ISSN 1977-0987 |
||
Il-Ġurnal Uffiċjali tal-Unjoni Ewropea |
C 170 |
|
Edizzjoni bil-Malti |
Informazzjoni u Avviżi |
Volum 61 |
Avviż Nru |
Werrej |
Paġna |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2018/C 170/01 |
||
|
Kontrollur Ewropew għall-Protezzjoni tad-Data |
|
2018/C 170/02 |
||
|
INFORMAZZJONI DWAR IŻ-ŻONA EKONOMIKA EWROPEA |
|
|
Awtorità ta' Sorveljanza EFTA |
|
2018/C 170/03 |
L-ebda għajnuna mill-Istat skont it-tifsira tal-Artikolu 61(1) tal-Ftehim ŻEE |
|
2018/C 170/04 |
Għajnuna mill-Istat — Deċiżjoni li ma jitqajmux oġġezzjonijiet |
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2018/C 170/05 |
||
|
L-Uffiċċju Ewropew għas-Selezzjoni tal-Persunal (EPSO) |
|
2018/C 170/06 |
||
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2018/C 170/07 |
Notifika minn qabel ta’ konċentrazzjoni (Każ M.8861 — Comcast/Sky) ( 1 ) |
|
2018/C 170/08 |
Notifika minn qabel ta’ konċentrazzjoni (Il-Każ M.8884 — Altor Funds/Trioplast Industrier) — Każ li jista’ jiġi kkunsidrat għal proċedura ssimplifikata ( 1 ) |
|
2018/C 170/09 |
Notifika minn qabel ta’ konċentrazzjoni (Il-Każ M.8887 — Platinum Equity/LifeScan) — Każ li jista’ jiġi kkunsidrat għal proċedura ssimplifikata ( 1 ) |
|
|
|
(1) Test b'rilevanza għaż-ŻEE. |
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
17.5.2018 |
MT |
Il-Ġurnal Uffiċjali tal-Unjoni Ewropea |
C 170/1 |
Rata tal-kambju tal-euro (1)
Is-16 ta’ Mejju 2018
(2018/C 170/01)
1 euro =
|
Munita |
Rata tal-kambju |
USD |
Dollaru Amerikan |
1,1784 |
JPY |
Yen Ġappuniż |
129,83 |
DKK |
Krona Daniża |
7,4487 |
GBP |
Lira Sterlina |
0,87418 |
SEK |
Krona Żvediża |
10,2903 |
CHF |
Frank Żvizzeru |
1,1792 |
ISK |
Krona Iżlandiża |
123,00 |
NOK |
Krona Norveġiża |
9,5715 |
BGN |
Lev Bulgaru |
1,9558 |
CZK |
Krona Ċeka |
25,545 |
HUF |
Forint Ungeriż |
317,27 |
PLN |
Zloty Pollakk |
4,2889 |
RON |
Leu Rumen |
4,6350 |
TRY |
Lira Turka |
5,2178 |
AUD |
Dollaru Awstraljan |
1,5741 |
CAD |
Dollaru Kanadiż |
1,5161 |
HKD |
Dollaru ta' Hong Kong |
9,2504 |
NZD |
Dollaru tan-New Zealand |
1,7115 |
SGD |
Dollaru tas-Singapor |
1,5824 |
KRW |
Won tal-Korea t'Isfel |
1 274,50 |
ZAR |
Rand ta' l-Afrika t'Isfel |
14,7584 |
CNY |
Yuan ren-min-bi Ċiniż |
7,5137 |
HRK |
Kuna Kroata |
7,3830 |
IDR |
Rupiah Indoneżjan |
16 582,15 |
MYR |
Ringgit Malażjan |
4,6712 |
PHP |
Peso Filippin |
61,715 |
RUB |
Rouble Russu |
73,5977 |
THB |
Baht Tajlandiż |
37,874 |
BRL |
Real Brażiljan |
4,3294 |
MXN |
Peso Messikan |
23,2843 |
INR |
Rupi Indjan |
79,8925 |
(1) Sors: rata tal-kambju ta' referenza ppubblikata mill-Bank Ċentrali Ewropew.
