ISSN 1977-0987 doi:10.3000/19770987.C_2013.180.mlt |
||
Il-Ġurnal Uffiċjali tal-Unjoni Ewropea |
C 180 |
|
Edizzjoni bil-Malti |
Informazzjoni u Avviżi |
Volum 56 |
Avviż Nru |
Werrej |
Paġna |
|
I Riżoluzzjonijiet, rakkomandazzjonijiet u opinjonijiet |
|
|
RAKKOMANDAZZJONIJIET |
|
|
Il-Kunsill |
|
2013/C 180/01 |
||
2013/C 180/02 |
||
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2013/C 180/03 |
||
2013/C 180/04 |
Ebda oppożizzjoni għal konċentrazzjoni notifikata (Każ COMP/M.6613 – Watson/Actavis) ( 1 ) |
|
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kunsill |
|
2013/C 180/05 |
Deċiżjoni tal-Kunsill tal-25 ta’ Ġunju 2013 li taħtar membru tal-Qorti tal-Awdituri |
|
|
Il-Kummissjoni Ewropea |
|
2013/C 180/06 |
||
|
INFORMAZZJONI MILL-ISTATI MEMBRI |
|
2013/C 180/07 |
Komunikazzjoni tal-Kummissjoni skont il-proċedura stipulata fl-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità – Sejħa għall-offerti rigward l-operat ta’ servizzi tal-ajru bi skeda skont l-obbligi tas-servizz pubbliku ( 1 ) |
|
2013/C 180/08 |
Komunikazzjoni tal-Kummissjoni skont il-proċedura stipulata fl-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità – Sejħa għall-offerti rigward l-operat ta’ servizzi tal-ajru bi skeda skont l-obbligi tas-servizz pubbliku ( 1 ) |
|
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2013/C 180/09 |
Notifika minn qabel ta' konċentrazzjoni (Każ COMP/M.6607 – US Airways/American Airlines) ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2013/C 180/10 |
||
2013/C 180/11 |
||
|
|
|
(1) Test b’relevanza għaż-ŻEE |
MT |
|
I Riżoluzzjonijiet, rakkomandazzjonijiet u opinjonijiet
RAKKOMANDAZZJONIJIET
Il-Kunsill
26.6.2013 |
MT |
Il-Ġurnal Uffiċjali tal-Unjoni Ewropea |
C 180/1 |
RAKKOMANDAZZJONI TAL-KUNSILL
tal-21 ta’ Ġunju 2013
bil-għan li tintemm is-sitwazzjoni ta’ defiċit eċċessiv tal-gvern f'Malta
2013/C 180/01
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 126(7) tiegħu,
Wara li kkunsidra r-rakkomandazzjoni mill-Kummissjoni Ewropea,
Billi:
(1) |
Taħt l-Artikolu 126 tat-Trattat, l-Istati Membri għandhom jevitaw defiċits eċċessivi tal-gvern. |
(2) |
Il-Patt ta’ Stabbiltà u Tkabbir huwa bbażat fuq l-għan ta’ finanzi sodi tal-gvern bħala mezz biex jissaħħu l-kundizzjonijiet għall-istabbiltà tal-prezzijiet u għal tkabbir sostenibbli b’saħħtu li jwassal għall-ħolqien tal-impjiegi. |
(3) |
Fil-21 ta' Ġunju 2013, il-Kunsill iddeċieda, taħt l-Artikolu 126(6) tat-Trattat, li hemm defiċit eċċessiv f'Malta. |
(4) |
Taħt l-Artikolu 126(7) tat-Trattat u l-Artikolu 3 tar-Regolament tal-Kunsill (KE) Nru 1467/97 dwar li titħaffef u li tiġi ċċarata l-implimentazzjoni tal-proċedura ta’ defiċit eċċessiv (1), il-Kunsill huwa meħtieġ jindirizza rakkomandazzjonijiet lill-Istat Membru kkonċernat bil-għan li tintemm sitwazzjoni ta’ defiċit eċċessiv f’perjodu stabbilit. Rakkomandazzjoni għandha tistabbilixxi żmien massimu ta' sitt xhur għal azzjoni effettiva li għandha tittieħed mill-Istat Membru kkonċernat biex jikkorreġi d-defiċit eċċessiv. Barra minn hekk, f’rakkomandazzjoni biex jiġi kkorreġut defiċit eċċessiv, il-Kunsill jitlob li jintlaħqu l-miri baġitarji annwali li, abbażi tat-tbassir li fuqu tissejjes ir-rakkomandazzjoni, ikunu konsistenti ma’ titjib annwali minimu fil-bilanċ strutturali, jiġifieri l-bilanċ aġġustat ċiklikament minbarra miżuri ta’ darba u miżuri temporanji oħrajn, ta’ mill-inqas 0,5 % tal-PDG bħala valur ta’ referenza. |
(5) |
Konformement mal-Artikolu 2 tar-Regolament (KE) Nru 1467/97, il-mira baġitarja rrakkomandata għall-aħħar sena tal-perjodu ta' korrezzjoni trid tiżgura li t-tnaqqis meħtieġ fid-differenza bejn il-livell ta' dejn vis-à-vis PDG u s-60 % tal-PDG tal-valur ta' referenza taħt it-Trattat iseħħu fi żmien is-sentejn li jsegwu l-korrezzjoni tad-defiċit eċċessiv tal-gvern, ibbażat fuq it-tbassir tal-Kummissjoni. |
(6) |
It-tbassir tar-rebbiegħa tal-Kummissjoni għas-sena 2013 jipprevedi li d-defiċit se jkompli jkun ogħla mill-valur ta' referenza fl-2013 u l-2014, rispettivament għal 3,7 % u 3,6 % tal-PDG. Dawk il-projezzjonijiet baġitarji huma bbażati fuq il-linji politiċi attwali, biex b'hekk jinkorporaw il-baġit tal-2013 li ġie approvat mill-Parlament f’April 2013, li jinkludi miżuri espansjonistiċi kemm fuq in-naħa tad-dħul u l-infiq kif ukoll fuq l-injezzjoni azzjonarja ppjanata diġà lill-Air Malta (0,6 % tal-PDG), b’impatt nett ta’ żieda fuq id-defiċit ta’ 0,3 % tal-PDG. Il-miżuri espansjonistiċi huma biss parzjalment ikkumpensati b’żidiet fid-dazji tas-sisa, bil-ġbir tal-arretrati tat-taxxa kif ukoll bl-iffrankar mill-infiq u kontribuzzjonijiet tas-sigurtà soċjali ogħla li jirriżultaw mir-riforma pensjonistika tal-2006. Barra minn hekk, il-kontribuzzjoni ta' miżuri ta' darba li jnaqqsu d-defiċit nett kif identifikata mill-Kummissjoni, għall-isforz ta' konsolidazzjoni taqa' drastikament wara l-2012. Minħabba d-defiċits primarji li mistennija jibqgħu fl-2013 u l-2014, skont it-tbassir tar-rebbiegħa tal-Kummissjoni għas-sena 2013, id-dejn tal-amministrazzjoni pubblika mistenni jkompli jiżdied, għal 73,9 % tal-PDG fl-2013 u għal 74,9 % tal-PDG fl-2014. Fl-2015 u l-2016, id-defiċit tal-amministrazzjoni pubblika huwa mistenni li jibqa' ogħla mit-3 % tal-valur ta' referenza tal-PDG, u l-proporzjon tad-dejn vis-à-vis PDG jiżdied għal 75,6 % tal-PDG sal-2016. |
(7) |
Taħt ir-Regolament (KE) Nru 1467/97, il-korrezzjoni tad-defiċit eċċessiv għandha titlesta sas-sena ta' wara l-identifikazzjoni tagħha, sakemm ma jkunx hemm ċirkostanzi speċifiċi. Għalhekk, hija ġustifikata korrezzjoni tad-defiċit eċċessiv sal-2014. B'mod partikolari, mod ta' aġġustament kredibbli u sostenibbli jkun jirrikjedi li Malta tilħaq il-mira ewlenija għall-amministrazzjoni pubblika ta' 3,4 % tal-PDG għall-2013 u 2,7 % tal-PDG fl-2014, li hija konsistenti ma' titjib annwali tal-bilanċ strutturali ta' 0,7 % tal-PDG fl-2013 u 0,7 % tal-PDG fl-2014. Il-mira tal-2014 tiżgura li t-tnaqqis meħtieġ fid-differenza bejn il-livell ta' dejn vis-à-vis PDG u l-valur ta' referenza taħt it-Trattat ta' 60 % tal-PDG iseħħ fi żmien sentejn wara l-korrezzjoni tal-proċedura ta' defiċit eċċessiv. Biex jintlaħqu l-miri strutturali msemmija hawn fuq, Malta teħtieġ li tadotta miżuri addizzjonali ta' konsolidazzjoni ta' madwar 0,4 % tal-PDG fl-2013, minbarra l-miżuri diġà inklużi fix-xenarju bażiku, u madwar ¾ % tal-PDG fl-2014. Dawn il-miri jikkunsidraw il-ħtieġa ta' kumpens għall-effetti negattivi tat-tieni darba ta' konsolidazzjoni fiskali fuq il-finanzi pubbliċi, mill-impatt tagħha fuq it-tkabbir tal-PDG. Ix-xenarju bażiku li fuqu huwa strutturat il-mod ta' aġġustament jinkorpora t-tbassir tar-rebbiegħa tal-Kummissjoni tal-2013 u jestendih sal-2016 billi jiddipendi fuq assunzjonijiet standard dwar l-għeluq tan-nuqqas fl-output u s-sensittività tal-baġit għaċ-ċiklu; ma jinkludix, madankollu, l-injezzjoni addizzjonali ta' kapital fl-Air Malta li hija ppjanata għall-2015 taħt il-programm ta' stabbiltà tal-2013. B'hekk wieħed jassumi li l-injezzjoni ta' kapital mhux se sseħħ jew se tkun ikkumpensata b'miżuri fid-direzzjoni l-opposta. |
(8) |
Il-qafas fiskali ta' Malta huwa pjuttost flessibbli, u n-natura non-vinkolanti tiegħu u l-orizzont qasir ta' ppjanar fiskali ma jappoġġawx pożizzjoni fiskali soda. Id-Direttiva tal-Kunsill 2011/85/UE tat-8 ta’ Novembru 2011 dwar ir-rekwiżiti għal oqfsa baġitarji tal-Istati Membri (2) għadha ma ġietx trasposta. Barra minn hekk, taħt l-Artikolu 5 tar-Regolament (UE) Nru 473/2013 tal-Parlament Ewropew u tal-Kunsill tal-21 ta' Mejju 2013 dwar dispożizzjonijiet komuni għall-monitoraġġ u l-valutazzjoni ta' abbozzi ta' pjanijiet baġitarji u l-iżgurar tal-korrezzjoni ta' defiċit eċċessiv tal-Istati Membri fiż-żona tal-euro (3), Malta għandha tistabbilixxi korpi indipendenti biex jimmonitorjaw il-konformità mar-regoli fiskali. Filwaqt li fil-programm ta' stabbiltà hija ddikjarata l-intenzjoni tal-gvern li jwaqqaf kunsill fiskali, ma ġew imħabbra ebda pjani konkreti. |
(9) |
Taħt l-Artikolu 9(1) tar-Regolament (UE) Nru 473/2013, Malta għandha tippreżenta lill-Kummissjoni u lill-Kunsill programm ta' sħubija ekonomika simultanjament mar-rapport li għandu jkun ippreżentat taħt l-Artikolu 3(4a) tar-Regolament (KE) Nru 1467/97. |
(10) |
Fl-opinjoni tal-Kunsill, il-miżuri ta' konsolidazzjoni baġitarja għandhom jiżguraw titjib dejjiemi fil-bilanċ tal-amministrazzjoni pubblika, filwaqt li jkunu ngranati biex issaħħu l-kwalità tal-finanzi pubbliċi u jirrinforzaw il-potenzjal tat-tkabbir tal-ekonomija, |
ADOTTA DIN IR-RAKKOMANDAZZJONI:
(1) |
Malta għandha ttemm is-sitwazzjoni preżenti ta' defiċit eċċessiv sal-2014. |
(2) |
B'mod speċifiku, Malta għandha:
|
(3) |
Il-Kunsill jistabbilixxi l-iskadenza tal-1 ta' Ottubru 2013 għal Malta sabiex tieħu azzjoni effikaċi u, konformement mal-Artikolu 3(4a) tar-Regolament (KE) Nru 1467/97, tirrapporta fid-dettall dwar l-istrateġija tal-konsolidazzjoni li hija maħsuba biex tikseb il-miri. Sussegwentement għall-korrezzjoni tad-defiċit eċċessiv, Malta hija mistiedna biex tkompli tagħmel progress b'pass xieraq lejn il-mira, fuq medda medja ta' żmien, ta' baġit bilanċjat f'termini strutturali, fosthom billi tilħaq il-valur referenzjarju fir-rigward tal-infiq. Biex tillimita r-riskji għall-eżekuzzjoni tal-baġit, il-Kunsill jistieden lil Malta biex issaħħaħ l-effikaċja tal-qafas baġitarju tagħha u ttejjeb il-monitoraġġ tal-eżekuzzjoni tal-baġit matul is-sena. B'mod partikolari, Malta hija mistiedna biex tistabbilixxi qafas fiskali pluriennali li jkun aktar vinkolanti u bbażat fuq regoli. Barra minn hekk, ir-rwol tal-korpi indipendenti li jimmonitorjaw il-politika fiskali għandhom jiġu msaħħa, konformement mal-Artikolu 5 tar-Regolament (UE) Nru 473/2013. Fl-aħħar nett, biex ikun żgurat is-suċċess tal-istrateġija ta' konsolidazzjoni fiskali, l-awtoritajiet Maltin huma mistiedna jappoġġaw il-konsolidazzjoni fiskali b'riformi strutturali komprensivi, konformement mar-rakkomandazzjonijiet tal-Kunsill indirizzati lil Malta fil-kuntest tas-Semestru Ewropew u b'mod partikolari ma' dawk relatati mal-aspett preventiv tal-Proċedura dwar l-Iżbilanċi Makroekonomiċi (4). Din ir-Rakkomandazzjoni hija indirizzata lil Malta. |
Magħmul fil-Lussemburgu, il-21 ta’ Ġunju 2013.
