ISSN 1977-0987 doi:10.3000/19770987.C_2012.231.mlt |
||
Il-Ġurnal Uffiċjali tal-Unjoni Ewropea |
C 231 |
|
Edizzjoni bil-Malti |
Informazzjoni u Avviżi |
Volum 55 |
Avviż Nru |
Werrej |
Paġna |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2012/C 231/01 |
||
2012/C 231/02 |
Wiċċ nazzjonali ġdid tal-muniti tal-euro maħsuba għaċ-ċirkolazzjoni |
|
2012/C 231/03 |
Wiċċ nazzjonali ġdid tal-muniti tal-euro maħsuba għaċ-ċirkolazzjoni |
|
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2012/C 231/04 |
Notifika minn qabel ta' konċentrazzjoni (Każ COMP/M.6663 – Ryanair/Aer Lingus III) ( 1 ) |
|
2012/C 231/05 |
Notifika minn qabel ta' konċentrazzjoni (Każ COMP/M.6668 – Mondi/Nordenia) ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2012/C 231/06 |
||
|
|
|
(1) Test b’relevanza għaż-ŻEE |
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
2.8.2012 |
MT |
Il-Ġurnal Uffiċjali tal-Unjoni Ewropea |
C 231/1 |
Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament (1):
0,75 % fl-1 ta’ Awwissu 2012
Rata tal-kambju tal-euro (2)
L-1 ta’ Awwissu 2012
2012/C 231/01
1 euro =
|
Munita |
Rata tal-kambju |
USD |
Dollaru Amerikan |
1,2298 |
JPY |
Yen Ġappuniż |
96,20 |
DKK |
Krona Daniża |
7,4418 |
GBP |
Lira Sterlina |
0,78750 |
SEK |
Krona Żvediża |
8,3189 |
CHF |
Frank Żvizzeru |
1,2013 |
ISK |
Krona Iżlandiża |
|
NOK |
Krona Norveġiża |
7,3850 |
BGN |
Lev Bulgaru |
1,9558 |
CZK |
Krona Ċeka |
25,358 |
HUF |
Forint Ungeriż |
280,38 |
LTL |
Litas Litwan |
3,4528 |
LVL |
Lats Latvjan |
0,6967 |
PLN |
Zloty Pollakk |
4,1058 |
RON |
Leu Rumen |
4,5938 |
TRY |
Lira Turka |
2,2112 |
AUD |
Dollaru Awstraljan |
1,1691 |
CAD |
Dollaru Kanadiż |
1,2320 |
HKD |
Dollaru ta' Hong Kong |
9,5359 |
NZD |
Dollaru tan-New Zealand |
1,5145 |
SGD |
Dollaru tas-Singapor |
1,5315 |
KRW |
Won tal-Korea t'Isfel |
1 386,34 |
ZAR |
Rand ta' l-Afrika t'Isfel |
10,1682 |
CNY |
Yuan ren-min-bi Ċiniż |
7,8322 |
HRK |
Kuna Kroata |
7,5160 |
IDR |
Rupiah Indoneżjan |
11 618,25 |
MYR |
Ringgit Malażjan |
3,8301 |
PHP |
Peso Filippin |
51,298 |
RUB |
Rouble Russu |
39,7770 |
THB |
Baht Tajlandiż |
38,726 |
BRL |
Real Brażiljan |
2,5221 |
MXN |
Peso Messikan |
16,3514 |
INR |
Rupi Indjan |
68,2220 |
(1) Rata applikata għall-operazzjoni l-iktar reċenti mwettqa qabel il-jum indikat. Fil-każ ta' sejħa għall-offerti b'rata varjabbli, ir-rata tal-interessi hija r-rata marġinali.
(2) Sors: rata tal-kambju ta' referenza ppubblikata mill-Bank Ċentrali Ewropew.
