7.10.2010   

MT

Il-Ġurnal Uffiċjali tal-Unjoni Ewropea

C 271/1

7.10.2010   

MT

Il-Ġurnal Uffiċjali tal-Unjoni Ewropea

C 271/2

(1)

Is-Sistema Ewropea ta' Navigazzjoni b'Kopertura Ġeostazzjonarja (EGNOS) u l-programmi Galileo huma rregolati mir-Regolament (KE) Nru 683/2008 tal-Parlament Ewropew u tal-Kunsill tad-9 ta' Lulju 2008 dwar implimentazzjoni ulterjuri tal-programmi Ewropej ta' navigazzjoni bis-satellita (EGNOS u Galileo) (1). L-Artikolu 1(1) tar-Regolament (KE) Nru 683/2008 jispeċifika li dawn il-programmi għandhom jinkludu l-attivitajiet kollha meħtieġa biex jiġu definiti, żviluppati, validati, mibnija, operati, imġedda u mtejba s-sistema EGNOS u s-sistema stabbilita taħt il-programm Galileo.

(2)

Skont l-Artikolu 12(2) tar-Regolament (KE) Nru 683/2008, il-Kummissjoni għandha tkun responsabbli għall-ġestjoni ta' dawk il-programmi. Il-kompiti ta' ġestjoni jinkludu t-tiġdid u t-titjib tas-sistemi permezz tal-irfinar tal-profili tal-missjoni u l-implimentazzjoni tat-tibdiliet relatati fis-sistema.

(3)

L-għan taż-żewġ sistemi huwa li jipprovdu lill-utenti servizz modern ta' pożizzjonar, navigazzjoni u kalkolu tal-ħin skont ir-rekwiżiti tal-missjoni speċifikati għall-Galileo u l-EGNOS. Kwalunkwe irfinar tal-profili tal-missjoni taż-żewġ sistemi għandu jqis bis-sħiħ l-opinjonijiet tal-komunitajiet tal-utenti tas-sistemi ta' navigazzjoni bis-satellita u tal-partijiet interessati l-oħra, inklużi dawk tal-Istati Membri, tal-pajjiżi terzi u tal-organizzazzjonijiet internazzjonali.

(4)

Għalhekk huwa meħtieġ li jiġi stabbilit grupp ta' esperti biex jipprovdi parir indipendenti lill-Kummissjoni dwar kwistjonijiet ta' żvilupp tal-missjoni tal-EGNOS u tal-Galileo u biex jistabbilixxi l-kompiti u l-istruttura tagħha.

(5)

Għandhom ikunu previsti regoli dwar l-iżvelar tat-tagħrif mill-membri tal-grupp, mingħajr ħsara għar-regoli tal-Kummissjoni dwar is-sigurtà kif imniżżlin fl-Anness għad-Deċiżjoni tal-Kummissjoni 2001/844/KE, KEFA, Euratom tad-29 ta' Novembru 2001 li temenda r-Regoli Interni tal-Proċedura (2).

(6)

Id-dejta personali għandha tkun ipproċessata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-movement liberu ta' dik id-dejta (3).

(7)

Huwa xieraq li jiġi stabbilit perjodu għall-applikazzjoni ta’ din id-Deċiżjoni. Malli jasal il-waqt, il-Kummissjoni għandha tikkunsidra r-rakkomandabbiltà ta’ estensjoni,

7.10.2010   

MT

Il-Ġurnal Uffiċjali tal-Unjoni Ewropea

C 271/4

1.

Skont l-Artikolu 14 tad-Direttiva 2006/48/KE tal-Parlament Ewropew u tal-Kunsill tal-14 ta' Ġunju 2006 rigward il-bidu u l-eżerċizzju tan-negozju tal-istituzzjonijiet ta' kreditu (riformulata) (1) l-Kummissjoni jeħtiġilha tfassal u tippubblika f'Il-Ġurnal Uffiċjali lista tal-istituzzjonijiet ta' kreditu kollha li ngħataw awtorizzazzjoni kif speċifikat fid-Direttiva.

2.

Il-paragrafu 6(b) tal-Protokoll 1 tal-Ftehim taż-ŻEE jitlob li “meta, b’liġi għandhom jiġu ppubblikati fatti, proċeduri, rapporti u informazzjoni oħra simili f'Il-Ġurnal Uffiċjali tal-Komunitajiet Ewropej, l-informazzjoni korrispondenti dwar l-Istati tal-EFTA trid tiġi pubblikata f’taqsima separata tiegħu.”

