ISSN 1977-0987 doi:10.3000/19770987.C_2012.107.mlt |
||
Il-Ġurnal Uffiċjali tal-Unjoni Ewropea |
C 107 |
|
Edizzjoni bil-Malti |
Informazzjoni u Avviżi |
Volum 55 |
Avviż Nru |
Werrej |
Paġna |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2012/C 107/01 |
||
2012/C 107/02 |
||
2012/C 107/03 |
Rapport Finali tal-Uffiċjal tas-Seduta – COMP/M.6101 – UPM/Myllykoski u Rhein Papier |
|
2012/C 107/04 |
Sommarju tad-Deċiżjoni tal-Kummissjoni tat-13 ta’ Lulju 2011 li tiddikjara konċentrazzjoni kompatibbli mas-suq intern u t-tħaddim tal-Ftehim taż-ŻEE (Każ COMP/M.6101 – UPM/Myllykoski u Rhein Papier) (notifikata bid-dokument numru C(2011) 4997) ( 1 ) |
|
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2012/C 107/05 |
Notifika minn qabel ta' konċentrazzjoni (Każ COMP/M.6527 – Rio Tinto/Richards Bay Minerals) – Każ li jista' jiġi kkunsidrat għal proċedura simplifikata ( 1 ) |
|
2012/C 107/06 |
Notifika minn qabel ta' konċentrazzjoni (Każ COMP/M.6524 – Sberbank of Russia/BNP Paribas Personal Finance/BNP Paribas Vostok) – Każ li jista' jiġi kkunsidrat għal proċedura simplifikata ( 1 ) |
|
2012/C 107/07 |
Notifika minn qabel ta' konċentrazzjoni (Każ COMP/M.6540 – DONG Energy Borkum Riffgrund I HoldCo/Boston Holding/Borkum Riffgrund I Offshore Windpark) ( 1 ) |
|
|
Rettifika |
|
2012/C 107/08 |
||
|
|
|
(1) Test b’relevanza għaż-ŻEE |
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
13.4.2012 |
MT |
Il-Ġurnal Uffiċjali tal-Unjoni Ewropea |
C 107/1 |
Rata tal-kambju tal-euro (1)
It-12 ta’ April 2012
2012/C 107/01
1 euro =
|
Munita |
Rata tal-kambju |
USD |
Dollaru Amerikan |
1,3153 |
JPY |
Yen Ġappuniż |
106,54 |
DKK |
Krona Daniża |
7,4384 |
GBP |
Lira Sterlina |
0,82470 |
SEK |
Krona Żvediża |
8,8912 |
CHF |
Frank Żvizzeru |
1,2027 |
ISK |
Krona Iżlandiża |
|
NOK |
Krona Norveġiża |
7,6100 |
BGN |
Lev Bulgaru |
1,9558 |
CZK |
Krona Ċeka |
24,803 |
HUF |
Forint Ungeriż |
296,90 |
LTL |
Litas Litwan |
3,4528 |
LVL |
Lats Latvjan |
0,6989 |
PLN |
Zloty Pollakk |
4,1802 |
RON |
Leu Rumen |
4,3745 |
TRY |
Lira Turka |
2,3664 |
AUD |
Dollaru Awstraljan |
1,2645 |
CAD |
Dollaru Kanadiż |
1,3132 |
HKD |
Dollaru ta' Hong Kong |
10,2128 |
NZD |
Dollaru tan-New Zealand |
1,6001 |
SGD |
Dollaru tas-Singapor |
1,6507 |
KRW |
Won tal-Korea t'Isfel |
1 500,58 |
ZAR |
Rand ta' l-Afrika t'Isfel |
10,4472 |
CNY |
Yuan ren-min-bi Ċiniż |
8,2961 |
HRK |
Kuna Kroata |
7,4758 |
IDR |
Rupiah Indoneżjan |
12 055,30 |
MYR |
Ringgit Malażjan |
4,0360 |
PHP |
Peso Filippin |
56,176 |
RUB |
Rouble Russu |
38,7840 |
THB |
Baht Tajlandiż |
40,564 |
BRL |
Real Brażiljan |
2,4075 |
MXN |
Peso Messikan |
17,2124 |
INR |
Rupi Indjan |
67,8550 |
(1) Sors: rata tal-kambju ta' referenza ppubblikata mill-Bank Ċentrali Ewropew.
