18.5.2017 |
MT |
Il-Ġurnal Uffiċjali tal-Unjoni Ewropea |
C 155/7 |
Talba għal Opinjoni Konsultattiva tal-Qorti tal-EFTA minn Fürstliches Obergericht datata l-20 ta’ Diċembru 2016 fil-kawża Pascal Nobile vs DAS Rechtsschutz-Versicherungs AG
(il-Kawża E-21/16)
(2017/C 155/05)
Permezz ta’ ittra tal-20 ta’ Diċembru 2016 saret talba għal Opinjoni Konsultattiva fil-kawża Pascal Nobile vs DAS Rechtsschutz-Versicherungs AG, lill-Qorti tal-EFTA minn Fürstliches Obergericht (il-Qorti tal-Appell tal-Prinċep), li waslet fir-Reġistru tal-Qorti fl-20 ta’ Diċembru 2016, dwar il-mistoqsijiet li ġejjin:
1. |
L-Artikolu 201(1)(a) tad-Direttiva 2009/138/KE tal-Parlament Ewropew u tal-Kunsill tal-25 ta’ Novembru 2009 dwar il-bidu u l-eżerċizzju tan-negozju tal-Assigurazzjoni u tar-Riassigurazzjoni (Solvibbiltà II) jipprekludi ftehim kuntrattwali bejn assigurazzjoni tal-ispejjeż legali u persuna assigurata, li abbażi tiegħu dan huwa ksur ta’ dmirijiet tal-persuna assigurata, li jeħles lill-kumpanija tal-assigurazzjoni mill-obbligi tagħha, jekk il-persuna assigurata tawtorizza avukat biex jirrappreżenta l-interessi tagħha, mingħajr il-kunsens tal-assigurazzjoni tal-ispejjeż legali, f’mument meta l-persuna assigurata tkun intitolata li tagħmel talba skont kuntratt ta’ assigurazzjoni tal-ispejjeż legali? |
2. |
F’każ li l-ewwel mistoqsija tkun imwieġba fin-negattiv: Fi proċedimenti ta’ litigazzjoni, meta jibda l-proċediment ġudizzjarju jew amministrattiv imsemmi fl-Artikolu 201(1)(a) tad-Direttiva 2009/138/KE, li jwassal għall-għażla libera tal-avukat? Il-mument speċifiku huwa bbażat biss fuq il-bidu formali ta’ proċediment ġudizzjarju (il-kawża mressqa quddiem il-qorti), jew jirreferi wkoll għall-passi preċedenti, u, jekk iva, liema? |
3. |
F’każ li l-mistoqsijiet 1 u 2 jingħataw risposta wara s-16 ta’ Jannar 2017:
|