24.5.2008

Il-Ġurnal Uffiċjali ta’ l-Unjoni Ewropea

C 128/2

Sentenza tal-Qorti tal-Ġustizzja (Awla Manja) tat-8 ta' April 2008 — Il-Kummissjoni tal-Komunitajiet Ewropej vs Ir-Renju ta' l-Iżvezja

(Kawża C-167/05) (1)

(Nuqqas ta' Stat li jwettaq obbligu - It-tieni subparagrafu ta' l-Artikolu 90 KE - Taxxi interni fuq prodotti ta' Stati Membri oħra - Taxxi ta' natura li jipproteġu indirettament produzzjonijiet oħra - Projbizzjoni ta' diskriminazzjoni bejn prodotti impurtati u prodotti nazzjonali kompetituri - Dazji tas-sisa - Tassazzjoni differenti tal-birra u ta' l-inbid - Oneru tal-prova)

(2008/C 128/02)

Lingwa tal-kawża: L-Iżvediż

Partijiet

Rikorrenti: Il-Kummissjoni tal-Komunitajiet Ewropej [rappreżentanti: L. Ström van Lier, K. Gross, K. Simonsson u R. Lyal, aġenti]

Konvenut: Ir-Renju ta' l-Iżvezja [rappreżentant: K. Wistrand, aġent]

Partijiet intervenjenti in sostenn tal-konvenut: Ir-Repubblika tal-Latvja [rappreżentanti: E. Balode-Buraka u E. Broks, aġenti]

Suġġett

Nuqqas ta' Stat li jwettaq obbligu — Ksur tat-tieni subparagrafu ta' l-Artikolu 90 KE — Tassazzjoni interna fuq l-alkoħol u x-xorb alkoħoliku li jolqot b'mod aktar sostanzjali l-inbid milli l-birra.

Dispożittiv

1)	Ir-rikors huwa miċħud.

2)	Il-Kummissjoni tal-Komunitajiet Ewropej hija kkundannata għall-ispejjeż.

3)	Ir-Repubblika tal-Latvja għandha tbati l-ispejjeż tagħha.

(1) ĠU C 171, 9.7.2005.

24.5.2008

Il-Ġurnal Uffiċjali ta’ l-Unjoni Ewropea

C 128/2

Sentenza tal-Qorti tal-Ġustizzja (L-Awla Manja) tat-8 ta' April 2008 — Il-Kummissjoni tal-Komunitajiet Ewropej vs Ir-Repubblika Taljana

(Kawża C-337/05) (1)

(Nuqqas ta' Stat li jwettaq obbligu - Kuntratti pubbliċi ta' provvista - Direttivi 77/62/KEE u 93/36/KEE - Għoti ta' kuntratti pubbliċi mingħajr il-pubblikazzjoni minn qabel ta' avviż - Nuqqas ta' proċedura ta' sejħa għal offerti - Ħelikopters tad-ditta Agusta u Agusta Bell)

(2008/C 128/03)

Lingwa tal-kawża: It-Taljan

Partijiet

Rikorrenti: Il-Kummissjoni tal-Komunitajiet Ewropej [rappreżentanti: D. Recchia u X. Lewis, aġenti]

Konvenuta: Ir-Repubblika Taljana [rappreżentanti: I. M. Braguglia, aġent, G. Fiengo, avukat]

Suġġett

Nuqqas ta' Stat li jwettaq obbligu — Direttiva tal-Kunsill 93/36/KEE, ta' l-14 ta' Ġunju 1993 li tikkoordina l-proċeduri għall-għoti ta' kuntratti pubbliċi ta' provvista (ĠU L 199, p. 1), u d-Direttiva 77/62/KEE, tal-21 ta' Diċembru 1976 — Nuqqas li jagħti prova ta' l-eżistenza ta' raġunijiet li jippermettu lil awtorità kontraenti tirrikorri għall-proċedura negozjata mingħajr ma saret pubblikazzjoni minn qabel ta' avviż għall-offerti — Ħelikopters “Agusta” u “Agusta Bell” akkwistati għall-użu mill-membri tal-korpi ta' protezzjoni ċivili responsabbli mill-foresti u mill-kosta, u għall-użu mill-Carabinieri, eċċ

Dispożittiv

Billi adottat prattika, li ilha teżisti għal żmien twil u li għadha tiġi segwita s'issa, li tagħti b'mod dirett kuntratti lil Agusta SpA għax-xiri ta' ħelikopters tad-ditta Agusta u Agusta Bell, biex jiġu sodisfatti l-ħtiġijiet ta' numru ta' korpi militari u ċivili, mingħajr ebda proċedura ta' sejħa għal offerti u, b'mod partikolari, mingħajr ma jiġu osservati l-proċeduri previsti mid-Direttiva tal-Kunsill 93/36/KEE ta' l-14 ta' Ġunju 1993 li tikkoordina l-proċeduri għall-għoti ta' kuntratti pubbliċi ta' provvista, kif emendata mid-Direttiva 97/52/KE tal-Parlament Ewropew u tal-Kunsill, tat-13 ta' Ottubru 1997 u, preċedentement, mid-Direttiva tal-Kunsill 77/62/KEE tal-21 ta' Diċembru 1976 li tikkonċerna l-proċeduri għall-għoti ta' kuntratti pubbliċi ta' provvista, kif emendata u ssuplementata mid-Direttiva tal-Kunsill 80/767/KEE, tat-22 ta' Lulju 1980, u d-Direttiva tal-Kunsill 88/295/KEE tat-22 ta' Marzu 1988, ir-Repubblika Taljana naqset li twettaq l-obbligi tagħha skond dawn id-direttivi.

2)	Ir-Repubblika Taljana hija kkundannata għall-ispejjeż.

(1) ĠU C 281, 12.11.2005.

24.5.2008

Il-Ġurnal Uffiċjali ta’ l-Unjoni Ewropea

C 128/3

Sentenza tal-Qorti tal-Ġustizzja (It-Tieni Awla) tat-3 ta' April 2008 (talba għal deċiżjoni preliminari magħmula mill-Bundesfinanzhof — Il-Ġermanja) — Finanzamt Oschatz vs Zweckverband zur Trinkwasserversorgung und Abwasserbeseitigung Torgau-Westelbien

(Kawża C-442/05) (1)

(Sitt Direttiva tal-VAT - Artikoli 4(5) u 12(3)(a) - Annessi D u H - Kunċett ta' “provvista ta' ilma’ - Rata mnaqqsa ta' VAT)

(2008/C 128/04)

Lingwa tal-kawża: Il-Ġermaniż

Qorti tar-rinviju

Bundesfinanzhof

Partijiet fil-kawża prinċipali

Rikorrenti: Finanzamt Oschatz

Konvenut: Zweckverband zur Trinkwasserversorgung und Abwasserbeseitigung Torgau-Westelbien

Fil-preżenza tal-: Bundesministerium der Finanzen

Suġġett

Talba għal deċiżjoni preliminari — Bundesfinanzhof — Interpretazzjoni tal-punt 2 ta' l-Anness D u tal-kategorija 2 ta' l-Anness H tas-Sitt Direttiva tal-Kunsill 77/388/KEE tas-17 ta' Mejju 1977 fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima (ĠU L 145, p. 1) — Rata mnaqqsa applikabbli għall-provvista ta' l-ilma — Ħlas għall-installazzjoni ta' konnessjonijiet għall-utenti.

Dispożittiv

L-Artikolu 4(5) tas-Sitt Direttiva tal-Kunsill 77/388/KEE tas-17 ta' Mejju 1977, fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima, u l-punt 2 ta' l-Anness D tagħha, għandhom jiġu interpretati fis-sens li l-provvista ta' l-ilma, li tinsab fl-imsemmi anness, tinkludi l-operazzjoni ta' inkanalar individwali li jikkonsisti, bħal fil-kawża prinċipali, fl-inkanalar li jippermetti l-konnessjoni ta' l-installazzjoni idrawlika ta' proprjetà immobbli man-netwerks fissi ta' provvista ta' l-ilma, b'mod li korp irregolat mid-dritt pubbliku li jaġixxi bħala awtorità pubblika għandu l-karatteristika ta' persuna taxxabbli għal din l-operazzjoni.

L-Artikolu 12(3)(a) tas-Sitt Direttiva 77/388 u t-tieni kategorija ta' l-Anness H tagħha għandhom jiġu interpretati fis-sens li l-provvista ta' l-ilma tinkludi l-operazzjoni ta' komunikazzjoni mad-djar li tikkonsisti, bħal fil-kawża prinċipali, fit-tqegħid, ta' l-inkanalar li jippermetti l-konnessjoni ta' l-installazzjoni idrawlika ta' proprjetà immobbli man-netwerks fissi ta' provvista ta' l-ilma. Minbarra dan, l-Istati Membri jistgħu japplikaw rata mnaqqsa ta' taxxa fuq il-valur miżjud għal aspetti konkreti u speċifiċi tal-provvista ta' l-ilma, bħall-operazzjoni ta' inkanalar individwali in kwistjoni fil-kawża prinċipali, bil-kundizzjoni li l-prinċipju ta' newtralità fiskali inerenti għas-sistema komuni tat-taxxa fuq il-valur miżjud jiġi rrispettat.

(1) ĠU C 60, 11.3.2006.

24.5.2008

Il-Ġurnal Uffiċjali ta’ l-Unjoni Ewropea

C 128/4

Sentenza tal-Qorti tal-Ġustizzja (It-Tielet Awla) tat-3 ta' April 2008 (talba għal deċiżjoni preliminari tat-Tribunal des affaires de sécurité sociale de Paris, Franza) — Philippe Derouin vs Union pour le Recouvrement des Cotisations de Sécurité Sociale et d'Allocations Familiales de Paris — Région parisienne (Urssaf)

(Kawża C-103/06) (1)

(Sigurtà soċjali tal-ħaddiema emigranti - Regolament (KEE) Nru 1408/71 - Persuni li jaħdmu għal rashom li jirrisjedu u li jeżerċitaw attività fi Franza - Kontribuzzjoni soċjali ġeneralizzata - Kontribuzzjoni għall-fidi tad-dejn soċjali - Teħid in kunsiderazzjoni ta' dħul magħmul fi Stat Membru ieħor u suġġett hemmhekk għat-taxxa skond konvenzjoni għall-prevenzjoni tat-tassazzjoni doppja)

(2008/C 128/05)

Lingwa tal-kawża: Il-Franċiż

Qorti tar-rinviju

Tribunal des affaires de sécurité sociale de Paris

Partijiet fil-kawża prinċipali

Rikorrent: Philippe Derouin

Konvenuta: Union pour le Recouvrement des Cotisations de Sécurité Sociale et d'Allocations Familiales de Paris — Région parisienne (Urssaf)

Suġġett

Talba għal deċiżjoni preliminari — Tribunal des affaires de sécurité sociale de Paris — Interpretazzjoni tar-Regolament tal-Kunsill Nru 1408/71/KEE ta' l-14 ta' Ġunju 1971, dwar l-applikazzjoni ta' skemi tas-sigurtà soċjali għal persuni impjegati, għal persuni li jaħdmu għal rashom u għall-familji tagħhom li jiċċaqilqu fil-Komunità, (ĠU L 149, p. 2), kif emendat u aġġornat mir-Regolament tal-Kunsill Nru 2001/83/KEE, tat-2 ta' Ġunju 1983 (ĠU L 230, p. 6) — Teħid in kunsiderazzjoni għall-kalkolu tal-“kontribuzzjoni soċjali ġeneralizzata” u tal-“kontribuzzjoni għall-fidi tad-dejn soċjali” dovuti minn persuna li taħdem għal rasha suġġett għal-leġiżlazzjoni soċjali Franċiża tad-dħul magħmul fi Stat Membru ieħor u taxxabbli f'dan l-Istat bl-applikazzjoni ta' konvenzjoni għall-prevenzjoni tat-tassazzjoni doppja.

Dispożittiv

Ir-Regolament tal-Kunsill (KEE) Nru 1408/71, ta' l-14 ta' Ġunju 1971 dwar l-applikazzjoni ta' skemi tas-sigurtà soċjali għal persuni impjegati, għal persuni li jaħdmu għal rashom u għall-familji tagħhom li jiċċaqilqu fil-Komunità, fil-verżjoni emendata u aġġornata mir-Regolament tal-Kunsill (KE) Nru 307/1999 tat-8 ta' Frar 1999, għandu jiġi interpretat fis-sens li ma jipprekludix lil Stat Membru, li l-leġiżlazzjoni soċjali tiegħu biss hi applikabbli għal ħaddiem residenti li jaħdem għal rasu, milli jeskludi mill-bażi tal-kalkolu tal-kontribuzzjonijiet bħall-kontribuzzjoni soċjali ġeneralizzata u l-kontribuzzjoni għall-fidi tad-dejn soċjali, id-dħul magħmul mill-imsemmi ħaddiem fi Stat Membru ieħor, b'mod partikolari permezz ta' konvenzjoni għall-prevenzjoni tat-tassazzjoni doppja fil-qasam tat-taxxi fuq id-dħul.

(1) ĠU C 108, 6.5.2006.

24.5.2008

Il-Ġurnal Uffiċjali ta’ l-Unjoni Ewropea

C 128/4

Sentenza tal-Qorti tal-Ġustizzja (Awla Manja) ta' l-1 ta' April 2008 (talba għal deċiżjoni preliminari tal-Cour costitutionnelle (li qabel kienet il-Cour d'arbitrage) (Il-Belġju) — Il-Gvern tal-Komunità Franċiża, Il-Gvern tal-Vallonja vs Il-Gvern Fjaming

(Kawża C-212/06) (1)

(Skema ta' assigurazzjoni għall-kura stabbilita minn entità federali ta' Stat Membru - Esklużjoni tal-persuni residenti f'parti mit-territorju nazzjonali differenti mill-parti li taqa' taħt il-kompetenza ta' din l-entità - Artikoli 18 KE, 39 KE u 43 KE - Regolament (KEE) Nru 1408/71)

(2008/C 128/06)

Lingwa tal-kawża: Il-Franċiż

Qorti tar-rinviju

Cour constitutionnelle (li qabel kienet il-Cour d'arbitrage)

Partijiet fil-kawża prinċipali

Rikorrenti: Il-Gvern tal-Komunità Franċiża, Il-Gvern tal-Vallonja

Konvenut: Il-Gvern Fjaming

Suġġett

Talba għal deċiżjoni preliminari — Cour constitutionnelle (li qabel kienet il-Cour d'arbitrage) (Il-Belġju) — Interpretazzjoni ta' l-Artikoli 18, 39 u 43 tat-Trattat KE kif ukoll ta' l-Artikoli 2, 3, 4, 13, 18, 19, 20, 25 u 28 tar-Regolament tal-Kunsill (KEE) Nru 1408/71, ta' l-14 ta' Ġunju 1971, dwar l-applikazzjoni ta' l-iskemi tas-sigurtà soċjali għall-persuni impjegati u l-familja tagħhom li jiċċaqilqu ġewwa l-Komunità (ĠU L 149 p. 2), kif emendat — Applikabbiltà tas-sistema ta' assigurazzjoni għall-kura Fjaminga għall-persuni impjegati fir-reġjun ta' lingwa Olandiża jew fir-reġjun bilingi ta' Brussell — Kapitali u li jirrisjedu kemm f'waħda minn dawn ir-reġjuni jew fi Stat Membru ieħor, bl-esklużjoni tal-persuni li jirrisjedu f'parti oħra mit-territorju nazzjonali

Dispożittiv

Il-benefiċċji mħallsa taħt skema bħal dik ta' l-assigurazzjoni għall-kura stabbilita permezz tad-Digriet tal-Parlament Fjaming dwar l-organizzazzjoni ta' l-assigurazzjoni għall-kura (Decreet houdende de organisatie van de zorgverzekering), tat-30 ta' Marzu 1999, fil-verżjoni tiegħu li tirriżulta mid-Digriet tal-Parlament Fjaming li jemenda d-Digriet tat-30 ta' Marzu 1999 dwar l-organizzazzjoni ta' l-assigurazzjoni għall-kura (Decreet van de Vlaamse Gemeenschap houdende wijziging van het decreet van 30 maart 1999 houdende de organisatie van de zorgverzekering), tat-30 ta' April 2004, jaqgħu taħt il-kamp ta' applikazzjoni ratione materiae tar-Regolament tal-Kunsill (KEE) Nru 1408/71, ta' l-14 ta' Ġunju 1971, dwar l-applikazzjoni ta' l-iskemi tas-Sigurtà Soċjali għall-persuni impjegati, persuni li jaħdmu għal rashom u lill-membri tal-familji tagħhom li jiċċaqilqu fi ħdan il-Komunità, fil-verżjoni tiegħu emendata u aġġornata mir-Regolament tal-Kunsill (KE) Nru 118/97, tat-2 ta' Diċembru 1996, kif emendat mir-Regolament tal-Kunsill (KE) Nru 307/1999, tat-8 ta' Frar 1999.

L-Artikoli 39 KE u 43 KE għandhom jiġu interpretati fis-sens li jipprekludu leġiżlazzjoni ta' entità federali ta' Stat Membru, bħal dik li tirregola l-assigurazzjoni għall-kura stabbilita mill-Komunità Fjaminga, permezz ta' dan id-Digriet tat-30 ta' Marzu 1999, fil-verżjoni tiegħu li tirriżulta mid-Digriet tal-Parlament Fjaming tat-30 ta' April 2004, li tillimita l-affiljazzjoni ma' skema ta' sigurtà soċjali u l-vantaġġ tal-benefiċċji previsti minnha għall-persuni li jew huma residenti fit-territorju li jaqa' taħt il-kompetenza ta' din l-entità, jew li jeżerċitaw attività professjonali fuq dan l-istess territorju filwaqt li jirrisjedu fi Stat Membru ieħor, safejn tali limitazzjoni tolqot lil ċittadini ta' Stati Membri oħra jew lil ċittatidini nazzjonali li jkunu għamlu użu mid-dritt ta' moviment liberu tagħhom ġewwa l-Komunità Ewropea.

L-Artikoli 39 KE u 43 KE għandhom jiġu interpretati fis-sens li jipprekludu leġiżlazzjoni ta' entità federali ta' Stat Membru li tillimita l-affiljazzjoni ma' skema ta' sigurtà soċjali u l-vantaġġ tal-benefiċċji previsti minnha biss għall-persuni li jirrisjedu fit-territorju ta' din l-entità, safejn tali limitazzjoni tolqot lil ċittadini ta' Stati Membri oħra li jeżerċitaw attività professjonali fit-territorju ta' din l-entità, jew lil ċittadini nazzjonali li jkunu għamlu użu mid-dritt ta' moviment liberu tagħhom ġewwa l-Komunità Ewropea.

(1) ĠU C 178, 29.7.2006.

24.5.2008

Il-Ġurnal Uffiċjali ta’ l-Unjoni Ewropea

C 128/5

Sentenza tal-Qorti tal-Ġustizzja (It-Tielet Awla) tat-3 ta' April 2008 (talba għal deċiżjoni preliminari tal-Corte suprema di cassazione — L-Italja) — Militzer & Münch GmbH vs Ministero delle Finanze

(Kawża C-230/06) (1)

(Unjoni doganali - Tranżitu Komunitarju - Irkupru tad-dejn doganali - Stat Membru kompetenti - Prova tar-regolarità ta' l-operazzjoni jew tal-post fejn seħħ il-ksur - Termini ta' żmien - Responsabbiltà tal-prinċipal)

(2008/C 128/07)

Lingwa tal-kawża: It-Taljan

Qorti tar-rinviju

Corte suprema di cassazione

Partijiet fil-kawża prinċipali

Rikorrenti: Militzer & Münch GmbH

Konvenut: Ministero delle Finanze

Suġġett

Talba għal deċiżjoni preliminari — Corte suprema di cassazione — Interpretazzjoni ta' l-Artikolu 11a tar-Regolament tal-Kummissjoni (KEE) Nru 1062, tas-27 ta' Marzu 1987, li jipprovdi dispożizzjonijiet ta' applikazzjoni kif ukoll miżuri għas-semplifikar tar-reġim tat-tranżitu Komunitarju (ĠU L 107, p. 1) u ta' l-Artikolu 215(1) tar-Regolament tal-Kunsill (KEE) Nru 2913, tat-12 ta' Ottubru 1992, li jwaqqaf il-Kodiċi Doganali tal-Komunità (ĠU L 302, p. 1) — Verifika mid-dwana ta' destinazzjoni li ġiet attestata b'dokumenti foloz — Terminu previst sabiex jiġi nnotifikat il-fatt li kunsinna ma ġietx ippreżentata fl-uffiċċju tad-destinazzjoni — Applikabbiltà

Dispożittiv

Sabiex tiġi vverifikata l-kompetenza ta' l-Istat Membru li wettaq l-irkupru tad-dazju doganali, hija l-qorti tar-rinviju li għandha tiddetermina jekk, fil-mument ta' meta ġie kkonstatat li l-kunsinna ma ġietx ippreżentata lill-uffiċċju tad-destinazzjoni, il-post fejn seħħet l-offiża jew l-irregolarità setax jiġi stabbilit. Jekk dan huwa l-każ, id-dispożizzjonijiet ta' l-Artikoli 203(1) u 215(1) tar-Regolament tal-Kunsill Nru 2913/92, tat-12 ta' Ottubru 1992, li jwaqqaf il-Kodiċi Doganali tal-Komunità, jippermettu li jiġi magħżul bħala kompetenti sabiex jirkupra d-dejn doganali dak l-Istat Membru li fit-territorju tiegħu seħħet l-ewwel offiża jew irregolarità li tista' tiġi kkwalifikata bħala tneħħija mis-sorveljanza doganali. Min-naħa l-oħra, jekk il-post fejn seħħet l-offiża jew l-irregolarità ma setax jiġi stabbilit, l-Istat Membru li minnu jiddependi l-uffiċċju tat-tluq huwa kompetenti sabiex iwettaq l-irkupru tad-dazju doganali, skond id-dispożizzjonijiet ta' l-Artikoli 378 u 379 tar-Regolament tal-Kummissjoni (KEE) Nru 2454/93, tat-2 ta' Lulju 1993, li jiffissa d-dispożizzjonijiet għall-implementazzjoni tar-Regolament Nru 2913/92.

Meta kunsinna ma ġietx ppreżentata lill-uffiċċju tad-destinazzjoni u fil-każ li l-post fejn seħħet l-offiża jew l-irregolarità ma setax jiġi stabbilit, huwa biss l-uffiċċju tat-tluq li għandu jwettaq in-notifika prevista fl-osservanza tat-termini ta' ħdax-il xahar u ta' tliet xhur imsemmija fl-Artikolu 379(1) u (2) tar-Regolament Nru 2454/93.

3)	Il-fatt li forwarding agent doganali, fil-kwalità tiegħu ta' prinċipal, jinżamm responsabbli għad-dejn doganali ma jmurx kontra l-prinċipju ta' proporzjonalità.

(1) ĠU C 190, 12.8.2006.

