ISSN 1977-0987 |
||
Il-Ġurnal Uffiċjali tal-Unjoni Ewropea |
C 133 |
|
Edizzjoni bil-Malti |
Informazzjoni u Avviżi |
Volum 61 |
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2018/C 133/09 |
|
|
|
(1) Test b'rilevanza għaż-ŻEE. |
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
16.4.2018 |
MT |
Il-Ġurnal Uffiċjali tal-Unjoni Ewropea |
C 133/1 |
Rata tal-kambju tal-euro (1)
It-13 ta’ April 2018
(2018/C 133/01)
1 euro =
|
Munita |
Rata tal-kambju |
USD |
Dollaru Amerikan |
1,2317 |
JPY |
Yen Ġappuniż |
132,64 |
DKK |
Krona Daniża |
7,4467 |
GBP |
Lira Sterlina |
0,86400 |
SEK |
Krona Żvediża |
10,3798 |
CHF |
Frank Żvizzeru |
1,1854 |
ISK |
Krona Iżlandiża |
121,60 |
NOK |
Krona Norveġiża |
9,5643 |
BGN |
Lev Bulgaru |
1,9558 |
CZK |
Krona Ċeka |
25,307 |
HUF |
Forint Ungeriż |
311,13 |
PLN |
Zloty Pollakk |
4,1763 |
RON |
Leu Rumen |
4,6603 |
TRY |
Lira Turka |
5,0411 |
AUD |
Dollaru Awstraljan |
1,5801 |
CAD |
Dollaru Kanadiż |
1,5482 |
HKD |
Dollaru ta' Hong Kong |
9,6687 |
NZD |
Dollaru tan-New Zealand |
1,6703 |
SGD |
Dollaru tas-Singapor |
1,6158 |
KRW |
Won tal-Korea t'Isfel |
1 316,26 |
ZAR |
Rand ta' l-Afrika t'Isfel |
14,8457 |
CNY |
Yuan ren-min-bi Ċiniż |
7,7363 |
HRK |
Kuna Kroata |
7,4165 |
IDR |
Rupiah Indoneżjan |
16 939,57 |
MYR |
Ringgit Malażjan |
4,7714 |
PHP |
Peso Filippin |
63,969 |
RUB |
Rouble Russu |
76,2186 |
THB |
Baht Tajlandiż |
38,367 |
BRL |
Real Brażiljan |
4,1979 |
MXN |
Peso Messikan |
22,3162 |
INR |
Rupi Indjan |
80,3160 |
(1) Sors: rata tal-kambju ta' referenza ppubblikata mill-Bank Ċentrali Ewropew.
16.4.2018 |
MT |
Il-Ġurnal Uffiċjali tal-Unjoni Ewropea |
C 133/2 |
AVVIŻ TAL-KUMMISSJONI
Linji gwida dwar l-użu bħala għalf ta’ ikel li ma jkunx għadu maħsub għall-konsum mill-bniedem
(2018/C 133/02)
KAPITOLU 1
INTRODUZZJONI
1.1. Sfond, Objettiv u Kamp ta’ Applikazzjoni
Bħala parti integrali mill-Komunikazzjoni dwar l-Ekonomija Ċirkolari (1), il-Kummissjoni waqqfet pjan ta’ azzjoni biex titnaqqas il-ħela tal-ikel. Mingħajr ma tikkompeti mas-sorsi tal-banek tal-ikel (2), waħda mill-inizjattivi hija li jiġu vvalorizzati n-nutrijenti tal-ikel (3) li, għal raġunijiet kummerċjali jew minħabba problemi ta’ manifattura jew ċerti difetti, ma jkunx għadu maħsub għall-konsum mill-bniedem, permezz tal-użu sigur tiegħu fin-nutrizzjoni tal-annimali, mingħajr ma tiġi kompromessa s-saħħa pubblika u dik tal-annimali. Għalhekk, l-użu ta’ dan l-ikel bħala għalf jevita li dawn il-materjali jiġu kompostati, trasformati f’bijogass jew jintremew permezz ta’ inċinerazzjoni jew rimi f’miżbla. Id-distinzjoni bejn ikel, prodotti sekondarji mill-annimali, għalf u skart għandha implikazzjonijiet evidenti fir-rigward tal-qafas leġiżlattiv li jirregola t-tipi differenti ta’ prodotti kkonċernati.
Fir-raba’ kwart tal-2016 saret konsultazzjoni mal-partijiet interessati fil-marġini tal-Pjattaforma tal-UE dwar it-Telf u l-Ħela tal-Ikel (4) sabiex jiġu identifikati l-kwistjonijiet fir-rigward ta’ din l-inizjattiva. L-operaturi ddikjaraw is-segwenti piżijiet sinifikanti jew sproporzjonati li jistgħu jfixkluhom jew saħansitra jwaqqfuhom milli jfornu ikel li ma jkunx għadu maħsub għall-konsum mill-bniedem biex jintuża bħala għalf:
— |
Kwistjonijiet li jaffettwaw il-kapaċità li tiġi żgurata l-konformità ta’ ikel li ma jkunx għadu maħsub għall-konsum mill-bniedem li jkun ser jintuża bħala għalf mal-leġiżlazzjoni dwar l-għalf, jiġifieri r-rekwiżiti li jittrattaw is-sigurtà tal-għalf: l-applikazzjoni ta’ proċeduri bbażati fuq il-prinċipji tal-analiżi tal-perikli u punti kritiċi ta’ kontroll (HACCP), tikkettar speċifiku, ħżin segregat u t-trasport tal-ikel li ma jkunx għadu maħsub għall-konsum mill-bniedem; |
— |
Ir-reġistrazzjoni doppja ta’ stabbiliment bħala negozju tal-ikel u dak tal-għalf li twassal għal awditjar addizzjonali tal-istabbilimenti tagħhom minn diversi awtoritajiet differenti ta’ kontroll (ikel, prodotti sekondarji mill-annimali, għalf, skart); |
— |
Obbligu, f’diversi Stati Membri, li jipparteċipaw fi skemi ta’ ċertifikazzjoni privati għal Prassi Tajba ta’ Manifattura sabiex ifornu l-għalf lill-industrija tal-għalf, minkejja li dawn l-iskemi huma de jure volontarji; |
— |
Nuqqas ta’ armonizzazzjoni tar-rekwiżiti għar-reġistrazzjoni ta’ operaturi ta’ negozji tal-ikel fl-Istati Membri; uħud jeħtieġu r-reġistrazzjoni bħala operatur ta’ negozju tal-għalf biss jekk l-ikel li ma jkunx għadu maħsub għall-konsum mill-bniedem li ma jkunx joriġina mill-annimali jitwassal direttament lill-bdiewa bħala għalf filwaqt li oħrajn jeħtieġu r-reġistrazzjoni ta’ kull operatur ta’ negozju tal-ikel li jforni ikel li ma jkunx għadu maħsub għall-konsum mill-bniedem biex jintuża bħala għalf bħala operatur ta’ negozju tal-għalf. |
Dawn il-linji gwida huma maħsuba biex jindirizzaw dawn il-kwistjonijiet fi ħdan il-qafas legali eżistenti. Għalhekk ma joħolqux dispożizzjonijiet legali ġodda, u lanqas ma jfittxu li jkopru d-dispożizzjonijiet kollha f’dan il-qasam b’mod eżawrjenti. Għandu jiġi nnotat ukoll li huma mingħajr preġudizzju għall-interpretazzjoni tad-dritt tal-Unjoni pprovduta mill-Qorti tal-Ġustizzja tal-Unjoni Ewropea.
L-objettiv ta’ dawn il-linji gwida huwa li jiġi ffaċilitat l-użu bħala għalf ta’ ċertu ikel li ma jkunx għadu maħsub għall-konsum mill-bniedem, bi u mingħajr prodotti li joriġinaw mill-annimali. Il-linji gwida għandhom jgħinu lill-awtoritajiet kompetenti nazzjonali u dawk lokali u lill-operaturi fil-katina alimentari fl-applikazzjoni tal-leġislazzjoni rilevanti tal-Unjoni. Dan l-objettiv għandu jintlaħaq permezz ta’:
— |
spjegazzjoni tal-leġiżlazzjoni applikabbli skont il-klassifikazzjoni ta’ prodott partikolari; |
— |
titjib fiċ-ċarezza legali; kif ukoll |
— |
preżentazzjoni ta’ eżempji tal-aħjar prattiki li huma konformi mal-qafas regolatorju attwali tal-Unjoni filwaqt li jiġi evitat piż amministrattiv bla bżonn. |
Il-kamp ta’ applikazzjoni ta’ dawn il-linji gwida jkopri:
— |
prodotti mill-proċess tal-manifattura tal-ikel (fornuti minn produtturi tal-ikel); kif ukoll, |
— |
ikel li jkun tqiegħed fis-suq, ippakkjat jew bl-ingrossa (fornut minn bejjiegħa tal-ikel bl-ingrossa u bl-imnut). |
Dawn il-linji gwida ma jindirizzawx l-użu fl-għalf ta’:
— |
addittiv tal-ikel, enzimi tal-ikel u aromatizzanti tal-ikel kif imsemmi fir-Regolament (KE) Nru 1331/2008 tal-Parlament Ewropew u tal-Kunsill (5); |
— |
supplimenti tal-ikel kif imsemmi fid-Direttiva 2002/46/KE tal-Parlament Ewropew u tal-Kunsill (6); kif ukoll |
— |
skart mill-catering (7). |
1.2. Definizzjonijiet legali
Ir-regoli ġenerali għall-introduzzjoni ta’ ikel fil-katina tal-għalf huma stabbiliti fir-Regolamenti tal-Parlament Ewropew u tal-Kunsill (KE) Nru 178/2002 (8), (KE) Nru 183/2005 (9), (KE) Nru 767/2009 (10) u r-regoli għal prodotti sekondarji mill-annimali li mhumiex maħsuba għall-konsum mill-bniedem fir-Regolament (KE) Nru 1069/2009 tal-Parlament Ewropew u tal-Kunsill (11) (minn hawn ’il quddiem “ir-Regolament dwar prodotti sekondarji mill-annimali”).
Għall-finijiet ta’ dan l-Avviż, ‘ikel li ma jkunx għadu maħsub għall-konsum mill-bniedem’ tfisser ikel li jkun ġie manifatturat għall-konsum mill-bniedem f’konformità sħiħa mad-dritt tal-Unjoni dwar l-ikel iżda li ma għadux maħsub għall-konsum mill-bniedem.
Ikel huwa definit fl-Artikolu 2 tar-Regolament (KE) Nru 178/2002 bħala ‘kull sustanza jew prodott, sew jekk ipproċessat, parzjalment ipproċessat jew mhux ipproċessat, maħsub li jkun, jew raġonevolment mistenni li jittiekel mill-bniedem’.
Negozju tal-ikel huwa definit fl-Artikolu 3(2) tar-Regolament (KE) Nru 178/2002, bħala ‘kull intrapriża, sew għall-profitt sew jekk le u sew pubblika kemm privata, li twettaq xi waħda mill-attivitajiet relatati ma’ xi stadju ta’ produzzjoni, ipproċessar jew tqassim tal-ikel’.
Operatur ta’ negozju tal-ikel huwa definit fl-Artikolu 3(3) tar-Regolament (KE) Nru 178/2002, bħala ‘persuni naturali jew legali responsabbli li jiżguraw li l-ħtiġijiet tal-liġi dwar l-ikel jiġu mħarsa fin-negozju tal-ikel taħt il-kontroll tagħhom’.
Għalf huwa definit fl-Artikolu 3(4) tar-Regolament (KE) Nru 178/2002, bħala ‘kull sustanza jew prodott, inklużi addittivi, sew jekk ipproċessati, parzjalment ipproċessati jew mhux ipproċessati maħsuba biex jintużaw għat-tmiegħ mill-ħalq lill-annimali’.
Negozju tal-għalf huwa definit fl-Artikolu 3(5) tar-Regolament (KE) Nru 178/2002 bħala ‘kull intrapriża sew bi profitt sew jekk le u kemm pubblika jew privata, li twettaq xi operazzjoni ta’ produzzjoni, manifattura, ipproċessar, ħażna, trasport jew tqassim tal-għalf inkluż kull produttur li jipproduċi, jipproċessa jew jaħżen għalf għat-tmiegħ lill-annimali fir-razzett tiegħu’.
Operatur ta’ negozju tal-ikel huwa definit fl-Artikolu 3(6) tar-Regolament (KE) Nru 178/2002, bħala ‘persuni naturali jew legali responsabbli li jiżguraw li l-ħtiġijiet tal-liġi dwar l-ikel jiġu mħarsa fin-negozju tal-ikel taħt il-kontroll tagħhom’.
Stabbiliment huwa definit fl-Artikolu 3(d) tar-Regolament (KE) Nru 183/2005 bħala ‘kull unità ta’ negozju tal-għalf’ u mill-Artikolu 2(1)(c) tar-Regolament (KE) Nru 852/2004 tal-Parrlament Ewropew u l-Kunsill (12) bħala ‘kwalunkwe unità tan-negozju tal-ikel’.
Stabbiliment (jew impjant) huwa definit fl-Artikolu 3(13) tar-Regolament dwar il-prodotti sekondarji mill-annimali bħala ‘kwalunkwe post fejn titwettaq operazzjoni li tinvolvi l-immaniġġar tal-prodotti sekondarji tal-annimali jew prodotti derivati għajr il-bastimenti tas-sajd’.
Bejgħ bl-imnut huwa definit fl-Artikolu 3(7) tar-Regolament (KE) Nru 178/2002 bħala ‘l-immaniġġjar u/jew l-ipproċessar ta’ ikel u l-ħażna tiegħu fil-punt tal-bejgħ jew twassil lill-konsumatur finali, u tinkludi stazzjonijiet ta’ distribuzzjoni, operazzjonijiet ta’ catering, canteens ta’ fabbriki, catering istituzzjonali, u operazzjonijiet simili ta’ servizzi tal-ikel, ħwienet, ċentri ta’ tqassim ta’ supermarkits u ħwienet li jbiegħu bl-ingrossa’.
Tqegħid fis-suq huwa definit:
(a) |
fl-Artikolu 3(8) tar-Regolament (KE) Nru 178/2002 bħala ‘iż-żamma ta’ ikel jew għalf għall-għanijiet ta’ bejgħ, inkluża l-offerta għall-bejgħ jew xi forma oħra ta’ trasferiment, sew jekk bi ħlas sew jekk le, u l-bejgħ, tqassim u xi forma oħra tat-trasferiment innifsu’; u |
(b) |
fl-Artikolu 3(14) tar-Regolament dwar il-prodotti sekondarji mill-annimali bħala ‘kull operazzjoni li l-għan tagħha huwa li jinbiegħu prodotti mill-annimali jew prodotti derivati lil parti terza fil-Komunità jew kull forma oħra ta’ forniment bi ħlas jew mingħajru lil tali parti terza jew ħażna bil-ħsieb li tiġi fornuta din il-parti terza’. |
Prodotti sekondarji mill-annimali huma definiti fl-Artikolu 3(1) tar-Regolament dwar il-prodotti sekondarji mill-annimali bħala ‘iġsma jew partijiet ta’ annimali, jew prodotti li ġejjin mill-annimali, li mhumiex maħsuba għall-konsum mill-bniedem, inklużi ooċiti, embrijuni u semen’.
