ISSN 1977-0987 |
||
Il-Ġurnal Uffiċjali tal-Unjoni Ewropea |
C 85 |
|
Edizzjoni bil-Malti |
Informazzjoni u Avviżi |
Volum 60 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2017/C 85/01 |
Ebda oppożizzjoni għal konċentrazzjoni notifikata (Il-Każ M.8396 — Bain Capital Investors/Fintyre) ( 1 ) |
|
2017/C 85/02 |
Ebda oppożizzjoni għal konċentrazzjoni notifikata (Il-Każ M.8335 — AXA/Caisse des Dépôts et Consignations/Cible) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2017/C 85/03 |
||
|
Kontrollur Ewropew għall-Protezzjoni tad-Data |
|
2017/C 85/04 |
|
V Avviżi |
|
|
ATTI OĦRAJN |
|
|
Il-Kummissjoni Ewropea |
|
2017/C 85/05 |
||
2017/C 85/06 |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
18.3.2017 |
MT |
Il-Ġurnal Uffiċjali tal-Unjoni Ewropea |
C 85/1 |
Ebda oppożizzjoni għal konċentrazzjoni notifikata
(Il-Każ M.8396 — Bain Capital Investors/Fintyre)
(Test b'rilevanza għaż-ŻEE)
(2017/C 85/01)
Fit-13 ta’ Marzu 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8396. Il-EUR-Lex hu l-aċċess fuq l-internet għal-liġi Ewropea. |
18.3.2017 |
MT |
Il-Ġurnal Uffiċjali tal-Unjoni Ewropea |
C 85/1 |
Ebda oppożizzjoni għal konċentrazzjoni notifikata
(Il-Każ M.8335 — AXA/Caisse des Dépôts et Consignations/Cible)
(Test b'rilevanza għaż-ŻEE)
(2017/C 85/02)
Fl-14 ta’ Marzu 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fil-Franċiż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali. |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8335. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
18.3.2017 |
MT |
Il-Ġurnal Uffiċjali tal-Unjoni Ewropea |
C 85/2 |
Rata tal-kambju tal-euro (1)
Is-17 ta’ Marzu 2017
(2017/C 85/03)
1 euro =
|
Munita |
Rata tal-kambju |
USD |
Dollaru Amerikan |
1,0737 |
JPY |
Yen Ġappuniż |
121,49 |
DKK |
Krona Daniża |
7,4343 |
GBP |
Lira Sterlina |
0,86868 |
SEK |
Krona Żvediża |
9,4610 |
CHF |
Frank Żvizzeru |
1,0698 |
ISK |
Krona Iżlandiża |
|
NOK |
Krona Norveġiża |
9,1023 |
BGN |
Lev Bulgaru |
1,9558 |
CZK |
Krona Ċeka |
27,021 |
HUF |
Forint Ungeriż |
308,55 |
PLN |
Zloty Pollakk |
4,2982 |
RON |
Leu Rumen |
4,5633 |
TRY |
Lira Turka |
3,8896 |
AUD |
Dollaru Awstraljan |
1,3940 |
CAD |
Dollaru Kanadiż |
1,4296 |
HKD |
Dollaru ta' Hong Kong |
8,3352 |
NZD |
Dollaru tan-New Zealand |
1,5318 |
SGD |
Dollaru tas-Singapor |
1,5055 |
KRW |
Won tal-Korea t'Isfel |
1 213,19 |
ZAR |
Rand ta' l-Afrika t'Isfel |
13,7004 |
CNY |
Yuan ren-min-bi Ċiniż |
7,4141 |
HRK |
Kuna Kroata |
7,4133 |
IDR |
Rupiah Indoneżjan |
14 328,53 |
MYR |
Ringgit Malażjan |
4,7624 |
PHP |
Peso Filippin |
53,867 |
RUB |
Rouble Russu |
61,9515 |
THB |
Baht Tajlandiż |
37,418 |
BRL |
Real Brażiljan |
3,3342 |
MXN |
Peso Messikan |
20,5710 |
INR |
Rupi Indjan |
70,2510 |
(1) Sors: rata tal-kambju ta' referenza ppubblikata mill-Bank Ċentrali Ewropew.