3.

Din hija l-għaxar okkażjoni fejn il-Kumitat Permanenti tal-Istati tal-EFTA jikkonforma mar-rekwiżiti ta’ hawn fuq. Il-lista ppubblikata fl-Anness ma' din il-komunikazzjoni tinkludi l-istituzzjonijiet ta’ kreditu kollha li ġew involuti f'negozju fl-Islanda, fil-Liechtenstein u fin-Norveġja fl-1 ta’ Jannar 2010 li jaqgħu fl-ambitu tad-Direttiva dwar ir-Rekwiżit Kapitali 2006/48/KE.

4.

Din il-lista tfasslet mill-Kumitat Permanenti tal-Istati tal-EFTA skont informazzjoni mgħoddija lilu mill-Istati tal-EFTA kkonċernati. Il-lista m'għandha l-ebda sinifikat legali u ma tagħti l-ebda dritt legali. Jekk istituzzjoni li mhix awtorizzata ġiet inkluża bi żball fil-lista, l-istejtus legali tagħha ma jinbidel bl-ebda mod; bl-istess mod, jekk istituzzjoni tħalliet barra bi żball, il-validità tal-awtorizzazzjoni tagħha ma tintlaqatx.

Fjármálaeftirlitið (L-Awtorità tas-Sorveljanza Finanzjarja)

Sudurlandsbraut 32

108 Reykjavík

ICELAND

Tel. +354 5252700

Fax +354 5252727

http://www.fme.is

L-Awtorità tas-Suq Finanzjarju (FMA) il-Liechtenstein

Heiligkreuz 8

Post Box 684

FL-9490 Vaduz

LIECHTENSTEIN

Tel. +423 2367373

Fax +423 2367374

http://www.fma-li.li

Kredittilsynet (L-Awtorità tas-Sorveljanza Finanzjarja tan-Norveġja)

Kaxxa Postali 100 Bryn

0611 Oslo

NORWAY

Tel. +47 22939800

Fax +47 22630226

Posta electronika: post@finanstilsynet.no

http://www.finanstilsynet.no

7.10.2010   

MT

Il-Ġurnal Uffiċjali tal-Unjoni Ewropea

C 271/14

—

Stħarriġ dwar l-investiment

—

Stħarriġ dwar il-kostruzzjoni

—

Stħarriġ dwar il-kummerċ bl-imnut

—

Stħarriġ dwar is-servizzi

—

Stħarriġ dwar l-industrija

—

Stħarriġ dwar il-konsumaturi

—

Stħarriġiet ad hoc dwar suġġetti ekonomiċi attwali. Dawn l-istħarriġiet ad hoc huma mid-definizzjoni tagħhom stess aktar okkażjonali u jitwettqu flimkien mal-istħarriġiet li jsiru kull xahar, bl-użu tal-istess kampjuni stabbiliti bħall-istħarriġ li jsir kull xahar, sabiex jinkiseb tagħrif dwar kwistjonijiet speċifiċi ta' politika ekonomika.

—

L-istħarriġiet ta' kull xahar għandhom isiru fl-ewwel ġimagħtejn ta' kull xahar u r-riżultati għandhom jintbagħtu lill-Kummissjoni bl-email mill-inqas ħamest ijiem tax-xogħol qabel l-aħħar tax-xahar skont il-kalendarju li se jkun inkluż fil-ftehim tal-għotja; ir-riżultati ġeneralment jiġu ppubblikati fil-jum ta' qabel l-aħħar jum tax-xogħol tax-xahar. Id-data ta' għeluq għat-twassil tar-riżultati tal-istħarriġ dwar il-konsumaturi hija sebat ijiem tax-xogħol qabel l-aħħar tax-xahar skont il-kalendarju li se jkun inkluż fil-ftehim tal-għotja.

—

L-istħarriġiet trimestrali għandhom isiru fl-ewwel ġimagħtejn tal-ewwel xahar ta' kull trimestru (Jannar, April, Lulju u Ottubru) u r-riżultati għandhom jintbagħtu lill-Kummissjoni bl-email mill-inqas ħamest ijiem tax-xogħol qabel l-aħħar ta' Jannar, April, Lulju u Ottubru rispettivament u skont il-kalendarju li se jkun inkluż fil-ftehim tal-għotja.

