ISSN 1725-5198 doi:10.3000/17255198.C_2009.227.mlt |
||
Il-Ġurnal Uffiċjali tal-Unjoni Ewropea |
C 227 |
|
Edizzjoni bil-Malti |
Informazzjoni u Avviżi |
Volum 52 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET U KORPI TAL-UNJONI EWROPEA |
|
|
Il-Kummissjoni |
|
2009/C 227/01 |
Awtorizzazzjoni tal-għajnuna Statali fil-qafas tad-Dispożizzjonijiet tal-Artikoli 87 u 88 tat-Trattat tal-KE – Fir-rigward ta' dawn il-każijiet il-Kummissjoni ma tqajjimx oġġezzjonijiet ( 1 ) |
|
|
IV Informazzjoni |
|
|
INFORMAZZJONI MINN ISTITUZZJONIJIET U KORPI TAL-UNJONI EWROPEA |
|
|
Il-Kummissjoni |
|
2009/C 227/02 |
||
2009/C 227/03 |
Wiċċ nazzjonali ġdid tal-muniti tal-euro maħsuba għaċ-ċirkolazzjoni |
|
2009/C 227/04 |
||
2009/C 227/05 |
||
2009/C 227/06 |
Rapport finali tal-uffiċjal tas-smigħ fil-każ COMP/C-3/37.990 – Intel |
|
2009/C 227/07 |
||
2009/C 227/08 |
Komunikazzjoni tal-Kummissjoni fil-qafas tal-implimentazzjoni tad-Direttiva 88/378/KEE tal-Kunsill dwar l-approssimazzjoni tal-liġijiet tal-Istati Membri rigward is-sigurtà tal-ġugarelli(Pubblikazzjoni ta’ titli u referenzi ta’ standards armonizzati taħt id-direttiva) ( 1 ) |
|
2009/C 227/09 |
||
2009/C 227/10 |
||
2009/C 227/11 |
Sommarju tad-Deċiżjoni tal-Kummissjoni tad-9 ta’ Jannar 2009 li tiddikjara konċentrazzjoni kompatibbli mas-suq komuni u t-tħaddim tal-Ftehim taż-ŻEE (Każ COMP/M.5153 – Arsenal/DSP) (notifikata bid-dokument numru C(2008) 8439 finali) ( 1 ) |
|
|
V Avviżi |
|
|
PROĊEDURI GĦALL-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni |
|
2009/C 227/12 |
Notifika minn qabel ta' konċentrazzjoni (Każ COMP/M.5557 – SNCF-P/CDPQ/Keolis/Effia) ( 1 ) |
|
2009/C 227/13 |
Irtirar ta' notifika ta' konċentrazzjoni (Każ COMP/M.5601 – RREEF FUND, UFG/SAGGAS) ( 1 ) |
|
|
|
|
(1) Test b’relevanza għaż-ŻEE |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET U KORPI TAL-UNJONI EWROPEA
Il-Kummissjoni
22.9.2009 |
MT |
Il-Ġurnal Uffiċjali tal-Unjoni Ewropea |
C 227/1 |
Awtorizzazzjoni tal-għajnuna Statali fil-qafas tad-Dispożizzjonijiet tal-Artikoli 87 u 88 tat-Trattat tal-KE
Fir-rigward ta' dawn il-każijiet il-Kummissjoni ma tqajjimx oġġezzjonijiet
(Test b’relevanza għaż-ŻEE)
2009/C 227/01
Data tal-adozzjoni tad-Deċiżjoni |
22.6.2009 |
In-numru ta' referenza tal-għajnuna |
N 258/09 |
Stat Membru |
Il-Finlandja |
Reġjun |
— |
Titolu (u/jew isem tal-benefiċjarju) |
Short-term export-credit insurance |
Il-bażi legali |
Act on the State's Export Credit Guarantees No 442/2001 |
It-tip tal-miżura |
Skema ta' għajnuna |
L-għan |
Assigurazzjoni ta' kreditu tal-esportazzjoni |
Il-forma tal-għajnuna |
— |
L-estimi |
— |
L-intensità |
— |
It-tul ta' żmien |
sal- 31.12.2010 |
Setturi ekonomiċi |
L-intermedjazzjoni finanzjarja |
Isem u indirizz tal-awtorità responsabbli mill-għajnuna |
Finnvera plc |
Aktar informazzjoni |
— |
It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:
http://ec.europa.eu/community_law/state_aids/state_aids_texts_mt.htm
Data tal-adozzjoni tad-Deċiżjoni |
17.8.2009 |
In-numru ta' referenza tal-għajnuna |
N 415/09 & NN 46/09 |
Stat Membru |
Id-Danimarka |
Reġjun |
— |
Titolu (u/jew isem tal-benefiċjarju) |
Prolongation and amendment of the recapitalisation scheme and prolongation of the guarantee scheme |
Il-bażi legali |
Act on State-Funded Capital Injections into Credit Institutions of 3 February 2009 |
It-tip tal-miżura |
Skema ta' għajnuna |
L-għan |
Għajnuna biex tirrimedja tfixkil serju fl-ekonomija |
Il-forma tal-għajnuna |
Forom oħra ta' intervent ta' ekwità, Garanzija |
L-estimi |
Kapitalizzazzjoni mill-ġdid: massimu ta' DKK 100 000 miljun; Skema ta' garanzija ġdida: massimu ta' DKK 600 000 miljun. |
L-intensità |
— |
It-tul ta' żmien |
8.2009-2.2010 |
Setturi ekonomiċi |
L-intermedjazzjoni finanzjarja |
Isem u indirizz tal-awtorità responsabbli mill-għajnuna |
Kingdom of Denmark |
Aktar informazzjoni |
— |
It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:
http://ec.europa.eu/community_law/state_aids/state_aids_texts_mt.htm
IV Informazzjoni
INFORMAZZJONI MINN ISTITUZZJONIJIET U KORPI TAL-UNJONI EWROPEA
Il-Kummissjoni
22.9.2009 |
MT |
Il-Ġurnal Uffiċjali tal-Unjoni Ewropea |
C 227/3 |
Rata tal-kambju tal-euro (1)
Il-21 ta’ Settembru 2009
2009/C 227/02
1 euro =
|
Munita |
Rata tal-kambju |
USD |
Dollaru Amerikan |
1,4658 |
JPY |
Yen Ġappuniż |
135,46 |
DKK |
Krona Daniża |
7,4413 |
GBP |
Lira Sterlina |
0,90660 |
SEK |
Krona Żvediża |
10,1390 |
CHF |
Frank Żvizzeru |
1,5182 |
ISK |
Krona Iżlandiża |
|
NOK |
Krona Norveġiża |
8,6500 |
BGN |
Lev Bulgaru |
1,9558 |
CZK |
Krona Ċeka |
25,167 |
EEK |
Krona Estona |
15,6466 |
HUF |
Forint Ungeriż |
272,37 |
LTL |
Litas Litwan |
3,4528 |
LVL |
Lats Latvjan |
0,7038 |
PLN |
Zloty Pollakk |
4,1590 |
RON |
Leu Rumen |
4,2678 |
TRY |
Lira Turka |
2,1875 |
AUD |
Dollaru Awstraljan |
1,7017 |
CAD |
Dollaru Kanadiż |
1,5780 |
HKD |
Dollaru ta' Hong Kong |
11,3609 |
NZD |
Dollaru tan-New Zealand |
2,0830 |
SGD |
Dollaru tas-Singapor |
2,0788 |
KRW |
Won tal-Korea t'Isfel |
1 766,41 |
ZAR |
Rand ta' l-Afrika t'Isfel |
11,0155 |
CNY |
Yuan ren-min-bi Ċiniż |
10,0098 |
HRK |
Kuna Kroata |
7,2915 |
IDR |
Rupiah Indoneżjan |
14 218,74 |
MYR |
Ringgit Malażjan |
5,1010 |
PHP |
Peso Filippin |
69,903 |
RUB |
Rouble Russu |
44,5400 |
THB |
Baht Tajlandiż |
49,434 |
BRL |
Real Brażiljan |
2,6625 |
MXN |
Peso Messikan |
19,5318 |
INR |
Rupi Indjan |
70,3730 |
(1) Sors: rata tal-kambju ta' referenza ppubblikata mill-Bank Ċentrali Ewropew.
22.9.2009 |
MT |
Il-Ġurnal Uffiċjali tal-Unjoni Ewropea |
C 227/4 |
Wiċċ nazzjonali ġdid tal-muniti tal-euro maħsuba għaċ-ċirkolazzjoni
2009/C 227/03
Wiċċ nazzjonali tal-munita l-ġdida kommemorattiva taż-2 euro maħsuba għaċ-ċirkolazzjoni u maħruġa mill-Finlandja
Il-muniti euro maħsuba għaċ-ċirkolazzjoni huma valuta legali fiż-żona kollha tal-euro. Il-Kummissjoni tippubblika d-disinji l-ġodda kollha tal-muniti tal-euro bil-ħsieb li tinforma lill-partijiet kollha kkonċernati mitluba li jużaw il-muniti f’xogħolhom kif ukoll biex tinforma lill-pubbliku (1). Skont il-konklużjonijiet tal-Kunsill tal-10 ta’ Frar 2009 (2), l-Istati Membri u l-pajjiżi li kkonkludew ftehim monetarju mal-Komunità li jipprovdi għall-ħruġ ta’ muniti euro huma awtorizzati li joħorġu muniti euro kommemorattivi maħsuba għaċ-ċirkolazzjoni sakemm jinżammu ċerti kundizzjonijiet, notevolment li dawn ikunu biss muniti taż-2 euro. Dawn il-muniti għandhom l-istess karatteristiċi tekniċi bħall-muniti l-oħra taż-2 euro, iżda l-wiċċ nazzjonali tagħhom jippreżenta disinn kommemorattiv simboliku qawwi fuq livell nazzjonali jew Ewropew.
Pajjiż tal-ħruġ: Il-Finlandja
Suġġett tal-kommemorazzjoni: Għeluq il-mitejn sena mill-ewwel Assemblea tal-Finlandja u l-fondazzjoni tal-Istituzzjonijiet tal-Gvern Ċentrali fil-Finlandja.
Deskrizzjoni tad-disinn: Iċ-ċirku ta’ ġewwa tal-munita juri l-Katedral Porvoo fil-profil, fejn kien sar il-ftuħ tal-ewwel Assemblea tal-Finlandja. Fin-naħa ta’ fuq tidher is-sena 1809. Is-sena tal-ħruġ tal-munita, 2009, tidher fuq in-naħa tal-lemin. Is-sinjal tal-pajjiż li qed joħroġ il-munita, “FI”, u s-sinjal taz-zekka jidhru fuq ix-xellug.
Iċ-ċirku estern tal-munita jirrappreżenta t-12-il stilla tal-bandiera Europea.
In-numru ta’ muniti li se jinħarġu: 1,6 miljun
Id-data tal-ħruġ: Ottubru 2009
(1) Ara ĠU C 373, 28.12.2001, p. 1 dwar l-uċuħ nazzjonali tal-muniti kollha li nħarġu fl-2002.
(2) Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).
22.9.2009 |
MT |
Il-Ġurnal Uffiċjali tal-Unjoni Ewropea |
C 227/5 |
Opinjoni tal-Kumitat Konsultattiv dwar il-ftehimiet ristrettivi u pożizzjonijiet dominanti mogħtija fil-laqgħa tiegħu tat-28 ta’ April 2009 rigward abbozz ta' deċiżjoni dwar il-Każ COMP/C-3/37.990 – Intel (1)
Rapporteur: Spanja
2009/C 227/04
1. |
Il-Kumitat Konsultattiv jaqbel mad-definizzjoni tal-Kummissjoni Ewropea tas-suq rilevanti tal-prodott, ħalli jinżamm miftuħ
|
2. |
Il-Kumitat Konsultattiv jaqbel mal-Kummissjoni li l-ambitu ġeografiku tas-swieq rilevanti tal-prodott huwa globali. |
3. |
Il-Kumitat Konsultattiv jaqbel mal-Kummissjoni li, għall-inqas bejn Ottubru 2002 u Diċembru 2007, l-Intel kellha pożizzjoni dominanti fis-suq. |
4. |
Il-Kumitat Konsultattiv jaqbel mal-Kummissjoni li l-Intel abbużat mill-pożizzjoni dominanti tagħha fis-suq rilevanti billi tat
|
5. |
Il-Kumitat Konsultattiv jaqbel mal-Kummissjoni li l-Intel abbużat mill-pożizzjoni dominanti tagħha fis-suq relevanti billi tat roħs lill-HP, Acer u Lenovo li huma soġġetti għal kundizzjonijiet restrittivi li jirrigwardaw il-kommerċjalizzazzjoni tal-prodotti bbażati fuq l-AMD. |
6. |
Il-Kumitat Konsultattiv jaqbel mal-valutazzjoni tal-Kummissjoni li l-abbużi differenti jiffurmaw parti minn strateġija komprensiva għal tul ta' żmien li kienet immirata għall-esklużjoni mis-suq tal-AMD u li tikkostitwixxi ksur singlu u kontinwu. |
7. |
Il-Kumitat Konsultattiv jaqbel li l-prattiki abbużivi tal-Intel jistgħu jaffettwaw il-kummerċ bejn l-Istati Membri fit-tifsira tal-Artikolu 82 tat-Trattat tal-KE u li jistgħu jaffettwaw il-kummerċ bejn il-Partijiet Kontrajenti għaż-ŻEE fit-tifsira tal-Artikolu 82 tat-Trattat tal-KE u l-Artikolu 45 tal-Ftheim taż-ŻEE. |
8. |
Il-Kumitat Konsultattiv jaqbel mal-Kummissjoni li għandha tiġi imposta multa lill-Intel. |
9. |
Il-Kumitat Konsultattiv jaqbel mal-Kummissjoni li għar-raġunijiet tal-kalkolu tal-multa, il-perjodu li fih sar il-ksur tal-Intel hu ta’ ħames snin u tliet xhur. |
10. |
Il-Kumitat Konsultattiv jirrakkomanda l-pubblikazzjoni tal-Opinjoni tiegħu fil-Ġurnal Uffiċjali tal-Unjoni Ewropea. |
22.9.2009 |
MT |
Il-Ġurnal Uffiċjali tal-Unjoni Ewropea |
C 227/6 |
Opinjoni tal-kumitat konsultattiv dwar ftehimiet ristrettivi u pożizzjonijiet dominanti mogħtija fil-laqgħa tiegħu tat-8 ta’ Mejju 2009 rigward abbozz ta' deċiżjoni dwar Il-Każ COMP/C-3/37.990 – Intel (2)
Rapporteur: Spanja
2009/C 227/05
1. |
Il-Kumitat Konsultattiv jaqbel mal-Kummissjoni dwar l-ammonti bażiċi tal-multa. Minoranza tastjeni. |
2. |
Il-Kumitat Konsultattiv jaqbel mal-Kummissjoni li mhemmx ċirkustanzi mitiganti jew ċirkustanzi aggravanti li għandhom ikunu kkunsidrati. |
3. |
Il-Kumitat Konsultattiv jaqbel mal-Kummissjoni dwar l-ammonti finali tal-multa. |
4. |
Il-Kumitat Konsultattiv jirrakkomanda l-pubblikazzjoni tal-opinjoni tiegħu fil-Ġurnal Uffiċjali ta' l-Unjoni Ewropea. |
22.9.2009 |
MT |
Il-Ġurnal Uffiċjali tal-Unjoni Ewropea |
C 227/7 |
Rapport finali tal-uffiċjal tas-smigħ fil-każ COMP/C-3/37.990 – Intel (1)
2009/C 227/06
Sal-ġurnata tal-lum, il-każ Intel kien wieħed mill-aktar każijiet kumplessi fir-rigward ta' kwestjonijiet ta' proċedura. Il-qagħda kontroversjali tal-każ bejn dak li għamel l-ilment Advanced Micro Devices (“AMD”) u Intel Corporation (“Intel”) testendi lil hinn mix-xena Ewropea. Il-każ wassal għal numru ta' sfidi marbutin mal-proċedura min-naħa tal-partijiet kollha kkonċernati u minn dawk li pprovdew xi informazzjoni. Diversi kwestjonijiet marbutin mal-proċedura, li ħafna minnhom issemmew b'mod espliċitu fl-abbozz tad-Deċiżjoni, messu mal-kompetenzi ewlenin tal-Uffiċjal tas-Smigħ, u minħabba f'hekk din kellha tippreżenta evalwazzjoni f'dan ir-rapport finali.
Wara t-tluq tal-ex Uffiċjal tas-Smigħ, Is-Sur Serge Durande, fil-31 ta' Diċembru 2007, l-Uffiċjal tas-Smigħ responsabbli nbidel għal dan il-każ.
