ISSN 1977-0987 |
||
Il-Ġurnal Uffiċjali tal-Unjoni Ewropea |
C 55 |
|
Edizzjoni bil-Malti |
Informazzjoni u Avviżi |
Volum 61 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2018/C 55/01 |
Ebda oppożizzjoni għal konċentrazzjoni notifikata (Il-Każ M.8776 — Macquarie/Allianz/Lakeside Network Investments) ( 1 ) |
|
2018/C 55/02 |
Ebda oppożizzjoni għal konċentrazzjoni notifikata (Il-Każ M.8800 — Goldman Sachs/Riverstone Investment/Lucid Energy Group II) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2018/C 55/03 |
||
2018/C 55/04 |
Noti ta’ Spjega għan-Nomenklatura Magħquda tal-Unjoni Ewropea |
|
|
Kontrollur Ewropew għall-Protezzjoni tad-Data |
|
2018/C 55/05 |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
14.2.2018 |
MT |
Il-Ġurnal Uffiċjali tal-Unjoni Ewropea |
C 55/1 |
Ebda oppożizzjoni għal konċentrazzjoni notifikata
(Il-Każ M.8776 — Macquarie/Allianz/Lakeside Network Investments)
(Test b'rilevanza għaż-ŻEE)
(2018/C 55/01)
Fis-7 ta’ Frar 2018, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M8776. Il-EUR-Lex hu l-aċċess fuq l-internet għal-liġi Ewropea. |
14.2.2018 |
MT |
Il-Ġurnal Uffiċjali tal-Unjoni Ewropea |
C 55/1 |
Ebda oppożizzjoni għal konċentrazzjoni notifikata
(Il-Każ M.8800 — Goldman Sachs/Riverstone Investment/Lucid Energy Group II)
(Test b'rilevanza għaż-ŻEE)
(2018/C 55/02)
Fis-7 ta’ Frar 2018, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M8800. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
14.2.2018 |
MT |
Il-Ġurnal Uffiċjali tal-Unjoni Ewropea |
C 55/2 |
Rata tal-kambju tal-euro (1)
It-13 ta’ Frar 2018
(2018/C 55/03)
1 euro =
|
Munita |
Rata tal-kambju |
USD |
Dollaru Amerikan |
1,2333 |
JPY |
Yen Ġappuniż |
132,82 |
DKK |
Krona Daniża |
7,4488 |
GBP |
Lira Sterlina |
0,88935 |
SEK |
Krona Żvediża |
9,9388 |
CHF |
Frank Żvizzeru |
1,1522 |
ISK |
Krona Iżlandiża |
125,40 |
NOK |
Krona Norveġiża |
9,7418 |
BGN |
Lev Bulgaru |
1,9558 |
CZK |
Krona Ċeka |
25,386 |
HUF |
Forint Ungeriż |
312,16 |
PLN |
Zloty Pollakk |
4,1781 |
RON |
Leu Rumen |
4,6586 |
TRY |
Lira Turka |
4,6865 |
AUD |
Dollaru Awstraljan |
1,5715 |
CAD |
Dollaru Kanadiż |
1,5544 |
HKD |
Dollaru ta' Hong Kong |
9,6467 |
NZD |
Dollaru tan-New Zealand |
1,6941 |
SGD |
Dollaru tas-Singapor |
1,6314 |
KRW |
Won tal-Korea t'Isfel |
1 338,24 |
ZAR |
Rand ta' l-Afrika t'Isfel |
14,7780 |
CNY |
Yuan ren-min-bi Ċiniż |
7,8244 |
HRK |
Kuna Kroata |
7,4357 |
IDR |
Rupiah Indoneżjan |
16 822,21 |
MYR |
Ringgit Malażjan |
4,8678 |
PHP |
Peso Filippin |
64,285 |
RUB |
Rouble Russu |
71,2558 |
THB |
Baht Tajlandiż |
38,861 |
BRL |
Real Brażiljan |
4,0642 |
MXN |
Peso Messikan |
22,9778 |
INR |
Rupi Indjan |
79,2730 |
(1) Sors: rata tal-kambju ta' referenza ppubblikata mill-Bank Ċentrali Ewropew.
