”. Għall-kuntrarju, jiddikjaraw li, minħabba s-sitwazzjoni finanzjarja tal-kumpanija kif ukoll minħabba l-ispiża, id-dewmien u l-inċertezza inerenti fil-proċedimenti legali, ftehimiet ta’ barra l-qorti spiss iwasslu għal ftehim dwar rata ta’ mgħax aktar baxxa mir-rata ta’ mgħax legali.

(28)

B’hekk, l-awtoritajiet Spanjoli jtennu l-argument tagħhom li l-għotja ta’ differiment li japplika r-rata ta’ mgħax legali tħares l-imgħaxijiet tas-sistema tas-sigurtà soċjali, f’termini ta’ rkupru ta’ djun, aħjar minn kwalunkwe forma oħra ta’ azzjoni li seta’ jieħu kreditur privat.

(29)

Il-Gvern Spanjol ifakkar ukoll li filwaqt li kreditur privat jista’ jiftiehem mad-debitur fuq kwalunkwe rata ta’ mgħax, l-awtoritajiet tas-Sigurtà Soċjali huma marbuta bl-Artikolu 20 tal-Liġi Ġenerali dwar is-Sigurtà Soċjali, li jistipula li r-rata ta’ mgħax legali għandha tiġi applikata fil-ftehimiet għall-iskedar mill-ġdid tad-dejn.

(30)

Il-Kummissjoni, fid-deċiżjoni tagħha biex tibda l-proċedura, tikkunsidra li l-paragun tat-termini inklużi fil-ftehim tal-kredituri privati ta’ Ottubru 1996 mat-termini tal-ftehim għall-iskedar mill-ġdid bejn l-awtoritajiet tas-sigurtà soċjali u s-SNIACE jista’ jkun li mhux il-mod korrett kif għandu jiġi applikat it-test tal-“kreditur privat”, hekk kif defenit mill-Qorti tal-Ġustizzja. Rigward dan, l-awtoritajiet Spanjoli ddikjaraw li, minħabba l-obbligi legali tal-amministrazzjoni pubblika, is-sitwazzjoni tal-kredituri pubbliċi ma tistax tiġi trattata bl-istess mod bħas-sitwazzjoni tal-kredituri privati. Madankollu, huma enfasizaw li, għalkemm hemm id-differenzi, it-termini u l-kondizzjonijiet tal-ftehimiet bejn l-awtoritajiet tas-sigurtà soċjali u s-SNIACE, minn naħa, u bejn il-FOGASA u s-SNIACE, minn naħa oħra, kienu aktar ibsin mit-termini milħuqa fil-ftehim tal-kredituri privati.

(31)

Fl-aħħar nett, l-awtoritajiet Spanjoli tennew l-opinjonijiet espressi fil-proċedura li wasslet għad-deċiżjoni tal-1998.

(32)

L-awtoritajiet Spanjoli jibqgħu jsostnu li ma kienx neċessarju li tinbeda proċedura ta’ investigazzjoni formali ġdida biex jiġi solvut il-każ u li r-rispett lejn id-drittijiet tal-partijiet interessati ma kienx raġuni biżżejjed biex dan isir.

(33)

Min-naħa tagħha, il-Kummissjoni tikkunsidra li s-sentenza Tubacex kienet relevanti biżżejjed biex l-awtoritajiet Spanjoli u l-partijiet interessati jkunu jafu biha. Ċertament, dik is-sentenza tista’ tbiddel il-kriterji ta’ valutazzjoni hekk kif hu stipulat fid-deċiżjoni biex tinbeda l-proċedura tas-7 ta’ Novembru 1997.

(34)

Fit-tieni bidu tal-proċedura, il-Kummissjoni qajmet il-kwistjoni ta' jekk il-ftehimiet li ġew konklużi bejn is-SNIACE u l-kredituri pubbliċi tagħha kinux jinkludu jew le għajnuniet mill-Istat u, jekk dan hu minnu, jekk setgħux jiġu dikjarati kumpatibbli.

(35)

Is-sentenza Tubacex tippermetti li interventi mill-Istat fil-forma ta’ skedar mill-ġdid tad-dejn jiġu kkunsidrati bħala li ma jikkostitwux għajnuna mill-Istat jekk ikunu jissodisfaw il-kriterji stipulati f’din is-sentenza (ara punt (2))

(36)

Fis-sentenza tal-Kawża T-36/99 li tħassar id-Deċiżjoni tal-2000, il-Qorti tal-Prim’ Istanza rrifjutat il-punti li fuqhom il-Kummissjoni kkunsidrat li t-TGSS u l-FOGASA aġixxew bħalma kieku kien jaġixxi kreditur privat. Għal dan l-iskop, u fid-dawl tas-sentenza tal-Qorti tal-Prim’ Istanza, dan li ġej għandu jiġi verifikat:

(37)

Il-kriterji stipulati fis-sentenza Tubacex u fis-sentenza tal-Qorti tal-Prim’ Istanza fil-Kawża T-36/99 huma kumulattivi. Hekk kif il-miżuri meħuda mill-kredituri pubbliċi ma jissodisfawx mill-inqas waħda minnhom, il-Kummissjoni għandha twarrab il-prinċipju tal-kreditur privat.

(38)

Bil-kontra tal-fatti li taw lok għas-sentenza Tubacex, iż-żewġ ftehimiet mal-FOGASA ġew konklużi bejn wieħed u ieħor b’perjodu ta’ sentejn bejniethom u huma relatati ma’ djun differenti. Il-Kummissjoni tikkunsidra li huma ma jikkostitwux ftehim wieħed. Meta t-tieni ftehim ġie konkluż, il-FOGASA ma ppruvax jgħaqqadhom fi ftehim wieħed li jkopri l-ammonti kollha dovuti. Il-FOGASA għaqqad biss djun konsiderevoli permezz tal-ftehim tat-18 ta’ Marzu 1999 (12), jiġifieri erba’ snin wara li t-tieni ftehim ġie konkluż bejn il- FOGASA u s-SNIACE.

(39)

Għall-iskopijiet ta’ din il-valutazzjoni, il-Kummissjoni se tanalizza l-ewwel il-ftehim FOGASA I u wara l-ftehim FOGASA II, billi tikkunsidra l-kriterji applikabbli għall-kredituri privati.

(40)

Is-SNIACE u l-FOGASA kkonkludew l-ewwel ftehim għall-iskedar mill-ġdid tad-dejn fil-5 ta’ Novembru 1993 għall-ammont ta’ ESP 1 362 708 700 (inkluż l-imgħax). Il-ftehim ġie konkluż wara li l-FOGASA ħallset il-pagi u l-kumpens li s-SNIACE kellha dovuti lill-ħaddiema tagħha.

(41)

Għall-iskopijiet tal-analiżi tagħha, il-Kummissjoni għandha tiddistingwi bejn il-perjodu ta’ meta l-ftehim ġie konkluż (analiżi ex-ante) u l-perjodu ta’ meta ġie implimentat (analiżi ex-post). Fil-fatt, jista’ jkun il-każ li, wara li jiġi eżaminat ftehim fit-termini tal-karatteristiċi tiegħu fil-perjodu ta’ meta jkun ġie konkluż, tintlaħaq il-konklużjoni li l-ftehim ma jkunx jinkludi għajnuna, u li l-implimentazzjoni tiegħu, f’ċirkustanzi differenti minn dawk maħsuba fil-bidu, ibiddlu dik l-opinjoni tal-bidu u tintlaħaq il-konklużjoni li fil-fatt ikun jinkludi għajnuna.

(42)

Il-Kummissjoni tinnota li l-ewwel ftehim għall-iskedar mill-ġdid tad-dejn mal-FOGASA hu mill-5 ta’ Novembru 1993, jiġifieri kważi tmien xhur wara s-sospensjoni tad-dikjarazzjoni ta’ pagamenti li nħarġet mill-Qorti tal-Prim’ Istanza fil-25 ta’ Marzu 1993 li tirrikjedi lill-FOGASA li jħallas lill-ħaddiema tas-SNIACE. Matul dan il-perjodu, il-FOGASA rabat il-ftehim mal-ipoteka tal-beni tas-SNIACE biex jiggarantixxi mill-inqas parti mis-self tiegħu. Ir-rata applikata mill-FOGASA kienet ta’ 10 %, hekk kif stipulat fil-leġiżlazzjoni li kienet fis-seħħ meta ġie konkluż il-ftehim.

(43)

Min-naħa tiegħu, il-Banesto ta linji ta’ kreditu ta’ ipoteka lill-SNIACE fl-1987 u fl-1991, jiġifieri xi ftit żmien qabel ma ġie konkluż il-ftehim FOGASA I, b’rati ta’ 16 % u 18 % rispettivament (il-kondizzjonijiet tas-suq eżistenti f'dak il-perjodu).

(44)

B’hekk, għandu jiġi nnotat li, meta saret s-sospensjoni tal-pagamenti fl-1992, is-SNIACE kellha mill-inqas żewġ kredituri: il-FOGASA, li lilu kellha tagħti l-pagi li s-SNIACE ma kinitx kapaċi tħallas lill-ħaddiema tagħha, u l-BANESTO, minħabba s-self li ta lill-SNIACE u li s-SNIACE għadha ma ħallsitx lura kompletament.

(45)

Mill-perjodu ta' meta ġiet imħabbra s-sospensjoni tal-pagamenti, il-BANESTO seta' jasserixxi d-drittijiet tiegħu bħala kreditur ta’ ipoteka preferenzjali tas-SNIACE. Madankollu, taħt il-ftehim tas-26 ta' Settembru 1996 biss, jiġifieri tliet snin wara li ġie konkluż il-ftehim FOGASA I, is-SNIACE trasferiet lill-Banesto, bħala pagament ta’ parti mid-djun tagħha, l-ishma li kellha fl-impriża Inquitex u xi biċċiet ta’ art li kienu koperti bl-ipoteka.

(46)

Min-naħa tiegħu, il-FOGASA kien obbligat b’mod legali li jħallas il-pagi f'każ li jkun hemm sospensjoni ta' pagamenti. Mill-perjodu ta’ meta l-FOGASA kellu jħallas il-pagi tal-ħaddiema tas-SNIACE, beda jinnegozja ftehim għall-iskedar mill-ġdid mas-SNAICE biex jirkupra s-self tiegħu. Il-fatt li l-BANESTO ma infurzax is-self tal-ipoteka kontra SNIACE juri li l-FOGASA aġixxia b’mod prudenti ħafna u bil-għaqal meta kkonkluda l-ftehim għall-iskedar mill-ġdid u akkwista garanzija malli s-sospensjoni tal-pagamenti ġiet notifikata, bil-kontra tal-kreditur privat BANESTO.

(47)

B’hekk il-FOGASA u s-SNIACE kkonkludew b’mod rapidu n-negozjati li wrew ir-rieda tal-partijiet li jaslu għal soluzzjoni amikevoli.

(48)

Wara li ġiet aċċettata t-talba tal-ħaddiema tas-SNIACE li l-pagi u l-kumpens dovut lilhom għandhom jitħallsu skont il-proċedimenti ġudizzjarji li ddikjaraw is-sospensjoni tal-pagamenti, il-FOGASA kkonkluda ftehim għall-iskedar mill-ġdid tad-dejn fejn is-SNIACE għandha tħallas lura s-somom involuti. Il-FOGASA applika r-rata ta’ mgħax legali kif stipulat fil-liġi Spanjola, jiġifieri 10 % matul dak il-perjodu meta l-partijiet ikkonkludew il-ftehim.

(49)

Il-Kummissjoni tikkunsidra li, billi tat lill-SNIACE skedar mill-ġdid tad-djun tagħha, il-FOGASA applika l-prinċipju tas-sentenza Tubacex, fejn “kreditur ma jfittixx li jagħmel xi qligħ speċjali fuq il-flus dovuti lilu, iżda jixtieq biss jirkupra s-somom kollha li ta mingħajr ma jsofri l-ebda telf finanzjarju. Minħabba dan, fejn hu jaqbel mal-iskedar mill-ġdid tad-dejn tiegħu biex jiżgura li jitħallas lura, jeħtieġ pagament addizzjonali ta’ mgħax, bl-iskop li jiġi kkumpensat għad-diprezzament tal-flus b'riżultat tal-iskedar mill-ġdid” (13).

(50)

Fil-perjodu ta’ meta ġie konkluż il-ftehim, il-FOGASA kien jaf bil-kriżi li kienet għaddejja minnha s-SNIACE, u din hi r-raġuni għaliex intervjena f’isem il-ħaddiema ħalli jkunu jistgħu jingħataw il-pagi u l-kumpens li s-SNIACE ma setgħetx tagħtihom minħabba li l-pagamenti tagħha ġew sospiżi.

(51)

Bla ebda dubju, f’dak il-perjodu l-uniku pjan ġenwin ta’ vijabbiltà għas-SNIACE propost lill-FOGASA kien l-iskedar mill-ġdid tad-djun. Madankollu, wara konflitt soċjali serju li l-impriża esperjenzjat fl-1992, l-attività tagħha reġgħet issaħħet b’mod gradwali, b'tama ta' prospett ta’ qligħ futur, għalkemm is-sitwazzjoni tal-impriża kienet għadha fraġli.

(52)

Il-fatt li ma kienx hemm ftehim mal-kredituri privati u l-fatt li huma ma nfurzawx il-pagament tad-djun sa mill-1993 juri li kien hemm ċerta bażi għall-ħsieb li l-impriża kienet fit-triq it-tajba u li, għalhekk, mhux ta’ min iżid ir-riskju li l-impriża jkollha twaqqaf l-attivitajiet.

(53)

Il-Kummissjoni tikkunsidra li, fil-perjodu ta’ meta ġie konkluż, il-ftehim FOGASA I ma kienx jikkostitwixxi għajnuna mill-Istat.

(54)

Bejn il-5 ta’ Novembru 1993 u t-18 ta’ Marzu 1999, id-data ta’ meta l-FOGASA kkonkludiet ftehim ġdid għall-iskedar mill-ġdid billi estendiet il-perjodu ta’ pagament tad-dejn għal sentejn oħra, is-SNIACE ħallset lura biss madwar 50 % tad-dejn tagħha.

(55)

Il-FOGASA, minflok inforza l-garanziji u l-ipoteki stabbiliti favur tiegħu fil-perjodu tal-ftehim tal-1993, ipprefera li jemenda l-ftehim għall-iskedar mill-ġdid biex jimmassimizza l-prospetti għall-irkupru tas-self tiegħu. Min-naħa l-oħra, il-Kummissjoni tinnota li fis-26 ta’ Settembru 1996, il-Banesto aċċetta, bħala pagament parzjali tad-dejn tas-SNIACE, xi biċċiet ta’ art li kienu proprjetà ta’ dik l-impriża, kif ukoll ishma li kienu proprjetà tas-SNIACE fl-impriża Inquitex.

(56)

Il-Kummissjoni tikkunsidra li l-imġiba tal-FOGASA ma tistax titqabbel ma’ dik tal-BANESTO, li pprova jħares parti mis-self tiegħu billi kkonkluda l-ftehim tal-1996, bil-kontra tal-FOGASA, li bl-ebda mod ma pprova jirkupra s-self tiegħu taħt il-ftehim konkluż mas-SNIACE.

(57)

Il-Kummissjoni tosserva li, fil-perjodu ta’ meta ġie nnegozjat mill-ġdid il-ftehim, il-FOGASA ma kienx jeħtieġ pagament addizzjonali ta’ mgħax għax l-ammont globali pagabbli kien l-istess, għalkemm d-data finali ġiet ittardjata b’sentejn (14). Konsegwentement, il-Kummissjoni tikkunsidra li l-argument ta’ Spanja (15) li riedet tħares l-investiment tagħha minn diprezzament monetarju għandu jiġi rifjutat.

(58)

Il-Kummissjoni stabbiliet, skont it-Tabella 3 ta’ hawn taħt, li fil-perjodu ta’ meta ġie konkluż il-ftehim tat-18 ta’ Marzu 1999 li jemenda l-ftehim tal-5 ta’ Novembru 1993, l-impriża kienet affaċċjata biż-żieda tad-djun, telf rikorrenti u kapital ta’ ekwità negattiv, li taw lok għal dubji dwar il-prospetti tal-irkupru tas-self:

Tabella 3

(59)

Filwaqt li hu veru li l-impriża kellha riżultati pożittivi limitati fl-1995, għandhu jiġi rikonoxxut li s-sitwazzjoni finanzjarja tal-impriża indikat li l-prospetti tagħha ta’ qligħ kienu inċerti.

(60)

Il-Kummissjoni waslet għall-konklużjoni li l-FOGASA ma aġixxiex bħalma kieku kien jaġixxi kreditu privat:

(61)

Is-SNIACE u l-FOGASA kkonkludew it-tieni ftehim għall-iskedar mill-ġdid tad-dejn fil-31 ta’ Ottubru 1995 għall-ammont ta’ ESP 339 459 878 (inkluż l-imgħax). Il-ftehim ġie konkluż wara li l-FOGASA ħallas il-pagi u l-kumpens li s-SNIACE kellha dovuti lill-ħaddiema tagħha.

(62)

Rigward l-implimentazzjoni tal-ftehim FOGASA I, il-Kummissjoni tikkunsidra li l-imġiba tal-FOGASA mhix paragunabbli ma' dik tal-BANESTO, li fittex li jħares parti mis-self billi kkonkluda l-ftehim tal-1996, filwaqt li l-FOGASA, li rkupra biss parti mid-djun li kienu koperti bil-ftehim tal-1993, ikkonkluda ftehim ġdid fl-1995 li jirrigwarda d-djun il-ġodda.

(63)

Dan il-ftehim il-ġdid ġie konkluż għalkemm il-fatt li:

(64)

Barra minn hekk, hu ċar li l-FOGASA ma kkontemplax il-possibbiltà li jinforza l-ħlas lura tad-dejn billi jinforza l-ipoteka stabbilità favur tiegħu. Fil-fatt, il-ħlas lura infurzat seta’ jirriżulta fl-għeluq tal-impriża, iżda ma hemm l-ebda dubju li, kieku s-SNIACE kienet ġiet likwidata, il-FOGASA seta' jirkupra d-dejn kollu jew parti minnu wara li l-beni tal-impriża jiġu trasferiti.

(65)

Dwar dan il-punt, il-Kummissjoni tenfasizza li l-awtoritajiet Spanjoli ddikjaraw ripetutament li kien impossibbli li jiġi stmat il-valur tal-impriża, li seta' tagħmilha possibbli biex jiġi kkalkulat dak l-ammont li jista’ jiġi rkuprat, u li, fi kwalunkwe każ, f'każ ta’ likwidazzjoni, il-valur tal-beni tal-impriża seta’ jkollu diprezzament sinifikanti (16). Jidher ċar, minħabba din ir-raġuni, li l-FOGASA skarta l-possibbiltà li jillikwida s-SNIACE favur is-soluzzjoni tal-iskedar mill-ġdid.

(66)

L-awtoritajiet Spanjoli, mat-tweġiba tagħhom tad-29 ta’ Settembru 2005, żiedu li “kieku, fi kwalunkwe perjodu, [FOGASA] irrifjuta li jidħol fi ftehim ta’ rkupru mingħajr ma ġġustifika dan ir-rifjut, kien ikun qed jikser il-leġiżlazzjoni li torbot lill-organizzazzjoni u kien ikun qed jaġixxi b'mod arbitraju.” Il-Kummissjoni, mid-dikjarazzjoni tal-awtoritajiet Spanjoli, tikkonkludi li l-FOGASA ma ppruvax jiġġustifika r-rifjut possibbli tal-iskedar mill-ġdid tad-dejn. Għall-awtoritajiet Spanjoli, is-sempliċi fatt li tipprova tirkupra d-dejn kollu kemm hu, inkluż permezz tal-għeluq tas-SNIACE, mhux biżżejjed (17).

(67)

Il-Kummissjoni waslet għall-konklużjoni li l-FOGASA ma aġixxiex bħal ma kieku kien jaġixxi kreditu privat:

(68)

Kif issemma fil-punt (12), it-TGSS ikkonkluda ftehim mas-SNIACE fit-8 ta’ Marzu 1996, li ġie emendat fis-7 ta’ Mejju 1996 u fit-30 ta’ Settembru 1997. Għalkemm ġie konkluż bejn wieħed u ieħor 18-il xahar wara li ġie konkluż l-ewwel ftehim, il-ftehim finali kien jirrigwarda l-istess djun. Għalhekk il-Kummissjoni tikkunsidra li dawn il-ftehimiet jammontaw għal ftehim wieħed li ġie emendat għal bosta drabi.

(69)

Fil-perjodu ta’ meta ġie konkluż l-ewwel ftehim bejn it-TGSS u s-SNIACE, fit-8 ta’ Marzu 1996, u l-perjodu ta’ meta kien ġie emendat għall-ewwel darba, fis-7 ta’ Mejju 1996, il-kredituri privati kienu għadhom ma laħqux ftehim. Il-pożizzjoni tat-TGSS tista’ tiġi paragunata ma’ dik tal-kredituri privati biss meta l-ftehim ġie emendat għat-tieni darba, jiġifieri fit-30 ta’ Settembru 1997.

