ISSN 1977-0987 doi:10.3000/19770987.C_2013.157.mlt |
||
Il-Ġurnal Uffiċjali tal-Unjoni Ewropea |
C 157 |
|
Edizzjoni bil-Malti |
Informazzjoni u Avviżi |
Volum 56 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2013/C 157/01 |
Ebda oppożizzjoni għal konċentrazzjoni notifikata (Każ COMP/M.6898 – RAG Stiftung/Evonik Industries) ( 1 ) |
|
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2013/C 157/02 |
||
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2013/C 157/03 |
Notifika minn qabel ta' konċentrazzjoni (Każ COMP/M.6942 – PAI Partners/R&R) – Każ li jista' jiġi kkunsidrat għal proċedura simplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2013/C 157/04 |
||
2013/C 157/05 |
||
|
|
|
(1) Test b’relevanza għaż-ŻEE |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
4.6.2013 |
MT |
Il-Ġurnal Uffiċjali tal-Unjoni Ewropea |
C 157/1 |
Ebda oppożizzjoni għal konċentrazzjoni notifikata
(Każ COMP/M.6898 – RAG Stiftung/Evonik Industries)
(Test b’relevanza għaż-ŻEE)
2013/C 157/01
Fit-2 ta’ Mejju 2013, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ġermaniż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32013M6898. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
4.6.2013 |
MT |
Il-Ġurnal Uffiċjali tal-Unjoni Ewropea |
C 157/2 |
Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament (1):
0,50 % fl-1 ta’ Ġunju 2013
Rata tal-kambju tal-euro (2)
It-3 ta’ Ġunju 2013
2013/C 157/02
1 euro =
|
Munita |
Rata tal-kambju |
USD |
Dollaru Amerikan |
1,3008 |
JPY |
Yen Ġappuniż |
130,37 |
DKK |
Krona Daniża |
7,4542 |
GBP |
Lira Sterlina |
0,85180 |
SEK |
Krona Żvediża |
8,5723 |
CHF |
Frank Żvizzeru |
1,2456 |
ISK |
Krona Iżlandiża |
|
NOK |
Krona Norveġiża |
7,5970 |
BGN |
Lev Bulgaru |
1,9558 |
CZK |
Krona Ċeka |
25,753 |
HUF |
Forint Ungeriż |
295,40 |
LTL |
Litas Litwan |
3,4528 |
LVL |
Lats Latvjan |
0,7015 |
PLN |
Zloty Pollakk |
4,2666 |
RON |
Leu Rumen |
4,4080 |
TRY |
Lira Turka |
2,4605 |
AUD |
Dollaru Awstraljan |
1,3457 |
CAD |
Dollaru Kanadiż |
1,3455 |
HKD |
Dollaru ta' Hong Kong |
10,0989 |
NZD |
Dollaru tan-New Zealand |
1,6268 |
SGD |
Dollaru tas-Singapor |
1,6367 |
KRW |
Won tal-Korea t'Isfel |
1 467,09 |
ZAR |
Rand ta' l-Afrika t'Isfel |
12,9658 |
CNY |
Yuan ren-min-bi Ċiniż |
7,9761 |
HRK |
Kuna Kroata |
7,5415 |
IDR |
Rupiah Indoneżjan |
12 753,98 |
MYR |
Ringgit Malażjan |
4,0312 |
PHP |
Peso Filippin |
54,709 |
RUB |
Rouble Russu |
41,5710 |
THB |
Baht Tajlandiż |
39,622 |
BRL |
Real Brażiljan |
2,7752 |
MXN |
Peso Messikan |
16,5982 |
INR |
Rupi Indjan |
73,8140 |
(1) Rata applikata għall-operazzjoni l-iktar reċenti mwettqa qabel il-jum indikat. Fil-każ ta' sejħa għall-offerti b'rata varjabbli, ir-rata tal-interessi hija r-rata marġinali.
(2) Sors: rata tal-kambju ta' referenza ppubblikata mill-Bank Ċentrali Ewropew.
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
4.6.2013 |
MT |
Il-Ġurnal Uffiċjali tal-Unjoni Ewropea |
C 157/3 |
Notifika minn qabel ta' konċentrazzjoni
(Każ COMP/M.6942 – PAI Partners/R&R)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2013/C 157/03
1. |
Fit-28 ta’ Mejju 2013, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża PAI partners SAS (“PAI”, Franza) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ tal-impriża R&R Ice Cream Sàrl (“il-Grupp R&R”, il-Lussemburgu) permezz ta' xiri ta’ ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6942 – PAI Partners/R&R, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
ATTI OĦRAJN
Il-Kummissjoni Ewropea
4.6.2013 |
MT |
Il-Ġurnal Uffiċjali tal-Unjoni Ewropea |
C 157/4 |
Pubblikazzjoni ta’ applikazzjoni għal emenda skont l-Artikolu 50, il-paragrafu 2, il-punt a), tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
2013/C 157/04
Din il-pubblikazzjoni tikkonferixxi d-dritt għal oppożizzjoni (oġġezzjoni) skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).
APPLIKAZZJONI GĦAL EMENDA
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)
APPLIKAZZJONI GĦAL EMENDA SKONT L-ARTIKOLU 9
“DINDE DE BRESSE”
Nru tal-KE: FR-PDO-0217-0144-08-04-2010
IĠP ( ) DPO ( X )
1. Titlu/Intestatura fl-ispeċifikazzjoni tal-prodott affettwat/a mill-emenda
— |
|
Isem il-prodott |
— |
☒ |
Deskrizzjoni tal-prodott |
— |
☒ |
Żona ġeografika |
— |
|
Prova tal-oriġini |
— |
☒ |
Metodu tal-produzzjoni |
— |
☒ |
Rabta |
— |
☒ |
Tikkettar |
— |
☒ |
Rekwiżiti nazzjonali |
— |
☒ |
Oħrajn (għandhom ikunu speċifikati) |
2. Tip ta’ emenda/i
— |
|
Emenda tad-Dokument Uniku jew tas-Sinteżi |
— |
☒ |
Emenda tal-Ispeċifikazzjoni tad-DPO jew tal-IĠP rreġistrati li għaliha la d-Dokument Uniku u lanqas is-Sinteżi ma ġew ippubblikati |
— |
|
Emenda tal-Ispeċifikazzjoni li ma teħtieġ l-ebda emenda tad-Dokument Uniku ppubblikat (l-Artikolu 9(3) tar-Regolament (KE) Nru 510/2006) |
— |
|
Emenda temporanja tal-ispeċifikazzjoni li tirriżulta mill-impożizzjoni ta’ miżuri obbligatorji sanitarji jew fitosanitarji mill-awtoritajiet pubbliċi (l-Artikolu 9(4) tar-Regolament (KE) Nru 510/2006) |
3. Emenda/i
3.1. “Deskrizzjoni tal-prodott”
Mad-deskrizzjoni tal-prodott żdied it-tul ta’ żmien totali għat-tkabbir li huwa stabbilit għal minimu ta’ 28 ġimgħa
Ġie rtirat il-piż mas-simu tad-dundjan.
Id-“Dinde de Bresse” ma tistax tiġi kkumerċjalizzata barra l-festi tal-aħħar tas-sena, jiġifieri l-perjodu bejn l-1 ta’ Novembru u l-31 ta’ Jannar skont id-data meta jfaqqsu l-frieħ tad-dundjan.
Id-dundjani huma ppreżentati f’diversi modi: id-dundjani jistgħu jiġu kkumerċjalizzati fis-sura “effilée” (bir-ras u bil-kullar tar-rix, u bil-ġewwieni parzjalment imneħħija) “prêt à cuire” (lesta għat-tisjir) jew “éviscérée” (bir-ras u bil-kullar tar-rix u bil-ġewwieni mneħħija). Dawn għandhom jirrispettaw il-kundizzjonijiet li ġejjin: għandu jkollhom struttura tajba u kopertura tajba ta’ xaħam, imlaħħmin, bil-fillets żviluppati; il-ġilda tagħhom għandha tkun irqiqa, nadifa, u ma għandux ikun hemm rix li għadu qed jinbet minn taħt il-ġilda, tiċrit, tbenġil jew ilwien anormali;
3.2. “Żona ġeografika”
L-istadji tal-produzzjoni li għandhom iseħħu fiż-żona ġeografika tad-denominazzjoni huma ppreċiżati: id-dundjani koperti bid-denominazzjoni protetta tal-oriġini, għandhom jitkabbru, jinqatlu u jiġu ppreparati fiż-żona ġeografika. Il-preparazzjoni tad-dundjani (ix-xogħol ta’ rfinar tat-tneħħija tar-rix u tat-tindif tal-kullari) għandhom ukoll iseħħu fiż-żona ġeografika mill-operaturi tal-azjenda tal-produzzjoni. Din il-fażi ta’ preparazzjoni li tifforma parti mill-klassifikazzjoni tad-dundjani tad-denominazzjoni tal-oriġini “Dinde de Bresse” hija importanti biex il-preżentazzjoni u l-kwalità tal-prodott ikunu ggarantiti.