—

L-istħarriġiet ta’ kull sitt xhur dwar l-investiment għandhom jitwettqu f’Marzu/April u f’Ottubru/Novembru u r-riżultati għandhom jintbagħtu permezz ta' email lill-Kummissjoni mill-inqas ħamest ijiem tax-xogħol qabel tmiem April u Novembru, rispettivament, u skont il-kalendarju li se jiġi inkluż fil-ftehim ta’ għotja.

—

Fil-każ tal-istħarriġiet ad hoc, il-benefiċjarju għandu jintrabat li jikkonforma ruħu mal-kalendarji stabbiliti għalihom.

—

Il-baġit annwali totali disponibbli għall-perjodu Mejju 2011-April 2012 għal dawn l-istħarriġiet huwa ta' madwar EUR 5 620 000,00 (ħames miljuni sitt mija u għoxrin elf Euro).

—

L-ammonti għat-tliet snin ta' wara jistgħu jiżdiedu, bla ħsara għall-mezzi finanzjarji disponibbli, b'madwar 2 % kull sena.

—

Meta fi proposta l-ammont tas-servizzi mwettqa minn subkuntrattur ikun daqs jew iktar minn 50 % tax-xogħol, is-subkuntrattur għandu jipprovdi d-dokumenti kollha meħtieġa għall-valutazzjoni b'mod integrali tal-proposta tal-applikant fir-rigward tal-kriterji ta' esklużjoni, tal-għażla u ta' aġġudikazzjoni (ara l-punti 5, 6 u 7 hawn taħt). Dan jimplika li s-subkuntrattur irid jipprovdi evidenza li hu jissodisfa l-kriterji ta' esklużjoni, u li l-kapaċità kkombinata tas-subkuntrattur u l-applikant se titqies fir-rigward tal-kriterji ta' għażla u għotja.

—

L-applikant għall-għotja għandu jaġġudika l-kuntratt lil dawk li jitfgħu offerti li jkunu ppreżentaw l-offerta li toffri l-aħjar proporzjon bejn prezz u kwalità, waqt li joqgħod attent li ma jkunx hemm kunflitt ta' interessi. Fil-każ li s-subkuntrattar jaqbeż l-ammont ta' EUR 60 000,00, l-applikant ikun irid jiddokumenta, ladarba jintgħażel, li s-subkuntrattur intgħażel fuq il-bażi tal-aħjar proporzjon bejn prezz u kwalità.

—

jassumi r-responsabbiltà ġenerali tas-sħubija fir-rigward tal-Kummissjoni;

—

jissorvelja l-attivitajiet tal-membri parteċipanti l-oħra;

—

jiżgura l-koerenza globali u s-sottomissjoni fil-ħin tar-riżultati tal-istħarriġ;

—

jiċċentralizza l-firma tal-kuntratt u jagħti lill-Kummissjoni l-kuntratt iffirmat kif suppost mill-parteċipanti kollha (anki permezz ta' prokura);

—

jiċċentralizza l-kontribuzzjoni finanzjarja tal-Kummissjoni u jqassam il-pagamenti lill-parteċipanti;

—

jiġbor id-dokumenti ta' sostenn tan-nefqa sostnuta minn kull parteċipant u jippreżentahom f'sottomissjoni waħda.

(a)

huma falluti jew qed jiġu stralċjati, għandhom l-attivitajiet tagħhom amministrati mill-qrati, daħlu f'arranġament mal-kredituri, issospendew l-attivitajiet tan-negozju tagħhom, huma s-suġġett ta' proċeduri dwar dawn l-affarijiet, jew jinsabu f'xi sitwazzjoni analoga li tirriżulta minn proċedura simili pprovduta fil-leġiżlazzjoni jew regolamenti nazzjonali;

(b)

ġew misjuba ħatja ta' reat li jikkonċerna l-kondotta professjonali tagħhom b'sentenza li hija res judicata;

(c)

kienu ħatja ta' kondotta professjonali ħażina serja ppruvata bi kwalunkwe mezz li l-awtoritajiet kontraenti jistgħu jiġġustifikaw;

(d)

ma ssodisfawx l-obbligi li jirrigwardaw il-pagament ta' kontribuzzjonijiet tas-sigurtà soċjali jew il-pagament ta' taxxi skont id-dispożizzjonijiet ġuridiċi tal-pajjiż li fih huma stabbiliti jew ta' dawk tal-pajjiż tal-awtorità kontraenti jew ta' dawk tal-pajjiż fejn il-kuntratt għandu jiġi eżegwit;