L-abbozz tad-Deċiżjoni jagħti lok għall-osservazzjonijiet li ġejjin:
I. IL-PROĊEDURA BIL-MIKTUB
1. Id-Dikjarazzjoni tal-Oġġezzjonijiet
Id-Dikjarazzjoni tal-Oġġezzjonijiet (“DO”) ġiet adottata mill-Kummissjoni fil-25 ta’ Lulju 2007. Intel ingħata 10 ġimgħat, sal-11 ta' Ottubru 2007, biex iwieġeb għad-DO. Wara talba raġonevoli min-naħa ta' Intel, L-Uffiċjal tas-Smigħ ikkonċeda estensjoni tal-iskadenza sal-4 ta' Jannar 2008, li wara ġiet estiża sas-7 ta' Jannar 2009, prinċipalment b'kunsiderazzjoni għal kwestjonijiet marbutin mal-aċċess tal-fajl li ma ġewx riżolti f'dak iż-żmien partikolari u għall-fatt li t-twettiq ta' analiżi sħiħa dwar l-ispejjeż medji tan-negożju ta' Intel, li setgħu ġew evitati, serva bħala difiża leġittima vis-à-vis l-użu ta' evalwazzjonijiet kumplessi f'mudelli ekonomiċi fid-DO li tikkonċerna r-rifużjonijiet (2). L-evalwazzjoni li saret mill-Uffiċjal ta' Smigħ uriet li, minkejja li evalwazzjoni ekonomika turi li skonti/ħlasijiet lura kundizzjonali setgħu kkaġunaw jew x'aktarx kienu se jikkaġunaw esklużjoni għad-dannu tal-kompetizzjoni, din – skont l-abbozz tad-Deċiżjoni – ma kinitx “indispensabbli” biex biha jinstab abbuż f'dan il-każ (3), u lill-akkużat kellha tingħatalu l-possibbilità li jeżerċita d-drittijiet kollha għad-dispożizzjoni tiegħu.
Intel wieġeb għad-DO fil-ħin
2. Id-Dikjarazzjoni Supplimentari tal-Oġġezzjonijiet
Id-Dikjarazzjoni Supplimentari tal-Oġġezzjonijiet (“DSO”) ġiet adottata mill-Kummissjoni fis-17 ta’ Lulju 2008. Fl-istess ħin il-Kummissjoni għaqdet is-sejbiet rilevanti tal-Każ COMP/C 3/39.493 mal-proċedura li ġiet segwita taħt il-każ COMP/C-3/37.990 u kompliet bil-proċedura taħt il-każ COMP/C-3/37.990.
Intel ingħata tmien gimgħat biex jissottometti t-tweġiba tiegħu għad-DSO Permezz ta' ittra bid-data tal-15 ta' Settembru 2008, L-Uffiċjal tas-Smigħ, tah lill-Intel, fuq talba raġjonevoli tiegħu, estensjoni tat-terminu tal-iskadenza sas-17 ta' Ottubru 2008, prinċiplament b'kunsiderazzjoni għall-kumplessità tal-każ li issa ngħaqad u għall-firxa wiesgħa tal-allegazzjonijiet li jmorru lura sal-1997 u li jirrekjedu investigazzjonjiet addizzjonali fi ħdan Intel.
Intel ma weġibx għad-DSO fi ħdan l-iskadenza estiża. Minflok, fl-10 ta' Ottubru 2008, Intel ippreżenta applikazzjoni quddiem il-Qorti tal-Ewwel Istanza (QEI) li tfittex inter alia l-annulament tad-deċiżjoni tal-Uffiċjal tas-Smigħ tal-15 ta' Settembru 2008 li tagħti estensjoni tal-limitu taż-żmien u applika għal darba oħra għal miżuri interim (4)
Permezz tal-ordni tas-27 ta' Jannar 2009, il-President tal-QEI rrifjuta l-applikazzjoni ta' Intel għal miżuri interim fuq il-bażi li l-applikazzjoni prinċipali ta' Intel kienet tidher prima facie mhux ammissibbli. Dan ir-rifjut jinkludi r-rifjut fir-rigward tat-talba ta' Intel għal estensjoni ulterjuri tat-terminu tal-iskadenza tas-17 ta' Ottubru 2008 biex iwieġeb għad-DSO tas-17 ta' Lulju 2008.
3. Ittra bil-Fatti
Fid-19 ta' Diċembru 2008, Il-Kummissjoni bagħtet ittra lil Intel biex tiġbidlu l-attenzjoni għal numru ta' punti ta' evidenza speċifiċi relatati mal-oġġezzjonijiet eżistenti tagħha u kif indikat hija stess, setgħet tuża f'Deċiżjoni finali potenzjali. (Ittra bil-fatti, “IbF”). Il-Kummissjoni stipulat id-data ta' skadenza tad-19 ta' Jannar 2009, biex jiġu sottomessi kummenti min-naħa ta' Intel dwar dawn il-punti. Din l-iskadenza ġiet estiża mid-Direttorat Ġenerali tal-Kompetizzjoni għat-23 ta' Jannar 2009. Fil-prattika, l-IbF ma bidlitx il-bażi ta' evidenza li fuqha ġew ibbażati l-oġġezzjoniet tal-Kummissjoni kontra Intel, kif stipulati fid-DO jew fid-DSO. Intel talab estenzjoni fuq il-bażi li l-fajl allegatament, ma kienx komplut (cf infra I.4. (d)) u fuq il-bażi tat-talba pendenti tiegħu għal smigħ orali dwar ċerti dokumenti (cf. infra II.2). Permezz ta' ittra bid-data tat-22 ta' Jannar 2009, l-Uffiċjal tas-Smigħ ma aċċettax din it-talba.
4. Aċċess għall-fajl
(a) It-tħejjija għall-aċċess tal-fajl: Il-ftehimiet dwar il-kunfidenzjalità ta' informazzjoni.
F'dan il-każ il-fajl kien kbir aktar mis-soltu. Fit-tħejjija għall-aċċess tal-fajl, diversi Produtturi ta' Tagħmir Oriġinali (“PTO”) ikkonkludew b'mod bilaterali Ftehimiet dwar il-Kunfidenzjalità ta' Informazzjoni (“FKI”) ma' Intel, li huma differenti minn xulxin biss minħabba d-dettalji li fihom. Għal każijiet speċifiċi, xi FKI jagħmlu sejħa lill-Uffiċjal tas-Smigħ biex jieħu deċiżjoni hu fil-każ li jkun hemm nuqqas ta' qbil bejn il-partijiet. Barra dan, Intel irrinunzja parzjalment vis-à-vis il-Kummissjoni għad-dritt tiegħu li jkollu aċċess għall-fajl, bħala prekawzjoni fil-każ li l-aċċess li ngħatalu mill-PTO kien se jillimita d-drittijiet ta' aċċess tiegħu taħt ir-Regolament (KE) Nru 773/2004 (5), filwaqt li kull Produttur ta' Tagħmir Oriġinali kkonċernat irrinunzja għad-dritt tiegħu dwar il-protezzjoni tas-sigrieti ta' negożju u informazzjoni kunfidenzjali oħra, fir-rigward tal-informazzjoni li għaddiet b'mod bilaterali taħt il-ftehimiet ma' Intel. L-Uffiċjal ta' Smigħ kien involut fl-istabbiliment ta' dawn il-FKI u appoġġja l-konklużjoni tagħhom f'dan il-każ.
(b) Il-Ftehim Dell-AMD dwar il-Kunfidenzjalità tal-informazzjoni
Qabel ma seħħ is-Smigħ Orali dwar id-DO, AMD għarraf lill-Uffiċjal tas-Smigħ li kien kkonkluda FKI ma' Dell, li tawh aċċess għall-kwoti maħruġa minn Dell li ntużaw fid-DO. Għall-kuntrarju tal-FKI li ġew konklużi ma' Intel, ftehim bħal dan, li ġie konkluż minn parti li bħala tali ma għandu l-ebda dritt ta' difiża jew dritt biex ikollu aċċess għall-fajl, kien purament bilaterali u ma ħoloq l-ebda dritt u lanqas obbligazzjoni fir-rigward tal-Kummissjoni. Għalhekk, u għall-kuntrarju tal-iżbalji ta' interpretazzjoni min-naħa ta' Intel, l-Uffiċjal ta' Smigħ baqa' jqies il-kwoti kollha ta' Dell fid-DO li ġew aċċettati bħala kunfidenzjali vis-à-vis ta' dak li għamel l-ilment, AMD, biex jibqgħu kunfidenzjali vis-à-vis AMD għall-fini tal-proċedura amministrattiva sħiħa, inkluża s-Smigħ Orali.
(c) Aċċess sħiħ għall-fajl
Minkejja l-FKI imsemmijin hawn fuq (supra I.4.(a)) il-kumplessità tal-fajl u l-informazzjoni kunfidenzjali ta' natura diversifikata li tinsab fih, taw bidu għal numru ta' talbiet min-naħa ta' Intel biex ikollu aċċess għall-fajl. L-għoti lill-Intel, tal-aċċess għall-fajl sħiħ, kemm jista' jkun, kien jinħtieġ numru ta' ispezzjonijiet personali, min-naħa tal-Uffiċjal tas-Smigħ, ta' dokumenti li skont Intel kellu bżonn biex titfassal difiża effettiva. Diversi minn dawn it-talbiet ingħataw, wara li ġiet ikkunsidrata l-loġika ta' Intel.
Intel ilmenta li ma kellux aċċess sħiħ għal dokumenti relatati mal-laqgħa bejn il-Kummissjoni u l-PTO (6) Wara talba raġjonevoli min-naħa ta' Intel, l-Uffiċjal tas-Smigħ tkixxef jekk jeżistix jew le xi tip ta' dokument dwar is-suġġett ta' din il-laqgħa. “Nota għall-fajl” bid-data tad-29 ta' Awwissu 2006 ġiet żvelata mid-Direttorat Ġenerali u tpoġġiet fil-fajl wara li l-Uffiċjal tas-Smigħ iddeċieda li dan għandu jsir fis-7 ta' Mejju 2008. Fl-istess ħin, l-Uffiċjal tas-Smigħ iddeċieda li din in-nota taħt l-Artikolu 27 (2) tar-Regolament (KE) Nru 1/2003 u taħt l-Artikolu 15 (2) Regolament (KE) Nru 773/2004 , kienet interna fin-natura tagħha. Jekk kellhomx jitħejjew minuti tal-għanijiet jew traskrizzjoni kif suppost ta' din il-laqgħa huwa fil-prinċipju kwistjoni ta' amminstrazzjoni tajba u għalhekk m'għandhiex tkun eżaminata f'rapport finali mill-Uffiċjal tas-Smigħ.
L-Uffiċjal tas-Smigħ jikkunsidra li Intel ingħatatlu l-aċċess sħiħ għall-fajl.
(d) Aċċess għal dokumenti li ma jinstabux fil-fajl
Kif ġie deskritt fid-dettall fl-abbozz tad-Deċiżjoni (7), Intel talab lill-Kummissjoni, permezz ta' ittra bid-data tal-4 ta' Settembru 2008, biex takkwista lista mingħand AMD, ta' 81 kategorija ta' dokumenti relatati ma' litigazzjoni privata bejn Intel u AMD quddiem il-Qorti tad-Distrett Federali f'Delaware fl-Istati Uniti tal-Amerika, u tgħaddih lilu skont hu, dawn id-dokumenti x'aktarx kienu juru li m'hemmx ħtija. Sussegwentament, fil-25 ta' Settembru 2008, Intel talab lill-Kummissjoni li “kellha tal-inqas titlob lil AMD biex jipprovdi d-dokumenti interni kollha rilevanti għall-allegazzjonijiet kemm fid-DO kif ukoll fid-DSO, li kien jipposjedi” Permezz tal-ittri bid-data tas-17 u d-29 ta' Settembru 2008, Intel ilmenta lill-Uffiċjal tas-Smigħ li “huwa ċar li l-fajl mhuwiex komplut” u minħabba f'hekk id-drittijiet ta' difiża tiegħu kienu qegħdin jiġu kompromessi.
L-Uffiċjal tas-Smigħ wieġbet, permezz ta' ittra bid-data tas-7 ta' Ottubru 2008, waqt li fl-istess ħin għamlet referenza għall-ittri preċedenti tagħha dwar il-kwistjoni bid-data tat-22 ta' Awissu u l-15 ta' Settembru 2008, li il-kwistjoni ta' jekk il-fajl, kif inhu, huwiex komplut jew le hija differenti mill-kwestjoni ta' jekk għandux jingħata l-aċċess sħiħ għal fajl li allegatament mhuwiex komplut. Bi qbil ma' dan, l-argumenti li huma relatati ma' fajl li allegatament mhuwiex komplut ma' jistgħux jistabilixxu l-punt li l-aċċess għall-fajl, kif inhu f’xi żmien partikolari, mhuwiex sħiħ.
Iżjed minn hekk, minkejja r-responsabbilità tal-Uffiċjal tas-Smigħ taħt il-premessa 3 tal-mandat biex jikkontrubwixxi għall-obbjettività, it-trasparaenza u l-effiċjenza tal-proċediment, la l-mandat attwali u lanqas il-ġurisprudenza ma jagħtu s-setgħa lill-Uffiċjal tas-Smigħ li jordna li xi investigazzjoni biex tlesti fajl li allegatament mhuwiex komplut. Għalhekk, jekk id-dokumenti kkonċernati, saħansitra dawk li minħabba n-natura speċifika tagħhom jistgħu potenzjalment juru nuqqas ta' ħtija, humiex fihom infushom rilevanti jew le fir-rigward tad-drittijiet ta' difiża, li tiddeċiedi jekk ċerti kategoriji f'ġurisdizzjoni oħra humiex deskritti b'manjiera speċifika u sostanzjata biżżejjed u/jew għandhomx inkunu investigati jew le, imur lil hinn mill-ambitu tal-mandat tal-Uffiċjal tas-Smigħ. It-talba ta' Intel kellha għalhekk tiġi kkunsidrata bħala ultra vires.
(e) Verżjoni mhux kunfidenzali tad-DO u-DSO għal dak li għamel l-ilment jiġifieri AMD
Bħala segwitu għall-Artikolu 6 (1) tar-Regolament (KE) Nru 773/2004 , dak li għamel l-ilment għandu d-dritt li jirċievi verżjoni mhux kunfidenzjali tad-DO u d-DSO. Dan id-dritt kien jiddgħajjef ferm u n-norma kienet tkun mingħajr skop li kieku r-reċipjent ma jkunx jista' jifhem il-verżjoni finali li ngħatatlu fl-aħħar.
Fir-rigward tal-informazzjoni pprovduta minn partijiet terzi u li se tiġi żvelata mhux biss lil dak li ġie indirizzat fid-DO iżda wkoll lil dak li għamel l-ilment, huwa kruċjali li ssir distinzjoni bejn l-informazzjoni li ma tistax tiġi kkunsidrata bħala kunfidenzjali u dik li l-kunfidenzjalità tagħha hija ġġustifikata iżda li se tiġi żvelata xorta waħda sabiex verżjoni mhux kunfidenzjali tkun tista' tintftiehem aħjar. Is-sigrieti tan-negozju m'għadhomx jkunu żvelati u, fil-prinċipju, akkużi ta' nuqqas ta' kunfidenzjalità fil-konfront ta' dak li għamel l-ilment, jekk ġustifikati, huma assoluti. Madanakollu, jekk l-iżvelar tal-informazzjoni rilevanti jrid isir ta' bilfors biex wieħed ikun jista' jifhem l-allegazzjoni prinċipali fid-DO, huwa relatat ma' informazzjoni neċessarja li sservi ta' prova ta' ksur fil-liġi, u huwa bilfors neċessarju li ssir assoċjazzjoni bejn dak li għamel l-ilment u l-proċedura ħalli b'hekk ikun jista' jressaq kummenti mgħarfin dwarha, tali żvelar ta' informazzjoni kunfidenzjali huwa possibbli u jiddependi fuq apprezzament ibbilanċjat u raġjenevoli min-naħa tal-Uffiċjal tas-Smigħ.
Kemm fir-rigward tad-DO u kif ukoll tad-DSO, l-Uffiċjal tas-Smigħ ma aċċettax it-talbiet ta' Intel biex ikun hemm kunfidenzjalità sħiħa u kellu jevalwa numru esaġerat ta' talbiet dwar kunfidenzjalità raġonevoli u ddetaljati kemm minn Intel kif ukoll minn dawk li pprovdew xi informazzjoni. Dan inkiseb mingħajr l-ebda rikors għal deċiżjoni taħt l-Artikolu 9 tal-Mandat (li permezz tiegħu tinbeda l-proċedura magħrufa bħala “il-proċedura AKZO” (8) kemm min-naħa ta' Intel kif ukoll min-naħa tal-Impriżi l-oħra kkonċernati.
F' Ottubru tal-2008 Intel żvela verżjoni kompluta kunfidenzjali tad-DO lil AMD fil-proċedimenti li saru fl-Istati Uniti. Intel isostni li dan kien żball. Intel għarraf lill-Kummissjoni b'dan il-fatt fis-17 ta' Marzu 2009.
(f) Il-partijiet terzi
Tliet kumpaniji talbu formalment biex ikunu ammessi għall-proċedimenti bħala partijiet terzi. Bħala risposta għal dawn it-talbiet, l-Uffiċjal tas-Smigħ tah permess lil Silicon Graphics Inc. (il-25 ta' Settembru 2007), lil International Business Machines (“IBM”; it-2 ta' Ottubru 2007) u – ftit qabel ma nbdiet is-Smigħ Orali– lil Hewlett Packard Company (“HP”, l-10 ta' Mazu 2008) biex ikunu preżenti għall-proċedimenti. Barra minn hekk, żewġ organizzazzjonijiet tal-konsumaturi ġew ammessi bħala partijiet terzi wara li ġġustifikaw kif inhu xieraq, x'kien l-interess speċifiku u l-qagħda tagħhom. l-Organizzazzjoni Ewropea dwar il-Konsumaturi Bureau Européen des Unions des Consommateurs (“BEUC”; It-22 ta' Frar 2008) u Union Fédérale des Consommateurs - Que Choisir, organizzazzjoni tal-konsumatur Franċiża (“UFC”; 6 ta' Marzu 2008). Il-partijiet kollha talbu u ngħataw sommarju mhux kunfidenzjali tad-DO u tad-DSO. L-ebda terza parti kkonċernat ma' ressaq xi kumment bil-miktub.