2.8.2012 |
MT |
Il-Ġurnal Uffiċjali tal-Unjoni Ewropea |
C 231/2 |
Wiċċ nazzjonali ġdid tal-muniti tal-euro maħsuba għaċ-ċirkolazzjoni
2012/C 231/02
Il-wiċċ nazzjonali tal-munita l-ġdida kommemorattiva taż-2 euro maħsuba għaċ-ċirkolazzjoni u maħruġa mill-Belġju
Il-muniti tal-euro maħsuba għaċ-ċirkolazzjoni huma valuta legali fiż-żona tal-euro kollha. Sabiex il-pubbliku u l-partijiet ikkonċernati li se jużaw il-muniti jkunu infurmati, il-Kummissjoni qed tippubblika l-ispeċifikazzjonijiet tad-disinji tal-muniti ġodda kollha (1). B’konformità mal-konklużjonijiet adottati f’dan ir-rigward mill-Kunsill fl-10 ta’ Frar 2009 (2), l-Istati Membri taż-żona tal-euro u l-pajjiżi li laħqu ftehim monetarju mal-Komunità li jipprevedi l-ħruġ ta’ muniti tal-euro, huma awtorizzati li joħorġu muniti kommemorattivi tal-euro sabiex jiġu ċċirkolati taħt ċertu kundizzjonijiet, speċjalment dik li l-muniti jkunu taż-2 euro biss. Dawn il-muniti għandhom l-istess speċifikazzjonijiet tekniċi bħall-muniti l-oħra taż-2 euro, iżda l-wiċċ nazzjonali tagħhom għandu disinn kommemorattiv simboliku ħafna fil-livell nazzjonali jew Ewropew.
Pajjiż emittenti: Il-Belġju
Suġġett tal-Kommemorazzjoni: Il-75 anniversarju tal-Kompetizzjoni tar-Reġina Eliżabetta
Deskrizzjoni tad-disinn: Il-parti interna tal-munita tirrappreżenta l-emblema tal-Kompetizzjoni tar-Reġina Eliżabetta fuq xbiha tar-Reġina Eliżabetta, li tħares lejn ix-xellug, filwaqt li fuq in-naħa tax-xellug u tal-lemin hemm rispettivament, il-marka tal-mastru taz-zekka u l-marka taz-zekka ta’ Brussell, profil bl-elmu tal-Arkanġlu Mikiel. ‘Il fuq mix-xbiha hemm indikati s-snin 1937-2012. Taħt ix-xbiha, hemm l-iskrizzjoni “QUEEN ELISABETH COMPETITION”. L-indikazzjoni tan-nazzjonalità “BE” tinsab fuq in-naħa tal-lemin tax-xbiha.
Iċ-ċirku estern tal-munita jirrappreżenta t-12-il stilla tal-bandiera Ewropea.
Volum tal-ħruġ: 5 miljun munita
Data tal-ħruġ: Mejju 2012.
(1) Ara ĠU C 373, 28.12.2001, p. 1 dwar l-uċuħ nazzjonali tal-muniti kollha maħruġa fl-2002.
(2) Ara l-konklużjonijiet tal-Kunsill għall-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
2.8.2012 |
MT |
Il-Ġurnal Uffiċjali tal-Unjoni Ewropea |
C 231/3 |
Wiċċ nazzjonali ġdid tal-muniti tal-euro maħsuba għaċ-ċirkolazzjoni
2012/C 231/03
Il-wiċċ nazzjonali tal-munita l-ġdida kommemorattiva ta' 2 euro maħsuba għaċ-ċirkolazzjoni u maħruġa mill-Finlandja
Il-muniti tal-euro maħsuba għaċ-ċirkolazzjoni huma valuta legali fiż-żona kollha tal-euro. Il-Kummissjoni qed tippubblika deskrizzjoni tad-disinji tal-muniti ġodda kollha bil-ħsieb li tinforma lill-pubbliku u lill-partijiet kollha li jużaw il-muniti (1). Skont il-konklużjonijiet tal-Kunsill tal-10 ta' Frar 2009 (2), l-Istati Membri taż-żona tal-euro u l-pajjiżi li laħqu ftehim monetarju mal-Komunità li jipprovdi għall-ħruġ ta' muniti tal-euro, għandhom il-permess joħorġu muniti tal-euro kommemorattivi intenzjonati għaċ-ċirkulazzjoni, sakemm jiġu rrispettati ċerti kundizzjonijiet, partikolarment dik li tintuża biss id-denominazzjoni taż-EUR 2. Dawn il-muniti għandhom l-istess karatteristiċi tekniċi bħall-muniti l-oħra taż-EUR 2, iżda l-wiċċ nazzjonali tagħhom ikun fih disinn kommemorattiv li jkun simboliku ħafna f'termini nazzjonali jew Ewropej.