Kontrollur Ewropew għall-Protezzjoni tad-Data
17.5.2018 |
MT |
Il-Ġurnal Uffiċjali tal-Unjoni Ewropea |
C 170/2 |
Sommarju tal-Opinjoni tal-KEPD dwar tmien mandati ta' negozjar sabiex jiġu konklużi ftehimiet internazzjonali li jippermettu l-iskambju ta' data bejn il-Europol u l-pajjiżi terzi
(It-test sħiħ ta' din l-Opinjoni jista' jinstab bl-Ingliż, bil-Franċiż u bil-Ġermaniż fuq is-sit web tal-KEPD www.edps.europa.eu)
(2018/C 170/02)
1. INTRODUZZJONI U SFOND
Ir-Regolament tal-Europol (1) jistabbilixxi regoli speċifiċi li jirrigwardaw it-trasferimenti tad-data mill-Europol barra mill-UE. L-Artikolu 25(1) tiegħu jelenka għadd ta' raġunijiet legali li abbażi tagħhom il-Europol ikun jista' jittrasferixxi d-data legalment lill-awtoritajiet tal-pajjiżi terzi. Possibbiltà waħda tkun deċiżjoni ta' adegwatezza tal-Kummissjoni, skont l-Artikolu 36 tad-Direttiva (UE) 2016/680 tal-Parlament Ewropew u tal-Kunsill (2), li ssib li l-pajjiż terz li l-Europol jittrasferixxi d-data lilu jiżgura livell xieraq ta' protezzjoni. Peress li bħalissa m'hemmx deċiżjonijiet ta' adegwatezza bħal din, l-alternattiva l-oħra sabiex il-Europol jittrasferixxi d-data regolarment lil pajjiż terz tkun l-użu ta' qafas xieraq li jirriżulta mill-konklużjoni ta' ftehim internazzjonali vinkolanti bejn l-UE u l-pajjiż terz riċevitur.
Fl-20 ta' Diċembru 2017, il-Kumissjoni adottat tmien Rakkomandazzjonijiet (3) għad-Deċiżjonijiet tal-Kunsill sabiex jiġi awtorizzat il-ftuħ ta' negozjati għal ftehimiet internazzjonali bejn l-Unjoni Ewropea u tmien pajjiżi terzi tar-reġjuni tal-Lvant Nofsani u tal-Afrika ta' Fuq (MENA), jiġifieri l-Alġerija, l-Eġittu, l-Iżrael, il-Ġordan, il-Libanu, il-Marokk, it-Tuneżija u t-Turkija. Tali ftehimiet internazzjonali jipprovdu l-bażi ġuridika meħtieġa għall-iskambju ta' data personali bejn il-Europol u l-awtoritajiet ta' dawn il-pajjiżi terzi kompetenti sabiex jiġġieldu kontra d-delitti serji u t-terroriżmu.
Il-Kummissjoni tikkunsidra li hemm il-ħtieġa għal kooperazzjoni aktar mill-qrib bejn il-Europol u dawn it-tmien pajjiżi fid-dawl tal-istrateġija politika tal-UE deskritta fl-Aġenda Ewropea dwar is-Sigurtà (4), il-Konklużjonijiet tal-Kunsill (5), u l-Istrateġija Globali tal-Politika Estera u ta' Sigurtà tal-UE (6) kif ukoll il-ħtiġijiet operattivi tal-awtoritajiet tal-infurzar tal-liġi madwar l-UE u tal-Europol. Dawn it-tmien pajjiżi terzi kienu ġew identifikati wkoll fil-Ħdax-il Rapport ta' Progress lejn Unjoni tas-Sigurtà ġenwina u effettiva (7). Il-kooperazzjoni mal-pajjiżi tal-MENA hija meqjusa bħala ħaġa sħiħa (8). L-instabbiltà attwali fir-reġjun, b'mod speċjali s-sitwazzjoni fis-Sirja u fl-Iraq, tiġi identifikata bħala li tippreżenta theddida sinifikanti għas-sigurtà fuq perjodu ta' żmien twil għall-UE. Dan jikkonċerna kemm il-ġlieda effettiva kontra t-terroriżmu kif ukoll il-kriminalità organizzata relatata, kif ukoll sfidi relatati mal-migrazzjoni bħall-faċilitazzjoni tal-migrazzjoni irregolari u t-traffikar tal-bnedmin. Il-kooperazzjoni mal-infurzar tal-liġi lokali wkoll titqies bħala kritika sabiex jiġu indirizzati dawn l-isfidi.