Prodotti derivati huma definiti fl-Artikolu 3(2) tar-Regolament dwar il-prodotti sekondarji mill-annimali bħala ‘prodotti miksuba minn trattament, trasformazzjoni jew grad ta’ ipproċessar wieħed jew aktar ta’ prodotti sekondarji mill-annimali’.
‘Oġġetti li qabel kienu oġġetti tal-ikel’ huwa definit fil-punt 3 tal-Parti A tal-Anness tar-Regolament tal-Kummissjoni (UE) Nru 68/2013 (13) bħala ‘ikel, minbarra rifluss tal-ikkejterjar (skart mill-catering), li kien manifatturat għall-konsum mill-bniedem b’konformità sħiħa mal-liġi Ewropea dwar l-ikel iżda li m’għadux maħsub għall-konsum mill-bniedem għal raġunijiet prattiċi jew loġistiċi jew minħabba problemi ta’ difetti fil-manifattura jew l-ippakkeġġjar jew difetti oħra u li ma jippreżenta l-ebda riskji għas-saħħa meta użat bħala għalf’.
‘Materjali tal-għalf’ huma definiti fl-Artikolu 3(2 g) tar-Regolament (KE) Nru 767/2009 bħala ‘prodotti li joriġinaw mill-ħxejjex jew l-annimali, li l-għan prinċipali tagħhom huwa li jissodisfaw il-ħtiġijiet ta’ nutrizzjoni tal-annimali, fl-istat naturali tagħhom, friski jew ippriżervati, u prodotti li ġejjin mill-ipproċessar industrijali tiegħu, u sustanzi organiċi u inorganiċi, kemm jekk fihom addittivi tal-għalf u kemm jekk le, li huma maħsuba għall-użu bħala għalf mitmugħ lill-annimali mill-ħalq jew direttament bħala tali jew wara l-ipproċessar, jew fil-preparazzjoni tal-għalf kompost, jew bħala ġarriera ta’ taħlitiet imħejjija minn qabel’.
Skart huwa stabbilit fid-Direttiva Qafas dwar l-Iskart 2008/98/KE tal-Parlament Ewropew u tal-Kunsill (14) (Direttiva Qafas dwar l-Iskart) bħala ‘kwalunkwe sustanza jew oġġett li d-detentur jarmi jew bi ħsiebu jew huwa meħtieġ li jarmi’. Kjarifiki fir-rigward tat-terminu ewlieni ‘rimi’:
— |
Rimi jinkludi kemm l-irkupru kif ukoll ir-rimi ta’ skart. Madankollu, dan ma jfissirx li kwalunkwe sustanza li tiġi sottoposta għal operazzjoni ta’ rkupru/rimi fiha nnifisha hija skart; |
— |
Ir-rimi jista’ jinvolvi kwalunkwe sustanza b’valur kummerċjali pożittiv, newtrali jew negattiv; |
— |
Ir-rimi jista’ jkun legalment meħtieġ, jiġi deċiż b’mod intenzjonat mid-detentur jew mhux intenzjonat; |
— |
Il-post tal-ħżin ta’ materjal ma jippredeterminax il-klassifikazzjoni tiegħu bħala skart. |
‘Irkupru’ huwa definit fid-Direttiva Qafas dwar l-Iskart bħala kwalunkwe operazzjoni li r-riżultat prinċipali tagħha jkun skart li jservi skop utli permezz tas-sostituzzjoni ta’ materjali oħra li inkella kienu jintużaw biex jissodisfaw funzjoni partikolari, jew skart li qed jiġi ppreparat b’mod li jissodisfa dik il-funzjoni, fl-impjant jew fl-ekonomija usa’.
1.3. Klassifikazzjoni ta’ ikel li ma jkunx għadu maħsub għall-konsum mill-bniedem
Oġġetti tal-ikel li ma jkunux għadhom maħsuba għall-konsum mill-bniedem
(a) |
prodotti li ma jkunux magħmula minn, li ma jkunx fihom jew li ma jkunux kontaminati bi prodotti li joriġinaw mill-annimali; dawk il-prodotti li ma joriġinawx mill-annimali jistgħu:
|
(b) |
prodotti li jkunu magħmula minn, li jkun fihom jew li jkunu kontaminati bi prodotti li joriġinaw mill-annimali; dawk il-prodotti li joriġinaw mill-annimali jsiru prodotti sekondarji mill-annimali fis-sens u fil-kamp ta’ applikazzjoni tar-Regolament dwar il-prodotti sekondarji mill-annimali (qabel ma jsiru għalf). |
L-irtirar ta’ prodott mill-katina alimentari u l-iżgurar li ma jibqax destinat għall-konsum mill-bniedem jista’ jew ikun meħtieġ bil-liġi (eż. ikel li jmur malajr li ma għandux jitqiegħed fis-suq tal-Unjoni wara d-data “uża sa” tiegħu, minħabba li ma jkunx tajjeb għall-konsum mill-bniedem), jew tkun id-deċiżjoni tal-operatur tan-negozju tal-ikel responsabbli. Deċiżjoni li tittieħed dwar it-tneħħija ta’ prodott mill-katina alimentari maħsub għall-konsum mill-bniedem hija irriversibbli.
Jekk l-ikel ikun magħmul minn prodotti li joriġinaw mill-annimali, ikun fih minnhom jew ikun kontaminat bihom, ikun direttament soġġett għar-regoli stabbiliti fir-Regolament dwar il-prodotti sekondarji mill-annimali. Għalhekk, ikel li joriġina mill-annimali li ma jkunx għadu maħsub għall-konsum mill-bniedem l-ewwel isir prodott sekondarju mill-annimali u, soġġett għar-regoli stabbiliti fir-Regolament dwar il-prodotti sekondarji mill-annimali u fir-Regolament dwar l-enċefalopatiji sponġiformi trażmissibbli (ir-Regolament (KE) Nru 999/2001 tal-Parlament Ewropew u l-Kunsill (15)) “jista” jsir għalf; dan huwa indirizzat fil-Kapitolu 4 ta’ dan l-Avviż.
Jekk it-tikkettar ta’ lott partikolari ta’ prodott jiddikjara li mhuwiex maħsub għall-użu bħala għalf, operatur ma jistax sussegwentement ibiddel din id-dikjarazzjoni fi stadju aktar tard tal-katina. Dawn il-prodotti ma jistgħux jidħlu fil-katina tal-għalf aktar ’il quddiem (Anness II tar-Regolament (KE) Nru 183/2005).
Figura
Grafika tal-istadji minn ikel għal għalf
KAPITOLU 2
REGOLI ĠENERALI
L-Artikolu 15 tar-Regolament (KE) Nru 178/2002 jipprojbixxi t-tqegħid fis-suq ta’ għalf jew it-tmigħ ta’ annimali għall-konsum b’għalf li mhuwiex sigur. L-Artikolu 4 tar-Regolament (KE) Nru 767/2009 jestendi dak il-prinċipju għall-annimali kollha.
Skont l-Artikolu 17(1) tar-Regolament (KE) Nru 178/2002, l-operaturi tan-negozji tal-għalf għandhom ir-responsabbiltà primarja sabiex f’kull stadju tal-produzzjoni, tal-ipproċessar u tat-tqassim fin-negozji taħt il-kontroll tagħhom jiżguraw li l-għalf jissodisfa r-rekwiżiti tal-liġi dwar l-ikel li huma rilevanti għall-attivitajiet tagħhom u li jivverifikaw li dawk ir-rekwiżiti jitħarsu.
Id-determinazzjoni tal-fatti u taċ-ċirkostanzi li jistgħu jirrendu operatur soġġett għal penali kriminali u/jew responsabbiltà ċivili hija kwistjoni kumplessa li tiddependi fuq l-istruttura tad-diversi sistemi legali nazzjonali. Informazzjoni ulterjuri li titratta t-tifsira u l-impatt tal-Artikolu 17(1) tar-Regolament (KE) Nru 178/2002 fir-rigward tal-allokazzjoni ta’ responsabbiltajiet fil-katina agroalimentari tinsab fil-gwida dwar l-implimentazzjoni tal-Liġi Ġenerali tal-Ikel (16).
Skont l-Artikolu 18 tar-Regolament (KE) Nru 178/2002, l-operaturi ta’ negozji tal-ikel u tal-għalf għandhom ikunu kapaċi jidentifikaw kull persuna li tkun ipprovditilhom ikel, għalf, annimal għall-konsum, jew xi sustanza oħra maħsuba li tkun, jew mistennija li tkun, inkorporata f’ikel jew f’għalf. Dan il-prinċipju ta’ traċċabilità jiżgura l-integrità tal-katina alimentari sħiħa.
KAPITOLU 3
IKEL LI MA JKUNX FIH PRODOTTI LI JORIĠINAW MILL-ANNIMALI LI MA JKUNX GĦADU MAĦSUB GĦALL-KONSUM MILL-BNIEDEM
3.1. Ikel magħmul minn prodotti li joriġinaw mill-annimali, ikun fih minnhom jew ikun kontaminat bihom u l-leġiżlazzjoni dwar l-Iskart
Jekk il-prodotti mill-manifattura tal-ikel u l-ikel ma jkunux magħmula minn prodotti li joriġinaw mill-annimali, ma jkunx fihom minnhom u lanqas ma jkunu kontaminati bihom, u jekk ma jkunux aktar maħsuba għall-konsum mill-bniedem, jiġifieri ikel skartat, jistgħu jsiru skart jew jintużaw bħala għalf. Għandha ssir distinzjoni bejn erba’ każijiet, kif stabbilit fil-punti (a) u (b) li ġejjin:
(a) |
Prodotti li jirriżultaw mill-proċess tal-manifattura tal-ikel, minbarra prodotti finali:
Dawk il-prodotti sekondarji mill-industrija tal-ikel ma jkollhomx data “uża sa” jew “uża qabel” kif imsemmi fit-Taqsima 5.1 iżda japplika l-approċċ li jittratta “materjal li jkun waqa’ mal-art fi stabbilimenti tal-ikel” kif imsemmi fit-Taqsima 5.2. Il-prodotti sekondarji ma jitqisux bħala skart jekk jissodisfaw il-kriterji kumulattivi stabbiliti fl-Artikolu 5 tad-Direttiva Qafas dwar l-Iskart (17). L-oneru tal-prova tas-sodisfar tal-kriterji għall-klassifikazzjoni ta’ prodott speċifiku bħala mhux skart quddiem l-awtorità kompetenti, huwa fuq l-operatur tan-negozju tal-ikel rispettiv. Xi awtoritajiet nazzjonali tal-iskart jeħtieġu ċertifikat speċifiku mingħand l-industrija tal-ikel li jinkludi ġustifikazzjoni dettaljata li prodott speċifiku li jfornu għall-użu bħala għalf jissodisfa l-kriterji stabbiliti fid-Direttiva Qafas dwar l-Iskart għal klassifikazzjoni ta’ prodott bħala li mhuwiex skart. Dan iċ-ċertifikat jista’ jitqies superfluwu minħabba li stabbiliment kummerċjali tal-ikel, eż. birrerija, li minnha l-ħmira tintbagħat bħala materjal tal-għalf għandha tiġi reġistrata bħala stabbiliment tan-negozju tal-għalf u għalhekk hija taħt il-kontroll sħiħ tal-awtoritajiet tal-għalf. |
(b) |
Prodotti finali tal-ikel fuq livell ta’ manifattura tal-ikel u fuq livell ta’ bejgħ bl-ingrossa jew bl-imnut: Operatur tan-negozju tal-ikel jista’ jiddeċiedi li prodotti tal-ikel finali fil-livell tal-manifattura tal-ikel (eż. zokkor, żejt tal-ġirasol, gallettini maqsuma jew deformati) u ikel li jkun tqiegħed fis-suq u jkun laħaq il-livell ta’ bejgħ bl-ingrossa jew bl-imnut (eż. ħobż fi fran jew f’supermarkits) ma għandhomx jibqgħu intiżi għall-konsum mill-bniedem iżda pjuttost għandhom ikunu destinati għall-użu bħala għalf. Dawn il-prodotti ma jissodisfawx il-kriterji ta’ prodotti sekondarji fid-Direttiva Qafas dwar l-Iskart, anke jekk ikunu maħsuba biex jintużaw bħala għalf. Konsegwentement, ħafna awtoritajiet tal-Istati Membri japplikaw ir-rekwiżiti tad-Direttiva Qafas dwar l-Iskart għal dan l-ikel b’mod strett u jqisu d-deċiżjoni tal-operatur ta’ negozju tal-ikel li jneħħihom mill-katina alimentari bħala rimi tal-ikel. Eżempju tajjeb ta’ din il-prattika huwa li trakkijiet li jġorru ikel li ma jkunx joriġina mill-annimali u li ma jkunx għadu maħsub għall-konsum mill-bniedem iżda li jkun maħsub biex jidħol fil-katina tal-għalf, (eż. gallettini ppakkjati li jaqsmu l-fruntieri bejn l-Istati Membri) jistgħu jiġu mmultati minħabba nuqqas ta’ konformità mar-rekwiżiti tad-Direttiva Qafas dwar l-Iskart minħabba li l-Istat Membru riċeventi jqis il-kunsinna bħala skart. Ir-rekwiżit għal konformità mal-leġiżlazzjoni tal-Unjoni dwar l-iskart qabel ikel li jkun ġej mill-annimali jista’ jsir għalf huwa piż sinifikanti għall-operaturi li jkunu qed jikkunsidraw li jgħadduhom fil-katina tal-għalf. Dak ir-rekwiżit jista’ joħloq ostakli għall-moviment liberu ta’ tali prodotti fis-suq intern minħabba li xi Stati Membri jeħtieġu l-applikazzjoni ta’ regoli tat-trasport abbażi tal-leġiżlazzjoni tal-Unjoni dwar l-iskart, filwaqt li oħrajn japplikaw il-liġi dwar l-ikel. Attwalment id-Direttiva Qafas dwar l-Iskart qed tiġi riveduta u l-proposta tal-Kummissjoni (18) tipprevedi l-esklużjoni ta’ materjali li ma joriġinawx mill-annimali destinati bħala għalf mill-kamp ta’ applikazzjoni tagħha. L-approċċi dwar id-data “użu sa” jew “uża qabel” kif imsemmi fit-Taqsima 5.1 u li jittrattaw “materjali li jkunu waqgħu mal-art fi stabbilimenti tal-ikel” kif imsemmi fit-Taqsima 5.2 japplikaw għal prodotti finali kif imsemmi f’din it-Taqsima. |
Sommarju tat-taqsima
1. |
Prodotti sekondarji li ma joriġinawx mill-annimali mill-industrija tal-ikel, kif imsemmi fil-punt (a) ta’ din it-Taqsima, ma għandhomx awtomatikament jitqiesu bħala skart u jistgħu jaqgħu direttament taħt il-leġiżlazzjoni dwar l-għalf. |
2. |
Huwa f’idejn l-operaturi tan-negozji tal-ikel li juri li prodott sekondarju li ma joriġinax mill-annimali kif imsemmi fil-punt (a) ta’ din it-Taqsima, li jqiegħdu fis-suq bħala għalf mhuwiex skart. Madankollu, ir-rekwiżit ġenerali ta’ ċertifikat ta’ prodott bħala li mhuwiex skart għandu jkun dispensabbli meta wieħed iqis li l-operaturi tan-negozji tal-ikel li jqiegħdu dawn il-prodotti sekondarji fis-suq bħala għalf huma reġistrati wkoll bħala operaturi ta’ negozji tal-għalf. |
3. |
Soġġett għal esklużjoni futura ta’ materjali li ma joriġinawx mill-annimali destinati bħala għalf mill-kamp ta’ applikazzjoni tad-Direttiva Qafas dwar l-Iskart, l-użu dirett ta’ prodotti finali tal-ikel bħala għalf kif imsemmi fil-punt (b) ta’ din it-Taqsima mingħajr ma jkunu l-ewwel soġġetti għal-leġiżlazzjoni dwar l-iskart sejjer ikun permess. |
4. |
Sakemm tiġi adottata u implimentata d-Direttiva Qafas dwar l-Iskart riveduta, prodotti tal-ikel finali li ma jkunux għadhom maħsuba għall-konsum mill-bniedem, kif imsemmi fil-punt (b) ta’ din it-Taqsima jistgħu jkunu soġġetti għal leġiżlazzjoni tal-Unjoni u dik nazzjonali dwar l-iskart qabel ikunu jistgħu jintużaw bħala għalf. |
3.2. Rekwiżiti għall-operaturi ta’ negozji tal-ikel li jipprovdu ikel li ma joriġinax mill-annimali lill-katina tal-għalf
Stabbilimenti fil-katina alimentari (19) li huma involuti fil-produzzjoni, fid-distribuzzjoni, fil-bejgħ bl-ingrossa u bl-imnut ta’ ikel li ma joriġinax mill-annimali għandhom jiġu reġistrati jew approvati skont ir-Regolament dwar l-Iġjene tal-Oġġetti tal-Ikel (KE) Nru 852/2004 (20). Lista kompluta ta’ stabbilimenti tal-ikel tal-Unjoni approvati fl-Istati Membri differenti tista’ tinstab hawn:
http://ec.europa.eu/food/safety/biosafety/food_hygiene/eu_food_establishments_en
Il-listi ta’ stabbilimenti tal-ikel li ma jeħtiġux approvazzjoni iżda sempliċiment reġistrazzjoni huma ġestiti kompletament mill-awtoritajiet kompetenti fl-Istati Membri.