Pajjiż emittenti: Il-Finlandja
Is-suġġett tal-kommemorazzjoni: Il-150 anniversarju mit-twelid tal-artista Helene SCHJERFBECK.
Deskrizzjoni tad-disinn: Id-disinn juri awtokwadru stilizzat tal-artista bit-test Helene SCHJERFBECK fuq in-naħa tax-xellug u s-snin 1862-1946 fuq il-lemin. Fuq in-naħa tax-xellug fil-parti ta’ isfel tal-munita hemm il-marka tas-sena 2012 u r-referenza tal-pajjiż FI.
Iċ-ċirku estern tal-munita juri t-12-il stilla tal-bandiera Ewropea.
Volum tal-ħruġ: 2 miljuni
Data tal-ħruġ: Settembru 2012
(1) Ara ĠU C 373, 28.12.2001, p. 1 dwar l-uċuħ nazzjonali tal-muniti kollha li nħarġu fl-2002.
(2) Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta' Frar 2009 u r-Rakkomandazzjoni tal-Kummissjoni tad-19 ta' Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
2.8.2012 |
MT |
Il-Ġurnal Uffiċjali tal-Unjoni Ewropea |
C 231/4 |
Notifika minn qabel ta' konċentrazzjoni
(Każ COMP/M.6663 – Ryanair/Aer Lingus III)
(Test b’relevanza għaż-ŻEE)
2012/C 231/04
1. |
Fl-24 ta' Lulju tal-2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Ryanair Holdings Plc (“Ryanair”, l-Irlanda) takkwista, skont it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ tal-impriża Aer Lingus Group Plc (“Aer Lingus”, l-Irlanda), permezz ta' offerta pubblika mħabbra fid-19 ta’ Ġunju 2012. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6663 – Ryanair/Aer Lingus III, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
2.8.2012 |
MT |
Il-Ġurnal Uffiċjali tal-Unjoni Ewropea |
C 231/5 |
Notifika minn qabel ta' konċentrazzjoni
(Każ COMP/M.6668 – Mondi/Nordenia)
(Test b’relevanza għaż-ŻEE)
2012/C 231/05
1. |
Fil-25 ta’ Lulju 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Mondi Plc. (“Mondi”), li hi parti minn Mondi Group, takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet, kontroll esklużiv tal-impriża Nordenia International AG (“Nordenia”) permezz tax-xiri ta' ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6668 – Mondi/Nordenia, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
ATTI OĦRAJN
Il-Kummissjoni Ewropea
2.8.2012 |
MT |
Il-Ġurnal Uffiċjali tal-Unjoni Ewropea |
C 231/6 |
Pubblikazzjoni ta' applikazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
2012/C 231/06
Din il-pubblikazzjoni tagħti d-dritt għal oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni.