Għall-Kunsill
Il-President
M. NOONAN
(2) ĠU L 306, 23.11.2011, p. 41.
(3) ĠU L 140, 27.5.2013, p. 11.
(4) Id-dokumenti kollha relatati mal-proċedura tad-defiċit eċċessiv ta' Malta jinsabu hawn: http://ec.europa.eu/economy_finance/economic_governance/sgp/deficit/countries/malta_en.htm
26.6.2013 |
MT |
Il-Ġurnal Uffiċjali tal-Unjoni Ewropea |
C 180/4 |
RAKKOMANDAZZJONI TAL-KUNSILL
tal-21 ta' Ġunju 2013
bil-għan li tintemm is-sitwazzjoni ta’ defiċit eċċessiv tal-gvern fi Spanja
2013/C 180/02
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 126(7) tiegħu,
Wara li kkunsidra r-rakkomandazzjoni tal-Kummissjoni Ewropea,
Billi:
(1) |
Taħt l-Artikolu 126 tat-Trattat dwar il-Funzjonament tal-Unjoni Ewropea (TFUE), l-Istati Membri għandhom jevitaw id-defiċits eċċessivi tal-gvern. |
(2) |
Il-Patt ta’ Stabbiltà u Tkabbir huwa bbażat fuq l-objettiv ta’ finanzi tal-gvern sodi bħala mezz biex jissaħħu l-kundizzjonijiet għall-istabbiltà tal-prezzijiet u għal tkabbir sostenibbli b’saħħtu li jwassal għall-ħolqien tal-impjiegi. |
(3) |
Fis-27 ta’ April 2009, il-Kunsill iddeċieda, b’konformità mal-Artikolu 104(6) tat-Trattat li jistabbilixxi l-Komunità Ewropea (TKE), li fi Spanja kien jeżisti defiċit eċċessiv u ħareġ rakkomandazzjoni sabiex jiġi kkorreġġut id-defiċit eċċessiv sal-2012 (1) (“ir-Rakkomandazzjoni tal-Kunsill tas-27 ta' April 2009”), b’konformità mal-Artikolu 104(7) TKE u l-Artikolu 3 tar-Regolament tal-Kunsill (KE) Nru 1467/97 tas-7 ta' Lulju 1997 dwar li titħaffef u tiġi ċċarata l-implimentazzjoni tal-proċedura ta' defiċit eċċessiv (2). |
(4) |
Fit-2 ta’ Diċembru 2009, il-Kunsill iddeċieda, b’konformità mal-Artikolu 3(5) tar-Regolament (KE) Nru 1467/97, li kienet ittieħdet azzjoni effikaċi minn Spanja u li kienu seħħew avvenimenti ekonomiċi negattivi mhux mistennija li kellhom konsegwenzi żvantaġġużi kbar għall-finanzi tal-Gvern wara li kienet ġiet adottata r-Rakkomandazzjoni tal-Kunsill tas-27 ta' April 2009. B’mod partikolari, id-deterjorazzjoni akuta għall-prospetti ta’ tkabbir minħabba l-kriżi ekonomika u finanzjarja globali kellha implikazzjonijiet baġitarji negattivi kbar. Konsegwentement, il-Kunsill iddeċieda li jadotta Rakkomandazzjoni riveduta taħt l-Artikolu 126(7) tat-TFUE (“ir-Rakkomandazzjoni tal-Kunsill tat-2 ta’ Diċembru 2009”) biex id-defiċit eċċessiv ikun ikkorreġut sa mhux iktar tard mill-2013 b’manjiera kredibbli u sostenibbli billi tittieħed azzjoni f’qafas ta’ terminu ta’ żmien medju. |
(5) |
Fil-15 ta’ Ġunju 2010, il-Kummissjoni kkonkludiet li Spanja kienet ħadet azzjoni effikaċi f’konformità mar-Rakkomandazzjoni tal-Kunsill tat-2 ta’ Diċembru 2009 biex iġġib id-defiċit tal-Gvern tagħha taħt il-valur referenzjarju ta' 3 % tal-PDG u qieset li għalhekk ma kien meħtieġ l-ebda pass addizzjonali fil-proċedura ta' defiċit eċċessiv (PDE). |
(6) |
Fl-10 ta’ Lulju 2012, il-Kunsill iddeċieda, f’konformità mal-Artikolu 3(5) tar-Regolament (KE) Nru 1467/97, li kienet ittieħdet azzjoni effikaċi iżda li wara li kienet ġiet adottata r-Rakkomandazzjoni tal-Kunsill tat-2 ta’ Diċembru 2009 kienu seħħew żviluppi ekonomiċi negattivi mhux mistennija li kellhom konsegwenzi żvantaġġużi kbar għall-finanzi tal-gvern. B’mod partikolari, deterjorament fil-perspettiva tat-tkabbir u bidla lejn kompożizzjoni tat-tkabbir li trendi inqas taxxi kellu implikazzjonijiet baġitarji negattivi kbar. Il-Kunsill għalhekk adotta Rakkomandazzjoni riveduta taħt l-Artikolu 126(7) tat-TFUE (“ir-Rakkomandazzjoni tal-Kunsill tal-10 ta’ Lulju 2012”) u rrakkomanda li Spanja tikkorreġi d-defiċit eċċessiv sa mhux aktar tard mill-2014. Sabiex id-defiċit nominali tal-gvern jinżel għal inqas mill-valur referenzjarju ta' 3 % tal-PDG sal-2014, ġie rrakkomandat lil Spanja li tagħmel titjib fil-bilanċ strutturali ta’ 2,7 % tal-PDG fl-2012, 2,5 % tal-PDG fl-2013 u 1,9 % tal-PDG fl-2014, abbażi tal-aġġornament tas-servizzi tal-Kummissjoni tat-tbassir tar-rebbiegħa 2012. Il-miri nominali tad-defiċit tal-gvern ġew iffissati bħala 6,3 % tal-PDG għall-2012, 4,5 % tal-PDG għall-2013 u 2,8 % tal-PDG għall-2014. Lil Spanja ġie wkoll rakkomandat li timplimenta l-miżuri adottati fil-baġit tal-2012 u fil-pjanijiet ta' bbilanċjar mill-ġdid tal-Komunitajiet Awtonomi u li sa tmiem Lulju 2012 tadotta l-pjan baġitarju pluriennali mħabbar għall-perjodu 2013-2014, fosthom strateġija baġitarja għat-terminu medju, li jispeċifika b’mod sħiħ il-miżuri strutturali meħtieġa biex isseħħ il-korrezzjoni tad-defiċit eċċessiv sal-2014. |
(7) |
Fl-14 ta’ Novembru 2012, il-Kummissjoni kkonkludiet, abbażi tat-tbassir tal-ħarifa 2012 tas-servizzi tal-Kummissjoni, li Spanja kienet ħadet azzjoni effikaċi f’konformità mar-Rakkomandazzjoni tal-Kunsill tal-10 ta’ Lulju 2012 u li l-ebda passi oħra fil-PDE ma kienu meħtieġa. |
(8) |
Taħt l-Artikolu 3(5) tar-Regolament (KE) Nru 1467/97, il-Kunsill jista’ jiddeċiedi, fuq rakkomandazzjoni mill-Kummissjoni, li jadotta rakkomandazzjoni riveduta taħt l-Artikolu 126(7) tat-TFUE, jekk tkun ittieħdet azzjoni effikaċi u jekk avvenimenti ekonomiċi negattivi mhux mistennija li jkollhom konsegwenzi żvantaggużi kbar għall-finanzi tal-gvern iseħħu wara l-adozzjoni tar-rakkomandazzjoni oriġinali. Taħt l-Artikolu 3(5) ta' dak ir-Regolament, l-iżviluppi ekonomiċi żvantaġġużi mhux mistennija b'effetti baġitarji żvantaġġużi kbar għandhom jitqiesu fuq l-isfond tat-tbassir ekonomiku li fuqu hija bbażata r-Rakkomandazzjoni tal-Kunsill. |
(9) |
Taħt l-Artikolu 126(7) tat-TFUE u l-Artikolu 3 tar-Regolament (KE) Nru 1467/97, il-Kunsill meħtieġ jagħmel rakkomandazzjonijiet lill-Istat Membru kkonċernat bil-ħsieb li tintemm is-sitwazzjoni ta’ żbilanċ eċċessiv fi żmien determinat. Ir-Rakkomandazzjoni trid tistabbilixxi żmien massimu ta' sitt xhur sabiex tittieħed azzjoni effikaċi mill-Istat Membru kkonċernat biex jikkorreġi d-defiċit eċċessiv. Barra minn hekk, f’rakkomandazzjoni biex jiġi kkorreġut defiċit eċċessiv, il-Kunsill għandu jitlob li jintlaħqu miri baġitarji annwali li, abbażi tat-tbassir li fuqu tissejjes ir-rakkomandazzjoni, ikunu konsistenti ma’ titjib minimu annwali fil-bilanċ strutturali, jiġifieri l-bilanċ aġġustat ċiklikament minbarra miżuri ta’ darba u miżuri temporanji oħrajn, ta’ mill-inqas 0,5 % tal-PDG bħala valur referenzjarju. Taħt l-Artikoli 9(1) u 17(2) tar-Regolament (UE) Nru 473/2013 tal-Parlament Ewropew u tal-Kunsill tal-21 ta' Mejju 2013 dwar dispożizzjonijiet komuni għall-monitoraġġ u l-valutazzjoni tal-abbozzi tal-pjani baġitarji u l-iżgurar tal-korrezzjoni tad-defiċit eċċessiv tal-Istati Membri fiż-żona tal-euro (3), Spanja għandha tippreżenta programm ta' sħubija ekonomika. |
(10) |
Wara irkupru fl-2011 li dam żmien qasir, l-ekonomija reġgħet daħlet f’riċessjoni, u rreġistrat tkabbir reali trimestrali negattiv tal-PDG sa mit-tielet trimestru tal-2011. F’termini annwali, il-PDG naqas b'1,4 % fl-2012. Skont it-tbassir tar-rebbiegħa 2013 tas-servizzi tal-Kummissjoni, ir-reċessjoni hija mistennija li tibqa’ għaddejja fl-2013, fejn l-esportazzjonijiet netti pożittivi xorta ma kinux kapaċi jikkumpensaw għat-tnaqqis li kien qed ikompli fid-domanda lokali. Il-produzzjoni hija mistennija li tistabbilizza biss lejn tmiem l-2013. Il-PDG reali huwa għalhekk ipprojettat li jonqos b'1,5 % fl-2013, qabel ma jikber b'0,9 % fl-2014 (taħt suppożizzjoni ta’ ebda bidla fil-politika). Fil-mument tal-aħħar rakkomandazzjoni tal-Kunsill, il-PDG reali kien mistenni li jonqos b'1,9 % u 0,3 % fl-2012 u l-2013, rispettivament, u li jikber b'1,1 % fl-2014. Ir-riżultat anqas negattiv tat-tkabbir fl-2012 kien dovut l-aktar għad-domanda domestika li kienet kemxejn iktar reżiljenti possibbilment anki grazzi għal-likwidità injettata permezz tal-iskema tal-ħlas lura għad-dejn kummerċjali akkumulat mir-reġjuni u l-awtoritajiet lokali qabel l-1 ta’ Jannar 2012 (EUR 27,4 biljun, jew 2,6 % tal-PDG). Fir-rigward tal-2013 u l-2014, it-tbassir tar-rebbiegħa 2013 tas-servizzi tal-Kummissjoni jipprevedi tnaqqis aktar qawwi tal-PDG reali fl-2013 u rkupru aktar dgħajjef fl-2014. Dan jinkludi tnaqqis akbar fid-domanda domestika f’dawn is-sentejn u tnaqqis qawwi aktar fit-tul fl-impjiegi. Id-deterjorament tal-perspettiva makroekonomika huwa parzjalment marbut mal-fatt li qed jitqiesu l-miżuri addizzjonali ta’ konsolidazzjoni inklużi fil-pjan baġitarju 2013-2014 u l-baġit tal-2013. |