(g) DSO addizzjonali li ntalbet għall-ġustifikazzjoni tal-għanijiet
Meta wieġeb għad-DO (9) Intel ħa l-pożizzjoni li dikjarazzjoni addizzjonali tal-oġġezzjonijiet kienet meħtieġa fir-rigward tal-kwistjoni tal-ġustifikazzjoni tal-għanijiet. Madanakollu, DSO addizzjonali minħabba l-kwistjoni tal-ġustifikazzjoni tal-għanijiet biss ma kinitx neċessarja. Filwaqt li n-nuqqas ta' ġustfikazzjoni tal-għanijiet hija kundizzjoni negattiva biex jinstab abbuż (10) , il-piż li tipprovdi l-provi jaqa' fuq spallejn il-parti li qiegħed jagħmel talba għal ġustifikazzjoni tal-għanijiet. Jekk Intel offra minn qabel, kwalunkwe ġustifikazzjoni tal-għanijiet li saret bil-ħsieb, fir-rigward tad-diversi tipi ta' kondotta li ġew allegati fid-DO, il-Kummissjoni ittratat ma' dawn ilkoll. Għalhekk id-dritt li wieħed jinstema' ġie rispettat f'dan ir-rigward.
II. IL-PROĊEDURA ORALI
1. Is-Smigħ Orali dwar id-DO
Is-Smigħ dwar id-DO sar fil-11 u t-12 ta' Marzu 2008. Minbarra Intel u AMD, tliet partijiet interessati attendew is-Smigħ u taw il-preżentazzjoni tagħhom: HP, UFC Que Choisir u BEUC. Barra mir-rappreżentanti tal-Istati Membri, rappreżentant tal-Kummissjoni Federali dwar il-Kummerċ ipparteċipa bħala osservatur, wara li saru l-arranġementi amministrattivi tal-1999. Barra u lil hinn mill-arranġamenti li saru mal-Istati Uniti, l-Uffiċjal tas-Smigħ ta permess lill-Prosekutur Ġenerali tal-Istat ta' New York (11) biex jipparteċipa fis-Seduta bħala osservatur. Intel qabel ma' dan b'mod espliċitu. Qabel ma ġie ammess, il-Prosekur Ġenerali qabel mal-impenji espliċiti dwar il-kunfidenzjalità u l-użu tal-informazzjoni.
Minkejja diversi sessjonijiet privati minħabba talbiet dwar il-kunfidenzjalità leġittimi, is-Smigħ Orali, offra opportunità tad-deheb lil Intel biex jippreżenta l-fehmiet tiegħu dwar l-allegazzjonijiet, il-loġika warajhom (12), u l-evalwazzjoni ekonomika. F'dan ir-rigward huwa importanti li wieħed jinnota li matul is-Smigħ il-Kummissjoni għamlitha ċara lil Intel u Intel fehem li l-evalwazzjoni ekonomika ma kinitx kundizzjoni biex jinstab xi tip ta' abbuż.
Fuq din il-bażi mhuwiex l-Uffiċjal tas-Smigħ m'għandux għalfejn jesprimi l-pożizzjoni tiegħu dwar l-evawalzzjoni ekonomika u dwar il-konklużjoni li l-pagamenti min-naħa ta' Intel jista' jkollhom jew x'aktarx li se jkollhom effetti ta' esklużjoni għad-dannu tal-kompetizzjoni (13)
2. Is-Smigħ Orali li ntalab dwar id-DSO u l-IbF
Intel għamel talba għal smigħ orali dwar (a) partijiet mill-IbF u (b) id-DSO
(a) |
Wara l-IbF Intel talab, permezz ta' ittra bid-data tal-20 ta' Jannar 2009, għal Smigħ Orali li jikkonċerna ċerti dokumenti ta' AMD li ġew sottomessi lill-Kummissjoni fit-28 ta' Mejju 2008 (“id-dokumenti Delaware AMD”) Fit-22 ta' Jannar 2009, l-Uffiċjali tas-Smigħ fakkar li Intel ma kellu l-ebda dritt li jsaqsi, u l-Kummissjoni ma kellha l-ebda obbligu li tipprovdi għal smigħ orali sabiex id-drittijiet ta' difiża ta' Intel ikunu ġew rispettati fir-rigward tal-Ittra bil-Fatti. Barra minn hekk, smigħ orali ma setax ikun garantit biss fuq is-suġġett tad-dokumenti Delaware AMD minħabba li dawn id-dokumenti ngħataw bħala parti mill-proċedura għall-aċċess tal-fajl wara l-ħruġ tad-DSO, li permezz tagħha Intel diġà kien ingħata l-opportunità li jwieġeb u jagħmel talba għal smigħ orali, u minħabba li s-suġġett ta' smigħ orali huwa definut permezz tal-allegazzjonijiet fid-DO u/jew fid-DSO u mhux permezz tal-parti kkonċernat. Smigħ orali ddedikat esklussivament biex jippreżenta l-fehmiet dwar id-dokumenti li ntagħżlu ma ġiex approvat. |
(b) |
Fis-sottomissjoni tiegħu tal-5 ta' Frar 2009 u permezz ta' ittra bid-data tal-10 ta' Frar 2009, Intel talab għal smigħ orali dwar id-DSO. Id-deċiżjonijiet relatati ma' smigħ orali, li jinkludu d-deċiżjoni li taċċetta jew li tiċħad talba għal smigħ orali li ġiet sottomessa wara t-terminu tal-iskadenza biex twieġeb għal dikjarazzjoni tal-oġġezzjonijiet, jaqgħu taħt il-kompetenza tal-Uffiċjal tas-Smigħ li qiegħed taħt mandat. |
Għalhekk, permezz ta' ittra bid-data tas-17 ta' Frar 2009, l-Uffiċjal tas-Smigħ wieġeb lil Intel li d-dritt soġġettiv dwar l-għoti ta' smigħ orali jeżisti biss sa tmiem tat-terminu tal-iskadenza biex tiwieġeb għad-dikjarazzjoni tal-oġġezzjonijiet. Jekk talba għal smigħ orali ssir wara l-iskadenza stipulata, dan ma jfissirx li awtomatikament is-smigħ ma jistax isir f'kwalunkwe każ. L-Artikolu 10 (2), li jinqara flimkien mal-Artikolu 12 tar-Regolament (KE) Nru 773/2004 , mhux neċessarjament jipprekludi parti milli jagħmel talba għal smigħ orali. Li t-terminu tal-iskadenza ma tintlaħaqx fil-ħin ifisser li ma hemm l-ebda obbligu li smigħ bħal dan għandu jsir. L-Uffiċjal tas-Smigħ hija intitolata u obbligata li teżerċita d-diskrezzjoni tagħha la darba taslilha talba wara l-iskadenza li hija ġustifikata kif inhu xieraq.
L-iskadenza biex twieġeb għad-DSO ma kinitx ġiet estiża. L-Uffiċjal tas-Smigħ ħa nota tal-pożizzjoni tas-servizzi tal-Kummissjoni kif imfissra fl-ittra tagħhom tat-2 ta' Frar 2009 indirizzata lil Intel (14) li skontha l-proċess kif suppost tal-proċedura ma tirrekjedix li smigħ orali għandu isir bilfors. Bl-istess mod, hija kkunsidrat l-argumenti kollha favur l-għoti ta' smigħ li tressqu minn Intel, li prinċipalment jirreferu għad-dritt tiegħu “mingħajr limiti” biex jingħatalu smigħ orali.
Waqt li tkun qiegħda terżerċita d-diskrezzjoni tagħha l-Uffiċjal tas-Smigħ hija obbligata li tikkunsidra inter alia r-rekwiżit tal-applikazzjoni effettiva tar-regoli dwar il-kompetizzjoni, li parti essenzjali minn dan l-obbligu teżiġi li l-Kummissjoni għandha taġixxi fi ħdan tul ta' żmien raġonevoli biex id-deċiżjoniet tagħha jkunu ġew addotti. Filwaqt li l-limiti fil-ħin marbutin mal-manjiera li biha l-proċedura dwar kompetizzjoni hija organizzata ma jistgħux jiġġustifikaw il-ksur tad-dritt fundamentali li wieħed jinstema', l-ebda tali konflitt ma tqajjem fil-każ preżenti. F'dan il-każ, Intel bl-ebda mod ma ġie ostakolat milli jħejji u jressaq, fiż-żmien stipulat, it-tweġiba tiegħu fir-rigward tad-DSO fuq il-bażi tal-informazzjoni għad-dispożizzjoni tiegħu, almenu bħala prekawzjoni, u dan huwa tabilħaqq aktar minnu peress li l-Uffiċjal tas-Smigħ kien tawwal it-terminu tal-iskadenza. Intel kien ingħata ż-żmiem biex jagħmel talba għal smigħ orali mid-data li fiha d-DSO ġiet servuta f'Lulju tal-2008 sa l-aħħar tal-iskadenza mtawla jiġifieri f'Ottubru 2008. Ma kinitx tkun ħaga impossibbli biex l-għoti tas-smigħ jingħata saħansitra wara t-terminu tal-iskadenza, kieku Intel talab għalih – li ma għamilx. Xejn ma' kien se jipprekludi l-Uffiċjal tas-smigħ milli jistipula d-dati tas-smigħ f'manjiera konsistenti mat-talba li kienet għaddejja għal miżuri interim u b'hekk b'rispett sħiħ għall-proċedimenti quddiem il-Qorti. Għalhekk, minkejja li Intel, matul il-proċedura sħiħa sakemm l-appell tiegħu tressaq lil CFI, aġġixxa b'mod ġenerali, b'ħeffa u fi ħdan it-termini tal-iskadenza stipulati, filwaqt li għamel użu sħiħ tad-drittijiet ta' difiża tiegħu, l-għoti ta' smigħ orali lil Intel taħt iċ-ċirkustanzi preċiżi tas-17 ta' Frar 2009 kienu jpoġġu serjament fil-periklu l-progress f'waqtu tal-proċedura. B'kunsiderazzjoni għal din ir-raġuni u oħrajn li huma speċifiċi għall-każ, it-talba ma setgħetx tkun aċċettata.
L-Uffiċjal tas-Smigħ ma ġiex indirizzat minn Intel dwar il-kwestjoni tal-qagħda tas-sottomissjonijiet bil-miktub tal-5 ta' Frar 2009.
III. KONKLUŻJONIJIET
Fid-dawl ta’ dan ta’ hawn fuq, jiena nikkunsidra li f’dan il-każ id-drittijiet tal-partijiet li jinstemgħu ġew irrispettati.
L-abbozz tad-Deċiżjoni jindirizza biss l-oġġezzjonijiet rigward liema partijiet ingħataw l-opportunità li jesprimu l-fehmiet tagħhom.
Karen WILLIAMS
(1) Skont l-Artikoli 15 u 16 tad-Deċiżjoni tal-Kummissjoni (2001/462/KE, KEFA) tat-23 ta' Mejju 2001 dwar it-termini ta' referenza tal-Uffiċjali tas-Smigħ f'ċerti proċedimenti dwar il-kompetizzjoni (ĠU L 162, 19.6.2001, p. 21.) minn hawn il-quddiem imsejjaħ “il-mandat”
(2) Cf. para 1045 sa 1156 tal-abbozz tad-Deċiżjoni li tiddiskuti din l-analiżi, pe. para 1066 et. seq. dwar l-analiżi tar-rigressjoni applikata minn Intel.
(3) Kif intwera b'mod espliċitu fl-abbozz tad-Deċiżjoni para 925, indikat fid-DO para 337 u msemmi fid-DSO para 260.
(4) Cf. għal dettalji para 18 u 22 tal-abbozz tad-Deċiżjoni u l-Ordni tal-President tal-Qorti tal-Ewwel Istanza tas-27 ta' Jannar 2009 fil-każ T-457/08 Intel Corp. v. Commission, nyr.
(5) ĠU L 123, 27.4.2004, p. 18.
(6) Għal dettalji cf. para 39 et seq. tal-abbozz tad-Deċiżjoni.
(7) Para 71 et seq.
(8) ECJ, Każ 53/85, AKZO Chemie BV u AKZO Chemie UK Ltd v Commission, [1986] ECR, p. 1965.
(9) Para 823.
(10) ECJ, Il-Każ C-95/04 British Airways v il-Kummissjoni [2007] ECR I-2331, paragrafu 69; Każijiet konġunti C-468/06 sa C-478/06 Sot. Lélos kai Sia and Others [2008] nyr, paragrafu 39, u dan l-aħħar il-Każ 52/07, Kanal 5 Ltd. [2008] nyr, sentenza tal-11 ta' Diċembru 2009, para 47.
(11) Cf. paragrafu 35 tal-abbozz tad-deċiżjoni.
(12) Cf. para 281 et seq. tal-abbozz tad-deċiżjoni.
(13) Para 1002-1578 tal-abbozz tad-Deċiżjoni.
