ISSN 1977-0987 |
||
Il-Ġurnal Uffiċjali tal-Unjoni Ewropea |
C 418 |
|
Edizzjoni bil-Malti |
Informazzjoni u Avviżi |
Volum 60 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2017/C 418/01 |
Ebda oppożizzjoni għal konċentrazzjoni notifikata (Il-Każ M.8618 — OMV/Verbund/Smatrics/E-Mobility Provider) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kunsill |
|
2017/C 418/02 |
Konklużjonijiet tal-Kunsill dwar il-ħidma intelliġenti fost iż-żgħażagħ |
|
|
Il-Kummissjoni Ewropea |
|
2017/C 418/03 |
||
|
Il-Qorti tal-Awdituri |
|
2017/C 418/04 |
|
V Avviżi |
|
|
PROĊEDURI AMMINISTRATTIVI |
|
|
L-Uffiċċju Ewropew għas-Selezzjoni tal-Persunal (EPSO) |
|
2017/C 418/05 |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
7.12.2017 |
MT |
Il-Ġurnal Uffiċjali tal-Unjoni Ewropea |
C 418/1 |
Ebda oppożizzjoni għal konċentrazzjoni notifikata
(Il-Każ M.8618 — OMV/Verbund/Smatrics/E-Mobility Provider)
(Test b'rilevanza għaż-ŻEE)
(2017/C 418/01)
Fit-30 ta’ Novembru 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bil-Ġermaniż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8618. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kunsill
7.12.2017 |
MT |
Il-Ġurnal Uffiċjali tal-Unjoni Ewropea |
C 418/2 |
Konklużjonijiet tal-Kunsill dwar il-ħidma intelliġenti fost iż-żgħażagħ
(2017/C 418/02)
IL-KUNSILL TAL-UNJONI EWROPEA,
JIEĦU NOTA TA’:
1. |
L-isfond politiku għal din il-kwistjoni kif jinsab fl-Anness ta’ dawn il-konklużjonijiet. |
2. |
Il-Pjan ta’ Ħidma attwali tal-Unjoni Ewropea għaż-Żgħażagħ għall-2016-2018 li jikkontribwixxi biex jindirizza l-isfidi u l-opportunitajiet tal-era diġitali għall-politika tal-UE, il-ħidma fost iż-żgħażagħ u ż-żgħażagħ. |
3. |
Ir-rakkomandazzjonijiet ta’ politika mill-grupp ta’ esperti dwar “ir-riskji, l-opportunitajiet, u l-implikazzjonijiet tad-diġitalizzazzjoni għaż-żgħażagħ, il-ħidma fost iż-żgħażagħ u l-politika dwar iż-żgħażagħ”. |
FILWAQT LI JIRRIKONOXXI LI:
4. |
Il-media u t-teknoloġiji diġitali qegħdin dejjem aktar isiru parti mill-ħajja ta’ kuljum u pilastru ewlieni tal-innovazzjoni u l-iżvilupp fis-soċjetà. Huwa evidenti li ż-żgħażagħ huma wieħed mill-katalisti għat-tibdil fis-soċjetà, u dan minħabba, fost l-oħrajn, l-adozzjoni attiva tagħhom tal-media u t-teknoloġiji diġitali. |
5. |
L-iżviluppi teknoloġiċi joffru potenzjal kbir għall-għoti tas-setgħa liż-żgħażagħ billi jagħtu aċċess għall-informazzjoni u billi jkattru l-opportunitajiet biex jiżdiedu l-kapaċitajiet u l-kompetenzi personali ta’ dak li jkun; id-disponibbiltà ta’ opportunitajiet għall-konnettività u l-interazzjoni ma’ oħrajn kif ukoll biex wieħed jagħti l-opinjoni tiegħu, għall-kreattività, għall-awtorealizzazzjoni tad-drittijiet u ċ-ċittadinanza attiva proprja. |
6. |
L-integrazzjoni aħjar tal-iżviluppi teknoloġiċi meta ż-żgħażagħ jingħataw is-setgħa hija importanti wkoll mill-perspettiva tas-suq tal-impjiegi u l-perspettiva ta’ karrieri għaż-żgħażagħ. |
7. |