Barra minn hekk, saru korrezzjonijiet fl-iżbalji materjali fil-lista tal-communes u ġiet mehmuża mappa taż-żona ġeografika tad-denominazzjoni protetta tal-oriġini mal-ispeċifikazzjoni tal-prodott.
3.3. “Metodu tal-produzzjoni”
Fir-regoli ġenerali dwar l-għalf tad-“Dinde de Bresse” saru dawn il-kjarifiki:
— |
ġiet introdotta l-projbizzjoni tal-OĠM fl-għalf kollu tad-“Dinde de Bresse” inkluż għall-għalf li t-tjur jingħataw fil-perjodu inizjali, kif ukoll il-projbizzjoni tat-tħawwil ta’ speċijiet veġetali ġenetikament modifikati fl-azjendi agrikoli. |
— |
fil-każ ta’ kundizzjonijiet klimatiċi eċċezzjonali (sħana qawwija, tempesti) l-ispeċifikazzjoni tal-prodott tipprevedi l-possibbiltà li d-dundjani jinżammu ġewwa fil-bini sabiex is-saħħa tagħhom matul il-perjodu tat-tkabbir tagħhom tkun protetta. |
— |
żdiedet il-possibbiltà tal-użu ta’ aċidifikanti u purifikanti (komplementari) fl-ilma tax-xorb tal-annimali dawn is-sustanzi komplementari għandhom l-għan tal-prevenzjoni tal-mard, u li jiggarantixxu iġjene aħjar fil-kwalità tal-ilma li tiġi ddistribwita lill-annimali. |
— |
Bl-istess mod ġew introdotti preċiżjonijiet dwar il-kompożizzjoni tal-għalf fil-perjodi differenti tat-tkabbir. |
— |
fil-perjodu inizjali: żdiedet lista pożittiva tal-kategoriji ta’ materja prima utilizzati fl-għalf inizjali kif ukoll xi preċiżjonijiet dwar il-kompożizzjoni tal-għalf inizjali li l-kwalità tiegħu hija superjuri għal dik ta’ għalf standard (% ta’ ċereali u prodotti sekondarji u l-użu tal-qamħirrun fit-tieni perjodu inizjali). |
— |
fir-rigward tal-prodotti tal-ħalib użati matul il-perjodu ta’ tkabbir, ġie stabbilit limitu minimu għall-prodotti tal-ħalib fil-forma ta’ trab (5 % tal-volum tal-porzjon kollu). |
— |
matul il-perjodu finali, l-għalf jiġi kkontrollat sabiex ikun żgurat li huwa xieraq għall-ikel tradizzjonali tad-“Dinde de Bresse”, jiġifieri l-għalf imsejjaħ “croissance” (tat-tkabbir) li miegħu jista’ jiġi miżjud ir-ross jew il-patata. |
3.4. “Rabta maż-żona ġeografika”
Din il-parti nkitbet mill-ġdid sabiex jintwerew il-karatteristiċi taż-żona ġeografika, il-karatteristiċi tal-prodott u r-rabta maż-żona ġeografika. Din l-intestatura ġiet miżjuda skont id-dispożizzjonijiet tar-Regolament (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel.
3.5. “Referenzi li jikkonċernaw il-korpi ta’ kontroll”
Din il-parti ġiet aġġornata bid-dettalji tal-korp ta’ ċertifikazzjoni inkarigat mill-kontroll tad-DPO.
3.6. “Tikkettar”
Saru xi preċiżazzjonijiet fir-rigward tal-kontenut tal-marki ta’ identifikazzjoni, tal-proċeduri kif jinħarġu u kif jiġu ttikkettjati kif ukoll tal-użu tal-isem “Bresse” fuq id-dokumenti ta’ akkumpanjament u fuq il-fatturi u tal-indikazzjonijiet li jidhru fuq is-siġill u t-tikketta.
3.7. “Rekwiżiti nazzjonali”
F’konformità mar-riforma nazzjonali fis-sistema ta’ kontroll, l-ispeċifikazzjoni tal-prodott hija ssupplementata b’tabella li tippreżenta l-elementi prinċipali li għandhom jiġu kkontrollati u l-metodu għall-evalwazzjoni tagħhom.
DOKUMENT UNIKU
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (3)
“DINDE DE BRESSE”
Nru tal-KE: FR-PDO-0217-0144-08-04-2010
IĠP ( ) DPO ( X )
1. Isem
“Dinde de Bresse”
2. Stat Membru jew pajjiż terz
Franza
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.1 |
Laħam frisk (u l-ġewwieni) |
3.2. Deskrizzjoni tal-prodott li għalih japplika l-isem f’(1)
Id-“Dinde de Bresse” tappartjeni għall-ġenus Meleagris u għall-ispeċi Meleagris. Id-dundjani adulti jippreżentaw il-karatteristiċi speċifiċi li ġejjin: rix iswed, għalel ħomor, saqajn irqaq, totalment lixxi u suwed, ġilda u laħam bojod.
Id-denominazzjoni hija marbuta mad-dundjani u s-sriedaq ta' età minima ta’ 28 ġimgħa li huma kkumerċjalizzati esklussivament bejn l-1 ta’ Novembru u l-31 ta’ Jannar għaċ-ċelebrazzjonijiet tal-aħħar tas-sena skont id-data meta jfaqqsu l-frieħ.
Id-dundjani għandhom jiġu kkumerċjalizati fis-sura “effilée” u għandhom jirrispettaw il-kundizzjonijiet li ġejjin: għandu jkollhom struttura tajba u kopertura tajba ta’ xaħam, imlaħħmin, bil-fillets żviluppati; il-ġilda tagħhom għandha tkun irqiqa, nadifa, u ma għandux ikun hemm rix li għadu qed jinbet minn taħt il-ġilda, tiċrit, tbenġil jew ilwien anormali; ix-xaħam għandu jgħatti s-sinsla tad-dahar; il-forma naturali tal-isternum ma għandhiex tiġi mmodifikata. Is-saqajn u l-ġwienaħ ma għandhomx ikunu miksura. Il-kullar tar-rix fuq l-għonq (collerette) għandu jkun nadif. Is-saqajn għandu jitneħħilhom il-ħmieġ kollu.
Id-dundjani għandu jkollhom piż minimu ta’
|
3 kg fis-sura “effilé” għall-ġens femminili, |
|
5.5 kg “effilé” għall-ġens maskili, |
Il-kummerċjalizzazzjoni tagħhom fis-sura “prêt à cuire” jew “éviscérée” bir-ras u bil-kullar tar-rix hija permessa biss bil-kundizzjoni li s-saqajn, ħlief id-dwiefer, ma jkunux maqtugħin barra.
3.3. Materja prima (għall-prodotti pproċessati biss)
—
3.4. Għalf (għall-prodotti li ġejjin mill-annimali biss)
It-tkabbir tad-dundjani ta’ Bresse jsir fi tliet perjodi suċċessivi li huma l-perjodu inizjali, dak tat-tkabbir u l-perjodu finali.
Waqt il-perjodu inizjali li jdum 10 ġimgħat massimu, l-għalf tad-dundjani huwa ikel ikkostitwit minn minimu ta’ 30 % f’ċereali u prodotti sekondarji taċ-ċereali għall-ewwel parti tal-perjodu inizjali (minn 0 sa 28 jum) u minimu ta’ 50 % f'’ċereali u prodotti sekondarji taċ-ċereali li minnhom 20 % f’qamħirrun għat-tieni parti tal-perjodu inizjali (minn 29 jum sa 70 jum).