(14) Ara l-abbozz tad-Deċiżjoni para. 24
22.9.2009 |
MT |
Il-Ġurnal Uffiċjali tal-Unjoni Ewropea |
C 227/13 |
Sommarju ta’ Deċiżjoni tal-Kummissjoni
tat-13 Mejju 2009
dwar proċediment taħt l-Artikolu 82 tat-Trattat tal-KE u l-Artikolu 54 tal-Ftehim taż-ŻEE
(Każ COMP/C-3/37.990 – Intel)
2009/C 227/07
1. INTRODUZZJONI
(1) |
Fit-13 ta' Mejju 2009, il-Kummissjoni adottat deċiżjoni li tirrigwarda proċediment taħt l-Artikolu 82 tat-Trattat tal-KE u l-Artikolu 54 tal-Ftehim taż-ŻEE indirizzata lill-Korporazzjoni Intel. Ma’ dan, l-Kummissjoni qiegħda tippubblika s-sommarju tad-deċiżjoni, filwaqt li tqis l-interess leġittimu tal-impriżi fil-protezzjoni tas-sigrieti kummerċjali tagħhom. Verżjoni mhux kunfidenzjali tad-deċiżjoni se tkun disponibbli fis-sit elettroniku ġenerali tad-Direttorat Ġenerali għall-Kompetizzjoni. |
2. DESKRIZZJONI TAL-KAŻ
2.1. Proċedura
(2) |
Fit-18 ta’ Ottubru 2000, l-Advanced Micro Devices (AMD) issottomettiet ilment formali lill-Kummissjoni taħt l-Artikolu 3 tar-Regolament Nru 17/62, liema lment kien sussegwentement supplementat b’fatti u allegazzjonijiet ġodda, b'mod partikolari f’Novembru 2003. |
(3) |
F’Mejju 2004, il-Kummissjoni nediet sensiela ta’ investigazzjonijiet relatati ma’ elementi tal-ilment supplementari. F’Lulju 2005, fil-qafas ta’ din l-investigazzjoni, il-Kummissjoni, assistita minn diversi Awtoritajiet Nazzjonali tal-Kompetizzjoni, wettqet spezzjonijiet fuq il-post taħt l-Artikolu 20(4) tar-Regolament (KE) Nru 1/2003 f’erba’ siti tal-Intel fir-Renju Unit, il-Ġermanja, l-Italja u Spanja, kif ukoll f'siti ta' bosta klijenti tal-Intel fi Franza, il-Ġermanja, l-Italja, Spanja u r-Renju Unit. |
(4) |
Fis-26 ta’ Lulju 2007, il-Kummissjoni ħarġet Dikjarazzjoni tal-Oġġezzjonijiet (DO) dwar l-imġiba tal-Intel fil-konfront ta’ ħames Manifatturi tat-Tagħmir Oriġinali (MTO), jiġifieri: id-Dell, l-HP, l-Acer, in-NEC u l-IBM. L-Intel wieġbet id-DO tas-26 ta' Lulju 2007 fit-8 ta' Jannar 2008 u nżammet seduta orali fil-11 u t-12 ta' Marzu 2008. |
(5) |
Fis-17 ta’ Lulju 2006, l-AMD ippreżentat ilment lill-Awtorità Nazzjonali tal-Kompetizzjoni Ġermaniża fejn sostniet li l-Intel kienet ipparteċipat f'arranġamenti ta' kummerċjalizzazzjoni ta' esklużjoni, kif ukoll prattiki oħra, mal-Media-Saturn-Holding GmbH (MSH), bejjiegħ bl-imnut Ewropew ta' strumenti mikroelettroniċi. L-Awtorità Nazzjonali tal-Kompetizzjoni Ġermaniża partet informazzjoni dwar dan is-suġġett mal-Kummissjoni, skont l-Artikolu 12 tar-Regolament (KE) Nru 1/2003. |
(6) |
Il-Kummissjoni wettqet bosta miżuri investigattivi relatati mal-allegazzjonijiet relevanti tal-AMD, inklużi spezzjonijiet fuq il-post fis-siti ta’ diversi bejjiegħa bl-imnut tal-kompjuters Ewropej u tal-Intel fi Frar 2008. Barra minn dan, intbagħtu diversi talbiet għal informazzjoni lil numru ta’ MTOs ewlenin. |
(7) |
Fis-17 ta’ Lulju 2008, il-Kummissjoni ħarġet Dikjarazzjoni tal-Oġġezzjonijiet Supplementari (DOS) dwar l-imġiba tal-Intel fil-konfront tal-MSH. Id-DOS tas-17 ta’ Lulju 2008 kienet tkopri wkoll l-imġiba tal-Intel fil-konfront tal-Lenovo. Kienet tinkludi wkoll evidenza ġdida dwar l-imġiba ta’ Intel fil-konfront ta’ wħud mill-MTOs koperti mid-DO tas-26 ta’ Lulju 2007, li kienet inkisbet mill-Kummissjoni wara s-26 ta' Lulju. |
(8) |
L-Intel ma weġbitix għad-DOS tas-17 ta’ Lulju 2008. Minflok, l-Intel ippreżentat rikors quddiem il-Qorti tal-Prim’Istanza (QPI) fejn talbet lill-istess qorti biex, fost affarijiet oħrajn, tordna lill-Kummissjoni tikseb diversi kategoriji ta’ dokumenti addizzjonali minn, fost sorsi oħrajn, il-fajl dwar il-proċedimenti legali privati bejn l-Intel u l-AMD fl-Istat ta’ Delaware fl-Istati Uniti. L-Intel talbet ukoll għal miżuri temporanji biex tiġi sospiża l-proċedura tal-Kummissjoni sa ma tingħata d-deċiżjoni tal-QPI dwar il-mertu tar-rikors tagħha u biex tingħata 30 jum mid-data tal-istess sentenza biex twieġeb għad-DOS tas-17 ta’ Lulju 2008. |
(9) |
Fid-19 ta’ Diċembru 2008, il-Kummissjoni bagħtet lill-Intel ittra fejn ġibditilha l-attenzjoni għal numru ta’ provi speċifiċi li l-Kummissjoni kellha l-intenzjoni li tuża f’Deċiżjoni finali potenzjali. L-Intel ma weġbitx din l-ittra sal-iskadenza li ġiet estiża għat-23 ta’ Jannar 2009. |
(10) |
Fis-27 ta’ Jannar 2009, il-President tal-QPI ċaħad ir-rikors għal miżuri temporanji tal-Intel u t-talba tagħha għal estensjoni tal-iskadenza biex twieġeb għad-DOS tas-17 ta’ Lulju 2008. |
(11) |
Wara d-Digriet tal-President tal-QPI, fil-5 ta’ Frar 2009, l-Intel innotifikat sottomissjoni bil-miktub sostantiva, inklużi osservazzjonijiet dwar id-DOS tas-17 ta’ Lulju 2008. Is-servizzi tal-Kummissjoni eżaminaw l-argumenti relevanti tas-sottomissjoni tardiva tal-Intel, minkejja l-fatt li l-Intel kienet ingħatat opportunità biżżejjed biex tippreżenta t-tweġiba tagħha għad-DOS tas-17 ta’ Lulju 2008, sal-iskadenża oriġinali tas-17 ta’ Ottubru 2008. |
(12) |
Fl-10 ta’ Frar 2009, l-Intel kitbet lill-Uffiċjal tas-Seduta u talbet biex ikun hemm smigħ rigward id-DOS tas-17 ta’ Lulju 2008. L-Uffiċjal tas-Seduta wieġeb b’ittra tas-17 ta’ Frar 2009 li biha ċaħad it-talba tal-Intel. |
(13) |
Il-Kumitat Konsultattiv dwar Prattiċi Restrittivi u Pożizzjonijiet Dominanti ħareġ opinjoni favorevoli unanima fit-28 ta’ April 2009 u t-8 ta' Mejju 2009. |
2.2. Il-prodott ikkonċernat u s-suq
(14) |
Il-prodotti kkonċernati mid-Deċiżjoni huma l-Unitajiet ta' Pproċessar Ċentrali (central processor units – CPU) tal-arkitettura x86. Is-CPU huwa komponent ewlieni f’kull kompjuter kemm f’termini ta’ prestazzjoni globali kif ukoll ta’ spiża għas-sistema. Ta’ spiss issir referenza għalih bħala “moħħ” il-kompjuter. Il-proċess ta’ manifattura tas-CPUs jirrikjedi faċilitajiet ta’ teknoloġija għolja u għaljin. |
(15) |
Is-CPUs użati fil-kompjuters jistgħu jiġu suddiviżi f’żewġ kategoriji: CPUs tal-arkitettura x86 u CPUs li mhumiex tal-arkitettura x86. L-arkitettura x86 hija standard imfassal mill-Intel għas-CPUs tagħha. Tista' titħaddem fuq is-sistemi operattivi Windows u Linux. Il-Windows hija primarjament marbuta mas-sett ta’ istruzzjonijiet x86. Qabel is-sena 2000, kien hemm bosta manifatturi ta’ CPUs tal-arkitettura x86. Iżda bosta minn dawn il-manifatturi m’għadhomx fis-suq. Mis-sena 2000, l-Intel u l-AMD huma essenzjalment l-uniċi żewġ kumpaniji li għadhom jimmanifattura is-CPUs tal-arkitettura x86. |
(16) |
L-inkjesta tal-Kummissjoni wasslet għall-konklużjoni li suq relevanti tal-prodott mhuwiex aktar estiż mis-suq għas-CPUs tal-arkitettura x86. Din id-Deċiżjoni tħalli miftuħa l-kwistjoni dwar jekk id-definizzjoni tas-suq tal-prodott relevanti jistax jiġi suddiviż bejn CPUs tal-arkitettura x86 għal kompjuters tat-tip desktop u notebook u għas-servers għaliex, minħabba l-ishma fis-suq tal-Intel fil-każ ta' kwalunkwe definizzjoni, m'hemmx differenza fil-konklużjoni dwar id-dominanza. |
(17) |
Is-suq ġeografiku ġie ddefinit bħala dak dinji. |
(18) |
Fil-perjodu ta’ 10 snin kopert mid-Deċiżjoni (1997-2007), l-Intel kellha parti konsistentement għolja ħafna fis-suq, li kienet tissupera jew tilħaq madwar is-70 %. |
(19) |
Barra minn dan, hemm xkiel sinifikanti għad-dħul fis-suq u għall-espansjoni fis-suq tas-CPUs tal-arkitettura x86. Dan jirriżulta minn investimenti li ma jistgħux jiġu rkuprati fir-riċerka u l-iżvilupp, il-proprjetà intellettwali u l-faċilitajiet tal-produzzjoni meħtieġa għall-produzzjoni ta’ CPUs tal-arkitettura x86. Is-saħħa (must-stock) tal-istatus tal-Intel bħala ditta u d-differenzjazzjoni fil-prodotti li tirriżulta jammontaw ukoll għal xkiel għad-dħul. Ix-xkiel sinifikanti għad-dħul u l-espansjoni li ġie identifikat huwa konsistenti mal-istruttura tas-suq li ġiet osservata, li fiha il-kompetituri kollha tal-Intel, minbarra l-AMD, telqu s-suq jew baqalhom sehem insinifikanti. |
(20) |
Fuq il-bażi tal-ishma fis-suq tal-Intel u x-xkiel għad-dħul u l-espansjoni, id-Deċiżjoni tikkonkludi li minn tal-anqas fil-perjodu kopert mid-Deċiżjoni (Ottubru 2002 sa Diċembru 2007), l-Intel kellha pożizzjoni dominanti fis-suq. |
2.3. Sommarju tal-ksur
(21) |
Id-Deċiżjoni tiddeskrivi żewġ tipi ta' mġiba tal-Intel fil-konfront tal-imsieħba kummerċjali tagħha: tnaqqis kundizzjonat u l-hekk imsejħa restrizzjonijiet ovvji. |
2.3.1. Tnaqqis kundizzjonat
2.3.1.1.
(22) |
L-Intel tat lill-MTOs ewlenin tnaqqis li kien jiddependi fuq ix-xiri minn dawn l-MTOs tal-ħtiġijiet ta’ provvista kollha, jew kważi kollha, tagħhom. Dan huwa l-każ għal:
|
(23) |
Bl-istess mod, l-Intel għaddiet pagamenti lill-Media Saturn Holding (MSH), l-akbar bejjiegħ bl-imnut tal-kompjuters fl-Ewropa, liema pagamenti kienu suġġetti għall-bejgħ esklussiv mill-MSH ta’ kompjuters ibbażati fuq l-Intel. Dawn il-pagamenti huma ekwivalenti fl-effett tagħhom għat-tnaqqis kundizzjonali lill-MTOs. |
(24) |
Il-Qorti tal-Ġustizzja ddeċidiet konsistentement li: “impriża li tinsab f'pożizzjoni dominanti fis-suq u li torbot lix-xerrejja – anki jekk tagħmel hekk fuq talba tagħhom – permezz ta' obbligu jew wegħda min-naħa tagħhom li jiksbu l-ħtiġijiet tagħhom kollha jew ħafna minnhom esklussivament mingħand l-impriża msemmija, tkun qed tabbuża mill-pożizzjoni dominanti tagħha skont it-tifsira tal-Artikolu 82 KE, sew jekk l-obbligu msemmi jkun stipulat mingħajr kwalifikazzjoni ulterjuri u sew jekk jiġi assunt minħabba l-għoti ta’ tnaqqis. Dan japplika wkoll jekk l-imsemmija impriża, mingħajr ma torbot lix-xerrejja b’obbligu formali, tapplika, jew skont it-termini tal-ftehimiet konklużi ma’ dawn ix-xerrejja jew unilateralment, sistema ta’ tnaqqis ibbażata fuq il-fedeltà tal-klijent, jiġifieri skonti kondizzjonati mill-ksib mill-klijent tal-ħtiġijiet kollha tiegħu jew tal-biċċa l-kbira minnhom – kemm jekk il-kwantità tax-xiri tiegħu tkun kbira jew żgħira - mingħand impriża li tkun f’pożizzjoni dominanti.” (Traduzzjoni mhux uffiċjali) (1) |
(25) |
Id-Deċiżjoni tikkonkludi li t-tnaqqis kondizzjonali mogħtija mill-Intel jammonta għal tnaqqis ibbażat fuq il-fedeltà tal-klijent, li jissodisfa il-kundizzjonijiet tal-każistika bbażata fuq Hoffman-La Roche. Rigward il-pagamenti kondizzjonali tal-Intel lill-MSH, id-Deċiżjoni tistabbilixxi li l-mekkaniżmu ekonomiku ta' dawn il-pagamenti huwa ekwivalenti għal dak tat-tnaqqis kondizzjonali lill-MTOs. Id-Deċiżjoni għaldaqstant tikkonkludi li dawn ukoll jissodisfaw il-kundizzjonijiet tal-każistika bbażata fuq Hoffman-La Roche. |
(26) |
Ta’ min jinnota li kien hemm ukoll inċertezza ġenerali dwar il-proporzjon eżatt tat-tnaqqis jew pagamenti li jintilfu fil-każ ta’ (aktar) akkwisti mingħand il-kompetitur tal-Intel, l-AMD. Kien mistenni li l-proporzjon ikun sinifikanti u sproporzjonat għan-numru ta’ unitajiet li jaqilbu għall-AMD. Barra minn dan, kien hemm ukoll il-possibbiltà li t-tnaqqis li ma jingħatax jiġi allokat mill-Intel għall-MTOs rivali. Għaldaqstant, b’riżultat tat-tnaqqis, il-libertà tal-MTOs ikkonċernati u tal-MSH biex jakkwistaw s-CPUs mingħand l-AMD kienet ristretta. |
(27) |
It-tnaqqis u l-pagamenti li l-Intel tat lill-MTOs l-ewlenin u lill-MSH għandhom ukoll jiġu osservati fil-kuntest tat-theddida kompetittiva li qed tikber irrappreżentata mill-AMD. F’dan ir-rigward, id-Deċiżjoni turi li l-MTOs, il-maniġers tal-IT u l-Intel qiesu li l-prodotti tal-AMD għandhom numru ta’ karatteristiċi innovattivi pożittivi u li kienu alternattiva vijabbli għal dawk tal-Intel. Minkejja li d-Deċiżjoni ma tagħtix ġudizzju assolut dwar il-prestazzjoni teknika tal-prodotti tal-Intel u tal-AMD ikkonċernati, is-sottomissjonijiet tal-MTOs u d-dokumenti li dawn ippreżentaw fl-istess ħin juru li l-MTOs kienu jikkunsidraw li s-CPUs tal-arkitettura x86 tal-AMD kienu adatti għal minn tal-anqas parti mill-ħtiġijiet ta' provvista rispettivi tagħhom. |
2.3.1.2.
(28) |
Apparti milli turi li l-kundizzjonijiet fil-każistika biex jinstab li hemm abbuż huma sodisfatti, id-Deċiżjoni twettaq ukoll analiżi ekonomiku tal-ħila tat-tnaqqis li jeskludi kompetitur li jkun effiċjenti daqs l-Intel, għalkemm mhux dominanti. Essenzjalment, l-eżami jistabbilixxi għal-liema prezz kompetitur “effiċjenti daqs” l-Intel ikollu joffri s-CPUs sabiex jikkumpensa lil MTO għat-telfa ta’ xi tnaqqis mill-Intel. |
(29) |
Dan l-analiżi tal-kompetitur daqstant effiċjenti huwa eżerċizzju ipotetiku fis-sens li janalizza jekk kompetitur li huwa effiċjenti daqs l-Intel iżda li qed jipprova joffri prodott li m’għandux bażi tal-bejgħ estiża daqs dak tal-Intel huwiex eskluż mill-jidħol fis-suq. Din l-analiżi fil-prinċipju hija indipendenti minn jekk l-AMD kinitx attwalment kapaċi tidħol jew le. |
(30) |
L-analiżi tqis tliet fatturi: is-sehem li jista’ jiġi kkuntestat (l-ammont tal-ħtiġijiet ta’ xiri ta’ klijent li jista’ realistikament jiġi ttrasferit għal kompetitur ġdid f'kull perjodu partikolari), il-perjodu ta’ żmien relevanti (l-aktar ta' sena waħda) u mod rilevanti biex titkejjel l-ispiża vijabbli (l-ispejjeż medji li setgħu ġew evitati). Jekk l-iskema tal-Intel tat-tnaqqis tfisser li, fid-dawl tas-sehem li jista’ jiġi kkuntestat, sabiex MTO tiġi kkumpensata għat-telfa tat-tnaqqis tal-Intel, kompetitur daqstant effiċjenti jrid joffri l-prodotti tiegħu taħt ammont vijabbli mill-ispiża tal-Intel, dan ifisser li t-tnaqqis jista’ jeskludi l-kompetitur daqstant effiċjenti. B’hekk dan iċaħħad lill-klijenti aħħarin minn għażla bejn prodotti differenti li l-MTO kieku kienet tagħżel li toffri kieku kellha tagħmel id-deċiżjoni tagħha fuq il-bażi tal-mertu relattiv tal-prodotti u tal-prezzijiet għall-unitajiet offruti mill-Intel u l-kompetituri tagħha biss. |
(31) |
Sar l-istess tip ta’ analiżi fil-każ tal-pagamenti tal-Intel lill-MSH. L-analiżi tal-ħila ta’ dawn il-pagamenti li jeskludu kompetitur daqstant effiċjenti tqis ukoll il-fatt li dawn il-pagamenti jsiru f'livell ieħor tal-katina tal-provvista u li l-effett tagħha jiżdied ma’ dak tat-tnaqqis kundizzjonali lill-MTOs. |
2.3.1.3.
(32) |
Id-Deċiżjoni tindika wkoll li xi MTOs, b’mod partikolari d-Dell u l-HP, huma strateġikament aktar importanti minn MTOs oħrajn fil-ħila tagħhom li jipprovdu lil manifattur tas-CPUs aċċess għas-suq. Dawn jistgħu jiġu distinti minn MTOs oħrajn fuq il-bażi ta’ tliet kriterji ewlenin: (i) is-sehem fis-suq; (ii) presenza qawwija fl-aktar parti tas-suq li tħalli profitt; u (iii) il-ħila li jilleġittimizzaw CPU ġdid fis-suq. Konsegwentement, l-iżgħar MTOs mhumiex kapaċi jilleġittimizzaw s-CPUs il-ġodda bl-istess mod bħall-HP u d-Dell, b'mod partikolari fis-segment tal-kumpaniji, li hu l-aktar li jħalli profitt. |
2.3.1.4.
(33) |
Il-provi miġbura mill-Kummissjoni wasslu għall-konklużjoni li t-tnaqqis u l-pagamenti kondizzjonali tal-Intel wasslu għal-lealtà ta' MTOs importanti u ta’ bejjiegħ bl-imnut ewlieni, b’effetti komplementari f’dak li naqqsu b’mod sinifikanti l-ħila tal-kompetituri li jikkompetu fuq il-merti tas-CPUs tagħhom tal-arkitettura x86. L-imġiba antikompetittiva tal-Intel b’hekk irriżultat fi tnaqqis fl-għażla tal-konsumatur u f’inqas inċentivi għall-innovazzjoni. |
2.3.1.5.
