ISSN 1977-0987 |
||
Il-Ġurnal Uffiċjali tal-Unjoni Ewropea |
C 302 |
|
Edizzjoni bil-Malti |
Informazzjoni u Avviżi |
Volum 60 |
Avviż Nru |
Werrej |
Paġna |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2017/C 302/01 |
||
2017/C 302/02 |
|
V Avviżi |
|
|
ATTI OĦRAJN |
|
|
Il-Kummissjoni Ewropea |
|
2017/C 302/03 |
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
13.9.2017 |
MT |
Il-Ġurnal Uffiċjali tal-Unjoni Ewropea |
C 302/1 |
Rata tal-kambju tal-euro (1)
It-12 ta’ Settembru 2017
(2017/C 302/01)
1 euro =
|
Munita |
Rata tal-kambju |
USD |
Dollaru Amerikan |
1,1933 |
JPY |
Yen Ġappuniż |
130,93 |
DKK |
Krona Daniża |
7,4400 |
GBP |
Lira Sterlina |
0,89878 |
SEK |
Krona Żvediża |
9,5355 |
CHF |
Frank Żvizzeru |
1,1444 |
ISK |
Krona Iżlandiża |
|
NOK |
Krona Norveġiża |
9,3593 |
BGN |
Lev Bulgaru |
1,9558 |
CZK |
Krona Ċeka |
26,105 |
HUF |
Forint Ungeriż |
307,11 |
PLN |
Zloty Pollakk |
4,2549 |
RON |
Leu Rumen |
4,6018 |
TRY |
Lira Turka |
4,0948 |
AUD |
Dollaru Awstraljan |
1,4847 |
CAD |
Dollaru Kanadiż |
1,4477 |
HKD |
Dollaru ta' Hong Kong |
9,3235 |
NZD |
Dollaru tan-New Zealand |
1,6343 |
SGD |
Dollaru tas-Singapor |
1,6074 |
KRW |
Won tal-Korea t'Isfel |
1 346,05 |
ZAR |
Rand ta' l-Afrika t'Isfel |
15,4800 |
CNY |
Yuan ren-min-bi Ċiniż |
7,8024 |
HRK |
Kuna Kroata |
7,4513 |
IDR |
Rupiah Indoneżjan |
15 751,56 |
MYR |
Ringgit Malażjan |
5,0120 |
PHP |
Peso Filippin |
60,765 |
RUB |
Rouble Russu |
68,3844 |
THB |
Baht Tajlandiż |
39,522 |
BRL |
Real Brażiljan |
3,7117 |
MXN |
Peso Messikan |
21,1297 |
INR |
Rupi Indjan |
76,4385 |
(1) Sors: rata tal-kambju ta' referenza ppubblikata mill-Bank Ċentrali Ewropew.
13.9.2017 |
MT |
Il-Ġurnal Uffiċjali tal-Unjoni Ewropea |
C 302/2 |
Notifika tal-Kummissjoni dwar ir-rati ta’ interessi ta’ rkupru preżenti għall-Għajnuna mill-Istat u rati ta’ referenza/tnaqqis għat-28 Stat Membru applikabbli mill-1 ta’ Ottubru 2017
(Ippubblikat skont l-Artikolu 10 tar-Regolament tal-Kummissjoni (KE) Nru 794/2004 tal-21 ta’ April 2004 (ĠU L 140, 30.4.2004, p. 1))
(2017/C 302/02)
Rati bażi kkalkulati skont il-Komunikazzjoni tal-Kummissjoni dwar ir-reviżjoni tal-metodu biex tkun stabbilita r-rata ta’ riferenza u ta’ tnaqqis (ĠU C 14, 19.1.2008, p. 6). Skont l-użu tar-rata ta’ referenza, il-marġini xierqa għad għandhom ikunu ddefiniti f’din il-komunikazzjoni. Għar-rata ta’ tnaqqis, dan ifisser li għandu jiżdied marġini ta’ 100 punti bażi. Ir-Regolament tal-Kummissjoni (KE) Nru 271/2008 tat-30 ta’ Jannar 2008 li jemenda r-Regolament (KE) Nru 794/2004 jipprevedi li, jekk mhux speċifikat diversament f’deċiżjoni speċifika, ir-rata ta’ rkupru għandha tkun ikkalkulata wkoll billi jkunu miżjuda 100 punti bażi fuq ir-rata bażi.
Ir-rati modifikati huma indikati b’tipa grassa.
It-tabella ta’ qabel din hija ppubblikata-ĠU C 278, 22.8.2017, p. 12.