L-iżvilupp tat-teknoloġiji jippermetti soluzzjonijiet intelliġenti, analiżi ta’ ħafna data u jwassal l-innovazzjoni fil-metodi u l-approċċi tal-ħidma fost iż-żgħażagħ, biex b’hekk jiġu appoġġati l-ippjanar, l-implimentazzjoni, l-evalwazzjoni, il-viżibbiltà u t-trasparenza tal-ħidma fost iż-żgħażagħ u l-politika taż-żgħażagħ. |
8. |
Ir-realizzazzjoni tal-potenzjal pożittiv tal-media u t-teknoloġiji diġitali tiddependi fuq għadd ta’ prekondizzjonijiet u kompetenzi. Pereżempju, l-aċċess limitat għat-teknoloġiji, l-ambjenti diġitali u l-appoġġ u t-taħriġ rispettiv saħansitra japprofondixxi aktar id-distakk diġitali fis-soċjetà. Fir-rigward ta’ kompetenzi, l-informazzjoni u l-litteriżmu tad-data, il-komunikazzjoni u l-kollaborazzjoni, il-ħolqien tal-kontenut diġitali, is-sikurezza u r-riżoluzzjoni tal-problemi fl-oqsma diġitali huma importanti kemm għaż-żgħażagħ kif ukoll għal dawk li jaħdmu maż-żgħażagħ. |
9. |
Azzjonijiet intelliġenti u azzjonijiet immirati sew huma importanti biex jiġu żviluppati kompetenzi rilevanti u għodod sikuri biex jipprevjenu u jiġu ġestiti r-riskji tal-era diġitali, bħal effetti negattivi ta’ ħin eċċessiv tħares lejn l-iskrin, id-dipendenza fuq l-Internet, il-bulliżmu ċibernetiku, il-messaġġi sesswali, it-tixrid ta’ aħbarijiet foloz, il-propaganda, id-diskors ta’ mibegħda, il-vjolenza online u r-radikalizzazzjoni vjolenti, it-theddid għall-privatezza, inkluż l-użu mhux awtorizzat u l-użu ħażin tad-data u forom oħra ta’ ħsara potenzjali. Il-ħidma fost iż-żgħażagħ u l-politiki dwar iż-żgħażagħ jista’ jkollhom rwol kruċjali biex iżidu s-sensibilizzazzjoni u l-kompetenzi taż-żgħażagħ, speċjalment dawk b’anqas opportunitajiet, il-familji tagħhom, il-persuni li jaħdmu maż-żgħażagħ, il-mexxejja taż-żgħażagħ u l-persuni kkonċernati l-oħra li jappoġġaw liż-żgħażagħ. |
10. |
L-era diġitali ġġib magħha sett kumpless ta’ sfidi u opportunitajiet differenti. Huwa fenomenu tas-soċjetà li għad irid jiġi skopert aktar u żviluppat skont ir-rispons adatt. Sabiex jiġu appoġġati u jingħata valur miżjud lill-attivitajiet fil-qasam tal-ħidma fost iż-żgħażagħ tal-Istati Membri fil-livell lokali u nazzjonali, hija importanti l-kooperazzjoni fil-qasam taż-żgħażagħ fl-Unjoni Ewropea u b’mod partikolari l-iskambju tal-aħjar prattiki. |
FILWAQT LI JQIS:
11. |
“Il-ħidma intelliġenti fost iż-żgħażagħ” bħala l-iżvilupp innovattiv tal-ħidma fost iż-żgħażagħ li tinkludi l-prattika tal-ħidma diġitali fost iż-żgħażagħ (1) u li tinkludi komponent ta’ riċerka, kwalità u ta’ politika. |
JISSOTTOLINJA LI:
12. |
Il-ħidma intelliġenti fost iż-żgħażagħ għandha l-għan li tesplora l-interazzjonijiet taż-żgħażagħ u l-ħidma fost iż-żgħażagħ mal-media u t-teknoloġiji diġitali sabiex jiġu appoġġati u msaħħa l-opportunitajiet pożittivi li joħolqu dawn l-interazzjonijiet. |
13. |
Il-ħidma intelliġenti fost iż-żgħażagħ tibni fuq l-etika, il-prinċipji eżistenti, l-għarfien, il-prattiki, il-metodi u l-assi l-oħra tal-ħidma fost iż-żgħażagħ u tħaddan il-potenzjal sħiħ tal-iżviluppi teknoloġiċi fis-soċjetà diġitali. |
14. |
Il-ħidma intelliġenti fost iż-żgħażagħ tfisser l-użu ta’ u l-indirizzar tal-media u t-teknoloġiji diġitali sabiex:
|
15. |
