ANNESS

APPLIKAZZJONI GĦAL EMENDA ĠDIDA LILL-ISPEĊIFIKAZZJONI TAL-PRODOTT

“DEALURILE ZARANDULUI”

PGI-RO-A0031-AM01

Data tas-sottomissjoni: 28.5.2015

1.   Regoli Applikabbli għall-Emenda

L-Artikolu 105 tar-Regolament (UE) Nru 1308/2013 – Emenda mhux minuri

2.   Deskrizzjoni u raġunijiet għall-emenda

2.1.   Emenda liż-żona demarkata

Iż-żona demarkata għall-produzzjoni ta’ nbejjed bl-indikazzjoni ġeografika “Dealurile Zarandului”, li tifrex tul il-Kontea ta’ Arad, għandha tiġi estiża biex tinkludi l-lokalitajiet Zăbrani, Neudorf, Frumuşeni, Cruceni, Fiscut, Firiteaz, Hunedoara Timişană, Dud u Agrişu Mare. Il-konfigurazzjoni taż-żona ġeografika finali li għaliha qed tintalab il-protezzjoni tal-inbejjed bl-indikazzjoni ġeografika għandha għalhekk tkun kif ġej:

il-Kontea ta’ Arad, id-dwieli ta’ Miniș-Măderat, biċ-ċentri tat-tkabbir tad-dwieli li ġejjin:

Miniș, lokalitajiet:

—	Il-belt ta’ Lipova (il-lokalitajiet ta’ Lipova u Radna)

—	Zăbrani (l-irħula ta’ Zăbrani u Neudorf)

—	Frumușeni (ir-raħal ta’ Frumușeni)

—	Păuliș (l-irħula ta’ Păuliș u Barațca)

—	Ghioroc (l-irħula ta’ Miniș, Ghioroc u Cuvin)

—	Covăsânț (ir-raħal ta’ Covăsânț)

Maderat, lokalitajiet:

—	Șiria (l-irħula ta’ Șiria, Galșa u Mâsca)

—	Il-belt ta’ Pâncota (il-lokalità ta’ Pâncota u r-raħal ta’ Maderat)

—	Târnova (l-irħula ta’ Târnova, Dud, Agrişu Mare u Drauţ)

—	Il-belt ta’ Ineu (il-lokalità ta’ Ineu u r-raħal ta’ Mocrea)

—	Șilindia (l-irħula ta’ Șilindia, Satu Mic u Luguzău)

Dealul Viilor, lokalitajiet:

—	Șagu (l-irħula ta’ Șagu, Cruceni, Fiscut, Firiteaz u Hunedoara Timișană)

Dorobanți, lokalitajiet:

—	Curtici (ir-raħal ta’ Dorobanți)

L-inbejjed bojod miksuba madwar Lipova, Zăbrani u Neudorf għandhom il-mineralità u t-togħma tipika tal-inbejjed min-Nofsinhar taż-żona tal-vinja Miniș-Măderat. Minħabba l-abbundanza tal-ħsadat, dawn għandhom aċidità relattivament għolja, li tkun kemxejn inqas mal-ewwel kuntatt, u aromi primarji ffurmati tajjeb. B’kuntrast ma’ dan, l-inbejjed ħomor iżommu l-karatteristika speċjali tal-kulur skur taż-żona sħiħa tal-vinja Miniș-Măderat: ħjiel vjola fuq l-isfond aħmar rubin brillanti iżda skur. L-inbejjed huma estrattivi. Skont l-istatistika ONVPV għas-snin 2012, 2013 u 2014, il-kontenut ta’ estratt niexef tal-inbejjed bojod jista’ jilħaq sa 19–20 g/l (Sauvignon), filwaqt li għall-inbejjed ħomor jista’ jitla’ sa 27,55 g/l (Cabernet Sauvignon). L-inbejjed prodotti fil-parti tat-Tramuntana tar-reġjun (Dud, Agrișu Mare, Luguzău) huma ifjen u għandhom aċidità aktar qawwija, minħabba l-istess estrattività: 19,44 g/l għall-inbejjed bojod (Pinot gris u Sauvignon) u 27,63 g/l għall-inbejjed ħomor (Merlot).

Deskrizzjoni tal-inbejjed prodotti fil-lokalitajiet taż-żona tipprovdi spjegazzjoni dwar l-ispeċifiċitajiet analitiċi u organolettiċi tagħhom. Analiżi komparattiva tal-inbejjed prodotti minn diversi varjetajiet ikkultivati kemm fiż-żona l-antika u kif ukoll fil-lokalitajiet li ġew inklużi dan l-aħħar matul l-aħħar erba’ snin ta’ ħsad turi li: il-qawwa alkoħolika naturali tal-varjetà Mustoasă de Măderat tvarja minn 11,76–12,30 % alkoħol, aċidità totali ta’ 6,0 g/l aċidu tartariku, estratt niexef totali 18,15–19,85 g/l; il-qawwa alkoħolika naturali tal-varjetà Riesling Italian tvarja minn 10,60–12,35 % alkoħol, aċidità totali ta’ 5,20–6,30 g/l aċidu tartariku, estratt niexef totali 17,20–21,10 g/l; il-qawwa alkoħolika naturali tal-varjetà Merlot tvarja minn 12,50–13,00 % alkoħol, aċidità totali ta’ 6,10–6,50 g/l aċidu tartariku, estratt niexef totali 24,65–27,55 g/l; u l-qawwa alkoħolika naturali tal-varjetà Cabernet Sauvignon tvarja minn 12,20–12,60 % alkoħol, aċidità totali ta’ 4,70–6,69 g/l aċidu tartariku, estratt niexef totali 20,63–24,75 g/l; Instab xebħ sinifikanti f’dak li għandu x’jaqsam mal-freskezza u l-fruttożità fil-varjetajiet bojod fil-lokalitajiet ta’ Lipova, Radna, Zăbrani, Neudorf, Păuliş u Baraţca. Ġew osservati togħmiet sekondarji simili ħafna f’varjetajiet bojod ta’ nbid minn pjantaġġuni fil-lokalitajiet ta’ Şagu, Cruceni, Fiscut, Firiteaz, Hunedoara Timişană u Frumuşeni. Il-ħamrija kannella chernozem tipproduċi nbejjed li huma estrattivi, ffurmati tajjeb u mimlija togħma fil-lokalitajiet ta’ Şilindia, Satu Mic, Luguzău, Dud u Agrişu Mare. Mhijiex koinċidenza li d-dwieli ilhom jiġu kkultivati fuq dawn l-artijiet minn żmien il-qedem.