Il-materja prima użata fl-għalf tal-perjodu inizjali tista’ tiġi minn barra ż-żona ġeografika. L-elementi li jikkostitwixxu l-materja prima huma materja prima li hija esklussivament ta’ oriġini veġetali, il-prodotti tal-ħalib u l-minerali:
— |
iż-żrieragħ taċ-ċereali, il-prodotti tagħhom u l-prodotti sekondarji tagħhom; |
— |
żrieragħ jew frott tal-kittien, il-prodotti jew il-prodotti sekondarji tagħhom (fil-każ taż-żjut veġetali, huma awtorizzati biss iż-żjut naturali u raffinati): |
— |
iż-żrieragħ leguminużi, il-prodotti u l-prodotti sekondarji tagħhom; |
— |
tuberkuli u għeruq, il-prodotti u l-prodotti sekondarji tagħhom; pitravi, patata; |
— |
żrieragħ u frott ieħor, il-prodotti u l-prodotti sekondarji tagħhom: għeneb; |
— |
għalf, inkluż l-għalf mhux ipproċessat: alfalfa u d-derivati tiegħu; |
— |
pjanti oħrajn, il-prodotti u l-prodotti sekondarji tagħhom: ġulepp tal-kannamieli, zokkor, alka tal-baħar; |
— |
prodotti tal-ħalib: ħalib, xorrox tal-butir, xorrox; |
— |
minerali: fosfat tad-dikalċju, karbonat tal-kalċju, bikarbonat tas-sodju, melħ, manjeżju. |
Il-livell ta’ xaħam totali fl-għalf huwa limitat għal 6 %
Matul il-perjodu inizjali kollu, l-addittivi awtorizzati huma dawk previsti fir-Regolamenti fis-seħħ bir-restrizzjonijiet li ġejjin:
— |
addittivi teknoloġiċi tal-gruppi funzjonali emulsifikanti, stabbilizzanti, sustanzi li jgħaqqdu u ġeli: ipprojbiti. |
Matul il-perjodu tat-tkabbir, li jdum minimu 15-il ġimgħa, minbarra l-provvista tal-ħaxix fl-apert, l-ikel tat-“tkabbir” tad-dundjani huwa magħmul minn ċereali li jistgħu jkunu msajra, mfarrka jew mitħuna, mingħajr l-ebda forom oħra ta' pproċessar, u minn prodotti tal-ħalib. Il-qamħirrun jirrappreżenta minimu ta’ 50 % tal-porzjon sħiħ. Il-prodotti tal-ħalib jikkonsistu minn ħalib, u mill-prodott sekondarji tiegħu. Dawn jistgħu jiġu ddistribwiti f’forma ta’ likwidu jew ta’ trab u jistgħu jitħalltu maċ-ċereali. Fil-każ tad-distribuzzjoni esklussiva tal-għalf niexef, il-prodotti tal-ħalib fil-forma tat-trab għandhom jikkostitwixxu minimu ta’ 5 % tal-porzjon sħiħ. Matul dan il-perjodu, iċ-ċereali jiġu esklussivament miż-żona ġeografika tad-denominazzjoni tal-oriġini, filwaqt li l-prodotti tal-ħalib jistgħu jiġu minn barra ż-żona ġeografika.
Dan il-perjodu ta’ tkabbir huwa segwit minn perjodu ta’ rfinar li jdum minimu 3 ġimgħat li fih l-annimali jkunu ġewwa bini kopert u magħluq, kalm u b’cirkolazzjoni tal-arja. Matul dan il-perjodu, l-għalf li jiġi ddistribwit lid-dundjani jkun magħmul mill-għalf tat-tkabbir iddefinit hawn fuq li miegħu jista’ jiżdied ir-ross jew il-patata li jistgħu jkunu ġejjin miż-żona ġeografika jew le..
3.5. Passi speċifiċi fil-produzzjoni li jridu jsiru fiż-żona ġeografika identifikata
Id-dundjani jitkabbru, jinqatlu u jiġu ppreparati (fażi finali fejn jitneħħa r-rix u jitnaddfu l-kullari) fiż-żona ġeografika.
3.6. Regoli speċifiċi dwar it-tqattigħ, it-tħakkik, l-ippakkjar, eċċ.
—
3.7. Regoli speċifiċi dwar it-tikkettar
L-ebda dundjan ma jista’ jiġi kkumerċjalizzat bid-denominazzjoni protetta tal-oriġini “Dinde de Bresse” jekk ma jkollux, fl-istess ħin, iċ-ċurkett tal-produttur, is-siġill bil-marka u t-tikketta stabbilita mill-grupp.
Minbarra t-tikkettar fuq l-imballaġġ, id-dokumenti ta’ akkumpanjament kollha u l-fatturi għandu jkollhom l-isem tad-denominazzjoni protetta tal-oriġini “Dinde de Bresse” u l-kliem “appellation d’origine protégée” jew “AOP” (DPO).
Iċ-ċurkett mhux trasferibbli huwa anell tal-metall li jkollu fuqu, minbarra l-kelma “Bresse” in-numru ta’ identifikazzjoni tal-produttur.
Is-siġill mhux trasferibbli huwa klipp tal-metall bil-kelma “Bresse” li jkollu fuqu marka:
— |
bid-denominazzjoni “Dinde de Bresse”, |
— |
bit-tismija “AOP”. |
It-tikketta jkun fiha:
— |
id-denominazzjoni “Dinde de Bresse” miktuba f’karattri bid-dimensjoni li tkun, tal-anqas, daqs l-akbar karattri li jidhru fuq it-tikketta. |
— |
is-simbolu “AOP” (DPO) tal-Unjoni Ewropea |
— |
il-kliem “appellation d'origine protégée ” jew “AOP” |
Il-marki ta’ identifikazzjoni differenti previsti hawn fuq jinħarġu mill-grupp għal kull operatur li jirrispetta l-ispeċifikazzjoni tal-prodott.
L-anell jitwaħħal mill-produttur li jrabbi t-tjur mas-sieq ix-xellugija qabel ma d-dundjani jitilqu mill-azjenda agrikola.
Is-siġill bil-marka jitqiegħed fuq in-naħa ta' quddiem tal-isternum waqt il-klassifikazzjoni bħala denominazzjoni protetta tal-oriġini tad-dundjani qabel ma jintbagħtu.
L-anell u s-siġill jistgħu jintużaw darba biss u għandhom jitwaħħlu b’attenzjoni sabiex ma jkunux jistgħu jitbagħbsu.
It-tikketta titqiegħed fuq l-isternum waqt il-klassifikazzjoni finali tad-dundjani bħala denominazzjoni protetta tal-oriġini.
L-anelli, is-siġilli bil-marka u t-tikketti mhux użati jingħataw lura lill-operaturi tal-grupp.
4. Definizzjoni konċiża taż-żona ġeografika
Iż-żona tal-produzzjoni tkopri żona ġeografika definita bħala “Bresse”, li hija magħmula minn pjanura u li tinsab fil-lvant tal-baċin medju ta’ Saône, li tinkludi parti mid-dipartimenti ta’ Ain, ta’ Jura u ta’ Saône et Loire.
Id-dundjani tad-denominazzjoni protetta tal-oriġini, għandhom jitkabbru, jinqatlu u jiġu ppreparati fiż-żona ġeografika li testendi sat-territorji tal-communes jew partijiet minn communes li ġejjin:
Id-Dipartiment ta’ Ain (01): Il-communes kollha tad-distretti awtonomi (cantons) ta’ Bâgé-le-Châtel, Bourg-en-Bresse-Est, Bourg-en-Bresse-Nord-Centre, Bourg-en-Bresse-Sud, Montrevel-en-Bresse, Péronnas, Pont-de-Vaux, Pont-de-Veyle, Saint-Trivier-de-Courtes, u Viriat.
Il-communes u partijiet mill-communes li ġejjin: l’Abergement-Clémenciat (parti Nord Châtillon), Beaupont, Bény, Biziat, Certines, Ceyzériat (parti fil-Punent ta’ D52), Chanoz-Châtenay, Châtillon-sur-Chalaronne (fil-Majjistral), Chaveyriat, Coligny (parti fil-Punent ta’ N83/D52), Condeissiat, Courmangoux (fil-Punent ta’ D52), Dompierre-sur-Chalaronne (parti Nord Chalaronne), Dompierre-sur-Veyle (parti), Domsure, Druillat (parti), Garnerans, Illiat, Jasseron (parti fil-Punent ta’ D52), Marboz, Meillonnas (parti fil-Punent ta’ D52), Mézériat, Neuville-les-Dames, Pirajoux, Pressiat (fil-Punent ta’ D52), Saint-Didier-sur-Chalaronne (parti Nord Chalaronne), Saint-Etienne-du-Bois, Saint-Etienne-sur-Chalaronne (parti Nord Chalaronne), Saint-Julien-sur-Veyle, Saint-Martin-du-Mont (parti fil-Punent ta’ D52), Salavre (parti fil-Punent ta’ N83), Sulignat, Thoissey, Tossiat (parti fil-Punent ta’ D52), La Tranclière, Treffort-Cuisiat (parti fil-Punent ta’ D52), Verjon (parti fil-Punent ta’ N83), Villemotier, Vonnas.