Kontrollur Ewropew għall-Protezzjoni tad-Data
18.3.2017 |
MT |
Il-Ġurnal Uffiċjali tal-Unjoni Ewropea |
C 85/3 |
Sommarju tal-Opinjoni tal-Kontrollur Ewropew għall-Protezzjoni tad-Data dwar Proposta tal-Kummissjoni li temenda d-Direttiva (UE) 2015/849 u d-Direttiva 2009/101/KE
Aċċess għal informazzjoni dwar is-sjieda benefiċjarja u l-implikazzjonijiet tal-protezzjoni tad-data
(It-test sħiħ ta’ din l-Opinjoni jista’ jinstab bil-Franċiż, bil-Ġermaniż u bl-Ingliż fuq is-sit web tal-KEPD www.edps.europa.eu)
(2017/C 85/04)
Fil-5 ta’ Lulju 2016, il-Kummissjoni ppubblikat sett ta’ emendi proposti għad-Direttiva kontra l-ħasil tal-flus u għad-Direttiva 2009/101/KE li għandhom l-għan li b’mod dirett u inċiżiv jindirizzaw l-evażjoni tat-taxxa, flimkien ma’ prattiki tal-ġlieda kontra l-ħasil tal-flus, sabiex tiġi stabbilita sistema fiskali aktar ġusta u aktar effettiva. Din l-Opinjoni tivvaluta l-implikazzjonijiet tal-protezzjoni tad-data ta’ emendi bħal dawn.
B’mod ġenerali, dawn jidhru li jieħdu approċċ aktar srett minn qabel għall-problema sabiex il-ġlieda kontra l-ħasil tal-flus u l-finanzjament tat-terroriżmu tkun waħda effettiva. F’dan ir-rigward, fost miżuri oħra proposti, dawn jiffukaw fuq mogħdijiet u modalitajiet ġodda li jintużaw biex jiġu ttrasferiti fondi illegali għall-ekonomija legali (eż. muniti virtwali, pjattaformi tal-bdil tal-flus, eċċ.).
Waqt li aħna ma nesprimux xi ġudizzju dwar il-mertu fuq l-iskopijiet tal-politika segwiti mil-liġi, f’dan il-każ speċifiku, aħna ninsabu mħassbin dwar il-fatt li l-emendi jintroduċu wkoll skopijet oħra ta’ politika -barra dak tal-ġlieda kontra l-ħasil tal-flus u l-finanzjament tat-terroriżmu- li ma jidhrux li huma identifikati b’mod ċar.
L-ipproċessar tad-data personali li tinġabar għal skop wieħed għal skop ieħor li kompletament mhuwiex relatat jikser il-prinċipju tal-protezzjoni tad-data tal-limitu tal-iskop u jhedded l-implimentazzjoni tal-prinċipju tal-proporzjonalità. B’mod partikolari, l-emendi jqajmu dubji dwar għala ċerti forom ta’ pproċessar ta’ data personali invażiva, li huma aċċettabbli fir-rigward tal-ġlieda kontra l-ħasil tal-flus u l-finanzjament tat-terroriżmu, huma neċessarji barra minn dawk il-kuntesti u dwar jekk dawn humiex proporzjonali.
F’dak li jirrigwardja l-proporzjonalità, fil-fatt, l-emendi jitilqu minn approċċ ibbażat fuq ir-riskju adottat mill-verżjoni attwali tad-Direttiva AML, fuq il-bażi li r-riskju ogħla għall-ġlieda kontra l-ħasil tal-flus, il-finanzjament tat-terroriżmu u l-offiżi predikati assoċjati ma jippermettix l-identifikazzjoni u l-valutazzjoni tiegħu f’waqtu.
Dawn ineħħu wkoll is-salvagwardji eżistenti li kieku kienu jagħtu ċertu grad ta’ proporzjonalità, pereżempju, fl-istabbiliment tal-kundizzjonijiet għal aċċess għal informazzjoni dwar tranżazzjonijiet finanzjarji mill-Unitajiet tal-Intelligence Finanzarja.
Fl-aħħar u mhux l-inqas, l-emendi jwessgħu b’mod sinifikanti l-aċċess għal informazzjoni dwar is-sjieda benefiċjarja kemm mill-awtoritajiet kompetenti kif ukoll mill-pubbliku, bħala għodda ta’ politika biex tiffaċilita u tisfrutta l-infurzar tal-obbligi tat-taxxa. Fil-mod ta’ kif soluzzjoni bħal din hi implimentata, aħna naraw nuqqas ta’ proporzjonalità, b’riskji sinifikanti u mhux neċessarji għad-drittijiet individwali tal-privatezza u l-protezzjoni tad-data.
