11.2.2012   

MT

Il-Ġurnal Uffiċjali tal-Unjoni Ewropea

L 38/1

(1)

Fit-12 ta’ April 2005, il-Kunsill adotta r-Regolament (KE) Nru 560/2005.

(2)

Fid-dawl tal-iżviluppi fil-Côte d’Ivoire, il-lista ta’ persuni fiżiċi u ġuridiċi, entitajiet jew korpi soġġetti għal miżuri restrittivi li tinsab fl-Anness IA għar-Regolament (KE) Nru 560/2005 għandha tiġi emendata,

11.2.2012   

MT

Il-Ġurnal Uffiċjali tal-Unjoni Ewropea

L 38/3

(1)

Ir-Regolament tal-Kunsill (KE) Nru 765/2006 (3) jipprovdi għall-iffriżar tal-assi tal-President Lukashenko u ta’ ċerti uffiċjali tal-Bjelorussja.

(2)

Permezz tad-Deċiżjoni 2012/36/PESK, il-Kunsill iddeċieda li l-iffriżar ta’ fondi u riżorsi ekonomiċi għandu jiġi estiż kemm kontra persuni responsabbli għal każijiet ta’ vjolazzjoni serja tad-drittijiet tal-bniedem jew għal ripressjoni tas-soċjetà ċivili u tal-oppożizzjoni demokratika, inklużi b’mod partikolari persuni f’pożizzjoni ta’ tmexxija kif ukoll kontra persuni u entitajiet li jibbenefikaw mir-reġim ta’ Lukashenko jew jappoġġjawh, inklużi b’mod partikolari persuni u entitajiet li jipprovdu appoġġ finanzjarju jew materjali lir-reġim.

(3)

Din il-miżura taqa’ fil-kamp ta’ applikazzjoni tat-Trattat dwar il-Funzjonament tal-Unjoni Ewropea u għalhekk hija meħtieġa azzjoni fil-livell tal-Unjoni sabiex tidħol fis-seħħ, partikolarment bil-ħsieb li tiġi żgurata l-applikazzjoni uniformi tagħha mill-operaturi ekonomiċi fl-Istati Membri kollha.

(4)

Għaldaqstant, ir-Regolament (KE) Nru 765/2006 għandu jiġi emendat skont dan.

(5)

Sabiex ikun żgurat li l-miżuri previsti f’dan ir-Regolament ikunu effettivi, dan ir-Regolament għandu jidħol fis-seħħ fil-jum wara dak tal-publikazzjoni tiegħu,

1.

L-Artikolu 2 huwa sostitwit bl-Artikolu li ġej:

“Artikolu 2

1.   Il-fondi u r-riżorsi ekonomiċi kollha li jappartjenu għal persuni fiżiċi jew ġuridiċi, entitajiet jew korpi elenkati fl-Annessi I, IA u IB, jew li huma proprjetà tagħhom jew miżmuma jew kontrollati minnhom, għandhom jiġu ffriżati.

2.   L-ebda fondi jew riżorsi ekonomiċi ma għandhom jitpoġġew, direttament jew indirettament, għad-dispożizzjoni ta’ persuni fiżiċi jew ġuridiċi, entitajiet jew korpi elenkati fl-Annessi I, IA jew IB jew għall-benefiċċju tagħhom.

3.   Għandha tiġi pprojbita l-parteċipazzjoni, b’mod konxju u intenzjonat, f’attivitajiet li l-għan jew l-effett tagħhom ikun, b’mod dirett jew b’mod indirett, li jiġu evitati l-miżuri msemmija fil-paragrafi 1 u 2.

4.   L-Anness I għandu jikkonsisti f’lista ta’ persuni fiżiċi jew ġuridiċi, entitajiet u korpi li, skont il-punt (a) tal-Artikolu 2(1) tad-Deċiżjoni tal-Kunsill 2010/639/PESK tal-25 ta’ Ottubru 2010 dwar miżuri restrittivi kontra l-Bjelorussja (*), kienu identifikati mill-Kunsill bħala persuni responsabbli għall-vjolazzjoni tal-istandards elettorali internazzjonali fl-elezzjonijiet Presidenzjali fil-Bjelorussja fid-19 ta’ Marzu 2006 u r-ripressjoni tas-soċjetà ċivili u tal-oppożizzjoni demokratika, jew bħala persuni assoċjati ma’ dawk responsabbli.

5.   L-Anness IA għandu jikkonsisti f’lista ta’ persuni fiżiċi jew ġuridiċi, entitajiet u korpi li, skont l-Artikolu 2(1)(b) tad-Deċiżjoni 2010/639/PESK, kienu identifikati mill-Kunsill bħala persuni responsabbli għall-vjolazzjoni tal-istandards elettorali internazzjonali fl-elezzjonijiet Presidenzjali fil-Bjelorussja fid-19 ta’ Diċembru 2010 u r-ripressjoni tas-soċjetà ċivili u tal-oppożizzjoni demokratika, jew bħala persuni assoċjati ma’ dawk responsabbli.

6.   L-Anness IB għandu jikkonsisti minn lista ta’ persuni fiżiċi jew ġuridiċi, entitajiet u korpi li, skont il-punti (c) u (d) tal-Artikolu 2(1) tad-Deċiżjoni 2010/639/PESK, kienu identifikati mill-Kunsill bħala persuni (i) responsabbli għal każijiet ta’ vjolazzjoni serja tad-drittijiet tal-bniedem jew għar-ripressjoni tas-soċjetà ċivili u tal-oppożizzjoni demokratika fil-Bjelorussja, jew (ii) persuni jew entitajiet li jibbenefikaw mir-reġim ta’ Lukashenko jew jappoġġjawh.

(*)  ĠU L 280, 26.10.2010, p. 18.”;"

2.

Fil-paragrafi 1 u 2 tal-Artikolu 2b, fl-Artikolu 3(1)(a), fl-Artikolu 4a u fil-paragrafi 1 u 4 tal-Artikolu 8a, ir-referenzi għal “Anness I u IA” huma sostitwiti minn referenzi għal “Anness I, IA u IB”.

11.2.2012   

MT

Il-Ġurnal Uffiċjali tal-Unjoni Ewropea

L 38/6

(1)

Fit-13 ta’ Mejju 2011, il-Kummissjoni ħabbret, b'avviż ippubblikat f'Il-Ġurnal Uffiċjali tal-Unjoni Ewropea  (2) (“avviż ta’ inizjazzjoni”), li kienet ser tinbeda proċedura kontra s-sussidji (“proċedura KS”) fir-rigward ta’ importazzjonijiet fl-Unjoni ta’ ċerti qfieli tal-azzar li ma jsaddadx u partijiet tagħhom li joriġinaw mill-Indja (“l-Indja” jew “il-pajjiż ikkonċernat”).

(2)

Fl-istess jum, il-Kummissjoni ddikjarat, permezz ta’ avviż ippubblikat f'Il-Ġurnal Uffiċjali tal-Unjoni Ewropea  (3), il-bidu ta’ proċedura anti-dumping fir-rigward ta’ importazzjonijiet fl-Unjoni ta’ ċerti qfieli tal-azzar li ma jsaddadx u partijiet tagħhom li joriġinaw mill-Indja u bdiet investigazzjoni separata (“proċedura AD”).

(3)

L-ilment tressaq fil-31 ta’ Marzu 2011 mill-Istitut Ewropew tal-Qfieli Industrijali (EiFi) (“il-kwerelant”) f'isem il-produtturi li jirrappreżentaw aktar minn 25 %, tal-produzzjoni totali tal-Unjoni ta’ ċerti qfieli tal-azzar li ma jissaddadx u partijiet minnhom. L-ilment kien jinkludi evidenza prima facie ta’ sussidjar tal-prodott imsemmi u tal-ħsara materjali li tirriżulta minnu, li kienet ikkunsidrata biżżejjed sabiex tkun iġġustifikata t-tnedija ta’ investigazzjoni.

(4)

Qabel il-bidu tal-proċedura u b'mod konformi mal-Artikolu 10(7) tar-Regolament bażiku, il-Kummissjoni għarrfet lill-Gvern tal-Indja (il-“GTI”) li kienet irċeviet ilment dokumentat kif suppost li jallega li l-importazzjonijiet sussidjati ta’ ċerti qfieli tal-azzar li ma jsaddadx u partijiet tagħhom li joriġinaw mill-Indja kienu qed jikkawżaw ħsara materjali lill-industrija tal-Unjoni. Il-GTI ġie mistieden għal konsultazzjoni bil-mira li tiġi ċċarata l-qagħda rigward il-kontenut tal-ilment u biex tinstab soluzzjoni li jaqbel magħha kulħadd. Ma nstabitx soluzzjoni li qabel magħha kulħadd.

(5)

Il-Kummissjoni avżat uffiċjalment lill-produtturi tal-Unjoni li għamlu l-ilment, produtturi magħrufa oħrajn tal-Unjoni, il-produtturi esportaturi, importaturi, utenti magħrufa li kienu kkonċernati, u l-awtoritajiet Indjani dwar il-bidu tal-proċedura. Il-partijiet interessati ngħataw l-opportunità li jagħtu l-fehmiet tagħhom bil-miktub u li jitolbu smigħ fil-limitu taż-żmien stabbilit fin-notifikazzjoni tal-inizjazzjoni.

(6)

Il-partijiet interessati kollha li talbu dan u li wrew li kien hemm raġunijiet partikolari għaliex għandhom jinstemgħu, ingħataw seduta.

(7)

Minħabba l-għadd kbir ta’ produtturi esportaturi fl-Indja, it-teħid ta’ kampjuni kien stipulat fl-avviż ta’ bidu għad-determinazzjoni tas-sussidjar, skont l-Artikolu 27 tar-Regolament bażiku.

(8)

Sabiex il-Kummissjoni tkun tista' tiddeċiedi jekk it-teħid ta’ kampjuni jkunx neċessarju u, jekk iva, biex tagħżel kampjun, il-produtturi esportaturi fl-Indja ntalbu jippreżentaw irwieħhom sa 15-il ġurnata mid-data ta’ bidu tal-investigazzjoni u jipprovdu informazzjoni bażika dwar l-esportazzjoni u l-bejgħ domestiku tagħhom, l-attivitajiet preċiżi tagħhom fir-rigward tal-produzzjoni tal-prodott ikkonċernat u l-ismijiet u l-attivitajiet tal-kumpaniji relatati tagħhom kollha involuti fil-produzzjoni u/jew il-bejgħ tal-prodott ikkonċernat mill-1 ta’ April 2010 sal-31 ta’ Marzu 2011.

(9)

L-awtoritajiet relevanti Indjani ġew ikkonsultati wkoll għall-għażla ta’ kampjun rappreżentattiv.

(10)

B'kollox, ħames produtturi esportaturi, inkluż grupp ta’ kumpaniji relatati fl-Indja, ipprovdew l-informazzjoni mitluba u qablu li jkunu inklużi fil-kampjun qabel id-data ta’ skadenza stabbilit fl-avviż tal-bidu. Dawn il-kumpaniji li kkooperaw, irrapportaw esportazzjonijiet tal-prodott ikkonċernat lejn l-Unjoni matul il-perjodu tal-investigazzjoni. Il-paragun bejn id-dejta tal-Eurostat dwar l-importazzjoni u l-volum ta’ esportazzjoni lejn l-Unjoni tal-prodott ikkonċernat irrapportat għall-perjodu ta’ investigazzjoni mill-ħames kumpaniji li kkoperaw, wera li l-kooperazzjoni tal-produtturi esportaturi Indjani kien viċin il-100 %. B'hekk, il-kampjun intgħażel fuq il-bażi tal-informazzjoni ppreżentata minn dawn il-ħames produtturi esportaturi.

(11)

Skont l-Artikolu 27 tar-Regolament bażiku, il-Kummissjoni għażlet kampjun ibbażat fuq l-ikbar volum rappreżentattiv ta’ esportazzjonijiet tal-prodott ikkonċernat lill-Unjoni li jista' jkun investigat b'mod raġonevoli fil-ħin disponibbli. Il-kampjun magħżul jikkonsisti minn tliet kumpaniji individwali, li flimkien jirrappreżentaw madwar 98 % tal-volum totali tal-esportazzjonijiet mill-Indja lejn l-Unjoni tal-prodott ikkonċernat.

(12)

Skont l-Artikolu 27(2) tar-Regolament bażiku, il-partijiet ikkonċernati u l-awtoritajiet Indjani ġew ikkonsultati dwar l-għażla tal-kampjun. Iż-żewġ produtturi esportaturi mhux fil-kampjun insistew li għandhom jiġu inklużi wkoll fil-kampjun. Madankollu, fir-rigward tar-rappreżentattività tal-kampjun propost, kif imsemmi fil-premessa (11) hawn fuq, ġie konkluż li l-kampjun m'għandux għalfejn jinbidel jew jitkabbar.

(13)

It-talba għal eżaminazzjoni individwali skont l-Artikolu 27(3) tar-Regolament bażiku waslet minn produttur esportatur mhux fil-kampjun. L-eżaminazzjoni ta’ din it-talbat fl-istadju provviżorju kienet tkun impenjattiva wisq biex titwettaq. Għalhekk, deċiżjoni dwar jekk tingħatax eżaminazzjoni individwali lil din il-kumpanija se tittieħed fi stadju aktar tard.

(14)

Minħabba n-numru apparentement kbir ta’ produtturi tal-Unjoni, fl-avviż tal-bidu kien previst it-teħid ta’ kampjuni għad-determinazzjoni tal-ħsara, skont l-Artikolu 27 tar-Regolament bażiku.

(15)

Fl-avviż ta’ inizjazzjoni, il-Kummissjoni ħabbret li għażlet provviżorjament kampjun ta’ produtturi tal-Unjoni. Dan il-kampjun ikkonsista f'ħames kumpaniji, mill-15-il produttur tal-Unjoni li kienu magħrufa qabel l-inizjazzjoni tal-investigazzjoni, magħżula fuq il-bażi tal-volum tal-bejgħ, id-daqs u l-lokazzjoni ġeografika tagħhom fl-Unjoni. Huma rrappreżentaw 37 % tal-produzzjoni totali stmata tal-Unjoni matul il-PI. Il-partijiet interessati ġew mistiedna jikkonsultaw il-fajl u jikkumentaw dwar l-adattezza ta’ din l-għażla fi żmien 15-il ġurnata mid-data tal-pubblikazzjoni tal-avviż ta’ inizjazzjoni. L-ebda parti interessata ma opponiet il-kampjun propost kompost minn ħames kumpaniji.

(16)

Sussegwentement wieħed mill-ħames produtturi tal-Unjoni fil-kampjun irtira l-kooperazzjoni tiegħu. L-erba' kumpaniji l-oħra fil-kampjun xorta jirrappreżentaw 32 % tal-produzzjoni totali maħsuba tal-Unjoni matul il-PI. Għalhekk, il-kampjun xorta waħda ġie kkunsidrat bħala rappreżentattiv tal-industrija tal-Unjoni. Saru żjarat ta’ verifika fil-bini ta’ tlieta minn dawn il-kumpaniji. F'dan l-istadju proviżorju tal-investigazzjoni tqies li analiżi bir-reqqa kienet biżżejjed biex tivverifika d-dejta mogħtija mir-raba' kumpanija fil-kampjun.

(17)

Minħabba l-għadd kbir ta’ importaturi involuti fil-proċediment, it-teħid ta’ kampjuni kien maħsub għall-importaturi fl-avviż ta’ bidu skont l-Artikolu 27 tar-Regolament bażiku. Żewġ importaturi pprovdew l-informazzjoni mitluba u ftiehmu li jiġu inklużi fil-kampjun saż-żmien stabbilit fl-avviż ta’ bidu. Minħabba n-numru baxx ta’ importaturi li ppreżentaw ruħhom, ġie deċiż li ma jittiħidx kampjun.

(18)

Il-Kummissjoni bagħtet kwestjonarji lill-partijiet kollha magħrufa li huma kkonċernati u lill-kumpaniji l-oħra kollha li ddikjaraw irwieħhom fiż-żmien stipulat fl-avviż tal-bidu. B'hekk intbagħtu kwestjonarji lill-GTI, il-produtturi esportaturi fl-Indja fil-kampjun, il-produtturi tal-Unjoni fil-kampjun, l-importaturi fl-Unjoni li kkooperaw u l-utenti kollha magħrufa li kienu kkonċernati bl-investigazzjoni.

(19)

Waslu risposti mingħand il-GTI, il-produtturi esportaturi fil-kampjun u erba' produtturi tal-Unjoni fil-kampjun. Ebda importatur jew utent ikkuntattjat ma wieġeb għall-kwestjonarju.

(20)

Il-Kummissjoni fittxet u vverifikat l-informazzjoni kollha pprovduta mill-partijiet interessati u li qieset li hija meħtieġa għal determinazzjoni provviżorja tas-sussidjar, il-ħsara li tirriżulta u l-interess tal-Unjoni. Saru żjarat fil-bini tal-GTI f'Delhi u l-partijiet li ġejjin:

(21)

L-investigazzjoni tas-sussidjar u l-ħsara kopriet il-perjodu mill-1 ta’ April 2010 sal-31 ta’ Marzu 2011 (“perjodu ta’ investigazzjoni” jew “PI”). L-eżami tat-tendenzi rilevanti għall-valutazzjoni tad-dannu kopra l-perjodu mill-2008 sa tmiem il-perjodu tal-investigazzjoni (“il-perjodu kkunsidrat”).

(22)

Il-prodott ikkonċernat huwa qfieli tal-azzar li ma jsaddadx li joriġinaw fl-Indja u partijiet tagħhom, attwalment ikklassifikati fil-kodiċijiet NM 7318 12 10, 7318 14 10, 7318 15 30, 7318 15 51, 7318 15 61 u 7318 15 70.

(23)

Instab li l-prodott ikkonċernat, il-prodott immanifatturat u mibjugħ fis-suq domestiku tal-Indja, kif ukoll il-prodott immanifatturat u mibjugħ fis-suq tal-Unjoni mill-industrija tal-Unjoni, għandhom l-istess karatteristiċi fiżiċi, kimiċi u tekniċi bażiċi kif ukoll l-istess użi bażiċi. Għalhekk, dawn jitqiesu provviżorjament li huma simili skont it-tifsira tal-Artikolu 2(c) tar-Regolament bażiku.

(24)

Fuq il-bażi tal-informazzjoni li tinsab fl-ilment u r-risposti għall-kwestjonarju tal-Kummissjoni, l-iskemi li ġejjin, li allegatament jinvolvu l-għoti ta’ sussidji, ġew investigati:

(25)

L-iskemi (a) sa (e) speċifikati hawn fuq huma bbażati fuq l-Att tal-1992 dwar il-Kummerċ Barrani (l-Iżvilupp u r-Regolamentazzjoni) (Nru 22 tal-1992) li daħal fis-seħħ fis-7 ta’ Awwissu 1992 (“l-Att dwar il-Kummerċ Barrani”). L-Att dwar il-Kummerċ Barrani jawtorizza lill-GTI biex joħroġ notifiki dwar il-politika ta’ esportazzjoni u importazzjoni. Dawn huma mogħtija fil-qosor fid-dokumenti tal-“Politika tal-Kummerċ Barrani”, li jinħarġu mill-Ministeru tal-Kummerċ kull ħames snin u jiġu aġġornati regolarment. Id-dokument ta’ Politika tal-Kummerċ Barrani rilevanti għall-PI ta’ din l-investigazzjoni huwa l-politika ta’ Kummerċ Ħieles 09-14. Barra minn hekk, il-GTI stabbilixxa wkoll il-proċeduri li jirregolaw il-politika ta’ Kummerċ Ħieles 09-14 fil-“Manwal ta’ Proċeduri, Volum I” (“HOP I 09-14”). Il-Manwal tal-Proċeduri wkoll jiġi aġġornat fuq bażi regolari.