DOKUMENT UNIKU
IR-REGOLAMENT TAL-KUNSILL (KE) Nru 510/2006
“PANFORTE DI SIENA”
Nru KE: IT-PGI-0005-0795-28.01.2010
IĠP ( X ) DPO ( )
1. Isem:
“Panforte di Siena”
2. Stat Membru jew Pajjiż terz:
L-Italja
3. Deskrizzjoni tal-prodott agrikolu jew tal-oġġett tal-ikel:
3.1. Tip ta' prodott:
Klassi 2.4: |
Prodotti tal-ħobż, prodotti tad-dulċiera, ħelu, galletti u gallettini. |
3.2. Deskrizzjoni tal-prodott li japplika għalih l-isem fil-punt 1:
L-isem “Panforte di Siena” jidentifika l-prodott tal-ħelu miksub minn preparazzjoni ta' taħlita magħmula minn dqiq, konfettura tal-frott, frott imnixxef, taħlita ta' zokkrijiet, għasel u ħwawar li flimkien jinħmew ġol-forn. Il-prodott meta jitqiegħed fis-suq, jista' jkun wieħed minn dawn iż-żewġ tipi:
— |
it-tip abjad, jekk il-wiċċ ikun miksi biz-zokkor abjad fin; |
— |
it-tip iswed, jekk il-wiċċ ikun miksi bil-ħwawar. |
Il-karatteristiċi fiżiċi li jikkaratterizzaw il-“Panforte di Siena” huma:
— |
Il-forma: tonda jew rettangolari jekk mibjugħ sħiħ; f'biċċiet kwadri jew fi flieli jekk mibjugħ f'porzjonijiet. |
— |
Id-daqs: għoli minn 14 sa 45 mm; għall-forma tonda: dijametru minn 10 sa 38 ċm; għall-forma rettangolari: minn 10 sa 20 ċm (in-naħa l-aktar baxxa) u minn 20 sa 40 ċm (l-ogħla naħa); il-piż ivarja skont id-daqs, iżda għandu jkun bejn it-33 gr u s-6 Kg. |
— |
Il-konsistenza: ratba, li ma titfarrakx meta tinqata'. |
— |
Kif jidher minn barra: il-wiċċ huwa mħarbat u irregolari; |
it-tip abjad: il-kulur huwa abjad minħabba z-zokkor abjad fin li jiksih; iz-zokkor abjad fin jista' jitqiegħed f'pakkett u jinfirex fuq il-prodott meta jkun se jittiekel;
it-tip iswed: il-kulur huwa kannella skur minħabba li huwa miksi b'taħlita ta' ħwawar.
Il-karatteristiċi kimiċi: kontenut għoli ħafna ta' umdità: 15 % tal-prodott finali.
Il-karatteristiċi organolettiċi huma:
— |
Il-benna: ħelwa, li tħalli togħma ta' konfettura tal-frott, lewż u riħa ta' ħwawar li hija ħafifa fit-tip abjad u qawwija ħafna fit-tip iswed. |
3.3. Materja prima (għall-prodotti pproċessati biss):
Għall-produzzjoni tal-“Panforte di Siena” huma meħtieġa l-ingredjenti li ġejjin:
3.3.1.
3.3.1.1. |
It-tip abjad:
|
3.3.1.2. |
It-tip iswed:
|
3.3.2.
3.3.2.1. |
It-tip abjad:
Mhumiex awtorizzati ingredjenti oħra, adittivi, koloranti u konservanti. |
3.3.2.2. |
It-tip iswed:
Mhumiex awtorizzati ingredjenti oħra, adittivi, koloranti u konservanti. Għal kull tip ta' ħelu, huwa possibbli li jiġu użati flimkien iktar minn ingredjent wieħed mhux obbligatorju, fil-limiti indikati fl-ispeċifikazzjoni. |
3.4. Għalf (għall-prodotti li ġejjin mill-annimali biss):
—
3.5. Stadji speċifiċi tal-produzzjoni li għandhom iseħħu fiż-żona ġeografika identifikata:
Il-proċessi kollha ta' produzzjoni jridu jsiru fiż-żona identifikata fl-Artikolu 4 għaliex hekk biss jiġu garantiti l-karatteristiċi organolettiċi tal-prodott.