F'konformità mal-proċedura stabbilita fl-Artikolu 218 tat-Trattat dwar il-Funzjonament tal-Unjoni Ewropea (TFUE), il-Kummissjoni se tkun responsabbli sabiex tinnegozja dawn il-ftehimiet internazzjonali mal-pajjiżi terzi f'isem l-UE. Permezz ta' dawn it-tmien Rakkomandazzjonijiet, il-Kummissjoni tfittex li tikseb awtorizzazzjoni mill-Kunsill tal-Unjoni Ewropea (il-Kunsill) sabiex tagħti bidu għan-negozjati mat-tmien pajjiżi terzi identifikati. Ladarba n-negozjati jkunu ntemmu, sabiex dawn il-ftehimiet jiġu konklużi b'mod formali, il-Parlament Ewropew se jkollu jagħti l-kunsens tiegħu lit-testijiet tal-ftehimiet negozjati, filwaqt li l-Kunsill se jkollu jiffirma l-ftehimiet.
5. KONKLUŻJONI
Il-KEPD jilqa' l-attenzjoni mogħtija lill-protezzjoni tad-data fl-Annessi għar-Rakkomandazzjonijiet tal-Kunsill tal-20 ta' Diċembru 2017 li se jikkostitwixxu l-mandat tal-Kummissjoni sabiex tinnegozja l-ftehimiet internazzjonali rispettivi f'isem l-UE ma' kull wieħed mit-tmien pajjiżi tal-MENA li għalihom hija prevista l-kooperazzjoni mal-Europol.
Il-ħtieġa u l-proporzjonalità tal-ftehimiet internazzjonali previsti sabiex l-Europol ikun jista' jittrasferixxi regolarment id-data lill-awtoritajiet kompetenti tat-tmien pajjiżi terzi in kwistjoni jeħtieġu jiġu vvalutati b'mod sħiħ sabiex tiġi żgurata l-konformità mal-Artikolu 52(1) tal-Karta. Sabiex tiġi permessa din il-valutazzjoni fil-fond fuq il-bażi ta' każ b'każ, il-KEPD jirrakkomanda li jkomplu jitnaqqsu u li ssir differenzazzjoni bejn il-ħtiġijiet għal trasferimenti abbażi tas-sitwazzjoni partikolari ta' kull pajjiż terz u r-realtà fil-prattika. Il-kamp ta' applikazzjoni ta' kull ftehim internazzjonali u l-iskopijiet għat-trasferimenti għal kull pajjiż terz għandhom jiġu speċifikati ulterjorment bix-xieraq fl-Annessi. Il-KEPD jirrakkomanda wkoll li jsiru valutazzjonijiet tal-impatt sabiex jiġu vvalutati aħjar ir-riskji li t-trasferimenti tad-data jippreżentaw lil dawn il-pajjiżi terzi sabiex jiġu protetti d-drittijiet għall-privatezza u għall-protezzjoni tad-data tal-individwi, iżda anki għal drittijiet u libertajiet fundamentali oħrajn protetti mill-Karta, sabiex jiġu ddefiniti s-salvagwardji preċiżi neċessarji.