3.2.1. Rekwiżiti għall-operaturi li jipprovdu prodotti bħala għalf jew bħala skart għall-irkupru
Bħala prinċipju operatur jista’ jipprovdi ikel li ma jkunx għadu maħsub għall-konsum mill-bniedem bħala
— |
għalf (il-prodotti sekondarji msemmija fil-punt 3.1(a) u, wara l-adozzjoni u l-implimentazzjoni tad-Direttiva Qafas dwar l-Iskart riveduta, anke l-prodotti msemmija fil-punt 3.1(b)); |
— |
skart għall-irkupru (il-prodotti finali msemmija fil-punt 3.1(b). |
(a) |
Prodotti pprovduti bħala għalf Ir-Regolament (KE) Nru 183/2005 jistabbilixxi l-kamp ta’ applikazzjoni ta’ operaturi ta’ negozji tal-għalf li huma soġġetti għal reġistrazzjoni skont l-Artikolu 9 tiegħu. Operatur ta’ negozju tal-għalf għandu jiżgura li d-dispożizzjonijiet rilevanti kollha tal-leġiżlazzjoni dwar l-għalf, bħalma huma r-regoli dwar l-iġjene tal-għalf, il-limiti ta’ residwi ta’ kontaminanti jew it-tikkettar, huma mħarsa. Operaturi ta’ negozji tal-għalf li mhumiex koperti mill-Artikolu 5(1) tar-Regolament (KE) Nru 183/2005 (produtturi primarji) għandhom japplikaw l-Anness II ta’ dak ir-Regolament inkluż it-twaqqif ta’ pjan tal-HACCP. Normalment (21), operatur li jqiegħed għalf fis-suq għandu jkun reġistrat bħala operatur ta’ negozju tal-għalf. Operaturi tal-ikel li jqiegħdu prodotti sekondarji li jirriżultaw mill-proċess tal-manifattura tal-ikel kif imsemmi fil-parti 3.1(a) fis-suq tal-Unjoni jikkwalifikaw bħala operatur ta’ negozju tal-għalf u għandhom jiżguraw konformità mar-rekwiżiti tal-leġiżlazzjoni dwar l-għalf, inkluż ir-reġistrazzjoni tagħhom bħala operatur ta’ negozju tal-għalf. |
(b) |
Prodotti pprovduti bħala skart għall-irkupru Prodotti tal-ikel finali li ma joriġinawx mill-annimali li ma jkunux għadhom maħsuba għall-konsum mill-bniedem kif imsemmi fil-parti 3.1(b) jista’ jkollhom, sakemm tiġi adottata u implimentata d-Direttiva Qafas dwar l-Iskart riveduta, l-istatus ta’ “skart għall-irkupru”. Għalhekk, l-operatur tal-ikel ikollu jsegwi r-reġim nazzjonali għall-provvista ta’ dawn il-prodotti fil-katina tal-għalf. Ladarba ikel li ma jkunx joriġina mill-annimali li jkun maħsub biex jintuża bħala għalf jiġi eżentat mill-kamp ta’ applikazzjoni tal-leġiżlazzjoni tal-Unjoni u nazzjonali dwar l-Iskart, l-ikel jista’ jidħol direttament fil-katina tal-għalf. Eżempju tipiku huwa ħobż niexef u ppakkjat (22) mis-supermarkits: Jekk is-supermarkit iqiegħed dan il-ħobż bħala għalf (jiġifieri oġġett li qabel kien oġġett tal-ikel skont id-definizzjoni msemmija fit-Taqsima 1.2) mhux konformi (ara l-parti 6.2) bid-denominazzjoni “Prodotti mill-industrija tal-ħami fi fran u tal-għaġin” (entrata 13.1.1 fil-Katalgu tal-materjali tal-għalf) fis-suq, is-supermarkit jikkwalifika bħala operatur ta’ negozju tal-għalf u għandu jiżgura konformità mar-rekwiżiti tal-leġiżlazzjoni dwar l-għalf, inkluż ir-reġistrazzjoni tiegħu bħala operatur ta’ negozju tal-għalf. |
3.2.2. Miżuri biex jiżdied l-użu ta’ ikel li ma jkunx għadu maħsub għall-konsum mill-bniedem bħala għalf
Ir-rekwiżit għal operatur ta’ negozju tal-ikel diġà rreġistrat, li biħsiebu jipprovdi ikel lill-katina tal-għalf, biex jirreġistra wkoll bħala operatur ta’ negozju tal-għalf, u b’hekk ikun responsabbli għar-rekwiżiti kollha tas-sikurezza tal-għalf, jista’ jwaqqaf pereżempju lil bejjiegħa żgħar tal-ikel bl-imnut milli jagħmlu dan. Fid-dawl tal-objettiv biex jiżdied l-użu ta’ ikel li ma jkunx għadu maħsub għall-konsum mill-bniedem bħala għalf, hemm żewġ possibiltajiet biex jitnaqqas il-piż għal dawn l-operaturi ta’ negozji tal-ikel:
(a) |
Appoġġ għall-operaturi ta’ negozji tal-ikel biex jikkonformaw mal-liġi dwar l-għalf: Kif stabbilit fl-Artikolu 22 tar-Regolament dwar l-Iġjene tal-Għalf, jistgħu jiġu żviluppati linji gwida għal bejjiegħa tal-ikel bl-imnut li jibagħtu l-ikel li ma jkunx għadu maħsub għall-konsum mill-bniedem bħala għalf; dawk il-linji gwida jgħinuhom ilaħħqu mal-liġi dwar l-għalf (miżuri ta’ sigurtà, tikkettar, limiti għal kontaminanti). Barra minn hekk, l-assistenza lill-bejjiegħa tal-ikel bl-imnut biex jiżviluppaw sistema simplifikata u mfassla apposta tal-HACCP bħala operaturi ta’ negozji tal-għalf tista’ tingħata minn assoċjazzjonijiet ta’ partijiet interessati. |
(b) |
L-operatur ta’ negozju tal-ikel iqiegħed il-prodotti rilevanti bħala “ikel” fis-suq: Il-bejjiegħ tal-ikel bl-imnut, li jkun reġistrat jew approvat skont ir-Regolament (KE) Nru 852/2004, iqiegħed l-ikel bħala tali, f’konformità mad-dispożizzjonijiet tal-liġi dwar l-ikel, fis-suq lil operatur ta’ negozju tal-għalf li jiġbor l-ikel biex jiġi trasformat f’għalf jew jittrasformah direttament f’għalf (23). Il-katina tal-għalf tibda bl-operatur li jirċievi l-ikel. Dan l-operatur tan-negozju tal-għalf huwa responsabbli għall-konformità mal-liġi dwar l-għalf. Fl-eżempju ta’ hawn fuq, is-supermarkit jipprovdi l-ħobż xott lil manifattur tal-għalf. L-operatur tan-negozju tal-ikel ma jkollux għalfejn ikun reġistrat skont ir-Regolament (KE) Nru 183/2005 minħabba li l-prodott li jforni essenzjalment xorta għadu ikel (jiġifieri japplikaw ir-regoli dwar l-ikel) u għadu mhux għalf. Barra minn hekk, ma jistax jingħata direttament lill-bdiewa biex jitimgħuh lill-annimali minħabba li mhuwiex eliġibbli bħala għalf orali mingħajr ipproċessar ulterjuri. |
Sommarju tat-taqsima
5. |
Sakemm tiġi adottata u implimentata d-Direttiva Qafas dwar l-Iskart riveduta, ikel li ma joriġinax mill-annimal li ma jkunx għadu maħsub għall-konsum mill-bniedem jista’ jidħol fil-katina tal-għalf bħala “skart għall-irkupru” skont il-leġiżlazzjoni tal-Unjoni u dik nazzjonali li tirregola dan l- iskart. |
6. |
Linji gwida għall-operaturi ta’ negozji tal-ikel li jfornu ikel li ma joriġinax mill-annimal li ma jkunx għadu maħsub għall-konsum mill-bniedem bħala għalf jistgħu jtaffu l-piż tagħhom biex ilaħħqu mar-regoli tal-liġi dwar l-għalf. |
7. |
Bejjiegħa tal-ikel li jfornu l-prodott rilevanti bħala ikel lil operatur ta’ negozju tal-għalf li jittrasformah f’għalf ma għandhomx għalfejn ikunu reġistrati bħala operatur ta’ negozju tal-għalf. |
KAPITOLU 4
IKEL LI JKUN FIH PRODOTTI LI JORIĠINAW MILL-ANNIMALI LI MA JKUNX GĦADU MAĦSUB GĦALL-KONSUM MILL-BNIEDEM
4.1. Ikel li jkun magħmul minn prodotti li joriġinaw mill-anninali, li jkun fih minnhom jew li jkun kontaminat bihom
Ikel li jkun magħmul minn prodotti li joriġinaw mill-anninali, li jkun fih minnhom jew li jkun kontaminat bihom, ma jistax jintuża direttament fil-manifattura ta’ għalf. L-ewwel għandu dejjem ikun soġġett għad-dispożizzjonijiet tar-Regolament dwar il-prodotti sekondarji mill-annimali. Dan ir-Regolament jagħmel distinzjoni ċara bejn ikel li joriġina mill-annimali li ma jkunx għadu maħsub għall-konsum mill-bniedem għal raġunijiet kummerċjali jew minħabba problemi ta’ manifattura jew difetti fl-imballaġġ jew difetti oħra (jiġifieri ikel skartat) mill-iskart tal-catering. Minħabba n-nuqqas ta’ kontenut minimu definit ta’ materjali li joriġinaw mill-annimali, l-ikel kollu li jkun magħmul minn prodotti tal-annimali, li jkun fih xi kwantità minnhom jew li jkun kontaminat bihom, ikun soġġett għal-leġiżlazzjoni dwar prodotti sekondarji mill-annimali.
Operatur ta’ negozju tal-ikel li jiddeċiedi li jforni tali ikel li joriġina mill-annimali għall-użu bħala għalf huwa eskluż mill-kamp ta’ applikazzjoni tad-Direttiva Qafas dwar l-Iskart (l-Artikolu 2(2)(b)) u huwa soġġett għall-kontrolli stabbiliti fil-leġiżlazzjoni dwar prodotti sekondarji mill-annimali.
Prodotti sekondarji mill-annimali kontaminati bi skart (24) li huwa soġġett għall-kontrolli skont id-Direttiva Qafas dwar l-Iskart, għandhom jiġu ddikjarati bħala materjal tal-Kategorija 2 jew 1 skont ir-Regolament dwar il-prodotti sekondarji mill-annimali u ma jistgħux jidħlu fil-katina tal-għalf fi stadju aktar tard.
Skont l-Artikolu 10(e) tar-Regolament dwar il-prodotti sekondarji mill-annimali, prodotti sekondarji mill-annimali li jirriżultaw mill-produzzjoni ta’ prodotti maħsuba għall-konsum mill-bniedem, inkluż għadam imnaddaf mix-xaħam, qrieqeċ u ħama taċ-ċentrifugi jew tas-separaturi mill-ipproċessar tal-ħalib għandhom jiġu kategorizzati bħala materjal tal-Kategorija 3 (użu bħala għalf), kif imsemmi f’dak ir-Regolament.
Skont l-Artikolu 10(f) tar-Regolament dwar il-prodotti sekondarji mill-annimali, oġġetti tal-ikel li jkun fihom prodotti li joriġinaw mill-annimali, li ma jkunux għadhom maħsuba għall-konsum mill-bniedem għal raġunijiet kummerċjali jew minħabba problemi ta’ manifattura jew difetti ta’ imballaġġ jew difetti oħra li ma jippreżentawx riskju għas-saħħa pubblika jew tal-annimali, għandhom jiġu kategorizzati bħala materjal tal-Kategorija 3. Materjali tal-Kategorija 3 imsemmija fl-Artikolu 10(f) tar-Regolament dwar il-prodotti sekondarji mill-annimali normalment jitwasslu f’impjant tal-ipproċessar ta’ prodotti sekondarji tal-annimali flimkien jew imħallta ma’ tgeżwir u imballaġġ, li t-tnejn jikkostitwixxu materjal ta’ skart. It-tgeżwir u l-imballaġġ jiġu segregati minn prodotti sekondarji tal-annimali biss fl-impjant tal-ipproċessar ta’ prodotti sekondarji mill-annimali tal-Kategorija 3. It-taħlita ta’ skart u ta’ prodotti sekondarji mill-annimali ma teħtieġx klassifikazzjoni a priori bħala materjal tal-Kategorija 2 jew saħansitra tal-Kategorija 1.
Ikel li joriġina mill-annimali li ma jkunx għadu maħsub għall-konsum mill-bniedem destinat għall-użu bħala għalf huwa soġġett għal rekwiżiti speċifiċi ta’ pproċessar u restrizzjonijiet għall-użu kif stabbilit fit-Taqsima 4.3 ta’ dan l-Avviż.