Taħlita ta’ ftit għarfien dwar il-politika Ewropea dwar il-protezzjoni taż-żoni demarkati minn indikazzjoni ġeografika u nuqqas ta’ għaqdiet tal-produtturi tal-inbid fiż-żmien meta r-Rumanija ssieħbet mal-Unjoni Ewropea rriżultat f’sitwazzjoni fejn xi lokalitajiet bi tradizzjonijiet antiki ta’ produzzjoni ta’ nbejjed bi kwalità speċifika tħallew barra miż-żona ta’ Dealurile Zarandului.

DOKUMENT UNIKU

1.   Isem li għandu jiġi rreġistrat/Ismijiet li għandhom jiġu rreġistrati

Dealurile Zarandului

2.   Tip ta’ indikazzjoni ġeografika

IĠP — Indikazzjoni Ġeografika Protetta.

3.   Kategoriji għall-prodotti tad-dwieli

1.

Inbid

4.   Deskrizzjoni tal-inbid/inbejjed

Il-karatteristiċi kimiċi u organolettiċi

—	qawwa alkoħolika totali u attwali: mhux anqas minn 10 % tal-volum

—	l-aċidità totali (aċidu tartariku): mhux anqas minn 4,5 g/l.

—	aċidità volatili (aċidu aċetiku): mhux iktar minn 1,2 g/l

—	Estratt niexef li ma jirriduċix: mhux anqas minn 17 g/l,

—	it-total tad-diossidu tal-kubrit: mhux iktar minn 300 mg/l

—	id-diossidu tal-kubrit ħieles: mhux iktar minn 60 mg/l

1.   Muscat Ottonel:

—	Dehra: ċara, brillanti

—	Kulur: isfar lewn it-tiben jew isfar qawwi, skont il-kwalità tal-għeneb fil-ħsad

—	Riħa: delikata, xi ħjiel ta’ fjuri, riħa tipika tal-Muscat minn ħsadat fit-Tramuntana tal-vinji

—	Togħma: togħma tipika tal-Muscat, bi ħjiel bellusi pjaċevoli. Jeħtieġ korrezzjoni tal-aċidità.

2.   Traminer roz:

—	Dehra: ċara

—	Kulur: aħdar fl-isfar

—	Riħa: aroma ta’ petali tal-ward, speċjalment minn ħsadat fiż-żona tal-lokalità ta’ Păuliş

—	Togħma: speċifika, ta’ ħuxlief maħsud frisk

3.   Sauvignon:

—	Dehra: ċara, pjaċevoli

—	Kulur: isfar ċar b’laqtiet ħadrana

—	Riħa: ta’ fjuri tad-dwieli

—	Togħma: togħma ta’ frott, pjaċevolment aċiduża, armonjuża

4.   Pinot Gris:

—	Dehra: ċara

—	Kulur: abjad fl-aħdar, b’laqtiet kemxejn safranija

—	Riħa: tat-tuffieħ tas-sajf

—	Togħma: sħiħa, b’togħma ħafifa tal-qoxra tal-ħobż moħmi

5.   Feteasca regala:

—	Dehra: ċara

—	Kulur: isfar fl-aħdar

—	Riħa: aroma qarsa tat-tuffieħ tas-sajf, li tirrifletti l-kontenut minerali għoli tal-ħamrija skeletrika

—	Togħma: mimlija, definita tajjeb, li tinkorpora l-karattru distintiv tal-parti tat-Tramuntana tal-vinji

6.   Feteasca alba:

—	Dehra: ċara

—	Kulur: isfar fl-aħdar

—	Riħa: fjuri tad-dielja u tat-tuffieħ

—	Togħma: pjaċevoli, definita tajjeb, tipika

7.   Riesling italian:

—	Dehra: ċara

—	Kulur: abjad fl-aħdar

—	Riħa: ebda aroma primarja speċifika

—	Togħma: mimlija, tal-inbid, friska ħafna, pjaċevolment aċiduża

8.   Riesling de Rhin:

—	Dehra: ċara

—	Kulur: abjad fl-aħdar, tipika

—	Riħa: ebda aroma primarja partikolari

—	Togħma: tal-inbid, friska, pjaċevolment aċiduża

9.   Chardonnay:

—	Dehra: ċara, trasparenti

—	Kulur: isfar dehbi

—	Riħa: aroma tan-nwar tal-akaċja u tal-ħuxlief maħsud

—	Togħma: pjaċevoli, florali, b’aċidità ħafifa

10.   Mustoasă de Măderat

—	Dehra: ċara, pjaċevoli

—	Kulur: isfar fl-aħdar, bħal felli tal-lumi, tistħajlu għandu togħma kemxejn qarsa

—	Riħa: tuffieħ aħdar mhux misjur, b’noti tan-nwar tad-dwieli, speċjalment fiż-żoni fejn il-produzzjoni hija inqas mill-istandard għal din il-varjetà

—	Togħma: friska, rinfreskanti, vivaċi, minħabba l-aċidità għolja, speċjalment f’żoni b’livelli sinifikanti ta’ produzzjoni

11.   Furmint:

—	Dehra: ċara

—	Kulur: abjad fl-aħdar, b’laqtiet isfar ċar

—	Riħa: aroma primarja ta’ frott tropikali

—	Togħma: pjaċevoli, bħal frotta tropikali sukkulenti, oriġinali

12.   Furmint de Miniş:

—	Dehra: ċara

—	Kulur: abjad fl-aħdar, b’laqtiet isfar tal-lumi

—	Riħa: aroma ta’ frott tropikali

—	Togħma: pjaċevoli, friska, tfakkrek fi frotta tropikali sukkulenti, tipika

13.   Cabernet Sauvignon:

—	Dehra: ċara

—	Kulur: aħmar rubin intens, b’laqtiet blu qawwi meta jsir minn għeneb maħsud miż-żona minn Covăsânţ sa Lipova, li tiffavorixxi l-varjetajiet ħomor

—	Riħa: aroma distinta ta’ veġetazzjoni selvaġġa u tal-ħaxix

—

Togħma: l-inbid żagħżugħ huwa wisq aħrax, tanniku, veġetali u saħansitra ma tistax tixorbu; huwa jeħtieġ minimu ta’ sentejn maturazzjoni fil-bettija. Bil-maturazzjoni t-togħma titjieb u ssir pjaċevolment bellusija, mimlija u ratba. L-aċidità għolja tiegħu meta mqabbla ma’ vinji oħrajn u l-estratt ġeneruż iżidu s-sostenibbiltà tiegħu, u dan jiżgura l-freskezza maż-żmien.