(70)

Wieħed jista’ jikkonċedi, f’dak l-istadju, li t-TGSS mar lil hin mill-kredituri privati billi kkonkluda ftehim biex jimmassimiza l-prospetti tal-irkupru tas-self tagħhom.

(71)

Taħt il-leġiżlazzjoni Spanjola, it-TGSS jista’ jikkonkludi ftehimiet għall-iskedar mill-ġdid tad-dejn sakemm dan japplika għar-rata ta’ mgħax li tkun fis-seħħ fil-perjodu meta jiġi konkluż il-ftehim.

(72)

B’dan il-mod, it-TGSS ipprova jipproteġi s-self tiegħu mingħajr ma jsofri telf finanzjarju, wara s-sentenza Tubacex.

(73)

Fil-perjodu meta ġie konkluż il-ftehim, hekk kif diġà ssemma fil-punt (63)(iii), is-SNIACE kienet impriża fi kriżi b'riżultat ta’ telf ripetut matul diversi snin, kapital ta’ ekwità negattiv u d-dejn sostanzjali tagħha.

(74)

Barra minn hekk, l-awtoritajiet Spanjoli ma kinux kapaċi jirrispondu b’mod favorevoli għat-talba tal-Kummissjoni (ittra tas-7 ta’ Awwissu 2008 D/53117) biex jingħatawlha l-minuti tal-laqgħat li saru bejn it-TGSS u s-SNIACE fl-1994 (18). Dawn id-dokumenti setgħu jippermettu lill-Kummissjoni tiddetermina l-kuntest tan-negozjati u tevalwa l-opinjoni tat-TGSS dwar il-prospetti effettivi tas-SNIACE biex tissodisfa l-impenji tagħha tal-passat u kif ukoll dawk tal-ġejjieni. Minflok, l-awtoritajiet Spanjoli, fit-tweġiba tagħhom tal-10 ta’ Settembru 2008, iddikjaraw li ma kellhomx dawn id-dokumenti.

(75)

Allura hu ċar li t-TGSS kien jaf dwar is-sitwazzjoni finanzjarja tas-SNIACE, b’mod partikolari bin-nuqqas tagħha li tissodisfa l-impenji tagħha favur il- FOGASA. Hekk kif il-ftehim ġie konkluż fl-1996, it-TGSS seta' vverfika mid-dokumenti ta’ kontabbiltà tal-impriża li s-SNIACE kienet issodisfat b’mod parzjali biss il-ftehim tal-1993 u li, barra minn hekk, fl-1995 kien ikkonkluda ftheim ġdid mal-FOGASA (jiġifieri, bejn wieħed u ieħor, sitt xhur qabel il-ftehim mat-TGSS), li kkonċernat id-djun il-ġodda.

(76)

Il-Kummissjoni waslet għall-konklużjoni li t-TGSS ma aġixxiex bħalma kieku kien jaġixxi kreditur privat:

(77)

Fl-opinjoni tal-Kummissjoni, dik il-miżura biss li wasslet għall-ftehim tal-5 ta’ Novembru 1993 bejn il-FOGASA u s-SNIACE tista’ tiġi kkunsidrata bħala li tissodisfa l-kriterji tal-kreditur privat. B’hekk, il-miżura ma tagħtix vantaġġ lill-SNIACE.

(78)

Min-naħa l-oħra, il-Kummissjoni tikkunsidra li l-implimentazzjoni tal-ftehim FOGASA I, hekk kif emendat fit-18 ta’ Marzu 1999, il-ftehim FOGASA II u l-ftehim TGSS jagħtu vantaġġi lill-SNIACE għall-iskopijiet tal-Artikolu 87(1) tat-Trattat għar-raġunijiet msemmija hawn fuq. Fil-fatt, dawn il-miżuri jagħtu vantaġġ lill-SNIACE billi jippermettulha tiskeda mill-ġdid l-obbligi legali tagħha relatati mal-ħlas tal-kontribuzzjonijiet tas-sigurtà soċjali u d-djun kontrattati mal-FOGASA, li s-SNIACE normalment kien ikollha tissodisfa kieku dawk il-kredituri kienu kredituri privati.

(79)

Dwar il-kriterji l-oħrajn, il-Kummissjoni tikkunsidra, l-ewwel nett, li l-miżuri huma ffinanzjati minn fondi mill-Istat, minħabba li kemm il-FOGASA kif ukoll it-TGSS huma korpi pubbliċi li r-riżorsi tagħhom joriġinaw mill-pagament tal-kontribuzzjonijiet obbligatorji.

(80)

It-tieni nett, il-miżuri kontestati huma selettivi minħabba li japplikaw biss għas-SNIACE.

(81)

It-tielet nett, is-swieq li fihom topera s-SNIACE huma karatterizzati b’livell għoli ta’ kummerċ bejn l-Istati Membri. Is-SNIACE tikkummerċjalizza parti mill-produzzjoni tagħha fl-Ewropa, fejn tikkompeti ma’ impriżi oħra. Konsegwentement, l-għotja tal-għajnuna lill-SNIACE tista’ taffettwa l-kummerċ bejn l-Istati Membri. Minħabba dan, dawn il-miżuri qed jheddu li jfixklu l-kompetizzjoni bejn il-produtturi tal-prodotti tat-tessuti.

(82)

Għalhekk, il-Kummissjoni tikkunsidra li l-miżuri relatati mal-implimentazzjoni tal-ftehim FOGASA I, il-ftehim FOGASA II u l-ftehim TGSS jikkostitwixxu għajnuna mill-Istat għall-iskopijiet tal-Artikolu 87(1) tat-Trattat.

(83)

Il-kompatibbiltà tal-miżuri li huma kkunsidrati bħala għajnuna mill-Istat taħt l-Artikolu 87(1) tat-Trattat għandhom jiġu valutati fuq il-bażi tal-eċċezzjonijiet li jipprovdu għalihom il-paragrafi 2 u 3 tal-istess Artikolu.

(84)

L-eċċezzjonijiet li jipprovdu għalihom l-Artikolu 87(2) u l-Artikolu 87(3)(b), (d) u (e), huma b'mod ċar mhux applikabbli minħabba li l-miżuri mhumiex bil-ħsieb li jippromwovu l-eżekuzzjoni ta' proġett importanti ta’ interess Komunitarju komuni jew biex isolvu tfixkil serju fl-ekonomija ta' Stat Membru, jew biex jippromwovu l-konservazzjoni tal-kultura u tal-wirt. Lanqas ma jidħlu taħt kategorija oħra ta’ għajnuna speċifikata bid-deċiżjoni tal-Kunsill li qed jaġġixxi b’maġġoranza kwalifikata fuq proposta mill-Kummissjoni.

(85)

Konsegwentement, l-eċċezzjonijiet li huma relatati mal-iżvilupp ta’ ċerti oqsma jew taqsimiet li jipprovdi għalihom l-Artikolu 87(3)(a) u (c), għandhom jiġu evalwati.

(86)

Dwar l-għajnuna maħsuba biex tippromwovi l-iżvilupp ta’ ċerti taqsimiet, u waqt li tiġi kkunsidrata n-natura tal-miżuri inkwistjoni, l-uniċi kriterji relevanti huma dawk li huma marbuta mas-salvataġġ u mar-ristrutturar ta’ ditti f’diffikultà.

(87)

Dwar għajnuna maħsuba biex tippromwovi l-iżvilupp ta’ ċerti oqsma, il-Kummissjoni tenfasizza li l-qasam li fih tinsab is-SNIACE jista’ jagħżel, minn Settembru 1995, għajnuna reġjonali taħt l-Artikolu 87(3)(a), u li, qabel dik id-data, jista’ jagħżel għajnuna reġjonali taħt l-Artikolu 87(3)(c).

(88)

Konsegwentement, il-Kummissjoni għandha tanalizza l-miżuri fid-dawl tal-linji gwida Komunitarji dwar l-għajnuna għas-salvataġġ u għar-ristrutturar ta’ ditti f’diffikultà u tal-linji gwida dwar l-għajnuna reġjonali. Skont l-avviż tal-Kummissjoni dwar id-determinazzjoni tar-regoli applikabbli għall-valutazzjoni ta’ għajnuna mill-Istat illegali (19), il-miżuri għandhom jiġu valutati skont il-linji gwida li kienu fis-seħħ fil-perjodu meta ngħatat l-għajnuna.

(89)

Dwar ir-regoli li huma reletati mal-għajnuna għas-salvataġġ u għar-ristrutturar ta’ ditti f’diffikultà, hu ċar li, sa mill-pubblikazzjoni tat-Tmien Rapport dwar il-Politika tal-Kompetizzjoni tal-1979 u fil-linji gwida suċċessivi tagħha kollha, il-Kummissjoni titlob pjan ta’ ristrutturar li jippermetti li l-vijabbiltà ta’ ditti f’diffikultà terġa' tiġi għan-normal (20).

(90)

Fil-każ preżenti, l-awtoritajiet Spanjoli qatt ma argumentaw li l-miżuri huma għajnuna ta’ salvataġġ u ta’ ristrutturar. Lanqas ma ppruvaw juru li jagħmlu parti minn programm ta’ ristrutturar għall-iskopijiet tar-regoli applikabbli fid-data ta’ meta ngħatat l-għajnuna kontestata. Programm ta’ dan it-tip għandu jinkludi, inter alia, miżuri ta’ ristrutturar interni u miżuri kumpensatorji, skont it-Tmien Rapport tal-Kummissjoni dwar il-Politika tal-Kompetizzjoni tal-1979 (punti 227 u 228) u l-linji gwida adottati mill-1994 (21). In-nuqqas ta’ pjan ta’ ristrutturar jikkonferma li l-iskop waħdieni tal-għajnuna kien li jżomm lill-impriża topera mingħajr ma tirrikjedi l-ebda miżuri ta’ ristrutturar min-naħa tagħha.

(91)

Dwar il-pjan ta’ vijabbiltà li l-applikant ressaq lill-Kummissjoni qabel ma bdiet il-proċedura, l-awtoritajiet Spanjoli llimitaw ruħhom għal dikjarazzjoni, b’mod partikolari, fl-ittra tagħhom tat-30 ta’ Ġunju 1997 bi tweġiba għall-ittra tal-Kummissjoni tas-16 ta’ Mejju 1997, li l-konklużjoni tal-esperti li l-“vijabbiltà tas-SNIACE tista’ tiġi garantita biss billi jingħataw sussidji li jippermettu li jiġu implimentati proġetti ta’ investiment u li d-dejn jiġi negozjat mill-ġdid” kienet opijnoni purament personali espressa fi studju privat, u ma kinitx neċessarjament tirrifletti l-opinjoni tal-awtoritajiet Spanjoli (22).

(92)

Konsegwentement, peress li ma kien hemm l-ebda programm ta’ ristrutturar, il-miżuri adottati fil-qafas tal-ftehimiet FOGASA II u TGSS u l-implimentazzjoni tal-ftehim FOGASA I mhumiex ġustifikati fuq il-bażi tat-Tmien Rapport tal-Kummissjoni dwar il-Politika tal-Kompetizzjoni tal-1979 jew tal-linji gwida Komunitarji dwar l-għajnuna mill-Istat għas-salvataġġ u għar-ristrutturar tal-1994, l-1999 u l-2004.

(93)

Dwar l-eċċezzjonijiet stipulati fl-Artikolu 87(3)(a) u (c) li jikkonċernaw l-għajnuna maħsuba biex tippromwovi jew tiffaċilita l-iżvilupp ta’ ċerti oqsma, il-Kummissjoni tenfasizza li l-qasam li fih hi stabbilita s-SNIACE jista’ jagħżel, minn Settembru 1995, għajnuna reġjonali taħt l-Artikolu 87(3)(a), u li, qabel dik id-data, jista’ jagħżel għajnuna reġjonali taħt l-Artikolu 87(3)(c).

(94)

Madankollu, l-għajnuna mogħtija lill-SNIACE ma għandhiex il-karatteristiċi meħtieġa biex tiffaċilita l-iżvilupp ta’ ċerti oqsma ekonomiċi għall-iskopijiet ta’ dan l-Artikolu, peress li ngħatat fil-forma ta’ għajnuna operattiva, jiġifieri mingħajr ma tkun soġġetta għal kwalunkwe kondizzjoni relatata mal-ħolqien tal-investiment u tal-impjiegi.

(95)

Sa mill-1979 (23) il-Kummissjoni tawtorizza biss għajnuna li mhix soġġetta għal investiment inizjali jew għall-ħolqien ta’ impjiegi f'reġjuni li jistgħu jagħżlu għajnuna reġjonali fejn l-Istat Membru jirnexxilu juri bil-provi l-eżistenza ta’ żvantaġġi u jkejjel l-importanza tagħhom, li f’din iċ-ċirkustanza ma kienx il-każ.

(96)

Konsegwentement, il-miżuri adottati fil-qafas tal-ftehimiet FOGASA II u TGSS u l-implimentazzjoni tal-ftehim FOGASA I ma jistgħux jiġu ġustifikati fuq il-bażi tal-komunikazzjoni tal-Kummissjoni tal-1979 jew tal-Linji Gwida dwar l-għajnuna reġjonali tal-1998.

(97)

Rigward ir-regoli dwar it-taqsima tal-fibri tat-tessuti applikabbli fil-perjodu meta ġew konklużi l-ftehimiet (24), il-Kummissjoni tikkunsidra li l-unika għażla ta’ għajnuna possibbli kienet dik tal-għajnuna għall-investiment. Madankollu, il-miżuri kontestati ma għandhom l-ebda wieħed mill-fatturi tal-għajnuna għall-investiment. Konsegwentement, il-miżuri adottati fil-qafas tal-ftehimiet FOGASA II u TGSS u l-implimentazzjoni tal-ftehim FOGASA I mhumiex ġustifikati fuq il-bażi tal-linji gwida tal-1992 jew tal-1996.

(98)

Il-Kummissjoni tikkunsidra li d-dispożizzjonijiet ta’ implimentazzjoni tal-ftehim FOGASA I, hekk kif emendat fit-18 ta’ Marzu 1999, u l-konklużjoni tal-ftehimiet FOGASA II u TGSS ma jistgħux jiġu dikjarati bħala kompatibbli.

(99)

Peress li l-Kummissjoni tikkunsidra li l-implimentazzjoni tal-ftehim FOGASA I, kif emendat fit-18 ta’ Marzu 1999, u l-ftehimiet FOGASA II u TGSS huma kompatibbli mat-Trattat, il-benefiċjarju għandu jrodd lura l-ammonti riċevuti.

(100)

Il-proċeduri għall-irkupru tal-għajnuna illegali li ġiet iddikjarata bħala mhix kompatibbli ġew stipulati fl-Avviż mill-Komunikazzjoni “Lejn implimentazzjoni effettiva tad-deċiżjonijiet tal-Kummissjoni li jordnaw lill-Istati Membri biex jirkupraw għajnuna mill-Istat li hi illegali u mhix kompatibbli” (minn issa 'l quddiem, “l-Avviż tal-2007”) (25). L-ewwel, il-ġurisprudenza tal-Qorti u l-paragrafu 37 tal-Avviż tal-2007 jiddikjaraw li l-Kummissjoni mhix mitluba li tiffissa l-ammont eżatt li għandu jinġabar. Madankollu, id-deċiżjoni għandha tinkludi informazzjoni li tippermetti lil Spanja tiddetermina dan l-ammont.

(101)

Ir-Regolament tal-Kummissjoni (KE) Nru 794/2004 (26) li jimplimenta r-Regolament tal-Kunsill (KE) Nru 659/1999 (27) jiddikjara li l-għajnuna li għandha tiġi rkuprata skont deċiżjoni ta’ rkupru għandha tkun tinkludi l-imgħax b'rata xierqa ffissata mill-Kummissjoni. L-imgħax għandu jitħallas għal perjodu ta’ bejn id-data li fiha l-għajnuna illegali tkun ngħatat lill-benefiċjarju sad-data tal-irkupru tagħha. Ir-rata ta’ mgħax għandha tiġi applikata fuq bażi komposta sad-data tal-irkupru tal-għajnuna.

(102)

Madankollu, rigward il-metodu biex jiġi kkalkulat l-imgħax, il-Qorti tal-Ġustizzja, fis-sentenza tagħha tal-11 ta’ Diċembru 2008 fil-Kawża C-295/07, Il-Kummissjoni v Département du Loiret and Scott SA  (28), iddikjarat li l-metodu biex jiġi kkalkulat il-valur ta’ llum ta’ għajnuna illegali hu sostantiv u mhux kwistjoni proċedwali (29). Id-Deċiżjoni tal-2000 u d-Deċiżjoni dwar it-tieni bidu tal-proċedura ġew adottati ħafna qabel r-Regolament (KE) Nru 794/2004.

(103)

Konsegwentement, il-Kummissjoni tikkunsidra li l-metodu li bih għandu jiġi kkalkulat l-irkupru tal-għajnuna illegali għandu jkun dak użat fil-perjodu tad-deċiżjoni annullata u li, b’hekk, l-Istat Membru se juża l-metodu tal-“imgħax sempliċi” biex jiġi kkalkulat l-ammont li għandu jiħallas lura.

(104)

Għall-finijiet tal-każ preżenti, il-Kummissjoni tagħmel distinzjoni bejn, minn naħa, l-implimentazzjoni parzjali tal-ftehim FOGASA I, u, minn naħa oħra, il-miżuri mhux kompatibbli tal-ftehimiet FOGASA II u TGSS.

(105)

Kif ġie ddikjarat fil-punt 77, il-Kummissjoni tikkunsidra li l-ftehim konkluż bejn il-FOGASA u s-SNIACE fil-5 ta’ Novembru 1993 jissodisfa l-kriterji ta' kreditur privat u, b’hekk, ma jikkostitwix għajnuna mill-Istat.

(106)

Madankollu, minħabba li dan il-ftehim ġie onorat b’mod parzjali biss, il-Kummissjoni tikkunsidra li l-ftehim FOGASA I, hekk kif rivedut fit-18 ta’ Marzu 1999, jikkostitwixxi għajnuna illegali u mhux kompatibbli li għandha tiġi rkuprata. In-nuqqas ta’ kompatibbiltà taffettwa, l-ewwel, is-somom li ma tħallsux taħt il-ftehim tat-18 ta' Marzu 1999 u, it-tieni, l-għajnuna li jifdal minn dik id-data.

(107)

L-għajnuna li għandha tiġi rkuprata għandha tinkludi l-imgħax ikkalkulat skont il-metodu tal-imgħax sempliċi (ara l-punt (99)). Is-somom li tħallsu lura skont il-ftehim FOGASA I qabel ma ġie rivedut, avolja r-rata ta’ mgħax kienet aktar baxxa mir-rata ta’ mgħax ta’ referenza tal-Kummissjoni, ma jikkostitwux għajnuna mill-Istat u li b'hekk mhemmx bżonn li jiġu rkuprati. Pagamenti addizzjonali li saru barra l-ammonti mħallsa taħt il-ftehimiet jistgħu jitnaqqsu mis-somom li għandhom jiġu rkuprati bħala għajnuna illegali u mhux kompatibbli.

(108)

Kif issemma wkoll hawn fuq, il-Kummissjoni tikkunsidra li Spanja tat għajnuna illegali fil-forma ta’ ftehim ta’ ħlas lura li ġie konkluż mal-FOGASA fit-30 ta’ Ottubru 1995 u ftehim għall-iskedar mill-ġdid tad-dejn li ġie konkluż mat-TGSS fit-8 ta’ Marzu 1996, kontra l-Artikolu 88(3) tat-Trattat, u li din l-għajnuna mhix kompatibbli mas-suq komuni u mal-funzjonament tal-Ftehim taż-ŻEE.

(109)

Minħanna li l-għajnuna hi illegali u mhix kompatibbli, għandha titħallas lura kollha u l-effetti ekonomiċi tagħha għandhom jiġu annullati. L-ammonti li għandhom jiġu rkuprati huma indaqs għad-dejn globali kopert mit-tieni ftehim mal-FOGASA u mill-ftehim ta’ mat-TGSS. Ma’ dan għandu jiżdied l-imgħax sempliċi kalkulat skont ir-rata ta’ mgħax ta’ referenza tal-Kummissjoni. Il-pagamenti li saru jistgħu jitnaqqsu mill-ammonti li għandhom jiġu rkuprati.

(110)

Fid-dawl tal-konsiderazzjonijiet ta’ hawn fuq, id-Deċiżjoni 1999/395/KE għandha b’hekk tiġi emendata.

(111)

L-ewwel ftehim ta' ħlas lura konkluż bejn il-FOGASA u s-SNIACE ma jikkostitwix għajnuna mill-Istat.

(112)

Madankollu, il-valutazzjoni mill-ġdid tal-implimentazzjoni tal-ftehim ta' ħlas lura konkluż mal-FOGASA fit-3 ta’ Novembru 1993, il-ftehim ta' ħlas lura konkluż mal-FOGASA fit-30 ta’ Ottubru 1995 u l-ftehimiet għall-iskedar mill-ġdid konklużi mat-TGSS wassal għall-konklużjoni li Spanja tat għajnuna illegali kontra l-Artikolu 88(3) tat-Trattat u li din l-għajnuna mhix kompatibbli mas-suq komuni u mal-funzjonament tal-Ftehim taż-ŻEE.