24.5.2008

Il-Ġurnal Uffiċjali ta’ l-Unjoni Ewropea

C 128/6

Sentenza tal-Qorti tal-Ġustizzja (It-Tielet Awla) ta' l-10 ta' April 2008 — Il-Kummissjoni tal-Komunitajiet Ewropej vs Ir-Repubblika Portugiża

(Kawża C-265/06) (1)

(Nuqqas ta' Stat li jwettaq obbligu - Moviment liberu tal-merkanzija - Artikoli 28 KE u 30 KE - Artikoli 11 u 13 tal-Ftehim ŻEE - Restrizzjonijiet kwantitattivi fuq l-importazzjoni - Miżuri li għandhom effett ekwivalenti - Vetturi bil-mutur - Twaħħil ta' film ikkulurit fuq il-ħġieġ)

(2008/C 128/08)

Lingwa tal-kawża: Il-Portugiż

Partijiet

Rikorrenti: Il-Kummissjoni tal-Komunitajiet Ewropej [rappreżentanti: A. Caeiros, P. Guerra e Andrade u M. Patakia, aġenti]

Konvenuta: Ir-Repubblika Portugiża [rappreżentanti: L. Fernandes, aġent, u A. Duarte de Almeida, avukat]

Suġġett

Nuqqas ta' Stat li jwettaq obbligu — Ksur ta' l-Artikoli 28 u 30 KE — Leġiżlazzjoni nazzjonali li tipprojbixxi t-twaħħil ta' film ikkulurit fuq il-ħġieġ tal-vetturi bil-mutur tal-passiġġieri jew tal-merkanzija

Dispożittiv

Billi pprojbixxiet, fl-Artikolu 2(1), tad-Digriet-Liġi Nru 40/2003 tal-11 ta' Marzu 2003, it-twaħħil ta' film ikkulurit fuq il-ħġieġ tal-vetturi bil-mutur, ir-Repubblika Portugiża naqset milli twettaq l-obbligi tagħha skond l-Artikoli 28 KE, 30 KE, kif ukoll l-Artikoli 11 u 13 tal-Ftehim dwar iż-Żona Ekonomika Ewropea tat-2 ta' Mejju 1992.

2)	Ir-Repubblika Portugiża hija kkundannata għall-ispejjeż.

(1) ĠU C 212, 2.9.2006.

24.5.2008

Il-Ġurnal Uffiċjali ta’ l-Unjoni Ewropea

C 128/6

Sentenza tal-Qorti tal-Ġustizzja (L-Awla Manja) ta' l-1 ta' April 2008 (talba għal deċiżjoni preliminari tal-Bayerisches Verwaltungsgericht München, il-Ġermanja) — Tadao Maruko vs Versorgungsanstalt der deutschen Bühnen

(Kawża C-267/06) (1)

(Trattament ugwali fl-impjieg u fix-xogħol - Direttiva 2000/78/KE - Benefiċċji lis-superstiti previsti minn skema ta' sigurtà soċjali professjonali obbligatorja - Kunċett ta' “paga’ - Rifjut ta' għoti għaliex ma kienx hemm ir-rabta taż-żwieġ - Imsieħba ta' l-istess sess - Diskriminazzjoni bbażata fuq l-orjentazzjoni sesswali)

(2008/C 128/09)

Lingwa tal-kawża: Il-Ġermaniż

Qorti tar-rinviju

Bayerisches Verwaltungsgericht München

Partijiet fil-kawża prinċipali

Rikorrent: Tadao Maruko

Konvenuta: Versorgungsanstalt der deutschen Bühnen

Suġġett

Talba għal deċiżjoni preliminari — Bayerisches Verwaltungsgericht München — Interpretazzjoni ta' l-Artikoli 1, 2(2)(a), 3(1)(c) u (3) tad-Direttiva tal-Kunsill 2000/78/KE tas-27 ta' Novembru 2000 li tistabbilixxi qafas ġenerali għall-ugwaljanza fit-trattament fl-impjieg u fix-xogħol (ĠU L 303, p. 16) — Kunċett ta' paga — Esklużjoni ta' sieħeb ta' unjoni rreġistrata mill-benefiċċju ta' pensjoni tas-superstiti

Dispożittiv

Benefiċċju tas-superstiti mogħti fil-kuntest ta' skema ta' sigurtà soċjali professjonali bħal dik amministrata mill-Versorgungsanstalt der deutschen Bühnen jaqa' taħt il-kamp ta' applikazzjoni tad-Direttiva tal-Kunsill Nru 2000/78/KE, tas-27 ta' Novembru 2000, li tistabbilixxi qafas ġenerali għall-ugwaljanza fit-trattament fl-impjieg u fix-xogħol.

Id-dispożizzjonijiet ta' l-Artikoli 1 u 2 tad-Direttiva 2000/78 moqrija flimkien jipprekludu leġiżlazzjoni bħal dik in kwistjoni fil-kawża prinċipali li permezz tagħha, wara l-mewt tas-sieħeb tul il-ħajja tiegħu, is-sieħeb superstiti ma jirċeviex benefiċċju tas-superstiti bħal dak mogħti lil konjuġi superstiti, minkejja li, skond il-liġi nazzjonali, l-unjoni tul il-ħajja tpoġġi lill-persuni ta' l-istess sess f'sitwazzjoni paragunabbli ma' dik tal-miżżewġin f'dak li jirrigwarda dan il-benefiċċju tas-superstiti. Hija l-qorti tar-rinviju li għandha tivverifika jekk sieħeb tul il-ħajja superstiti huwiex f'sitwazzjoni paragunabbli ma' dik ta' konjuġi superstiti benefiċjarju tal-benefiċċju tas-superstiti previst mill-iskema ta' sigurtà soċjali professjonali amministrata mill-Versorgungsanstalt der deutschen Bühnen.

(1) ĠU C 224, 16.9.2006.

24.5.2008

Il-Ġurnal Uffiċjali ta’ l-Unjoni Ewropea

C 128/7

Sentenza tal-Qorti tal-Ġustizzja (L-Ewwel Awla) tat-3 ta' April 2008 (talba għal deċiżjoni preliminari ta' l-Oberlandesgericht Köln, il-Ġermanja) — 01051 Telecom GmbH vs Deutsche Telekom AG

(Kawża C-306/06) (1)

(Direttiva 2000/35/KE - Ġlieda kontra ħlasijiet tard fi tranżazzjonijiet kummerċjali - Artikolu 3(1)(ċ)(ii) - Ħlas tard - Trasferiment bankarju - Data li fiha l-ħlas għandu jiġi kkunsidrat li sar)

(2008/C 128/10)

Lingwa tal-kawża: Il-Ġermaniż

Qorti tar-rinviju

Oberlandesgericht Köln

Partijiet fil-kawża prinċipali

Rikorrenti: 01051 Telecom GmbH

Konvenuta: Deutsche Telekom AG

Suġġett

Talba għal deċiżjoni preliminari — Oberlandesgericht Köln — Interpretazzjoni ta' l-Artikolu 3(1)(ċ)(ii) tad-Direttiva 2000/35/KE tal-Parlament Ewropew u tal-Kunsill, tad-29 ta' Ġunju 2000, dwar il-ġlieda kontra ħlasijiet tard fi tranżazzjonijiet kummerċjali (ĠU L 200, p. 35) — Possibbiltà għall-kreditur li jitlob l-imgħax għal ħlas tard — Kunċett ta' “riċezzjoni” mill-kreditur ta' l-ammont dovut — Leġiżlazzjoni nazzjonali li tikkunsidra bħala l-mument tal-ħlas il-waqt meta tingħata l-ordni ta' trasferiment bankarju mid-debitur u mhux dak meta l-kont tal-kreditur jiġi akkreditat

Dispożittiv

L-Artikolu 3(1)(ċ)(ii) tad-Direttiva 2000/35/KE tal-Parlament Ewropew u tal-Kunsill, tad-29 ta' Ġunju 2000, dwar il-ġlieda kontra ħlasijiet tard fi tranżazzjonijiet kummerċjali, għandu jiġi interpretat fis-sens li jeżiġi li, sabiex ħlas permezz ta' trasferiment bankarju jeskludi jew iwaqqaf l-applikazzjoni ta' l-imgħaxijiet ta' dewmien, is-somma dovuta għandha tiddaħħal fil-ħin fil-kont tal-kreditur.

(1) ĠU C 249, 14.10.2006.

24.5.2008

Il-Ġurnal Uffiċjali ta’ l-Unjoni Ewropea

C 128/7

Sentenza tal-Qorti tal-Ġustizzja (It-Tielet Awla) ta' l-10 ta' April 2008 (talba għal deċiżjoni preliminari tal-House of Lords — Ir-Renju Unit) — Marks & Spencer plc vs Her Majesty's Commissioners of Customs and Excise

(Kawża C-309/06) (1)

(Tassazzjoni - Sitt Direttiva tal-VAT - Eżenzjoni bir-rifużjoni ta' taxxi mħallsa fi stadju preċedenti - Intaxxar żbaljat bir-rata normali - Dritt għar-rata żero - Dritt għar-rifużjoni - Effett dirett - Prinċipji ġenerali tad-dritt Komunitarju - Arrikiment indebitu)

(2008/C 128/11)

Lingwa tal-kawża: L-Ingliż

Qorti tar-rinviju

House of Lords

Partijiet fil-kawża prinċipali

Rikorrenti: Marks & Spencer plc

Konvenuta: Her Majesty's Commissioners of Customs and Excise

Suġġett

Talba għal deċiżjoni preliminari — House of Lords — Interpretazzjoni ta' l-Artikolu 28(2)(a) tad-Direttiva 77/388/KEE: Is-Sitt Direttiva tal-Kunsill, tas-17 ta' Mejju 1977, fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima (ĠU L1 45, p. 1) — Eżistenza ta' dritt Komunitarju li jista' jiġi invokat minn fornitur ta' prodott (“teacakes”) li għalih il-leġiżlazzjoni nazzjonali tipprovdi eżenzjoni bir-rifużjoni tat-taxxa mħallsa — VAT indebitament imħallsa minħabba interpretazzjoni żbaljata tal-leġiżlazzjoni nazzjonali mill-awtoritajiet kompetenti — Applikazzjoni tal-prinċipji ġenerali tad-dritt Komunitarju, inkluż il-prinċipju ta' newtralità fiskali — Possibbiltà għal individwu li jinvoka l-imsemmija prinċipji ġenerali sabiex jirkupra s-somom ta' flus imħallsa bi żball

Dispożittiv

Ladarba Stat Membru jkun żamm, abbażi ta' l-Artikolu 28(2) tas-Sitt Direttiva tal-Kunsill 77/388/KEE, tas-17 ta' Mejju 1977, fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima, kemm qabel kif ukoll wara l-emendi li saru lil din id-dispożizzjoni permezz tad-Direttiva tal-Kunsill 92/77/KEE tad-19 ta' Ottubru 1992, fil-leġiżlazzjoni nazzjonali tiegħu eżenzjoni bir-rifużjoni tat-taxxi mħallsa fi stadju preċedenti fir-rigward ta' ċerti konsenji jew servizzi speċifiċi, operatur ekonomiku li jwettaq tali konsenji jew li jipprovdi tali servizzi ma jista' jinvoka l-ebda dritt, ibbażat fuq id-dritt Komunitarju u li jista' jiġi invokat direttament, sabiex dawn il-konsenji jew dawn is-servizzi jiġu suġġetti għal taxxa fuq il-valur miżjud bir-rata żero.

Ladarba Stat Membru jkun żamm, abbażi ta' l-Artikolu 28(2) tas-Sitt Direttiva 77/388, kemm qabel kif ukoll wara l-emendi li saru lil din id-dispożizzjoni permezz tad-Direttiva 92/77, fil-leġiżlazzjoni nazzjonali tiegħu eżenzjoni bir-rifużjoni tat-taxxi mħallsa fi stadju preċedenti fir-rigward ta' ċerti konsenji jew servizzi speċifiċi, iżda jkun interpreta l-leġiżlazzjoni nazzjonali tiegħu b'mod żbaljat, bil-konsegwenza li ċerti konsenji jew servizzi li kellhom jibbenefikaw mill-eżenzjoni bir-rifużjoni tat-taxxi mħallsa fi stadju preċedenti, skond il-leġiżlazzjoni nazzjonali, ġew intaxxati bir-rata normali, il-prinċipji ġenerali tad-dritt Komunitarju, inkluż dak tan-newtralità fiskali, huma applikabbli b'tali mod li jagħtu lill-operatur ekonomiku, li jkun wettaq dawn il-konsenji jew ipprovda dawn is-servizzi, id-dritt li jirkupra l-ammonti li huwa kellu inġustament iħallas minħabba dawn l-istess konsenji jew servizzi.

Għalkemm il-prinċipji ta' trattament ugwali u tan-newtralità fiskali japplikaw, bħala prinċipju, għal kwistjoni bħal dik in kwistjoni fil-kawża prinċipali, il-fatt li r-rifjut ta' talba għar-rifużjoni jkun ibbażat fuq l-arrikiment indebitu tal-persuna taxxabbli kkonċernata ma jikkostitwixxix, waħdu, ksur ta' dawn il-prinċipji. Min-naħa l-oħra, il-prinċipju tan-newtralità fiskali jipprekludi li l-eċċezzjoni ta' l-arrikkiment indebitu tiġi applikata biss fil-konfront ta' persuni taxxabbli bħal “payment traders”(persuni taxxabbli li, għal eżerċizzju ta' taxxa speċifiku, l-ammont ta' output VAT miġbur ikun jaqbeż dak ta' l-input VAT), u mhux fil-konfront ta' persuni taxxabbli bħar-“repayment traders” (persunni taxxabbli li s-sitwazzjoni tagħhom hija l-invers ta' dik tal-payment traders), sakemm dawn il-persuni taxxabbli jkunu kkummerċjalizzaw merkanziji paragunabbli. Hija l-qorti tar-rinviju li għandha tivverifika jekk dan huwiex il-każ fil-kawża prinċipali. Barra minn hekk, il-prinċipju ġenerali ta' trattament ugwali, li l-ksur tiegħu jista' jseħħ, fil-qasam fiskali, permezz ta' diskriminazzjonijiet li jaffettwaw operaturi ekonomiċi li għalkemm mhux bilfors jikkompetu kontra xulxin madankollu jinsabu f'sitwazzjoni paragunabbli taħt aspetti oħra, jipprekludi diskriminazzjoni bejn il-“payment traders” u r-“repayment traders”, sakemm din id-diskriminazzjoni ma tkunx oġġettivament iġġustifikata.

4)	Ir-risposta għat-tielet domanda mhijiex affettwata mill-fatt li jiġi ppruvat li l-operatur ekonomiku, li t-talba tiegħu għar-rifużjoni tat-taxxa fuq il-valur miżjud inġustament miġbura ġiet miċħuda, ma sofra l-ebda telf jew żvantaġġ finanzjarju.

Hija l-qorti tar-rinviju nnifisha li għandha tistabbilixxi l-eventwali konsegwenzi passati tal-ksur tal-prinċipju ta' trattament ugwali, espost fil-punt 3 tad-dispożittiv ta' din is-sentenza, skond ir-regoli li jirrigwardaw l-effett retroattiv tad-dritt nazzjonali applikabbli fil-kawża prinċipali, fl-osservanza tad-dritt Komunitarju u, b'mod partikolari, tal-prinċipju ta' trattament ugwali u kif ukoll tal-prinċipju li jgħid li hija għandha tassigura li l-miżuri riparatorji li hija tordna ma jkunux imorru kontra d-dritt Komunitarju.

(1) ĠU C 261, 28.10.2006.

24.5.2008

Il-Ġurnal Uffiċjali ta’ l-Unjoni Ewropea

C 128/8

Sentenza tal-Qorti tal-Ġustizzja (It-Tieni Awla) tat-3 ta' April 2008 (talba għal deċiżjoni preliminari tar-Rechtbank Amsterdam, l-Olanda) — K. D. Chuck vs Raad van bestuur van de Sociale verzekeringsbank

(Kawża C-331/06) (1)

(Assigurazzjoni tax-xjuħija - Ħaddiem ċittadin ta' Stat Membru - Kontribuzzjonijiet soċjali - Perijodi differenti - Stati Membri differenti - Kalkolu tal-perijodi ta' assigurazzjoni - Talba għal pensjoni - Residenza f'Stat terz)

(2008/C 128/12)

Lingwa tal-kawża: L-Olandiż

Qorti tar-rinviju

Rechtbank Amsterdam

Partijiet fil-kawża prinċipali

Rikorrent: K. D. Chuck

Konvenut: Raad van bestuur van de Sociale verzekeringsbank

Suġġett

Talba għal deċiżjoni preliminari — Rechtbank Amsterdam — Interpretazzjoni ta' l-Artikolu 48 tar-Regolament tal-Kunsill (KEE) Nru 1408/71, ta' l-14 ta' Ġunju 1971 dwar l-applikazzjoni ta' l-iskemi tas-siġurtà soċjali għall-persuni impjegati u l-familja tagħhom li jiċċaqilqu ġewwa l-Komunità (ĠU L 149, p. 2) — Assigurazzjoni tax-xjuħija — Kalkolu tal-perijodi ta' assigurazzjoni ta' ċittadin ta' Stat membru li ħadem ġewwa żewġ Stati membri oħra — Residenza fi Stat terz fil-mument meta jirtira

Dispożittiv

L-Artikolu 48(2) tar-Regolament tal-Kunsill (KEE) Nru 1408/71 ta' l-14 ta' Ġunju 1971, dwar l-applikazzjoni ta' skemi ta' sigurtà soċjali għall-persuni impjegati, persuni li jaħdmu għal rashom u għall-membri tal-familji tagħhom li jiċċaqalqu minn post għal ieħor ġewwa l-Komunità, fil-verżjoni tiegħu emendata u aġġornata mir-Regolament (KE) Nru 631/2004 tal-Parlament Ewropew u tal-Kunsill, tal-31 ta Marzu 2004, jimponi fuq l-istituzzjoni kompetenti ta' l-aħħar Stat Membru li fih kien jirrisjedi ħaddiem li huwa ċittadin ta' Stat Membru li tieħu in kunsiderazzjoni, għall-kalkolu tal-pensjoni tax-xjuħija ta' dan il-ħaddiem, li kien residenti fil-mument tat-talba ta' likwidazzjoni ta' din il-pensjoni fi Stat terz, il-perijodi maħduma fi Stat Membru ieħor bl-istess kundizzjonijiet bħallikieku dan il-ħaddem kien dejjem irrisjeda fit-territorju tal-Komunità Ewropea.

(1) ĠU C 281, 18.11.2006.

24.5.2008

Il-Ġurnal Uffiċjali ta’ l-Unjoni Ewropea

C 128/9

Sentenza tal-Qorti tal-Ġustizzja (It-Tieni Awla) tat-3 ta' April 2008 (talba għal deċiżjoni preliminari tal-Oberlandesgericht Celle, il-Ġermanja) — Rechtsanwalt Dr. Dirk Rüffert als Insolvenzverwalter über das Vermögen der Objekt und Bauregie GmbH & Co. KG vs Land Niedersachsen

(Kawża C-346/06) (1)

(Artikolu 49 KE - Libertà li jiġu pprovduti servizzi - Restrizzjonijiet - Direttiva 96/71/KE - Kollokament ta' ħaddiema fil-qafas ta' prestazzjoni ta' servizzi - Proċeduri għall-għoti ta' kuntratti pubbliċi ta' appalt - Protezzjoni soċjali tal-ħaddiema)

(2008/C 128/13)

Lingwa tal-kawża: Il-Ġermaniż

Qorti tar-rinviju

Oberlandesgericht Celle

Partijiet fil-kawża prinċipali

Rikorrent: Rechtsanwalt Dr. Dirk Rüffert als Insolvenzverwalter über das Vermögen der Objekt und Bauregie GmbH & Co. KG

Konvenut: Land Niedersachsen

Suġġett

Talba għal deċiżjoni preliminari — Oberlandesgericht Celle — Interpretazzjoni ta' l-Artikolu 49 tat-Trattat KE — Leġiżlazzjoni nazzjonali li tirrikjedi lill-impriżi li jipparteċipaw fi proċeduri għall-għoti ta' kuntratt pubbliku ta' appalt li jintrabtu li josservaw, u li jaraw li s-subappaltaturi tagħhom josservaw, id-dispożizzjonijiet dwar il-paga minima li jinsabu fil-ftehim kollettiv applikabbli fil-post fejn jiġu pprovduti s-servizzi

Dispożittiv

Id-Direttiva 96/71/KE tal-Parlament Ewropew u tal-Kunsill, tas-16 ta' Diċembru 1996, dwar l-impjieg [il-kollokament] ta' ħaddiema fil-qafas ta' prestazzjoni ta' servizzi, interpretata fid-dawl ta' l-Artikolu 49 KE, f'sitwazzjoni bħal dik in kwistjoni fil-kawża prinċipali, tipprekludi liġi, adottata minn awtorità ta' Stat Membru, li tobbliga lill-awtorità kontraenti tagħżel, bħala appaltaturi ta' kuntratti pubbliċi ta' appalt, dawk l-impriżi biss li meta jagħmlu l-offerti tagħhom jintrabtu bil-miktub li, bħala korrispettiv għall-prestazzjoni tas-servizzi kkonċernati, iħallsu lill-ħaddiema tagħhom ta' l-inqas il-paga stabbilita fil-ftehim kollettiv applikabbli fil-post fejn jiġu pprovduti l-imsemmija servizzi.

(1) ĠU C 294, 2.12.2006.

24.5.2008

Il-Ġurnal Uffiċjali ta’ l-Unjoni Ewropea

C 128/9

Sentenza tal-Qorti tal-Ġustizzja (Ir-Raba' Awla) ta' l-10 ta' April 2008 (talba għal deċiżjoni preliminari tal-Vergabekontrollsenat des Landes Wien, l-Awstrija) — Ing. Aigner, Wasser-Wärme-Uwelt GmbH vs Fernwärme Wien GmbH

(Kawża C-393/06) (1)

(Kuntratti pubbliċi - Direttivi 2004/17/KE u 2004/18/KE - Entità kontraenti li teżerċita attivitajiet li jaqgħu parzjalment taħt il-kamp ta' applikazzjoni tad-Direttiva 2004/17/KE u parzjalment taħt dak tad-Direttiva 2004/18/KE - Korp irregolat bil-liġi pubblika - Awtorità kontraenti)

(2008/C 128/14)

Lingwa tal-kawża: Il-Ġermaniż

Qorti tar-rinviju

Vergabekontrollsenat des Landes Wien, l-Awstrija

Partijiet fil-kawża prinċipali

Rikorrenti: Ing. Aigner, Wasser-Wärme-Uwelt GmbH

Konvenuta: Fernwärme Wien GmbH

Suġġett

Talba għal deċiżjoni preliminari — Vergabekontrollsenat des Landes Wien — Interpretazzjoni ta' l-Artikolu 2(1) u ta' l-Artikolu 3 tad-Direttiva tal-Parlament Ewropew u tal-Kunsill Nru 2004/17/KE, tal-31 ta' Marzu 2004 li tikkoordina l-proċeduri ta' akkwisti ta' entitajiet li joperaw fis-setturi tas-servizzi ta' l-ilma, l-enerġija, t-trasport u postali (ĠU L 134, p. 1) u l-interpretazzjoni ta' l-Artikolu 1(9) tad-Direttiva tal-Parlament Ewropew u tal-Kunsill Nru 2004/18/KE, tal-31 ta' Marzu 2004 fuq kordinazzjoni ta' proċeduri għall-għoti ta' kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi (ĠU L 134, p. 114) — Attribuzzjoni ta' installazjonijiet ta' tisħin — L-awtorità kontraenti hija impriża kkontrollata mill-belt ta' Vjenna li tipprovdi servizzi pubbliċi (tisħin urban) — Korp irregolat bil-liġi pubblika — Evalwazzjoni tal-kundizzjoni tal-kompetizzjoni — Applikazzjoni ta' proċeduri għall-għoti ta' kuntratti Ewropej ukoll għall-attivitajiet esposti għall-kompetizzjoni (f'dan il-każ, sistemi ta' klimatizzazzjoni) — Teorija tal-kontaminazzjoni — Nuqqas ta'sussidji reċiproċi

Dispożittiv

Entità kontraenti, fis-sens tad-Direttiva 2004/17/KE tal-Parlament Ewropew u tal-Kunsill, tal-31 ta' Marzu 2004, li tikkoordina l-proċeduri ta' akkwisti ta' entitajiet li joperaw fis-setturi tas-servizzi ta' l-ilma, l-enerġija, t-trasport u postali, hija obbligata li tapplika l-proċedura prevista minn din id-direttiva biss għall-għoti ta' kuntratti relatati ma' attivitajiet li din l-entità teżerċita f'waħda jew f'numru ta' setturi elenkati fl-Artikoli 3 sa 7 ta' l-imsemmija direttiva.