13.4.2012 |
MT |
Il-Ġurnal Uffiċjali tal-Unjoni Ewropea |
C 107/2 |
Opinjoni tal-Kumitat Konsultattiv dwar l-għaqdiet mogħtija fil-laqgħa tiegħu tal-1 ta' Lulju 2011 rigward abbozz ta' deċiżjoni dwar il-Każ COMP/M.6101 – UPM/Myllykoski u Rhein Papier
Rapporteur: Ċipru
2012/C 107/02
1. |
Il-Kumitat Konsultattiv jaqbel mal-Kummissjoni li l-operazzjoni notifikata tikkostitwixxi konċentrazzjoni skont it-tifsira tar-Regolament tal-Kunsill (KE) Nru 139/2004 (“ir-Regolament dwar l-Għaqdiet”). |
2. |
Il-Kumitat Konsultattiv jaqbel mal-Kummissjoni li l-operazzjoni nnotifikata għandha dimensjoni tal-UE skont it-tifsira tar-Regolament dwar l-Għaqdiet. |
3. |
Il-Kumitat Konsultattiv jaqbel mal-Kummissjoni li għall-finijiet tal-evalwazzjoni tal-operazzjoni preżenti, id-definizzjonijiet tas-swieq tal-prodotti rilevanti huma:
|
4. |
Il-Kumitat Konsultattiv jaqbel mal-Kummissjoni li, għall-iskop ta’ valutazzjoni ta’ din l-operazzjoni, id-definizzjonijiet tas-swieq ġeografiċi rilevanti huma:
|
5. |
Il-Kumitat Konsultattiv jaqbel mal-Kummissjoni li l-konċentrazzjoni proposta ma toħloqx impediment sinifikattiv għall-kompetizzjoni effettiva fis-suq intern jew f'parti sostanzjali minnu tas-swieq li ġejjin:
|
6. |
Il-Kumitat Konsultattiv jaqbel mal-opinjoni tal-Kummissjoni li l-konċentrazzjoni notifikata għandha tiġi ddikjarata kompatibbli mas-suq intern u mal-Ftehim ŻEE skont l-Artikoli 2(2) u 8(1) tar-Regolament tal-Għaqdiet u l-Artikolu 57 tal-Ftehim ŻEE. |
7. |
Il-Kumitat Konsultattiv jirrakkomanda l-pubblikazzjoni tal-Opinjoni tiegħu f’Il-Ġurnal Uffiċjali tal-Unjoni Ewropea. |
13.4.2012 |
MT |
Il-Ġurnal Uffiċjali tal-Unjoni Ewropea |
C 107/4 |
Rapport Finali tal-Uffiċjal tas-Seduta (1)
COMP/M.6101 – UPM/Myllykoski u Rhein Papier
2012/C 107/03
SFOND
Fit-28 ta' Jannar 2011 il-Kummissjoni Ewropea rċeviet notifika ta' konċentrazzjoni proposta skont l-Artikolu 4 tar-Regolament dwar l-Għaqdiet (2) li permezz tiegħu l-korporazzjoni UPM-Kymmene Corporation (“UPM” jew “il-Parti li Tinnotifika”) takkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll esklussiv tal-Myllykoski Corporation (“Myllykoski”) u Rhein Papier GmbH (“Rhein Papier”) (li huma wkoll magħrufin flimkien bħala “l-partijiet involuti l-oħrajn.”) Fl-4 ta' Marzu 2011, il-Kummissjoni adottat deċiżjoni li tiftaħ proċeduri skont l-Artikolu 6(1)(c) tar-Regolament dwar l-Għaqdiet.
PROĊEDURA BIL-MIKTUB
Fil-5 ta' Mejju 2011 intbagħtet Dikjarazzjoni ta' Oġġezzjonijiet (“DO”) lill-parti li tinnotifika fejn il-Kummissjoni stabbiliet il-konklużjoni preliminari li l-konċentrazzjoni notifikata timpedixxi b'mod sinifikanti l-kompetizzjoni effettiva fir-rigward ta' karta illustrata fi grad eċċezzjonali (“SC”). It-tħassib kien dwar jekk il-karta SC għandhiex titqies bħala suq separat jew parti mis-suq ta' prodotti akbar li jħaddan tipi ta' karta ta' magażin oħra (SC, irfinuti b'kisja minn magna (“MFC”) u rollijiet miksija mekkanikament (“CMR”)). UPM wieġbet għad-DO fiż-żmien stipulat, fl-20 ta' Mejju 2011.
Aċċess għal fajl
Fis-6 ta’ Mejju 2011 ingħata aċċess parzjali għall-fajl. Dokumenti supplementari ġew ipprovduti lil UPM fit-12, 18 u 19 ta' Mejju. UPM ilmentat mad-DĠ Kompetizzjoni dwar dan l-aċċess allegatament tard għall-fajl. Madankollu, billi l-UPM ma semmewli xejn minn dan, u billi ma tat l-ebda argument konvinċenti dwar għaliex ma setgħetx tiddefendi lilha nfisha b'mod effikaċi, inqis li d-dewmien fl-aċċess għal partijiet mill-fajl ma jippreġudikax id-drittijiet tad-difiża ta' UPM.
Smigħ ta’ partijiet terzi
Approvajt status ta' parti terza interessata lil klijent tal-partijiet, jiġifieri Bertelsmann AG u xi sussidjarji tagħha, inklużi Gruner + Jahr AG & Co, Mohn media Mohndruck GmbH u Prinovis Ltd & Co KG (minn hawn 'l quddiem imsejħa flimkien “Bertelsmann”).
Approvajt ukoll l-istatus ta' parti terza interessata lil ċerti kredituri ta' Myllykoski (3), u Rhein Papier (4) wara li spjegawli l-involviment eċċezzjonali tagħhom f'din it-tranżazzjoni, u kif l-interessi tagħhom se jkunu speċifikament affetwati bir-riżultat tal-proċeduri.
Ġurnata qabel is-seduta orali rċevejt ukoll applikazjoni mingħand klijent ta' Myllykoski sabiex jattendi s-seduta orali. Quddiem applikazzjoni li mhix ċara biżżejjed, il-fatt li t-talba ġiet ippreżentata fi stadju daqstant tard, u li l-klijent ma kkontribwixxiex għall-investigazzjoni s'issa (5), kelli dubji serji jekk dan il-klijent setax jikkontribwixxi b'mod sinifikanti għall-kjarifikazzjoni tal-fatti relevanti għall-każ. Għaldaqstant iddeċidejt li ma nistedinx lil dan il-klijent għas-seduta orali. Madankollu infurmajt lill-klijent li seta' jingħata l-istatus ta' parti terza interessata u seta' jingħata l-opportunità li jinstema' bil-miktub, wara li japplika formalment, ħaġa li, madankollu, l-klijent m'għamilx.
Is-Smigħ Orali
Fit-tweġiba għad-DO, il-parti li tinnotifika talbet li tinstema' f'seduta orali, li saret nhar is-27 ta' Mejju 2011. Fuq talba tagħhom, stedint ukoll lill-partijiet terzi interessati (Bertelsmann, u lil Myllykoski u Rhein Papier lenders), li rajt li jistgħu jagħtu kontribut siewi fil-kjarifikazzjoni tal-fatti relevanti.