Minn |
sa |
AT |
BE |
BG |
CY |
CZ |
DE |
DK |
EE |
EL |
ES |
FI |
FR |
HR |
HU |
IE |
IT |
LT |
LU |
LV |
MT |
NL |
PL |
PT |
RO |
SE |
SI |
SK |
UK |
1.10.2017 |
… |
-0,15 |
-0,15 |
0,76 |
-0,15 |
0,45 |
-0,15 |
0,09 |
-0,15 |
-0,15 |
-0,15 |
-0,15 |
-0,15 |
0,59 |
0,30 |
-0,15 |
-0,15 |
-0,15 |
-0,15 |
-0,15 |
-0,15 |
-0,15 |
1,83 |
-0,15 |
1,10 |
-0,36 |
-0,15 |
-0,15 |
0,65 |
1.9.2017 |
30.9.2017 |
-0,13 |
-0,13 |
0,76 |
-0,13 |
0,45 |
-0,13 |
0,12 |
-0,13 |
-0,13 |
-0,13 |
-0,13 |
-0,13 |
0,59 |
0,30 |
-0,13 |
-0,13 |
-0,13 |
-0,13 |
-0,13 |
-0,13 |
-0,13 |
1,83 |
-0,13 |
1,10 |
-0,36 |
-0,13 |
-0,13 |
0,65 |
1.8.2017 |
31.8.2017 |
-0,13 |
-0,13 |
0,76 |
-0,13 |
0,45 |
-0,13 |
0,12 |
-0,13 |
-0,13 |
-0,13 |
-0,13 |
-0,13 |
0,59 |
0,30 |
-0,13 |
-0,13 |
-0,13 |
-0,13 |
-0,13 |
-0,13 |
-0,13 |
1,83 |
-0,13 |
1,10 |
-0,36 |
-0,13 |
-0,13 |
0,78 |
1.6.2017 |
31.7.2017 |
-0,10 |
-0,10 |
0,76 |
-0,10 |
0,45 |
-0,10 |
0,12 |
-0,10 |
-0,10 |
-0,10 |
-0,10 |
-0,10 |
0,70 |
0,37 |
-0,10 |
-0,10 |
-0,10 |
-0,10 |
-0,10 |
-0,10 |
-0,10 |
1,83 |
-0,10 |
1,10 |
-0,36 |
-0,10 |
-0,10 |
0,78 |
1.5.2017 |
31.5.2017 |
-0,10 |
-0,10 |
0,76 |
-0,10 |
0,45 |
-0,10 |
0,12 |
-0,10 |
-0,10 |
-0,10 |
-0,10 |
-0,10 |
0,70 |
0,44 |
-0,10 |
-0,10 |
-0,10 |
-0,10 |
-0,10 |
-0,10 |
-0,10 |
1,83 |
-0,10 |
1,10 |
-0,36 |
-0,10 |
-0,10 |
0,78 |
1.4.2017 |
30.4.2017 |
-0,08 |
-0,08 |
0,76 |
-0,08 |
0,45 |
-0,08 |
0,16 |
-0,08 |
-0,08 |
-0,08 |
-0,08 |
-0,08 |
0,83 |
0,44 |
-0,08 |
-0,08 |
-0,08 |
-0,08 |
-0,08 |
-0,08 |
-0,08 |
1,83 |
-0,08 |
1,10 |
-0,36 |
-0,08 |
-0,08 |
0,78 |
1.3.2017 |
31.3.2017 |
-0,08 |
-0,08 |
0,76 |
-0,08 |
0,45 |
-0,08 |
0,16 |
-0,08 |
-0,08 |
-0,08 |
-0,08 |
-0,08 |
1,05 |
0,53 |
-0,08 |
-0,08 |
-0,08 |
-0,08 |
-0,08 |
-0,08 |
-0,08 |
1,83 |
-0,08 |
1,10 |
-0,36 |
-0,08 |
-0,08 |
0,78 |
1.1.2017 |
28.2.2017 |
-0,07 |
-0,07 |
0,76 |
-0,07 |
0,45 |
-0,07 |
0,16 |
-0,07 |
-0,07 |
-0,07 |
-0,07 |
-0,07 |
1,05 |
0,75 |
-0,07 |
-0,07 |
-0,07 |
-0,07 |
-0,07 |
-0,07 |
-0,07 |
1,83 |
-0,07 |
1,10 |
-0,36 |
-0,07 |
-0,07 |
0,78 |
V Avviżi
ATTI OĦRAJN
Il-Kummissjoni Ewropea
13.9.2017 |
MT |
Il-Ġurnal Uffiċjali tal-Unjoni Ewropea |
C 302/3 |
Pubblikazzjoni ta’ applikazzjoni għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2017/C 302/03)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).