Entità bħal Fernwärme Wien għandha tiġi kkunsidrata bħala korp irregolat bil-liġi pubblika fis-sens tat-tieni paragrafu ta' l-Artikolu 2(1)(a) tad-Direttiva 2004/17 u tat-tieni paragrafu ta' l-Artikolu 1(9) tad-Direttiva 2004/18/KE tal-Parlament Ewropew u tal-Kunsill, tal-31 ta' Marzu 2004, fuq koordinazzjoni ta' proċeduri għall-għoti ta' kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi.

Il-kuntratti mogħtija minn entità li għandha l-kwalità ta' korp irregolat bil-liġi pubblika, skond id-Direttivi 2004/17 u 2004/18, u li huma konnessi ma' l-eżerċizzju ta' l-attivitajiet ta' din l-entità f'settur jew f'numru ta' setturi elenkati fl-Artikoli 3 sa 7 tad-Direttiva 2004/17, għandhom ikunu suġġetti għall-proċeduri previsti minn din id-direttiva. Min-naħa l-oħra, il-kuntratti l-oħra kollha mogħtija minn din l-entità in konnessjoni ma' l-eżerċizzju ta' attivitajiet oħra jaqgħu taħt il-proċeduri previsti mid-Direttiva 2004/18. Kull waħda minn dawn iż-żewġ direttivi tapplika, mingħajr distinzjoni bejn l-attivitajiet li l-imsemmija entità teżerċita sabiex tissodisfa l-obbligu tagħha li taqdi l-bżonnijiet ta' interess ġenerali u l-attivitajiet li hija teżerċita taħt ċirkustanzi kompetittivi, u saħansitra anke jekk tinżamm kontabbiltà li tikkomporta s-separazzjoni ta' l-oqsma ta' attivitajiet ta' din l-entità, sabiex jiġi evitat li dawn is-setturi jiġu reċiprokament iffinanzjati minn xulxin.

(1) ĠU C 310, 16.12.2006.

24.5.2008

Il-Ġurnal Uffiċjali ta’ l-Unjoni Ewropea

C 128/10

Sentenza tal-Qorti tal-Ġustizzja (Is-Seba' Awla) ta' l-10 ta' April 2008 — Il-Kummissjoni tal-Komunitajiet Ewropej vs ir-Renju ta' l-Olanda

(Kawża C-398/06) (1)

(Nuqqas ta' Stat li jwettaq obbligu - Dritt ta' residenza ta' ċittadini ta' l-Istati Membri ta' l-Unjoni Ewropea u taż-Żona Ekonomika Ewropea li mhumiex attivi ekonomikament jew li huma pensjonanti - Leġiżlazzjoni u prassi amministrattiva nazzjonali li teżiġi riżorsi personali suffiċjenti għall-perijodu ta' residenza ta', minn ta' l-inqas, sena fl-Istat Membru ospitanti)

(2008/C 128/15)

Lingwa tal-kawża: L-Olandiż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: M. Condou-Durande u R. Troosters, aġenti)

Konvenut: Ir-Renju ta' l-Olanda (rappreżentanti: H.G. Sevenster u D.J.M. de Grave, aġenti)

Parti intervenjenti in sostenn tal-konvenuta: Ir-Renju Unit tal-Gran Brittanja u ta' l-Irlanda ta' Fuq (rappreżentanti: E. O'Neill, aġent, u J. Stratford, barrister)

Suġġett

Nuqqas ta' Stat li jwettaq obbligu — Ksur tal-leġiżlazzjoni Komunitarja rigward id-dritt ta' residenza taċ-ċittadini ta' l-Unjoni Ewropea — Leġiżlazzjoni u prassi amministrattiva nazzjonali li teżiġi riżorsi personali suffiċjenti sabiex ikun jista' jinkiseb permess ta' residenza fir-rigward ta' persuni mhux attivi ekonomikament u ta' pensjonanti.

Dispożittiv

Billi żamm fis-seħħ dispożizzjonijiet nazzjonali li jipprovdu li, sabiex jinkiseb permess ta' residenza, ir-residenti ta' l-Unjoni Ewropea u taż-Żona Ekonomika Ewropea, li mhumiex ekonomikament attivi jew li huma pensjonanti, għandhom jippruvaw li huma jiddisponu minn riżorsi sostenibbli, ir-Renju ta' l-Olanda naqas milli jwettaq l-obbligi li huwa għandu skond id-Direttiva tal-Kunsill 68/360/KEE, tal-15 ta' Ottubru 1968, dwar it-tneħħija ta' restrizzjonijiet fuq il-moviment u r-residenza fi ħdan il-Komunità għal ħaddiema ta' l-Istati Membri u l-familji tagħhom, id-Direttiva tal-Kunsill 90/364/KEE, tat-28 ta' Ġunju 1990, dwar id-dritt ta' residenza, u d-Direttiva tal-Kunsill 90/365/KEE, tat-28 ta' Ġunju 1990, dwar id-dritt ta' residenza għall-impjegati u persuni li jaħdmu għal rashom li waqqfu l-attività tax-xogħol tagħhom.

2)	Ir-Renju ta' l-Olanda huwa kkundannat għall-ispejjeż.

3)	Ir-Renju tal-Gran Brittanja u ta' l-Irlanda ta' Fuq għandhom ibatu l-ispejjez rispettivi tagħhom.

(1) ĠU C 294, 2.12.2006.

24.5.2008

Il-Ġurnal Uffiċjali ta’ l-Unjoni Ewropea

C 128/11

Sentenza tal-Qorti tal-Ġustizzja (L-Ewwel Awla) ta' l-10 ta' April 2008 (talba għal deċiżjoni preliminari ta' l-Oberlandesgericht Stuttgart (il-Ġermanja) — Annelore Hamilton vs Volksbank Filder eG

(Kawża C-412/06) (1)

(Protezzjoni tal-konsumaturi - Kuntratti nnegozjati barra mil-lok tan-negozju - Direttiva 85/577/KEE - L-ewwel subparagrafu ta' l-Artikolu 4, u Artikolu 5(1) - Kuntratt ta' kreditu għal perijodu twil - Dritt ta' revoka)

(2008/C 128/16)

Lingwa tal-kawża: Il-Ġermaniż

Qorti tar-rinviju

Oberlandesgericht Stuttgart

Partijiet fil-kawża prinċipali

Rikorrenti: Annelore Hamilton

Konvenuta: Volksbank Filder eG

Suġġett

Talba għal deċiżjoni preliminari — Oberlandesgericht Stuttgart — Interpretazzjoni ta' l-Artikoli 4 u 5 tad-Direttiva tal-Kunsill 85/577/KEE, ta' l-20 ta' Diċembru 1985, biex tħares lill-konsumatur rigward kuntratti nnegozjati barra mill-lok tan-negozju (ĠU L 372 tal-31 ta' Diċembru 1985, p. 31) — Revoka ta' kuntratt ta' self intiż għall-akkwist ta' partijiet minn proprjetà immobbli nnegozjat barra mil-lok tan-negozju — Leġiżlazzjoni nazzjonali li tapplika terminu ta' xahar li jibda jiddekorri minn meta ż-żewġ partijiet jeżegwixxu l-obbligi kollha għall-eżerċizzju tad-dritt ta' revoka ta' konsumatur li mhuwiex informat dwar dan id-dritt.

Dispożittiv

Id-Direttiva tal-Kunsill 85/577/KEE ta' l-20 ta' Diċembru 1985, biex tħares lill-konsumatur rigward kuntratti nnegozjati barra mil-lok tan-negozju għandha tiġi interpretata fis-sens li l-leġiżlatur nazzjonali jista' jipprovdi li d-dritt ta' revoka msemmi fl-Artikolu 5(1) ta' din id-direttiva jista' jiġi eżerċitat mhux aktar tard minn xahar wara l-eżekuzzjoni kompluta mill-partijiet kontraenti ta' l-obbligi li jirriżultaw minn kuntratt ta' kreditu għal perijodu twil, meta l-konsumatur ikun irċieva informazzjoni żbaljata fuq il-modalitajiet ta' l-eżerċizzju ta' dan l-imsemmi dritt.

(1) ĠU C 310, 16.12.2006.

24.5.2008

Il-Ġurnal Uffiċjali ta’ l-Unjoni Ewropea

C 128/11

Sentenza tal-Qorti tal-Ġustizzja (It-Tieni Awla) ta' l-10 ta' April 2008 — Il-Kummissjoni tal-Komunitajiet Ewropej vs Ir-Repubblika Taljana

(Kawża C-442/06) (1)

(Nuqqas ta' Stat li jwettaq obbligu - Direttiva 1999/31/KE - Rimi ta' skart - Leġiżlazzjoni nazzjonali dwar siti eżistenti għar-rimi ta' l-iskart - Traspożizzjoni żbaljata)

(2008/C 128/17)

Lingwa tal-kawża: It-Taljan

Partijiet

Rikorrenti: Il-Kummissjoni tal-Komunitajiet Ewropej (rappreżentanti: D. Recchia u M. Konstantinidis, aġenti)

Konvenuta: Ir-Repubblika Taljana (rappreżentanti: I. Braguglia, aġent, G. Fiengo, avukat)

Suġġett

Nuqqas ta' Stat li jwettaq obbligu — Ksur ta' l-Artikoli 2, 3, 4, 5, 6, 7, 8, 9, 10, 11, 12, 13 u 14 tad-Direttiva tal-Kunsill 1999/31/KE, tas-26 ta' April 1999 dwar ir-rimi ta' skart f'terraferma [f'siti għar-rimi ta' l-iskart] (ĠU L 182, p. 1) — Leġiżlazzjoni nazzjonali mhux konformi mad-Direttiva

Dispożittiv

Billi adottat u billi żammet fis-seħħ id-Digriet Leġiżlattiv Nru 36, tat-13 ta' Jannar 2003, kif emendat, li jittrasponi fil-liġi nazzjonali d-dispożizzjonijiet tad-Direttiva tal-Kunsill 1999/31/KE, tas-26 ta' April 1999, dwar ir-rimi ta' skart f'terraferma [f'siti għar-rimi ta' l-iskart],

—

in kwantu dan id-digriet leġiżlattiv ma jipprovdix għall-applikazzjoni ta' l-Artikoli 2 sa 13 tad-Direttiva 1999/31 għas-siti għar-rimi ta' l-iskart awtorizzati wara d-data ta' l-iskadenza tat-terminu għat-traspożizzjoni ta' din id-direttiva u qabel id-data tad-dħul fis-seħħ ta' dan id-digriet leġiżlattiv, u

—	in kwantu ma jassigurax it-traspożizzjoni ta' l-Artikolu 14(d)(i) ta' din id-direttiva,

ir-Repubblika Taljana naqset milli twettaq l-obbligi tagħha skond l-Artikoli 2 sa 14 tad-Direttiva 1999/31.

2)	Ir-Repubblika Taljana hija kkundannata għall-ispejjeż.

(1) ĠU C 326, 30.12.2006.

24.5.2008

Il-Ġurnal Uffiċjali ta’ l-Unjoni Ewropea

C 128/12

Sentenza tal-Qorti tal-Ġustizzja (It-Tieni Awla) tat-3 ta' April 2008 — Il-Kummissjoni tal-Komunitajiet Ewropej vs Ir-Renju ta' Spanja

(Kawża C-444/06) (1)

(Nuqqas ta' Stat li jwettaq obbligu - Direttiva 89/665/KEE - Għoti ta' kuntratti ta' provvista pubblika u xogħlijiet pubbliċi - Proċedura ta' reviżjoni għall-għoti ta' kuntratti pubbliċi)

(2008/C 128/18)

Lingwa tal-kawża: L-Ispanjol

Partijiet

Rikorrenti: Il-Kummissjoni tal-Komunitajiet Ewropej (rappreżentanti: X. Lewis, aġent, C. Fernandez Vicién u I. Moreno-Tapia Rivas, abogados)

Konvenuta: Ir-Renju ta' Spanja (rappreżentant: F. Díez Moreno, aġent)

Suġġett

Nuqqas ta' Stat li jwettaq obbligu — Ksur ta' l-Artikolu 2(1)(a) u (b) tad-Direttiva tal-Kunsill Nru 89/665/KEE, tal-21 ta' Diċembru 1989 dwar il-koordinazzjoni tal-liġijiet, ir-regolamenti u d-dispożizzjonijiet amministrattivi rigward l-applikazzjoni tal-proċeduri ta' reviżjoni għall-għoti ta' kuntratti ta' provvista pubblika u xogħlijiet pubbliċi (ĠU L 395, p. 33) — Leġiżlazzjoni nazzjonali li mhijiex konformi mad-direttiva

Dispożittiv

Billi ma pprovdiex terminu ta' żmien obbligatorju għan-notifika, mill-awtorità aġġudikatriċi, tad-deċiżjoni ta' għoti ta' kuntratt lill-offerenti kollha u billi ma pprovdiex terminu ta' stennija obbligatorju bejn l-għoti ta' kuntratt u l-konklużjoni tal-kuntratt, ir-Renju ta' Spanja naqas mill-obbligi imposti fuqu skond l-Artikolu 2(1)(a) u (b) tad-Direttiva tal-Kunsill Nru 89/665/KEE, tal-21 ta' Diċembru 1989 dwar il-koordinazzjoni tal-liġijiet, ir-regolamenti u d-dispożizzjonijiet amministrattivi rigward l-applikazzjoni tal-proċeduri ta' reviżjoni għall-għoti ta' kuntratti ta' provvista pubblika u xogħlijiet pubbliċi, kif emendata mid-Direttiva tal-Kunsill Nru 92/50/KEE, tat-18 ta' Ġunju 1992.

2)	Ir-rikors huwa miċħud għall-bqija.

3)	Ir-Renju ta' Spanja huwa kkundannat għal żewġ terzi ta' l-ispejjeż kollha. Il-Kummissjoni tal-Komunitajiet Ewropej hija kkundannata għat-terz l-ieħor ta' l-ispejjeż.

(1) ĠU C 326, 30.12.2006.

24.5.2008

Il-Ġurnal Uffiċjali ta’ l-Unjoni Ewropea

C 128/12

Sentenza tal-Qorti tal-Ġustizzja (Il-Ħames Awla) tat-3 ta' April 2008 — Il-Kummissjoni tal-Komunitajiet Ewropej vs Ir-Renju tal-Belġju

(Kawża C-522/06) (1)

(Nuqqas ta' Stat li jwettaq obbligu - Regolament (KE) Nru 2037/2000 - Sustanzi li jnaqqsu s-saff ta' l-ożonu - Irkupru, riċiklaġġ, reklamazzjoni u distruzzjoni ta' dawn is-sustanzi)

(2008/C 128/19)

Lingwa tal-kawża: Il-Franċiż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: A. Alcover San Pedro u B. Stromsky, aġenti)

Konvenut: Ir-Renju tal-Belġju (rappreżentant: A. Hubert, aġent)

Suġġett

Nuqqas ta' Stat li jwettaq obbligu — Regolament tal-Parlament Ewropew u tal-Kunsill (KE) Nru 2037/2000 tad-29 ta' Ġunju 2000, dwar sostanzi li jnaqqsu s-saff ta' l-ożonu (ĠU L 244, p. 1) — Artikoli 16(5) u 17(1) — Nuqqas milli jiġu adottati l-miżuri li jiddefinixxu l-ħtiġiet minimi ta' kwalifikazzjoni mitluba mill-ħaddiema inkarigati mill-irkupru, mir-riċiklaġġ, mir-reklamazzjoni u mid-distruzzjoni tas-sustanzi kontrollati msemmija fl-Artikolu 2 tar-Regolament u li jinsabu fit-tagħmir ta' refriġerazzjoni u ta' arja kundizzjonata, fil-pompi tas-sħana, fis-sistemi ta' protezzjoni kontra n-nar u fl-estinturi tan-nar — Nuqqas milli jiġu adottati miżuri ta' prekawzjoni sabiex ma jħallux u jnaqqsu t-tnixxijiet ta' sostanzi kkontrollati u nuqqas ta' kontrolli relatati mal-preżenza eventwali ta' tnixxijiet.

Dispożittiv

Ir-Renju tal-Belġju

—

billi naqas milli jiddefinixxi l-ħtiġiet minimi ta' kwalifikazzjoni għal ċerti membri tal-ħaddiema li jaħdmu fl-irkupru, fir-riċiklaġġ, fir-reklamazzjoni u fid-distruzzjoni ta' sustanzi kkontrollati skond l-Artikolu 16(5) tar-Regolament tal-Parlament Ewropew u tal-Kunsill (KE) Nru 2037/2000 tad-29 ta' Ġunju 2000, dwar sostanzi li jnaqqsu s-saff ta' l-ożonu, u

—

billi, f'dak li jikkonċerna r-reġjun tal-Wallonja, ma adottax il-miżuri ta' prekawzjoni kollha sabiex sabiex ma jħallix u jnaqqas it-tnixxijiet ta' sostanzi kontrollati kif ukoll billi m'għamlix kontrolli annwali sabiex jistabbilixxi l-preżenza jew le ta' tnixxijiet, skond l-Artikolu 17(1) tar-Regolament Nru 2037/2000,

naqas milli jwettaq l-obbligi tiegħu skond l-imsemmija dispożizzjonijiet ta' dan ir-regolament.

2)	Ir-Renju tal-Belġju huwa kkundannat għall-ispejjeż.

(1) ĠU C 42, 24.2.2007.

24.5.2008

Il-Ġurnal Uffiċjali ta’ l-Unjoni Ewropea

C 128/13

Sentenza tal-Qorti tal-Ġustizzja (Ir-Raba Awla) tat-3 ta' April 2008 (talba għal deċiżjoni preliminari mill-Conseil d'État — Franza) — Banque Fédérative du Crédit Mutuel vs Ministre de l'Économie, des Finances et de l'Industrie

(Kawża C-27/07) (1)

(Taxxa fuq il-kumpanniji - Direttiva 90/435/KEE - Profitti taxxabbli tal-kumpannija parent - Nuqqas ta' deduċibbiltà ta' spejjeż u imposti li jkollhom x'jaqsmu ma' l-ishma fil-kumpannija sussidjarja - Iffissar ta' l-ammont ta' l-imsemmija spejjeż għal rata waħda uniformi - Limitu ta' 5 % tal-profitti mqassma mill-kumpannija sussidjarja - Inklużjoni tal-krediti tat-taxxa)

(2008/C 128/20)

Lingwa tal-kawża: Il-Franċiż

Qorti tar-rinviju

Conseil d'État

Partijiet fil-kawża prinċipali

Rikorrent: Banque Fédérative du Crédit Mutuel

Konvenut: Ministre de l'Économie, des Finances et de l'Industrie

Suġġett

Talba għal deċiżjoni preliminari — Conseil d'État — Interpretazzjoni ta' l-Artikoli 4, 5 u 7 tad-Direttiva tal-Kunsill 90/435/KEE, tat-23 ta' Lulju 1990, dwar is-sistema komuni tat-tassazzjoni li tapplika fil-każ tal-kumpanniji parent u sussidjarji ta' Stati Membri differenti (ĠU L 225, p. 6) — Integrazzjoni mill-ġdid fil-profitti taxxabbli ta' kumpannija parent ta' proporzjon fiss ta' spejjeż u ta' imposti ta' 5 % tad-dħul mill-ishma tagħha f'kumpannija sussidjarja, inklużi krediti tat-taxxa — Kompatibbiltà ta' din l-integrazzjoni mill-ġdid mal-limitu previst fl-Arikolu 4 tad-direttiva — Ħtieġa ta' tpaċija integrali tal-kreditu tat-taxxa mat-taxxa dovuta mill-kumpannija parent

Dispożittiv

Il-kunċett ta' “profitti mqassma mill-kumpannija sussidjarja”, skond it-tieni sentenza ta' l-Artikolu 4(2), tad-Direttiva tal-Kunsill KEE/90/435, tat-23 ta' Lulju 1990 dwar is-sistema komuni tat-tassazzjoni li tapplika fil-każ tal-kumpanniji prinċipali u sussidjarji ta' Stati Membri differenti, għandu jiġi interpretat fis-sens li dan ma jipprekludix il-leġiżlazzjoni ta' Stat Membru li tinkludi, f'dawn l-imsemmija profitti, il-krediti tat-taxxa li kienu ġew mogħtija bil-għan li tiġi kkumpensata taxxa f'ras il-għajn imposta mill-Istat Membru tal-kumpannija sussidjarja fir-rigward tal-kumpannija parent

(1) ĠU C 82, 14.4.2007.

24.5.2008

Il-Ġurnal Uffiċjali ta’ l-Unjoni Ewropea

C 128/13

Sentenza tal-Qorti tal-Ġustizzja (L-Ewwel Awla) ta' l-10 ta' April 2008 (talba għal deċiżjoni preliminari mill-Hoge Road der Nederlanden — L-Olanda) — Adidas AG, adidas Benelux BV vs Marca Mode CV, C&A Nederland, H&M Hennes & Mauritz Netherlands BV, Vendex KBB Nederland BV

(Kawża C-102/07) (1)

(Trade marks - Artikoli 5(1)(b, u (2) kif ukoll 6(1)(b), tad-Direttiva 89/104/KEE - Ħtieġa ta' disponibbiltà - Trade marks figurattivi bi tliet strixxi - Disinni b'żewġ strixxi użati minn kompetituri bħala tiżjin - Ilment ibbażat fuq il-ksur u t-tnaqqis fl-effett tat-trade mark)

(2008/C 128/21)

Lingwa tal-kawża: L-Olandiż

Qorti tar-rinviju

Hoge Road der Nederlanden

Partijiet fil-kawża prinċipali

Rikorrenti: adidas AG, adidas Benelux BV

Konvenuti: Marca Mode CV, C&A Nederland, H&M Hennes & Mauritz Netherlands BV, Vendex KBB Nederland BV

Suġġett

Talba għal deċiżjoni preliminari — Hoge Raad der Nederlanden — Interpretazzjoni ta' l-Artikolu 3(1)(b) u (ċ) ta' L-Ewwel Direttiva tal-Kunsill 89/104/KEE, tal-21 ta' Diċembru 1988, biex jiġu approssimati l-liġijiet ta' l-Istati Membri dwar it-trade marks (ĠU 1989, L 40, p. 1) — Rifjut ta' reġistrazzjoni jew invalidità — Nuqqas ta' karattru distintiv — Akkwist permezz ta' l-użu — Interess ġenerali li ma tiġix ristretta indebitament id-disponibbiltà tas-sinjali meqjusa mill-pubbliku kkonċernat bħala sinjali li jservu sabiex iżejnu l-prodott u mhux sabiex jiddistingwuh.