(26)

L-Iskema tal-Kreditu għall-Esportazzjoni speċifikata aktar ’il fuq f’(f) hija bbażata fuq it-Taqsimiet 21 u 35A tal-Att tal-1949 dwar ir-Regolamentazzjoni Bankarja, li jippermetti lill-Bank tar-Riżerva tal-Indja (“RBI”) jagħti struzzjonijiet lill-banek kummerċjali dwar il-kreditu fuq l-esportazzjoni.

(27)

L-Eżenzjoni mid-Dazju fuq l-Elettriku speċifikata aktar ’il fuq f’(g) hija inkluża fil-Pakkett ta’ Skemi ta’ Inċentivi tal-2007 tal-Gvern ta’ Maharashtra, Riżoluzzjoni Nru PSI-1707/(CR-50)IND-8, tat-30 ta’ Marzu 2007.

(28)

Id-deskrizzjoni ddettaljata tad-DEPBS tinsab fil-paragrafu 4.3 tal-politika ta’ Kummerċ Ħieles 09-14 u fil-Kapitolu 4 tal-HOP I 09-14.

(29)

Kull produttur-esportatur jew negozjant-esportatur huwa eliġibbli għal din l-iskema.

(30)

Esportatur jista’ japplika għall-krediti tad-DEPBS li jiġu kkalkulati bħala perċentwali speċifikata tal-valur ta’ prodotti esportati skont din l-iskema. Dawn ir-rati DEPBS ġew stabbiliti mill-awtoritajiet Indjani għal ħafna mill-prodotti, inkluż il-prodott ikkonċernat. Huma jiġu ddeterminati fuq il-bażi tan-normi standard ta’ input-output (standard input-output norms, “SIONs”), billi jkun ikkunsidrat il-kontenut preżunt importat ta’ inputs fil-prodott esportat u l-inċidenza tad-dazju doganali tal-importazzjoni fuq dawn l-importazzjonijiet preżunti, mingħajr ma jingħata kas jekk id-dazji tal-importazzjoni effettivament tħallsux jew le.

(31)

Biex tkun eliġibbli għall-benefiċċji taħt din l-iskema, kumpanija għandha tesporta. Fiż-żmien tat-tranżazzjoni ta’ esportazzjoni, għandha ssir dikjarazzjoni mill-esportatur lill-awtoritajiet fl-Indja li tindika li l-esportazzjoni qed isseħħ skont id-DEPBS. Sabiex il-merkanzija tkun esportata, l-awtoritajiet Indjani tad-dwana joħorġu polza tal-esportazzjoni waqt il-proċedura li matulha tintbagħat il-merkanzija. Dan id-dokument juri, inter alia, l-ammont ta’ kreditu DEPBS li għandu jingħata għal dik it-transazzjoni ta’ esportazzjoni. F'dan il-punt, l-esportatur ikun jaf il-benefiċċju li se jirċievi. Ladarba l-awtoritajiet tad-dwana joħorġu l-polza tal-esportazzjoni, il-GTI ma jkollu l-ebda diskrezzjoni fuq l-għoti ta’ kreditu tad-DEPBS.

(32)

Instab li skont l-istandards Indjani tal-kontabilità, il-krediti tad-DEPBS jistgħu jitniżżlu fuq il-bażi tad-dovuti bħala dħul fil-kontijiet tal-kummerċ, malli jiġi sodisfatt l-obbligu tal-esportazzjoni. Dawn il-krediti jistgħu jintużaw biex jitħallsu d-dazji doganali fuq importazzjonijiet sussegwenti ta’ kwalunkwe prodott – ħlief prodotti kapitali u prodotti fejn ikun hemm restrizzjonijiet fuq l-importazzjoni. Prodotti importati b'dawn il-krediti jistgħu jinbiegħu fis-suq domestiku (suġġetti għal taxxa tal-bejgħ) jew jiġu użati mod ieħor. Il-krediti tad-DEPBS huma trasferibbli mingħajr l-ebda ostaklu u validi għal perjodu ta’ 24 xahar mid-data tal-ħruġ.

(33)

L-applikazzjoni għal krediti DEPBS tiġi ffajljata elettronikament u tista' tkopri ammont mingħajr limitu ta’ tranżazzjonijiet tal-esportazzjoni. De facto ma japplikawx skadenzi stretti għal krediti DEPBS. Is-sistema elettronika użata biex titħaddem id-DEPBS ma tħallix barra awtomatikament tranżazzjonijiet li jmorru lil hinn mill-iskadenza tal-perjodi ta’ sottomissjoni msemmija fil-Kapitolu 4.47 tal-HOP I 09-14. Barra minn hekk, kif stipulat b'mod ċar fil-Kapitolu 9.3 tal-HOP I 09-14, l-applikazzjonijiet li jaslu wara d-data tal-iskadenza għas-sottomissjoni dejjem jistgħu jiġu kkunsidrati soġġetti għall-impożizzjoni ta’ penali minuri.

(34)

Instab li tnejn mill-kumpaniji fil-kampjun, Agarwal Fasteners Pvt. Ltd. u Raajratna Ventures Ltd., użaw din l-iskema matul il-PI.

(35)

Id-DEPBS tipprovdi sussidji fil-kuntest tal-Artikolu 3(1)(a)(ii) u l-Artikolu 3(2) tar-Regolament bażiku. Kreditu ta’ DEPBS huwa kontribuzzjoni finanzjarja mill-GTI, peress li l-kreditu eventwalment ikun użat sabiex ipatti għad-dazji ta’ importazzjoni, għalhekk inaqqas id-dħul tal-GTI mid-dazji li kieku jkunu dovuti. Barra minn hekk, il-kreditu DEPBS jagħti benefiċċju lill-esportatur, għax itejjeb il-likwidità tal-kumpanija.

(36)

Barra dan, id-DEPBS huwa assoċjat fil-liġi mal-mod kif tkun marret l-esportazzjoni u għalhekk, huwa meqjus bħala speċifiku u kumpensabbli skont l-Artikolu 4(4), l-ewwel sottoparagrafu, il-punt (a) tar-Regolament bażiku.

(37)

Din l-iskema ma tistax titqies bħala sistema awtorizzata għar-rimbors tad-dazju jew sistema sostituta ta’ ħlas lura skont it-tifsira tal-Artikolu 3(1)(a)(ii) tar-Regolament bażiku billi ma tikkonformax mar-regoli stabbiliti fl-Anness I, parti (i), l-Anness II (definizzjoni u regoli għar-rimbors) u l-Anness III (definizzjoni u regoli għas-sistema sostituta ta’ rimbors) tar-Regolament bażiku. Partikolarment, esportatur m'għandu l-ebda obbligu li fil-fatt jikkonsma fil-proċess tal-produzzjoni l-prodotti importati bla ħlas ta’ dazju u l-ammont ta’ kreditu mhuwiex ikkalkulat b'konnessjoni mal-inputs li fil-fatt jintużaw fil-produzzjoni. Barra minn hekk, ma hemm l-ebda sistema jew proċedura stabbilita għall-konferma ta’ liema inputs jiġu kkunsmati fil-proċess tal-produzzjoni tal-prodott esportat jew jekk ħlas żejjed tad-dazji tal-importazzjoni seħħx fil-kuntest tat-tifsira tal-punt (i) tal-Anness I, u l-Annessi II u III tar-Regolament bażiku. Fl-aħħar nett, esportatur huwa eliġibbli għall-benefiċċji DEPBS irrispettivament minn jekk jimportax xi inputs jew le. Sabiex jinkiseb il-benefiċċju, huwa biżżejjed li esportatur sempliċiment jesporta prodotti mingħajr ma juri li kien importat xi materjal input. Għalhekk, anki esportaturi li jakkwistaw l-inputs tagħhom kollha lokalment u ma jimportaw l-ebda prodotti li jistgħu jiġu użati bħala inputs, jibqgħu intitolati għall-benefiċċji mid-DEPBS.

(38)

Skont l-Artikoli 3(2) u 5 tar-Regolament bażiku, l-ammont ta’ sussidji kompensatorji ġie kkalkolat f'termini ta’ benefiċċju mogħti lid-destinatarju, li jinstab matul il-PI. F'dan ir-rigward tqies li l-benefiċċju jingħata lid-destinatarju fil-mument meta ssir tranżazzjoni ta’ esportazzjoni taħt din l-iskema. F'dak il-mument, il-GTI huwa obbligat li jċedi d-dazji doganali, u dan jikkostitwixxi kontribuzzjoni finanzjarja skont it-tifsira tal-Artikolu 3(1)(a)(ii) tar-Regolament bażiku. Wara li l-awtoritajiet doganali joħorġu polza tal-esportazzjoni li turi, inter alia, l-ammont ta’ kreditu DEPBS li għandu jingħata għal dik it-tranżazzjoni ta’ esportazzjoni, il-GTI m'għandu l-ebda diskrezzjoni jekk jagħtix is-sussidju jew le. Fid-dawl ta’ dak li ntqal hawn fuq, huwa kkunsidrat xieraq li l-benefiċċju taħt id-DEPBS ikun stmat bħala s-somma tal-krediti mogħtija fuq it-transazzjonijiet ta’ esportazzjoni kollha magħmula taħt din l-iskema matul il-PI.

(39)

Meta saru talbiet iġġustifikati, id-drittijiet li neċessarjament riedu jitħallsu biex jinkiseb is-sussidju tnaqqsu mill-krediti stabbiliti b'dan il-mod biex wieħed jasal għall-ammonti tas-sussidju bħala n-numeratur, skont l-Artikolu 7(1)(a) tar-Regolament bażiku. Skont l-Artikolu 7(2) tar-Regolament bażiku dan l-ammont ta’ sussidju kien allokat fuq l-ammont kollu ta’ dħul mill-esportazzjoni matul il-PI bħala d-denominatur xieraq, għaliex is-sussidju jiddependi fuq il-prestazzjoni tal-esportazzjoni u ma ngħatax b'referenza għall-kwantitajiet immanifatturati, prodotti, esportati jew ittrasportati.

(40)

Ir-rata tas-sussidju stabbilita fir-rigward ta’ din l-iskema għall-kumpaniji kkonċernati matul il-PI varjat minn 4,70 % sa 6,53 %.

(41)

Id-deskrizzjoni ddettaljata tal-iskema tinsab fil-paragrafi 4.1.3 sa 4.1.14 tal-politika ta’ Kummerċ Ħieles 09-14 u l-Kapitoli 4.1 sa 4.30A tal-HOP I 09-14.

(42)

L-AAS tikkonsisti f'sitt sottoskemi, kif deskritt f'iktar dettall fil-premessa (43) hawn isfel. Dawk is-sottoskemi huma differenti inter alia fl-ambitu tal-eliġibbiltà. Il-manifatturi-esportaturi u n-negozjanti-esportaturi “marbuta” ma’ manifatturi ta’ sostenn huma eliġibbli għall-esportazzjonijiet fiżiċi AAS u għall-AAS għal sottoskemi ta’ rekwiżit annwali. Il-manifatturi-esportaturi li jfornu lill-esportatur finali huma eliġibbli għall-AAS għall-provvisti intermedji. Kuntratturi ewlenin li jipprovdu lill-kategoriji “meqjusa esportati” msemmija fil-paragrafu 8.2 tal-politika ta’ Kummerċ Ħieles 09-14, bħall-fornituri ta’ unità orjentata lejn l-esportazzjoni (“EOU”), huma eliġibbli għas-sottoskema ta’ meqjusa esportati tal-AAS. Eventwalment, fornituri intermedji għall-manifatturi-esportaturi huma eliġibbi għal benefiċċji ta’ “esportazzjoni meqjusa” skont is-sottoskemi tal-Ordni għar-Rilaxx bil-Quddiem (“ARO”) u ħruġ ta’ ittra ta’ kreditu interna immedjatament kif tagħlaq dik ta’ qabel.

(43)

L-AAS tista' tinħareġ għal:

(i)   Esportazzjonijiet fiżiċi: Din hi s-sottoskema ewlenija. Tippermetti importazzjoni bla dazju ta’ materjali ta’ input għall-produzzjoni li tirriżulta fi prodott ta’ esportazzjoni speċifiku. “Fiżiku” f'dan il-kuntest tfisser li l-prodott għall-esportazzjoni jrid iħalli t-territorju Indjan. Konċessjoni ta’ importazzjoni u obbligu ta’ esportazzjoni inkluż it-tip ta’ prodott ta’ esportazzjoni huma speċifikati fil-liċenzja;

(ii)   Rekwiżit annwali: Din l-awtorizzazzjoni mhix konnessa ma’ prodott ta’ esportazzjoni speċifiku, iżda ma’ grupp ta’ prodotti aktar wiesa' (eż. prodotti kimiċi u dawk relatati). Id-detentur ta’ liċenzja jista'- sa ċertu limitu fil-valur iffissat skont kif tkun marret l-esportazzjoni fil-passat - jimporta bla ħlas ta’ dazju kull input li jkun se jintuża fil-manifattura ta’ kull oġġett li jaqa' f'dan il-grupp ta’ prodotti. Jista' jagħżel li jesporta kwalunkwe prodott li jirriżulta u li huwa fil-grupp ta’ produzzjoni li juża dan il-materjal eżenti mid-dazju;

(iii)   Provvisti intermedji: Din is-sottoskema tkopri l-każijiet meta żewġ manifatturi jkun beħsiebhom jipproduċu prodott wieħed għall-esportazzjoni u jaqsmu l-proċess ta’ produzzjoni. Il-manifattur-esportatur li jipproduċi l-prodott intermedju jista' jimporta materjali mingħajr dazju li jkunu se jintużaw fil-manifattura u għal dan l-għan jista' jikseb AAS għall-provvisti intermedji. L-esportatur finali jiffinalizza l-produzzjoni u huwa obbligat li jesporta l-prodott lest;

(iv)   Meqjusa bħala esportati: Din is-sottoskema tippermetti lil kuntrattur prinċipali li jimporta bla ħlas ta’ dazju l-inputs meħtieġa fil-produzzjoni ta’ prodotti li se jinbiegħu bħala “meqjusa bħala esportati” lill-kategoriji ta’ klijenti msemmija fil-paragrafu 8.2 tal-politika ta’ Kummerċ Ħieles 09-14. Skont il-GTI, il-kategorija meqjusa għall-esportazzjoni tirreferi għal dawk it-tranżazzjonijiet fejn il-prodotti fornuti ma jħallux il-pajjiż. Numru ta’ kategoriji ta’ provvista huma kkunsidrati bħala oġġetti meqjusa esportati sakemm il-prodotti jkunu manifatturati fl-Indja, eż. provvista ta’ prodotti lejn EOU (unità b'orjentazzjoni tal-esportazzjoni) jew lejn kumpanija lokalizzata f'żona ekonomika speċjali (“SEZ”);

(v)   Ordni għar-Rilaxx bil-Quddiem (“ARO”): Id-detentur tal-AAS li għandu l-intenzjoni li jġib l-inputs minn sorsi indiġeni, minflok ma jimporta direttament, għandu l-għażla li jġibhom permezz tal-AROs. F'dawn il-każijiet l-Awtorizzazzjonijiet bil-Quddiem jiġu validati bħala AROs u jiġu endorsjati lill-fornitur indiġenu wara kunsinna tal-oġġetti speċifikati fiha. L-endorsjar tal-ARO jintitola lill-fornitur indiġenu għall-benefiċċji fuq oġġetti meqjusa esportati kif speċifikat fil-paragrafu 8.3 tal-politika ta’ Kummerċ Ħieles 09-14 (fi kliem ieħor AAS għal provvisti intermedji/oġġetti meqjusa esportati, rimbors ta’ dazju mħallas fuq oġġetti meqjusa esportati u r-rifużjoni ta’ dazju tas-sisa finali). Il-mekkaniżmu ARO jirrifondi t-taxxi u d-dazji lill-fornitur minflok ma jirrifondihom lill-esportatur finali fil-forma ta’ ħlas lura/rifużjoni tad-dazji. Ir-rifużjoni tat-taxxi/dazji hija disponibbli kemm għall-inputs indiġeni u kif ukoll għall-inputs importati;

(vi)   Ittra ta’ kreditu interna wara l-oħra: Din is-sottoskema tkopri għal darb'oħra provvisti indiġeni lil detentur tal-Awtorizzazzjoni bil-Quddiem. Id-detentur ta’ Awtorizzazzjoni bil-Quddiem jista' jkellem lil xi bank biex jiftaħ ittra ta’ kreditu interna favur fornitur indiġenu. L-awtorizzazzjoni tiġi vvalidata mill-bank għall-importazzjoni diretta, b'konnessjoni biss mal-valur u l-volum ta’ oġġetti miġjuba minn sorsi indiġeni minflok ma jkunu importati. Il-fornitur indiġenu għandu jkun intitolat għal benefiċċji fuq oġġetti meqjusa esportati kif stabbiliti fil-paragrafu 8.3 tal-politika ta’ Kummerċ Ħieles 09-14 (fi kliem ieħor, AAS għal provvisti intermedji/oġġetti meqjusa esportati, rimbors ta’ oġġetti meqjusa esportati u rifużjoni tad-dazju tas-sisa finali).

(44)

Kumpanija waħda fil-kampjun irċeviet konċessjonijiet skont l-AAS li huma marbuta mal-prodott ikkonċernat waqt il-PI. Din il-kumpanija għamlet użu minn waħda mis-sottoskemi, jiġifieri esportazzjonijiet fiżiċi tal-AAS. Għalhekk, mhuwiex neċessarju li jkun stabbilit l-ammont ta’ kumpens tas-sottoskemi mhux użati li jifdal.

(45)

Għal skopijiet ta’ verifikazzjoni mill-awtoritajiet Indjani, detentur ta’ Awtorizzazzjoni bil-Quddiem huwa legalment obbligat li jżomm “kont veru u propju tal-konsum u utilizzazzjoni ta’ prodotti bla dazju importati/akkwistati domestikament” f'format speċifikat (Kapitoli 4.26, 4.30 u Appendiċi 23 HOP I 09-14), fi kliem ieħor reġistru ta’ konsum attwali. Dan ir-reġistru jrid jiġi verifikat minn accountant awtorizzat estern/accountant tal-ispejjeż u x-xogħlijiet li jiċċertifika li r-reġistri preskritti u r-rekords rilevanti ġew eżaminati u li l-informazzjoni fornuta skont l-Appendiċi 23 hija vera u korretta f'kull aspett.

(46)

Fir-rigward tas-sottoskema użata matul il-PI mill-kumpanija kkonċernata, jiġifieri l-esportazzjonijiet fiżiċi, il-konċessjoni ta’ importazzjoni u l-obbligu ta’ esportazzjoni huma ffissati fil-volum u fil-valur mill-GTI u jiġu dokumentati fuq l-Awtorizzazzjoni. Barra minn hekk, fil-waqt tal-importazzjoni u tal-esportazzjoni, it-tranżazzjonijiet korrispondenti għandhom jiġu dokumentati minn uffiċjali tal-Gvern fuq l-Awtorizzazzjoni. Il-volum tal-importazzjonjiet permessi skont l-AAS huwa ddeterminat mill-GTI fuq il-bażi ta’ Regoli Standard ta’ Input-Output (“SIONs”) li jeżistu għall-biċċa l-kbira tal-prodotti inkluż il-prodott ikkonċernat. Il-materjal importat biex jintuża bħal input ma jkunx transferibbli u jrid jintuża biex ikun maħdum il-prodott esportat li jirriżulta. L-obbligu ta’ esportazzjoni għandu jiġi sodisfatt fil-limitu ta’ żmien preskritt wara l-ħruġ tal-liċenzja (24 xahar b'żewġ estensjonijiet possibbli ta’ 6 xhur kull wieħed).