4.2. Reġistrazzjoni ta’ operaturi ta’ negozji tal-ikel li jfornu ikel li joriġina mill-annimali li ma jkunx għadu maħsub għall-konsum mill-bniedem
L-operaturi kollha li huma attivi fi kwalunkwe stadju tal-ġenerazzjoni, tat-trasport, tal-immaniġġjar, tal-ipproċessar, tal-ħżin, tat-tqegħid fis-suq, tad-distribuzzjoni, tal-użu jew tar-rimi ta’ prodotti sekondarji mill-annimali u ta’ prodotti derivati għandhom ikunu reġistrati skont l-Artikolu 23 tar-Regolament dwar il-prodotti sekondarji mill-annimali sakemm ma jkunux diġà ġew approvati skont l-Artikolu 24 tiegħu. Il-lista ta’ operaturi, impjanti jew stabbilimenti reġistrati jew approvati skont ir-Regolamenti dwar prodotti sekondarji tal-annimali hija ppubblikata fil-link li ġejja:
http://ec.europa.eu/food/safety/animal-by-products/approved-establishments_en
Skont l-Artikolu 23(4) tar-Regolament dwar il-prodotti sekondarji mill-annimali, stabbilimenti li jiġġeneraw prodotti sekondarji mill-annimali u li jkunu diġà ġew approvati jew reġistrati skont ir-Regolament (KE) Nru 852/2004 u r-Regolament (KE) Nru 853/2004 tal-Parlament Ewropew u tal-Kunsill (25) ma jeħtiġux reġistrazzjoni. Madankollu, dik id-deroga ma teżentax lill-operaturi mill-obbligu li jiġu approvati skont ir-Regolament dwar il-prodotti sekondarji mill-annimali jekk iwettqu attivitajiet deskritti fl-Artikolu 24 ta’ dak ir-Regolament.
Prodotti sekondarji pproċessati li jkunu ġejjin mill-annimali għall-użu bħala għalf jistgħu jingħataw biss lil operaturi ta’ negozji tal-għalf li jkunu reġistrati jew approvati skont ir-Regolament (KE) Nru 183/2005.
4.3. Rekwiżiti ta’ pproċessar u restrizzjonijiet għall-użu ta’ ikel li joriġina mill-annimali li ma jkunx għadu maħsub għall-konsum mill-bniedem
Ir-Regolament dwar il-prodotti sekondarji mill-annimali u r-Regolament dwar l-enċefalopatiji sponġiformi trażmissibbli jistabbilixxu regoli stretti li jillimitaw l-użi possibbli bħala għalf ta’ ikel li ma jkunx għadu maħsub għall-konsum mill-bniedem, li jkun magħmul minn materjal tal-annimali, li jkun fih minnu jew li jkun kontaminat bih, skont it-tipi ta’ materjal tal-annimali li jkun hemm fih. Pereżempju, oġġetti tal-ikel li jkun fihom proteini minn annimali ruminanti minbarra ħalib/prodotti tal-ħalib jew grass tal-annimali mmaċinat għandhom ikunu esklużi bħala għalf għal annimali mrobbija fi rziezet, minbarra annimali mrobbija għall-fer. Bħala eżempju ieħor, oġġetti tal-ikel li jkun fihom il-ħut ma jistgħux jintużaw direttament bħala għalf imma jistgħu jkomplu jiġu ttrattati biex isiru ħut mitħun, u l-ħut mitħun ma jistax jingħata lil annimali ruminanti minbarra lil annimali ruminanti mhux miftuma. Għalhekk, il-proċessuri tal-ikel għandhom jisseparaw il-flussi ta’ ikel li jkun fihom materjali tal-annimali f’ikel li ma għadux maħsub għall-konsum mill-bniedem eliġibbli/mhux eliġibbli għall-katina tal-għalf, jew eliġibbli għal xi speċijiet biss, u għandhom jimplimentaw trattament u tikkettar xieraq biex jiġi żgurat użu finali li huwa sigur għas-saħħa tal-bniedem u tal-annimali u b’mod konformi mar-Regolament dwar il-prodotti sekondarji mill-annimali u dak dwar l-enċefalopatiji sponġiformi trażmissibbli.
Sabiex titħares is-saħħa tal-annimali, ir-Regolament dwar il-prodotti sekondarji mill-annimali u dak dwar l-enċefalopatiji sponġiformi trażmissibbli jinkludu rekwiżiti ta’ pproċessar u restrizzjonijiet għall-użu bħala għalf ta’ ikel li joriġina mill-annimali li ma jkunx għadu maħsub għall-konsum mill-bniedem. Għadd ta’ prodotti li joriġinaw mill-annimali jistgħu jkunu siguri għall-konsum mill-bniedem, iżda ma jkunux siguri għas-saħħa tal-annimali, pereżempju minħabba li jista’ jkun fihom patoġeni li jikkawżaw il-marda tal-ilsien u d-dwiefer, id-deni klassiku tal-ħnieżer jew id-deni Afrikan tal-ħnieżer. Barra minn hekk, ir-Regolament dwar l-enċefalopatiji sponġiformi trażmissibbli tinkludi “projbizzjoni totali fuq it-tmigħ”, li tipprojbixxi t-tmigħ ta’ proteini pproċessati mill-annimali lil annimali mrobbija fi rziezet, bi ftit derogi limitati, sabiex jiġi evitat ir-riċiklaġġ tal-BSE fil-katina tal-għalf. Għalhekk, għadd ta’ prodotti mill-annimali li huma eliġibbli għall-konsum mill-bniedem mhumiex eliġibbli mingħajr ipproċessar ulterjuri sabiex jintużaw bħala għalf, jew għandhom ikunu parzjalment esklużi mill-katina tal-għalf.
Ikel li ma jkunx għadu maħsub għall-konsum mill-bniedem li jkun fih proteini li joriġinaw mir-ruminanti, għajr prodotti tal-ħalib, ma jista’ jingħata lil ebda annimal tal-irziezet, ħlief lil annimali mrobbija għall-fer. Għal dik ir-raġuni, l-uniċi użi permessi ta’ ikel mormi li jkun fih proteini ta’ annimali ruminanti minbarra prodotti tal-ħalib bħala għalf huma għalf għal annimali mrobbija għall-fer u bħala ikel għall-annimali domestiċi. Madankollu, ikel li ma jkunx għadu maħsub għall-konsum mill-bniedem li jiġi pproċessat fi grass tal-annimali ruminanti mmaċinat, skont il-leġiżlazzjoni dwar il-prodotti sekondarji tal-annimali, b’piż ta’ impuritajiet li ma jinħallux ta’ inqas minn 0,15 %, jista’ jiġi mitmugħ lil annimali li jitrabbew fi rziezet.
Ir-rekwiżiti għall-ipproċessar u għat-tqegħid fis-suq ta’ ikel mormi li jkun ġej mill-annimali huma stabbiliti fl-Anness X tar-Regolament tal-Kummissjoni (UE) Nru 142/2011 (26).
Materjali tal-Kategorija 3 imsemmija fl-Artikolu 10(a) sa (m) tar-Regolament dwar il-prodotti sekondarji mill-annimali jistgħu jintużaw għall-manifattura ta’ għalf għall-annimali mrobbija fi rziezet wara li jiġu pproċessati fi proteini pproċessati tal-annimali jew fi grass tal-annimali mmaċinat skont l-Anness X tar-Regolament (UE) Nru 142/2011.
Il-laħam nej jista’ jintuża għall-manifattura ta’ ikel għall-annimali domestiċi, biex jitqiegħed fis-suq skont l-Artikolu 35 tar-Regolament dwar il-prodotti sekondarji mill-annimali u r-rekwiżiti stabbiliti fl-Anness XIII tar-Regolament (UE) Nru 142/2011.
Oġġetti li qabel kienu oġġetti tal-ikel jistgħu jintużaw għall-manifattura ta’ għalf għal annimali mrobbija għall-fer, biex jitqiegħdu fis-suq skont l-Artikolu 36 tar-Regolament dwar il-prodotti sekondarji mill-annimali.
Ċerti materjali tal-Kategorija 3 elenkati fit-Taqsima 10 tal-Anness X tar-Regolament (UE) Nru 142/2011 jistgħu jitqiegħdu fis-suq għat-tmigħ lil annimali mrobbija fi rziezet, mingħajr trattament ulterjuri, sakemm il-materjal:
— |
ikun joriġina fl-Unjoni, |
— |
ikun għadda minn ipproċessar kif definit fl-Artikolu 2(1)(m) tar-Regolament (KE) Nru 852/2004 jew skont ir-Regolament (UE) Nru 142/2011, |
— |
ma jkunx ġie f’kuntatt ma’ xi materjali oħra tal-Kategorija 3; u |
— |
ikunu ttieħdu l-prekawzjonijiet kollha għall-prevenzjoni tal-kontaminazzjoni ta’ dak il-materjal. |
Skont il-Parti II tat-Taqsima 4 tal-Kapitolu II tal-Anness X tar-Regolament (UE) Nru 142/2011, l-awtorità kompetenti tista’ tawtorizza l-ipproċessar, l-użu u l-ħżin ta’ ħalib, ta’ prodotti b’bażi ta’ ħalib u ta’ prodotti derivati mill-ħalib esklużi ħama taċ-ċentrifugi jew tas-separaturi, li huma materjal tal-Kategorija 3, kif imsemmi fl-Artikolu 10(e) tar-Regolament dwar il-prodotti sekondarji mill-annimali u prodotti li ġejjin mill-ħalib imsemmija fl-Artikolu 10(f) u (h) ta’ dak ir-Regolament. Pereżempju, l-awtorità kompetenti tista’ tippermetti d-distribuzzjoni diretta ta’ prodotti b’bażi ta’ ħalib lil ċerti bdiewa li jrabbu l-bhejjem.
Barra minn hekk, skont l-Artikolu 18 tar-Regolament dwar il-prodotti sekondarji mill-annimali l-awtorità kompetenti tista’ tawtorizza għat-territorju tagħha stess il-ġbir u l-użu ta’ materjal tal-Kategorija 2 u tal-Kategorija 3 għat-tmigħ lil annimali taż-żoo, lil annimali taċ-ċirku, lil rettili u lil għasafar tal-priża minbarra annimali taż-żoo jew taċ-ċirku, lil annimali mrobbija għall-fer, lil annimali selvaġġi, lil klieb minn kennels rikonoxxuti jew lil ċorom klieb, lil klieb u qtates f’xelters jew dud u ħniex għal-lixka għas-sajd.
It-Tabella (27) li ġejja tiġbor fil-qosor l-użi awtorizzati tal-għalf u t-trattament meħtieġ ta’ ikel li ma jkunx għadu maħsub għall-konsum mill-bniedem u li jkun fih materjali li joriġinaw mill-annimali, skont ir-Regolament dwar il-prodotti sekondarji mill-annimali u dak dwar l-enċefalopatiji sponġiformi trażmissibbli (kif fis-seħħ fl-1.10.2017)
Ikel li ma jkunx għadu maħsub għall-konsum mill-bniedem u li jkun magħmul minn dawn li ġejjin, ikun fih minnhom jew ikun kontaminat bihom (28): |
Jista’ jintuża mingħajr trattament ulterjuri għall-ikel għall-annimali domestiċi jew bħala għalf għal annimali li jinżammu għall-produzzjoni tal-fer: |
Għandu jkompli jiġi pproċessat skont il-leġiżlazzjoni dwar l-ABP sabiex jintuża bħala għalf għal annimali mrobbija fi rziezet minbarra annimali li jinżammu għall-produzzjoni tal-fer: |
Jista’ jintuża bħala għalf għall-annimali li ġejjin |
||||||||||||||
sakemm il-materjal li joriġina mill-annimali
|
IVA |
LE |
l-annimali kollha |
||||||||||||||
jekk il-materjal li joriġina mill-annimali MA JKUNX ġie sottopost għall-ipproċessar (eż. bajd għall-ikel, ħalib mhux pasturizzat, għasel, tiramisù li jkun fiha bajd nej, eċċ.) jew jekk joriġina minn pajjiżi terzi. |
LE |
IVA |
l-annimali kollha |
||||||||||||||
Ħut jew prodotti tas-sajd |
LE |
IVA |
annimali mhux ruminanti inklużi annimali tal-akkwakultura, annimali domestiċi u annimali bil-pil |
||||||||||||||
Laħam minn annimali mhux ruminanti |
IVA |
IVA |
annimali tal-akkwakultura, annimali domestiċi u annimali bil-pil |
||||||||||||||
Prodotti tal-laħam jew prodotti magħmula mid-demm ta’ annimali mhux ruminanti |
IVA taħt ċerti kundizzjonijiet |
IVA |
annimali tal-akkwakultura, annimali domestiċi u annimali bil-pil |
||||||||||||||
Ġelatina, kollaġen jew laħam ta’ ruminanti |
IVA |
Mhux applikabbli |
annimali domestiċi u annimali bil-pil |
||||||||||||||
Prodotti tal-laħam minn annimali ruminanti |
LE |
Mhux applikabbli |
annimali domestiċi u annimali bil-pil |
4.4. Trasport
Skont id-dispożizzjonijiet konġunti tar-Regolament (KE) Nru 178/2002 u tar-Regolament (KE) Nru 852/2004, it-trasport tal-ikel għandu jkun separat mit-trasport ta’ prodotti sekondarji mill-annimali u jsir f’kontenituri/trakkijiet dedikati differenti. Il-prodott sekondarju mill-annimali għandu jiġi ttrasportat f’mezzi ta’ trasport approvati jew reġistrati skont ir-Regolament dwar il-prodotti sekondarji mill-annimali u jkun akkumpanjat minn dokument kummerċjali.
Sommarju tal-kapitolu
8. |
Ikel li ma jkunx għadu maħsub għall-konsum mill-bniedem u ikel li jkun magħmul minn prodotti li joriġinaw mill-anninali, li jkun fih minnhom jew li jkun kontaminat bihom ma jistax jintuża direttament fil-manifattura ta’ għalf iżda dejjem l-ewwel jiġi soġġett għad-dispożizzjonijiet tar-Regolament dwar il-prodotti sekondarji mill-annimali. |
9. |
Bħala prinċipju, l-operaturi kollha li huma attivi fi kwalunkwe stadju tal-ġenerazzjoni, tat-trasport, tal-immaniġġjar, tal-ipproċessar, tal-ħżin, tat-tqegħid fis-suq, tad-distribuzzjoni, tal-użu jew tar-rimi ta’ prodotti sekondarji mill-annimali u ta’ prodotti derivati għandhom ikunu reġistrati skont ir-Regolament dwar il-prodotti sekondarji mill-annimali. |
10. |
Ikel li jkun magħmul minn prodotti li joriġinaw mill-anninali, li jkun fih minnhom jew li jkun kontaminat bihom li ma jkunx għadu maħsub għall-konsum mill-bniedem iżda jkun maħsub għall-użu bħala għalf huwa soġġett għal rekwiżiti speċifiċi ta’ proċessar u restrizzjoni dwar l-użu. |
KAPITOLU 5
KONSIDERAZZJONIJIET DWAR IKEL WARA L-ISKADENZA TAD-DATA “UŻU SA” U “UŻA QABEL” U MATERJALI LI JKUNU WAQGĦU MAL-ART FI STABBILIMENTI TAL-IKEL
5.1. Ikel wara l-iskadenza tad-data “użu sa” u “uża qabel”
L-immarkar tad-data fuq l-ikel huwa stabbilit fir-Regolament (UE) Nru 1169/2011 tal-Parlament Ewropew u tal-Kunsill (29). Skont l-Artikolu 24(1) tiegħu, ikel li jmur malajr għandu data ‘użu sa’. Hija r-responsabbiltà tal-operaturi tan-negozji tal-ikel li jiddeterminaw id-data ‘użu sa’ jew ‘uża qabel’, jiġifieri t-tul ta’ żmien ta’ konservazzjoni, filwaqt li jqisu konsiderazzjonijiet ta’ sigurtà, ta’ kwalità u ta’ kummerċjalizzazzjoni. Ċertu ikel huwa eżentat mill-obbligu ta’ tikkettar b”uża qabel’ bħal frott frisk u ikel li ma jmurx bħall-melħ, iz-zokkor, il-ħall. L-unika kategorija ta’ ikel li għaliha l-leġiżlazzjoni tal-UE tippreskrivi l-immarkar tad-data hija l-bajd għall-ikel (30).