Dispożittiv

L-ewwel Direttiva tal-Kunsill tal-21 ta' Diċembru 1988 biex jiġu approssimati l-liġijiet ta' l-Istati Membri dwar it-trade marks għandha tiġi interpretata fis-sens li l-ħtieġa ta' disponibbiltà tista' tittieħed in kunsiderazzjoni fl-evalwazzjoni tal-portata tad-dritt esklużiv tal-proprjetarju ta' trade mark biss safejn hija applikabbli l-limitazzjoni ta' l-effetti tat-trade mark definita fl-Artikolu 6(1)(b) ta' l-imsemmija direttiva.

(1) ĠU C 82, 14.4.2007.

24.5.2008

Il-Ġurnal Uffiċjali ta’ l-Unjoni Ewropea

C 128/14

Sentenza tal-Qorti tal-Ġustizzja (L-Ewwel Awla) tat-3 ta' April 2008 (talba għal deċiżjoni preliminari tal-Hoge Raad der Nederlanden, l-Olanda) — J.C.M. Beheer BV vs Staatssecretaris van Financiën

(Kawża C-124/07) (1)

(Sitt Direttiva tal-VAT - Provvista ta' servizzi marbuta ma' tranżazzjonijiet ta' assigurazzjoni - Brokers u aġenti ta' l-assigurazzjoni)

(2008/C 128/22)

Lingwa tal-kawża: L-Olandiż

Qorti tar-rinviju

Hoge Raad der Nederlanden

Partijiet fil-kawża prinċipali

Rikorrenti: J.C.M. Beheer BV

Konvenut: Staatssecretaris van Financiën

Suġġett

Talba għal deċiżjoni preliminari — Hoge Raad der Nederlanden — Interpretazzjoni ta' l-Artikolu 13B(a) tas-Sitt Direttiva tal-Kunsill 77/388/KEE, tas-17 ta' Mejju 1977, fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima (ĠU L 15, p. 1) — Provvista ta' servizzi relatati ma' tranżazzjonijet ta' assigurazzjoni jew ta' ri-assigurazzjoni mwettqa mill-brokers ta' l-assigurazzjoni u mill-aġenti ta' l-assigurazzjoni — Persuna taxxabbli li taġixxi bħala sub-aġent għan-nom ta' aġent prinċipali

Dispożittiv

L-Artikolu 13B(a) tas-Sitt Direttiva tal-Kunsill 77/388/KEE, tas-17 ta' Mejju 1977, fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima, għandu jiġi interpretat fis-sens li l-fatt li broker jew aġent ta' l-assigurazzjoni ma jkollux relazzjoni diretta mal-partijiet fuq kuntratt ta' assigurazzjoni jew ta' ri-assigurazzjoni li għal konklużjoni tiegħu huwa jikkontribwixxi, iżda jkollu biss relazzjoni indiretta ma' dawn ta' l-aħħar permezz ta' l-involviment ta' persuna taxxabbli oħra, li tkun hija stess f'relazzjoni diretta ma' waħda minn dawn il-partijiet u li magħha dan il-broker jew dan l-aġent ta' l-assigurazzjoni jkun marbut kuntrattwalment, ma jipprekludix li s-servizz ipprovdut minn dan ta' l-aħħar ikun eżentat mit-taxxa fuq il-valur miżjud fuq il-bażi ta' din l-imsemmija dispożizzjoni.

(1) ĠU C 95, 28.4.2007.

24.5.2008

Il-Ġurnal Uffiċjali ta’ l-Unjoni Ewropea

C 128/14

Sentenza tal-Qorti tal-Ġustizzja (Is-Seba' Awla) tat-3 ta' April 2008 (talba għal deċiżjoni preliminari tar-Rechtbank Zutphen, l-Olanda) — Proċeduri kriminali kontra Dirk Endendijk

(Kawża C-187/07) (1)

(Direttiva 91/629/KEE - Deċiżjoni 97/182/KE - Trobbija ta' l-għoġġiela - Imqajel individwali - Projbizzjoni milli jintrabtu l-għoġġiela - Tifsira tal-kelma “rbit’ - Materjal u tul tal-marbat - Differenzi fil-verżjonijiet lingwistiċi - Interpretazzjoni uniformi)

(2008/C 128/23)

Lingwa tal-kawża: L-Olandiż

Qorti tar-rinviju

Rechtbank Zutphen

Parti fil-proċeduri kriminali prinċipali

Dirk Endendijk.

Suġġett

Talba għal deċiżjoni preliminari — Rechtbank Zutphen — Interpretazzjoni tal-punt 8 ta' l-Anness tad-Direttiva tal-Kunsill 91/629/KEE, tad-19 ta' Novembru 1991, li tipprovdi l-livelli minimi għall-protezzjoni ta' l-għoġġiela (ĠU L 340, p. 28) moqri flimkien ma' l-Artikolu 1(3) tad-Deċiżjoni tal-Kummissjoni 97/182/KE, ta' l-24 ta' Frar 1997, li temenda l-Anness li jinsab mad-Direttiva 91/629 (ĠU L 76, p. 30) — Kunċett ta' “rbit”

Dispożittiv

Skond id-Direttiva tal-Kunsill 91/629/KEE, tad-19 ta' Novembru 1991 li tipprovdi l-livelli minimi għall-protezzjoni ta' l-għoġġiela, kif emendata mid-Deċiżjoni tal-Kummissjoni 97/182/KEE, ta' l-24 ta' Frar 1997, għoġol ikun marbut meta jinżamm b'marbat, indipendentement mill-materjal u t-tul tiegħu u mir-raġunijiet għalfejn l-annimal ikun marbut.

(1) ĠU C 129, 9.6.2007.

24.5.2008

Il-Ġurnal Uffiċjali ta’ l-Unjoni Ewropea

C 128/15

Sentenza tal-Qorti tal-Ġustizzja (Is-Seba' Awla) tat-3 ta' April 2008 — Il-Kummissjoni tal-Komunitajiet Ewropej vs Ir-Repubblika Portugiża

(Kawża C-289/07) (1)

(Nuqqas ta' Stat li jwettaq obbligu - Direttiva 2004/17/KE - Koordinament tal-proċeduri ta' l-għoti ta' kuntratti fis-setturi ta' l-ilma, ta' l-enerġija, tat-trasport u tas-servizzi postali - Nuqqas ta' transpożizzjoni fit-terminu previst)

(2008/C 128/24)

Lingwa tal-kawża: Il-Portugiż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: A. Caeiros u D. Kukovec, aġenti)

Konvenuta: Ir-Repubblika Portugiża (rappreżentanti: L. Fernandes u F. Andrade e Sousa, aġenti)

Suġġett

Nuqqas ta' Stat li jwettaq obbligu — Nuqqas li jadotta, fit-terminu previst, id-dispożizzjonijiet neċessarji sabiex jikkonforma ruħu mad-Direttiva tal-Parlament Ewropew u tal-Kunsill 2004/17/KE, tal-31 ta' Marzu 2004, li tikkoordina l-proċeduri ta' akkwisti ta' entitajiet li joperaw fis-setturi tas-servizzi ta' l-ilma, l-enerġija, t-trasport u postali (ĠU L 134, p. 1)

Dispożittiv

Billi ma adottatx il-liġijiet, regolamenti u dispożizzjonijiet amministrattivi neċessarji sabiex tikkonforma ruħha mad-Direttiva tal-Parlament Ewropew u tal-Kunsill 2004/17/KE, tal-31 ta' Marzu 2004, li tikkoordina l-proċeduri ta' akkwisti ta' entitajiet li joperaw fis-setturi tas-servizzi ta' l-ilma, l-enerġija, t-trasport u postali, ir-Repubblika tal-Portugall naqset milli twettaq l-obbligu tagħha taħt l-Artikolu 71(1) ta' din id-direttiva.

2)	Ir-Repubblika Portugiża hija kkundannata għall-ispejjeż.

(1) ĠU C 183, 4.8.2007.

24.5.2008

Il-Ġurnal Uffiċjali ta’ l-Unjoni Ewropea

C 128/15

Digriet tal-Qorti tal-Ġustizzja ta' l-20 ta' Frar 2008 — Comunidad Autónoma de Valencia — Generalidad Valenciana vs Il-Kummissjoni tall-Komunitajiet Ewropej

(Kawża C-363/06) (1)

(Appell - Artikolu 119 tar-Regoli tal-Proċedura - Artikolu 19 ta' l-Istatut tal-Qorti tal-Ġustizzja - Rappreżentanza minn avukat - Osservanza tal-forom proċedurali sostanzjali tar-Regoli tal-Proċedura - Prinċipju ta' non-diskriminazzjoni - Appell parzjalment manifestament inammissibbli u parzjalment manifestament infondat)

(2008/C 128/25)

Lingwa tal-kawża: L-Ispanjol

Partijiet

Appellanti: Comunidad Autónoma de Valência — Generalidad Valenciana (rappreżentanti: C. Fernaández Vicién, I. Moreno-Tapia Rivas, M. J. Rodríguez Blasco, avukati u J.V. Sánchez-Tarazaga Marcelino)

Intervenjent in sostenn ta' l-appellanti: Ir-Renju ta' Spanja (rappreżentant: N. Días Abad)

Parti l-oħra fil-kawża: Il-Kummissjoni tal-Komunitajiet Ewropej (rappreżentanti: F. Castillo de la Torre u L. Escobar Guerrero, aġenti)

Intervenjenti in sostenn tal-parti l-oħra fil-kawża: Ir-Repubblika Taljana (rappreżentanti: I. M. Braguglia, aġent u P. Gentili, avukat ta' l-Istat)

Suġġett

Appell mid-digriet tal-Qorti tal-Prim'Istanza (It-Tieni Awla) tal-5 ta' Lulju 2006, Comunidad Autónoma de Valencia — Generalidad de Valencia vs Il-Kummissjoni (T-357/05) li permezz tiegħu l-Qorti tal-Prim'Istanza ċaħdet bħala manifestament inammissibbli r-rikors tar-rikorrenti li għandu bħala suġġett l-annullament tad-Deċiżjoni C(2005)1867 finali tal-Kummissjoni, tas-27 ta' Ġunju 2005, dwar tnaqqis ta' għajnuna finanzjarja inizjalment mogħtija mill-Fond ta' Koeżjoni għall-grupp ta' proġetti Nru 97/11/61/028, dwar il-ġbir u t-trattament ta' ilmijiet residwali fuq il-kosta Meditterranja tal-Comunidad Autónoma de Valencia (Spanja) — Rappreżentazzjoni minn avukat — Artikolu 19 ta' l-Istatut tal-Qorti tal-Ġustizzja

Dispożittiv

1)	L-appell huwa miċħud.

2)	Il-Comunidad Autónoma de Valencia — Generalidad de Valencia għandha tbati l-ispejjeż.

(1) ĠU C 261, 28.10.2006.

24.5.2008

Il-Ġurnal Uffiċjali ta’ l-Unjoni Ewropea

C 128/16

Digriet tal-Qorti tal-Ġustizzja (Is-Sitt Awla) tat-13 ta' Frar 2008 — Indorata-Serviços e Gestão, Lda vs L-Uffiċċju għall-Armonizzazzjoni fis-Suq Intern (Trade marks u Disinni)

(Kawża C-212/07) (1)

(Appell - Trade mark Komunitarja - Trade mark verbali HAIRTRANSFER - Rifjut ta' reġistrazzjoni - Nuqqas ta' karattru distintiv)

(2008/C 128/26)

Lingwa tal-kawża: Il-Ġermaniż

Partijiet

Appellanti: Indorata-Serviços e Gestão, Lda (rappreżentant: T. Wallentin, Rechtsanwalt)

Appellat: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: J. Weberndörfer, aġent)

Suġġett

Appell mis-sentenza tal-Qorti tal-Prim'Istanza (Il-Ħames Awla), tal-15 ta' Frar 2007, Indorata-Serviços e Gestão vs L-UASI (T-204/04), li permezz tagħha l-Qorti tal-Prim'Istanza ċaħdet ir-rikors għal annullament kontra d-deċiżjoni li tirrifjuta l-applikazzjoni għal reġistrazzjoni tat-trade mark verbali “HAIRTRANSFER” għal ċerti prodotti u servizzi fil-klassijiet 8, 22, 41 u 44 — Karattru distintiv tat-trade mark

Dispożittiv

1)	L-appell huwa miċħud.

2)	Indorata-Serviços e Gestão Lda hija kkundannata għall-ispejjeż.

(1) ĠU C 155, 7.7.2007.

24.5.2008

Il-Ġurnal Uffiċjali ta’ l-Unjoni Ewropea

C 128/16

Digriet tal-Qorti tal-Ġustizzja (Il-Ħames Awla) tal-15 ta' Frar 2008 — Carsten Brinkmann vs L-Uffiċċju għall-Armonizzazzjoni fis-Suq Intern (Trade marks u Disinni)

(Kawża C-243/07) (1)

(Appell - Trade mark Komunitarja - Artikolu 8(1)(b) tar-Regolament (KE) Nru 40/94 - Probabbiltà ta' konfużjoni - Sinjal verbali “terranus’ - Rifjut ta' reġistrazzjoni)

(2008/C 128/27)

Lingwa tal-kawża: Il-Ġermaniż

Partijiet

Appellant: Carsten Brinkmann (rappreżentant: K. van Bebber, Rechtsanwältin)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: G. Schneider, aġent), Terra Networks SA

Suġġett

Appell mis-sentenza tal-Qorti tal-Prim'Istanza (Il-Ħames Awla) tat-22 ta' Marzu 2007, Brinkmann vs L-UASI (T-322/05), li biha l-Qorti tal-Prim'Istanza ċaħdet ir-rikors għal annullament magħmul mill-applikant tat-trade mark verbali “TERRANUS” għal prodotti fil-klassi 36, kontra d-deċiżjoni R 1145/2004-1 ta' l-Ewwel Bord ta' l-Appell ta' l-Uffiċċju għall-Armonizzazzjoni fis-Suq Intern (UASI), ta' l-10 ta' Ġunju 2005, li tiċħad ir-rikors magħmul kontra din id-deċiżjoni tad-Diviżjoni ta' l-Oppożizzjoni li tirrifjuta r-reġistrazzjoni ta' l-imsemmija trade mark fil-kuntest ta' proċedura ta' oppożizzjoni mressqa mill-proprjetarju tat-trade mark Komunitarja u nazzjonali figurattiva “TERRA” għal prodotti fil-klassi 36 — Probabbiltà ta' konfużjoni bejn żewġ trade marks

Dispożittiv

1)	L-appell huwa miċħud.

2)	Is-Sur Brinkmann huwa kkundannat għall-ispejjeż.

(1) ĠU C 199, 25.8.2007.

24.5.2008

Il-Ġurnal Uffiċjali ta’ l-Unjoni Ewropea

C 128/17

Digriet tal-Qorti tal-Ġustizzja tad-19 ta' Frar 2008 — Tokai Europe GmbH vs Il-Kummissjoni tal-Komunitajiet Ewropej

(Kawża C-262/07) (1)

(Appell - Regolament (KE) Nru 384/2004 - Klassifikazzjoni ta' ċerti oġġetti fin-Nomenklatura Magħquda - Persuna mhux individwalment ikkonċernata - Appell in parti manifestament inammissibbli u in parti manifestament infondat)

(2008/C 128/28)

Lingwa tal-kawża: Il-Ġermaniż

Partijiet

Appellanti: Tokai Europe GmbH (rappreżentant: G. Kroemer, Rechtsanwalt

Appellata: Il-Kummissjoni tal-Komunitajiet Ewropej (rappreżentanti: S. Schønberg u M. B. Schima, aġenti)

Suġġett

Appell mid-digriet tal-Qorti tal-Prim'Istanza (Ir-Raba' Awla) tad-19 ta' Marzu 2007 fil-kawża T-183/04, Tokai Europe vs Il-Kummissjoni (T-183/04), li permezz tiegħu l-Qorti tal-Prim'Istanza ċaħdet bħala inammissibbli r-rikors għall-annullament tar-Regolament tal-Kummissjoni (KE) Nru 384/2004, ta' l-1 ta' Marzu 2004, dwar il-klassifikazzjoni ta' ċerti oġġetti fin-Nomenklatura Magħquda (ĠU L 64, p. 21) — Kundizzjoni li persuna tkun individwalment ikkonċernata mir-regolament ikkontestat — Dritt għal smigħ xieraq

Dispożittiv

1)	L-appell huwa miċħud.

2)	Tokai Europe GmbH hija kkundannata għall-ispejjeż.

(1) GU C 170, 21.7.2007.

24.5.2008

Il-Ġurnal Uffiċjali ta’ l-Unjoni Ewropea

C 128/17

Talba għal deċiżjoni preliminari magħmula mix-Schleswig-Holsteinischen Verwaltungsgerichts (il-Ġermanja) fit-8 ta' Frar 2008 — Carmen Media Group Ltd vs Land Schleswig-Holstein u Ministru ta' l-Intern tal-Land Schleswig-Holstein

(Kawża C-46/08)

(2008/C 128/29)

Lingwa tal-kawża: Il-Ġermaniż

Qorti tar-rinviju

Schleswig-Holsteinischen Verwaltungsgerichts

Partijiet fil-kawża prinċipali

Rikorrenti: Carmen Media Group.

Konvenuti: Land Schleswig-Holstein u Ministru ta' l-Intern tal-Land Schleswig-Holstein

Domandi preliminari

L-Artikolu 49 KE għandu jiġi interpretat fis-sens li l-invokazzjoni tal-libertà li jiġu pprovduti servizzi tirrikjedi li fornitur ta' servizz ikun jista', skond id-dispożizzjonijiet ta' l-Istat Membru li fih huwa stabbilit, jipprovdi s-servizz hemmhekk ukoll — fil-każ preżenti, restrizzjoni tal-liċenzja ta' logħob ta' l-ażżard ta' Ġibiltà għal “offshore bookmaking”?

L-Artikolu 49 KE għandu jiġi interpretat fis-sens li jipprekludi li monopolju nazzjonali ta' l-Istat fuq l-organizzazzjoni ta' imħatri dwar l-isports u l-lotteriji (b'potenzjal li jsir vizzju li mhuwiex baxx), iġġustifikat prinċipalment għal raġunijiet tal-ġlieda kontra r-riskju tal-vizzju tal-logħob ta' l-ażżard, filwaqt li logħob ieħor ta' l-ażżard, b'riskju potenzjali konsiderevoli ta' vizzju, jista' jiġi pprovdut f'dak l-Istat Membru minn fornituri ta' servizz privat, u d-diversi regoli legali għall-imħatri dwar l-isports u l-lotteriji, minn naħa, u l-logħob ta' l-ażżard min-naħa l-oħra, huma bbażati fuq is-setgħat leġiżlattivi differenti tal-Bund u tal-Länder?

Jekk ir-risposta għad-domanda (2) hija fl-affermattiv:

L-Artikolu 49 KE għandu jiġi interpretat fis-sens li jipprekludi regoli nazzjonali li jissuġġettaw l-għoti ta' liċenzja għall-organizzazzjoni u għall-intermedjazzjoni tal-logħob ta' l-ażżard għad-diskrezzjoni ta' l-awtorità ta' liċenzjar kompetenti, anki meta l-kundizzjonijiet għall-għoti ta' liċenzja kif stabbiliti fil-leġiżlazzjoni ma ġewx soddisfatti?

L-Artikolu 49 KE għandu jiġi interpretat fis-sens li jipprekludi regoli nazzjonali li jipprojbixxu l-organizzazzjoni u l-intermedjazzjoni ta' logħob ta' l-ażżard pubbliku fuq l-Internet, b'mod partikolari meta, fl-istess żmien, għalkemm għal perijodu ta' tranżizzjoni ta' sena, l-organizzazzjoni u l-intermedjazzjoni fuq l-Internet huma permessi, suġġett għal-leġiżlazzjoni li tħares il-minuri u dawk li jilgħabu, għall-għanijiet tal-prinċipju ta' proprozjonalità u sabiex żewġ intermedjarji kummerċjali tal-logħob ta' l-ażżard li qabel kienu joperaw esklużivament fuq l-Internet ikunu jistgħu jaqilbu għal dawk il-mezzi ta' distribuzzjoni permessi mill-Istaatsvertrag?

24.5.2008

Il-Ġurnal Uffiċjali ta’ l-Unjoni Ewropea

C 128/18

Rikors ippreżentat fil-11 ta' Frar 2008 — Il-Kummissjoni tal-Komunitajiet Ewropej vs Ir-Renju tal-Belġju

(Kawża C-47/08)

(2008/C 128/30)

Lingwa tal-kawża: Il-Franċiż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: J.-P. Keppenne u H. Støovlbæk, aġenti)

Konvenut: Ir-Renju tal-Belġju

Talbiet

—

tikkonstata li, bl-impożizzjoni ta' kundizzjoni ta' nazzjonalità għall-aċċess għall-professjoni ta' nutar u bin-nuqqas ta' traspożizzjoni tad-Direttiva 89/48/KEE (1) għall-attività ta' nutar, ir-Renju tal-Belġju naqas milli jwettaq l-obbligi tiegħu taħt it-Trattat KE, partikolarment l-Artikoli 43 KE u 45 KE, u taħt id-Direttiva 89/48/KEE dwar sistema ġenerali għar-rikonoxximent ta' diplomi ta' edukazzjoni ogħla mogħtija mal-kompletar ta' l-edukazzjoni u t-taħriġ professjonali ta' mill-inqas tliet snin;

—	tikkundanna lir-Renju tal-Belgju għall-ispejjeż.

Motivi u argumenti prinċipali

Permezz tar-rikors tagħha, il-Kummissjoni fl-ewwel lok tikkritika lill-konvenut li, bl-impożizzjoni ta' kundizzjoni ta' nazzjonalità għall-aċċess għall-professjoni ta' nutar u għall-eżerċizzju tagħha, ħoloq preġudizzju sproporzjonat għal-libertà ta' l-istabbiliment prevista fl-Artikolu 43 KE. Huwa minnu li l-Artikolu 45 KE jeżenta mill-applikazzjoni tal-kapitolu dwar id-dritt ta' stabbiliment l-attivitajiet li jaqgħu, b'mod dirett u speċifiku, fl-ambitu ta' l-eżerċizzju ta' l-awtorità pubblika. Madankollu, skond il-Kummissjoni, id-dmirijiet li n-nutara għandhom skond il-liġi Belġjana jirrapreżentaw grad ta' parteċipazzjoni f'dan l-eżerċizzju li huwa tant baxx li ma jistgħux jaqgħu fil-kamp ta' applikazzjoni ta' dan l-artikolu u lanqas ma jistgħu jiġġustifikaw tali ostakolu għal-libertà ta' l-istabbiliment. Dawn id-dmirijiet, fil-fatt, ma jagħtux lin-nutara poteri ta' ordnijiet mandatorji u l-leġiżlatur nazzjonali seta' jimponi miżuri inqas restrittivi minn kundizzjoni ta' nazzjonalità, bħal, per eżempju, li l-persuni kkonċernati jkunu suġġetti għall-kundizzjonijiet stretti ta' aċċess għall-professjoni, għal rekwiżiti professjonali partikolari u/jew għal kontroll speċifiku.

