15.3.2016 |
MT |
Il-Ġurnal Uffiċjali tal-Unjoni Ewropea |
C 99/4 |
SEJĦA GĦALL-PROPOSTI EACEA/05/2016
taħt il-Programm Erasmus+
Azzjoni Ewlenija 3: Appoġġ għar-riforma politika
Inklużjoni soċjali permezz tal-edukazzjoni, it-taħriġ u ż-żgħażagħ
(2016/C 99/05)
1. Deskrizzjoni, Għanijiet
Din is-sejħa għall-proposti sejra tappoġġja proġetti fl-oqsma tal-edukazzjoni, it-taħriġ u ż-żgħażagħ, li għandhom l-għan li jaġġornaw u jxerrdu prattiki tajbin innovattivi li jaqgħu taħt il-kamp tad-Dikjarazzjoni dwar il-Promozzjoni taċ-Ċittadinanza u l-valuri komuni tal-libertà, it-tolleranza u n-nondiskriminazzjoni permezz tal-edukazzjoni tas-17 ta’ Marzu 2015 (“id-Dikjarazzjoni ta’ Pariġi” (1)).
Proposta sottomessa taħt din is-sejħa għandha tindirizza b’mod partikolari wieħed miż-żewġ għanijiet ġenerali li ġejjin, li għandu jiġi indikat fil-formola tal-applikazzjoni:
1. |
Il-prevenzjoni tar-radikalizzazzjoni vjolenti u l-promozzjoni tal-valuri demokratiċi, id-drittijiet fundamentali, il-fehim interkulturali u ċ-ċittadinanza attiva |
2. |
Trawwim tal-inklużjoni ta’ studenti żvantaġġati, inklużi persuni li ġejjin minn sfond ta’ migrazzjoni, filwaqt li jiġu impeduti u miġġielda l-prattiki diskriminatorji. |
Barra minn hekk, kull proposta għandha tindirizza għall-inqas wieħed u massimu ta’ tlieta minn dawn l-għanijiet speċifiċi li ġejjin:
1. |
It-titjib tal-akkwist ta’ kompetenzi soċjali u ċiviċi, it-trawwim tal-għarfien, il-fehim u s-sjieda ta’ valuri demokratiċi u d-drittijiet fundamentali; |
2. |
Il-prevenzjoni u l-ġlieda ta’ kwalunkwe forma ta’ diskriminazzjoni u segregazzjoni fl-edukazzjoni; |
3. |
Il-promozzjoni tal-ugwaljanza bejn is-sessi fl-ambjent tat-tagħlim, il-ġlieda kontra l-isterjotipi tal-ġeneru u l-prevenzjoni tal-vjolenza bbażata fuq il-ġeneru; |
4. |
It-tisħiħ tal-aċċess għall-edukazzjoni ewlenija ta’ kwalità u inklussiva kif ukoll taħriġ b’fokus fuq il-bżonnijiet ta’ studenti żvantaġġati; |
5. |
It-trawwim ta’ fehim reċiproku u rispett fost popli li ġejjin minn sfondi etniċi jew reliġjużi, twemmin jew konvinzjonijiet differenti, inkluż billi jiġi indirizzat l-isterjotipar u billi jiġi indirizzat id-djalogu interkulturali; |
6. |
It-tisħiħ tal-ħsieb kritiku, il-litteriżmu ċibernetiku u tal-midja fost it-tfal, iż-żgħażagħ, il-ħaddiema żgħażagħ u l-persunal fl-edukazzjoni; |
7. |
Il-ħolqien ta’ ambjenti ta’ tagħlim inklussivi u demokratiċi; |
8. |
Is-sostenn tal-għalliema, l-edukaturi fil-ġestjoni ta’ kunflitti u fl-indirizzar tad-diversità; |
9. |
Il-prevenzjoni tar-radikalizzazzjoni fil-ħabsijiet u fl-istituzzjonijiet magħluqin; |
10. |
L-inkoraġġiment tal-parteċipazzjoni taż-żgħażagħ fil-ħajja soċjali u ċivika u l-iżvilupp ta’ prattiki ta’ inklużjoni u ta’ outreach biex jintlaħqu ż-żgħażagħ; |
11. |
L-iffaċilitar tal-akkwiżizzjoni tal-lingwa(i) ta’ struzzjoni għall-migranti li jkunu għadhom kif jaslu; |
12. |
Il-valutazzjoni tal-għarfien u l-validazzjoni qabel it-tagħlim ta’ migranti li jkunu għadhom kif jaslu; |
13. |
It-tisħiħ tal-kwalità tal-attivitajiet ta’ tagħlim mhux formali, il-prattiki tax-xogħol taż-żgħażagħ u l-volontarjat. |
Din is-sejħa tinkludi żewġ lottijiet:
Lott 1 |
: |
Edukazzjoni u Taħriġ |
Lott 2 |
: |
Iż-żgħażagħ |
L-applikanti għandhom jindirizzaw biss wieħed mil-Lottijiet imsemmija hawn fuq u jindikawh fil-formola tal-applikazzjoni.