3.6. Regoli speċifiċi dwar it-tqattigħ, it-tħakkik, l-ippakkjar, eċċ.:
Il-proċeduri ta' ħidma u ta' ppakkjar iridu jsiru b'mod kontinwu, sabiex jiġi evitat li l-prodott jitlef il-konsistenza tiegħu, ladarba dan ikun bired. Il-fattur determinanti f'dan il-każ huwa li jinżamm il-livell xieraq ta' umdità indikat fil-punt 3.2. It-tendenza li jixrob l-indewwa mill-ambjent ta' barra flimkien mat-tendenza tal-prodott li jtella' fil-wiċċ, l-indewwa ta' ġewwa li ġejja mit-taħlita ta' zokkrijiet, dqiq u konfettura, jġiegħlu lill-“Panforte di Siena” jidher trasluċidu u jinħass artab u jwaħħal malli tmissu, u għalhekk dan jikkawża deterjorament tal-profil organolettiku tiegħu. Meta jitqiegħed fis-suq il-“Panforte di Siena” jiġi ppakkjat f'karti jew f'kartun irqiq li jiġu magħluqa sew, normalment ippakkjat minn qabel u ssiġillat, li jevita kemm li tiġi mixruba l-indewwa tal-ambjent, kif ukoll l-espożizzjoni għal aġenti esterni, b'mod partikolari l-effetti ta' ħsara li jiġu minn attakki ta' parassiti tal-lewż u tad-dqiq (b'mod partikolari l-Baħrija taċ-Ċereali).
3.7. Ir-regoli speċifiċi dwar it-tikkettar:
L-ippakkjar u ż-żigarella mdawra mal-kontenitur tal-prodott irid ikollhom miktub “Panforte di Siena” u “Indikazzjoni Ġeografika Protetta” sħiħa jew imqassra f'akronimu (IĠP), kif ukoll l-informazzjoni addizzjonali li ġejja:
|
l-isem, l-isem tal-kumpanija, l-indirizz tal-impriża tal-produzzjoni u tal-ippakkjar; |
|
il-grafiċi tal-prodott kif inhuma deskritti f'din is-sezzjoni, li juru l-istampa li trid tidher flimkien mal-indikazzjoni ġeografika protetta. |
L-indikazzjonijiet li ġejjin jistgħu jiżdiedu kif meħtieġ f'konformità mat-tradizzjoni lokali:
|
“abjad” jew “Margherita”, għat-tip abjad; |
|
“iswed”, għat-tip iswed. |
Kwalunkwe żieda ta' dettalji oħra li mhumiex previsti b'mod ċar hija pprojbita.
Madanakollu, tista' ssir kwalunkwe referenza għal ditti privati sakemm dawn ma jkollhomx l-għan ta' tifħir jew li jkunu intenzjonati li jingannaw il-konsumatur, kif ukoll l-użu ta' referenzi veri oħra li jistgħu jkunu sostnuti b'dokumentazzjoni u li huma permessi mil-leġiżlazzjoni attwali u li mhumiex f'kunflitt mal-għanijiet u l-kontenut ta' dan id-dokument.
Id-denominazzjoni “Panforte di Siena” għandha tinkiteb bit-Taljan.
Il-logo: jikkonsisti f' “balzana” (tarka li għandha fuq abjad u n-naħa t'isfel iswed), imdawra bi skroll isfar ċar Pantone 1205 (5 % M/30 % Y) li jintewa fuqu nnifsu min-naħa ta' fuq.