14.   Merlot:

—	Dehra: ċara

—	Kulur: aħmar rubin, brillanti, bi ħjiel ta’ terrakotta wara l-maturazzjoni

—	Riħa: aroma pjaċevoli ta’ frott tal-foresti, lampun selvaġġ, u jakkwista noti tal-ballut u tal-vanilla b’riżultat tal-maturazzjoni

—	Togħma: l-astrinġenza hija aktar moderata milli fil-Cabernet Sauvignon; għandha konsistenza bellusija speċifika għal din il-varjetà, u takkwista bouquet attraenti bil-maturazzjoni

15.   Pinot noir:

—	Dehra: ċara

—	Kulur: aħmar ċirasa skur, brillanti

—	Riħa: aroma li tinbidel minn ċirasa għal frawli bil-maturazzjoni tal-inbid

—	Togħma: bellusija, delikata, kumplessa u raffinata, kostanti, speċjalment fin-Nofsinhar tal-vinja

16.   Fetească neagră:

—	Dehra: ċara

—	Kulur: aħmar granata intens

—	Riħa: aroma kumplessa, oriġinali, b’nota ta’ fjuri awtentika

—	Togħma: iffurmata sew, pjaċevoli u biżżejjed qawwija, ta’ togħma tajba u attraenti

17.   Burgund Mare

—	Dehra: ċara

—	Kulur: aħmar granata intens bi ħjiel ta’ vjola, il-kulur standard li jinsab fil-ħsadat fiż-żona minn Covăsânţ sa Lipova

—	Riħa: aroma ta’ frott tal-foresta misjur: tut u mirtilli

—	Togħma: ibbilanċjata, konsistenti, mhux aggressiva

18.   Syrah:

—	Dehra: ċara

—	Kulur: aħmar brillanti

—	Riħa: bouquet ta’ fjuri, b’aromi pikkanti intensi ħafna

—	Togħma: konsistenti, b’noti ta’ tin u astrinġenza fina

19.   Novac:

—	Dehra: ċara, trasparenti

—	Kulur: aħmar rubin intens, b’laqtiet fil-vjola

—	Riħa: bouquet ta’ mirtilli u aromi ta’ bżar iswed pikkanti

—	Togħma: tannin integrat tajjeb, konsistenti, b’aċidità fina

20.   Portugais bleu:

—	Dehra: ċara

—	Kulur: aħmar intens kulur il-briks

—	Riħa: bouquet ta’ frott aħmar, ribes u passolina ħamra

—	Togħma: lixxa, kemxejn tannika, b’aċidità fina; maqtugħ l-ewwel, iżomm il-karattru tipiku tiegħu speċjalment fiż-żona speċifika għall-varjetajiet ħomor

21.   Sangiovese

—	Dehra: ċara

—	Kulur: aħmar ċirasa

—	Riħa: bouquet ta’ frott irqiq u għeneb misjurin, iffurmata sewwa fil-ħsadat mit-Tramuntana tal-vinji

—	Togħma: tannika, b’aċidità fina, vivaċi, ħafifa

22.   Cadarcă:

—	Dehra: ċara

—	Kulur: aħmar brillanti

—	Riħa: aroma ta’ frott tal-foresta

—	Togħma: bellusija, kemxejn aċiduża u b’astrinġenza fina

Karatteristiċi analitiċi ġenerali

Qawwa alkoħolika attwali minima (f’volum %)	10
Aċidità totali minima	4,5 g għal kull litru, espressa bħala aċidu tartariku
Aċidità volatili massima (fi grammi għal kull litru)	1,2
Total ta’ diossidu tal-kubrit massimu (f’milligrammi għal kull litru)	300

5.   Metodi tal-produzzjoni tal-inbid

a.   Metodi enoloġiċi essenzjali

Prattiki enoloġiċi

Restrizzjonijiet rilevanti dwar il-produzzjoni tal-inbid

Il-qawwa alkoħolika naturali tista’ tiġi ssupplimentata biss skont il-kundizzjonijiet previsti mil-liġi. Il-qawwa alkoħolika naturali totali espress f’% tal-alkoħol skont il-volum tista’ tiġi miżjuda biss:

(a)	biż-żieda ta’ most ikkonċentrat jew most ikkonċentrat u msaffi fil-każ tal-għeneb frisk, il-most tal-għeneb parzjalment iffermentat jew inbid ġdid li jkun għadu fil-fermentazzjoni;

(b)	biż-żieda ta’ most ikkonċentrat jew ta’ most ikkonċentrat u msaffi, jew bil-konċentrazzjoni parzjali, li tinkludi l-ożmożi invertita, fil-każ tal-most.

Iż-żieda tas-sukrożju mhuwiex permess għall-produzzjoni ta’ nbejjed bl-indikazzjoni ġeografika “Dealurile Zarandului”.

b.   Produzzjoni massima

Il-produzzjoni tal-għeneb: Il-varjetajiet Fetească regală, Mustoasă de Măderat, Portugais bleu, u Sangiovese

15 000 kg ta’ għeneb għal kull ettaru

Il-produzzjoni tal-għeneb: Il-varjetajiet Furmint, Furmint de Miniş, Riesling de Rhin, Riesling italian, Merlot, Fetească neagră, u Novac

12 500 hl għal kull ettaru

Il-produzzjoni tal-għeneb: Il-varjetajiet Burgund mare, il-varjetajiet Fetească albă Cadarcă

12 500 hl għal kull ettaru

Il-produzzjoni tal-għeneb: Il-varjetajiet Muscat Ottonel, Pinot gris, Chardonnay, Sauvignon, Traminer roz, Cabernet Sauvignon, Pinot noir, u Syrah

10 000 hl għal kull ettaru

Il-produzzjoni tal-inbid, l-inbejjed bojod

95 hl għal kull ettaru

Il-produzzjoni tal-inbid, aħmar u rosé, inbejjed aromatizzati

85 hl għal kull ettaru

6.   Żona demarkata

Il-Kontea ta’ Arad, il-vinja Miniș-Măderat, ċentri:

Miniș, lokalitajiet:

—	Il-belt ta’ Lipova (Lipova u Radna)

—	Zăbrani (l-irħula ta’ Zăbrani u Neudorf)

—	Frumușeni (ir-raħal ta’ Frumușeni)

—	Păuliș (l-irħula ta’ Păuliș u Barațca)

—	Ghioroc (l-irħula ta’ Miniș, Ghioroc u Cuvin)

—	Covăsânț (ir-raħal ta’ Covăsânț)

Măderat, lokalitajiet:

—	Șiria (l-irħula ta’ Șiria, Galșa u Mâsca)

—	Il-belt ta’ Pâncota (Pâncota u r-raħal ta’ Măderat)

—	Târnova (l-irħula ta’ Târnova, Dud, Agrişu Mare u Drauţ)

—	Il-belt ta’ Ineu (Ineu u r-raħal ta’ Mocrea)