Il-KEPD jinnota li, skont l-Artikolu 25(1)(b) tar-Regolament tal-Europol, il-Europol jista' jittrasferixxi regolarment id-data lil pajjiż terz permezz tal-konklużjoni ta' ftehim internazzjonali vinkolanti bejn l-UE u l-pajjiż terz riċevitur bil-kundizzjoni li dan il-ftehim jintroduċi salvagwardji xierqa. Il-KEPD jikkunsidra li “l-introduzzjoni ta' salvagwardji xierqa” fi ħdan it-tifsira tar-Regolament tal-Europol timplika li l-ftehimiet internazzjonali konklużi mal-pajjiżi terzi għandhom:
— |
jiżguraw konsistenza sħiħa mal-Artikolu 8 tal-Karta fil-pajjiżi terzi riċeventi, b'mod partikolari mal-prinċipju tal-limitazzjoni tal-iskop, id-dritt ta' aċċess, id-dritt għal rettifika u l-kontroll minn awtorità indipendenti speċifikament stipulata mill-Karta; |
— |
isegwu l-Opinjoni 1/15 tal-QtĠ billi jiżguraw li l-livell ta' protezzjoni li tirriżulta minn dawn il-ftehimiet essenzjalment tkun ekwivalenti għal-livell ta' protezzjoni fid-dritt tal-Unjoni; |
— |
japplikaw mutatis mutandis il-kriterji inklużi fil-Premessa 71 tad-Direttiva (UE) 2016/680, jiġifieri t-trasferimenti tad-data personali huma soġġetti għal obbligi ta' kunfidenzjalità, il-prinċipju tal-ispeċifiċità u l-fatt li d-data personali ma tintużax sabiex tintalab, tingħata jew tiġi eżegwita piena tal-mewt jew xi forma ta' trattament krudili jew inuman; |
— |
jirriflettu salvagwardji speċifiċi inklużi fir-Regolament tal-Europol, bħal restrizzjonijiet speċifikati minn fornituri ta' informazzjoni; u |
— |
japplikaw garanziji essenzjali fil-kuntest ta' investigazzjonijiet kriminali u jinkludu salvagwardji li, fuq bażi ta' każ b'każ, jindirizzaw ir-riskji prevedibbli li t-trasferimenti għal dawn il-pajjiżi terzi jistgħu jippreżentaw fir-rigward ta' drittijiet u libertajiet fundamentali oħra. |
Flimkien ma' dawn ir-rakkomandazzjonijiet ġenerali, ir-rakkomandazzjonijiet u l-kummenti tal-KEPD f'din l-Opinjoni huma relatati mal-aspetti speċifiċi li ġejjin tal-ftehimiet internazzjonali futuri li għandhom jiġu nnegozjati mal-pajjiżi tal-MENA fil-mandati ta' negozjar:
— |
il-prinċipji tal-limitazzjoni tal-iskop u tal-ispeċifikazzjoni tal-iskop li jirrigwardaw id-data ttrasferita mill-Europol; |
— |
trasferimenti ulterjuri mill-awtoritajiet kompetenti tal-pajjiżi terzi in kwistjoni; |
— |
restrizzjonijiet fuq l-ipproċessar ta' informazzjoni ttrasferita mill-Europol lill-awtoritajiet kompetenti tal-pajjiżi terzi; |
— |
sorveljanza indipendenti żgurata fil-pajjiżi terzi; |
— |
id-drittijiet tas-suġġetti tad-data; |
— |
it-trasferiment ta' kategoriji speċjali ta' data lill-awtoritajiet kompetenti tal-pajjiżi terzi; |
— |
iż-żamma tad-data tad-data ttrasferita mill-Europol; u |
— |
il-possibbiltà li l-ftehimiet internazzjonali jiġu sospiżi u jintemmu f'każ ta' ksur tad-dispożizzjonijiet tagħhom. |
Magħmul fi Brussell, l-14 ta' Marzu 2018.
Giovanni BUTTARELLI
Kontrollur Ewropew għall-Protezzjoni tad-Data
(1) Ir-Regolament (UE) 2016/794 tal-Parlament Ewropew u tal-Kunsill tal-11 ta' Mejju 2016 dwar l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u li jissostitwixxi u jħassar id-Deċiżjonijiet tal-Kunsill 2009/371/ĠAI, 2009/934/ĠAI, 2009/935/ĠAI, 2009/936/ĠAI u 2009/968/ĠAI (ĠU L 135, 24.5.2016, p. 53), minn hawn 'il quddiem “ir-Regolament tal-Europol”.
(2) Id-Direttiva (UE) 2016/680 tal-Parlament Ewropew u tal-Kunsill tas-27 ta' April 2016 dwar il-protezzjoni ta' persuni fiżiċi fir-rigward tal-ipproċessar ta' data personali mill-awtoritajiet kompetenti għall-finijiet tal-prevenzjoni, l-investigazzjoni, is-sejbien jew il-prosekuzzjoni ta' reati kriminali jew l-eżekuzzjoni ta' pieni kriminali, u dwar il-moviment liberu ta' tali data, u li tħassar id-Deċiżjoni Qafas tal-Kunsill 2008/977/ĠAI (ĠU L 119, 4.5.2016, p. 89).