Din is-sejħa tappoġġja tliet linji ta’ żvilupp tal-proġett:
Linja ta’ żvilupp 1 |
: |
Proġetti ta’ kooperazzjoni transnazzjonali (Lott 1 u Lott 2) |
Linja ta’ żvilupp 2 |
: |
Proġetti ta’ volontarjat fuq skala kbira (Lott 2) |
Linja ta’ żvilupp 3 |
: |
Netwerking tal-Aġenziji Nazzjonali tal-Erasmus+ (2) (Lott 2) |
L-applikanti għandhom jindirizzaw biss waħda mil-Linji ta’ Żvilupp imsemmija hawn fuq u jindikawha fil-formola tal-applikazzjoni.
2. Applikanti eliġibbli
L-applikanti eliġibbli huma organizzazzjonijiet pubbliċi u privati attivi fl-oqsma tal-edukazzjoni, it-taħriġ u ż-żgħażagħ fl-oqsma koperti mid-Dikjarazzjoni ta’ Pariġi. L-applikanti meqjusin eliġibbli biex iwieġbu għal din is-sejħa huma:
— |
istituzzjonijiet edukattivi u fornituri oħrajn tat-tagħlim; |
— |
awtoritajiet pubbliċi fil-livell nazzjonali/reġjonali/lokali responsabbli għall-edukazzjoni, it-taħriġ u ż-żgħażagħ; |
— |
l-organizzazzjonijiet mingħajr skop ta’ qligħ (NGOs); |
— |
istituzzjonijiet tar-riċerka; |
— |
organizzazzjonijiet kummerċjali u sħab soċjali; |
— |
ċentri ta’ gwida u rikonoxximent; |
— |
organizzazzjonijiet internazzjonali; |
— |
kumpaniji privati; |
— |
netwerks tal-organizzazzjonijiet elenkati hawn fuq huma eliġibbli wkoll diment li jkollhom personalità ġuridika; |
— |
l-Aġenziji Nazzjonali tal-Erasmus+ fil-qasam taż-żgħażagħ (3). |
Applikazzjonijiet mill-entitajiet ġuridiċi stabbiliti f’wieħed mill-pajjiżi li ġejjin biss huma eliġibbli:
— |
it-28 Stat Membru tal-Unjoni Ewropea, |
— |
il-pajjiżi tal-EFTA/ŻEE: l-Iżlanda, il-Liechtenstein, in-Norveġja; |
— |
il-pajjiżi kandidati tal-UE: it-Turkija, dik li kienet ir-Repubblika Jugożlava tal-Maċedonja |
Rekwiżiti minimi tal-kompożizzjoni tas-sħubija
Linja ta’ żvilupp 1 |
: |
4 organizzazzjonijiet jirrappreżentaw 4 pajjiżi eliġibbli. Jekk in-netwerks huma involuti fil-proġett, is-sħubija għandha tinkludi tal-inqas 2 organizzazzjonijiet li mhumiex membri ta’ netwerk (jiġifieri żewġ sħab ta’ netwerk flimkien ma’ 2 organizzazzjonijiet mhux membri tan-netwerk); |
Linja ta’ żvilupp 2 |
: |
3 organizzazzjonijiet li jirrappreżentaw 3 pajjiżi eliġibbli. |
Linja ta’ żvilupp 3 |
: |
4 Aġenziji Nazzjonali tal-Erasmus+ fil-qasam taż-żgħażagħ, li jirrappreżentaw 4 pajjiżi eliġibbli. |
3. Attivitajiet Eliġibbli u d-Durata tal-Proġett