Matul it-tul tal-iskroll hemm miktub “Panforte di Siena” bit-tipa Gill Extra Bold Condensed u b'kulur iswed; fl-angolu t'isfel hemm fjura żgħira sewda b'ħames petali li tifred il-kelma “Panforte” minn “di Siena”. Fil-freġju ta' kulur isfar dehbi Pantone 117 (30 C/40 % M/70 % Y) hemm miktub “IGP” bit-tipa Gill Extra Bold Condensed b'kulur iswed, imdawwar bi sfond abjad u b'bordura sewda. Immedjatament taħt, hemm tliet linji bil-kliem “Indicazione geografica protetta” bit-tipa Gill Extra Bold u b'kulur iswed. Il-logo jista' jiġi adattat proporzjonalment għall-użi varji f'ippakkjar differenti. L-għoli jista' jiġi mnaqqas sa minimu ta' 1,4 ċm.
4. Definizzjoni fil-qosor taż-żona ġeografika:
Iż-żona tal-produzzjoni u tal-ippakkjar tal-“Panforte di Siena” tinkludi t-territorju amministrattiv kollu tal-provinċja ta' Siena.
5. Rabta maż-żona ġeografika:
5.1. Speċifiċità taż-żona ġeografika:
Il-produzzjoni tal-“Panforte di Siena” ġiet stabbilita fi Siena viċin il-kunventi u l-ħwienet tal-ħwawar mill-bidu tas-seklu XII, meta bdew jikbru l-iskambji u l-kummerċ fil-belt matul Via Francigena. Il-karatteristiċi prinċipali tal-produzzjoni tal-ħelu ta' Siena mill-ewwel dehru f'dan il-kuntest, li jistgħu jinġabru fl-espressività partikolari, ikkonfermata mill-ħafna prodotti tipiċi, mill-użu sostanzjali ta' ħwawar permessi mit-tisħiħ ekonomiku mgħaġġel tal-belt, u fuq kollox minħabba l-ħila tal-ispiżjara, kif jixhdu s-suċċess u r-reputazzjoni miksuba lil hinn sew mill-ħitan tal-belt. Huwa proprju l-konsolidament matul is-sekli ta' dan l-għarfien speċifiku, imħares b'ċerta għira mill-ispiżjara ta' Siena, li fis-seklu 19 ta bidu għall-industrija lokali tal-ħelu, industrija li għada sal-lum il-ġurnata tirrappreżenta s-settur l-iktar importanti tal-ekonomija b'għadd ta' persunal, fatturat u volum ta' esportazzjoni.
It-talba għar-reġistrazzjoni tal-IĠP “Panforte di Siena” hija bbażata fuq ir-reputazzjoni tal-prodott, li hija kkonfermata minn ħafna sekli u li ġejja minn għadd ta' fatturi ekonomiċi u kulturali. Il-produzzjoni tal-ħelu, li għall-ewwel kienet tinżamm milli tinxtered barra mill-ħitan tal-belt ta' Siena, mill-1772 inxterdet matul iż-żona ta' madwar il-provinċja ta' Siena, u minn dejjem, sal-lum il-ġurnata, impjegat tip partikolari ta' ħaddiem, li jissejjaħ “panfortaio”, proprju minħabba l-kompetenzi partikolari tiegħu. Il-ħila tal-“panfortaio” qiegħda fil-kompetenza professjonali tiegħu f'kull stadju tal-produzzjoni, bħall-iċċekkjar tal-omoġenità tal-ingredjenti u tal-forma tal-prodott. Ħaddiem ieħor, li jista' jkun il-“panfortaio” stess jew persuna oħra, huwa il-“canditore”, li jikkontrolla mhux biss il-perfezzjoni tal-konfettura iżda wkoll il-bilanċ ġenerali taz-zokkrijiet fil-prodott.
5.2. Speċifiċità tal-prodott:
Il-“Panforte di Siena” għandu karatteristikament togħma matura u konsistenza soda. Meta jinqata' għandu dehra tleqq, ikkaratterizzata mill-kulur abjad kremuż tal-lewż, mill-aħdar ileqq tal-konfettura tal-qoxra tal-lumi, kif ukoll tal-konfettura tal-larinġ u mill-kulur tal-konfettura tal-qoxra tal-bettieħ misjur. Il-lewż sħiħ huwa mqassam sew u l-konsistenza hija ratba. Il-konsistenza ta' meta wieħed jogħmod, dejjem skont l-ingredjenti differenti, hija dik ta' struttura fibruża tal-lewż li tingħaqad mal-istruttura ratba tal-konfettura tal-frott u mal-għaġina li tgħaqqad kollox. Il-benna karatteristika hija ddeterminata mid-diversi togħmiet tal-ingredjenti eżaltati aktar mit-taħlita tal-ħwawar.