Fuq talbiet raġonevoli ta' kull UPM, Myllykoski u l-Myllykoski u Rhein Papier lenders, partijiet mill-preżentazzjonijiet tagħhom saru bil-bibien magħluqa.
L-ABBOZZ TA' DEĊIŻJONI
L-abbozz ta' deċiżjoni jipprovdi approvazzjoni mingħajr kundizzjonijiet tal-konċentrazzjoni proposta. L-oġġezzjonijiet stabbiliti fid-DO ġew riveduti – u mwarrba – mill-Kummissjoni fid-dawl ta', inter alia, il-kummenti bil-miktub tal-parti li tinnotifika, il-kontribuzzjoni tal-parteċipanti kollha fis-smigħ orali, u aktar investigazzjoni mwettqa wara d-DO.
KONKLUŻJONI
Ma rċivejt l-ebda ilment mill-parti li tinnotifika, il-partijiet l-oħra involuti, jew xi parti terza interessata sabiex jeżerċitaw id-dritt tagħhom li jinstemgħu. F'dan id-dawl u wara li ħadt kont tal-osservazzjonijiet msemmija hawn fuq, inqis li f’dan il-każ ġie rrispettat id-dritt tal-parteċipanti kollha fil-proċedimenti li jinstemgħu.
Brussell, l-4 ta’ Lulju 2011.
Michael ALBERS
(1) Skont l-Artikoli 15 u 16 tad-Deċiżjoni tal-Kummissjoni (2001/462/KE, KEFA) tat-23 ta' Mejju 2001 dwar it-termini ta' referenza ta' Uffiċjali tas-Seduta f'ċerti proċeduri dwar il-kompetizzjoni (ĠU L 162, 19.6.2001, p. 21).
(2) Ir-Regolament tal-Kunsill (KE) Nru 139/2004 tal-20 ta' Jannar 2004 (ĠU L 24, 29.1.2004, p. 1).
(3) Bayerische Landesbank, Sampo Bank plc, Skandinaviska Enskilda Banken AB (publ) u Nordic Investment Bank (“Myllykoski Lenders (Lead Banks)”), f'isem Myllykoski lenders.
(4) Nordea Bank Finland plc (fil-kapaċità tiegħu bħala aġent ta' faċilità għall-istituzzjonijiet finanzjarji li huma kredituri ta' Rhein Papier)
(5) B'mod partikolari, il-klijent ma rrispondiex għal kwestjonarji mibgħuta mid-DĠ Kompetizzjoni waqt il-proċeduri.
13.4.2012 |
MT |
Il-Ġurnal Uffiċjali tal-Unjoni Ewropea |
C 107/6 |
Sommarju tad-Deċiżjoni tal-Kummissjoni
tat-13 ta’ Lulju 2011
li tiddikjara konċentrazzjoni kompatibbli mas-suq intern u t-tħaddim tal-Ftehim taż-ŻEE
(Każ COMP/M.6101 – UPM/Myllykoski u Rhein Papier)
(notifikata bid-dokument numru C(2011) 4997)
(il-verżjoni bl-Ingliż biss hija awtentika)
(Test b’relevanza għaż-ŻEE)
2012/C 107/04
Fit-13 ta' Lulju 2011 il-Kummissjoni adottat Deċiżjoni f'każ ta' amalgamazzjoni skont ir-Regolament tal-Kunsill (KE) Nru 139/2004 tal-20 ta' Jannar 2004 dwar il-kontroll ta' konċentrazzjonijiet bejn impriżi (1), u partikolarment l-Artikolu 8(1) ta' dak ir-Regolament. Verżjoni mhux kunfidenzjali tad-Deċiżjoni sħiħa hija disponibbli fl-ilsien awtentiku tal-każ u fl-ilsna ta' ħidma tal-Kummissjoni fuq il-websajt tad-Direttorat Ġenerali għall-Kompetizzjoni, fl-indirizz li ġej:
http://ec.europa.eu/comm/competition/index_en.html
I. IL-PARTIJIET
(1) |
L-UPM hija kumpanija globali bil-kwartieri ġenerali fil-Finlandja li tiżviluppa, tipproduċi u tikkummerċjalizza prodotti tal-karti. Tipproduċi wkoll polpa, elettriku, tikketti, prodotti tal-injam isserrat u tal-folji tal-injam. |
(2) |
Myllykoski hija kumpanija Finlandiża privata. Tiżviluppa, tipproduċi u tikkummerċjalizza prodotti tal-karti. Tipproduċi wkoll polpa. Għandha fabbriki fil-Finlandja, fil-Ġermanja u fl-Istati Uniti tal-Amerika u attivitajiet ta' bejgħ madwar id-dinja kollha. |
(3) |
Rhein Papier, li tinsab fil-Ġermanja, tipproduċi prodotti tal-karti fil-Ġermanja u tbigħ madwar id-dinja kollha. Hija amministrata minn Myllykoski u hija kkontrollata mill-istess azzjonisti li jippossedju Myllykoski. Myllykoski u Rhein Papier huma magħrufin bħala l-Grupp Myllykoski. |
II. L-OPERAT
(4) |
Fit-28 ta' Jannar 2011, il-Kummissjoni rċeviet notifika formali skont l-Artikolu 4 tar-Regolament dwar l-Għaqdiet li permezz tagħha l-impriża UPM-Kymmene Corporation (“UPM”) takkwista fit-tifsira tal-Artikolu 3(1)(b) ta' dak ir-Regolament il-kontroll sħiħ ta' Myllykoski Corporation (“Myllykoski”) u Rhein Papier GmbH (“Rhein Papier”). |
III. ID-DIMENSJONI TAL-UNJONI
(5) |
L-impriżi kkonċernati għandhom fatturat dinji aggregat flimkien ta' aktar minn EUR 5 000 miljun (2). Kull waħda mill-impriżi għandha fatturat ta' madwar l-UE li jaqbeż l-EUR 250 miljun, iżda huma ma jiksbux aktar minn żewġ terzi tal-fatturat aggregat tagħhom madwar l-Unjoni fl-istess Stat Membru. Għalhekk l-operat notifikat għandu dimensjoni tal-Unjoni. |