Id-Dipartiment ta’ Jura (39): Il-communes u partijiet mill-communes li ġejjin: Annoire (fin-Nofsinhar ta’ Doubs), Asnans-Beauvoisin (fil-Punent ta’ D468), Augea (fil-Punent ta’ N83), Balanod (fil-Punent ta’ N83), Beaufort (fil-Punent ta’ N83), Bletterans, Bois-de-Gand (fil-Punent), Bonnaud, Cezancey (fil-Punent ta’ N83), Chaînée-des-Coupis (fil-Lbiċ), Chapelle-Voland, La Chassagne (fin-Nofsinhar ta’ D468), Chaumergy (parti), Chaussin (fin-Nofsinhar ta’ D468), La Chaux-en-Bresse (fil-Punent ta’ D95), Chazelles, Chêne-Sec, Chilly-le-Vignoble, Commenailles, Condamine, Cosges, Courlans, Courlaoux, Cousance (fil-Punent ta’ N83), Cuisia (fil-Punent ta’ N83), Desnes (fil-Punent), Digna (fil-Punent ta’ N83), Les Essards-Taignevaux (fil-Punent ta’ D468), Fontainebrux, Foulenay (parti), Francheville (fil-Punent ta’ D95 + fit-Tramuntana ta’ D468), Frébuans, Froideville (parti), Gevingey (fil-Punent ta’ N83), Les Hays, Larnaud, Longwy-sur-le-Doubs (parti), Mallerey, Maynal (fil-Punent ta’ N83), Messia-sur-Sorne (fit-Tramuntana ta’ N83), Montmorot (fin-Nofsinhar ta’ N78+fil-Punent ta’ N83), Nanc-lès-Saint-Amour (fil-Punent ta’ N83), Nance, Neublans-Abergement, Orbagnia (fil-Punent ta’ N83), Petit-Noir (fil-Punent ta’ Doubs), Relans, Les Repôts, Ruffey-sur-Seille (parti), Rye (fil-Punent ta’ D468), Sainte-Agnès (fil-Punent ta’ N83), Saint-Amour (fil-Punent ta’ N83), Saint-Jean-d’Etreux (fil-Punent ta’ N83), Trenal, Vercia (fil-Punent ta’ N83), Villevieux, Vincelles (fil-Punent ta’ N83), Vincent (fil-Punent ta’ D95).
Id-Dipartiment ta’ Saône-et-Loire (71): Id-distretti awtonomi kollha ta’ Beaurepaire-en-Bresse, Cuisery, Louhans, Montpont-en-Bresse, Montret, Saint-Germain-du-Bois, Saint-Germain-du-Plain, Saint-Martin-en-Bresse.
Il-communes u partijiet mill-communes li ġejjin: Authumes, Beauvernois, Bellevesvre, Chalon-sur-Saône (in-naħa tax-xellug tax-xatt), Champagnat (fil-Punent ta’ N83), La Chapelle-Saint-Sauveur, Charrette-Varennes (parti), Châtenoy-en-Bresse, La Chaux, Ciel, Condal, Cuiseaux (parti), Dampierre-en-Bresse, Dommartin-les-Cuiseaux, Epervans, Flacey-en-Bresse, Fretterans (parti), Frontenard, Frontenaud, Joudes (fil-Punent ta’ N83), Lacrost, Lans, Lays-sur-le-Doubs (parti), Longepierre (fin-Nofsinhar), Le Miroir, Montjay, Mouthier-en-Bresse, Navilly (fin-Nofsinhar ta’ Doubs), Oslon, Pierre-de-Bresse, Pontoux, Préty, La Racineuse, Ratenelle, Romenay, Saint-Bonnet-en-Bresse, Saint-Marcel, Sermesse, Torpes, Tournus (parti), Toutenant, La Truchère, Varennes-Saint-Sauveur, Verdun-sur-le-Doubs, Verjux.
Għall-communes fejn hija inkluża parti biss fiż-żona ġeografika, il-fruntieri tagħha huma rrappurtati fid-dokumenti grafiċi ddepożitati fl-uffiċċju tas-sindku tal-communes ikkonċernati.
5. Rabta maż-żona ġeografika
5.1. Speċifiċità taż-żona ġeografika
Iż-żona tal-produzzjoni tad-denominazzjoni protetta tal-oriġini “Dinde de Bresse” hija bbażata fuq l-istess żona li ġiet iddefinita mill-esperti fis-sentenza tal-1936 għar-rikonoxximent tad-denominazzjoni tal-oriġini “Volaille de Bresse”. Iż-żona tikkonsisti minn territorju perfettament omoġenju magħmul minn pjanura msaġġra bl-għoljiet, ir-riżultat ta’ avvennimenti ġeoloġiċi periglaċjali Plijo-Kwaternarji li ffurmaw il-bażi ta’ ħamrija ferm taflija u impermeabbli. Il-ħamrija tal-wiċċ hija ffurmata prinċipalment minn tafal tas-silika b’karatteristiċi ramlija u skarsi ħafna l-aktar ta’ blat u ta’ ġir. Il-klima hija influwenzata ħafna mill-oċean b’xita regolari matul is-sena kollha. L-umdità hija prevalenti fil-maġġor parti tas-sena. Ix-xita u ċ-ċpar huma frekwenti fix-xitwa.
Din is-sitwazzjoni ġeomorfoloġika u tal-klima tiffavorixxi perfettament il-kultivazzjoniji tal-ħxejjex u taċ-ċereali li jirrikjedu ħafna ilma, bħall-qamħirrun li tfaċċa fil-Bress fil-bidu tas-seklu XVII (bejn wieħed u ieħor ftit aktar minn seklu wara l-wasla tiegħu fix-xtur tal-Andalusija). Dan tal-aħħar għandu rwol ċentrali fis-sistema agrikola tal-Bresse għaliex iservi bħala bażi għall-ikel tal-bniedem, iżda wkoll għall-ikel tal-annimali tar-razzett u prinċipalment tat-tjur. Il-qamħirrun jiżġura sors ta’ ikel rikk fl-enerġija li jippermetti l-produzzjoni ta’ tjur imsemmna li taw bidu għar-reputazzjoni tad-“Dinde de Bresse”. Id-dundjan ilu jitkabbar fi Bress mit-tmiem tas-seklu XVI.
L-azjendi agrikoli li mhumiex kbar ħafna, hum sparpaljati ferm, b’għelieqi ttraversati minn ħafna arbuxelli u boski żgħar (bocages). F’dan il-kuntest, matul is-sekli ġiet stabbilita biedja mħallta tradizzjonali bbażata fuq kultivazzjonijiet ta’ ħaxix u ta’ ċereali u fuq it-trobbija ta’ tjur u ta’ bovini (tal-ħalib kif ukoll dawk li jreddgħu). Fil-bidu tas-seklu għoxrin, it-trobbija tad-dundjani saret komuni ħafna u bosta rziezet kellhom merħliet ta’ dundjani bir-rix u s-saqajn suwed. Saħansitra sal-lum, l-iżolament u d-distribuzzjoni fuq firxa wiesgħa tal-irziezet ta’ Bresse, il-preżenza ta’ mergħat u ta’ arbuxelli jagħtu l-possibbiltà li jitkabbru ħafna dundjani fil-libertà u li tiġi ppreservata teknika ta’ trobbija tradizzjonali.
F’dawn l-azjendi agrikoli ta’ karattru familjali, il-produtturi li jrabbu l-annimali jikkonsakraw parti kbira mill-attività tagħhom għall-awtosuffiċjenza tal-azjenda. Fil-maġġoranza tal-azjendi, il-produtturi jipproduċu ċ-ċereali tagħhom stess (qamħ, xgħir, ħafur, qamħirrun …) li bihom jitimgħu lid-dundjani, notevolment fil-fażi tat-tkabbir u tal-irfinar tagħhom. Huma jieħdu ħsieb l-ispazji fl-arja aperta billi jissorveljaw l-iskular tal-ilma (jiżdiedu gandotti u raddi), billi jaqtgħu l-arbuxelli u l-buxx u billi jikkonsolidaw il-bini ta’ ċnut fuq perimetri kbar u b’hekk ikomplu jsostnu l-prattiki tat-trobbija fil-libertà.
It-trobbija tad-“Dinde de Bresse” trid tikkunsidra l-partikolaritajiet ta’ din it-tajra mdaqqsa li ttir ftit u li hija sensittiva għall-mard. Dan jirrikjedi sorveljanza importanti tal-merħla fl-istadji kolla tal-ħajja tal-annimal, mit-twelid tal-frieħ sal-qatla (miżuri li jikonċernaw l-iġjene għall-prevenzjoni tal-mard, il-monitoraġġ tal-kundizzjonijiet klimatiċi, l-ekwilibriju fl-ikel bil-għan tat-tkabbir tal-annimal u f’dak li jsib x’jiekol fl-apert, l-iggruppjar tal-merħla, miżuri ta’ protezzjoni kontra predaturi …)
5.2. Speċifiċità tal-prodott
Id-“Dinde de Bresse” titkabbar skont ir-ritmu tal-istaġuni, kemm jista’ jkun qrib l-ambjent naturali, sakemm tikseb il-maturità fiżjoloġika f'ħin tajjeb għaċ-ċelebrazzjonijiet tal-aħħar tas-sena. Hija distinta mid-dundjani tal-qatgħat minħħabba l-fiżjoloġija żgħira tagħha.