(113)

Peress li l-għajnuna mogħtija hi illegali u mhix kompatibbli mas-suq komuni, il-ħlas lura tagħha għandu jiġi żgurat taħt ir-Regolament (KE) Nru 659/1999 u l-effetti ekonomiċi tagħha jiġu annullati,

(1)

L-Artikolu 1 għandu jiġi emendat kif ġej:

(2)

L-Artikoli 2 u 3 għandhom jinbidlu bit-test li jmiss:

“Artikolu 2

1.   Spanja għandha tikseb mir-riċevitur il-ħlas lura tal-għajnuna speċifikata fit-tieni paragrafu tal-Artikolu 1.

2.   Is-somom li għandhom jiġu rkuprati għandhu jkollhom imgħax mid-data ta’ meta saru disponibbli lir-riċevitur sad-data ta’ meta attwalment jiġu rkuprati.

3.   L-irkupru tal-għajnuna speċifikata fit-tieni paragrafu tal-Artikolu 1 għandu jkun immedjat u effettiv.

4.   Spanja għandha tiżgura li din id-Deċiżjoni tiġi implimentata sa erba’ xhur mid-data tan-notifika tagħha.

Artikolu 3

1.   Spanja għandha tressaq l-informazzjoni li jmiss lill-Kummissjoni fi ħdan xahrejn min-notifika ta’ din id-Deċiżjoni:

2.   Spanja għandha żżomm lill-Kummissjoni infurmata bil-progress tal-miżuri nazzjonali adottati skont din id-Deċiżjoni sakemm jiġi konkluż l-irkupru tal-għajnuna speċifikat fit-tieni paragrafu tal-Artikolu. Fuq talba mill-Kummissjoni, għandha tressaq immedjatament informazzjoni dwar il-miżuri adottati u mfassla diġà għal skop ta' konformità ma’ din id-Deċiżjoni. Għandha tipprovdi wkoll informazzjoni dettaljata dwar l-ammonti ta’ għajnuna u mgħax irkuprati mir-riċevitur.”

14.8.2009   

MT

Il-Ġurnal Uffiċjali tal-Unjoni Ewropea

L 210/16

(1)

Fit-3 ta’ Diċembru 2002, Deutsche Post AG (minn issa ’l quddiem “DP”) ippreżentat ilment kontra sussidji trażversali allegati mogħtija lill-attivitajiet tal-pakketti postali ta’ Royal Mail Group plc (“Royal Mail” jew “RM”).

(2)

B’risposta għat-talbiet tal-Kummissjoni għal informazzjoni, l-awtoritatjiet tar-Renju Unit tal-Gran Brittanja u l-Irlanda ta’ Fuq (“Renju Unit”) ipprovdew informazzjoni rilevanti għall-argumenti msemmija fl-ilment permezz tal-ittri tal-25 ta’ Frar 2003 u tat-13 ta’ Frar 2004, u permezz ta’ imejl bid-data 17 ta’ Diċembru 2003. Din l-informazzjoni inkludiet miżuri oħra tal-Gvern fir-rigward ta’ RM.

(3)

Fis-27 ta’ Mejju 2003, il-Kummissjoni approvat serje ta’ miżuri favur Post Office Limited (“POL”) li hija sussidjarja ta’ RM (kawża N 784/02) (2). Taħt dawn il-miżuri, kien mogħti kumpens lil POL, iffinanzjat permezz ta’ riserva (“ir-riserva tal-posta”) magħmula minn flus żejda ġġenerati minn RM. Fit-22 ta’ Frar 2006 il-Kummissjoni ma qajmet ebda oġġezzjoni għall-kontinwazzjoni ta’ waħda minn dawn il-miżuri (sostenn għan-netwerk rurali) għal perjodu itwal (kawża N 166/05) (3).

(4)

Fit-8 ta’ Ottubru 2003, DP ressqet rikors għall-annullament (T-343/03) kontra d-Deċiżjoni tal-Kummissjoni N 784/02, bl-argument li din id-deċiżjoni kienet ċaħdet b’mod impliċitu l-ilment CP 206/02 tagħha. Fis-16 ta’ Novembru 2005, il-Qorti tal-Prim’Istanza ċaħdet ir-rikors tad-DP billi ddikjarat li d-Deċiżjoni N 784/02 ma kinitx timplika ċ-ċaħda tal-ilment u li l-Kummissjoni kienet qed twettaq investigazzjonijiet (kif muri mill-korrispondenza ppreżentata quddiem il-Qorti).

(5)

Fl-10 ta’ Awwissu 2006, DP bagħtet ittra li talbet lill-Kummissjoni biex tieħu pożizzjoni rigward l-ilment tagħha tal-2002 f’perjodu ta’ xahrejn, fuq il-bażi tal-Artikolu 232 tat-Trattat. L-istess ittra kien fiha informazzjoni rigward serje ta’ miżuri allegati ta’ għajnuna mill-Istat ġodda. Dawn il-miżuri huma differenti minn dawk li kienu s-suġġett tal-ilment tal-2002 u l-ilment kontrihom kien għalhekk ittrattat bħala lment separat li kien mogħti r-referenza CP 221/06, sussegwentement NN 83/06. Il-miżuri allegati kienu kif ġej:

(6)

Bħala risposta għat-talbiet tal-Kummissjoni għal informazzjoni, l-awtoritajiet tar-Renju Unit ipprovdew informazzjoni rigward l-argumenti mqajma fiż-żewġ ilmenti permezz tal-ittri tas-6 ta’ Ottubru u tal-31 ta’ Ottubru 2006. Permezz ta’ ittra tal-5 ta’ Diċembru 2006, huma saħħew din l-informazzjoni fir-rigward tal-miżuri favur POL msemmija fil-premessa (3).

(7)

Permezz ta’ ittra tas-27 ta’ Ottubru 2006, il-Mail Competition Forum (MCF), entità li tirrappreżenta parteċipanti fis-suq postali fl-Ingilterra, issottomettiet ilment dwar il-kont speċjali ddedikat għall-iffinanzjar tal-pensjonijiet tar-RM kopert ukoll mit-tieni lment ta’ DP. L-ilment ta’ MCF kien mogħti r-referenza CP 164/06, sussegwentement NN 82/06. Verżjoni mhux kunfidenzjali tal-ilment kienet mibgħuta lill-awtoritajiet tar-Renju Unit fl-20 ta’ Novembru 2006. L-awtoritajiet tar-Renju Unit ipprovdew kummenti dwar l-ilment permezz ta’ ittra tad-19 ta’ Diċembru 2006.

(8)

Permezz ta’ ittra tas-7 ta’ Diċembru 2006, il-Kummissjoni infurmat lil DP li ma sabitx biżżejjed raġunijiet sabiex tkompli l-investigazzjoni rigward l-ilment CP 206/02, u li jekk ma tismax mingħand DP fi żmien 20 jum tax-xogħol, l-ilment ikun ikkunsidrat bħala rtirat. Ebda risposta ma ntbagħtet sal-iskadenza. Dak l-ilment kien għalhekk ikkunsidrat bħala rtirat.

(9)

Fis-7 ta’ Diċembru 2006, r-Renju Unit bagħat notifika tal-estensjoni proposta ta’ miżura oħra favur POL (iffinanzjar ta’ ħlas ta’ djun) koperta minn N 784/02 li altrimenti kellha tiskadi fl-2007. Il-Kummissjoni awtorizzat din l-għajnuna taħt referenza N 822/06 permezz ta’ deċiżjoni tas-7 ta’ Marzu 2007 (4).

(10)

Fit-8 ta’ Frar 2007, ir-Renju Unit bagħat lill-Kummissjoni t-termini ta’ tħabbira rigward “il-miżura tal-pensjoni”, il-faċilità tas-self ta’ GBP 900 miljun u wkoll self ġdid ta’ GBP 300 miljun lil Royal Mail.

(11)

Fil-21 ta’ Frar 2007, il-Kummissjoni fetħet proċedura ta’ investigazzjoni fuq il-miżuri li ġejjin:

(12)

Id-deċiżjoni tal-21 ta’ Frar ikkonfermat l-irtirar tal-ilment CP 206/02 u kkonfermat li l-Kummissjoni ma qajmet ebda oġġezzjoni għall-iffinanzjar tal-miżuri awtorizzati għal POL mill-baġit tal-istat pjuttost milli mir-riżerva tal-posta.

(13)

Permezz ta’ ittra bid-data tat-22 ta’ Frar 2007, il-Kummissjoni nnotifikat lir-Renju Unit bid-deċiżjoni tagħha li tibda l-proċedura stabbilita fl-Artikolu 88(2) tat-Trattat fir-rigward tal-miżuri msemmija fil-premessa (11).

(14)

Id-deċiżjoni tal-Kummissjoni li tibda l-proċedura kienet ippubblikata f’Il-Ġurnal Uffiċjali tal-Unjoni Ewropea  (5). Il-Kummissjoni stiednet lill-partijiet interessati biex jissottomettu l-kummenti tagħhom fuq il-miżuri.

(15)

Il-benefiċjarju tal-allegata għajnuna mill-Istat huwa Royal Mail Group plc, sussegwentement Royal Mail Group Ltd (“RM”) li (permezz tal-kumpanija possedenti, Royal Mail Holdings plc) hija kumpanija posseduta 100 % mill-Istat. RM huwa l-operatur postali ewlieni tar-Renju Unit u kellu monopolju legali fuq il-parti l-kbira tas-servizzi bażiċi tal-posta sat-tmiem tal-2005. In-netwerk tal-uffiċċju postali huwa mħaddem minn POL, li hija sussidjarja ta’ RM.

(16)

Qabel l-2001, l-attivitajiet postali fir-Renju Unit kienu mwettqa minn The Post Office Corporation, korp statutarju maħluq mill-Att dwar l-Uffiċċju Postali tal-1969. L-assi u r-responsabbiltajiet ta’ The Post Office Corporation kienu trasferiti lil Consignia Holdings (issa mogħtija l-isem ġdid ta′ Royal Mail Holdings plc) u lis-sussidjarja tagħha, Consignia plc (issa RM) fis-26 ta’ Marzu 2001, taħt it-termini tal-Att dwar is-Servizzi Postali tal-2000.

(17)

RM għandha diviżjoni tal-kummerċ tal-pakketti separata, Parcelforce, li kienet imsemmija bħala l-benefiċjarja fl-ilment ta’ DP tal-2002. Parcelforce għandha infrastruttura ta’ trasport tagħha stess. Fl-2003, parti mill-attività tal-pakketti (inkluż il-provvista ta’ servizz universali għal pakketti miġjuba fl-uffiċċji postali) kienet trasferita minn Parcelforce għad-diviżjoni tal-ittri ta’ RM u issa hija mħaddma permezz ta’ dik l-infrastruttura. Illum, Parcelforce tittratta biss pakketti urġenti.

(18)

Skont is-sistema eżistenti qabel l-inkorporazzjoni u trasferimenti tal-2001, il-Post Office Corporation ma kinitx meħtieġa tħallas dividendi lill-awtoritajiet tar-Renju Unit u dan m’għamlitux. Kienet, madankollu, obbligata tinvesti parti mill-profitt li ġġenerat kull sena f’titoli tal-Gvern jew depożiti ta’ Fondi ta’ Self Nazzjonali. Dawn l-investimenti, ikklassifikati bħala assi kurrenti u ħafna drabi b’referenza bħala “titoli tal-Istat”, baqgħu ma′ RM wara t-trasferimenti tal-2001 u kienu jammontaw għal GBP 1 800 miljun fil-31 ta’ Marzu 2002. Fuq direzzjonijiet tal-awtoritajiet tar-Renju Unit, fit-30 ta’ Jannar 2003, taħt it-taqsima 72 tal-Att dwar l-Uffiċċju Postali tal-2000, RM qiegħdet dawn l-assi f’riserva speċjali (“ir-riserva postali”) sabiex ikunu użati biex jiffinanzjaw miżuri speċifiċi kif ordnat.

(19)

Fi Frar tal-2001, l-awtoritajiet tar-Renju Unit għamlu self ta’ GBP 500 miljun lil RM sabiex tiffinanzja akkwisti barranin għall-kummerċ tal-posta u tal-pakketti. Is-self għandu jitħallas bejn l-2021 u 2025 u għandu rata ta’ imgħax medja ta’ madwar 5,8 %. L-awtoritajiet tar-Renju Unit iddikjaraw f’korrispondenza mal-Kummissjoni li dan is-self kien fuq termini kummerċjali, u li huma segwew parir mill-konsulenti maħsub sabiex jiżgura li dan ikun il-każ. Is-sigurtà fuq is-self kienet l-ishma ta’ RM fil-General Logistics Systems International Holdings BV u ċerti assi oħra ta’ RM. Is-self ma kienx iddikjarat lill-Kummissjoni.

(20)

Fl-2003, l-awtoritajiet tar-Renju Unit għamlu diversi faċilitajiet ta’ self disponibbli lil RM sabiex tiffinanzja l-“pjan ta’ tiġdid” tagħha (inkluż ir-ristrutturazzjoni ta’ Parcelforce). Dawn il-faċilitajiet, deskritti mill-awtoritajiet tar-Renju Unit bħala pakkett kummerċjali, kienu negozjati bejn RM u l-awtoritajiet tar-Renju Unit u kkonsistew f’faċilità ta’ self ta’ GBP 544 miljun mill-Fond Nazzjonali tas-Self (“NLF”) assigurat fuq bilanċi akkumulati ta’ kontanti ta’ RM (b’mod partikolari l-fondi allokati lir-riserva tal-posta) u l-akkwist mill-awtoritajiet ta’ żewġ bonds maħruġa minn RM (wieħed ta’ GBP 300 miljun u wieħed ta’ GBP 200 miljun). Għal darb’oħra, l-awtoritajiet tar-Renju Unit iddikjaraw f’korrispondenza mal-Kummissjoni li dawn il-faċilitajiet ta’ self kienu fuq termini kummerċjali, u li huma segwew parir minn konsulenti mqabbda biex jassiguraw li jseħħ dan. Huma infurmaw lill-Kummissjoni wkoll li sa Ottubru 2006 dawn il-faċilitajiet ta’ self ma kinux inġibdu, minbarra GBP 50 miljun għall-ittestjar tal-proċess ta’ ġbid ta’ fondi li kienu mħallsa lura f’7 ijiem, u li l-faċilità ta’ GBP 200 miljun sa dak iż-żmien kienet laħqet skadiet. Miżati tal-impenn ta’ madwar GBP 2,5 miljun kienu madankollu mħallsa minn RM. Dawn il-faċilitajiet tas-self ma kinux notifikati lill-Kummissjoni.

(21)

F’Mejju 2006, l-awtoritajiet tar-Renju Unit iddikjaraw l-intenzjoni tagħhom li jestendu l-faċilitajiet ta’ self li jibqa’ u li jżidu l-livell tagħhom minn GBP 844 miljun għal GBP 900 miljun. L-awtoritajiet tar-Renju Unit indikaw fil-31 ta’ Ottubru 2006 li t-termini preċiżi ta’ din l-estensjoni kienu għadhom qed ikunu ffinalizzati iżda l-intenzjoni kienet li tkun fuq termini kummerċjali u li s-self ma jkunx jikkostitwixxi għajnuna mill-Istat.

(22)

Fl-2006, l-awtoritajiet tar-Renju Unit iddeċidew li joħorġu GBP 850 miljun mill-bilanċ tal-kontanti li kien baqa′ fir-riserva postali fir-RM sabiex iwaqqfu “kont f′idejn terzi”, li jistgħu jinġibdu l-flus minnu għal Royal Mail Pension Plan (“RMPP”) f’ċerti ċirkostanzi jekk RM tfalli bħala negozju. L-isfond ta’ din il-miżura kien li diversi skemi ta’ pensjoni ta’ RM, li minnhom RMPP hija bil-wisq l-ikbar, uriet defiċit totali (eċċess ta’ piżijiet proġettati fuq assi, fuq ċerti assunzjonijiet prudenzjali) ta’ GBP 5 600 miljun fil-kontijiet tagħha tal-2005/2006, fejn għall-ewwel darba dan id-defiċit kien inkluż fil-karta tal-bilanċ ta’ RM. Ir-RMPP, bħal skemi oħra ta’ pensjonijiet tax-xogħol fir-Renju Unit, hija skema ffinanzjata li hija mitluba li żżomm assi fir-rigward tar-responsabbiltajiet tagħha. Skont l-awtoritajiet tar-Renju Unit, RM ma tkunx kapaċi tħallas dan id-defiċit malajr u timmodernizza l-kumpanija fl-istess ħin, skont il-flussi tal-kontanti pproġettati. Il-kont għalhekk jippermetti lil RM biex jaqbel mal-amministraturi tal-RMPP għal perjodu itwal għall-ħlas tad-defiċit u għalhekk inaqqas il-kontribuzzjonijiet tal-pensjonijiet tiegħu fis-snin tal-bidu. L-awtoritajiet tar-Renju Unit iddikjaraw li huma jemmnu li l-użu tar-riżerva tal-posta għal dan l-għan huwa fl-aħjar interessi kummerċjali ta’ RM, u li billi jippermettu lil RM jikkompleta l-pjan strateġiku tiegħu huma jġibu żieda fil-valur tas-sehem tal-awtoritajiet tar-Renju Unit. il-kont f′idejn terzi u l-estensjoni tal-faċilitajiet tas-self, l-awtoritajiet tar-Renju Unit jiddikjaraw li hemm possibbiltà li l-valur tal-azzjonist ikun imħassar u mhux imtejjeb, u li huma għalhekk qed jaġixxu b’mod kummerċjali.

(23)

Fit-8 ta’ Frar 2007, l-awtoritajiet tar-Renju Unit iddikjaraw il-qbil tagħhom li jipprovdu lil RM b’self mill-azzjonist ta’ GBP 300 miljun. Dan is-self ma kienx notifikat lill-Kummissjoni. Kien ċar mit-termini tad-dikjarazzjoni li dan is-self huwa parti minn pakkett ta’ miżuri bil-kont f′idejn terzi tal-pensjonijiet u l-faċilità tas-self.

(24)

Fid-deċiżjoni tagħha ta’ ftuħ tal-proċedura ta’ investigazzjoni, il-Kummissjoni esprimiet dubji dwar l-argumenti miġjuba mill-awtoritajiet tar-Renju Unit li l-miżuri ma kinux jikkostitwixxu għajnuna mill-Istat għax kien provduti fuq termini kummerċjali u għalhekk ma pprovdew ebda vantaġġ lil Royal Mail. Il-kummerċ tal-kunsinna ta’ ittri u pakketti huwa internazzjonali u l-Kummissjoni temmen li vantaġġ selettiv favur RM jew Parcelforce jgħawweġ il-kompetizzjoni u jaffettwa n-negozju bejn l-Istati Membri. Il-miżuri kienu kollha mogħtija minn fondi taħt il-kontroll dirett tal-Istat u għalhekk kienu jikkostitwixxu riżorsi tal-Istat skont it-tifsira tal-Artikolu 87(1) tat-Trattat. Il-miżuri kienu kollha imputabbli lill-Istat u kienu selettivi peress li kienu mogħtija biss lil RM. Għalhekk jekk ipprovdew vantaġġ lil Royal Mail ikunu jissodisfaw il-kriterji biex ikunu kkunsidrati bħala għajnuna mill-Istat. Il-Kummissjoni evalwat il-kwistjoni ta’ vantaġġ fir-rigward tal-miżuri li fuqhom fetħet il-proċedura.

(25)

Kif imsemmi fil-premessa (19), is-self tal-2001 għandu jitħallas bejn l-2021 u 2025 u għandu rata ta’ imgħax medja ta’ madwar 5,8 %. Dan huwa b’mod sinifikanti iktar baxx mir-rata ta’ referenza applikabbli għar-Renju Unit fl-2001 (7,06 %), meta r-Renju Unit informa preċedentement lill-Kummissjoni li s-self kien mogħti. L-awtoritajiet tar-Renju Uniti pprovdew ċerta evidenza li, dak iż-żmien, il-kurva tal-qligħ fir-Renju Unit kienet nieżla ’l isfel u li għalhekk ir-rati tal-imgħax għal dan is-self għal terminu twil setgħu jkunu iktar baxxi mir-rata ta’ referenza (li dak iż-żmien kienet ibbażata fuq rati ta’ ħames snin) mingħajr ma jiksru l-prinċipju tal-investitur fl-ekonomija tas-suq. Madankollu, din l-evidenza dehret li tindika wkoll li parti mis-self kien mogħti fl-1999 u fl-2000. Dan mhux biss ikkontradixxa informazzjoni preċedenti, iżda involva perjodu meta r-rata ta’ referenza kienet ogħla minn hekk (7,64 % fl-2000). Il-Kummissjoni osservat ukoll li, għall-inqas fl-2001, il-prestazzjoni finanzjarja ta’ Royal Mail kienet bdiet tonqos. Dan normalment ikun rifless fit-termini ta’ kwalunkwe self. Għal dan l-għan, fl-evalwazzjoni ta’ self lil kumpanija f’diffikultajiet finanzjarji, il-Kummissjoni tista’ tuża rata ogħla mir-rata ta’ referenza bħala punt ta’ paragun.