APPLIKAZZJONI GĦAL EMENDA
Ir-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)
APPLIKAZZJONI GĦAL EMENDA SKONT L-ARTIKOLU 9
“BAYERISCHES RINDFLEISCH”/“RINDFLEISCH AUS BAYERN”
Nru tal-KE: DE-PGI-0105-01219 — 7.4.2014
IĠP ( X ) DOP ( )
1. Intestatura tal-Ispeċifikazzjoni tal-prodott affettwata mill-emenda
— |
☐ |
Isem il-prodott |
— |
☒ |
Deskrizzjoni tal-prodott |
— |
☐ |
Żona ġeografika |
— |
☐ |
Prova tal-oriġini |
— |
☐ |
Metodu tal-produzzjoni |
— |
☐ |
Rabta maż-żona ġeografika |
— |
☐ |
Tikkettar |
— |
☐ |
Rekwiżiti nazzjonali |
— |
☐ |
Oħrajn (iridu jiġu speċifikati) |
2. Tip ta’ emenda/emendi
— |
☒ |
Emenda tad-Dokument Uniku jew tas-Sommarju |
— |
☐ |
Emenda tal-Ispeċifikazzjoni tad-DOP jew tal-IĠP irreġistrata, li għaliha la d-Dokument Uniku u lanqas is-Sommarju ma ġew ippubblikati |
— |
☐ |
Emenda tal-Ispeċifikazzjoni li ma għandhiex bżonn emendi tad-Dokument Uniku ppubblikat (l-Artikolu 9(3) tar-Regolament (KE) Nru 510/2006) |
— |
☐ |
Emenda temporanja tal-Ispeċifikazzjoni li tirriżulta minn miżuri sanitarji jew fitosanitarji obbligatorji imposti mill-awtoritajiet pubbliċi (l-Artikolu 9(4) tar-Regolament (KE) Nru 510/2006) |
3. Emenda/emendi
Emendi mitluba:
(b) Deskrizzjoni:
Fil-punt 3.2 jiġu emendati l-punti li ġejjin:
1. |
Fis-sentenza “Barra minn hekk, il-laħam tat-tip “Bayerisches Rindfleisch” irid jissodisfa l-kriterji tal-klassijiet ta’ konformità E, U jew R tal-klassifikazzjoni tal-karkassi tal-Komunità u l-klassijiet 2, 3 u 4 tal-kisja tax-xaħam.” “jew R” tinbidel u ssir “R jew O”. |
2. |
Fil-paragrafu “Għoġol: bhima miftuma fl-età ta’ mill-inqas ħames xhur imma mhux iktar minn tmien xhur fi żmien il-qatla, li jkollha piż minimu ta’ 120 kg u piż massimu ta’ 220 kg”, “mill-inqas ħames xhur” tinbidel u ssir “mill-inqas sitt xhur”. |
3. |
Fil-paragrafu ta’ taħt “Annimali Bovini Adulti”, fil-frażi “Il-piż massimu għall-barrin għall-qatla huwa ta’ 430 kg” “430” tinbidel u ssir “480”. |
4. |
L-aħħar sentenza “Għall-bhejjem nisa, l-età tal-qatla hija limitata għal massimu ta’ seba’ snin u l-piż massimu għall-qatla huwa ta’ 450 kg.” tinbidel u ssir kif ġej: “Għall-bhejjem nisa, l-età tal-qatla hija limitata għal massimu ta’ ħdax-il sena u l-piż massimu għall-qatla huwa ta’ 500 kg.” |
Ġustifikazzjoni:
Punt 1:
Jenħtieġ li l-klassi ta’ konformità O titqies ukoll għall-kategoriji kollha peress li anki qabel ir-reġistrazzjoni tiegħu bħala IĠP, il-laħam ta’ din il-klassi diġà kien jiġi kkummerċjalizzat bħala “Bayerisches Rindfleisch”. Dan ma jħallix impatt negattiv fuq il-kwalità tal-laħam.
Il-konsumaturi li jixtru l-laħam taċ-ċanga ma jqisux il-klassijiet tal-laħam iżda jibbażaw l-għażla tagħhom fuq kriterji kompletament differenti. Il-qatgħa speċifika tal-laħam, l-oriġini tal-laħam kif ukoll il-metodu ta’ produzzjoni huma ħafna iktar kriterji deċiżivi.
Punt 2:
L-għoġġiela jridu jiġu miftuma u maqluba għal għalf oħxon. Dan jista’ jiġi vverifikat mill-kulur tal-laħam kif ukoll mill-maturità tal-apparat diġestiv. Biż-żieda tal-età minima tal-qatla b’xahar biss, kemm il-kulur tal-laħam kif ukoll il-maturità tal-apparat diġestiv ikunu jidhru aktar ċari. Dan iħaffef il-verifika b’mod sinifikanti.
Dan ma jaffettwax b’mod negattiv il-kwalità tal-laħam u l-apprezzament tal-konsumaturi.
Punt 3:
Fl-applikazzjoni oriġinali l-piż massimu ta’ 430 kg stabbilit għall-barrin kien baxx wisq. Mhux mistenni li ż-żieda tal-limitu tal-piż għal 480 kg se taffettwa b’mod negattiv il-kwalità tal-laħam u l-apprezzament tal-konsumaturi.