IV. IL-PROĊEDURA
(6) |
Bid-deċiżjoni tal-4 ta' Marzu 2011, il-Kummissjoni qajmet dubji serji dwar il-kompatibbiltà tal-konċentrazzjoni mas-suq intern u bdiet proċeduri skont l-Artikolu 6(1)(c) tar-Regolament dwar l-Għaqdiet (“l-Artikolu 6(1)(c) id-Deċiżjoni”). UPM ressqet il-kummenti bil-miktub tagħha dwar l-Artikolu 6(1)(c) id-Deċiżjoni fit-22 ta' Marzu 2011. |
(7) |
Fil-15 ta' April 2011, UPM ressqet għadd ta' dokumenti msejħa “Dokumenti dwar għadd ta' kwistjonijiet ewlenin” u ħabbret li se tressaq studju ekonomiku ieħor. L-istudju tressaq fit-18 ta' April 2011 |
(8) |
Fil-5 ta' Mejju 2011, il-Kummissjoni adottat Dikjarazzjoni ta' Oġġezzjonijiet skont l-Artikolu 18 tar-Regolament dwar l-Għaqdiet. Bis-sottomissjoni tal-20 ta' Mejju 2011 UPM wieġbet għad-Dikjarazzjoni ta' Oġġezzjonijiet u talbet għal Seduta Orali. |
(9) |
Fis-27 ta' Mejju 2011 saret Seduta Orali. Bħala partijiet terzi, Grupp Myllykoski, il-banek li jselfuh il-flus u Bertelsmann AG inklużi s-sussidjarji ta' Bertelsmann Group attendew għas-Seduta Orali. |
(10) |
Il-laqgħa li jmiss tal-Kumitat Konsultattiv seħħet fl-1 ta’ Lulju 2011. |
V. MEMORANDUM TA’ SPJEGAZZJONI
A. Swieq rilevanti
(11) |
Iż-żewġ partijiet huma attivi fil-produzzjoni u fid-distribuzzjoni tal-karti tar-rivisti u karta tal-gazzetti. L-attivitajiet tal-partijiet jikkoinċidu fl-akkwist tal-karta rkuprata, fl-akkwist tal-injam u fil-produzzjoni tal-polpa tal-injam. Il-konċentrazzjoni tagħti wkoll lok għal bosta relazzjonijiet vertikali. |
1. Karti tar-rivisti
(12) |
Fir-rigward tal-karti tar-rivisti, iż-żewġ partijiet huma attivi fil-gradi kollha ħlief għall-karti mingħajr injam (“WFC”) u karta miksija mlestija bil-magna (“MFC”), li l-Grupp Myllykoski ma jipproduċix.
|
(13) |
Kif jidher mill-graff hawn fuq, il-varji gradi u speċifikazzjonijiet tal-karti tar-rivisti jammontaw għal kontiwu ta' kwalitajiet u prezzijiet differenti, li f'termini ġenerali jibdew bil-karti WFC (li jintużaw primarjament għall-qoxra tar-rivista jew preżentazzjonijiet korporattivi ta' kwalità għolja ħafna bħala rapporti annwali), minn rollijiet miksija mekkanikament (“CMR”), u gradi ta' karta supercalendered (“SC”). Il-karti CMR u SC jintużaw primarjament għall-pubblikazzjoni tar-rivisti tal-konsumatur, katalgi u materjali ta' reklamar/kummerċjalizzazzjoni diretta (3). |
(14) |
Dawn il-gradi tal-karti jistgħu jiġu segmentati ulterjuri f'sottogradi, biex is-CMR tkun subdiviża f'dawk miksija b'piż ħafif (“LWC”), miksija b'piż medju (“MWC”) u miksija b'piż tqil (“HWC”). Bejn SC u CMR hemm karta miksija mlestija bil-magna (“MFC”) li tista' titqies bħala kategorija differenti (4). Il-karta SC tinkludi għadd ta' sottogradi bħal SC-A+ (u anka SC-A++), SC-A, u SC-B. Reċentament, għadd ta' prodotti ġew introdotti fis-suq li, minkejja mhux prodotti fuq il-magni SC u mhux neċessarjament ikklassifikati bħala karti SC, huma ta' kwalità inferjuri mill-gradi SC u huma msemmija bħala Karti ekwivalenti tal-grad SC-B jew SC-C. |
(15) |
Il-Kummissjoni, bħall-każijiet preċedenti, qieset li l-WFC m'għandhiex tiġi inkluża fis-suq għall-karti tar-rivisti minħabba l-karatteristiċi differenti tal-karta, applikazzjonijiet differenti, differenzi fil-prezz u – jekk ikun hemm – sostituzzjoni limitati min-naħa tal-fornitura bejn il-WFC u tipi oħrajn ta' karti tar-rivisti. |
(16) |
Il-Kummissjoni qieset ukoll li l-karta tal-gazzetti m'għandhiex tiġi inkluża fis-suq għall-karti tar-rivisti hekk kif l-investigazzjoni tas-suq uriet li s-sostituzzjoni kemm min-naħa tad-domanda u kemm min-naħħa tal-fornitura hija limitata. |
(17) |
L-investigazzjoni tal-Kummissjoni kkonfermat li s-segment tal-karta SC m'għandux jiġi suddiviż ulterjorment peress li l-gradi kollha tal-karta SC jappartjenu lill-istess suq ibbażat fuq sostituzzjoni konsiderevoli kemm min-naħa tad-domanda u kemm min-naħħa tal-fornitura. |
(18) |