(11) |
Skont it-tbassir tar-rebbiegħa 2013 tas-servizzi tal-Kummissjoni, id-defiċit ġenerali tal-gvern laħaq 10,6 % tal-PDG fl-2012, meta mqabbel ma’ mira tal-gvern u tal-PDE ta’ 6,3 % tal-PDG u 9,4 % tal-PDG fl-2011. Aġġustament għal trasferimenti kapitali lill-banek (li huma meqjusa bħala operazzjonijiet ta’ darba biss), id-defiċits korrispondenti kienu ta’ 7,0 % u 9,0 % tal-PDG fl-2012 u l-2011, rispettivament. It-tnaqqis fil-bilanċ nominali jikkorrispondi għal titjib fil-bilanċ nominali ta’ 2,4 punti perċentwali (nett mit-trasferimenti kapitali fil-banek), fl-isfond ta’ ekonomija li qed tonqos u kompożizzjoni tat-tkabbir li trendi anqas taxxa. It-tbassir tar-rebbiegħa 2013 tas-servizzi tal-Kummissjoni jindika titjib fid-defiċit strutturali ta’ 1,8 punti perċentwali fl-2012, meta mqabbel mat-titjib rakkomandat ta’ 2,7 punti perċentwali. B’korrezzjoni għar-reviżjoni ftit 'l isfel tal-produzzjoni potenzjali mill-aħħar Rakkomandazzjoni tal-Kunsill, l-isforz fiskali stmat jibqa' l-istess. Madankollu, il-bidla stmata fil-bilanċ strutturali kienet affettwata ħafna minn nuqqas mhux mistenni fid-dħul, li kien jammonta għal madwar 1,0 pp. Kollox ma’ kollox, meta jitqiesu dawn l-effetti, l-isforz fiskali aġġustat jiżdied għal 2,9 punti perċentwali, 'il fuq mill-isforz rakkomandat mir-Rakkomandazzjoni tal-Kunsill tal-10 ta’ Lulju 2012. Minbarra miżuri ta’ rikapitalizzazzjoni, id-devjazzjoni baġitarja fl-2012 hija marbuta ma’ taħlita ta’ dħul inqas milli mistenni (meta jitqies l-impatt ta’ miżuri diskrezzjonarji u l-effett bażi) u konsum intermedju u trasferimenti soċjali ogħla. Il-kompożizzjoni tat-tkabbir li trendi inqas taxxi u deterjorament akbar fis-suq tax-xogħol kienet timplika tnaqqis qawwi fid-dħul, partikolarment ta’ taxxi diretti u indiretti, kif ukoll nefqa soċjali ogħla. Spanja adottat miżuri ta’ konsolidazzjoni mdaqqsa matul l-2012, li ammontaw għal madwar 4 % tal-PDG, inkluż madwar 1 1/2 % tal-PDG fuq in-naħa tad-dħul u 2 1/2 % tal-PDG fuq in-naħa tan-nefqa. Dawk il-miżuri parzjalment jikkumpensaw ukoll għal deterjorament sottostanti fil-bilanċ strutturali minħabba żieda fil-ħlasijiet tal-imgħax u trasferimenti soċjali ogħla. |
(12) |
Għall-2013, skont it-tbassir tar-rebbiegħa 2013 tas-servizzi tal-Kummissjoni, id-defiċit tal-gvern huwa projettat li jonqos għal 6,5 % tal-PDG, meta mqabbel mal-mira tal-PDE ta’ 4,5 % tal-PDG. Il-bilanċ primarju huwa mistenni li jitjieb b'4,5 punti perċentwali (0,9 punt perċentwali nett mit-trasferimenti kapitali fil-banek). Wara l-aħħar Rakkomandazzjoni tal-Kunsill, il-Gvern Spanjol ippreżenta f’Awwissu 2012 pjan baġitarju pluriennali għall-2013-2014, fejn iddeskriva xi karatteristiċi tal-istrateġija ta’ konsolidazzjoni għall-medda medja ta’ żmien. Bħala total, l-impatt baġitarju tal-miżuri diskrezzjonali fl-2013 huwa mistenni li jkun ta’ madwar 1 % tal-PDG fuq in-naħa tan-nefqa u madwar 1 1/2 % tal-PDG fuq in-naħa tad-dħul. Id-devjazzjoni baġitarja mistennija ta’ madwar 2 % tal-PDG, meta mqabbla mal-mira tal-PDE hija parzjalment spjegata mill-fatt li l-pożizzjoni tal-bidu kienet agħar. Madankollu, il-fattur ewlieni wara d-devjazzjoni huwa l-kompożizzjoni mhux favorevoli tat-tkabbir, fejn il-konsum privat naqas b’mod aktar qawwi u s-suq tax-xogħol mar agħar milli kien mistenni fir-Rakkomandazzjoni tal-Kunsill tal-10 ta’ Lulju 2012. It-tbassir tar-rebbiegħa 2013 tas-servizzi tal-Kummissjoni jipprojetta li d-defiċit strutturali jkompli jonqos b'1,1 punti perċentwali fl-2013, meta mqabbel ma’ sforz irrakkomandat ta’ 2,5 punti perċentwali. B’korrezzjoni għall-bidla fit-tkabbir potenzjali stmat u għan-nuqqas akbar milli mistenni fid-dħul, l-isforz fiskali stmat jitjieb b'1,4 punti perċentwali, u dan iġib l-isforz fiskali aġġustat għal 2,5 % tal-PDG, f'konformità mal-isforz irrakkomandat fir-Rakkomandazzjoni tal-Kunsill tal-10 ta’ Lulju 2012. Fil-programm ta’ stabbiltà tiegħu għall-2013, il-Gvern Spanjol ħabbar mira ta' defiċit għall-amministrazzjoni pubblika ta’ 6,3 % tal-PDG għall-2013, li kellha tiġi msejsa minn miżuri ta’ konsolidazzjoni addizzjonali ta’ madwar EUR 3 biljun (0,3 % tal-PDG) li għadhom iridu jiġu adottati u implimentati din is-sena. |
(13) |
Skont it-tbassir tar-rebbiegħa 2013 tas-servizzi tal-Kummissjoni, għall-2014, id-defiċit nominali huwa mistenni li jikber għal 7,0 % tal-PDG meta mqabbel mal-mira tal-PDE ta’ 2,8 % tal-PDG. Id-defiċit primarju jitwessa’ b'0,4 % tal-PDG. Minbarra l-effett bażi, id-devjazzjoni mistennija tirrifletti prinċipalment l-iskadenza ta’ miżuri temporanji li ttieħdu fis-snin preċedenti u l-fatt li l-miżuri ta’ konsolidazzjoni ppjanati għall-2014 ma kinux speċifikati biżejjed fil-pjan baġitarju pluriennali ta’ Awwissu 2012 li għandu jiġi inkluż fit-tbassir tas-servizzi tal-Kummissjoni. Barra minn hekk, il-kompożizzjoni tat-tkabbir ekonomiku tibqa’ waħda li trendi ftit taxxa, fejn il-kontribuzzjonijiet soċjali u t-taxxi indiretti mhux dejjem qed jikbru b’mod għal kollox proporzjonat mal-PDG nominali. Il-pagamenti tal-imgħax ukoll se jkomplu jiżdiedu minħabba stokk ikbar ta’ dejn. Skont it-tbassir tar-rebbiegħa 2013 tas-servizzi tal-Kummissjoni, id-defiċit strutturali huwa projettat li jiddeterjora b'1,1 punti perċentwali, meta mqabbel mat-titjib rakkomandat ta’ 1,9 % tal-PDG. Meta ssir korrezzjoni għall-bidla fit-tkabbir potenzjali stmat u għal nuqqas mhux mistenni fid-dħul, id-distakk jiżdied b’0,2 punt perċentwali aktar. |
(14) |
Fir-rigward tal-governanza fiskali, sar progress kbir fir-rappurtar tal-eżekuzzjoni baġitarja fil-livelli tal-Gvern taħt dak ċentrali. Madankollu, id-dispożizzjonijiet tal-Liġi dwar l-Istabbiltà Baġitarja dwar it-twissija bikrija u l-mekkaniżmi korrettivi biex jillimitaw id-devjazzjonijiet baġitarji ma kinux kompletament effettivi u t-trasparenza tal-implimentazzjoni tagħhom tista’ tittejjeb. Minkejja l-progress fir-rigward tar-rapportar baġitarju fil-livell reġjonali, il-kisba ta’ trasparenza fiskali akbar tkun teħtieġ rappurtar iktar komprensiv, konsistenti u rapidu, ukoll għall-pjanijiet baġitarji, fuq bażi konsolidata tal-amministrazzjoni pubblika, f’konformità mas-Sistema Ewropea ta' Kontabbiltà. It-twaqqif ta’ kunsill fiskali, b’indipendenza istituzzjonali u finanzjarja sħiħa, għadu pendenti. |
(15) |
Id-dejn gross tal-amministrazzjoni pubblika żdied għal madwar 84 % tal-PDG fl-2012 meta mqabbel mat-80,9 % tal-PDG projettat fit-tbassir tar-rebbiegħa 2012 aġġornat tas-servizzi tal-Kummissjoni. Iż-żieda fil-proporzjon tad-dejn kienet dovuta għal żbilanċ ogħla milli mistenni, tkabbir tal-PDG nominali aktar baxx, l-ispejjeż tal-operazzjonijiet ta’ rikapitalizzazzjoni tal-banek u l-ħlas b'lura għall-amministrazzjoni pubblika. Skont it-tbassir tar-rebbiegħa 2013 tas-servizzi tal-Kummissjoni, il-proporzjon tad-dejn mal-PDG huwa mistenni li jiżdied aktar u li jaqbeż il-95 % fl-2014, abbażi ta’ xenarju ta’ ebda bidla fil-politika, u b’hekk jaqbeż il-valur referenzjarju taħt it-Trattat fis-snin kollha. |