14.2.2018 |
MT |
Il-Ġurnal Uffiċjali tal-Unjoni Ewropea |
C 55/3 |
Noti ta’ Spjega għan-Nomenklatura Magħquda tal-Unjoni Ewropea
(2018/C 55/04)
Skont l-Artikolu 9(1)(a) tar-Regolament tal-Kunsill (KEE) Nru 2658/87 (1), in-Noti ta’ Spjega għan-Nomenklatura Magħquda tal-Unjoni Ewropea (2) qed jiġu emendati kif ġej:
F’paġna 69, fin-Nota ta’ Spjega għas-subintestatura tan-NM “1212 99 95 Oħrajn”, il-punt li ġej huwa miżjud fl-aħħar tal-ewwel paragrafu:
“3. |
żerriegħa mitħuna tal-gwarana (Paullinia cupana), mhux inkaljata u lanqas ippreparata mod ieħor.”. |
(1) Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana. (ĠU L 256, 7.9.1987, p. 1).
Kontrollur Ewropew għall-Protezzjoni tad-Data
14.2.2018 |
MT |
Il-Ġurnal Uffiċjali tal-Unjoni Ewropea |
C 55/4 |
Sommarju tal-Opinjoni tal-Kontrollur Ewropew għall-Protezzjoni tad-Data dwar il-proposta għal Regolament dwar l-ECRIS-TCN
(It-test sħiħ ta’ din l-Opinjoni jista’ jinstab bl-EN, bl-FR u bid-DE fuq is-sit web tal-KEPD www.edps.europa.eu)
(2018/C 55/05)
Is-sistema attwali tal-ECRIS, stabbilita bid-Deċiżjoni Qafas tal-Kunsill 2009/315/ĠAI (1), tappoġġa l-iskambju ta’ informazzjoni dwar kundanni kriminali fil-kuntest tal-kooperazzjoni ġudizzjarja. L-ECRIS tista’ tintuża wkoll għal għanijiet oħra minbarra għall-proċedimenti kriminali f’konformità mal-liġi nazzjonali tal-Istat Membru rikjedenti u dak rikjest. Filwaqt li s-sistema ECRIS attwali tista’ tintuża għal ċittadini ta’ pajjiż terz (“TCN”), dan ma tagħmlux b’mod effiċjenti. U huwa għalhekk li t-titjib huwa ġustifikat.
L-effettività tal-ECRIS għat-TCN ġiet enfasizzata fl-Aġenda Ewropea dwar is-Sigurtà u fl-2017 saret prijorità leġiżlattiva. Fl-2016, il-Kummissjoni diġà kienet adottat Proposta għal Direttiva li temenda l-liġi attwali u li tintroduċi titjib għat-TCN permezz ta’ sistema deċentralizzata bl-użu ta’ filtru indiċi bil-marki tas-swaba’ maħżuna f’forma ta’ hashed templates. Din is-soluzzjoni ltaqgħet ma’ problemi tekniċi. Il-Proposta għal Regolament dwar l-ECRIS-TCN, adottata fid-29 ta’ Ġunju 2017, toħloq bażi tad-data ċentrali tal-UE fejn l-informazzjoni tal-identità dwar it-TCN, inklużi l-marki tas-swaba’ u l-immaġni tal-wiċċ, jinħażnu u jkunu maħsuba għall-użu permezz ta’ tiftixa “hit/no hit” sabiex jiġi identifikat l-Istat Membru li jkollu informazzjoni ta’ kundanna kriminali dwar it-TCN. Barra minn hekk, il-Proposta għal sistema ECRIS-TCN ċentrali hija parzjalment ġustifikata bħala appoġġ għal interoperabbiltà futura ta’ sistemi tal-UE fuq skala kbira fl-ispazju tal-libertà, tas-sigurtà u tal-ġustizzja.
Il-KEPD isegwi l-fajl mill-bidu tan-negozjati għall-istabbiliment tal-ECRIS. Dan diġà ħareġ żewġ Opinjonijiet u rrikonoxxa l-importanza tal-iskambju effiċjenti ta’ informazzjoni għaċ-ċittadini tal-UE u t-TCN, bl-istess mod. Din il-pożizzjoni baqgħet ma nbidlitx.