Barra minn hekk, il-Kummissjoni qieset li abbażi karatteristiċi simili ħafna tal-prodott, l-applikazzjonijiet identiċi, il-firxa tal-prezzijiet u s-sostituzzjoni bejn l-gradi Ekwivalenti SC-B u SC, il-grad Ekwivalenti SC-B għandu jiġi inkluż fis-segment tal-karta SC u għaldaqstant jitqies bħala parti tal-ispettru tal-karti tar-rivisti. |
(19) |
Abbażi dan ta' hawn fuq, il-Kummissjoni kkonkludiet li s-suq għall-karti tar-rivista ma jinkludix karta tal-gazzetti u karti WFC, iżda jista' jinkludi l-gradi kollha tas-CMR (u inkluż l-MFC) u tal-SC (inkluż l-Ekwivalenti SC-B) (5). Fi kwalunkwe każ, minħabba li ma jitqajjem l-ebda tħassib dwar il-kompetizzjoni mill-konċentrazzjoni relatata ma' din id-Deċiżjoni, meta jitqiesu kemm suq usa' tal-karti tar-rivisti li jinkludi CMR u SC, jew anka suq SC dejjaq waħdu, id-definizzjoni eżatta tas-suq tista' titħalla miftuħa. |
(20) |
Fid-dawl tal-evidenza fir-rigward tal-flussi kummerċjali apprezzabbli fiż-ŻEE u fl-Isvizzera, in-nuqqas ta' ostakoli sinifikanti fil-kummerċ fi ħdan iż-ŻEE, il-fatt li dak it-trasport huwa kemm possibbli u kemm li qiegħed realment isir fuq distanzi twal, u li l-prezzijiet tal-bejgħ huma uniformi f'dan l-ispazju kollu, il-Kummissjoni tqis li s-suq ġeografiku rilevanti huwa ż-ŻEE u l-Isvizzera. |
2. Karta tal-gazzetti
(21) |
Kemm UPM kif ukoll il-Grupp Myllykoski huma attivi fis-suq għall-karta tal-gazzetti. Il-karta tal-gazzetti hija tip ta' karta użata primarjament għall-istampar tal-gazzetti. Id-distinzjonijiet minn karta oħra huma l-prezz relattivament baxx tagħha u hija b'saħħitha ħafna, karatteristiċi li jippermettulha tgħaddi minn magni kbar tal-istampar b'veloċità għolja u f'volumi kbar. Il-karta tal-gazzetti tinstab f'bosta gradi u speċifikazzjonijiet. Iż-żewġ segmenti ewlenin tas-suq għall-karta tal-gazzetti huma karta standard tal-gazzetti u karta mtejba tal-gazzetti (6). |
(22) |
UPM iddikjarat li, skont każijiet preċedenti tal-Kummissjoni (7), hemm suq tal-karta tal-gazzetti li jista' jitqies bħala wieħed. Jitqies li hemm livell għoli ta' sostitwibbiltà min-naħa tad-domanda ta' gradi differenti ta' karta tal-gazzetti. B'mod partikolari, hemm użu komuni tal-gradi differenti fl-applikazzjonijiet multipli u l-konsumaturi jistgħu jissostitwixxu, u qegħdin jagħmlu dan, bejn il-gradi differenti. Barra minn hekk, UPM iddikjarat li l-karta mtejba tal-gazzetti tista' tintuża għall-applikazzjonijiet tar-rivisti; b'mod partikolari tista' tissostitwixxi l-karta SC. |
(23) |
Peress li t-tħassib dwar il-kompetizzjoni ma jagħtix lok għal definizzjoni alternattiva raġonevoli tas-suq, il-Kummissjoni ħalliet miftuħa d-definizzjoni eżatta tas-suq tal-prodott fir-rigward tas-suq tal-karta tal-gazzetti. |
(24) |
Il-Kummissjoni kkonkludiet li s-suq ġeografiku rilevanti għall-karta tal-gazzetti huwa ż-ŻEE u l-Isvizzera. |
3. Swieq oħrajn
(25) |
Il-Kummissjoni kkonkludiet li m'hemmx bżonn li jiġu definiti eżattament is-suq tal-prodott u dak ġeografiku rilevanti fir-rigward (i) tal-akkwist tal-karta rkuprata u (ii) tal-akkwsit tal-injam u (iii) tal-produzzjoni tal-polpa tal-injam, (iv) tal-prodotti tal-folji tal-injam u (v) tal-injam isserrat hekk kif f'dan il-każ l-ebda tħassib dwar il-kompetizzjoni ma jista' jitqajjem taħt kwalunkwe definizzjonijiet alternattivi raġonevoli tas-suq. |
(26) |
Il-Kummissjoni kkonkludiet ukoll li bħalissa mhux neċessarju li jiġi identifikat il-kamp ta' applikazzjoni tas-suq tal-prodott u dak ġeografiku fir-rigward tal-ġenerazzjoni u l-fornitura bl-ingrossa tal-elettriku hekk kif il-konċentrazzjoni ma tagħtix lok għal tħassib dwar il-kompetizzjoni. |
B. Evalwazzjoni kompetittiva
1. Karti tar-rivisti
(27) |
Ishma tas-suq fl-industrija tal-karti huma tipikament ibbażati fuq id-dejta dwar il-kapaċità, li għaliha jeżistu sorsi indipendenti (8). F'konformità ma' din il-prattika, UPM ressqet ishma tas-suq ibbażati fuq il-kapaċità għal suq sħiħ tal-karti tar-rivisti u għas-segment tas-suq tal-SC li kienu ġeneralment ikkonfermati matul l-investigazzjoni tas-suq. |
(28) |