1. INTRODUZZJONI
1.1. Sfond dwar id-Direttiva dwar il-ġlieda kontra l-ħasil tal-flus
1. |
F’Mejju 2015 ġiet adottata direttiva ġdida tal-UE dwar il-ġlieda kontra l-ħasil tal-flus (“id-Direttiva AML”) (1). L-objettiv iddikjarat tal-leġislazzjoni l-ġdida hu li ttejjeb l-għodod għall-ġlieda kontra l-ħasil tal-flus, peress li l-flussi ta’ flus illeċiti jheddu li jagħmlu ħsara lill-integrità, l-istabbiltà u r-reputazzjoni tas-settur finanzjarju, kif ukoll is-suq intern tal-Unjoni u l-iżvilupp internazzjonali. |
2. |
Il-protezzjoni tas-solidità, l-integrità u l-istabbiltà tal-istituzzjonijiet ta’ kreditu u tal-istituzzjonijiet finanzjarji u l-kunfidenza fis-sistema finanzjarja mhumiex l-uniċi għanijiet ta’ politika tad-Direttiva AML. Tabilħaqq, f’Ġunju 2003, it-Task Force ta’ Azzjoni Finanzjarja (FATF (2)) irrevediet ir-Rakkomandazzjonijiet tagħha sabiex tkopri l-finanzjament tat-terroriżmu, u pprovdiet aktar rekwiżiti ddettaljati fir-rigward tal-identifikazzjoni u l-verifika tal-konsumatur. Din indikat is-sitwazzjonijiet fejn riskju ogħla ta’ ħasil tal-flus jew finanzjament tat-terroriżmu jista’ jiġġustifika miżuri politiċi mtejba u wkoll is-sitwazzjonijiet fejn riskju mnaqqas jista’ jiġġustifika kontrolli inqas rigorużi. |
3. |
Id-Direttiva AML, bħala konsegwenza, tipprovdi sett artikulat ta’ regoli mfassal biex jipprevjeni kemm il-ġlieda kontra l-ħasil tal-flus kif ukoll il-finanzjament tat-terroriżmu permezz ta’ flussi finanzjarji illeċiti. Din tippromulga applikazzjoni tal-konsumatur ibbażata fuq ir-riskju minħabba diliġenza għal tranżazzjonijiet suspettużi. Din tiddependi fuq l-akkwist u l-analiżi tal-informazzjoni dwar is-sjieda benefiċjarja u dwar l-attivitajiet investigattivi koordinati tal-UIFs (Unità tal-Intelligence Finanzjarja) li huma stabbiliti fl-Istati Membri. |
1.2. Il-Proposta: nindirizzaw l-evażjoni tat-taxxa u l-finanzjament tat-terroriżmu
4. |
Fit-2 ta’ Frar 2016, il-Kummissjoni Ewropea ppubblikat Komunikazzjoni li tistipula Pjan ta’ Azzjoni għat-tisħiħ tal-ġlieda kontra l-finanzjament tat-terroriżmu, inkluż emendi fid-Direttiva AML sabiex tiġi indirizzata l-ġlieda kontra l-ħasil tal-flus permezz ta’ pjattaformi ta’ trasferiment u muniti virtwali u sabiex ir-rwol tal-UIFs jitfassal mill-ġdid (3). |
5. |
Barra minn hekk, l-iskandli finanzjarji (4) u riskju miżjud tal-evażjoni tat-taxxa jidher li ġibdu l-attenzjoni tal-Kummissjoni għall-bżonn sabiex l-azzjoni tad-Direttiva AML tiġi kkalibrata mill-ġdid u sabiex timmiraha aktar direttament lejn l-evażjoni tat-taxxa, li, skont il-verżjoni attwali tad-Direttiva, tidher biss bħala sors ta’ fondi illeċiti, iżda li mhijiex immirata direttament. |
6. |
Fil-5 ta’ Lulju 2016, il-Kummissjoni ppubblikat sett ta’ emendi proposti (il-“Proposta”) għad-Direttiva AML u d-Direttiva 2009/101/KE li, fil-kuntest ta’ azzjoni koordinata mal-G20 u l-OECD, immirat sabiex jindirizza b’mod dirett u b’mod inċiżiv l-evażjoni tat-taxxa kemm minn persuni ġuridiċi kif ukoll fiżiċi bl-iskop li tiġi stabbilita sistema fiskali aktar ġusta u aktar effettiva (5). Aħna ninnutaw li f’dan il-kuntest, għall-kuntrarju tal-premessa 42, il-KEPD ma ġiex ikkonsultat qabel l-adozzjoni tal-Proposta (6). |