Din l-Opinjoni tindirizza l-kwistjonijiet partikolari li qajmet il-Proposta għal Regolament. Fejn meħtieġ, hija tirreferi għall-Proposta għal Direttiva, minħabba li ż-żewġ proposti huma maħsuba biex ikunu komplementari. Il-KEPD iqajjem erba’ punti ta’ tħassib ewlenin u rakkomandazzjonijiet addizzjonali oħra, li huma deskritti fit-dettall fl-Opinjoni. B’kollox, il-KEPD jirrakkomanda li, minħabba li l-ECRIS hija sistema li ġiet adottata mill-UE qabel it-Trattat ta’ Lisbona, dawn il-Proposti l-ġodda għal Direttiva u Regolament iridu jaġġornaw is-sistema għal-livell tal-istandards mitluba mill-Artikolu 16 tat-TFUE u l-Karta tad-Drittijiet Fundamentali tal-UE, inkluż l-issodisfar tar-rekwiżiti għal kull limitazzjoni legali fuq id-drittijiet fundamentali.
Il-ħtieġa ta’ sistema ċentrali tal-UE jenħtieġ li tkun soġġetta għal valutazzjoni tal-impatt li jenħtieġ li tqis l-impatt tal-konċentrazzjoni tal-immaniġġjar tal-bażijiet tad-data tal-UE fuq skala kbira kollha fl-ispazju tal-libertà, tas-sigurtà u tal-ġustizzja f’aġenzija waħda. L-antiċipazzjoni tal-interoperabbiltà f’dan il-kuntest tkun prematura, minħabba li dan il-kunċett jenħtieġ li jitqiegħed l-ewwel fuq bażi legali u l-konformità tiegħu mal-prinċipji tal-protezzjoni tad-data jenħtieġ li tiġi żgurata.
L-għanijiet tal-ipproċessar tad-data, minbarra għall-proċedimenti kriminali, li għalihom huma maħsuba l-ECRIS u l-ECRIS-TCN jenħtieġ li jiġu definiti b’mod ċar f’konformità mal-prinċipju tal-protezzjoni tad-data tal-limitazzjoni tal-iskop. Dan japplika wkoll għall-aċċess mill-korpi tal-Unjoni li jenħtieġ li jiġu vvalutati wkoll fid-dawl tad-dritt għat-trattament ekwu taċ-ċittadini tal-UE u t-TCN. Kull aċċess għall-korpi tal-UE jrid jintwera li huwa meħtieġ, proporzjonat, konformi mal-għan tal-ECRIS u stretament limitat għall-kompiti rilevanti fi ħdan il-mandat ta’ dawk il-korpi tal-UE.
L-ipproċessar tad-data personali inkwistjoni, li fin-natura tagħha hija sensittiva ħafna, jenħtieġ li jaderixxi b’mod strett mal-prinċipju tan-neċessità: “hit” jenħtieġ li tiġi xprunata biss meta Stat Membru, skont il-liġi nazzjonali tiegħu, jipprovdi informazzjoni dwar kundanni kriminali għal finijiet minbarra proċedimenti kriminali. L-ipproċessar tal-marki tas-swaba’ jenħtieġ li jkun limitat fil-kamp ta’ applikazzjoni u jseħħ biss meta l-identità ta’ TCN partikolari ma tkunx tista’ tiġi aċċertata permezz ta’ mezzi oħra. Fir-rigward tal-immaġnijiet tal-wiċċ, il-KEPD jirrakkomanda t-twettiq — jew (jekk diġà tkun twettqet) it-tqegħid għad-dispożizzjoni — ta’ valutazzjoni bbażata fuq l-evidenza tal-ħtieġa li tali data tinġabar u tintuża għal finijiet ta’ verifika jew identifikazzjoni wkoll.