Ir-reputazzjoni li ma tħalli l-ebda dubju tal-“Panforte di Siena” twieldet meta dan stabbilixxa ruħu bħala l-ħelu tipiku u li ma tbiddlu ma' xejn tal-festi tal-Milied.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristika oħra tal-prodott (għall-IĠP):
Il-“Panforte di Siena” huwa x'aktarx l-aħjar ambaxxatur tal-gastronomija tradizzjonali ta' Siena. Magħruf mad-dinja kollha, għandu storja li l-oriġini tagħha tmur lura direttament għaż-żmien medjevali. Ta' min isemmi li dak iż-żmien il-“Panforte” kien jitqies bħala xi ħaġa importanti mhux biss bħala ikel raffinat iżda anke għal skopijiet kurattivi, speċi ta' plaċebo, minħabba l-ħwawar li għandu fit-taħlita tiegħu. Fuq il-ħitan li jħarsu fuq il-bankun tal-ispiżerija l-antika ta' Piazza del Campo fi Siena, huwa possibbli li wieħed jammira tpinġijiet u iskrizzjonijiet tad-deheb mill-isbaħ li juru l-“Panforte”, ir-“Ricciarelli” u prodotti oħra tipiċi ta' Siena.
L-użu attent u abbundanti ta' ħwawar flit-taħlita jirrifletti l-oriġini tal-“Panforte” li ġej minn Siena. Grazzi għall-pożizzjoni strateġika u primarja ta' Siena f'Via Francigena – il-belt dak iż-żmien kienet waħda mill-aktar sinjuri u avvanzati fl-Ewropa – il-kummerċ tal-“Panforte” jmur lura għal żmien il-Medju Evu.
Matul is-sekli, il-ħila li jintużaw ħafna ħwawar ta' kwalità għolja saret sors ta' kburija għall-kunventi u għall-ħwienet tal-ħwawar ta' Siena. Sinjal ta' dan huwa l-fatt li ħafna mill-fabbriki l-aktar magħrufa li jagħmlu l-“Panforte di Siena” kienu ħwienet tal-ħwawar antiki fir-reġjun li ġew mibdula.
Iż-żona ta' madwar Siena minn dejjem kienet ikkaratterizzata mill-produzzjoni ta' kwantitajiet vasti ta' ċereali u dqiq (speċjalment fir-reġjun tat-“Tafal ta' Siena”), frott imnixxef (speċjalment lewż u ġellewż) u għasel. Saħansitra anke xi konfetturi tal-frott juru stil tipiku ta' Siena, kemm fl-użu kif ukoll fl-oriġini tagħhom. Pereżempju, karatteristika partikolari tal-“Panforte di Siena” huwa l-użu tal-bettieħ. Din ġejja mill-preżenza tradizzjonali fir-reġjun ta' kultivar lokali bl-isem ta' “zatti”, li l-produtturi tal-“Panforte” sabu li jislef lilu nnifsu tajjeb ħafna għall-konfettura tal-frott minħabba li għandu qoxra rqiqa ħafna, laħma partikolarment ħelwa u kulur intens ħafna. Dan fil-fatt wassal biex, wara ħafna snin, il-frotta tibda titkabbar ħafna fil-pajsaġġ ta' Siena speċjalment biex tintuża fil-“Panforte di Siena”.