(16) |
Fl-10 ta' April 2013, il-Kummissjoni kkonkludiet, abbażi tal-Eżami fil-Fond tal-2013 dwar Spanja fil-qafas tal-Proċedura tal-Iżbilanċi Makroekonomiċi (4), li Spanja tinsab għaddejja minn żbilanċi makroekonomiċi eċċessivi. Il-korrezzjoni ta’ dawn l-iżbilanċi li akkumulaw matul is-snin tal-prosperità, u b’mod partikolari l-assorbiment ta’ livelli għolja ħafna ta’ dejn privat u estern, qed ikollhom konsegwenzi negattivi importanti fuq it-tkabbir ekonomiku, l-istabbiltà finanzjarja u l-finanzi pubbliċi. Korrezzjoni sostenibbli tad-defiċit eċċessiv f’perjodu ta’ żmien medju teħtieġ progress fl-istess waqt sabiex tiġi żgurata l-korrezzjoni tal-iżbilanċi makroekonomiċi, appoġġata minn riformi strutturali li jsaħħu t-tkabbir ekonomiku u l-ħolqien tal-impjiegi u t-tnaqqis tar-riġiditajiet strutturali li jfixklu l-aġġustament. |
(17) |
Skont it-tbassir tas-servizzi tal-Kummissjoni fit-tbassir tar-rebbiegħa 2013, Spanja mhux se tilħaq il-miri baġitarji nominali stabbiliti fir-Rakkomandazzjoni tal-Kunsill tal-10 ta’ Lulju 2012. Madankollu, Spanja implimentat sforz strutturali fl-2012 u l-2013 li, meta jitqiesu l-iżviluppi ekonomiċi negattivi mhux mistennija meta mqabbla ma’ meta nħarġet ir-Rakkomandazzjoni tal-Kunsill, huwa konformi mar-Rakkomandazzjoni tal-Kunsill tal-10 ta’ Lulju 2012. Dawk l-iżviluppi ekonomiċi negattivi mhux mistennija ġabu magħhom konsegwenzi sfavorevoli kbar għall-finanzi tal-gvern. B’mod partikolari, tnaqqis sinifikanti fid-dħul marbut mar-ribilanċjament tal-ekonomija lejn struttura tat-tkabbir li trendi anqas taxxa u effetti negattivi assoċjati fuq l-elastiċitajiet tad-dħul wasslu għal deterjorament sostanzjali fil-pożizzjoni baġitarja. Barra minn hekk, il-kriżi ekonomika affettwat l-impjieg b’mod negattiv ħafna u l-qgħad żdied drastikament. Meta jitqiesu dawn il-fatturi kollha, f'konsistenza mar-regoli tal-Patt ta' Stabbiltà u Tkabbir u inkluża l-ħtieġa biex jiġu kkorreġuti l-iżbilanċi makroekonomċi eċċessivi b’konsegwenzi sfavorevoli maġġuri għall-finanzi pubbliċi, tidher li tkun iġġustifikata estensjoni tal-iskadenza għall-korrezzjoni tad-defiċit eċċessiv fi Spanja b'sentejn sal-2016, flok l-estensjoni ta' sena li tkun prevista mill-Patt ta' Stabbiltà u Tkabbir bħala regola. |
(18) |
Fl-isfond ta' inċertezzi kbar fir-rigward tal-iżviluppi ekonomiċi u baġitarji, il-mira baġitarja rrakkomandata għall-aħħar sena tal-perjodu ta' korrezzjoni għandha tiġi stabbilita fuq livell li huwa kjarament taħt il-valur referenzjarju, sabiex tiġi garantita kisba effikaċi u fit-tul tal-korrezzjoni sal-iskadenza mitluba. |
(19) |
Il-miri tad-defiċit nominali intermedji li jwasslu għall-korrezzjoni tad-defiċit eċċessiv sal-2016 huma stabbiliti kif ġej: 6,5 % tal-PDG għall-2013, 5,8 % tal-PDG għall-2014, 4,2 % tal-PDG għal 2015, u 2,8 % tal-PDG għall-2016. Sabiex jintlaħqu dawk il-miri jenħtieġ titjib annwali fil-bilanċ primarju (wara l-miżuri ta’ darba) ta’ 1,3 % tal-PDG bħala medja matul il-perjodu mill-2013 sal-2016 u, abbażi tat-tbassir tar-rebbiegħa 2013 tas-servizzi tal-Kummissjoni estiż għall-2016, titjib fil-bilanċ tal-baġit strutturali ta’ 1,1 % tal-PDG fl-2013, 0,8 % tal-PDG fl-2014, 0,8 % tal-PDG fl-2015, u 1,2 % tal-PDG fl-2016. Dan il-proċess ta’ aġġustament aktar gradwali jqis l-ambjent ekonomiku diffiċli ta’ bħalissa u t-trasformazzjoni strutturali kbira tal-ekonomija Spanjola li tinsab għaddejja bħalissa u se jkollu jkun akkumpanjat minn riformi strutturali ambizzjużi. Għalhekk, huwa mistenni li jappoġġa t-tneħħija gradwali tal-iżbilanċi makroekonomiċi esterni u interni, itaffi l-impatt negattiv fuq perjodu ta’ żmien qasir tal-konsolidazzjoni fiskali fuq it-tkabbir ekonomiku, filwaqt li xorta jistabbilizza u jreġġa’ lura t-tendenza ta’ żieda fid-dejn tal-amministrazzjoni pubblika. |
(20) |
Skont it-tbassir tar-rebbiegħa tas-servizzi tal-Kummissjoni 2013 estiż għall-2016, li huwa bbażat fuq suppożizzjoni ta’ ebda bidla ta’ politika, l-ebda miżuri addizzjonali ma jidhru meħtieġa f’dan l-istadju sabiex jinkiseb it-titjib irrakkomandat fil-bilanċ strutturali għall-2013 (u l-mira l-ġdida tad-defiċit ta' 6,5 % tal-PGD), iżda l-pjanijiet baġitarji fil-livelli kollha tal-gvern se jkollhom jiġu implimentati b’mod strett. Għall-perjodu bejn l-2014 u l-2016, biex id-defiċit jinġieb taħt il-valur referenzjarju taħt it-Trattat fuq bażi sostenibbli ser ikunu meħtieġa miżuri fiskali strutturali konsiderevoli flimkien ma’ dawk diġà inklużi fit-tbassir tar-Rebbiegħa 2013 tas-servizzi tal-Kummissjoni. Dawn il-miżuri, li jammontaw għal madwar 2 % tal-PDG fl-2014, 1 % tal-PDG fl-2015, u 1 1/2 % tal-PGD fl-2016 għandhom iqisu l-ħtieġa li jkun hemm kumpens għal effetti sekondarji negattivi, it-tkabbir potenzjalment negattiv tal-produzzjoni, kif ukoll żidiet fil-ħlasijiet tal-imgħax u dawk soċjali. |
(21) |
Il-programm ta’ stabbiltà tal-2013 jipprevedi triq ta’ aġġustament li hija ġeneralment konsistenti mal-korrezzjoni tad-defiċit eċċessiv sal-2016, u li timmira għal defiċits nominali ta’ 6,3 % tal-PDG fl-2013, 5,5 % fl-2014, 4,1 % fl-2015, u 2,7 % fl-2016. Għall-2013, il-mira hija bbażata fuq miżuri ta’ konsolidazzjoni addizzjonali ta’ madwar EUR 3 biljun previsti fil-Programm, li għad iridu jiġu speċifikati fid-dettall. |
(22) |
Il-miżuri ta' konsolidazzjoni tal-baġit għandhom jiksbu titjib li jħalli l-frott fit-tul fil-bilanċ tal-amministrazzjoni pubblika, filwaqt li jkunu mmirati lejn it-titjib tal-kwalità tal-finanzi pubbliċi u r-raffurzar tal-potenzjal ta' tkabbir tal-ekonomija. |
(23) |
Spanja qed tiffaċċa riskji għolja għas-sostenibbiltà f'perspettiva fuq terminu medju u riskji medji fit-tul. Li jerġa' jinkiseb bilanċ strutturali primarju, madwar – 0,5 % tal-PDG kif kien fil-medja fil-perjodu 1998-2012, jgħin biex jitrażżnu dawn ir-riskji. Ir-riforma tal-2013 tal-iskemi tal-irtirar kmieni hija mistennija li tikkontribwixxi għas-sostenibbiltà fit-tul tas-sistema tas-sigurtà soċjali. Madankollu, jidhru neċessarji miżuri oħra sabiex jitrażżan it-tkabbir tal-infiq marbut mal-età, pereżempju permezz tar-regolamentazzjoni xierqa tal-fattur tas-sostenibbiltà previst mir-riforma tal-2011 tas-sistema tal-pensjonijiet, inkluż billi jiġi stipulat li l-età tal-irtirar se tiżdied skont il-gwadanji fl-istennija tal-ħajja. |
(24) |
Minħabba n-natura deċentralizzata tal-finanzi pubbliċi tagħha, il-pjan ta’ aġġustament fiskali ta’ Spanja għandu jiġi sostnut permezz ta’ strateġija kredibbli mifruxa fuq medda medja ta’ żmien ta’ konsolidazzjoni li tinkludi (i) pjan dettaljat tal-baġit pluriennali bi speċifikazzjoni sħiħa tal-miżuri għall-2014-2016, (ii) iktar tisħiħ tal-effikaċja tal-qafas istituzzjonali (billi togħla iktar it-trasparenza fl-implimentazzjoni tal-Liġi dwar l-Istabbiltà Baġitarja kif ukoll billi jiġi stabbilit kunsill fiskali indipendenti), (iii) teħid ta’ passi konkreti biex jiġi kkontrollat id-defiċit strutturali li qed jiżdied fis-sistema tas-sigurtà soċjali, u (iv) tqegħid ta’ enfasi akbar fuq li l-konsolidazzjoni tkun waħda li tiffavorixxi t-tkabbir (inkluż billi jitwettqu eżamijiet sistematiċi tan-nefqa kif ukoll reviżjonijiet tas-sistema tat-taxxa). |
(25) |
B'mod parallel mal-eżamijiet regolari tal-Assistenza Finanzjarja tal-ESM għar-Rikapitalizzazzjoni tal-Istituzzjonijiet Finanzjarji fi Spanja (5) u kif maqbul fil-Memorandum ta' Ftehim iffirmat fit-23 ta' Lulju 2012, il-monitoraġġ tal-progress dwar l-implimentazzjoni tal-impenji tal-PDE ta' Spanja se jseħħ fuq bażi trimestrali. |