Il-Proposta għal Regolament tikkwalifika b’mod mhux preċiż l-eu-LISA bħala proċessur. Il-KEPD jirrakkomanda li l-eu-LISA u l-awtoritajiet ċentrali tal-Istati Membri jiġu deżinjati bħala kontrolluri konġunti. Barra minn hekk, huwa jirrakkomanda li f’dispożizzjoni sostantiva jiġi ddikjarat b’mod ċar li l-eu-LISA għandha tkun responsabbli għal kull ksur ta’ din il-Proposta għal Regolament u għar-Regolament (KE) Nru 45/2001 tal-Parlament Ewropew u tal-Kunsill (2).
1. INTRODUZZJONI U SFOND
1. |
Fid-29 ta’ Ġunju 2017, il-Kummissjoni Ewropea ppubblikat Proposta għal Regolament li jistabbilixxi sistema ċentralizzata għall-identifikazzjoni ta’ Stati Membri li għandhom informazzjoni ta’ konvinzjoni dwar ċittadini ta’ pajjiżi terzi u persuni apolidi (TCN) biex jissupplimentaw u jappoġġaw is-Sistema Ewropea ta’ Informazzjoni ta’ Rekords Kriminali (is-sistema ECRIS-TCN) u li jemenda r-Regolament (UE) Nru 1077/2011 (minn issa ’l quddiem “il-Proposta għal Regolament”) (3). Il-Proposta hija akkumpanjata minn Dokument ta’ Sostenn Analitiku (4). Fl-istess jum, il-Kummissjoni Ewropea adottat l-ewwel Rapport statistiku li jikkonċerna l-iskambju permezz tas-Sistema Ewropea ta’ Informazzjoni ta’ Rekords Kriminali (ECRIS) ta’ informazzjoni estratta mir-rekords kriminali bejn l-Istati Membri, kif previst fl-Artikolu 7 tad-Deċiżjoni tal-Kunsill 2009/316/ĠAI (5). |
2. |
Il-Proposta għal Regolament għandha l-għan li ttejjeb l-iskambju ta’ informazzjoni taċ-ċittadini TCN u tal-UE li għandhom ċittadinanza ta’ pajjiż terz ukoll. Il-prinċipju sottostanti tal-ECRIS eżistenti huwa li l-informazzjoni dwar il-kundanni kriminali fir-rigward taċ-ċittadini tal-UE jistgħu jinkisbu mill-Istat Membru taċ-ċittadinanza ta’ dik il-persuna, li jaħżen il-kundanni kriminali kollha irrispettivament minn fejn ikunu ngħataw. Fir-rigward tat-TCN, kull Stat Membru jaħżen il-kundanni li jkun ta u minħabba f’hekk talba għal informazzjoni trid tintbagħat lill-Istati Membri kollha. Skont il-Kummissjoni, it-tweġiba għal “talbiet ġenerali” twassal għal piż amministrattiv u spejjeż għolja li kieku l-ECRIS kellha tintuża b’mod sistematiku għall-estrazzjoni ta’ informazzjoni dwar it-TCN. L-Istati Membri jsibuha bi tqila biex jużaw is-sistema — skont ir-Rapport statistiku 10 % tat-talbiet jikkonċernaw it-TCN (6) — u għalhekk l-istorja kriminali tat-TCN mhijiex disponibbli kif previst (7). It-titjib fl-effettività tal-ECRIS fir-rigward tat-TCN jiġi mħaffef bl-Aġenda Ewropea dwar is-Sigurtà (8) u huwa wieħed mill-prijoritajiet leġiżlattivi għall-2017 (9). |
3. |
Il-Proposta għal Regolament tikkomplementa l-Proposta tal-Kummissjoni għal Direttiva tad-19 ta’ Jannar 2016 fir-rigward tal-iskambju ta’ informazzjoni dwar ċittadini ta’ pajjiżi terzi u fir-rigward is-Sistema Ewropea ta’ Informazzjoni ta’ Rekords Kriminali (ECRIS), li temenda d-Deċiżjoni Qafas tal-Kunsill 2009/315/ĠAI eżistenti u tissostitwixxi d-Deċiżjoni tal-Kunsill 2009/316/ĠAI (minn issa ’l quddiem “il-Proposta għal Direttiva”). |
4. |