Id-dundjan huwa kkaratterizzat mil-laħam frisk u mhux iffriżat tiegħu b'ġilda u laħam partikolari: ġilda fina u bajda, laħam abjad, fillets żviluppati u kopertura tajba ta’ xaħam kif ukoll bi kwalitajiet organolettiċi wara t-tisjir: immerraq ħafna, laħma ratba, togħma tajba ħafna.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra tal-prodott (għall-IĠP)
Il-biedja mħallta ta’ Bresse, li tirriżulta direttament mill-fiżjonomija tal-ambjent naturali tal-post, hija l-fattur determinanti tal-oriġini tat-trobbija tad-dundjani fi Bresse. L-arbixelli, il-buxxijiet u l-boski fil-viċinanza tar-razzet jipproteġu l-annimali mir-riħ u jikkostitwixxu riżerva ta’ bijodiversità għan-nutriment tagħhom. L-umdità tal-ħamrija tiffavorixxi l-iżvilupp ta' molluski, dud u larva oħrajn li jservu ta' nutriment għad-dundjani fl-ispazji fl-apert billi jagħtuhom il-proteini utli għat-tkabbir tagħhom li jieħu ż-żmien u għall-formazzjoni ta’ fillets żviluppati. Il-ħamrija mhux ikkalċifikata tiffavorixxi ċ-ċokon tal-iskeletru tad-dundjan u l-għadam fin tiegħu.
Il-prattiki tat-trobbija jserrħu fuq għażla ta' annimali b’karatteristiċi speċifiċi (laħam u ġilda bojod) u fuq dieta tal-ikel tradizzjonali bbażata fuq it-tmigħ awtonomu tad-dundjani fl-ispazji bil-ħaxix fil-ftuħ (dud tal-art, ħaxix …) Din id-dieta hija kkompletata biċ-ċereali taż-żona ġeografika u bil-prodotti tal-ħalib (ħalib dilwit, xorrox, ħalib tat-trab, xorrox tal-butir …) Dawn il-kundizzjonijiet ta’ għalf b’mod partikolari l-aċċess għall-ħaxix u l-eżerċizzju muskolari li huma possibbli minħabba l-ispazju li hemm għad-dispożizzjoni tal-annimal, jinfluwenzaw il-kwalitajiet ta’ kontrazzjoni tal-muskoli b’ċerti proteini u enżimi tagħhom. Il-metaoboliżmu enerġetiku tal-muskolu jaffettwa l-aktar il-konsistenza tal-laħam tad-“Dinde de Bresse”. Minbarra dan, il-kwalitajiet nutrizzjonali tal-qamħirrun li jifforma parti importanti mid-dieta jippermettu produzzjoni ta’ tjur “grasses” (imsemmna).
Waqt il-perjodu finali tat-tismin, id-dundjani jiddaħħlu fil-bini b’tali mod li t-tismin idum minimu ta’ 3 ġimgħat protetti mid-dawl. F’dan il-perjodu, il-produtturi jkunu partikolarment attenti għall-preparazzjoni tal-ikel, notevolment billi jalternaw iż-żrieragħ mhux ipproċessat biż-żrieragħ taċ-ċereali msajrin, ir-ross jew il-patata, li flimkien mal-prodotti tal-ħalib jipprovdu lid-dundjani b’ikel li jiftħilhom l-aptit.
Wara bosta ġimgħat b’din id-dieta partikolari u b’età tal-qatla avvanzata il-produtturi jiksbu dundjani ta’ maturità fiżjoliġika kompluta, li minbarra x-xaħam intramuskolari, ikollhom saff oħxon ta’ xaħam ta’ kopertura. Barra minn hekk, it-tnaqqis fl-attività muskolari tad-dundjani matul dan il-perjodu ta' qabel il-qatla għandu rwol importanti fl-abbiltà li l-muskoli jżommu l-ilma. It-tqassim tax-xaħam li jinfiltra l-muskolu kif ukoll il-kapaċità tal-muskolu li jżomm l-ilma jikkondizzjonaw il-konsistenza mmerrqa u ratba tal-laħam u dawn il-kwalitajiet partikolari joħorġu mill-ġdid wara t-tisjir. Barra minn hekk, il-presenza ta’ elementi li jinfluwenzaw it-togħma, jiġifieri l-komponenti idrosolubbli u l-lipidi, jiggarantixxu li waqt it-tisjir, permezz ta’ reazzjonijiet kimiċi, jinkiseb laħam ta’ togħma bnina.
Fil-ħin tal-qatla, biex il-ġilda ma titbenġilx u sabiex tinżamm id-dekorazzjoni ta’ rix fil-bażi tal-għonq, l-operatur juża kura delikata ħafna fl-operazzjonijiet tal-qatla u tat-tneħħija tar-rix (tneħħija totali tad-demm sabiex tinkiseb il-bjuda sabiħa tal-annimali, tneħħija tar-rix b’kawtela sabiex jiġi evitat il-qtugħ). Fl-aħħar nett, tingħata attenzjoni partikolari lill-preparazzjoni tad-dundjani li jinbiegħu bil-kullar tar-rix tagħhom. Uħud minnhom jiġu ddekorati skont it-tradizzjoni ta’ Bresse “mode bressanne” (saqajn u ġwienaħ imwaħħlin mal-ġisem) imdeffsa f’biċċa xoqqa meħjuta sabiex ix-xaħam tal-annimal jiġi ddistribwit b’mod tajjeb. Dawn huma prodotti ta’ kwalità li jinbiegħu wara l-erba' kompetizzjonijiet tat-tjur, imsejħa “glorieuses”, li ilhom jiġu organizzati f’Diċembru ta’ kull sena sa mill-1862. Dawn il-kompetizzjonijiet kemm huma kburin bil-prodotti tagħhom il-produtturi li jrabbu t-tjur u jixhdu kemm huma marbuta mal-attività prestiġġjuża tagħhom.
Id-“Dinde de Bresse” hija ankrata sew fil-gastronomija lokali, u tiġi msajra u promossa mill-ikbar chefs Franċiżi li japprezzaw it-togħma bnina tagħha.
Referenza għall-pubblikazzjoni tal-ispeċifikazzjoni
(L-Artikolu 5(7) tar-Regolament (KE) Nru 510/2006 (4))
https://www.inao.gouv.fr/fichier/CDCDindeDeBresse.pdf
(1) ĠU L 343, 14.12.2012, p. 1.
(2) ĠU L 93, 31.3.2006, p. 12. Mibdul bir-Regolament (UE) Nru 1151/2012.
(3) Mibdul bir-Regolament (UE) Nru 1151/2012.
(4) Ara n-nota f’qiegħ il-paġna Nru 3.
4.6.2013 |
MT |
Il-Ġurnal Uffiċjali tal-Unjoni Ewropea |
C 157/12 |
Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi ta’ kwalità għal prodotti agrikoli u oġġetti tal-ikel
2013/C 157/05
Din il-pubblikazzjoni tagħti d-dritt ta’ oġġezzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).
DOKUMENT UNIKU
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)
“SLOVENSKI MED”
Nru tal-KE: SL-PGI-0005-0801-10.03.2010
IĠP ( X ) DPO ( )
1. Isem
“Slovenski med”
2. Stat membru jew pajjiż terz
Is-Slovenja
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.4. |
Prodotti oħra ta’ oriġini mill-annimali (bajd, għasel, prodotti tal-ħalib għajr il-butir, eċċ.) |
3.2. Deskrizzjoni tal-prodott li għalih japplika l-isem f’(1)
“Slovenski med” jiġi prodott fir-Repubblika tas-Slovenja. Dawn li ġejjin jistgħu jinbiegħu bl-isem “Slovenski med”:
— |
għasel tal-gazzija, |
— |
għasel tal-ixkomp, |
— |
għasel tal-qastan, |
— |
għasel taż-żnuber, |
— |
għasel tal-abit, |
— |
għasel tal-fjuri jew għasel tan-nektar, |
— |
għasel tal-foresta jew għasel mill-qtar tal-għasel tas-siġar. |
Proprjetajiet organolettiċi tas-“Slovenski med”:
L-għasel tal-gazzija huwa prodott l-iktar min-nektar miġbur mis-siġra tar-robinja (Robinia pseudoacacia), magħrufa wkoll bħala l-gazzija falza. Dan l-għasel jista’ jkun prattikament bla kulur iżda jvarja sa kulur it-tiben. Is-“Slovenski med” għandu fwieħa ħafifa ħafna u newtrali, b’riħa ta’ nwar tal-gazzija. Għandu togħma li tvarja minn ħlewwa moderata sa ħlewwa qawwija li tippersisti għal tul ta' żmien moderat sa twil. L-aroma tiegħu, li tippersisti għal tul ta’ żmien qasir sa moderat, hi ta’ xehda verġni, xemgħa friska, nwar tal-gazzija, nwar tas-siġar tal-frott, aroma tat-tuffieħ u l-lanġas u possibilment vanilja, ħelu tal-krema, butir frisk u tiben frisk. Rari li jikkristallizza.