Punt 4:
Ir-razez li jintużaw għall-produzzjoni ta’ “Bayerisches Rindfleisch” huma għomorhom twil. Għalhekk ħafna baqar tal-ħalib ikollhom minn 10 sa 20 fażi ta’ treddigħ. Anki dawn il-bhejjem minn dejjem ġew ikkummerċjalizzati bħala “Bayerisches Rindfleisch”. Il-limitu ta’ seba’ snin fuq l-età tal-qatla tal-baqar jista’ f’każijiet ta’ dubju jirriżulta f’sostituzzjoni bikrija tal-bhejjem, u dan imur kontra l-prinċipju tas-sostenibbiltà. Barra minn hekk, iż-żieda tal-limitu tal-età minn seba’ snin għal ħdax-il sena ma jkollu l-ebda impatt negattiv fuq il-kwalità tal-laħam, anzi jtejjibha, u xorta waħda hija ggarantita mill-parametri stabbiliti l-oħra (l-esklużjoni ta’ laħam DFD, pH mhux aktar minn 6,0). Kif uriet ir-riċerka minn J. Kögel, A. Petautschnig, P. Stückler, I. Andrighetto u Ch. Augustini tal-assoċjazzjoni ALPEN-ADRIA dwar kif il-kwalità taċ-ċanga hija affettwata mill-età tal-annimal meta jinqatel (“Beziehungen zwischen Schlachtalter und Merkmalen der Rindfleischqualität”), il-laħam tal-baqra tar-razza Fleckvieh isir anqas tari mill-età ta’ 3,2 snin sa 6,6 snin. Il-forza tal-qtugħ u kemm jibqa’ tari jibqgħu bejn wieħed u ieħor l-istess meta l-età tal-qatla tkun ta’ madwar 7,9 snin. Fil-grupp ta’ età sa 10,4 snin, il-forza tal-qtugħ tal-laħam tal-baqra tar-razza Fleckvieh u kemm jibqa’ tari jitjiebu. Għaldaqstant iż-żieda tal-età tal-qatla sa ħdax-il sena fil-fatt ma twassalx għal deterjorament fil-kwalità tal-laħam.
Iż-żieda fil-piż massimu tal-karkassi għal 500 kg fil-każ tal-baqar għall-qatla, kif ukoll fil-każ tal-barrin, hija meħtieġa minħabba li huma annimali kbar u minħabba l-iżvilupp tal-piż tagħhom, b’mod partikolari r-razza Fleckvieh li tintuża b’mod prinċipali fil-produzzjoni tal-“Bayerische Rindfleisch”. Il-baqar tar-razza Fleckvieh jibqgħu jikbru sa 800 kg u iżjed b’rendiment ta’ 60 % mill-karkassa.
Fil-punt 5.3 jinbidel dan li ġej
Is-sentenza
“Il-laħam tat-tip “Bayerisches Rindfleisch” igawdi minn stima għolja fost il-konsumaturi minħabba l-karatteristiċi speċjali tiegħu f’termini ta’ kwalità, reputazzjoni u togħma tal-laħam li jiġi minn bhejjem maqtula tar-razez tipiċi tal-Bavarja deskritti hawn fuq bil-kriterji tal-età u l-piż kif speċifikati.”
tinbidel u ssir
“Il-laħam tat-tip “Bayerisches Rindfleisch” igawdi apprezzament kbir fost il-konsumaturi minħabba l-karatteristiċi speċjali tiegħu f’termini ta’ kwalità, reputazzjoni u togħma tal-laħam li jiġi minn bhejjem maqtula tar-razez tipiċi tal-Bavarja deskritti hawn fuq u l-kundizzjonijiet naturali tajbin għall-produzzjoni taċ-ċanga li jissodisfaw il-kriterji speċifikati.”
Ġustifikazzjoni:
Il-kriterji ewlenin tal-kwalità tal-prodott huma speċifikati fil-punt 5.2 – Speċifiċità tal-prodott. Il-laħam tat-tip “Bayerisches Rindfleisch” jiddistingwi ruħu għall-kwalità, ir-reputazzjoni u t-togħma tal-laħam minħabba r-razez speċifiċi li jintużaw, il-kundizzjonijiet naturali tajbin għall-produzzjoni taċ-ċanga u l-kriterji deskritti hawn fuq dwar l-annimali għall-qatla. Ta’ min jinnota li r-razza Fleckvieh minn dejjem kienet razza kbira u ta’ piż tqil u li dawn il-kundizzjonijiet ġenetiċi huma sfruttati wkoll.