—	Șilindia (l-irħula ta’ Șilindia, Satu Mic u Luguzău)

Dealul Viilor, lokalitajiet:

—	Șagu (l-irħula ta’ Șagu, Cruceni, Fiscut, Firiteaz u Hunedoara Timișană)

Dorobanți, lokalitajiet:

—	Curtici (ir-raħal ta’ Dorobanți)

7.   Għenbiet ewlenin tal-inbid

Cadarcă N

Burgund Mare N

Pinot Gris G

Fetească neagră N

Muscat Ottonel B

Cabernet Sauvignon N

Sauvignon B

Merlot N

Fetească regală B

Fetească albă B

Furmint de Miniş B

Furmint B

Chardonnay B

Novac N

Mustoasă de Măderat B

Syrah N

Sangiovese N

Traminer Roz Rs

Riesling italian B

Riesling de Rhin B

Portugais Bleu N

Pinot Noir N

8.   Deskrizzjoni tar-rabta/rabtiet

Rabta maż-żona żona demarkata

Il-fattur naturali speċifiku jingħata mill-għoljiet Zarand, li huma kkaratterizzati minn ħamrija skeletrika b’kontenut għoli tal-ħadid u tal-mikroelementi. Dawn l-ispazji vojta bejn l-għoljiet jipprovdu varjetà ta’ kundizzjonijiet topoklimatiċi, speċifiċi għall-vinji individwali f’din iż-żona, f’kundizzjonijiet li huma simili f’termini tal-pożizzjoni ġeoklimatika u tal-varjetajiet ikkultivati.

Il-pjantaġġuni tad-dwieli għandhom esponiment tan-Nofsinhar b’mod predominanti, b’xi skoperturi eċċezzjonali fil-Lbiċ u fix-Xlokk. B’riżultat ta’ dan, vinji individwali differenti, li jinsabu fuq l-istess latitudni u lonġitudni u li jikkultivaw l-istess varjetà ta’ għenba, huma distinti minn xulxin b’varjetà ta’ karatteristiċi topoklimatiċi. L’għelieqi mżerżqa mtarrġin użati għall-koltivazzjoni tad-dwieli jnaqqsu u jillimitaw il-forza tal-irjieħ u tal-kurrenti tal-arja kesħin. Fit-temp kalm, it-tisħin tal-għoljiet jiżgura ċirkolazzjoni ħafifa tal-arja, li hija favorevoli għall-proċessi fiżjoloġiċi tal-pjanti u biex joħorġu l-kwalitajiet tal-għeneb. L-għoljiet jipprevjenu l-istaġnar tal-ilma żejjed, jgħinu fit-tisħin tal-ħamrija u fil-prevenzjoni tal-kolonizzazzjoni tal-moffa griża.

Il-mikroklima, bl-influwenzi Mediterranji tagħha, tirriżulta f’rebbiegħa bikrija u b’ħafna xita, u ħarifa twila, sħuna u xotta. Dejta ekoklimatika: temperatura medja annwali: 11,2 °C, preċipitazzjoni annwali totali: 644 mm, temperaturi attivi totali: 3 291 °C, it-total ta’ sigħat ta’ xemx: 1 490, it-total ta’ preċipitazzjoni attiva: 365 mm. Il-medja ta’ għaxar snin għall-umdità relattiva hija ta’ madwar 75 %. L-inbejjed miksubin minn ħamrija skeletrika, ferruġinuża għandhom kulur aħmar brillanti b’laqtiet rubini profondi u huma ġenerużi u espressivi ħafna.

Il-valutazzjoni organolettika tal-inbejjed prodotti fuq l-għoljiet Zarand turi intensità qawwija ta’ kulur fil-varjetajiet ħomor, b’laqtiet fil-blu qawwija fl-inbejjed żgħażagħ li jsiru ħomor kulur il-briks meta jimmaturaw l-inbejjed. Minn togħma astrinġenti tannika meta jkun żagħżugħ, l-inbid isir ibbilanċjat, sod, pjaċevoli, b’palat qawwi u bellusi mal-maturazzjoni.

L-inbejjed bojod miksuba madwar Lipova, Zăbrani u Neudorf għandhom il-mineralità u t-togħma tipika tal-inbejjed min-Nofsinhar taż-żona tal-vinja Miniș-Măderat. Minħabba l-abbundanza tal-ħsadat, dawn għandhom aċidità relattivament għolja, li tkun kemxejn inqas mal-ewwel kuntatt, u aromi primarji ffurmati tajjeb. B’kuntrast ma’ dan, l-inbejjed ħomor iżommu l-karatteristika speċjali tal-kulur skur taż-żona sħiħa tal-vinja Miniș-Măderat: ħjiel vjola fuq l-isfond aħmar rubin brillanti iżda skur. L-inbejjed huma estrattivi. Skont l-istatistika ONVPV għas-snin 2012, 2013 u 2014, il-kontenut ta’ estratt niexef tal-inbejjed bojod jista’ jilħaq sa 19–20 g/l (Sauvignon), filwaqt li għall-inbejjed ħomor jista’ jitla’ sa 27,55 g/l (Cabernet Sauvignon). L-inbejjed prodotti fil-parti tat-Tramuntana tar-reġjun (Dud, Agrișu Mare, Luguzău) huma ifjen u għandhom aċidità aktar qawwija, minħabba l-istess estrattività: 19,44 g/l għall-inbejjed bojod (Pinot gris u Sauvignon) u 27,63 g/l għall-inbejjed ħomor (Merlot).

Deskrizzjoni tal-inbejjed prodotti fil-lokalitajiet taż-żona tipprovdi spjegazzjoni dwar l-ispeċifiċitajiet analitiċi u organolettiċi tagħhom. Analiżi komparattiva tal-inbejjed prodotti minn diversi varjetajiet ikkultivati kemm fiż-żona l-antika u kif ukoll fil-lokalitajiet li ġew inklużi dan l-aħħar matul l-aħħar erba’ snin ta’ ħsad turi li: il-qawwa alkoħolika naturali tal-varjetà Mustoasa de Măderat tvarja minn 11,76–12,30 % alkoħol, aċidità totali ta’ 6,0 g/l aċidu tartariku, estratt niexef totali 18,15–19,85 g/l; il-qawwa alkoħolika naturali tal-varjetà Riesling Italian tvarja minn 10,60–12,35 % alkoħol, aċidità totali ta’ 5,20–6,30 g/l aċidu tartariku, estratt niexef totali 17,20–21,10 g/l; il-qawwa alkoħolika naturali tal-varjetà Merlot tvarja minn 12,50–13,00 % alkoħol, aċidità totali ta’ 6,10–6,50 g/l aċidu tartariku, estratt niexef totali 24,65–27,55 g/l; u l-qawwa alkoħolika naturali tal-varjetà Cabernet Sauvignon tvarja minn 12,20–12,60 % alkoħol, aċidità totali ta’ 4,70–6,69 g/l aċidu tartariku, estratt niexef totali 20,63–24,75 g/l; Instab xebħ sinifikanti f’dak li għandu x’jaqsam mal-freskezza u l-fruttożità fil-varjetajiet bojod fil-lokalitajiet ta’ Lipova, Radna, Zăbrani, Neudorf, Păuliş u Baraţca. Ġew osservati togħmiet sekondarji simili ħafna f’varjetajiet bojod ta’ nbid minn pjantaġġuni fil-lokalitajiet ta’ Şagu, Cruceni, Fiscut, Firiteaz, Hunedoara Timişană u Frumuşeni. Il-ħamrija kannella chernozem tipproduċi nbejjed li huma estrattivi, ffurmati tajjeb u mimlija togħma fil-lokalitajiet ta’ Şilindia, Satu Mic, Luguzău, Dud u Agrişu Mare. Mhijiex koinċidenza li d-dwieli ilhom jiġu kkultivati fuq dawn l-artijiet minn żmien il-qedem.