L-għasel tal-ixkomp huwa prodott min-nektar jew mill-qtar tal-għasel tas-siġar miġbur l-iktar mill-ixkomp tal-werqa wiesgħa jew l-ixkomp tal-werqa żgħira (Tilia platyphillos jew Tilia cordata). L-għasel tal-ixkomp għandu kulur li jvarja bejn l-isfar ċar u l-ambra ċar, bi ħjiel ta’ aħdar. Għandu riħa ta’ nwar tal-ixkomp u għandu fwieħa ta’ mentol frisk li hi ta’ intensità medja sa qawwija. Għandu togħma ta' mentol li tvarja minn moderata sa qawwija. L-aroma tiegħu hija distintiva ħafna u friska. Għandu aroma ta’ mentol, ġewż frisk, ħwawar u nwar tal-ixkomp imsajra u aroma ħafifa ta’ fjuri li tippersisiti fuq tul ta’ żmien moderat sa twil.
L-għasel tal-qastan huwa prodott l-iktar min-nektar jew mill-qtar tal-għasel tas-siġar miġbur mill-qastan ħelu (Castanea sativa). Għandu kulur kannella skur jew ambra, bi ħjiel ta' aħmar. Il-fwieħa, bħat-togħma, hija intensa ħafna. L-għasel tal-qastan huwa kkaratterizzat minn togħma morra ta’ intensità moderata sa qawwija ħafna. L-aroma tiegħu hi distintiva ħafna, u hi b’saħħitha u ħorra bħaz-zokkor maħruq, il-ġulepp taz-zokkor, id-duħħan, il-ħwawar u l-għobbejra u jibqa’ tajjeb għal żmien twil. Is-“Slovenski med” iħalli togħma morra fil-ħalq. Rari li jikkristallizza.
L-għasel taż-żnuber huwa prodott l-iktar mill-qtar tal-għasel tas-siġar miġbur miż-żnuber abjad (Abies alba). Għandu kulur kannella fil-griż, b’dija ħadra. Il-fwieħa tiegħu hi ta’ intensità minn medja sa qawwija. Għandu riħa ta’ ħalib tat-trab u reżina. It-togħma tiegħu iddum kemxejn, bħall-aroma tiegħu, li hi distintiva ħafna. L-aroma tfakkrek fil-ħalib tat-trab, il-karamel, iz-zokkor maħruq, ir-reżina, l-injam koniferu frisk, il-ġulepp tar-rimja tal-abit, id-duħħan, it-te iswed bil-ħalib u l-ħelu tal-ħwawar. Normalment jikkristallizza bil-mod.
L-għasel tal-abit huwa prodott l-iktar mill-qtar tal-għasel tas-siġar miġbur mill-abit (Picea abies). Għandu kulur kannella fl-oranġjo jew kannella ħamrani, b’kisja li tleqq. Normalment ileqq. Dan l-għasel hu kemxejn elastiku u jeħel mal-ilsien u s-saqaf tal-ħalq. Il-fwieħa tiegħu ddum kemxejn u t-togħma tiegħu tippersisti fuq tul ta’ żmien qasir sa moderat. L-aroma ddum kemxejn. L-aroma tfakkrek fil-ġulepp tar-rimja tal-abit, ir-reżina, il-ħwawar ħelwin, it-te tal-ħwawar, il-kafé inkaljat, il-frott imnixxef u l-ħelu tal-kafé.
L-għasel tal-fjuri jew l-għasel tan-nektar ikun aktarx prodott min-nektar minn iktar minn pjanta waħda u għaldaqstant huwa varjat. Il-kulur tiegħu jvarja minn isfar tat-tiben sa kannella. Il-fwieħa tippersisti fuq tul ta’ żmien kemxejn twil sa twil ħafna, bħat-togħma tiegħu. Iħalli togħma qawwija u ħelwa fil-ħalq. L-aroma friska ta' frott u fjuri tippersisti fuq tul ta’ żmien kemxejn twil sa twil ħafna. L-aroma tfakkrek fil-fjuri, il-frott frisk, il-frott ippreservat (compote), il-frott imsajjar, il-ħelu tal-karamel u l-ħalib, iz-zokkor ismar, il-karamel u l-melassa. Jikkristallizza malajr.
L-għasel tal-foresta u tal-qtar tal-għasel tas-siġar huwa prodott l-iktar mill-qtar tal-għasel tas-siġar miġbur min-numru ta’ pjanti. Għandu kulur minn kannella ċar sa kannella skur, bi ħjiel aħmar jew aħdar. Il-fwieħa tippersisti fuq tul ta’ żmien qasir sa moderat u t-togħma tiegħu tippersisti fuq tul ta’ żmien moderat sa twil. Bl-istess mod l-aroma tiegħu, li tfakkrek fir-reżina, il-ġewż, il-ġellewż, il-ħwawar, l-għobbejra, il-karamel, il-melassa, il-ħelu tal-ħwawar, il-frott imnixxef u l-lanġas imnixxef, tippersisti fuq tul ta’ żmien moderat sa twil.
Il-proprjetajiet fiżiko-kimiċi tas-“Slovenski med”:
Tip ta’ għasel Parametru |
Gazzija |
Xkomp |
Qastan |
Żnuber |
Abit |
Tal-Fjuri |
Tal-Foresta |
Kontenut ta’ ilma |
< 18,6 % |
< 18,6 % |
< 18,6 % |
< 18,6 % |
< 18,6 % |
< 18,6 % |
< 18,6 % |
Kontenut HMF |
< 15 mg/kg |
< 15 mg/kg |
< 15 mg/kg |
< 15 mg/kg |
< 15 mg/kg |
< 15 mg/kg |
< 15 mg/kg |
Konduttività elettrika |
≤ 0,3 mS/cm |
0,5-1,3 mS/cm |
≥ 0,9 mS/cm |
> 0,8 mS/cm |
≥ 0,9 mS/cm |
≤ 0,8 mS/cm |
≥ 0,8 mS/cm |
pH |
3,5-4,6 |
4,1-6,1 |
4,7-6,2 |
4,7-5,8 |
4,3-5,6 |
3,8-5,3 |
4,3-5,6 |
Kontenut ta’ sukkrosju |
< 10 g/100 g |
< 5 g/100 g |
< 5g/100 g |
< 5 g/100 g |
< 5 g/100 g |
< 5 g/100 g |
< 5 g/100 g |
Kontenut ta' għabra tad-dakra fis-“Slovenski med”:
Tip ta’ għasel Għabra tad-dakra |
Gazzija |
Xkomp |
Qastan |
Żnuber |
Abit |
Tal-Fjuri |
Tal-Foresta |
Proporzjon ta' varjetà speċifika ta' għabra tad-dakra |
> 7 % għabra tad-dakra tar-robinja (Robinia pseudoacacia – gazzija falza) |
> 1 % għabra tad-dakra tal-ixkomp (Tilia sp.) |
> 86 % għabra tad-dakra tal-qastan ħelu (Castanea sativa) |
— |
— |
Normalment ikun fih l-għabra tad-dakra tas-siġar tal-frott, Castanea sativa, Acer sp., Trifolium repens u pjanti tal-familja Asteraceae. |
— |
3.3. Materja prima
—
3.4. Għalf
In-naħal ma jiġix magħluf waqt jew eżatt wara t-tfittxija għall-ikel. Fix-xitwa, in-naħal jiġi magħluf zokkor jew għasel biss.