DOKUMENT UNIKU
Ir-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (3)
“BAYERISCHES RINDFLEISCH”/“RINDFLEISCH AUS BAYERN”
Nru tal-KE: DE-PGI-0105-01219 — 7.4.2014
IĠP ( X ) DOP ( )
1. Isem
“Bayerisches Rindfleisch”/“Rindfleisch aus Bayern”
2. Stat Membru jew pajjiż terz
Il-Ġermanja
3. Deskrizzjoni tal-prodott agrikolu jew tal-oġġett tal-ikel
3.1. It-tip ta’ prodott
Klassi 1.1 Laħam frisk (u l-ġewwieni)
3.2. Deskrizzjoni tal-prodott li għalih japplika l-isem fil-punt (1)
Il-laħam tat-tip “Bayerisches Rindfleisch” jikkonsisti minn karkassi jew laħam maqtugħ li joriġinaw mill-annimali bovini (ta’ kull kategorija) li jkunu twieldu, trabbew, issemmnu u nżammu fil-Bavarja sal-qatla. Il-laħam tat-tip “Bayerisches Rindfleisch” ma jrid juri l-ebda sinjal ta’ DFD fuq il-karkassa u l-valur tal-pH ma jistax jaqbeż is-6,0. DFD tfisser li l-laħam ikun skur (D dark), iebes (F firm) u xott (D dry). Il-laħam b’dawn il-karatteristiċi huwa kkunsidrat bħala difettuż. Barra minn hekk, il-laħam tat-tip “Bayerisches Rindfleisch” irid jissodisfa l-kriterji tal-klassijiet ta’ konformità E, U, R jew O tal-klassifikazzjoni tal-karkassi tal-Komunità u l-klassijiet 2, 3 u 4 tal-kisja tax-xaħam.
Minħabba l-kundizzjonijiet naturali u klimatiċi, teżisti differenza kbira bejn il-kompożizzjoni tar-razez tal-Bavarja u ta’ dawk tal-kumplament tal-Ġermanja. Din id-differenza tidher b’mod partikolari fl-istati federali tat-Tramuntana tal-Ġermanja fejn tiddomina r-razza ta’ baqar tal-ħalib Holstein-Friesian, filwaqt li fil-Bavarja, ir-razza Fleckvieh, li tintuża għal żewġ għanijiet, hija komuni ħafna (iktar minn 80 %), segwita mir-razez Braunvieh u Gelbvieh. Barra minn hekk, fil-Bavarja jeżistu wkoll razez li adattaw għall-post speċifiku tagħhom bħalma huma l-annimali bovini tar-razez Murnau-Werdenfelser u Pinzgauer. Madankollu, il-laħam tat-tip “Bayerisches Rindfleisch” jista’ joriġina biss mir-razez tradizzjonali tal-Bavarja bħalma huma l-annimali bovini tar-razez Fleckvieh, Braunvieh, Gelbvieh, Pinzgauer u Murnau-Werdenfelser.
Iċ-ċanga li tintuża għall-“Bayerisches Rindfleisch” trid tissodisfa wkoll ir-rekwiżiti addizzjonali li ġejjin fir-rigward tal-età u tal-piż meta tinqatel il-bhima, skont it-tip ta’ bhima għall-qatla:
Għoġol: bhima miftuma fl-età ta’ mill-inqas sitt xhur imma mhux iktar minn tmien xhur fi żmien il-qatla li jkollha piż minimu ta’ 120 kg u piż massimu ta’ 220 kg.
Annimal bovin ta’ età żgħira: annimal bovin ta’ età żgħira li jkollha bejn tmien xhur u tnax-il xahar b’piż minimu ta’ 150 kg u b’piż massimu ta’ 300 kg.
Annimal bovin adult: annimal bovin mara jew raġel li jkollu/jkollha iktar minn tnax-il xahar b’piż minimu ta’ 220 kg. Għall-qatla l-barrin irid ikollhom piż massimu ta’ 480 kg u età ta’ massimu ta’ 24 xahar. Għall-bhejjem nisa, l-età tal-qatla hija limitata għal massimu ta’ ħdax-il sena u l-piż massimu tal-qatla huwa ta’ 500 kg.
3.3. Il-materja prima (għall-prodotti pproċessati biss)
—
3.4. L-għalf (għall-prodotti li ġejjin mill-annimali biss)
—
3.5. Passi speċifiċi tal-produzzjoni li jridu jsiru fiż-żona ġeografika ddefinita
Il-bhejjem iridu jitwieldu, jitrabbew u jissemmnu fil-Bavarja, jiġifieri ċ-ċiklu kollu ta’ ħajjithom irid iseħħ hemmhekk.
Ma tapplika l-ebda restrizzjoni ġeografika dwar fejn trid issir il-qatla. Madankollu, il-bhejjem iridu jaslu l-biċċerija fi żmien tliet sigħat mill-qatla. Dan jiżgura li l-kwalità tal-laħam, li fuqha tiddependi ħafna r-reputazzjoni tal-laħam tat-tip “Bayerisches Rindfleisch”, tibqa’ għolja. Mill-banda l-oħra, ħinijiet twal ta’ trasportazzjoni jistgħu jnaqqsu mill-kwalità tal-laħam (eż. DFD).