(26) |
Spanja tissodisfa l-kundizzjonijiet għall-estensjoni tal-iskadenza għall-korrezzjoni tad-defiċit eċċessiv tal-amministrazzjoni pubblika, kif stabbilit fl-Artikolu 3(5) tar-Regolament (KE) Nru 1467/97, |
ADOTTA DIN IR-RAKKOMANDAZZJONI:
(1) |
Spanja għandha ġġib fi tmiemha s-sitwazzjoni preżenti ta’ defiċit eċċessiv sal-2016. |
(2) |
Spanja għandha tilħaq mira tad-defiċit nominali ta' 6,5 % tal-PDG fl-2013, 5,8 % tal-PDG fl-2014, 4,2 % tal-PDG fl-2015, u 2,8 % tal-PDG fl-2016, li hija konsistenti ma' titjib fil-bilanċ strutturali ta' 1,1 %, 0,8 %, 0,8 %, u 1,2 % tal-PDG fis-snin 2013-2016 rispettivament fuq il-bażi tat-tbassir tar-rebbiegħa tas-servizzi tal-Kummissjoni estiż għall-2016. |
(3) |
Spanja għandha timplimenta l-miżuri adottati fil-pjanijiet tal-baġit 2013 fil-livelli kollha tal-gvern, u tkun lesta biex tieħu azzjoni korrettiva f’każ ta’ devjazzjonijiet mill-pjanijiet baġitarji. L-awtoritajiet għandhom isaħħu l-istrateġija baġitarja fuq medda medja ta’ żmien b’miżuri strutturali speċifikati tajjeb għas-snin 2014-2016 li huma neċessarji biex tinkiseb il-korrezzjoni tad-defiċit eċċessiv sa mhux aktar tard mill-2016. |
(4) |
Il-Kunsill jistabbilixxi l-iskadenza tal-1 ta’ Ottubru 2013 sabiex il-Gvern Spanjol jieħu azzjoni effikaċi u biex, f’konformità mal-Artikolu 3(4a) tar-Regolament (KE) Nru 1467/97, jirrapporta fid-dettall l-istrateġija ta' konsolidazzjoni prevista biex jintlaħqu l-miri. |
Barra minn hekk, Spanja għandha:
(a) |
isaħħaħ l-effikaċja tal-qafas istituzzjonali billi żżid iktar it-trasparenza fl-implimentazzjoni tal-Liġi dwar l-Istabbiltà Baġitarja kif ukoll billi tistabbilixxi kunsill fiskali indipendenti sabiex jipprovdi analiżi u pariri u jimmonitorja l-konformità tal-politika fiskali mar-regoli fiskali nazzjonali u tal-Unjoni; |
(b) |
tieħu passi konkreti sabiex trażżan iż-żieda fid-defiċit strutturali fis-sistema tas-sigurtà soċjali; u |
(c) |
tagħmel iżjed enfasi fuq l-effett benefiku tal-konsolidazzjoni għat-tkabbir, anke billi tagħmel reviżjonijiet sistematiċi tan-nefqa u tas-sistema tat-taxxa. |
Finalment, sabiex jiġi żgurat is-suċċess tal-istrateġija tal-konsolidazzjoni fiskali, se jkun importanti li l-konsolidazzjoni tiġi appoġġata permezz ta' riformi strutturali kumplessivi, f'konformità mar-Rakkomandazzjonijiet tal-Kunsill, indirizzati lil Spanja fil-kuntest tas-Semestru Ewropew u l-Proċedura tal-Iżbilanċi Makroekonomiċi.
Din ir-Rakkomandazzjoni hija indirizzata lir-Renju ta’ Spanja.
Magħmul fil-Lussemburgu, il-21 ta’ Ġunju 2013.
Għall-Kunsill
Il-President
M. NOONAN
(1) Id-dokumenti kollha relatati mal-proċedura tad-defiċit eċċessiv fi Spanja jinsabu hawn: http://ec.europa.eu/economy_finance/economic_governance/sgp/deficit/countries/spain_en.htm
(3) ĠU L 140, 27.5.2013, p. 11.
(4) http://ec.europa.eu/economy_finance/publications/occasional_paper/2013/op134_en.htm
(5) http://ec.europa.eu/economy_finance/assistance_eu_ms/spain/index_en.htm
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
26.6.2013 |
MT |
Il-Ġurnal Uffiċjali tal-Unjoni Ewropea |
C 180/9 |
Komunikazzjoni skont l-Artikolu 12 (5)(a) tar-Regolament tal-Kunsill (KEE) Nru. 2913/92, dwar l-informazzjoni mogħtija mill-awtoritajiet doganali tal-Istati Membri dwar il-klassifkazzjoni ta' merkanzija fin-nomenklatura doganali
2013/C 180/03
Informazzjoni Tariffarja Obbligatorja ma tibqax valida minn dan il-jum jekk issir inkompatibbli mal-interpretazzjoni tan-nomenklatura doganali bħala riżultat tal-miżuri tariffarji internazzjonali li ġejjin:
Emendi tan-Noti ta' Spjegazzjoni tas-Sistema Armonizzata u l-Kompendju ta' Opinjonijiet dwar il-Klassifikazzjoni, approvati mill-Kunsill tal-Kooperazzjoni Doganali (dok CCC NC1819 – rapport tas-50 Sessjoni tal-Kumitat HS):
EMENDI TAN-NOTI TA' SPJEGAZZJONI LI JRIDU JSIRU SKONT IL-PROĊEDURA TAL-ARTIKOLU 8 TAL-KONVENZJONI HS U L-OPINJONIJIET DWAR IL-KLASSIFIKAZZJONI EDITJATI MILL-KUMITAT HS TAL-ORGANIZZAZZJONI DINJIJA DOGANALI
(IS-50 SESSJONI TAL-HSC – SETTEMBRU 2012)
DOK. NC1819
Emendi tan-Noti ta' Spjegazzjoni tan-Nomenklatura fl-anness tal-Konvenzjoni HS
35.07 |
L/5 |
Kapitolu 40 – Noti Ġenerali |
L/20 |
56.02 |
L/20 |
56.03 |
L/20 |
59.03 |
L/20 |
59.06 |
L/20 |
84.15 |
L/8 |
84.35 |
L/10 |
84.38 |
L/10 |
84.73 |
L/12 |
85.09 |
L/10 |
Kapitolu 87 – Noti Ġenerali |
L/14 |
87.03 |
L/16, L/21 |
87.04 |
L/16 |
87.11 |
L/16 |
Opinjonijiet dwar il-Klassifikazzjoni approvati mill-Kumitat HS
1704.90/9 |
L/2 |
3004.90/2 |
L/4 |
6304.91/2 |
L/6 |
8415.10/1 |
L/7 |
8419.89/3 |
L/9 |
8471.30/2-3 |
L/11 |
8523.51/4-5 |
L/13 |
8704.21/2 |
L/15 |
8704.31/4-5 |
L/15 |
9018.90/2 |
L/17 |
Informazzjoni dwar il-kontenut ta' dawn il-miżuri tista' tinkiseb mid-Direttorat Ġenerali għat-Tassazzjoni u l-Unjoni Doganali tal-Kummissjoni Ewropea (rue de la Loi/Wetstraat 200, 1049 Brussell, Belgium) jew tista' titniżżel mis-sit tal-internet tad-Direttorat-Ġenerali:
http://ec.europa.eu/comm/taxation_customs/customs/customs_duties/tariff_aspects/harmonised_system/index_en.htm
26.6.2013 |
MT |
Il-Ġurnal Uffiċjali tal-Unjoni Ewropea |
C 180/11 |
Ebda oppożizzjoni għal konċentrazzjoni notifikata
(Każ COMP/M.6613 – Watson/Actavis)
(Test b’relevanza għaż-ŻEE)
2013/C 180/04
Fil-5 ta’ Ottubru 2012, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32012M6613. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kunsill
26.6.2013 |
MT |
Il-Ġurnal Uffiċjali tal-Unjoni Ewropea |
C 180/12 |
DEĊIŻJONI TAL-KUNSILL
tal-25 ta’ Ġunju 2013
li taħtar membru tal-Qorti tal-Awdituri
2013/C 180/05
IL-KUNSILL TAL-UNJONI EWROPEA,
Wara li kkunsidra t-Trattat dwar il-funzjonament tal-Unjoni Ewropea, u b'mod partikolari l-Artikolu 286(2) tiegħu,
Wara li kkunsidra l-opinjoni tal-Parlament Ewropew (1),
Billi:
(1) |
Il-mandat tas-Sur Ovidiu ISPIR ser jiskadi fit-30 ta' Ġunju 2013. |
(2) |
Għandha għalhekk issir ħatra ġdida, |
ADOTTA DIN ID-DEĊIŻJONI:
Artikolu 1
Is-Sur George PUFAN huwa b'dan maħtur membru tal-Qorti tal-Awdituri għall-perijodu mill-1 ta’ Lulju 2013 sat-30 ta' Ġunju 2019.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, il-25 ta’ Ġunju 2013.
Għall-Kunsill
Il-President
E. GILMORE
(1) Opinjoni tat-12 ta' Ġunju 2013 (għadha mhijiex ippubblikata fil-Ġurnal Uffiċjali).
Il-Kummissjoni Ewropea
26.6.2013 |
MT |
Il-Ġurnal Uffiċjali tal-Unjoni Ewropea |
C 180/13 |
Rata tal-kambju tal-euro (1)
Il-25 ta’ Ġunju 2013
2013/C 180/06
1 euro =
|
Munita |
Rata tal-kambju |
USD |
Dollaru Amerikan |
1,3134 |
JPY |
Yen Ġappuniż |
127,79 |
DKK |
Krona Daniża |
7,4593 |
GBP |
Lira Sterlina |
0,84860 |
SEK |
Krona Żvediża |
8,7683 |
CHF |
Frank Żvizzeru |
1,2268 |
ISK |
Krona Iżlandiża |
|
NOK |
Krona Norveġiża |
7,9800 |
BGN |
Lev Bulgaru |
1,9558 |
CZK |
Krona Ċeka |
25,788 |
HUF |
Forint Ungeriż |
296,85 |
LTL |
Litas Litwan |
3,4528 |
LVL |
Lats Latvjan |
0,7019 |
PLN |
Zloty Pollakk |
4,3190 |
RON |
Leu Rumen |
4,4697 |
TRY |
Lira Turka |
2,5315 |
AUD |
Dollaru Awstraljan |
1,4156 |
CAD |
Dollaru Kanadiż |
1,3770 |
HKD |
Dollaru ta' Hong Kong |
10,1876 |
NZD |
Dollaru tan-New Zealand |
1,6939 |
SGD |
Dollaru tas-Singapor |
1,6637 |
KRW |
Won tal-Korea t'Isfel |
1 513,98 |
ZAR |
Rand ta' l-Afrika t'Isfel |
13,1090 |
CNY |
Yuan ren-min-bi Ċiniż |
8,0707 |
HRK |
Kuna Kroata |
7,4775 |
IDR |
Rupiah Indoneżjan |
13 039,26 |
MYR |
Ringgit Malażjan |
4,1799 |
PHP |
Peso Filippin |
56,825 |
RUB |
Rouble Russu |
43,0380 |
THB |
Baht Tajlandiż |
40,650 |
BRL |
Real Brażiljan |
2,8989 |
MXN |
Peso Messikan |
17,2858 |
INR |
Rupi Indjan |
78,3770 |
(1) Sors: rata tal-kambju ta' referenza ppubblikata mill-Bank Ċentrali Ewropew.