Problema biex jiżdied l-użu ta’ ikel wara l-iskadenza tad-data ‘uża qabel’ bħala għalf hija li f’ċerti Stati Membri, l-awtoritajiet kompetenti jikkategorizzaw awtomatikament dan l-ikel bħala:
— |
materjal tal-Kategorija 2 skont l-Artikolu 9 tar-Regolament dwar il-prodotti sekondarji mill-annimali, jekk ikun fih prodotti li joriġinaw mill-annimali, li jeskludi l-użu tiegħu bħala għalf; jew, |
— |
skart, jekk ma jkunx fih prodotti li joriġinaw mill-annimali, li jeskludihom bħala għalf jew talanqas ikollu jiġi ttrattat f’konformità mal-leġiżlazzjoni dwar l-iskart qabel ma jista’ jiġi ttrasformat f’għalf. |
Id-data ta’ ‘uża qabel’ hija pjuttost standard ta’ kwalità milli ta’ sigurtà. Fuq bażi ta’ konsiderazzjoni ta’ każ b’każ, l-operatur ta’ negozju tal-għalf responsabbli għandu, abbażi tal-prinċipji tal-HACCP, jiċċekkja jekk ikunx hemm riskju għas-saħħa pubblika jew tal-annimali. Jekk le l-ikel rispettiv jista’ jintuża bħala għalf.
Il-kunċett tad-data ‘uża sa’ huwa indirizzat fl-Artikolu 24(1) tar-Regolament (UE) Nru 1169/2011:
— |
“Fil-każ ta’ ikel li, minn punt di vista mikrobijoloġiku, imur malajr ħafna u għalhekk wara perijodu taż-żmien qasir x’aktarx jista’ jkun ta’ periklu imminenti għal saħħet il-bniedem, id-data ta’ kemm iservi l-inqas għandha tinbidel bid-data ‘uża sa’. Wara d-data sa meta għandu jintuża, l-ikel għandu jitqies li ma jkunx sikur fit-tifsira tal-Artikolu 14(2) sa (5) tar-Regolament (KE) Nru 178/2002.” |
— |
L-għan ta’ dik id-dispożizzjoni huwa li jiġi ċċarat li ikel partikolari wara l-iskadenza tad-data “użu sa” ma għandux jitqiegħed fis-suq tal-ikel tal-Unjoni minħabba li ma jkunx sigur għall-konsum mill-bniedem. Minħabba li l-Artikolu 24(1) tar-Regolament (UE) Nru 1169/2011 jirreferi għall-Artikolu 14 tar-Regolament (KE) Nru 178/2002, li jistabbilixxi rekwiżiti ġenerali ta’ sigurtà tal-ikel, u mhux għall-Artikolu 15 ta’ dak ir-Regolament (rekwiżiti dwar is-sigurtà tal-għalf), ikel li ma jkunx għadu tajjeb għall-konsum mill-bniedem xorta jista’ jkun destinat għall-produzzjoni ta’ għalf għal annimali mrobbija fi rziezet. |
— |
Bħala prerekwiżit, ikel li ma jkunx għadu maħsub għall-konsum mill-bniedem li jkun fih prodotti mill-annimali għandu jkun konformi mar-Regolament dwar il-prodotti sekondarji mill-annimali. L-Artikolu 14(d) ta’ dak ir-Regolament jeskludi speċifikament mill-użu għal skopijiet ta’ għalf materjal tal-Kategorija 3 li jkun inbidel permezz ta’ dekompożizzjoni jew taħsir b’mod li, permezz ta’ dak il-prodott, jippreżenta riskju inaċċettabbli għas-saħħa pubblika jew tal-annimali. L-Artikolu 15 tar-Regolament (KE) Nru 178/2002 jipprojbixxi t-tqegħid fis-suq jew it-tmigħ ta’ annimali għall-konsum b’għalf li mhuwiex sigur. L-Artikolu 4 tar-Regolament (KE) Nru 767/2009 jestendi din ir-regola għall-annimali kollha. |
— |
Skont l-Artikolu 17(1) tar-Regolament (KE) Nru 178/2002, l-operatur tan-negozju tal-għalf għandu r-responsabbiltà primarja sabiex f’kull stadju tal-produzzjoni, tal-ipproċessar u tat-tqassim fin-negozji taħt il-kontroll tiegħu jiżgura li l-għalf jissodisfa r-rekwiżiti tal-liġi dwar l-ikel li huma rilevanti għall-attivitajiet tiegħu u li jivverifika li dawk ir-rekwiżiti jitħarsu. Jekk l-operaturi ma jkunux jistgħu jiggarantixxu konformità mal-Artikolu 10(f) tar-Regolament dwar il-prodotti sekondarji mill-annimali (“… ebda riskju għas-saħħa pubblika jew tal-annimali”) jew jiżguraw il-ġbir u l-ipproċessar ta’ materjal tal-Kategorija 3 f’għalf mingħajr kontaminazzjoni b’materjal tal-Kategorija 2 kif imsemmi fl-Artikolu 9(g) tar-Regolament dwar il-prodotti sekondarji mill-annimali, il-konsenja sħiħa għandha tiġi kategorizzata bħala materjal tal-Kategorija 2 (l-ebda użu bħala għalf). |
5.2. Materjali li jkunu waqgħu mal-art fi stabbilimenti tal-ikel
Xi proċessuri tal-ikel irrapportaw li wara li ikel ikun waqa’ fl-art fi stabbilimenti tal-ikel dan awtomatikament jitqies bħala skart (skartat). Dan jista’ jagħmel sens fir-rigward ta’ konsum mill-bniedem imma mhux għan-nutrizzjoni tal-annimali. Il-kuntatt mal-art bħala tali ma għandux jeskludi l-użu bħala għalf tal-materjal li jkun waqa’ mal-art sakemm il-produttur ikollu fis-seħħ il-miżuri li ġejjin:
— |
protokoll biex l-art tinżamm nadifa, |
— |
miżuri biex tiġi evitata kontaminazzjoni mikrobijoloġika, kimika jew fiżika, u |
— |
tagħmir adegwat għall-ġbir tal-ikel mill-art. |
Dawk il-miżuri għandhom jiġu identifikati, vvalutati u jkunu adegwati u għandhom, bħala parti mis-sistema obbligatorju tal-HACCP tal-operatur kummerċjali, jindirizzaw b’mod partikolari l-użu bħala għalf ta’ dawn il-materjali fi stadju aktar tard tal-katina. Madankollu, ikel li joriġina mill-annimali li jkun ġie ddikjarat mhux xieraq għall-konsum mill-bniedem minħabba l-preżenza ta’ korpi barranin f’dawk il-prodotti għandu jiġi kategorizzat bħala materjal tal-Kategorija 2 li ma jistax jingħata lil annimali mrobbija fi rziezet, minbarra lil annimali mrobbija għall-fer. Naturalment l-operaturi ta’ negozji tal-għalf li jqiegħdu l-għalf fis-suq xorta għadhom jiżguraw li l-għalf ikun tajjeb, ġenwin, xkett, tajjeb għall-iskop tiegħu u ta’ kwalità kummerċjabbli.
Sommarju tal-kapitolu
11. |
Ikel wara d-data ‘uża qabel’ jista’ jintuża bħala għalf sakemm jissodisfa r-rekwiżiti tas-sigurtà skont il-leġiżlazzjoni dwar l-għalf u, fil-każ ta’ ikel li jkun fih prodotti li joriġinaw mill-annimali, jikkonforma mad-dispożizzjonijiet stabbiliti fir-Regolament. |
12. |
Ikel li jaqbeż id-data ‘uża sa’ ma għandux awtomatikament jiġi eskluż mill-użu bħala għalf. Jekk l-operatur tan-negozju tal-għalf ikun jista’ jiggarantixxi li l-ikel li li jaqbeż id-data ‘uża sa’ ma jippreżentax riskju għas-saħħa pubblika u tal-annimali, għandu jitħalla jidħol fil-katina tal-għalf. |
13. |
Soġġett għal ċerti kundizzjonijiet, materjali li jkunu waqgħu mal-art fi stabbilimenti tal-ikel ma għandhomx jiġu awtomatikament skartati u jistgħu jintużaw bħala għalf, sakemm ma jkunx hemm riskju għas-saħħa pubblika u tal-annimali. |
KAPITOLU 6
TQEGĦID TA’ GĦALF FIS-SUQ
Skont ir-Regolament (KE) Nru 767/2009, ir-regoli li ġejjin japplikaw għall-ikel li ma jkunx għadu maħsub għall-konsum mill-bniedem li jkun maħsub bħala għalf, flimkien mar-rekwiżiti għal materjal tal-Kategorija 3 stabbiliti fil-leġiżlazzjoni dwar prodotti sekondarji mill-annimali:
6.1. Tikkettar u imballaġġ
Id-dispożizzjonijiet fil-Kapitolu 4 tar-Regolament (KE) Nru 767/2009 dwar il-preżentazzjoni, it-tikkettar u l-imballaġġ japplikaw għat-tqegħid fis-suq ta’ oġġetti li qabel kienu oġġetti tal-ikel, minħabba l-istatus tagħhom bħala materjal tal-għalf. Għal kunsinni ta’ materjali tal-għalf bl-ingrossa, id-dettalji tat-tikkettar jistgħu jingħataw fuq dokumenti ta’ akkumpanjament. L-informazzjoni li għandha tingħata f’dawk id-dokumenti ta’ akkumpanjament tinkludi d-dettalji rispettivi tat-tikkettar tal-għalf u mhux tad-data li tista’ tkun għadha preżenti fuq it-tikketti tal-ikel.
Filwaqt li l-Artikolu 8(8) tar-Regolament (UE) Nru 1169/2011 jipprovdi għal eżenzjoni ta’ kunsinni bejn operaturi ta’ negozji tal-ikel mir-rekwiżiti ġenerali ta’ tikkettar, ir-Regolament (KE) Nru 767/2009 ma jistabbilixxi ebda deroga għal kunsinni minn operatur ta’ negozju tal-għalf lil operatur ta’ negozju ieħor tal-għalf li mhuwiex l-utent aħħari (indokratur tal-annimali).
6.2. Restrizzjonijiet fuq l-użu
Oġġetti li qabel kienu oġġetti tal-ikel b’materjal tal-imballaġġ (l-Anness III tar-Regolament (KE) Nru 767/2009) u b’kontaminazzjoni kimika eċċessiva (id-Direttiva 2002/32/KE tal-Parlament Ewropew u tal-Kunsill (31)) jew b’kontaminazzjoni mikrobijoloġika (32) huma pprojbiti mill-użu dirett bħala għalf. Dawn il-materjali tal-għalf huma meqjusa għalf mhux konformi. Skont l-Artikolu 20 tar-Regolament (KE) Nru 767/2009, it-tikkettar ta’ dawn il-prodotti għandu jindika b’mod ċar li ma jistgħux jintużaw bħala għalf mingħajr ma jiġu pproċessati jew dekontaminati. Skont l-Anness VIII ta’ dak ir-Regolament it-tikkettar għandu jindika wkoll l-ipproċessar rispettiv, bħat-tneħħija tal-materjal tal-imballaġġ jew id-dekontaminazzjoni, meħtieġa biex ikunu eliġibbli bħala għalf.
Sommarju tal-kapitolu
14. |
Ir-rekwiżiti ġenerali dwar it-tikkettar japplikaw għal oġġetti li qabel kienu oġġetti tal-ikel L-informazzjoni li tista’ tkun għadha preżenti fuq it-tikketti tal-ikel ma tiżgurax konformità ma’ dawk ir-rekwiżiti u hija irrilevanti għal dak l-iskop. |
15. |
It-tikkettar ta’ ikel li ma jkunx għadu maħsub għall-konsum mill-bniedem li ma jikkonformax mal-leġiżlazzjoni dwar is-sigurtà tal-għalf (jiġifieri għalf mhux konformi) għandu jindika b’mod ċar li jista’ jintuża biss bħala għalf wara pproċessar adegwat. |
(1) L-għeluq taċ-ċirku — Pjan ta’ Azzjoni tal-UE għal ekonomija ċirkolari, COM(2015) 614 final, 2.12.2015.
(2) Għal-Linji Gwida tal-UE dwar id-Donazzjoni tal-Ikel, ara
http://ec.europa.eu/food/safety/food_waste/library/index_en.htm
(3) Skont l-Artikolu 2 tar-Regolament (KE) Nru 178/2002 tal-Parlament Ewropew u tal-Kunsill (ĠU L 31, 1.2.2002, p. 1), ‘ikel’ u ‘oġġetti tal-ikel’ huma interkambjabbli.
(4) https://ec.europa.eu/food/safety/food_waste/eu_actions/eu-platform_en
(5) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (ĠU L 354, 31.12.2008, p. 1).
(6) Id-Direttiva 2002/46/KE tal-Parlament Ewropew u tal-Kunsill tal-10 ta’ Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183 12.7.2002, p. 51).
(7) Skont ir-Regolament tal-Kummissjoni (UE) Nru 142/2011 (ĠU L 54, 26.2.2011, p. 1), ‘skart mill-catering’ tfisser l-iskart kollu tal-ikel, inklużi żejt tat-tisjir użat li joriġina minn ristoranti, faċilitajiet u kċejjen tal-catering, inklużi kċejjen ċentrali u kċejjen domestiċi.
(8) Ir-Regolament tal-Parlament Ewropew u tal-Kunsill (KE) Nru 178/2002 tat-28 ta’ Jannar 2002 li jistabilixxi l-prinċipji ġenerali u l-ħtiġijiet tal-liġi dwar l-ikel, li jistabilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà tal-ikel (ĠU L 31, 1.2.2002, p. 1).
(9) Ir-Regolament (KE) Nru 183/2005 tal-Parlament Ewropew u tal-Kunsill tat-12 ta’ Jannar 2005 li jistabbilixxi l-ħtiġijiet għall-iġjene tal-għalf (ĠU L 35, 8.2.2005, p. 1.).