L-isem “Panforte” beda jiġi rreġistrat fil-bidu tas-seklu 19. Huwa f'dan is-seklu li l-ħelu ħareġ mill-ħwienet tal-ħwawar, il-produzzjoni bdiet fuq skala ħafna ikbar, u b'hekk beda jinbiegħ b'mod sinifikanti barra mir-reġjun ta' Siena, speċjalment fil-ħwienet ta' Firenze. Bil-ħidma ta' Natale Pepi, l-ewwel fabbrika ta' produzzjoni tal-“Panforte di Siena” ġiet stabbilita fl-1810 wara li taħt Napuljun ingħalqet l-ispiżerija tal-“Ospedale di Santa Maria della Scala”. Dejjem fis-seklu 19, Artusi inkluda il-“Panforte” fost il-ħelu tipiku ta' Siena fil-ktieb tiegħu tat-tisjir “La scienza in cucina e l'arte di mangiare bene” (“Ix-xjenza fil-kċina u l-arti li tiekol tajjeb”, 1891). Minn dakinhar ma kienx hawn gwida, Taljana jew le, li ma semmitux bħala espressjoni tipika tal-gastronomija ta' Siena. B'mod partikolari, f'dan ir-rigward ta' min isemmi l-gwida tat-“Touring Club Italiano” tal-1931, li tikkonferma r-reputazzjoni kbira tiegħu: “Il-kċina ta' Siena tispikka għal speċjalità magħrufa mad-dinja kollha, il-famuż Panforte di Siena”. It-tip abjad għandu data preċiża ta' twelid, l-1879, meta f'ġieħ ir-Reġina Margherita fuq żjara fi Siena minħabba t-tiġrija taż-żwiemel tal-“Palio” f'Awwissu, sar il-ħelu għall-ewwel darba b'inqas ħwawar u miksi biz-zokkor abjad fin u ngħata l-isem ġdid ta' “Panforte Margherita”. Is-suċċess immedjat tiegħu żgura li din il-fama tibqa' anke bl-isem ta' “Panforte bianco”. Il-preparazzjoni biex isir il-“Panforte di Siena” kienet tibda f'Settembru, meta kien ikun iktar faċli li jinstabu wħud mill-ingredjenti, bħall-frott imnixxef, u kienet titkompla sal-aħħar tas-sena. Imbagħad, il-ħelu kien jittiekel matul il-festi tal-Milied. Illum, il-“Panforte di Siena” isir anke barra l-perjodu tradizzjonali tal-Milied minn għadd ta' impriżi industrijali ta' daqs medju u diversi furnara u dolċeriji li huma mxerrda matul ir-reġjun u flimkien ikopru madwar nofs il-produzzjoni totali tal-ħelu tipiku ta' Siena.
Referenza għall-pubblikazzjoni tal-ispeċifikazzjoni:
(L-Artikolu 5(7) tar-Regolament (KE) Nru 510/2006)
Din l-amministrazzjoni nediet il-proċedura nazzjonali ta' oġġezzjoni għall-proposta ta' rikonoxximent tal-“Panforte di Siena”, fil-Gazzetta Uffiċjal tar-Repubblica Taljana Nru 244 tad-19 ta’ Ottubru 2005.
It-test sħiħ tal-ispeċifikazzjoni tal-prodott huwa disponibbli fis-sit elettroniku:
http://www.politicheagricole.it/DocumentiPubblicazioni/Search_Documenti_Elenco.htm?txtTipoDocumento=Disciplinare%20in%20esame%20UE&txtDocArgomento=Prodotti%20di%20Qualit%E0>Prodotti%20Dop,%20Igp%20e%20Stg
jew billi wieħed jidħol fil-paġna ewlenija tal-websajt tal-Ministeru (http://www.politicheagricole.it) u jikklikkja fuq “Prodotti di qualità” (fuq ix-xellug tal-iskrin) u fl-aħħar fuq “Disciplinari di produzione all’esame dell’UE [regolamento (CE) n. 510/2006]”.
(1) ĠU L 93, 31.3.2006, p. 12.