INFORMAZZJONI MILL-ISTATI MEMBRI
26.6.2013 |
MT |
Il-Ġurnal Uffiċjali tal-Unjoni Ewropea |
C 180/14 |
Komunikazzjoni tal-Kummissjoni skont il-proċedura stipulata fl-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità
Sejħa għall-offerti rigward l-operat ta’ servizzi tal-ajru bi skeda skont l-obbligi tas-servizz pubbliku
(Test b’relevanza għaż-ŻEE)
2013/C 180/07
Stat Membru |
L-Italja |
||||||||||
Rotta kkonċernata |
Minn Alghero għal Roma Fiumicino u viċiversa |
||||||||||
Perjodu ta’ validità tal-kuntratt |
mis-27 ta' Ottubru 2013 għal perjodu ta' erba' snin. |
||||||||||
Skadenza għat-tressiq tal-offerti |
Xahrejn mid-data tal-pubblikazzjoni ta' dan l-avviż |
||||||||||
Indirizz sħiħ minn fejn jistgħu jinkisbu t-test tas-sejħa għall-offerti u kwalunkwe informazzjoni u/jew dokumentazzjoni rilevanti marbuta mal-offerta pubblika u mal-obbligu ta' servizz pubbliku |
Għal aktar tagħrif ara:
|
26.6.2013 |
MT |
Il-Ġurnal Uffiċjali tal-Unjoni Ewropea |
C 180/15 |
Komunikazzjoni tal-Kummissjoni skont il-proċedura stipulata fl-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità
Sejħa għall-offerti rigward l-operat ta’ servizzi tal-ajru bi skeda skont l-obbligi tas-servizz pubbliku
(Test b’relevanza għaż-ŻEE)
2013/C 180/08
Stat Membru |
L-Italja |
||||||||||
Rotta kkonċernata |
Minn Crotone għal Milan Linate u viċiversa |
||||||||||
Perjodu ta’ validità tal-kuntratt |
mis-27 ta' Ottubru 2013 għal perjodu ta' erba' snin |
||||||||||
Skadenza għat-tressiq tal-offerti |
Xahrejn mid-data tal-pubblikazzjoni ta' dan l-avviż |
||||||||||
Indirizz sħiħ minn fejn jistgħu jinkisbu t-test tas-sejħa għall-offerti u kwalunkwe informazzjoni u/jew dokumentazzjoni rilevanti marbuta mal-offerta pubblika u mal-obbligu ta' servizz pubbliku |
Għal aktar tagħrif ara:
|
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
26.6.2013 |
MT |
Il-Ġurnal Uffiċjali tal-Unjoni Ewropea |
C 180/16 |
Notifika minn qabel ta' konċentrazzjoni
(Każ COMP/M.6607 – US Airways/American Airlines)
(Test b’relevanza għaż-ŻEE)
2013/C 180/09
1. |
Fit-18 ta’ Ġunju 2013, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża US Airways Group (“US Airways”, l-Istati Uniti) tidħol f'fużjoni sħiħa fit-tifsira tal-Artikolu 3(1)(a) tar-regoalment dwar l-Għaqdiet ma' AMR Corporation (“AMR”, l-Istati Uniti). |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6607 – US Airways/American Airlines, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
ATTI OĦRAJN
Il-Kummissjoni Ewropea
26.6.2013 |
MT |
Il-Ġurnal Uffiċjali tal-Unjoni Ewropea |
C 180/17 |
Pubblikazzjoni ta' applikazzjoni skont l-Artikolu 50(2) punt (a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
2013/C 180/10
Din il-pubblikazzjoni tikkonferixxi d-dritt għal oppożizzjoni (oġġezzjoni) skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).
DOKUMENT UNIKU
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)
“PEMBROKESHIRE EARLIES”/“PEMBROKESHIRE EARLY POTATOES”
Nru tal-KE: GB-PGI-0005-01087-29.01.2013
IĠP ( X ) DPO ( )
1. Isem
“Pembrokeshire Earlies”/“Pembrokeshire Early Potatoes”
2. Stat Membru jew Pajjiż Terz
Ir-Renju Unit
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.6. |
Frott, ħaxix u ċereali friski jew ipproċessati. |
3.2. Deskrizzjoni tal-prodott li għalih japplika l-isem fil-punt 1
Pembrokeshire Earlies/Pembrokeshire Early Potatoes huwa l-isem mogħti lill-ispeċi mhux matura tal-patata Solanum tuberosum tal-familja Solanaceae. Din it-tip ta' patata trid tiġi mħawwla, imkabbra u maħsuda fiż-żona definita, il-kontea ta’ Pembrokeshire f’West Wales.
Il-patata hija żgħira fid-daqs (15-70 mm dijametru), b'forma tonda jew ovali u qoxra fina u għandha togħma u riħa qawwija distintiva ta' art li tixbaħ dik tal-ġewż. Għandha konsistenza kremuża u bħala kulur hija bajda tagħti fl-isfar ċar konsistenti mal-patata kollha. It-tuberi taż-żerriegħa jitħawwlu minn nofs Frar kull sena (iżda dan jista’ jseħħ lejn l-aħħar ta’ Jannar fuq art qrib il-kosta ħielsa mill-ġlata) u l-ħsad isir mill-bidu ta’ Mejju sal-aħħar ta’ Lulju. Dan iseħħ ferm aktar kmieni minn f'partijiet oħra ta' Wales, minħabba li fiż-żona ddefinita, il-klima hija aktar sħuna u l-ħamrija tiskula b'aktar faċilità u dan iwassal għal riskju inqas ta' ġlata milli fil-kumplament tal-parti interna ta' Wales.
Il-kwalitajiet uniċi tal-Pembrokeshire Earlies/Pembrokeshire Early Potatoes ġejjin mill-klima moderata u l-ħamrija unika ta’ Pembrokeshire li jippermettu li l-patata tiġi mħawwla, imkabbra u maħsuda kmieni fis-sena. L-istaġun tat-tkabbir qasir tagħhom u l-freskezza jagħtu dik it-togħma friska distintiva tagħhom ta' patata bikrija b'riħa ta' “art”.
Il-patata tinbiegħ sfuża bil-piż jew ippakkjata f’medda ta’ piżijiet skont il-ħtiġijiet tal-konsumatur.
3.3. Materja prima (għall-prodotti pproċessati biss)
—
3.4. Għalf (għall-prodotti li ġejjin mill-annimali biss)
—
3.5. Stadji speċifiċi tal-produzzjoni li għandhom isiru fiż-żona ġeografika ddefinita
Il-Pembrokeshire Earlies/Pembrokeshire Early Potatoes iridu jiġu mħawwla, imkabbra u maħsuda fiż-żona ddefinita.
3.6. Regoli speċifiċi dwar it-tqattigħ, it-tħakkik, l-ippakkjar, eċċ.
—
3.7. Regoli speċifiċi dwar it-tikkettar
Fuq it-tikketta għandu jkun hemm jew it-terminu “Pembrokeshire Early Potatoes” jew “Pembrokeshire Earlies”.
4. Definizzjoni fil-qosor taż-żona ġeografika
Il-Kontea ta’ Pembrokeshire f’West Wales.
5. Rabta maż-żona ġeografika
5.1. Speċifiċità taż-żona ġeografika
Il-Kontea ta’ Pembrokeshire tinsab fil-parti l-aktar tal-Punent ta’ Wales u hija mdawwra bil-baħar fuq tliet naħat. Din il-kontea tgawdi mis-sħana ġġenerata mill-baħar li jiġma s-sħana mill-Irjieħ tal-Atlantiku tat-Tramuntana tal-Kurrent tal-Golf. Il-Kurrent tal-Golf huwa kurrent sħun li jżomm il-kosta tal-punent tal-Gran Brittanja aktar sħuna minn naħa tal-Lvant. Huwa l-effett tas-sħana tal-baħar u tal-istabbilità tal-klima li jgħinu biex il-ħamrija ta' Pembrokeshire tisħon aktar kmieni fis-sena u l-kontea ssir tajba għall-produzzjoni tal-patata bikrija. L-effett tas-sħana tal-klima wkoll inaqqas kemm jista' jkun ir-riskju tal-ġlata u dan huwa ta’ benefiċċju kbir biex tiġi evitata ħsara fix-xitla li tkun qed tnebbet.
Il-ħamrija u l-klima taż-żona ddefinita jsaħħu r-reputazzjoni tal-Pembrokeshire Earlies/Pembrokeshire Early Potatoes. Bis-saħħa ta' dawn il-kundizzjonijiet tal-ħamrija u tal-klima l-Pembrokeshire Earlies/Pembrokeshire Early Potatoes jiġu mkabbra u maħsuda kmieni fis-sena. L-istaġun qasir u bikri ta’ tkabbir jipproduċi patata żgħira b’togħma distintiva ta' art b'riħa ta' ġewż frisk.
L-istruttura ġeoloġika ta’ Pembrokeshire hija waħda magħmula minn blat qadim ħafna tal-epoka Pre-Kambrijana, il-Palaeożoika Inferjuri u l-Palaeożoika Superjuri u dan il-blat jiġġenera ħamrija distinta. Il-biċċa l-kbira tal-Pembrokeshire Earlies/Pembrokeshire Early Potatoes jiġu mkabbra f’ħamrija ħamra u ramlija fuq l-għoljiet ta' fuq il-kosta li jħarsu lejn in-nofsinhar li fihom infushom huma għammiela, jinħadmu liberament, jiskulaw b’mod faċli u li jisħnu malajr fir-Rebbiegħa. Il-klima moderata ta’ Pembrokeshire u l-ħamrija fertili jippermettu staġun ta’ tkabbir medju ta’ 9 xhur li huwa itwal u aktar bikri minn ta' kontej oħra f'Wales. L-art hija ġeblija u għalkemm il-ħaġar kbir jista' jitneħħa biex tonqos kemm jista' jkun il-ħsara fit-tuberi, il-bqija tal-ġebel żgħir jgħin biex il-ħamrija tisħon billi jżomm s-sħana tal-għalqa matul il-lejl.
5.2. Speċifiċità tal-prodott
Il-Pembrokeshire Earlies/Pembrokeshire Early Potatoes huma kkaratterizzati u apprezzati għad-dehra u t-togħma distinta tagħhom. Ir-reputazzjoni ta' din il-patata u d-domanda għaliha ġejjin mill-fatt li hija l-aktar patata bikrija disponibbli f’Wales u li għandha dehra, togħma u konsistenza distintiva.
Matul il-proċess ta’ preparazzjoni tal-ħamrija, il-ġebel iż-żgħir jitħalla fl-art biex jgħin fit-tisħin tal-ħamrija, u meta t-temperaturi tal-ħamrija jqarrbu l-10 °C, isir it-tixtib tal-ħamrija bil-magni biex tkompli titfarrak u ssir kemm jista' jkun fina u li tiskula malajr. Il-ħamrija tinħarat f'raded baxxi u l-patata titħawwel bl-idejn jew bil-magni. Biex tikber malajr, iż-żerriegħa tinżara' f'fond ta' madwar 75 mm ta’ ħamrija bl-istess ammont ta’ ħamrija taħtha. Bis-saħħa ta' dawn ir-raded baxxi l-ħamrija tisħon aktar malajr u x-xitla tispunta aktar kmieni. Id-daqs żgħir tal-Pembrokeshire Earlies/Pembrokeshire Early Potatoes fi żmien il-ħsad jeħtieġ raded baxxi.