(10) Ir-Regolament (KE) Nru 767/2009 tal-Parlament Ewropew u tal-Kunsill tat-13 ta’ Lulju 2009 dwar it-tqegħid fis-suq u l-użu ta’ għalf, li jemenda r-Regolament (KE) Nru 1831/2003 tal-Parlament Ewropew u l-Kunsill u li jħassar id-Direttiva tal-Kunsill 79/373/KEE, id-Direttiva tal-Kummissjoni 80/511/KEE, id-Direttivi tal-Kunsill 82/471/KEE, 83/228/KEE, 93/74/KEE, 93/113/KE u 96/25/KE u d-Deċiżjoni tal-Kummissjoni 2004/217/KE (ĠU L 229, 1.9.2009, p. 1).
(11) Ir-Regolament (KE) Nru 1069/2009 tal-Parlament Ewropew u tal-Kunsill tal-21 ta’ Ottubru 2009 li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jħassar ir-Regolament (KE) Nru 1774/2002 (Regolament dwar il-prodotti sekondarji tal-annimali) (ĠU L 300, 14.11.2009, p. 1).
(12) Ir-Regolament (KE) Nru 852/2004 tal- tal-Parlament Ewropew u tal-Kunsill tad-29 ta' April 2004 dwar l-iġjene tal-oġġetti tal-ikel (ĠU L 139, 30.4.2004, p. 1).
(13) Ir-Regolament tal-Kummissjoni (UE) Nru 68/2013 tas-16 ta’ Jannar 2013 dwar il-Katalgu tal-materjali tal-għalf (ĠU L 29, 30.1.2013, p. 1).
(14) Id-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).
(15) Ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (ĠU L 147, 31.5.2001, p. 1).
(16) Gwida dwar l-implimentazzjoni tal-Artikoli 11, 12, 14, 17, 18, 19 u 20 tar-Regolament (KE) Nru 178/2002 dwar il-Liġi Ġenerali tal-Ikel (https://ec.europa.eu/food/sites/food/files/safety/docs/gfl_req_implementation-guidance_mt.pdf, p. 12).
(17) Kriterji għal prodotti sekondarji għal prodotti li ma għandhomx jitqiesu bħala skart (nota ta’ spjegazzjoni fl-Anness ta’ dan l-Avviż):
— |
Il-produzzjoni bħala parti integrali minn proċess ta’ produzzjoni |
— |
Il-possibbiltà ta’ użu dirett mingħajr ipproċessar ulterjuri għajr il-prattika industrijali normali; |
— |
L-użu ulterjuri bħala għalf għall-annimali huwa ċert: mhuwiex sempliċi possibbiltà iżda huwa garantit li l-materjal ser jintuża f’konformità mal-leġiżlazzjoni dwar is-sigurtà tal-għalf. |
— |
L-użu ulterjuri huwa legali, jiġifieri s-sustanza jew l-oġġett jissodisfa r-rekwiżiti rilevanti kollha għall-prodott, dawk ambjentali u għall-ħarsien tas-saħħa għall-użu speċifiku. |
(18) Proposta għal Direttiva tal-Parlament Ewropew u tal-Kunsill li temenda d-Direttiva 2008/98/KE dwar l-iskart http://eur-lex.europa.eu/legal-content/MT/TXT/?uri=CELEX%3A52015PC0595
(19) Ir-Regolament (KE) Nru 178/2002 jistabbilixxi li s-settur tal-għalf huwa parti integrali mill-katina alimentari.
(20) L-Artikolu 6 tar-Regolament (KE) Nru 852/2004 jeħtieġ li kull stabbiliment ta’ operatur ta’ negozju tal-ikel jiġi rreġistrat mal-awtorità kompetenti. L-iskop tar-reġistrazzjoni huwa sabiex l-awtoritajiet kompetenti fl-Istati Membri jkunu jafu fejn jinsabu l-istabbilimenti u liema huma l-attivitajiet tagħhom sabiex ikunu jistgħu jsiru l-kontrolli uffiċjali kull meta jitqies neċessarju.
(21) Il-Kummissjoni nediet proġett ta’ gwida li, fost l-oħrajn, jindirizza l-kwistjoni tal-bidu tal-katina tal-għalf. L-għan ta’ dan id-dokument huwa li tiġi żviluppata sistema fil-fruntiera bejn l-ikel u l-għalf li tevita piż amministrattiv superfluwu filwaqt li fl-istess ħin tiġi garantita l-integrità tal-katina tal-għalf (Dokument ta’ Gwida dwar l-implimentazzjoni ta’ ċerti dispożizzjonijiet tar-Regolament (KE) Nru 183/2005 li jistabbilixxi l-ħtiġijiet għall-iġjene tal-għalf).
(22) L-Anness III tar-Regolament (KE) Nru 767/2009 jelenka “L-imballaġġ mill-użu ta’ prodotti mill-industrija tal-ikel agrikolu, u partijiet minnu” bħala materjali li t-tqegħid tagħhom fis-suq jew l-użu għal skopijiet ta’ nutriment tal-annimali huwa pprojbit.
(23) Dan l-ikel huwa differenti minn oġġetti li qabel kienu oġġetti tal-ikel kif definit fit-Taqsima 1.2 minħabba li l-operatur responsabbli għat-tqegħid fis-suq mhuwiex qiegħed jiggarantixxi li “ma jippreżenta ebda riskju għas-saħħa meta jintuża bħala għalf”.
(24) Fir-rigward tal-preżenza jew residwi ta’ materjali tal-imballaġġ, tapplika t-Taqsima 6.2.
(25) Ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali (ĠU L 139, 30.4.2004, p. 55).
(26) Ir-Regolament tal-Kummissjoni (UE) Nru 142/2011 tal-25 ta’ Frar 2011 li jimplimenta r-Regolament (KE) Nru 1069/2009 tal-Parlament Ewropew u tal-Kunsill li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jimplimenta d-Direttiva tal-Kunsill 97/78/KE li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi skont dik id-Direttiva (ĠU L 54, 26.2.2011, p. 1).
(27) It-tabella għandha tinqara mix-xellug għal-lemin kif ġej: il-prodotti fl-ewwel kolonna jistgħu jintużaw, mingħajr trattament ulterjuri, għall-manifattura ta’ ikel għall-annimali domestiċi u ta’ għalf għall-annimali li jitrabbew għall-fer (Iva/Le fit-tieni kolonna), u għandhom jiġu pproċessati ulterjorment skont il-leġiżlazzjoni dwar l-ABP biex jintużaw fl-għalf għall-annimali tal-irziezet minbarra annimali mrobbija għall-fer (Iva/Le fit-tielet kolonna) jew f’ikel għall-annimali domestiċi (fejn it-tieni kolonna tindika “Le”) u r-raba’ kolonna tindika jekk hemmx restrizzjonijiet għat-tmigħ tagħhom lil annimali tal-irziezet minbarra annimali li jinżammu għall-produzzjoni tal-fer. Fir-rigward tat-tqassim tal-kaxxi: aktar ma l-isfond ikun skur, aktar ikun limitat l-użu.
(28) Jekk l-ikel mormi jkun fih jew ikun kontaminat b’diversi kategoriji ta’ prodotti mill-annimali indikati fit-tabella, tapplika r-regola aktar stretta.
(29) Ir-Regolament (UE) Nru 1169/2011 tal-Parlament Ewropew u tal-Kunsill tal-25 ta’ Ottubru 2011 dwar l-għoti ta’ informazzjoni dwar l-ikel lill-konsumaturi, li jemenda r-Regolamenti (KE) Nru 1924/2006 u (KE) Nru 1925/2006 tal-Parlament Ewropew u tal-Kunsill, u li jħassar id-Direttiva tal-Kummissjoni 87/250/KEE, id-Direttiva tal-Kunsill 90/496/KEE, id-Direttiva tal-Kummissjoni 1999/10/KE, id-Direttiva 2000/13/KE tal-Parlament Ewropew u tal-Kunsill, id-Direttivi tal-Kummissjoni 2002/67/KE u 2008/5/KE u r-Regolament tal-Kummissjoni (KE) Nru 608/2004 (ĠU L 304, 22.11.2011, p. 18).
(30) Id-data ‘uża qabel’ tapplika għall-bajd li jitqiegħed fis-suq bħala tal-klassi ‘A/Frisk’ (bajd għall-ikel) u hija stabbilita fir-Regolament tal-Kummissjoni (KE) Nru 589/2008 tat-23 ta’ Ġunju 2008 dwar it-termini tal-applikazzjoni tar-Regolament tal-Kunsill (KE) Nru 1234/2007 f’dak li jikkonċerna n-normi tat-tqegħid fuq is-suq applikabbli għall-bajd (ĠU L 163, 24.6.2008, p. 6) (l-Artikolu 12). Ir-Regolament (KE) Nru 853/2004 li jistabbilixxi regoli speċifiċi dwar l-iġjene għall-ikel li joriġina mill-annimali (il-punt 3 tal-Kapitolu 1 tat-Taqsima X, l-Anness III) jistabbilixxi wkoll li l-bajd għandu jasal għand il-konsumatur mhux aktar tard minn 21 jum minn meta jkun tbied.
(31) Id-Direttiva 2002/32/KE tal-Parlament Ewropew u tal-Kunsill tas-7 ta' Mejju 2002 dwar sustanzi mhux mixtieqa fl-għalf tal-annimali (ĠU L 140, 30.5.2002, p. 10).
(32) Prodotti sekondarji tal-annimali kategorizzati bħala materjali tal-Kategorija 1 jew tal-Kategorija 2 ma jistgħux ibiddlu l-Kategorija tagħhom wara proċess ta’ dekontaminazzjoni jew ta’ detossifikazzjoni.
ANNESS
Nota ta’ spjegazzjoni dwar l-applikazzjoni tal-kriterji dwar prodotti sekondarji fl-Artikolu 5 tad-Direttiva Qafas dwar l-Iskart għal prodotti mill-industrija tal-ikel li ma jkunx fihom, li ma jkunux magħmula minn jew li ma jkunux kontaminati bi prodotti li joriġinaw mill-annimali maħsuba bħala għalf (abbażi tal-Komunikazzjoni mill-Kummissjoni COM(2007)59 final:
1. L-użu ulterjuri tas-sustanza jew tal-oġġett ikun ċert;
L-intenzjoni li dawn is-sustanzi jintużaw għall-produzzjoni ta’ għalf tagħmilhom, soġġett għall-kundizzjoni li jissodisfaw ċerti karatteristiċi li jippermettu l-użu tagħhom bħala għalf, materjal tal-għalf u b’hekk jiġu integrati fis-sistema ta’ traċċabilità tal-katina alimentari.
2. Is-sustanza jew l-oġġett jista’ jintuża direttament mingħajr ebda pproċessar ulterjuri ħlief għall-prattika industrijali normali;
Prattika industrijali normali tinkludi l-passi kollha li produttur jieħu għal prodott, bħal:
— |
il-filtrazzjoni, il-ħasil jew it-tnixxif ta’ materjali; |
— |
iż-żieda ta’ materjali meħtieġa għal użu ulterjuri; jew |
— |
it-twettiq ta’ kontroll tal-kwalità. |
Madankollu, bħala prinċipju, it-trattamenti ġeneralment meqjusa bħala operazzjoni ta’ rkupru ma jistgħux jitqiesu bħala prattika industrijali normali f’dan is-sens. Xi wħud minn dawn il-kompiti ta’ pproċessar jistgħu jsiru fis-sit ta’ produzzjoni tal-manifattur, xi wħud fis-sit tal-utent li jmiss, u xi wħud minn intermedjarji, sakemm jissodisfaw ukoll il-kriterju li jkunu ġew ‘prodotti bħala parti integrali minn proċess ta’ produzzjoni’. Il-proċessuri ta’ ikel li ma jkunx għadu maħsub għall-konsum mill-bniedem għandhom japplikaw il-proċessi elenkati fil-Katalgu tal-Materjali tal-Għalf, li huma prattiki industrijali rikonoxxuti u aċċettati b’mod wiesa’.
3. Is-sustanza jew l-oġġett ikun ġie prodott bħala parti integrali minn proċess ta’ produzzjoni;
Bi speċjalizzazzjoni akbar ta’ proċessi industrijali, l-attivitajiet li jsiru ’l bogħod mis-sit tal-produzzjoni tal-manifattur (bħat-tnixxif, ir-raffinar, il-ħasil) ma jwaqqfux lil materjal milli jitqies bħala prodott sekondarju. L-użu ta’ ikel li ma jkunx għadu maħsub għall-konsum mill-bniedem għall-manifattura ta’ għalf kompost ma jeħtieġx proċess ta’ rkupru addizzjonali. Il-proċessuri ta’ ikel li ma jkunx għadu maħsub għall-konsum mill-bniedem (operaturi ta’ negozji tal-għalf) jiġbru l-materjal, li jiġi ttrattat bħala materja prima għall-finijiet ta’ għalf, u jiżguraw proċess dedikat ta’ manifattura.
4. L-użu ulterjuri jkun skont il-liġi, jiġifieri s-sustanza jew l-oġġett jissodisfa r-rekwiżiti rilevanti kollha għall-prodott, dawk ambjentali u għall-ħarsien tas-saħħa għall-użu speċifiku u mhuwiex ser iwassal għal impatti ġenerali negattivi għall-ambjent jew għas-saħħa tal-bniedem.
L-użu ulterjuri ta’ ikel li ma jkunx għadu maħsub għall-konsum mill-bniedem fl-għalf tal-annimali huwa soġġett għal-leġiżlazzjoni tal-Unjoni dwar l-għalf, b’mod partikolari r-Regolament dwar l-Iġjene tal-Għalf, li jinkludi l-obbligu li jiġi implimentat pjan sħiħ tal-HACCP għall-operaturi ta’ negozji tal-għalf, kif ukoll għar-Regolament dwar il-Kummerċjalizzazzjoni tal-Għalf u għal-Liġi Ġenerali dwar l-Ikel.
16.4.2018 |
MT |
Il-Ġurnal Uffiċjali tal-Unjoni Ewropea |
C 133/19 |
Wiċċ nazzjonali ġdid ta’ muniti tal-euro maħsuba għaċ-ċirkolazzjoni
(2018/C 133/03)
Il-muniti tal-euro maħsuba għaċ-ċirkolazzjoni għandhom status ta’ valuta legali fiż-Żona tal-Euro kollha. Sabiex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). Skont il-konklużjonijiet tal-Kunsill tal-10 ta’ Frar 2009 (2), l-Istati Membri taż-żona tal-euro u l-pajjiżi li kkonkludew ftehim monetarju mal-Unjoni Ewropea li jistipula l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jintlaħqu ċerti kundizzjonijiet, b’mod partikolari li jintużaw muniti taż-EUR 2 biss. Dawn il-muniti għandhom l-istess karatteristiċi tekniċi bħall-muniti l-oħra taż-EUR 2, iżda l-wiċċ nazzjonali tagħhom ikun fih disinn kommemorattiv li jkollu rilevanza simbolika għolja f’termini nazzjonali jew Ewropej.