Iż-żewġ proposti għandhom komuni l-istabbiliment ta’ sistema għall-identifikazzjoni tal-Istati Membri li għandhom informazzjoni dwar il-kundanni kriminali taċ-ċittadini TCN u tal-UE li għandhom ċittadinanza ta’ pajjiż terz ukoll. Il-Proposta għal Direttiva pprevediet sistema deċentralizzata, fejn ma jkunx hemm bażi tad-data tal-UE unika, iżda kull Stat Membru jkollu fajl ta’ “filtru indiċi”. Dan il-fajl kien meqjus li jimtela b’informazzjoni dwar it-TCN f’format kodifikat mir-rekords kriminali tal-Istati Membri u jitqassam fl-Istati Membri kollha. L-Istati Membri mbagħad iqabblu d-data tagħhom mal-fajl u fuq bażi ta’ “hit/no hit” isibu liema Stati Membri għandhom informazzjoni dwar kundanna kriminali ta’ TCN. Il-Proposta għal Direttiva diġà pprevediet l-ipproċessar ta’ marki tas-swaba’, minkejja li l-użu tal-marki tas-swaba’ kien meqjus bħala waħda mill-alternattivi possibbli tal-Valutazzjoni tal-Impatt tal-2016 b’kuntrast mal-Proposta għal Regolament li tagħmel l-użu tagħhom obbligatorju. Il-Kummissjoni tispjega li l-attakki terroristiċi ħaffew l-appoġġ għall-użu sistematiku tal-marki tas-swaba’ għal finijiet ta’ identifikazzjoni (10). Wara li l-Proposta għal Direttiva ġiet adottata, studju ta’ fattibbiltà żvela li bħalissa ma teżisti l-ebda teknoloġija matura għat-tqabbil “one-to-many” tal-marki tas-swaba’ bl-użu ta’ “hashed templates”. |
5. |
Il-Proposta għal Regolament, bħala tweġiba għall-problemi tekniċi eżistenti, tipprevedi minflok sistema ċentralizzata li tinkludi data alfanumerika, marki tas-swaba’ u immaġnijiet tal-wiċċ tat-TCN. Id-data alfanumerika u l-marki tas-swaba’ jistgħu jintużaw għall-identifikazzjoni tat-TCN u l-immaġnijiet tal-wiċċ inizjalment għal finijiet ta’ verifika, u meta t-teknoloġija timmatura, anke għall-identifikazzjoni. L-“awtorità ċentrali” tal-Istat Membru tal-kundanna ddaħħal id-data fis-sistema ECRIS TCN lokali, li tittrażmetti din id-data lil sistema ċentrali tal-UE. Fuq bażi ta’ “hit/no hit”, l-Istat Membru rikjedenti jista’ jidentifika l-Istat(i) Membru/i li għandhom informazzjoni dwar kundanni kriminali tat-TCN u mbagħad jitlob din l-informazzjoni bl-użu tal-ECRIS eżistenti, kif imtejba mill-Proposta għal Direttiva. Meta l-marki tas-swaba’ jintużaw għall-identifikazzjoni, kwalunkwe data alfanumerika korrispondenti tista’ tiġi pprovduta wkoll. Il-bażi tad-data tal-UE hija fdata lill-eu-LISA u għal dan il-għan il-Proposta għal Regolament temenda r-Regolament (UE) Nru 1077/2011 dwar l-eu-LISA. |
6. |
Barra minn hekk, is-soluzzjoni għal sistema ċentralizzata titqiegħed fil-kuntest tal-interoperabbiltà prevista tas-sistema tal-informazzjoni kollha għall-immaniġġjar tas-sigurtà, tal-fruntieri u tal-migrazzjoni. Fil-fatt, minn fost ir-raġunijiet għall-għażla ta’ sistema ċentralizzata, ġiet enfasizzata l-interoperabbiltà, minflok il-problemi tekniċi li jitfaċċaw (11). L-ECRIS hija inkluża wkoll fil-pjan direzzjonali tal-Kunsill għat-tisħiħ tal-iskambju tal-informazzjoni u l-immaniġġjar u tfittex l-interoperabbiltà (12). L-interoperabbiltà mal-ECRIS hija prevista wkoll fil-Proposta dwar l-ETIAS (13). |
7. |