(e)

kienu s-suġġett ta' sentenza li għandha s-saħħa ta' res judicata għal frodi, korruzzjoni, involviment f'organizzazzjoni kriminali, jew kwalunkwe attività illegali oħra li hi ta' detriment għall-interessi finanzjarji tal-Unjoni;

(f)

wara proċedura oħra ta' akkwist jew ta' aġġudikazzjoni ta' għotja koperti mill-baġit tal-Unjoni, ġew iddikjarati li kienu qed jonqsu serjament milli josservaw l-obbligi tagħhom;

(g)

huma suġġetti għal kunflitt ta' interess;

(h)

huma ħatja ta' miżrappreżentazzjoni meta jagħtu l-informazzjoni mitluba jew jonqsu milli jagħtu din l-informazzjoni.

(a)

każijiet ta' frodi msemmija fl-Artikolu 1 tal-Konvenzjoni dwar il-protezzjoni tal-interessi finanzjarji tal-Komunitajiet Ewropej imfassla mill-Att tal-Kunsill tas-26 ta' Lulju 1995 (2);

(b)

każijiet ta' korruzzjoni kif imsemmija fl-Artikolu 3 tal-Konvenzjoni dwar il-ġlieda kontra l-korruzzjoni li tinvolvi uffiċjali tal-Komunitajiet Ewoprej jew uffiċjali tal-Istati Membri tal-Unjoni Ewropea, imfassla mill-Att tal-Kunsill tas-26 ta' Mejju 1997 (3);

(c)

każijiet ta' involviment f'organizzazzjoni kriminali, kif definita fl-Artikolu 2(1) tal-Azzjoni Konġunta 98/733/ĠAI tal-Kunsill (4);

(d)

każijiet ta' ħasil ta' flus kif definit fl-Artikolu 1 tad-Direttiva tal-Kunsill 91/308/KEE (5).

1.

Bla ħsara għall-applikazzjoni ta' penali stipulati fil-kuntratt, kandidati jew offerenti u kuntratturi li għamlu dikjarazzjonijiet foloz, għamlu żbalji sostanzjali jew wettqu irregolaritajiet jew frodi, jew ikunu nstabu fi ksur serju tal-obbligi kuntrattwali tagħhom, jistgħu jiġu esklużi mill-kuntratti u l-għotjiet kollha ffinanzjati mill-baġit tal-Unjoni għal perjodu massimu ta' ħames snin mid-data li fiha jkun ġie stabbilit il-ksur, kif ikkonfermat wara proċedura kontenzjuża mal-kuntrattur.

Dak il-perjodu jista' jiġi estiż għal 10 snin fil-każ ta' offiża ripetuta fi żmien ħames snin mid-data msemmija fl-ewwel subparagrafu.

2.

Offerenti jew kandidati li għamlu dikjarazzjonijiet foloz, wettqu żbalji sostanzjali, irregolaritajiet jew frodi, jistgħu jkunu wkoll suġġetti għal penali finanzjarji li jirrappreżentaw 2 % sa 10 % tal-valur totali stmat tal-kuntratt li jkun qed jingħata.

Kuntratturi li nstabu fi ksur serju tal-obbligi kuntrattwali tagħhom jistgħu jkunu suġġetti għal penali finanzjarji li jirrappreżentaw 2 % sa 10 % tal-valur totali tal-kuntratt ikkonċernat.

Din ir-rata tista' tiżdied għal 4 % sa 20 % fil-każ ta' ksur ripetut fi żmien ħames snin mid-data msemmija fl-ewwel subparagrafu tal-paragrafu 1.

1.

Fil-każ imsemmi fil-punt 5. 2(c) il-kandidati jew l-offerenti għandhom jiġu esklużi mill-kuntratti u għotjiet kollha għal massimu ta' ħames snin mid-data li fiha jitwettaq il-ksur jew, fil-każ ta' ksur kontinwu jew ripetut, id-data li fiha jieqaf il-ksur.

2.

Fil-każijiet imsemmija fil-punti 5.2(b) u (e), il-kandidati jew l-offerenti għandhom ikunu esklużi mill-kuntratti u l-għotjiet kollha għal massimu ta' ħames snin mid-data tas-sentenza li jkollha s-saħħa ta' res judicata.