(26)

L-awtoritajiet tar-Renju Unit kienu infurmaw lill-Kummissjoni li sa Ottubru 2006 l-faċilitajiet tas-self mogħtija fl-2003 ma kienux inġibdu. Madankollu, ma setax ikun konkluż minn dan il-punt biss li l-faċilitajiet tas-self ma pprovdew ebda vantagġ, peress li d-disponibbiltà tal-faċilitajiet tas-self kellhom ‘valur ta’ alternattiva’ għall-kumpannija. Ma setax ikun magħruf fl-2003 li ma kinux se jinġibdu. It-termini tal-faċilitajiet tas-self għalhekk hemm bżonn li jkunu stmati bl-istess mod bħas-self tal-2001. Jista’ jkun osservat li dawn il-faċilitajiet ta’ self kienu konnessi mal-pjan ta’ tiġdid ta’ RM.

(27)

Is-self GBP ta’ 544 m mill-NLF kien mogħti fuq “25 punt bażi ’l fuq mil-Libor jew titoli rilevanti tal-Istat” (6). Għandu jkun osservat li r-rata ta’ referenza hija stabbilita bħala 75 punti ’l fuq minn interbank swap rate. L-awtoritajiet tar-Renju Unit iġġustifikaw il-marġini baxx b’referenza għas-sigurtà provduta, jiġifieri r-riservi tal-kontanti ta’ RM. Madankollu, l-Kummissjoni osservat li dawn ir-riservi jikkostitwixxu riżorsi tal-Istat li fuqhom l-awtoritajiet tar-Renju Unit kellhom kontroll permezz ta’ leġiżlazzjoni speċifika. Il-Kummissjoni għalhekk staqsiet jekk l-użu tagħhom bħala titoli setax neċessarjament ineħħi dubji dwar il-karattru ta’ għajnuna tal-miżura. Hija osservat li kieku s-self kellu iinġibed, iffrankar ta’ 50 punt bażi kien ikun ħafna akbar mill-valur tal-ħlasijiet tal-impenn li kienu mħallsa minn RM.

(28)

Il-bonds ta’ GBP 300 miljun u GBP 200 miljun kienu maħruġa b’rati ta’ 50 u 200 punt bażi ’l fuq mit-“titoli rilevanti tal-Istat”. L-ikbar bond kien assigurat permezz ta’ floating charge fuq l-assi kollha ta’ RM filwaqt li l-iżgħar waħda kellha sigurtà iktar baxxa. Il-marġni ta’ 50 punti bażi ogħla mir-rata bbażata fuq titoli tal-Gvern (li huma tipikament iktar baxxi minn rati interbankarji) jimplika li s-self ta’ GBP 300 miljun seta’ kien b’rata iktar baxxa mir-rata ta’ referenza tal-Kummissjoni.

(29)

L-awtoritajiet tar-Renju Unit infurmaw lill-Kummissjoni fil-31 ta’ Ottubru 2006 li t-termini li fuqhom il-faċilitajiet tas-self tal-2003, li kienu għadhom eżistenti f’Ottubru 2006 (jiġifieri s-self ta’ GBP 544 m tal-Fondi tas-Self Nazzjonali u l-bond ta’ GBP 300 miljun), kellhom ikunu estiżi kienu għadhom qed ikunu negozjati iżda li huma kienu qed ifittxu parir minn konsulenti sabiex jiżguraw li t-termini kienu kummerċjali.

(30)

Skont l-informazzjoni provduta mill-awtoritajiet tar-Renju Unit, effett wieħed tal-kont f′idejn terzi kien li jnaqqas il-kontribuzzjonijiet tal-pensjonijiet li RM għandu jagħmel lil RMPP sabiex iħallas id-defiċit tiegħu fis-snin tal-bidu. Il-Kummissjoni osservat li dan kien indikazzjoni li l-miżura tista’ tipprovdi vantaġġ lil RM u għalhekk tikkostitwixxi għajnuna mill-Istat. Il-Kummissjoni kellha dubji dwar l-argument li l-miżura tista’ tkun ġustifikata bħala l-intervent ta’ investitur fl-ekonomija tas-suq, li ma kienx appoġġjat minn projezzjonijiet jew minn analiżi finanzjarja.

(31)

Il-Kummissjoni identifikat tliet punti li se tikkunsidra. Peress li l-fondi ta’ riserva fir-riserva diġà kienu miżmuma f′Royal Mail u fuq il-karta tal-bilanċ tagħha, punt minnhom kien jekk il-ħolqien ta’ kont f′idejn terzi jistax ikun ikkunsidrat bħala deċiżjoni kummerċjali minn RM minkejja l-involviment tal-awtoritajiet tar-Renju Unit, li qam permezz tas-sistema legali applikabbli partikolari. It-tieni punt, fir-rigward tal-poteri partikolari meħuda mill-awtoritajiet tar-Renju Unit fuq dawn ir-riservi, kien jekk azzjonist li jaġixxi kummerċjalment jaqbilx ma′ dan l-użu tal-ekwità tal-azzjonisti. It-tielet punt, b’kunsiderazzjoni li l-użu tar-riservi għall-miżura tal-pensjoni jitlob li l-awtoritajiet jiffinanzjaw il-miżuri POL mill-baġit tal-istat, kien jekk azzjonist ikunx jaqbel li jġib ekwità ġdida sabiex jiġi ffinanzjat kont f′idejn terzi ta’ dan it-tip.

(32)

It-termini tas-self ma kinux komunikati lill-Kummissjoni fil-ħin tal-ftuħ tal-investigazzjoni. Il-Kummissjoni għalhekk ma setgħetx tevalwa jekk it-termini tiegħu kinux jinkludu għajnuna. B’kunsiderazzjoni tal-fatt li s-self kien parti minn pakkett ta’ miżuri fejn il-Kummissjoni ma kinitx warrbet id-dubji tagħha li għajnuna mill-Istat tista’ tkun involuta, it-termini tas-self ma setgħu, f’ebda każ, ikunu evalwati indipendentement.

(33)

Il-Kummissjoni esprimiet dubji wkoll dwar, jekk kienu fil-fatt jikkostitwixxu għajnuna mill-Istat, il-miżuri jistgħux jinstabu kumpatibbli mas-suq komuni. Hija osservat li l-bażi legali tal-Artikolu 86(2) tat-Trattat ma kienx jidher li huwa disponibbli anki jekk RM għandu f’idejh servizzi ta’ interess ekonomiku ġenerali. Is-self u l-faċilitajiet tas-self kienu espressament konnessi mill-awtoritajiet tar-Renju Unit ma’ proġetti oħra mhux mal-provvista ta’ dawn is-servizzi, jiġifieri l-akkwisti barranin ta’ RM u l-pjan ta’ tiġdid adottat fl-2003. Il-kont f′idejn terzi tal-pensjonijiet bl-istess mod ma kien konness ma ebda servizz ta’ interess ekonomiku ġenerali mwettaq minn RM.

(34)

L-unika bażi għall-kompatibbiltà ta’ dawn il-miżuri, jekk jinkludu għajnuna mill-Istat, deher li kien l-Artikolu 87(3)(c) tat-Trattat. Madankollu, il-miżuri ma dehru li jikkonformaw ma′ ebda waħda mir-regoli li jirrigwardaw l-applikazzjoni ta’ dak is-sub-paragrafu li Kummissjoni ppromulgat s’issa. Kieku għajnuna mill-Istat kienet involuta, il-Kummissjoni ddubitat allura jekk dawn il-miżuri kinux ikunu kumpatibbli mas-suq komuni.

(35)

Deutsche Post ikkummentat li l-investigazzjoni kopriet biss parti mill-għajnuna mogħtija lil Royal Mail fis-snin riċenti. Il-Kummissjoni kienet approvat serje sħiħa ta’ miżuri ta’ għajnuna mir-Renju Unit li rriżultaw fil-fatt li tkun l-ikbar reċipjent ta’ għajnuna fis-settur postali (wara Poste Italiane) fis-snin riċenti. DPAG semmiet li, minkejja dawn il-miżuri kollha, il-fornitur tas-servizz liberalizzat tal-kunsinna tal-pakketti ta’ Royal Mail, Parcelforce, kien għal ħafna snin qed jagħmel telf kbir. Peress li fl-istess ħin Royal Mail ma kinitx qalgħet biżżejjed dħul mill-kumpaniji l-oħra tagħha sabiex tpatti għal dan it-telf, dan għandu neċessarjament ikun kopert minn riżorsi tal-Istat. Skont id-deċiżjoni tal-Kummissjoni tad-19 ta’ Ġunju 2002 (kawża C 61/99, Deutsche Post AG (7)), dan it-telf tal-kumpens jikkostitwixxi għajnuna mill-istat li mhix kumpatibbli mas-suq komuni. DPAG iddispjaċiha li l-Kummissjoni ma kinitx ikkunsidrat dan il-fatt, li DPAG diġà enfasizzat fl-ilment tagħha tat-3 ta’ Diċembru 2002, f’dawn il-proċedimenti.

(36)

Fir-rigward tas-self tal-2001, DP osservat li f’Jannar 1999 Royal Mail akkwistat il-fornitur tas-servizz tal-pakketti Ġermaniż German Parcel GmbH (“German Parcel”) għal EUR 424 miljun. Fil-ħarifa tal-1999 German Parcel GmbH saret parti mis-Sistema Ġenerali tal-Loġistika (“GLS”) ġdida. GLS għamlet ħafna akkwisti fis-suq Ewropew. Matul il-perjodu 2000-2003, Royal Mail ma ġġenerat kważi ebda profitt biex minnhom tiffinanzja dawn l-akkwisti. Jekk is-self li jiffinanzja dawn l-akkwisti kien mogħti fuq termini li dak iż-żmien ma setgħux ikunu akkwistati fis-suq, allura tkun involuta għajnuna mill-Istat illegali li għandha tkun imħallsa lura.

(37)

Fir-rigward tal-faċilitajiet tas-self, DPAG ikkunsidrat li huwa diffiċli tifhem għaliex Royal Mail ma ffinanzjatx it-tiġdid tal-infrastruttura postali tagħha mid-dħul tagħha tas-snin riċenti (skont iċ-ċifri tagħha, fis-sena finanzjarja 2005/2006 Royal Mail kellha profitt operattiv ta’ GBP 355 miljun). Ir-regolatur Postcomm diġà kien ħa l-obbligi tas-servizz universali tal-kumpannija estensivament inkunsiderazzjoni fl-approvazzjonijiet tiegħu tar-rati. Kien hemm biża’ għalhekk li l-effett ġenerali tal-ħafna miżuri ta’ sostenn fil-forma ta’ pagamenti diretti mill-Istat, self u miżuri approvati ta’ ipprezzar kienu li jingħata kumpens żejjed għall-ispejjeż tas-servizz universali b’tali mod li ma jkunx ammissibbli taħt regoli ta’ għajnuna mill-istat. Dan jista’ b’mod apprezzabbli jaffettwa l-kompetizzjoni fis-suq tal-ittri, pakketti u kurrier espress fir-Renju Unit, fejn DPAG kisbet dħul mill-bejgħ li jaqbeż l- EUR 1 000 miljun fl-2006.

(38)

DPAG ħeġġet lill-Kummissjoni biex tissuġġetta l-miżuri tal-għajnuna mill-istat imsemmija fid-deċiżjoni li tiftaħ il-proċedimenti għal eżami kritiku fl-isfond tal-ħafna miżuri ta’ sostenn mill-istat diġà approvati għal Royal Mail b’mod partikolari.

(39)

Bħala l-ewwel risposta għall-ftuħ ta’ proċedura, TNT Post UK Ltd (“TNT”) appoġġjat totalment l-investigazzjoni bħala Membru tal-Forum tal-Kompetizzjoni tal-Posta li ssottomettiet ilment dwar il-miżura tal-pensjonijiet. Bħala parteċipant fis-suq, kienet direttament affettwat minn kwalunkwe forma ta’ ffinanzjar magħmul fuq kull ħaġa minbarra termini kummerċjali skont il-prinċipju tal-arm′s length. Dan l-iffinanzjar kien ifisser li Royal Mail hija f’pożizzjoni li żżomm il-prezzijiet tagħha baxxi b’mod artifiċjali, u għalhekk inaqqas il-kapaċità ta’ TNT li tikkompeti.

(40)

TNT osservat mill-kontijiet interim ta’ Royal Mail Group Limited (qabel plc) li “Royal Mail Group plc hija inadempjenti fil-faċilitajiet ta’ self tagħha mal-Gvern, iżda rċeviet rinunzji formali mid-Dipartiment tal-Kummerċ u l-Industrija, fil-kapaċità tiegħu ta’ min isellef.” TNT ddikjarat li, f’dawn il-kundizzjonijiet, ebda entità kummerċjali li ssellef ma tkun lesta li toffri ammonti oħra sakemm it-termini ma jirriflettux b’mod adegwat iż-żieda fir-riskju ta’ nuqqas ta’ ħlas ta’ imgħax jew nuqqas ta’ ħlas lura tal-kapital. TNT osservat ukoll li, f’dokument ta’ Royal Mail bid-data Marzu 2007, imsemmi “Il-pożizzjoni ta’ Royal Mail fuq ir-reviżjoni interim”, Royal Mail ikkonfermat li l-iffinanzjar mill-ġdid kien interdipendenti mal-ħlas tal-kontroll tal-prezz u l-iffinanzjar tad-defiċit tal-pensjoni fi 17-il sena. TNT rat dan bħala perjodu bħala twil wisq u, kieku kellu jirriżulta li l-iffinanzjar sar fuq termini ta’ investitur jew min isellef mhux kummerċjali, dan kien jindika li dan il-perjodu ta’ rkupru huwa twil wisq. Konsegwentement, il-limiti fuq il-kontroll tal-prezzijiet stabbiliti mir-regolatur postali Postcomm kienu jkunu stabbiliti fuq livell baxx wisq. Bħala kompetitur, TNT qalet li kienet affettwata direttament mil-limiti tal-prezzijiet fuq il-posta kummerċjali li kienu stabbiliti fuq livell li jassumi ffinanzjar mill-gvern u perjodu ta’ rkupru twil wisq għad-defiċit tal-fond tal-pensjoni.

(41)

TNT għamlet sottomissjoni oħra li waslet ħafna wara l-iskadenza uffiċjali għall-kummenti iżda li l-Kummissjoni kkunsidrat xorta, minkejja dan. TNT kienet wettqet analiżi taż-żewġ sorsi ta’ ffinanzjar mill-gvern magħmula disponibbli għal Royal Mail, jiġifieri (i) iffinanzjar permezz ta’ self u (ii) ir-rilaxx ta’ riservi kkontrollati mill-gvern f’kont f′idejn terzi aċċessibbli mid-depożitarji tal-fond tal-pensjoni ta’ Royal Mail. Il-konklużjoni ta’ TNT kienet li ż-żewġ riżorsi ta’ ffinanzjar ma kinux ikunu magħmula minn investitur kummerċjali.

(42)

Rigward is-self tal-2001, dan kienu mogħti bħala self mhux assigurat fi Frar 2001 b’dewmien viċin ta’, bħala medja, 21 sena u rata ta’ imgħax fissa ta’, bħala medja, 5,84 %. Fix-xahar tal-ħruġ tas-self, ir-rata ta’ skambju ta’ 20 sena (versus GBP-Libor) kienet ta’ medda ta’ bejn 5,87 % u 6,12 %. Minn dan, wieħed jista’ jikkonkludi li s-self mill-Istat kien konkluż bi skont mir-rati prevalenti interbankarji filwaqt li taħt ċirkustanzi normali dejn mhux assigurat tal-kumpaniji jħallas firxa tal-kreditu ogħla mir-rati interbankarji. Li dan jgħodd ukoll għal Royal Mail huwa ppruvat mill-firxa tal-kreditu ta’ 0,25 % ’l fuq mil-Libor li banek kummerċjali imponew fuq Royal Mail għas-self b’dewmien ħafna inqas. TNT osservat ukoll li l-firxiet tal-kreditu jżidu b’mod sinifikanti għal maturitajiet iktar fit-tul. Fuq il-bażi tal-informazzjoni disponibbli, huma jikkonkludu li parti kummerċjali ma kinitx tidħol għas-self ta’ GBP 500 miljun ma’ Royal Mail fuq il-kundizzjonijiet ippubblikati. Fil-fatt, self mogħti fuq termini tas-suq skont il-prinċipju tal-arm′s length kien jippreżenta rata ta’ imgħax sostanzjalment ogħla.

(43)

Fir-rigward tal-bonds maħruġa fl-2003 (jiġifieri, il-faċilitajiet tas-self), TNT rat is-sitwazzjoni ftit differenti peress li deher li l-bonds kienu assigurati minn assi ta’ Royal Mail. Skont is-saħħa ta’ dawn l-assi (li, fuq bażi tal-informazzjoni disponibbli, dehru li huma pjuttost b’saħħithom) il-firxa ’l fuq mil-Libor tkun mistennija li tkun imnaqqsa. Huwa biss l-ammont ta’ dan it-tnaqqis li jqajjem dubji iżda peress li ma kienx ċar għal TNT x’rata Royal Mail kienet attwalment qed tħallas, kien diffiċli li wieħed jiddetermina jekk minn perspettiva kummerċjali dan jistax ikun ġustifikat kemm minn Royal Mail u kif ukoll mill-Gvern tar-Renju Unit.

(44)

Fir-rigward tas-self mogħti fl-2007, TNT osservat li ma kienx possibbli li wieħed jiddetermina l-kummerċjalità tat-termini għax ma kinux magħrufa pubblikament u, ukoll, għax is-self kien apparentament marbut mal-kont f′idejn terzi u l-faċilità ta’ self eżistenti. Madankollu, r-rinunzja ta’ klawżoli ta’ inadempjenza taħt faċilitajiet eżistenti (kif kien ikkonfermat mill-kontijiet regolatorji ta’ nofs is-sena ta’ Royal Mail (8), fin-nota 3 f′paġna 18 “Royal Mail Group plc għandha responsabbiltajiet netti fl-24 ta’ Settembru 2006, primarjament bħala riżultat tad-defiċit tal-pensjoni fil-pjan ewlieni tal-pensjoni tagħha, il-Royal Mail Pension Plan. Konsegwentement, Royal Mail qed tikser il-faċilitajiet ta’ self tagħha mill-Gvern, iżda rċeviet rinunzji formali mid-Dipartiment tal-Kummerċ u l-Industrija, fil-kapaċità tiegħu bħala entità li ssellef”) u l-għoti ta’ finanzjament ta’ self addizzjonali kien xi ħaġa li parti kummerċjali taħt ċirkostanzi normali ma kinitx tagħmel.

(45)

Fir-rigward tal-miżura tal-pensjonijiet, TNT staqsiet jekk, fl-inkorporazzjoni ta’ Royal Mail f’Marzu 2001, it-trasferiment ta’ assi mhux kummerċjali u ekwità relatata magħrufin bħala “riservi postali” kienx kummerċjali. Skont TNT, azzjonist kummerċjali wisq probabbli ma kienx jistabbilixxi kumpannija li kienet tinkludi ass ta’ self (fejn id-debitur kien l-azzjonist) u mbagħad jipprovdi kontribuzzjoni simili f’ekwità. TNT ikkummentat li meta l-operatur Olandiż KPN kien “privatizzat” fl-1989, ftehim simili kien fis-seħħ iżda l-karta tal-bilanċ tal-ftuħ ta’ KPN fl-1989 bħala NV. Olandiża ma kinitx tinkludi la l-assi u lanqas ir-riservi assoċjati.

(46)

Skont TNT, it-trasferiment fil-kont f′idejn terzi mill-awtoritajiet tar-Renju Unit iservi ta′ garanzija lejn il-pension trust, li tiegħu l-benefiċċju għal Royal Mail ikun li tkun tista’ tirkupra d-defiċit fuq perjodu ta’ ffinanzjar itwal u li tuża l-fondi tagħhom stess biex issaħħaħ in-negozju tagħhom. Kieku Royal Mail kellha tiffinanzja d-defiċit mill-ewwel, skont jekk ir-responsabbiltà għall-pensjonijiet fil-karta tal-bilanċ kinux diġà jirriflettu dan id-defiċit, kienu jkunu affaċċjati b’telf sostanzjali u tnaqqis ta’ ekwità u, forsi b’mod iktar importanti, tnaqqis tal-fondi. F’kondizzjonijiet tas-suq normali, jekk kumpanija jkollha bżonn fondi, tista’ tissellef mis-suq tad-dejn jew tgħolli kapital addizzjonali fis-swieq tal-ekwità. Fil-każ ta’ Royal Mail, deher li kien hemm it-tielet possibbiltà, jiġifieri, qbil dwar limitu tal-prezz iktar baxx fil-kontroll tal-prezz tagħha mar-regolatur. Il-prezzijiet setgħu jiżdiedu b’livell sustanzjali mingħajr ma jilħqu livelli għoljin b’mod abbużiv. Peress li l-kunsens ta’ Royal Mail kien meħtieġ sabiex jagħti effett għall-kontroll tal-prezzijiet, din kienet materja fil-poter ta’ Royal Mail u possibbiltà li kienet magħrufa mill-azzjonist tagħha.