(47)

L-investigazzjoni stabbiliet li r-rekwiżiti tal-verifika stipulati mill-awtoritajiet Indjani jew ma kinux onorati jew ma ġewx ittestjati fil-prattika.

(48)

Il-kumpanija li użat l-iskema żammet ċertu reġistru ta’ produzzjoni u konsum. L-Appendiċi 23 ma tlestiex kif suppost u għalhekk, ma setax jiġi kkunsidrat bħala reġistru ta’ konsum attwali kif preskritt fil-Kapitoli 4.26, 4.30 tal-HOP I 09-14. Madankollu, ir-reġistru tal-konsum għall-PI ma kienx disponibbli, u konsegwentement ma kienx possibbli li jiġu vverifikati inter alia r-rekords tal-konsum sabiex jiġi stabbilit liema inputs ġew ikkonsmati fil-produzzjoni tal-prodott esportat u f'liema ammonti, kif stipulat fil-kopja tal-Appendiċi 23. Rigward ir-rekwiżiti tal-verifika li ssir referenza għalihom fil-premessa (45) iktar 'il fuq, ma nżammu ebda rekords mill-kumpanija dwar kif saret din iċ-ċertifikazzjoni. Ma kien hemm ebda pjan ta’ verifika jew xi materjal ieħor ta’ appoġġ tal-verifika mwettqa (eż. rapport tal-verifika), ebda informazzjoni rreġistrata dwar il-metodoloġija użata u r-rekwiżiti speċifiċi meħtieġa għal tali xogħol rigoruż li kien jeħtieġ tagħrif tekniku ddettaljat dwar il-proċessi ta’ produzzjoni. Kwalunkwe remissjoni żejda potenzjali magħrufa mill-kumpanija u rrapurtata fl-Appendiċi 23 ma ħolqot l-ebda intervent jew kontroll mill-awtoritajiet rilevanti. Fil-qosor, huwa kkunsidrat li l-esportatur investigat ma kienx kapaċi juri li ġew issodisfati d-dispożizzjonijiet relevanti tal-politika ta’ Kummerċ Ħieles 09-14.

(49)

L-eżenzjoni mid-dazji ta’ importazzjoni hija sussidju fit-tifsira tal-Artikolu 3(1)(a)(ii) u l-Artikolu 3(2) tar-Regolament bażiku, jiġifieri kontribuzzjoni finanzjarja tal-GTI li tat benefiċċju lill-esportatur investigat.

(50)

Barra minn hekk, is-sussidji relatati mal-esportazzjonijiet fiżiċi tal-AAS fil-liġi jiddependu b'mod ċar fuq il-prestazzjoni tal-esportazzjoni u għalhekk, huma meqjusa bħala speċifiċi u kumpensatorji skont l-Artikolu 4(4), l-ewwel subparagrafu, il-punt (a) tar-Regolament bażiku. Mingħajr impenn li tesporta, kumpanija ma tistax tikseb benefiċċji minn din l-iskema.

(51)

Is-sottoskema użata fil-każ preżenti ma tistax titqies bħala sistema permissibbli ta’ ħlas lura ta’ dazju jew sistema ta’ sostituzzjoni ta’ ħlas lura ta’ dazju fil-kuntest tal-Artikolu 3(1)(a)(ii) tar-Regolament bażiku. Din ma tikkonformax mar-regoli stabbiliti fl-Anness I, punt (i), l-Anness II (definizzjoni u regoli għall-ħlas lura tad-dazju) u l-Anness III (definizzjoni u regoli għal sostituzzjoni ta’ ħlas lura ta’ dazju) tar-Regolament bażiku. Il-GTI ma applikax effettivament sistema jew proċedura ta’ verifika biex jikkonferma jekk u f'liema ammonti l-materja għall-produzzjoni kinitx ikkunsmata fil-produzzjoni tal-prodott esportat (l-Anness II(II)(4) tar-Regolament bażiku u, fil-każ ta’ skemi ta’ sostituzzjoni għall-ħlas lura ta’ dazju, l-Anness (III)(II)(2) tar-Regolament bażiku). Barra minn hekk, is-SIONs għall-prodott ikkonċernat ma kinux preċiżi biżżejjed u ma jistgħux jikkostitwixxu sistema ta’ verifika tal-konsum attwali minħabba li t-tfassil ta’ dawk in-normi standard ma jippermettix lill-GTI jivverifika bi preċiżjoni biżżejjed liema ammonti ta’ materja għall-produzzjoni kienu kkunsmati fil-produzzjoni tal-esportazzjoni. Il-GTI naqas ukoll milli jwettaq eżami addizzjonali bbażat fuq l-inputs attwali, għalkemm dan ikun normalment meħtieġ li jsir fin-nuqqas ta’ sistema ta’ verifika applikata b'mod effettiv (Anness II(II)(5) u Anness III(II)(3) tar-Regolament bażiku).

(52)

Is-sottoskema hija għalhekk kumpensabbli.

(53)

Fin-nuqqas ta’ sistemi ta’ ħlas lura jew sistemi sostituti ta’ ħlas lura awtorizzati, il-benefiċċju kumpensabbli huwa r-remissjoni ta’ dazji ta’ importazzjoni totali normalment dovuti mal-importazzjoni tal-inputs. F'dan ir-rigward, huwa osservat li r-Regolament bażiku ma jipprovdix biss għall-ammont kumpensatorju tar-remissjoni “żejda” mid-dazji. Skont l-Artikolu 3(1)(a)(ii) u l-Anness I(i) tar-Regolament bażiku, huwa biss meta l-kundizzjonijiet tal-Annessi II u III tar-Regolament bażiku jkunu milħuqa li r-remissjoni żejda ta’ dazji tista' tiġi kkumpensata. Iżda f'dan il-każ dawn il-kondizzjonijiet ma ġewx sodisfatti. Għalhekk, jekk ma jintweriex proċess ta’ sorveljanza adegwat, l-eċċezzjoni msemmija fuq għal skemi ta’ ħlas lura tad-dazju mhijiex applikabbli u r-regola normali tal-għoti ta’ kumpens għall-ammont ta’ dazji mhux imħallsa (dħul ċedut), tapplika, aktar milli kwalunkwe remissjoni żejda intenzjonata. Kif stabbilit fl-Annessi II(II) u III(II) tar-Regolament bażiku, mhijiex ir-responsabbiltà tal-awtorità tal-investigazzjoni li tikkalkula din ir-remissjoni żejda. Bil-maqlub ta’ dan, skont l-Artikolu 3(1)(a)(ii) tar-Regolament bażiku, l-awtorità tal-investigazzjoni għandha tistabbilixxi biss evidenza suffiċjenti sabiex tirrifjuta l-adegwatezza tas-sistema ta’ verifika allegata.

(54)

L-ammont ta’ sussidju għall-kumpaniji li użaw l-AAS kien ikkalkolat abbażi ta’ dazji ta’ importazzjoni ċeduti (dazju doganali bażiku u dazju doganali addizzjonali speċjali) fuq il-materjal importat skont is-sottoskema matul il-PI (numeratur). Skont l-Artikolu 7(1)(a) tar-Regolament bażiku, it-tariffi mġarrba neċessarjament sabiex jinkiseb is-sussidju tnaqqsu mill-ammont tas-sussidju meta saru talbiet ġustifikati. Skont l-Artikolu 7(2) tar-Regolament bażiku, dan l-ammont ta’ sussidju kien allokat fuq il-fatturat mill-esportazzjoni matul il-PI bħala d-denominatur adattat, peress li s-sussidju jiddependi fuq il-prestazzjoni tal-esportazzjoni u ma ngħatax b'referenza għall-kwantitajiet manifatturati, prodotti, esportati jew trasportati.

(55)

Ir-rata ta’ sussidju stabbilita fir-rigward ta’ din l-iskema għall-kumpanija kkonċernata matul il-PI jammonta għal 2,94 %.

(56)

Id-deskrizzjoni ddettaljata tad-EPCGS tinsab fil-paragrafu 5 tal-politika ta’ Kummerċ Ħieles 09-14 u fil-Kapitolu 5 tal-HOP I 09-14.

(57)

Manifatturi-esportaturi, negozjanti-esportaturi “marbuta ma’” manifatturi ta’ appoġġ u fornituri ta’ servizzi huma eliġibbli għal din l-iskema.

(58)

Skont il-kundizzjoni ta’ obbligu ta’ esportazzjoni, kumpanija hija awtorizzata li timporta prodotti kapitali (prodotti kapitali ġodda u prodotti użati) b'rata mnaqqsa ta’ dazju doganali. Għal dan l-għan, il-GTI joħroġ liċenzja EPCGS fuq applikazzjoni u pagament ta’ ħlas. L-iskema tipprovdi għal rata tad-dazju tal-importazzjoni mnaqqsa ta’ 5 % applikabbli għall-prodotti kapitali kollha importati skont l-iskema. Sabiex jiġi sodisfatt l-obbligu tal-esportazzjoni, il-prodotti kapitali importati jridu jintużaw biex jipproduċu ċertu ammont ta’ prodotti għall-esportazzjoni matul ċertu perjodu. Skont il-politika ta’ Kummerċ Ħieles 09-14 il-prodotti kapitali jistgħu jiġu importati b'rata ta’ dazju ta’ 0 % taħt l-EPCGS, iżda f'dan il-każ il-perjodu ta’ żmien biex jiġi ssodisfatt l-obbligu tal-esportazzjoni ikun iqsar, jiġifieri 6 snin minflok 8 mid-data tal-ħruġ tal-Awtorizzazzjoni. Id-detentur tal-liċenzja EPCGS jista' wkoll iġib il-prodotti kapitali b'mod indiġenu. F'dan il-każ, il-manifattur indiġenu ta’ prodotti kapitali jista' japprofitta mill-benefiċċju ta’ importazzjoni ħielsa mid-dazju ta’ komponenti meħtieġa għall-manifattura ta’ dawn il-prodotti kapitali. Alternattivament, il-manifattur indiġenu jista' jitlob il-benefiċċju ta’ esportazzjoni meqjusa fir-rigward tal-provvista ta’ prodotti kapitali lid-detentur ta’ liċenzja EPCGS.

(59)

Instab li l-applikanti esportaturi kollha li kkooperaw użaw din l-iskema matul il-PI.

(60)

L-EPCGS tipprovdi sussidji fil-kuntest tal-Artikolu 3(1)(a)(ii) u l-Artikolu 3(2) tar-Regolament bażiku. It-tnaqqis fid-dazju jikkostitwixxi kontribut finanzjarju mill-GTI, billi din il-konċessjoni tnaqqas id-dħul mid-dazju tal-GTI, li kieku kien ikun dovut lilu. Barra minn hekk, it-tnaqqis tad-dazju jagħti benefiċċju lill-esportatur, għax id-dazji ffrankati mill-importazzjoni jtejbu l-likwidità tal-kumpanija.

(61)

Barra minn hekk, l-EPCGS hija soġġetta fil-liġi għall-prestazzjoni tal-esportazzjoni, għaliex liċenzji bħal dawn ma jistgħux jinkisbu mingħajr impenn ta’ esportazzjoni. Għalhekk, hija meqjusa bħala speċifika u kumpensabbli skont l-Artikolu 4(4), l-ewwel sottoparagrafu, il-punt (a) tar-Regolament bażiku.

(62)

Din l-iskema ma tistax titqies bħala sistema ta’ rifużjoni ta’ dazju jew sistema li tissostitwixxi r-rifużjoni ta’ dazju permissibbli fl-ambitu tat-tifsira tal-Artikolu 3(1)(a)(ii) tar-Regolament bażiku. Il-prodotti kapitali mhumiex koperti mill-ambitu ta’ dawn is-sistemi permissibbli, kif stabbilit fl-Anness I, partita (i), tar-Regolament bażiku, għax mhumiex ikkonsmati fil-produzzjoni tal-prodotti esportati.

(63)

L-ammont ta’ sussidju kien ikkalkulat, skont l-Artikolu 7(3) tar-Regolament bażiku, abbażi tad-dazju doganali mhux imħallas fuq beni kapitali importati mifruxa fuq perjodu li jirrifletti l-perjodu ta’ deprezzament normali ta’ dawn il-beni kapitali fl-industrija kkonċernata. Skont il-prattika stabbilita, l-ammont ikkalkulat b'dan il-mod, li jista' jiġi attribwit għall-PI, ġie aġġustat permezz taż-żieda ta’ mgħax matul dan il-perjodu sabiex ikun rifless il-valur totali tal-benefiċċju maż-żmien. Ir-rata ta’ interessi kummerċjali matul il-perjodu tal-investigazzjoni fl-Indja kien ikkunsidrat xieraq għal dan l-iskop. Meta saru t-talbiet ġustifikati, tariffi mħallsa neċessarjament biex jinkiseb sussidju kienu mnaqqsa skont l-Artikolu 7(1)(a) tar-Regolament bażiku.

(64)

Skont l-Artikolu 7(2) u 7(3) tar-Regolament bażiku, dan l-ammont ta’ sussidju ġie allokat fuq il-fatturat ta’ esportazzjoni matul il-PI bħala d-denominatur xieraq, għaliex is-sussidju jiddependi mill-mod kif tkun marret l-esportazzjoni u ma ngħatax b'referenza għall-kwantitajiet immanifatturati, prodotti, esportati jew ittrasportati.

(65)

Ir-rati tas-sussidju stabbiliti fir-rigward ta’ din l-iskema għall-kumpaniji kkonċernati matul il-PI kienu 0,11 %, 0,16 % u 0,19 %.

(66)

Id-deskrizzjoni ddettaljata tal-EOU tinsab fil-paragrafu 6 tal-politika ta’ Kummerċ Ħieles 09-14 u fil-kapitolu 6 tal-HOP I 09-14.

(67)

Ħlief għall-kumpaniji purament kummerċjali, l-impriżi kollha, li fil-prinċipju, jintrabtu li jesportaw il-produzzjoni sħiħa tagħhom ta’ oġġetti jew servizzi jistgħu jiġu stabbiliti taħt l-EOUS. Impriżi fis-setturi industrijali jridu jissodisfaw limitu minimu ta’ investiment f'assi fissi biex ikunu eliġibbli għall-EOUS.

(68)

Unitajiet orjentati lejn l-esportazzjoni jistgħu jiġu lokalizzati u stabbiliti kullimkien fl-Indja.

(69)

L-applikazzjoni għal status ta’ EOU trid tinkludi d-dettalji għall-perjodu tal-ħames snin li jkunu ġejjin fuq, inter alia, il-kwantitajiet ta’ produzzjoni ppjanati, il-valur ipproġettat tal-esportazzjoni, il-ħtiġijiet ta’ importazzjoni u l-ħtiġijiet indiġeni. Wara aċċettazzjoni mill-awtoritajiet tal-applikazzjoni tal-kumpanija, it-termini u l-kundizzjonijiet annessi ma’ din l-aċċettazzjoni għandhom jiġu kkomunikati lill-kumpanija. Il-ftehim ta’ rikonoxximent bħala kumpanija taħt l-EOUS huwa validu għal perjodu ta’ ħames snin. Il-ftehim jista' jkun imġedded għal iktar perjodi.

(70)

Obbligu kruċjali ta’ EOU kif stabbilit fil-politika ta’ Kummerċ Ħieles 09-14 huwa li jinkiseb qligħ nett ta’ valuta barranija (net foreign exchange – “NFE”), jiġifieri f'perjodu ta’ referenza (5 snin) il-valur totali ta’ esportazzjonijiet irid jogħla mill-valur totali ta’ prodotti importati.

(71)

Unitajiet orjentati lejn l-esportazzjoni huma intitolati għall-konċessjonijiet li ġejjin:

(72)

Unitajiet li joperaw taħt dawn l-iskemi huma marbuta taħt is-sorveljanza tal-uffiċjali tad-dwana.

(73)

Huma legalment obbligati li jżommu kont kif suppost tal-importazzjonijiet kollha, tal-konsum u tal-użu tal-materjali importati u tal-esportazzjonijiet li jkunu saru b'mod konformi mal-paragrafu relevanti tal-HOP I -09-14. Dawn id-dokumenti għandhom jiġu sottomessi perjodikament lill-awtoritajiet kompetenti fl-Indja permezz ta’ rapporti ta’ progress trimestrali u annwali.

(74)

Madankollu, kif tgħid it-taqsima relevanti tal-HOP I 09-14, “l-EOU f'ebda punt m'għandha tkun meħtieġa tikkorrelata kull konsenja ta’ importazzjoni mal-esportazzjonijiet tagħha, it-trasferimenti lil unitajiet oħrajn, bejgħ fid-DTA (‘domestic tariff area’) jew stokks”.

(75)

Il-bejgħ domestiku jintbagħat u jiġi rreġistrat fuq bażi ta’ awtoċertifikazzjoni. Il-proċess ta’ spedizzjoni ta’ konsenji ta’ esportazzjoni ta’ EOU jiġi ssorveljat minn uffiċjal tad-dwana/sisa.

(76)

F'dan il-każ, l-EOUS intuża minn wieħed mill-esportaturi li kkoopera fit-teħid tal-kampjun. L-esportatur li kkoopera uża l-iskema biex jimporta materja prima, oġġetti tal-konsum u oġġetti kapitali ħielsa minn dazji tal-importazzjoni, biex jakkwista prodotti ħielsa domestikament mid-dazju tas-sisa u biex jikseb rimbors tat-taxxa fuq il-bejgħ, u biex ibigħ parti mill-produzzjoni tiegħu fis-suq domestiku. L-esportatur li kkoopera b'hekk ħa l-benefiċċji kollha deskritti fil-premessa (71) iktar 'il fuq taħt (i) sa (vi). Madankollu, fir-rigward tal-eżenzjoni mit-taxxa fuq id-dħul skont it-Taqsima 10B tal-Att dwar it-Taxxa fuq id-Dħul, l-investigazzjoni wriet li, sa mill-1 ta’ April 2010, il-kumpanija ma kinitx aktar eliġibbli għal din l-eżenzjoni. Għaldaqstant, id-dispożizzjonijiet ta’ eżenzjoni mit-taxxa fuq id-dħul tal-EOU ma ġewx ikkunsidrati ulterjorment fil-kuntest ta’ din l-investigazzjoni.

(77)

Fi stadju tard ħafna, il-kumpanija li nstabet li kienet qed topera bħala EOU bagħtet kummenti dettaljati dwar l-iskema, fejn fost l-oħrajn allegat li l-miżuri varji disponibbli f'EOU ma kinux jikkostitwixxu sussidji kumpensatorji. L-analiżi ta’ dawn il-kummenti ma setgħetx tiġi konkluża f'dan il-waqt; madankollu, se tiġi indirizzata fl-istadju li jmiss ta’ din l-investigazzjoni.