Dawk il-perjodi ta' esklużjoni jistgħu jiġu estiżi għal 10 snin fil-każ ta' offiża ripetuta fi żmien ħames snin mid-dati msemmija fil-punti 1 u 2 hawn fuq.

—

Il-konformità tal-proposta mal-metodoloġija tal-Programm Konġunt Armonizzat tal-BCS tal-UE;

—

Mill-inqas tliet snin ta' esperjenza ppruvata fit-tħejjija u t-twettiq tal-istħarriġiet mensili jew trimestrali. Il-profil tal-applikant kif ukoll l-esperjenza u l-kwalifiki tal-esperti u l-maniġers se jiġu kkunsidrati;

—

Il-kapaċità tal-applikant li jikkompila l-istħarriġ u li jibgħat id-dejta kull xahar (jew jekk xieraq kull tliet xhur) fiż-żmien dovut (eż. fuq il-bażi tar-riżorsi għad-dispożizzjoni tiegħu u l-evidenza tal-esperjenza rilevanti).

—

Il-kwalità tal-metodoloġija proposta tal-istħarriġ imsejsa fuq l-ispeċifikazzjonijiet tekniċi (id-disinn tal-kampjun, il-metodu tal-istħarriġ, ir-rata ta' kopertura, il-kwalità rappreżentattiva tar-riżultati). It-tagħrif ulterjuri li ġej se jiġi kkunsidrat:

—

Il-livell ta' esperjenza u kompetenza tal-kandidat fl-iżvilupp ta' metodoloġija ta' stħarriġ, fit-tiswir ta' indikaturi bbażati fuq ir-riżultati tal-istħarriġ u fl-użu tar-riżultati tal-istħarriġ għall-analiżi u r-riċerka ċiklika u ekonomika, inkluża l-analiżi skont is-settur;

—

L-effiċjenza tal-loġistika u l-organizzazzjoni tax-xogħol tal-offerent f'termini ta' infrastruttura, faċilitajiet u persunal ikkwalifikat għat-twettiq tal-ħidmiet kif speċifikati fit-Termini ta' Referenza.

—

Il-livell ta' konformità tal-kandidat mal-proċessi formalizzati tan-negozju u mal-istandards internazzjonali ta' ġestjoni ta' kwalità, speċjalment fit-tmexxija tal-istħarriġiet.

—

proposta amministrattiva,

—

proposta teknika,

—

proposta finanzjarja.

—

formola ta' applikazzjoni għal għotja,

—

formola ta' entità ġuridika,

—

formola ta' identifikazzjoni finanzjarja,

—

dikjarazzjoni tal-unur (fir-rigward tal-kriterji ta' esklużjoni),

—

dikjarazzjoni li tindika r-rieda għall-iffirmar tal-ftehim qafas ta' sħubija u l-ftehim speċifiku tal-għotja,

—

dikjarazzjoni dwar il-pubblikazzjoni, ir-rilaxx u l-użu ta' dejta,

—

formola għad-deskrizzjoni tal-metodoloġija tal-istħarriġ,

—

formola dwar is-subkuntrattar,

—

rendikont ta' baġit biex jiġu pprovduti stimi tal-ispejjeż u l-pjan finanzjarju tal-istħarriġ,

—

aide-mémoire għat-tfassil ta' stimi finanzjarji u rendikonti finanzjarji,

—

mudell tal-ftehim qafas ta' sħubija,

—

mudell tal-ftehim annwali speċifika ta' għotja.

(a)

billi tniżżilhom mill-indirizz tal-Internet li ġej:

http://ec.europa.eu/economy_finance/procurement_grants/grants/proposals/index_en.htm

(b)

f’każ li l-ewwel għażla mhijiex possibbli, billi tikteb lill-Kummissjoni fl-indirizz postali:

Jekk jogħġbok agħmel referenza għal “Call for proposals — ECFIN/A3/2010/020”;

—

Formola standard ta' applikazzjoni għal għotja ffirmata kif xieraq,

—

Formola standard ta' entità ġuridika mimlija u ffirmata kif xieraq u d-dokumentazzjoni ta' sostenn mitluba li tipprova l-istatus ġuridiku tal-korp jew istituzzjoni,

—

Formola standard ta' indentifikazzjoni finanzjarja mimlija u ffirmata kif xieraq,

—

Dikjarazzjoni tal-unur standard u ffirmata kif xieraq (fir-rigward tal-kriterji ta' esklużjoni),

—

Dikjarazzjoni standard iffirmata kif xieraq li turi l-kunsens għall-iffirmar tal-ftehim qafas ta' sħubija u l-ftehim speċifiku ta' għotja, jekk il-proposta tkun magħżula,

—

Dikjarazzjoni standard mimlija u ffirmata kif xieraq dwar il-pubblikazzjoni, ir-rilaxx u l-użu ta' dejta b'rabta mal-istħarriġiet fl-impriżi u l-konsumaturi tal-Kummissjoni Ewropea.

