Tratturi u makkinarju agrikolu jew forestali: brejkijiet

Fl-interessi tas-sigurtà fuq ix-xogħol, din id-direttiva tistipula regoli u ħtiġijiet li jippermettu l-proċedura tal-approvazzjoni tat-tip għal tratturi li għandha tkun applikata fir-rigward tal-apparat tal-brejkijiet.

ATT

Id-Direttiva 76/432/KEE tas-6 ta' April 1976 dwar l-approssimazzjoni tal-liġijiet ta’ l-Istati Membri relatati ma’ l-mezzi ta’ l-ibbrejkjar ta’ tratturi bir-roti għall-agrikoltura jew għall-forestrija.

SOMMARJU

Kamp ta’ applikazzjoni

Id-direttiva tapplika għal tratturi li għandhom roti pnewmatiċi u żewġt ifwies, u li għandhom veloċità ddiżinjata massima ta’ bejn 6 u 40 kilometru fis-siegħa.

Il-pajjiżi tal-UE ma jistgħux jirrifjutaw li jagħtu approvazzjoni tal-KE jew nazzjonali għal trattur għal raġunijiet relatati mal-apparat tal-brejkijiet jekk dawn jissodisfaw il-ħtiġijiet tekniċi stipulati fl-Annessi I sa IV tad-direttiva. L-istess japplika għal reġistrazzjoni, bejgħ, dħul fis-servizz u użu ta’ tratturi bħal dawn.

L-annessi għandhom dan li ġej:

• Anness I: definizzjonijiet, applikazzjoni għall-approvazzjoni tat-tip KE, approvazzjoni tat-tip KE, kostruzzjoni u ħtiġijiet ta’ twaħħil;
• Anness II: testijiet tal-brejkijiet u prestazzjoni tal-apparat tal-brejkijiet;
• Anness III: brejkijiet tal-molol;
• Anness IV: brejkijiet għall-parking permezz ta’ llokkjar mekkaniku taċ-ċilindri tal-brejkijiet (attwaturi ta' llokjar);
• Anness V: Mudell taċ-ċeritifkat tal-approvazzjoni tat-tip.

Adattamenti għall-progress tekniku

Emendi meħtieġa sabiex jadattaw l-annessi għall-progress tekniku ġew adottati skont il-proċedura preskritta fid-Direttiva 74/150/KEE li sussegwentament ġiet revokata u mibdula mid-Direttiva 2003/37/KE.

Revoka

Ir-Regolament (UE) Nru 167/2013 tal-5 ta' Frar 2013 jirrevoka d-Direttiva 76/432/KEE u d-Direttiva 2003/37/KE b’effett mill-1.1.2016.

L-aħħar aġġornament: 30.06.2014