(78)

L-eżenzjonijiet ta’ EOU minn tliet tipi ta’ dazji ta’ importazzjoni (“id-dazju doganali bażiku”, “taxxa parafiskali tal-edukazzjoni fuq id-dazju doganali” u “taxxa parafiskali fuq l-edukazzjoni sekondarja ogħla”) u r-rimbors tat-taxxa fuq il-bejgħ huma kontribuzzjonijiet finanzjarji mill-GTI fil-kuntest tal-Artikolu 3(1)(a)(ii) tar-Regolament bażiku. L-introjtu tal-Gvern li kien ikun dovut fin-nuqqas ta’ din l-iskema huwa ċedut, u b'hekk jingħata benefiċċju lill-EOU fit-tifsira tal-Artikolu 3(2) tar-Regolament bażiku, billi jkun hemm titjib fil-likwidità peress li ma jkollhomx jitħallsu d-dazji li normalment ikunu dovuti u billi jinkiseb rimbors tat-taxxa fuq il-bejgħ.

(79)

Barra minn hekk, l-EOU ma jistax jitqies bħala sistema ta’ rifużjoni ta’ dazju jew sistema li tissostitwixxi r-rifużjoni ta’ dazju permissibbli fl-ambitu tat-tifsira tal-Artikolu 3(1)(a)(ii) tar-Regolament bażiku. Dan ma jikkonformax mar-regoli stabbiliti fl-Anness I, punti (h) u (i), l-Anness II (definizzjoni u regoli għall-ħlas lura tad-dazju) u l-Anness III (definizzjoni u regoli għal sostituzzjoni ta’ ħlas lura ta’ dazju) tar-Regolament bażiku. Il-GTI ma applikax effettivament sistema jew proċedura ta’ verifika biex jikkonferma jekk u f'liema ammonti l-materja għall-produzzjoni kinitx ikkunsmata fil-produzzjoni tal-prodott esportat (l-Anness II(II)(4) tar-Regolament bażiku u, fil-każ ta’ skemi ta’ sostituzzjoni għall-ħlas lura ta’ dazju, l-Anness (III)(II)(2) tar-Regolament bażiku). Is-sistema attwali ta’ verifika għandha l-għan li tissorvelja l-obbligu ta’ qligħ tal-NFE u mhux il-konsum ta’ importazzjonijiet fir-rigward tal-produzzjoni ta’ prodotti esportati.

(80)

L-eżenzjoni mid-dazju tas-sisa u mill-ekwivalenti tad-dazju ta’ importazzjoni tiegħu (“EED”), madankollu, ma twassalx għal dħul predeterminat li nkella jkun dovut. Id-dazju tas-sisa u d-dazju doganali addizzjonali, jekk imħallas, jista' jintuża bħala kreditu għall-passivi tad-dazju futuri tagħha stess (l-hekk imsejjaħ “mekkaniżmu ta’ CENVAT”) li hija sistema komparabbli għall-VAT u li tippermetti lil kumpaniji Indjani sabiex jikkontrobilanċjaw taxxi fuq xiri bit-taxxi pagabbli fuq il-bejgħ. Għaldaqstant, dawn id-dazji mhumiex definittivi. Permezz tal-kreditu “CENVAT”, valur miżjud biss iġorr dazju definittiv, mhux il-materjali ta’ input.

(81)

Għaldaqstant, l-eżenzjoni biss mid-dazju doganali bażiku, taxxa parafiskali tal-edukazzjoni fuq id-dazju doganali, taxxa parafiskali fuq l-edukazzjoni sekondarja ogħla u r-rimbors tat-taxxa fuq il-bejgħ ċentrali, jikkostitwixxu sussidji skont it-tifsira tal-Artikolu 3 tar-Regolament bażiku. Fil-liġi huma kontinġenti fuq il-prestazzjoni tal-esportazzjoni u għalhekk, huma meqjusa bħala speċifiċi u suġġetti għal kompens taħt l-Artikolu 4(4), l-ewwel sottoparagrafu, punt (a) tar-Regolament bażiku. L-iskop ta’ EOU li tesporta kif spjegat fil-Kapitolu 6.1 tal-politika ta’ Kummerċ Ħieles 09-14 huwa conditio sine qua non biex jinkisbu l-inċentivi.

(82)

Għaldaqstant, il-benefiċċju kumpensatorju huwa r-remissjoni tad-dazji fuq l-importazzjoni (dazju doganali bażiku, taxxa parafiskali tal-edukazzjoni fuq id-dazju doganali, taxxa parafiskali fuq l-edukazzjoni sekondarja ogħla) li normalment tkun dovuta malli ssir l-importazzjoni kif ukoll ir-rimbors tat-taxxa fuq il-bejgħ ċentrali, matul il-PI.

(83)

L-ammont ta’ sussidju għall-esportatur li huwa unità orjentata lejn l-esportazzjoni ġie kkalkolat abbażi ta’ dazji ta’ importazzjoni ċeduti (dazju doganali bażiku, taxxa parafiskali tal-edukazzjoni fuq id-dazju doganali, taxxa parafiskali fuq l-edukazzjoni sekondarja ogħla) fuq il-materjali importati għall-EOU f'daqqa u r-rimbors fuq it-taxxa tal-bejgħ matul il-PI. L-ispejjeż li neċessarjament riedu jitħallsu sabiex jinkiseb is-sussidju, tnaqqsu skont l-Artikolu 7(1)(a) tar-Regolament bażiku minn din is-somma biex wieħed jasal għall-ammont ta’ sussidju bħala n-numeratur. Skont l-Artikolu 7(2) tar-Regolament bażiku, dan l-ammont ta’ sussidju kien allokat fuq il-fatturat tal-esportazzjoni xieraq iġġenerat matul il-PI bħala d-denominatur xieraq, għaliex is-sussidju huwa assoċjat mal-prestazzjoni ta’ esportazzjoni u ma ngħatax permezz ta’ referenza għall-kwantitajiet immanifatturati, prodotti, esportati jew trasportati. Il-marġini tas-sussidju b'hekk miksub għall-kumpanija kkonċernata kien ta’ 2,68 %.

(84)

Oġġetti kapitali mhumiex inkorporati fiżikament fl-oġġetti lesti. Skont l-Artikolu 7(3) tar-Regolament bażiku, il-benefiċċju għall-kumpanija kkonċernata ġie kkalkolat fuq il-bażi tal-ammont ta’ dazju doganali mhux imħallas fuq oġġetti kapitali importati mifruxin fuq perjodu li jirrifletti l-perjodu ta’ deprezzament normali ta’ tali oġġetti kapitali f'waħda mill-kumpaniji investigati. L-ammont hekk ikkalkulat huwa mbagħad attribwibbli għall-PI u ġie aġġustat billi ġew miżjudin miegħu l-imgħaxijiet ta’ matul dan il-perjodu sabiex jirrifletti l-valur tal-benefiċċju tul iż-żmien u b'hekk ikun stabbilit il-benefiċċju kollu ta’ din l-iskema għal min irċevih. Ir-rata ta’ interessi kummerċjali matul il-perjodu tal-investigazzjoni fl-Indja kien ikkunsidrat xieraq għal dan l-iskop. Skont l-Artikolu 7(2) u 7(3) tar-Regolament bażiku, dan l-ammont ta’ sussidju ġie allokat fuq il-fatturat ta’ esportazzjoni xieraq iġġenerat matul il-PI bħala denominatur xieraq, għaliex is-sussidju huwa assoċjat mal-mod kif tkun marret l-esportazzjoni u ma jkunx ingħata b'referenza għall-kwantitajiet immanifatturati, prodotti, esportati jew ittrasportati. Il-marġini tas-sussidju b'hekk miksub għall-kumpanija kkonċernata kien ta’ 0,05 %.

(85)

Il-marġini ta’ sussidju miksub taħt l-EOUS għall-kumpanija kellu x'jaqsam ma’ ammonti sa 2,73 %.

(86)

Id-deskrizzjoni ddettaljata tal-iskema tinsab fil-paragrafi 3.15 sa 3.17 tal-politika ta’ Kummerċ Ħieles 09-14 u l-Kapitoli 3.9 sa 3.11 tal-HOP I 09-14.

(87)

Skont il-paragrafu 3.15.2 tal-politika ta’ Kummerċ Ħieles 09-14, l-esportaturi tal-prodotti notifikati fl-Appendiċi 37D tal-HOP I 09-14 huma eliġibbli għal din l-iskema.

(88)

Esportatur tal-prodotti inkluż fil-lista tal-Appendiċi 37D tal-HOP I 09-14 jista' japplika għal azzjonijiet ta’ Kreditu ta’ Dazju tal-FPS ekwivalenti għal 2 % jew 5 % tal-valur tal-esportazzjonijiet FOB. Madankollu, prodott(i)/settur(i) tal-Fokus Speċjali, koperti skont it-Tabella 2 u 5 tal-Appendiċi 37D imsemmi hawn fuq, huma intitolati għal azzjonijiet ta’ Kreditu ta’ Dazju ekwivalenti għal 5 % tal-valur tal-esportazzjonijiet FOB. Il-prodott konċernat skont l-investigazzjoni huwa inkluż f'dawn il-prodotti ta’ Fokus Speċjali.

(89)

L-FPS hija skema ta’ wara l-esportazzjoni, jiġifieri kumpanija għandha tesporta sabiex tkun eliġibbli għall-benefiċċji ta’ din l-iskema. Bħala riżultat, il-kumpanija tkompli timla applikazzjoni onlajn lill-awtorità rilevanti flimkien mal-kopji tal-ordni tal-esportazzjoni u l-fattura, l-irċevuta tal-bank li turi l-ħlas tal-ispejjeż tal-applikazzjoni, il-kopja tal-poloz ta’ tagħbija u ċ-ċertifikat ta’ realizzazzjoni tal-bank għall-irċevuta tal-ħlas jew iċ-ċertifikat barrani ta’ ħlas fuq l-importazzjoni fil-każ ta’ negozjar dirett ta’ dokumenti. F'każijiet fejn il-kopja oriġinali tal-poloz ta’ tagħbija u/jew iċ-ċertifikati tar-realizzazzjoni tal-bank ikunu ġew sottomessi għall-benefiċċji mitluba skont kwalunkwe skema oħra, il-kumpanija tista' tissottometti kopji ta’ awtoċertifikazzjoni li jikkwotaw l-awtorità rilevanti fejn ikunu ġew sottomessi d-dokumenti oriġinali. L-applikazzjoni onlajn għall-krediti tal-FPS tista' tkopri massimu ta’ 50 polza ta’ tagħbija.

(90)

Instab li skont l-istandards Indjani tal-kontabilità, il-krediti tad-FPS jistgħu jitniżżlu fuq il-bażi tad-dovuti bħala dħul fil-kontijiet tal-kummerċ, malli jiġi sodisfatt l-obbligu tal-esportazzjoni. Dawn il-krediti jistgħu jintużaw biex jitħallsu d-dazji doganali fuq importazzjonijiet sussegwenti ta’ kwalunkwe prodott – ħlief prodotti kapitali u prodotti fejn ikun hemm restrizzjonijiet fuq l-importazzjoni. Prodotti importati b'dawn il-krediti jistgħu jinbiegħu fis-suq domestiku (suġġetti għal taxxa tal-bejgħ) jew jiġu użati mod ieħor. Il-krediti tad-FPS huma trasferibbli liberament u huma validi għal perjodu ta’ 24 xahar mid-data tal-ħruġ.

(91)

Instab li tnejn mill-kumpaniji fil-kampjun użaw din l-iskema matul il-PI.

(92)

L-FPS tipprovdi sussidji fil-kuntest tal-Artikolu 3(1)(a)(ii) u l-Artikolu 3(2) tar-Regolament bażiku. Kreditu tad-FPS huwa kontribut finanzjarju mill-GTI, billi l-kreditu jintuża eventwalment biex ipaċi d-dazji ta’ importazzjoni, b'hekk jitnaqqas id-dħul tal-GTI mid-dazju li kieku kien ikun dovut lilu. Barra minn hekk, il-kreditu FPS jagħti benefiċċju lill-esportatur, għax itejjeb il-likwidità tal-kumpanija.

(93)

Iktar minn hekk, l-FPS huwa assoċjat fil-liġi mal-mod kif tkun marret l-esportazzjoni u għalhekk, huwa meqjus bħala speċifiku u jista' jiġi kkumpensat skont l-Artikolu 4(4)(a) tar-Regolament bażiku.

(94)

Din l-iskema ma tistax titqies bħala sistema awtorizzata għall-ħlas lura tad-dazju jew sistema sostituta ta’ ħlas lura skont it-tifsira tal-Artikolu 3(1)(a)(ii) tar-Regolament bażiku billi ma tikkonformax mar-regoli stabbiliti fl-Anness I, parti (i), l-Anness II (definizzjoni u regoli għall-ħlas lura) u l-Anness III (definizzjoni u regoli għas-sistema sostituta ta’ ħlas lura) tar-Regolament bażiku. Partikolarment, esportatur m'għandu l-ebda obbligu li fil-fatt jikkonsma fil-proċess tal-produzzjoni l-prodotti importati bla ħlas ta’ dazju u l-ammont ta’ kreditu mhuwiex ikkalkulat b'konnessjoni mal-inputs li fil-fatt jintużaw fil-produzzjoni. Barra minn hekk, ma hemm l-ebda sistema jew proċedura stabbilita għall-konferma ta’ liema inputs jiġu kkunsmati fil-proċess tal-produzzjoni tal-prodott esportat jew jekk ħlas żejjed tad-dazji tal-importazzjoni seħħx fil-kuntest tat-tifsira tal-punt (i) tal-Anness I, u l-Annessi II u III tar-Regolament bażiku. Fl-aħħar nett, esportatur huwa eliġibbli għall-benefiċċji FPS irrispettivament minn jekk jimportax xi inputs jew le. Sabiex jinkiseb il-benefiċċju, huwa biżżejjed li esportatur sempliċiment jesporta prodotti mingħajr ma juri li kien importat xi materjal input. Għalhekk, anki esportaturi li jakkwistaw l-inputs tagħhom kollha lokalment u ma jimportaw l-ebda prodotti li jistgħu jiġu użati bħala inputs, jibqgħu intitolati għall-benefiċċji mill-FPS.

(95)

Skont l-Artikoli 3(2) u 5 tar-Regolament bażiku, l-ammont ta’ sussidji kompensatorji ġie kkalkolat f'termini ta’ benefiċċju mogħti lid-destinatarju, li jinstab matul il-PI. F'dan ir-rigward tqies li l-benefiċċju jingħata lid-destinatarju fil-mument meta ssir tranżazzjoni ta’ esportazzjoni taħt din l-iskema. F'dak il-mument, il-GTI huwa obbligat li jċedi d-dazji doganali, u dan jikkostitwixxi kontribuzzjoni finanzjarja skont it-tifsira tal-Artikolu 3(1)(a)(ii) tar-Regolament bażiku. Wara li l-awtoritajiet doganali joħorġu polza tal-esportazzjoni li turi, inter alia, l-ammont ta’ kreditu FPS li għandu jingħata għal dik it-tranżazzjoni ta’ esportazzjoni, il-GTI m'għandu l-ebda diskrezzjoni jekk jagħtix is-sussidju jew le. Fid-dawl ta’ dak li ntqal hawn fuq, huwa kkunsidrat xieraq li l-benefiċċju taħt l-FPS ikun stmat bħala s-somma tal-krediti mogħtija fuq it-transazzjonijiet ta’ esportazzjoni kollha magħmula taħt din l-iskema matul il-PI.

(96)

Meta saru talbiet iġġustifikati, id-drittijiet li neċessarjament riedu jitħallsu biex jinkiseb is-sussidju tnaqqsu mill-krediti hekk stabbiliti biex wieħed jasal għall-ammonti tas-sussidju bħala n-numeratur, skont l-Artikolu 7(1)(a) tar-Regolament bażiku. Skont l-Artikolu 7(2) tar-Regolament bażiku dan l-ammont ta’ sussidju kien allokat fuq l-ammont kollu ta’ dħul mill-esportazzjoni matul il-PI bħala d-denominatur xieraq, għaliex is-sussidju jiddependi fuq il-prestazzjoni tal-esportazzjoni u ma ngħatax b'referenza għall-kwantitajiet immanifatturati, prodotti, esportati jew ittrasportati.

(97)

Ir-rata ta’ sussidju stabbilita fir-rigward ta’ din l-iskema għaż-żewġ kumpaniji kkonċernati matul il-PI jammonta għal 4,80 %.

(98)

Id-dettalji tal-iskema huma stabbiliti fiċ-Ċirkulari Prinċipali DBOD Nru DIR.(Exp).BC. 06/04.02.02/2010-10 (Rupee/Foreign Currency Export Credit) tal-Bank ta’ Riżerva tal-Indja (RBI), li hija indirizzata lill-banek kummerċjali kollha fl-Indja.

(99)

L-esportaturi li jimmanifatturaw u n-negozjanti-esportaturi huma eliġibbli għal din l-iskema.

(100)

L-ECS jikkonsisti f'żewġ sottoskemi, l-Iskema ta’ Kreditu għall-Esportazzjoni Qabel l-Oġġetti Jintbagħtu Barra (“kreditu għall-ippakkjar”), li tkopri krediti pprovduti lil esportatur għall-iffinanzjar tax-xiri, proċessar, manifatturar, imballaġġ u/jew trasport ta’ prodotti qabel l-esportazzjoni, u l-Iskema ta’ Kreditu għall-Esportazzjoni Wara li l-Oġġetti Jintbagħtu Barra, li tipprovdi għal self ta’ kapital tal-ħidma bl-iskop li jiġu ffinanzjati riċevibbli tal-esportazzjoni. Sa mill-1 ta’ Lulju 2010, il-banek kummerċjali japplikaw għal Sistema ta’ Rata Bażika ġdida applikabbli għal kull kontenut tal-avvanzi tal-kreditu tal-esportazzjoni tar-rupee. Fir-rigward tal-ECS fi flus barranin, il-Bank ta’ Riżerva tal-Indja (RBI) jistabbilixxi rati ta’ mgħax massimi applikabbli għall-krediti tal-esportazzjoni li l-banek kummerċjali jistgħu jimponu fuq l-esportatur. L-RBI jordna wkoll lill-banek biex jipprovdu ċertu ammont mill-kreditu bankarju nett tagħhom għall-iffinanzjar tal-esportazzjoni.

(101)

Bħala riżultat taċ-Ċirkulari Prinċipali tar-RBI, l-esportaturi jistgħu jiksbu krediti għall-esportazzjoni b'rati ta’ interess preferenzjali meta mqabbla mar-rati ta’ interess għall-krediti kummerċjali ordinarji (“kreditu f'kontanti”), li huma ffissati purament skont il-kundizzjonijet tas-suq. Id-differenza fir-rati tista' tonqos għal kumpaniji bi klassifikazzjoni tal-kreditu tajba. Kumpaniji bi klassifikazzjonijiet tajbin jistgħu jkunu f'pożizzjoni li jiksbu krediti ta’ esportazzjoni u kreditu fi flus kontanti bl-istess kundizzjonijiet.

(102)

Instab li l-applikanti esportaturi kollha li kkooperaw użaw din l-iskema matul il-PI.

(103)

Ir-rati ta’ interessi preferenzjali ta’ kreditu ECS stabbiliti miċ-Ċirkulari Prinċipali tal-RBI msemmija fil-premessa (98) jistgħu jnaqqsu l-ispejjeż tal-interessi ta’ esportatur meta mqabbla mal-ispejjeż ta’ kreditu stabbiliti purament mill-kundizzjonijiet tas-suq u li jikkonferixxu f'dan il-każ benefiċċju fit-tifsira tal-Artikolu 3(2) tar-Regolament bażiku fuq tali esportatur.