—

L-organigramma tal-korp jew l-istitut, li turi l-ismijiet u l-pożizzjonijiet tal-maniġment u tas-servizz operattiv responsabbli mit-tmexxija tal-istħarriġ(iet),

—

Prova ta' qagħda finanzjarja soda: karti tal-bilanċ u dikjarazzjonijiet tad-dħul, iċċertifikati mill-awdituri, mill-aħħar sentejn finanzjarji li għalihom ingħalqu l-kontijiet,

—

Dikjarazzjoni li tidentifika l-membru li jaġixxi bħala koordinatur, iffirmata minn kull membru li jipparteċipa, fil-każ ta' proposta konġunta.

—

Deskrizzjoni tal-attivitajiet tal-korp jew l-istitut li tippermetti li ssir il-valutazzjoni tal-kwalifiki tagħha u l-iskop u t-tul tal-esperjenza tagħha fl-oqsma mitluba taħt il-punt 6.2. Dan għandu jfisser kwalunkwe studju, kuntratt ta' servizz, xogħol ta' konsulenza, stħarriġ, pubblikazzjoni jew xogħol ieħor imwettaq qabel, bl-indikazzjoni tal-isem tal-klijent u anki jiġi ddikjarat liema, jekk hemm, kienu saru għall-Kummissjoni Ewropea. Għandhom jiġu mehmuża l-iktar studji u/jew riżultati rilevanti.

—

Deskrizzjoni dettaljata tal-organizzazzjoni operattiva biex jitwettqu l-istħarriġiet. Għandha tiġi mehmuża d-dokumentazzjoni rilevanti dwar l-infrastruttura, il-faċilitajiet, ir-riżorsi u l-persunal kwalifikat (CV's konċiżi tal-persunal li l-iktar huma involuti fit-twettiq tal-istħarriġ(iet)) għad-dispożizzjoni tal-applikant,

—

Kampjun ta' kwestjonarju bl-Ingliż kif ukoll bil-lingwa li biha se jsir l-istħarriġ;

—

Formola/formoli standard mimlija b'mod korrett li jagħtu deskrizzjoni dettaljata tal-metodoloġija tal-istħarriġ;

—

Formola standard mimlija b'mod korrett dwar is-subkuntratturi involuti fl-azzjoni, inkluża deskrizzjoni dettaljata tax-xogħlijiet li għandhom jiġu subkuntrattati.

—

Rendikont standard ta' baġit dettaljat u mimli kif xieraq (f’euro u mingħajr VAT sakemm l-applikant ma jistax juri li l-VAT ma tistax tiġi rkuprata – are l-punt li jmiss), li jkopri perjodu ta' 12-il xahar, għal kull stħarriġ, li jkun fih pjan finanzjarju tal-azzjoni u analiżi dettaljata tal-ispejjeż eliġibbli globali u ta' unitajiet għat-tmexxija tal-istħarriġ(iet), inklużi spejjeż ta' subkuntrattar,

—

Ċertifikat ta' eżenzjoni mill-VAT, jekk applikabbli,

—

Dokument iffirmat li jiċċertifika l-kontribuzzjoni(jiet) finanzjarja(i) minn organizzazzjoni(jiet)/sponser(s) esterni (ta' kofinanzjament), jekk applikabbli.