It-tabella li ġejja tippreżenta l-ishma tas-suq ibbażati fuq il-kapaċità fir-rigward tas-suq sħiħ tal-karti tar-rivisti li jinkludi SC, MFC u CMR:
|
(29) |
Dawn l-ishma tas-suq għadhom ma jinkludux il-karti Ekwivalenti SC-B, hekk kif dawn ġew introdotti reċentament fis-suq. Jekk jitqiesu l-prodotti fiċ-ċifri tal-kapaċità msemmija hawn fuq, is-sehem kombinat tas-suq tal-partijiet jista' jasal għal kważi 30-40 %. |
(30) |
Il-kompetizzjoni mill-karti Ekwivalenti SC-B li ġew introdotti reċentament diġà kellha effett restrittiv sinifikanti fuq il-prodotti SC fejn il-partijiet għandhom pożizzjoni relattivament b'saħħitha. Dawn il-prodotti l-ġodda jikkompetu direttament mal-karti SC, il-bejgħ tagħhom qiegħed jogħla b'mod rapidu u huwa mistenni li l-pressjoni li ġejja mill-produtturi tal-karta Ekwivalenti SC-B se tiżdied fil-ġejjieni qrib. |
(31) |
Filwaqt li jitqies li s-segment tal-karta SC (inkluż l-Ekwivalenti SC-B) is-sehem kombinat tas-suq għandu jammonta għal 40-50 % tal-kapaċità totali, filwaqt li jifdal għadd ta' kompetituri: Stora Enso (20-30 %), Norske Skog (10-20 %), Holmen (10-20 %) u SCA (5-10 %). |
(32) |
L-abbiltà tal-kompetituri li jespandu l-produzzjoni b'reazzjoni għal tnaqqis possibbli tal-kapaċità li tirriżulta mit-tranżizzjoni, sa ċertu punt hija ddeterminata mill-kapaċità mhux utilizzata tagħhom u mill-evoluzzjoni tad-domanda. |
(33) |
Abbażi t-tbassir tax-xejriet tad-domanda, il-Kummissjoni tqis li d-domanda fiż-ŻEE għal karti tar-rivisti (inkluża SC) se tkun stabbli jew saħansitra se tonqos fit-tliet u l-ħames snin li ġejjin. |
(34) |
Fl-istess ħin, l-analiżi tal-kapaċitajiet mhux utilizzati tal-kompetituri fuq bażi annwali medja turi li l-kompetituri għandhom kapaċità mhux utilizzata sinifikanti fis-suq. Fil-fatt, ir-rata ta' utilizzazzjoni medja annwali tal-kompetituri fis-suq sħiħ għall-karti tar-rivisti kif ukoll għas-segment idjaq tal-karta SC kienet ta' madwar 88 % fl-2010. |
(35) |
Il-kompetituri għandhom interess qawwi li jużaw il-kapaċitajiet kollha tagħhom hekk kif il-produzzjoni tal-karti tinvolvi kostijiet fissi għoljin ħafna. Għal din ir-raġuni, il-produtturi qegħdin jippruvaw jużaw il-kapaċitajiet kollha tagħhom u għalhekk se jkollhom l-inċentivi biex iżidu r-rati tal-użu tal-kapaċità u l-bejgħ b'reazzjoni għaż-żieda fil-prezz jew għat-tnaqqis minn UPM. |
(36) |
Fl-aħħar nett, il-kompetituri għandhom kemm l-abbiltà kif ukoll l-inċentiv biex jikkontrabattu kwalunkwe żieda fil-prezz jew kwalunkwe tnaqqis possibbli tal-kapaċità kkontemplat minn UPM wara l-amalgamazzjoni. |
(37) |
Fid-dawl tal-konsiderazzjonijiet li ġew indikati hawn fuq u elaborati fid-dettall fid-deċiżjoni proposta, il-Kummissjoni tqis li l-konċentrazzjoni proposta mhijiex se tagħti lok għal impediment sinifikanti ta' kompetizzjoni effettiva fis-suq għall-karti tar-rivisti jew fi kwalunkwe wieħed mis-segmenti tiegħu. |
2. Karta tal-gazzetti (Newsprint)
(38) |
Is-sehem tal-partijiet tal-kapaċità tal-karta tal-gazzetti ma jistgħux jaqbżu l-20-30 %, irrispettivament jekk is-suq jitqiesx bħala suq wieħed għall-karta kollha tal-gazzetti jew fuq swieq separati għal karta tal-gazzetti standard u mtejba. Il-konċentrazzjoni proposta m'għandhiex ikollha effett fuq suq separat għall-karta tal-gazzetta ekstra mtejba jew Ekwivalenti SC-B hekk kif la UPM u lanqas Myllykoski ma jipproduċu din it-tip ta' karta. |
(39) |
F'termini tal-ishma tal-bejgħ, fl-2010 l-partijiet seta' jkollhom sehem kombinat tas-suq ta' 20-30 % u 20-30 % għal karta tal-gazzetti standard u mtejba rispettivament (10). Fuq suq għall-karta mtejba tal-gazzetti, ħlief il-kapaċità kollha użata għall-produzzjoni tal-karti Ekwivalenti SC-B, il-Kummissjoni tat estimu li s-sehem ikkombinat tas-suq tal-partijiet seta' kien 20-30 %. |
(40) |
UPM iddikjarat li l-konċentrazzjoni proposta m'għandhiex toħloq tħassib dwar il-kompetizzjoni bħala riżultat ta' dik il-koinċidenza orizzontali għax: (i) hemm atturi b'saħħithom fis-suq li huma kapaċi li jikkompetu mal-entità amalgamata; (ii) atturi iżgħar jistgħu jikkompetu b'suċċess għal kuntratti minħabba l-prattiki ta' fornituri multipli fis-suq u (iii) karti importati għandhom rwol importanti biex tiġi sodisfatta d-domanda taż-ŻEE għall-karta tal-gazzetti. |