Permezz tat-tieni ilment tagħha, il-Kummissjoni tikkritika wkoll lill-konvenut li naqas milli jwettaq l-obbligi tiegħu meta naqas milli jittrasponi d-Direttiva 89/48/KEE f'dak li jirrigwarda l-professjoni ta' nutar. In kwantu din hija professjoni rregolata, id-Direttiva hija fil-fatt kompletament applikabbli għaliha u l-livell għoli ta' kwalifikazzjoni meħtieġ min-nutara jista' faċilment jiġi żgurat permezz ta' test ta' kapaċità jew żmien ta' adattament.

(1) Direttiva tal-Kunsill 89/48/KEE, tal-21 ta' Diċembru 1988, dwar sistema ġenerali għar-rikonoxximent ta' diplomi ta' edukazzjoni ogħla mogħtija mal-kompletar ta' l-edukazzjoni u t-taħriġ professjonali ta' mill-inqas tliet snin (ĠU 1989, L 19, p. 16).

24.5.2008

Il-Ġurnal Uffiċjali ta’ l-Unjoni Ewropea

C 128/18

Rikors ippreżentat fit-12 ta' Frar 2008 — Il-Kummissjoni tal-Komunitajiet Ewropej vs Ir-Repubblika Franċiża

(Kawża C-50/08)

(2008/C 128/31)

Lingwa tal-kawża: Il-Franċiż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: MM. J.-P. Keppenne u M. H. Støvlbæk, aġenti)

Konvenuta: Ir-Repubblika Franċiża

Talbiet tar-rikorrenti

—	tikkonstata li, billi imponiet kundizzjoni ta' nazzjonalità għall-aċċess għall-professjoni ta' nutar, ir-Repubblika Franċiża naqset milli twettaq l-obbligi li hija għandha skond it-Trattat KE, b'mod partikolari l-Artikoli 43 KE u 45 KE;

—	tikkundanna lir-Repubblika Franċiża għall-ispejjeż.

Motivi u argumenti prinċipali

Permezz tar-rikors tagħha, il-Kummissjoni takkuża lill-konvenuta li, billi imponiet kundizzjoni ta' nazzjonalità għall-aċċess għall-professjoni ta' nutar u l-eżerċizzju tagħha, hija kkawżat dannu sproporzjonat għal-libertà ta' l-istabbiliment prevista fl-Artikolu 43 KE. Huwa minnu li l-Artikolu 45 KE jeżenta mill-applikazzjoni tal-kapitolu rigward id-dritt ta' stabbiliment l-attivitajiet li huma parti, b'mod dirett u speċifiku, mill-eżerċizzju ta' l-awtorità pubblika. Skond il-Kummissjoni, il-kompiti li n-nutara huma inkarigati bihom mid-dritt Franċiż madankollu jippreżentaw livell ta' parteċipazzjoni tant dgħajjef f'dan l-eżerċiżżju li huma ma jistgħux jaqgħu taħt il-kamp ta' applikazzjoni ta' dan l-Artikolu, u jiġġustifikaw ostakolu bħal dan għal-libertà ta' l-istabbiliment.

Fil-fatt, minn naħa, dawn il-kompiti ma jagħtux lin-nutara setgħat reali ta' infurzar u l-funzjonijiet u l-istatus rispettivi ta' l-imħallef u tan-nutar huma ferm distinti.

Min-naħa l-oħra, miżuri inqas restrittivi minn kundizzjoni ta' nazzjonalità jistgħu jiġu imposti mil-leġiżlatur nazzjonali, bħal, per eżempju, l-issuġġettar ta' l-operaturi kkonċernati għal kundizzjonijiet stretti ta' aċċess għall-professjoni, għal dmirjiet professjonali partikolari u/jew għal kontroll speċifiku.

24.5.2008

Il-Ġurnal Uffiċjali ta’ l-Unjoni Ewropea

C 128/19

Rikors ippreżentat fit-12 ta' Frar 2008 — Il-Kummissjoni tal-Komunitajiet Ewropej vs Il-Gran Dukat tal-Lussemburgu

(Kawża C-51/08)

(2008/C 128/32)

Lingwa tal-kawża: Il-Franċiż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: J.-P. Keppenne u H. Støvlbæk, aġenti)

Konvenut: Il-Gran Dukat tal-Lussemburgu

Talbiet

—

tikkonstata li, billi impona kundizzjoni ta' ċittadinanza għall-aċċess għall-professjoni ta' nutar u billi ma trasponix id-Direttiva 89/48/KEE (1) għall-attività ta' nutar, il-Gran Dukat tal-Lussemburgu naqas milli jwettaq l-obbligi imposti fuqu bis-saħħa tat-Trattat KE, b'mod partikolari l-Artikoli 43 KE u 45 KE, u tad-Direttiva 89/48/KEE dwar sistema ġenerali għar-rikonoxximent ta' diplomi ta' edukazzjoni ogħla mogħtija mal-kompletar ta' l-edukazzjoni u t-taħriġ professjonali ta' mill-inqas tliet snin;

—	tikkundanna lill-Gran Dukat tal-Lussemburgu għall-ispejjeż.

Motivi u argumenti prinċipali

Permezz tar-rikors tagħha, il-Kummissjoni takkuża l-ewwel nett lill-konvenut li, billi jimponi kundizzjoni ta' ċittadinanza għall-aċċess għall-professjoni ta' nutar u t-twettiq tagħha, huwa jirristrinġi b'mod disproporzjonat il-libertà ta' l-istabbiliment prevista fl-Artikolu 43 KE. L-Artikolu 45 KE jeżenta ċertament mill-applikazzjoni tal-kapitolu dwar id-dritt ta' l-istabbiliment l-attivitajiet konessi, b'mod dirett u speċifiku, ma' l-eżerċizzju ta' awtorità pubblika. Skond il-Kummissjoni, il-kompiti fdati lin-nutara mid-dritt Lussemburgiż huma tant konessi mill-bogħod ma' dan l-eżerċizzju li ma jistgħux jaqgħu taħt il-kamp ta' applikazzjoni ta' dan l-Artikolu u jiġġustifikaw tali ostakolu għal-libertà ta' l-istabbiliment. Dawn il-kompiti, fil-fatt, ma jikkonferixxux lin-nutara setgħa ta' infurzar u miżuri anqas ristrettivi minn kundizzjoni ta' ċittadinanza jistgħu jiġu imposti mil-leġiżlatur nazzjonali, bħal, per eżempju, l-issuġġettar ta' l-operaturi kkonċernati għal kundizzjonijiet stretti ta' aċċess għall-professjoni, għal xogħlijiet professjonali partikolari u/jew għal kontroll speċifiku.

Permezz tat-tieni ilment tagħha, il-Kummissjoni takkuża barra minn hekk lill-konvenut li naqas milli jwettaq l-obbligi imposti fuqu billi ma trasponix id-Direttiva 89/48/KEE fir-rigward tal-professjoni ta' nutar. Peress illi din hija professjoni rregolata, id-direttiva hija fil-fatt kompletament applikabbli għal din il-professjoni u l-livell għoli ta' kwalifika meħtieġa min-nutara jista' faċilment ikun iggarantit permezz ta' test ta' kapaċità jew perijodu ta' adattament.

(1) Direttiva 89/48/KEE dwar sistema ġenerali għar-rikonoxximent ta' diplomi ta' edukazzjoni ogħla mogħtija mal-kompletar ta' l-edukazzjoni u t-taħriġ professjonali ta' mill-inqas tliet snin (ĠU 1989, L 19, p. 16).

24.5.2008

Il-Ġurnal Uffiċjali ta’ l-Unjoni Ewropea

C 128/19

Talba għal deċiżjoni preliminari magħmula mill-Unabhängigen Finanzsenats, Außenstelle Graz (l-Awstrija) fil-15 ta' Frar 2008 — Dachsberger & Söhne GmbH vs Zollamt Salzburg, Erstattungen

(Kawża C-77/08)

(2008/C 128/33)

Lingwa tal-kawża: Il-Ġermaniż

Qorti tar-rinviju

Unabhängiger Finanzsenat, Außenstelle Graz.

Partijiet fil-kawża prinċipali

Rikorrenti: Dachsberger & Söhne GmbH.

Konvenut: Zollamt Salzburg, Erstattungen.

Domandi preliminari

It-tieni sentenza tat-tieni subparagrafu ta' l-Artikolu 11(1) tar-Regolament tal-Kummissjoni (KEE) Nru 3665/87 tas-27 ta' Novembru 1987, fil-verżjoni li toħroġ mir-Regolament tal-Kummissjoni (KE) Nru 2945/904 tat-2 ta' Diċembru 1994, li tipprovdi li, għall-kalkolu tar-rifużjoni mitluba fil-każ ta' rifużjoni differenzjata, “il-parti differenzjata tar-rifużjoni għandha tkun ikkalkolata bl-użu tad-dettalji dwar il-kwantità, il-piż u d-destinazzjoni previsti skond l-Artikolu 47” (1) għandha tiġi interpretata fis-sens li “d-dettalji dwar il-kwantità, il-piż u d-destinazzjoni previsti skond l-Artikolu 47” għandhom jinftiehmu bħala d-dettalji mogħtija fl-applikazzjoni speċifika msemmija fl-Artikolu 47(1), b'tali mod li l-parti differenzjata tar-rifużjoni tintalab biss meta tiġi ppreżentata l-applikazzjoni msemmija fl-Artikolu 47(1)?

Jekk ir-risposta għall-ewwel domanda hija fl-affermattiv, id-dispożizzjoni msemmija iktar 'il fuq għandha tiġi interpretata fis-sens li, fl-eventwalità li l-applikazzjoni għal ħlas għandha, skond l-Artikolu 47(1) tar-Regolament tal-Kummissjoni (KEE) Nru 3665/87 tas-27 ta' Novembru 1987, issir sa mill-istadju tad-“dokument użat fl-esportazzjoni għall-kwalifika għar-rifużjonijiet” (f'dan il-każ, id-dikjarazzjoni ta' esportazzjoni), il-kalkolu tar-rifużjoni mitluba għandu jsir, fir-rigward tal-parti differenzjata, billi jintużaw id-dettalji li jkunu jinsabu fid-dikjarazzjoni ta' esportazzjoni, b'tali mod li l-parti differenzjata tar-rifużjoni tintalab ukoll permezz tad-dikjarazzjoni ta' esportazzjoni?

Jekk ir-risposta għall-ewwel domanda hija fin-negattiv, id-dispożizzjoni msemmija iktar 'il fuq għandha tiġi interpretata fis-sens li l-kalkolu tar-rifuzjoni mitluba għandu jsir, fir-rigward tal-parti differenzjata, billi jintużaw id-dokumenti li għandhom jiġu ppreżentati skond l-Artiikolu 47 tar-Regolament tal-Kmmissjoni (KEE) Nru 3665/87 tas-27 ta' Novembru 1987, b'tali mod li l-parti differenzjata tar-rifużjoni tintalab biss meta jiġu ppreżentati “id-dokumenti li jirrigwardaw il-pagament” fis-sens ta' l-Artikolu 47(2) tar-Regolament tal-Kummissjoni (KEE) Nru 3665/87 tas-27 ta' Novembru 1987?

Jekk ir-risposta għat-tielet domanda hija fl-affermattiv, id-dispożizzjoni msemmija iktar 'il fuq għandha tiġi interpretata fis-sens li, sabiex tintalab il-parti differenzjata tar-rifużjoni, huwa biżżejjed li jiġu ppreżentati d-dokumenti msemmija fl-Artikolu 47(2) tar-Regolament tal-Kummissjoni (KEE) Nru 3665/87, anki jekk dawn id-dokumenti jkunu diffettużi, bil-konsegwenza legali li l-penali previsti fl-Artikolu 11 tar-Regolament tal-Kummissjoni (KEE) Nru 3665/87 tas-27 ta' Novembru 1987 japplikaw ukoll għall-parti differenzjata tar-rifużjoni?

(1) ĠU L 310, p. 57. Regolamenti mhux disponibbli bil-Malti.

24.5.2008

Il-Ġurnal Uffiċjali ta’ l-Unjoni Ewropea

C 128/20

Appell ippreżentat fil-25 ta' Frar 2008 minn Miguel Cabrera Sánchez kontra s-sentenza tal-Qorti tal-Prim'Istanza tat-13 ta' Diċembru 2007, fil-Kawża T-242/06, Miguel Cabrera Sánchez vs UASI u Industrias Cárnicas Valle, S.A.

(Kawża C-81/08 P)

(2008/C 128/34)

Lingwa tal-kawża: L-Ispanjol

Partijiet

Appellant: Miguel Cabrera Sánchez (rappreżentanti: J.A. Calderón Chavero u T. Villate Consonni, abogados)

Partijiet oħra fil-kawża: L-Uffiċċju għall-Armonizzazzjoni fis-Suq Intern (Trade Marks u Disinni) (UASI) u Industrias Cárnicas Valle, S.A.

Talbiet

—	tannulla s-sentenza tal-Qorti tal-Prim'Istanza (It-Tielet Awla) tat-13 ta' Diċembru 2007 fil-Kawża T-242/06 għall-annullament tad-deċiżjoni in kwistjoni peress li skond l-appellant il-marki EL CHARCUTERO (appellant) u EL CHARCUTERO ARTESANO (appellata) huma b'mod ċar inkompatibbli;

—	tiddeċiedi dwar l-ispejjeż.

Aggravji u argumenti prinċipali

L-appellant isostni li, kuntrarjament għas-sentenza appellata, it-trade mark Komunitarja “El chacutero Artesano” taqa' taħt il-projbizzjoni fl-Artikolu 8(1)(b) tar-Regolament 40/94 (1) peress li, fuq oppożizzjoni mill-proprjetarju ta' trade mark preċedenti, f'dan il-każ, it-trade mark Spanjola “El Charcutero”, it-trade mark li għaliha saret applikazzjoni m'għandhiex tiġi rreġistrata jekk, minħabba l-identiċità jew ix-xebh tagħha mat-trade mark preċedenti u l-identiċità jew ix-xebh ta' l-oġġetti jew is-servizzi koperti mit-trade marks, ikun hemm probabbiltà ta' konfużjoni min-naħa tal-pubbliku fit-territorju fejn it-trade mark preċedenti tkun protetta, f'dan il-każ fi Spanja. Il-probabbiltà ta' konfużjoni tinkludi l-probabbiltà li ssir assoċjazzjoni mat-trade mark preċedenti.

(1) Regolament tal-Kunsill ta' l-20 ta' Diċembru 1993 dwar it-trade mark Komunitarja (ĠU L 11, 1993, p. 1).

24.5.2008

Il-Ġurnal Uffiċjali ta’ l-Unjoni Ewropea

C 128/21

Talba għal deċiżjoni preliminari magħmula minn Thüringer Finanzgerichts, Gotha (il-Ġermanja), fil-25 ta' Frar 2008 — Glückauf Brauerei GmbH vs Hauptzollamt Erfurt

(Kawża C-83/08)

(2008/C 128/35)

Lingwa tal-kawża: Il-Ġermaniż

Qorti tar-rinviju

Thüringer Finanzgericht, Gotha

Partijiet fil-kawża prinċipali

Rikorrenti: Glückauf Brauerei GmbH

Konvenut: Hauptzollamt Erfurt

Domanda preliminari

Il-kriterji ta' indipendenza ġuridika u indipendenza ekonomika, fis-sens ta' l-Artikolu 4(1) tad-Direttiva tal-Kunsill 92/83/KEE, tad-19 ta' Ottubru 1992, dwar l-armonizzazzjoni ta' l-istrutturi tat-taxxi tas-sisa fuq l-alkoħol u x-xorb alkoħoliku (1), għall-finijiet ta' l-applikazzjoni tar-rati mnaqqsa ta' dazju, għandhom jiġu interpretati, fid-dawl tal-premessi ta' din id-direttiva, fis-sens li hemm lok li titqies l-eżistenza ta' dipendenza ekonomika bejn birreriji, li għall-bqija huma ġuridikament independenti, biss meta l-birreriji kkonċernati ma jistgħux jintervjenu fis-suq bħala kompetituri indipendenti wieħed mill-ieħor, jew hija diġà biżżejjed il-possibbiltà li jeżerċitaw de facto influwenza fuq l-attivitajiet kummerċjali tal-birreriji sabiex il-kriterju ta' indipendenza ma jibqax sodisfatt?

(1) ĠU L 316, p. 21.

24.5.2008

Il-Ġurnal Uffiċjali ta’ l-Unjoni Ewropea

C 128/21

Talba għal deċiżjoni preliminari magħmula minn Obersten Gerichtshof, (l-Awstrija) fis-27 ta' Frar 2008 — David Hütter vs Technische Universität Graz

(Kawża C-88/08)

(2008/C 128/36)

Lingwa tal-kawża: Il-Ġermaniż

Qorti tar-rinviju

Obersten Gerichtshof

Partijiet fil-kawża prinċipali

Rikorrent: David Hütter

Konvenuta: Technische Universität Graz

Domanda preliminari

L-Artikoli 1, 2 u 6 tad-Direttiva tal-Kunsill Nru 2000/78/KE tas-27 ta' Novembru 2000 li tistabbilixxi qafas ġenerali għall-ugwaljanza fit-trattament fl-impjieg u fix-xogħol (1) għandhom jiġu interpretati fis-sens li jipprekludu leġiżlazzjoni nazzjonali [bħal dik li tirriżulta mill-Artikoli 3(3) u 26(1) tal-Vertragsbedienstetengesetz 1948 Awstrijaka (Liġi ta' l-1948 dwar impjegati kuntrattwali)] li teskludi, fost il-perijodi ta' impjieg li għandhom jittieħdu in kunsiderazzjoni fl-iffissar tad-data ta' referenza għall-finijiet ta' avvanz fil-grad, dawk li jkunu twettqu qabel ma l-persuna kkonċernata tkun għalqet it-18-il sena?

(1) ĠU L 303, p. 16.

24.5.2008

Il-Ġurnal Uffiċjali ta’ l-Unjoni Ewropea

C 128/21

Talba għal deċiżjoni preliminari magħmula mill-Augstākās tiesas Senāta (Repubblika tal-Latvja) fit-28 ta' Frar 2008 — SIA Schenker vs Valsts ieņēmumu dienests

(Kawża C-93/08)

(2008/C 128/37)

Lingwa tal-kawża: Il-Latvjan

Qorti tar-rinviju

Augstākās tiesas Senāta.

Partijiet fil-kawża prinċipali

Rikorrenti: SIA Schenker

Konvenuta: Valsts ieņēmumu dienests

Domanda preliminari

L-Artikolu 11 tar-Regolament Nru 1381/2003 (1), għandu jiġi interpretat fis-sens li jipprekludi l-possibbiltà li tiġi imposta sanzjoni fuq id-dikjarant, jew fuq il-proprjetarju ta' oġġetti taħt il-liġi nazzjonali, meta d-detentur tad-drittijiet tal-proprjetà intellettwali (id-detentur tad-drittijiet) jilħaq ftehim, mad-dikjarant jew mal-proprjetarju ta' dawn l-oġġetti, sabiex jabbandunawhom biex jiġu distrutti, jew jidħol f'diskussjonijiet dwar il-possibbiltà li l-oġġetti jiġu abbandunati biex jiġu distrutti, u matul din il-proċedura, l-awtoritajiet doganali jirċievu informazzjoni li l-oġġetti huma ffalsifikati?

(1) Ir-Regolament tal-Kunsill (KE) Nru 1383/2003 tat-22 ta' Lulju 2003 li jikkonċerna azzjoni doganali kontra merkanzija suspettati li jiksru ċerti drittijiet ta' proprjetà intellettwali u l-miżuri li għandhom jittieħdu kontra merkanzija li jinsabu li jkunu kisru dawk id-drittijiet (ĠU L 196, p. 7).

24.5.2008

Il-Ġurnal Uffiċjali ta’ l-Unjoni Ewropea

C 128/22

Appell ippreżentat fit-3 ta' Marzu 2008 minn Akzo Nobel NV, Akzo Nobel Nederland BV, Akzo Nobel Chemicals International BV, Akzo Nobel Chemicals BV, Akzo Nobel Functional Chemicals BV kontra s-sentenza tal-Qorti tal-Prim'Istanza (It-Tieni Awla) mogħtija fit-12 ta' Diċembru 2007 fil-Kawża T-112/05: Akzo Nobel NV, Akzo Nobel Nederland BV, Akzo Nobel Chemicals International BV, Akzo Nobel Chemicals BV, Akzo Nobel Functional Chemicals BV vs Il-Kummissjoni tal-Komunitajiet Ewropej

(Kawża C-97/08 P)

(2008/C 128/38)

Lingwa tal-kawża: L-Ingliż

Partijiet

Appellanti: Akzo Nobel NV, Akzo Nobel Nederland BV, Akzo Nobel Chemicals International BV, Akzo Nobel Chemicals BV, Akzo Nobel Functional Chemicals BV (rappreżentanti: C. Swaak, avukat, M. van der Woude, avukat, M. Mollica, avukat)

Appellata: Il-Kummissjoni tal-Komunitajiet Ewropej

Talbiet ta' l-appellanti

L-appellanti jitolbu sabiex il-Qorti tal-Ġustizzja:

—	tannulla s-sentenza tal-Qorti tal-Prim'Istanza tat-12 ta' Diċembru 2007 fil-Kawża T-112/05 safejn din ċaħdet il-motiv li r-responsabbilta kienet attribwita b'mod żbaljat — flimkien u in solidum — lil Akzo Nobel NV;

—	tannulla d-deċiżjoni kkontestata, safejn din tiddikjara lil Akzo Nobel NV bħala responsabbli;

—	tordna lill-Kummissjoni tbati l-ispejjeż ta' dan l-appell u tal-proċedura quddiem il-Qorti tal-Prim'Istanza safejn dawn jirrigwardaw l-aggravju imqajjem f'dan l-appell.

Aggravji u argumenti prinċipali

L-appellanti jqisu li l-Qorti tal-Prim'Istanza applikat b'mod żbaljat il-kunċett ta' “impriża” fis-sens ta' l-Artikolu 81 KE u l-Artikolu 23(2) tar-Regolament Nru 1/2003 (1), kif interpretat mill-Qorti tal-Ġustizzja fil-ġurisprudenza tagħha dwar l-imputabbiltà ta' l-aġir illegali ta' kumpannija sussidjarja lill-kumpannija prinċipali.

(1) Regolament tal-Kunsill (KE) Nru 1/2003, tas-16 ta' Diċembru 2002, fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU L 1, p. 1).

24.5.2008

Il-Ġurnal Uffiċjali ta’ l-Unjoni Ewropea

C 128/22

Talba għal deċiżjoni preliminari magħmula mill-Juzgado de lo Mercantil no 7 de Madrid (Spanja) fl-4 ta' Marzu 2008 — Asociación de Gestión de Derechos Intelectuales (AGEDI) u Asociación de Artistas Intérpretes o Ejecutantes — Sociedad de Gestión de España (AIE) vs Sogecable, S.A. u Canal Satélite Digital S.L.

(Kawża C-98/08)

(2008/C 128/39)

Lingwa tal-kawża: L-Ispanjol

Qorti tar-rinviju

Juzgado de lo Mercantil no 7 de Madrid

Partijiet fil-kawża prinċipali

Rikorrenti: Asociación de Gestión de Derechos Intelectuales (AGEDI) u Asociación de Artistas Intérpretes o Ejecutantes — Sociedad de Gestión de España (AIE).