Ladarba jkunu allinjati ma’ xulxin, iż-żewġ proposti huma maħsuba li jkunu komplementari. Filwaqt li l-Proposta għal Regolament jenħtieġ li tkopri l-kwistjonijiet li jikkonċernaw sistema ċentralizzata, il-Proposta għal Direttiva jenħtieġ li tirregola kwistjonijiet ta’ natura ġenerali li huma relatati mal-funzjonament tal-ECRIS kemm għaċ-ċittadini tat-TCN kif ukoll għal dawk tal-UE (14). Fl-2016, il-Kumitat tal-Parlament Ewropew LIBE adotta r-Rapport dwar il-Proposta għal Direttiva (15), filwaqt li fir-rigward tal-Proposta għal Regolament l-Abbozz ta’ Rapport ġie adottat fit-30 ta’ Ottubru 2017 (16). Il-Kunsill l-ewwel issospenda n-negozjati dwar il-Proposta għal Direttiva wara t-talba mill-Istati Membri lill-Kummissjoni fil-Kunsill tad-9 ta’ Ġunju 2016 biex tippreżenta proposta għall-istabbiliment ta’ sistema ċentrali (17) u bħalissa qed jeżamina ż-żewġ proposti flimkien (18). |
8. |
L-ECRIS-TCN hija inizjattiva importanti li tindirizza s-sistemi tal-informazzjoni fl-ispazju tal-libertà, tas-sigurtà u tal-ġustizzja. Il-KEPD isegwi l-fajl mill-bidu tan-negozjati għall-istabbiliment tal-ECRIS. L-ewwel Opinjoni dwar l-ECRIS ġiet ippubblikata fl-2006 (19), kif stabbilit dak iż-żmien mid-Deċiżjoni Qafas tal-Kunsill 2009/315/ĠAI, u fl-2016 il-KEPD fl-Opinjoni 3/2016 indirizza l-Proposta għal Direttiva (20). |
9. |
Fiż-żewġ opinjonijiet il-KEPD irrikonoxxa l-importanza tal-iskambju effiċjenti ta’ informazzjoni estratta mir-rekords kriminali ta’ persuni kundannati, kif ukoll il-ħtieġa ta’ sistema li tista’ taħdem b’mod effettiv għal ċittadini ta’ pajjiżi terzi, b’mod partikolari fil-kuntest tal-adozzjoni tal-Aġenda Ewropea dwar is-Sigurtà (21). Din il-pożizzjoni baqgħet ma nbidlitx. |
10. |
Din l-Opinjoni tibni fuq l-Opinjoni 3/2016 u tindirizza l-kwistjonijiet partikolari mqajma mill-Proposta għal Regolament. Fejn meħtieġ, l-Opinjoni tirreferi wkoll għall-Proposta għal Direttiva. Fit-Taqsima 2, il-KEPD jispjega t-tħassib ewlieni tiegħu u jipprovdi rakkomandazzjonijiet dwar kif dawn jistgħu jiġu indirizzati. It-tħassib u r-rakkomandazzjonijiet addizzjonali għal titjib ulterjuri huma deskritti fit-Taqsima 3. |
3. KONKLUŻJONI
66. |
Wara li analizza bir-reqqa l-Proposta tal-ECRIS-TCN, il-KEPD jagħmel ir-rakkomandazzjonijiet li ġejjin: |
67. |
Il-KEPD jirrakkomanda li meta tiġi stabbilita bażi tad-data ċentrali tal-UE ġdida u tiġi emendata l-liġi eżistenti dwar l-ECRIS, jitqiesu r-rekwiżiti tal-Karta tad-Drittijiet Fundamentali tal-UE għal limitazzjoni legali dwar id-drittijiet fundamentali u jiġi pprovdut livell suffiċjenti ta’ protezzjoni ta’ data personali fil-kuntest tal-Proposta għal Regolament. |
68. |
Il-KEPD, b’mod partikolari jfakkar il-ħtieġa li tiġi pprovduta evidenza oġġettiva tal-ħtieġa li tiġi stabbilita sistema ċentralizzata fil-livell tal-UE. F’dan il-kuntest, l-interoperabbiltà jenħtieġ li l-ewwel tiġi vvalutata fuq l-impatt tagħha fuq id-drittijiet fundamentali u l-finijiet definiti b’mod ċar tagħha flimkien mal-finijiet tal-ECRIS. Valutazzjoni tal-impatt xierqa għad-drittijiet fundamentali għall-privatezza u l-protezzjoni tad-data jenħtieġ li takkumpanja l-Proposta għal Regolament fir-rigward ta’ dan l-aspett, kif ukoll għall-konċentrazzjoni tas-sistemi kollha f’aġenzija unika waħda. |