3.5. Stadji speċifiċi fil-produzzjoni li għandhom iseħħu fiż-żona ġeografika identifikata
L-istadji kollha fil-produzzjoni tas-“Slovenski med” għandhom iseħħu fiż-żona ġeografika identifikata. Il-produzzjoni tas-“Slovenski med” tinkludi l-produzzjoni tal-għasel f’doqqajsijiet li ma jiċċaqalqux, jew bl-għajnuna ta’ doqqajsijiet li jitmexxew fiż-żona ġeografika, u l-estrazzjoni tiegħu issir permezz taċ-ċentrifugazzjoni. It-trobbija tan-naħal timxi fuq il-prinċipji tal-prattiċi tat-trobbija tajba tan-naħal (Linji gwida dwar il-prattiċi tajba tal-iġene fit-trobbija tan-naħal ibbażati fuq il-prinċipji tas-sistema HACCP). L-użu ta’ kimiċi li jkeċċu l-insetti biex jippaċifikaw lin-naħal mhux permess, minħabba r-riskju li r-residwi kimiċi jiġu transferiti fl-għasel. L-estrazzjoni minn xehdiet tad-duqqajs mhix permessa. L-għasel li jiġi estratt ikun fih inqas minn 18,6 % ilma. L-għasel estratt huwa magħsur u, ftit jiem wara l-estrazzjoni, jiġi miġbur ukoll. Jintużaw passaturi li ma jneħħux l-għabra tad-dakra kollha. It-tnixxif tal-għasel mhux permess. L-Għasel kristallizzat jiġi llikwidat permezz tat-tisħin, għalkemm f'temperatura li ma taqbiżx l-40 °C biex ma ssirx ħsara lill-partijiet mill-għasel li ssirilhom ħsara bis-sħana (l-enżimi, l-ormoni). Il-likwifazzjoni tal-għasel permezz tat-tisħin bil-majkrowejv mhix permessa peress li r-radjazzjoni teqred il-partijiet bijoloġikament attivi tiegħu.
3.6. Regoli speċifiċi dwar it-tqattigħ, it-tħakkik, l-ippakkjar, eċċ.
Is-“Slovenski med” jista’ jiġi bbottiljat u ppakkjat fiż-żona ġeografika identifikata biss. Hu b’dan il-mod biss li tista’ tiġi preservata l-kwalità għolja tal-għasel u evitati bidliet fil-proprjetajiet fiżiko-kimiċi u organolettiċi li jistgħu jseħħu jekk dan jiġi ttrasportat fuq distanzi twal. Eżatt wara li l-għasel jiġi bbottiljat, l-għatu u l-vażett jiġu ssiġillati b’tikketta uniformi b’tali mod li l-vażett ma jkunx jista’ jinfetaħ mingħajr ma titqatta’ t-tikketta.
3.7. Regoli speċifiċi dwar it-tikkettar
L-ittikkettar tas-“Slovenski med” li jilħaq ir-rekwiżiti tal-ispeċifikazzjoni għandu jinkludi l-isem protett u l-kliem 'indikazzjoni ġeografika protetta’ u indikazzjoni tat-tip ta’ għasel u l-lott.
4. Definizzjoni konċiża taż-żona ġeografika
Iż-żona fejn is-“Slovenski med” huwa prodott tinsab fit-territorju tar-Repubblika tas-Slovenja.
5. Rabta maż-żona ġeografika
5.1. Speċifiċità taż-żona ġeografika
Is-Slovenja tinsab fl-Ewropa Ċentrali, fejn jiltaqgħu erba' żoni ġeografiċi Ewropej maġġuri, li huma l-Alpi, il-Baċir tal-Pannoja, il-Muntanji Dinariċi u l-Mediterran. Id-diversità ġeoloġika, il-varjazzjonijiet fir-riljiev u l-fatt li l-pajjiż imiss ma’ erba’ reġjuni bijoġeografiċi jwasslu għal diversità kbira fil-flora u l-fawna, li tfisser firxa wiesgħa fit-tipi ta’ għasel. L-interazzjoni bejn il-klima sub-Mediterranja, dik kontinentali u dik alpina u l-varjazzjoni fir-riljiev bejn l-artijiet baxxi u ż-żoni muntanjużi jwasslu biex, għal ċerti pjanti, in-naħal jirgħa fi żminijiet differenti f’partijiet differenti tas-Slovenja. Dawk il-karatteristiċi huma marbutin mad-diversità tal-flora tas-Slovenja.
Il-qastan ħelu (Castanea sativa Mill.) jikber fiż-żoni kollha tas-Slovenja li fihom l-għoljiet u li huma iktar sħan. Siġar ta’ din l-ispeċi jinsabu fis-Slovenja kollha, kemm meta jiffurmaw bosk kif ukoll bħala siġar individwali. Ħafna drabi jikbru qrib l-għelieqi, ġonna tas-siġar tal-frott, vinji u djar. Jikbru f’elevazzjonjiet sa madwar 800 m mil-livell tal-baħar. Minbarra l-injam u l-frott, dawn is-siġar huma importanti ħafna biex jirgħu n-naħal. Huma jarmu l-inwar f’Ġunju u Lulju, normalment fuq perjodu ta’ tliet ġimgħat. In-naħal jieħdu l-għabra tad-dakra tal-qastan lejn ix-xehba tagħhom, fejn din isservi bħala sors ta’ nutriment meta ma jsibux x’jirgħu, iktar tard matul is-sena.
Fuq perjodu ta' eluf ta' snin, in-naħla tal-Karnijola (Apis mellifera carnica), li hi indiġena għas-Slovenja, addattat għall-kundizzjonijiet tal-klima u tar-ragħa li huma tipiċi għas-Slovenja. Is-Slovenja huwa l-uniku Stat Membru tal-UE li fit-Trattat ta’ Adeżjoni, bil-għan li tħares il-materjal ġenetiku indiġenu tan-naħla tal-Karnijola u wara li qieset il-bżonn li tiġi mħarsa din il-popolazzjoni indiġena ta’ naħal, iddikjara l-intenzjoni tiegħu li jkompli japplika l-miżuri xierqa kollha meħtieġa biex tiġi żgurata l-konservazzjoni ta' din in-naħla indiġena fis-Slovenja.
L-iktar li għandna tagħrif storiku dwar it-trobbija tan-naħal fis-Slovenja huwa mis-seklu 18 'il quddiem. F'dak il-perjodu, tlett personaġġi partikolari – Anton Janša, Peter Pavel Glavar u Janez Anton Scopoli – ħallew il-marka tagħhom fuq it-trobbija tan-naħal fis-Slovenja. Anton Janša (1734-1773) huwa magħruf bħala l-fundatur tat-trobbija moderna tan-naħal. Huwa kiteb żewġ kotba importanti bil-Ġermaniż: Abhandlung von Schwärmen der Bienen (Treatise on the Swarming of Bees) (1771) u Vollständige Lehre von der Bienenzucht (Gwida kompleta dwar it-trobbija tan-naħal) (1775). Kien l-ewwel għalliem dwar l-apikultura b'nomina imperjali għal ħafna mit-territorju Awstrijak. Fl-iskola tal-apikultura fi Vjenna huwa introduċa wkoll it-teknika li n-naħal jiġi mmexxi lejn il-mergħat, biex b'hekk jinkiseb ammont ikbar ta' għasel. Kien Peter Pavel Glavar (1721-1784) li skopra għall-ewwel darba li l-irġejjen verġni żgħar jitgħammru ma' bgħula differenti u mhux ma' wieħed biss, filwaqt li kien Janez Anton Scopoli (1723-1788) li xerred dan it-tagħrif fost dawk li jrabbu n-naħal. Fl-1763 deher artiklu illustrat dwar in-naħal f’Entomologia Carniolica, ktieb vast bil-Latin ippubblikat fi Vjenna.
Iktar tard, Anton Žnideršič (1874-1947) għaqqad l-esperjenza ta’ esperti barranin dwar it-trobbija tan-naħal u nies li jaħdmu fil-qasam, b’mod partikolari Albertti, Gerstung u Preuss, mal-esperjenza tiegħu u b'hekk wasal biex żviluppa d-doqqajs AŽ (id-doqqajs Albertti-Žnideršičev), li għadu s'issa l-iktar doqqajs użat fis-Slovenja.
It-tradizzjoni li n-naħal jiġi mmexxi minn post għal ieħor għadha tiġi prattikata fis-Slovenja. Dawk li jrabbu n-naħal u li jmexxu n-naħal lejn il-mergħat normalment jiġbru iktar għasel, u b'hekk jiżguraw iktar diversità fil-varjetajiet ta' għasel.
Għaqdiet ta’ dawk li jrabbu n-naħal ilhom jeżistu fis-Slovenja minn żmien bikri; l-ewwel fratellanza ta’ dawk li jrabbu n-naħal twaqqfet f’Rodine pri Žirovnici fl-1781 u kienet il-predeċessur ta’ għaqdiet ta’ dawk li jrabbu n-naħal li twaqqfu iktar tard. L-Għaqda Ċentrali Slovena għat-Trobbija tan-Naħal għall-Kranjska (il-Karnijola), Štajerska (L-Istirja), Koroška (il-Karintja) u l-Primorska ġiet mwaqqfa f’Ljubljana fl-1898 u bdiet tippubblika l-ġurnal tagħha, Slovenski čebelar, mill-ewwel. Il-ġurnal għadu jiġi ppubblikat.