7. |
Aktar tard, il-Kunsill tal-Unjoni Ewropea talab l-Opinjoni tal-KEPD, li fid-19 ta’ Diċembru adotta test ta’ kompromess dwar il-Proposta (“Il-Pożizzjoni tal-Kunsill” (7)). Il-Pożizzjoni tal-Kunsill għandha l-għan li temenda d-Direttiva AML biss (u mhux id-Direttiva 2009/101/KE) u prinċipalment tiffoka fuq il-ġlieda kontra l-ħasil tal-flus u l-finanzjament tat-terroriżmu. Filwaqt li l-iskop tal-ġlieda kontra l-evażjoni tat-taxxa m’għadux imsemmi b’mod espliċitu, l-għodod li fil-Proposta kienu tfasslu sabiex jintlaħaq dak l-iskop (eż. aċċess pubbliku għal informazzjoni dwar is-sjieda benefiċjarja u aċċess mill-awtoritajiet tat-taxxa għal informazzjoni dwar il-ġlieda kontra l-ħasil tal-flus) għadhom hemm, għalkemm ġew modifikati sa ċertu limitu. |
1.3. Il-kamp ta’ applikazzjoni ta’ din l-Opinjoni
8. |
Din l-Opinjoni tanalizza l-impatt tal-Proposta fuq id-drittijiet fundamentali għall-privatezza u l-protezzjoni tad-data. Aħna nagħtu wkoll rendikont ta’ kif impatt bħal dan jinbidel, wara l-adozzjoni tal-Pożizzjoni tal-Kunsill. |
9. |
L-Opinjoni tivvaluta wkoll in-neċessità u l-proporzjonalità tal-ipproċessar tad-data personali li jkun qed isir skont l-emendi proposti lid-Direttiva AML fid-dawl tal-iskopijiet tal-politika identifikati mil-liġi. Meta aħna nirreferu għall-Proposta, għalkemm din tipproponi emendi għal żewġ direttivi distinti, aħna nittrattawha bħala għodda ta’ politika unika u integrata. |
10. |
Il-qrati diġà jafu bl-interazzjoni tal-ordni pubbliku mad-drittijiet fundamentali. Fil-każ tagħha Digital Rights Ireland (8), il-Qorti tal-Ġustizzja tirrikonoxxi li l-ġlieda kontra t-terroriżmu u l-kriminalità serja internazzjonali tikkostitwixxi objettiv ta’ interess ġenerali (9). Madankollu, peress li l-għodod legali ppromulgati għall-ilħuq ta’ dak l-objettiv jinterferixxu mad-drittijiet fundamentali għall-privatezza u l-protezzjoni tad-data, skont il-Qorti, huwa neċessarju, li tiġi vvalutata l-proporzjonalità ta’ miżuri bħal dawn (10). |
11. |
Għalhekk, l-iskop tal-Opinjoni mhuwiex li tesprimi xi mertu tal-ġudizzju dwar l-għażla tal-objettivi tal-politika li l-leġiżlatur jiddeċiedi li jimmira għalihom. Minflok, l-attenzjoni tagħna tiffoka fuq l-għodod u l-modi ta’ azzjoni li tadotta l-liġi. Huwa l-iskop tagħna li niżguraw li l-għanijiet ta’ politika leġittimi jintlaħqu b’mod effettiv u f’waqthom, bl-interferenza minima bl-eżerċitar tad-drittijiet fundamentali u b’rispett sħiħ lejn ir-rekwiżiti tal-Artikolu 52(1) tal-Karta tad-Drittijiet Fundamentali tal-UE. |
4. KONKLUŻJONI
65. |
Il-Kummissjoni qed tipproponi emendi ġodda għad-Direttiva AML, sabiex iżżommha aġġornata ma’ innovazzjoni teknika u finanzjarja u ma’ mezzi ġodda ta’ kif twettaq ħasil tal-flus u finanzjament tat-terroriżmu. Fl-istess waqt, il-Proposta għandha l-għan li ttejjeb it-trasparenza tas-swieq finanzjarji għal numru ta’ proposti li aħna nidentifikaw, fost l-oħrajn, fil-ġlieda kontra l-evażjoni tat-taxxa, il-protezzjoni tal-investituri u l-ġlieda kontra l-abbużi mis-sistema finanzjarja. |
66. |
Aħna rrevedjna l-Proposta u nikkunsidraw li din jenħtieġ li:
|
Brussell, it-2 ta’ Frar 2017.