(47)

TNT kkummentat li biex jiżdiedu l-flus fis-suq tad-dejn, min jissellef għandu bżonn argument konvinċenti li jkun jista’ jħallas lura d-dejn minn flussi ta’ kontanti futuri. Sabiex iżżid il-flus fis-suq tal-ekwità, kumpanija għandha bżonn argument iktar konvinċenti li se tiġġenera redditu sinifikanti għall-azzjonist fuq il-kontribuzzjoni tal-kapital totali investit. Bħala l-unika azzjonist ta’ Royal Mail, il-Gvern tar-Renju Unit kellu jwettaq l-investigazzjonijiet kollha neċessarji sabiex jissodisfa lilu nnifsu li Royal Mail tkun f’kundizzjoni finanzjarja aħjar li kieku kellha tkun awtorizzata tikkompleta l-pjan strateġiku tagħha. Il-punt kritiku kien jekk it-twettiq ta’ iktar investiment permezz tar-rilaxx ta’ fondi minn riservi kienx jagħmel sens kummerċjalment jew kienx ifisser li qed iqiegħed “flus tajba wara dawk ħżiena”. Analiżi ċara ħafna dwar ir-redditu li għandu jkun miksub mill-investiment addizzjonali tkun importanti ħafna għal kwalunkwe deċiżjoni bħal din. Fin-nuqqas ta’ evidenza ċara li turi li l-pjan ta’ ristrutturazzjoni – awtorizzat permezz tar-rilaxx tal-fondi mir-riservi – jikseb redditu kummerċjali fuq dan l-investiment għall-azzjonist, TNT kienet temmen li d-deċiżjoni kienet tkun meħuda fuq termini mhux kummerċjali.

(48)

Fir-rigward tas-self tal-2001, Ir-Renju Unit iċċara li l-oriġini tas-self kien fl-1999 meta l-Gvern qabel mal-istrateġija ta’ Royal Mail biex tagħmel ċerti akkwisti sabiex tgħin il-kompetittività tan-negozju ewlieni ta’ Royal Mail. Fi qbil ma’ din l-istrateġija, l-awtoritajiet ikkunsidraw b’mod partikolari r-redditu previst mistenni hekk kif Royal Mail ħadmet biex tikseb l-għan strateġiku tagħha. Sal-ħames sena tal-istrateġija ġenerali tagħha għall-akkwist, Royal Mail kienet qed tipprevedi tkabbir fil-fatturat ta’ 40 % u żieda ta′ 210 % fil-profitti. F’diskussjonijiet dwar l-iffinanzjar tal-akkwisti, u b’mod partikolari l-akkwist ta’ German Parcel li rrappreżenta l-ewwel akkwist barrani kbir ta’ Royal Mail, l-awtoritajiet tar-Renju Unit indikaw li xtaqu li Royal Mail tiffinanzja din it-tranżazzjoni (u tranżazzjonijiet futuri) permezz ta’ self mill-NLF tal-Gvern b’rati kummerċjali. Dan irrifletta l-intenzjoni tal-Gvern li jimponi dixxipplini kummerċjali fuq Royal Mail u wkoll li jiżgura li tikkompeti b’mod ġust ma’ operaturi postali oħrajn fis-settur postali waqt li s-suq kien gradwalment miftuħ għal kompetizzjoni.

(49)

Peress li l-NLF ma kienx f’pożizzjoni li jipprovdi s-self fl-1999, il-Gvern tar-Renju Unit qabel li Royal Mail kellha tiffinanzja t-tranżazzjonijiet temporanjament permezz tal-użu ta’ riservi ta’ kontanti fuq il-karta ta’ bilanċ tagħha, skont politika tar-Renju Unit li entitajiet pubbliċi għandhom ġeneralment ma jissellfux minn swieq privati tal-kapital. L-imgħax fuq is-self tan-NLF kellu jkun applikat mid-dati (9) li fihom Royal Mail ġibdet mir-riservi tal-kontanti tagħha bħallikieku s-self kien fis-seħħ minn dak il-punt (kif oriġinarjament maħsub) sabiex iħalli lill-kumpanija newtrali għal ftehim ta’ ffinanzjar interim. Ir-Renju Unit ipprovda lill-Kummissjoni b’ittra bid-data tat-12 ta’ Jannar 1999 li permezz tagħha l-awtoritajiet tar-Renju Unit taw lil Royal Mail l-approvazzjoni tagħhom tal-akkwist ta’ German Parcel, li speċifikat kif l-iffinanzjar kellu jkun provdut.

(50)

Sabiex jikkunsidraw jekk l-akkwisti proposti minn Royal Mail kinux strateġikament u kummerċjalment sensibbli, l-awtoritajiet tar-Renju Unit ingaġġaw l-assistenza ta’ konsulent estern għall-akkwist ta’ German Parcel. Għal akkwisti sussegwenti li wkoll kienu ffinanzjati mis-self ta’ GBP 500 miljun u li kienu jirrikjedu l-kunsens tal-awtoritajiet tar-Renju Unit, kien mitlub parir minn Deloitte & Touche LLP (“Deloitte”), li evalwat kull akkwist fuq bażi individwali, qabel ma l-awtoritajiet tar-Renju Unit awtorizzaw li jitwettqu l-akkwisti kkonċernati. Deloitte ma taw parir kontra l-ebda wieħed mill-akkwisti.

(51)

Deloitte inżammet ukoll biex tgħin sabiex jiġu ddeterminati r-rati ta’ imgħax kummerċjali fuq pagamenti minn NLF lil Royal Mail u b’mod partikolari fuq ir-rata ta’ kreditu għal Royal Mail ibbażata fuq il-valutazzjoni tal-affidabbiltà tagħha bħala negozju indipendenti, irrilevanti mill-pussess tal-Gvern. Deloitte evalwat ir-riskju ta’ kreditu ta’ RM bħala funzjoni ta’ riskji ta’ negozju u finanzjarji, u permezz tal-użu ta’ apparati użati għat-tqabbil tal-prodotti u ta′ proporzjonijiet finanzjarji, stabbiliet klassifikazzjoni tal-kreditu ta’ bejn AA u AA. Deloitte irrakkomandat ukoll li r-rata ta’ imgħax imposta fuq Royal Mail tkun determinata permezz ta’ referenza għal rati għal emittenti valutati b′mod komparabbli bbażata fuq “indiċi” ta’ screen pricing ta’ firxiet għall-klassifikazzjoni tal-kreditu stabbilita fuq bonds tal-Gvern bħala punt ta’ referenza. Fuq din il-bażi, il-firxa rilevanti imposta fuq Royal Mail kellha medda ta’ bejn 76 u 165 punti bażi.

(52)

Royal Mail talbet self għal terminu twil peress li, sabiex timplimenta l-istrateġija tagħha, kellha l-intenzjoni li żżomm in-negozju li akkwistat għal terminu twil. Fuq il-bażi tar-rati kummerċjali ta’ imgħax disponibbli dak iż-żmien (meta r-rati ta’ imgħax għal terminu twil kienu kunsiderevolment iktar baxxi mir-rati ta’ imgħax għal terminu qasir), Royal Mail talbet dewmien tas-self ta’ bejn 20 u 25 sena, kif xieraq, għall-akkwisti ta’ terminu twil ikkonċernati, li jippermettu li GBP 100 miljun mill-ammont totali msellef isir pagabbli lura f’kull waħda mis-snin mill-2021 sa 2025, minflok li Royal Mail tintalab tħallas lura l- GBP 500 miljun kollha f’sena waħda. Is-saffi tas-self kellhom maturitajiet differenti b’medda ta’ bejn 20 sa 25 sena li ma kienx mhux tas-soltu meta wieħed iqis il-ġibda relattiva tar-rati tal-imgħax għal terminu twil dak iż-żmien. Ir-rati ta’ self kienu bbażati fuq dejn rapportat, ukoll mhux assigurat, ta’ maturità ta’ 20 u 25 sena bi klassifikazzjoni tal-kreditu ta’ AA u mbagħad rati annwali kienu interpolati sabiex tkun miksuba rata xierqa għas-self ta′ Royal Mail.

(53)

Ir-Renju Unit sostna li r-rati ta’ imgħax ta’ referenza tal-Kummissjoni ma kinux apparat li jqabbel il-prodotti validu għar-rati fuq is-self tal-2001, b’mod partikolari għax ir-rati tal-Kummissjoni huma bbażati fuq dati ta’ maturità ta’ ħames snin u s-self inkwistjoni kien jikkonsisti f’dejn għal terminu twil b’medda ta’ dati ta’ maturità bejn 20 u 25 sena, għax is-self mogħti lil Royal Mail kien jirrifletti rati kummerċjali disponibbli għal debituri għal terminu twil pożizzjonati b’mod simili, u għax il-kurva tal-qligħ tar-Renju Unit fl-1999-2000 (il-perjodu rilevanti għall-kalkolu tal-imgħax) kienet nieżla ’l isfel, u b′hekk kienet qed tagħmel lis-self għall-kumpanniji irħas.

(54)

Ebda sigurtà fuq is-self ma kienet ikkunsidrata neċessarja jew xierqa peress li l-klassifikazzjoni tal-kreditu ta’ Royal Mail kienet ikkunsidrata li hija AA għal faċilitajiet ta’ dejn ta’ sa GBP 1 000 miljun. Is-self propost xorta jżomm id-dejn għal terminu twil ta’ Royal Mail f’dan il-livell u waħdu jinkludi l-maġġoranza sostanzjali tad-dejn ta’ Royal Mail b’maturità ta’ iktar minn sena. Fl-istess ħin li kienu qed jinnegozjaw il-faċilitajiet tad-dejn tal-2003, madankollu, l-awtoritajiet tar-Renju Unit iddeċidew li jiddikjaraw mill-ġdid is-self tal-2001 ta’ GBP 500 miljun b′dokument b’forma simili għall-arranġamenti tal-2003. Dan id-dokument il-ġdid ma biddilx l-ammont tas-self, id-dewmien tas-self jew ir-rati ta’ imgħax applikabbli iżda, skont iż-żieda ġenerali fid-dejn tal-kumpanija, is-sigurtà fuq l-ishma ta’ GLS mogħtija taħt il-faċilitajiet il-ġodda kien estiż ukoll sabiex ikopri s-self tal-2001. Fl-istess ħin, is-self kien assigurat permezz ta’ taxxa fissa u floating charge fuq ċerti assi ta’ Royal Mail.

(55)

Ir-Renju Unit ipprovda iktar dettalji dwar il-faċilitajiet ta’ self magħmula disponibbli fl-2003. It-termini kienu jitolbu li s-self ikun appoġġjat minn sigurtà fuq uħud mid-depożiti tal-kontanti miżmuma fuq il-karta ta’ bilanċ ta’ Royal Mail u kienu għalhekk dejn ta’ riskju speċjalment baxx li jiġġustifika marġni ta’ […] (*). B’risposta għall-osservazzjoni tal-Kummissjoni li dawn id-depożiti tal-kontanti kienu jikkostitwixxu riżorsi tal-Istat li fuqhom l-awtoritajiet tar-Renju Unit kellhom kontroll permezz ta’ leġiżlazzjoni speċifika, li l-użu tagħhom bħala sigurtà seta’ għalhekk mhux neċessarjament ineħħi dubji dwar il-karattru ta’ għajnuna tal-miżura, l-awtoritajiet tar-Renju Unit iddikjaraw li kienu qed jippruvaw jiksbu l-użu tad-depożiti tal-kontanti u assi oħrajn tal-kumpanija b’mod li jirrifletti l-prinċipji kummerċjali sabiex dixxiplini effettivi jitqiegħdu fuq il-kumpanija fir-rigward tal-faċilitajiet. L-awtoritajiet ordnaw lil Royal Mail, permezz tal-użu tal-poteri taħt taqsima 72 tal-Att dwar is-Servizzi Postali tal-2000, tħallas id-depożiti tal-kontanti tagħha man-NLF iġġenerati mill-profitti akkumulati tan-negozju (li jammontaw għal madwar GBP 1 800 miljun) għal riserva speċjali fuq il-karta ta’ bilanċ ta’ Royal Mail (ir-Riserva Postali). Ftehim b’ittra separata ppermetta li GBP 549 m mir-riserva jkunu użati bħala sigurtà għall-faċilitajiet tas-self ta’ GBP 544 m ma′ NLF.

(56)

B’risposta għad-domandi tal-Kummissjoni rigward il-miżata ta’ impenn imħallsa minn Royal Mail għall-faċilitajiet ta’ self ta’ NLF, ir-Renju Unit iċċara li l-miżata ta’ impenn annwali f’dan il-każ kienet […] punti bażi tal-valur tas-self, jiġifieri, […] % tal- […] marġni tal-punti bażi imposti ’l fuq mil-Libor. Huma ddikjaraw li l-konvenzjoni tas-suq hija li miżati ta’ impenn ikunu ġeneralment 50 % jew inqas tal-marġni ’l fuq mil- Libor, u kienu ppreżentati eżempji sabiex juru dan il-punt. Marġni relattivament baxxi – madwar 50 punt bażi jew inqas – kienu komuni għal dejn ogħla f’dan il-perjodu. B’kunsiderazzjoni tal-fatt li d-disponibbiltà tal-faċilitajiet l-oħra (il-bonds) kienet kundizzjonali fuq l-approvazzjoni mill-Parlament tal-provvista ta’ fondi għad-dipartiment rilevanti tal-Gvern f’tali ħin li kienet teħtieġ il-fondi sabiex tixtri l-bonds li għandhom ikunu maħruġa minn Royal Mail, miżata ta’ impenn għal dawn il-faċilitajiet l-oħrajn ma kinitx xierqa peress li l-faċilitajiet qatt ma kienu attwalment kommessi lil Royal Mail. Il-prattika tas-suq, f’kuntest ta’ self privat, hija li miżata ta’ impenn tkun imħallsa biss ladarba min isellef ikun kiseb l-approvazzjonijiet interni meħtieġa kollha sabiex il-flus ikunu formalment marbuta ma’ (u disponibbli mingħajr kundizzjonijiet) min jissellef.

(57)

Ir-Renju Unit iddeskriva wkoll l-analiżi tal-faċilitajiet tas-self proposti li kienet magħmula qabel ma kienu mogħtija, inkluż kalkolu tan-Net Present Value (“NPV”) ta’ redditu tal-fluss tal-kontanti mill-iffinanzjar mill-ġdid propost kif ukoll xi għażliet alternattivi. L-għażla proposta kienet evalwata bħala li twassal għal irkupru ta’ GBP […] filwaqt li l-alternattivi kellhom irkupru ta’ GBP […] bħala l-aħjar każ. Ir-Renju Unit ikkonferma wkoll li l-faċilitajiet mogħtija fl-2003 ma kinux miġbuda, ħlief għal test ta’ ġbid imħallas lura fi żmien ġimgħa, qabel ma spiċċaw jew qabel ma kienu mtennija fil-faċilitajiet mogħtija fl-2007.

(58)

Ir-Renju Unit spjega li faċilitajiet ta’ self mogħtija fl-2007 kienu jikkonsistu f-faċilità ta’ dejn ogħla ta’ GBP 900 miljun. Dan jifforma parti minn pakkett ta’ ffinanzjar li jinkludi l-miżura tal-pensjonijiet u s-self subordinat ta’ GBP 300 miljun. Il-faċilitajiet tas-self huma maħsuba biex jiffinanzjaw il-programm ta’ trasformazzjoni u investiment ta’ Royal Mail, inklużi spejjeż tal-qgħad. Is-self ogħla ta’ GBP 900 miljun jissostitwixxi u jestendi l-faċilitajiet ta’ self ta’ GBP 844 m provduti fl-2003 u huwa strutturat f’żewġ saffi: il-saff ta’ GBP […] li huwa awtorizzat biss biex jiffinanzja t-trasformazzjoni u GBP […]li huwa għal skopijiet ġenerali ta’ kapital ċirkolanti fin-negozju (bl-esklużjoni ta’ Post Office Limited). Il-miżura saret effettiva mid-19 ta’ Marzu 2007 u għandha terminu ta’ maturità ta’ […] snin minn din id-data. Għandha marġini ta’ […] bps ’il fuq mil-Libor rilevanti (10) għall-ewwel […] xhur. Wara dan, il-marġini jiddependi fuq il-livell ta’ kopertura ta’ taxxa fissa (profitabbiltà bħala multipla ta’ pagamenti ta’ imgħax), b’minimu ta’ […] bps. Il-faċilità ta’ GBP 900 miljun hija assigurata kontra ishma f’kumpanija sussidjarja ġdida li Royal Mail stabbilew, Royal Mail Estates Limited, li għandha virtwalment l-assi proprjetarji tagħhom kollha (bl-esklużjoni ta’ dawk li jirrigwardaw Post Office Limited), b’valur tas-suq totali stmat minn Atis Real f’Settembru 2006 bħala GBP […].

(59)

Ir-Renju Unit iddeskriva l-miżuri meħuda biex ikun żgurat li r-rekwiżiti tal-Prinċipju tal-Investitur fl-Ekonomija tas-Suq kienu milħuqa, filwaqt li osserva li l-kummerċjalità tal-pakkett ta’ ffinanzjar tal-2007 kellha tkun evalwata totalment (ara iktar fil-premessi (64) u (65)). Kemm Credit Suisse kif ukoll Deloitte kienu taw il-parir li l-faċilità hija fuq termini kummerċjali u li l-imgħax pagabbli huwa b’rati tas-suq, inkluż permezz ta’ punti ta’ referenza ta’ self magħmul fis-suq. Għalkemm dik l-analiżi ssuġġeriet li t-terminu ta’ seba’ snin huwa fil-parti ta’ fuq tal-medda tas-suq, il-miżata ta’ arranġament, il-miżata ta’ impenn, u t-testijiet għall-ġbid u għall-inadempjiment kollha jidhru skont ir-regoli tas-suq għal self żgurat fuq il-bażi tas-self ta’ Royal Mail (f’dan il-każ b’mod predominanti fuq proprjetà). L-arranġamenti ta’ sigurtà kienu differenti mill-prattika tas-suq (taxxa fuq ishma pjuttost milli fuq proprjetà) iżda r-Renju Unit ikkunsidra li dan kien attwalment ta’ vantaġġ ikbar mill-perspettiva ta’ min isellef għal raġunijiet ta’ ħlas, ħin u amministrazzjoni.

(60)

Fir-rigward tas-sottomissjoni ta’ TNT li tirreferi għall-ksur tal-faċilitajiet tas-self ta’ RM mal-Gvern, u l-irċevuta ta’ rinunzji formali mid-Dipartiment tal-Kummerċ u l-Industrija, ir-Renju Unit spjega li r-rinunzja kienet neċessarja minħabba punt purament tekniku rigward l-introduzzjoni ta’ rekwiżiti ta’ kontabbiltà ġodda għall-pensjonijiet (FRS17), u mhux bħala riżultat ta’ xi deterjorazzjoni fil-bażi tal-prestazzjoni kummerċjali tan-negozju. Huma osservaw ukoll li l-faċilitajiet tal-2007 ma kinux ‘addizzjonali’ kif suġġerit minn TNT, iżda pjuttost issostitwixxew il-faċilitajiet tal-2003.

(61)

Ir-Renju Unit iċċara l-mekkaniżmi tal-istabbiliment tal-arranġament f′idejn terzi, inkluż is-sigurtà mogħtija lill-amministraturi tal-fond tal-pensjonijiet fuq l-ammont. F’każ li l-kont f′idejn terzi ta’ GBP 850 miljun kellu jkun iffinanzjat mir-riserva tal-posta għal GBP 796 m u permezz ta’ injezzjoni tal-kapital għall-GBP 54 m li jibqa’. Skont l-arranġamenti l-Amministraturi huma intitolati li jeżerċitaw is-sigurtà fuq il-kontijiet f′idejn terzi jekk iseħħu ċerti avvenimenti limitati ta’ inadempjiment, prinċipalment relatati ma′ jekk in-n-negozju rilevanti (Royal Mail Holdings plc jew Royal Mail Group Limited) jispiċċa f’likwidazzjoni insolventi jew jekk is-sigurtà kostitwita mill-kontijiet f′idejn terzi ma tibqax infurzabbli. Il-ftehimiet ta’ sigurtà jistabbilixxu wkoll iċ-ċirkustanzi li fihom il-fondi fil-kontijiet jistgħu jkunu rilaxxati mis-sigurtà maħluqa mill-arranġamenti ta’ sigurtà, li b’mod wiesa’ jkunu ladarba l-fond tal-pensjoni jilħaq livell ta’ solvenza ta’ 75 %. Ladarba l-fondi jkunu rilaxxati mis-sigurtà maħluqa mill-ftehim ta’ sigurtà ta’ Royal Mail Holdings, il-partijiet irrikonoxxew li l-azzjonist jista’ jiddeċiedi li l-fondi f′idejn terzi ta’ GBP 850 miljun (kif ukoll imgħax akkumulat) li jiġu rilaxxati mis-sigurtà maħluqa minn ftehim ta’ sigurtà ta’ Royal Mail Holdings jistgħu jingħataw lill-azzjonist permezz tal-poteri skont l-Att tas-Servizzi Postali 2000 jew skont drittijiet jew poteri applikabbli oħra.