Konvenuti: Sogecable, S.A. u Canal Satélite Digital S.L.

Domanda preliminari

Id-dritt Komunitarju, u b'mod iktar speċifiku, id-Direttiva tal-Kunsill 92/100/KEE (1), tad-19 ta' Novembru 1992, dwar dritt ta' kiri u dritt ta' self u dwar ċerti drittijiet relatati mad-drittijiet ta' l-awtur fil-qasam tal-proprjetà intellettwali, jawtorizzaw lill-Istati Membri jadottaw regola bħal dik stabbilita fl-Artikolu 109(1) tal-Liġi 22/1987, tal-11 ta' Novembru 1987, dwar il-proprjetà intellettwali, li tirrikonoxxi li l-produtturi ta' fonogrammi ppubblikati għal finijiet kummerċjali għandhom id-dritt esklużiv li jawtorizzaw il-komunikazzjoni ta' dawn il-fonogrammi u l-kopji tagħhom lill-pubbliku?

(1) ĠU L 346, p. 61.

24.5.2008

Il-Ġurnal Uffiċjali ta’ l-Unjoni Ewropea

C 128/22

Rikors ippreżentat fit-3 ta' Marzu 2008 — Il-Kummissjoni tal-Komunitajiet Ewropej vs Ir-Renju tal-Belġju

(Kawża C-100/08)

(2008/C 128/40)

Lingwa tal-kawża: L-Olandiż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: S. Pardo Quintillan u R. Troosters, aġenti)

Konvenut: Ir-Renju tal-Belġju

Talbiet

Tikkonstata li,

—

bl-impożizzjoni fuq l-importazzjoni, iż-żamma u l-bejgħ ta' kampjuni ta' għasafar imwielda u mrobbija fil-magħluq u legalment imqiegħda fis-suq fi Stati Membri oħra, taħt kundizzjonijiet restrittivi li jimponu fuq l-operaturi tas-suq ikkonċernati l-modifikazzjoni fl-immarkar tal-kampjuni sabiex dan ikun jissodisfa l-kundizzjonijiet speċifikament mitluba mil-leġiżlazzjoni Belġjana u bin-nuqqas tiegħu li jaċċetta l-immarkar aċċettat fi Stati Membri oħra u lanqas iċ-ċertifikati maħruġa għal dan il-għan mill-awtoritajiet CITES;

—	billi ċaħħad lill-kummerċjanti mill-possibbiltà li jiksbu derogi mill-projbizzjoni li jżommu fil-pussess tagħhom għasafar indiġeni Ewropej legalment imqiegħda fis-suq fi Stati Membri oħra;

ir-Renju tal-Belġju naqas mill-obbligi imposti fuqu bis-saħħa ta' l-Artikolu 28 tat-Trattat li jistabbilixxi l-Komunità Ewropea.

2.	Tikkundanna lir-Renju tal-Belġju għall-ispejjeż.

Motivi u argumenti prinċipali

Id-digriet irjali tad-9 ta' Settembru 1981 dwar il-protezzjoni ta' l-għasafar fir-Reġjun Fjamming u d-digriet irjali tas-26 ta' Ottubru 2001 li jipprovdi għal miżuri dwar l-importazzjoni, l-esportazzjoni u t-tranżitu ta' ċerti speċi ta' għasafar selvaġġi mhux indiġeni, jinkludu regoli li (1) jissuġġettaw l-importazzjoni, iż-żamma u l-bejgħ ta' kampjuni ta' għasafar imwielda u mrobbija fil-magħluq, u legalment imqiegħda fis-suq fi Stati Membri oħra, għal kundizzjonijiet restrittivi li jimponu fuq l-operaturi tas-suq ikkonċernati l-modifikazzjoni ta' l-immarkar tal-kampjuni sabiex dan ikun jissodisfa l-kundizzjonijiet speċifikament mitluba mil-leġiżlazzjoni Belġjana u li (2) iċaħħdu lill-kummerċjanti mill-possibbiltà li jiksbu derogi mill-projbizzjoni li jkollhom fil-pussess tagħhom għasafar indiġeni Ewropej legalment imqiegħda fis-suq fi Stati Membri oħra.

Skond il-Kummissjoni dawn ir-restrizzjonijiet huma miżuri li għandhom effett ekwivalenti għal restrizzjonijiet kwantitattivi fuq l-importazzjoni u minħabba f'hekk huma pprojbiti skond l-Artikolu 28 KE. Fil-fatt, minn naħa, il-kundizzjonijiet imposti mil-leġiżlazzjoni Belġjana jwasslu għal obbligu ta' modifikazzjoni tal-preżentazzjoni tal-kampjuni ta' l-għasafar legalment imqiegħda fis-suq fi Stati Membri oħra u, min-naħa l-oħra, il-kummerċ huwa bl-istess mod ostakolat mill-projbizzjoni fuq il-kummerċjanti milli jżommu fil-pussess tagħhom ċerti għasafar legalment imqiegħda fis-suq fi Stati Membri oħra.

Il-Kummissjoni ma teskludix b'mod assolut li ċerti ostakoli għall-kummerċ jistgħu jkunu ġġustifikati f'dan il-kuntest skond l-Artikolu 30 KE bl-iskop li jiġu protetti speċi rari li jkollhom karatteristiċi speċifiċi. Madankollu l-leġiżlazzjoni Belġjana ma tissodisfax il-kriterji għal din il-kawża ta' ġustifikazzjoni. Barra minn hekk, jekk ikun il-każ, il-miżuri Belġjani la huma neċessarji u lanqas ma huma proporzjonali għall-finijiet ta' dan l-għan leġittimu.

24.5.2008

Il-Ġurnal Uffiċjali ta’ l-Unjoni Ewropea

C 128/23

Rikors ippreżentat fis-6 ta' Marzu 2008 — Il-Kummissjoni tal-Komunitajiet Ewropej vs Ir-Repubblika Ellenika

(Kawża C-106/08)

(2008/C 128/41)

Lingwa tal-kawża: Il-Grieg

Partijiet

Rikorrenti: Il-Kummissjoni tal-Komunitajiet Ewropej (rappreżentanti: G. Zavvós u N. Yerrell)

Konvenuta: Ir-Repubblika Ellenika

Talbiet tar-rikorrenti

—

tiddikjara illi, peress li ma addottatx il-miżuri kollha neċessarji sabiex tiggarantixxi li l-vetturi li jiddaħħlu fiċ-ċirkolazzjoni għall-ewwel darba mill-1 ta' Mejju 2006 għandu jitwaħħlilhom apparat ta' reġistrazzjoni skond il-ħtiġiet ta' l-Anness IB għar-Regolament (KE) Nru 3821/85 u peress li ma pprovdietx għall-ħruġ tal-karti tas-sewwieq korrispondenti, ir-Repubblika Ellenika naqset milli twettaq l-obbligi tagħha skond l-Artikoli 2(1)(a) u (2) tar-Regolament tal-Kunsill (KE) Nru 2135/98, kif emendat mir-Regolament (KE) Nru 561 tal-15 ta' Marzu 2006;

—	tikkundanna lir-Repubblika Ellenika għall-ispejjeż.

Motivi u argumenti prinċipali

L-Artikolu 2(2) tar-Regolament jipprovdi li “L-Istati Membri għandhom jieħdu l-passi meħtieġa biex jiżguraw li huma qegħdin f'pożizzjoni li joħorġu karti tas-sewqan [sewwieq] mhux aktar tard mill-għoxrin jum wara l-jum tal-pubblikazzjoni tar-Regolament (KE) Nru 561/2006”.

Ir-Regolament 561/2006 ġie ppubblikat fil-Ġurnal Uffiċjali ta' l-Unjoni Ewropea fil-11 ta' April 2006 u jipprovdi li r-rekwiżit obbligatorju ta' l-installazzjoni tat-takografu diġitali fuq il-vetturi kollha li jiddaħħlu fiċ-ċirkolazzjoni għall-ewwel darba fl-Unjoni Ewropea jidħol fis-seħħ fl-1 ta' Mejju 2006.

Ir-Repubblika Ellenika wieġbet l-opinjoni motivata tal-Kummissjoni fit-30 ta' Mejju 2006 u ddikjarat lill-Kummissjoni li, wara li kkunsidrat id-dewmien kollu eventwali, fil-finalizzazzjoni tal-proċedura, l-għoti tal-karti tat-takografu diġitali lis-sewwieqa kellu jiġi ffinalizzat fi tmiem l-2007.

Il-Kummissjoni kkonkludiet li r-Repubblika Ellenika għadha ma addottatx dawn il-miżuri jew li fi kwalunkwe każ għadha ma kkomunikathomx lill-Kummissjoni.

Il-Kummissjoni titlob lill-Qorti tal-Ġustizzja sabiex jogħġobha tikkundanna lir-Repubblika Ellenika għall-ispejjeż.

24.5.2008

Il-Ġurnal Uffiċjali ta’ l-Unjoni Ewropea

C 128/24

Rikors ippreżentat fit-13 ta' Marzu 2008 — Il-Kummissjoni tal-Komunitajiet Ewropej vs Ir-Renju ta' Spanja

(Kawża C-112/08)

(2008/C 128/42)

Lingwa tal-kawża: L-Ispanjol

Partijiet

Rikorrenti: Il-Kummissjoni tal-Komunitajiet Ewropej (rappreżentanti: M.A. Rabanal Suárez u P. Dejmek, aġenti)

Konvenut: Ir-Renju ta' Spanja

Talbiet tar-rikorrenti

—

tiddikjara li, billi ma adottax il-liġijiet, regolamenti u dispożizzjonijiet amministrattivi neċessarji kollha sabiex jikkonforma ruħu mad-Direttiva 2006/48/KE (1) tal-Parlament Ewropew u tal-Kunsill ta' l-14 ta' Ġunju 2006 dwar l-istabbiliment u l-eżerċizzju ta' l-attività ta' istituzzjonijiet ta' kreditu, u b'mod partikolari ma' l-Artikoli 68(3), 72, 73(3), 74, 99, 100 u 101, 110 sa 114, 118 u 119, 124 sa 127, 129 sa 132, 133, 136, 144 u 145, 149, 152, 154(1), 155, l-Annessi V, VI (bl-eċċezzjoni tal-Parti I), Annessi VII sa XII (bl-eċċezzjoni ta' l-Anness X, Partijiet I, II u III), jew, f'kull każ, billi ma kkomunikax dawn il-liġijiet, regolamenti jew dispożizzjonijiet amministrattivi lill-Kummissjoni, ir-Renju ta' Spanja naqas milli jwettaq l-obbligi tiegħu taħt din id-direttiva.

—	tikkundanna lir-Renju ta' Spanja għall-ispejjeż.

Motivi u argumenti prinċipali

It-terminu mogħti sabiex id-Direttiva 2006/48/KE tiġi trasposta fid-dritt intern skada fil-31 ta' Diċembru 2006.

(1) ĠU L 177, p. 1.

24.5.2008

Il-Ġurnal Uffiċjali ta’ l-Unjoni Ewropea

C 128/24

Talba għal deċiżjoni preliminari magħmula mill-Hof van Cassatie van België (il-Belġju) fis-17 ta' Marzu 2008 — C. Meerts vs Proost NV

(Kawża C-116/08)

(2008/C 128/43)

Lingwa tal-kawża: L-Olandiż

Qorti tar-rinviju

Hof van Cassatie van België (il-Belġju)

Partijiet fil-kawża prinċipali

Rikorrenti: C. Meerts

Konvenuta: Proost NV

Domandi preliminari

Il-klawżoli 2.4, 2.5. 2.6 u 2.7 tal-ftehim qafas fuq il-leave tal-ġenituri konkluż fl-14 ta' Diċembru 1995 mill-organizzazzjonijiet ta' natura ġenerali ta' l-industrija UNICE, CEEP u ETUC, li huwa anness mad-Direttiva tal-Kunsill 96/34/KE tat-3 ta' Ġunju 1996 fuq il-ftehim qafas fuq il-leave tal-ġenituri konkluż mill-UNICE, CEEP u ETUC (1), għandhom jiġu interpretati fis-sens li, fil-każ ta' terminazzjoni unilaterali ta' kuntratt ta' impjieg mill-persuna li timpjega, mingħajr raġuni serja jew mingħajr ma jkun ġie osservat il-perijodu statutorju ta' notifika, il-kumpens dovut lill-impjegat għandu jiġi ddeterminat abbażi tal-paga bażika kkalkolata bħallikieku l-impjegat ma kienx naqqas is-sigħat tax-xogħol tiegħu sabiex jibbenefika mil-leave tal-ġenituri skond il-klawżola 1.3(a) tal-ftehim qafas?

(1) ĠU L 145, p. 4.

24.5.2008

Il-Ġurnal Uffiċjali ta’ l-Unjoni Ewropea

C 128/24

Talba għal deċiżjoni preliminari magħmula mit-Tribunal Supremo (Spanja) fit-18 ta' Marzu 2008 — Transportes Urbanos y Servicios Generales, SAL vs Administración del Estado

(Kawża C-118/08)

(2008/C 128/44)

Lingwa tal-kawża: L-Ispanjol

Qorti tar-rinviju

Tribunal Supremo (Spanja).

Partijiet fil-kawża prinċipali

Rikorrenti: Transportes Urbanos y Servicios Generales, SAL

Konvenuta: Administración del Estado.

Domanda preliminari

Billi applika, fis-sentenzi tiegħu tad-29 ta' Jannar 2004 u ta' l-24 ta' Mejju 2005, soluzzjonijiet differenti għall-azzjonijiet għal dikjarazzjoni ta' responsabbiltà finanzjarja ta' l-Istat bħala leġiżlatur fir-rigward ta' atti amministrattivi adottati abbażi ta' liġi li ġiet iddikjarata antikostituzzjonali u għal dawn l-azzjonijiet fir-rigward ta' atti amministrattivi adottati abbażi ta' regola li ġiet iddikjarata bħala li tmur kontra d-dritt Komunitarju, it-Tribunal Supremo tar-Renju ta' Spanja kiser il-prinċipji ta' ekwivalenza u ta' effettività?

24.5.2008

Il-Ġurnal Uffiċjali ta’ l-Unjoni Ewropea

C 128/25

Talba għal deċiżjoni preliminari magħmula mil-Lietuvos vyriausiasis administracinis teismas (il-Litwanja) fit-18 ta' Marzu 2008 — Mechel Nemunas UAB vs Valstybinė mokesčių inspekcija prie Lietuvos Respublikos finansų ministerijos

(Kawża C-119/08)

(2008/C 128/45)

Lingwa tal-kawża: Il-Litwan

Qorti tar-rinviju

Lietuvos vyriausiasis administracinis teismas (Il-Litwanja).

Partijiet fil-kawża prinċipali

Rikorrenti: Mechel Nemunas UAB.

Konvenut: Valstybinė mokesčių inspekcija prie Lietuvos Respublikos finansų ministerijos.

Domanda preliminari

L-Ewwel Direttiva tal-Kunsill 67/227/KEE (1) u/jew l-Artikolu 33 tas-Sitt Direttiva tal-Kunsill 77/388/KEE (2) għandhom jiġu interpretati fis-sens li jipprekludu li Stat Membru jżomm fis-seħħ, u jintaxxa t-tnaqqis mid-dħul skond il-Liġi tar-Repubblika tal-Litwanja fuq l-iffinanzjar tal-programm tal-manteniment u ta' l-iżvilupp tat-toroq fil-forma tat-taxxa li ġiet deskritta preċedentement f'dan id-digriet?

(1) L-Ewwel Direttiva tal-Kunsill tal-11 ta' April 1967 fuq l-armonizazzjoni tal-leġislazzjoni ta' l-Istati Membri dwar it-taxxi fuq il-bejgħ, (ĠU L 71, p. 1301).

(2) Is-Sitt Direttiva tal-Kunsill tas-17 ta' Mejju 1977, fuq l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima, (ĠU L 145, p. 1).

24.5.2008

Il-Ġurnal Uffiċjali ta’ l-Unjoni Ewropea

C 128/25

Rikors ippreżentat fil-31 ta' Marzu 2008 — Il-Kummissjoni tal-Komunitjaiet Ewropej vs Ir-Repubblika Ellenika

(Kawża C-130/08)

(2008/C 128/46)

Lingwa tal-kawża: Il-Grieg

Partijiet

Rikorrenti: Il-Kummissjoni tal-Komunitjaiet Ewropej (rappreżentant: M. Kontou-Durande)

Konvenuta: Ir-Repubblika Ellenika

Talbiet tar-rikorrenti

—

tiddikjara li billi naqset milli tadotta l-liġijiet, ir-regolamenti u d-dispożizzjonijiet amminstrattivi neċessarji sabiex tiggarantixxi f'kull każ l-eżami tal-mertu ta' applikazzjoni għall-ażil ta' ċittadin ta' pajjiż terz li, b'applikazzjoni ta' l-Artikolu 16(1)(d) tar-Regolament Nru 343/2003/KE, jiġi ttrasferit lejn il-Greċja sabiex jittieħed lura minn dan l-Istat fid-dawl ta' l-eżami ta' l-applikazzjoni tiegħu, ir-Repubblika Ellenika naqset mill-obbligi tagħha taħt l-Artikolu 3(1) ta' dan ir-regolament;

—	tikkundanna lir-Repubblika Ellenika għall-ispejjeż.

Motivi u argumenti prinċipali

Il-Kummissarju Għoli tan-Nazzjonijiet Uniti għar-Refuġjati (aktar 'il quddiem: il-“Kummissarju Għoli”) ġibed l-attenzjoni tal-Kummissjoni fuq il-kwistjoni tal-kompatibbiltà tal-leġiżlazzjoni Ellenika dwar il-proċedura ta' rikonoxximent ta' barranin bħala refuġjati mad-dispożizzjonijiet tar-Regolament Nru 343/2003/KE, fil-każ meta l-barrani jitlaq arbitrarjament mill-pajjiż u meta fir-rigward tiegħu tkun ittieħdet deċiżjoni li tissospendi l-proċedura ta' eżami ta' l-applikazzjoni għall-ażil.

Il-problema tirriżulta mill-Artikolu 2(8) tad-Digriet tal-President tar-Repubblika tas-6 ta' April 1999, nru 61 (FEK A'63) dwar is-sospensjoni tal-proċedura ta' eżami ta' l-applikazzjoni għall-ażil. Din id-dispożizzjoni tqis bl-istess mod it-tluq arbitrarju mingħajr avviż minn qabel ta' l-applikant għall-ażil u l-irtirar ta' l-applikazzjoni għall-ażil u tipprevedi s-sospensjoni tal-proċedura ta' eżami ta' l-applikazzjonijiet b'deċiżjoni tas-segretarju ġenerali tal-Ministeru ta' l-Ordni Pubbliku li tiġi nnotifikata lill-persuna kkonċernata skond il-proċedura prevista għall-każ fejn ir-residenza ma tkunx magħrufa. Din id-deċiżjoni tista' tiġi rrevokata biss fil-każ li l-applikant jerġa' jidher quddiem l-awtoritajiet kompetenti, sa mhux aktar tard minn tliet xhur wara n-notifika tad-deċiżjoni ta' sospensjoni tal-proċedura ta' eżami ta' l-applikazzjoni tiegħu, u jekk jipproduċi elementi li juru li l-assenza tiegħu kienet dovuta għal forza maġġuri.

It-tranżizzjoni mingħar avviż minn qabel ta' applikant għall-ażil mill-Istat Membru fejn saret l-applikazzjoni għall-ażil lejn Stat Membru ieħor hija waħda mis-sitwazzjonijiet tipiċi li r-Regolament Nru 343/2003/KE huwa partikolarment intiż li jirregola sabiex jiggarantixxi l-eżami fil-mertu ta' din l-applikazzjoni mill-Istat ikkunsidrat responsabbli għall-eżami ta' din ta' l-aħħar skond l-Artikolu 16(1) tar-Regolament.

4.	Madankollu, il-kundizzjonijiet kollha flimkien li hemm fl-Arikolu 2(8) tad-Digriet tal-President tar-Repubblika jagħmluha impossibili fil-prattika li tiġi rrevokata deċiżjoni ta' sospensjoni u li jkun hemm aċċess effettiv għall-proċeduri intiżi għar-rikonoxximent ta' l-istatus ta' refuġjat.

Ir-Repubblika Ellenika rrikonoxxiet li l-leġiżlazzjoni Ellenika tista' toħloq problemi dwar ir-Regolament Nru 343/2003/KE u ddikjarat li hija lesta tadotta miżuri f'dan ir-rigward. Hija għalhekk ipproponiet li ssolvi l-problema permezz ta' l-adozzjoni ta' digriet tal-President tar-Repubblika li jittrasponi fis-sistema legali nazzjonali d-Direttiva tal-Kunsill 2005/85/KE u li jippreċiża li d-dispożizzjonijiet in kwistjoni ma japplikawx fil-każijiet fejn ikun applikabbli r-Regolament Nru 343/2003/KE.

6.	Fl-istess ħin, hija assigurat li ser teżamina fil-mertu kull applikazzjoni għall-ażil tal-persuni li jkunu trasferiti għall-eżami mill-ġdid skond ir-Regolament Nru 343/2003/KE u li ser tirtira d-deċiżjonijiet ta' sospensjoni li setgħu ġew adottati.

Il-Kummissjoni ħadet in kunsiderazzjoni dawn l-assigurazzjonijiet min-naħa tar-Repubblika Ellenika. Madankollu, hija ssostni li dawn l-assigurazzjonijiet mhumiex biżżejjed sabiex jiggarantixxu ċ-ċertezza legali f'dak li jirrigwarda l-applikazzjoni korretta fil-każijiet kollha ta' applikazzjonijiet għall-ażil tad-dispożizzjonijiet tar-Regolament Nru 343/2003/KE u b'mod partikolari f'dak li jirrigwarda l-eżami fil-mertu ta' kull applikazzjoni għall-ażil b'tali mod li jiġi ggarantit l-aċċess effettiv u reali għall-proċeduri ta' rikonoxximent tar-refuġjati.

Fid-dawl ta' dak kollu li għadu kemm intqal, il-Kummissjoni ssostni li r-Repubblika Ellenika, peress li ma adottax il-miżuri meħtieġa sabiex tiggarantixxi li hija ser twettaq eżami fil-mertu ta' l-applikazzjoni għall-ażil ta' ċittadin ta' pajjiż terz li fil-konfront tiegħu ittieħdet deċiżjoni ta' sospensjoni minħabba li telaq b'mod arbitrarju u li ttieħed lura b'applikazzjoni ta' l-Artikolu 3(1) tar-Regolament Nru 343/2003/KE, naqset mill-obbligi tagħha taħt din id-dispożizzjoni.