(34) |
L-Intel ressqet żewġ tipi differenti ta’ argumenti sabiex tipprova tiġġustifika l-iskemi ta’ tnaqqis tagħha: (i) li, bl-użu tat-tnaqqis, l-Intel biss wieġbet għall-kompetizzjoni fil-prezz mar-rivali tagħha u għaldaqstant irreaġixxiet għall-kompetizzjoni; u (ii) li s-sistema tat-tnaqqis użata fil-konfront ta’ kull MTO individwali kienet meħtieġa biex jintlaħqu effiċjenzi importanti li huma applikabbli għall-industrija tas-CPU. Rigward tal-aħħar, l-Intel sostniet li hemm 4 tipi differenti ta’ effiċjenzi li ntlaħqu b’kull rekwiżit ta’ esklussività tat-tnaqqis tagħha: Prezzijiet aktar baxxi, ekonomiji ta’ skala, tfaddil ieħor mil-lat tal-ispiża u effiċjenzi fil-produzzjoni u effiċjenzi mil-lat tat-tqassim tar-riskju u tal-kummerċjalizzazzjoni. Barra minn dan, l-Intel saħqet li l-kundizzjonijiet marbuta mat-tnaqqis kienu indispensabbli biex jinkisbu dawn l-effiċjenzi u li l-impatt tagħhom fuq il-kompetizzjoni kien wieħed minuri għaliex, matul il-perjodu ta’ investigazzjoni, l-AMD kibret. |
(35) |
Il-Kummissjoni indirizzat dawn l-argumenti u analizzat safejn l-imġiba tal-Intel tkun adatta għall-kisba tal-effiċjenzi msemmija mill-Intel b'mod proporzjonat. Madankollu, il-Kummissjoni sabet li l-argumenti tal-Intel dwar ġustifikazzjoni oġġettiva ma jgħoddux għaliex jirrigwardaw b’mod aktar ġenerali mġiba li l-Kummissjoni m’oġġezzjonatx għaliha (jiġifieri skonti/provvista ta’ tnaqqis), u mhux imġiba li l-Kummissjoni oġġezzjonat għaliha (jiġifieri kundizzjonijiet marbuta mal-iskonti/tnaqqis) u l-ebda waħda mill-ġustifikazzjonijiet dwar l-effiċjenza ma jipprovdu ġustifikazzjoni relevanti għall-imġiba kkonċernata. |
2.3.1.6.
(36) |
Id-Deċiżjoni tikkonkludi li t-tnaqqis kondizzjonali mogħti mill-Intel lid-Dell, l-HP, in-NEC u l-MSH jammonta għal abbuż minn pożizzjoni dominanti taħt l-Artikolu 82 tat-Trattat u l-Artikolu 54 tal-Ftehim taż-ŻEE. |
2.3.2. Restrizzjonijiet ovvji
(37) |
L-Intel tat lill-MTOs l-ewlenin pagamenti suġġetti għall-kundizzjoni li dawn l-MTOs jipposponu jew iħassru t-tnedija ta’ prodotti bbażati fuq l-AMD u/jew li jagħmlu restrizzjonijiet fuq id-distribuzzjoni ta’ prodotti bbażati fuq l-AMD. Dan huwa l-każ għal:
|
(38) |
F’Irish Sugar, il-Qorti tal-Prim’Istanza kkonkludiet li hemm abbuż meta impriża dominanti tilħaq qbil “ma’ bejjiegħ bl-ingrossa u wieħed bl-imnut li tpartat prodotti taz-zokkor bl-imnut konkorrenti, jiġifieri pakkett ta’ kilogramm wieħed zokkor tal-Eurolux tal-Compagnie française de sucrerie, għall-prodott tagħha” (2) [Traduzzjoni mhux uffiċjali]. Permezz tal-ftehim ta' tpartit ikkonċernat, l-impriża dominanti waqqfet lid-ditta tal-kompetitur milli tkun preżenti fis-suq minħabba li l-bejjiegħa bl-imnut ma kienx għad baqalhom stokk ta' zokkor tad-ditta “Eurolux” u minflok issostitwewh b'zokkor tal-impriża dominanti. F’dan ir-rigward il-QPI sabet li “ir-rikorrent immina l-istruttura kompetittiva li s-suq Irlandiż tal-bejgħ bl-imnut taz-zokkor seta’ kiseb bid-dħul ta’ prodott ġdid, iz-zokkor tad-ditta Eurolux, billi wettaq skambju ta' prodotti, fiċ-ċirkustanzi msemmija hawn fuq, f'suq li fih kellu aktar minn 80 % mill-volum tal-bejgħ (3)” (Traduzzjoni mhux uffiċjali). |
(39) |
Id-Deċiżjoni tikkonkludi li l-imġiba tal-Intel kienet ta’ ħsara diretta għall-kompetizzjoni. Kien hemm dewmien jew xkiel għad-dħul fis-suq ta’ prodott li fornitur kien qed jippjana attivament li jvara. Għalhekk il-konsumaturi spiċċaw b’inqas għażla milli kieku kien ikollhom. L-imġiba tal-Intel ma tammontax għal kompetizzjoni normali fuq il-mertu. Barra minn dan, il-ħlasijiet ta’ flus tal-Intel lill-MTOs biex idewmu, iħassru jew b'xi mod ieħor jirrestrinġu l-varar ta' prodott ibbażat fuq l-AMD jew biex jirrestrinġu d-distribuzzjoni tiegħu ma kienu marbuta mal-ebda ġustifikazzjoni oġġettiva jew effiċjenza. |
2.3.3. Strateġija waħda
(40) |
Id-Deċiżjoni tistabbilixxi li kull imġiba tal-Intel fil-konfront tal-MTOs individwali msemmija hawn fuq u fil-konfront tal-MSH tammonta għal abbuż tal-Artikolu 82 tat-Trattat tal-KE, iżda li dawn l-abbużi individwali huma wkoll parti minn strateġija waħdanija bl-għan li teskludi lill-AMD, l-uniku kompetitur sinifikanti tal-Intel, mis-suq tas-CPUs tal-arkitettura x86. L-abbużi individwali huma għaldaqstant parti minn ksur waħdani tal-Artikolu 82 tat-Trattat tal-KE. |
(41) |
Id-Deċiżjoni żżid li l-prattiki tal-Intel, li kienu applikati b'mod kumulattiv f’żewġ livelli tal-katina tad-distribuzzjoni (MTOs ewlenin u bejjiegħ bl-imnut ewlieni) għandhom jiġu osservati fil-kuntest tat-theddida kompetittiva li qed tikber irrappreżentata mill-AMD. L-effetti tal-imġiba tal-Intel kienu komplementari f’dak li kienu jeskludu l-aċċess tal-kompetituri għas-suq u b'hekk inaqqsu b'mod sinifikanti l-ħila tagħhom li jikkompetu fuq il-merti tas-CPUs tagħhom. B’riżultat, il-klijenti aħħarin kienu mwaqqfa b'mod artifiċjali milli jagħżlu fuq il-bażi tal-mertu tagħhom (prezz u kwalità tas-CPUs) kompjuters li mhumiex ibbażati fuq l-Intel. |
(42) |
F’dan il-kuntest, il-Kummissjoni tfakkar ukoll il-każistika li skontha “fejn impriża waħda jew aktar f’pożizzjoni dominanti attwalment timplimenta prattika bl-għan li jitwarrab kompetitur, il-fatt li r-riżultat imfittex ma jinkisibx mhuwiex biżżejjed biex jiġi evitat li din il-prattika tiġi karatterizzata bħala abbuż minn pożizzjoni dominanti skont l-Artikolu 86 (issa Artikolu 82) tat-Trattat” (Traduzzjoni mhux uffiċjali) (4). |
3. DEĊIŻJONI
(43) |
Id-Deċiżjoni tistabbilixxi li l-Intel kisret l-Artikolu 82 tat-Trattat u l-Artikolu 54 tal-Ftehim taż-ŻEE billi wettqet ksur waħdieni u konwinwat tal-Artikolu 82 tat-Trattat u l-Artikolu 54 tal-Ftehim taż-ŻEE minn Ottubru 2002 sa Diċembru 2007 billi implimentat strateġija bl-għan li teskudi l-kompetituri mis-suq tas-CPU tal-arkitettura x86. |
(44) |
Ġiet imposta multa ta’ EUR 1 060 000 000 fuq il-Korporazzjoni Intel għall-ksur. |
(45) |
Il-Korporazzjoni Intel għandha ttemm il-ksur minnufih safejn għadu għaddej u għandha tastjeni minn kull att jew imġiba bl-istess għan jew effett jew b’għan jew effett ekwivalenti. |
(1) Kawża 85/76 Hoffmann-La Roche, [1979] Ġabra p. 461, punt 89.
(2) Kawża T-228/97, Irish Sugar, [1999] Ġabra p. II-2969, punt 226.
(3) Idem, punt 233.
(4) Kawżi T-24/93, T-25/93, T-26/93 u T-28/93 Compagnie Maritime Belge vs il-Kummissjoni, [1996] Ġabra, II-1201, punt 149; ara wkoll il-kawża C-202/07 P France Telecom vs il-Kummissjoni, li għadha ma ġietx ippubblikata, punti 107 sa 113.
22.9.2009 |
MT |
Il-Ġurnal Uffiċjali tal-Unjoni Ewropea |
C 227/18 |
Komunikazzjoni tal-Kummissjoni fil-qafas tal-implimentazzjoni tad-Direttiva 88/378/KEE tal-Kunsill dwar l-approssimazzjoni tal-liġijiet tal-Istati Membri rigward is-sigurtà tal-ġugarelli
(Test b’relevanza għaż-ŻEE)
(Pubblikazzjoni ta’ titli u referenzi ta’ standards armonizzati taħt id-direttiva)
2009/C 227/08
ESO (1) |
Referenza u titlu tal-istandard armonizzat (u d-dokument ta’ referenza) |
L-ewwel pubblikazzjoni fil-ĠU |
Referenza tal-istandard li ġie sostitwit |
Data tal-waqfa tal-prezunzjoni tal-konformità tal-istandard li ġie sostitwit Nota 1 |
CEN |
EN 71-1:2005+A8:2009 Sigurtà tal-ġugarelli – Parti 1: Propjetajiet mekkaniċi u fiżiċi |
30.4.2009 |
EN 71-1:2005+A6:2008 Nota 2.1 |
31.10.2009 |
Avviż: “Fil-każ tal-ġugarelli li għandhom missila bid-diska tal-lastku għall-impatt, il-kondizzjonijiet stipulati fil-klawżola 4.17.1 (b), skond liema it-test tat-tensjoni jsir skond il-klawżola 8.4.2.3, ma jkoprix ir-riskju ta’ fgar ippreżentat minn dawn il-gugarelli” – Deċiżjoni tal-Kummissjoni 2007/224/EC ta' l-4 ta' April 2007 (ĠU L 96, 11.4.2007, p. 18). |
||||
CEN |
EN 71-2:2006+A1:2007 Sigurtà tal-ġugarelli – Parti 2: Kapaċità li jieħdu n-nar malajr |
16.9.2008 |
EN 71-2:2006 Nota 2.1 |
Data skaduta (16.9.2008) |
CEN |
EN 71-3:1994 Sigurtà tal-ġugarelli – Parti 3: Migrazzjoni ta' ċerti elementi |
12.10.1995 |
EN 71-3:1988 Nota 2.1 |
Data skaduta (30.6.1995) |
EN 71-3:1994/A1:2000 |
14.9.2001 |
Nota 3 |
Data skaduta (31.10.2000) |
|
EN 71-3:1994/A1:2000/AC:2000 |
8.8.2002 |
|
|
|
EN 71-3:1994/AC:2002 |
15.3.2003 |
|
|
|
CEN |
EN 71-4:1990 Sigurtà tal-ġugarelli – Parti 4: Settijiet għal esperimenti għal attivitajiet ta' kimika u attivitajiet relatati |
9.2.1991 |
|
|
EN 71-4:1990/A1:1998 |
5.9.1998 |
Nota 3 |
Data skaduta (31.10.1998) |
|
EN 71-4:1990/A2:2003 |
9.12.2003 |
Nota 3 |
Data skaduta (31.1.2004) |
|
EN 71-4:1990/A3:2007 |
4.10.2007 |
Nota 3 |
Data skaduta (30.11.2007) |
|
CEN |
EN 71-5:1993 Sigurtà tal-ġugarelli – Parti 5: Ġugarelli ta' natura kimika (settijiet) minbarra settijiet għal esperimenti |
1.9.1993 |
|
|
EN 71-5:1993/A1:2006 |
31.5.2006 |
Nota 3 |
Data skaduta (31.7.2006) |
|
CEN |
EN 71-7:2002 Sigurtà tal-ġugarelli – Parti 7: Żebgħat li jitpinġew bis-swaba′ – Rekwiżiti u metodi ta' ttestjar |
15.3.2003 |
|
|
CEN |
EN 71-8:2003 Sigurtà tal-ġugarelli – Parti 8: Bandli, żrieraq u logħob għal attivitajiet simili biex jintużaw mill-familja fid-dar jew fil-beraħ |
9.12.2003 |
|
|
EN 71-8:2003/A1:2006 |
26.10.2006 |
Nota 3 |
Data skaduta (30.11.2006) |
|
CENELEC |
EN 62115:2005 Ġugarelli elettriċi – Sigurtà IEC 62115:2003 (Modifikat) + A1:2004 |
8.3.2006 |
EN 50088:1996 + A1:1996 + A2:1997 + A3:2002 Nota 2.1 |
Data skaduta (1.1.2008) |
Nota 1: |
Ġeneralment id-data ta’ waqfa tal-preżunzjoni ta’ konformità tkun id-data tar-revoka (“dow”), stabbilita mill-Organizzazzjonijiet Ewropej tal-Istandardizzar, iżda l-utenti għandhom jinnotaw li f’ċerti każijiet eċċezzjonali dan jista’ jkun mod ieħor. |
Nota 2.1: |
L-istandard il-ġdid (jew emendat) għandu l-istess għan bħall-istandard li ġie sostitwit. Fid-data speċifikata, l-istandard li ġie sostitwit, jieqaf milli jagħti preżunzjoni ta’ konformità mal-ħtiġijiet essenzjali tad-direttiva. |
Nota 2.2: |
L-istandard il-ġdid għandu għan usa’ mill-istandard li ġie sostitwit. Fid-data speċifikata, l-istandard li ġie sostitwit, jieqaf milli jagħti preżunzjoni ta’ konformità mal-ħtiġijiet essenzjali tad-direttiva. |
Nota 2.3: |
L-istandard il-ġdid għandu għan aktar speċifiku mill-istandard li ġie sostitwit. Fid-data speċifikata, l-istandard li ġie sostitwit (parzjalment) jieqaf milli jagħti preżunzjoni ta’ konformità mal-ħtiġijiet essenzjali tad-direttiva għal dawk il-prodotti li jaqgħu fil-għan tal-istandard ġdid. Ma tiġix effetwata preżunzjoni ta’ konformità mal-ħtiġijiet essenzjali tad-direttiva għall-prodotti li xorta jaqgħu fil-għan tal-istandard li ġie sostitwit (parzjalment), iżda li ma jaqgħux fil-għan tal-istandard il-ġdid. |
Nota 3: |
F’każ ta’ emendi, l-istandard ta’ referenza huwa EN CCCCC:YYYY, l-emendi preċedenti tiegħu, jekk kien hemm, u l-emenda l-ġdida kkwotata. Għalhekk l-istandard li ġie sostitwit (kolonna 3) jikkonsisti f’ EN CCCCC:YYYY u l-emendi preċedenti tiegħu, jekk kien hemm, iżda mingħajr l-emenda l-ġdida kkwotata. Fid-data speċifikata, l-istandard li ġie sostitwit jieqaf milli jagħti l-preżużjoni ta’ konformità mal-ħtiġijiet essenzjali tad-direttiva. |
NOTA:
— |
Kwalunkwe informazzjoni dwar id-disponibbiltà tal-istandards tista’ tinkiseb jew mill-Organizzazzjonijiet Ewropej tal-Istandardizzar jew mill-korpi nazzjonali tal-istandardizzar li l-lista tagħhom hija annessa mad-Direttiva 98/34/KE tal-Parlament Ewropew u tal-Kunsill emendata mid-Direttiva 98/48/KE. |
— |
Il-pubblikazzjoni tar-referenzi f’Il-Ġurnal Uffiċjali tal-Unjoni Ewropea ma timplikax li l-istandards huma disponibbli fil-lingwi kollha tal-Komunità. |
— |
Din il-lista tieħu post il-listi kollha preċedenti pubblikati f’Il-Ġurnal Ufficjali tal-Unjoni Ewropea. Il-Kummissjoni tiżgura l-aġġornament ta’ din il-lista. |
Aktar informazzjoni dwar standards armonizzati tinstab fl-Internet f’
http://ec.europa.eu/enterprise/newapproach/standardization/harmstds/
(1) ESO: Organizzazzjonijiet Ewropej ta’ l-Istandardizzar:
— |
CEN: Avenue Marnix 17, 1000 Brussels, BELGIUM. Tel. +32 25500811; fax +32 25500819 (http://www.cen.eu), |
— |
CENELEC: Avenue Marnix 17, 1000 Brussels, BELGIUM. Tel. +32 25196871; fax +32 25196919 (http://www.cenelec.eu), |
— |
ETSI: 650, route des Lucioles, 06921 Sophia Antipolis, FRANCE. Tel. +33 492944200; fax +33 493654716 (http://www.etsi.eu). |
22.9.2009 |
MT |
Il-Ġurnal Uffiċjali tal-Unjoni Ewropea |
C 227/20 |
Opinjoni tal-Kumitat Konsultattiv dwar l-Amalgamazzjonijiet mogħtija fil-laqgħa tiegħu tat-8 ta’ Diċembru 2008 rigward abbozz ta' deċiżjoni dwar il-Każ COMP/M.5153 – Arsenal/DSP
Relatur: Iir-Repubblika Ċeka
2009/C 227/09
1. |
Il-Kumitat Konsultattiv jaqbel mal-Kummissjoni li l-operazzjoni notifikata tikkostitwixxi konċentrazzjoni fit-tifsira tal-Artikolu 3(1)(b) tar-Regolament tal-Kunsill (KE) Nru 139/2004 dwar il-kontroll ta' konċentrazzjonijiet bejn impriżi (“ir-Regolament dwar l-Amalgamazzjonijiet”). |
2. |
Il-Kumitat Konsultattiv jaqbel mal-Kummissjoni li l-Ġurisdizzjoni tal-Kummissjoni kienet stabblita permezz tal-Artikolu 22(3), deċiżjoni tas-16 ta’ Mejju 2008 wara t-talbiet għar-riferiment mill-Awtoritajiet tal-Kompetizzjoni ta’ Spanja u l-Ġermanja taħt l-Artikolu 22(1) tar-Regolament tal-Amalgamazzjonijiet. |