(a)

bil-posta jew permezz ta' servizz ta' konsenja ddatati mhux aktar tard mit-8 ta' Novembru 2010. Bħala prova tad-data meta jintbagħtu għandu jitqies it-timbru tal-posta jew id-data tal-irċevuta tad-depożitu tas-servizz ta' konsenja, fl-indirizz li ġej:

(b)

jew permezz ta' konsenja lis-servizz tal-posta ċentrali tal-Kummissjoni Ewropea (konsenja personali jew konsenja minn kwalunkwe rappreżentant awtorizzat tal-applikant, inkluż is-servizzi ta' konsenja personali) fl-indirizz li ġej:

mhux iktar tard mit-8 ta’ Novembru 2010 sal-16:00 (ħin ta' Brussell). F'dan il-każ, il-prova tas-sottomissjoni tkun permezz ta' rċevuta ddatata u ffirmata mill-uffiċjal li jilqa’ l-offerti fid-dipartiment imsemmi iktar ’il fuq.

7.10.2010   

MT

Il-Ġurnal Uffiċjali tal-Unjoni Ewropea

C 271/25

(1)

Billi naqset milli tadotta l-miżuri neċessarji kollha biex timplimenta bis-sħiħ fil-leġislazzjoni nazzjonali l-Att imsemmi fil-punt 1 tal-Anness VII tal-Ftehim taż-ŻEE (Id-Direttiva 2005/36/KE tal-Parlament Ewropew u tal-Kunsill tas-7 ta’ Settembru 2005 dwar ir-Rikonoxximent tal-Kwalifiki Professjonali), kif adattat għall-Ftehim taż-ŻEE mill-Protokoll 1 tiegħu, jew milli tavża lill-Awtorità dwar dawn il-miżuri, ir-Repubblika tal-Islanda naqset milli twettaq l-obbligi tagħha skont l-Artikolu 643(1) tad-Direttiva u skont l-Artikolu 7 taż-ŻEE;

(2)

Ir-Repubblika tal-Islanda għandha tħallas l-ispejjeż tal-proċedimenti.

—

L-applikazzjoni tindirizza n-nuqqas tal-Islanda li tikkonforma mal-opinjoni raġunata maħruġa mill-Awtorità ta' Sorveljanza tal-EFTA dwar in-nuqqas li tadotta l-miżuri kollha meħtieġa biex timplimenta bis-sħiħ l-Att taż-ŻEE li jikkorrispondi għad-Direttiva 2005/36/KE tal-Unjoni Ewropea dwar ir-Rikonoxximent ta' Kwalifiki Professjonali kif emendata, jew li tinnotifika lill-Awtorità dwarhom,

—

Il-miżuri Islandiżi li għad iridu jiġu implimentati jirrigwardaw l-adozzjoni ta' regolamenti nazzjonali li jipprovdu għal regoli speċifiċi għas-settur dwar ir-rikonoxximent ta' kwalifiki professjonali miksuba fi Stati oħra taż-ŻEE,

—

L-Awtorità ta' Sorveljanza tal-EFTA ssostni li ma rċevietx informazzjoni mill-Islanda li tindika li l-Att ġie implimentat bis-sħiħ fil-liġi nazzjonali, u lanqas mhi fil-pussess ta' xi informazzjoni oħra li permezz tagħha tkun tista' tikkonkludi dan,

—

Il-Gvern Islandiż ma kkontestax id-dewmien fl-implimentazzjoni sħiħa tal-Att.

7.10.2010   

MT

Il-Ġurnal Uffiċjali tal-Unjoni Ewropea

C 271/26

(1)

Billi naqset milli tadotta l-miżuri meħtieġa biex timplimenta bis-sħiħ l-Att imsemmi fil-punt 1 tal-Anness VII tal-Ftehim taż-ŻEE (Id-Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-Rikonoxximent tal-Kwalifiki Professjonali, kif emendata bir-Regolament tal-Kummissjoni (KE) Nru 1430/2007 tal-5 ta' Diċembru 2007 li jemenda l-Annessi II u III tad-Direttiva 2005/36/KE tal-Parlament Ewropew u tal-Kunsill dwar ir-Rikonoxximent tal-Kwalifiki Professjonali u mir-Regolament tal-Kummissjoni (KE) Nru 755/2008 tal-31 ta' Lulju 2008 li jemenda l-Anness II tad-Direttiva 2005/36/KE tal-Parlament Ewropew u tal-Kunsill dwar ir-Rikonoxximent tal-Kwalifiki Professjonali), hekk kif addattat għall-Ftehim ŻEE mill-Protokoll 1 tiegħu, jew milli tinnotifika lill-Awtorità dwar dawn il-miżuri, fiż-żmien stipulat, il-Prinċipat tal-Liechtenstein naqas milli jissodisfa l-obbligi skont l-Artikolu 63(1) tad-Direttiva u skont l-Artikolu 7 ŻEE;

(2)

Il-Prinċipat tal-Liechtenstein għandu jħallas l-ispejjeż ta’ dawn il-proċedimenti.