(62)

Id-dispożizzjoni tal-kont f′idejn terzi rriżultat fil-qbil tal-amministraturi dwar perjodu ta’ 17-il sena għall-irkupru tad-defiċit tal-pensjonijiet. L-awtoritajiet tar-Renju Unit ġibdu l-attenzjoni għal dikjarazzjonijiet mir-regolatur tal-fond tal-pensjonijiet li perjodi ta’ rkupru itwal minn għaxar snin ikunu suġġetti għal skrutinju partikolari, inkluż dwar jekk l-amministraturi jkunux għamlu użu minn “ass kontinġenti” (bħal fond f′idejn terzi) sabiex inaqqsu riskji li jirriżultaw mill-pjan ta’ rkupru. Ir-Renju Unit esprima dubji rigward is-suġġeriment tal-Kummissjoni li l-arranġament f′idejn terzi jippermetti lil Royal Mail tnaqqas il-kontribuzzjonijiet tagħha għall-pensjonijiet, filwaqt li argumenta li r-riżultat fin-nuqqas ta’ kont f′idejn terzi ikun suġġett għal negozjati u ma jistax ikun previst. Nuqqas ta’ qbil kien ipoġġi d-disponibbiltà tal-fondi għall-investiment kummerċjali fir-riskju.

(63)

Ir-Renju Unit ikkonferma li kien qed jipprovdi lil Royal Mail b’self mill-azzjonist permezz ta’ dejn subordinat ta’ GBP 300 miljun b’rata ta’ imgħax ta’ […] % b’dan l-imgħax miżjud sal-maturità tas-self. Il-faċilità kienet disponibbli għal sentejn, bil-maturità tkun l-aktar waħda tard bejn id-data tal-ħlas lura finali tal-faċilità tad-dejn ogħla […], jew ir-rilaxx tal-flejjes f′idejn terzi tal-pensjonijiet. It-termini tas-self subordinat kienu negozjati bħala parti mill-pakkett totali għall-kuntrarju ta’ faċilità indipendenti. Ir-Renju Unit iddikjara li l-kundizzjoni li taħtha ħlas lura seta’ jseħħ biss wara r-rilaxx tal-kont f′idejn terzi tal-pensjonijiet kienet konsegwenza tan-natura subordinata tas-self. Dan min-naħa tiegħu kien rifless fir-rata għolja ta’ imgħax li, b’rikonoxximent tar-riskji kummerċjali, kienet ogħla mill-medda ppreżentata mill-konsulenti tal-Gvern għall-kost xieraq tal-għażla tal-ishma. Il-ftehim kien ikkonfermat mill-konsulenti tal-Gvern bħala “totalment kummerċjali”.

(64)

Ir-Renju Unit iddikjara li l-komponenti tal-pakkett ta’ finanzjament tal-2007 kienu negozjati bħala elementi ta’ total integrat u li l-kummerċjalità tagħhom ma kinitx u m’għandhiex tkunu evalwata fuq bażi indipendenti, għalkemm it-termini individwali tagħhom kienu magħmula b′ekwivalenti kummerċjali bħala punti ta’ referenza. In-natura kummerċjali tal-pakkett, u b’mod partikolari tal-arranġament tal-arranġament f′idejn terzi, kienu analizzati minn Deloitte u Credit Suisse u l-Gvern qagħad fuq il-parir tagħhom.

(65)

L-approċċ ta’ Deloitte kien li tikkunsidra l-valur intraprenditorjali tan-negozju skont il-Pjan Strateġiku filwaqt li jassumi li jkun magħmul l-investiment f′idejn terzi ta’ GBP 1 biljun. Dan il-valur intraprenditorjali huwa stmat permezz ta’ tnaqqis ta’ flussi tal-kontanti pproġettati qabel l-iffinanzjar bil-ħlas medju ta’ kapital tal-kummerċ. Skont ir-Renju Unit, l-investiment f′idejn terzi huwa xieraq għal investitur ta’ ekwità kummerċjali eżistenti jekk:

Deloitte ikkalkulat ukoll rata interna ta’ ritorn assoċjata (IRR), definita bħala r-rata ta’ skont għal flussi ta’ kontanti futuri li naqqsu l-valur ta’ ekwità tan-negozju għal […]. L-analiżi mwettqa minn Deloitte indikat valur ta’ ekwità ta′ wara l-investment ta’ iktar minn GBP […] u rendita finali (“IRR”) ta’ […], u li dawn ir-redditi kien robust għal sensiela ta’ analiżi ta’ sensittività. Kienu eżaminati żewġ xenarji alternattivi mingħajr investiment ′idejn terzi li taħthom, skont Deloitte, il-valur tal-ekwità tal-azzjonist potenzjalment kienet jiġi affettwat negattivament b’mod sinifikanti. B’kuntrast ma’ dan, bl-investiment propost, il-valur tal-investiment kien mistenni li jkun mgħolli b’mod sinifikanti biż-żmien.

(66)

Kif osservat fid-deċiżjoni tal-ftuħ, il-kwistjoni dwar jekk kull waħda mill-miżuri kkunsidrati tikkostitwixxix għajnuna mill-Istat tiddependi fuq il-preżenza ta’ vantaġġ lil Royal Mail skont it-tifsira tal-Artikolu 87 tat-Trattat, jekk il-kriterji l-oħra għall-eżistenza ta’ għajnuna jkunu sodisfatti b′mod ċar. Sabiex ikun determinat jekk miżura kinitx tipprovdi vantaġġ lil RM, il-Kummissjoni teżamina jekk operatur privat, li jaġixxi f’ekonomija tas-suq, kienx ikun ippreparat li jipprovdi finanzi fuq l-istess termini.

(67)

Il-kjarifiki pprovduti mill-awtoritajiet tar-Renju Unit jispjegaw għaliex ir-rata ta’ imgħax li biha kienu magħmula s-saffi tas-self kienet stabbilita fuq rata medja għal terminu twil (20 sena) ta’ 5,8 %, taħt ir-rata ta’ referenza tal-Kummissjoni fis-seħħ dak iż-żmien, li hija rata għal terminu iżgħar (11). Huma jispjegaw ukoll, fl-ittra msemmija fil-premessa (49), kif l-oriġini tas-self kienu fl-1999 u kif it-termini kienu stabbiliti f’din id-data. Huma jirrispondu l-punti magħmula minn TNT (ara premessa (42)) għax TNT għamlet paraguni mar-rati tas-self fl-2001, li ma kienx meta kienu stabbiliti r-rati tas-self. Huma jispjegaw ukoll in-nuqqas ta’ sigurtà fuq is-self (li kien fi kwalunkwe każ emendat sussegwentement meta s-self tal-2003 kien maħruġ). Fl-aħħarnett, huma jirrispondu l-punt imqajjem mill-Kummissjoni fid-deċiżjoni li fetħet il-proċedura li, mill-inqas fl-2001, it-tnaqqis fil-prestazzjoni finanzjarja ta’ Royal Mail kien qed jibda. Dan ma kienx il-każ fl-1999 meta kien mogħti impenn lis-self u fil-perjodu 1999-2000 li huma dati rilevanti għall-istabbiliment ta’ rati ta’ imgħax.

(68)

Fiż-żmien ta’ meta kien hemm qbil dwar is-self, ir-rati ta’ imgħax ta’ referenza tal-Kummissjoni kienu stabbiliti taħt l-avviż tal-Kummissjoni tal-1997 dwar il-metodu għall-istabbiliment ta’ rati ta’ referenza u ta’ skont (“l-avviż tar-rata ta’ referenza tal-1997”) (12). Skont dak l-avviż, il-Kummissjoni ddefiniet rati bbażati fuq ir-rati ta’ skambju interbankarji ta’ ħames snin, kif ukoll primjum, iżda żammet id-dritt li tuża rata bażi iqsar (per eżempju, rata ta’ sena LIBOR) jew rata ta’ bażi itwal (per eżempju, ir-rata fuq bonds ta’ għaxar snin) pjuttost milli r-rata ta’ skambju interbankarju ta’ ħames snin. Minħabba d-dewmien itwal fiss tas-self, il-Kummissjoni temmen li l-użu ta’ din ir-rata ta’ terminu twil huwa xieraq f’dan il-każ.

(69)

Il-Kummissjoni osservat li r-rati imposti waslu għalihom permezz ta’ proċess ibbażat fuq tranżazzjonijiet osservati ta’ self kummerċjali li mbagħad kienu mqabbla mal-bond rilevanti tal-Gvern (13). Il-firxa tal-bonds tal-Gvern kellha medda ta’ bejn 76 u 165 punti bażi, li huwa għalhekk biżżejjed b’paragun mal-75 punt bażi stabbiliti fl-avviż ta’ rata ta’ referenza. Il-Kummissjoni qabblet ukoll ir-rati imposti mar-rati ta’ skambju interbankarju ta’ 20 sena fid-dati rilevanti. Ir-rati imposti huma estremament viċin għal dawn ir-rati (ġeneralment inqas minn 10 punti bażi ta’ differenza). Il-Kummissjoni tosserva li r-Renju Unit u l-konsulenti tiegħu ma bbażawx ruħhom fuq l-iskambju interbankarju rilevanti jew rata ppubblikata oħra iżda pjuttost fittxu punti ta’ referenza kummerċjali diretti. Fid-dawl ta’ dak kollu hawn fuq imsemmi, il-Kummissjoni taċċetta li l-miżura inkwistjoni ma pprovdietx vantaġġ lil Royal Mail u ma kinitx tikkostitwixxi għajnuna mill-Istat.

(70)

Kif ġie osservat fid-deċiżjoni tal-ftuħ, dawn il-faċilitajiet qatt ma kienu użati fil-perjodu qabel ma kienu estiżi jew modifikati fl-2007. Il-Kummissjoni għalhekk ma fetħitx il-proċedura rigward it-termini tas-self u din id-deċiżjoni ma tevalwax l-adegwatezza tar-rata miftehma. Il-Kummissjoni, madankollu, qajmet id-domanda dwar jekk il-faċilitajiet minkejja dan kellhomx valur ta’ għażla lill-kumpanija li għandu jkun evalwat għall-kontenut ta’ għajnuna mill-Istat. Dwar dan is-suġġett, il-Kummissjoni stabbiliet li l-faċilitajiet, minkejja li ma kinux użati, kienu madankollu s-suġġett ta’ miżata ta’ impenn ta’ […] per annum għal dawk il-faċilitajiet li kienu mwettqa. Il-Kummissjoni stabbiliet għas-sodisfazzjon tagħha li din kienet rata tas-suq, stabbilita bħala perċentwali tal-marġni fuq il-Libor tas-self ta’ bażi, li hija l-prattika tas-suq, u fuq livell ([…]) skont dik il-prattika (il-Kummissjoni osservat eżempji li jvarjaw minn 16 sa 50 %). Faċilitajiet oħra qatt ma kienu approvati mill-Parlament u għalhekk qatt ma kienu mibdija, li normalment ma jwassalx għalhekk għal miżata. Il-Kummissjoni hija għalhekk sodisfatta li l-faċilitajiet mwettqa fl-2003 fil-prattika ma tawx għajnuna mill-Istat lil Royal Mail.

(71)

Fl-2007, il-faċilitajiet li kien fadal mill-2003 (14) kienu sostitwiti minn “faċilità ta’ dejn ogħla” ta’ GBP 900 miljun, taħt termini riveduti. Il-Kummissjoni rrivediet it-termini ta’ din il-faċilità. Ir-rata ta’ imgħax imposta hija ta’ […] punti bażi fuq il-LIBOR rilevanti għall-ewwel 12-il xahar, bir-rata minn hemm ’il quddiem tvarja skont kopertura ta’ taxxa fissa iżda qatt ma tkun inqas minn […] punti bażi ’l fuq mil-LIBOR rilevanti. Il-faċilità hija assigurata minn floating charge (15) fuq l-assi ta’ Royal Mail, taxxa fissa fuq l-ishma ta’ sussidjarja ġdida, Royal Mail Estates Ltd, li għandha l-portafoll tal-proprjetà ta’ RM, u floating charge fuq l-assi ta’ dik il-kumpanija. Il-valur tas-suq tal-proprjetà miżmuma fil-proprjetajiet ta’ RM kienet valutata għal […] GBP. Il-Kummissjoni evalwat dawn it-termini taħt l-avviż tar-rata ta’ referenza tal-1997 li kien japplika meta kienu stabbiliti. Peress li l-valur tal-assi li fuqhom hija miżmuma taxxa fir-rigward tas-self jaqbeż il-valur tas-self bi kważi 50 % l-kollaterali huwa kkunsidrat “għoli”. Il-marġini ’l fuq mil-LIBOR ta’ bejn […] u […] bps huwa għalhekk suffiċjenti fit-termini tal-avviż li stabilixxa marġini ta’ 75 bps (kif osservat fil-premessa (68), il-Kummissjoni ipprevediet fl-avviż tar-rata ta’ referenza tal-1997 l-użu possibbli tal-LIBOR bħala bażi għal valutazzjoni). Barra minn hekk, il-Kummissjoni osservat l-informazzjoni pprovduta mill-awtoritajiet tar-Renju Unit minn tranżazzjonijiet oħrajn assigurati fuq kumpaniji ta’ proprjetà li jidher li turi li t-termini kienu mfassla bi tranżazzjonijiet kummerċjali kumparabbli bħala “punti ta’ referenza”. Il-Kummissjoni ddeterminat fuq il-bażi tal-analiżi tar-rata ta’ referenza tagħha li dawn il-faċilitajiet ta’ self ma jikkostitwixxux għajnuna mill-Istat.

(72)

Peress li l-faċilitajiet tal-2007 kienu magħmula disponibbli bħala parti minn pakkett flimkien ma’ miżuri oħra, u minħabba l-insistenza tar-Renju Unit li l-komponenti tal-pakkett ta’ ffinanzjar tal-2007 m’għandhomx ikunu evalwati wieħed wieħed, il-Kummissjoni jkollha bżonn tiddetermina jekk il-valutazzjoni separata fil-premessa (71) tistax tkun konklużiva. Din id-domanda hija trattata iktar fil-fond fit-taqsima 5.5 hawn taħt.

(73)

Wara l-kummenti u l-ispjegazzjoni tal-awtoritajiet tar-Renju Unit il-Kummissjoni setgħet tifhem il-mekkaniżmu involut fil-miżura tal-pensjonijiet. Kif deskritt fil-premessa (22) hawn fuq, Royal Mail hija mitluba tagħti spjega tad-defiċit kbir tal-pensjonijiet tagħha fuq il-karta tal-bilanċ tagħha, u l-liġi tal-pensjonijiet tar-Renju Unit titlob li din tiftiehem mal-amministraturi rigward pjan, u b’mod partikolari perjodu, għall-eliminazzjoni ta’ dak id-defiċit permezz ta’ pagamenti tad-defiċit għall-fondi tal-iskema. Il-miżura ppermettiet lil Royal Mail testendi dak il-perjodu b’effett konsegwenti fuq il-pagamenti li għandha tagħmel. Il-Kummissjoni osservat mill-bidu li n-natura legali tal-miżura (li tinvolvi r-rilaxx ta’ riservi li fuqhom l-istat kellu kontroll effettiv permezz ta’ leġislazzjoni speċifika għal użu f’arranġament f′idejn terzi favur il-fond tal-pensjonijiet) ma kellha ebda parallel immedjat fi tranżazzjonijiet kummerċjali normali, anke jekk il-mudell ta’ tqegħid ta’ fondi f’kont f′idejn terzi jista’ jkun stabbilit fis-settur privat (16). Sabiex tkun evalwata l-affermazzjoni tar-Renju Unit li l-miżura kienet fuq termini kummerċjali, għalhekk, il-Kummissjoni kellha tiddetermina ma′ liema punt ta’ referenza xieraq ma min tqabbilha.

(74)

Il-miżura tirrilaxxa fondi li kienu totalment taħt il-kontroll tal-azzjonist biex ikunu użati minn RM sabiex tibdel il-pagamenti tad-defiċit li hija obbligata tagħmel lill-iskema tal-pensjoni tagħha billi tpoġġi dawk il-fondi f’kont f′idejn terzi (minkejja li r-Riserva Postali hija formalment fuq il-karta tal-bilanċ tagħha RM ma setgħetx tagħmel użu mir-riservi u l-assi assoċjati mingħajr l-approvazzjoni tal-gvern). Għalkemm dan ir-rilaxx tal-fondi mhux injezzjoni pura ta’ ekwità, jista’ jkun assimilat l-aħjar, fit-termini tal-effett tiegħu, ma′ din l-operazzjoni. Kieku l-fondi ma kinux rilaxxati, Royal Mail ma kinitx tkun tista′ tikkostitwixxi l-kont f′idejn terzi mingħajr ma żżid il-kapital minn sorsi oħra jew mingħajr ma tiġbed minn riservi oħra. Huwa veru li l-miżura ppreskriviet li, fuq ir-rilaxx tal-kont ta’ depożitu ta’ fondi f’idejn terz, il-fondi jirritornaw għall-kontroll tal-istat. Madankollu, it-tul ta’ żmien mistenni li jkun neċessarju sabiex iseħħ dan (17-il sena), l-inċertezza assoċjata li tikkonċerna jekk il-fondi jistgħux fil-prattika jkunu ritornati lill-azzjonist jekk il-prestazzjoni finanzjarja ta’ RM tonqos matul dan il-perjodu, u n-nuqqas ta’ dħul ta’ imgħax garantit wasslu lill-Kummissjoni biex telimina l-possibbiltà li tassimila t-tranżazzjoni mal-provvista ta’ self. Il-Kummissjoni ddeċidiet li din il-konklużjoni kienet iktar raġonevoli peress li r-riserva postali ammontat biss għal GBP 796 m fil-31 ta’ Marzu 2007, l-awtoritajiet tar-Renju Unit injettaw GBP 54 m bħala ekwità ġdida sabiex iġibu r-riserva postali għal-livell miftiehem ta’ GBP 850 miljun qabel l-istabbiliment ta’ kont tal-kont f′idejn terzi. Fid-dawl ta’ dak hawn fuq imsemmi u għar-raġunijiet tal-analiżi tal-konformità tagħha mal-prinċipju tal-investitur fl-ekonomija tas-suq, il-Kummissjoni analizzat ir-rilaxx tal-fondi li kienu totalment taħt il-kontroll tal-azzjonist li għandhom ikunu użati minn RM bħala injezzjoni ta’ ekwità.

(75)

L-approċċ tal-Kummissjoni għall-konformità mas-suq tal-injezzjonijiet tal-ekwità huwa li tqabbel il-valur nett preżenti tal-pussess ta’ ekwità tal-awtoritjiet pubbliċi b’investiment (wara l-flus) u mingħajru (qabel il-flus) (17). Jekk id-differenza tkun iktar mill-kapital injettat l-injezzjoni tiġi kkunsidrata konformi mal-MEIP. Dan l-approċċ “inkrementali” huwa neċessarju għax inkella ma jkunx ovvju liema parti tar-redditu lill-azzjonist (dividendi jew, fil-każ ta’ bejgħ tas-sehem, il-prezz tal-bejgħ) jirriżulta mill-investiment u dak li jseħħ indipendentement minnu. Il-metodu għall-kalkolu tal-valur tal-pussess ta’ ekwità fiż-żewġ każijiet ta’ wara u qabel il-flus fuq perjodu definit huwa li jkun miżjud il-valur imnaqqas tal-flussi tal-kontanti futuri estratti minn dak il-pussess ta’ ekwità fuq dak il-perjodu (normalment dividendi iżda t-tnaqqis ta’ kapital ikun possibbiltà oħra) għal kwalunkwe żieda fil-valur fuq dak il-perjodu.

(76)

Ir-risposta inizjali tar-Renju Unit kienet tinkludi rapport mill-konsulenti Deloitte li pprova juri IRR għall-investimenti ppjanati ta’ […]. Wara investigazzjoni, madankollu, kien hemm diversi problemi bil-metodoloġija użata.

(77)

L-ewwel nett, il-kalkolu kkonċerna biss il-każ ta’ investiment u ma kienx ibbażat fuq paragun bejn xenarji ta’ investiment u ta′ nuqqas ta’ investiment. B’risposta għal din il-kritika, ir-Renju Unit irrisponda li għall-każ ta’ nuqqas ta’ investiment kien mistenni valur ta’ ekwità ta’ […]. L-argument li l-każ ta’ nuqqas ta’ investiment irriżulta f’valur ta’ ekwità ta’ […] madankollu la kien magħmul fir-rapport ta’ Deloitte u lanqas rriżulta minnu,. Għalhekk il-Kummissjoni ma segħetx tikkunsidra r-rapport oriġinali ta’ Deloitte bħala li kien segwa dak li l-Kummissjoni tikkunsidra bħala l-metodoloġija xierqa, jiġifieri dik ibbażata fuq paragun bejn il-projezzjonijiet bl-investiment u mingħajru.

(78)

Fit-tieni lok, il-metodu għall-valutazzjoni tal-pussess ta’ ekwità kien li jkun ikkalkulat valur intraprenditorjali (jiġifieri, is-somma ta’ klejms tad-detenturi ta’ dejn kif ukoll tal-azzjonisti) bl-użu tal-flussi ta’ kontanti fuq livell ta’ intrapriża u l-valur terminali u li jitnaqqsu d-djun wara. Filwaqt li dan mhuwiex metodu skorrett, ma jurix b’mod ċar il-flussi ta’ kontanti liberi disponibbli għall-azzjonisti biss, li huwa wieħed mill-indikaturi (anke jekk mhux l-uniku determinant) ta′ jekk injezzjoni ta’ ekwità tkunx konformi mal-prinċipju tal-investitur fl-ekonomija tas-suq. Il-Kummissjoni għalhekk tippreferi l-metodu li jinvolvi t-tnaqqis tal-flussi ta’ kontanti direttament imħallsa lill-azzjonist (dividendi) u l-użu tal-valur terminali li ma jirrappreżentax valur intraprenditorjali iżda valur ta’ ekwità. Dan jinvolvi wkoll l-użu tal-ħlas ta’ ekwità bħala rata mnaqqsa minflok il-Kost Medju Meqjus tal-Kapital. Dan kien il-metodu użat fil-kawżi Landesbanken imsemmija preċedentement (ara n-nota 17 ta′ qiegħ il-paġna).