L-attivitajiet għandhom jibdew bejn l-1 u l-31 ta’ Diċembru 2016. Id-durata tal-proġett hija stabbilita għal jew 24 jew 36 xahar. Madankollu, jekk wara l-iffirmar tal-ftehim u l-bidu tal-proġett, għal raġunijiet kompletament iġġustifikati li mhumiex fil-kontroll tiegħu, isir impossibbli għall-benefiċjarju li jtemm il-proġett fi żmien il-perjodu skedat, tista’ tingħata estensjoni għall-perjodu ta’ eliġibilità. Tingħata estensjoni massima ta’ 6 xhur oħra, jekk it-talba ssir qabel l-iskadenza speċifikata fil-ftehim. Imbagħad, id-durata massima tkun ta’ 42 xahar.
L-attivitajiet li sejrin jiġu ffinanzjati taħt din is-sejħa jistgħu jinkludu (lista mhux eżawrjenti):
Linja ta’ żvilupp 1 - Proġetti ta’ kooperazzjoni transnazzjonali
— |
Kooperazzjoni/sħubijiet u mudelli ta’ netwerking li jinvolvu kombinazzjonijiet ta’ partijiet interessati (pubbliċi/privati) rilevanti fis-setturi differenti kollha; |
— |
Adattament tal-prattiki tat-tagħlim, għodda u materjali, inklużi kurrikula u korsijiet tad-disinn; |
— |
Konferenzi, seminars, workshops u laqgħat ma’ dawk li jfasslu l-politiki u jieħdu d-deċiżjonijiet; |
— |
Valutazzjoni, kondiviżjoni u validazzjoni ta’ prattika tajba u esperjenzi ta’ tagħlim; |
— |
Taħriġ u attivitajiet ta’ bini tal-kapaċità (eż għall-għalliema, iż-żgħażagħ, l-awtoritajiet lokali, il-persunal tal-ħabsijiet, eċċ.); |
— |
Approċċi ta’ appoġġ u prattiki ta’ outreach miż-żgħażagħ għaż-żgħażagħ; |
— |
Attivitajiet immirati ta’ sensibilizzazzjoni u disseminazzjoni bbażati fuq strateġiji ta’ komunikazzjoni effettivi u li jinvolvu materjal ta’ informazzjoni; |
— |
Rakkomandazzjonijiet operazzjonali jew politiki fil-qasam tal-edukazzjoni, it-taħriġ u ż-żgħażagħ li huma rilevanti għall-għanijiet tad-Dikjarazzjoni ta’ Pariġi; |
— |
Attivitajiet ta’ evalwazzjoni. |
Linja ta’ żvilupp 2 - Proġetti ta’ volontarjat fuq skala kbira:
— |
Attivitajiet ta’ volontarjat ta’ persuni żgħażagħ ta’ etajiet bejn 17-30 sena residenti f’pajjiż eliġibbli b’durata ta’ bejn xahrejn u 12-il xahar |
— |
Attivitajiet immirati ta’ sensibilizzazzjoni u disseminazzjoni, inklużi materjal ta’ informazzjoni u strateġiji ta’ komunikazzjoni effettivi; |
— |
Konferenzi, seminars, workshops u laqgħat ma’ dawk li jfasslu l-politiki u jieħdu d-deċiżjonijiet; |
— |
Rakkomandazzjonijiet operazzjonali jew politiki fil-qasam tal-volontarjat li huma rilevanti għas-sitwazzjoni ta’ migranti li jkunu għadhom kemm jaslu; |
— |