3. |
Il-Kumitat Konsultattiv jaqbel mal-Kummissjoni li għall-iskopijiet tal-valutazzjoni tal-konċentrazzjoni ta’ bħalissa, is-swieq tal-prodotti rilevanti huma:
|
4. |
Il-Kumitat Konsultattiv jaqbel mal-Kummissjoni li għall-iskopijiet tal-valutazzjoni tal-konċentrazzjoni ta’ bħalissa:
|
5. |
Il-Kumitat Konsultattiv jaqbel mal-Kummissjoni li l-konċentrazzjoni proposta għandha twassal għal effetti unilaterali fis-suq madwar iż-ŻEE għall-aċdu benzojiku solidu ta’ grad tekniku, li bħala riżultat jimpedixxi b’mod sinifikanti l-kompetizzjoni effettiva fis-suq komuni jew f’parti sostanzjali minnu. |
6. |
Il-Kumitat Konsultattiv jaqbel mal-Kummissjoni li l-konċentrazzjoni proposta ma twassalx għal effetti unilaterali fis-suq għall-benżoat tas-sodju, irrespettivament mid-definizzjoni ġeografika, li bħala riżultat jimpedixxi b’mod sinifikanti l-kompetizzjoni effettiva fis-suq komuni jew f’parti sostanzjali minnu. |
7. |
Il-Kumitat Konsultattiv jaqbel mal-Kummissjoni li l-konċentrazzjoni proposta ma twassalx għal effetti koordinati fis-suq għall-benżoat tas-sodju, li bħala riżultat jimpedixxi b’mod sinifikanti l-kompetizzjoni effettiva fis-suq komuni jew f’parti sostanzjali minnu. |
8. |
Il-Kumitat Konsultattiv jaqbel mal-Kummissjoni li l-entità amalgamata ser ikollha abbiltà limitata u l-ebda inċentiv sabiex teskludi mis-suq il-kompetituri fis-suq downstream ta’ madwar iż-ŻEE għall-plastifikaturi tad-di-benzoat u, bħala riżultat, il-konċentrazzjoni proposta m’hi ser ikollha l-ebda impatt ħażin fuq dan is-suq downstream. |
9. |
Il-Kumitat Konsultattiv jaqbel mal-Kummissjoni li l-impenji sottomessi mill-partijiet, jiġifieri: it-tneħħija totali tal-aċdu benzojiku likwidu kif ukoll taż-żewġ prodotti downstream ta’ aċdu benzojiku solidu u benżoat tas-sodju huma biżżejjed biex ineħħu t-tħassib dwar il-kompetizzjoni minħabba l-konċentrazzjoni fis-suq madwar iż-ŻEE għall-aċdu benzojiku solidu ta’ grad tekniku. Minoranza tastjeni. |
10. |
Il-Kumitat Konsultattiv jaqbel mal-Kummissjoni li, suġġett għal konformità sħiħa mal-impenji offruti mill-partijiet, it-tranżazzjoni proposta mhijiex impediment kbir għal kompetizzjoni effettiva fis-Suq Komuni jew għal parti sostanzjali minnu, b'mod partikolari bħala riżultat tal-ħolqien jew it-tisħiħ ta' pożizzjoni dominanti, fl-ambitu tat-tifsira tal-Artikoli 2(2), 8(2) u 10(2) tar-Regolament tal-Amalgamazzjoni u li l-konċentrazzjoni proposta għandha għalhekk tiġi ddikjarata bħala kompatibbli mas-Suq Komuni u l-Ftehim taż-ŻEE. Minoranza tastjeni. |
11. |
Il-Kumitat Konsultattiv jirrakkomanda l-pubblikazzjoni tal-opinjoni tiegħu f'll Ġurnal Uffiċjali tal-Komunitajiet Ewropej. |
22.9.2009 |
MT |
Il-Ġurnal Uffiċjali tal-Unjoni Ewropea |
C 227/22 |
Rapport Finali (1) fil-Każ COMP/M.5153 – Arsenal/DSP
2009/C 227/10
L-abbozz tad-deċiżjoni jagħti lok għall-kummenti li ġejjin:
INTRODUZZJONI
Wara referenza skont l-Artikolu 22(1) tar-Regolament dwar l-Amalgamazzjoni (2) mingħand Spanja u l-Ġermanja, il-Kummissjoni rċeviet, fis-17 ta’ Ġunju tal-2008, notifika ta’ konċentrazzjoni proposta li permezz tagħha Arsenal Capital Partners (Arsenal) takkwista l-kontroll uniku fuq DSM Special Products B.V. (DSP) permezz tax-xiri tal-ishma.
Fis-6 ta’ Awwissu 2008 il-Kummissjoni bdiet proċedimenti fuq il-bażi li l-konċentrazzjoni qajmet dubji serji dwar il-kompatibbiltà tagħha mas-suq komuni (3).
Sussegwentement, fis-7 ta’ Ottubru tal-2008, Dikjarazzjoni ta’ Oġġezzjonijiet kienet innotifikata lil Arsenal li fiha l-Kummissjoni kkonkludiet li l-konċentrazzjoni tqajjem tħassib dwar il-kompetizzjoni orizzontali fi-suq tal-aċidu benżojku solidu u benżoat tas-sodju kif ukoll tħassib dwar il-kompetizzjoni vertikali fis-suq tal-plastiċiżżanti tal-benżoat, li huma mmanifatturati mill-aċidu benzojku.
Arsenal wieġbet għad-Dikjarazzjoni ta’ Oġġezzjonijiet fil-21 ta’ Ottubru tal-2008.
Aċċess għall-fajl
Il-parti li qed tinnotifika ingħatat aċċess għall-fajl tal-investigazzjoni tal-Kummissjoni kif kien jeżisti fil-jum tan-notifikazzjoni tad-Dikjarazzjoni ta' Oġġezzjonijiet fit-8 u d-9 ta' Ottubru tal-2008. Il-parti li kien fadal tal-fajl saret disponibbli sussegwentement flimkien mal-informazzjoni mhux kunfidenzjali li waslet wara n-notifikazzjoni tad-Dikjarazzjoni ta' Oġġezzjonijiet. Għalhekk ingħata aċċess ulterjuri fit-22 ta’ Ottubru kif ukoll fl-4 u l-5 ta' Novembru tal-2008.
Seduta Verbali
Fuq it-talba tal-parti li qed tinnotifika saret Seduta Verbali fis-27 ta’ Ottubru tal-2008, li għaliha attendew kemm Arsenal kif ukoll DSP.
Proċedura ta’ wara s-smigħ
In vista tas-sottomissjonijiet bil-miktub u dawk verbali tal-parti il-Kummissjoni reġgħet eżaminat uħud mis-sejbiet inizjali tagħha fid-Dikjarazzjoni ta' Oġġezzjonijiet u llimitat is-suq relevanti tal-prodott għall-plastiċiżżanti tal-benżoat biex ikopri biss il-plastiċiżżanti tad-dibenżoat u, bħala konsegwenza ta’ dan, adattat l-oġġezzjoni bbażata fuq l-effetti ta’ esklużjoni vertikali.
Sussegwentement, fl-4 ta’ Novembru tal-2008, intbgħatet Ittra ta’ Fatti li tispjega l-oġġezzjoni modifikata lill-parti li qed tinnotifika, li ngħatat l-opportunità biex tibgħat il-kummenti tagħha dwar l-elementi l-ġodda u l-konklużjonijiet li saru f’dik l-ittra. Fl-4 u l-5 ta’ Novembru tal-2008 ingħata aċċess għall-informazzjoni li fuqha l-Kummissjoni bbażat l-oġġezzjoni modifikata tagħha.
Fil-fehma tiegħi l-Ittra ta’ Fatti kienet kemm meħtieġa kif ukoll suffiċjenti sabiex jiġi żgurat li jiġi rispettat id-dritt tal-parti li qed tinnotifika li tingħata vuċi filwaqt li tingħata l-opportunità li tipproponi rimedji adegwati biex jitneħħew id-dubji modifikati fuq il-kompetizzjoni.
L-Impenji
Sabiex il-konċentrazzjoni ssir kompatibbli mas-suq komuni il-parti li qed tinnotifika ssottomettiet proposta ta' rimedji fis-6 ta' Novembru 2008, li kienet eżaminata fl-isfond tas-suq mill-Kummissjoni.
Il-parti li qed tinnotifika ingħatat aċċess għat-tweġibiet mhux kunfidenzjali tal-eżami fl-isfond tas-suq fil-21 ta' Novembru tal-2008.
Wara l-eżami fl-isfond tas-suq il-Kummissjoni qieset li r-rimedji ma kinux biżżejjed biex jitneħħew id-dubji identifikati fuq il-kompetizzjoni u, sussegwentement, fit-3 ta’ Diċembru tal-2008, Arsenal ipprovdiet proposta imtejba ta’ rimedji.
L-ABBOZZ TAD-DEĊIŻJONI
Fl-abbozz tad-Deċiżjoni, il-Kummissjoni abbandunat l-oġġezzjoni tagħha fir-rigward tas-suq tal-benżoat tas-sodju u l-plastiċiżżanti tal-benżoat Hija tikkonkludi wkoll li r-rimedji mtejba huma biżżejjed biex jitneħħew id-dubju identifikati dwar il-kompetizzjoni fir-rigward tas-suq tal-aċidu benzojku solidu. B’hekk il-Kummissjoni sabet li, suġġett għall-konformità mar-rimedji, il-konċentrazzjoni notifikata hija kompatibbli mas-suq komuni skont l-Artikolu 8(2) tar-Regolament dwar l-Amalgamazzjoni.
Ma saru l-ebda mistoqsijiet jew sottomissjonijiet mill-partijiet li qed tinnotifika jew minn xi parti terza oħra. In vista ta’ dan u meta wieħed iqis l-osservazzjonijiet li saru hawn fuq nikkunsidra li dan il-każ ma jitlobx xi kummenti partikolari fir-rigward tad-dritt ta’ smigħ.
Brussell, it-12 ta’ Diċembru 2008.
Michael ALBERS
(1) Skont l-Artikoli 15 u 16 tad-Deċiżjoni tal-Kummissjoni (2001/462/KE, KEFA) tat-23 ta' Mejju 2001 fuq it-termini ta' referenza tal-Uffiċjali tas-Smigħ f'ċerti proċedimenti dwar il-kompetizzjoni (ĠU L 162, 19.6.2001, p. 21).
(2) Ir-Regolament tal-Kunsill (KE) Nru 139/2004 tal-20 ta' Jannar 2004 (ĠU L 24, 29.1.2004, p. 1).
(3) Artikolu 6(1)(c) tar-Regolament (KE) Nru 139/2004.
22.9.2009 |
MT |
Il-Ġurnal Uffiċjali tal-Unjoni Ewropea |
C 227/24 |
Sommarju tad-Deċiżjoni tal-Kummissjoni
tad-9 ta’ Jannar 2009
li tiddikjara konċentrazzjoni kompatibbli mas-suq komuni u t-tħaddim tal-Ftehim taż-ŻEE
(Każ COMP/M.5153 – Arsenal/DSP)
(notifikata bid-dokument numru C(2008) 8439 finali)
(il-verżjoni bl-Ingliż biss hija awtentika)
(Test b’relevanza għaż-ŻEE)
2009/C 227/11
Fid-9 ta' Jannar 2009 il-Kummissjoni adottat Deċiżjoni f'każ ta' amalgamazzjoni skont ir-Regolament tal-Kunsill (KE) Nru 139/2004 tal-20 ta' Jannar 2004 dwar il-kontroll ta' konċentrazzjonijiet bejn impriżi (ir-Regolament tal-KE dwar l-Għaqdiet), u partikolarment l-Artikolu 8(2) ta' dak ir-Regolament. Verżjoni mhux kunfidenzjali tad-Deċiżjoni sħiħa hija disponibbli fl-ilsien awtentiku tal-każ u fl-ilsna proċedurali tal-Kummissjoni fuq is-sit elettroniku tad-Direttorat-Ġenerali għall-Kompetizzjoni, fl-indirizz li ġej:
http://ec.europa.eu/comm/competition/index_en.html
I. IL-ĠURIŻDIZZJONI
(1) |
Dan il-każ jikkonċerna notifika ta’ konċentrazzjoni proposta rċevuta mill-Kummissjoni fis-17 ta’ Ġunju 2008 wara talba ta’ diferiment skont l-Artikolu 22(1) tar-Regolament dwar l-Għaqdiet, li permezz tagħha l-impriża Arsenal Capital Partners (“Arsenal”, l-Istati Uniti tal-Amerika) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ tal-impriża DSM Special Products B.V. (“DSP”, l-Olanda), sussidjarja tar-Royal DSM N.V. (“DSM”, l-Olanda), permez ta’ xiri ta’ ishma. |
(2) |
F’dan il-każ il-ġurisdizzjoni tal-Kummissjoni hi mfassla fuq it-talba ta’ diferiment tat-2 ta’ April 2008 ippreżentata mill-Awtorità Spanjola dwar il-Kompetizzjoni skont l-Artikolu 22(1) tar-Regolament dwar l-Għaqdiet. L-Awtorità Ġermaniża dwar il-Kompetizzjoni ngħaqdet ma’ din it-talba fit-28 ta’ April 2008. Il-Kummissjoni aċċettat id-diferiment bid-deċiżjoni tas-16 ta' Mejju 2008, li ġiet ikkomunikata lill-parti li qed tinnotifika fid-29 ta’ Mejju 2008. |
II. IL-PARTIJIET
(3) |
L-Arsenal hi impriża ta’ ekwità privata li tikkontrolla, permezz tal-fund Arsenal Capital Partners QP tagħha, l-impriża tal-Velsicol Chemical Corporation (“Velsicol”, l-Estonja). Il-Velsicol tipproduċi plastiċizzanti, addittivi tal-ikel u intermedji industrijali. Hu l-unika negozju tal-Arsenal b’attivitajiet fis-settur milqut bit-transazzjoni. |
(4) |
Id-DSP, sussidjarja tad-DSM, tipproduċi addittivi tal-ikel u intermedji industrijali. |
(5) |
Il-Velsicol u kif ukoll id-DSP huma attivi fil-manifattura u fil-fornitura tal-aċidu benzoniku u tal-benzonat tas-sodju. Il-Velsicol timmanifattura wkoll plastiċizzanti tal-benzonat, prodott downstream tal-aċidu benzoniku, fiż-ŻEE (l-Estonja), l-Istati Uniti tal-Amerika u ċ-Ċina. Fiċ-Ċina, il-Velsicol tipproduċi dan il-prodott f’impriża konġunta mal-Wuhan Youji Industries Company Limited (“Wuhan”, iċ-Ċina), l-akbar kompetitur Ċiniż tal-partijiet għall-produzzjoni tal-aċidu benzoniku. Fl-Istati Uniti, il-Velsicol takkwista l-aċidu benzoniku għall-produzzjoni tal-plastiċizzanti minn Emerald Kalama Chemical LLC (“Emerald”, l-Istati Uniti), l-unika kompetitur Amerikan (l-Istati Uniti) tal-partijiet għall-produzzjoni tal-aċidu benzoniku, il-benzonat tas-sodju u tal-plastiċizzanti tal-benzonat. |
III. L-OPERAT
(6) |
L-operat jirrigwardja l-akkwist tal-kontroll tad-DSP mill-Arsenal. Id-DSP hi sussidjarja li hi propjetà sħiħa tad-DSM, il-bejjiegħ. It-transazzjoni li tikkonċerna l-manifattura tal-kimiċi bażiċi, tikkonsisti fl-akkwist ta' 100 % tal-ishma tad-DSP mill-Arsenal. |
(7) |
Madankollu, il-marka tal-fabbrika tal-VevoVitall se tibqa’ propjetà tad-DSM Nutritional Products (“DNP”, l-Olanda), sussidjarja tal-grupp DSM. Taħt il-ftehim ta’ fornitura ffirmat bejn id-DNP u d-DSP fil-5 ta’ Frar 2008, id-DSP se tibqa timmanifattura u tbigħ il-VevoVitall lid-DNP. Il-VevoVitall hi l-marka tal-fabbrika mogħtija lill-aċidu benzoniku ta’ purità għolja għall-użu fl-għalf tal-annimali; il-marka tal-fabbrika hi attwalment protetta minn brevett li hu l-propjetà tad-DSP. |
(8) |
Peress li t-transazzjoni se tagħti lill-Arsenal il-kontroll sħiħ tad-DSP permezz tal-akkwist tal-kapital azzjonarju sħiħ tagħha, dan jikkostitwixxi konċentrazzjoni hekk kif imfisser fl-Artikolu 3 (1)(b) tar-Regolament dwar l-Għaqdiet. |
IV. MEMORANDUM TA’ SPJEGAZZJONI
1. Is-swieq rilevanti
(9) |
It-transazzjoni tirrigwardja l-produzzjoni tal-aċidu benzojiku solidu ta’ grad tekniku, l-benzonat tas-sodju u l-plastiċizzanti tal-benzonat. Dawn il-prodotti huma manifatturati bl-użu tal-aċidu benzojiku likwidu bħala sors. Il-partijiet tat-transazzjoni huma l-unika produtturi tal-aċidu benzojiku likwidu ta’ grad tekniku, aċidu benzojiku solidu ta’ grad tekniku u benzonat tas-sodju fiż-ŻEE. Il-Velsicol tipproduċi wkoll plastiċizzanti tal-benzonat fiż-ŻEE. |
(10) |
Filwaqt li d-DSP kif ukoll il-Velsicol jipproduċu wkoll aċidu benzojiku likwidu ta’ grad tekniku, aċidu benzojiku solidu ta’ grad tekniku u benzonat tas-sodju fl-impjanti rispettivi tagħhom f’Rotterdam u fl-Estonja, l-attivitajiet tal-partijiet tat-transazzjoni għandhom konverġenza biss għal dak li jirrigwardja l-aċidu benzojiku solidu u l-benzonat tas-sodju hekk kif il-Velsicol tipproduċi aċidu benzoniku likwidu għall-użu vinkolatni biss. |
1.1. Is-suq għall-aċidu benzojiku solidu ta’ grad tekniku
1.1.1.