Il-Pembrokeshire Earlies/Pembrokeshire Early Potatoes huma żgħar fid-daqs, minħabba l-età żgħira tagħhom fiż-żmien tal-ħsad. Għandhom togħma u riħa qawwija distintiva ta' art li tixbaħ dik tal-ġewż. Matul l-ewwel ġimagħtejn tal-ħsad, il-qoxra tal-patata hija ratba u delikata u trid tintmiss bid-delikatezza. Il-patata tinġabar bl-idejn u tinbiegħ bil-ħamrija fuqha biex kemm jista' jkun ma ssirilhiex ħsara. Hekk kif javanza l-istaġun il-qoxra tal-patata tibbies biżżejjed biex jista' jsir ħsad bir-reqqa bil-makkinarju, iżda n-natura ratba u bikrija tal-patata titlob li l-ħsad bil-makkinarju għandu dejjem isir b’attenzjoni kbira.
Il-Pembrokeshire Earlies/Pembrokeshire Early Potatoes huma stabbiliti sew u magħrufa b’mod wiesa’ mill-industrija tal-ikel kemm fir-Renju Unit kif ukoll madwar id-dinja. Bħala prodott ta’ kwalità tintuża minn ħafna kokijiet primi u gastronomi u regolarment tidher bħala prodott ta' isem fil-menus tagħhom. Ħafna sidien ta' restoranti u negozji agroalimentari magħrufa wrew il-preferenza tagħhom għal din il-patata bikrija.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħrajn tal-prodott (għall-IĠP)
Ir-reputazzjoni u d-domanda għall-Pembrokeshire Earlies/Pembrokeshire Early Potatoes ġejja mill-fatt li hija l-aktar patata bikrija disponibbli f’Wales u minħabba li għandha togħma u riħa qawwija distintiva ta' art li tixbaħ dik tal-ġewż. Il-klima taż-żona definita u l-ħamrija ġeblija fertili li tinħadem faċilment u tiskula malajr iwasslu għal-tisħin aktar malajr tal-ħamrija biex b'hekk il-Pembrokeshire għandha l-aktar staġun ta' tkabbir twil u bikri f’Wales. Bis-saħħa ta' dan il-Pembrokeshire Earlies/Pembrokeshire Early Potatoes jitħawlu, jiġu mkabbra u maħsuda aktar kmieni minn kwalunkwe post ieħor fit-terrirorju intern ta' Wales. Li wieħed jista' jaħsad il-Pembrokeshire Earlies/Pembrokeshire Early Potatoes meta jkunu għadhom żgħar ifisser li l-proprjetajiet organolettiċi tagħhom huma differenti kwalitattivament minn dawk tat-tuberi maturi.
Il-produtturi tal-Pembrokeshire Earlies/Pembrokeshire Early Potatoes għandhom għarfien li jitwieldu bih tal-karatteristiċi lokali u l-ħiliet partikolari marbuta mat-tkabbir ta' din il-patata bikrija. Dawn huma speċifiċi għaż-żona u għall-wiċċ tar-raba’, ġew żviluppati matul is-snin u għaddew minn ġenerazzjoni għall-oħra. Il-preparazzjoni tal-ħamrija hija importanti u ta' sikwit il-ġebel żgħir jitħalla fil-ħamrija biex jgħin fit-tisħin u l-bdiewa jeħtieġu ħila u esperjenza biex ikunu jafu meta n-nebbieta tkun fl-aħjar stadju ta’ żvilupp għat-tħawwil. Li wieħed ikun jaf meta għandu jħawwel biex il-ħsad ikun mill-aqwa jinvolvi ċerta “sengħa” u għarfien ta’ taħlita ta' fatturi bħall-kundizzjoni tal-ħamrija, it-temperatura tal-ħamrija u t-temp. Barra minn hekk, meta l-Pembrokeshire Earlies/Pembrokeshire Early Potatoes jiġu maħsuda dan isir bl-idejn (mhux b’makkinarju) u jinbiegħu bil-ħamrija fuqhom biex ma ssirx ħsara lill-qoxra.
L-istorja taż-żona ddefinita hija ħaġa waħda mat-tkabbir tal-patata bikrija u tenfasizza l-importanza ekonomika u kulturali tal-Pembrokeshire Earlies/Pembrokeshire Early Potatoes għall-kontea ta’ Pembrokeshire. Redcliffe Salaman fil-ktieb tiegħu “The History and Social influence of the potato”, jinnota li t-tkabbir tal-patata f’Pembrokeshire kien mifrux sa mill-1776. Fit-Tieni Gwerra Dinjija f'Pembrokeshire ġiet imkabbra firxa sinifikanti ta’ patata u l-importanza tat-tkabbir tal-Pembrokeshire early potatoes fil-kontea kompliet tul is-snin ħamsin kollha u għadha għaddejja sal-ġurnata tal-lum. Fis-snin tmenin twaqqaf Grupp għall-Kummerċjalizzazzjoni tal-Pembrokeshire Potato u fl-1995 inbena impjant tal-ipproċessar li issa jagħti grad u jipproċessa l-Pembrokeshire Earlies/Pembrokeshire Early Potatoes għas-suq diversifikat.
Il-Pembrokeshire Earlies/Pembrokeshire Early Potatoes għandhom reputazzjoni ta’ kwalità u huma stabbiliti u magħrufa sew mill-industrija tal-ikel f’Pembrokeshire stess, f’Wales, fir-Renju Unit u lil hinn minnu. Bħala prodott ta’ kwalità jintużaw minn ħafna kokijiet primi u gastronomi u regolarment jidhru bħala prodott ta' isem fil-menus tagħhom bħala speċjalità reġjonali u għalkemm jistgħu jiġu servuti f’għadd ta’ modi, l-iktar popolari huwa sempliċement mgħollijin friski bil-butir. Sidien ta' restoranti u negozji agroalimentari magħrufa wrew il-preferenza tagħhom għal din il-patata bikrija.
Owen Hall, Kok f'Wolfcastle Hotel, Pembrokeshire Wales
“… fl-opinjoni tiegħi l-Pembrokeshire Earlies għandhom togħma unika minħabba l-ħamrija rikka ta' Pembrokeshire.”
Fl-2009 il-Pembrokeshire Earlies/Pembrokeshire Early Potatoes ingħataw diversi premijiet ta' True Taste of Wales.
Referenza għall-pubblikazzjoni tal-ispeċifikazzjoni
(Artikolu 5(7) tar-Regolament (KE) No 510/2006 (3))
http://archive.defra.gov.uk/foodfarm/food/industry/regional/foodname/products/documents/pembrokeshire-early-potatoes-pgi-120907.pdf
(1) ĠU L 343, 14.12.2012, p. 1.
(2) ĠU L 93, 31.3.2006, p. 12. Sostitwit bir-Regolament (UE) Nru 1151/2012.
(3) Ara n-nota f’qiegħ il-paġna Nru 2.
26.6.2013 |
MT |
Il-Ġurnal Uffiċjali tal-Unjoni Ewropea |
C 180/21 |
Pubblikazzjoni ta' applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar l-iskemi tal-kwalità għal prodotti agrikoli u oġġetti tal-ikel
2013/C 180/11
Din il-pubblikazzjoni tagħti d-dritt għall-oġġezzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).
DOKUMENT UNIKU
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)
“CORDERO SEGUREÑO”
Nru tal-KE: ES-PGI-0005-0871-01.04.2011
IĠP ( X ) DPO ( )
1. Isem
“Cordero Segureño”
2. Stat Membru jew pajjiż terz
Spanja
3. Deskrizzjoni tal-prodott agrikolu jew tal-oġġett tal-ikel
3.1. Tip ta' prodott
Klassi 1.1: |
Laħam frisk (u l-ġewwieni) |
3.2. Deskrizzjoni tal-prodott li għalih japplika l-isem mogħti fil-punt (1)
Il-laħam jinbiegħ bħala karkassa sħiħa, nofs karkassa, f'partijiet bl-għadam jew mingħajru, jew f'biċċiet għall-bejgħ għall-konsumatur. Il-laħam jinkiseb minn ħrief maskili jew femminili, ulied nagħaġ tar-razza Segureño.
Il-karkassi jkollhom il-karatteristiċi li ġejjin:
(a) |
piż tal-karkassa sħiħa, mingħajr ir-ras jew il-ġewwieni: 9,0-13,0 kg (wara l-iżvinar); |
(b) |
il-preżentazzjoni: karkassa sħiħa, mingħajr ir-ras jew il-ġewwieni, bit-truf mirqumin, wara l-iżvinar, u mingħajr difetti. Klassifikazzjoni tal-karkassa: karkassa tal-kategoriji B u C, tal-ewwel kwalità, skont ir-regoli tal-UE dwar il-klassifikazzjoni tal-karkassi tal-laħam tan-nagħaġ (ir-Regolament (KE) Nru 1249/2008); |
(c) |
konformazzjoni tal-karkassa: il-klassi ta' konformazzjoni R u O skont ir-regoli tal-UE dwar il-klassifikazzjoni tal-karkassi tal-laħam tan-nagħaġ (ir-Regolament (KE) Nru 1249/2008); |
(d) |
xaħam:
|
(e) |
lewn il-laħam: bejn roża ċar u roża. |
3.3. Materja prima (għall-prodotti pproċessati biss)
—
3.4. Għalf (għall-prodotti li ġejjin mill-annimali biss)
Il-ħrief jitreddgħu bil-ħalib tal-omm, issupplimentat bi prodotti rikki fil-fibra u b'alimentazzjoni bbażata fuq il-pjanti, sakemm jinqatlu.
3.5. Stadji speċifiċi tal-produzzjoni li għandhom isiru fiż-żona ġeografika ddefinita
Il-ħrief jitwieldu u jitrabbew fiż-żona ġeografika ddefinita sakemm jinqatlu. Jistgħu jinqatlu jew jitbiċċru fi kwalunkwe biċċerija jew impjant tat-tqattigħ awtorizzat.
3.6. Regoli speċifiċi għat-tqattigħ, għall-ħakk, għall-ippakkjar, eċċ.
—
3.7. Regoli speċifiċi għat-tikkettar
L-Indikazzjoni Ġeografika Protetta “Cordero Segureño” jkollha magħha tikketta jew logo li jidentifika l-prodotti kollha koperti.
Il-karkassi li jkunu konformi mar-rekwiżiti jkunu mmarkati, fuq iż-żewġ naħat tagħhom, mill-għonq sar-ramp, b'linka li ma titħassarx u li tista' tittiekel, bil-logo tal-Indikazzjoni Ġeografika Protetta “Cordero Segureño”, u jiġu identifikati b'tikketta nnumerata mehmuża ma' riġel minnhom, li jkollha fuqha l-piż tal-karkassa u l-logo tal-Indikazzjoni Ġeografika Protetta.
Il-biċċiet maqtugħa jiġu identifikati jew immarkati b'tikketta nnumerata li jkollha fuqha l-logo tal-Indikazzjoni Ġeografika Protetta “Cordero Segureño”.