(41) |
Wara l-konċentrazzjoni proposta l-entità kombinata se tkompli taffaċja l-kompetizzjoni minn Stora Enso li se tibqa' l-akbar attur fost kollha (abbażi l-kapaċità) għal karta mtejba tal-gazzetti. Barra minn hekk hemm erba' atturi importanti oħrajn, Norske Skog, SCA, Holmen u Palm. |
(42) |
Fir-rigward tar-riskju ta' koordinazzjoni potenzjali, il-Kummissjoni nnotat li huwa improbabbli li l-konċentrazzjoni se żżid l-inċentivi għal ftehim, b'mod partikolari hekk kif mhux se jkun hemm tnaqqis fin-numru ta' atturi sinifikanti. Myllykoski hija biss is-sitt l-akbar attur u hija inqas minn 20 % tad-daqs tal-parteċipant l-aktar b'saħħtu, Stora Enso, fis-suq ta' bħalissa. |
3. Swieq oħrajn
(43) |
Il-Kummissjoni kkonkludiet li l-konċentrazzjoni proposta mhijiex se tagħti lok għal tfixkil sinifikanti lil kompetizzjoni effettiva fir-rigward (i) tas-suq għall-karta tal-gazzetti tas-segmenti potenzjali tiegħu aktar dojoq; (ii) tas-suq għall-akkwist tal-karta rkuprata u tas-segmenti potenzjali tiegħu aktar dojoq; (iii) tas-suq għall-akkwist tal-injam u tas-segmenti tiegħu aktar dojoq u (iv) tas-suq għall-polpa tal-injam u tas-segmenti tiegħu aktar dojoq. |
(44) |
Barra minn hekk, il-Kummissjoni kkonkludiet li l-konċentrazzjoni proposta mhijiex se tagħti lok għal tfixkil sinifikanti lil kompetizzjoni effettiva fir-rigward tar-relazzjonijiet vertikali li ġejjin: (i) ir-relazzjoni vertikali bejn l-akkwist tal-injam u l-polpa; (ii) ir-relazzjoni vertikali bejn il-polpa u l-karti tar-rivisti skont kwalunkwe definizzjoni alternattiva tas-suq; (iii) ir-relazzjoni vertikali bejn il-polpa u l-karti tar-rivisti skont kwalunkwe definizzjoni alternattiva tas-suq; (iv) ir-relazzjoni vertikali bejn l-akkwist tal-injam u l-prodotti tal-folji tal-injam; (v) ir-relazzjoni vertikali bejn l-akkwist tal-injam u tal-injam isserat; u (vi) ir-relazzjoni vertikali bejn l-akkwist tal-karta rkuprata u l-polpa. |
VI. KONKLUŻJONI
(45) |
Għar-raġunijiet imsemmijin hawn fuq, id-deċiżjoni tikkonkludi li l-konċentrazzjoni proposta mhijiex se tfixkel il-kompetizzjoni effettiva fis-Suq Intern jew f'xi parti sostanzjali minnu b'mod sinifikanti. |
(46) |
Konsegwentament l-operat notifikat li permezz tiegħu UPM-Kymmene Corporation takkwista l-kontroll sħiħ ta' Myllykoski Corporation u ta' Rhein Papier GmbH fit-tifsira tal-Artikolu 3(1)(b) tar-Regolament (KE) Nru 139/2004 huwa hawn ddikkjarat bħala kompatibbli mas-Suq Intern u mat-tħaddim tal-Ftehim ŻEE, skont l-Artikolu 2(2) u l-Artikolu 8(1) tar-Regolament dwar l-Għaqdiet u l-Artikolu 57 tal-Ftehim ŻEE. |
(2) Il-fatturat ġie kkalkulat skont l-Artikolu 5(1) tar-Regolament dwar l-Għaqdiet u n-Notifika Konsolidata Ġurisdizzjonali tal-Kummissjoni skont ir-Regolament tal-Kunsill (KE) Nru 139/2004 dwar il-kontroll ta' konċentrazzjonijiet bejn impriżi (ĠU C 95, 16.4.2008, p. 1).
(3) Il-karti CMR u l-karti SC jiġu prodotti minn polpa naturali (li tinkludi l-injam). Minħabba li l-kwalitajiet baxxi tal-polpa mill-karta riċiklata jistgħu jiffurmaw ukoll parti mill-input. Il-karti SC, meta mqabbla mal-karti CMR, mhumiex miksija. Il-produzzjoni tat-tipi kollha ta' karti tinvolvi l-użu tal-“calendars” fit-tmiem tal-proċess ta' manifattura biex jillixxaw il-wiċċ. Calender huwa magħmul minn par rollijiet li japplikaw pressjoni fuq il-karta. Fil-produzzjoni tal-karti SC jintużaw mill-inqas żewġ pari ta' rollijiet koperti bil-gomma (soft nips) u bosta drabi aktar.
(4) L-MFC hija ta' inqas importanza f'termini ta' volum u normalment mhijiex irrappurtata b'mod separat, iżda inkluża fl-LWC. Il-Grupp Myllykoski ma jipproduċix karta MFC.
(5) Barra minn hekk f'dan id-dokument l-espressjoni “suq tal-karta tal-gazzetti” suppost għandha tinkludi SC, MFC and CMR.
(6) MFS (sinonimu għal karta mtejba tal-gazzetti), inklużi l-UMI (karta mekkanika mhux miksija mtejba) u UMO (karta mekkanika mhux miksija oħra).