(104)

Minkejja li l-krediti preferenzjali skont l-ECS jingħataw mill-banek kummerċjali, dan il-benefiċċju huwa kontribuzzjoni finanzjarja minn gvern fil-kuntest tal-Artikolu 3(1)(a)(iv) tar-Regolament bażiku. F'dan il-kuntest, ta’ min jinnota li la l-Artikolu 3(1)(a)(iv) tar-Regolament bażiku u lanqas l-Artikolu 1.1(a)(1)(iv) tal-Ftehim dwar Sussidji u Miżuri Kumpensatorji ma jirrikjedu miżati fuq il-kontijiet pubbliċi, pereżempju r-rimbors tal-banek kummerċjali mill-GTI, biex iwaqqaf sussidju, iżda direzzjoni tal-gvern biss biex jiġu esegwiti l-funzjonijiet imsemmija fil-punti (i), (ii) jew (iii) tal-Artikolu 3(1)(a) tar-Regolament bażiku. L-RBI huwa korp pubbliku u għalhekk, jaqa' taħt id-definizzjoni ta’ “gvern” kif stabbilit fl-Artikolu 2(b) tar-Regolament bażiku. Huwa 100 % taħt il-pussess tal-gvern, isegwi l-għanijiet ta’ politika pubblika, pereżempju l-politika monetarja, u l-maniġment tiegħu huwa maħtur mill-Gvern tal-Indja. L-RBI jidderieġi l-korpi privati, skont it-tifsira tat-tieni inċiż tal-Artikolu 3(1)(a)(iv) tar-Regolament bażiku, billi l-banek kummerċjali huma marbuta mill-kundizzjonijiet li jimponi, inter alia, fir-rigward tal-livelli massimi għar-rati ta’ mgħax fuq krediti ta’ esportazzjoni obbligatorji fiċ-Ċirkolari Prinċipali tal-RBI u d-dispożizzjonijiet tal-RBI li l-banek kummerċjali għandhom jipprovdu ċertu ammont mill-kreditu bankarju nett tagħhom lejn il-finanzjament tal-esportazzjoni. Din id-direzzjoni tobbliga lil banek kummerċjali biex iwettqu funzjonijiet msemmija fl-Artikolu 3(1)(a)(i) tar-Regolament bażiku, f'dan il-każ li jipprovdu self fil-forma ta’ finanzjament ta’ esportazzjoni preferenzjali. Trasferiment dirett bħal dan ta’ fondi fil-forma ta’ self skont ċerti kundizzjonijiet normalment jaqa' f'idejn il-gvern, u l-prattika fl-ebda sens reali ma hija differenti, minn prattiċi normalment segwiti mill-gvernijiet, skont it-tifsira tal-Artikolu 3(1)(a)(iv) tar-Regolament bażiku. Dan is-sussidju huwa meqjus li huwa speċifiku u kumpensatorju billi r-rati ta’ mgħax preferenzjali huma relatati mal-iffinanzjar tat-transazzjonijiet tal-esportazzjoni u għalhekk, assoċjati mal-mod kif tkun marret l-esportazzjoni, skont l-Artikolu 4(4), l-ewwel sottoparagrafu, il-punt (a) tar-Regolament bażiku.

(105)

L-ammont ta’ sussidju ġie kkalkolat fuq il-bażi tad-differenza bejn l-imgħax imħallas għal krediti ta’ esportazzjoni użati matul il-PI u l-ammont li kien ikun pagabbli għal krediti kummerċjali ordinarji użati mill-kumpanija kkonċernata. Dan l-ammont ta’ sussidju (numeratur) kien allokat fuq il-fatturat totali mill-esportazzjoni matul il-PI bħala d-denominatur xieraq skont l-Artikolu 7(2) tar-Regolament bażiku, għaliex is-sussidju huwa assoċjat mal-mod kif tkun marret l-esportazzjoni u ma ngħatax b'referenza għall-kwantitajiet immanifatturati, prodotti, esportati jew ittrasportati.

(106)

Ir-rati tas-sussidju stabbiliti fir-rigward ta’ din l-iskema għall-kumpaniji kkonċernati matul il-PI kienu 0,25 %, 0,31 % u 0,44 %.

(107)

Din l-iskema hija inkluża fl-Iskema ta’ Pakkett ta’ Inċentivi tal-2007 tal-Gvern ta’ Maharashtra, ir-Reżoluzzjoni Nru PSI-1707/(CR-50)/IND-8, tat-30 ta’ Marzu 2007. Wara l-emendi fl-Iskema ta’ Pakkett ta’ Inċentivi tal-2007 maħruġa mill-Gvern ta’ Maharashtra fit-30 ta’ Lulju 2011, ġie pprovdut perjodu ta’ estensjoni sal-31 ta’ Awwissu 2011.

(108)

Ir-Reżoluzzjoni msemmija hawn fuq tniżżel il-kategoriji tal-industriji u l-intrapriżi li jistgħu jiġu kkunsidrati eliġibbli għall-inċentivi skont l-iskema tal-2007.

(109)

Sabiex ikun hemm interess fit-tixrid tal-industriji fiż-żoni inqas żviluppati, il-Gvern ta’ Maharashtra pprovda pakkett ta’ inċentivi għall-unitajiet industrijali ġodda/li qed jikbru stabbiliti fir-reġjun tal-Istat ta’ Maharashtra li għadu qed jiżviluppa. Għall-iskopijiet tal-Iskema, l-Anness I tar-Reżoluzzjoni jikklassifika ż-żona tal-Istat eliġibbli għall-inċentivi. Madankollu, l-inċentivi skont l-Iskema tal-2007 ma jistgħux jingħataw qabel jinħareġ Ċertifikat ta’ Eliġibbiltà skont l-Iskema tal-2007 mill-Aġenzija Implimentattiva u qabel ma l-unità eliġibbli tkun konformi mal-istipulazzjonijiet/kundizzjonijiet taċ-Ċertifikat ta’ Eliġibbiltà. Ċertifikat ta’ Eliġibbiltà jinħareġ mill-Aġenzija Implimentattiva b'effett mid-data tal-bidu tal-produzzjoni kummerċjali tal-unità eliġibbli.

(110)

Eżenzjoni mid-Dazju fuq l-Elettriku tingħata lill-unitajiet ġodda eliġibbli stabbiliti f'żoni stabbiliti għal perjodu ta’ 15-il sena. F'partijiet oħra tal-Istat, 100 % Unitajiet Orjentati lejn l-Esportazzjoni (EOUs), unitajiet mit-Teknoloġija tal-Informatika (IT) u t-Teknoloġija Bioloġika (BT), se jkunu eżenti wkoll mill-ħlas tad-Dazju fuq l-Elettriku għal perjodu ta’ 10 snin.

(111)

Matul l-investigazzjoni nstab li kumpanija waħda fil-kampjun, li hija EOU allokata f'Maharashtra, ibbenefikat minn din l-iskema matul il-PI.

(112)

L-eżenzjoni mid-Dazju fuq l-Elettriku hija sussidju fit-tifsira tal-Artikolu 3(1)(a)(ii) u l-Artikolu 3(2) tar- Regolament bażiku, jiġifieri kontribuzzjoni finanzjarja tal-GTI li tat benefiċċju lill-esportaturi investigati.

(113)

Din l-iskema ta’ sussidju hija speċifika skont it-tifsira tal-Artikolu 4(3) tar-Regolament bażiku, meta jitqies li l-leġiżlazzjoni nnifisha, li skontha topera l-awtorità awtorizzanti, illimitat l-aċċess għal din l-iskema lil ċerti intrapriżi f'reġjun ġeografiku magħżul.

(114)

Għaldaqstant, dan is-sussidju għandu jitqies bħala kumpensatorju.

(115)

Skont l-Artikoli 3(2) u 5 tar-Regolament bażiku, l-ammont ta’ sussidju kumpensatorju huwa kkalkulat f'termini ta’ benefiċċju mogħti lil min jirċevih, f'relazzjoni mal-prodott ikkonċernat, li jeżisti matul il-PI. Dan l-ammont (numeratur) ġie allokat matul l-ammont kollu ta’ bejgħ tal-prodott ikkonċernat tal-produttur li jesporta matul il-PI, minħabba li s-sussidju ma jiddependix fuq il-prestazzjoni tal-esportazzjoni u ma ngħatax b'referenza għall-kwantitajiet immanifatturati, prodotti, esportati jew ittrasportati, skont l-Artikolu 7(2) tar-Regolament bażiku.

(116)

Ir-rata ta’ sussidju stabbilita fir-rigward ta’ din l-iskema matul il-PI għall-kumpanija kkonċernata tammonta għal 0,09 %.

(117)

Fuq il-bażi tas-sejbiet, kif mogħtija fil-qosor fit-tabella ta’ hawn taħt, l-ammont totali ta’ sussidji kumpensatorji, imfissra ad valorem, instabu fil-medda minn 3,2 % sa 16,5 %:

Tabella 1

(118)

Skont l-Artikolu 15(3) tar-Regolament bażiku, il-marġini tas-sussidju għall-kumpaniji li kkooperaw u li mhux inklużi fil-kampjun, ikkalkolat fuq il-bażi tal-marġini medju tas-sussidju b'piż differenzjat stabbilit għal kull wieħed mill-programmi li jibbenefikaw il-kumpaniji fil-kampjun li kkooperaw, huwa ta’ 13,6 %. Biex jiġi kkalkolat il-marġini medju tas-sussidju b'piż differenzjat għall-kampjun, l-ammonti ta’ sussidji stabbiliti għall-EOUS u l-eżenzjoni mid-dazju fuq l-elettriku skont l-Iskema ta’ Pakkett ta’ Inċentivi tal-Gvern ta’ Maharashtra (jiġifieri applikabbli biss għall-EOUs) ġew esklużi mill-kalkolu, minħabba li nstab li l-iskop ta’ dawn l-iskemi ta’ sussidju ma kienx se jkopri ż-żewġ kumpaniji li kkooperaw mhux fil-kampjun. B'mod partikolari fir-rigward tal-EOU, mhuwiex possibbli li jakkumulaw il-benefiċċji relatati mal-EOU mal-benefiċċji skont skemi oħra. Fir-rigward tal-eżenzjoni mid-dazju fuq l-elettriku, dan huwa disponibbli biss għall-EOUs jew kumpaniji allokati f'ċerti reġjuni ta’ Maharashtra. Għaldaqstant, l-univers ta’ benefiċċji skont din l-iskema huwa limitat wisq biex jiġi kkunsidrat applikabbli għall-kumpaniji li mhumiex fil-kampjun.

(119)

Fir-rigward tal-esportaturi l-oħrajn kollha fl-Indja, il-Kummissjoni l-ewwel stabbiliet il-livell ta’ kooperazzjoni. Kif imsemmi fil-premessa (10) fuq, it-tqabbil bejn id-dejta ta’ importazzjoni tal-Eurostat u l-volumi ta’ esportazzjoni lejn l-Unjoni tal-prodott ikkonċernat irrapportati għall-perjodu ta’ investigazzjoni mill-kumpaniji jew gruppi li kkooperaw, mal-esportazzjonijiet tal-prodott ikkonċernat lejn l-Unjoni matul il-perjodu ta’ investigazzjoni juri li l-kooperazzjoni tal-produtturi esportaturi Indjani kien wieħed għoli ħafna, jiġifieri qrib il-100 %. Minħabba dan il-livell għoli ta’ kooperazzjoni, ir-rata tas-sussidju għall-kumpaniji kollha li ma kkooperawx hija stabbilita fil-livell tal-marġini medju tas-sussidju b'piż differenzjat għal kull wieħed mill-programmi li jibbenefikaw il-kumpaniji li kkooperaw, jiġifieri 16,5 %.

(120)

L-informazzjoni kollha disponibbli rigward il-produtturi tal-Unjoni, inkluża l-informazzjoni pprovduta fl-ilment, id-dejta miġbura mill-produtturi tal-Unjoni qabel u wara l-bidu tal-investigazzjoni, u t-tweġibiet tal-kwestjonarju vverifikat tal-produtturi tal-Unjoni li kkooperaw fil-kampjun, intużat sabiex tiġi stabbilita l-produzzjoni totali tal-Unjoni.

(121)

Abbażi ta’ dan, il-produzzjoni totali tal-Unjoni kienet stmata li kienet madwar 52 000 tunnellata matul il-PI. Din iċ-ċifra tinkludi l-produzzjoni tal-produtturi kollha tal-Unjoni li ppreżentaw ruħhom u l-volum stmat tal-produzzjoni tal-produtturi li baqgħu siekta fil-proċediment.

(122)

Kif indikat fil-premessa (14) hawn fuq, it-teħid ta’ kampjuni kien applikat għall-investigazzjoni tal-produtturi tal-Unjoni. Mill-15-il produttur tal-Unjoni li pprovdew dejta qabel il-bidu tal-proċediment, intgħażel kampjun ta’ ħames kumpaniji. Sussegwentement, kif spjegat fil-premessa (16) hawn fuq, kumpanija waħda ddeċidiet li ma tikkooperax fl-investigazzjoni. Il-kumpaniji l-oħra li kkooperaw fil-kampjun irrappreżentaw madwar 32 % tat-total stimat tal-produzzjoni tal-Unjoni matul il-PI u ġew ikkunsidrati bħala rappreżentattivi tal-Industrija tal-Unjoni. Il-kumpaniji fil-kampjun huma l-produtturi ewlenin u jinsabu fi Franza u l-Italja fejn l-ikbar volum tal-prodott ikkonċernat huwa manifatturat.

(123)

Il-produtturi kollha magħrufa tal-Unjoni, imsemmija fil-premessa (120), huma meqjusin li jikkostitwixxu l-industrija tal-Unjoni skont it-tifsira tal-Artikolu 9(1) u l-Artikolu 10(8) tar-Regolament bażiku u għandhom minn hawn 'il quddiem jissejħu “l-industrija tal-Unjoni”.

(124)

L-istatistiċi rilevanti dwar l-importazzjoni tal-Eurostat, flimkien mad-dejta pprovduta fl-ilment u d-dejta miġbura mill-produtturi tal-Unjoni qabel u wara l-bidu tal-investigazzjoni, inklużi t-tweġibiet tal-kwestjonarju vverifikat tal-produtturi tal-Unjoni li kkooperaw, intużaw ukoll fl-evalwazzjoni tal-fatturi ta’ ħsara rilevanti.

(125)

L-analiżi tal-ħsara fir-rigward tad-dejta makroekonomika, bħall-kapaċità tal-produzzjoni, l-utilizzazzjoni tal-kapaċità, il-volum tal-bejgħ, is-sehem tas-suq, it-tkabbir, l-impjiegi u l-produttività, hija bbażata fuq dejta tal-industrija tal-Unjoni sħiħa.

(126)

L-analiżi ta’ ħsara fir-rigward tad-dejta mikroekonomika, bħall-prezzijiet tat-tranżazzjoni, il-profitabbiltà, il-likwidità tal-flus, l-investiment u r-redditu fuq l-investiment, l-abbiltà li jiżdied il-kapital, il-ħażniet u l-pagi, hija bbażata fuq id-dejta tal-produtturi tal-Unjoni li kkooperaw fil-kampjun.

(127)

L-erba' produtturi tal-Unjoni li kkooperaw fil-kampjun, ġew investigati wkoll fir-reviżjoni attwali ta’ skadenza ta’ miżuri ta’ anti-dumping applikabbli għall-importazzjonijiet tal-SSF li joriġinaw fiċ-Ċina u t-Tajwan, konkluża fis-7 ta’ Jannar 2012 (4). F'dik ir-reviżjoni, kumpanija oħra, li ma kkooperatx fl-investigazzjoni preżenti, ġiet inkluża fil-kampjun. Meta mogħti li l-perjodu kkunsidrat għall-analiżi ta’ ħsara jaqbeż dak tar-reviżjoni ta’ skadenza, id-dejta għas-snin 2008 u 2009 huma identiċi ħlief għal dik il-kumpanija waħda. Bl-iżvelar ta’ ċifri għall-2008 u 2009 ikun possibbli li jitnaqqsu ċ-ċifri tal-kumpanija li ma ġietx inkluża fil-kampjun f'dan il-każ. Għaldaqstant, il-mikroindikaturi bħall-ħażniet, il-pagi, l-investiment, il-likwidità tal-flus, ir-redditu fuq l-investiment u l-profitabbiltà ġew indiċizzati.

(128)

Il-konsum tal-Unjoni ġie stabbilit fuq il-bażi tal-volum tal-bejgħ tal-industrija tal-Unjoni fl-Unjoni kif ipprovdut fl-ilment, u ċċekkjat mit-tweġibiet għall-kwestjonarji tal-kampjun u d-dejta vverifikata miksuba mill-produtturi li kkooperaw fil-kampjun. Barra minn hekk, tqies ukoll il-volum ta’ importazzjonijiet ibbażat fuq id-dejta mill-Eurostat għall-perjodu kkunsidrat.

(129)

Fuq din il-bażi, il-konsum tal-Unjoni żviluppa kif ġej:

Tabella 2

(130)

Il-konsum totali fis-suq tal-UE żdied b'9 % matul il-perjodu kkunsidrat. Bejn l-2008 u l-2009, kien hemm tnaqqis drastiku b'16 %, allegatament minħabba l-effetti globali negattivi tal-kriżi ekonomika fis-suq, li wara dan, il-konsum reġa' irkupra b'21 % bejn l-2009 u l-2010, u b'7 % oħra bejn l-2010 u l-PI.

(131)

L-importazzjonijiet fl-Unjoni mill-Indja żviluppaw kif ġej matul il-perjodu kkunsidrat:

Tabella 3

(132)

L-importazzjonijiet mill-Indja żdiedu b'mod sinifikanti b'65 % matul il-perjodu kkunsidrat. Din iż-żieda kienet fl-aqwa tagħha bejn l-2008 u l-2009 meta l-importazzjonijiet telgħu għal 30 % u l-konsum naqas b'16 %. Fuq bażi ta’ sena b'sena, l-importazzjonijiet Indjani komplew jiżdiedu matul l-2010 (+ 16 %) u matul il-PI (+ 10 %).

(133)

Il-prezzijiet medji tal-importazzjonijiet mill-Indja naqsu b'9 % matul il-perjodu kkunsidrat. Dan jispjega ż-żieda fis-sehem tas-suq tal-Indja minn 12,1 % għal 18,3 % matul l-istess perjodu. L-ogħla żieda saret bejn l-2008 u l-2009, meta l-esportaturi Indjani kisbu aktar minn 6 punti perċentwali f'sehem tas-suq.

(134)

Għall-għanijiet li jiġi analizzat it-twaqqigħ tal-prezz matul il-PI, il-prezzijiet tal-bejgħ peżati medji għal kull tip ta’ prodott tal-produtturi tal-Unjoni li kkooperaw fil-kampjun, impost lil klijenti mhux relatati fis-suq tal-Unjoni, aġġustati għal livell ex-works, ġew imqabbla mal-prezzijiet medji peżati korrispondenti tal-importazzjonijiet mill-Indja lill-ewwel klijent indipendenti fis-suq tal-Unjoni, stabbiliti fuq bażi CIF b'aġġustamenti xierqa għad-dazji eżistenti u l-ispejjeż ta’ wara l-importazzjoni.

(135)

Dan it-tqabbil fil-prezzijiet sar b'bażi tip b'tip għal tranżazzjonijiet fl-istess livell tal-kummerċ, aġġustati kif dovut meta meħtieġ, u wara tnaqqis ta’ ribassi u skonti. Ir-riżultat tat-tqabbil, meta mniżżel bħala persentaġġ tal-ammont ta’ produtturi tal-Unjoni li kkooperaw matul il-PI, wera tnaqqis fil-prezz li jvarja minn 3 % għal 13 %.