Il-ħidma intelliġenti fost iż-żgħażagħ tibni fuq il-ħtiġijiet taż-żgħażagħ, il-mexxejja taż-żgħażagħ u partijiet oħra kkonċernati li jappoġġaw iż-żgħażagħ. Hija tqis ukoll il-kuntest soċjali usa’ inkluż il-globalizzazzjoni, in-netwerking, is-soluzzjonijiet elettroniċi eċċ., tagħti opportunitajiet għall-esperimentazzjoni, ir-riflessjoni u t-tagħlim minn dawn l-esperjenzi. |
16. |
L-iżvilupp ta’ ħidma intelliġenti fost iż-żgħażagħ għandu jkun ibbażat fuq l-involviment attiv tal-istess żgħażagħ, billi jitħallew jikkontribwixxu bl-aħjar mod il-kompetenzi diġitali li diġà jippossjedu kif ukoll biex jiżviluppaw oħrajn addizzjonali, filwaqt li jibbenefikaw ukoll minn appoġġ rispettiv bejn il-pari. |
17. |
Il-ħidma intelliġenti fost iż-żgħażagħ għandha tirrispetta l-privatezza u s-sikurezza taż-żgħażagħ kollha, u tissalvagwardja d-drittijiet kollha tagħhom. |
JISTIEDEN, FL-ISFERI TA’ KOMPETENZI RISPETTIVI TAGĦHOM, L-ISTATI MEMBRI U L-KUMMISSJONI SABIEX:
18. |
Joħolqu kondizzjonijiet għal ħidma intelliġenti fost iż-żgħażagħ, inkluż:
|
19. |
l-infrastruttura diġitali li ssaħħaħ il-konnettività u s-sħubiji transsettorjali, inkluż bl-edukazzjoni, l-innovazzjoni, il-qasam tar-riċerka u l-iżvilupp, negozji ġodda u s-settur tan-negozju inġenerali. Filwaqt li jkun għaddej dan kollu, jinħtieġ li jkun hemm sinerġiji mal-Istrateġija għal Suq Uniku Diġitali, l-Istrateġiji għar-Riċerka u l-Innovazzjoni għal Speċjalizzazzjoni Intelliġenti, strutturi eżistenti, servizzi u programmi pubbliċi u privati, bħal Erasmus+ u Orizzont 2020. |
20. |
Għandha tibqa’ għaddejja l-ħidma flimkien biex jiġi żgurat li tittieħed azzjoni dwar dawn il-konklużjonijiet fil-kuntest tal-ħidma li għaddejja dwar perspettivi strateġiċi għall-kooperazzjoni Ewropea fil-qasam taż-żgħażagħ wara l-2018. |
21. |
Jiġi organizzat avveniment internazzjonali biex jiġu esplorati aktar il-perspettivi ta’ ħidma intelliġenti fost iż-żgħażagħ bejn Stati Membri interessati matul is-snin 2017-2018. |
(1) Grupp ta’ esperti dwar “Ir-riskji, l-opportunitajiet, u l-implikazzjonijiet tad-diġitalizzazzjoni għaż-żgħażagħ, il-ħidma fost iż-żgħażagħ u l-politika dwar iż-żgħażagħ”: Il-Ħidma diġitali fost iż-żgħażagħ tfisser l-użu proattiv jew l-indirizzar tal-media u t-teknoloġija diġitali fil-ħidma fost iż-żgħażagħ. Il-ħidma diġitali fost iż-żgħażagħ mhijiex metodu ta’ ħidma fost iż-żgħażagħ – il-ħidma diġitali fost iż-żgħażagħ tista’ tiġi inkluża fi kwalunkwe ambjent ta’ ħidma fost iż-żgħażagħ (ħidma miftuħa fost iż-żgħażagħ, informazzjoni dwar iż-żgħażagħ u konsulenza għaż-żgħażagħ, għaqdiet taż-żgħażagħ, ħidma itineranti fost iż-żgħażagħ, eċċ.). Il-ħidma diġitali fost iż-żgħażagħ għandha l-istess għanijiet bħall-ħidma fost iż-żgħażagħ inġenerali, u l-użu tal-media u t-teknoloġija diġitali fil-ħidma fost iż-żgħażagħ għandu dejjem jappoġġa dawn l-għanijiet. Il-ħidma diġitali fost iż-żgħażagħ tista’ tiġri f’sitwazzjonijiet wiċċ imb’wiċċ jew f’sitwazzjonijiet online – jew f’taħlita tat-tnejn. Il-media u t-teknoloġija diġitali tista’ tkun għodda, kif ukoll attività jew kontenut fil-ħidma fost iż-żgħażagħ.