(3) Rakkomandazzjoni għal Deċiżjoni tal-Kunsill li tawtorizza l-ftuħ ta' negozjati għal ftehim bejn l-Unjoni Ewropea u r-Renju Ħaxemita tal-Ġordan dwar l-iskambju ta' dejta personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti tal-Ġordan fil-ġlieda kontra l-kriminalità serja u t-terroriżmu, COM(2017) 798 final; Rakkomandazzjoni għal Deċiżjoni tal-Kunsill li tawtorizza l-ftuħ ta' negozjati għal ftehim bejn l-Unjoni Ewropea u r-Repubblika tat-Turkija dwar l-iskambju ta' dejta personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti tt-Turkija fil-ġlieda kontra l-kriminalità serja u t-terroriżmu, COM(2017) 799 final; Rakkomandazzjoni għal Deċiżjoni tal-Kunsill li tawtorizza l-ftuħ ta' negozjati għal ftehim bejn l-Unjoni Ewropea u r-Repubblika Libaniża dwar l-iskambju ta' data personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti Libaniżi fil-ġlieda kontra l-kriminalità serja u t-terroriżmu, COM(2017) 805 final; Rakkomandazzjoni għal Deċiżjoni tal-Kunsill li tawtorizza l-ftuħ ta' negozjati għal ftehim bejn l-Unjoni Ewropea u l-Istat ta' Iżrael dwar l-iskambju ta' data personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti ta' Iżrael fil-ġlieda kontra l-kriminalità serja u t-terroriżmu, COM(2017) 806 final; Rakkomandazzjoni għal Deċiżjoni tal-Kunsill li tawtorizza l-ftuħ tan-negozjar ta' ftehim bejn l-Unjoni Ewropea u t-Tuneżija dwar l-iskambju ta' data personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti tat-Tuneżija fil-ġlieda kontra l-kriminalità serja u t-terroriżmu, COM(2017) 807 final; Rakkomandazzjoni għal Deċiżjoni tal-Kunsill li tawtorizza l-ftuħ ta' negozjati għal ftehim bejn l-Unjoni Ewropea u r-Renju tal-Marokk dwar l-iskambju ta' dejta personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti tt-Turkija fil-ġlieda kontra l-kriminalità serja u t-terroriżmu, COM(2017) 808 final; Rakkomandazzjoni għal Deċiżjoni tal-Kunsill li tawtorizza l-ftuħ ta' negozjati għal ftehim bejn l-Unjoni Ewropea u r-Repubblika Għarbija tal-Eġittu dwar l-iskambju ta' data personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti Eġizzjani fil-ġlieda kontra l-kriminalità serja u t-terroriżmu, COM(2017) 809 final; Rakkomandazzjoni għal Deċiżjoni tal-Kunsill li tawtorizza l-ftuħ ta' negozjati għal ftehim bejn l-Unjoni Ewropea u r-Repubblika Demokratika tal-Poplu tal-Alġerija dwar l-iskambju ta' data personali bejn l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) u l-awtoritajiet kompetenti Alġerini fil-ġlieda kontra l-kriminalità serja u t-terroriżmu, COM(2017) 811 final.
(4) Komunikazzjoni tal-Kummissjoni tat-28 ta' April 2015 lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni - L-Aġenda Ewropea dwar is-Sigurtà, COM(2015) 185 final.
(5) Konklużjonijiet mill-Kunsill tad-19 ta' Ġunju 2017 dwar Azzjoni Esterna tal-UE dwar il-Ġlieda Kontra t-Terroriżmu, Dokument 10384/17.
(6) “Shared Vision, Common Action: A Stronger Europe - A Global Strategy for the European Union's Foreign and Security Policy” (Viżjoni Kondiviża, Azzjoni Komuni: Ewropa Aktar b'Saħħitha - Strateġija Globali għall-Politika Estera u ta' Sigurtà tal-Unjoni Ewropea), disponibbli fuq: http://europa.eu/globalstrategy/en.
(7) Komunikazzjoni mill-Kummissjoni tat-18 ta' Ottubru 2017 lill-Parlament Ewropew, lill-Kunsill Ewropew u lill-Kunsill – Il-ħdax-il rapport dwar il-progress lejn Unjoni tas-Sigurtà effettiva u ġenwina, COM(2017) 608 final.
(8) Ara l-Memorandum ta' Qbil tar-Rakkomandazzjonijiet kollha tal-Kummissjoni għad-Deċiżjonijiet tal-Kunsill li tressqu fl-20 ta' Diċembru 2017, għajr dik li tikkonċerna l-Iżrael.