Wojciech Rafał WIEWIÓROWSKI
Kontrollur Ewropew għall-Protezzjoni tad-Data
(1) Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73).
(2) It-Task Force ta’ Azzjoni Finanzjarja (FATF) hija korp intergovernattiv li ġie stabbilit fl-1989 mill-Ministri tal-ġurisdizzjonijiet tal-Membri tagħha. L-objettivi tal-FATF huma li tistabbilixxi standards u li tippromwovi implimentazzjoni effettiva tal-miżuri legali, regolatorji u operattivi għall-ġlieda kontra l-ħasil tal-flus, il-finanzjament tat-terroriżmu u theddid ieħor relatat mal-integrità tas-sistema finanzjarja internazzjonali.
(3) COM/2016/050 final.
(4) B’mod espliċitu, il-Kummissjoni tagħmel referenza għall-iskandlu tal-“Panama Papers” fil-Komunikazzjoni dwar miżuri ulterjuri biex jittejbu t-trasparenza u l-ġlieda kontra l-evażjoni u l-evitar tat-taxxa, COM(2016) 451 final.
(5) Proposta għal DIRETTIVA TAL-PARLAMENT EWROPEW U TAL-KUNSILL li temenda d-Direttiva (UE) 2015/849 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda d-Direttiva 2009/101/KE, COM/2016/0450 final.
(6) L-ebda test ma ġie sottomess f’abbozz lill-KEPD qabel il-pubblikazzjoni fil-5 ta’ Lulju 2016.
(7) Ara http://data.consilium.europa.eu/doc/document/ST-15468-2016-INIT/en/pdf
(8) Ġudizzju tal-Qorti tal-Ġustizzja tat-8 ta’ April 2014 f’Kawżi Konġunti C-293/12 u C-594/12, Digital Rights Ireland.
(9) Digital Rights Ireland, paragrafi 41-42.
(10) Barra minn hekk, il-Qorti tikkjarifika, “fid-dawl tar-rwol importanti li taqdi l-protezzjoni tad-data personali fid-dawl tad-dritt fundamentali għar-rispett tal-ħajja privata u l-limitu u s-serjetà tal-interferenza ma’ dak id-dritt ikkawżat mid-Direttiva 2006/24/KE, id-diskrezzjoni tal-leġiżlatura tal-UE titnaqqas, bir-riżultat li r-reviżjoni ta’ dik id-diskrezzjoni jenħtieġ li tkun stretta”, Digital Rights Ireland, paragrafi 45-48.
V Avviżi
ATTI OĦRAJN
Il-Kummissjoni Ewropea
18.3.2017 |
MT |
Il-Ġurnal Uffiċjali tal-Unjoni Ewropea |
C 85/6 |
Avviż fuq talba rigward l-applikabbiltà tal-Artikolu 34 tad-Direttiva 2014/25/UE
Talba ta’ entità kontraenti
(2017/C 85/05)
Fit-30 ta’ Jannar 2017, il-Kummissjoni rċeviet talba skont l-Artikolu 35 tad-Direttiva 2014/25/UE tal-Parlament Ewropew u tal-Kunsill tas-26 ta’ Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (1). L-ewwel jum tax-xogħol wara li waslet it-talba kien il-31 ta’ Jannar 2017.
Din it-talba li għamlu Eneco B.V. u N.V. Nuon Energy, għandha x’taqsam mal-bejgħ bl-imnut tal-elettriku u tal-gass fin-Netherlands.