Il-pajjiż li qed joħroġ il-munita : ir-Repubblika ta’ San Marino
Is-suġġett tal-kommemorazzjoni : il-500 anniversarju mit-twelid ta’ Tintoretto
Deskrizzjoni tad-disinn : Il-munita tirriproduċi fiċ-ċentru dettall tal-pittura ta’ Tintoretto “Iż-Żjara” (il-laqgħa bejn il-Madonna u Eliżabbetta), u d-dati “1518-2018”; fil-madwar: fin-naħa ta’ fuq hemm miktub “SAN MARINO”, u fil-qiegħ “Tintoretto”; fuq ix-xellug l-inizjali tal-awtur Luciana de Simoni “LDS”, kif ukoll l-ittra “R”, li tidentifika z-Zekka ta’ Ruma.
Iċ-ċirku ta’ barra tal-munita juri t-12-il stilla tal-bandiera Ewropea.
L-għadd ta’ muniti li se jinħarġu : 60 500 munita
Id-data tal-ħruġ : April tal-2018
(1) Ara ĠU C 373, 28.12.2001, p. 1, għall-uċuħ nazzjonali tal-muniti kollha li nħarġu fl-2002.
(2) Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji-gwida komuni għall-uċuħ nazzjonali u l-ħruġ ta’ muniti tal-ewro maħsuba għaċ-ċirkolazzjoni (ĠU L 9, 14.1.2009, p. 52).
16.4.2018 |
MT |
Il-Ġurnal Uffiċjali tal-Unjoni Ewropea |
C 133/20 |
Wiċċ nazzjonali ġdid ta’ muniti tal-euro maħsuba għaċ-ċirkolazzjoni
(2018/C 133/04)
Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona tal-euro. Sabiex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri taż-Żona tal-Euro u l-pajjiżi li kkonkludew ftehim monetarju mal-Unjoni Ewropea li jipprevedi l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jiġu ssodisfati ċerti kundizzjonijiet, b’mod partikolari li jintużaw muniti taż-EUR 2 biss. Dawn il-muniti għandhom l-istess karatteristiċi tekniċi bħall-muniti l-oħra taż-EUR 2, iżda l-wiċċ nazzjonali tagħhom ikun fih disinn kommemorattiv li jkollu rilevanza simbolika għolja f’termini nazzjonali jew Ewropej.
Pajjiż li qiegħed joħroġ il-munita : L-Istat tal-Belt tal-Vatikan
Suġġett tal-kommemorazzjoni : Is-sena Ewropea tal-Wirt Kulturali — Il-grupp Laocoön
Deskrizzjoni tad-disinn : Id-disinn juri l-istatwa ta’ Laocoön u t-tfal tiegħu, imsejjaħ ukoll il-Grupp Laocoön, ħidma fondamentali tal-iskultura dinjija, fundamentali għall-Mużewijiet tal-Vatikan. Fiċ-ċentru t’isfel, hemm l-iskrizzjoni tal-pajjiż li qed joħroġ il-munita “Città del VATICANO”. Mix-xellug għal-lemin, f’nofs tond, l-iskrizzjoni “ANNO EUROPEO DEL PATRIMONIO CULTURALE”. Fuq nett fuq il-lemin hemm is-sena tal-ħruġ “2018” u l-marka taz-zekka “R”. Fil-qiegħ, fuq il-lemin, l-isem tal-artist “D. LONGO”.
Iċ-ċirku ta’ barra tal-munita juri t-12-il stilla tal-bandiera Ewropea.
L-għadd ta’ muniti li għandhom jinħarġu :
Data tal-ħruġ : il-31 ta’ Mejju 2018
(1) Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.
(2) Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
16.4.2018 |
MT |
Il-Ġurnal Uffiċjali tal-Unjoni Ewropea |
C 133/21 |
Wiċċ nazzjonali ġdid ta’ muniti tal-euro maħsuba għaċ-ċirkolazzjoni
(2018/C 133/05)
Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona tal-euro. Sabiex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri taż-Żona tal-Euro u l-pajjiżi li kkonkludew ftehim monetarju mal-Unjoni Ewropea li jipprevedi l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jiġu ssodisfati ċerti kundizzjonijiet, fosthom li jintużaw muniti taż-EUR 2 biss. Dawn il-muniti għandhom l-istess karatteristiċi tekniċi bħall-muniti l-oħra taż-2 euro, iżda l-wiċċ nazzjonali tagħhom ikun fih disinn kommemorattiv li jkun simboliku ferm f’termini nazzjonali jew Ewropej.
Pajjiż li qiegħed joħroġ il-munita : Il-Finlandja
Suġġett tal-kommemorazzjoni : Il-kultura tas-sawna Finlandiża
Deskrizzjoni tad-disinn : Id-disinn juri pajsaġġ Finlandiż b’sawna tipika Finlandiża maġenb għadira tal-ilma, mqiegħda fiċ-ċentru. Is-sena tal-ħruġ “2018” tidher isfel fin-nofs. L-indikazzjoni tal-pajjiż li qed joħroġ il-munita “FI” tinsab fiċ-ċentru xellug u l-marka taz-zekka fiċ-ċentru lemin.
Iċ-ċirku ta’ barra tal-munita juri t-12-il stilla tal-bandiera Ewropea.
L-għadd ta’ muniti li għandhom jinħarġu :
Data tal-ħruġ : Ottubru 2018
(1) Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.
(2) Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
INFORMAZZJONI MILL-ISTATI MEMBRI
16.4.2018 |
MT |
Il-Ġurnal Uffiċjali tal-Unjoni Ewropea |
C 133/22 |
Avviż tal-Kummissjoni skont l-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
Sejħa għall-offerti rigward l-operat ta’ servizzi tal-ajru bi skeda skont l-obbligi tas-servizz pubbliku
(Test b'rilevanza għaż-ŻEE)
(2018/C 133/06)
Stat Membru |
Franza |
||||||||||
Rotta kkonċernata |
Le Puy-en-Velay — Pariġi (Orly) |
||||||||||
Perjodu ta’ validità tal-kuntratt |
Mill-14 ta’ Jannar 2019 sat-13 ta’ Jannar 2023 |
||||||||||
Skadenza għat-tressiq tal-applikazzjonijiet u tal-offerti |
It-3 ta’ Lulju 2018 (12.00, ħin lokali) |
||||||||||
L-indirizz minn fejn jistgħu jinkisbu t-test tal-istedina għall-preżentazzjoni tal-offerti u kull tagħrif u/jew dokument rilevanti marbut mal-offerta pubblika u mal-obbligu tas-servizz pubbliku |
|
16.4.2018 |
MT |
Il-Ġurnal Uffiċjali tal-Unjoni Ewropea |
C 133/23 |
Komunikazzjoni tal-Kummissjoni skont l-Artikolu 16(4) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
Modifika tal-obbligi tas-servizz pubbliku fir-rigward ta’ servizzi tal-ajru bi skeda
(Test b'rilevanza għaż-ŻEE)
(2018/C 133/07)
Stat Membru |
L-Italja |
||||||||||||||||||||
Rotot ikkonċernati |
Elba Marina di Campo – Pisa u viċi versa; Elba Marina di Campo – Firenze u viċi versa; Elba Marina di Campo – Milan Linate u viċi versa. |
||||||||||||||||||||
Id-data l-ġdida tad-dħul fis-seħħ tal-obbligi ta’ servizz pubbliku |
L-1 ta’ Ottubru 2018 |
||||||||||||||||||||
Indirizz mnejn jistgħu jinkisbu t-test u kull informazzjoni u/jew dokumentazzjoni rilevanti marbuta mal-obbligi tas-servizz pubbliku |
Dokument ta’ referenza Għal aktar informazzjoni:
|
16.4.2018 |
MT |
Il-Ġurnal Uffiċjali tal-Unjoni Ewropea |
C 133/24 |
Komunikazzjoni tal-Kummissjoni skont l-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
Sejħa għall-offerti għall-operat ta’ servizzi tal-ajru bi skeda skont l-obbligi tas-servizz pubbliku
(Test b'rilevanza għaż-ŻEE)
(2018/C 133/08)
Stat Membru |
L-Italja |
|||||||||||
Rotot ikkonċernati |
Elba Marina di Campo – Pisa u viċi versa; Elba Marina di Campo – Firenze u viċi versa; Elba Marina di Campo – Milan Linate u viċi versa. |
|||||||||||
Perjodu ta’ validità tal-kuntratt |
Mill-1 ta’ Ottubru 2018 sat-30 ta’ Settembru 2021 |
|||||||||||
Skadenza għall-preżentazzjoni tal-offerti |
Is-16 ta’ Mejju 2018 |
|||||||||||
Indirizz mnejn jistgħu jinkisbu t-test tas-sejħa għall-offerti u kwalunkwe informazzjoni u/jew dokumentazzjoni rilevanti marbuta mal-offerta pubblika u mal-obbligu tas-servizz pubbliku |
Dokument ta’ referenza
|
V Avviżi
PROĊEDURI AMMINISTRATTIVI
Il-Kummissjoni Ewropea
16.4.2018 |
MT |
Il-Ġurnal Uffiċjali tal-Unjoni Ewropea |
C 133/25 |
SEJĦA GĦALL-PROPOSTI — EACEA/16/2018
Programm Erasmus+, Azzjoni Ewlenija 3 — Appoġġ għar-Riforma ta’ Politika
Żgħażagħ Ewropej Flimkien
(2018/C 133/09)
1. INTRODUZZJONI — SFOND (1)
Iż-żgħażagħ huma attivi f’attivitajiet ta’ mobilità tal-UE: dawn jingħaqdu ma’ organizzazzjonijiet pan-Ewropej jew jidħlu fi skambji mhux formali inqas strutturati ma’ żgħażagħ minn pajjiżi Ewropej oħrajn u juru attitudnijiet pożittivi u appoġġ għall-proċess ta’ integrazzjoni Ewropea (2). Fil-kapaċità tagħhom, jistgħu jkunu ambaxxaturi b’saħħithom tal-proġett Ewropew u jistgħu jibnu pontijiet fil-kontinent kollu, partikolarment mill-Ewropa tal-Lvant u tal-Punent iżda wkoll tul il-linja tat- Tramuntana-Nofsinhar, biex jispiraw lil oħrajn fil-mod kif jesperjenzaw l-Ewropa u l-identità Ewropea tagħhom.
Illum, l-Erasmus + Youth (l-Erasmus+ Zgħażagħ) jippromwovi l-iskambji taż-żgħażagħ, il-mobilità tal-ħaddiema żgħażagħ u jappoġġja l-organizzazzjonijiet taż-żgħażagħ. L-analiżi tal-esperjenza turi kooperazzjoni produttiva u attiva bejn l-organizzazzjonijiet u ż-żgħażagħ fil-pajjiżi kollha. Il-programm Erasmus + huwa ta’ suċċess fl-attrazzjoni u fl-involviment taż-żgħażagħ. Hemm interess kbir fil-parteċipazzjoni u fil-preżent wieħed biss minn kull 3 proġetti ta’ mobilità (Skambji taż-Żgħażagħ, Mobilità tal-Ħaddiema Żgħażagħ) u 1 minn kull 5 fi sħubiji (Inizjattivi Transnazzjonali taż-Żgħażagħ) jistgħu jiġu appoġġjati.
Kif iddikjara l-President Juncker fid-diskors tiegħu dwar l-Istat tal-Unjoni tal-2017 (3); “… L-Ewropa għandha tkun Unjoni ta’ ugwaljanza u Unjoni ta’ ugwali. Ugwaljanza bejn il-Membri tagħha, kbar jew żgħar, Lvant jew Punent, Tramuntana jew Nofsinhar.” Iż-żgħażagħ huma atturi ewlenin biex iwettqu dan. Ħafna drabi jistgħu jkunu inqas impenjati minn persuni akbar fl-età f’forom tradizzjonali ta’ parteċipazzjoni bħal votazzjoni jew appartenenza f’partit politiku, iżda maġġoranza fosthom jiddikjaraw interess fil-politika u għandhom sentimenti aktar b’saħħithom ta’ ċittadinanza lejn l-UE minn gruppi akbar fl-età. L-istħarriġ il-ġdid tal-Ewrobarometru (4) dwar iż-Żgħażagħ Ewropej jikkonferma l-interess taż-żgħażagħ f’forom aktar kontemporanji ta’ parteċipazzjoni ċivika: aktar minn nofs (53 %) ta’ dawk li wieġbu jgħidu li pparteċipaw f’mill-inqas tip wieħed ta’ attività organizzata fl-aħħar 12-il xahar (+ 4 punti perċentwali mill-2014), filwaqt li kważi terz (31 %) taż-żgħażagħ fl-UE jindikaw li pparteċipaw f’attivitajiet volontarji organizzati f’dawn l-aħħar 12-il xahar (+ 6 punti perċentwali mill-2014).
Skont l-istħarriġ, iż-żgħażagħ jitolbu lill-UE tipprijoritizza suġġetti bħall-edukazzjoni u l-ħiliet, il-protezzjoni tal-ambjent, kwistjonijiet ta’ migrazzjoni u ċittadinanza tal-UE. Dawn is-sejbiet huma konformi sew mar-riżultati tan-Narrattiva Ġdida għall-Ewropa. In-Narrattiva Ġdida għall-Ewropa kienet proġett ta’ 5 snin li kellu l-għan li jiġbor il-fehmiet taż-żgħażagħ dwar x’għandhom ikunu l-prijoritajiet futuri tal-UE fir-rigward taż-żgħażagħ. Il-proġett ġie konkluż fil-31 ta’ Jannar 2018, fejn grupp ta’ żgħażagħ ippreżenta r-riżultati ta’ dan il-proġett lill-Kummissjoni (5).
2. OBJETTIVI
L-ambitu tal-azzjonijiet “Żgħażagħ Ewropej Flimkien” għandu jibni fuq l-esperjenza miksuba permezz tal-proġett ‘Narrattiva Ġdida għall-Ewropa’ (6) u inizjattivi oħrajn ta’ politika u ta’ programmi għaż-żgħażagħ li għandhom l-għan li jippromwovu l-parteċipazzjoni taż-żgħażagħ fil-ħajja pubblika Ewropea kif ukoll skambji transkonfinali u attivitajiet ta’ mobilità.
2.1. Objettivi Ġenerali
Il-proġetti “Żgħażagħ Ewropej Flimkien” għandhom l-għan li joħolqu netwerks li jippromwovu sħubiji reġjonali, u li għandhom jitmexxew f’kooperazzjoni mill-qrib ma’ żgħażagħ mill-Ewropa kollha (pajjiżi tal-programm Erasmus+). In-netwerks se jorganizzaw skambji, jippromwovu t-taħriġ (pereżempju għall-mexxejja żgħażagħ), u jippermettu liż-żgħażagħ infushom jistabbilixxu proġetti konġunti.
“Żgħażagħ Ewropej Flimkien” se tappoġġa inizjattivi minn mill-inqas ħames organizzazzjonijiet taż-żgħażagħ minn ħames pajjiżi eliġibbli differenti tal-programm Erasmus+ biex jikkondividu l-ideat tagħhom dwar l-UE, jinkoraġġixxu parteċipazzjoni ċivika usa’ u jgħinu fit-trawwim ta’ sens ta’ ċittadinanza Ewropea. L-inizjattiva se jkollha l-għan li tgħaqqad flimkien liż-żgħażagħ Ewropej mill-Ewropa; Lvant, Punent, Tramuntana u Nofsinhar.