(11) |
Skont il-preżentazzjoni tal-parti li qed tinnotifika, il-Kummissjoni kkonkludiet li l-aċidu benzojiku ta’ grad tekniku jikkostitwixxi suq tal-prodott distint meta mqabbel ma’ aċti benzoniċi ta’ grad ogħla ta’ purità, jiġifieri aċidu benzoniku li hu ultra pur u aċidu benzoniku għall-għalf tal-annimali, waqt li jiġu kkunsidrati t-talba limitata u s-sostittwibbiltà min-naħa tal-fornitura bejn dawn il-prodotti. Barra minn hekk, mhemm l-ebda konverġenza bejn il-partijiet rigward l-aċidu benzoniku ta’ grad ogħla ta’ purità peress li d-DSP biss tipproduċi dan il-prodott. |
(12) |
Il-Kummissjoni kkonfermat ukoll fil-preżentazzjoni tal-parti li qed tinnotifika li l-aċidu benzoniku ta’ grad tekniku għandhu jiġi suddiviż aktar, f'aċidu benzoniku solidu u likwidu waqt li jiġu kkunsidrati it-talba limitata u s-sostittwibbiltà min-naħa tal-fornitura. B’mod partikolari, l-aċidu benzoniku likwidu ta’ grad tekniku jista’ jiġi trasportat biss b’mod limitat, minħabba li jeħtieġ teknoloġija speċjalizzata ta’ trasport biex jibqa’ likwidu. L-aċidu benzoniku solidu ta’ grad tekniku hu prodott billi jintuża “flaker”, makkinarju fejn l-aċidu benzoniku likidu hu solidifikat u ppakkjat. Il-forom differenti ta’ aċidu benzoniku ta’ grad tekniku (likwidu vs. solidu) jimplikaw li l-klijenti jeħtieġu faċilitajiet differenti, li jkunu tal-post, għat-trasport u għall-iproċessar għal dawn il-prodotti, u b’hekk it-tibdil minn prodott għall-ieħor mhux istantanju u jeħtieġ aġġustament tal-proċess u investimenti fit-tagħmir (1). |
(13) |
Skont l-informazzjoni ta' hawn fuq, il-Kummissjoni kkonkludiet li l-aċidu benzoniku solidu ta' grad tekniku (minn issa 'l quddiem “aċidu benzoniku solidu”) jikkostitwixxi suq tal-prodott separat. |
1.1.2.
(14) |
Il-parti li tinnotifika ppreżentat li s-suq ġeografiku relevanti tal-aċidu benzoniku solidu jkopri mill-inqas iż-ŻEE, l-Istati Uniti tal-Amerika u l-Asja, fejn dawn ir-reġjuni bażikament jammontaw għall-produzzjoni globali kollha. Din il-preżentazzjoni hi bbażata inter alia fuq il-fatt li l-flussi tal-kummerċ sinifikanti jsiru bejn żoni differenti tad-dinja. |
(15) |
L-investigazzjoni tas-suq mill-Kummissjoni wriet li, bil-kontra tal-preżentazzjonijiet tal-parti li qed tinnotifika, is-suq għall-aċidu benzoniku solidu hu mifrux maż-ŻEE għar-raġunijiet li ġejjin: (i) is-suq għall-aċidu benzoniku ta’ grad tekniku fiż-ŻEE hu fil-biċċa l-kbira dominat mill-produtturi li huma bbażati fiż-ŻEE, imma miċ-Ċina u mill-Istati Uniti tal-Amerika ġejjin biss importazzjonijiet marġinali, u din it-tendenza kienet kostanti mill-inqas għal dawn l-aħħar disa' snin; (ii) l-ispejjeż tat-trasport u t-tariffa doganali ta’ 6.5 % jikkostitwixxu barrieri importanti għad-dħul għall-produtturi li mhumiex Ewropej, (iii) il-klijenti jaħsbu li l-kwalità tal-aċidu benzoniku Ċiniż hi waħda baxxa meta mqabbla mal-aċidu benzoniku prodott mill-produtturi li huma bbażati fiż-ŻEE, u (iv) il-prezzijiet fir-reġjuni differenti, jiġifieri ż-ŻEE, l-Asja, l-Amerika ta’ Fuq, mhux qed jimxu bl-istess mod flimkien kif ikun mistenni fil-każ li jkun hemm suq globali usa’. B’hekk il-Kummissjoni kkonkludiet li s-suq ġeografiku relevanti tal-aċidu benzoniku solidu hu mifrux madwar iż-ŻEE. |
1.2. Is-suq għall-benzonat tas-sodju
1.2.1.
(16) |
Il-parti li tinnotifika ppreżentat li s-suq tal-prodott relevanti għall-benzonat tas-sodju għandu jinkludi l-benzonat tal-potassju, benzonat tal-kalċju u sorbati. L-investigazzjoni wriet li t-transazzjoni ma tagħtix lok għal tħassib ta’ kompetizzjoni dwar is-suq definit bl-aktar mod ristrett possibbli tal-benzonat tas-sodju. B’hekk il-Kummissjoni tħalli miftuħa l-mistoqsija fuq jekk il-benzonat tal-kalċju u l-benzonat tal-potassju ma jagħmlux parti mill-istess suq tal-prodott bħala l-benzonat tas-sodju. Madankollu, għal dak li jirrigwardja s-sorbati u minħabba r-riżultati tal-investigazzjoni, il-Kummissjoni tikkunsidra li l-benzonat tas-sodju jikkostitwixxi suq separat mis-sorbati. |
1.2.2.
(17) |
Il-parti li tinnotifika tikkunsidra li s-suq ġeografiku relevanti tal-benzonat tas-sodju jkopri mill-inqas il-produtturi fiż-ŻEE, l-Istati Uniti tal-Amerika u l-Asja, fejn bażikament jammontaw għall-produzzjoni globali kollha. |
(18) |
Ir-riżultati tal-investigazzjoni tas-suq mill-Kummissjoni mhumiex konklusivi: filwaqt li hemm ċerti fatturi li jippuntaw lejn suq mifrux taż-ŻEE, hemm ukoll fatturi li huma konsistenti ma' suq usa’ miż-ŻEE. Madankollu, peress li t-transazzjoni ma’ tagħtix lok għal xi tħassib dwar kompetizzjoni, lanqas dwar is-suq madwar iż-ŻEE definit bl-aktar mod ristrett, il-Kummissjoni tħalli miftuħa l-mistoqsija fuq jekk is-suq ġeografiku mhux usa’ jew le mis-suq taż-ŻEE. |
1.3. Is-suq għall-plastiċizzanti tal-benzonat
1.3.1.
(19) |
Il-parti li tinnotifika ppreżentat li l-plastiċizzanti kollha (inklużi, pereżempju, il-ftalati, il-polimeriċi, it-trimellitati, l-epossi jew il-plastiċizzanti tal-benzonat) għandhom ikunu kkunsidrati li jikkostitwixxu suq tal-prodott singolu wieħed hekk kif ħafna mill-platiċizzanti jistgħu jkunu sostitwiti minn plastiċizzant ieħor li jaqa’ f’kategorija differenti. Hekk kif il-parti li tinnotifika tipproduċi plastiċizzanti tal-benzonat, il-Kummissjoni għamlet evalwazzjoni fuq jekk il-plastiċizzanti tal-benzonat mhux parti minn suq usa’ tal-plastiċizzanti jew forma ta’ suq minnhom infushom. |
(20) |
Ir-riżultati tal-investigazzjoni tal-Kummissjoni wrew li l-plastiċizzanti tal-benzonat mhumiex teknikament sustitwibbli mal-plastiċizzanti l-oħrajn kollha iżda ma’ proporzjon limitat (l-hekk imsemmijin plastiċizzanti tal-ftalati). Madankollu, peress li l-ftalati huma soġġetti għal regolamenti ġodda tal-UE minħabba t-tossiċità tagħhom, hemm biss numru żgħir ħafna ta’ applikazzjonijiet (bħall-art magħmula mill-PVC) li għalihom il-plastiċizzanti tal-ftalati u tal-benzonat huma sustitwibbli. B’hekk il-Kummissjoni ddeċidiet li l-plastiċizzanti tal-benzonat jiffurmaw suq tal-prodott tagħhom infushom. |
(21) |
Fil-plastiċizzanti tal-benzonat, hemm tipi differenti ta’ dan il-prodott bħal mono-benzonati, di-benzonati, tri-benzonati, tetra-benzonati u taħlitiet varji ta’ benzonati. Il-maġġoranza tal-prodotti tal-plastiċizzant tal-Velsicol jaqgħu fil-kategorija tal-plastiċizzanti tad-di-benzonat. |
1.3.2.
(22) |
Is-suq ġeografiku għall-plastiċizzanti tad-di-benzonat hu soġġett għall-istess restrizzjonijiet, bħall-ispejjeż tat-trasport u tariffi doganali, kif ukoll is-swieq għall-aċidu benżoniku u l-benzonat tas-sodju. L-ispejjeż tat-trasport jammontaw għal madwar 8-10 % tal-ispiża tal-prodott ittrasportat bejn l-Istati Uniti u l-Ewropa. Il-plastiċizzanti tad-di-benzonat li jidħlu fiż-ŻEE huma, bħall-aċidu benzoniku u l-benzonat tas-sodju, soġġetti għal tariffa doganali ta’ 6.5 %. |
(23) |
Barra minn hekk, l-Emerald, il-produttriċi mill-Istati Uniti tal-Amerika u li mhix parti miż-ŻEE, hi l-unika kompetitriċi tal-Velsicol li tesporta il-plastiċizzanti tad-di-benzonat fiż-ŻEE u li attwalment għandha sehem tas-suq ta’ [5-10] % (2). Mhemm l-ebda esportazzjonijiet ta’ dan il-prodott miċ-Ċina għaż-ŻEE. |
(24) |
B’hekk il-Kummissjoni kkonkludiet li s-suq għal plastiċizzanti tad-di-benzonat hu mifrux fiż-ŻEE fl-ambitu tiegħu, u li r-restrizzjoni kompetittiva eżerċitata mill-produttur tal-Istati Uniti, l-Emerald, hi limitata ħafna. |
2. Il-valutazzjoni kompetittiva
2.1. Is-suq għall-aċidu benzojiku solidu ta’ grad tekniku
(25) |
Il-produtturi prinċipali ta' madwar id-dinja tal-aċidu benzoniku solidu huma l-Velsicol, id-DSP, l-Emerald (l-Istati Uniti tal-Amerika) u l-Wuhan (iċ-Ċina). Bosta produtturi Ċiniżi iżgħar oħrajn huma attivi wkoll. Madankollu, kif jidher hawn taħt, il-Velsicol u d-DSP huma l-uniċi fornituri kredibbli tal-aċidu benzoniku fiż-ŻEE. L-ishma tas-suq tal-partijiet għat-transazzjoni u tal-kompetituri tagħhom fl-2007 għall-provisti tal-aċidu benzoniku solidu fiż-ŻEE huma kif ġejjin: Aċidu benzoniku – l-ishma tas-suq fuq il-livell taż-ŻEE fl-2007 (suq merkantili)
|
(26) |
Qabel it-transazzjoni, id-DSP u l-Velsicol huma l-uniċi żewġ produtturi tal-aċidu benzoniku solidu li huma bbażati fiż-ŻEE b’ishma tas-suq li huma diġa għoljin ħafna. Il-produtturi li mhux bbażati fiż-ŻEE jesportaw biss volum marġinali ħafna ta’ aċidu benzoniku lejn iż-ŻEE u dan kien kostanti matul dawn l-aħħar disa’ snin. |
(27) |
Wara t-transazzjoni, l-entità l-ġdida għandha tgawdi minn pożizzjoni li hi kważi dik ta’ monopolju b’sehem tas-suq kombinat b’livell għoli daqs ta’ 90-100 % fiż ŻEE, fejn il-produtturi l-oħra, bħall-Emerald (l-Istati Uniti tal-America) u il-Wuhan (iċ-Ċina), għandhom ikollhom biss preżenza marġinali ħafna. |
(28) |
L-investigazzjoni tas-suq ikkonfermat li l-partijiet li qed jieħdu sehem fit-transazzjoni huma l-eqreb kompetituri ta’ xulxin meta jiġi kkunsidrat it-tħassib imqajjem minn klijenti dwar prodotti Ċiniżi u l-preżenza limitata ħafna ta’ produtturi Ċiniżi u Amerikana fiż-ŻEE. Għalhekk, it-transazzjoni għandha twassal għat-tneħħija ta’ restrizzjonijiet kompetittivi importanti li l-partijiet li qed jieħdu sehem fit-transazzjoni kienu qed jagħmlu qabel lil xulxin. |
(29) |
Flimkien mal-ishma tas-suq li huma għoljin ħafna, l-investigazzjoni tas-suq mill-Kummissjoni wriet li l-produtturi fiż-ŻEE huma protetti minn barrieri importanti għad-dħul, bħat-tariffi tal-klijenti u tal-ispejjeż tat-trasport li jillimitaw id-dħul jew l-espansjoni tal-kompetituri Ċiniżi jew Amerikani fiż-ŻEE. Il-prodotti Amerikani u Ċiniżi għandhom spejjeż u tariffi ta’ trasportazzjoni addizzjonali li jirrappreżentaw madwar 10-15 % tal-prezz tal-aċidu benzoniku solidu. |
(30) |
B’hekk il-Kummissjoni tikkonkludi li hu wisq improbabbli li l-produtturi Amerikani jew Ċiniżi tal-aċidu benzoniku għandhom iżidu b'mod sostanzjali l-bejgħ tagħhom fiż-ŻEE jekk l-entità amalgamata tiddeċiedi li żżid il-prezzijiet jew tirrestrinġi l-produzzjoni fiż-ŻEE. |
(31) |
In-nuqqas tal-pressjoni kompetittiva mill-Wuhan u mill-Emerald fuq il-produtturi fiż-ŻEE hi illustrata l-aħjar bil-fatt li ħadd minn dawn iż-żewġ produtturi ma żiedu l-bejgħ tagħhom fiż-ŻEE meta l-kondizzjonijiet tas-suq fis-suq tal-aċidu benzoniku kienu ristretti ħafna fl-2007 u fil-bidu tal-2008 minħabba t-twaqqif milli joperaw tal-impjanti ta’ żewġ produtturi fiż-ŻEE, għal raġunijiet ta’ manutenzjoni li jsiru fl-istess ħin jew għal żmien twil mhux tas-soltu. Minflok, il-Wuhan effettivament żiedet il-prezzijiet tal-aċidu benzoniku tagħha. Għalhekk, ir-restrizzjonijiet kompetittivi li huma eżerċitati mill-kompetituri, wara it-transazzjoni, jidhru li huma limitati ħafna, u hu improbabbli li l-kompetituri tal-entità amalgamata jistgħu jfixklu kull żidiet fil-prezzijiet fiż-ŻEE. |
(32) |
Skont dak li hu msemmi hawn fuq, il-Kummissjoni kkonkludiet li t-transazzjoni proposta għandha twassal għal impediment sinifikanti ta’ kompetizzjoni effettiva fis-suq taż-ŻEE tal-aċidu benzoniku solidu. |
2.2. Is-suq għall-benzonat tas-sodju
(33) |
Il-konverġenza orizzontali bejn l-attivitajiet tal-partijiet fil-manifattura u fil-fornitura tal-benzonat tas-sodju għandha tirriżulta fl-entità amalgamata li ssir l-unika produttriċi tal-benzonat tas-sodju fiż-ŻEE b’sehem tas-suq ta’ [60-70] %, filwaqt li madwar [30-40] % għandhom ikunu f’idejn il-produtturi Ċiniżi. |
(34) |
Is-sehem tas-suq miżmum mill-produtturi Ċiniżi jidher li hu restrizzjoni sinifikanti li għandha tiddixxipplina l-entita’ kombinata wara it-transazzjoni, jekk tkun biħsieba li żżid il-prezzijiet tal-livelli kompetittivi ta’ hawn fuq. Dan hu ddokumentat l-aħjar bl-iżvilupp tal-persentaġġ marġini gross taż-żewġ partijiet tat-transazzjoni fiż-ŻEE (li jista’ jkunu maħsub bħala l-kelj tal-grad tal-kompetizzjoni fis-suq) li beda jonqos b’mod gradwali matul iż-żmien hekk kif l-esportazzjonijiet Ċiniżi tal-benzonat tas-sodju kienu qed jiżdiedu. |
(35) |
Flaħħar, il-kapaċitajiet ta’ riserva tal-produtturi Ċiniżi u tal-Wuhan jindikaw b’mod partikolari li l-Wuhan għandha jkollha l-abbiltà li tforni aktar prodotti liż-ŻEE jekk l-entità amalgamata żżid il-prezzijiet tal-benzonat tas-sodju aktar mil-livelli kompetittivi. |
(36) |
Minħabba dak li hu msemmi hawn fuq, il-Kummissjoni kkunsidrat li l-abbiltà u l-inċentiv tal-entità kombinata biex iżżid il-prezzijiet b’mod unilaterali wara l-amalgazzjoni fiż-ŻEE ‘il fuq minn livell kompetittiv għandhom ikunu restritti l-aktar bl-importazzjonijiet tal-benzonat miċ-Ċina kif ukoll bit-theddieda ta’ żieda tal-importazzjoni miċ-Ċina. B’hekk, il-Kummissjoni kkonkludiet li t-transazzjoni proposta ma għandhiex twassal għal impediment sinifikanti ta’ kompetizzjoni effettiva fis-suq tal-benzonat tas-sodju, irrespettivament jekk l-ambitu ta' dan is-suq hu ta’ madwar iż-ŻEE jew ta’ madwar id-dinja kollha. |
(37) |
Il-Kummissjoni eżaminat ukoll jekk it-transazzjoni proposta ma għandhiex toħloq jew issaħħaħ pożizzjoni dominanti kollettiva jew le fuq is-suq tal-benzonat tas-sodju u sabet li hu improbabbli li t-transazzjoni għandha twassal għal tali riżultat. Dan hu minħabba li l-produtturi Ċiniżi żiedu l-bejgħ tagħhom fiż-ŻEE b’aktar minn 400 % mill-1999 sal-2007 u attwalment jammonta għal madwar [25-45] % tas-suq taż-ŻEE. B’hekk kwalunkwe skema ta’ koordinazzjoni teħtieġ il-parteċipazzjoni tal-produtturi Ċiniżi, daqs li kieku l-entità amalgamata u l-produttur Amerikan involuti fi skemi ta’ koordinazzjoni ta’ kull tip, aktarx li tkun twassal f’aktar żidiet ta’ esportazzjonijiet Ċiniżi liż-ŻEE peress li l-esportaturi Ċiniżi jkun irnexxilhom iżidu s-sehem tagħhom tas-suq fl-aħħar disa’ snin b’35 %. |
(38) |
B’hekk il-mistoqsija li tibqa hi jekk il-produtturi Ċiniżi mhux ser isibuha bħala ta’ profitt jew le li jidħlu fi skema ta’ koordinazzjoni. Hekk kif il-produtturi Ċiniżi rnexxilhom iżidu l-esportazzjonijiet lejn iż-ŻEE b'400 % fl-aħħar disa’ snin, hu improbabbli li l-imġiba tagħhom tinbidel wara t-transazzjoni. Barra minn dan, hu importanti li jkun innotat li hemm erba’ produtturi Ċiniżi, u b’hekk kwalunkwe skema ta’ koordinazzjoni għandha teħtieġ parteċipazzjoni ta’ bosta minnhom (jekk mhux kollha) hekk kif jidher li hemm kapaċitajiet ta’ riserva kbar fiċ-Ċina. |
(39) |
B’hekk il-Kummissjoni fl-aħħar ikkonkludiet li l-akkwist tad-DSP minn Velsicol ma għandhiex toħloq jew iżżid kwalunkwe inċentiv għall-produtturi tal-benzonat tas-sodju biex jikkordinaw l-attivitajiet tagħhom. |
2.3. Is-suq għall-plastiċizzanti tal-benzonat
2.3.1.