ANNESS
Fl-adozzjoni ta’ dawn il-konklużjonijiet, il-Kunsill ifakkar, b’mod partikolari, f’dan li ġej:
1. |
Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni intitolata Strateġija għal Suq Uniku Diġitali għall-Ewropa (2015) |
2. |
Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni intitolata Aġenda Ġdida għall-Ħiliet għall-Ewropa – Naħdmu flimkien biex insaħħu l-kapital uman, l-impjegabbiltà u l-kompetittività (2016) |
3. |
Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni – Strateġija Ewropea għal Internet Aħjar għat-Tfal (2012) |
4. |
Konklużjonijiet tal-Kunsill u tar-Rappreżentanti tal-Gvernijiet tal-Istati Membri, imlaqqgħin fil-Kunsill, dwar il-promozzjoni ta’ approċċi ġodda fil-ħidma fost iż-żgħażagħ biex jiġi skopert u żviluppat il-potenzjal taż-żgħażagħ (2016/C 467/03) |
5. |
Konklużjonijiet tal-Kunsill dwar il-massimizzazzjoni tal-potenzjal tal-politika taż-żgħażagħ fl-indirizzar tal-għanijiet tal-Istrateġija Ewropa 2020 (2013/C 224/02) |
6. |
Konklużjonijiet tal-Kunsill dwar perspettivi strateġiċi għall-kooperazzjoni Ewropea fil-qasam taż-żgħażagħ wara l-2018 (8035/17) |
7. |
Dikjarazzjoni dwar il-Promozzjoni taċ-ċittadinanza u l-valuri komuni tal-libertà, it-tolleranza u n-nondiskriminazzjoni permezz tal-edukazzjoni (2015). Pariġi, 17.03 |
8. |
Dikjarazzjoni tat-Tieni Konvenzjoni Ewropea dwar il-Ħidma fost iż-Żgħażagħ “Making a World of Difference”, 27-30.4.2015 fi Brussell |
9. |
Sħubija għaż-Żgħażagħ bejn l-UE u l-KtE, Simpożju dwar il-parteċipazzjoni taż-żgħażagħ f’dinja diġitalizzata, Budapest, l-Ungerija 14-16 ta’ Settembru 2015, Messaġġi ewlenin tal-parteċipanti |
10. |
EU Kids Online. Netwerk multinazzjonali dwar ir-riċerka |
11. |
Il-Kummissjoni Ewropea (2017). DigComp 2.1: Il-Qafas ta’ Kompetenza Diġitali għaċ-Ċittadini bi tmien livelli ta’ profiċjenza u eżempji ta’ użu |
12. |
Il-Kummissjoni Ewropea (2016). Il-Koalizzjoni għall-Ħiliet u l-Impjiegi Diġitali |
13. |
Il-Kummissjoni Ewropea (2017). Ir-Rapport dwar il-Progress fis-Settur Diġitali Ewropew |
14. |
Il-Kummissjoni Ewropea (2017). White Paper dwar il-Futur tal-Ewropa. Riflessjonijiet u xenarji għall-UE27 sal-2025. L-1 ta’ Marzu 2017. COM (2017) 2025 final |
15. |
Il-grupp ta’ esperti dwar “Ir-riskji, l-opportunitajiet, u l-implikazzjonijiet tad-diġitalizzazzjoni għaż-żgħażagħ, il-ħidma fost iż-żgħażagħ u l-politika dwar iż-żgħażagħ” (2017). Mandat u rakkomandazzjonijiet ta’ politika dwar l-iżvilupp tal-ħidma diġitali fost iż-żgħażagħ |
16. |
Rakkomandazzjoni tal-Parlament Ewropew u tal-Kunsill dwar kompetenzi ewlenin għat-tagħlim tul il-ħajja 2006/962/KE |
17. |
Riżoluzzjoni tal-Kunsill u tar-Rappreżentanti tal-Gvernijiet tal-Istati Membri, imlaqqgħin fil-Kunsill, dwar il-ħidma fil-qasam taż-żgħażagħ (2010/C 327/01) |
18. |
Riżoluzzjoni tal-Kunsill u tar-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill, dwar Pjan ta' Ħidma tal-Unjoni Ewropea għaż-Żgħażagħ għall-2016-2018 (2015/C 417/01) |