Approċċi ta’ appoġġ u prattiki ta’ outreach li jindirizzaw liż-żgħażagħ mill-gruppi żvantaġġati taż-żgħażagħ; |
— |
Attivitajiet ta’ evalwazzjoni. |
Linja ta’ żvilupp 3 - Netwerking tal-Aġenziji Nazzjonali tal-Erasmus+
— |
Attivitajiet immirati ta’ sensibilizzazzjoni u disseminazzjoni, inklużi materjal ta’ informazzjoni u strateġiji ta’ komunikazzjoni effettivi; |
— |
Konferenzi, seminars, workshops u laqgħat ma’ dawk li jfasslu l-politiki u jieħdu d-deċiżjonijiet; |
— |
Valutazzjoni, kondiviżjoni u validazzjoni ta’ prattika tajba u esperjenzi ta’ tagħlim; |
— |
Kooperazzjoni/sħubijiet u mudelli ta’ netwerking li jinvolvu kombinazzjonijiet ta’ partijiet interessati (pubbliċi/privati) rilevanti fis-setturi differenti kollha; |
— |
Żvilupp ta’ prattiki tat-tagħlim, għodda u materjali; |
— |
Tfassil ta’ rakkomandazzjonijiet ta’ politiki u eżempji tal-aħjar prattika |
— |
Approċċi ta’ appoġġ u prattiki ta’ outreach li jindirizzaw liż-żgħażagħ minn gruppi żvantaġġati; |
— |
Taħriġ u attivitajiet oħra ta’ bini tal-kapaċità għall-organizzazzjonijiet/istituzzjonijiet inklużi żgħażagħ u voluntiera; |
— |
Integrazzjoni ta’ innovazzjonijiet/prattiki tajba ppruvati u ttestjati fis-sistemi lokali, reġjonali, nazzjonali u Ewropej u l-integrazzjoni tagħhom; |
— |
Xogħol taż-żgħażagħ fil-livell lokali u attivitajiet ta’ volontarjat għall-ittestjar tal-għarfien li jkun inġabar; |
— |
Attivitajiet ta’ evalwazzjoni. |
Taħt il-Linji ta’ Żvilupp 1 u 3, l-attivitajiet li jseħħu f’pajjiżi eliġibbli biss se jiġu kkunsidrati eliġibbli għall-finanzjament Taħt il-Linja ta’ Żvilupp 2, l-attivitajiet li jseħħu fl-Istati Membri tal-UE biss se jiġu kkunsidrati eliġibbli għall-finanzjament.
4. Kriterji tal-Għoti
L-applikazzjonijiet eliġibbli sejrin jiġu vvalutati fuq il-bażi tal-kriterji tal-esklużjoni, is-selezzjoni u l-għoti (4).
Il-kriterji tal-għoti għall-finanzjament ta’ applikazzjoni huma:
1. |
Ir-rilevanza (30 %) |
2. |
Il-kwalità tat-tfassil tal-proġett u l-implimentazzjoni (20 %) |
3. |
Il-kwalità tas-sħubija u l-arranġamenti ta’ kooperazzjoni (20 %); |
4. |
L-impatt, id-disseminazzjoni u s-sostenibbiltà (30 %). |
Il-proposti biss li jkunu laħqu:
— |
tal-inqas il-limitu minimu ta’ 60 % tar-riżultat totali (jiġifieri riżultat aggregat tal-4 kriterji tal-għoti) kif ukoll |
— |
tal-inqas il-limitu minimu ta’ 50 % ta’ kull kriterju |
se jiġu kkunsidrati għall-finanzjament tal-UE.