Jenħtieġ li jiġu nnutati l-punti li ġejjin fir-rigward tal-fatturi ewlenin għall-assigurazzjoni tal-kwalità fl-istadji kollha tal-kummerċjalizzazzjoni tal-laħam tat-tip “Bayerisches Rindfleisch”. L-isem “Bayerisches Rindfleisch” jista’ jintuża biss għal-laħam mill-bhejjem, li r-reġistri tagħhom juru li twieldu u ssemmnu fil-Bavarja mingħajr interruzzjoni u li għalihom, minbarra dawn il-passi, inżammet il-konformità mal-kriterji tad-Dokument Uniku. Il-kwalità superjuri u kostanti hija ggarantita mill-fatt li kull bhima tkun irreġistrata fil-bażi tad-dejta tal-informazzjoni dwar l-oriġini tal-bhejjem (ara http://www.hi-tier.de/) jew f’sistemi komparabbli u ċertifikat ta’ prova tal-orġini jakkumpanja lill-bhima sal-punt tal-qatla.
3.6. Ir-regoli speċifiċi dwar it-tqattigħ, it-tħakkik, l-ippakkjar, eċċ.
—
3.7. Ir-regoli speċifiċi dwar it-tikkettar
—
4. Deskrizzjoni fil-qosor taż-żona ġeografika
Il-Bavarja (Freistaat Bayern)
5. Rabta maż-żona ġeografika
5.1. L-ispeċifiċità taż-żona ġeografika
It-trobbija tal-annimali bovini u l-użu assoċjat tal-mergħa ilhom jiddefinixxu parti kbira mill-pajsaġġ tal-Bavarja għal sekli sħaħ. Dan huwa partikolarment evidenti fiż-żoni muntanjużi tal-Bavarja u fl-għoljiet ta’ qabel l-Alpi, fejn l-użu tal-mergħat jiddomina fuq il-biedja, u fejn il-kundizzjonijiet klimatiċi u topografiċi jgħinu lill-produzzjoni tipika tal-annimali bovini tal-Bavarja. Sa minn żmien ilu ħafna, it-trobbija tal-annimali bovini kienet tifforma l-qalba tal-azjendi agrikoli ż-żgħar fil-mergħat fl-għoljiet ta’ qabel l-Alpi. Ta’ min jinnota wkoll li t-trobbija tal-annimali bovini ssir ukoll fi skala konsiderevoli fir-reġjuni l-oħra tal-Bavarja u li l-laħam li jirriżulta tradizzjonalment ukoll jiġi kkummerċjalizzat bħala “Bayerisches Rindfleisch”.
5.2. L-ispeċifiċità tal-prodott
It-trobbija tal-annimali bovini tal-Bavarja hija famuża u rrikonoxxuta mad-dinja kollha. Bħala riżultat ta’ dan, il-laħam tal-bhejjem imrobbija fil-Bavarja jiġi esportat fid-dinja kollha. L-assoċjazzjonijiet tat-trobbija tal-annimali bovini Weilheimer u Miesbacher igawdu minn suċċess kbir. L-annimali bovini tal-Bavarja għandhom reputazzjoni tajba mad-dinja kollha għax jagħtu ammont kbir ta’ laħam u ammont kbir ta’ ħalib.
L-annimali bovini tar-razez Fleckvieh, Braunvieh, Gelbvieh u Murnau-Werdenfelser li huma tipiċi tal-Bavarja, flimkien ma’ dawk tar-razza Pinzgauer, jammontaw għal iktar minn 90 % tal-popolazzjoni ta’ annimali bovini. Dawn ir-razez kollha joriġinaw b’mod predominanti jew esklużiv mill-Bavarja.
L-annimali bovini tar-razza Fleckviehs, li hija l-iktar razza importanti fil-produzzjoni taċ-ċanga u tal-vitella fil-Bavarja, storikament bdew fl-1837, meta Max Obermaier u Johann Fischbacher minn Gmund am Tegernsee ġabu xi bhejjem tar-razza magħrufa Simmental mill-Iżvizzera lejn Miesbach.