69. |
L-istabbiliment ta’ bażi tad-data ċentrali tal-UE ġdida u l-emenda tal-liġi eżistenti dwar l-ECRIS jenħtieġ li jkunu konformi mar-rekwiżiti għal-limitazzjoni legali dwar id-drittijiet fundamentali f’konformità mal-ġurisprudenza stabbilita. Għal dan il-għan, il-finijiet tal-ipproċessar tad-data, minbarra għal proċedimenti kriminali li għalihom huma previsti l-ECRIS u l-ECRIS-TCN, jenħtieġ li jiġu vvalutati mill-perspettiva tal-ħtieġa u l-proporzjonalità tagħhom u jkunu definiti b’mod ċar, f’konformità mal-prinċipju tal-protezzjoni tad-data tal-limitazzjoni tal-iskop. Barra minn hekk, l-aċċess għall-ECRIS-TCN mill-korpi tal-Unjoni, bħall-Europol, jenħtieġ li jkun konformi mal-għan tal-ECRIS attwali u d-dritt għat-trattament ekwu taċ-ċittadini tal-UE u t-TCN u limitat għall-kompiti fil-mandat tagħhom li għalihom l-aċċess huma strettament meħtieġ. Kull twessigħ intiż tal-finijiet attwali jenħtieġ li jiġi implimentat minn dispożizzjoni sostantiva (premessa mhix biżżejjed). |
70. |
Minħabba li l-ECRIS-TCN timplika l-ipproċessar ta’ data li fin-natura tagħha hija sensittiva ħafna, il-KEPD jirrakkomanda li jiddaħħlu l-kundizzjonijiet xierqa għall-ipproċessar ta’ data personali f’konformità mal-prinċipju ta’ neċessità: “hit” jenħtieġ li tiġi xkattata biss meta l-Membru mitlub jitħalla, skont il-liġi nazzjonali tiegħu, jipprovdi informazzjoni dwar kundanni kriminali għal finijiet li mhumiex proċedimenti kriminali. L-ipproċessar tal-marki tas-swaba’ jenħtieġ li jkun limitat fil-kamp ta’ applikazzjoni u biss meta l-identifikazzjoni ta’ TCN partikolari ma tkunx tista’ tiġi asserita b’mezzi oħra. Fir-rigward tal-immaġni tal-wiċċ, il-KEPD jirrakkomanda t-twettiq jew it-tqegħid għad-dispożizzjoni ta’ valutazzjoni bbażata fuq l-evidenza tal-ħtieġa li tali data tiddaħħal u tintuża għal finijiet ta’ verifika u/jew identifikazzjoni. |
71. |
Barra minn hekk, l-eu-LISA u l-awtoritajiet ċentrali tal-Istati Membri jenħtieġ li jkunu ddeżinjati bħala kontrolluri konġunti, minħabba li jikkondividu responsabbiltà għall-istabbiliment tal-finijiet u l-mezzi tal-attivitajiet tal-ipproċessar previsti. L-istabbiliment tal-eu-LISA bħala proċessur ma jkunx jirrifletti b’mod xieraq l-istatus quo u ma jkunx ta’ benefiċċju biex jiġi żgurat livell għoli ta’ protezzjoni tad-data, jew għall-interessi leġittimi tal-Istati Membri. Barra minn hekk, il-Proposta ECRIS-TCN jenħtieġ li tispjega b’mod ċar ir-responsabbiltà tal-eu-LISA għal kwalunkwe ksur ta’ din il-Proposta għal Regolament jew ir-Regolament (KE) Nru 45/2001. |
72. |
Minbarra mit-tħassib ewlieni identifikat hawn fuq, ir-rakkomandazzjonijiet tal-KEPD f’din l-Opinjoni jikkonċernaw it-titjib tad-dispożizzjonijiet issuġġeriti fir-rigward ta’:
|
73. |
Il-KEPD jibqa’ disponibbli biex jipprovdi aktar pariri dwar il-Proposta għal Regolament u għal Direttiva, anke fir-rigward ta’ kull att delegat jew ta’ implimentazzjoni li jista’ jiġi adottat skont l-istrumenti proposti, u fir-rigward tal-ipproċessar tad-data personali. |
Magħmul fi Brussell, it-12 ta’ Diċembru 2017.