4. Deskrizzjoni fil-qosor taż-żona ġeografika
Iż-żona ġeografika ddefinita għall-IĠP li fiha trabbiet tradizzjonalment ir-razza tan-nagħaġ Segureño għall-produzzjoni tal-“Cordero Segureño” tinsab fir-reġjun fejn jiltaqgħu l-provinċji ta' Albacete, Almería, Granada, Jaén u Murcia, u hija ddelimitata mill-katina ta' għoljiet magħrufa bħala l-“Cordilleras Béticas Orientales”, li għandhom altitudni minima ta' 500 m. Din l-altitudni tiddefinixxi wkoll il-limiti tar-reġjun, billi tinfluwenza biċ-ċar il-karatteristiċi agrikoli u klimatiċi taż-żona, u għaldaqstant tinfluwenza wkoll is-sistema ta' produzzjoni. Din iż-żona tinkludi b'kollox 144 muniċipalità li jagħmlu parti mill-provinċji msemmija, li huma elenkati hawn isfel skont il-Komunità Awtonoma, il-provinċja u l-comarca (distrett) tagħhom:
|
Il-Komunità Awtonoma tal-Andalusija:
|
|
Junta de Comunidades de Castilla La Mancha (il-Gvern reġjonali ta' Castilla La Mancha): Provinċja ta' Albacete: Comarca Sierra Segura (10 muniċipalitajiet), Comarca Sierra Alcaraz (12-il muniċipalità). |
|
Komunità Awtonoma tar-Reġjun ta' Murcia: Provinċja ta' Murcia: Comarca Noroeste (5 muniċipalitajiet). |
5. Rabta maż-żona ġeografika
5.1. Speċifiċità taż-żona ġeografika
Iż-żona ta' produzzjoni għan-nagħaġ tar-razza Segureña li minnhom jinkisbu l-karkassi koperti mill-Indikazzjoni Ġeografika Protetta hija kkostitwita mill-għoljiet u l-widien wesgħin u weqfin fejn jiltaqgħu l-provinċji ta' Albacete, Almería, Granada, Jaén u Murcia. Tinkludi l-inħawi fejn tradizzjonalment kienu jitmexxew il-bhejjem sabiex jittieħed l-aqwa frott mill-mergħat staġunali. Id-distretti rurali ta' din iż-żona, kkaratterizzata minn altitudni ta' 500 m (kif diġà ġie spjegat), għandhom l-istess karatteristiċi orografiċi u kundizzjonijiet klimatiċi omoġenji, kif ukoll metodi ta' produzzjoni komuni mitluba mill-altitudni, li huma essenzjali sabiex jintlaħqu l-istandards ta' kwalità tal-prodott.
Iż-żona ddefinita, kif speċifikat fit-taqsima ta' qabel, għandha l-karatteristiċi agrikoli u klimatiċi li ġejjin:
— |
Tip ta' xitwa, skont il-klassifikazzjoni agroklimatika ta' Papadakis: Ci (Ċitru), Av (Avena/ħafur sħun) jew Av (Avena / ħafur frisk), li jfisser dan li ġej: |
— |
Temperatura medja tal-minimi assoluti tax-xahar l-aktar kiesaħ ta' bejn – 10 °C u + 7 °C. |
— |
Temperatura medja tal-massimi assoluti tax-xahar l-aktar kiesaħ ta' bejn + 5 °C u + 21 °C. |
— |
Perjodu niexef jew ta' aridità ta' 5 xhur jew inqas. |
— |
Perjodu kiesaħ jew ta' ġlata ta' 5 xhur jew inqas. |
Meta mqabbla mal-karatteristiċi tax-Xlokk tal-peniżola Iberika, l-altitudni taż-żona ta' produzzjoni tirriżulta f'karatteristiċi agrikoli u klimatiċi speċjali u ħorox ħafna (li huma ekwivalenti għall-unità klimatika ta' art kiesħa u baxxa fil-klassifikazzjoni ta' Papadakis). Il-klima hija tipikament kontinentali, bi xtiewi ħorox u kesħin u sjuf sħan u nixfin, b'varjazzjonijiet kbar fit-temperatura tul il-ġurnata, u b'xita skarsa u irregolari. Billi l-ħamrija, li hija ta' tip skur u bil-ġir u ta' spiss tkun mgħawra, mhijiex tajba wisq għall-agrikoltura, il-klima msemmija tirriżulta f'perjodu annwali qasir ta' tkabbir tal-mergħat, li f'kull każ huma ta' produttività baxxa.
F'dan is-sens, dawn il-kundizzjonijiet agrikoli u klimatiċi uniċi fiż-żona ġeografika jfissru li n-nagħaġ, u b'mod partikulari r-razza Segureña, huma prattikament l-unika speċi li kapaċi tgħammar u tipproduċi f'din iż-żona. Ir-razza Segureña hija indiġena għaż-żona u tiflaħ ħafna, tant li rnexxielha tadatta ruħha għal dan l-ambjent aħrax u ftit li xejn produttiv.
Minħabba l-karatteristiċi ħorox taż-żona, iż-żamma tan-nagħaġ Segureño kellha tadatta wkoll: il-merħliet jitrabbew f'kundizzjonijiet estensivi jew semi-estensivi, tipikament f'taħlita ta' artijiet ta' mergħa naturali u nagħaġ, u artijiet ta' ċereali u nagħaġ, fejn jitwettqu prattiki tradizzjonali. L-annimali adulti jinżammu fil-mergħat tul is-sena kollha, u l-lejl iqattgħuh fl-ilqugħ, jew f'ċerti każijiet jibqgħu fl-għelieqi. Bir-ragħa tal-veġetazzjoni spontanja indiġena taż-żona, kif ukoll tal-uċuħ taċ-ċereali u l-legumi, u xi minn daqqiet anki tal-mergħat misqija, in-nagħaġ jisfruttaw bl-aqwa mod iż-żona ta' produzzjoni. Ir-ragħa jista' jiġi ssupplimentat, fejn meħtieġ, b'għalf fil-forma ta' supplimenti alimentari. Għadd żgħir ta' azjendi jsegwu l-prattika tat-“trashumancia-transterminancia”, jiġifieri li jmexxu l-merħliet fuq distanzi twal sal-mergħat staġunali tradizzjonali li jinsabu fiż-żona ġeografika ddefinita.
Bl-istess mod, is-sistema tradizzjonali tat-trobbija tal-ħrief hija wkoll soġġetta għall-kundizzjonijiet agrikoli u klimatiċi taż-żona, kif ukoll għad-disponibbiltà tar-riżorsi xierqa għall-għalf. Dan il-fatt wassal biex it-trobbija u t-treddigħ tal-ħrief isiru dejjem ġewwa, u biex il-ħrief jinżammu 'l bogħod minn ommhom meta din tkun qiegħda tirgħa. L-għalf tal-ħrief huwa bbażat fuq il-ħalib tan-nagħġa, li huwa rriżervat esklussivament għall-ħrief, u ssupplimentat bi prodotti rikki fil-fibra u b'supplimenti tal-ikel ibbażati fuq il-pjanti, sakemm il-ħrief jinqatlu. Dawn is-supplimenti fid-dieta tal-ħrief jirrappreżentaw infiq għoli ħafna għall-produtturi, tant li l-karkassi tal-ħrief Segureño jiġu minn ħrief b'piż ħaj baxx, sabiex jittaffew il-kostijiet.
5.2. Speċifiċità tal-prodott
Il-laħam tal-ħaruf kopert mill-IĠP għandu jiġi minn ħrief maskili jew femminili mwielda, esklussivament, minn nagħaġ tar-razza Segureña.
Tradizzjonalment, il-karkassi miksubin mit-tali ħrief kienu jiżnu bejn 9 u 13 kg, u kienu ta' klassi ta' konformazzjoni għolja ħafna – jiġifieri tal-klassi ta' konformazzjoni R u O, b'laħam ta' lewn bejn roża ċar u roża, u b'livell tajjeb ħafna ta' kisi u infiltrazzjoni ta' xaħam.
Il-laħam għandu konsistenza mmerrqa u tarija, bis-saħħa tal-infiltrazzjoni partikulari tax-xaħam fil-laħam tal-muskoli ta' dawn l-annimali. Barra minn hekk, il-laħam m'għandux ir-riħa u t-togħma tax-xaħam, minħabba l-piż baxx tal-ħrief meta jinqatlu.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO), jew kwalità speċifika, ir-reputazzjoni jew il-karatteristiċi l-oħra tal-prodott (għall-IĠP)
L-applikazzjoni għar-rikonoxximent tal-“Cordero Segureño” bħala IĠP hija ġġustifikata mill-karatteristiċi speċifiċi tiegħu.
Il-ħrief tar-razza Segureña jikbru relattivament malajr, billi jintemgħu biss bil-ħalib prodott minn ommhom. L-ommijiet huma ddedikati esklussivament għall-alimentazzjoni ta' wliedhom. Dan jirriżulta f'karkassi ta' konformazzjoni ideali, għalkemm il-fattur deċiżiv fit-tali konformazzjoni jibqa' nisel il-ħrief.
Il-lewn tal-laħam tal-“Cordero Segureño” huwa influwenzat minn diversi fatturi, li huma marbutin mill-qrib mal-kundizzjonijiet agrikoli u klimatiċi taż-żona. Dawn il-fatturi jinkludu l-obbligu li l-ħrief jitrabbew ġewwa, u li jintemgħu bil-ħalib tan-nagħġa, kif ukoll bi prodotti rikki fil-fibra mhux miksubin mir-ragħa. Dan jirriżulta f'karkassi ta' piż baxx fil-mument tal-qtil, fatt li jiffavorixxi l-preżenza ta' tip ta' fibra muskolari partikulari li minnha ġej il-lewn roża ċar jew roża tipiku ta' dan il-laħam, u li jżomm il-laħam ħieles mir-riħa u t-togħma tax-xaħam.
L-istess jgħodd għall-ammont u t-tip ta' xaħam preżenti fil-karkassi u fil-laħam. B'hekk, il-kwantità ta' kisi tax-xaħam u ta' xaħam abdominali fil-karkassi tiddependi l-aktar mill-piż tagħhom. Żieda fil-piż tal-karkassi ġġib magħha żieda fil-livell ta' kisi tax-xaħam, li jkun ogħla fil-karkassi tal-ħrief femminili. Ħaġ'oħra li għandha titqies fir-rigward tat-tip ta' xaħam hija li kemm ir-razza tal-ħrief u kemm it-tip ta' fibra preżenti fil-muskoli tagħhom jiggarantixxu li l-laħam ikollu livell ottimu ta' infiltrazzjoni tax-xaħam, li jwassal għall-konsistenza mmerrqa u tarija tiegħu.
Dan kollu jagħti lir-razza Segureña t-tendenza tagħha li tipprovdi laħam tajjeb, b'karkassa ta' rendiment għoli, u b'karatteristiċi distintivi, fil-piż ideali mal-qtil, ta' kwalità ogħla minn dik ta' ħrief oħra fl-istess firxa ta' piż, fatt li huwa apprezzat partikularment mill-konsumaturi.
Referenza għall-pubblikazzjoni tal-ispeċifikazzjoni
(L-Artikolu 5(7) tar-Regolament (KE) Nru 510/2006 (3))
http://www.magrama.gob.es/es/alimentacion/temas/calidad-agroalimentaria/PLIEGO_IGP_cordero_segure%C3%B1o_11-10-12_tcm7-224398.pdf
(1) ĠU L 343, 14.12.2012, p. 1.
(2) ĠU L 93, 31.3.2006, p. 12. Sostitwit bir-Regolament (UE) Nru 1151/2012.
(3) Ara n-nota f’qiegħ il-paġna Nru 2.