(136)

Skont l-Artikolu 8(4) tar-Regolament bażiku, l-eżami tal-impatt tal-importazzjonijiet li kienu sussidjati mill-Indja fuq l-industrija tal-Unjoni kien jinkludi valutazzjoni tal-indikaturi ekonomiċi kollha stabbiliti għall-industrija tal-Unjoni matul il-perjodu kkunsidrat.

(137)

It-tabella hawn fuq turi li l-produzzjoni naqset b'mod sinifikanti b'25 % matul il-perjodu kkunsidrat. Flimkien mat-tnaqqis fid-domanda, il-produzzjoni naqset sew bi 19 % fl-2009, u wara dan reġgħet irkuprat b'madwar 10 % fl-2010. Fil-PI, minkejja li l-konsum tal-Unjoni żdied b'7 %, il-produzzjoni tal-Unjoni reġgħet naqset b'madwar 17 % meta kkumparata mas-sena ta’ qabel.

(138)

Il-kapaċità tal-produzzjoni tal-industrija tal-Unjoni naqset b'madwar 21 % matul il-perjodu kkunsidrat. L-użu tal-kapaċità wkoll naqas matul il-perjodu kkunsidrat, tant li baqa' dejjem taħt il-50 %.

(139)

Fil-kuntest ta’ żieda ta’ konsum (+ 9 %), l-ammont ta’ bejgħ tal-prodott ugwali meta mibjugħ lill-ewwel klijent indipendenti fl-Unjoni naqas b'14 % matul il-perjodu kkunsidrat. Minħabba dan, is-sehem tas-suq waqa' minn 46,5 % fl-2008 għal 36,6 % fil-PI. Wara tnaqqis serju fl-ammont ta’ bejgħ fl-2009 (– 20 %), dan reġa' rkupra bi ftit fl-2010 u l-PI.

(140)

Il-konsum tal-Unjoni żdied b'9 % bejn l-2008 u l-PI. Madankollu, l-ammont ta’ bejgħ u s-sehem fis-suq tal-industrija tal-Unjoni naqsu fl-istess perjodu, b'14 % u b'21 % rispettivament. Fl-istess żmien, l-importazzjonijiet mill-Indja żdiedu b'mod sinifikanti b'65 %.

(141)

Minħabba t-tnaqqis fl-attivitajiet tal-industrija tal-Unjoni, in-numru tal-impjegati tnaqqas sostanzjalment bi 24 % matul il-perjodu kkunsidrat. Bejn l-2008 u l-PI, il-paga medja għal kull impjegat żdiedet b'6 %.

(142)

Il-produttività tal-ħaddiema tal-industrija tal-Unjoni, meta mkejla bħala produzzjoni għal kull persuna impjegata, għal kull sena, naqset ftit b'1 % fil-perjodu kkunsidrat. Laħqet il-livell l-aktar baxx tagħha fl-2009, u wara dan bdiet tirkupra lejn il-PI.

(143)

Il-prezzijiet medji tal-bejgħ naqsu bi 2 % matul il-perjodu kkunsidrat. Fl-2009, l-industrija tal-Unjoni ġiet sfurzata tnaqqas il-prezzijiet tal-bejgħ tagħha b'36 %, fil-kuntest tat-tnaqqis ekonomiku u ta’ tnaqqis sostanzjali fil-prezzijiet tal-importazzjoni mill-Indja (– 21 %). Matul l-2010 u l-PI, il-prezzijiet tal-bejgħ tal-industrija tal-Unjoni reġgħu rkupraw.

(144)

L-investigazzjoni wriet li t-tnaqqis fil-prezzijiet tal-bejgħ fl-2009 wera t-tnaqqis fl-infiq li waqa' bi 18 % meta kkumparat mal-livelli tal-2008. Dan it-tnaqqis fl-infiq sar primarjament minħabba t-tnaqqis fil-prezzijiet tal-materja prima, speċjalment dawk tan-nikil, li għandu dinamika instabbli tal-prezz. Madankollu, l-industrija tal-Unjoni ġiet sfurzata tnaqqas il-prezzijiet tal-bejgħ tagħha aktar mit-tnaqqis fl-infiq, invista tat-tkabbir tal-importazzjonijiet bi prezz baxx mill-Indja fl-2009.

(145)

L-investigazzjoni wriet li, anke jekk it-tnaqqis fil-prezzijiet tal-bejgħ irrifletta parzjalment it-tnaqqis fl-infiq, il-prezz tal-industrija tal-Unjoni kien taħt pressjoni bl-importazzjonijiet tal-SSF mill-Indja. Il-profitabbiltà tal-industrija tal-Unjoni kienet negattiva sa mill-bidu tal-perjodu kkonċernat. Speċjalment fl-2009, l-industrija tal-Unjoni ġiet sfurzata li tnaqqas il-prezzijiet tal-bejgħ tagħha aktar mit-tnaqqis fl-infiq, fid-dawl tat-tkabbir tal-importazzjonijiet bi prezz baxx mill-Indja. Dan wassal għal deterjorazzjoni sinifikanti ta’ profitabbiltà f'dik is-sena. Madankollu, fl-2010 u l-PI, il-profitabbiltà tjiebet, iżda xorta waħda baqgħet negattiva.

(146)

Il-likwidità, li hija l-abbiltà tal-industrija li tiffinanzja l-attivitajiet tagħha hija stess, segwiet tendenza simili bħall-profitabbiltà. Din laħqet il-livell l-aktar baxx tagħha fl-2009, u wara dan uriet tendenza ta’ żieda u saret pożittiva fil-PI.

(147)

Wara li saru l-investimenti fl-2008 fil-produzzjoni tal-SSF, l-investimenti naqsu b'madwar 94 % matul il-perjodu kkunsidrat. Ir-redditu fuq l-investiment wera żvilupp negattiv simili f'linja mar-riżultati negattivi miksuba mill-industrija tal-Unjoni matul il-perjodu kkunsidrat u baqa' dejjem negattiv.

(148)

L-evoluzzjoni tal-profitabbiltà, il-likwidità u l-livell baxx ta’ investimenti jwasslu għall-fatt li l-produtturi tal-UE li kkooperaw fil-kampjun setgħu esperjenzaw diffikultajiet biex jgħollu l-kapital.

(149)

Il-livell tal-ħażniet tal-industrija tal-Unjoni żdiedu b'3 % matul il-perjodu kkunsidrat. Fl-2009, il-livell tal-istokk tal-għeluq naqas bi 8 %; wara, fl-2010 u fil-PI żdied bi 8 % u 3 % rispettivament.

(150)

Meta jitqiesu l-volum, is-sehem mis-suq u l-prezzijiet tal-importazzjonijiet issussidjati mill-Indja, l-impatt tal-marġnijiet effettivi tas-sussidju fuq l-industrija tal-Unjoni ma jistax jitqies li huwa negliġibbli.

(151)

L-investigazzjoni wriet li ħafna mill-indikaturi tal-ħsara bħall-produzzjoni (– 25 %), l-użu tal-kapaċità (– 6 %), il-volum ta’ bejgħ (– 14 %), is-sehem tas-suq (– 21 %) u l-impjieg (– 24 %) iddeterjoraw matul il-perjodu kkunsidrat. Fil-kuntest ta’ żieda fil-konsum, kemm l-ammont ta’ bejgħ, kif ukoll is-sehem mis-suq waqgħu. L-ammont ta’ bejgħ irkupra bi ftit fl-2010 u l-PI meta kkumparat mal-2009; madankollu, l-industrija tal-Unjoni ma setgħetx iġġib lura s-sehem tas-suq mitluf tagħha invista tat-tkabbir tal-importazzjonijiet Indjani li żdiedu b'mod kostanti matul il-perjodu kkunsidrat, fil-prezzijiet jnaqqsu b'mod kontinwu dawk tal-industrija tal-Unjoni.

(152)

Barra minn hekk, l-indikaturi tal-ħsara relatati mal-prestazzjoni finanzjarja tal-industrija tal-Unjoni bħal-likwidità u l-profitabbiltà kienu affettwati serjament. Dan ifisser li l-abbiltà tal-industrija tal-Unjoni biex tiġbor il-kapital naqset ukoll.

(153)

Fid-dawl ta’ dak li ntqal aktar ‘il fuq, ġie konkluż li l-industrija tal-Unjoni sofriet ħsara materjali fil-kuntest tal-Artikolu 8(5) tar-Regolament bażiku.

(154)

Skont l-Artikolu 8(5) u l-Artikolu 8(6) tar-Regolament bażiku, kien eżaminat jekk l-importazzjonijiet sussidjati li joriġinaw fl-Indja kkawżawx ħsara lill-industrija tal-Unjoni sa tali grad li tista' tiġi kklassifikata bħala materjali. Fatturi magħrufin oħrajn għajr l-importazzjonijiet issussidjati, li jistgħu fl-istess waqt ikunu qegħdin jagħmlu danni lill-industrija tal-Unjoni, ġew eżaminati wkoll biex jiżguraw li dannu possibbli kkawżat minn dawn il-fatturi l-oħrajn ma ġiex attribwit għall-importazzjonijiet issussidjati.

(155)

L-investigazzjoni wriet li l-konsum tal-Unjoni żdied b'9 % matul il-perjodu kkunsidrat, waqt li l-ammont ta’ bejgħ tal-industrija tal-Unjoni naqas b'14 % u s-sehem tas-suq naqas b'21 %. Fl-istess waqt, l-importazzjonijiet issussidjati mill-Indja żdiedu b'mod drammatiku b'65 %, filwaqt li żiedu s-sehem tas-suq tagħhom b'52 %.

(156)

Fl-2010 u l-PI, il-konsum tal-Unjoni żdied f'linja mal-irkupru ekonomiku ġenerali. Madankollu, l-ammont ta’ bejgħ tal-industrija tal-Unjoni żdied biss bi ftit fl-2010 (+ 3 %) u fil-PI (+ 4,7). Min-naħa l-oħra, l-investigazzjoni wriet żieda annwali fl-importazzjonijiet Indjani b'16 % fl-2010 u b'10 % fil-PI.

(157)

L-importazzjonijiet issussidjati mill-Indja eżerċitaw pressjoni fuq l-industrija tal-Unjoni partikolarment fl-2009, meta kibru bi 30 % meta kkumparati mal-2008 u kisbu 6,6 fil-mija ta’ punti fis-sehem tas-suq. Fl-istess sena, il-bejgħ tal-industrija tal-Unjoni naqas b'20 %.

(158)

Fir-rigward tal-pressjoni tal-prezz fl-2009, il-prezzijiet medji tal-importazzjoni mill-Indja naqsu b'21 %, filwaqt li sfurzaw lill-industrija tal-Unjoni tnaqqas il-prezzijiet tal-bejgħ tagħha b'36 %. Dan it-tnaqqis kien aktar mit-tnaqqis fl-infiq. Din is-sitwazzjoni waslet għal deterjorazzjoni sinifikanti fil-profitabbiltà li naqset b'mod drammatiku fl-2009.

(159)

Il-prezzijiet tal-importazzjonijiet mill-Indja naqsu fil-biċċa l-kbira tagħhom b'9 % fil-perjodu kkunsidrat, filwaqt li baqgħu dejjem inqas mill-prezzijiet tal-importazzjoni mill-bqija tad-dinja u l-prezzijiet tal-bejgħ tal-industrija tal-Unjoni.

(160)

Fuq il-bażi ta’ dak li ntqal aktar 'il fuq, qiegħed jiġi konkluż li ż-żieda massima tal-importazzjonijiet issussidjati mill-Indja, bi prezzijiet li qed iwaqqgħu kontinwament il-prezzijiet tal-industrija tal-Unjoni, kellhom irwol determinanti fid-dannu tal-materjal li sofriet l-industrija tal-Unjoni, li huwa rifless fis-sitwazzjoni finanzjarja dgħajfa tagħha, it-tnaqqis sinifikanti fl-ammont ta’ bejgħ u s-sehem tas-suq, u fid-deterjorament ta’ kważi l-indikaturi kollha tad-dannu.

(161)

Fuq il-bażi tad-dejta tal-Eurostat, il-volum ta’ importazzjonijiet lejn l-Unjoni tal-SSF li joriġinaw f'pajjiżi terzi oħra żdied bi 18 % matul il-perjodu kkunsidrat. Fl-istess waqt, il-prezzijiet medji tal-importazzjoni naqsu b'madwar 3 % matul il-perjodu kkunsidrat u s-sehem fis-suq tagħhom żdied b'madwar 9 %.

(162)

Kien hemm miżuri ta’ anti-dumping fis-seħħ fuq l-importazzjonijiet tal-SSF mir-Repubblika Popolari taċ-Ċina u t-Tajwan sa mid-19 ta’ Novembru 2005. Minkejja l-miżuri, dawn l-importazzjonijiet żdiedu b'mod sinifikanti matul il-perjodu kkunsidrat, għalkemm l-ishma tas-suq baqgħu pjuttost modesti, bi 2,5 % u 5,1 % rispettivament fil-PI. Sorsi ewlenin oħra ta’ importazzjoni huma l-Filippini u l-Malasja. L-importazzjonijiet, speċjalment mill-Filippini, żdiedu b'mod sinifikanti matul il-perjodu kkunsidrat, filwaqt li żiedu s-sehem tagħhom tas-suq minn 5,8 % fl-2008 għal 13,8 % fil-PI.

(163)

Fir-rigward tal-Malasja, kien hemm tendenza ta’ tnaqqis matul il-perjodu kkunsidrat, madankollu, l-importazzjonijiet xorta waħda kellhom sehem tas-suq ta’ 7,6 % fil-PI. Il-volum tal-importazzjonijiet mill-Filippini żdied b'mod sinifikanti matul il-perjodu meqjus. Madankollu, kif imsemmi hawn taħt, il-prezz medju tal-importazzjoni kien ħafna ogħla, jiġifieri 20 %, mill-prezz medju tal-SSF Indjan.

(164)

Fir-rigward tal-prezzijiet tal-importazzjoni, il-prezzijiet medji tal-importazzjoni minn pajjiżi terzi oħra baqgħu pjuttost stabbli matul il-perjodu kkunsidrat, u kienu dejjem ogħla mill-prezzijiet medji tal-bejgħ tal-industrija tal-Unjoni u l-prezzijiet medji ta’ importazzjoni mill-Indja.

(165)

Fuq il-bażi ta’ dak li ntqal aktar 'il fuq, kien provviżorjament konkluż li l-importazzjonijiet minn pajjiżi terzi oħrajn ma kisrux ir-rabta kawżali bejn l-impatt tal-importazzjonijiet issussidjati mill-Indja u d-dannu materjali li sofriet l-industrija tal-Unjoni.

(166)

Il-kriżi ekonomika tispjega parzjalment il-kontrazzjoni tal-konsum tal-Unjoni fl-2009. Madankollu, għandu jingħad li minkejja t-tnaqqis ta’ 16 % fil-konsum fl-2009, il-volum ta’ importazzjonijiet Indjani żdied bi 30 %.

(167)

Fl-2010 u l-PI, il-konsum tal-Unjoni żdied f'linja mal-irkupru ekonomiku ġenerali. Madankollu, l-ammont fil-bejgħ tal-industrija tal-Unjoni żdied biss bi ftit, bi 3 % fl-2010 u b'4.7 % fil-PI. Dan huwa kkumparat ma’ żieda annwali fl-importazzjonijiet Indjani b'16 % u b'10 % rispettivament.

(168)

Taħt kundizzjonijiet ekonomiċi normali u fin-nuqqas ta’ pressjoni b'saħħitha fuq il-prezzijiet u l-livelli miżjuda ta’ importazzjoni mill-importazzjonijiet issussidjati, l-industrija tal-Unjoni seta' kellha xi diffikultà biex tlaħħaq mat-tnaqqis fil-konsum u maż-żieda fl-ispejjeż fissi għal kull unità minħabba l-użu baxx tal-kapaċità li esperjenzat. Madankollu, l-importazzjonijiet issussidjati intensifikaw l-effett tat-tnaqqis ekonomiku u anke matul l-irkupru ekonomiku ġenerali, l-industrija tal-Unjoni ma setgħetx tirkupra u tikseb lura s-sehem tas-suq mitluf lill-importazzjonijiet Indjani.

(169)

Għaldaqstant, minkejja li l-kriżi ekonomika 2008-2009 setgħet tat kontribut lill-prestazzjoni fqira tal-industrija tal-Unjoni, ma jistax jiġi kkunsidrat li din kellha impatt tant li tkisser ir-rabta kawżali bejn l-importazzjonijiet issussidjati u s-sitwazzjoni ta’ ħsara tal-industrija tal-Unjoni.

(170)

Matul il-perjodu kkunsidrat, il-volum tal-bejgħ tal-esportazzjonijiet tal-industrija tal-Unjoni kkampjunata naqas b'9 %, waqt li l-prezzijiet medji tal-esportazzjoni naqsu b'10 %. Filwaqt li ma jistax jiġi eskluż li t-tendenza negattiva fil-prestazzjoni tal-esportazzjoni setgħet kellha impatt ieħor negattiv fuq l-industrija tal-Unjoni, huwa kkunsidrat li, meta mogħti l-ammont baxx ta’ esportazzjoni f'relazzjoni għall-bejgħ fis-suq tal-Unjoni, l-impatt ma jiksirx ir-rabta kawżali bejn l-importazzjonijiet issussidjati u l-ħsara.

(171)

L-analiżi ta’ hawn fuq uriet li kien hemm żieda sostanzjali fil-volum u s-sehem mis-suq tal-importazzjonijiet issussidjati bi prezz baxx li joriġinaw mill-Indja matul il-perjodu kkunsidrat. B'żieda ma’ dan, instab li dawn l-importazzjonijiet kienu qed inaqqsu b'mod kostanti l-prezzijiet imposti mill-industrija tal-Unjoni fuq is-suq tal-Unjoni.

(172)

Din iż-żieda fil-volum u s-sehem fis-suq tal-importazzjonijiet issussidjati Indjani kienet kontinwa, anke matul l-2009, meta l-konsum tal-Unjoni naqas b'16 %, u kkoinċida mal-iżvilupp negattiv fis-sehem tas-suq tal-industrija tal-Unjoni matul l-istess perjodu.

(173)

Sa mill-2008, fil-kuntest tat-tnaqqis ekonomiku bil-mod u t-tnaqqis f'daqqa fil-konsum tal-Unjoni, il-produtturi li jesportaw mill-Indja rnexxielhom iżidu b'mod sinifikanti s-sehem tagħhom tas-suq. Dan ikkoinċida ma’ żvilupp negattiv fis-sehem tas-suq tal-industrija tal-Unjoni u tnaqqis f'daqqa fil-profitabbiltà u indikaturi oħra finanzjarji. Matul il-perjodu kkunsidrat, iż-żieda ta’ importazzjonijiet issussidjati bi prezz baxx mill-Indja, li kienu qed inaqqsu b'mod kostanti l-prezzijiet tal-industrija tal-Unjoni, kellha fil-biċċa l-kbira tagħha impatt negattiv fuq is-sitwazzjoni finanzjarja tal-industrija tal-Unjoni. Anke jekk is-sitwazzjoni tjiebet xi ftit fil-PI, l-industrija tal-Unjoni ma setgħetx iġġib lura s-sehem tas-suq mitluf tagħha u l-profitabbiltà baqgħet negattiva.