24.5.2008

Il-Ġurnal Uffiċjali ta’ l-Unjoni Ewropea

C 128/29

Sentenza tal-Qorti tal-Prim'Istanza ta' l-10 ta' April 2008 — Deutsche Telekom vs Il-Kummissjoni

(Kawża T-271/03) (1)

(“Kompetizzjoni - Artikolu 82 KE - Prezzijiet ta' aċċess għan-netwerk fiss ta' telekomunikazzjonijiet fil-Ġermanja - Pressjoni fuq il-marġni tal-prezzijiet - Prezzijiet approvati mill-awtorità regolatorja nazzjonali tat-telekomunikazzjonijiet - Marġni ta' flessibbiltà ta' l-impriża f'pożizzjoni dominanti’)

(2008/C 128/62)

Lingwa tal-kawża: Il-Ġermaniż

Partijiet

Rikorrenti: Deutsche Telekom AG (Bonn, il-Ġermanja) (rappreżentanti: l-ewwel K. Quack, U. Quack u S. Ohlhoff, imbagħad U. Quack u S. Ohlhoff, avukati)

Konvenuta: Il-Kummissjoni tal-Kommunitajiet Ewropej (rappreżentanti: l-ewwel K. Mojzesowicz u S. Rating, imbagħad K. Mojzesowicz u A. Whelan, fl-aħħar K. Mojzesowicz, W. Mölls u O. Weber, aġenti)

Partijiet intervenjenti in sostenn tal-konvenuta: Arcor AG & Co. KG (Eschborn, il-Ġermanja) (rappreżentanti: l-ewwel M. Klusmann, F. Wiemer u M. Rosenthal, imbagħad M. Klusmann u F. Wiemer, fl-aħħar M. Klusmann, avukati); Versatel NRW GmbH, preċedentement Tropolys NRW GmbH, preċedentement CityKom Münster GmbH Telekommunikationsservice u TeleBeL Gesellschaft für Telekommunikation Bergisches Land mbH (Essen, il-Ġermanja); EWE TEL GmbH (Oldenbourg, il-Ġermanja); HanseNet Telekommunikation GmbH (Hamburg, il-Ġermanja); Versatel Nord-Deutschland GmbH, preċedentement KomTel Gesellschaft für Kommunikations- und Informationsdienste mbH (Flensburg, il-Ġermanja); NetCologne Gesellschaft für Telekommunikation mbH (Cologne, il-Ġermanja); Versatel Süd-Deutschland GmbH, preċedentement tesion Telekommunikation GmbH (Stuttgart, il-Ġermanja); u Versatel West-Deutschland GmbH, preċedentement Versatel Deutschland GmbH & Co. KG (Dortmund, il-Ġermanja) (rappreżentanti: N. Nolte, T. Wessely u J. Tiedemann, avukati)

Suġġett

Talba għall-annullament tad-deċiżjoni tal-Kummissjoni 2003/707/KE, tal-21 ta' Mejju 2003, dwar proċedura ta' applikazzjoni ta' l-Artikolu 82 KE (Każijiet COMP/C 1/37.451, 37.578, 37.579 — Deutsche Telekom AG) (ĠU L 263, p. 9), u, sussidjarjament, talba għal tnaqqis tal-multa imposta fuq ir-rikorrenti fl-Artikolu 3 ta' din id-deċiżjoni.

Dispożittiv

1)	Ir-rikors huwa miċħud.

2)	Deutsche Telekom AG għandha tbati l-ispejjeż tagħha kif ukoll dawk sostnuti mill-Kummissjoni.

3)	Arcor AG & Co. KG, minn naħa, u Versatel NRW GmbH, EWE TEL GmbH, HanseNet Telekommunikation GmbH, Versatel Nord-Deutschland GmbH, NetCologne Gesellschaft für Telekommunikation mbH, Versatel Süd-Deutschland GmbH u Versatel West Deutschland GmbH, min-naħa l-oħra, għandhom ibatu l-ispejjeż tagħhom.

(1) ĠU C 264, 1.11.2003.

24.5.2008

Il-Ġurnal Uffiċjali ta’ l-Unjoni Ewropea

C 128/29

Sentenza tal-Qorti tal-Prim'Istanza tas-17 ta' April 2008 — Dainichiseika Colour & Chemicals Mfg. vs L-UASI — Pelikan (Rappreżentazzjoni ta' pellikan)

(Kawża T-389/03) (1)

(“Trade mark Komunitarja - Proċedura ta' oppożizzjoni - Applikazzjoni għal trade mark Komunitarja figurattiva li tirrappreżenta pellikan - Trade marks Komunitarji jew nazzjonali figurattivi preċedenti Pelikan - Raġunijiet relattivi għal rifjut - Probabbiltà ta' konfużjoni - Artikolu 8(1)(b) tar-Regolament (KE) Nru 40/94’)

(2008/C 128/63)

Lingwa tal-kawża: L-Ingliż

Partijiet

Rikorrenti: Dainichiseika Colour & Chemicals Mfg. Co. Ltd (Tokyo, il-Ġappun) (rappreżentanti: J. Hofmann u B. Linstow, avukati)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: J. Laporta Insa, aġent)

Parti oħra fil-kawża quddiem il-Bord ta' l-Appell ta' l-UASI, intervenjenti quddiem il-Qorti tal-Prim'Istanza: Pelikan Vertriebsgesellschaft mbH & Co. KG (Hanovre, il-Ġermanja) (rappreżentanti: A. Renck, V. von Bomhard u A. Pohlmann, wara A. Renck, V. von Bomhard u T. Dolde, avukati)

Suġġett

Rikors għal annullament imressaq kontra d-deċiżjoni tat-Tieni Bord ta' l-Appell ta' l-UASI, tat-18 ta' Settembru 2003 (każ R 191/2002-2), dwar proċedura ta' oppożizzjoni bejn Pelikan Vertriebsgesellschaft mbH & Co. KG u Dainichiseika Colour & Chemicals Mfg. Co. Ltd.

Dispożittiv

1)	Ir-rikors huwa miċħud.

2)	Dainichiseika Colour & Chemicals Mfg. Co. Ltd hija kkundannata għall-ispejjeż.

(1) ĠU C 21, 24.1.2004.

24.5.2008

Il-Ġurnal Uffiċjali ta’ l-Unjoni Ewropea

C 128/30

Sentenza tal-Qorti tal-Prim'Istanza ta' l-10 ta' April 2008 — L-Olanda vs Il-Kummissjoni

(Kawża T-233/04) (1)

(“Għajnuna mill-Istat - Direttiva 2001/81/KE - Miżura nazzjonali li tistabbilixxi sistema ta' kummerċ ta' kwoti ta' emissjonijiet għan-nitrogen oxides - Deċiżjoni li tiddikjara l-għajnuna bħala kompatibbli mas-suq komuni - Ammissibbiltà - Vantaġġ - Nuqqas ta' natura selettiva tal-miżura’)

(2008/C 128/64)

Lingwa tal-kawża: L-Olandiż

Partijiet

Rikorrent: Ir-Renju ta' l-Olanda (rappreżentanti: H. Sevenster, J. van Bakel u M. de Grave, aġenti)

Konvenuta: Il-Kummissjoni tal-Komunitajiet Ewropej (rappreżentanti: H. van Vliet u V. Di Bucci, aġenti)

Parti intervenjenti in sostenn tal-parti rikorrenti: Ir-Repubblika Federali tal-Ġermanja (rappreżentanti: W.-D. Plessing u M. Lumma, aġenti)

Suġġett

Talba għall-annullament tad-deċiżjoni tal-Kummissjoni C(2003) 1761 finali, ta' l-24 ta' Ġunju 2003, dwar l-għajnuna mill-Istat N 35/2003 dwar is-sistema ta' kummerċ ta' kwoti ta' emissjonijiet għan-nitorgen oxides innotifikata mir-Renju ta' l-Olanda.

Dispożittiv

1)	Id-deċiżjoni tal-Kummissjoni C(2003) 1761 finali, ta' l-24 ta' Ġunju 2003, dwar l-għajnuna mill-Istat N 35/2003 dwar is-sistema ta' kummerċ ta' kwoti ta' emissjonijiet għan-nitorgen oxides innotifikata mir-Renju ta' l-Olanda hija annullata.

2)	Il-Kummissjoni hija kkundannata għall-ispejjeż.

3)	Ir-Repubblika Federali tal-Ġermanja għandha tbati l-ispejjeż tagħha.

(1) ĠU C 275, 15.11.2003 (li qabel kienet il-kawża C-388/03).

24.5.2008

Il-Ġurnal Uffiċjali ta’ l-Unjoni Ewropea

C 128/30

Sentenza tal-Qorti tal-Prim'Istanza tas-17 ta' April 2008 — Cestas vs Il-Kummissjoni

(Kawża T-260/04) (1)

(“Rikors għal annullament - Fond Ewropew għall-Iżvilupp - Rimborż ta' ħlas bil-quddiem - Nota ta' debitu - Att li ma jistax jiġi kkontestat - Att preparatorju - Inammissibbiltà’)

(2008/C 128/65)

Lingwa tal-kawża: It-Taljan

Partijiet

Rikorrent: Centro di educazione sanitaria e tecnologie appropriate sanitarie (Cestas) (Bolonja, l-Italja) (rappreżentanti: inizjalment N. Amadei u C. Turk, u sussegwentement N. Amadei u P. Manzini, avukati)

Konvenuta: Il-Kummissjoni tal-Komunitajiet Ewropej (rappreżentanti: E. Montaguti u F. Dintilhac, aġenti)

Suġġett

Talba għall-annullament tad-deċiżjoni tal-Kummissjoni (Delegazzjoni fir-Repubblika tal-Ginea) tal-21 ta' April 2004, mibgħuta lir-rikorrent permezz ta' ittra rreġistrata, li tordna lil dan ta' l-aħħar iħallas is-somma ta' 959 543 835 Franki tal-Ginea (EUR 397 126,02).

Dispożittiv

1)	Ir-rikors huwa miċħud bħala inammissibbli.

2)	Iċ-Centro di educazione sanitaria e tecnologie appropriate sanitarie (Cestas) għandu jbati tliet partijiet minn ħamsa ta' l-ispejjeż tiegħu. Huwa għandu jbati wkoll tliet partijiet minn ħamsa ta' l-ispejjeż tal-Kummissjoni.

3)	Il-Kummissjoni għandha tbati żewġ partijiet minn ħamsa ta' l-ispejjeż tagħha. Hija għandha tbati wkoll żewġ partijiet minn ħamsa ta' l-ispejjeż ta' Cestas.

(1) ĠU C 217, 28.8.2004.

24.5.2008

Il-Ġurnal Uffiċjali ta’ l-Unjoni Ewropea

C 128/31

Sentenza tal-Qorti tal-Prim'Istanza tal-15 ta' April 2008 — SIDE vs Il-Kummissjoni

(Kawża T-348/04) (1)

(“Għajnuna mill-Istat - Għajnuna għall-esportazzjoni fis-settur tal-kotba - Nuqqas ta' notifika minn qabel - Artikolu 87(3)(d) KE - Kamp ta' applikazzjoni ratione temporis tad-dritt Komunitarju - Metodu tal-kalkolu ta' l-ammont ta' l-għajnuna’)

(2008/C 128/66)

Lingwa tal-kawża: Il-Franċiż

Partijiet

Rikorrenti: Société internationale de diffusion et d'édition SA (SIDE) (Vitry-sur-Seine, Franza) (rappreżentanti: N. Coutrelis u V. Giacobbo, avukati)

Konvenuta: Il-Kummissjoni tal-Komunitajiet Ewropej (rappreżentanti: J.-P. Keppenne, aġent)

Parti intervenjenti in sostenn tar-rikorrenti: Ir-Repubblika Franċiża (rappreżentanti: l-ewwel G. de Bergues u S. Ramet, wara G. de Bergues u A.-L. Vendrolini, aġenti)

Suġġett

Talba għall-annullament ta' l-aħħar sentenza ta' l-Artikolu 1 tad-Deċiżjoni tal-Kummissjoni 2005/262/KE, ta' l-20 ta' April 2004, dwar l-għajnuna mogħtija minn Franza lill-Coopérative d'exportation du livre français (CELF) (ĠU 2005, L 85, p. 27).

Dispożittiv

1)	L-aħħar sentenza ta' l-Artikolu 1 tad-Deċiżjoni tal-Kummissjoni 2005/262/KE, ta' l-20 ta' April 2004, dwar l-għajnuna mogħtija minn Franza lill-Coopérative d'exportation du livre français (CELF) hija annullata.

2)	Il-Kummissjoni hija kkundannata tbati l-ispejjeż tagħha stess, kif ukoll dawk sostnuti mis-Société internationale de diffusion et d'édition SA (SIDE).

3)	Ir-Repubblika Franċiża għandha tbati l-ispejjeż rispettivi tagħha.

(1) ĠU C 262, 33.10.2004.

24.5.2008

Il-Ġurnal Uffiċjali ta’ l-Unjoni Ewropea

C 128/31

Sentenza tal-Qorti tal-Prim'Istanza tad-9 ta' April 2008 — Il-Greċja vs Il-Kummissjoni

(Kawża T-364/04) (1)

(“FAEGG - Taqsima ta' Garanzija - Spejjeż esklużi mill-finanzjament Komunitarju - Prodotti pproċessati mill-frott u l-ħxejjex - Primjums għall-annimali - Terminu ta' 24 xahar’)

(2008/C 128/67)

Lingwa tal-kawża: Il-Grieg

Partijiet

Rikorrenti: Ir-Repubblika Ellenika (rappreżentanti: I. Chalkias u E. Svolopoulou, aġenti)

Konvenuta: Il-Kummissjoni tal-Komunitajiet Ewropej (rappreżentanti: inizjalment, M. Condou-Durande u L. Visaggio, u mbagħad M. Condou-Durande u H. Tserepa-Lacombe, aġenti, assistiti minn N. Korogiannakis, avukat)

Suġġett

Talba għall-annullament tad-Deċiżjoni tal-Kummissjoni 2004/561/KE, tas-16 ta' Lulju 2004, li teskludi mill-finanzjament Komunitarju ċerti spejjeż magħmula mill-Istati Membri taħt il-Fond Agrikolu Ewropew ta' Gwida u Garanzija (FAEGG), Taqsima ta' Garanzija (ĠU L 250 p. 21), safejn din teskludi ċerti spejjeż magħmula mir-Repubblika Ellenika fis-setturi ta' prodotti pproċessati mill-frott u l-ħxejjex u ta' primjums għall-annimali.

Dispożittiv

1)	Ir-rikors huwa miċħud.

2)	Ir-Repubblika Ellenika hija kkundannata għall-ispejjeż.

(1) ĠU C 314, 18.12.2004.

24.5.2008

Il-Ġurnal Uffiċjali ta’ l-Unjoni Ewropea

C 128/32

Sentenza tal-Qorti tal-Prim'Istanza tas-16 ta' April 2008 — Michail vs Il-Kummissjoni

(Kawża T-486/04) (1)

(“Servizz Pubbliku - Uffiċjali - Rikors għal annullament - Obbligu ta' għajnuna - Abbuż psikoloġiku’)

(2008/C 128/68)

Lingwa tal-kawża: Il-Franċiż

Partijiet

Rikorrent: Christos Michail (Brussell, il-Belġju) (rappreżentant: C. Meïdanis, avocat)

Konvenuta: Il-Kummissjoni tal-Komunitajiet Ewropej (rappreżentanti: G. Berscheid u H. Tserepa-Lacombe, aġenti, assistiti l-ewwel minn V. Kasparian u wara minn I. Antypas, avocats)

Suġġett

Talba għall-annullament tad-deċiżjoni impliċita ta' ċaħda mill-Kummissjoni, fl-20 ta' Marzu 2004, ta' talba għal għajnuna mressqa mir-rikorrent skond l-Artikolu 24 tar-Regolamenti tal-Persunal ta' l-Uffiċjali tal-Komunitajiet Ewropej

Dispożittiv

1)	Ir-rikors huwa miċħud.

2)	C. Michail għandu jbati nofs l-ispejjeż tiegħu.

3)	Il-Kummissjoni għandha tbati, barra l-ispejjeż tagħha, nofs l-ispejjeż ta' C. Michail.

(1) ĠU C 57, 5.3.2005.

24.5.2008

Il-Ġurnal Uffiċjali ta’ l-Unjoni Ewropea

C 128/32

Sentenza tal-Qorti tal-Prim'Istanza tas-16 ta' April 2008 — Citigroup u Citibank vs L-UASI — Citi (CITI)

(Kawża T-181/05) (1)

(“Trade mark Komunitarja - Proċedimenti ta' oppożizzjoni - Applikazzjoni għal trade mark Komunitarja figurattiva CITI - Trade mark Komunitarja verbali preċedenti CITIBANK - Raġunijiet relattivi għal rifjut - Reputazzjoni - Artikolu 8(5) tar-Regolament (KE) Nru 40/94’)

(2008/C 128/69)

Lingwa tal-kawża: L-Ingliż

Partijiet

Rikorrenti: Citigroup, Inc., preċedentement Citibank (New York, New York, l-Istati Uniti) u Citibank, NA (New York) (rappreżentanti: l-ewwel V. von Bomhard, A. W. Rencku A. Pohlmann, avukati, u mbagħad V. von Bomhard, A. W. Renck, u H. O'Neil, solicitor)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentanti: J. García Murillo u D. Botis, aġenti)

Parti oħra fil-proċeduri quddiem il-Bord ta' l-Appell ta' l-UASI, intervenjenti quddiem il-Qorti tal-Prim'Istanza: Citi, SL (Madrid, Spanja) (rappreżentant: M. Peris Riera, avukat)

Suġġett

Rikors ippreżentat kontra d-deċiżjoni ta' l-Ewwel Bord ta' l-Appell ta' l-UASI ta' l-1 ta' Marzu 2005 (Każ R 173/2004-1) dwar proċedimenti ta' oppożizzjoni bejn Citicorp u Citi SL kif ukoll dwar proċedimenti ta' oppożizzjoni bejn Citibank NA u Citi SL.

Dispożittiv

1)	Id-deċiżjoni ta' l-Ewwel Bord ta' l-Appell ta' l-Uffiċċju għall-Armonizzazzjoni fis-Suq Intern (Trade marks u Disinni) (UASI) ta' l-1 ta' Marzu 2005 (Każ R 173/2004-1) hija annullata.

2)	L-UASI għandu jbati l-ispejjeż tiegħu kif ukoll dawk sostnuti minn Citigroup, Inc. u Citibank, NA, inklużi fosthom dawk sostnuti minnhom fil-proċeduri quddiem il-Bord ta' l-Appell.

3)	Citi, SL għandha tbati l-ispejjeż tagħha.

(1) ĠU C 171, 9.7.2005.

24.5.2008

Il-Ġurnal Uffiċjali ta’ l-Unjoni Ewropea

C 128/32

Sentenza tal-Qorti tal-Prim'Istanza tas-17 ta' April 2008 — Nordmilch vs L-UASI (Vitality)

(Kawża T-294/06) (1)

(“Trade mark Komunitarja - Applikazzjoni għal trade mark Komunitarja verbali Vitality - Raġuni assoluta għal rifjut - Nuqqas ta' karattru distintiv - Artikolu 7(1)(b) tar-Regolament (KE) Nru 40/94’)

(2008/C 128/70)

Lingwa tal-kawża: Il-Ġermaniż

Partijiet

Rikorrenti: Nordmilch eG (Zeven, il-Ġermanja) (rappreżentant: R. Schneider, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: G. Schneider, aġent)

Suġġett

Appell mid-deċiżjoni tar-Raba' Bord ta' l-Appell ta' l-UASI tad-9 ta' Awwissu 2006 (Każ R 746/2004-4) dwar ir-reġistrazzjoni tas-sinjal verbali Vitality bħala trade mark Komunitarja.

Dispożittiv

1)	Ir-rikors huwa miċħud.

2)	Nordmilch eG hija kkundannata għall-ispejjeż.

(1) ĠU C 310, 16.12.2006.

24.5.2008

Il-Ġurnal Uffiċjali ta’ l-Unjoni Ewropea

C 128/33

Digriet tal-Qorti tal-Prim'Istanza tat-2 ta' April 2008 — Maison de l'Europe Avignon Méditerranée vs Il-Kummissjoni

(Kawża T-100/03) (1)

(“Rikors għal annullament - Ħolqien ta' info point Ewropa - Dikjarazzjoni ta' terminazzjoni ta' ftehim konkluż bejn il-Komunità u r-rikorrenti - Inammissibbiltà manifesta’)

(2008/C 128/71)

Lingwa tal-kawża: Il-Franċiż

Partijiet

Rikorrenti: Maison de l'Europe Avignon Méditerranée (Avignon, Franza) (rappreżentant: F. Martineau, avocat)

Konvenuta: Il-Kummissjoni tal-Komunitajiet Ewropej (rappreżentant: J.-F. Pasquier, aġent)

Suġġett

Talba għal annullament tad-deċiżjoni tal-Kummissjoni ta' l-24 ta' Jannar 2003 li tiddikjara t-terminazzjoni tal-ftehim bejn il-Kummissjoni u r-rikorrenti dwar il-ħolqien ta' info point Ewropa f'Avignon.

Dispożittiv

1)	Ir-rikors huwa miċħud.

2)	Maison de l'Europe Avignon Méditerranée hija kkundannata għall-ispejjeż.

(1) ĠU C 112, 10.5.2003.

24.5.2008

Il-Ġurnal Uffiċjali ta’ l-Unjoni Ewropea

C 128/33

Digriet tal-Qorti tal-Prim'Istanza ta' l-10 ta' Marzu 2008 — Lebedef-Caponi vs Il-Kummissjoni

(Kawża T-233/07) (1)

(“Appell - Servizz pubbliku - Uffiċjali - Rapport dwar l-iżvilupp tal-karriera - Eżerċizzju ta' evalwazzjoni 2004 - Appell manifestament infondat’)

(2008/C 128/72)

Lingwa tal-kawża: Il-Franċiż

Partijiet

Appellanti: Maddalena Lebedef-Caponi (Senningerberg, il-Lussemburgu) (rappreżentant: F. Frabetti, avukat)

Parti l-oħra fil-kawża: Il-Kummissjoni tal-Komunitajiet Ewropej (rappreżentanti: H. Krämer u B. Eggers, aġenti)

Suġġett

Appell imressaq kontra s-sentenza tat-Tribunal għas-Servizz Pubbliku (It-Tielet Awla) tal-25 ta' April 2007, Lebedef-Caponi vs Il-Kummissjoni (F-71/06, li għadha ma ġietx ippubblikata fil-Ġabra), huwa intiż għall-annullament ta' din is-sentenza.

Dispożittiv

1)	L-appell huwa miċħud.

2)	M. Lebedef-Caponi għandha tbati l-ispejjeż tagħha stess kif ukoll dawk sostnuti mill-Kummissjoni.

(1) ĠU C 211, 8.9.2007.

24.5.2008

Il-Ġurnal Uffiċjali ta’ l-Unjoni Ewropea

C 128/34

Appell ippreżentat fit-18 ta' Jannar 2008 minn Ch. Michaïl kontra s-sentenza mogħtija fit-22 ta' Novembru 2007 mit-Tribunal għas-Servizz Pubbliku fil-kawża F-34/06, Michaïl vs Il-Kummissjoni

(Kawża T-50/08)

(2008/C 128/73)

Lingwa tal-kawża: Il-Grieg

Partijiet

Appellant: Ch. Michaïl (rappreżentant: Ch. Meïdanis, avukat)

Il-parti l-oħra fil-proċedura: Il-Kummissjoni tal-Komunitajiet Ewropej

Talbiet ta' l-appellant

—	tiddikjara li dan l-appell kontra s-sentenza tat-Tribunal għas-Servizz Pubbliku fil-Kawża F-34/06 huwa ammissibbli u fondat;

—	tannulla l-atti (is-sentenzi) kkontestati tat-Tribunal għas-Servizz Pubbliku fil-kawża F-34/06;

—	tordna kumpens għad-dannu morali li l-appellant bagħta, li jammonta għal EUR 120 000;

—	tiddeċiedi fuq l-ispejjeż skond il-liġi.

