Vetturi b’magna bil-karru: imġiba fin-nar tal-materjali użati fil-fittings interni ta’ karozzi tal-linja u kowċis (sal-2014)

L-għan ta’ din id-direttiva huwa li tarmonizza l-liġijiet nazzjonali dwar l-imġiba fin-nar ta’ materjali użati fil-fittings interni tal-karozzi tal-linja u kowċis

ATT

Id-Direttiva 95/28/KE tal-Parlament Ewropew u tal-Kunsill ta' l-24 ta' Ottubru 1995 dwar il-mod kif iġibu ruħhom fi ħruq ċerti materjali użati fil-kostruzzjoni minn ġewwa ta' ċerti kategoriji ta' vetturi bil-mutur

SOMMARJU

Din id-Direttiva timplimenta parti mill-proċedura tal-approvazzjoni KE tat-tip stabbiilta fid-Direttiva tal-Kunsill 70/156/KEE dwar l-approssimazzjoni tal-liġijiet tal-Istati Membri fir-rigward tal-approvazzjoni tat-tip għal vetturi b’magna u l-karru tagħhom. Id-dispożizzjonijiet tad-Direttiva 70/156/KEE dwar is-sistemi, komponenti u unitajiet tekniċi fil-vetturi għalhekk tapplika għall-għanijiet tad-Direttiva 95/28/KE.

Id-Direttiva tindirizza l-imġiba fin-nar (fjammabilità, rata ta’ kombustjoni u mġiba ta’ tidwib) ta’ materjali użati fil-karozzi tal-linja u kowċis tal-kategorija M3, li jġorru aktar minn tnejn u għoxrin passiġġier.

L-ambitu ta’ din id-Direttiva ma jkoprix karozzi tal-linja u kowċis għall-ġarr ta’ passiġġieri bil-wieqfa jew għall-użu urban.

Stati Membri ma jistgħux jirrifjutaw jew jipprojbixxu l-approvazzjoni KE tat-tip, l-approvazzjoni nazzjonali tat-tip, reġistrazzjoni, tqegħid fit-triq jew użu ta’ vettura/komponent li jissodisfaw il-ħtiġijiet ta’ din id-Direttiva.

Din id-Direttiva hija revokata mir-Regolament (KE) Nru 661/2009 mill-1 ta’ Novembru 2014.

L-aħħar aġġornament: 02.07.2014