INFORMAZZJONI DWAR IŻ-ŻONA EKONOMIKA EWROPEA
Awtorità ta' Sorveljanza EFTA
17.5.2018 |
MT |
Il-Ġurnal Uffiċjali tal-Unjoni Ewropea |
C 170/5 |
L-ebda għajnuna mill-Istat skont it-tifsira tal-Artikolu 61(1) tal-Ftehim ŻEE
(2018/C 170/03)
L-Awtorità ta’ Sorveljanza tal-EFTA hija tal-fehma li l-miżura li ġejja ma tikkostitwix għajnuna mill-Istat skont l-Artikolu 61(1) tal-Ftehim ŻEE:
Data tal-adozzjoni tad-deċiżjoni |
: |
fis-7 ta’ Frar 2018. |
||||
Każ Nru |
: |
81382 |
||||
Deċiżjoni Nru |
: |
017/18/COL |
||||
Stat tal-EFTA |
: |
In-Norveġja |
||||
Reġjun |
: |
|||||
Titlu (u/jew isem il-benefiċjarju) |
: |
Kumpens għal kostijiet tal-pensjonijiet lil organizzazzjonijiet mingħajr skop ta’ qligħ li jagħtu ċerti servizzi ta’ saħħa u benessri tat-tfal |
||||
Bażi ġuridika |
: |
|||||
Tip ta’ miżura |
: |
Skema |
||||
Objettiv |
: |
Servizzi tas-saħħa u servizzi soċjali |
||||
Forma ta’ għajnuna |
: |
Għotjiet |
||||
Baġit |
: |
NOK 1,1 biljun |
||||
Intensità |
: |
|||||
Tul |
: |
100 sena |
||||
Setturi ekonomiċi |
: |
Servizzi tas-saħħa u servizzi soċjali |
||||
Isem u indirizz tal-awtorità awtorizzanti |
: |
|
||||
Aktar informazzjoni |
: |
It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fuq is-sit web tal-Awtorità ta’ Sorveljanza tal-EFTA:
http://www.eftasurv.int/state-aid/state-aid-register/
17.5.2018 |
MT |
Il-Ġurnal Uffiċjali tal-Unjoni Ewropea |
C 170/6 |
Għajnuna mill-Istat — Deċiżjoni li ma jitqajmux oġġezzjonijiet
(2018/C 170/04)
L-Awtorità ta’ Sorveljanza tal-EFTA ma tqajjem l-ebda oġġezzjoni għall-miżura ta’ għajnuna mill-Istat li ġejja:
Data tal-adozzjoni tad-deċiżjoni |
: |
fit-22 ta’ Frar 2018. |
||||
Każ Nru |
: |
81568 |
||||
Deċiżjoni Nru |
: |
027/18/COL |
||||
Stat tal-EFTA |
: |
In-Norveġja |
||||
Reġjun |
: |
|||||
Titlu (u/jew isem il-benefiċjarju) |
: |
Eżenzjoni mit-taxxa NOx għall-2018–2025 |
||||
Bażi ġuridika |
: |
Il-Ftehim Nox 2018–2025 |
||||
Tip ta’ miżura |
: |
Skema |
||||
Objettiv |
: |
Ħarsien tal-ambjent |
||||
Forma ta’ għajnuna |
: |
Eżenzjoni mit-taxxa |
||||
Baġit |
: |
NOK 14-il biljun |
||||
Intensità |
: |
|||||
Tul |
: |
2018–2025 |
||||
Setturi ekonomiċi |
: |
Kull impriża soġġetta għat-taxxa NOx |
||||
Isem u indirizz tal-awtorità awtorizzanti |
: |
|
||||
Aktar informazzjoni |
: |
It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fuq is-sit web tal-Awtorità ta’ Sorveljanza tal-EFTA:
http://www.eftasurv.int/state-aid/state-aid-register/
V Avviżi
PROĊEDURI AMMINISTRATTIVI
Il-Kummissjoni Ewropea
17.5.2018 |
MT |
Il-Ġurnal Uffiċjali tal-Unjoni Ewropea |
C 170/7 |
Sejħa għall-proposti skont il-programm ta’ ħidma pluriennali għal għajnuna finanzjarja fil-qasam tal-Faċilità Nikkollegaw l-Ewropa (FNE) — Is-settur tat-trasport għall-perjodu 2014-2020
(Id-Deċiżjoni ta’ Implimentazzjoni tal-Kummissjoni C(2018) 2226 tad-19 ta’ April 2018 li temenda d-Deċiżjoni ta’ Implimentazzjoni C(2014) 1921)
(2018/C 170/05)
Id-Direttorat Ġenerali għall-Mobilità u t-Trasport tal-Kummissjoni Ewropea b’dan qed iniedi sejħa għal proposti (FNE-Trasport-2018 (Pakkett Ġenerali) biex jingħataw għotjiet skont il-prijoritajiet u l-objettivi ddefiniti fil-programm ta’ ħidma pluriennali għal għajnuna finanzjarja fil-qasam tal-Faċilità Nikkollegaw l-Ewropa (FNE) - Is-Settur tat-Trasport.