(40) |
L-aċidu benzoniku hu l-komponent prinċipali użat biex jiġu prodotti l-plastiċizzanti tad-di-benzonat, hekk kif 0.75 ta’ tunnellata ta’ aċidu benzoniku hu neċessarju biex tiġi prodotta tunnellata ta' plastiċizzanti tad-di-benzonat. Mhemm l-ebda sostitut għall-aċidu benzoniku, u l-entità amalgamata għandha tkun l-unika produttriċi tal-aċidu benzoniku likwidu fiż-ŻEE u għandha jkollha [90-100] % tas-suq tal-aċidu benzoniku solidu. Attwalment il-produtturi kollha tal-plastiċizzanti għandhom kuntratti għal tul ta’ żmien għall-fornitura tal-aċidu benzoniku likwidu, b’wieħed mill-erba’ produtturi (Ferro) li dan l-aħħar ġew offruti kuntratt ġdid għal tul ta’ żmien għall-fornitura tal-aċidu benzoniku likwidu. |
(41) |
Il-Kummissjoni kkonkludiet li, filwaqt li l-entità amalgamata għandha jkollha saħħa tas-suq vis-à-vis il-kompetituri downstream tagħha rigward il-fornitura tal-aċidu benzoniku solidu, l-abbiltà tagħha li teskludi l-kompetituri downstream għandu ikun limitat minħabba l-eżistenza tal-kuntratti għal tul ta' żmien. |
2.3.2.
(42) |
Qabel it-transazzjoni, id-DSP mhix f’kompetizzjoni mal-produtturi tal-plastiċizzanti tal-benzonat u għandha inċentiv li tforni dawn il-produtturi b’aċidu benzoniku bi prezz li jkun kompetittiv biżżejjed biex jippermettilhom li jibqgħu fis-suq b’mod li jkollhom qliegħ. L-akkwist tad-DSP mill-Velsicol ibiddel l-inċentiv tad-DSP hekk kif din tal-aħħar għandha mbagħad issir parti minn kumpanija integrata b’mod vertikali li tforni aċidu benzoniku iżda tipproduċi wkoll plastiċizzanti tad-di-benzonat. B’hekk l-inċentiv tad-DSP/tal-Velsicol biex teskludi l-kompetituri downstream tagħha għandha tiddependi fuq il-profitt ta’ strateġija ta’ esklużjoni bħal din. |
(43) |
L-analiżi tal-Kummissjoni wriet li l-entità amalgamata ma għandha jkollha l-ebda inċentiv biex teskludi kwalunkwe waħda mill-erba’ kumpaniji tal-plastiċizzanti tal-benzonat (Caffaro, Ferro, Evonik u Exxon Mobil), peress li l-profitt li għandha tagħmel fis-suq downstream tal-plastiċizzanti tal-benzonat ikun aktar milli bbilanċjat mit-telf fis-suq upstream tal-aċidu benzoniku likwidu. |
2.3.3.
(44) |
Hekk kif il-Velsicol/id-DSP għandha jkollha abbiltà limitata biex teskludi u f’kull każ l-ebda inċentiv biex teskludi kwalunkwe wieħed mill-kompetituri tagħha fiż-ŻEE, it-transazzjoni ma għandha jkollha l-ebda impatt fis-suq downstream. |
3. Rimedji
3.1. L-ewwel sett ta’ rimedji
(45) |
Fis-6 ta’ Novembru 2008 il-parti li tinnotifika pproponiet rimedji sabiex tindirizza t-tħassib tal-Kummissjoni dwar is-suq għall-aċidu benzoniku solidu. Bħala rimedji l-parti li tinnotifika offriet it-tneħħija tal-kapaċità tal-produzzjoni kollha tal-aċidu benzoniku solidu u tal-benzonat tas-sodju fl-impjant Estonjan hekk kif ukoll il-listi tal-klijenti ta’ madwar id-dinja għall-aċidu benzoniku u għall-benzonat tas-sodju. Dwar l-aċidu benzoniku likwidu, is-sors ewlieni għall-produzzjoni tal-aċidu benzoniku solidu u tal-benzonat tas-sodju, il-parti li tinnotifika pproponiet il-ħolqien ta' Impriża Konġunta (“IK”) fl-istess impjant Estonjan. Kull sieħeb tal-IK għandu jingħata 50 % tal-kapaċità tal-produzzjoni attwali tal-aċidu benzoniku likwidu. Filwaqt li l-IK għandha tiġi kontrollata b’mod konġuint miż-żewġ imsieħba, il-parti li tinnotifika għandha jkollha l-propjetà ta’ 51 % tal-ishma u l-bqija tal-ishma għanha tkun il-propjetà tax-xerrej. |
(46) |
Il-maġġoranza vasta ta' dawk li wieġbu (12 minn 15) għat-test tas-suq mill-Kummissjoni dwar ir-rimedji proposti kkunsidraw li din tal-aħħar mhix se tassigura l-vijabbiltà tan-negozju mibjugħ u ma għandhiex terġa tistabbilixxi l-kompetizzjoni fis-suq għall-aċidu benzoniku solidu. |
(47) |
L-oppożizzjoni ewlenija għall-impenji relatati mal-IK għall-aċidu benzoniku likwidu. B’mod partikolari, dawk li wieġbu emfasizaw li l-parti li tinnotifika, peress li għandha kontroll b’mod konġunt fuq l-aċidu benzoniku likwidu, li hu s-sors ewleniji għall-produzzjoni tal-aċidu benzoniku solidu, għandha tibqa jkollha influwenza fuq il-produzzjoni tal-aċidu benzoniku solidu. F’suq duwopolju, għaqda strutturali bħal din bejn ix-xerrej tan-negozju mibjugħ u l-entita’ amalgamata, l-unika żewġ produtturi tal-aċidu benzoniku solidu fiż-ŻEE, x’aktarx li se timpedixxi kompetizzjoni effettiva. Uħud minn dawk li wieġbu esprimew ukoll it-tħassib li (i) il-prinċipju tat-teħid ta’ deċiżjonijiet komuni jipperikola l-amministrazzjoni ta’ kuljum tan-negozju, u (ii) l-IK għandha żżid it-trasparenza fis-suq għall-aċidu benzoniku solidu hekk kif il-parti li tinnotifika għandha tkun konxja tal-istruttura tal-ispejjeż tal-unika kompetitur tagħha fiż-ŻEE. |
(48) |
Barra minn hekk, uħud minn dawk li wieġbu qalu li l-parti li tinnotifika ma għandhiex ikollha interess biex tibda estensjoni tal-kapaċità fl-impjant Estonjan (b’mod konġiunt max-xerrej) iżda aktar fis-sit ta’ Rotterdam. Għalhekk, ix-xerrej għandu jinvesti b’mod unilaterali biex iżid il-kapaċità tal-produzzjoni fl-Estonja u b’hekk iħallas l-ispejjeż relatati kollha għall-kapaċità miżjuda, li skont il-parti li tinnotifika għandha tkun mill-inqas 20 Ktpa. Dawk li wieġbu kkunsidraw li x-xerrej ma għandux jagħmel investiment bħal dan sakemm ma jiggwadanjax il-maġġoranza tas-sehem tal-IK u l-kontroll tal-IK. |
(49) |
Skont l-informazzjoni ta’ hawn fuq, kien konkluż li l-ewwel sett ta’ rimedji ppreżentati mill-parti li tinnotifika ġie rifjutat mis-suq. L-istruttura tal-IK ma kinetx ikkunsidrata bħala ta’ xorta li tista’ tiżgura l-vijabbiltà tan-negozju mibjugħ, u kien hemm kunsens fis-suq biex jiġi kkunsidrat li l-parti li tinnotifika għandha żżomm kontroll de facto tal-produzzjoni tal-aċidu benzoniku solidu. L-ewwel proposta ta’ rimedju, filwaqt li jitneħħa xi ftit mit-tħassib tal-kompetizzjoni mqajma bit-transazzjoni, ma neħħietx it-tħassib kollu. B’hekk il-Kummissjoni kkonkludiet li l-ewwel sett ta’ rimedji ma setgħux ikunu aċċettati. |
3.2. It-tieni sett ta’ rimedji
(50) |
Fit-3 ta’ Diċembru 2008 l-Arsenal ippreżentat sett emendat ta’ rimedji li jinkludu t-tneħħija tal-impjant upstream tal-aċidu benzoniku likwidu fis-sit Estonjan u t-tneħħija taż-żewġ impjanti downstream tal-aċidu benzoniku solidu u tal-benzonat tas-sodju fis-sit Estonjan flimkien mat-trasferiment tal-klijenti ta’ madwar id-dinja tal-Arsenal għall-aċidu benzoniku solidu u għall-benzonat tas-sodju. |
(51) |
It-tielet impjant downstream li jibqa fis-sit Estonjan għall-produzzjoni tal-plastiċizzanti tal-benzonat għandu jibqa’ bħala propjetà tal-Arsenal, u l-ħtiġijiet tiegħu għall-aċidu benzoniku likwidu għandu jkun megħjun minn kuntratt għal tull ta’ żmien indeterminat max-xerrej tan-negozju mibjugħ. Permezz ta’ dan il-kuntratt ta’ fornitura għal żmien twil, l-Arsenal għandha tiġi intitolata għal 50 % tal-kapaċità tal-aċidu benzoniku likwidu tal-impjant. Il-prezz tal-aċidu benzoniku likwidu skont il-ftehim tal-fornitura għandu jiġi ddeterminat fuq il-bażi tal-ispejjeż ta’ bħalissa u indiċi ta’ formula għall-ipprezzar. |
(52) |
It-tieni proposta tar-rimedji għandha tieħu ħsieb it-tħassib rifless fuq ir-rimedji tat-test tas-suq, b’mod partikolari l-aktar tħassib sinifikanti li jirrigwardaw l-IK biex tinħoloq mix-xerrej u l-Arsenal taħt l-ewwel sett ta' impenji. Skont is-sett il-ġdid ta' rimedji, ir-rabta strutturali bejn in-negozju mibjugħ u l-Arsenal (permezz l-IK upstream tal-aċidu benzoniku likwidu) għandha tisparixxi. Ir-rimedji l-ġodda għandhom isolvu wkoll it-tħassib li nstab mit-test tas-suq li x-xerrej tal-beni mibjugħin hu improbabbli li se jagħmel kwalunkwe espansjoni tal-kapaċità fl-Estonja fil-qafas ta’ IK li fiha kellha biss sehem minotarju. |
V. KONKLUŻJONI
(53) |
Minħabba t-tieni sett ta’ impenji ppreżentati mill-Arsenal, id-deċiżjoni tikkonkludi li l-konċentrazzjoni proposta mhix ser timpedixxi b'mod sinifikanti l-kompetizzjoni effettiva fis-Suq Komuni jew f'parti sostanzjali tiegħu. |
(54) |
Bħala konsegwenza, id-deċiżjoni tiddikjara l-konċentrazzjoni bħala kompatibbli mas-Suq Komuni u mal-iffunzjonar tal-Ftehim taż-ŻEE, b'konformità mal-Artikolu 2(2) u l-Artikolu 8(2) tar-Regolament tal-KE dwar l-Għaqdiet u mal-Artikolu 57 tal-Ftehim taż-ŻEE. |
(1) Eżempju, klijent li juża aċidu benzoniku solidu jeħtieġ tagħmir li jħoll l-aċidu benzoniku qabel ma jkun jista' jintuża fil-proċess ta’ produzzjoni.
(2) Is-sehem fis-suq madwar id-dinja tal-Velsicol għall-plastiċizzanti tal-benzonat kien ta’ [60 %-70 %] fl-2007, meta mqabbel mal-[10 %-20 %] għall- Emerald. Sors: Minn CO.
V Avviżi
PROĊEDURI GĦALL-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni
22.9.2009 |
MT |
Il-Ġurnal Uffiċjali tal-Unjoni Ewropea |
C 227/30 |
Notifika minn qabel ta' konċentrazzjoni
(Każ COMP/M.5557 – SNCF-P/CDPQ/Keolis/Effia)
(Test b’relevanza għaż-ŻEE)
2009/C 227/12
1. |
Fil-15 ta’ Settembru 2009, il-Kummissjoni rċeviet notifika ta’ proposta għal konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi SNCF-Participations (Franza), li tappartjeni għall-grupp SNCF, kif ukoll il-Caisse de Dépôt et de Placement du Québec (CDPQ – Québec), jakkwistaw, fl-ambitu tat-tifsira tal-Artikolu 3(1)(b) tar-Regolament tal-Kunsill, il-kontroll konġunt kollu tal-impriża Keolis u tas-soċjetà Effia. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l’operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301 jew 22967244) jew bil-posta, taħt in-numru ta' referenza COMP/M.5557 – SNCF-P/CDPQ/Keolis/Effia, fl-indirizz li ġej:
|
22.9.2009 |
MT |
Il-Ġurnal Uffiċjali tal-Unjoni Ewropea |
C 227/31 |
Irtirar ta' notifika ta' konċentrazzjoni
(Każ COMP/M.5601 – RREEF FUND, UFG/SAGGAS)
(Test b’relevanza għaż-ŻEE)
2009/C 227/13
(Regolament tal-Kunsill (KE) Nru 139/2004)
Fis-26 ta' Awwissu 2009, il-Kummissjoni tal-Komunitajiet Ewropej irċeviet notifika ta' konċentrazzjoni proposta bejn RREEF FUND, UFG u SAGGAS. Fis-16 ta' Settembru 2009, il-partijiet notifikanti infurmaw lill-Kummissjoni li huma kienu qed jirtiraw in-notifika.