3.10.2012   

MT

Il-Ġurnal Uffiċjali tal-Unjoni Ewropea

C 297/9

Notifika minn qabel ta' konċentrazzjoni

(Każ COMP/M.6725 – Abertis Infraestructuras/Brookfield/Partícipes)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2012/C 297/09

1.

Fil-21 ta’ Settembru 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Abertis Infraestructuras SA (“Abertis”, Spanja) u Brookfield Brazil Motor Holdings Srl ikkontrollata minn Brookfield Asset Management Inc. (“Brookfield”, il-Kanada) jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt tal-impriża Partícipes en Brasil SLU (“Partícipes”, Spanja) permezz tax-xiri ta' ishma f'kumpanija ta' impriża konġunta.

2.

L-attivitajiet kummerċjali tal-impriżi kkonċernati huma:

—

għal Abertis: il-provvediment ta' servizzi tal-infrastruttura tal-mobilità u tat-telekomunikazzjonijiet,

—

għal Brookfield: ġestjoni tal-assi b’investimenti fi proprjetà, enerġija rinnovabbli u assi ta’ infrastruttura,

—

għal Partícipes: l-operazzjoni u l-ġestjoni tal-konċessjonijiet tat-toroq bil-pedaġġ fil-Brażil.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6725 – Abertis Infraestructuras/Brookfield/Partícipes, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).