Il-baġit indikattiv tas-sejħa huwa ta’ EUR 450 miljun.
Id-data ta’ skadenza għas-sottomissjoni tal-proposti hija 24 ta’ Ottubru 2018 (17:00 ħin ta’ Brussell)
It-test sħiħ tas-sejħa għall-proposti huwa disponibbli fuq:
https://ec.europa.eu/inea/en/connecting-europe-facility/cef-transport/apply-funding/2018-cef-transport-call-proposals.
L-Uffiċċju Ewropew għas-Selezzjoni tal-Persunal (EPSO)
17.5.2018 |
MT |
Il-Ġurnal Uffiċjali tal-Unjoni Ewropea |
C 170/8 |
AVVIŻ TA’ KOMPETIZZJONIJIET ĠENERALI
(2018/C 170/06)
L-Uffiċċju Ewropew għas-Selezzjoni tal-Persunal (EPSO) qed jorganizza l-kompetizzjonijiet ġenerali li ġejjin:
|
EPSO/AD/358/18 — ĠURISTI LINGWISTI (AD 7) TAL-LINGWA ĠERMANIŻA (DE) |
|
EPSO/AD/359/18 — ĠURISTI LINGWISTI (AD 7) TAL-LINGWA NETHERLANDIŻA (NL) |
L-avviż tal-kompetizzjoni huwa ppubblikat f’24 lingwa f’ Il-Ġurnal Uffiċjali tal-Unjoni Ewropea C 170 A tas-17 ta’ Mejju 2018.
Tista’ ssib aktar informazzjoni fuq is-sit web tal-EPSO: https://epso.europa.eu/
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
17.5.2018 |
MT |
Il-Ġurnal Uffiċjali tal-Unjoni Ewropea |
C 170/9 |
Notifika minn qabel ta’ konċentrazzjoni
(Każ M.8861 — Comcast/Sky)
(Test b'rilevanza għaż-ŻEE)
(2018/C 170/07)
1. |
Fis-7 ta’ Mejju 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
Comcast Corporation jakkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll uniku ta’ Sky plc kollha kemm hi. Il-konċentrazzjoni hija mwettqa permezz ta’ offerta pubblika mħabbra fil-25 ta’ April 2018. |
2. |
L-attivitajiet kummerċjali tal-impriżi kkonċernati huma: — Comcast Corporation: Comcast hija kumpanija dinjija tal-midja, it-teknoloġija u d-divertiment ibbażata fl-Istati Uniti tal-Amerika u kkwotata fil-borża, b’żewġ negozji primarji: Comcast Cable u NBCUniversal (“NBCU”). Comcast hija preżenti fl-Ewropa kważi kompletament permezz ta’ NBCU, li hija attiva fl-Ewropa: (i) fil-produzzjoni, il-bejgħ u d-distribuzzjoni ta’ films u kontenut televiżiv; (ii) fil-provvista bl-ingrossa ta’ kanali tat-TV u s-servizzi on-demand; (iii) f’CNBC, servizz tal-aħbarijiet dwar in-negozju, kif ukoll NBC News; (iv) fil-forniment ta’ kontenut tat-televiżjoni għall-utenti finali permezz ta’ servizz ta’ video on demand tal-NBCU; (v) fil-ħruġ ta’ liċenzji ta’ proprjetà intellettwali tagħha lill-manifatturi u d-distributuri tal-prodotti għall-konsumatur; (vi) fin-negozji diġitali minuri relatati mal-golf; u (vii) f’livell minuri, fil-bejgħ dirett lill-konsumatur ta’ DVD u blu-ray, SteelBooks u diski tal-mużika; — Sky plc: Sky hija kumpanija pubblika Ingliża li l-ishma tagħha huma kkwotati fil-Borża ta’ Londra. Sky hi l-kumpanija azzjonarja ta’ għadd ta’ sussidjarji li jwettqu negozju f’varjetà ta’ setturi fil-biċċa l-kbira fir-Renju Unit, l-Irlanda, il-Ġermanja, l-Awstrija u l-Italja, inklużi: (i) il-liċenzjar/l-akkwist ta’ programmazzjoni awdjoviżiva; (ii) il-provvista bl-ingrossa ta’ kanali televiżivi fir-Renju Unit u l-Irlanda; (iii) il-bejgħ bl-imnut ta’ programmazzjoni awdjoviżiva lill-abbonati; (iv) il-provvista ta’ servizzi ta’ pjattaforma teknika lix-xandara fuq il-pjattaformi DTH