19. |
Ir-Rakkomandazzjoni CM/Rec(2017)4 tal-Kumitat tal-Ministri lill-Istati Membri dwar il-ħidma fost iż-żgħażagħ |
20. |
Pjattaforma għal Speċjalizzazzjoni Intelliġenti (Kummissjoni Ewropea) |
Il-Kummissjoni Ewropea
7.12.2017 |
MT |
Il-Ġurnal Uffiċjali tal-Unjoni Ewropea |
C 418/6 |
Rata tal-kambju tal-euro (1)
Is-6 ta’ Diċembru 2017
(2017/C 418/03)
1 euro =
|
Munita |
Rata tal-kambju |
USD |
Dollaru Amerikan |
1,1817 |
JPY |
Yen Ġappuniż |
132,52 |
DKK |
Krona Daniża |
7,4421 |
GBP |
Lira Sterlina |
0,88335 |
SEK |
Krona Żvediża |
9,9265 |
CHF |
Frank Żvizzeru |
1,1678 |
ISK |
Krona Iżlandiża |
|
NOK |
Krona Norveġiża |
9,7575 |
BGN |
Lev Bulgaru |
1,9558 |
CZK |
Krona Ċeka |
25,636 |
HUF |
Forint Ungeriż |
314,45 |
PLN |
Zloty Pollakk |
4,2142 |
RON |
Leu Rumen |
4,6320 |
TRY |
Lira Turka |
4,5489 |
AUD |
Dollaru Awstraljan |
1,5565 |
CAD |
Dollaru Kanadiż |
1,4963 |
HKD |
Dollaru ta' Hong Kong |
9,2323 |
NZD |
Dollaru tan-New Zealand |
1,7141 |
SGD |
Dollaru tas-Singapor |
1,5925 |
KRW |
Won tal-Korea t'Isfel |
1 291,50 |
ZAR |
Rand ta' l-Afrika t'Isfel |
15,9847 |
CNY |
Yuan ren-min-bi Ċiniż |
7,8169 |
HRK |
Kuna Kroata |
7,5463 |
IDR |
Rupiah Indoneżjan |
16 007,31 |
MYR |
Ringgit Malażjan |
4,8160 |
PHP |
Peso Filippin |
59,891 |
RUB |
Rouble Russu |
69,7909 |
THB |
Baht Tajlandiż |
38,559 |
BRL |
Real Brażiljan |
3,8193 |
MXN |
Peso Messikan |
22,2030 |
INR |
Rupi Indjan |
76,2430 |
(1) Sors: rata tal-kambju ta' referenza ppubblikata mill-Bank Ċentrali Ewropew.
Il-Qorti tal-Awdituri
7.12.2017 |
MT |
Il-Ġurnal Uffiċjali tal-Unjoni Ewropea |
C 418/7 |
Rapport Speċjali Nru 19/2017
“Proċeduri ta’ importazzjoni: xi nuqqasijiet fil-qafas legali u implimentazzjoni ineffettiva għandhom impatt fuq l-interessi finanzjarji tal-UE”
(2017/C 418/04)
Il-Qorti Ewropea tal-Awdituri b’dan tinfurmak li r-Rapport Speċjali Nru 19/2017 “Proċeduri ta’ importazzjoni: xi nuqqasijiet fil-qafas legali u implimentazzjoni ineffettiva għandhom impatt fuq l-interessi finanzjarji tal-UE” għadu kif ġie ppubblikat.
Ir-rapport jista’ jiġi kkonsultat jew imniżżel mis-sit web tal-Qorti Ewropea tal-Awdituri: http://eca.europa.eu
V Avviżi
PROĊEDURI AMMINISTRATTIVI
L-Uffiċċju Ewropew għas-Selezzjoni tal-Persunal (EPSO)
7.12.2017 |
MT |
Il-Ġurnal Uffiċjali tal-Unjoni Ewropea |
C 418/8 |
AVVIŻ TA’ KOMPETIZZJONIJIET MIFTUĦA
(2017/C 418/05)
L-Uffiċċju Ewropew għas-Selezzjoni tal-Persunal (EPSO) qed jorganizza l-kompetizzjonijiet miftuħin li ġejjin:
|
EPSO/AD/354/17 — ĠURISTI LINGWISTI (AD 7) GĦAL-LINGWA LATVJANA (LV) |
|
EPSO/AD/355/17 — ĠURISTI LINGWISTI (AD 7) GĦAL-LINGWA MALTIJA (MT) |
L-avviż tal-kompetizzjoni huwa ppubblikat f’24 lingwa f’ Il-Ġurnal Uffiċjali tal-Unjoni Ewropea C 418 A tas-7 ta’ Diċembru 2017.
Tista’ ssib aktar informazzjoni fuq is-sit web tal-EPSO: https://epso.europa.eu/