Il-prijoritajiet tematiċi huma ċittadinanza attiva, bini ta’ netwerks, valuri Ewropej u ċittadinanza Ewropea, parteċipazzjoni demokratika, reżiljenza demokratika u inklużjoni soċjali relatati maż-żgħażagħ.
2.2. Objettivi Speċifiċi
L-inizjattiva sejra tappoġġja speċifikament:
— |
il-promozzjoni u l-iżvilupp ta’ kooperazzjoni iktar strutturata bejn organizzazzjonijiet differenti taż-żgħażagħ biex jibnu jew isaħħu sħubiji; |
— |
organizzazzjonijiet taż-żgħażagħ involuti f’inizjattivi biex iħeġġu liż-żgħażagħ jipparteċipaw fil-proċess demokratiku u fis-soċjetà billi jorganizzaw taħriġ, juru l-karatteristiċi komuni fost iż-żgħażagħ Ewropej u jħeġġu diskussjoni u dibattitu dwar il-konnessjoni tagħhom mal-UE, il-valuri u l-fondazzjonijiet demokratiċi tagħha. Dan jinkludi l-organizzazzjoni ta’ avvenimenti li jwasslu għall-elezzjonijiet tal-2019 għall-Parlament Ewropew. |
— |
il-promozzjoni tal-parteċipazzjoni ta’ gruppi ta’ żgħażagħ inqas rappreżentati fil-politika, organizzazzjonijiet taż-żgħażagħ u organizzazzjonijiet oħrajn tas-soċjetà ċivili billi jinvolvu żgħażagħ vulnerabbli u soċjoekonomikament żvantaġġati. |
Il-miri tagħha huma l-NGOs taż-żgħażagħ, korpi pubbliċi u gruppi informali ta’ żgħażagħ li se jipproponu proġetti li jinvolvu mill-inqas ħames msieħba li għandhom il-kapaċità li jimmobilizzaw liż-żgħażagħ fi sħubiji li jkopru pajjiżi u reġjuni differenti fil-Pajjiżi tal-Programm Erasmus+.
3. KRITERJI TA’ ELIĠIBBILTÀ
L-applikazzjonijiet li jikkonformaw mal-kriterji li ġejjin sejrin ikunu soġġetti għal evalwazzjoni fil-fond.
L-applikazzjonijiet mill-entitajiet ġuridiċi stabbiliti fil-pajjiżi tal-programm li ġejjin biss huma eliġibbli (7).
3.1. Applikanti eliġibbli
L-organizzazzjonijiet parteċipanti jistgħu jkunu:
— |
organizzazzjonijiet bla skop ta’ qligħ, assoċjazzjonijiet u NGOs inkluż NGOs taż-Żgħażagħ Ewropej; |
— |
intrapriżi soċjali; |
— |
korpi pubbliċi fuq livell lokali, reġjonali jew nazzjonali; |
— |
assoċjazzjonijiet tar-reġjuni; |
— |
Raggruppamenti Ewropej ta’ Kooperazzjoni Territorjali; |
— |
korpi li jagħmlu profitt attivi fir-Responsabbiltà Soċjali Korporattiva |
stabbiliti f’Pajjiż tal-Programm Erasmus+.
Ir-rekwiżit minimu tal-kompożizzjoni tas-sħubija għal din is-sejħa huwa tal-anqas 5 imsieħba minn 5 pajjiżi differenti eliġibbli għall-parteċipazzjoni fil-programm Erasmus+. L-organizzazzjonijiet li japplikaw għandhom juru l-kapaċità tagħhom li jiżguraw bilanċ ġeografiku tajjeb f’termini ta’ msieħba minn partijiet differenti tal-Pajjiżi tal-Programm Erasmus+. Dan ifisser distribuzzjoni sħubija bejn il-pajjiżi eliġibbli fejn l-imsieħba ġejjin minn reġjuni differenti tal-Lvant, Punent, Tramuntana u Nofsinhar.
3.2. Pajjiżi eliġibbli
— |
L-Istati Membri tal-UE: l-Awstrija, il-Belġju, il-Bulgarija, il-Kroazja, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja, ir-Renju Unit; |
— |
Il-pajjiżi tal-Assoċjazzjoni Ewropea tal-Kummerċ Ħieles (EFTA) li jiffurmaw parti miż-Żona Ekonomika Ewropea (ŻEE): l-Iżlanda, il-Liechtenstein, in-Norveġja; |
— |
Pajjiżi kandidati li għalihom tkun ġiet stabbilita strateġija ta’ pre-adeżjoni, skont il-prinċipji ġenerali u t-termini u l-kondizzjonijiet ġenerali stipulati fi ftehimiet qafas konklużi ma’ dawk il-pajjiżi bil-għan tal-parteċipazzjoni tagħhom fi Programmi tal-UE: l-Eks-Repubblika Jugoslava tal-Maċedonja u t-Turkija. |
3.3. Attivitajiet eliġibbli
Il-finanzjament tal-Unjoni Ewropea taħt din is-Sejħa jieħu l-forma ta’ għotja ta’ azzjoni biex tappoġġa parti mill-ispejjeż imġarrba mill-korpi magħżula fit-twettiq ta’ serje ta’ attivitajiet. Dawn l-attivitajiet għandhom ikunu marbuta direttament mal-objettivi ġenerali u speċifiċi tas-Sejħa u għandhom ikunu dettaljati f’deskrizzjoni tal-proġett li tkopri l-perjodu kollu tal-għotja li tkun saret applikazzjoni għaliha.
Din li ġejja hija lista indikattiva u mhux eżawrjenti ta’ attivitajiet eliġibbli:
— |
Attivitajiet ta’ mobilità inklużi skambji ta’ żgħażagħ fuq skala kbira; |
— |
Attivitajiet li jiffaċilitaw l-aċċess u l-parteċipazzjoni taż-żgħażagħ fl-aġenda tal-politika tal-UE; |
— |
Skambji ta’ esperjenza u prattika tajba; netwerking u sħubiji ma’ organizzazzjonijiet oħrajn taż-żgħażagħ; parteċipazzjoni f’laqgħat jew seminars ma’ partijiet ikkonċernati oħrajn u/jew dawk li jfasslu l-politika wkoll bil-għan li jiżdied l-impatt tal-politika fuq gruppi, setturi u/jew sistemi fil-mira; |
— |
Inizjattivi u avvenimenti għall-iżvilupp ta’ NGOs Ewropej/organizzazzjonijiet tas-Soċjetà Ċivili/netwerks fl-UE kollha; |
— |
Attivitajiet ta’ sensibilizzazzjoni, informazzjoni, disseminazzjoni u promozzjoni (seminars, sessjonijiet ta’ ħidma, kampanji, laqgħat, dibattiti pubbliċi, konsultazzjonijiet, eċċ.) dwar prijoritajiet ta’ politika tal-UE fil-qasam taż-żgħażagħ. |
L-attivitajiet għandhom ikunu ta’ natura transkonfinali u jistgħu jitwettqu f’livell Ewropew, nazzjonali, reġjonali jew lokali.
Kriterji addizzjonali ta’ eliġibilità għal attivitajiet ta’ mobilità/skambji taż-żgħażagħ:
— |
durata: minn 5 t’ijiem sa 21 jim, eskluż il-ħin tal-vjaġġ; |
— |
post(ijiet) tal-attività: l-attivitajiet iridu jsiru fil-pajjiżi tal-applikant/imsieħba; |
— |
parteċipanti eliġibbli: żgħażagħ ta’ bejn it-13 u t-30 sena li huma residenti fil-pajjiżi tal-organizzazzjonijiet riċeventi u/jew spedituri; |
— |
numru ta’ parteċipanti: minimu ta’ 16-il parteċipant u massimu ta’ 180 parteċipant (mexxej(ja) tal-grupp mhux inklużi). Minimu ta’ 4 parteċipanti għal kull grupp (mexxej(ja) tal-grupp mhux inklużi). Kull grupp nazzjonali għandu jkollu mill-inqas mexxej tal-grupp wieħed. Mexxej tal-grupp huwa adult li jakkumpanja liż-żgħażagħ li jipparteċipaw f’attività ta’ mobilità/skambju taż-żgħażagħ sabiex jiżguraw it-tagħlim, il-protezzjoni u s-sigurtà effettivi tagħhom. |
4. IR-RIŻULTATI TAL-PROĠETTI U D-DURATA
Il-proġetti mogħtija għandhom juru l-kontribut mistenni tagħhom għall-aġenda ġenerali tal-politika dwar iż-żgħażagħ tal-UE billi:
— |
jibnu fuq ir-riżultati tan-Narrattiva Ġdida għall-Ewropa (jew proġetti simili ta’ dibattitu) u torbothom mal-iżvilupp tal-politika fil-livell lokali/reġjonali/nazzjonali/Ewropew; |
— |
itejbu l-involviment taż-żgħażagħ fil-ħajja demokratika u l-involviment tagħhom ma’ dawk li jieħdu d-deċiżjonijiet (għoti ta’ setgħa, ħiliet ġodda, involviment taż-żgħażagħ fid-disinn tal-proġett, eċċ.); |
— |
jgħinu fit-titjib tal-kapaċità tas-settur taż-żgħażagħ biex jaħdem b’mod transnazzjonali u jippromwovi t-tagħlim transnazzjonali u l-kooperazzjoni bejn iż-żgħażagħ u dawk li jieħdu d-deċiżjonijiet; |
— |
itejbu l-aħjar prattiki eżistenti u l-ilħuq lil hinn min-netwerk(s) regolari; |
— |
ixerrdu r-riżultati tagħhom b’mod effettiv u attraenti fost iż-żgħażagħ involuti f’organizzazzjonijiet taż-żgħażagħ, sabiex iwittu t-triq għal sħubiji aktar sistematiċi, kif ukoll fost iż-żgħażagħ li mhumiex affiljati ma’ strutturi taż-żgħażagħ jew dawk li ġejjin minn sfond żvantaġġat. |
Id-durata tal-proġett għandha tkun ta’ bejn 9 xhur u 24 xahar. Ma jistax jiġi estiż fiż-żmien.
5. KRITERJI TAL-GĦOTI
L-applikazzjonijiet eliġibbli sejrin jiġu vvalutati abbażi tal-kriterji tal-esklużjoni, tal-għażla u tal-għoti. Il-kriterji ta’ esklużjoni u għażla jistgħu jinstabu fil-linji gwida tal-applikazzjoni li jinsabu fuq: https://eacea.ec.europa.eu/erasmus-plus/funding_en
Il-kriterji tal-għoti għall-finanzjament ta’ applikazzjoni huma:
— |
Ir-rilevanza tal-proġett (25 %) |
— |
Il-kwalità tat-tfassil tal-proġett u l-implimentazzjoni (25 %) |
— |
Il-kwalità tas-sħubija u l-arranġamenti ta’ kooperazzjoni (25 %); Inkluż kif iż-żgħażagħ huma involuti fl-istadji kollha tal-implimentazzjoni tal-proġett u kif jitqiesu l-linji tal-Lvant-Punent u tat-Tramuntana-Nofsinhar. |
— |
L-impatt, it-tixrid u s-sostenibbiltà (25 %). |
Il-proposti biss li jkunu laħqu:
— |
tal-inqas il-limitu minimu ta’ 60 % tal-punteġġ totali (jiġifieri punteġġ aggregat tal-4 kriterji tal-għoti) u |
— |
tal-inqas il-limitu minimu ta’ 50 % ta’ kull kriterju |
sejrin jiġu kkunsidrati għal finanzjament tal-UE.
6. BAĠIT
Il-baġit totali disponibbli għall-kofinanzjament tal-proġetti taħt din is-sejħa għal proposti huwa ta’ EUR 5 000 000.
Il-kontribuzzjoni finanzjarja mill-UE hija minimu ta’ EUR 100 000 u ma tistax taqbeż EUR 500 000. Hija limitata għal rata massima ta’ kofinanzament ta’ 80 % tal-ispejjeż totali tal-proġett eliġibbli.
L-Aġenzija tirriżerva d-dritt li ma tqassamx il-fondi kollha disponibbli.
7. PROĊEDURA TA’ SOTTOMISSJONI U SKADENZA
Il-pakkett tal-applikazzjoni jrid jiġi sottomess online bl-użu tal-formola elettronika t-tajba, mimlija kif suppost u jkun fih l-annessi u d-dokumenti ta’ appoġġ rilevanti u applikabbli kollha.
Il-formola elettronika hija disponibbli bl-Ingliż, bil-Franċiż u bil-Ġermaniż fl-indirizz li ġej fuq l-internet:
http://eacea.ec.europa.eu/erasmus-plus/funding_en
u għandha timtela kif suppost f’waħda mil-lingwi uffiċjali tal-UE.
Il-Formola elettronika mimlija għandha tiġi sottomessa online sal-25 ta’ Mejju 2018 — 12.00 (nofsinhar, ħin ta’ Brussell) u tinkludi d-dokumenti mehmuża rilevanti (8):
Id-dokumenti mehmuża amministrattivi obbligatorji addizzjonali jridu jintbagħtu b’email lill-Aġenzija sal-istess skadenza.
L-applikanti huma mitlubin jaqraw sew l-informazzjoni kollha dwar is-sejħa għal proposti EACEA/16/2018 u l-proċedura ta’ sottomissjoni u li jużaw id-dokumenti li jifformaw parti mill-pakkett ta’ applikazzjoni li jista’ jinstab fuq:
https://eacea.ec.europa.eu/erasmus-plus/funding_en
8. L-INFORMAZZJONI KOLLHA DWAR IS-SEJĦA
L-informazzjoni kollha dwar is-Sejħa EACEA/16/2018 inklużi l-linji gwida għall-applikazzjoni hija disponibbli mis-sit web li ġej:
https://eacea.ec.europa.eu/erasmus-plus/funding_en
Kuntatt b’email:
EACEA-YOUTH@ec.europa.eu
(1) Ara C(2018)774 tal-15.2.2018 (WPI 3.18): https://ec.europa.eu/programmes/erasmus-plus/sites/erasmusplus2/files/c-2018-774-en.pdf
(2) Ara l-Eurobarometer 455 (Ewrobarometru 455) taż-“Żgħażagħ Ewropej” (Settembru 2017), ippubblikat f’Jannar 2018: http://ec.europa.eu/commfrontoffice/publicopinion/index.cfm/survey/getsurveydetail/instruments/flash/surveyky/2163
(3) http://europa.eu/rapid/press-release_SPEECH-17-3165_mt.htm
(4) https://ec.europa.eu/programmes/erasmus-plus/sites/erasmusplus2/files/c-2018-774-en.pdf
(5) https://europa.eu/youth/have-your-say/new-narrative-for-europe_mt
(6) Ara https://europa.eu/youth/have-your-say/new-narrative-for-europe_mt
(7) http://ec.europa.eu/programmes/erasmus-plus/sites/erasmusplus2/files/files/resources/erasmus-plus-programme-guide_mt.pdf
(8) Kwalunkwe dokument amministrattiv ieħor mitlub fil-Linji gwida għall-Applikanti għandu jintbagħat b’email lill-Aġenzija Eżekuttiva għall-Edukazzjoni, l-Awdjoviżiv u l-Kultura mhux iktar tard mill-25 ta’ Mejju 2018 (nofsinhar, ħin ta’ Brussell) fl-email li ġejja: EACEA-YOUTH@ec.europa.eu