ta’ Sky fir-Renju Unit, l-Irlanda, il-Ġermanja u fl-Awstrija; (v) il-bejgħ ta’ reklamar televiżiv; (vi) fir-Renju Unit u l-Irlanda, il-forniment ta’ telefonija fissa bl-imnut u servizzi tal-broadband; (vii) fir-Renju Unit, il-provvista ta’ servizzi ta’ komunikazzjonijiet tal-mobile; u (viii) fir-Renju Unit, l-għoti ta’ aċċess għal hotspots pubbliċi tal-Wi-Fi. |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata: M.8861 — Comcast/Sky Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
17.5.2018 |
MT |
Il-Ġurnal Uffiċjali tal-Unjoni Ewropea |
C 170/11 |
Notifika minn qabel ta’ konċentrazzjoni
(Il-Każ M.8884 — Altor Funds/Trioplast Industrier)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 170/08)
1. |
Fl-4 ta’ Mejju 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
Altor Funds takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll uniku ta’ Trioplast Industrier kollha kemm hi. Il-konċentrazzjoni hija mwettqa permezz ta’ xiri ta’ ishma. |
2. |
L-attivitajiet kummerċjali tal-impriżi kkonċernati huma: — Altor Funds: fondi ta’ ekwità privata li jiffokaw fuq l-investimenti fis-segment tas-suq medju fir-reġjun Nordiku, — Trioplast Industrier: manifattura ta’ soluzzjonijiet ta’ mballaġġ ibbażati fuq tertuqa tal-polietilen. |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-avvuż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż. |
4. |
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata: M.8884 — Altor Funds/Trioplast Industrier Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.
17.5.2018 |
MT |
Il-Ġurnal Uffiċjali tal-Unjoni Ewropea |
C 170/12 |
Notifika minn qabel ta’ konċentrazzjoni
(Il-Każ M.8887 — Platinum Equity/LifeScan)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2018/C 170/09)
1. |
Fl-4 ta’ Mejju 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
Il-konċentrazzjoni proposta tikkonsisti fl-akkwist minn Platinum tan-negozju ta’ LifeScan ta’ monitoraġġ taz-zokkor fid-demm. Platinum se takkwista l-kontroll uniku ta’ LifeScan fis-sens tal-Artikolu 3(1)(b) tar-Regolament dwar l-Għaqdiet. Il-konċentrazzjoni tkun ġiet imwettqa permezz ta’ xiri ta’ ishma u assi permezz ta’ veikolu bi skop speċjali. |
2. |
L-attivitajiet kummerċjali tal-impriżi kkonċernati huma: — Platinum: ditta ta’ investiment privat, li hija speċjalizzata fil-merger, l-akkwist u t-tħaddim ta’ kumpaniji attivi f’firxa wiesgħa ta’ negozji, li jinkludu t-teknoloġija tal-informazzjoni, it-telekomunikazzjoni, il-loġistika, is-servizzi tal-metall, il-manifattura u d-distribuzzjoni fil-livell dinji; — LifeScan: tipprovdi s-sistemi ta’ monitoraġġ taz-zokkor fid-demm għall-użu fid-djar u fl-isptarijiet taħt il-marka dinjija OneTouch. Il-portafoll ta’ OneTouch jinkludi meters personali li jkejlu z-zokkor fid-demm, strixxi għall-ittestjar taz-zokkor fid-demm, lancets, sistemi ta’ ttestjat tal-kura u soluzzjonijiet diġitali integrati. |
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż. |
4. |
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata: M.8887 — Platinum Equity/LifeScan Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.