Illum il-ġurnata Miesbach hija l-iktar soċjetà importanti għall-bejgħ tal-baqar ta’ età żgħira u tal-għoġġiela tar-razza Fleckvieh. Iż-żona tat-trobbija hija mifruxa minn Munich sal-fruntiera mal-Awstrija, biż-żona tat-trobbija ta’ Weilheimer fil-Punent u ż-żona tat-trobbija ta’ Traunsteiner fil-Lvant. Madwar 50 000 baqra huma miktuba fir-reġistru tar-razza f’madwar 1 800 azjenda agrikola. L-annimali bovini ta’ età żgħira, prattikament jitkabbru billi jirgħu l-mergħat u l-għoljiet, għalkemm dan mhuwiex obbligatorju. L-aqwa kwalitajiet tal-bhejjem tat-trobbija huma: il-produttività, is-saħħa, l-aqwa bżieżel u l-aqwa struttura fiżika. L-annimali bovini Fleckvieh jistgħu jadattaw għall-kundizzjonijiet kollha tal-azjendi agrikoli. Is-soċjetà tat-trobbija ta’ Miesbach għamlet isem il-belt magħruf mal-Ewropa kif ukoll mad-dinja kollha.
Dak iż-żmien, minbarra l-Fleckvieh ġew żviluppati wkoll razez oħrajn tipiċi tal-Bavarja, fosthom ir-razez Allgäuer Braunvieh, Fränkische Gelbvieh, Pinzgauer u Murnau-Werdenfelser. Il-Braunvieh jinsabu l-iktar fir-reġjun muntanjuż aħrax u fir-reġjun tal-Alpi ta’Allgäu, kif ukoll fil-mergħat ħorox mifruxa lil hinn minnhom.
Il-laħam tat-tip “Bayerisches Rindfleisch” huwa famuż u għandu reputazzjoni tajba fil-Ġermanja u barra mill-pajjiż. Dan jiġi esportat fi kwantitajiet kbar l-iktar lejn l-Italja u Franza. Pereżempju fi Franza, il-laħam tat-tip “Bayerisches Rindfleisch” jiġi kkummerċjalizzat bħala “bouef de Bavière” (ċanga tal-Bavarja), u għalhekk igawdi mill-vantaġġ dirett tal-apprezzament kbir tal-konsumaturi Franċiżi.
Ir-riċerka mal-konsumaturi li saret mill-Università Teknika ta’ Munich fl-1998, fl-2003 u fl-2007 uriet b’mod ċar li l-konsumaturi għandhom apprezzament kbir għal-laħam tat-tip “Bayerisches Rindfleisch”. Ir-riċerka li saret fl-2003 u fl-2007 turi li l-laħam tat-tip “Bayerisches Rindfleisch” għandu reputazzjoni tajba, u dan jidher l-iktar mill-fatt li għall-“Bayerisches Rindfleisch”, il-konsumaturi kienu lesti jħallsu EUR 0,85 aktar fl-2003 u EUR 0,65 aktar fl-2007 għal kull kilo ta’ ċanga għax-xiwi.rispettivament. Barra minn hekk, fl-2003 sar stħarriġ madwar il-Ġermanja kollha u madwar 65 % tal-parteċipanti (88 % fin-Nofsinhar tal-Ġermanja) wieġbu li l-“Bayerisches Rindfleisch” huwa ta’ kwalità għolja ħafna jew ta’ kwalità għolja. F’dan il-kuntest, 75 % tal-konsumaturi li ħadu sehem fl-istħarriġ fin-Nofsinhar tal-Ġermanja qablu li l-Bavarja għandha kundizzjonijiet naturali tajbin għall-produzzjoni taċ-ċanga, 63 % qablu li l-kampanja tal-Bavarja għadha mhijiex imħassra u li dan iwassal għall-kwalità u għat-togħma tajba tal-“Bayerisches Rindfleisch”.
Għalhekk, il-kwalità għolja assoċjata mal-laħam tat-tip “Bayerisches Rindfleisch” hija msejsa fuq ir-rabta bejn l-oriġini u l-kwalità tiegħu kif meqjus mill-konsumaturi. Ir-reputazzjoni speċjali tal-prodott u r-rabta kawżali bejn ir-reputazzjoni u r-reġjun intwerew ħafna drabi permezz ta’ stħarriġ rappreżentattiv, anki reċentement.
Fil-Bavarja, iċ-ċanga kienet tisserva l-iktar fil-ġranet ta’ festi – fl-Għid, f’Għid il-Ħamsin, fil-fieri tal-knisja u fil-Milied. Sa minn żmien ilu ħafna, iċ-ċanga mgħollija kellha rwol importanti ħafna fil-kċejjen tal-Bavarja f’okkażjonijiet bħal dawn. Pereżempju, iċ-ċanga mgħollija (mill-gniedes) hija platt tipiku li huwa popolari ħafna fil-Bavarja. Platti tipiċi oħrajn tal-Bavarja huma t-“Tellerfleisch”, il-“Münchner Kronfleisch” u l-“Bofflamot” (bouef à la mode). Iċ-ċanga u l-vitella jintużaw ukoll biex isir wieħed mill-iktar prodotti famużi taz-zalzett fil-Bavarja li huwa l-“Münchner Weißwurst”. Il-kontenut tal-vitella tiegħu ta’ mill-inqas 51 % jagħti lil dan il-prodott dik it-togħma tipika li għamlitu famuż mad-dinja kollha.