(174)

L-eżaminazzjoni tal-fatturi l-oħra magħrufa, inkluża l-kriżi ekonomika, li setgħu kkawżaw ħsara lill-industrija tal-Unjoni, żvelat li dawn il-fatturi ma kissrux ir-rabta kawżali stabbilita bejn l-importazzjonijiet issussidjati mill-Indja u l-ħsara li ġarrbet l-industrija tal-Unjoni.

(175)

Skont dan, ġie konkluż provviżorjament li l-importazzjonijiet issussidjati mill-Indja ħolqu danni materjali għall-industrija tal-Unjoni fit-tifsira tal-Artikolu 8(5) tar-Regolament bażiku.

(176)

Skont l-Artikolu 31 tar-Regolament bażiku, il-Kummissjoni eżaminat jekk, minkejja l-konklużjoni dwar is-sussidju dannuż, kienx hemm raġunijiet konvinċenti biex ikun konkluż li mhux fl-interess tal-Unjoni li jiġu adottati miżuri f'dan il-każ partikolari. L-analiżi tal-interess tal-Unjoni kienet ibbażata fuq evalwazzjoni tad-diversi interessi kollha involuti, inkluż dawk tal-industrija tal-Unjoni, l-importaturi u l-utenti tal-prodott ikkonċernat.

(177)

L-industrija tal-Unjoni ġarrbet ħsara materjali kkawżata mill-importazzjonijiet issussidjati mill-Indja. Wieħed ifakkar li ħafna mill-indikaturi ta’ ħsara wrew tendenza negattiva matul il-perjodu kkunsidrat. Fin-nuqqas ta’ miżuri, hemm possibbiltà kbira li l-qagħda ekonomika tal-industrija tal-Unjoni ser tkompli tmur għall-agħar.

(178)

Huwa mistenni li l-impożizzjoni ta’ dazji ta’ antidumping provviżorji terġa' tistabbilixxi kundizzjonijiet ta’ kummerċ effettivi fis-suq tal-Unjoni, li jippermettu lill-industrija tal-Unjoni li tallinja l-prezzijiet tal-prodott investigat biex jirriflettu l-ispejjeż tal-komponenti diversi u l-kundizzjonijiet tas-suq. Jista' jkun mistenni wkoll li l-impożizzjoni ta’ miżuri provviżorji jistgħu jippermettu lill-industrija tal-Unjoni tirkupra għallinqas parti mis-sehem fis-suq mitluf matul il-perjodu kkunsidrat, b'impatt ulterjuri pożittiv fuq il-profitabbiltá tagħha u l-qagħda finanzjarja tagħha b'mod ġenerali.

(179)

Jekk il-miżuri ma jiġux imposti, huwa mistenni aktar telf fis-sehem tas-suq u l-industrija tal-Unjoni tibqa' sejra ħażin. Dan ma jkunx sostenibbli fuq medda medja sa medda twila ta’ żmien. Minħabba t-telf imġarrab u l-livell għoli ta’ investiment fil-produzzjoni fil-bidu tal-perjodu kkunsidrat, għandu jkun mistenni li xi produtturi tal-Unjoni mhumiex sejrin ikunu kapaċi jirkupraw l-investiment tagħhom jekk ma jiġux imposti l-miżuri. Barra minn hekk, huwa mistenni li l-impożizzjoni ta’ miżuri kumpensatorji se tgħin biex jinżammu l-impjiegi li naqsu b'mod kostanti matul il-perjodu kkunsidrat.

(180)

Għaldaqstant, ġie konkluż b'mod provviżorju li l-impożizzjoni ta’ dazji kumpensatorji tkun biċ-ċar fl-interess tal-industrija tal-Unjoni.

(181)

Ma kien hemm l-ebda kooperazzjoni minn utenti fl-investigazzjoni; 20 utent ġew ikkuntattjati iżda ħadd minnhom ma wieġeb għall-kwestjonarju li ntbagħtilhom. Fir-rigward tal-importaturi, il-kwestjonarji ntbagħtu lil żewġ importaturi mhux relatati, li wrew l-interess tagħhom li jikkooperaw, iżda ma waslet ebda risposta mingħandhom.

(182)

Huwa mfakkar li anke f'investigazzjonijiet li saru qabel dwar l-istess prodott, il-kooperazzjoni mill-utenti kienet limitata wisq. Fil-ħarsa riċenti ta’ skadenza ta’ miżuri ta’ anti-dumping applikabbli għall-importaturi tal-SSF li joriġinaw mir-Repubblika Popolari taċ-Ċina u t-Tajwan, l-istess utenti kienu kkuntattjati iżda ħadd minnhom ma kkoopera fl-investigazzjoni (5).

(183)

Skont l-ilment, l-impatt fuq l-utenti kien ikun negliġibbli, li kieku ġew imposti miżuri fuq l-importazzjonijiet tal-SSF mill-Indja, meta mogħti li l-SSF jirrappreżentaw biss frazzjoni tal-infiq totali tagħhom. Ingħatat stima fl-ilment għall-proporzjon ta’ spejjeż tal-SSF fil-manifattura ta’ karozza u magna tal-ħasil/magna tal-ħasil tal-platti. Fiż-żewġ każijiet, ġie konkluż li l-SSF jirrappreżentaw proporzjon negliġibbli tal-infiq totali tal-manifattura ta’ dawn il-prodotti.

(184)

Fir-rigward tal-użu ta’ kapaċità baxxa tal-industrija tal-Unjoni (46 % fil-PI) ma kienx se jkun hemm xi riskju ta’ nuqqas ta’ provvisti fis-suq, jekk il-miżuri kienu se jkunu imposti kontra l-importazzjonijiet tal-Indja. Barra minn hekk, hemm sorsi oħra ta’ forniment, bħall-importazzjonijiet ta’ SSF minn pajjiżi oħra, li mhumiex soġġetti għall-miżuri ta’ antidumping.

(185)

Fl-aħħar nett, il-livell ta’ miżuri proposti huwa moderat u għalhekk, huwa mistenni li l-importazzjonijiet mill-Indja se jkomplu jidħlu fis-suq tal-UE, iżda bi prezzijiet ġusti.

(186)

Fid-dawl ta’ dak t'hawn fuq, ġie provviżorjament konkluż li ġeneralment, abbażi tat-tagħrif disponibbli li jikkonċerna l-interess tal-Unjoni, m'hemm l-ebda raġunijiet sinifikanti kontra l-impożizzjoni ta’ miżuri provviżorji fuq l-importazzjonijiet tal-prodott ikkonċernat li joriġina mill-Indja.

(187)

Fid-dawl tal-konklużjonijiet li ntlaћqu dwar is-sussidju, id-dannu, il-kawża u l-interess tal-Unjoni, gћandhom jiġu imposti miżuri kumpensatorji provviżorji sabiex jiġi evitat dannu ulterjuri lill-industrija tal-Unjoni mill-importazzjonijiet issussidjati.

(188)

Bil-għan li jiġi stabbilit il-livell ta’ dawn il-miżuri, ġew ikkunsidrati l-marġini tas-sussidju li nstabu u l-ammont ta’ dazju neċessarju biex ikun eliminat id-dannu sostnut mill-industrija tal-Unjoni, mingħajr ma jinqabeż il-marġinu ta’ sussidju li nstab.

(189)

Meta kien qed jiġi kkalkulat l-ammont ta’ dazju meħtieġ biex jitneħħew l-effetti tas-sussidju ta’ dannu, tqies li kwalunkwe miżura li tittieħed għandha tippermetti lill-industrija tal-Unjoni tkopri l-ispejjeż tal-produzzjoni tagħha u tikseb profitt qabel it-taxxa li jista' jinkiseb b'mod raġonevoli minn industrija ta’ dan it-tip fis-settur f'kundizzjonijiet normali ta’ kompetizzjoni, jiġifieri fin-nuqqas ta’ importazzjonijiet issussidjati, fuq il-bejgħ tal-prodott simili fl-Unjoni. Huwa meqjus li l-profitt li jista' jinkiseb fin-nuqqas tal-importazzjonijiet issusidjati għandu jkun ibbażat fuq il-marġini tal-profitt medju qabel it-taxxa tal-prodotti tal-Unjoni nklużi fil-kampjun fis-sena 2007, jiġifieri qabel il-perjodu kkunsidrat meta l-industrija kienet għadha profitabbli. Huwa għalhekk ikkunsidrat li marġini ta’ profitt ta’ 7 % tal-fatturat jista' jkun ikkunsidrat bħala minimu xieraq li l-industrija tal-Unjoni setgħet tistenna li takkwista fin-nuqqas ta’ sussidju ta’ dannu.

(190)

Fuq din il-bażi, ġie kkalkulat prezz li ma jikkawża ebda dannu għall-prodott simili gћall-industrija tal-Unjoni. Il-prezz ta’ mingħajr ħsara nkiseb bl-aġġustament tal-prezzijiet tal-bejgħ tal-produtturi tal-Unjoni li ħadu sehem fil-kampjun mill-qligħ/telf attwali magħmul matul il-PI u biż-żieda tal-marġini ta’ qligħ imsemmi hawn fuq.

(191)

Imbagħad, iż-żieda meħtieġa fil-prezzijiet ġiet stabbilita fuq il-bażi ta’ tqabbil tal-prezz ta’ importazzjoni medju peżat tal-produtturi esportaturi li kkooperaw fl-Indja, kif stabbilit għall-kalkolazzjoni ta’ twaqqigħ tal-prezzijiet, bil-prezz li ma jikkawża ebda dannu għall-prodotti mibjugħin mill-industrija tal-Unjoni fis-suq tal-Unjoni matul il-PI. Kull differenza li rriżultat minn dan it-tqabbbil, ġiet espressa bħala persentaġġ tal-medja totali tal-valur tal-importazzjoni CIF.

(192)

Fid-dawl ta’ dak li ntqal, huwa kkunsidrat li, skont l-Artikolu 12(1) tar-Regolament bażiku, għandhom jiġu imposti miżuri kumpensatorji provviżorji fir-rigward ta’ importazzjonijiet li joriġinaw fl-Indja fil-livell l-iktar baxx tas-sussidju u l-marġini ta’ danni, skont ir-regola tal-inqas dazji.

(193)

Fuq il-bażi ta’ dan ta’ hawn fuq, ir-rati tad-dazju kumpensatorju ġew stabbiliti permezz ta’ tqabbil tal-marġini ta’ eliminazzjoni ta’ dannu u l-marġini tas-sussidji. Għaldaqstant, ir-rati ta’ dazju kompensatorju proposti huma kif ġej:

(194)

Ir-rati ta’ dazju kompensatorju ta’ kumpanija individwali speċifikati f'dan ir-Regolament ġew stabbiliti fuq il-bażi tas-sejbiet ta’ din l-investigazzjoni. Għalhekk, dawn jirriflettu s-sitwazzjoni misjuba matul dik l-investigazzjoni fir-rigward ta’ dawn il-kumpaniji. Dawn ir-rati ta’ dazju (għall-kuntrarju tad-dazju mal-pajjiż kollu applikabbli għall-“kumpaniji l-oħrajn kollha”) huma għalhekk applikabbli esklużivament għal importazzjonijiet ta’ prodotti li joriġinaw mill-Indja u prodotti mill-kumpaniji u għalhekk, mill-entitajiet ġuridiċi speċifiċi msemmija. Il-prodotti importati magħmulin minn xi kumpanija oħra mhux speċifikament imsemmija fil-parti operattiva ta’ dan ir-Regolament, inklużi l-entitajiet relatati ma’ dawk imsemmija b'mod speċifiku, ma jistgħux jibbenefikaw minn dawn ir-rati u għandhom jiġu soġġetti għar-rata tad-dazju applikabbli għall-“kumpaniji l-oħra kollha”.

(195)

Kull talba għall-applikazzjoni ta’ dawn ir-rati ta’ dazju kumpensatorju ta’ kumpaniji individwali (pereżempju wara tibdil fl-isem tal-entità jew wara l-istabbiliment ta’ entitajiet ġodda tal-produzzjoni jew tal-bejgħ) għandha tiġi indirizzata minnufih lill-Kummissjoni (6) bl-informazzjoni rilevanti kollha, b'mod partikolari fir-rigward ta’ kull modifika fl-attivitajiet tal-kumpanija li għandhom x'jaqsmu mal-produzzjoni, mal-bejgħ domestiku u mal-esportazzjoni li jkunu assoċjati, pereżempju, ma’ bidla fl-isem jew ma’ bidla fl-entitajiet tal-produzzjoni u tal-bejgħ. Jekk ikun xieraq, ir-Regolament se jiġi emendat skont il-każ billi tiġi aġġornata l-lista ta’ kumpaniji li jgawdu mir-rati tad-dazju individwali.

(196)

Is-sejbiet provviżorji ta’ hawn fuq se jkunu żvelati lill-partijiet interessati kollha li se jkunu mistiedna jibgħatu fehmiethom bil-miktub u jitolbu seduta ta’ smigħ. Il-kummenti tagħhom se jiġu analizzati u se jitqiesu fejn ikun iġġustifikat qabel ma ssir kwalunke determinazzjoni definittiva. Barra minn hekk, irid jiġi ddikjarat li s-sejbiet dwar l-impożizzjoni ta’ dazji kumpensatorji magћmula gћall-għanijiet ta’ dan ir-Regolament huma provviżorji u jista' jkun hemm bżonn li jiġu kkunsidrati mill-ġdid għall-għanijiet ta’ kwalunkwe sejba definittiva,

11.2.2012   

MT

Il-Ġurnal Uffiċjali tal-Unjoni Ewropea

L 38/29

(1)

L-Anness I għar-Regolament (KE) Nru 872/2004 jelenka l-persuni fiżiċi u ġuridiċi, il-korpi u l-entitajiet li huma koperti mill-iffriżar ta’ fondi u riżorsi ekonomiċi taħt dak ir-Regolament; L-Anness II tar-Regolament (KE) Nru 872/2004 jelenka l-awtoritajiet kompetenti li għalihom, huma attribwiti funzjonijiet speċifiċi relatati mal-implementazzjoni tar-Regolament.

(2)

Fit-23 ta’ Diċembru 2011, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti bid-deċiżjoni tiegħu Nru SC/10510 ddeċieda li jemenda l-lista tal-persuni, gruppi u entitajiet li għalihom għandhom japplikaw l-iffriżar ta' fondi u riżorsi ekonomiċi. L-Anness I għandu għalhekk jiġi emendat f'dan is-sens,

(3)

l-Anness II mar-Regolament (KE) Nru 872/2004 għandu jiġi aġġornat fuq il-bażi tal-informazzjoni l-aktar reċenti pprovduta mill-Istati Membri fir-rigward tal-identifikazzjoni tal-awtoritajiet kompetenti.

(4)

L-Annessi I u II mar-Regolament (KE) Nru 872/2004 għandhom b’hekk jiġu emendati skont dan.

11.2.2012   

MT

Il-Ġurnal Uffiċjali tal-Unjoni Ewropea

L 38/33

(1)

Ir-Regolament tal-Kummissjoni (KE) Nru 1295/2008 (2) jistabbilixxi fl-Anness I tiegħu, lista tal-aġenziji tal-pajjiżi terzi awtorizzati biex joħorġu l-attestazzjonijiet li jakkumpanjaw il-prodotti tal-ħops importati minn dawn il-pajjizi. Dawk l-attestazzjonijiet huma rikonoxxuti bħala ekwivalenti għaċ-ċertifikat stipulat fl-Artikolu 117 tar-Regolament (KE) Nru 1234/2007.

(2)

Hija r-responsabbiltà tas-servizzi konċernati tal-pajjiżi terzi li jżommu d-dejta, mogħtija fl-Anness I għar-Regolament (KE) Nru 1295/2008, aġġornata u li jibagħtuha lis-servizzi tal-Kummissjoni, filwaqt li jżommu kooperazzjoni mill-qrib u ta’ fiduċja.

(3)

L-Awstralja u n-New Zealand ikkomunikaw informazzjoni dwar xi tibdiliet fl-isem u/jew fl-indirizz tal-aġenzija kompetenti tagħhom li hija awtorizzata toħroġ attestazzjonijiet ta' ekwivalenza. Il-lista li tinsab fl-Anness I għar-Regolament (KE) Nru 1295/2008 għandha għalhekk tiġi emendata kif jixraq.

(4)

Ir-Regolament (KE) Nru 1295/2008 għandu jiġi emendat skont dan.

(5)

Il-miżuri stipulati f'dan ir-Regolament huma konformi mal-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

11.2.2012   

MT

Il-Ġurnal Uffiċjali tal-Unjoni Ewropea

L 38/36

(1)

Alpharma BVBA u Pfizer Ltd. ressqu applikazzjoni skont l-Artikolu 13(3) tar-Regolament (KE) Nru 1831/2003 li tipproponi li tbiddel l-isem tad-detentur tal-awtorizzazzjonijiet rigward ir-Regolament tal-Kummissjoni (KE) Nru 2380/2001 tal-5 ta’ Diċembru 2001 dwar l-awtorizzazzjoni għal 10 snin ta’ addittiv fl-għalf għall-annimali (2), ir-Regolament (KE) Nru 1289/2004 tal-14 ta’ Lulju 2004 dwar l-awtorizzazzjoni għal 10 snin tal-addittiv Deccox ® fl-oġġetti tal-ikel, li huwa parti mill-grupp ta’ koċċidjostati u minn sustanzi mediċinali oħra (3), ir-Regolament (KE) Nru 1455/2004 tas-16 ta’ Awwissu 2004 li jikkonċerna l-awtorizzazzjoni għal 10 snin tal-addittiv Avatec 15 % fl-għalf tal-bhejjem, li jifforma parti mill-grupp ta’ koċċidjostati u sustanzi mediċinali oħra (4), ir-Regolament (KE) Nru 1800/2004 tal-15 ta’ Ottubru 2004 li jikkonċerna l-awtorizzazzjoni għal 10 snin tal-addittiv Cycostat 66G fl-għalf tal-bhejjem, li jifforma parti mill-grupp ta’ koċċidjostati u sustanzi mediċinali oħra (5), ir-Regolament (KE) Nru 600/2005 tat-18 ta’ April 2005 li jikkonċerna awtorizzazzjoni ġdida għal 10 snin ta’ koċċidjostat bħala addittiv fl-oġġetti tal-għalf, l-awtorizzazzjoni proviżorja ta’ addittiv u l-awtorizzazzjoni permanenti ta’ ċerti addittivi fl-oġġetti tal-għalf (6), ir-Regolament (UE) Nru 874/2010 tal-5 ta’ Ottubru 2010 dwar l-awtorizzazzjoni ta’ lasaloaċidu A tas-sodju bħala addittiv fl-għalf għad-dundjani li għandhom sa 16-il ġimgħa (id-detentur tal-awtorizzazzjoni Alpharma (il-Belġju) BVBA) u li jemenda r-Regolament (KE) Nru 2430/1999 (7), ir-Regolamenti ta’ Implimentazzjoni tal-Kummissjoni (UE) Nru 388/2011 tad-19 ta’ April 2011 li jikkonċerna l-awtorizzazzjoni tal-maduramiċina ammonju alfa bħala addittiv fl-għalf tat-tiġieġ għat-tismin (id-detentur tal-awtorizzazzjoni Alpharma (il-Belġju) BVBA u jemenda r-Regolament (KE) Nru 2430/1999 (8), (UE) Nru 532/2011 tal-31 ta’ Mejju 2011 li jikkonċerna l-awtorizzazzjoni tal-idroklorur tar-robenidina bħala addittiv fl-għalf tal-fniek għat-tgħammir u l-fniek għat-tismin (id-detentur tal-awtorizzazzjoni Alpharma il-Belġju BVBA) u li jemenda r-Regolamenti (KE) Nru 2430/1999 u (KE) Nru 1800/2004 (9) u rigward ir-Regolament (UE) Nru 900/2011 tas-7 ta’ Settembru 2011 dwar l-awtorizzazzjoni tal-lasaloċidu A tas-sodju bħala addittiv tal-għalf għall-faġani, il-fargħuni, is-summien u l-perniċi għajr l-għasafar għall-bajd (detentur tal-awtorizzazzjoni Alpharma (Belgium) BVBA) (10).