L-għaqdiet dejjem kellhom l-għan li jedukaw lil dawk li jrabbu n-naħal u li jdaħħlu prattiċi tajbin fit-trobbija tan-naħal, peress li dawk li jrabbu n-naħal għandhom jimxu ma' proċessi speċifiċi ta' produzzjoni biex jiżguraw il-karatteristiċi speċifiċi tas-“Slovenski med”. Dan fisser li dawk li jrabbu n-naħal fis-Slovenja ġabru t-tagħrif u l-prattiċi speċifiċi relevanti, li jgħinu biex jinkiseb “Slovenski med” ta' kwalità għolja.
5.2. Speċifiċità tal-prodott
L-ispeċifiċità tas-“Slovenski med” hija riżultat tal-medda tal-għabra tad-dakra, li tixhed il-karatteristiċi tal-flora fiż-żona fejn is-“Slovenski med” huwa prodott, fejn fost l-oħrajn hija preżenti l-għabra tad-dakra tal-qastan ħelu (Castanea sativa), li tinsab fil-biċċa l-kbira tal-kampjuni tas-“Slovenski med”. Dawn il-proprjetajiet jiddistingwu s-“Slovenski med” minn għasel ieħor li huwa prodott barra mis-Slovenja.
Iktar min-nofs il-kampjuni tas-“Slovenski med” fihom ukoll l-għabra tad-dakra tat-Trifolium repens, Acer sp., Plantago sp., Fraxinus ornus, Salix sp., Tilia sp., li huma pjanti tal-familja Poaceae, Filipendula sp. u pjanti tal-familji Asteraceae u Apiaceae.
Żewġ proprjetajiet speċifiċi oħra tas-“Slovenski med” huma l-kontenut baxx ta’ ilma u livelli baxxi ta’ HMF. L-ispeċifiċità tas-“Slovenski med” hija li fih kontenut ta’ ilma ta’ inqas minn 18,6 % u kontenut ta’ HMF ta' inqas minn 15 mg/kg. Dawn iż-żewġ parametri ta’ kwalità jiddistingwu b’mod dimostrabbli s-“Slovenski med” minn għasel ieħor prodott fis-Slovenja.
Is-Slovenja hija r-reġjun minn fejn oriġinat in-naħla tal-Karnijola, u waħda mill-karatteristiċi speċifiċi tas-“Slovenski med” hija li kollu jiġi prodott f'żona fejn it-trobbija tan-naħal tibbaża esklussivament fuq l-użu tan-naħla tal-Karnijola.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra tal-prodott (għall-IĠP)
Is-Slovenja hija pajjiż bi tradizzjoni kbira ta' trobbija tan-naħal u l-produzzjoni ta' għasel ta' kwalità ogħla, kif inhu ċar mill-punt 5.1. Is-suċċess miksub fit-trobbija tan-naħal fis-Slovenja dejjem kien ibbażat fuq tagħrif tajjeb tan-naħal u tekniki immaġinattivi fit-trobbija tan-naħal. Kien jiddependi wkoll fuq il-mergħat disponibbli, li fis-Slovenja huma varjati minħabba d-diversità fil-flora. L-esperjenza li nbniet matul ħafna snin fit-trobbija tan-naħal u l-produzzjoni tal-għasel għaddiet minn ġenerazzjoni għall-oħra.
Peress li s-siġra tal-qastan ħelu (Castanea sativa) hija daqstant mifruxa fis-Slovenja, l-għabra tad-dakra tal-qastan ħelu tinsab fil-biċċa l-kbira tal-kampjuni tas-“Slovenski med”. Biex jisfruttaw il-varjetà ta’ mergħat fis-Slovenja, dawk li jrabbu n-naħal imexxuhom madwar il-pajjiż, u b'hekk iżidu l-possibbiltà li għabra tad-dakra tal-qastan ħelu ssib ruħha fl-għasel.
Fuq perjodu ta' eluf ta' snin, in-naħla tal-Karnijola (Apis mellifera carnica), li ngħatat dan l-isem minn August Pollmann fl-1879, addattat għall-kundizzjonijiet tal-klima u tar-ragħa li huma tipiċi għas-Slovenja. In-naħla tal-Karnijola hija indiġena għas-Slovenja u hija protetta taħt l-Att dwar it-Trobbija tal-Bhejjem (Gazzetta Uffiċjali tar-Repubblika tas-Slovenja Nru 18/02), li fl-Artikolu 68 jiddefinixxi n-naħla tal-Karnijola bħala razza indiġena u li, fl-Artikolu 70, jistipula għall-ħarsien speċjali ta’ din ir-razza indiġena. Bħala riżultat tal-karatteristiċi eċċellenti tagħha kif ukoll għall-mod kif addattat għall-kundizzjonijiet klimatiċi temperati, in-naħla tal-Karnijola dejjem kellha valur kummerċjali għoli. F’pajjiżi oħra, razez oħra ta' naħal jeżistu flimkien man-naħla tal-Karnijola, imma huwa biss fis-Slovenja li n-naħla tal-Karnijola weħidha tista’ tintuża fit-trobbija tan-naħal.
Ir-restrizzjonijiet li jeżistu għall-produzzjoni tas-“Slovenski med” jikkontribwixxu wkoll għall-proprjetajiet tiegħu. Il-ħiliet ta’ dawk li jrabbu n-naħal jidhru meta jiġu biex jiġġudikaw meta jkun wasal iż-żmien biex jiġi estratt l-għasel, peress li, abbażi tal-prattika u l-esperjenza mgħoddija minn ġenerazzjoni għall-oħra, dawk li jrabbu n-naħal jgħaddu għall-estrazzjoni meta l-għasel ikollu kontenut ta’ ilma ta’ inqas minn 18,6 %
L-għasel prodott fis-Slovenja dejjem kien igawdi minn stima għolja fost il-konsumaturi, peress li jipprovdihom b’ikel ta’ kwalità għolja minn sors magħruf. Kien propju minħabba x-xewqa li l-konsumaturi jiġu provduti b'għasel ta' kwalità tajba li dawk li jrabbu n-naħal fis-Slovenja introduċew il-produzzjoni kontrollata tal-għasel fl-1999. Din teħtieġ ammont mhux żgħir ta' għarfien espert min-naħa ta’ dawk li jrabbu n-naħal peress li huma ħolqa importanti fil-proċess tal-produzzjoni tal-għasel, u l-kwalità tal-għasel tista’ tonqos jekk xogħolhom ma jsirx sew.
Il-popolarità u r-reputazzjoni tajba tas-“Slovenski med” huma riżultat tal-preżenza tiegħu f’diversi kungressi nazzjonali u internazzjonali, wirjiet, fieri, ġranet dedikati għall-għasel u swieq għat-tfal, għall-fatt li jissemma’ f’xandiriet televiżivi u radjofoniċi u, l-aħħar iżda mhux l-inqas, il-fatt li jissemma' f’diversi artikli, partikolarment fl-okkażjoni tal-kungress Ruralia Gorizia li ġie organizzat fl-2002 fl-Italja minn tliet pajjiżi (is-Slovenja, l-Italja, l-Awstrija), kif ukoll fl-okkażjoni ta' Apimondia, l-ikbar avveniment internazzjonali li għandu x’jaqsam mat-trobbija tan-naħal (Ljubljana, 2003), u fl-okkażjoni tal-kungress internazzjonali dwar l-għasel mill-qtar tal-għasel tas-siġar f’Chania (Kreta, 2009), u fil-forum Apimedica & Apiquality (Slovenia, 2010).
Il-kwalità għolja tas-“Slovenski med”, li hi magħrufa mad-dinja kollha, ġiet rikonoxxuta permezz ta’ diversi premji li dan l-għasel irċieva f'diversi kompetizzjonijiet globali, internazzjonali u nazzjonali; fost l-oħrajn ingħataw żewġ midalji u diversi premji ta’ distinzjoni fil-kompetizzjoni dinjija tal-għasel Apimedica & Apiquality. Is-“Slovenski med” irċieva wieħed mill-aktar premji riċenti tiegħu fil-kompetizzjoni internazzjonali tal-għasel organiku BiolMiel 2011, fl-Italja. F’din il-kompetizzjoni s-“Slovenski med” tal-gazzija u tal-foresta rebaħ medalja tad-deheb filwaqt li l-għasel tal-qastan ġie r-raba' ex aequo minn fost 170 kampjun ta' għasel.
Referenza għall-pubblikazzjoni tal-ispeċifikazzjoni
(L-Artikolu 5(7) tar-Regolament (KE) Nru 510/2006 (3))
http://www.mko.gov.si/fileadmin/mko.gov.si/pageuploads/podrocja/Varna_in_kakovostna_hrana_in_krma/zasciteni_kmetijski_pridelki/Specifikacije/SLOVENSKI_MED.pdf
(1) ĠU L 343, 14.12.2012, p. 1.
(2) ĠU L 93, 31.3.2006, p. 12. Mibdul permezz tar-Regolament (UE) Nru 1151/2012.
(3) Ara n-nota f’qiegħ il-paġna Nru 2.