Laħam ta’ kwalità għolja permezz tal-assigurazzjoni tal-kwalità fl-istadji kollha tal-kummerċjalizzazzjoni:
Ir-reputazzjoni speċjali tal-prodott matul dawn l-aħħar 20 sena kienet sostnuta u msaħħa permezz tas-sistema tal-assigurazzjoni tal-kwalità mmirata u mifruxa fuq l-istadji kollha tal-kummerċjalizzazzjoni.
Diversi miżuri kellhom rwol sinifikanti għall-fama tal-“Bayerisches Rindfleisch” u r-reputazzjoni tajba tiegħu mal-konsumaturi, b’mod partikolari l-esklużjoni tal-laħam DFD bi kwalità baxxa kif ukoll il-miżura u l-infurzar tal-valur massimu tal-pH ta’ 6,0 bħala kriterji obbligatorji għall-assigurazzjoni tal-kwalità.
5.3. Ir-rabta kawżali bejn iż-żona ġeografika u l-kwalità jew il-karatteristiċi tal-prodott (għad-DOP), jew kwalità speċifika, ir-reputazzjoni jew karatteristiċi oħrajn tal-prodott (għall-IĠP)
Il-maġġoranza tal-annimali bovini u l-baqar fil-Bavarja jitrabbew fir-reġjun tal-Alpi, fl-għoljiet ta’ qabel l-Alpi u fl-għoljiet qrib iż-żoni muntanjużi ta’ madwarhom fil-Lvant tal-Bavarja. F’żoni oħra tal-Bavarja wkoll, it-tradizzjoni ta’ sekli sħaħ u l-importanza ewlenija tat-trobbija tal-annimali bovini kif ukoll il-produzzjoni taċ-ċanga għamlu lill-bdiewa ta’ hemmhekk li jrabbu l-bhejjem u lill-bdiewa li jipproduċu ċ-ċanga speċjalisti fis-settur tagħhom. Il-laħam tat-tip “Bayerisches Rindfleisch” igawdi apprezzament kbir fost il-konsumaturi minħabba l-karatteristiċi bhejjem speċjali tiegħu f’termini ta’ kwalità, reputazzjoni u togħma, Barra minn hekk huwa laħam li ġej minn bhejjem maqtula tar-razez tipiċi tal-Bavarja li ġew deskritti hawn fuq u minn kundizzjonijiet naturali tajbin għall-produzzjoni taċ-ċanga li jissodisfaw il-kriterji speċifikati. Dan, flimkien mar-rwol importanti li l-laħam tal-annimali bovini lokali għandu fil-kultura kulinarja tal-Bavarja, ikkontribwew biex il-laħam tat-tip “Bayerisches Rindfleisch” isir speċjalità reġjonali li hija famuża sew lil hinn mill-fruntieri tal-Bavarja u li tgawdi apprezzament ferm kbir. Il-Bavarja hija r-reġjun federali numru wieħed tal-Ġermanja f’dak li għandu x’jaqsam mal-annimali bovini u għandha wkoll pożizzjoni internazzjonali għolja għat-trobbija tal-Fleckvieh, tal-Braunvieh u tal-Gelbvieh. Mit-12,7-il miljun annimal bovin tar-razez kollha tal-Ġermanja, madwar 3,5 miljun, jiġifieri 27 %, jinsabu fl-azjendi agrikoli tal-Bavarja.
Ir-reputazzjoni tajba tal-laħam tat-tip “Bayerisches Rindfleisch” mal-konsumaturi hija r-riżultat ta’ għexieren ta’ snin ta’ miżuri ta’ assigurazzjoni tal-kwalità implimentati mis-settur agroalimentari tal-Bavarja (“Geprüfte Qualität – Bayern”). Din ir-reputazzjoni ġiet iddokumentata b’mod ċar diversi drabi permezz tar-riċerka mal-konsumaturi msemmija hawn fuq li saret fl-1998, fl-2003 u fl-2007.
Referenza għall-pubblikazzjoni tal-ispeċifikazzjoni
(L-Artikolu 5(7) tar-Regolament (KE) Nru 510/2006 (4))
Markenblatt, il-parti 7a-bb tal-Volum 39 tas-27 ta’ Settembru 2013
https://register.dpma.de/DPMAregister/blattdownload/marken/2017/36/Teil-7/20170908
(1) ĠU L 343, 14.12.2012, p. 1.
(2) ĠU L 93, 31.3.2006, p. 12. Sostitwit bir-Regolament (UE) Nru 1151/2012.
(3) Ara n-nota ta’ qiegħ il-paġna 2.
(4) Ara n-nota ta’ qiegħ il-paġna 2.