Aggravji u argumenti prinċipali

L-appellant isostni li, fis-sentenza kkontestata, it-Tribunal għas-Servizz Pubbliku (iktar 'il quddiem it-“TSP”) iddeċieda b'mod żbaljat fuq ir-rikors tiegħu, li permezz tiegħu huwa talab l-annullament tar-rapport dwar l-iżvilupp tal-karriera tiegħu ta' l-2004 u tad-deċiżjoni ta' l-Awtorità tal-Ħatra li tiċħad l-ilmenti ppreżentati minnu abbażi ta' l-Artikolu 90(2) tar-Regolament tal-Persunal ta' l-Uffiċjali.

B'mod iktar partikolari, l-appellant jinvoka, l-ewwel nett, il-fatt li t-TSP interpreta b'mod żbaljat l-Artikolu 43 tar-Regolamenti tal-Persunal ta' l-Uffiċjali u d-dispożizzjonijiet ġenerali adottati skond dan l-artikolu. It-tieni nett, skond l-appellant, it-TSP ma interpretax korrettement it-talba magħmula fir-rikors tiegħu u wettaq evalwazzjoni żbaljata tal-provi. It-tielet nett, l-appellant isostni li t-TSP ibbaża ruħu fuq motivazzjonijiet kontradittorji sabiex jiċħad ir-rikors tiegħu, u dan wassal sabiex jiġu ppreġudikati d-drittijiet proċedural fundamentali tiegħu. Ir-raba nett, l-appellant isostni li t-TSP wettaq żball billi rrifjuta li jieħu deċiżjoni fuq it-talba in kwistjoni, jew, sussidjarjament, li s-sentenza tiegħu mhijiex suffiċjentement immotivata u fl-aħħar nett li t-TSP ma kienx iġġustifikat meta ċaħad parti mir-rikors tiegħu minħabba impreċiżjoni.

24.5.2008

Il-Ġurnal Uffiċjali ta’ l-Unjoni Ewropea

C 128/34

Rikors ippreżentat fit-6 ta' Marzu 2008 — Arch Chemicals Inc. et vs Il-Kummissjoni

(Kawża T-120/08)

(2008/C 128/74)

Lingwa tal-kawża: L-Ingliż

Partijiet

Rikorrenti: Arch Chemicals, Inc. (Norwalk, l-Istati Uniti), Arch Timber Protection Ltd (Castleford, ir-Renju Unit), Bactria Industriehygiene-Service Verwaltungs GmbH (Kirchheimbolanden, il-Ġermanja), Rhodia UK Ltd (Watford, ir-Renju Unit), Sumitomo Chemical (UK) plc (Londra, ir-Renju Unit) u Troy Chemical Company BV (Maassluis, l-Olanda) (rappreżentanti: C. Mereu u K. Van Maldegem, avukati)

Konvenuta: Il-Kummissjoni tal-Komunitajiet Ewropej

Talbiet tar-rikorrenti

—	tiddikjara r-rikors preżenti bħala ammissibbli u fondat, jew, sussidjarjament, tgħaqqad l-argumenti dwar l-ammissibbiltà ma' l-eżami tal-mertu, jew, sussidjarjamnet, tirriżerva d-deċiżjoni tagħha dwar locus standi sakemm tingħata d-deċiżjoni fil-proċeduri prinċipali;

—

tordna l-annullament ta' l-Artikolu 3(2) (u ta' l-Anness II), ta' l-Artikolu 4, ta' l-Artikolu 7(3), tat-tieni subparagrafu ta' l-Artikolu 14(2), ta' l-Artikolu 15(3) u ta' l-Artikolu 17 tar-Regolament tal-Kummissjoni (KE) Nru 1451/2007, ta' l-4 ta' Diċembru 2007, dwar it-tieni fażi tal-programm ta' ħidma ta' 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta' prodotti bijoċidali;

—	tiddikjara l-illegalità u l-inapplikabbiltà fil-konfront tar-rikorrenti ta' l-Artikoli 9(a), 10(3), 11 u 16(1) tad-Direttiva 98/8/KE tal-Parlament Ewropew u tal-Kunsill, tas-16 ta' Frar 1998, dwar it-tqegħid fis-suq tal-prodotti bijoċidali;

—

tiddikjara l-illegalità u l-inapplikabbiltà fil-konfront tar-rikorrenti ta' l-Artikolu 6(2) tar-Regolament tal-Kummissjoni (KE) Nru 1896/2000, tas-7 ta' Settembru 2000, fuq l-ewwel fażi tal-programm rigward prodotti bijoċidali msemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill;

—	tikkundanna lill-Kummissjoni tal-Komunitajiet Ewropej għall-ispejjeż ta' dawn il-proċeduri.

Motivi u argumenti prinċipali

Ir-rikorrenti jitolbu l-annullament parzjali tar-Regolament tal-Kummissjoni (KE) Nru 1451/2007, ta' l-4 ta' Diċembru 2007, dwar it-tieni fażi tal-programm ta' ħidma ta' 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta' prodotti bijoċidali (1) u t-tħassir tar-Regolament tal-Kummissjoni (KE) Nru 2032/2003 (2), fuq il-bażi li d-dispożizzjonijiet ikkontestati:

(i)

iżommu l-formulazzjoni u/jew il-kontenut ta' dispożizzjonijiet oriġinarjament introdotti mir-Regolament (KE) Nru 2032/2003 u diġà kkontestati mir-rikorrenti (Kawżi T-75/04 sa T-79/04) fir-reviżjoni ta' sustanzi li qiegħda ssir b'mod li jippreġudika d-drittijiet u l-aspettattivi leġittimi tagħhom taħt id-Direttiva 98/8/KE tal-Parlament Ewropew u tal-Kunsill, tas-16 ta' Frar 1998, dwar it-tqegħid fis-suq tal-prodotti bijoċidali (3);

(ii)	huma kuntradittorji fihom infushom u kuntrarji għad-Direttiva 98/8/KE, u

(iii)

jiksru dispożizzjonijiet tat-Trattat KE u numru ta' prinċipji sovreni tal-liġi Komunitarja, bħalma huma l-prinċipju ta' kompetizzjoni mingħajr distorsjoni, ta' ċertezza legali u ta' aspettattivi leġittimi, ta' proporzjonalità, ta' trattament ugwali u ta' non-diskriminazzjoni, kif ukoll id-dritt għall-proprjetà u għall-eżerċizzju ħieles ta' attività professjonali.

Barra min hekk, ir-rikorrenti jsostnu li bħala parteċipanti fir-Regolament Nru 1451/2007, huma intitolati jibbenifikaw minn garanziji proċedurali u minn drittijiet għall-protezzjoni tad-data (jiġifieri, dritt esklużiv) fir-rigward ta' l-informazzjoni fin-notifiki tagħhom u fl-inkartamenti kompleti f'kull Stat Membru skond l-Artikolu 12 tad-Direttiva 98/8/KE. Madankollu, skond ir-rikorrenti, l-Artikolu 4 tar-Regolament 1451/2007, billi ma jobbligax lill-Istati Membri jħassru r-reġistrazzjonijiet ta' prodotti bijoċidali li jikkorrispondu għall-kombinazzjonijiet tat-tip sustanzi attivi/prodotti nnotifikati tar-rikorrenti, miżmuma minn kumpanniji kompetituri li ma jipparteċipawx fir-reviżjoni u m'għandhomx aċċess għall-informazzjoni ppreżentata mir-rikorrenti għall-għanijiet ta' din ir-reviżjoni, de jure u de facto jikser id-dritt ta' użu esklużiv iggarantit lir-rikorrenti mill-Artikolu 12 tad-Direttiva 98/8/KE. Barra min hekk, ir-rikorrenti jsostnu li l-Kummissjoni abbużat mill-poteri mogħtija lilha mid-Direttiva 98/8/KE bażika, billi deliberatament implimentat din id-direttiva b'mod li jmur lil'hinn mit-test tagħha u li jippreġudika d-drittijiet u l-aspettattivi tar-rikorrenti. Barra minn hekk, huwa sostnut li l-miżura kkontestata tikser id-dispożizzjonijiet tat-Trattat KE dwar il-kompetizzjoni ġusta billi tippermetti lil kumpanniji li ma jipparteċipawx fir-reviżjoni u li mhumiex suġġetti għal spejjeż ta' investiment sabiex jibqgħu fis-suq u jiksbu mill-ġdid vantaġġ kompetittiv fuq ir-rikorrenti.

Fl-aħħar, ir-rikorrenti jressqu eċċezzjoni ta' illegalità kontra l-Artikolu 6(2) tar-Regolament 1896/2000 u l-Artikoli 9(a), 10(3), 11 u 16(1) tad-Direttiva 98/8/KE.

(1) ĠU L 325, 2007, p. 3.

(2) Ir-Regolament tal-Kummissjoni (KE) Nru 2032/2003, ta' l-4 ta' Novembru 2003, dwar it-tieni fażi tal-programm ta' ħidma ta' għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid ta' prodotti bijoċidiċi fis-suq, u li jemenda r-Regolament (KE) Nru 1896/2000 (ĠU L 307, 2003, p. 1).

(3) ĠU L 123, 1998, p. 1.

24.5.2008

Il-Ġurnal Uffiċjali ta’ l-Unjoni Ewropea

C 128/35

Rikors ippreżentat fil-31 ta' Marzu 2008 — Sahlstedt et vs Il-Kummissjoni

(Kawża T-129/08)

(2008/C 128/75)

Lingwa tal-kawża: Il-Finlandiż

Partijiet

Rikorrenti: Markku Sahlstedt (Karkkila, il-Finlandja), Juha Kankkunen (Laukaa, il-Finlandja), Mikko Tanner (Vihti, il-Finlandja), Toini Tanner (Helsinki, il-Finlandja), Liisa Tanner (Helsinki, il-Finlandja), Eeva Jokinen (Helsinki, il-Finlandja), Aili Oksanen (Helsinki, il-Finlandja), Olli Tanner (Lohja, il-Finlandja), Leena Tanner (Helsinki, il-Finlandja), Aila Puttonen (Ristiina, il-Finlandja), Risto Tanner (Espoo, il-Finlandja), Tom Järvinen (Espoo, il-Finlandja), Runo K. Kurko (Espoo, il-Finlandja), Maa- ja metsätaloustuottajain keskusliitto MTK ry (Helsinki, il-Finlandja), Maataloustuottajain Keskusliiton Säätiö (Helsinki, il-Finlandja) (rappreżentant: K. Marttinen)

Konvenuta: Il-Kummissjoni tal-Komunitajiet Ewropej

Talbiet tar-rikorrenti

—	Id-deċiżjoni li hija s-suġġett tar-rikors għandha tiġi annullata in kwantu din tirrigwarda s-siti kollha ta' importanza Komunitarja li jinsabu fid-deċiżjoni tar-Repubblika tal-Finlandja

—

Jekk il-Qorti tal-Prim'Istanza tqis li huwa impossibli li tilqa' t-talba ċċitata iktar 'il fuq, hija għandha, sussidjarjament, tiddikjara l-annullament tad-deċiżjoni f'dak li jirrigwarda s-siti ta' importanza Komunitarja meta ma jkunx possibbli għall-Qorti tal-Prim'Istanza, tannulla d-deċiżjoni individwalizzati fil-punt 6.2.2.7 tar-rikors.

—

Talbiet għal komunikazzjoni u miżuri istruttorji

Jekk ir-rikors ma jiġix deċiż, fuq il-bażi biss ta' l-elementi ta' provi ppreżentati f'dan ir-rikors, favur ir-rikorrenti skond it-talbiet prinċipali ċċitati iktar 'il fuq, il-Qorti tal-Prim'Istanza tal-Komunitajiet Ewropej għandha:

tikkundanna lill-Kummissjoni tal-Komunitajiet Ewropej tagħti lir-rikorrenti, fil-forma ta' CD-ROM, il-proposti li r-Repubblika tal-Finlandja għadditilha f'dak li jirrigwarda s-siti li għandhom jiġu inklużi fid-deċiżjoni kkontestata, bl-informazzjoni kollha inkluża, skond is-seba' premessa tad-deċiżjoni,

tikkundanna lill-Kummissjoni tal-Komunitajiet Ewropej tgħaddi lir-rikorrenti, fil-forma ta' CD-ROM, l-informazzjoni xjentifika u oħra li hija fil-pussess tagħha dwar is-siti kollha inklużi fid-deċiżjoni kkontestata tar-Repubblika tal-Finlandja — informazzjoni msemmija fit-tmien premessa tad-deċiżjoni —, kif ukoll verżjoni stampata tal-mapep u ta' l-informazzjoni msemmija fid-disa' premessa ta' l-imsemmija deċiżjoni;

tikkundanna lill-Kummissjoni tal-Komunitajiet Ewropej tgħaddi lir-rikorrenti d-dokumentazzjoni kollha dwar s-siti tar-Repubblika tal-Finlandja elaborata matul il-koperazzjoni msemmija fl-għaxar premessa tad-deċiżjoni kkontestata jew miksuba mill-Kummissjoni f'dan il-perijodu, fil-forma ta' CD-ROM u l-mapep fil-verżjoni stampata, u

4)	tikkundanna lill-Kummissjoni tal-Komunitajiet Ewropej tgħaddi lir-rikorrenti l-opinjoni tal-Kumitat ta' l-“[H]abitats Naturali” msemmija fil-ħmistax-il premessa tad-deċiżjoni kkontestata;

—	il-Kummissjoni għandha tiġi kkundannata tbati l-ispejjeż kollha sostnuti mir-rikorrenti miżjuda bl-interessi legali.

Motivi u argumenti prinċipali

Skond ir-rikorrenti, id-deċiżjoni (1) hija kuntrarja għad-dritt Komunitarju u b'mod partikolari għall-Artikolu 3 u 4 tad-direttiva Habitat kif ukoll għall-Anness III li l-Artikolu 4 jagħmel referenza għalih. Il-natura infrazzjonali tad-deċiżjoni fid-dritt Komunitarju hija bbażata fuq erba' motivi prinċipali:

Id-direttiva Habitat ma tippermettix li jiġu annullati, permezz ta' deċiżjonijiet ġodda, bil-mod u għar-raġunijiet indikati, deċiżjonijiet preċedenti dwar il-lista ta' siti ta' importanza Komunitarja (“siti SCI”). Id-dispożizzjonijiet ta' proċedura previsti mid-direttiva Habitat jorbtu wkoll lill-Kummissjoni. Interpretazzjoni oħra tikkawża inċertezza legali fir-rigward tal-miżuri ta' traspożizzjoni nazzjonali u tal-proprjetarji ta' l-art.

Skond l-Artikolu 3 tad-direttiva Habitat, in-network Natura 2000 huwa network ekoloġiku Ewropew koerenti ta' żoni speċjali ta' konservazzjoni li għandu jiżgura ż-żamma ta' stat ta' konservazzjoni favorevoli bil-mod previst mid-direttiva. Il-koerenza tan-network hija garantita u l-livell favorevoli ta' konservazzjoni huwa milħuq inkwantu l-Artikolu 4 tad-direttiva dwar l-għażla taż-żoni u l-Anness III tagħha huma dispożizzjonijiet vinkolanti kemm għall-Istati Membru kif ukoll għall-Kummissjoni, u dan in kwantu regoli tekniċi dettaljati fis-sustanza. Huwa impossibbli li jiġu magħżula siti bħala siti SCI mingħajr ma jiġu osservati r-regoli kkonċernati matul kull stadju. B'kunsiderazzjoni għall-istat ta' konservazzjoni favorevoli li kien indikat bħala li huwa għan koerenti, is-siti għandhom ikunu magħżula minn kull Stat Membru skond il-kriterji uniformi li huma msemmija fl-Artikolu 4 u fl-Anness III tad-direttiva Habitat.

L-istadju 1 ta' l-Anness III (stadju ta' l-Istat Membru) u l-istadju 2 ta' l-Anness III (stadju tal-Kummissjoni) jifformaw numru ta' atti li għandhom effetti ġuridiċi. Id-deċiżjoni dwar is-siti ta' importanza Komunitarja li taqa' taħt l-istadju 2 tal-proċedura mhijiex konformi mad-direttiva Habitat jekk il-proposta ta' l-istadju 1 ma tissodisfax il-kundizzjonijiet previsti mid-direttiva.

Fit-tħejjija tal-proposta tar-Repubblika tal-Finlandja f'dak li jirrigwarda ż-żona Boreali bħala sit SCI, la l-Artikolu 4 tad-direttiva Habitat u lanqas id-dispożizzjoni dwar l-istadju 1 ta' l-Anness III tagħha ma kienu osservati. Safejn il-proposta tar-Repubblika tal-Finlandja kienet aċċettata bħala tali u fir-rigwrd taż-żoni kollha, permezz ta' deċiżjoni tal-Kummissjoni, id-deċiżjoni tal-Kummissjoni dwar is-sit SCI hija wkoll kuntrarja għad-direttiva għal din ir-raġuni waħedha.

(1) Deċiżjoni tal-Kummissjoni 2008/24/KE, tat-12 ta' Novembru 2007 li tadotta, skond id-Direttiva tal-Kunsill 92/43/KEE, l-ewwel elenku aġġornat ta' siti ta' importanza Komunitarja għar-reġjun bijoġeografiku Boreali (ĠU L 12, p. 118).

24.5.2008

Il-Ġurnal Uffiċjali ta’ l-Unjoni Ewropea

C 128/36

Rikors ippreżentat fl-4 ta' April 2008 — Aurelia Finance vs L-UASI (AURELIA)

(Kawża T-136/08)

(2008/C 128/76)

Lingwa tar-rikors: L-Ingliż

Partijiet

Rikorrenti: Aurelia Finance SA (Ġinevra, L-Iżvizzera) (rappreżentant: M. Elmslie, Solicitor)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Talbiet

—	Tannulla d-deċiżjoni ta' l-Ewwel Bord ta' l-Appell tad-9 ta' Jannar 2008 fil-każ R 1214/2007-1;

—	Tirrinvija t-talba tar-rikorrenti għal restitutio in integrum lill-UASI għal eżami mill-ġdid; u

—	tikkundanna lill-UASI jbati l-ispejjeż.

Motivi u argumenti prinċipali

Trade mark Komunitarja kkonċernata: Trade mark verbali li tikkonsisti fil-kelma AURELIA għal servizzi differenti fil-klassi 36 — applikazzjoni Nru 274 936

Deċiżjoni ta' l-UASI: Ċaħda tat-talba għal restitutio in integrum

Deċiżjoni tal-Bord ta' l-Appell: Ċaħda ta' l-appell

Motivi: Ksur ta' l-Artikolu 78 tar-Regolament tal-Kunsill Nru 40/94 billi l-livell ta' attenzjoni meħtieġ f'konessjoni ma' tiġdid amministrattivi huwa inqas minn dak għal parti fi proċeduri quddiem l-UASI.

24.5.2008

Il-Ġurnal Uffiċjali ta’ l-Unjoni Ewropea

C 128/38

Sentenza tat-Tribunal għas-Servizz Pubbliku (L-Ewwel Awla) tat-8 ta' April 2008 — Bordini vs Il-Kummissjoni

(Kawża F-134/06) (1)

(Servizz pubbliku - Uffiċjali - Pensjonijiet - Koeffiċjenti ta' aġġustament - Stat Membru ta' residenza - Kunċett ta' residenza - Kunċett ta' residenza prinċipali - Dokumenti ta' sostenn)

(2008/C 128/80)

Lingwa tal-kawża: Il-Franċiż

Partijiet

Rikorrent: Giovanni Bordini (Dover, Ir-Renju Unit) (rappreżentanti: L. Levi, C. Ronzi u I. Perego, avukati)

Konvenuta: Il-Kummissjoni tal-Komunitajiet Ewropej (rappreżentanti: M. J. Currall u M.D. Martin, aġenti)

Suġġett

Servizz pubbliku — Minn naħa, l-annullament tad-Deċiżjoni tal-Kummissjoni tal-25 ta' Jannar 2006 li ma jiġix rikonoxxut li r-rikorrent huwa residenti fir-Renju Unit u, konsegwentement, li għall-pensjoni tiegħu ma jiġix applikat il-koeffiċjenti ta' aġġustament li jikkorrispondi għal dan l-Istat Membru u, min-naħa l-oħra, talba għad-danni.

Dispożittiv

1)	Ir-rikors huwa miċħud.

2)	Il-Kummissjoni tal-Komunitajiet Ewropej għandha tbati, minbarra l-ispejjeż tagħha stess, nofs l-ispejjeż tas-Sur Bordini relatati mal-laqgħa informali tal-5 ta' Ġunju 2007.

3)	Is-Sur Bordini għandu jbati l-ispejjeż tiegħu, bl-eċċezzjoni ta' nofs l-ispejjeż tiegħu għal-laqgħa informali tal-5 ta' Ġunju 2007.

(1) ĠU C 326, 30.12.2006, p. 87.

24.5.2008

Il-Ġurnal Uffiċjali ta’ l-Unjoni Ewropea

C 128/38

Rikors ippreżentat fit-30 ta' Marzu 2008 — Honnefelder vs Il-Kummissjoni

(Kawża F-41/08)

(2008/C 128/81)

Lingwa tal-kawża: Il-Ġermaniż

Partijiet

Rikorrenti: Stephanie Honnefelder (Brussell, il-Belgju) (rappreżentant: C. Bode, Rechtsanwalt)

Konvenuta: Il-Kummissjoni tal-Komunitajiet Ewropej

Suġġett

L-annullament tad-deċiżjoni tal-konvenuta li r-rikorrenti ma tiġix inkluża fil-lista ta' riżerva tal-kompetizzjoni EPSO AD/26/05 minħabba li ma ġabitx biżżejjed punti.

Talbiet tar-rikorrenti

Ir-rikorrenti titlob li:

—

jannulla d-deċiżjoni tal-konvenuta ta' l-10 ta' Mejju 2007 u d-deċiżjoni mogħtija wara li sar l-ilment ta' l-14 ta' Diċembru 2007 u jobbliga lill-konvenuta tevalwa l-possibbiltà li r-rikorrenti tiġi inkluża fil-lista ta' riserva mingħajr ma jinkiser il-prinċipju ta' trattament ugwali u filwaqt li tiġi osservata l-proċedura skond il-liġi;

—	jikkundanna lill-Kummissjoni tal-Komunitajiet Ewropej għall-ispejjeż;

—	b'mod kawtelatorju, jagħti sentenza fil-kontumaċja.

		ISSN 1725-5198
Il-Ġurnal Uffiċjali ta’ l-Unjoni Ewropea		C 128

Edizzjoni bil-Malti	Informazzjoni u Avviżi	Volum 51 24 ta' Mejju 2008

Avviż Nru	Werrej	Paġna
	IV Informazzjoni
	INFORMAZZJONI MINN ISTITUZZJONIJIET U KORPI TA' L-UNJONI EWROPEA
	Qorti tal-Ġustizzja
2008/C 128/01	L-aħħar pubblikazzjoni tal-Qorti tal-Ġustizzja fil-Ġurnal Uffiċjali ta' l-Unjoni Ewropea ĠU C 116, 9.5.2008	1