L-Artikolu 34 tad-Direttiva 2014/25/UE jistipula li l-“kuntratti maħsuba sabiex jippermettu li ssir attività msemmija fl-Artikoli 8 sa 14 li għandha titwettaq, ma għandhomx ikunu soġġetti għal din id-Direttiva jekk l-Istat Membru jew l-entitajiet kontraenti li introduċew it-talba skont l-Artikolu 35 jistgħu juru li, fl-Istat Membru li titwettaq fih, l-attività hija direttament esposta għall-kompetizzjoni fis-swieq li għalihom mhuwiex ristrett l-aċċess; u lanqas il-kompetizzjonijiet ta’ disinn li huma organizzati sabiex titwettaq din l-attività f’dik iż-żona ġeografika ma għandhom ikunu soġġetti għal din id-Direttiva.” Il-valutazzjoni tal-esponiment dirett għall-kompetizzjoni li tista’ ssir fil-kuntest tad-Direttiva 2014/25/UE hija mingħajr preġudizzju għall-applikazzjoni sħiħa tal-liġi tal-kompetizzjoni.
Il-Kummissjoni għandha żmien stipulat ta’ 105 ijiem tax-xogħol li jibda jgħodd mill-jum tax-xogħol imsemmi hawn fuq, biex tieħu deċiżjoni rigward din it-talba. Għalhekk dan il-perjodu jiskadi fis-6 ta’ Lulju 2017.
Skont l-Artikolu 35(5) tad-Direttiva 2014/25/UE, talbiet oħrajn li jikkonċernaw il-bejgħ bl-imnut tal-elettriku u tal-gass fin-Netherlands li jitressqu qabel jiskadi l-perjodu previst għal din it-talba, ma għandhomx jitqiesu bħala proċeduri ġodda, iżda għandhom jiġu ttrattati fil-kuntest ta’ din it-talba.
(1) ĠU L 94, 28.3.2014, p. 243.
18.3.2017 |
MT |
Il-Ġurnal Uffiċjali tal-Unjoni Ewropea |
C 85/7 |
Avviż fuq talba rigward l-applikabbiltà tal-Artikolu 34 tad-Direttiva 2014/25/UE
Talba ta’ entità kontraenti
(2017/C 85/06)
Fit-30 ta’ Jannar 2017, il-Kummissjoni rċeviet talba skont l-Artikolu 35 tad-Direttiva 2014/25/UE tal-Parlament Ewropew u tal-Kunsill tas-26 ta’ Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (1). L-ewwel jum tax-xogħol wara li waslet it-talba kien il-31 ta’ Jannar 2017.
Din it-talba li għamlu Eneco B.V., N.V. Nuon Energy u DONG Energy, għandha x’taqsam mal-produzzjoni u l-bejgħ bl-ingrossa tal-elettriku fin-Netherlands.
L-Artikolu 34 tad-Direttiva 2014/25/UE jistipula li l-“kuntratti maħsuba sabiex jippermettu li ssir attività msemmija fl-Artikoli 8 sa 14 li għandha titwettaq, ma għandhomx ikunu soġġetti għal din id-Direttiva jekk l-Istat Membru jew l-entitajiet kontraenti li introduċew it-talba skont l-Artikolu 35 jistgħu juru li, fl-Istat Membru li titwettaq fih, l-attività hija direttament esposta għall-kompetizzjoni fis-swieq li għalihom mhuwiex ristrett l-aċċess; u lanqas il-kompetizzjonijiet ta’ disinn li huma organizzati sabiex titwettaq din l-attività f’dik iż-żona ġeografika ma għandhom ikunu soġġetti għal din id-Direttiva.” Il-valutazzjoni tal-esponiment dirett għall-kompetizzjoni li tista’ ssir fil-kuntest tad-Direttiva 2014/25/UE hija mingħajr preġudizzju għall-applikazzjoni sħiħa tal-liġi tal-kompetizzjoni.
Il-Kummissjoni għandha żmien stipulat ta’ 105 ijiem tax-xogħol li jibda jgħodd mill-jum tax-xogħol imsemmi hawn fuq, biex tieħu deċiżjoni rigward din it-talba. Għalhekk dan il-perjodu jiskadi fis-6 ta’ Lulju 2017.
Skont l-Artikolu 35(5) tad-Direttiva 2014/25/UE, talbiet oħrajn li jikkonċernaw il-produzzjoni u l-bejgħ bl-ingrossa tal-elettriku fin-Netherlands li jitressqu qabel jiskadi l-perjodu previst għal din it-talba, ma għandhomx jitqiesu bħala proċeduri ġodda, iżda għandhom jiġu ttrattati fil-kuntest ta’ din it-talba.
(1) ĠU L 94, 28.3.2014, p. 243.