Informazzjoni u konsultazzjoni tal-impjegati — Kunsilli tax-Xogħlijiet Ewropej

SOMMARJU TA’:

Direttiva 2009/38/KE dwar l-istabbiliment ta’ Kunsill tax-Xogħlijiet Ewropew jew proċedura fl-impriżi fuq skala Komunitarja u fil-gruppi tal-impriżi fuq skala Komunitarja għall-għanijiet ta’ informazzjoni u ta’ konsultazzjoni tal-impjegati

X’INHU L-GĦAN TAD-DIRETTIVA?

Din għandha l-għan li tiżgura informazzjoni:* u konsultazzjoni* drittijiet fuq kwistjonijiet transnazzjonali għall-persunal f’kumpaniji fuq skala Komunitarja* (b’mill-inqas 1 000 impjegat) jew gruppi ta’ kumpaniji*. Tikseb dan il-għan billi tistabbilixxi kunsill tax-xogħlijiet Ewropew jew proċeduri oħrajn xierqa.

PUNTI EWLENIN

Permezz ta’ kunsilli tax-xogħlijiet Ewropej, il-ħaddiema jiġu infurmati u kkonsultati fuq livell transnazzjonali mill-amministrazzjoni dwar il-progress tan-negozju u bi kwalunkwe deċiżjoni li tista’ taffettwahom.
Il-maniġment ċentrali huwa responsabbli biex jagħti l-informazzjoni li tippermetti lin-negozjati jistabbilixxu kunsill tax-xogħlijiet Ewropew jew proċeduri ta’ informazzjoni u konsultazzjoni.
L-arranġamenti ddettaljati jinħadmu bejn il-maniġment ċentrali u r-rappreżentanti tal-impjegati li jagħmlu parti minn korp speċjali għan-negozjar.
Ir-rappreżentanti tal-impjegati, jew kwalunkwe espert li jikkonsultahom, ma jistgħux jiżvelaw informazzjoni espressament ipprovduta lilhom b’mod kunfidenzjali.
Il-membri tal-kunsill tax-xogħlijiet Ewropew għandu jkollhom il-mezzi biex japplikaw id-drittijiet li tagħti l-leġiżlazzjoni. Dan jinkludi taħriġ ta’ rappreżentanti tal-impjegati mingħajr ma jitilfu l-paga.
Inizjalment, il-pajjiżi tal-UE setgħu jeskludu l-baħrin tal-flotot merkantili navali mil-legiżlazzjoni. Madankollu, ġew inklużi f’emenda adottata f’Ottubru 2015 (Direttiva (UE) 2015/1794).

MINN META TAPPLIKA D-DIRETTIVA?

Ilha tapplika mill-5 ta’ Ġunju 2009. Din kellha ssir liġi fil-pajjiżi tal-UE sal-5 ta’ Ġunju 2011.

SFOND

Fl-2016, is-servizzi tal-Kummissjoni eżaminaw l-impatt(i) tal-implementazzjoni tad-Direttiva 2009/38/KE, u b’mod partikolari dawk li jirriżultaw minn bidliet magħmula għad-Direttiva 94/45/KE (il-leġiżlazzjoni oriġinali dwar il-Kunsilli tax-Xogħlijiet Ewropej li d-Direttiva 2009/38/KE ssostitwiet).

Għal aktar informazzjoni, ara:

Involviment tal-impjegati — Kunsilli tax-Xogħlijiet Ewropej (Il-Kummissjoni Ewropea).

TERMINI EWLENIN

Informazzjoni: trażmissjoni ta’ data mill-impjegatur lir-rappreżentanti tal-impjegati sabiex ikunu jistgħu jifhmu kwistjoni u jevalwaw l-impatt tagħha.

Konsultazzjoni: djalogu bejn il-ġestjoni ċentrali u r-rappreżentanti tal-impjegaturi sabiex dawn tal-aħħar ikunu jistgħu jesprimu opinjoni.

Kumpanija fuq skala Komunitarja: waħda b’mill-inqas 1 000 impjegat f’iktar minn pajjiż wieħed tal-UE u 150 persunal f’minimu ta’ tnejn minnhom.

Grupp ta’ kumpaniji fuq skala Komunitarja: grupp b’mill-inqas 1 000 impjegat b’kollox, żewġ kumpaniji f’pajjiżi differenti tal-UE u lista ta’ 150 persunal f’minimu ta’ tnejn minnhom.

DOKUMENT EWLIENI

Direttiva 2009/38/KE tal-Parlament Ewropew u tal-Kunsill tas-6 ta’ Mejju 2009 dwar l-istabbiliment ta’ Kunsill tax-Xogħlijiet Ewropew jew proċedura fl-impriżi fuq skala Komunitarja u fil-gruppi tal-impriżi fuq skala Komunitarja għall-għanijiet ta’ informazzjoni u ta’ konsultazzjoni tal-impjegati (tfassil mill-ġdid) (ĠU L 122, 16.5.2009, pp. 28-44)

Emendi u korrezzjonijiet suċċessivi għad-Direttiva 2009/38/KE ġew inkorporati fit-test bażiku. Din il-verżjoni kkonsolidata hija biss għal finijiet ta’ referenza.

DOKUMENTI RELATATI

Direttiva (UE) 2015/1794 tal-Parlament Ewropew u tal-Kunsill tas-6 ta’ Ottubru 2015 li temenda d-Direttivi 2008/94/KE, 2009/38/KE u 2002/14/KE tal-Parlament Ewropew u tal-Kunsill, u d-Direttivi tal-Kunsill 98/59/KE u 2001/23/KE, fir-rigward tal-baħħara (ĠU L 263, 8.10.2015, pp. 1-5)

l-aħħar aġġornament 03.06.2021