9.   Kundizzjonijiet essenzjali oħra

Qafas legali:

Fil-leġiżlazzjoni nazzjonali

Tip ta’ kundizzjoni ulterjuri:

Dispożizzjonijiet addizzjonali dwar it-tikkettar

Deskrizzjoni tal-kundizzjoni:

Ebda dispożizzjoni oħra.

10.   Link għall-ispeċifikazzjoni tal-prodott

http://www.onvpv.ro/sites/default/files/caiet_de_sarcini_ig_dealurile_zarandului_modif_cf_notif_133_2016_accept_changes_18032016.pdf

ANNESS

APPLIKAZZJONI GĦAL EMENDA ĠDIDA GĦALL-ISPEĊIFIKAZZJONI TAL-PRODOTT

“DEALURILE CRIŞANEI”

PGI-RO-A0106-AM01

Data tas-sottomissjoni: 3.6.2015

1.   Regoli applikabbli għall-emenda

L-Artikolu 105 tar-Regolament (UE) Nru 1308/2013 – Emenda mhux minuri

2.   Deskrizzjoni u raġunijiet għall-emenda

2.1.   Emenda liż-żona demarkata

L-assoċjazzjoni tal-Produtturi tal-Inbid tal-vinji tradizzjonali ta’ Satu Mare ressqet applikazzjoni biex timmodifika l-ispeċifikazzjonijiet għad-Dealurile Sătmarului GI, biex tiġi estiża ż-żona tal-produzzjoni demarkata biex tinkludi l-lokalitajiet li għandhom il-karatteristiċi speċifiċi taż-żona ta’ Satu Mare. Dawn il-lokalitajiet kienu ġew inklużi b’mod skorrett fiż-żona ddemarkata tal-ispeċifikazzjonijiet għad-Dealurile Crișanei GI, peress illi hemm serje ta’ argumenti rigward il-post u l-fatturi ekopedoklimatiċi f’dawk il-lokalitajiet, li huma speċifiċi għaż-żona tal-indikazzjoni Dealurile Sătmarului u mhux dik Dealurile Crișanei. Dan ta’ hawn fuq huwa sostnut b’informazzjoni rigward l-inbejjed mir-reġjun tal-produzzjoni tal-inbid ta’ Dealurile Sătmarului, jiġifieri minn Rătești, li ilhom ħafna jiġu prodotti u li huma magħrufa bl-isem “Dealurile Răteștilor” jew “Vinul de Halmeu”.

L-inklużjoni tal-lokalitajiet in kwistjoni fiż-żona ta’ Satu Maru u, għalhekk, fl-indikazzjoni “Dealurile Sătmarului” u mhux f’“Dealurile Crișanei”, hija appoġġata b’dejta dwar ir-riżalt u l-klima ta’ għoljiet bħal Ardud-Beltiug-Hurez, Hododului, Tășnad-Săuca-Pir, Săcășeni-Supur, Tășnad-Cehal, li huma iktar weqfin u huma mtarrġa b’tali mod li jpattu għal kemm huma weqfin, b’ħamrija tat-tafal aħmar tal-Plejstoċenu u b’xaqlibiet li jħarsu lejn it-Tramuntana inqas weqfin koperti b’ħamrija aktar podżolika. L-influwenzi Mediterranji jippermettu l-iżvilupp u l-produzzjoni ta’ nbejjed b’aromi tal-fjuri jew tal-frott (il-frott irqiq tal-bosk tal-Pinot noir, tal-Merlot, tal-Burgund mare), kif ukoll inbejjed b’riħa ta’ bżar jew ħaxix b’noti primarji pjaċevoli (Fetească albă, Furmint). It-togħmiet huma tipiċi tal-varjetà: togħma mimlija, tannika, bellusija u b’astrinġenza moderata, qawwija, friska (l-inbejjed bojod).

Il-lokalitajiet li qegħdin jitneħħew miż-żona tal-indikazzjoni ġeografika “Dealurile Crişanei” jinsabu fil-kontea ta’ Satu Mare. Dawn huma:

—	Valea lui Mihai

—	Il-muniċipalità ta’ Carei, il-lokalità ta’ Carei

—	Pir (ir-raħal ta’ Pir)

—	Săuca (ir-raħal ta’ Săuca)

—	Cehal (l-irħula ta’ Cehal, Cehăluț u Orbău)

—	Il-belt ta’ Tășnad, bil-lokalità ta’ Tășnad

—	Sanislău, fil-Kontea ta’ Satu Mare, bil-lokalità ta’ Sanislău (ir-raħal ta’ Sanislău)

—

Rătești, bil-lokalitajiet: — Beltiug (l-irħula ta’ Beltiug, Rătești u Șandra) — Ardud (l-irħula ta’ Ardud, Ardud Vii u Gerăușa) — Viile Satu Mare (l-irħula ta’ Viile Satu Mare u Tătărăști) — Socond (l-irħula ta’ Socond u Hodişa) — Supur (l-irħula ta’ Dobra, Hurezu Mare u Racova) — Acâș (ir-raħal ta’ Unimăt) — Bogdand (l-irħula ta’ Bogdand, Babța, Ser u Corund) — Hodod (l-irħula ta’ Hodod, Nadișu Hododului, Lelei, Giurtelecu Hododului)

Il-lokalitajiet ta’ hawn fuq ma għadhomx fiż-żona ddemarkata tal-indikazzjoni “Dealurile Crişanei”.