(2)

L-applikanti jistqarru li, b’effett mill-1 ta’ Marzu 2011, minħabba fl-akkwist ta’ Alpharma BVBA minn Pfizer Ltd., dan tal-aħħar jippossjedi d-drittijiet tal-kummerċjalizzazzjoni għall-addittivi dekokinat, lasaloaċidu A tas-sodju, maduramiċina ammonju alfa, idroklorur tar-robenidina u salinomiċina.

(3)

Il-bidla proposta tat-termini tal-awtorizzazzjonijiet hija purament amministrattiva fin-natura tagħha u ma tirrikjedix valutazzjoni mill-ġdid tal-addittivi kkonċernati. L-Awtorità Ewropea dwar is-Sigurtà fl-Ikel ġiet infurmata b’din l-applikazzjoni.

(4)

Biex l-applikant jitħalla jeżerċita d-drittijiet tiegħu ta’ kummerċjalizzazzjoni taħt l-isem ta’ Pfizer Ltd. huwa meħtieġ li jinbidlu t-termini tal-awtorizzazzjonijiet.

(5)

Ir-Regolamenti (KE) Nru 2380/2001, (KE) Nru 1289/2004, (KE) Nru 1455/2004, (KE) Nru 1800/2004, (KE) Nru 600/2005, (UE) Nru 874/2010, ir-Regolamenti ta’ Implimentazzjoni (UE) Nru 388/2011, (UE) Nru 532/2011 u (UE) Nru 900/2011 għandhom għalhekk jiġu emendati skont dan.

(6)

Billi l-modifiki għall-kundizzjonijiet tal-awtorizzazzjonijiet mhumiex relatati ma’ raġunijiet ta’ sikurezza, huwa xieraq li jingħata perjodu ta’ tranżizzjoni li waqtu jistgħu jintużaw il-ħażniet eżistenti.

(7)

Il-limiti massimi ta’ residwi (LMR) għad-dundjani u għat-tiġieġ għat-tismin introdotti fl-Anness mar-Regolament (KE) Nru 1800/2004 permezz tar-Regolament tal-Kummissjoni (KE) Nru 101/2009 (11) u l-isem kummerċjali “Robenz 66 G” għad-dundjani u għat-tiġieġ għat-tismin introdotti fl-Anness mar-Regolament (KE) Nru 1800/2004 permezz tar-Regolament tal-Kummissjoni (KE) Nru 214/2009 (12) tħallew barra bi żball mill-Anness mar-Regolament (KE) Nru 1800/2004 kif emendat mir-Regolament ta’ Implimentazzjoni (UE) Nru 532/2011. Huwa għalhekk meħtieġ li jerġgħu jiġu introdotti dawn il-LMR u l-isem kummerċjali.

(8)

L-Anness mar-Regolament ta’ Implimentazzjoni (UE) Nru 532/2011 għandu għalhekk jiġi korrett kif xieraq.

(9)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

11.2.2012   

MT

Il-Ġurnal Uffiċjali tal-Unjoni Ewropea

L 38/40

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

11.2.2012   

MT

Il-Ġurnal Uffiċjali tal-Unjoni Ewropea

L 38/42

(1)

L-Artikolu 3(1) u (2) tal-Protokoll Nru 1 (3) tal-ftehim Ewro-Mediterranju li jistabbilixxi l-assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika Tuneżina min-naħa l-oħra (4), jistabbilixxi kwota tariffarja b’dazju doganali ta’ żero għall-importazzjoni taż-żejt taż-żebbuġa mhux raffinat li jaqa’ taħt il-kodiċijiet tan-NM 1509 10 10 u 1509 10 90, prodott kollu kemm hu fit-Tuneżija u ttrasportat direttament minn dak il-pajjiż lejn l-Unjoni Ewropea, fil-limiti stipulati għal kull sena.

(2)

L-Artikolu 2(2) tar-Regolament tal-Kummissjoni (KE) Nru 1918/2006 tal-20 ta’ Diċembru 2006 li jiftaħ u jistabbilixxi regoli komuni għall-amministrazzjoni ta’ kwoti tariffarji f’dak li jirrigwarda ż-żejt taż-żebbuġa li joriġina fit-Tuneżija (5) jipprovdi għal limiti kwantitattivi ta’ kull xahar għall-ħruġ tal-liċenzji tal-importazzjoni.

(3)

F’konformità mal-Artikolu 3(1) tar-Regolament (KE) Nru 1918/2006, tressqu applikazzjonijiet għand l-awtoritajiet kompetenti għall-ħruġ tal-liċenzji tal-importazzjoni għal kwantità totali li taqbeż il-limitu pprovdut għax-xahar ta’ Frar fl-Artikolu 2(2) tar-Regolamernt imsemmi.

(4)

F’dawn iċ-ċirkostanzi, il-Kummissjoni għandha tiffissa koeffiċjent ta’ allokazzjoni li jippermetti l-ħruġ tal-liċenzji tal-importazzjoni pro rata għall-kwantità disponibbli.

(5)

Ġaladarba ntlaħaq il-limitu għax-xahar ta’ Frar, għax-xahar imsemmi ma tista’ tinħareġ l-ebda liċenzja tal-importazzjoni,

11.2.2012   

MT

Il-Ġurnal Uffiċjali tal-Unjoni Ewropea

L 38/43

(1)

Fid-29 ta' Ottubru 2010, il-Kunsill adotta d-Deċiżjoni 2010/656/PESK.

(2)

Fid-dawl tal-iżviluppi fil-Côte d'Ivoire, il-lista ta' persuni u entitajiet soġġetti għal miżuri restrittivi li tinsab fl-Anness II tad-Deċiżjoni 2010/656/PESK għandha tiġi emendata,

11.2.2012   

MT

Il-Ġurnal Uffiċjali tal-Unjoni Ewropea

L 38/45

(1)

Skont id-Direttiva 2008/106/KE, l-Istati Membri jistgħu jiddeċiedu li jaċċettaw iċ-ċertifikati xierqa tal-baħħara li jkunu nħarġu minn pajjiżi terzi, sakemm il-pajjiż terz ikkonċernat ikun rikonoxxut mill-Kummissjoni. Dawk il-pajjiżi terzi għandhom jissodisfaw ir-rekwiżiti kollha tal-Konvenzjoni tal-Organizzazzjoni Marittima Internazzjonali (IMO) dwar Standards ta’ Taħriġ, iċ-Ċertifikazzjoni u Għassa għall-Baħħara, 1978 (il-Konvenzjoni STCW) (2), kif ġiet riveduta fl-1995.

(2)

It-talba għar-rikonoxximent tal-Gana ġiet sottomessa minn Ċipru permezz tal-ittra tat-13 ta’ Mejju 2005. Wara din it-talba, il-Kummissjoni vvalutat is-sistema tat-taħriġ u ċ-ċertifikazzjoni fil-Gana sabiex tivverifika jekk il-Gana hix konformi mar-rekwiżiti kollha tal-Konvenzjoni STCW u jekk ittiħdux il-miżuri xierqa biex tiġi evitata l-frodi fil-ħruġ taċ-ċertifikati. Dik il-valutazzjoni kienet ibbażata fuq ir-riżultati ta’ spezzjoni mwettqa mill-esperti tal-Aġenzija Ewropea għas-Sigurtà Marittima f’Diċembru tal-2009. Matul dik l-ispezzjoni, ġew identifikati ċerti nuqqasijiet fis-sistemi tat-taħriġ u ċ-ċertifikazzjoni.

(3)

Il-Kummissjoni pprovdiet rapport dwar ir-riżultati tal-valutazzjoni lill-Istati Membri.

(4)

Permezz ta’ ittra tal-20 ta’ Diċembru 2010, il-Kummissjoni talbet lill-Gana biex tipprovdi provi li juru li n-nuqqasijiet li kienu identifikati ġew ikkoreġuti.

(5)

Permezz tal-ittra tal-21 ta’ Frar 2011, il-Gana pprovdiet l-informazzjoni mitluba u l-provi dwar l-implimentazzjoni tal-azzjoni korrettiva xierqa u suffiċjenti biex jiġu indirizzati ħafna min-nuqqasijiet identifikati matul il-valutazzjoni ta’ konformità.

(6)

Jibqgħu żewġ nuqqasijiet L-ewwel jirreferi għall-fatt li l-Gana ma tiżgurax fis-sħiħ li servizz tal-baħar imwettaq fil-flotta jew fuq vapuri pilota huwa filfatt relevati għall-kompetenzi meħtieġa għaċ-ċertifikazzjoni. L-ieħor jitratta n-nuqqasijiet ta’ taħriġ għat-tifi tan-nar u t-tagħmir ta’ istituzzjoni għat-taħriġ marittimu. Għalhekk, il-Gana ġiet mistiedna timplimenta aktar azzjonijiet korrettivi b’rabta ma’ dan. Madankollu, dawn in-nuqqasijiet ma jwasslux biex iqajmu dubji dwar il-livell ġenerali ta’ konformità tal-Gana mar-rekwiżiti tal-Konvenzjoni STCW dwar it-taħriġ u ċ-ċertifikazzjoni tal-baħħara.

(7)

Ir-riżultat tal-valutazzjoni tal-konformità u l-evalwazzjoni tal-informazzjoni pprovduta mill-Gana juri li l-Gana tikkonforma mar-rekwiżiti relevanti tal-Konvenzjoni STCW, filwaqt li dan il-pajjiż ħa miżuri xierqa biex jevita l-frodi fil-ħruġ taċ-ċertifikati.

(8)

Il-miżuri previsti f’din id-Deċiżjoni huma skont l-opinjoni tal-Kumitat dwar Ibħra Sikuri u l-Prevenzjoni ta’ Tniġġis minn Vapuri.

11.2.2012   

MT

Il-Ġurnal Uffiċjali tal-Unjoni Ewropea

L 38/46

(1)

Skont id-Direttiva 2008/106/KE, l-Istati Membri jistgħu jiddeċiedu li jaċċettaw iċ-ċertifikati xierqa tal-baħħara li jkunu nħarġu minn pajjiżi terzi, sakemm il-pajjiż terz ikkonċernat ikun rikonoxxut mill-Kummissjoni. Dawk il-pajjiżi terzi għandhom jissodisfaw ir-rekwiżiti kollha tal-Konvenzjoni tal-Organizzazzjoni Marittima Internazzjonali (IMO) dwar Standards ta’ Taħriġ, Ċertifikazzjoni u Għassa għall-Baħħara, 1978 (il-Konvenzjoni STCW) (2), kif ġiet riveduta fl-1995.

(2)

It-talba għar-rikonoxximent tal-Urugwaj ġiet sottomessa minn Spanja permezz ta’ ittra tal-14 ta’ Frar 2006. Wara din it-talba, il-Kummissjoni vvalutat is-sistema tat-taħriġ u ċ-ċertifikazzjoni fl-Urugwaj sabiex tivverifika jekk l-Urugwaj jikkonformax mar-rekwiżiti kollha tal-Konvenzjoni STCW u jekk ittiħdux il-miżuri xierqa biex tiġi evitata l-frodi fil-ħruġ taċ-ċertifikati. Dik il-valutazzjoni kienet ibbażata fuq ir-riżultati ta’ spezzjoni li għamlu l-esperti tal-Aġenzija Ewropea għas-Sigurtà Marittima f’Ġunju tal-2007. Matul dik l-ispezzjoni, ġew identifikati ċerti nuqqasijiet fis-sistemi tat-taħriġ u ċ-ċertifikazzjoni.

(3)

Il-Kummissjoni pprovdiet rapport dwar ir-riżultati tal-valutazzjoni lill-Istati Membri.

(4)

Permezz ta’ ittri tas-16 ta’ Frar 2009 u tat-8 ta’ Diċembru 2010, il-Kummissjoni talbet lill-Urugwaj biex jipprovdi provi li juru li n-nuqqasijiet li kienu identifikati ġew ikkoreġuti.

(5)

Permezz ta’ ittri tat-30 ta’ April 2009, u tat-18 ta’ Marzu 2011, l-Urugwaj ipprovda l-informazzjoni mitluba u l-provi dwar l-implimentazzjoni tal-azzjoni korrettiva xierqa u suffiċjenti biex jiġu indirizzati n-nuqqasijiet kollha identifikati matul il-valutazzjoni ta’ konformità;

(6)

Jibqgħu żewġ nuqqasijiet. L-ewwel jirreferi għall-fatt li s-sistema tal-istandards ta’ kwalità ma tkoprix xi wħud mill-attivitajiet tal-amministrazzjoni, bħall-approvazzjoni ta’ programmi ta’ taħriġ. In-nuqqas l-ieħor għandu x’jaqsam mal-mudell taċ-ċertifikati. Għalhekk, l-Urugwaj ġie mistieden jimplimenta iktar azzjonijiet korrettivi b’rabta ma’ dan. Madankollu, dawn in-nuqqasijiet ma jwasslux biex iqajmu dubji dwar il-livell ġenerali ta’ konformità tal-Urugwaj mar-rekwiżiti tal-Konvenzjoni STCW dwar it-taħriġ u ċ-ċertifikazzjoni tal-baħħara.

(7)

Ir-riżultat tal-valutazzjoni tal-konformità u l-evalwazzjoni tal-informazzjoni pprovduta mill-Urugwaj juri li l-Urugwaj jikkonforma mar-rekwiżiti rilevanti tal-Konvenzjoni STCW, filwaqt li dan il-pajjiż ħa miżuri xierqa biex jevita l-frodi fil-ħruġ taċ-ċertifikati.

(8)

Il-miżuri previsti f’din id-Deċiżjoni huma skont l-opinjoni tal-Kumitat dwar Ibħra Sikuri u l-Prevenzjoni ta’ Tniġġis minn Vapuri.

11.2.2012   

MT

Il-Ġurnal Uffiċjali tal-Unjoni Ewropea

L 38/47

(1)

Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta’ prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bil-għan li possibbilment jiġu inklużi fl-Anness I, IA jew IB għad-Direttiva 98/8/KE. Dik il-lista tinkludi l-flufenossuron.

(2)

Skont ir-Regolament (KE) Nru 1451/2007, il-flufenossuron (CAS Nru 101463-69-8; KE Nru 417-680-3) ġie evalwat skont l-Artikolu 11(2) għad-Direttiva 98/8/KE għall-użu fi prodotti tat-tip 18, insettiċidi, akariċidi u prodotti għall-kontroll ta’ artropodi oħra, kif definiti fl-Anness V għal dik id-Direttiva.

(3)

Franza nħatret bħala l-Istat Membru Rapporteur u ressqet ir-rapport tal-awtorità kompetenti, flimkien ma’ rakkomandazzjoni, lill-Kummissjoni fis-17 ta’ Marzu 2009 skont l-Artikolu 14(4) u (6) tar-Regolament (KE) Nru 1451/2007.

(4)

Ir-rapport tal-awtorità kompetenti ġie analizzat mill-Istati Membri u mill-Kummissjoni. Skont l-Artikolu 15(4) tar-Regolament (KE) Nru 1451/2007, ir-riżultati tal-analiżi ġew inkorporati, fi ħdan il-Kumitat Permanenti dwar il-Prodotti Bijoċidali fit-22 ta Settembru 2011, f’rapport ta’ valutazzjoni.

(5)

Il-valutazzjoni tar-riskji għall-partijiet ambjentali ta’ tħassib, li saru bl-użu ta’ approċċ realistiku, urew effetti mhux aċċettabbli għall-partijiet akkwatiċi. Barra minn hekk, il-karatteristiċi tal-flufenossuron jagħmluh persistenti, suxxettibbli għall-bijoakkumulazzjoni u tossiku, kif ukoll persistenti ħafna u suxxettibbli ħafna għall-bijoakkumulazzjoni, b’konformità mal-kriterji stabbiliti fl-Anness XIII għar-Regolament (KE) Nru 1907/2006 tal-Parlament Ewropew u tal-Kunsill (3). Għalhekk, mhuwiex xieraq li l-flufenossuron jiddaħħal għall-użu fil-prodotti tat-tip 18 fl-Anness I, IA jew IB għad-Direttiva 98/8/KE.

(6)

Id-data li minnha l-prodotti bijoċidali tal-prodotti tat-tip 18 li fihom il-flufenossuron ma għandhomx jibqgħu jitqiegħdu fis-suq għandha tkun raġjonevoli skont ir-riżultat tal-valutazzjoni tar-riskju kif ukoll id-data tad-dħul fis-seħħ ta’ din id-Deċiżjoni.

(7)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Prodotti Bijoċidali,

11.2.2012   

MT

Il-Ġurnal Uffiċjali tal-Unjoni Ewropea

L 38/48

(1)

Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta’ prodotti bijoċidali (2), jistabbilixxi lista ta’ sustanzi attivi li għandhom jiġu vvalutati, bil-għan li possibbilment jiġu inklużi fl-Anness I, IA jew IB għad-Direttiva 98/8/KE.

(2)

Għal għadd ta’ taħlitiet ta’ tipi ta’ sustanzi/prodotti inklużi f’dik il-lista, jew il-parteċipanti kollha waqqfu l-parteċipazzjoni tagħhom fil-programm ta’ reviżjoni, jew ma wasal l-ebda dossier komplut fil-perjodu taż-żmien speċifikat fl-Artikoli 9 u 12(3) tar-Regolament (KE) Nru 1451/2007 mill-Istat Membru maħtur bħala r-Rapporteur għall-evalwazzjoni.

(3)

Konsegwentement, u skont l-Artikoli 11(2), 12(1) u 13(5) tar-Regolament (KE) Nru 1451/2007, il-Kummissjoni għarrfet lill-Istati Membri skont dan. Dak it-tagħrif ġie ppubblikat ukoll permezz ta’ mezzi elettroniċi.

(4)

Fi żmien il-perjodu ta’ tliet xhur minn dawk il-pubblikazzjonijiet, għadd ta’ kumpaniji wrew interess li jassumu r-rwol ta’ parteċipant għal ċerti sustanzi u tipi ta’ prodotti konċernati. Madankollu, dawk il-kumpaniji sussegwentement naqsu milli jissottomettu dossier komplut.

(5)

Skont l-Artikoli 12(4) u 12(5) tar-Regolament (KE) Nru 1451/2007, is-sustanzi u t-tipi ta’ prodotti kkonċernati ma għandhomx għalhekk jiġu inklużi fl-Annessi I, IA jew IB għad-Direttiva 98/8/KE.

(6)

Fl-interess taċ-ċertezza legali, huwa xieraq li tiġi speċifikata d-data li warajha l-prodotti bijoċidali elenkati fl-Anness għal din id-Deċiżjoni li fihom sustanzi attivi elenkati f’dak l-Anness ma għandhomx jibqgħu jitqiegħdu fis-suq.

(7)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Prodotti Bijoċidali,

11.2.2012   

MT

Il-Ġurnal Uffiċjali tal-Unjoni Ewropea

L 38/51