5. Baġit
Il-baġit totali disponibbli għall-kofinanzjament tal-proġetti taħt din is-sejħa għal proposti huwa ta’ EUR 13 000 000, allokati kif ġej:
Lott 1 |
– |
Edukazzjoni u Taħriġ EUR 10 000 000 |
Lott 2 |
– |
Żgħażagħ EUR 3 000 000 |
Baġit għal kull Lott u allokazzjoni indikattiva għal kull Linja ta’ Żvilupp |
||||
|
Total: EUR 10 500 000 Lott 1: EUR 10 000 000 Lott 2: EUR 500 000 |
|||
|
Lott 2: EUR 1 000 000 |
|||
|
Lott 2: EUR 1 500 000 |
Il-kontribuzzjoni finanzjarja mill-UE ma tistax taqbeż 90 % tal-ispejjeż totali eliġibbli tal-proġett.
L-għotja massima għal kull proġett se tkun ta’ EUR 500 000.
L-Aġenżija tirriżerva d-dritt li ma tqassamx il-fondi kollha disponibbli għal din is-sejħa.
6. Proċedura ta’ Sottomissjoni u Skadenza
Qabel jippreżentaw l-applikazzjoni elettronika, l-applikanti se jkollhom jirreġistraw l-organizzazzjoni tagħhom fil-Portal tal-Parteċipanti għall-Edukazzjoni, l-Awdjoviżiv, il-Kultura, iċ-Ċittadinanza u l-Volontarjat u jirċievu Kodiċi ta’ Identifikazzjoni tal-Parteċipant (PIC). Il-PIC sejjer jintalab fil-formola tal-applikazzjoni.
Il-Portal tal-Parteċipant huwa l-għodda li permezz tiegħu sejra tiġi ġestita l-informazzjoni ġuridika u finanzjarja kollha relatata mal-organizzazzjonijiet. L-informazzjoni dwar kif tirreġistra tista’ tinstab fil-portal fl-indirizz li ġej: http://ec.europa.eu/education/participants/portal
L-applikanti huma mitlubin jaqraw sew l-informazzjoni kollha dwar is-sejħa għal proposti u l-proċedura ta’ sottomissjoni, u jużaw id-dokumenti li jifformaw parti mill-applikazzjoni (Pakkett tal-Applikazzjoni) fuq: https://eacea.ec.europa.eu/erasmus-plus/funding/key-action-3-initiatives-for-policy-innovation-social-inclusion-through-education-training-and-youth_en
Il-Pakkett tal-Applikazzjoni għandu jiġi sottomess onlajn bl-użu tal-formola elettronika korretta, jimtela kif suppost u jkun jinkludi l-annessi u d-dokumenti ta’ ġustifikazzjoni kollha rilevanti u applikabbli. Il-formoli tal-applikazzjoni huma disponibbli fuq l-Internet fl-indirizz li ġej: https://eacea.ec.europa.eu/PPMT/.
Il-formoli tal-applikazzjoni li ma jinkludux l-informazzjoni kollha meħtieġa u li ma jiġux sottomessi onlajn sal-iskadenza mhumiex sejrin jiġu kkunsidrati.
L-applikazzjonijiet għall-għoti għandhom jitfasslu f’waħda mil-lingwi uffiċjali tal-UE.
Skadenza tas-sottomissjoni: 30 ta’ Mejju 2016 - 12.00 (nofsinhar) CET
7. Iktar informazzjoni
Għal aktar dettalji jekk jogħġbok irreferi għal-Linji Gwida għall-Applikanti.
Il-Linji Gwida tas-Sejħa u l-Pakkett tal-Applikazzjoni huma disponibbli minn dan is-sit web li ġej:
https://eacea.ec.europa.eu/erasmus-plus/funding/key-action-3-initiatives-for-policy-innovation-social-inclusion-through-education-training-and-youth_en
Bil-posta elettronika: EACEA-Policy-Support@ec.europa.eu
(1) http://ec.europa.eu/education/news/2015/documents/citizenship-education-declaration_en.pdf
(2) Il-lista tal-Aġenziji Nazzjonali tal-Erasmus+ fil-qasam taż-żgħażagħ tista’ tinstab fuq: http://ec.europa.eu/youth/partners_networks/national_agencies_en.htm
(3) Għal-Linja ta’ Żvilupp 3 biss
(4) Ara l-Linji gwida għall-Applikanti taqsimiet 7, 8 u 9