Bid-demarkazzjoni mill-ġdid taż-żona ġeografika tal-indikazzjoni ġeografika “Dealurile Crişanei” bit-tneħħija tal-lokalitajiet elenkati hawn fuq li jinsabu fit-territorju tal-Kontea ta’ Satu Mare, iż-żona tal-kultivazzjoni u tal-produzzjoni demarkata li minnha se jinkisbu l-inbejjed bl-indikazzjoni ġeografika se tinkludi dawn li ġejjin:

Il-Kontea ta’ Bihor, il-lokalitajiet:

—	Diosig (l-irħula ta’ Diosig u Vaida)

—	Săcueni (l-irħula ta’ Săcueni u Cadea)

—	Ciuhoi (l-irħula ta’ Sâniob u Ciuhoi)

—	Biharia (ir-raħal ta’ Biharia)

—	Cetariu (l-irħula ta’ Şişterea u Paleu)

—	Tileagd (ir-raħal ta’ Tileagd)

—	Valea lui Mihai.

Il-Kontea ta’ Sălaj, il-lokalitajiet:

—	il-belt ta’ Șimleu Silvaniei, il-lokalitajiet ta’ Șimleu Silvaniei u Cehei

—	Nuşfalău (l-irħula ta’ Nuşfalău, Boghiş, Bozieş u Bilghez)

—	Vârşolţ (ir-raħal ta’ Vârşolţ)

—	Ip (l-irħula ta’ Ip, Zăuan, Zăuan Băi)

—	Camăr (ir-raħal ta’ Camăr)

—	Pericei (l-irħula ta’ Pericei, Sici u Bădăcin)

—	Carastelec (l-irħula ta’ Carastelec u Dumuslău)

—	Crasna (ir-raħal ta’ Crasna)

—	Măerişte (ir-raħal ta’ Măerişte, Doh u Uileacu Şimleului)

—	il-muniċipalità ta’ Zalău, il-lokalità ta’ Zalău

—	Meseşenii de Jos (l-irħula ta’ Meseşenii de Jos u Aghireş)

—	Crişeni (Crişeni u Gârceiu)

—	Hereclean (l-irħula ta’ Hereclean, Guruslău, Dioşod u Badon)

—	Dobrin (l-irħula ta’ Dobrin u Doba)

—	Horoatu Crasnei (ir-raħal ta’ Horoatu Crasnei)

—	Coşeiu (Coşeiu u Archid)

—	Şamşud (l-irħula ta’ Şamşud u Valea Pomilor)

—	Bocşa (l-irħula ta’ Bocşa u Borla)

—	Sărmăşag (l-irħula ta’ Sărmăşag, Lompirt, Ilisua u Moiad)

—	Bobota (l-irħula ta’ Bobota, Dersida u Zalnoc).

Il-lokalità ta’ Valea lui Mihai fil-kontea ta’ Satu Mare, bi żball ġiet inkluża fl-indikazzjoni ġeografika ta’ “Dealurile Crişanei” fil-fajl tekniku li ntbagħat lill-Kummissjoni skont l-Artikolu 118(s) tar-Regolament (KE) Nru 1234/2007.

L-iżball tal-inklużjoni tal-lokalità ta’ Valea lui Mihai fil-kontea ta’ Satu Mare, fiż-żona tal-indikazzjoni, huwa minħabba li fil-passat, skont id-diviżjoni/id-demarkazzjoni taż-żoni tat-tkabbir tad-dwieli fil-perjodu tar-reġim Komunista fir-Rumanija, meta l-lokalitajiet ġew organizzati skont il-vinji u ċ-ċentri għat-tkabbir tad-dwieli, kien hemm vinja magħrufa bl-isem ta’ Valea lui Mihai li estendiet fiż-żewġ kontej, Satu Mare u Bihor.

Skont l-Ordni tal-Ministru tal-Agrikoltura, tal-Ikel u tal-Forestrija Nru 397/2003 li tapprova d-Deżinjazzjoni taż-żoni tat-tkabbir tad-dwieli għall-inbid u r-raggruppament tal-lokalitajiet f’reġjuni tat-tkabbir tad-dwieli, vinji u ċentri tat-tkabbir tal-inbid (ippubblikata fil-Gazzetta Uffiċjali Nru 513 tas-16 ta’ Lulju 2003), fil-punt V — Ir-Reġjuni tat-tkabbir tal-Inbid ta’ Crişanei u Maramureşului, il-pożizzjoni 28 tqiegħed lil Valea lui Mihai fil-kontea ta’ Satu Mare barra minn Bihor, fuq il-bażi tas-setturi l-qodma msemmija hawn fuq.

DOKUMENT UNIKU

1.   Isem li għandu jiġi rreġistrat/Ismijiet li għandhom jiġu rreġistrati

Dealurile Crişanei

2.   Tip ta’ indikazzjoni ġeografika

IĠP — Indikazzjoni Ġeografika Protetta.

3.   Kategoriji għall-prodotti tad-dwieli

1.

Inbid

4.   Deskrizzjoni tal-inbid/inbejjed

Il-karatteristiċi kimiċi u organolettiċi

—	qawwa alkoħolika attwali: minimu ta’ 10 % skont il-volum;

—	l-aċidità totali (aċidu tartariku): minimu ta’ 4,5 g/l;

—	aċidità volatili (aċidu aċetiku): massimu ta’ 1,2 g/l;

—	estratt niexef li ma jirriduċix: mhux anqas minn 17 g/l;

—	it-total tad-diossidu tal-kubrit: massimu ta’ 300 mg/l;

—	id-diossidu tal-kubrit ħieles: massimu ta’ 60 mg/l

1.   Sauvignon:

—	Dehra: ċara, pjaċevoli

—	Kulur: aħdar fl-isfar, brillanti, l-ebda marka ta’ ossidazzjoni

—	Riħa: aroma raffinata tal-fjura tas-sebuqa

—	Togħma: b’togħma ta’ frott, pjaċevoli

2.   Traminer roz:

—	Dehra: ċara, pjaċevoli

—	Kulur: isfar fl-aħdar, brillanti

—	Riħa: aroma friska, pjaċevoli tal-petali tal-ward

—	Togħma: delikata, armonjuża, il-maturazzjoni fil-flixkun tagħti kwalitajiet distinti

3.   Pinot Gris:

—	Dehra: ċara, pjaċevoli

—	Kulur: abjad fl-aħdar, b’laqtiet kemxejn safranija

—	Riħa: aroma primarja pjaċevoli tat-tuffieħ imqatta’ frisk

—	Togħma: ratba, palatabbli, b’togħma ħafifa tal-qoxra tal-ħobż tas-segala u ta’ fjuri tal-akaċja