Giovanni BUTTARELLI
Kontrollur Ewropew għall-Protezzjoni tad-Data
(3) COM(2017) 344 final.
(4) SWD(2017) 248 final.
(5) COM(2017) 341 final. Dan ir-Rapport huwa akkumpanjat minn Dokument ta’ Ħidma tal-Persunal tal-Kummissjoni, SWD(2017) 242 final.
(6) COM(2017) 341 final, p. 15.
(7) Memorandum ta’ Spjegazzjoni tal-Proposta, COM(2017) 344 final, p. 2.
(8) COM (2015) 185 final.
(9) Id-Dikjarazzjoni Konġunta dwar il-prijoritajiet leġiżlattivi tal-UE għall-2017, https://ec.europa.eu/commission/sites/beta-political/files/joint-declaration-legislative-priorities-2017-jan2017_mt.pdf
(10) Il-Memorandum ta’ Spjegazzjoni għall-Proposta, COM(2017) 344 final, p. 3, id-Dokument ta’ Sostenn Analitiku ta’ Akkumpanjament, SWD(2017) 248 final, p. 3.
(11) Il-Memorandum ta’ Spjegazzjoni għall-Proposta, COM(2017) 344 final, p. 3.
(12) Pjan Direzzjonali għat-titjib tal-iskambju tal-informazzjoni u l-ġestjoni tal-informazzjoni inklużi soluzzjonijiet ta’ interoperabbiltà fil-qasam tal-Ġustizzja u l-Affarijiet Interni, 9368/1/16, http://data.consilium.europa.eu/doc/document/ST-9368-2016-REV-1/mt/pdf; l-ewwel rapport tal-Kunsill tat-8 ta’ Novembru 2016, http://statewatch.org/news/2016/dec/eu-council-info-exhang-interop-sop-13554-REV-1-16.pdf; it-tieni rapport tal-Kunsill tal-11 ta’ Mejju 2017, http://www.statewatch.org/news/2017/may/eu-council-information-management-strategy-second-implementation-report-8433-17.pdf
(13) COM(2016) 731 final.
(14) Il-Memorandum ta’ Spjegazzjoni għall-Proposta, COM(2017) 344 final, p. 4.
(15) A8-0219/2016.
(16) PE 612.310v01-00.
(17) L-eżitu tal-laqgħa tal-Kunsill (ĠAI), 9979/16, http://data.consilium.europa.eu/doc/document/ST-9979-2016-INIT/en/pdf
(18) Ara l-Aġenda tal-Coreper tad-29 ta’ Novembru 2017, http://data.consilium.europa.eu/doc/document/CM-5236-2017-INIT/en/pdf
(19) L-Opinjoni tal-KEPD dwar il-Proposta għal Deċiżjoni Qafas tal-Kunsill dwar l-organizzazzjoni u l-kontenut tal-iskambju ta’ informazzjoni estratta mir-rekords kriminali bejn l-Istati Membri (COM (2005) 690 final) (ĠU C 313, 20.12.2006, p. 26) https://edps.europa.eu/sites/edp/files/publication/06-05-29_criminal_records_en.pdf
(20) L-Opinjoni tal-KEPD 3/2016 dwar l-ECRIS, https://edps.europa.eu/sites/edp/files/publication/16-04-13_ecris_en.pdf
(21) L-Opinjoni tal-KEPD 3/2016 dwar l-ECRIS, p. 12 b’referenza ulterjuri 38 għall-Opinjoni tal-KEPD tal-2006.