(79)

Fit-tielet lok, il-faċilità ta’ dejn ogħla diskussa fil-premessa (71), u r-rilaxx tar-Riserva Postali, kienu valutati flimkien f’dan il-kalkolu filwaqt li normalment it-test għal self u għal injezzjoni ta’ ekwità huwa differenti (test tal-investitur privat vs tas-sellief privat) u għalhekk għandhom ikunu mwettqa separatament (18). Filwaqt li huwa veru li huwa komuni li azzjonist jaġixxi wkoll bħala sellief fi gruppi kbar, il-Kummissjoni tikkunsidra li huwa diffiċli li tevalwa ż-żewġ miżuri fl-istess qafas minħabba n-natura differenti tagħhom. Dan ma jfissirx, madankollu, li l-effetti taż-żewġ miżuri fuq xulxin m’għandhomx ikunu kkunsidrati. Għall-kuntrarju ta’ dan, l-analiżi tar-rilaxx tal-fondi li kienu totalment taħt il-kontroll tal-azzjonist għall-użu minn RM hija bbażata fuq flussi ta’ kontanti li jirriflettu l-assunzjoni li s-self diskuss f’din id-deċiżjoni huwa magħmul lil RM.

(80)

Il-Kummissjoni għalhekk talbet li r-Renju Unit jipprovdi l-valutazzjoni tal-ekwità inkrementali fuq il-każ “mhux ta’ investiment” li jkun l-aħjar possibbli iżda, madankollu, realistiku. Fir-rigward tal-identifikazzjoni tal-każ alternattiv, il-previżjonijiet ta’ RM stess f′każ fejn ma jsirx investiment (il-“każ ta’ ġestjoni għall-kontanti” jew MFCC) wassal għal […]. Deloitte għalhekk abbozzat “każ alternattiv” (AC) differenti li taħtu […] u indirizzat id-defiċit tal-pensjonijiet tagħha fuq 12-il sena minflok fuq 17-il sena. Madankollu, il-valutazzjoni ta’ Deloitte ta’ dan il-każ kienet li filwaqt li l-problema tal-pensjonijiet tkun indirizzata effettivament fit-terminu l-qasir […]. Għandu jkun osservat li l-Kummissjoni ma tistax tkun żgura li din l-alternattiva hija l-każ ta’ nuqqas ta’ investiment li huwa “l-aħjar disponibbli”, li naturalment ikun jifforma l-bażi ta’ valutazzjoni ta’ investitur fl-ekonomija tas-suq. Jista’, madankollu, jintqal li kwalunkwe dubji rigward il-każ ta’ investiment ikunu mkabbra kontra kull “alternattiva aħjar” li tista’ tkun maħsuba.

(81)

Fuq talba tal-Kummissjoni, ir-Renju Unit ipprovda ċifri li jippermettu li l-każ ta’ investiment ikun evalwat kontra ż-żewġ alternattivi. Għal raġunijiet imsemmija fil-premessa (78) il-Kummissjoni kienet teħtieġ li l-projezzjonijiet jużaw flussi ta’ kontanti liberi disponibbli għad-detenturi ta’ ekwità, valur ta’ ekwità għal valur terminali u l-ħlas ta’ ekwità bħal rata ta’ tnaqqis.

(82)

Ir-Renju Unit ipprovda l-projezzjonijiet li ġejjin (19). It-tabella turi l-kalkolu tal-pussess tal-ekwità tal-Gvern bl-investiment (każ ta’ investiment), segwit mir-riżultat tal-istess kalkolu fil-każ alternattiv. Fuq il-bażi ta′ dawn iċ-ċifri, il-valur tal-pusess tal-ekwità tal-Gvern huwa GBP […] fil-każ ta’ investiment filwaqt li jkun GBP […] fil-każ alternattiv mingħajr investiment.

(83)

Peress li d-differenza ta’ GBP […]hija akbar mis-somma investita, ir-Renju Unit jargumenta li huwa wera li l-investiment huwa fuq bażi kummerċjali. Il-Kummissjoni ddeterminat, madankollu, li dik id-dikjarazzjoni jeħtieġ li tiġi eżaminata iktar.

(84)

Mit-tabella jista’ jidher li:

(85)

Barra minn hekk il-Kummissjoni kkonfermat li anke oltre l-ewwel […] snin, m’hemmx ċertezza dwar jekk iċ-ċifri fis-snin […] humiex fil-fatt dividendi li jistgħu jitqassmu lill-azzjonist. Dan għaliex l-inklużjoni ta’ defiċit tal-pensjonijiet ta’ RM fuq il-karta tal-bilanċ (skont regoli ġodda tal-kontabbiltà) tirriżulta f’valur negattiv tal-kumpanija fuq bażi ta’ kontabbiltà, li tqiegħed limiti serji fuq kwalunkwe ġbid ta’ flus fil-forma ta’ dividendi anke minn […]. Fir-rapport oriġinali ta’ Deloitte sottomess mir-Renju Unit, […].

(86)

Minħabba l-mod kif kienu mqassmin ir-redditi lill-azzjonist (prattikament kollu kemm hu jirriżulta mill-valur terminali u prattikament xejn minn dividendi) il-Kummissjoni temmen li investitur privat jistenna xi redditi f′kontanti fis-[…] snin ta′ wara l-investiment u ma jkunx komdu li s-sehem kollu jew dak predominanti tar-redditu mill-investiment jiġi mill-valur terminali fis-[…] sena. Il-valur terminali huwa essenzjalment il-valur fil-flussi tal-kontanti mill-[…] sena ’l quddiem imnaqqas għall-[…] sena, l-investitur privat huwa mitlub jemmen li għalkemm l-investiment tiegħu ma jipproduċi ebda redditi f′[…] snin, huwa madankollu investiment tajjeb fuq il-bażi tal-prospetti wara l-[…] sena. Minħabba li l-previżjonijiet fuq perjodu daqshekk twil huma esposti għal ħafna varjanti mhux prevedibbli u huma għalhekk skont in-natura tagħhom stess ta’ affidabbiltà limitata, il-Kummissjoni ssib li investitur privat ma jkunx lest jinvesti fuq termini bħal dawn speċjalment fis-settur postali, li l-prospetti għal terminu twil tiegħu huma inċerti. Il-Kummissjoni tistaqsi wkoll jekk tali investitur kienx ikun ippreparat li jissubbordina l-interessi tiegħu bħala azzjonist b’mod daqshekk estensiv għal dawk ta’ l-impjegati/pensjonanti u l-ħlas lura ta’ dejn.

(87)

Mhux biss il-każ ta’ investiment jiddependi b’mod qawwi fuq il-valur terminali kkalkulat fl-2016/2017, iżda l-valur terminali jista’ jkun hemm dubju dwaru wkoll kemm minħabba l-metodoloġija tal-kalkolu kif ukoll minħabba ċ-ċifri ta’ bażi. Fir-rigward tal-metodoloġija, il-valur terminali nstab permezz tal-multiplikazzjoni taċ-ċifra EBITDA fis-sena terminali b’fattur li huwa l-proporzjoni bejn il-Valur Intraprenditorjali u EBIDTA f’ekwivalenti tas-settur. TNT u Deutsche Post/DHL kienu magħżula għar-raġuni li anke jekk RM mhix fuq livell ta’ dawk il-kumpaniji issa, se tkun hekk wara […] snin tal-pjan ta’ investiment. Ir-riżultat ta’ dan l-approċċ huwa Valur Intraprenditorjali (bejn wieħed u ieħor dejn flimkien ma’ ekwità), li mhuwiex konsistenti mal-approċċ deskritt fil-premessa (81), li jitlob l-użu ta’ valur ta’ ekwità bħala valur terminali. Jekk ekwità xierqa tkun użata l-valur terminali jinbidel b’mod sinifikanti – jonqos. Fir-rigward taċ-ċifri ta’ bażi li jwasslu għall-valur terminali, il-Kummissjoni tinnota b’mod partikolari li l-qligħ ta’ RM qabel l-imgħax, it-taxxa u d-deprezzament (EBITDA) kienu pproġettati li jikbru b’iktar minn […] annwalment fil-perjodu tal-pjan. Il-Kummissjoni kkunsidrat din il-projezzjoni bħala estremament ottimista f’settur liberalizzat riċentament, regolat u matur.

(88)

Il-Kummissjoni ssuġġettat il-kalkolu ppreżentat mir-Renju Unit għal diversi testijiet billi varjat l-assunzjonijiet użati u l-metodoloġija ta’ kalkolu, b’mod partikolari għall-valur terminali. Hija sabet li, b’kunsiderazzjoni tal-importanza tal-valur terminali fiċ-ċifri provduti, varjazzjonijiet minuri biss fil-metodoloġija bħall-kalkolu differenti tal-valur terminali u tkabbir tal-profitti inqas ottimisti jista’ jbiddel sostanzjalment l-evalwazzjoni tal-investiment.

(89)

B’konklużjoni, il-Kummissjoni ma kinitx kapaċi ssib li r-rilaxx tal-fondi li kienu totalment taħt il-kontroll tal-azzjonist biex ikunu użati minn RM biex tbiddel il-pagamenti ta’ defiċit li hija obbligata li tagħmel għall-iskema tal-pensjoni tagħha billi tqiegħed dawk il-fondi f’kont f′idejn terzi huwa konformi mal-MEIP.

(90)

Il-Kummissjoni għalhekk wettqet eżami tal-kumpatibbiltà ta’ kwalunkwe għajnuna inkluża fil-miżura (ara taqsima 6).

(91)

L-effett tal-miżura fuq Royal Mail hija fuq il-pagamenti tagħha lill-iskema tal-pensjoni sabiex tħallas id-defiċit tal-pensjonijiet, li jista, bħala riżultat tal-miżura, jkun mifrux fuq numru akbar ta’ snin milli kieku kien ikun il-każ. Dawn il-pagamenti huma għalhekk iktar baxxi għall-ewwel snin (għax mingħajr il-miżura, RM ikollha tħallas id-defiċit iktar malajr u għalhekk tagħmel kontribuzzjonijiet tad-defiċit ogħla) iżda ogħla fis-snin ta’ wara, meta d-defiċit kieku kien ikun imħallas.

(92)

Il-valutazzjoni ta’ dan il-vantaġġ, permezz tal-kalkolu tal-valur nett preżenti tal-pagamenti emendati tal-fluss tal-kontanti, titlob li jsiru ċertu assunzjonijiet, notevolment dwar il-perjodu li fuqu d-defiċit ikollu jkun imħallas fin-nuqqas tal-miżura, u billi tkun magħżula rata ta’ skont. Il-Kummissjoni aċċettat li tuża perjodu ta’ tnax-il sena sabiex tindirizza d-defiċit, li kien il-bażi tal-“każ alternattiv” eżaminat fil-premessa (80) u li kien ippreżentat minn Royal Mail lir-regolatur postali tar-Renju Unit fil-kuntest tar-reviżjoni tal-ipprezzar. Din iċ-ċifra taqbeż kemm kemm il-perjodu ta’ għaxar snin li huwa użat bħala punt ta’ referenza mir-regolatur tal-pensjonijiet tar-Renju Unit (20). Madankollu, b’kunsiderazzjoni tal-użu taċ-ċifra ta’ tnax-il sena għal skopijiet oħrajn u flimkien mad-daqs kbir tad-defiċit fir-rigward tal-kumpanija, li ġeneralment għalhekk ikun jeħtieġ perjodu itwal sabiex ikun imħallas, il-Kummissjoni temmen li din hija assunzjoni aċċettabbli. Il-Kummissjoni applikat rata ta’ skont ta’ 12 % li tirrappreżenta l-ħlas tal-ekwità. Fuq din il-bażi l-valur lil Royal Mail tal-bidla fil-kontribuzzjonijiet tal-pensjoni bħala riżultat tal-miżura jammonta għal ċifra ta’ GBP […].

(93)

Kif diġà ġie osservat, is-self mill-azzjonist huwa subordinat kemm għad-dejn l-ieħor ta’ RM kif ukoll għall-imgħax tal-pensjonanti (ma jistax ikun imħallas lura qabel ma jkun rilaxxat il-kont f′idejn terzi). Dan wassal lill-Kummissjoni biex tikkunsidra jekk il-miżura għandhiex tkun assimilata għal injezzjoni ta’ ekwità (ara wkoll nota 19 ta′ qiegħ il-paġna).

(94)

Il-Kummissjoni madankollu ddeterminat (21) li subordinazzjoni ma tipprevenix evalwazzjoni tas-self għall-eżistenza ta’ għajnuna mill-istat bl-istess mod bħal self mhux subordinat. Tali self jista’ għalhekk ikun valutat skont it-termini tal-avviż ta’ rati ta’ referenza (22), għalkemm fuq livell ta’ rata iktar baxx mill-ekwivalenti tagħhom mhux subordinati.

(95)

L-avviż tar-rata ta’ referenza tal-1997, li kien fis-seħħ fl-2007, stabbilixxa rati b’referenza għal rati ta’ dewmien speċifiku, jiġifieri ħames snin, li ġew osservati, Il-miżura valutata, madankollu, isservi daqs il-kont f′idejn terzi, stmat għal 17-il sena. Fiż-żmien meta kien maħruġ is-self, il-kurva tal-qligħ tar-Renju Unit kienet nieżla ’l isfel bħalma kienet fl-1999. Għalkemm ir-rata ta’ referenza kienet ta’ 5,9 % sterlini, skambji tar-rata ta’ imgħax ta’ 15-il sena sa tmiem Marzu 2007 kienu ta’ 5,2 %. Il-punt ta’ referenza użat fl-avviż tar-rata ta’ referenza tal-1997 kien ir-rati ta’ skambju interbankarji ta’ ħames snin u l-Kummissjoni għalhekk tikkunsidra r-rata korrispondenti ta’ 15-il sena bħala punt ta’ referenza xieraq għall-miżura inkwistjoni. Dan għandu jkun miżjud mill-primjum standard skont l-avviż ta’ 75 punt bażi, għal 5,95 %.

(96)

Ir-rata determinata b′dan il-mod ikun hemm bżonn li tkun aġġustata aħjar sabiex tirrifletti l-livell ta’ sigurtà u ta’ subordinazzjoni.

(97)

Is-self mill-azzjonist m’huwiex assigurat u s-sigurtà tiegħu għandha għalhekk tkun ikkunsidrata bħala inqas minn dak li normalment ikun meħtieġ mill-banek. F’dawn il-każijiet, l-avviż tar-rata ta’ referenza tal-1997 jistabbilixxi marġni fuq il-punt ta’ referenza rilevanti ta’ 400 punt bażi jew iktar jekk ebda bank privat ma jkun aċċetta li jagħti s-self rilevanti. Skont id-deċiżjonijiet preċedenti tal-Kummissjoni (23) taħt l-avviż tar-rata ta’ referenza tal-1997, il-Kummissjoni temmen li r-rata għandha tkun miżjuda minn primjum ta’ 400 punt bażi li jirriflettu n-nuqqas ta’ sigurtà u 200 punt bażi għan-natura subordinata tal-istrument.

(98)

Wara li osservat li r-rata ta’ self ta’ […] % hija ikbar mis-somma ta’ 5,95 % u 600 punt bażi, il-Kummissjoni tista’ taċċetta li, meta wieħed iqisha għaliha waħedha, il-miżura ma tikkostitwixxix għajnuna mill-Istat.

(99)

Minħabba l-fatt li l-faċilitajiet tal-2007 kienu magħmula disponibbli bħala parti minn pakkett flimkien ma’ miżuri oħra, il-Kummissjoni jkollha bżonn tiddetermina jekk din il-valutazzjoni separata tistax tkun konklużiva. Din id-domanda hija trattata aħjar fit-taqsima 5.5.

(100)

Il-Kummissjoni ddeterminat li tnejn mill-miżuri tal-2007 meħuda indipendentement (faċilitajiet ta’ self tal-2007 u self mill-azzjonist ta’ GBP 300 miljun) ma jikkostiwixxux għajnuna mil-Istat, iżda ma setgħetx tagħmel tali determinazzjoni fir-rigward tal-miżura tal-pensjonijiet. Minħabba li l-miżuri tħabbru fl-istess ħin, il-Kummissjoni għandha tevalwa jekk tistax tikkonferma r-riżultat li ma kien hemm ebda għajnuna, fid-dawl tal-ġurisprudenza tal-Qorti (24).

(101)

Il-Kummissjoni nnutat li l-faċilitajiet tas-self estiżi fl-2007 kienu, fil-prattika, il-kontinwazzjoni tal-miżuri mogħtija fl-2003, għalkemm b’termini riveduti. Jirriżulta li meta l-miżura kienet mogħtija għall-ewwel darba, il-miżura tal-pensjonijiet ma kinitx teżisti. L-iskopijiet tal-faċilitajiet tas-self u l-miżura tal-pensjonijiet jistgħu jiddistingwu ruħhom ukoll; dik tal-ewwel tipprovi sors estern ta’ finanzi għall-pjan ta’ trasformazzjoni ta’ Royal Mail, filwaqt li t-tieni waħda hija biex tipprovdi sigurtà għall-ħlas tad-defiċit fi 17-il sena. Kif osservat hawn fuq, is-sigurtà meħuda fuq l-assi ta’ RM fir-rigward tal-faċilitajiet tas-self kien b’mod konformi mal-prattika tas-suq, It-tliet kriterji stabbiliti mill-qorti (kronoloġija, skop u s-sitwazzjoni fiż-żmien meta kienet meħudha l-miżura) kollha huma favur li l-karatteristika ta’ għajnuna tal-faċilitajiet ta’ self tkun evalwata separatament.

(102)

Fir-rigward tas-self mill-azzjonist, id-deċiżjoni li tkun mogħtija din il-miżura seħħet wara l-miżuri l-oħra tal-2007. Is-self kien miżjud mal-qafas finanzjarju mħabbar preċedentement sabiex jipprovdi headroom ta’ finanzjament suffiċjenti sabiex jippermetti lil Royal Mail twettaq il-pjan ta’ trasformazzjoni tagħha, wara tnaqqis fir-riżultat ipproġettat fil-perjodu tal-pjan. L-iskop tal-miżura jista’ jiddistingwi ruħu minn dak tal-miżura tal-pensjonijiet bl-istess mod bħal ta’ faċilitajiet ta’ self. Fl-aħħar nett, is-sitwazzjoni ta’ RM fiż-żmien meta kien mogħti s-self ma jinvalidax ir-riżultat li ma kienx hemm għajnuna, peress li s-sitwazzjoni diġà hija kkunsidrata fl-evalwazzjoni tal-adegwatezza tar-rata ta’ imgħax.

(103)

Il-Kummissjoni għalhekk tikkonkludi li l-unika miżura li għaliha l-element ta’ għajnuna ma jistax ikun eskluż, u li għalhekk jeħtieġ li tkun evalwata għall-kumpatibbiltà, hija l-miżura tal-pensjonijiet. Dik l-evalwazzjoni ġejja fit-taqsima li jmiss.

(104)

Il-miżura tal-pensjonijiet tista’ tkun iddikjarata kumpatibbli biss mill-Kummissjoni skont l-Artikolu 87(3)(c) tat-Trattat, li jiddikjara li għajnuna biex ikun faċilitat l-iżvilupp ta’ ċerti attivitajiet ekonomiċi jew ta’ ċerti żoni ekonomiċi tista’ tkun iddikjarata kumpatibbli mas-suq komuni fejn din l-għajnuna ma taffettwax b’mod negattiv il-kundizzjonijiet tal-kummerċ sa tali punt fejn tkun kontra l-interess komuni (25). Barra minn hekk, ġurisprudenza li tikkonċerna l-applikazzjoni tal-Artikolu 87(3)(c) tat-Trattat għas-sitwazzjoni speċifika tal-miżuri tal-pensjonijiet, u l-analiżi hawn taħt tevalwa l-miżura fid-dawl ta’ dik il-ġurisprudenza. Jirriżulta li din id-deċiżjoni ma tirrappreżentax applikazzjoni tal-linji gwida dwar l-għajnuna mill-Istat għas-salvataġġ u r-ristrutturar ta’ kumpaniji f’diffikultà għall-iskopijiet tat-taqsima 3.3 tal-linji gwida tal-Komunità dwar għajnuna mill-Istat għas-salvataġġ u r-ristrutturar ta’ kumpaniji f’diffikultà (26).

(105)

Sabiex tkun evalwata l-kumpatibbiltà tal-miżura tal-pensjonijiet, huwa neċessarju li wieħed l-ewwel jiddeskrivi l-istorja ta’ Royal Mail u l-arranġamenti tal-pensjoni tagħha.