4.   Fetească regală:

—	Dehra: ċara

—	Kulur: isfar fl-aħdar, jista’ jsir isfar dehbi fil-maturità tal-konsum

—	Riħa: aroma tat-tuffieħ tas-sajf daqsxejn qares, meta jkun kemxejn immaturat ikollu togħma ħafifa ta’ ħuxlief maħsud frisk u ta’ għasel

—	Togħma: distintiva, qawwija, li ssir kemxejn qisha l-etere bil-maturazzjoni, ibbilanċjata

5.   Fetească albă:

—	Dehra: ċara, pjaċevoli

—	Kulur: abjad fl-aħdar

—	Riħa: aroma primarja pjaċevoli

—	Togħma: pjaċevoli, partikolari, bħat-tuffieħ tas-sajf

6.   Riesling varietal (Riesling de Rhin, Riesling Italian):

—	Dehra: ċara

—	Kulur: isfar fl-aħdar, brillanti

—	Riħa: ebda aroma primarja speċifika, għandha noti ġeblin, minerali fil-maturità

—	Togħma: palatabbli, togħma ta’ frott, friska immens, pjaċevolment aċidulata, nadifa u sobrija

7.   Chardonnay

—	Dehra: ċara, pjaċevoli

—	Kulur: isfar dehbi

—	Riħa: aroma karatteristika tal-akaċja

—	Togħma: ratba, żejtnija, mimlija, bellusija, u armonjuża

8.   Iordană

—	Dehra: ċara, pjaċevoli

—	Kulur: isfar fl-aħdar

—	Riħa: tuffieħ aħdar nej

—	Togħma: friska u vivaċi minħabba l-livell għoli ta’ aċidità, għandu jiġi kkunsmat bħala “inbid żagħżugħ”

9.   Mustoasă de Măderat:

—	Dehra: ċara, pjaċevoli

—	Kulur: isfar fl-aħdar, bħal tal-lumi mhux misjur, jekk jiġi mmaturat fil-flixkun isir isfar ċar

—	Riħa: tuffieħ aħdar nej, friska, b’ noti ta’ fjura tad-dwieli

—	Togħma: friska u rinfreskanti, vivaċi minħabba l-livell għoli ta’ aċidità iżda fl-istess ħin inbid “fit-tul”, li jista’ jiġi kkunsmat mill-ewwel mingħajr il-bżonn ta’ maturazzjoni

10.   Furmint:

—	Dehra: ċara, pjaċevoli

—	Kulur: abjad fl-aħdar b’laqtiet ta’ isfar ċar u mingħajr marki tal-ossidazzjoni

—	Riħa: aroma primarja pjaċevoli ta’ frott eżotiku

—	Togħma: pjaċevoli, simili għal dik ta’ frotta eżotika.

11.   Furmint de Miniş:

—	Dehra: ċara, pjaċevoli

—	Kulur: abjad fl-aħdar b’laqtiet ta’ isfar ċar u mingħajr marki tal-ossidazzjoni

—	Riħa: aroma primarja pjaċevoli ta’ frott eżotiku

—	Togħma: pjaċevoli, imponenti, b’finitura ċara u akkattivanti, oriġinali.

12.   Muscat Ottonel:

—	Dehra: ċara u brillanti

—	Kulur: isfar lewn it-tiben jew isfar intens, skont il-kwalità tal-għeneb fil-ħsad

—	Riħa: noti delikati ta’ fjuri, aroma tipika tal-Muscat, kumplessa ħafna, sottili u delikata.

—	Togħma: togħma tipika tal-Muscat, sottili, delikata, sħiħa, armonjuża, mimlija b’mod pjaċevoli u kemxejn bellusija.

13.   Tămâioasă românească:

—	Dehra: ċara u brillanti

—	Kulur: isfar lewn it-tiben jew isfar intens, skont il-kwalità tal-għeneb fil-ħsad

—	Riħa: noti delikati ta’ fjuri, aroma tipika, sottili u delikata;

—	Togħma: aroma tipika tal-inċens, palat qawwi, armonjuża, b’nota bellusija pjaċevoli

14.   Cabernet Sauvignon:

—	Dehra: ċara, trasparenti

—	Kulur: aħmar rubin

—	Riħa: aroma distinta ta’ veġetazzjoni u ħaxix

—	Togħma: ħarxa, tannika, iebsa, bil-maturazzjoni ssir pjaċevolment bellusija, mimlija u iktar ratba

15.   Pinot noir:

—	Dehra: ċara, trasparenti

—	Kulur: aħmar ċirasa skur

—	Riħa: aroma li tinbidel minn ċirasa għal ċirasa qarsa misjura mal-maturazzjoni

—	Togħma: fina, bellusija, delikata, kumplessa u rfinuta

16.   Merlot:

—	Dehra: ċara, trasparenti

—	Kulur: aħmar rubin, brillanti

—	Riħa: aroma pjaċevoli ta’ frott tal-foresti, lampun frisk

—	Togħma: l-astrinġenza hija aktar moderata milli fil-każ tal-Cabernet Sauvignon, u għandha l-konsistenza bellusija speċifika għal din il-varjetà.

17.   Fetească neagră:

—	Dehra: ċara, trasparenti

—	Kulur: aħmar granata intens

—	Riħa: aroma kumplessa u oriġinali

—	Togħma: iffurmata sew, pjaċevoli u biżżejjed qawwija, ta’ togħma tajba u attraenti

18.   Burgund mare:

—	Dehra: ċara, pjaċevoli

—	Kulur: aħmar granata bi ħjiel ta’ vjola, kulur intens

—	Riħa: aroma ta’ frott tal-foresta misjur passolina ħamra, cowberry, tut u mirtilli.

—	Togħma: ibbilanċjata, konsistenti, dewwiema, mhux aggressiva.

19.   Syrah:

—	Dehra: ċara, trasparenti

—	Kulur: aħmar brillanti

—	Riħa: riħa ta’ fjuri b’aromi intensi ħafna li jfakkruk fil-bżar

—	Togħma: tannika, konsistenti, b’palat qawwi

5.   Metodi tal-produzzjoni tal-inbid

a.   Metodi enoloġiċi essenzjali

Prattiki enoloġiċi

Restrizzjonijiet rilevanti dwar il-produzzjoni tal-inbid:

Iż-żieda tas-sakkarożju mhijiex permessa għall-produzzjoni ta’ nbejjed bl-indikazzjoni ġeografika “Dealurile Crișanei”.

b.   Produzzjoni massima

Il-produzzjoni tal-għeneb — għall-varjetajiet Fetească regală, Iordană, Mustoasa de Maderat:

15 000 kg ta’ għeneb għal kull ettaru

Il-produzzjoni tal-għeneb — għall-varjetajiet Fetească albă, Furmint, Furmint de Miniș, Riesling de Rhin u Riesling Italian:

12 500 kg ta’ għeneb għal kull ettaru

Il-produzzjoni tal-għeneb — għall-varjetajiet Merlot, Feteasca neagra u Burgund mare:

12 500 kg ta’ għeneb għal kull ettaru

Il-produzzjoni tal-għeneb — għall-varjetajiet Muscat Ottonel, Tămâioasă românească, Pinot gris, Chardonnay, Sauvignon, Traminer roz:

10 000 kg ta’ għeneb għal kull ettaru

Il-produzzjoni tal-għeneb — għall-varjetajiet Cabernet Sauvignon, Pinot noir u Syrah:

10 000 kg ta’ għeneb għal kull ettaru

Il-produzzjoni tal-inbid — għall-inbejjed bojod:

95 hl għal kull ettaru

Il-produzzjoni tal-inbid — għall-inbejjed ħomor, rosé u aromatiċi:

85 hl għal kull ettaru

6.   Żona demarkata

Il-kontea ta’ Bihor

—	l-irħula ta’ Diosig u Vaida

—	l-irħula ta’ Săcueni u Cadea

—	l-irħula ta’ Sâniob, Ciuhoi u Biharia

—	l-irħula ta’ Cetariu — Șișterea u Paleu

—	ir-raħal ta’ Tileagd

—	ir-raħal ta’ Valea lui Mihai

Il-kontea ta’ Sălaj

Il-belt ta’ Șimleu Silvaniei, bil-lokalitajiet ta’ Șimleu Silvaniei u Cehei

—	l-irħula Nușfalău, Boghiș, Bozieș u Bilghez

—	ir-raħal ta’ Vârșolț

—	l-irħula ta’ Ip, Zăuan and Zăuan Băi

—	ir-raħal ta’ Camăr

—	l-irħula ta’ Pericei, Sici u Bădăcin

—	l-irħula ta’ Carastelec, Dumuslău u Crasna

—	l-irħula ta’ Măeriște, Doh u Uileacu Șimleului

Il-muniċipalità ta’ Zalău

—	l-irħula ta’ Meseșenii de Jos u Aghireș

—	l-irħula ta’ Crișeni u Gârceiu

—	l-irħula ta’ Hereclean, Guruslău, Dioșod u Badon

—	l-irħula ta’ Dobrin u Doba

—	l-irħula ta’ Horoatu Crasnei, Coșeiu u Archid

—	l-irħula ta’ Şamşud, Valea Pomilor, Bocşa u Borla

—	l-irħula ta’ Sărmăşag, Lompirt, Ilisua u Moiad

—	l-irħula ta’ Bobota, Dersida u Zalnoc

7.   Għenbiet ewlenin tal-inbid

Burgund Mare N

Tămâioasă românească B

Pinot Gris G

Fetească neagră N

Muscat Ottonel B

Cabernet Sauvignon N

Sauvignon B

Merlot N

Fetească regală B

Fetească albă B

Furmint de Miniş B

Furmint B

Iordană B

Chardonnay B

Mustoasă de Măderat B

Syrah N

Traminer Roz Rs

Riesling italian B

Riesling de Rhin B

Pinot Noir N

8.   Deskrizzjoni tar-rabta/rabtiet

Rabta maż-żona demarkata

Il-karatteristika naturali speċifika tal-ambjent hija ż-żona tax-xmara Crișul Repede, ikkonfinata fit-Tramuntana mill-muntanja Șes, għoljiet ġentili qrib il-pjanura u l-influwenza tal-klima tal-Ewropa Ċentrali, li twassal għal ċertu tnaqqis fit-temperaturi u varjabbiltà ikbar tax-xita. Ix-xtiewi f’din iż-żona huma inqas ebsin, u ż-żoni tat-tkabbir tad-dwieli jgawdu minn ammont kbir ta’ xemx filwaqt li huma protetti mill-irjieħ u mill-kurrenti kesħin.

Fiż-żoni tat-tkabbir tad-dwieli ta’ Diosig u Valea lui Mihai, fiż-żona ta’ Silvania u fiċ-ċentri tat-tkabbir tad-dwieli ta’ Biharia u Tileagd hemm dwieli mifruxa fuq żona kbira, fit-Tramuntana u l-Grigal tal-Oradea. Iċ-ċentri tat-tkabbir tad-dwieli taż-żoni tal-inbid (Diosig, Săcuieni u Sâniob) għandhom tradizzjoni li tmur lura għall-1569-1578. L-inbejjed bojod li jiġu prodotti hawnhekk huma rikki, b’togħma espressiva u karattru qawwi aċiduż u b’togħma ta’ frott. Il-varjetajiet b’potenzjal partikolari f’din iż-żona ta’ tkabbir tal-inbid jinkludu l-Fetească albă, il-Fetească regală, ir-Riesling Italian u l-Muscat Ottonel aromatiku. L-inbejjed ta’ din iż-żona għandhom struttura bbilanċjata tajjeb. Il-potenzjal enoklimatiku tar-reġjun tal-produzzjoni tal-inbid għandu punteġġ ta’ 4 287 fuq l-indiċi idro-eljo-termali. Dan ifisser li r-reġjun huwa partikolarment addattat għall-inbid abjad, li jkollu aromi espressivi ta’ fjuri tal-akaċja, tuffieħ aħdar u ħaxix maqtugħ (Fetească regală), b’finitura twila (Tămâioasă românească), lanġas misjur, noti ta’ vanilla meta jiġi mmaturat fi btieti tal-ballut, b’noti eżotiċi prominenti ta’ ananas (Chardonnay), ibbilanċjat u b’aċidità tajba. L-inbejjed ħomor ikunu mimlija, bellusija, b’aromi li jvarjuaw minn ċirasa sa ċirasa morra misjura meta jimmatura fil-każ tal-Pinot noir, noti ta’ bżar fil-każ tas-Syrah, u frott tal-foresti tipiku — lampun frisk fil-każ tal-Merlot.

9.   Kundizzjonijiet essenzjali oħra

Qafas legali:

Fil-leġiżlazzjoni nazzjonali

Tip ta’ kundizzjoni ulterjuri:

Dispożizzjonijiet addizzjonali dwar it-tikkettar

Deskrizzjoni tal-kundizzjoni:

Meta jkunu ttikkettati, l-inbejjed bl-indikazzjoni ġeografika “Dealurile Crișanei” irid ikollhom tikketta prinċipali. It-tikketta ta’ wara mhijiex obbligatorja.

10.   Link għall-ispeċifikazzjoni tal-prodott

http://www.onvpv.ro/sites/default/files/caiet_sarcini_ig_dealurile_crisanei_cf_cererii_de_modif_395_din_20.02.2015_accept_changes.pdf