(7) Ara Każ COMP/M.646 Repola/Kymmene, it-30 ta' Ottubru 1995, paragrafu 12; Każ COMP/M.2498 UPM-Kymmene/Haindl, il-21 ta' Novembru 2001, paragrafu 13; Każ COMP/M.3822 Stora Enso/Schneidersöhne Papier, il-25 ta' Lulju 2005, paragrafu 16.
(8) Jaakko Pöyry Databank, RISI; CEPI Print hija assoċjazzjoni tal-produtturi tal-karti tal-pubblikazzjoni.
(9) UPM (fit-Tweġiba għad-Dikjarazzjoni tal-Oġġezzjonijiet (ara l-paġni 9 u 63)), ikkoreġiet il-kapaċità tal-Grupp Myllykoski billi naqqsitha għal 93 tunnellata.
(10) Abbażi l-bejgħ proprji tal-partijiet u tal-bejgħ totali ta' CEPIPRINT.
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
13.4.2012 |
MT |
Il-Ġurnal Uffiċjali tal-Unjoni Ewropea |
C 107/11 |
Notifika minn qabel ta' konċentrazzjoni
(Każ COMP/M.6527 – Rio Tinto/Richards Bay Minerals)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2012/C 107/05
1. |
Fit-2 ta’ April 2012, il-Kummissjoni rċeviet notifika ta’ proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Rio Tinto plc (“Rio Tinto”, ir-Renju Unit) takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet il-kontroll tat-totalià tal-impriżi Richards Bay Mining (Proprietary) Limited u ta’ Richards Bay Titanium (Proprietary) Limited (kollettivament magħrufa bħala “Richards Bay Minerals”, l-Afrika ta’ Isfel), permezz tax-xiri ta’ ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6527 – Rio Tinto/Richards Bay Minerals, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
13.4.2012 |
MT |
Il-Ġurnal Uffiċjali tal-Unjoni Ewropea |
C 107/12 |
Notifika minn qabel ta' konċentrazzjoni
(Każ COMP/M.6524 – Sberbank of Russia/BNP Paribas Personal Finance/BNP Paribas Vostok)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2012/C 107/06
1. |
Fit-30 ta’ Marzu 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Sberbank of Russia OAO (“Sberbank”, ir-Russja) takkwista, fit-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta' BNP Paribas Vostok, flimkien ma' BNP Paribas SA, permezz tax-xiri ta' ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6524 – Sberbank of Russia/BNP Paribas Personal Finance/BNP Paribas Vostok, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
13.4.2012 |
MT |
Il-Ġurnal Uffiċjali tal-Unjoni Ewropea |
C 107/13 |
Notifika minn qabel ta' konċentrazzjoni
(Każ COMP/M.6540 – DONG Energy Borkum Riffgrund I HoldCo/Boston Holding/Borkum Riffgrund I Offshore Windpark)
(Test b’relevanza għaż-ŻEE)
2012/C 107/07
1. |
Fid-29 ta’ Marzu 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament (KE) Nru 139/2004 (1), li permezz tagħha DONG Energy Borkum Riffgrund I HoldCo GmbH (il-Ġermanja) – ikkontrollata minn DONG Energy A/S (“DONG Energy”, (id-Danimarka) – u Boston Holding A/S (id-Danimarka) – ikkontrollati minn Kirkbi Invest A/S (id-Danimarka), li finalment hija kkontrollata mill-familja Kirk Kristiansen, u William Demant Invest A/S (id-Danimarka), li hija kkontrollata mill-Fondazzjoni Oticon – jakkwistaw fit-tifsira tal-Artikolu 3(4) tar-Regolament dwar l-Għaqdiet kontroll konġunt tal-impriża Borkum Riffgrund I Offshore Windpark A/S GmbH & Co oHG (“Borkum Riffgrund I”, il-Ġermanja), permezz ta' kontribuzzjoni ta' flus likwidi u akkwist ta' assi. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6540 – DONG Energy Borkum Riffgrund I HoldCo/Boston Holding/Borkum Riffgrund I Offshore Windpark, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
Rettifika
13.4.2012 |
MT |
Il-Ġurnal Uffiċjali tal-Unjoni Ewropea |
C 107/14 |
Rettifika għat-taqsira tad-deċiżjonijiet tal-Komunità dwar l-awtorizzazzjonijiet għat-tqegħid fis-suq fir-rigward ta' prodotti mediċinali mill-1 ta' Diċembru 2007 sal-31 ta' Diċembru 2007
( Il-Ġurnal Uffiċjali tal-Unjoni Ewropea C 19 tal-25 ta' Jannar 2008 )
2012/C 107/08
F'paġna 4, fit-tielet u r-raba' ringiela tat-tabella:
minflok:
“12.12.2007 |
Olanzapine Teva |
olanzapine |
|
EU/1/07/427/001-022 |
Pilloli miksija b'rita |
N05AH03 |
14.12.2008 |
||||||
EU/1/07/427023-037 |
Pilloli li jinħallu fil-ħalq |
||||||||||||
13.12.2007 |
Atripla |
efavirenz/emtricitabine/tenofovir disoproxil fumarate |
|
EU/1/07/430/001 |
Pilloli miksija b'rita |
J05AR06 |
18.12.2008” |
aqra:
“12.12.2007 |
Olanzapine Teva |
Olanzapine |
|
EU/1/07/427/001-022 |
Pilloli miksija b'rita |
N05AH03 |
14.12.2007 |
||||||
EU/1/07/427023-037 |
Pilloli li jinħallu fil-ħalq |
||||||||||||
13.12.2007 |
Atripla |
Efavirenz/emtricitabine/tenofovir disoproxil fumarate |
|
EU/1/07/430/001 |
Pilloli miksija b'rita |
J05AR06 |
18.12.2007” |