(106)

Fl-1969, Royal Mail (dak iż-żmien kienet tissejjaħ il-Post Office) ma baqgħetx dipartiment tal-Gvern u saret “entità statutarja”, skont l-Att dwar l-Uffiċċju Postali tal- 1969. Taħt it-taqsima 43(1) tal-Att, l-arranġamenti tal-pensjoni għall-persunal tal-Uffiċċju Postali kienu suġġetti għall-approvazzjoni tal-Ministru tal-Posta u t-Telekomunikazzjonijiet. L-impjegati ma’ baqgħux formalment impjegati ċivili, iżda żammew id-drittijiet tal-pensjoni akkwistati u komplew jakkwistaw iktar drittijiet fuq essenzjalment l-istess termini bħall-impjegati ċivili. Skont dawn it-termini, il-pensjoni finali kienet determinata skont is-snin ta’ servizz u l-paga finali. Kien għalhekk skema ta’ “benefiċċju definit” fis-sens li l-livell tal-pensjoni kien stabbilit mir-regoli tal-iskema. L-iskema tal-pensjoni kienet separata mill-iskema tas-servizz ċivili u saret skema ffinanzjata li żżomm assi kontra piżijiet futuri (bħal skemi ta’ pensjoni korporattivi fir-Renju Unit).

(107)

Reviżjonijiet sinifikanti għall-arranġamenti tal-pensjonijiet seħħew fl-1987 u fl-2008 (fit-tieni każ, dawn il-miżuri kienu diġà qed ikunu ppreparati meta l-miżura tal-pensjonijiet kienet adottata). It-termini riveduti tal-1987 kienu għadhom termini ta’ “benefiċċju definit”, jiġifieri, pensjoni bbażata fuq paga finali u proporzjonali għal servizz ta’ numru ta’ snin. Skont ir-reviżjoni tal-2008, membri ġodda jingħaqdu fuq bażi ta’ “kontribuzzjoni definita” fejn il-livell tal-pensjoni finali jiddependi fuq il-prestazzjoni tal-assi tal-fond. Fiż-żewġ każijiet, impjegati ġodda kienu obbligati li jingħaqdu skont it-termini riveduti filwaqt li impjegati eżistenti komplew jakkwistaw drittijiet fuq l-istess termini jew termini simili bħal qabel.

(108)

Fid-deċiżjoni tagħha tas-16 ta’ Diċembru 2003 dwar l-għajnuna mill-Istat mogħtija minn Franza lil EDF u lill-industriji tad-dawl u tal-gass (27), il-Kummissjoni ddikjarat kumpatibbli mas-suq komuni għajnuna mill-Istat li għenet impriżi f’settur partikolari ta’ responsabbiltajiet speċifiċi tal-pensjoni li kienu jeċċedu dawk li jirriżultaw mill-arranġamenti ġenerali ta’ rtirar li kienu definiti matul il-perjodu ta’ monopolju. Hija kienet tal-opinjoni wkoll li l-mitigazzjoni parzjali tal-ispejjeż li jirriżultaw mill-mekkaniżmu għall-iffinanzjar tad-drittijiet speċifiċi tal-pensjoni miksuba qabel id-data tar-riforma kkostitwixxew għajnuna mill-Istat skont it-tifsira tal-Artikolu 87(1) tat-Trattat li jistgħu jitqiesu li huma kumpatibbli mas-suq komuni. Fl-analiżi tagħha tal-kontijiet, il-Kummissjoni kkonkludiet li s-sitwazzjoni ta’ EDF ma kinitx intrinsikament differenti ħafna minn dik ta’ “spejjeż li mhumiex rekuperabbli (stranded costs)” fis-settur tal-enerġija.

(109)

Fid-deċiżjoni tagħha tal-10 ta’ Ottubru 2007 dwar l-għajnuna mill-Istat implimentata minn Franza b’rabta mar-riforma tal-arranġamenti għall-iffinanzjar tal-pensjonijiet tal-irtirar ta’ ħaddiema taċ-ċivil li jaħdmu għal La Poste (28), il-Kummissjoni kienet tal-opinjoni li l-miżuri tal-għajnuna inkwistjoni lil La Poste neħħewlha minn fuqha responsabbiltajiet speċifiċi għall-pensjonijiet li kienu ikbar minn dawk li jirriżultaw mill-arranġamenti ordinarji tal-pensjonijiet u li kienu ġew definiti matul il-perjodu ta’ monopolju. Dawn il-piżijiet irriżultaw, l-ewwel nett, mill-kontribuzzjonijiet ogħla tal-pensjoni pagabbli fir-rigward ta’ impjegati bi stat ta’ ħaddiem taċ-ċivil u, fit-tieni lok, mir-rekwiżit sabiex ikun żgurat l-ekwilibriju tal-iskema ta’ rtirar tagħha għal dawn l-impjegati.

(110)

Il-Kummissjoni sabet li dawn il-miżuri jikkostitwixxu għajnuna mill-Istat li, madankollu, kienet kompatibbli mas-suq komuni taħt l-Artikolu 87(3)(c) tat-Trattat. Fl-istess waqt, hija osservat li l-miżuri kienu limitati għal dak li kien strettament neċessarju sabiex ikunu stabbiliti l-istess kondizzjonijiet għall-kontribuzzjonijiet tas-sigurtà soċjali u għall-pagamenti tat-taxxa u fl-aħħar mill-aħħar għalhekk tiffavorixxi l-iżvilupp tal-kompetizzjoni u ta′ aktar liberalizzazzjoni tas-settur postali. Hija osservat ukoll, permezz ta’ paragun mad-deċiżjoni tal-EDF, li La Poste ma kinitx għadha tħaddem ħaddiema taċ-ċivil, li l-ħlasijiet ta’ pensjonijiet futuri ta’ La Poste kienu jpoġġuha f’sitwazzjoni kumparabbli vis-à-vis l-kompetituri tagħha fir-rigward tal-kontribuzzjonijiet tas-sigurtà soċjali u l-pagamenti tat-taxxa, u li l-obbligi li jirriżultaw mil-Liġi tal-1990 qabel il-liberalizzazzjoni tas-settur postali kienu jaffettwaw il-kompetittività ta’ La Poste f’ambjent li għaddej minn liberalizzazzjoni.

(111)

Fi Franza, skemi ta’ pensjoni tax-xogħol (“pilastru 2”) huma obbligatorji u huma ffinanzjati fuq bażi ta’ ħlas mal-paga (pay-as-you-go). Ġeneralment, il-ħlas minn min jimpjega tal-kontribuzzjonijiet jeħilsu minn responsabbiltà oħra għall-iffinanzjar tad-drittijiet li jirriżultaw għall-pensjonijiet. Bil-fatt li La Poste intalbet, taħt Liġi tal-1990, tiżgura l-ekwilibriju tal-iskema ta’ rtirar tagħha għall-impjegati taċ-ċivil, l-impriża kienet suġġetta għal obbligu li impriżi oħra ma kellhomx iġorru.

(112)

Fir-Renju Unit, l-arranġamenti tal-pensjonijiet huma differenti minn dawk fi Franza. Ħafna skemi tal-pensjoni tax-xogħol huma ‘mogħtija b’kuntratt’ barra mill-arranġamenti tal-pensjonijiet tal-Istat magħrufa bħala l-Iskema ta’ Pensjonijiet tal-Istat Relatati mal-Qligħ. Ħafna mill-entitajiet li jħaddmu ħafna nies imexxu l-iskemi tal-pensjoni tagħhom stess. Skont il-liġi tal-pensjonijiet Ingliża, dawn l-iskemi għandhom jipprovdu intitolament għal pensjoni li tilħaq ċerti standards, u dawk li jimpjegaw għandhom ċerti obbligi li jiżguraw li l-iskemi jkunu ffinanzjati b’mod xieraq. Skont l-istandards ta’ kontabbilità kurrenti (IFRS), min iħaddem għandu jniżżel id-defiċits f’dawn l-iskemi tal-pensjoni fuq il-karti tal-bilanċ tiegħu. Ir-regoli li jitolbu li Royal Mail tagħti spjega għad-defiċit tagħha mhumiex għalhekk differenti minn dawk li japplikaw għal kumpaniji oħra. Madankollu, il-livell ta’ dak id-defiċit jirriżulta mit-termini u kondizzjonijiet li kienu stabbiliti bħala riżultat tal-pussess tal-Gvern.

(113)

Il-kuntest fattwali u leġiżlattiv ta’ Royal Mail huwa għalhekk differenti minn dak tad-deċiżjonijiet ta’ EDF u La Poste. Madankollu, hemm ċerti aspetti ta’ dawk il-każijiet li l-Kummissjoni temmen li huma applikabbli għal Royal Mail. B’mod partikolari, il-każijiet jindikaw li kontribuzzjonijiet ta’ pensjonijiet ogħla li jirriżultaw minn stat spċifiku (u b’mod partikolari stat ta’ impjegat ċivili) u definiti matul perjodu ta’ monopolju jistgħu jkunu kkunsidrati bħala spejjeż anormali li l-kumpens tagħhom mill-Istat jista’ jkun kumpatibbli mas-suq komuni taħt l-Artikolu 87(3)(c) tat-Trattat.

(114)

Fil-każ ta’ Royal Mail, id-drittijiet tal-pensjoni akkwistati minn impjegati li ngħaqdu mal-iskema tal-pensjoni qabel l-1987 kienu allinjati b’mod ċar ma’ dawk tas-servizz ċivili. Mill-31 ta’ Marzu 2007, l-iskema tal-pensjoni kellha 153 125 membru diġà rtirati u li jiġbdu l-pensjoni tagħhom li kienu ingħaqdu mal-iskema fuq dawk it-termini. Dawn huma għalhekk impjegati preċedenti li diġà rtiraw u li s-servizzi tagħhom mhumiex iktar ta’ benefiċċju għall-kumpanija. Skont informazzjoni provduta mill-awtoritajiet tar-Renju Unit, it-termini applikabbli għal membri li ngħaqdu mal-iskema wara l-1987 la jistgħu jkunu deskritti bħala termini ta’ servizz ċivili u lanqas bħala termini tas-settur privat tat-tip li x’aktarx ikunu prattikati mill-kompetituri ta’ RM fis-suq postali liberalizzat riċentement. Kif diġà ġie osservat, dawn it-termini ma baqgħux ikunu disponibbli għal membri ġodda wara l-2008. Bħala medja, ir-responsabbiltajiet fir-rigward tal-membri li ngħaqdu mal-iskema tal-pensjoni qabel l-1987 jaqbżu b’mod konsiderevoli dawk ta’ membri li ngħaqdu mal-iskema fuq it-termini li nkisbu wara r-riforma tal-1987 sakemm saret ir-riforma l-oħra fl-2008. Il-valur ta’ dawk ir-responsabbiltajiet addizzjonali kien kwantifikat għal GBP […] għal kull impjegat.

(115)

Jirriżulta li l-iskema tal-pensjoni ta’ Royal Mail għadha ġġorr responsabbiltajiet sostanzjali li bdew biss bħala riżultat tal-impjegar ta’ persunal fuq it-termini tas-servizz ċivili, u f’perjodu ta’ żmien meta Royal Mail kienet tgawdi monopolju fuq il-posta tal-ittri ordinarji. Dawn il-kundizzjonijiet jikkorrispondu ma’ dawk li eżistew fil-każ ta’ La Poste. Il-Kummissjoni stabbiliet, fuq il-bażi tal-informazzjoni provduta mir-Renju Unit, ir-responsabbiltajiet addizzjonali bħal dawn għall-ammont ta’ GBP […] (is-somma ta’ 153,125 u GBP […]) li għalhekk jaqbżu, b’marġini kunsiderevoli, il-kwantifikazzjoni ta’ GBP […] għall-kontenut ta’ għajnuna possibbli tal-miżura. Il-Kummissjoni ma sabitx li huwa neċessarju, fit-twettiq ta’ din l-analiżi, li tistabbilixxi jekk dawn ir-responsabbiltajiet għall-iskema tal-pensjoni jikkostitwixxux l-ammont totali tal-piżijiet tal-iskema li jistgħu jkunu kkunsidrati anormali, ladarba stabbiliet li fi kwalunkwe każ huma jaqbżu l-kontenut possibbli ta’ għajnuna tal-miżura.

(116)

Il-Kummissjoni stabbiliet ukoll li, bħall-karatteristiċi tal-miżuri f’La Poste deskritti fil-paragrafu (107), it-termini li jwasslu għal spejjeż addizzjonali mhumiex disponibbli iktar għal impjegati ġodda u fil-fatt ilhom ma jkunu mill-1987, u li l-obbligi li jirriżultaw minn dawk it-termini qabel il-liberalizzazzjoni tas-settur postali kienu kieku jaffettwaw l-iżvilupp tal-kompetizzjoni effettiva f’ambjent li għaddej minn liberalizzazzjoni. Fil-każ ta’ Royal Mail, il-miżura ma taffettwax il-kontribuzzjonijiet tas-sigurtà soċjali u l-pagamenti tat-taxxa għall-impjegati attwali u għalhekk ma tpoġġix lil RM f’pożizzjoni aħjar fir-rigward tal-kompetiturit tagħha f’dan ir-rigward.

(117)

Il-Kummissjoni osservat ukoll li l-forma tal-miżura ħalliet ir-responsabbiltajiet għall-pensjonijiet ta’ Royal Mail intatti u ppermettiet biss li l-kumpanija tħallas id-defiċit fuq perjodu itwal, pjuttost milli tneħħi dawk il-piżijiet fl-intier tagħhom. Din tal-aħħar kienet il-forma tal-miżura f’La Poste, li jfisser li l-benefiċjarju kien permanentement meħlus mir-responsbabiltajiet li kieku kien ikollu jġorr, u bħala konsegwenza mhux meħtieġ li jagħti spjega għalihom fil-karta tal-bilanċ tiegħu. Fil-każ ta’ Royal Mail, il-miżura ma tagħmel ebda differenza għall-ammont tad-defiċit tal-pensjonijiet li l-kumpanija għandha tniżżel fil-karta tal-bilanċ tagħha skont ir-regoli internazzjonali ta’ kontabbiltà. Il-kumpanija tibqa’ mitluba, skont il-liġi tal-pensjonijiet tar-Renju Unit, li tieħu passi biex telimina dan id-defiċit. L-effett tal-miżura huwa biss biex jittawwal il-perjodu li fih tista’ tagħmel dan. Filwaqt li din il-karatteristika hija diġà riflessa fl-analiżi ta′ hawn fuq li kwalunkwe element ta’ għajnuna huwa valutat bħala GBP […] u mhux GBP 850 miljun, il-Kummissjoni temmen li, ġeneralment, miżura li titlob li benefiċjarju jħallas ir-responsabbiltajiet akkumulati tiegħu totalment hemm inqas ċans li tkun tgħawweġ milli miżura li teħlishom.

(118)

Għal dak li jirrigwarda l-effett tal-miżura fuq il-kompetizzjoni, jista’ jkun osservat li l-ħlas tad-defiċit li Royal Mail hija mitluba tagħmel lill-iskema tal-pensjoni, ladarba jiġi stabbilit wara negozjati bejn il-kumpanija u l-amministraturi tal-pensjonijiet, ma jvarjawx skont il-livelli ta’ output jew input. It-tnaqqis tagħhom fis-snin tal-bidu permezz tal-miżura għalhekk ma jaffettwax l-ispejjeż marġinali u mhux tali li jaffettwa d-deċiżjonijiet kummerċjali ta’ Royal Mail, u b’mod partikolari d-deċiżjonijiet ta’ investiment futuri tagħha (29). Il-Kummissjoni għalhekk issib li l-effett fuq il-kompetizzjoni mhux tali li jaffettwa b’mod negattiv il-kondizzjonijiet tan-negozju sal punt li jkun kuntrarju għall-interess komuni fis-sens tal-Artikolu 87(3)(c) tat-Trattat.

(119)

Fuq din il-bażi, il-Kummissjoni ddeċidiet li, sal-punt li l-miżura tal-pensjonijiet tinkludi element ta’ għajnuna, dan l-element ikun kumpatibbli mas-suq komuni.

(120)

Il-Kummissjoni ssib li, sal-punt li l-miżura tal-pensjonijiet tinkludi element ta’ għajnuna, dan kien implimentat illegalment mir-Renju Unit bi ksur tal-Artikolu 88(3) tat-Trattat. Madankollu, il-Kummissjoni ssib li dik l-għajnuna hija kumpatibbli. Il-Kummissjoni ssib li l-miżuri l-oħra ma jikkostitwixxux għajnuna mill-Istat.

14.8.2009   

MT

Il-Ġurnal Uffiċjali tal-Unjoni Ewropea

L 210/36

(1)

Fid-dawl tal-esperjenzi, wara t-tnedija tal-Fond, huwa xieraq li jiġi estiż il-perjodu ta' eleġibilità tal-programmi annwali biex jippermettu lill-Istati Membri li jimplimentaw il-Fond b'mod effettiv u biex jaddattaw l-iskeda taż-żmien għas-sottomissjoni tar-rapport finali dwar l-implimentazzjoni tal-programm annwali.

(2)

Huwa wkoll xieraq li jiġu adattati l-proċeduri għas-sottomissjoni tal-programmi annwali riveduti mill-Istati Membri.

(3)

Skont l-Artikolu 3 tal-Protokoll dwar il-pożizzjoni tar-Renju Unit u tal-Irlanda, anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, ir-Renju Unit huwa marbut bl-att bażiku u, konsegwentement, b’din id-Deċiżjoni.

(4)

Skont l-Artikolu 3 tal-Protokoll dwar il-pożizzjoni tar-Renju Unit u tal-Irlanda, anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, l-Irlanda hija marbuta bl-att bażiku u, konsegwentement, b’din id-Deċiżjoni.

(5)

Skont l-Artikolu 2 tal-Protokoll dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, id-Danimarka mhix marbuta b’din id-Deċiżjoni u lanqas mhija suġġetta għall-applikazzjoni tagħha.

(6)

Il-miżuri pprovduti f'din id-Deċiżjoni jikkonformaw mal-opinjoni tal-Kumitat komuni għas-“Solidarjetà u ġestjoni tal-flussi migratorji”,

1.

L-Artikolu 23(1) qed jinbidel b'dan li ġej:

“1.   Sabiex jiġi rivedut il-programm annwali approvat mill-Kummissjoni skont l-Artikolu 21(5) tal-att bażiku, l-Istat Membru konċernat għandu jressaq abbozz tal-programm annwali rivedut lill-Kummissjoni mhux aktar tard minn tliet xhur qabel tmiem il-perjodu ta' eliġibilità. Il-Kummissjoni għandha teżamina u, mill-aktar fis possibbli, tapprova l-programm rivedut skont il-proċedura stabbilita fl-Artikolu 21(5) tal-att bażiku.”

2.

Fil-Punt 4.1 tal-Anness V, Part A, il-kliem “'Lista tal-irkupru kollu pendenti fit-30 ta’ Ġunju tas-sena N + 2 (N = sena ta’ dan il-programm annwali)” huma mibdulin bil-kliem “Lista tal-irkupru kollu pendenti sitt xhur wara t-terminu perentorju tal-eleġibiltà”.

3.

Fl-Anness XI, il-Punt I.4.1 huwa mibdul b'dan li ġej:

(*)  Fejn ‘N’ hija s-sena msemmija fid-deċiżjoni tal-finanzjament li tapprova l-programmi annwali tal-Istati Membri.”"

4.

Fl-Anness XI, il-Punt V.3. huwa mibdul b'dan li ġej:

14.8.2009   

MT

Il-Ġurnal Uffiċjali tal-Unjoni Ewropea

L 210/38

(1)

Fis-27 ta’ April 2006, il-Kunsill adotta l-Pożizzjoni Komuni 2006/318/PESK li ġġedded il-miżuri restrittivi kontra l-Burma/il-Mjanmar (1).

(2)

Il-Pożizzjoni Komuni tal-Kunsill 2009/351/PESK (2) tas-27 ta’ April 2009 estendiet sat-30 ta’ April 2010 l-miżuri restrittivi imposti bil-Pożizzjoni Komuni 2006/318/PESK.

(3)

Fil-11 ta’ Awwissu 2009, l-Unjoni Ewropea kkundannat il-verdett kontra Daw Aung San Suu Kyi u ħabbret li ser twieġeb b’miżuri restrittivi mmirati addizzjonali.

(4)

Fid-dawl tal-gravità tal-ksur tad-drittijiet fundamentali ta’ Daw Aung San Suu Kyi, il-Kunsill jikkunsidra li hu adatt li l-membri tal-ġudikatura responsabbli għall-verdett ikunu inklużi fil-lista ta’ persuni u entitajiet suġġetti għal projbizzjoni fuq l-ivvjaġġar u għal iffriżar tal-assi stabbilita fl-Anness II mal-Pożizzjoni Komuni 2006/318/PESK.

(5)

Barra minn hekk, il-Kunsill iqis li huwa meħtieġ li jiġu emendati l-listi ta’ persuni u entitajiet suġġetti għall-miżuri restrittivi sabiex l-iffriżar tal-assi jkun estiż għall-intrapriżi li huma l-proprjetà u huma kkontrollati minn membri tar-reġim fil-Burma/il-Mjanmar jew minn persuni jew entitajiet assoċjati magħhom,