—

L-applikazzjoni tindirizza n-nuqqas tal-Liechtenstein li jikkonforma ma' opinjoni raġunata maħruġa mill-Awtorità ta' Sorveljanza tal-EFTA dwar meta Stat Membru jonqos milli jadotta l-miżuri meħtieġa biex jiġi implimentat bis-sħiħ l-Att taż-ŻEE li jikkorrispondi mad-Direttiva 2005/36/KE tal-Unjoni Ewropea dwar ir-Rikonoxximent tal-Kwalifiki Professjonali kif emendata, jew milli jinnotifika lill-Awtorità dwarhom,

—

Il-miżuri tal-Liechtenstein li għad iridu jiġu implimentati jikkonċernaw ir-rikonoxximent tal-kwalifiki professjonali miksuba fi Stati oħra taż-ŻEE li jirrigwardaw is-settur tal-artiġjanat,

—

L-Awtorità ta' Sorveljanza tal-EFTA ssostni li ma rċevietx informazzjoni mill-Gvern tal-Liechtenstein li tindika li l-Att ġie implimentat bis-sħiħ fil-liġi nazzjonali, u lanqas mhi fil-pussess ta' xi informazzjoni oħra li tista' tippermettilha tikkonkludi dan,

—

Il-Gvern tal-Liechtenstein ma kkontestax id-dewmien fl-implimentazzjoni sħiħa tal-Att.

7.10.2010   

MT

Il-Ġurnal Uffiċjali tal-Unjoni Ewropea

C 271/27

(1)

Billi naqset milli tadotta l-miżuri meħtieġa biex timplimenta bis-sħiħ l-Atti msemmija fil-punt 1 u l-punt 1, it-tieni inċiż, tal-Anness VII tal-Ftehim taż-ŻEE (Id-Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-Rikonoxximent tal-Kwalifiki Professjonali, kif emendata bir-Regolament tal-Kummissjoni (KE) Nru 1430/2007 tal-5 ta' Diċembru 2007 li jemenda l-Annessi II u III tad-Direttiva 2005/36/KE tal-Parlament Ewropew u tal-Kunsill dwar ir-Rikonoxximent tal-Kwalifiki Professjonali), hekk kif addattat għall-Ftehim taż-ŻEE mill-Protokoll 1 tiegħu, jew milli tinnotifika lill-Awtorità dwar dawn il-miżuri, fiż-żmien stipulat, ir-Renju tan-Norveġja naqas milli jissodisfa l-obbligi skont l-Artikolu 63(1) tad-Direttiva u skont l-Artikolu 7 ŻEE;

(2)

Ir-Renju tan-Norveġja għandu jħallas l-ispejjeż ta’ dawn il-proċedimenti.

—

L-applikazzjoni tindirizza n-nuqqas tan-Norveġja li tikkonforma ma' opinjoni raġunata maħruġa mill-Awtorità ta' Sorveljanza tal-EFTA dwar meta Stat Membru jonqos milli jadotta l-miżuri meħtieġa biex jimplimenta bis-sħiħ l-Att taż-ŻEE li jikkorrispondi mad-Direttiva 2005/36/KE tal-Unjoni Ewropea dwar ir-Rikonoxximent tal-Kwalifiki Professjonali kif emendata, jew li jinnotifika lill-Awtorità dwarhom,

—

Il-miżuri tan-Norveġja li għad iridu jiġu implimentati jikkonċernaw emendi ta' numru ta' regolamenti nazzjonali dwar ir-rikonoxximent ta' kwalifiki professjonali miksuba fi Stati oħra taż-ŻEE,

—

L-Awtorità ta' Sorveljanza tal-EFTA ssostni li ma rċevietx informazzjoni mill-Gvern tan-Norveġja li tindika li l-Att ġie implimentat bis-sħiħ fil-liġi nazzjonali, u lanqas mhi fil-pussess ta' xi informazzjoni oħra li tista' tippermettilha tikkonkludi dan,

—

Il-Gvern tan-Norveġja ma kkontestax id-dewmien fl-implimentazzjoni sħiħa tal-Att.

7.10.2010   

MT

Il-Ġurnal Uffiċjali tal-Unjoni Ewropea

C 271/28